رواية أجــرام الـ عسبار الفصل الخامس 5 - بقلم ملاك الـ خفاجي

للكاتبة ملاك الـ خفاجي

#اجرام الـ عسبار

لاتنسون التصويت

و متابعة للحساب
___________________

براء:-غصبن عليج ولد  شني الولد احسن مني

غزل:-دولي اصلا ماما تريد تشكك هذني هدومج 

براء:-لاولله زلمة الي يمد ايدة ع ملابسي

هزت ايدهة ما عاجبهة واني مشيت دخلت الغرفة محمد بلختلة اول بارحة شفت مشتري ملابس جديدة ضحت ضحكة شريرة

توجهت لكنتورة اخذت صفنة 

-شني وين راح وين دافنة الخبيث يدري راح البسة

ضربت كصتي بثول

-يعني  يكلج اني اهنا  دوري و تلكي

ضليت ادور بتعاليك ماكو فتحت المجرات لكيتة صفكت بفرح

حجيت بداخلي:-عبالة ما الكا لك اني براء عدنان  الي لازمة اسرار الحي كلة ما تريدني الزم هل تيشيرت

  سكتت شوية و كلت

-بلا تمظرط وين الربط بـ لموضوع  باوعت للبدي

-عاااا شني شدعوة هلكد جبير بس ولله ما اخلي بنفسي البسة البسة

طلعت من الغرفة ع طرف اصابعي و دخلت لغرفتنة اني و غزل

اخذت فالينة ردان جان الجو ثلج

و الـ بدي مالت محمد  ردانة شوية قصير جان بي كتابة اجنبية  اخذت بنطرون مريح و دخلت سبحت طولت بلحمام

عادة ما ابطلهة مجرد ادخل جوة المي الحار انسئ نفسي احس براحة مو طبيعية كل طاقة سلبية تروح مني

ضليت حوالي ساعة الة ربع  جنت كاعدة ع طبلة زغيرة خاليهة بلحمام 

كاعدة و مغمضة عيوني  فجئ اجن عيون علي بالي فزيت ع دكة الباب

غزل:-براااااء صخام شني ميتة عدلة

-عدلة شتردين

غزل:-ماما كول خلي تطلع صارت دنيا غروب مو زين عليج

_تمام راح اطلع

كمت سديت الدوش و لبست ملابسي و طلعت امشي و انشف بشعري ما منتبهة

ماحس الة نضربت بشخص

-محمممد دباع كدامك شبيك

رفعت راسي اجت عيوني بعيونة الـ نعاسات لونهة  اسود فحم  ضليت مركزة ثواني

ماحسيت الة ضربة ع راسي  التفتت لكيت غزل تغمزلي  رجعت باوعت الـ علي و رجعت  لـ ورة

غزل:-وين جنتي سرحانة بروئة

براء :- ءءء شسمة انت ما تشوف

علي:- ترا انتي الثولة ثاني مرة تمشين بدون ما تنتبهين

براء:-عااااااااا لك عليمن ثولة

علي:-عليج ثولة و فاهية

براء:-لك اني فاهية كل هل رجولة و فاهية انت صدك ما تستحي احجي عدل اني مو اختك ولا صديقتك شكو تحجي وياي هيج

الام بعصبية:- برااااء

براء بعياط:-هااااااا دا تشوفي يتجاوز علية 

الام:-امشي للغرفة يلاااا

باوعت الة بعصبية و احس وجهي كب نار ماعرف ليش رغم كلامة ما ضوجاني بس  حتئ  غزل ما تضل تلح  وين جنتي شاردة  بس عصبت من ماما صارت ويا

باوعت الة لكيتة ممبتسم بخباثة رفع تك حاجب و غمزلي

ضربت القنفة برجلي و مشيت للغرفة ضربت الباب حيل

كعدت ع جرباية كورت ادية و خليتهم جوة حنكي

براء بعصبية: -الحقير  يتشمت حضرتة  اااااخ ماما تصفين ويا   لان ابن اختج  اني الك ولله ما فوهتة الك  

_________في مكان اخر

غزل: اهخخ هسه تطلعع تحبه هل براء  لا منين تحبة هية تريد تصير ولد يعني ما عدهة مشاعر مثلنة انجبي غزل انجبي  اووو اني شعلية

رحت للمطبخ اكمل العشئ  طلعت كبه هم سويت وثرمت زلاطه كملت وحطيته عل سفره وصحتلهم

غزل-يلااا تعالوو تعشو

براء:  سمعت غزل تصيح نتعشة

-هسة شون اطلع لو لا كلشي ولا بطني اكيد الغثيث راح

باوعت الساعة

-اي يمكن راح يطلع ما يستحي اذا باقي ع العشة
 
طلعت كأنو ما صاير شي كعدت ع سفرة و شوية طلع  من غرفة محمد الغثيث-علي-

حجيت بداخلي:- بعده مرايح  استغفرالله لزكهه خوما لزكه اني اعلمكك

غزل:-

:-اباوع علئ براء تباوع عل علي وتريد تاكله من الـ كره

شوية و اجة محمد جان بالاسواق

محمد بصدمه: هاييي شنوو برراءء بعدنيي ملابس لـ تشيرت واخذتييي من عندي شنو انتِ ولدد

براء: لا والله نمونة هوه تشيرت والله يالله وعود نوب اشتري واحد

براء بهمس:-عود هم اخذه منك

محمد: انجبي ولج سمعتج  و يلا كومي بدلي ع اقل خلي الـ بسة

براء:-ما ولله نمونة هوا بـ ١٠

محمد:-هوا اني ع الفلوس لج اخر قطعة هذا

براء:-عود بعدين ابدل و اغسلة الك و اكوي

ضل يحجي و اني ساكتة كأنو ما سمعة  جنت مدنكة و اكل ماحسيت الة ع ضربة بفخذي

براء:-شتردين

غزل:-لج شوفي شون يباوعليج

باوعت الة لكيتة صافن  علية خزرتة نتبهة   نزل راسة

براء:-انتي انجبي لا طيح حضج سوالف المزعطة عوفيهة

باوعت علية صفح و كملت تاكل

ما هتميت ضليت اكل الكل كمل واني ضليت اكل جنت ميتة جوع

كامت غزل تنقل بلمواعين

جنت اكل بـيتنجان جان تشيلة عطت

براء:-عوففي جاي اكل  منة اخذي المواعين الفارغة

غزل:-لج كافي فشلتينة كدام الولد

باوعت الهة ما عاجبني و حجيت بصوت مسموع

براء:-ع شنو فشلتج كدام علي هاي انني ما تصنع  بعيدن شني زوجي خطيبي حتئ اتموع و اتصنع توخرين مني لا اهفج بلماعون

الام:-كافي شنو انتن اطفال

درت وجهي باوعت الـ علي بنضرة تحسسة انو مكانة غلط اهنا

ماهتم دار وجهة يكمل سوالف وي محمد

حجيت بصوت مسموع:-شون ناس  تسد النفس كمت بدون ما باوع الـ واحد رحت غسلت و دخلت للمطبخ غسلت مواعين  اني و غزل و خليت القوري ع نار

حضرت  اكلاصات الجاي

خليت النة كلاصات عادية  و خليت ستكان الـ علي

واني دا صب جاي راودتني فكرة شريرة

حجيت بهمس:-اني اعلمك يا غثيث

رحت ادور ع مندوزي كوة لكيتة

خليت خاشوكة مال جاي عسريع و خليت ملح  و شكر  اخذت الصينية و كوة لازمة ضحكتي لا انفضح

انطيت الماما و محمد و اخر شي انطيت الـ علي

محمد:-براء  جيبي طبلة

-هزيت راسي بـ اي

باوعت الـ علي دا يخوط  بجاي اني عسريع ركضت اجيب طبلة حتئ افلت

خليت الطبلة مقابيلة اني مدنكة لمستوئ  قرب الستكان من شفايفة  توني دا  ارفعة راسي ماحس الة  ذب الجاي بوجهي

عطت:-اييييييييع شسوووويت

مسح شفايفة و وجهة معبس

علي بعصبية :-انتي الي شمسوية بجاي  انتي خبلة شنو هل تصرفات

مسحت وجهي  بـ لبدي عاط محمد

محمد:-الـ بببببدي

حجيت بعصبية:-انت شوووون تذب الجاي بوجهي ايييييع ماماماااااا

محمد:-عرفت عرفت راح يصير شي بـ البدي

الام:-لكم صوتكم

براء:-لـــــــــــــك محمد انت حاير بلبدي لك ايييع وجهي

ركضت للحمام غسلت وجهي  و نفسي كاشة
ضليت اعيط 

براء بدموع:-ايييييع ماما شهل لعبان نفس  ايييع  غزززززززل لج جيبي معقم

علي بنفرزة:-وحدة طفلة  لج تردين جلطيني

براء:-شاااايب ابو ضغط واحد غثيث ادري ادري متقصد تذبة بوجهي 

محمد:-براء  هسة تنزعي لجججج شوفي شون صار بي من ورة الـ جاي صوجي اجيب ملابسي لون ابيض 

براء بعصبية:- محمدددددد كافي لك راح اتقيئ

صحت بعصبية:-غزللللللل المعقققم

اغسل  و عابسة وجهي و كوة الزم بوجهي و ما خليت غلطة ما غلطتهة  بداخلي  علئ
علي

جنت احجي و اذب مي ع وجهي  و احس الـ بدي تنكع

اجت غزل بيدهة معقم و كلينس  اخذت معقم و رشيت بـ لكلنس و حسيت وجهي كررت اكثر من مرة

محمد:-يلا نزعي البدي و بسرعة تغسلينة

براء:-لك شخبلتني اني بضيم ياحالي و انت حاير بـ بدي سعرة عشر الاف

محمد بعصبية :-لج الـ بدي يجنن و اخر قطعة خربتي

باوعت الة صفح رحت بدلت ملابسي جان كاعد هوا و الغثيث و غزل تباع بفون محمد  تقدمت يم محمد شمرت الـ بدي بصفة ع قنفة

براء:-كول للي وصخة خلي يغسل وصاختة

عفتهم و مشيت ما باوعت وراي

دخلت للغرفة  اروح و اجي للمراية واني كاشة من وجهي رحت للكنتور دورت عطر

غمضت عيوني و رشيت ع وجهي

سمعت باب الغرفة نفتح ما هتميت ضليت ارش عطر

غزل:-ثوووول  يثولة يجوز مو زين ع بشرة ليش تخلين عطر هسة تصير بيج حساسية

براء:-ولله الحساسية اهون من تف*ال

غزل:-مو الهل درجة 

:-عوفيني لج ايييع تعي شمي وجهي خاف بي ريحة

غزل:-انجبي وسكتي شني لعبتي نفسي

هزت ايدهة و مشت للجرباية اني رشيت اخر رشة و رحت لجربايتي

:-الله ياخذك يا غثيث

غزل:-انجبي خطية غير انتي بديتي  لج خالة ملح للولد و هوا بي ضغط جان نجلط

:-طبة مرض   الله ياخذة كولي امين

غزل:-انجبي حقيرة خطية

سكتت ضلت تقرا واني فتحت دفتر الرسم مالتي  كعدت اشخبط احب الرسم  ياخذني من الواقع العالمي الجميل  ضليت ارسم لحد ما شفت ساعة بـ2 ونص

:-عزاااا باجر تنسحلين ضميت الرسم جوة مخدتي و لفيت راسي و نمت

صباحا-9:15

الام:- براااااااء لج ماما كومي صارت دنيا ضهر

براء بـ نزعاج:-ماااااما شكو كاعدة من صبح شنو عدي شغلة عملة عوفيني نااااايمة

الام:-لج كومي راح تجي خالتج علياء

كمت مفزوعة:-تشاقين

الام:-دكومي يا امي مو وكت فعالياتج

باوعت الهة صفح:-فشلتيني خليني اسوي نفسي مصدومة 

الام:-يلا كدامي هم يلا نضف البيت و نسوي غدة

طلعت باوعت ع المخدة و كلت

:-هففف حشتاقلج بس صدكيني ما طول عليج

الام بعياط:-مووووو وكت سخافتج كومي يلا

:-هففففف ما تخلوني اترومص وي مخدتي حبيبتي

كمت غسلت ورحت يمهم لكيتهم يتريكون همزينن عليي راح

كعدنه نتريك بهدوء تام كملنه وغسلت مواعين  كنست الصالة و المطبخ و عفت الباقي ع غزل و ماما 

مشيت ع اطراف اصابعي و نزلت يم خالة كواغد 

:-هلاو خالة شونج

:-هلا يمة زينة بشوفتج حبيبة

:-حبيبتي انتي شنو الاوضاع

:-الحمدالله عايشين بس اريد اكول شي

براء:-كولي خالة

_ ولجج يمه بطلي من هل لبس تدرين ضالمة جمالج بهذن الملابس  صيري ابنيه حلوه شنو هل ملابس يا اميي

براء: خالة  اشنو  كورج وكور لملابس مالتي

:-يا يمة غير اريد اشوفج حلوة حالج حال البنات

:-حبيبتي انتي بس اني عاجبني هيج سدي الموضوع حبابة

ضلينة نسولف  بمواضيع عاديه شويه  ورجعت للبيت صارت بـ10ونص  لـ تقينه اني وعلي سوه جان نازل يريد يطلع

براء:-هفففف شون صباح

علي:-اي ولله شون صباح صبحت بوجه وحدة جنهة ارملة

براء:-كهكهكه ضحكتني تدري

علي:-شكد تفترين خاطر ربج ما كعدين بلبيت انتي

براء:-لا ولله اكعد بس من اجيت البيت كام يخنكني فـ طلعت اشم هوئ نقي

علي:-هل درجة خالة بالج يمي

براء:-اصلا ولا بالي  يلا وخر ترة  روحي واصلهه الخشمي

علي: لعد ديري بالج لا توكع روحج ونوب نبتلي

عفتة و مشيت  سمعت ضحكته يضحك  بتسمت الارادي 

دخلت للبيت ضليت اساعد ماما بطبخ غزل دخلت للغرفة  بـ12 اجت غزل ومتبطل من حسين شكد امنعها منه. بس متقبل

:-هففففف راح تعبني هل بنية

يتبع__________

بناتتت اذا شفت تفاعل قوي ڪلشش فه انشر الكم بارت باجر واذا طبت الف صدك صدك انشر بارت 😂💋