رواية اغلال القدر الفصل الثالث والثلاثون 33 - بقلم الكاتبة ديانا

السلام عليكم ...
حبايب وصلنا للخاتمة لقصة #اغلال_القدر
انكنى كنت خلال هالشهرين الي مروا ... خفيفة ظل و ان اكون قد استطعت تقديم شي استثنائي و ان اكون قد سلطت الضوء جيدا  ع شريحة  مهمشة ...
اتمنى تعجبكم الخاتمة و تعجبكم كل القصة و يعز علية اكلكم هاي النهاية و كملت قصتنه و رح اشتاق للمتنه الحلوة و ابطالنه الحلوين ....
لكن مجبورة انطقها و اكلكم هذه النهاية ..... اتمنى من كل قارىء يترك بصمة حتى و ان كان متابع صامت لاحتفظ بارائكم و اسمائكم احبائي و ورود قلبي هنا في هذا المنشور .......... لا تنسون التصويت فديتكم 🌺

الخاتمة
#اغلال_القدر
بقلمي  ام اية الكاتبه ديانا
لا احلل النقل بدون اسمي ابدا ابدا

بعد ثلاثة ايام .......
علي .... الصدمةاثرت ع الخوات كلهم بس شمم اكثر الاخوات و نامت انهارت بوقتها و دخلوها مستشفى .... و زينب هم لان فقدت مؤنس و ايضا اخوها الي مشافهاو لا شافته .... و نوبات  الصرع ما رحمتها صارلها ٣ ايام تكررت الحالة عدها هواية و اذتها ...
اخذنا البنات و رحنه لبيت علاء الي ربى شمة و يزن ... و سوينه الفاتحة ... جانت بس اسيل البيهم قوية...شوية و دارت زينب لان تعبانه ...
الفاتحة مال حجي مؤنس يم ولده بمحافظتهم العايشين بيها ... بس المحامي راد زينب ورة الثالث ... يعني باجر لازم نوديها .. رح يجتمع مع اولاده .. و گلي همه جانوا ميدرون بابوهم متزوج زينب .. بس العام دروا .. و همه من النوع الي يحبون مشاكل .. خاف يتعرضولها لازم تجي وياها ،..
علي ..: امير اريد باجر سيارتك اخذ زينب لبيت ابن مؤنس بمحافظة (..) حتى تحضر فتح الوصية ..
رايدها المحامي ضروري .. اريد اخلص من اهل زوجهها و بعد ما اريد اي ربط بيهم ...
امير ..: علي اني اجي وياكم و اسيل هم حتى تدير بالها من زينب ..
علي ..: اي والله خوي ينطيك عافية .. لان تعبت اعصابي .. اخاف زينب يصير عليها شي .. صارلي ٣ ايام ما نايم .. عيني مدتغمض لك امير روحي تتمزق الف وصلة من اسوف زينب تخاض و تريد روحها تطلع من ورة هذا المرض ...
امير ... : لا دكول هيج اكو الله ... ربك يعافيها ..
علي ..: اي ان شاءالله
***************************
ليث ..: شمة روحي ما كافي .. عيونج راحن بعد اهلي كلهم ..
حضنت راسها و بستها من جبينها ... ابوية هذا قدره .. خبزته خلصت يا عيني .. رح تموتين نفسج ..

شمة ..: ليث بعد ما بي ابچي .. ما بية انحب ... و بية صرخات تفتت الصخر ... راح و ما شفته ليث ... ظلت بنفسي .. اشوفه و اشمة و احضنه ... و اتأسف منه ..

ليث ..: كافي ابوية لا تسوين بروحج هيج ... هو مسامحج .. و اكيد هذا الشي ..
مسحت دموعها .. و كتلها قدره و خليج مؤمنه .. الله ما يرايد اذية  احد بس هذا نصيبه و كلنه ع هالدرب ... انت مؤمنه و تعرفين الله حق يا عيني ... و هو طير بالجنه ... يدعيلنه هناك ..
شفتها شوية اقتنعت و مسحت عينها و استغفرت .. كالت ليث ..
كتلها عيون ليث .. نبض ليث .. ريات ليث ....
كالت خواتي وين ..؟
كتلها و ابتسمت ... خواتج عدهم شغلة راحوا و يجون ان شاءالله ... كالت شفتهم انت ...؟
كتلها اي يا بعد نظري ... كالت شلونهم ...؟ يعجبني اشوفهم ... و نكعد نسولف على حياتنه و اسمعهم ... متلهفة اعرف وين جانوا ... و شلون عاشوا ..؟
ليث خواتي حلوات موووو ..؟
ضحكت ... كتلها انت كمرهن ... يا بعد عمري ...
خجلت و كالت لا والله ليث زينب اتذكرها حلوة و اسيل هم ... زينب حنطية و عيونها واسعة و عدها شامة بخدها ... و اسيل هههه اسيل هم حنطية بس جانت معانيها غاضبة كلش ... لان تطنكر هواية و مترضة على هواي اشياء تسويها زينب ... بس زينب ماخذتهة بعقلها ... حبيبتي اختي عاقلة ... و ام من عمرها ١٢ سنه ... اااااااي ... اي ... الله يرحمج يمة يتمتينه كلنه مرة بس زينب يتمتيها عشر مرات .....
بست ايدها و كتتلها صح الاهل عزاز و جمعتهم عزوة ... بس يروحي اني كل هلج ... اني ابوج و اخوج و امج و اختج و حتى صديقتج اذا احتاجيتي صديقة ...
وهذا بالاضافة الى الوظائف الرئيسية .. زوج محب و متفاني و بست ايدها .. و شلت الثانية و كتلها عاشگ ولهان وبستها .. و حضنتها حيييل و كتلها مغرم مينام الليل الا بحضن محبوبته .....
خجلت و كالت الله يحفظك الي و ميحرمني منك ...
كتلها اريد طفل منج و اريدها بنية و اسميها وتين ... كالت و شمعنه .. كتلها بنية و على شرط تشبهج و بيها عطرج الي ادمنته .. و عينها عين شماتي و نزاكة حبيبتي ... و اسميها وتين العايش حب غاليتي شمة بهالشريان ...
ضحكت و كالت ان شاءالله ..
اني فرحت من شمة شوية رجعت لطبيعتها و احسن و عافت الحزن شوية اني ادري بيها هي مؤمنة و صبورة .. الله يصبرها و ينسيها كل الراح و يقدرني اسعدها ........
********************************
امير ...
اسيل ... تعاي اريدج ...
جتني اسيل و لابسة الاسود الي ظهر كل جمالها و انوثتها ... خلاني اتلعثم رغم اللبس اللابسته محتشم لكن هي ماخذة عقلي و جمالها ميفارك خيالي ...

اسيل ..: نعم ... شرايد ...
امير ..: الله الچبير عيني ... ما كلتي رجلي بهالثلاث ايام وينه ...؟ شأكل الخايب ... وين نام ...؟ ماكو احضان ماكو قُبل ...
اسيل ..: انت واعي ع روحك شدتحجي ... ؟
فقدت الذاكرة عين الگلادة ..؟

امير ...: الله اموت على عصبيتها ... اني ع القسطني احجيها ... اريد استفزها ...
كتلها لا مو واعي ... و سكران ترة دا اكلج...

اسيل ..: بابا ترة اني ما فاضيتلك و لدلالك روح لسليمة تدللك ....
امير ..: ها افتن لسليمة و اكلها جنتج تجيب طاريج حاف ... ؟؟؟
اسيل ...: امير شبيك ... ترة مو وكتها كلش ...
امير ..: اي عيني اعصابج ...... اريد احجي وياج ..
اسيل ..: شرايد صارلك ساعه شدتسوي لعد ...
امير ..:رجال يريد مرته يحجي وياها على انفراد و بمكان خالي ... شنو طلبي عيب  لو حرام ..؟؟
اسيل ..: امري لالله تعال ..

اخذتني و رحنه لغرفة و طبينا و اني رحت سديت الباب ...
كالت تفضل رجلي عيني ..
تقربت منها و حضنت خصرها و قربتها علية ... كتلها .. جنج تصنفين (رجلي ) عندج اعتراض ..؟ رجلج و حبيبج و ابو بيتج و ان شاءالله ابو جهالج ... رفعت راسي و كلت يا رب اريد جاهل من هاي الخبلة .. اريده ولد ربي .. و اسميه حسين شدكولين ... ام كفشة .. نزعي هالشال خلي اشوف كفشتج اشتاقيتلها ...
اسيل ..: كملت ..؟ والله باوع .. لا عبالك سكتت و طبيت وياك لهنا .. ترة اني ما اريد احجي وياك و علواه لو نترك بعض .. لان الرجال الميحترمني ما اصيرله مرة .. دتفتهم ..
امير .. يمممة اروح فدوة للعصبي .. اي افتهمت ام كفشة بس لازم تحترمين انت هم ..
اسيل ..: منو قلل من احترامك امير بيك ..
امير ..: ما اريد اعيد و اسقل بلي راح .. الي صار صار .. سوء تفاهم و دخل بيناتنه الشيطان .. جريتها من خصرها و كتلها .. و هاي راسج ابوسه ... بسته و كتلهة اني اسف لان ضربتج ... انطيني خدج ابوسه .. اهااا و هذا خدج هم بسته ... انطيني شفتج ابوسهة .. هااا اها .. جان دكلي اوكف خدي افتهمت لان ضربتني راشدي .. شفايفي ليش ..؟ كتلها غير نوقع الصلح ... لعد شلون ............
***********************************
علي ...
دكيت الباب و جانت زينب كاعدة بغرفة يزن  و حاضنه مخدته .. كتله اكدر ادخل ...
كالت اي تعال ..
كتلها زينب .. المحامي رادج تحضرين فتح الوصية للمرحوم .. و باجر نروح و دلاني البيت ...
كالت .. علي ما اروح لان همه ميدرون ابوهم متزوجني ..
علي ..: زينب المحامي فهمني .. همه العام دروا بهذا الشي ..
زينب ..: صدك ،،؟
علي ..: اي و المحامي اكد على حضورج ...
زينب ..: الله اليستر .. ما هاوية اروح ..
علي ..: ميخالف عيوني ... هي كم ساعه و نرجع ... و بالنسبة النه ... زينب .. رح انتظرج ع لما تكملين العدة و اول يوم بعدها زواجنه .. كافي بُعد .. كافي الله يخليج ..
زينب ..: ان شاءالله ..
علي ..: محتاجة شي رايح للمستشفى اودي اكل لشمة و زوجها لان همه باجر يطلعون ... و عيب ما خميتهم و لا سالت عليهم شيحتاجون ...
زينب دمعت عيني و رجعني الزمن ١٠ سنوات ... كتله والله انت كفو منك ... علي اني لو افتر الدنية كلها ما الكة بحنانك و طيبتك .... بعد هالعمر هذا كله و بعدك مخلص لزينب ..... بعدك تداريها و تداري خواتها ...؟

علي ..: اي اكيد و لو ابقة انتظرها العمر كله اني غير زينب ماكو ببالي و غير حبها ما سكن گلبي و خيالي ...

زينب كمت ابچي و جتي صورة نظيمة و اخته ببالي  ... كتله علي يجوز ما استحق كل هذا ...

علي ..: زينب انت مزروعه بگلبي و روحي و كياني ... زينب انت مقسومة من روحي .. انت نفسي ..

زينب .. علي .. اني ... اريد اكلك شغلة ..، بس اوعدني مت........
علي ..: دقيقة زينب هذا امير ديدك علية ...
اروح اشوفه شبي .. مسحي هالافكار من بالج و ارتاحي يا عافيتي ... اذا اشوفج تعبانه اني اتعب و مالي واهس اعيش ... ردي لطبيعتج و خلي املج جبير علي ما يعوفج لو خيروا بين الموت و بينج ... علي هو الابو و الاخو و الاهل الج كان و ما يزال .... و عذريني هسة اروح و باجر الصبح نلتقي.... تصبحين على خير ..... و طلعت

زينب بعد ما طلع علي و سد الباب جاوبت و بصوت ناصي  ... وانت من اهله يا كل اهلي ..... يا رب ساعدني
حتى انخلص من هالسر الي  ثقله حطم اكتافي ...
************************************

بعد مرور سبعة اشهر ..
شمم ..: اسيل .. عفية ياهو الي يلوگ اكثر وية هالفستان هذا الشال لو هذا ..
اسيل ..:  حبيبتي شمة انت بيضة و عيونج ملونه كلشي يرهملج خما كثل حالي سمرة و يا دوب لازكة بالماروني ....
شمم ..: ياااااا  حياتي  ليش هيجي دكولين ...
انت تخبلين و ان سمرة ليش كل ابيض حلووو .. لو كل اسمر مو حلو .. عوفينه من هالموضوع .. زينب جوة موووو ..؟ اروح اشوفها شلون طلعت اكيد تخبل ..
اسيل ..: اي حبيبتي تجننن طالعه ... ما حطت الها ام الصالون مكياج طوخ .. و مقبلت تسوي تسريحة لبست حجاب .. و طلعت بعد احلى ...
شمم ..: يا بعد روحي يا زينب ربي يتمملها الفرحة و يديمها عليها ...
اكلج .. اسيل هذا النفنوف ضيق عبالك علية .. مووو ؟؟ ما اكدر البس ضيق .. لان تدرين من طبيت بشهر الخامس حسيت روحي رح اطك و هذولة جهال ليث .. مخبليني بس يحوصون ...
اسيل ..: ربي يكومج بالسلامة و تجيبين احلى توم بالدنية الله يحفظهم الج حبي ..
شمم ..؛ حياتي و يكومج انت هم بالسلامة .. جهالي و ابنج يصيرون اصدقاء ...
اسيل ..: اي حبايبي .. بس من هسة اكلج ترة ابني خبل و عصبي على ابوه .. معلية اذا كتل جهالج التوم و سكطهم هذا ابن امير كلشي يسوي ...
شمم ..: ههههه جهالي رح يكونون اكبر من ابنج بشهرين مو هواية بس همه الاكبر لازم يحترمهم ..
اسيل ..: ولج هذا ابن عين الكلادة سيخلصج من ابوه يا احترام يا تقدير .. دا اتخايله لابن امير شنو .. يمشي و يسكط بالجهال ...
شمم ..: هههههههههههه

امير من ورة الباب ..: اسيل تعاي ..
اسيل ..: اي جاية ... شاورت شمم جبنه سيرة القط اجة ينط بعد امه .....
شمم ..: ولج اششش ليسمعج ..

اسيل ..: طلعت اشوف امير .. جان يكول تعاي عيني كولي رجلي شلون رح يتهندم يريد يسبح لا ... صارلي ساعة يم ابو التززيين انشلع كلبي سويلي درب اريد اروح للحمام و حضري ملابسي ...
كتله اي صار ... كال تعاي ..
اسيل ..: شنو .. ؟
امير ..: شنو هالمكياج الصارخ .. كتلتيني بهاللون ماكو غير الماروني ..  حطي شي خفيف ياله زلم كومة جوة ..
اسيل ..: تعرف شنووو ،،؟ اني ادري بيك لو عليك تلبسني بوشية طبك قاطين ودكودني و تمشيني ...
ما اكدر احط فاتح لان ميلوكلي ... 😒...
امير ..: لا تكلبين چهرتج ترة تعرفيني ابوية ما اعرفه من اصير عصبي و تستفزيني بهالجهرة ..
اسيل و انكلبت ١٨٠ درجة  ..: حبيبي فدوة لعينك شبيك ... هو لون عادي ومنو بحالي دباوعني ابنك كالب جهرتي صايرة اخت الهايشة ...
امير ..: و محسوبج الثور راضي بشكلج و اصلاً عاجبني كلش و الدليل هسة بودي نعرس من جديد ... و يجيبولنه مزايق و يهوسولنه و جان اغمزلها .. و نروح للفندق ....
اسيل ..: يا عيني شطح الرجال فد نوب .. روحي ابني عين كلادتي روح ادخل للحمام دا اجيبلك الهدوم .. و لا تلبس القاط النيلي رجاءا ..
امير ..: ليش عود؟
اسيل ..: لان اغار تطلع كلش حلو و وسيم و اني ما اريد وحدة تباوعلك ..
امير ..: يعني الهايشة تغار على ثورها ..
اسيل ..: اي ليش لا شعندي غير هالثور ما ابدلة بمية باكة جت... و مية ثور .. و بسته من خدوده .. يممممة افيش
امير ..: كافي لج روحي ياله احذج الواهس ى كمتي تجيبين طاري ثيران غيري ..
اسيل ..: فديت ثوري اليغار روح حبي جيت هسة انزل و اجيب الهدوم..
*************************************
جواد ..:
ياله ملاك .. كملتي ..؟
ملاك ..: اي حبيبي خلصت .. بس دا انزل الهدية و اجي ...
جواد ..: اني طالع اشغل السيارة و اطلعها من الكراج ..
ملاك .. اي يروحي ما اتاخر ..
ملاك ..: شكد حلفلي جواد و كلي بس انت بگلبي و اني ناسي حتى اسمي من ورة حبج يا بت گلبي .. بس بعدني اخاف من مشاعره القديمة لزينب .. و صورته ما تفارك خيالي لمن اتقربتله من جنه بمصر و عباله اني زينب ... و صوته باذني من لهج باسمها و ظن لمسات ايدي ايدها .. نيران بگلبي تتوجر ... و روحي تنشلع من مكانها و ترجع الف مرة ... الشك رح يكتلني ... طبعاً هو ما راد يروح لزفتها بس اني اصريت ... كلي علمودج ما اريد اروح كتله بالعكس اني اريد اروح و اباركلها هي صديقة رغد ....
وافق و اني اريده يشوفها وية زوجها الي تحبه حتى يطلع طيفها نهائيا من باله .. اذا صدك موجود مثل ما اشك ...
....
طلعت و صعد بالسيارة و جان اشوف جواد يطلع علبة صغيرة من الچكمچة ... گلي ... حبيت اهديلج بمناسبة رح تكبر عائلتنه و تجيبيلي ولي عهد صغيروني ... هذه الهدية البسيطة ... ان شاءالله تعجبج يا اغلى ملاك ...
فتحت العلبة و اني گلبي طاير من الفرح ... لكيتها كلادة بيها مدالية ملاك و كل جناح عليه اسم الجناح الاول اسم جواد و الجناح الثاني اسم ملاك ... كلي عجبتج ..؟ كتله اييييي كلش عفية جواد خاف كلفتك هواية ،.؟؟ كلي عيوني ترخصلج و نظري الج حبيبتي جيبي البسها الج ... لبسني الكلادة و باسني من راسي كلي تقصدت اليوم البسج هالكلادة حتى اثبت للكل اني وانت منتفارك للموت و حبج بية مزروع. و جواد يتنفس انفاس ملاك و ملاك هي حبه الاول و الاخير ... احبج يا اغلى انسانه و احلى ملاك ..و اول حب و اخر حب ...
كتله اموت عليك يا حبيبي و رجلي و ابو ابني و ملك روحي ... انت ملاكي الحارس جواد ....
بست ايده و كتله ربي يحفظك الي يا ابو بيتي ...
كلي و يحفظج الي ... يا وردة ببستان كلبي ...
و حرك و توجهنه للعرس و اني مطمئنه شوية ...
******************************
ليث ..: حبيبتي شمة تعاي كعدي لان تعبتي ...
شمة ..: اي والله ليث تعبت و عندي تقلصات و اليوم لعبتهم ضعيفة ...
ليث ..: لا فديتج كعدي ليكون تتاذين و يتاذون الحلوين
شمم ..: ليث اني ممصدكة هواية نعم الله نعمها علية ... اولها انت ... و ثانيها خواتي رجعولي رغم فقداني لعزيز گلبي بس هون عليه وجودكم حوالية ...ثالثها ولزمت بطني ... الله عوضني بيزن و وتين الي حيشرفونه بعد شهرين و الاخيرة هي نظري ... رجعلي و رجعتلي الحياه
ليث ..: ضميت ايدها بايدي و كتلها الحمدلله يا روحي الله يقدرني و اسعدج يا بنتي و حبيبتي و زوجتي و ام اولادي ...
***********************************
علي ...
طبيت للبيت واني الفرحة ما سايعتني ... الدنية ما لامتني ... مرتبك من الفرحة .. و اخيرا گلبي اخذ الي رادها ... و اخيرا الي ردته و تمنيته صار ... بعد ما اعيش بالاحلام ...
اجة جواد و صافحني و باركلي صراحة اشتاقيتله شبكته و كتله ولك ابو الجود مشتاقلك ... بالخير زواجك ... و عرفني على مرته كلي هذه ام جود ....كتله الله يسعدكم ...
و دخلتهم ...

ملاك ...
دخلنه جوة واني متشبثة بايد جواد و اطرافي ترجف .. كل ثانية اخم وجهة و ملامحه ... اريد اشوفه شلونه اريد اقرا مشاعره ... شلونهة حزينه ... باردة ... لا ابالي ... بس مكدرت لان خايفة ...
دخلنه و صارت كعدت العروس كبالنه دخل هو ولازم ايدي حييل حسيته ديطمني ... والله ما باوعت للعروس ظليت اراقب ملامحه و تصرفاته ... من عينه صدت الها ...
بس ما لكيتي شي ملاك ... جواد جان ابرد من الثلج و ايده دافية و حاضنه ايدج ....
سلم عليها و باركلها بكل برود و اتمنى الها السعادة ... واني بقيت عيني بعينه و عفت العروس و نسيت نفسي ...
كلي ملاك سلمي على زينب ... من كال اسمها زرف كلبي ... بس مع ذلك صدگت مشاعره و سلمت عليها و رحت كعدت و جواد طلع يم العريس ... و شفت خوات العروس حلوات ماشاءالله و فرحانين سولفلي جواد على مأساتهم و كل كلمة جانت تزرف كلبي عليهم و على ما شافوا ... فرحتلهم هواية من التموا ...
ورة نص ساعة جابوا الفرقة الموسيقية و دكت و ركصوا الشباب اصدقاءه و ركصوا و طلعوهم يزفوهم للفندق ..... واحنه هم رحنه وياهم ...
**********^****************
زينب ... وصلنه للفندق ...
وعلي شالني ودخلني للغرفة ... اني الخوف كاتلني و ابجي بدموع ... و خواتي ودعوني يم المصعد و بقيت وحدي ... وياه ...
سد الباب و اجة و عينه تلمع دمعة فرح .... نزع سترته و تقدم علية ... اخذ ايدي بايده و رفعها لشفافه وباسها ...

علي ..:  زينب ما مصدك ... ما شايلها عقلي ... اني و انت بمكان وحدنه و انت حلالي ... الي ... بعد كل هالمعاناة ... الله يعوضنه هالتعويض .... يرزقنه هالفرحة ... تقدمت اكثر و حضنت وجناتها و باستها من عينها و تبللت شفافي بدمعها ... كتلها الله ... يا طعم دمعة فرح زنوبتي ... زهر ثغري ياسمين من ورة طعمها ...
و بستها من جبينها و كتلها انت ملكة علي و گلبه و عقله و كل مكنوناته ...
و نزلت على وجناتها ... و بستها وشميتها ... كتلها الله يا ريحة هلي ... يا عطر العشگ الي اتنفسه ... يا نسمة صبح تداعب كلبي و نبضاته ....
كتلها زينب .... رديلي الحياة و رجعيلي الروح و سولفيلي مشاعرج ... خليني اسمع حچايات تلملم جروحي و تطيب الآهات العتيگة ....
مسحت دموعها و كالت من بين شهكاتها علي ... اريد اكولك شغلة الله يخليك لا تقاطعني ...
كتلها زينب ... شنو الموضوع ليش هالبجي انت وية علي ابوج و اخوج و زوجج و حبيب گلبج لسنين ...
كالت ..: بس انت ما تعرف شغلة .. سر تعبني كل هالسنين ...
كتلها خوفتيني شنوووو ..؟
كالت تذكر بيوم الي .... اختفت اختك زينب ... كتلها اي ..؟
كالت ..: اني شفتها وية نظيمة بس ما كتلك خفت من نظيمة و جانت ........
جان اقاطعها و حطيت اصبعي ع شفافها... كتلها بسسس زينب ادري و اعرف انت شفتيها ... و نظيمة كلتلي ... بعد ما حبسوها ورة اشهر من الحادثة ...و اني ما شلت عليج و لا فكرت انت خطأتي و لا فد يوم رح افكر ولو ثانية وحدة ... و بستها من شفافها و طولت بالبوسة و دخت و تهت و دوختها و تخنا سوة ..... ورة ثواني و ما سدت رمقي هالقبلة .. كتلها بعد لا تذكرين الماضي زينب ..
وهسة ما كتيلي مشاعرج .. برديلي النار البكلبي
ابتسمت وكالت . كلبي ينبض باسمك و ما سكت يوم .. رغم البعد و اليأس بس بقيت انت النبض انت الروح انت النفس اليصعد و الينزل ..
اعترافاتها خلت دمعة من عيني تنزل لا ارادي .. و حضنتها حيييييييل و شميتها و وعدتها بالسعادة و عيني ما تفارك صورتها و نهينه الليلة بحب و غرام و تواعدنه ع العشرة الحلوة و الحب الابيض الي هو عنوان قصتنه ......

تمت بحمد الله
مع تحيات الكاتبة ديانا
ارجو ان اكون نقلتكم لعالم ثاني عالم مليء باحداث غفلنا عنها في خضم دوامة الحياة و الروتين الذي نعيشه ......