رواية اغلال القدر الفصل الحادي والعشرون 21 - بقلم الكاتبة ديانا

اغلال القدر
البارت الواحد و العشرون

ملاك ...
اني بحالة نصف واعية و توسلت بالدكتورة متفحصني و مابية شي ... هنوب صارت عصبية و گلتلي شنو هالوحشية .... توسلت بيها و طلبت منها ما تطع دكول لجواد ... بس هي مقبلت كلتلي هاي جريمة يحاسبه القانون عليها...  و طلعت لجواد و اني من خوفي و الرعب الي دب بيه ... مكدرت اكوم اكعد على حيلي ... ساعدتني السستر و لبستني ملابسي و طلعتني ... ودتني لغرفة الدكتورة جان گاعد جواد ... يم الدكتورة عينه حمر و ايده مقلصها بحيث عروگه كلها بارزة ...
الدكتورة گلتله هاي كتبت الها ادوية و لازم ترتاح فد اسبوعين ما تتقرب الها ... و لازم تجي اكشف عليها مرة ثانية احدد الها عملية تجميلية داخلية ... هو ما حجة بس هز براسه ... گلتله مثل مكتلك لو ما حلفتلي بعد ما تتقربلها و انت سكران جان بلغت عليك... و تستاهل السجن حتى تصير عبرة لغيرك ...  جواد وگف و كلها اوعدج دكتورة الي صار ميتكرر   ... اني انصدمت ... جواد ذبها براسه و اتحمل اهانة شكبرها و تهمة باطلة هو ارقى من ان يسوي هالشي و عمري ما اسامح نفسي لان جواد انجرحت رجولته و كرامته من وراية ....
باوعلي بنظرة عمري ما انساها ... نظرة تحمل عناوين هواية ... نظرة عتاب ... تساؤلات ... اشمئزاز ... احتقار ... استاهل هالشي ... هو هذا العقاب الي رح اضوك المر منه وكله من تحت ايدي ...
سقطت من نظر جواد بعد اكثر .... من قبل ...
مشة قبلي و بخطوات سريعة و اني الألم كاتلني بالگوة امشي... اريد  الحك بي ...
اتوجهت للسيارة ... و هو  راح للصيدلية حتى يجيب الدوة و ظليت اباوعله  من بعيد ...بعد كل الي سمعه جوة على زوجته و صدمته بية و جماله اتحمل حجي الدكتورة و ذبها براسه و اتحمل دكوله كلمات قاسية ... متخلف و ماخذها بوحشية... و من هالحجي الي يسمم البدن ... بس هو لساه انسان شهم و رجال من صدك ...
اجة و صعد للسيارة  ... وجهه من العصبية ميتفسر ... شياطين الدنية تنط من عينه ... عينه حمرا و حتى صدره بي بقع حمرا ... انتبهتله من تعارك وية التحارش بيه هذاك اليوم ... من صار عصبي بقع جسمه احمر ...شمر علاگة الدوة بحظني ... بس ما شال عينه و باوعلي ... شخط بالسيارة و اني گلبي يدك ع السريع و غصة الندم خنگتني صرت ابچي بس دموع و كل ثانية اباوعله اشكيله بعيني بلكي يباوعلي .... و يفهم اني مو عاهرة... اني ما بعت شرفي ... اني اتعرضت لقتل روحي و ذبح انوثتي غصب عني ...
بس ما نطاني فرصة اباوعله ... نزلنه گبال الفندق و انتظرني انزل و داير وجهه عني ... و طبگ باب السيارة حييل و صعدنه ... طبينه للغرفة هو شمر السويچ و گعد ع السرير لزم راسه و مدنگ ... 
اني من الخوف و الفشلة ايدي ترجف و الم بطني هملته ... جواد كلش متأثر و ما ادري شنو ردة فعله غير هالغموض الي بحركاته و بتقاسيم وجهه ...
شال راسه و جان يباوعلي بنظرات غاضبة و كلها اشمئزاز ... گلي عبالچ مستغرب اني ...؟
اني ما مستغرب من الي عرفته ....
تمنيت الموت و لا اسمعه يحجي هالحجي ... غمضت عيني حييل و كتله بصوت ناصي و باخر قطرة مستحة عندي ... جواد لا تظلمني .....
و ريتني ما حجيت هالحجاية ... گمز من مكانه و صار كتلة من نار و باوعلي بنظرات موتتني رعب ... و صار متوجه الي هو يتقدم و اني ارجع ليورة ... الى ان انحصرت بين الحايط و بين جسمه الضخم و بين وجهه و وجهي سنتيمات قليلة ...
گلي وهو مگزگز ... شنو باله ... عيدي ... شنو كلتي ...؟ لا اظلمچ ... تريدين ما اظلمج ...؟
و جان يمد ايده و يخنگني گلي انت تدرين شسويتي بيه اليوم ... اني انضحك عليه بس كم مرة ما ادري ... ابوچ ضحك عليه ... و انت ضحكتي علية و الدكتورة توصي بيه ...
و اختنكت و حسيت رح  تطلع روحي ... و جان يهدني و يصرخ .. لج ليش هالشكل .. ليش هنتوني ... هيج الفقير عدكم.. تهينوا و تخلون كرامته بالكع ...
صراحة كلامه صحيح.... مكدرت ادافع عن نفسي بكلمة بس دموعي تجري ...
ظل يصرخ ليش و جان يضرب الحايط بقبضة ايده و الدم ملا ايده و اني فزيت ع هالمنظر صار يضرب الحايط و يصرخ ليش بهالايد اكثر من مرة ... لزمت رجله و صرت اتوسل بي .. جواد كااافي .. الله يخليك ... جواد ....
نزل و جرني من شعري ... و جنا يوخرني و حيل دفعني .. كلي وخري عني  و لا تلزميني .. انت زبالة ... انت حشرة ....انت سا..... جان يقطع حجاايته ...و لزم شعره و كام يردد الاستغفار و اني جوة رجله ذليلة ... حقيرة .. ابچي و اتوسل مو حتى لا يضربني ... لا ابجي و اتوسل حتى لا ياذي روحه .... كلامه صح اني زبالة و ساقطة ... و هو انظف مني بملايين القاطات ...
عافني و طلع و اني ظليت بالكع ابجي على حظي .......

جواد .....
شنو الااسوي هسة .... اني تاكدت من شكوكي ... الي جانت بنسبة قليلة ...صح هي جريئة و متحررة بلبسها ... بس ما اجة على بالي راسا. هي بايعه شرفها ... هي صخمت وجه اهلها .... تمتعت بلحظات مع واحد قذر و خلت ابوها ذليل و يخطو هالخطوة يزوجها الي و بهالطريقة ...الذليلة ....
ملاك هي مو ملاك هي شيطان ... تستحق الاهانة ... اني ما متندم عاملتها بقسوة ...
ظليت افتر بالسيارة برة و اجة ببالي اكثر من مرة اعوف كلشي و انهزم ... كرامتي فوق كل اعتبار ...
بس صورة ابو رغد گبالي مدتفاركني من جان مريض و طلب مني هالطلب بدون ما اسال ليش ... هذا الجواب ... ابو رغد ميستاهل اخذله ... اني رح ادوس على نفسي  واكمل المدة الاتفقنه عليهاو بعدين اطلگها ... و كلمن يروح لحاله ... لخاطر ابو رغد ... مو لخاطر احد ... خاف يموت من يسمع بيه عفتها من اول  ساعه زواج ... هنوب رح اخلي اليسوة و الميسوة يحجي بيهم ...
صارت ساعه ٣ الفجر و تعبت حييل ... رجعت للفندق ... فتحت الباب و طبكتها حييل ... الغرفة ظلمة فتحت الضوة لكيت الغرفة فارغة و السرير مرتب و ما عليه شي  ...
درت عيني ادور عليها ... و جان الكيها يم بابا الحمام ممددة ... نفس المكان العفتها بي ... ظليت اباوع عليها بعيني ... ليش هيجي ... ليش ... ملاك بنية ما ناقصها شي ... ليش شمرت نفسها بهالتهلكة ليش اختارت هالوضع ... باعت اغلى ما عدها بابخس الاثمان ....
عفتها و رحت نمت بهدومي و اني اضحك على نفسي ... عريس و ليلة عرسي من اسوء ليالي عمري ....

ملاك ...
كعدت من نومتي .. و اني مخنوگة و احساس الاهانة لساه بيه ... باوعت ع السرير لگيت جواد نايم ... نزلن دموعي لا ارادي ... جواد ميستحق الي صار بي من ورايه ... مسحت دموعي و بهدوء كمت كعدت يمه ع السرير اتمعن بتفاصيله و اندب حظي .. واحجي وياه من بين دموعي بس بصوت ناصي ...
ليش انت بالذات ... ليش انت بالذات تكشفت على عيوبي ... ليش ما ظهرت بحياتي قبل ما اصير بهالوضع ... يمكن جان نقذتني و سويتني   ملاك من صدك ....بشهامتك و خوفك علي... و ردعك الي بلبسي و تصرفاتي السخيفة و ستايل حياتي الاسود الي جنت عايشته ...
مديت ايدي بدون شعور على وجهه و مسحت بظاهر چفي گصته و وخرت خصلة صغيرة من شعره ... و كام يتململ و راد يفتح عينه و جان راساً اوخر من يمه ...
مسحت عيني و دخلت للحمام و سديت الباب ...
و حسيته كعد لان صارت حركة بالغرفة ...

جواد ...
حسيته كعدت و جتي يمي اني سويت روحي نايم ... حجت بصوت ناصي على نفسها و تمنت لو جنت بحياتها قبل الي صار ... كلت بگلبي ملاك هسة تندمتي ليش ما حافظتي على نفسج ...
غيرت ملابسي لان هي بالحمام .. و كعدت انتظر تطلع حتى افوت اغسل ... بس طولت مطلعت ... انتظرت هواية ماكو و المشكلة الحمام سنطة ... اتقربت اسنط ردت اسمع صوت دوش ... ماكو ... بس اجة باذني تبسبس يمكن دتحجي بالتليفون ... لا معقولة ...
دگيت الباب ... و جان اسمعها دكول ياله باي باي ...
تاكدت دتحجي بالتليفون ... و صرت ناررر ما تابت بعدها ... دكيت الباب حيييل ... هي مترد ... كتلها فتحي لا اكسرها هسة ...
جتي فتحتها و باهتة ... جريتها من ايدها كتلها ويامن جنتي تحجين ... كالت هاااا مجنت احجي ...
كتلها تستغفليني ولج و جان انطيها راشدي ... عاطت و وكعت بالكاع و خالة ايدها على وجهها ...
وجان انزل اجرها من شعرها ... كتلها لساج تحجين وياه ... انطقي ... ترة اني مو مگرن اخليج على حل شعرج ... انت على ذمتي يا حقيرة ... و جان انطيها راشدي ثاني ... هالمرة وگعت وصار راسها ع الطبلة و صاحت اااخ و بعد ما كامت ... اني ارجف من العصبية و رادت عروگي تتفجر انفاسي تسارعت ظليت اباوعلها اريدها دكوم ... ما كامت ... كلت هاي يجوز دتمثل ... و بگولتي هيچ جان اشوف دم يسردح من راسها .... ... اتخبلت ركضت عليها ... اوعي بيها ... ضربت على خدودها صحتها باسمها .. ملاك ... ملاك ... ماكو ...
شلتها و ركض للسيارة ... و طلعت بيها للمستشفى ... شعرها صار نصه دم ... و ما فاقت ... كمت اضرب ع الاستيرن حيييل و كلت خرب بيك جواد ...الله يطيح حظك البنية كتلتها ... ماتت ... لا يا ربي ...
نزلت ع السريع و جان تلكوني بسدية و اخذوهة ... طبعاً كتلهم وكعت بالحمام ... على راسها
ورة شوية جتني السستر و گلتلي زوجتك بخير و خيطنا راسها و هسة افاقت تحب تشوفها ...؟
كتلها هااا ... اي ... ترددت ادخل بس دخلت و كلت لازم اتاسف منها و نتفق اتفاق جديد اسلم الي و الها ...
طبيت لگيتها نايمة بس من شافتني فزت و عدلت نفسها ... اباوعلها ... رغم قباحة فعلتها بس هي متغيرة مكسورة ... و ذليلة ... عيونها تبث ندم و انكسار ... تقربت اكثر و كعدت ع الكرسي الي بصف السرير ...
شلت عيني و لمحت رجفة بشفافها و ايدها ...
مردت احرجها اكثر او ارعبها لان اكيد على كتلة قبل شوية الاكلتها مني صارت تخاف مني ...
كتلها شوفي بت الناس ... اسمعيني و خلينه نمشي عدل حتى نتفادى الغلط .. و نطلع من هالمحنه على خير و سلام ...
انت بهالكم شهر مرتي ... و حاملة اسمي ... اني زوجج وو انت زوجتي واجبج تحفظين كرامتي ... و متهينيني و تحترمين هالرباط بيناتنه ... حتى لو كان حبر على ورق و مدبر ... و اني اوعدج ما افتح موضوع الماضي ... و لا علية بي .. اني اكمل الشهرين و اطلكج بس عليج بهالشهرين تحفظين كرامتي و تحترمين جواد ... و اني ....... اعتذر لان مديت ايدي عليج ... لان سمعتج بالحمام تحجين بالتليفون ... و بالي راح لبعيد ... وانت هم ما بينتيلي ويا منو جنتي تحجين ...

ملاك
گعد بصفي و صرت ارجف منه  مستحة ... اني استاهل الضرب الضربنياه و تمنيت اموت والله ... و تندمت نقلني للمستشفى ... گلي رح اتفق وياج اتفاق و من حجة الاتفاق گلبي عصرني و طول ما هو يحجي و اني دموعي متقبل تتوقف ... حسيت بالاهانة و القهر ..
حسيت روحي مومس ... رخيصة ... تافهة ...
مكدرت انطق بشي .. مكدرت احرك شفايفي و احجي و لا سيطرت على الرجيف الاخذني والله مو خوف ... جواد ما اخاف منه ... جواد استحي منه ... احس روحي عارية بحضرته ... و ما اريده يتكشف على العري الي بيه...
كلي هسة اتفقنه ... هزيت راسي اي ...
كلي ياله مسحي دموعج و امشي نطلع ... بهالاثناء دگ تليفونه ...
شاله ...

جواد...
ما نطقت بحرف واحد ... منظرها فتت گلبي دموعها تجري و وجهها شاحب مدا افتهمها هي مظلومة لو دتمثل .... دگ تليفوني و شلته ...
جواد ..: اهلاً ام روز شلونكم .. عمي شلونه ..
رغد ..: الجمدلله بخير .. جواد وين ملاك جنت قبل شوية وياها ع التليفون و طبگته مني .. و بعدها ادك و ماكو..
جواد ..: هااا شوكت حجيتي وياها ... ؟
رغد ... : قبل ساعة هيج و طبگته و ظل بالي ..
جواد ..: هااا لا ماكو شي هيانها بصفي ..
رغد ..: جواد ابو روز اصر يعزمكم على سفرة لمصر احنه و انتو و گص تكتات و اليوم ان شاءالله طيارتنه بالستة العصر
جواد ..: لا والله ام روز ما اكدر تعرفين الوالد مريض و لازم اكون وياه خاف يحتاجني
رغد ..: جواد شلون هالشكل .. الله يخليك زوجي يدري بزواجكم زواج طبيعي لا تبينله عكس هالشي ما اريده يحس و هي كلها اسبوعين او ١٠ ايام و نرجع ...
جواد باوعت على ملاك ... ظلمتها والله .. جانت تحجي وية اختها ...
كتلها لرغد اوك تمام بالمطار نتلاگة ...
رجعنه للفندق .. و الطريق كله هي متباوعلي و عينها ع الشارع ...كتلها ع السفرة و شفتها عادي ما اهتمت ... اختفى من وجهها الحياة و البهجة الي جانت بي و الغرور الي جان محاوطها .. تبدل وصار بمكانه الانكسار ..
حضرت الجنط و كتلها امشي نتغدا .. ما ناقشتني طبت للحمام بدلت و من طلعت بهرتني ... هاي ملاك ..؟
لابس فستان عريض و ردانه طويلة و هو كلش طويل و شعرها شايله نصه و النص الثاني منسدل بترتيب علىًچتافاتها و مكياج خفيف حتى تخفي الالم و طبعات اصابعي على وجهها ...
نزلنه نتغدى هي كاعدة گبالي و سارحة بالماعون .. اني گلبي يوجعني من اباوعلها بهالحالة ... و بنفس الوقت اتمنى استفادت من درسها ... و رح تتغير للافضل ..
كملنه غدا و صعدنا بالمصعد صارت وراية و اني كدامها ... و جان يصعدون ويانه ٣ ولد بس مبينين هتلية .. اني غفلت و بقت هي واكفة وراية ... طبعاً ما بين هي وياية ... لان صايرة وراية وكفتها ... و مو مثل اي زوجين من يطلعون اكو انجذاب بيناتهم او ع الاقل نظرات ابتسامات .. كلمات و ان كانت قليلات ... لا اني و ملاك مجرد شخصين چنة واكفين بالمصعد ...
سمعت واحد منهم يكول ولك اليوم يمكن يوم السعد ..لان اني برجي برج البطة ... الثاني جوابة كله لا ولك بشة يا بطة .. و جان اندار واجرها واخليها وراية و بلا شعور لكمت واحد منهم و جان ينفتح المصعد و نزلوا منه ركض ... باوعت عليها هي تباوعني بخوف و مچلبة بقميصي ... گتلها امشي گدامي ....

ملاك ..
ردت انهار و اوكع من شفته كتل الولد بوكس و خفت اكثر من اندار علية و عينه تجدح ناار ... من خوفي توچيت بي و ختلت بزنده ....
المهم حضرت الغراض و صارت بالخمسة و طلعنه ... جواد الطريق كله ما يباوعلي .. و لا يحجي وياية .. بس اني مشيت حسب الاتفقةوياية و ما حطيت مكياج و لبست عريض لان هو ميحب لبسي القديم .. هو ما كايلي بس اني احس هيج ..
المهم وصلنه للمطار و جانت رغد و زوجها بس بدون اطفالها ... واكفين ينتظرونه ... من شفت اختي ركضت حضنتها و حاولت اكبت  دموعي بس ما فاد ... رغم هي ما صدگتني و موكفت وياية ..
جواد غض النظر عني و صار يحجي وية زوج رغد و شفته كم مرة ضحك .. يا ربي جواد شكد ينحب رغم هو مو جميل بس شخصيته و ملامحه السمرا و هيبته تجذب .. شعره ميحلقه شوية بي طول اسود .. عيونه حادة ... و ابتسامته جذابة و الي يجذبني اكثر بي الطبرة الي بحواجبه اكيد بيها قصة مؤلمة بس تعجبني ..
اني صافنه و غرگانه بملامحه و هو يسولف و يضحك وية زوج رغد .. ورة ثواني صدت عينه لعيني و تغيرت ملامحه و انمسحت الضحكة و شفته تنهد ...
اني نزلت راسي و بگلبي وجع .. وجع جبير ...
صعدنه للطيارة و رغد گعدت يم زوجها و المقعدين المحجوزات النه بقن فارغات نباوع واحد ع الثاني ... گلي دخلي ... اني هم دخلت و گعدت و باوعت ع الجامة و تذكرت سفرتي لتركيا و جان بيها اغتيال روحي ... دمعت عيني و درت وجهي شفت جواد ... باوعلي و گلي اخذتي دواج ... خجلني الاهتمام بعينه .. كتله اي اخذته ...
المهم .. نزلنه بمطار القاهرة زوج رغد كال .. نبات ليلة هنا بالقاهرة و باجر نتوجه لشرم الشيخ ..
و فعلاً زوج رغد عدهم شقة بالقاهرة كال نروح للشقة .
صارت دنية ليل .. نزلنه بشقة اهل زوج رغد و كال اخذوا راحتكم ...
دخلنه لغرفة بيها سرير و دولاب ملابس جبير . و مراية طويلة و حمام ..
جواد نزع قميصة و نام بالبنطرون و الفانيلة و اني دخلت للحمام سبحت و بدلت و طلعت تعبانة بلا تفكير رحت نمت و لكيت جواد غافي .. ظليت اتمعن بتفاصيله و اتنهد ندم .. و اتنهد حسرة .. جان يعجبني جواد يدري بشنو احس اتجاهه بگلبي .. جواد الة نبضة مجنونة بگلبي .. ما خططت الها قبل و لا جهزت نفسي الها هو كلبي اختارها ..
غفيت و اني ضايعة  بملامحه و تفاصيله ..

جواد ..
حسيت على حجي بس مدا افتهمه .. فزيت لگيت ملاك ترجف و بيدها التليفون تتوسل .. ظهرها الي بس دا اشوف وضعها مو تمام .. متحركت ظليت اسمع ...
ردت اعرف ويا من تحجي ..
سمعتها كلتله زيدون الله يخليك لا .. لا تسويها ... والله ابوية يموت ... الله يخليك و اختي تطلك ..
اذيتني بما فيه الكفاية مكفاك اغتصبتني .. مكفاك اخذت روحي و ذليتني ...؟؟؟
اني گمزت من الجرباية و جريت التليفون منها بگمزة وحدة ... كتله يا سافل يا منحط اذا عندك حجي احجي وياية يا نذل و الا اجي اربيك يا حيوان  ... يا ساقط ... النار البية زادت و كمت اصرخ و اغلط عليه...كلي اذا تريدني امسح هالصور و تحافظ على ما تبقى من شرف زوجتك حولي دفترين   ... كتله ايا نذل يا جبان انت مو رجال ...
و ملاك تتوسل بيه انصي صوتي و تبجي ....
طبگ التليفون و جان الزمها من ايدها و هزيتها هز كتلها متصيرلج چارة .. شعندج بنصاصة الليالي وياه .. ها حنيني ... و جان دكولي لا والله اسمع عفية لا تتهمني .. كتلها شاسمع و حضرتج بنص الليل شايلة تليفونج و تحجين وية عشيقج القديم ....
و بهالاثناء جان توصل رسالة للتليفون ... مكتوب ...حضرة الزوج المحترم شوف زوجتك باحضاني و ترة كلشي اندل خاف تضيع شي دك عليه مرتك جانت متاحة الي و كلشي اخذت .... اني نيران العالم كلها توجرت بصدري و كام يدز صور مكدرت اباوعها من عصبيتي شمرت التليفون بالحايط و كسرته ... و باوعتلها شلت ايدي و دا اضربها و هي وكعت على رجلي تبوس بيها وتتوسل اسمعها ... كلتلي اسمعني بس هالمرة و وراها الي تريده سوي ... اذبحني .. اكتلني بكيفك و اني راضية اني اريد اخلص من هالعذاب ...
كتلها شتريدين تحجين و شنو الي رح يشفعلج اكدلي هالنذل انت مو مظلومة ...
كالت انت سمعت الدكتورة شكالت ...
زيدون اغتصبني والله ما سلمتله نفسي ... زيدون قتل عذريتي ... مجنت ادري اجة سكران ...و اغتصبني بوحشية ...
كلتلي انت صح تعرف ملاك ماشية على حل شعرها ... بس والله ما سلمت نفسي اله و هالصور كلها مفبركة ما نطيت نفسي ... اني البس و اتمكيج و اتعطر بس ما اسلم روحي بهالدناءة و لا اعرض روحي للرخيص ... جواد  صدگني .. الله يخليك ...........
*********************************

امير ...
بعد ما اتصلت بعلي عسل كعدت تسألني اسئلة ...
گلتلي هذا الي خابرته مين تعرفه ..  كتلها صديق قديم .. كلتله شايفته و شاكة بي اعرفه ... الله يخليك دك عليه ...
كتلها شسوين بي .. كالت انت شعليك اريد احجي وياه ... صرت عصبي و كتلها ... شوفي حبابة .. اني مو خالد ابو گرون .. اني امير افتهمتي ...

اسيل ...
شوف هذا عايش الدور يغار علية ... كتله باوع عيني .. اني بس اوصل لبغداد ولا اني اعرفك و لا انت تعرفني .. و لا تمشي عليه هذا الدور مال مرتي و رجلج و ما مرخصج و التزمي ... افتهمت ...
هسة دكلي على صاحبك ...
باوعلي و مخنزر و جان يجرني من ايدي و وجههة قريب من وجهي ... كلي و منو كلج اطلك ... و احجيلي شتريدين من علي و مثل الاوادم احترميني حتى ادكلج عليه ...
وخرت ايده و كتله شوف هالمرة سويتها و سكتتلك بس مرة ثانية من تسويها والله اذذبحك و ما اخاف .. كلي هااا تذبحيني ولج انت مبين من المردانه تخافين .. و عدلي اسلوبج وياية ترة اعدله اني ...
باوعتله هذا ظاهر مو سهل و احنه بالقطار خلي البسه ... كتله ياله اوك سبع البرمبا دكلي على صاحبك و لا تعيش الدور زايد عن اللزوم مو زين عليك يا عنتر .....

امير ...

مجنت متخايل هاي النزاكة و اللطافة تطلع لسانها طويل ... بس صبري اذا ما ربيتج يا ام كفشة ...
كتلها اطلبي باسلوب مرية تحترم زوجها و اني من عيني رح ادك .. كالت شنووو شلون يعني ... كتلها والله ما ادري شنو الطلبته صعب ،؟ لو غريب .. ؟
انت مرتي طلبي مني الي تريدي باحترام .. و باسلوب حلو ..
شفتها صفنت .. جان دكلي دروح زوج التطلب منك ...
كتلها اوك ... خلي نشوف ما راح تطلبين اي شي .. يجوز يطلع علي تعرفي يعرف شي تريدي ...
هي شفتها صفنت و دمعت عينها ... و صارت عبالك طفلة تريد تبجي .. بس هي قوية شافتني انتبهت عليها و راساً مسحت عيونها و نزلت الكاسكيته على وجهها و كعدت ع الكرسي تباوع من الجامة ...
صراحة گلبي انكسر عليها ... كعدت بصفها كتلها وين شايفة علي .. ؟
كالت انت معليك ..
كتلها شبيج طنكرتي و وجه البومة صرتي .. شنو صعب عليج تحترمين ..؟ كالت امير خلي هل كم ساعه تعدي ع خير و نوصل بسلامة و كلشي ما اريد منك ...
ورة دقايق .. دك تليفوني ... شلته لكيت علي .. كتله شبيك .. علي احجي
كلي وين الفلوس المجمعها .. كتله ليش .. كال احجي بسرعه ................

انتظر تعليقاتكم الحلوة و تصويتكم ع الجزء اذا عجبكم
ام اية تحبكم 🌹🌹🌹