رواية اغلال القدر الفصل الثاني والثلاثون 32 - بقلم الكاتبة ديانا

حبايب هذا القسم الثاني من البارت الاخير و باجر انزل الخاتمة انتظر تعليقاتكم و تصويتكم ورود 💋💋

الجزء الثاني من البارت الاخير
اغلال القدر

امير ...
تعاي اسيل هذا تليفونج يدك ... امير شيله انت دا الملم الغراض الي بالكنتور ... عوفي البيدج وتعاي ...
اجتي اسيل تركض ... و اني جريتها من خصرها ... كتلها تعااااااي ... ما اشتاقيتي لعين الگلادة ....
اسيل ... اعتقد قبل كم ساعة چنه سوة ...
امير ...: ويييين اشو ما اتذكر ...
اسيل ..: والله شعليه بمخك ... يجوز مضروب ...
جريتها لصدري و خليتها ملاصقة لجسمي ...
قربت شفايفي من بشرة شفافها و صرت اتلمسها بشفافي ... تهت و نسيت حتى اني وين....  حسيت بيها داخت بانفاسي ... و ذابت بين ايدي ... شلت ايدي و لعبت بشعرها ... گالت اميرر ... كتلها آمري ... عضت شفتها وكالت اني ما اتذكر مريت بهالشعور فد يوم ... رغم .... و سكتت ...
اتقدت بداخلي نيراااان و براكين زلزلت بصدري ... كتلها اي كملي ... رغم شنو ... فتحت عينها و انتبهت لوجهي الي تغير و اعصابي... كالت شبيك شنو الكلته ... طبعاً اني كأي رجل متزوج من امرأة كانت متزوجة قبلي و تجيب طاري زوجها اثور واتخبل ... كتلها اني شمتفق وياج... مو موضوع الماضي نسده ...
كالت امير شنو الحجيت بي و شجبت طاري يا قديم ...؟
دا اعبرلك عن احساسي .. مجرد كلمتين كلتهم ... وهذا ذنبي لان مندمجة وياك و ناسية الدنية ...؟؟ هذا ذنبي تزوجنه بظروف مثل هالظروف .. ذنبي اذااني القدر لعب بية و ذبني بالشوط الاخير بين ايدك ... و استسلمت و خنعت الك ...؟

اسيل ...
كمت انهت من كثر الكلام المتواصل الكلته ... و مكدرت احافظ على دموعي .. ادهدرن من عيني غصبا عني ... هو وجهه كام ينطي الوان ..شفته ساكت و كلت بكلبي  لازم يكون على علم و احطه بالصورة حتى لا يعيرني بهالشي الي جان مو بارادتي ...
كتله لعد انت شتعرف عن اسيل .... خام ابيض ... محد لازمني ... محد مسمعني كلام حلو ..؟ محد سوة الي سويته وياية ..؟ كمت اصرخ و كلت .. محد  لمس جسمي  ..؟؟؟؟؟

امير ...
عبرت كل حجيها و مدرت بال الا العبارة الاخيرة هزتني الصراحة و خلت الشياطين كلها تتطافر كدامي و بلا شعور ضربتها راشدي خليتها توكع بالكع .... كتلها سمعيني عدل ... لزمتها من شعرها .. كتلها اني مو المكرن خالد حتى تسمعيني هالكلمتين ...والله من اسمعها مرة ثاني منج لسانج اكصه ... و ادفنج انت حية .... فهمتي و صرخت بوجهها .... كالت لا انت افهم ... اني اسيل رباني الشارع و من بيت لبيت و اخر شي وكعت بايد سمسار شنو غريبة عليك من اخذتني شعرفت ..؟ من اخذتني شنو الي جان عبالك ،.... بنت بنوت ... ؟ و غشيتك ...؟ فهمني ....؟؟؟؟
كامت تبجي و تشهنك ... كتلها لمي الغراض و طلعيها اني برة واكفلج بالسيارة ... و رفعت اصبعي و كتلها .... هالمرة مشيتها بمزاجي و عديتها براشدي بس مرة ثانية يا ويلج مني  انفذ الكلته والله .. واني امير اعرفيلي طبع ... مخبل و يسوي كلشي اذا طكت بعقله ...
عفتها و طلعت ... وهي شالت مزهرية و كسرتها بالكاع وجان تعييط ....
*************************
شمة ...
وصلنه لمطار بغداد .. ليث حسيته ما مرتاح حركاته مرتبكة .. قلق .. احجي وياه ميجاوبني بسرعه ... كادني و اخذنه سيارة اجرة و اتجهنه للمستشفى ...
حاولت اقنعه نروح للبيت نسترحاح و نذب الجنط بس ما قبل .. وترني هذا ارتباكه .. نزلنه من السيارة و الظاهر وصلنه للمستشفى ...
نزل و نزل الجنط وياه .. كتله ليث انت حير بالجنط و اني اعتمد ع العصاية .. كلي لا عادي اكدر اوافق بيناتكم بالمشي ...كتله لا عيوني متكدر ... كلي شمة لا تعاندين ...
******************************
علي....
طلعت اورث جكارة بالحديقة مال المستشفى لان اعصابي غدت نار من ورة دموع زينب الي ما بطلت صب ابد ...
لفت انتباهي رجال و يسحب بجنط سفر و زوجته وياه صار جدال بيناتهم ... ورثت الجكارة و صرت اباوعلهم و انفخ ... شدني الحوار بيناتهم و اكثر من صاحلها شمة ... اني جمدت و كل جسمي تقلص .... ذبيت الجكارة ... و رحت اتقربت منهم ... ردت اسال فضولي دفعني بس الرجال كادها وراح ...
طبيت وراهم ... لگيت زينب دتطلع من الباب  انصدمت من انضربت البنية بزينب ... زينب كلتلها العفو بس ما باوعت بوجهها ... و البنية ردتها كلتلها لا عادي ما صار شي ..
زينب طلعتلي و عيونها مليانه دموع ...
و البنية دخلت وية الرجال للمستشفى ... واني الزمن توقف عندي و الاشياء الحوالية جمدت و صار الموقف الكدامي زينب و البنية بس هو الي ديتحرك ... اختفت البنية من الانظار و زينب وصلتلي كالت علي مليت رح ادخل للغرفة و شيصير خلي يصير ...
كالت شبيك علي صافن ... احجي ...
كتلها زينب دخلي و كعدي يم غرفة الحجي ... اني عندي شغلة هسة اجي ...
كالت علي ... كتلها هسة اجيج .. ركضت و دخلت ادور ع البنية ...... اي هي ... هاي شمة اخت زينب ... بس لازم اتاكد قبل لا اكول لزينب ... حتى لا تنصدم لو طلع ظني كذاب ....
****************************************
ليث ...
ام الاستقبال دلتنه ع غرفة يزن ... اخذت شمة و وصلنه للغرفة ... دخلنه و جانت الغرفة بلا روح باردة باهتة ...
شمة دخلت .. و علاء تلكانه يبچي ... حضن شمة و كام يبچي ... اني دمعت عيني لموقف علاء و لنومة الطفل ..
مبين تعبان كلش و النفس بالكوة يجره و كمامة الاكسجين على انفه ...
شمة حضنت علاء بس ما بچت ... و وخرت عنه بسرعه ...
كالت شكالوا الاطباء ... بس بگلب بارد و نبرة ابرد ...
هو ظل يصب دمع .. كال الدكتور كال ماكو امل انتشر المرض ... و سكتت .. هي فتحت عينها ... كالت بصدمة .. ياااامرض ...؟؟؟؟
كلها شمم بابا انت متدرين يزن عنده كانسر بالرئة قبل سبعة اشهر بدة بي و ع اساس اطلع بي لاستراليا لعلاجه و استئصاله بس ملحكنه ...
كالت شنوووووووو ..؟ ليش اني ما ادري بهالموضوع ..؟ ليش اخر من يعلم .. شنوووو مدا افهم ليييث .. صاحتني و هي على وشك الانهيار .. ركضت عليها .. لزمتها من ايدها .. كالتلي انت تعرف بالموضوع ..؟ كتلها لا هسة دا اسمع .. علاء كال محد يدري حتى يزوني ميدري ..
انهارت و وكعت بالكع صارت تبجي ترجف ايدها و رجلها .. كالت لا مستحيييل يزن ما بي شي .. اريد اشوفه ... اخوية لزمت السرير و وكفت و اطرافها ترجف و تبجي تدور بايدها ع السرير و دكول .. اريد اشوفه ليييث ... بابا ... اريد اشوف اخوية ... يزن ميعوفني ... وصلت ليمه و صارت تتلمس بايدها وجهه و اصابعها ترجف وكعدت ع ركبها و تلمست ايده وشالتها و باستها .... ظلت محنية عليه و تبجي و تصيح اريد اشوفه .. رجعولي بصري بس ثواني اشوفه ... مشتاااقتله ... يزون اكعد ... اني شمم اريد اشوفك ... اني (امة ..) انت مو جنت تصيحلي امة ...
المنظر رهيب كطع كل خلية بية مو بس كلبي ...
علاء كلي طلعها قبل ما تنهار تحضن ايد اخوها و تبوسها و تبجي ... اخذتها و طلعتها بالكوة برة ... كعدتها ع كرسي ..
******************************
علي...
تاكدت من ام الاستقبال وين راحوا وصعدت لحكتهم ... دورت و لكيت الرجال طلعها من الغرفة بس هي بحالة يرثى لها تبجي و تصرخ اريد اشوفه ...
كعدها ع كرسي و راح ... اني رحت ليمها ... تصرب ع رجلها و دكول اريد اشوفه ...
كعدت ع الكرسي اليمها .. كتلها شمة ...
هي سكتت و جاوبتني .. منو  منو انت و صارت تدور بايدها ... اني انصدمت حطيت ايدي ع حلكي و كتمت صرخة صدمة شمة ضريرة .....!!!!!
كتلها شمة اني علي ....
دموعها تجري و عينها جامدة كالت ليييث تعال....
كتلها شمة انت مو احت زينب ...
سكتت و ضلت جامدة و جان دكلي لا ما عندي اخت اني .. ما عندي احد اني .... اني يتيمة ... اني بلا اهل .. بس هذا اخوية وجان تنحب ... اخوية حيموت ...
كتلها بلي انت شمة احت زينب و اسيل و اخوج نونو ..
صارت تبجي اكثر و رادت دكوم وخرت عنها و اجة رجلها و باعصاب كلي انت منو ..؟ دفعني من صدري و صار كبرة نار .. اني بچيت .. صراحة من تاكدت هذه شمة بجيت .. هو تعجب كال انت منو .؟ و شتريد من زوجتي .،؟
كتله زوجتك اعرفها و اعرف مكان خواتها ...
هي بعد راح حيلها و وكعت بالكع شالها زوجها و كعدها ع الكرسي .. نطاها مي ... سربت و صب بايده مسح وجهها ... كتله دقايق و اجيب زينب .. هي صاحت كالت لاااااا ما اريدهة ... كتلها لا شمة .... زينب محتاجتج .. كالت لا ما اريدها ... هسة اموت نفسي اذا جتي ليث امنعه ما اريدها ما اريدها .. كلها اوك اوك اهدي شمة على كيفج ....
كلي روح هسة وغمزلي واشرلي اجيبها .. اني فهمته .. و رحت اركض ع زينب ... وصلتلها لكيتها منهارة تبجي .. كلتلي علي وينك ... الحجي مااات ... علي مؤنس ماااات ... مااات .. وصارت بين ايدي بس تبجي ... مسحت دموعها كتلها البقاء لله زنوبة باعيلي ... هي مغمضة و تبجي ... لزمت وجناتهه كتلها باعيني زينب ... شمة هنا بالمستشفى ..
فتحت عينهاع اخرهم ... و انصدمت شفايفها ترجف و ايدها كالت شنوووو علي انت تريدني اسكت و كذبت علية .. شمة ويين ..؟ علي لا تكذب علية .... علي زينب مالها حيل للصدمات ...
كتلها والله و اني دموعي تصب كتلها تعاي وياي اراويجياها ... اني حجيت وياها ... كالت انت حجيت وياها .. اختي مابيها شي.. نونو ... سالتها ع نونو ...؟
علي احلفك بروح زينب اختك .. لا تكذب علية ...
كلي زينب و روح اهلي كلهم اني شفتها و حجيت وياها ... بس همه عدهم حالة طارئة بالمستشفى وهي تعبانة و زوجها كلي من بعيد تجي اختها و تشوفها ...
جرتني من ذراعاتي و كالت متزوجة ... ؟؟؟؟؟؟ حبيبتي اختي متزوجة...؟ يمة اختي ... علي اريد امشي مدا اكدر ... رجلي مدتشيلني ... كتلها تعاي حبيبتي اني اوسدج حقج ... اخذتها و رحنه للمكان الشقت بي شمة ... جانت كاعدة و زوجها واكف موسدها عليه و لازم ايدهة .. وهي تبجي بس دموع ... وصلنه من بعيد و شافتها ..

زينب ...
شفت شمة ... اي والله هاي شماتي حبيبتي ... صرت ابجي و كاتمة صرخة عنوانها اختتتتتتتتي ... و حاضنه ايدي الي رادت تعاندني و تركض تحضنها و تضمها بكلبي ...
كلي علي تقدمي زينب ... كتله لا خاف تشوفني مبينه حالتها تعبانة ....
كلي لا ..... زينب ... شمة متباوعج .... كتلة ليييييش...؟
كلي شمة ....... ضريرة ...
كتله شنوووووووووو،،،؟ يمة سودة علية اختي بلا نظر ...؟
لطمت خدودي و كتله علي اريد اروحلها بعد ما اكدر ...
و انهزمت من يم علي و رحت تقربت ... اكثر ... وصارت المسافة بيني و بينها مترتين تقريبا ...
زوجها باوعلي و دمعت عينه ... حضن ايدها حيييل ... هي عبالك حست وكف احد يمها عدلت من روحها و كعدت عدل ... اني مستحملت ... وكعت بالكع و لزمت ركبها و ابجي ... كتلها بعد روحي خيتي ... هي فزت ... و دموعها صارت تجري .....
صاحت زوجها وكلتله طلعني منا ... ليث ...
زوجها كلها شمة ميصير ... اختج الفاقدتها لكيتيها ...
اني جلبت بعبايتها كتلها ما عوفج ... و لا اخليج تروحين ... لييييش متردين تشوفيني ... ؟؟؟ ليش ...؟
شمة اني زينب ...
كالت اي زينب ... زينب العافتنه موووووو ..؟
زينب الي سلمتنه بيد الاغراب مووووو ...؟
زينب الي ما كسر كلبها بجي اخوتها و رفضهم يروحون ... نمتي ورانه بالليل ... شلون الليل يمر عليج ... تسمعين صراخنه اني ونونو ... ؟؟؟ صورتنه تراودج بحلم و تفززج و دموعج ع خدج ...
كامت تبجي ... اشتاقيتي لحضنتي ... اشتاقيتي لبجيتي ... لصوتي ... لضحكاتي ...
كتلها والله باليوم اموت الف موتة و اكثر و صوركم ما فاركت خيالي و احلامي و حتى اليقضة ...
شمة محتاجتج اختي لا تظلين شايلة علية ... اني الدنية تعبتني قهر و ظيم ... و فراككم تعبني اكثر ...
كتلها نونو وووين ..؟
صارت تبجي اكثر ... كالت ووووين ... نونو ووووين ... ؟؟؟
نونو راح من ايدي ... نونو ما لحكت اشوفه بعيني ...
ضربت على صدري كتلها اخوية ...؟؟؟ ماااات ..؟ كالت لا ... الله لا يكولها و حضنتني و صارت تبجي كالت زينب اريد عيون اشوف بيها يزن ... مشتااااقتله ... سافرت و ما ردت اشوفه ...
حضنتها حييييل و صرت اشمشم بيها بكل مكان و ابوس ... و ابچي على اخوية ... كتلها ويينه .. كالت هنا بهاي الغرفة ... كامت و لزمتني من ايدي كالت دخلي شوفي واحجيلي شلون شفتي ... زينب اريد عيون اشوف اخوية ....
حضنتها و كتلها شمة اخوية بي شي ...
احجولي شبي ....؟؟؟
طبينه للغرفة و ردت اموت من شفت منظر اخوية نايم و كمامة الاكسجين بحلكة و صوندات بركبته ...
كتلها شبي اخوية شمة احجي ... اكو وجال شفته و تذكرت هذا الي جان وية المرة ... و جان ديبجي اكثر من عدنه .. كال كانسر بالرئة ... اني انهد حيلي و وكعت بالكع و شمة نزلت يمي و حضنتني وصرنه نبجي اثنينه .....

علي ....
المنظر يفتت الصخر اني دموعي ما وكفن من ساعة الشفت شمة و لقاءها بزينب الى ان دخلنه للغرفة و شفته اخوهم مسجة ... و بجيهن عليه ... دك تليفوني و جان اشوفه امير ...
شلته ع السريع .. كتله امير ع السريع جيب اسيل للمستشفى ... كلي شكو يا ويل اشو صوتك مخنوك .. الحجي مات ...؟ كتله ولك اسرع ... بلا اسئلة .....

امير ..
اني بيا حال وهذا علي يتامر علية ... و هاي ام كفشة مطنكرة فوكاها متحجي وياية ..
كتلها علي يكول تعالوا بسرعه و رادج تنزلين وياية
جاوبت و من ورة خشمها ..: واني شكو انزل ... روح انت ما انزل اني ... هية كوة ... اصلا انتو كلكم رح يطلعوكم بعد شوية ويخلص وقت الزيارة ...
كتلها باله علومج و فهومج خليهن ع صفحة كتلج تنزلين يعني تنزلين ....
باوعتلي صفح .. كالت انت ليش تريد دائماً تظهرلي عضلاتك و على يابو انت رجال ...؟
كتلها لييييش حضرتج ما عاجبج ... لو عندج راي ثاني ... ؟ لا تستفزيني لان دا اسوق ما اريد اسكطج و اسكط نفسي لان اذا اتهور هسة اكلب السيارة و خبالاتي  تسويها اضمنلج اطلع بس جثة ...
سوتلي حركة بحلكهة تعيب علية ...
كتلها صبري يا ام كفشة اذا ما ربيتج اني مو امير ...
وصلنه للمستشفى و نزلت .. و وكفت يم السيارة .. و اباوعلها هي متقبل تفتح الباب و تنزل .. باوعتلها و اشرتلها ع الساعه و طلعت ايدي كتلهة خمس ثواني احسب اذا ما نزلتي كدام هالعالم كلها انزلج من كفشتج السابيتني بيها ....
و طلعتلها اصبع كتلها واحد ... اثنين .... ثلاثة .... اربعة ........ جان تفتح الباب و نزلت ... اني ضحكت و عدلت قميصي ... كتلها كل الهلا بحرم امير ... شنو رايج اصالحج ببوسة هنا كدام المرضة حتى نرجعلهم العافية ..؟
كالت امشي عين الكلادة يا بعد امك ...
كتلها لا تستهزئين ترة اكطع عطوبج و ع العلن ...
كلتلي نننه نننه و عيبت كتلها هالمرة سويتيها مرة ثانية حضري چفنج ياله تتجرئين تسويها ..
دكيت ع علي و كلي تعال بغلان طابق و فلان غرفة و صعدنه بالمصعد و المصعد سوالي واهس اخذلي فد بوسة ... بس مع الاسف وصلنه بسرعه و هي طلعت كدامي ... و شايلة خشمها بت اللذين اصبريلي اسيل ...
وصلنه للغرفة و دخلنه مفتهمت منو هذولة الناس شنو غلطنه بالغرفة ..؟

زينب ...
درت وجهي و شفت اسيل فاتت ... صحتها كتلها اسيييل .. تعاي لكيت شمة ونونو .... اسيل انصدمت و صارت تبجي وركضت ع شمة و حضنتها و صارن يبجن ... الي كطع كلبي شمة تدور بالملامح بايديها تتلمس وجوهنا .. وتكول اريد اشوفكم ...
اسيل كالت وين نونو ...؟ شمة حضنتها وكالت هذا النايم ... اسيل انهارت و صارت تبجي و تصيح لج زينب شبي اخوية .. علي فهمه و صارت تبجي اكثر و كلنه ع فد بجية ... اجة الدكتور و كال لازم تفرغون الغرفة ... واصلاً موعد الزيارة انتهى ...
بالتواسيل و بعد ما حجيناله القصة خلانه بالممر ... كعدت وحاوطت خواتي وحدة من هالايد و وحد من الايد الثانية نايمات ع چتفي و يبچن ..

علي ....
منظر زينب و خواتها رجعني قبل ١٠ سنوات من شفتهم ...المنظر زاد المي و ما بطلت بجي ... ظليته كاعدين .. قريب الساعه و جوة بالغرفة بس الرجال الي متبني يزن .. و اني و امير و زوج شمة واكفين ليغاد مبهوتين بالمنظر الي انجمعوا الاخوات بعد هالسنين و القدر بعد ما لعب بيهم و رماهم كل وحدة بمكان اجة دوره اليوم و جمعهم بهالمكان....
ورة ساعة دك جرس بالغرفة و اجة دكتور يركض و احنه كمته وكفنه و دخلنه للغرفة وياه .... و صار يحاول ينعش يزن و البنات يبجن و يدعن وشمة تصرخ شكووووو ... زينب احجيلي شكوووو ... بابا علاء شنو الصار احجولي ما عندي عيون اشوف .. اخوييية بي شي ... اجة زوجها و حضنها ... و جان يوكف جهاز الي مشكل عليه القلب ....... وصفر ... و اعلن الوفاة ... اندار الطبيب و وجهه حزين كال ... البقاء لله .................