رواية أجــرام الـ عسبار الفصل الرابع 4 - بقلم ملاك الـ خفاجي

لاتنسون التصويت

#اجرام الـ عسبار

------------

واكفة بـ البلكونة و اطرافي ثجلن من البرد رغم بردوة الجو بس  الجو ولا اروع  اباوع اطفال  يلعبون بلحي

رغم بساطة الحي مالتنة بس اشوفة احلا شي بـ اربيل  اجت عيني ع خالة كواغد كاعدة  ومخلية البسطية مالتهة (صينية بيهة حلويات) 

جان الجو بارد كلش اباوع ع خالة كواغد  ترجف من البرد دخلت بسرعة اخذت جرجف ثخين  من كنتوري 

و نزلت من العمارة الي ساكنين بيهة جنت اهرول  و انزل ع سريع ماحس الة نضربت بشخص

حجيت واني معصبة:-ثوووووول متشوف اعمة 

رفعت راسي شفت شاب طويل عيونة سود جن سواد ليل الحواجب معكودة و لابس شفقة جانت لحيتة عالية  و جنطة سفر لازمهة   نزلت راسي و حجيت

--انتبه يعني اكو واحد يمشي و منزل راسة
ما تكول ناس تنزل مستعجلة شو ورخ مني

دفعتة و  مشيت الولد. ما نطق شي

-شون ناس  دباوع كدامك خرررررب  حتئ نسيت ع شنو نزلت تذكري وثول  وين جنتي تردين ترحين  باوعت جرجف بيدي

-شني معقولة جنت اريد انام برا البيت ضربت راسي بغباء ثول ثولج اي ولله خالة كواغد هسة صارت قالب ثلج طكيتهة ركضة  صرت قريبة

-هلااااو خالة

-هلا يمة ام السان شونج حبيبة

-يااااا خالة اني ام السان ولله انتم ضالمين يعني اني هسة راسي نفشخ من ورة شاب و ما فكيت حلكي بحرف ليش ضالميني

-يا يا دجيب الي يسكت البيكيسي يمة حتئ العتاد خلص دكافي هسة عفتي لشلونج و ركزتي ع ام السان

-خالة حبيبتي انتي  عوفج من الساني و هاج هذا غطي نفسج زين لا تتمرضين

-من اغديلج فدوة يمة شني هل حنية الي شايلتهة

-حبيبتي انتي حسبة امي

-ربي يحفضهة الج مشكورة يمة

-تدللي حبيبتي 

كعدت و تربعت يمهة جانت دخن ماعرف شون جتني فكرة

-اكلج خالة كواغد

-كولي حبيبتي

-شنو طعم الجكارة طيبة

-ولله يا خالة اني ادخن من يلتمن علية الهموم الدنيا

-خالة كل هم ينزاح الله وياج و راح يزيح كل همومج و عوفينة من الهموم ما اعرف اواسي انطيني خلي اجرب

-ياع ياع ولج انتي ما كعدين راحة نوب تريد دخن شني انتي مصدكة نفسج ولد ترا اهدوم الولد و شعر الكصير مو يعني طلعلج..... 

من كالت هيج احس الدم صعد الراسي

-ياااااااا خالة شبيج عزاااا  عمي ماريد جكارة منج اروح لبو رعد ينطيني احسن عندة بنعناع

-وج انتي شني اذا ما اكول لبوج وخلي يكسر راسج

-يااا خالة انتي شو كالبة علية هل ايام  صدك جذب

-اي اني شي الي ما يعجبني لازم  اتغير عليج

-خالة راح تبدي نصايحج خلي اطفر لبو رعد احسن  سويت الهة بوسة بلهوة و رحت لبو رعد اخذت باكيت جكاير

-شوف ابو رعد مو تكول الهلي ولله ترا افضحك بين الحي و اخلي مرتك تهجولك ترا اكول الهة مزوج عليج وانت يمك الاحساب

-عمي روحي ما اكول و انتي لا تفتحين حلكج بحرف 

-لا عمي ابو رعودي سرك بير غمزت الة و طلعت خليت الجكاير بجيب البنطرون

و طلعت اباوع يمنة و يسرة تمشيت بثقة ووايدي بجيوبي وصلت للبناية صعدت للطابق الثالث و دكيت باب

-خاااااااب يوووووم وينج

دكيت الباب حيل و طكيت الباب برجلي
اتكيت ع باب و حكيت راسي بنزعاج

انفتح الباب  قبل لا شوفة منو فتحة صحت

-يعنييييي ماكولن صخام طالعة   يعني شني ميتين خو ما ميتين

حجيت عسريع خلصت كلامي و شفت نفس الشاب الي نضربت بي ع درج

حجيت بعصبية:-خير يا طير ششني شو بيتنة

منو انت دفعتة و دخلت اصيح 

-مااااااما. وينجج

علي:-مو اهنا

-انت منو شكو داخل للبيت و اهلي ماكو اطلع برا لا ولله هسة اتصل بشرطة

علي:-ما ناوية تسدين هل حلك

باوعت الة بعصبية:-لا تذب ميااانة احجي عدل انت منو

علي:-ابن خالتج علياء

-لا ولله وهسة تريدني اصدك شنو الي يثبت

باوع الي بعدم صبر طلع تليفون  طلع الي صورة  هوا و خالتي علياء 

-حتى لوو ابن خالتي شنو تدخل للشقة 

علي: -خالتي دخلتني و راحت تتسوك عدج بعد سوال

-اي روح اطلع بين ما يجي احد من اهلي و تعاي

علي:-من كل عقلج جاي تحجين

:-لا من نصة يعني تشوف شكلي مال وحدة تشاقي

علي:-انتي ضاهر خبلة

عافني و مشة دخل للمطبخ  مشيت ورا واني عصبية

-شوف ترا اني اليوم اعصابي تلفانة جاي كلك اطلع برا  بس اني بلبيت

علي برود:- لو تبقين بس انتي ما  باوع الج بنضرة ع شنو خايفة غير جنج زلمة

-اي اتشرف اكون زلمة احسن ما اكون زلمة مخنث 

علي: -ديلا شوفيني عرض جتافج اريد اسوي الي لكمة  لو تبقين انتي تسويلي لان ميت تعب

ضربت الكاونتر  وطلعت من المطبخ

وجهي احس كب نار طلعت من الشقة كعدت ع درج منتضرة ماما

_  والله ياللله يريدني اسويله اكل متسوي بيتكم فوكاها ميطلع شتكول لعالم

خليت راسي بين رجلية و ضليت احرك برجلي هاي الحركة ما ابطلهة من اكون عصبية  ضليت كاعدة

ع درج خمس دقايق حسيت شخص كعد قريب مني رفعت راسي  شفتة هوا

براء:- هٰهٰا شكو هم لحكتني تره داشوف ناس تطب وتطلع شتكول علينه

علي: عاديي ابن خالتها واكعد يمهة

باوعت الة صفح وحجيت بستهزاء_ لاوللله و همة شمدريهم انت ابن خالتي باع ماريد دوخة هذول جيران يردون الزلة علية لان دائما ازلم عليهم شي

علي:-هههههههه تهددينهن مادام عندج شي قوي عليهم ما راح يفتحون حلكهم

باوعت الة صفح  ما حجيت شي و هوا ضل ساكت   حكيت راسي بملل لمحت ماما من بعيد

كمت نكتت ملابسي من التراب و رحت اركض الهة هوا نزل وراي اخذت العلاليك منهة

_ يمه هلا  شني شعدكم كاعدين برا الشقة

علي : هلا بيج خاله شـلـꪆنــج شخبارج

_ بخير يمه من شفتك ۉݪج برآء ليش مطلعه لولد بره بهل برد  هٰهٰا ماما

_ ماما ﭑنيٰي طلعت وهوه لحكني شسويله ي٘عٰني٘

علي : اي خاله ﭑنيٰي طلعت وراها كلت لا تسوي شي

برآء . ي٘عٰني٘  شسويي مثلا هااا

_ ولجج ماما لسانج اكبر منج احترمي ابن خالتج

برآء . تمام تمام ماما حاضر

بااوععت ع علي بنضرات  ماعاجبني العجب

علي:-يلا خالة اني اروح  اكمل كم شغلة و اجي

-حبيبي يحفضك الرب

(ملاحضة:-ماما مسيحية و بابا شيعي  الله يرحمة-بس ماما دخلت دين الاسلام بس ما تخلت عن دينها و ضلت لمسات صغيرة )

برآء:-رحم الله والدي من زار و خفف

باوع الي و بتسم  صديت وجهي عنة  ماما خزرتني  بتعد عن الشقة ماما ستلمتني

_ ۉݪج برآء  شو زودتيهة عيب يمة درينة بيج تردين تسترجلين بس مو تقللين ادب وي الي اكبر منج

برآء:- ماما هوا مدري شونة ما حبيتة واحد غثيث  بعدين اني ما قللت ادب هوا هذا مثل واني احب اضرب امثاب

ضربتني بخفة ع جتفي

براء:- ماما  يلا خل نطب بارده

_ يلا يلا ماما انتِ تحيرين لـ واحد

برآء:-دخلنة لل شقة ماما كعدت ع قنفة واني رحت عزلت المسواك شفت كم ماعون ع السنك غسلتهم  اندك الجرس 

مسحت ادية بملابسي و فتحت الباب

برآء:-هلاو محمد شو تاخرت وانتي كثرانات زياراتج البيت صديقتج

محمد:-ولله اليوم شغل شكني

غزل:-اي غير متحانات و اختهة درسني انعم الله عليهم

براء:- يلا دخلو  و غزل غيري ملابسج و تعاي نجهز العشة ابن خالة علياء يمنة هم يلا نلحك نسوي عشة

محمد:-صدك شني شوكت اجة الكو.. اد مشتاقلة

براء:-قبل شوية نزلت الخالة كواغد و لكيت ماما مدخلتة

غزل :-عاااااااا متحمسة اشوفة لج  اختة زينب كومة تحجيلي عنة وشكد حباب

براء:-اتجذب عليج لا حباب ولا شي اصل غثيث  ويلا لحكيني للمطبخ محمد راح  الماما و غزل دخلت للغرفة  اني رجعت للمطبخ

طلعت دجاجتين خليتهم بمي حار و نكعدت تمن و كشرت بتيتة و بيتنجان و ملحتهم 

غزل:-ها يلا شسوي

براء:-لو نايمة مو احسن

غزل  بهمس:-حسين تصل علية

براء:-غزززززل لا طيح حضج اني شكتلج

غزل:-براء لا تدخلين احبة و يحبني انتي شعليج

براء:-حب النت هذا ما رراح يفيدج وانتي بعدج صغيرة  لا تخربين نفسج بهل امور  عوفي حب المراهقة

غزل:-احبة ولله احبة

تقربت مني و حضنتني

-ترا احبج لا زعلين

براء:- واني هم ولي احجي المصلحتج 

غزل:-اعرف ولله بس ماكدر اعوفة و كلي بس يكمل كلية يتقدملي

براء:-خوش انشوف و يلا اني رايحة اسبح  وانتي سوي التمن ومن اخلص اجي اساعدج

غزل:-تدللي حبيبي انت

براء:-ي عفية كثري هيج حجي بصيغة ولد بربج مو ناقصني لحية وصير زلمة معدل

غزل:-ايييع انجبي  شني خاف مصدكة انتي ولد 

براء:-غصبن عليج ولد  شني الولد احسن مني

غزل:-دولي اصلا ماما تريد تشكك هذني هدومج 

براء:-لاولله زلمة الي يمد ايدة ع ملابسي

هزت ايدهة ما عاجبهة واني مشيت

.

.

.

.

.

يتبع______________

هلاو حبيباتي شونجن هذا بارت نشرتة حتئ اشوف تفاعلكم ع الـ قصة و حماسكم  فـ صوتو حتئ  استمر+

الجمعة راح ابدي انشر الكم بارتات بين يوم و يوم وذا عجبني التفاعل انشر الكم يومية. وذا
الافاعل فول انشر يومية بارتين

هذا عروض و انتم بعد بكيفكم🔪🙂

#ملاك الخفاجي