رواية أجرام مستباح لثلاث ندبات الفصل الخمسون 50 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                              بقلم الكاتبة أيلول

     ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ضيم العَله گلبي بنه بيّوت ..

. ......................................................

الجزء الاول من البارت الأخير.

.............................................................

غـــــدير ::- صيحت وراه ابجي واريد بــــس رجلية يعينني واگوم ودره مجلبة بيه تبجي وترجف متخبلة دخلت عــــمة تدك وتلطم

::- ولج غديره عــــمة

-كمتلها ابجي بسرعة اخذنا اسمر للمستشفى اول ما نزلنا عـــــمو ادريــــــس كاعد على حيلة بباب المستشفى ومنزل راسة بين ايدية تخبلت ونشف دمي

::- عمووو

- صيحت مختنگة رفع راسة الي وبسرعة وكف ركضتلة ابجي لزمني يحجي بخنك

::- اششش بابا اشش عايش واللـــه عايش بطل ابني بطل

جــــمرة ::- سحبت غدير مسحت دموعها وهي بــــس تبجي ودره بأيد امي حتى بجيها بدون صوت دخلنا وره عـــــمو.و بــــسام بالعمليات ولد ثنين عسكريين كاعدين يم الأبـــــهر وهو كاعد ومنزل راسة وكفت بلعت ريك مختنكة

رفع راسة وجر نفس يشهك دموعة مغطية وجــــهة وعيونه حمر ميل راسة على جهه يباوعلي راحتله امي كعدت كدامه تحاجية وهو كوه يجر النفس ويهمس

::- اموت وداعت جــــمرة اموت ما اتحمل خسارته

- مشت دره بخطوات ثگيله وامي ابتعدت كعدت وزحفت الحضنه تبجي حضنها الكلبة وعمو يصيح عليه

ادريــــــس ::- أبــــــهر شد حيلك كوم بــــسام بطل هسه تكمل العملية ويلطعونه سالم وتشوف

جــــمرة ::- ابتعد الابهر عاف دره ووكف من اجه دكتور ثاني دخل الغرفة العمليات مسح دموعة ويباوع بوجهنا وغدير بيد امي تبجي همس مختنك

الأبـــــهر ::- راح يموت اباذر راح يموت

نــــهله ::- اسم الله عليه تفائل بالخير لا تحجي هيج

جــــمرة ::- تقدمت كدامه لزمت أيــــدة حايره بيا كلمة اواسية واصبره باوع بوجهي وبجه بصوت سند راسه على كتفي حضنته شهك حيل احس كل ثگله صار بأيدي ماكدرت كوه لازمته واجه عـــــمو يركض لزمه وهو كالب عــــــيونة ليفوك وجسمه تصلب بــــس صوت الشهكه جلبت بأيده متخبلة وعمو يصيح عليهم

::- أبــــــهر أبــــــهر باوعلي أبــــــهر

- جرتني امي الصدرها اخذوه من ايدي وعمو وياه ودره تركض وراه وتبجي لزمها اسمر وهي بــــس تشهك واني اصيح فقدت من شفتهم تگابلوا عليه وشالوا مايحرك لا ايد ولا رجل التفتت اشهك على صوت الدكتور طلع من غرفة العمليات بــــس گـــــال لا تخافون تخطى مرحلة الخطر على بسام

غـــــدير جرت رجليها الصدرها تبجي وتحمد رب العالمين وتشكره كمت أريـــــد اروح للأبهر وامي ما تخليني

طلع عـــــمو ميت من القهر باوعت بوجهه كمت وكفت كدامه مسحت وجــــهي

::- هــــا عـــــمو؟

- بلع ريك يباوع العيني ودار باوع الامي عبرته أريـــــد اروح للغرفة البيها الأبـــــهر لزمني بسرعة بجيت اصيح وهو كوه يحجي

::-:اشش لازم يرتاح صارت عنده ذبحه صدرية جــــمرة عـــــمو بــــس اسكتي

- جمدت فاتحه عيني على وسعها جريت ايديه ورجعت ليوره احس غواش بعيوني وصدى صوتهم يون بأذني حسيت على ايدين امي لزمتني وكعدتني مدنكة وغمضت عيني گـــــلبي حيل يوجعني فتحت ورفعت راسي بــــس أريـــــد اشوف زين لمحت امي كومت دره وحضنتها الصدرها

نــــهله: :- احير اليا صفحة اركض تبهذلنا بــــسام صح تخطى مرحلة الخطر وتطمنا عليه بــــس بعده ما نعرف شنو المضاعفات الراح تصير عنده والابهر الضغط والسكر ثنينهن معلكات وحايرين بيه والبنات ولا وحـــدة بيهن سباعية ثلاثتهن وكعن وكلمن تبجيلها على صفحة الا جــــمرة جامده بــــس فاتحه عينها حولوا بــــسام الغير غرفة وسمحولنا ندخل يـــــمة الحمدلله عدت على خير

غـــــدير ::- فتت للغرفة امسح بدموعي هستوه صاحي من البنج ويون موجوع كعدت يـــــمة مهدود حيلي ودموعي يحركن خدي رفع جفنه وحرك عينه باتجاهنا اني ودره مايكدر يحجي بعده تعبان شوية وطلعنا من يـــــمة والابهر بــــس يردون الضغط ينزل ماكو.

رجعنا البسام انتبهه ووضعة احسن يباوع لعيون دره وهي تبجي تقدمت ودنكت على أيــــدة باستها تشهك كوه حاجاها

::- دره

دره ::- افدي صوتك اباذر يا روحـــــي اخذتوا گـــــلبي

غـــــدير ::- ابتسم بتعب ودار عينه الي رجفت شفتي ابجي لزمت أيــــدة كوه ضب اصابعه فوك اصابعي وهمس

::- لا تبجين ما بيه شي

ادريــــــس ::- مو اكلهن يابه ابني بطل شنو الرصاصة وتاخذ روحه ما يستسلم خلصنها بجي

اباذر ::- يا بطل زرفوا بطني ااــــخ

غـــــدير ::- ابتسمله عـــــمو ساكت وهو عــــــيونة تدور باوع زين ورجع حجه بخوف

::- الأبـــــهر؟

دره ::- من خوفة عليك تخربط وصعد عنده الضغط

غـــــدير ::- تحرك مفزوع يريد يكوم عاط عليه عـــــمو ودره مجلبه بيه وهو روحه رايحة

ادريــــــس ::- اركد لا اطيح حظك هسه هو يكعد ويجيك اكعدد لك نطمر

نــــهله ::- عفتهم وطلعت جــــمرة كاعده بالكاع بباب الغرفة البيها الأبـــــهر لامه رجليها الصدرها
ومدنكه عينها حتى ما ترمش وكفت كدامها رفعت عينها الي تباوعلي ببرود همست صوتها متحجر

::- راح يموت ويعوفني مثل مصطفى

- بلعت ريك رجف گـــــلبي سحبتها من ايدها وكفتها وحضنت وجها بين ايديه اهمس بصوت ناصي خايفة

::- الدكتورة كالت ما بيه شي بــــس يرتاح شوية

- جرت روحها من ايدي ورجعت النفس الكعده تهز راسها لا طلعت الدكتورة جلبت بيها

::- بــــس تشوفة فدوه العينج

- دنكت عينها تباوع الجمره وهي تمسح بعيونها الما نزلت منهن دمعة ابـــــتسمت الها كالت

::- زوجته؟

::- اي زوجته بنتي

::- كومي ماما لا تخافين ادخلي شوفيه خليها تدخل يـــــمة عادي

نــــهله ::- كومت جــــمرة فاتت يـــــمة نايم والكانيولا بأيده معلك بيها مغذي تقربت يـــــمة تمسح على خده بابهامها كوه تحجي

::- أبــــــهر باوع اباذر كعد

- فتح عينه بثگل التفت عليه حاجيته

نــــهله ::- شسالفتك عــــمة هذا انـــتَ السبع طحت ويا اخيك شجاك

- ابتسم بتعب وهمس

::- شلونه اباذر؟

::- زين واللـــه ما بيه شي يريد يجي وما خلاه ابو اسمر

- رفع عينه يباوع للمغذي ورجع يباوع الجمره ابتسم الها ورفع أيــــدة الخدها

::- شبيج؟

- مسحت وجها مدنكه تباوع على أيــــدة وتحجي

::- مريض انـــتَ راح تعوفني

- مد ايده سحبها من زندها ورجع باوعلي گـــــال

::- من رخصتج عــــمة تقبلين احضنها كدامج؟

- درت أريـــــد اطلع فشلانة صاح بخفوت

::- لا لا ابقي

- دنكت منحرجة ومن سمعته يحاجيها رجعت باوعتلهم نزلها من زندها اله حضنها ويهمس

::- ما عوفج جمريتي

- ابتعدت جــــمرة من رجعت الممرضة دخلت خلت ابره بالمغذي طلعت كعدت كدام غرفتهم شوية وطلعتلي جــــمرة كوه تجر النفس وكفت

::- هــــا جــــمرة

::- نام طلعيني منا اختنكت

نــــهله: :- سحبتها من ايدها وطلعنا نزلنا للحديقة ظلمة والضوه خفيف بروده وريحة الورد كعدنا على المصطبة رفعت رجليها مدت نفسها وخلت راسها على رجلية رفعت ايدي امسد عليها

::- يـــــمة

::- هــــا يـــــمة هــــا جمرتي

- جرت حسرة بقهر مردت گـــــلبي

::- شكد تعــــبت ويا الأبـــــهر وحيل اتعب بدونه

::- هل كد تحبينه؟

::- كد اذيته الي كد لوعته على اخوانه كد عذابة بفراكهم

- دارت نفسها تباوعلي مسحت خدها همست بخفوت

::- وجع روحه يوجع گـــــلبي .

::- اسم الله على كلبج بنيتــــي يـــــمة

::- باوعي

- حجتها وسحبت ايدي الگلبها غمضت عينها وحجت

::- گـــــلبي حيل يوجعني عليه 

- مسحت على كلبها اردد بسورة النور الحد ما ثگل نفسها غفت بالي يم الجهال سمر يمهم وهسه حتى ماينامون ويشلعون كلبها لمحت ادريــــــس طلع يدور بــــس انتبهلي اجه يمنا كعد مقابيلي يباوع الجمره ساكت

::- شلون ويا واجباتك ادريــــــس على يـــــوم تروح ما ترجعلي

- ابتسم يباوعلي

::- كلمن بساعتة حبيبتي

::- ما يصير تبقى ببغداد ما تروح؟

-سكت دار عينه الجمره ورجع باوعلي گـــــال

::- لو صاير على بــــسام شي اتخبل فگد عـــــلي كاسرني لليوم

::- الحمدلله عدت اخوته خطيه وغدوره

::-  اي كسر گـــــلبي الأبـــــهر تخبل خطيه اول
ما اجه أريـــــد بــــس الزمه بكل خطوة يعثر ويوكع على وجهه نهد حيله يصيح لا تكسرني فدوه اروح لعيونك لا تكسرني خله المستشفى كله يبجي على حاله

- دنكت ساكته اباوع الجمرة ورجعت باوعتله

::- جــــمرة حيل حابته

::- شفت كلشي بعيونها بدون ماتحجي

نــــهله ::- جريت نفس بحسره امسد على كتفها كتله

::- حيل جنت شايله هم خاف ما تساعده وينسجن كلت هسه يكول وظيفتي اسجنه ومستحيل اساعد مجـــرم ويعل گلب اخوته وگلب جــــمرة

-ضحك مدنك ورجع باوعلي

::- وانتِ مصدكه انا اساعد مجـــرم ومقتنعه الأبـــــهر مجـــرم؟

- عكدت حاجبي مافاهمه كمل كلامه بابتسامة

::- نــــهله هذا حرام ينگال له مجـــرم شايفة الملفات السلمها الي كم عملية بعملية هو مخربهن عليهم ابسط شي مسوية ناقذ 45 طفل
من اكله ليش جنت تخاطر بحياتك يگلي ما أريـــــد بالتالي يصيرون مثلي ويغطي السواد على بياض گلوبهم رغم هو ابيض گلب عرفته اليبجي لان ما كدر ينقذ طفل حرام اخلي على كتفي رتبه اذا سجنته

صح اشتغل وياهم بــــس ما صار مثلهم خرب اليگدر عليه من شغلهم ونقذ ارواح الاطفال من ايديهم.

نــــهله ::- ابـــــتسمت ::- على كولت جــــمرة الارعن معذبها

::- هي هم ما قصرت خلت اخوه يسجنه كسرته كسره تسوه

- حجاها وابتسم گـــــال

::- كعديها خلي ارجعجن للبيت

::- تقبل تعوفه تتخبل؟

::- حتى هو اطلعه لازم يرتاح بالبيت انا ابقى ويا بــــسام

- درت على جــــمرة كعدتها فزت مخروعة وكفت على حيلها تباوع باستغراب .

جــــمرة ::- مسحت وجهي لزمتني امي من ايدي رجعنا فوك هستونا دخلنا وطلع الأبـــــهر من غرفته أيــــدة على صدره عفت ايد امي ومشيت بسرعة اله بعد ايده من صدرة دخلت الحضنه ارجف وخايفة يهمس بصوت  ناصي

::- سنايبري الخواف اشش يمج ما بيه شي باوعيلي جمري

- ابتعدت امسح عيوني احسهن جمر بــــس ما كو دموع رفعت راسي اباوع الوجهه

::- وين رايح

::- اشوف اباذر

- هزيت راسي اي صرت بصفة امي وزوجها واكفين على جهه خله أيــــدة على كتفي خطوته ترجف واني من كل عقلي مصدكة روحـــــي اني الجاي امشية وهو بــــس ثگل أيــــدة يوكعني

فتح الباب ادريــــــس ، دره وغدير يم بــــسام التفت بــــس لمح الأبـــــهر ضحك بوجع كاله

اباذر ::- وكعت من خوفك عليَ لعد شكد محظوظ بخوتك

- تقرب الأبـــــهر يـــــمة مبتسم ابتعدت غدير كعد بمكانها وفترت دره الحضنه سحبها بوسها ورجع باوع الاباذ مد أيــــدة ضربة على كيف راشدي عيونهم مدمعه ويضحكون

الأبـــــهر ::- تريد تعوفنه؟

اباذر ::- مادام ادريــــــس وراي ما اطول

ادريــــــس ::- هسه افصلك حتى تطول

اباذر ::- اااخ لا تقهرني لا اموت داروني داروني سمعوني كلام حلو ولك ابهري زرفوا بطني

الأبـــــهر ::- يله ميخالف اخوك من فوك الجوه مزرف

::- شبيك وكعت عليَ هيج تحبني

دره ::- باوع سوالفه أبــــــهر باوع سوالفه

جــــمرة ::- ابتسم الأبـــــهر سحبها باس خدها يباوع بعيونها ويسألها

الأبـــــهر ::- شنو گـــــال ضوجج اطيحلج حظه ازرف بطنه من جديد

اباذر ::- تبجي ولك تبجي وكتلها اذا اموت شتسوين ااــــخ بطني لا تحاجوني توجعني وينج مرتي سكتيهم مني

غـــــدير ::- دار الأبـــــهر يباوعلي مسحت دموعي ضحك رجع باوع الاباذر كاله

::- هس مرتك شحالها شو مخلصتها بجي

غـــــدير ::- بجي ولا يعلك ضغطي وتصير عندي ذبحه

- نسيت اباذر ما يدري اختفت ضحكته وجلب بأيد الأبـــــهر

::- ذبحة شنو أبــــــهر شبيك ؟

::- اششش سبعي ما بيه شي عدت

جــــمرة ::- حاجاهم عـــــمو ادريــــــس كالهم كلكم ترحون لا أبــــــهر قبل ولا غـــــدير بــــس عـــــمو قفل ما يقبلون واباذر هم كالهم روحوا

طلعنا من المستشفى بسيارة اسمر وكف بباب بيتنا نزلنا امي تحاجي البنات واني واكفه بصفها اباوع للأبهر أيــــدة بعدها على گلبه اشرلي تعالي تقربت وكفت يـــــمة خله أيــــدة على كتفي

::- وياي جــــمرة

- رفعت راسي اباوعله: :- اغراضي هناك !

::- بعدين جيبيهن تعبان جــــمرة لا تعوفيني

- دنكت ساكتة راحت غـــــدير فتحت الباب واسمر دك باب بيتهم باوعتلي امي كالت

::- هــــا جــــمرة

::- رايحه بعدين اخذ ملابسي

- هزت راسها اي ساكته رحت وياه دخلنا البيتهم كعد بالصالة ودره يـــــمة تلزم بايده وتعصر اصابيعه رحت وره غـــــدير الغرفتها مسحت دموعها بسرعة تباوعلي

::- شبيج غـــــدير بعدج تبجين ترا صار زين يـــــوم يومين يطلعونه كلشي ما بيه

- دنكت راسها ساكته وتشهك كعدت يمها ارفع براسها

::- كـــــافي هيو لا تلحين صار زين

- ضمت روحها بحضني تبجي حيل سمعت صوت الأبـــــهر يصيح عليها

::- شسالفة غـــــدير خوية ارجعج يـــــمه؟

- كعدت عدل تمسح بدموعها وباوعتلي كالت

::- رجعتي بعد ما ترحين؟

::- اي الأبـــــهر مريض ما اكدر اعوفه

::- خوش كومي اغسلي المواعين البالسنك

- باوعتلها ساكته وهي حجتها وابتسمت تمسح بدموعها ضحكت كالت

::- اتشاقة كلشي ما أريـــــد منج

::- عبالي صدك.كلت اخلي الأبـــــهر يغسلهن بمكاني

::- هههههه

- عفتها وطلعت دره طلعت من الحمام باوعتلي ساكتة اشرت على غرفة الأبـــــهر كالت

::- روحيله صدره يأذية

- فتحت باب الغرفة اباوعله كاعد على طرف الجرباية مدنك وايده على صدرة رفع راسة من شافني اشر باصابعة تعالي تقدمت وكفت كدامه

::- أبــــــهر

- رفع راسة الي مغمض عينه ::- يا روحه

::- موجوع؟  نرجع للمستشفى؟

- باوعلي مبتسم هز راسة لا

::- هسه ارتاح واصير زين

::- خوش تعال تمدد اسويلك اكل؟  هــــا جوعان؟

- صافن بوجهي ساكت وانا احجي بلهفة وخوف كل ما اتذكر شلون وكع گـــــلبي يتفتت مد أيــــدة حضن جف ايديه وقربني اله حضن خصري

::- خايفة عليه سنايبر؟

- عبرت ايدي حضنته ::-  باوع واللـــه حيل خفت

::- تردين تداريني؟

::- اي مثلك اني اسويلك اكل واوكلك

- رفع راسة بتعدت اباوع الوجهه وامسح على خده بأيدي ابتسم غمض

::- وتسبحيني جــــمرة؟

- نفسها ايدي التسمح على خده ضربته راشدي ضحك ورجع حضن خصري

::- لا تتسوفل أبــــــهر

::- أريـــــد اسبح بــــس وصليني للحمام ريحة المستشفى خنگتني

- ابتعدت وسحبته من أيــــدة درت طلعلتله ملابس وكفت يـــــمة اسنده وصل للحمام علكت ملابسة وفتحت الدوش بين المي الحار والبارد درت اباوعله

::- تعالي بــــس افتحيلي القميص

- تقربت يـــــمة فتحت دكم القميص يباوعلي ابتسم

::- عاشت ايدج هاي هي روحي

- عفته وطلعت لكيت دره تسوي عصير بالخلاط ابـــــتسمت من شافتني كالت

::- تعالي جــــمرة هذا للأبهر

- دخلت وكفت يمها مخلية شيش كبده على الطباخ .

::- باوعي دره روحـــــي نــــــامي اني اكمل لا تشتغلين انتِ

::- اني احب اهتم باخواني ما تضوجين؟ اذا تضوجين ما اسوي شي

::- لا لا ما اضوج .

- ابـــــتسمت تباوع بعيني مدري ليش كل ما اشوفها عبالك شايفة شخصية امي ثنينهن ابتسامتهن تطمن كملته خلته بصينة نطتنياه وراحت غسلت اخذته وفتت للغرفة. كعدت منتظره الأبـــــهر الحد ما رجع باوع للصينة ورجع باوعلي كتله

::- دره سوته

- هز راسة ساكت كعد اخذ كلاص العصير شرب منه ورجعة للصينية كوه اكل شوية وكام غسل
اخذت الاغراض للمطبخ غسلت ورجعت يـــــمة

::- تشرب علاج؟

- هز راسة اي طلعت جبتله كلاص مي وهو لازم الحبوب بأيده شربهن

::- أبــــــهر شبيك؟

- رفع راسة يباوعلي رجع نفسه ليوره تمدد يباوع للفراغ ويحجي بحسرة

::- جــــمرة انا اموت اذا صار على اخواني شي لكيتهم وره ظيم شلون اذا رجعت ضيعت واحد منهم للأبد اباذر اخذ حيلي اليوم

- سكتت اني والمواسات دروب ما نلتقي لا اعرف اصبر احد ولا اواسية دار وجــــهة الي ساكت يباوع لعيوني

::-  تنوميني بحضنج جــــمرة؟

- سكتت تقربت للجرباية كعدت بالجهه الثانية رفع نفسه منتظرني اتمدد واني بــــس كاعده وسانده ظهري على التاج سحب رجاية نمدن وقرب راسة الحضني لميته بحضني ودنكت راسي الشعره بعده مندي ما ناشف وريحة الشامبو بيه

::- أبــــــهر سمعت الدكتورة تكول كلبك بيه شرايين مسدوده

::- اي

::- يعني لازم تسوي عملية؟

::- لا بــــس ارتاح

::- سمعتها كالت عملية

::- مو الكلبي

::- هــــا؟

- رفع راسة مني رجع ليورة نزع التشيرت

::- تشوفين هاي الاثار؟

- باوعتلهن ساكته

::- كلهن يوجعني وكلهن لازم ينفتحن ويتنضفن من جديد وهاي الزايد ينكص لازم

- حجاها وتمدد سحبني من ايدي الصدره حضنته حيل

::- جنت اكول شلون ينجرح ويرجع بسرعة يمشي ما بية شي

::- انوجع بــــس اتحمل الخاطركم  هسه بعد ما بيه احمل وجع خلصت طاقتي .

- رفعت راسي اباوع الوجهه ابتسم ومد أيــــدة يبعد شعري عن وجهي

::- شسويتي بيه انتِ جـــــندل المجرم يمج حالي حال الطفل

::- جنك ثور شجابك على طفل

- ضحك وعبر أيــــدة فوك ظهري يحضني نزلت راسي الصدره

::- أبــــــهر شو بــــس رجعتلك تمرضت؟

::- حظج مدري حظي هن ثنينهن عوج

- سكتت الحد ما غفيت كعدت ما لكيته كالت غـــــدير راح البسام هو ودره عفتها ورحت البيتنا بدلت ورحت ويا اسمر للكلية حاولت ارجع ادرس اني مو مهمله ونجحت باصعب اوقاتي وهسه صايرة ما افتح كتاب فتت الكل المحاضرات ومن رجعت رجعت البيت امي دخلت للصالة فزت ووكفت على حيلها خجلانه جانن يمها كتب ركزت بيهن كتب الثالث متوسط

::- شنو جاي تدَرسين منو؟

- دنكت باوعت للكتب والقلم بأيدها خجلانه وترجع تباوعلي كالت بتوتر

::- ما ادرس احد اني راح امتحن خارجي

- سكتت شوية اباوعلها ابـــــتسمت ::- صدك؟

::- اي وما ادري تدبر لو لا بــــس استحي من ابو اسمر دفع فلوس وانا نفخت ريشاتي وكتله شاطرة تالي ارسب فشله

::- لا ما ترسبين انتِ تكدرين

- سكتت حيل خجلانه وانا مدري شبيه گـــــلبي فرفح جنت انقهر من اشوفة يهتم بيها وهسه افرح صح مرات اغار بــــس امي تستاهل انسان يعوضها التعب العاشته فتت للغرفة بدلت وطلعت تحجي ويا اسمر صبت غدا اكلت وياه عفتهم وفتت نمت حيل تعبانة للعصر يله كعدت سمعت صوت عـــــمو طلعت من الغرفة سلمت عليه الجهال ثلاثتهم بحضنه يشاقونه وحتى هبه تبوس بيه وتكله بابا سألته

::- اباذر طلع؟

::- لا بالليل يطلعه الأبـــــهر .

.

غـــــدير ::- اخذت غدا وخابرت اسمر اجه وصلني للمستشفى ضحك بــــس لمحني اباذر

::- ليش اجيتي تتعبين وطفلي يتعب

- كعدت يمه ساكته اسمر سلم عليه وترخص صاح عليه الأبـــــهر

::- انتظر شوية حتى تاخذ البنات وياك

غـــــدير: :- حجاها وطلعوا كلهم من الغرفة حتى دره درت عيني البسام

::- جبتلك غدا

::- اكلت غدوره

- رفعت راسي اباوع الوجهه ابتسم

::- خايفة؟ وترجفين شبيج؟

- بلعت ريم وتقربت يـــــمة اكثر حضنت وجــــهة بين ايدية

::- بــــسام اني احبك گـــــلبي تكطع عليك

- رفعت ايدي امسح دموعي ضحك ومد ايده على خدي

::- اعشگج غديري

- مسحت وجهي دار عينه للباب ورجع باوعلي

::- غدوره تعالي يمي بسرعة

- جريت الكرسي اكثر قربته يـــــمة

::- لا مو هيج تعالي اوكفي وخري الشال ودنكيلي احضنج

- فتحت عيني بصدمة باوعت للباب

::- شبيك بالمستشفى احنا

::- مو الدكتور گـــــال اذا ردت تتشافى بسرعة كثر حضن وسوالف متزوجين

- مديت ايدي سديت حلكه وهو يضحك

::- اسكت فدوه لا يسمع الأبـــــهر عيب

- جر ايدي من حلكه

::- مايجي يفتهم اخذهم وطلع حتى اخوه يتعالج تعالي لج هي بوسة شبيج دنكيلي

::- من ترجع للبيت بغرفتنا بــــسام هسه اي واحد يدخل علينا

::- بسرعة اوخر

::- انـــتَ بسرعه توخر ؟؟؟؟؟

- ضحك هز راسة اي وغمض عينه بوجع

::- استعجلي عالجيني راح اموت اااخ متت متت

- وكفت بسرعة اباوع للباب عض شفته يباوعلي قربت وجهي اله مد أيــــدة يبعد ملابسي عن ركبتي غمضت عيني مرتبكة وجسمي متبند

::- بسرعة بسام لا يجون

- قرب وجــــهة الركبتي يبوسني ويبتعد يهمس بخفوت

::-اشك حلكه اليجي هسه

- سكتت مغمضة وجفلت على فتحة الباب بــــس أريـــــد ابتعد وهو لازمني من ايدي وطلع راسة من شالي دار عينه للباب الأبـــــهر واكف لازم يدة الباب ورافع حاجبة ضحك بــــسام واني ودي الگاع تطمني اجر بروحي اريد بــــس ابتعد وهو مجلب بيه

الأبـــــهر ::- بالليل نطلع وتاخذ راحتك شبيك مستعجل

اباذر ::- واللـــه بعد انا اخو الأبـــــهر نفس الطينه اذكرك بفد واحد متصوب ومطلوب للحكومة ومطلوب الاكثر من عصابة ويجي برجلية يطفر على بيت ضابط علمود حضن؟

غـــــدير ::- جريت روحـــــي ابتعدت والابهر دنك يضحك وايده على لحيته احس وجهي تطلع منه نار شوية وطلعنا اني ودره ويا اسمر وصلنا البيتنا

حد الليل الساعة 11 يله طلعوا الأبـــــهر لازمة وهو كوه يخطي تمدد على الجرباية ودره تفتر عليه تكسر الگلب تغطي برجلية وتعدل المخده

سحبها من ايدها كعدها يـــــمة وفتح ايديها ثنينهن باس باطنهن

اباذر ::- شلونها درتنا امي انتِ

- دنكت دره باست أيــــدة ، بلعومها محتقن وكوه تحجي

::- اذا انتم بخير انا بخير

الأبـــــهر ::- تعالي تعالي اااخ تنوكلين

غـــــدير ::- ضحكت امسح بدموعي راحت للأبهر شالها بأيد وحـــدة ورفعها الصدره نزلها وباس ايديها وجــــه وكفة ويحجي

::- خيولي هذا الخايس لا تخلينه يبوس ايدينج الترفات يوصخهن بــــس انا ابوسهن

دره ::- ههههه ايدية تعودن على شواربكم .

- سحبها حيل الحضنه يبوسها واباذر يصيح

اباذر ::- دام اخوتج بيهم نفس ايديج مثل فرض الصلاة كل وكت ينباسن

- وخرت من أبــــــهر تريد تروح الاباذر صاح عليها الأبـــــهر

::- تعوفيني؟

- وكفت بينهم تهز راسها لا واباذر يصيح

::- انا المتصوب دره تعالي الاخوج

الأبـــــهر ::- انا الجبير دره تعوفيني علمود هذا الخايس جان يكتلج لان تلعبين بكتبة

اباذر ::- جذاب دره اصلاً جنتِ كله تنامين يمي وهو عود الجبير ماخذ خاوه علينا تعالي الي

دره ::- ههههههه ثنينكم احبكم واريد يمكم تعال أبــــــهر هنا يم اباذر

غـــــدير ::- تقدموا يم اباذر يضحكون تشاقوا شوية ويا وطلعوا طلعت وياهم راح الأبـــــهر الغرفته فتح الباب ووكف لم شفتة الداخل حلكة ودار عينه الي يسأل

::- جــــمرة وين؟

::- ببيت عــــمة

- هز راسة خوش وفات للغرفة.

جــــمرة ::- كعدت اكتب والخص أريـــــد اعوض وانجح دك تليفوني يمي ابـــــتسمت من لمحت اسمه بسرعة جاوبته ونصدمت بصوته يصيح بعصبية

::- انتِ وين ؟؟؟

::- هيوو لا تصيح

::- ليش راجعه الامج جــــمرة ليش؟

::- جاي اكلك لا تصيح بكيفي خوش معليك واللـــه من تصيح عليه بعد .......

::- لج انتِ ما عندج عقل ما تفكرين بشر تعبان اجي بلهفة ما الكاج اعوفج بالبيت ارجع الكاج عد امج مو البارحة كتلج لا تعوفيني مو توسلت بيج تبقين وياي ليش اجي ما الكاج ليش

::- لااا تصيح

::- جــــمرة جــــمرة جمررررره

::- خير

::- اكطعج اذا الزمج

::- اي مو تايهتلك

- صيح يفشر وانا گـــــلبي يطحن من صياحة محروكة حرك احجي ببرود عكس البداخلي

::- كومي تعالي فضيها بالباب انا

::- هههه تحلم واللـــه

::- لج جمررررره

::- ولي يله تعلم لا تصيح وتعال

- سديت التليفون بوجهه ارجف اغلط واسب رجع اتصل نطيته رفض دز صوت على الوتساب فتحتها بسرعة

::- جاوبي خلي احاجيج

- رجع اتصل هم رفضتة دزيتله رسالة

::- ما اجاوب ولا ارجع قبل كم يـــــوم تتوسل وتحجي كله بهدوء وهسه بــــس رجعتلك تصيح ونجلبت

- فتحتها وطلع جاري الكتابة كبل انطيته بلوك دقايق واجت رسالة على الخط كاتب

::- حركتي روحـــــي اذا ما بجيتج سهله جــــمرة

- هم حضرت رقمة ورحت على رقم اباذ وغدير حضرتهم اغلط عليه انجلب بــــس رجعت انجلب ، اندك باب الغرفة صيحت

::- هااااا 

- نفتح وفاتت امي ساكته درت وجهي اعصابي ترجف اجت يمي تسأل

::- شبيج جــــمرة

::- ما بيه شي

::- احجيلي شكو

- هزيت راسي ما كو شي وتمددت باوعتلي ساكتة شوية وطلعت

نــــهله ::- اسكت انقهر احجي ابتلي بالسانها فتت الغرفة غيوثي نايم والايباد ضال مشتغل طفيته ورحت للبنات هم نايمات بــــس اسمر يلعب بلي بالصالة فتت من يمه صاح

::- يـــــوم تعالي اكلج

- التفتت عليه فازه اول مره ينطقها دائماً يكلي خاله وكف على حيلة جر علاكة من يم الشاشة عليها اسم المحل مالته ورقم التليفون فتحها
وطلع حجاب اسود جرجيت وباطرافة خرز اسود

::- جبناهن جديدات وتذكرت انتِ تلبسين حجاب

- اخذته من أيــــدة خليته فوك الحجاب الابسته والزم بالقماشة مالته

::- يخبل

::- تردين بعد؟

::- ههههه لا بــــس جيبلي اربع شالات اريدهن الدره مو من هاي القماش من هذاك الكطن الباطرافة شراشيب

::- يا لون؟

::- على ذوقك الون مال بنيات

- هز راسة اي ومد أيــــدة الي فاتحها باوعت بعينه

::- شنو؟

::- فلوس؟

::- امشي ولي

::- اهو بدت الميانة عزلنا ما نبيع

::- ديله شكد يصير سعرهن

::- عشرين الف الواحد على خمسة من غير حجابج بـ 15 الف هذا ببلاش مني ميخالف والعشرين جيبيهن

::- لا اطيك ثلاثة الاف

::- شنو ابيع طماطه ماخذه اربع شالات الواحد على خمسة تنطيني ثلاثة الاف ليش لاكيهن بالشارع بايكهن

::- شنو السالفة غير معاميلك المحلات يبيعون تنزيلات شالين بثلاثة بــــس انا اريدك تربح ولان محلنا اخذ منك هــــا شكلت

::- سويهن خمسه

::- ماعندي وداعتك خلصن فلوسي هن هل ثلاثة الاف اطيهن الك

- هز راسة موافق وانا اضحك باوع البطني  گـــــال

::-يله عمي الخاطر اخوي مدري اختي جيبي الثلاثة

- فتت للمطبخ دوم اضم فلوس بالقناديل مال البهارات طلعت خمسة وعشرين ودرت عليه

::- عندك صرف؟

::- هــــا لعد مو ما عندج بــــس ثلاثة؟

::- هاي ما ادري بيها لايذة هنا بالقنديل

- هز راسة يضحك اخذه ثلاثة ورجعلي الباقي عفته وفتت لللغرفة اضحك حيل تغير اسمر وعقل ، شخصيته كلها اختلفت.

ضميت الحجاب بالكنتور ادريــــــس بعده بالمكتب كويت بدلته وعلكتها تقربت للميز الرتب عايفهن على الميز كعدت بطني كبرانة وصايره حركتي ثگيلة سحبت من بين الرتب بــــس النسر لازمته بين اصابعي واباوعله مبتسمه

درت وجهي من فتح باب المكتب وطلع عينه على ايدي وبطني حرك رگبته يمنى ويسرى فتحت الجرارة ضميتهن ووكفت اجه يمي مبتسم

::- انتِ وين تغطين انعس وانا منتظرج

::- شفت جــــمرة

::- هنا؟ عبالي راحت البيت زوجها

::- يمكن تعاركوا!

::- الله يعينه

::- هاه؟؟

- ضحك ومد أيــــدة البطني ::- واللـــه بنتج نار تخوف ونوب خوفي الاكبر يطلع البطنج نفسها تكمل وياي

::- واللـــه بنيتــــي عاقلة بــــس هو مدري شبيه وياها

- ضحك سحبني من ايدي للجرباية

::- وكحه

::- عصبية مو وكحه

- سكت وباوعلي مبتسم دنك يبوس بطني

::- ادريــــــس

- رفع وجــــهة الي

::- يا عوض سنيني

::- لا تخجلنا بهل الليــــل وين نولي

::- الحضني لعد وين

- ضحكت لازمه أيــــدة

::- درستي ؟

::- اي

::- شنو درستي؟

::- انگليزي أريـــــد اتعلم مثلك ما تضحك عليه بعد

- فتح عينه بصدمة

::- شوكت ضاحك عليج

::- مره كتلك انـــتَ ما تعرف تحجي انگليزي
كتلي جملة بالانگليزي سألتك شنو معناها كتلي هيج وطلعت كايلي استطع تعلم جميع لغات العالم من اجلك

- ضحك حيل وحجه

::- I still tell you I can do everything for you my love

::- عرفت بــــس الوف

::- كتلج وبعدني عند كلمتي اكدر اسوي كلشي علمودج حبيبتي

::- خلي نتعلم انگليزي حتى نجاوبك ما يصير تحجي وحدك

- ضحك يمسح على شاربة

::- اعلمج جملة سهله وحلوة تگدرين تردين عليه بيها

::- كون صغيرة حتى احفظها

- هز راسة اي ورفع عينه ليفوك يتذكر نسه الكلمة جر تليفونه بحثها بالنت ولزم ايديه گـــــال

::- kiss me i miss you

::- شنو يعني شو صعبة؟

::- يعني انا ابادلك الحب

::- شو ما بيها لوڤ؟

::- هو هواي كلمات تعبر عن الحب غير لوڤ

::- والله ما رتاحيتلها استغفر الله اول كلمة مو خوش كلمة أنطــــيني غير جمله

- ضحك حيل حجه كلمتين وبحث بالنت لان ماحافظهن گـــــال

::- Hide me in your arms

::- Hide me. شنو بعد

::-in your arms

::- Hide me in your arms

- تقرب بسرعة حضني

::- هاا

::- كلتيها صح ولفظج كلش مضبوط

::- واللـــه؟

:: اي والله نرجع للاولى ما بيها شي ترا حلوه

::- ديله عيدها نسمع ونشوف نحفظها لو لا

::- kiss me i miss you

- سكتت صعبة عليه رجع عادها كلمة كلمة مرتين وثلاثة واني مركزه شلون يلفظهن الحد ما عرفت كتله

::- kiss me i miss you

- ضحك حيل اشر على عــــــيونة گـــــال

::- صار الف طلب مثل هل طلب

- سحبني اله ما فاهمه ابتعدت ودنكت مستحية

::- شبيك مو جاي نسولف

::- غير انتٍ كتيلي؟

::- تتبلى عليه واللـــه

::- ههههههههههههه الجملة الكلتيها معناها قبلني اشتقت لك انتِ كلتيها وانا نفذت اول تالي نــــهله تحجي كلمة وما انفذ وانا الممنون !

::- يا تعلمني طياح حظ هاي تالي ثقتي بيك

- ضحك بصوت مبتسمه الضحكتة شكد شخصيته مختلفة بشغلة شخصية ويا جهاله شخصية وياي يختلف كلياً يـــــوم عن يـــــوم احس بروحي اقرب اله اكثر

ثاني يـــــوم جــــمرة راحت الدوامها مطنكرة والجهال الدوامهن فرغ البيت نظفت وطبخت الغدا كعدت أريـــــد اقرأ واجت ابالي دره

::- اعلمها كل يـــــوم تجي يمي اقريها هم انا يصيرلي واهس ادرس يمي احد يقرأ وهم هي تستفاد وتتعلم

كمت لبست سديت عبايتي وطلعت الهم سمعت صوت غـــــدير تصيح

::- اجيت عــــمة

- فتحتلي الباب دخلت باوستها
::- شنو ما مداومة؟

::- لا عندي وجع بمثانتي وهم ماكدر اعوف بــــسام

- فتت وياها للبيت دره تكنس بالصالة درت على غـــــدير

::- يا غدوره دره تشتغل؟

- راحت عليها بسرعة جرت المكناسة منها وضربتها على رجليها بضحك

غدير ::- ولج عــــمة واللـــه موتتني حسره اعوفلي شغلة هسه بــــس عفت المكناسة واجيت افتحلج الباب

نــــهله ::- وكفت دره واجت تباوسني مبتسمة
دخلت سلمت على بــــسام وكعدت يـــــمة يسولفلي شلون تصوب وغدوره سوت چاي وجابته باوعت الدره ابـــــتسمت التفتت على بــــسام

::- بــــسام ...مدري نكلك بــــسام مدري اباذر

::- ههههه اليعجبج حالياً بــــس جــــمرة والابهر ودره يگلولي اباذر

::- هههههه يله يرهمن ثنينهن المهم طالبتك ما تردني

::- العيون ترخصلج أمري

::- أريـــــد دره كل يـــــوم تجيلي الصبح ساعتين فارغة ما عندي شي التهي بيه وحشة وحدي والي واهس ادرس اعلمها القراية والكتابة وهم تونسني

- سكت التفت على دره مدنكة ساكته اطكطك باصابعها گـــــال

::- اذا تريد تدرس اجيبلها مدرسين لا تعبين روحــــــج ام مصطفى

::- ما اتعب اني أريـــــد ادرسها واملي وقتي بشيء بيه فائدة مايضيع وقتي خالي بلاش

غـــــدير ::- اي عــــمة اي موافقين

- رفعت عينها الي مبتسمة وبسام خزرني كومت دره بسرعة لبست وراحت ويا عــــمة سديت الباب وراهن ورجعت فتحت باب الغرفة ومديت بــــس راسي اصبعي بحلكي صاح

::- تعالي تعالي خاتون

غـــــدير ::- ضحكت وفتت يـــــمة سند ظهره على تاج الجرباية لازم بطنه كعدت بصفة ارتاح بكعدته يله حاجاني

::- مو عيب المره حامل انا اجيب مدرس يوميه يجي يعلم دره

- ضحكت كرصت خشمة

::- لا عــــمة من يفرغ عليها البيت تخلصها بجي على مصطفى خليها تلتهي ويا دره احسن

::- هاااا

::- اااااي

- هز راسة موافق كمت أريـــــد اروح لزم ايدي بسرعة

::- وين وين

::- اكمل الغدا

::- محتاجج

::- شتريد

::- تعاي بحضني

::- على كولت الأبـــــهر لا تتسوفل

::- احب التسوفل

::- متصوب انـــتَ اعقل

::- على رجلية ما متصوبات

- ضحكت افتريت كعدت على رجلية حضن خصري يباوع الوجهي مبتسم

::- دهر صابج

::- ههههههه ليش؟

::- شفايفج يمردن گـــــلبي

- نزلت وجهي بسته وبتعدت مبتسمة وهو جار نفس بقوة ومغمض عينه ::- ليش يمردن كلبك؟

- فتح عينه بلع ريك وملامحه تغيرت ضحكت عاضة شفتي رفع أيــــدة وره شعري ونزلني اله يبوسني بلهفة كل بوسة تذكرني باول مره لزمني بيها باستقبال بيت عـــــمو ابتعدت اجر نفس يلهث تعبان وحجه كلمة كلمة بتعب

::- كل ما المحهن اريد ابوسهن .

::- سخيف بــــس احبك

::- وتحبين سخافتي هم اعترفي تموتين عليها

::- لا ابد

::- هــــا متأكدة ؟

- كمت منه اضحك بالغلط رجلي من سحبتها نضربت ببطنه شاطت روحه اريد اسكت واشوفة ماكو ميته ضحك باوعلي اعصاب

::- شبيج تضحكين على وجعي ؟

::- هههههـهــهــهــهه لا اكلك متصوب عوفني ما تعوفني شسوي انا

::- خوش خوش اصبريلي خلي اصير زين ويطيب جرحي هاي ضحكتج اذا مابجيتج بمكانها معتب

- ضحكت عفته وطلعت كملت شغلي.

.
جــــمرة ::- كملت محاضرتين والثالثة نطردت منها طلعت ورحت  استنسخ ملازم اليباوع الوجهي أريـــــد اعاركه وكفت منتظرته يكملي الاوراق خلاهن كدامي سألته

::- شكد؟

::- خمسة

- دنكت اطلع فلوس من كفر التليفون ونمدت خمسة للولد بــــس لمحت أيــــدة عرفته بدون ما التفت اخذ الملازم وسحبني من ايدي درت عليه
مشيت بهدوء وياه لنهاية الكافتريا سحبلي كرسي كعدت وكعد كدامي نزع النظارات عافهن على الطاولة رفع شعره باصابعه وباوعلي .

::- شجابك؟

::- جــــمرة

::- هذا مكان دراسة مو لنقاشاتك يا ريت تروح

::- صيحت لان جنت ضايج ومحتاجج تخبلت من مالكيتج

::- لا واللـــه ؟؟؟؟

- سكت ودنك يدك باصابعة على طاولة رجع باوعلي

::- تجين اليوم؟

::- لا اليوم ولا باجر ولا بعد عشر سنين

- رفع حاجبة بصدمة واصابعه جمدن بدون حركة بلع ريك وهمس بخفوت

::- صدك تحجين؟

::- اي لعد اتشاقة مثلاً

::- متقصده تعلين گـــــلبي انتِ

- ابـــــتسمت اعصابي ترجف دنكت ورجعت باوعتله

::- وانتَ حلال عليك تحرك گـــــلبي بصياحك كلمة وحـــدة لو حاجيها بهدوء اجي لو گايل جــــمرة ترا طلعنا تعالي وينج مو تخابرني تصيح وتهدد شتعرفني اخاف من تهديداتك؟

- عليت صوتي بالغلط دار عينه باوع للطلاب ورجع باوعلي خازرني ضحكت حيل

::- عيونك لا تخزرني خوش ما تهز شعره من راسي.

::- اها واذا خزرتج شيصير

::- اخلي اصابعي بعيونك

- ابتسم جر باكيت الجكاير من جيبة يريد يدخن سحبت الملازم وطلعت من يـــــمة حسيت أيــــدة فوك كتفي

::- اشش تفضحين نفسج بالكلية

::- عاد خوفتني كلش

::- امشي احجي وياج

::- ما بينا حجي خلصنا

::- بــــس شوية

- دفعت أيــــدة وصعدت لقاعتي  ماكدرت ادخل للمحاضرة گـــــلبي يوجعني اباوعله من فوك بقى واكف بمكانة يدخن طلاب دخلت للمحاضرة وبس هو واكف بباب القسم وبنية اجت تنورتها قصيرة وشعرها يخبل واصل الخصرها اسود ومفتوح وهي بيضة  تمشي سريع عثرت ووكعن كتبها حاجاها ومشه بهمه لم الكتب من الگاع وهي تنكث بملابسها وتحاجي ما اسمعهم اتحركن من بعيد جريت التليفون لغيت الحضر منه واتصلت عليه ارجف البنية اخذت الكتب من أيــــدة وبسرعة جاوبني وهي بعدها واكفة يـــــمة نترت بصوت ناصي

::- هــــا ابو النسوان ابو النوادي ....... .و........ اني اعلمك

::- لا تفشرين

::- ولي ارعن حركت گـــــلبي

::- شمسوي هسه دخيل ربج شمسوي

::- اطلع من الكلية يله اطلع عجبتك باقي واكف بمكانك تباوعلهن

- حجيتها وسديت التليفون البنية تحاجي وهو عافها ومشة شوية وطلعت اني هم أجرت تكسي ورجعت للبيت .
.
نــــهله ::- حيل فرحانه بدره انطيها احرف تكتبهن واني ادرس يمها الحد ما اجه اسمر سلم عليها وطلع الشالات مديت ايدي أريـــــد اخذهن منه ما انطاهن الي كبل كالها

::- هذن من المحل مالتي مسوين تخفيضات تشترين؟

- ودره مدنكه ساكته تطوي صفحات الدفتر بخجل وترجع تفتحهن  ابـــــتسمت الها ابـــــتسمت ودنكت بسرعة ما تعرف شنو تسوي كالها

::- دباوعي اختاري الالوان التردينها ونتساهل وياج عود

::- ما أريـــــد عندي

نــــهله ::- جريتهن منه جايب هواي هو حطيتهن كدامها

::- لا اختاري هديه مني

اسمر ::- بــــس قفصت عليه سوت الشال بخمسمية

دره ::- خاله عندي واللـــه غدوره انطتني واباذر والابهر اشترولي

::- ميخالف انا هم مثل امج وحبيت اجيبلج شي اختاري يله

اسمر ::- اختاري ترا اتشاقة وياج انطتني فلوس

نــــهله ::- سكتت دره منحرجه وخدودها صارن حمر منزلة راسها اخذت اني اربع الوان عزلتهن الها كتله

::- هاك هذن ما نريدهن بعد

- كام على حيله يضحك

::- هاي ثنين الجمره وثنين الغدير خليهن

::- مايرد الكريم الا البخيل بــــس جــــمرة تفتحلك تحقيق ليش جبتلي ومنو كالك وشكو ومنو سمحلك واياك تعيدها وشيخلصك

::- على بختج جيبيهن انا اكل اخاف اكل وياها لا تخلي الماعون براسي

- ضحكت وهو عافنا وفات شوية ورجع يمنا صب عصير اله وكعد يمنا يباوع جنت دايخة بسؤال قواعد حلاه هو وعلمني انتبهت عليه مركز ويا دره شوية شوية كام يحجي وياها ويعلمها تطبك الاحرف ويردلها كلمات وهي اول بداية ما ترد عليه شوية اندمجت وبقت تجاوبة ومن تكتب شي صح تطير من الفرح كمت سويت زلاطة وهم كدامي بالصالة رفعت راسها الي كالت

::- خاله عرفت باوعي كلهن صح

- ضحكت مكيفة بيها واسمر مد ظهره على القنفة
دنكت كتبت ورفعتله الدفتر كالت اله

::- كتبت اسمر باوع صح؟

- اخذ الدفتر منها يباوع للكلمة ورجع باوعلها هز راسة صح سكتت مركزه بنظراته الها وهي على فطاريتها فرحانه بروحها حيل سحبت الدفتر منه كتبت ورفعته تراويني

::- كتبت خاله نــــهله باوعي صح هــــا اسمر صح

- مسح وجــــهة وهز راسة اي وهي رجعت تكتب اسماء اخوانها واحد واحد فرحتها تستاهل واحد يتعب الها كتبت اسم الأبـــــهر واباذر باحرف كبار وشكت الورقتين طبكتهن كل ورقة بيها اسم وكفت مبتسمة

::- خاله راح اروح وباجر هم اجي

::- انتظرج خاله

::- توصليني؟

- وكف اسمر كالها تعالي اني اوصلج بقت بمكانها تباوعلي افتريت يمها

::- اباوعلكم من الباب اني

- اقتنعت وطلعت مديت راسي اباوعلهم وصلت الباب بيتهم دخلت واجه اسمر دخل واجه يمي للمطبخ

::- شكد بريئة

- درت عليه يدور بالثلاجة وما يباوع بعيني

::- منو؟

- طلع تفاحه غسلها وحجه

::- هي البنية

::- يا بنية ؟

- دار عليه اكل مدنك

::- دره يـــــوم شبيج يا بنية يعني

::- اها اي يـــــوم بريئة الله يرزقها بانسان يعوضها على كل ذرة تعب ويعاملها مثل اخوانها تستاهل انسان يعيشها مثل الملائكة

- عض التفاحة مبتسم يحجي وما يباوعلي

::- انتِ تــــدرين بالمدرسة المدرسه جانت تكلي هنيال التاخذك تعيشة مثل الملائكة

::- هــــا اسمر ؟؟؟ اشلع عيونك ترا جايبة البنية ادرسها

::- ههههه اتشاقة نظرة شريفة ماعندي شي وياها بــــس اكلج لو بيوم قررت اتزوج اتمنى هيج انسانة ببرائتها

::- يا هي الما عندك شي وياها؟؟؟؟؟

نــــهله ::- التفتنا ثنينا للباب فازين!

يتبــــــع⋆𓍯 ......

تابع 👇
💚🌿

شوية واكمل الجزء الثاني من البارت الاخير