رواية أجرام مستباح لثلاث ندبات الفصل الحادي وخمسون 51 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                              بقلم الكاتبة أيلول

       ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

خابص الدنيا عَلمودج
نُوبهَ اغني
نوبه شاعر
تخيلي واصل مرحله ؟
بس حتى اعجبج
منسق هدومي
على صُبغ الاظافر .

....................................................

اسمر ::- هــــا بابا هيج ماكو شي

نــــهله ::- الله يساعدك شو راجع من وكت؟

- يباوعلنا بشك اسمر طلع من المطبخ شرد وعافها براسي اني هم بس سمعت صوت دكت الباب عفته وشردت دخلو الجهال وراهم جــــمرة هي تريد تفوت وهم بباب الصاله مبسطين يردون يراووني دفاترهم عاطت عليهم خلتهم يتطافرون فاتت الغرفتها غيث هز أيــــدة وباوعلي

::- ماما جــــمرة شبيها دوم معصبة؟

هبه ::- ما معصبة هي هيج من جابتها ماما هيج

نــــهله ::- فاتوا يبدلون رحت وره جــــمرة بــــس فتحت باب غرفتها صاحت

::- باوعي اذا كتلج ارجع الهذا الارعن الزميني وعضيني خووووش؟

::- خوش

- تفتر بحركة جرت الاسوار حيل من ايدها كطعته ورجعت دنكت تلم بالخرز ترجف تحسب بيهن وتصيح

::- بــــس عشرة بعد وحـــدة بــــس عشرة هذن بــــس عشرة

- دنكت شلت الخرزة ونطيتها الها لفتهن بالشال شدتهن وضمتهن كعدت على جربايتها اعصابها ترجف

::- جــــمرة شبيج؟

::- تضوجين من ابقى عندج طول العمر؟

::- اخليج بعيوني شلون اضوج؟

- هزت راسها اي وتمددت كالت انام حتى غدا ما قبلت تاكل كعدتها بالعشا كوه كعدت اكلت شوية غسلت ورجعت نامت مصخنة ولا تقبل تاخذ ابره انطيتها حبـــوب ماتقبل تكعد

الساعة 11 دك تليفوني

::- الو

::- الو هــــا عــــمة شلونج

::- هلا بيك عــــمة الحمدلله

::- احم اكلج جــــمرة بيها شي؟

::- مصخنة بالفراش شبيك وياها انـــتَ كل ما تقتنع تخليها تگلب ترا بعد ما انطيها

::- ما مسويلها شي هي تتخبل عليه من الكلمة تصيح ما اريدك .

::- شلون الله يوفقكم بحياتكم لا هي ملتزمة بصلاتها ولا انـــتَ تصلي تضلون دوم مشلوع گلبكم

::- لا شسمه انصلي نصلي تفتحيلي الباب أريـــــد اشوفها؟
.

جــــمرة ::- فزيت موجوعه بــــس لمحته كدامي خزرته وجريت ايدي منه

::- مريضة شوفي لان عفتيني

- دفعته حيل ::- وخــــر عني

- جر ايديه بسرعة طبكهن ومد نفسه  وياي يحجي بخفوت

::- لا تصيحين زوج امج بالصالو تفشلينة

::- وخــــر خرب خنكتني

::- ليش تعوفيني؟

- جريت نفس مختنكة دفعته عني مد نفسه وسحبني الصدره جلبت بركبته كل حيلي خنكته محروك گـــــلبي منه الحد ما كح يله عفته اغلط

::- ارتاحيتي

::- ليش تنجلب عـــــلي؟

::- ما اعيدها

::- وخــــر جذاب يوميه تكلي ما اعيدها ما اعيدها وتعيدها ما اتوب انـــتَ ....... تتوب وانتَ لا

- مد أيــــدة سد حلكي وكرص خصري حيل صيحت صوتي مخنوگ بأيده

::- عشرين الف مره كلنا لا تتسوفلين

- دفعت أيــــدة من حلكي ضربته راشدي حيل ونزلت من الجرباية كعدت بالكاع موجوعه رفعت التشيرت اباوع بمكان الكرصة واغلط

::- شوف شصارت شوف وتحلف ما تأذيني وهاي شنو شيسمونها شكد جذاب انـــتَ شكد

- درت وجهي منه امسح على مكان الكرصة بجف ايدي مد أيــــدة عليه دفعتها وضربتها

::- كلشي تحسبينه اذية؟ اتشاقة وياج

- درت عليه خازرته وهو كوه لازم ضحكته متمدد على جربايتي وماخذها كلها جريته من أيــــدة انتر

::- گوم اطلع برا گوم

- سحب ايدي بقوة وكعني عليه  لزمت فكه عصرته بايدي حيل وهو يضحك

::- من تمرضت مو اجيتي داريتيني خلي اداريج

- سكتت اباوع لعيونه هاي نظراته تخليني انسه حقدي عليه ابتعدت النهاية الجرباية كعدت جر رجلية من جوايه كعد وسحبني مقابيلة رفع أيــــدة الوجهي بعد شعري وره اذني وتحسس خدي بطرف بهامة

::- انا مو زعلتج وضوجتج عندي الج عرض صلح بــــس لا تكولين ما ارجعلك كولي زعلت منك تموتيني من تكولين ما ارجع

- دنكت ساكته نزل ايده الفكي رفع وجهي يباوع بعيوني جريت نفس اباوعله

::- ليش تقهرني؟

::- شسويتلج يا روحـــــي شسويت؟

::- باوع انا مو كعدت الصبح وما لكيتك شسويت اجيت هنا بدلت ورحت للجامعه من رجعت اجيت يم امي لان غـــــدير تجي الكم للمستشفى ونوب شنو كلت خلي ادرس لان اني راسبة ومو زينة كعدت ادرس ادرس

وشنو كلت من يجون ويخابروني اروح وباوع حتى ملابسي محضرتهن وانتَ تخابرني تصيح شنو تصيح عليه ونوب تخزرني ونوب تهددني اني شنو اخاف من تهديدك لو من خزرتك

- سحبني من ايدي الحضنه جوه كتفه ويعصر بفكي

::- اكلج اكلج من تشكيلي اريد اكلج

- دفعته خازرته ضحك.

::- لا تخزرين انا هم ما اخاف

- سكتت ودنكت ارفع بشعري

::- تصاحبين جــــمرة واخر مره نتزاعل

::- تجذب يومية اخر مره اخر مره

::- هل مره صدك اخر مره بــــس ابقي هنا اكملج مفاجأة يله تجين

::- شنو هي؟

::- تعرفين بعدين

::- اريد اعرف هسه

- ضحك تمدد وسحبني الحضنه رخيت راسي على صدره ومربعه ايديه مغمضة عيني وايده بشعري گـــــال

::- خاف تكولين لا وانا متمني هل شي

::- احجيلي

::- اجي اخطبج ونتزوج بدله وعرس وكلشي حسب الاصول أريـــــد اعيش وياج هل شعور

- رفعت راسي اباوع الوجهه

::- احنا متزوجين ترا

::- اي بــــس لا عرس لا شي نعيد جــــمرة لا تكولين لا

- رجعت راسي الصدره ::- استحي البس بدلة!

::- ليش؟

::- ما ادري

- اهتز صدره يضحك ابـــــتسمت ساكتة گال

::- وين كرصتج؟

- دنكت شلت التشيرت من خاصرتي ودرت اراوية

::- هاي بعدها حمره

- نزلت التشيرت اباوعله كعد وجر ايدي يريد اتمدد

- تمددت يمه  گـــــال

::- ابات يمج والفجر اطلع

- هزيت راسي موافقة مد أيــــدة على طرف التشيرت لزمتها

::- وخري ايدج بــــس اشوف راح مكان الكرصة لو لا

- شاف مكانها باقي احمر مسحه باصابعه وضحك من قشعرت بشرتي

::- هيج انا بلمسة منج اموت وانتِ جنتي لا احساس ولا ضمير هسه صرتي تتأثرين بلمستي

::- ما اتأثر

- حجيتها اباوع العينه جسمي يرجف ضحك وبسرعة حضني

::- وخــــر هسه لعبت روحـــــي

- ضحك حيل ورجع يدغني ويضحك
::- لعبت روحــــــج هاا . ؟

- دفعته ابتعد يضحك

::- هــــا منو متسوفل هسه اني لو انـــتَ؟

::- ههههه انا وانتِ ، اريد انام

::- افرشلك بالگاع

- هز راسة لا مبتسم

::- بمكانج وانتِ بحضني للابد هيج ننام 

- ابتعدت تمدد رافع أيــــدة الي كمت اطفي الضوة رجعت للجرباية لزمت بأيده وتمددت بحضنه احساس الأمان والحنية الاحس بيها بوجوده ماتنوصف اسمع دكات گلبة واشعر بايدة التتحسس كتفي بحنية ، حضنته الي توضح شكد يخاف من بُعدي سحبت نفس گـــلبي دكته منتظمة ومرتاحه بدون قلق بدون خوف وجودي بحضنه يغنيني عن كلشي دفو ايده التنلف عليَ يكفيني . ابتسمت اضم روحي اله اكثر ، كتله

::- أبــــــهر من تكعد جسمك ينمل افرش بالگاع ننام حتى انام بصفك وبس راسي على صدرك مو هيج

::- لا لا انا أريـــــد هيج ميخالف

"جــــمرة حتى الوجع اليجي منج ينعشك "

- ضحكت فرحانة وهو كل شوية يشدد حضنته الي عباله راح اشرد بقينا نضحك ونتشاقى مستغلة ضعفه يمي مره اكدر اغشة ومره هو يغشني

حركت ايدي على لحيته سحبها الشفته باسها يهمس

::- تموتني لمسة ايدج تاخذ روحـــــي

::- أبــــــهر

::- روحه جمرايتي روحه

::- خايفة منك خايفه تعيدها وتقهرني انا ما بيه حيل للقهر

::- ما اعيدها جــــمرة التوبه

::- واذا عدتها أبــــــهر شسويلك؟

::- عاقبيني

::- شلون ؟

::- احرميني من حضنج اذا اعيدها ابقي كدام عيني وامنعيني الزمج هاي نقطة ضعفي اخليها بأيدج اذا غثيتج عاقبيني هيج .

::- واذا اني سويت شي يغثك؟

- سكت ودنك راسة شم شعري حيل

::- هم اعاقبج

::-  نفس العقوبة؟

::- لا

::- لعد؟

::- غير عقوبة

::- شنو هي احجيها اني احب اغثك لازم اعرف العقوبة

::- ما ادري ما اگدر اسببلج اذيه لا نفسياً ولا جسدياً ما ادري اذا راح اكدر اعاقبج بالطريقة الاريدها

::- ياطريقة ايدك اكسرها اذا فكرت تمدها عليه

::- اكسريها ترخصلج لو بــــس خطر ابالي ارفعها عليج

::- واذا تزعل مني اني هم ازعل واجي الامي

::- عبالج هيج اعاقبج ازعل لو اضربج؟

::- هــــا؟

::- لا بــــس يجوز بهل طريقة

- حجاها ومد أيــــدة يعصر فكي وتقرب يبوسني

::- الارعن

::- هيج اعاقبج

::- ببوسة؟

::- اي

::- لعد  كل شوية اغثك

- حجيتها مبتسمه ضحك رجع راسي الصدره گلبه يدك حيل وايده على شفتي غمضت عيني مركزه بحركة ابهامه على شفايفي ابـــــتسمت

::- تتذكر من بستني وتقيئت عليك؟

- اهتز صدره يضحك عصر شفتي بين اصابيعه

::- عود عبالج تلعب روحـــــي هيج؟

::- اي كل مره اذكرك  اذكرك بيها.

::- جانت اول بوسة اول مره اضعف كدامج اول مره اتمنى دفوا شفتج بين شفايفي اول مره احس ما عندي هدف غير اوصللهن شكد ما جانت فاشلة تبقى اول شي طاهر حسيت بيه.

::- جنت حقير واني على نياتي

::- هههههههه لا تجذبين احضنج اي بــــس ما دنت نفـــــسي عليج بوصاخه مرات اشوفج واتخيل شغلات احاول اقنعج بيهن ما سويت شي غصب عنج

- رفعت راسي خليت عكس ايدي على صدرة وسدنت وجهي بجفوف ايديه اباوع الوجهه

::- شغلاتيش ما اتذكر؟

::- تنامين بحضني مو على الفراش وبعد شغلة حيل جنت رايدها وما قبلتي

::- شنو؟

::- الجكاره ردت تجرين نفس وانتِ بلعتيه

::- ادبسز خليتني ادخن

::- لا بــــس احسبي كل فترة تدخنيلي جكاره اعلمج شلون تخلين الدخان بحلكج وما تبلعينه
واعلمج شلون تزفرينه

::- تريد تخليني مدمنه على الجكاير نوب؟

- اختفت ضحكته ورفع أيــــدة الخدي هز راسة لا

::- لا هاي هي تولي اني اتشاقة وياج

::- بــــس عجبتني الفكرة

::- يا فكرة؟

::- علمني وبس من تريد جكارة مني تخليني ادخن

::- انا ما قصدي تدخنين قصدي بــــس تجرين نفس واحد وانا اجر النفس منج

::- اي

::- تقبلين؟

::- اي بــــس باوع اذا اختنكت اموتك

- ضحك

::- عندك جكاير هسه؟

- مد أيــــدة على جيب البنطلون طلع الباكيت والجداحه كعدت على بطنه واخذتهن من أيــــدة
شعلت الجكاره وخليتها بين اصابيعي مثل ما هو يخليهن بــــس ما مسيطرة عليها عود جاي اقربها الحلكه فلتت من ايدي على صدره

هو بــــس يريد يلزمها واني بكل قوتي اضرب على صدرة متخرذلة وخايفه تحركه وهو. يلزم بايدي ويصيح كمنا بسرعه شالها من الفراش شغلت الضوه اباوعله يباوع الصدره ويضحك

::- حركتيني خلي نبطل هاي الحركات

::- انـــتَ اثول ما لازمها عدل

- ضحك حيل

::- ولج هي بأيدي لو بأيدج؟

::- غير جاي انطيها الك ما لزمتها

::- اها غير لازمه ايديه وتردين تخلينها بحلكي مدري لوتية متقصده تحركيني

- تقربت يـــــمة رفعت روحـــــي على اطراف اصابعي أريـــــد اشوف صدرة والحرك صاير بــــس حمار بسيط مسحت بايدي عليه

::- لا واللـــه ما متقصده

- رفعت راسي حيل انفخ عليها مد أيــــدة على خصري ورفعني وصلت الها رفعت راسي الوجهه

::- حركتك حتى ابوسها

- ضحك حيل ::- الشيطانة تاخذين مني تبيعين عليه بوسي يله بوسي انا ما اتعيقل مثلج واكول لا وخــــر ما أريـــــد عوفني

- ضحكت بستها وابتعدت

::- باوعلها شلون بوستي مسحتها مسح راح حتى الاثر مرهم حروق مو بوسة

- ضحك ونزلني طلعتله خرز الاسوار والخيط كعد سواه من جديد لبسنياه بقينا سهرانين للأربعة طلعته من المشاي طفر البيتهم ورجعت اريد افوت الغرفتي طلعت امي من يم المغسلة تتوضى ابتسمتلها واجيت يمها بسرعة جرت ايدي وعضتني حيل فرفحت اجر ايدي منها بدون صوت

ابتعدت اباوعلها فاتحه عيني على وسعها وامسح ايدي بصدمة

::- عضيتيني؟؟

::- اي انتِ كتيلي عضيني!

::- واللـــه ما كتلج بــــس ضحكتلج

::- لا كتيلي يـــــمة عضيني حيل

::- ما كتلج واللـــه بعدني ما حاحية وياج بــــس شفتج وضحكتلج اجيت أريـــــد احاجيج كبل عضيتيني

::- والاجت من الجامعه تصيح اذا ارجعله عضيني.؟؟

- دنكت لزمتني الضحكه من تذكرت وايدي توجعني

::- يكول نسوي عرس

- ابـــــتسمت امي تباوع الوجهي كالت

::- اي كالي

- ابتسمت ساكته ورجعت الغرفتي يومين مرن والابهر مابين لا يراسل ولا يتصل حيل نقهرت وما حاولت اتصل عليه مرتاح بدوني خليه ثالث يـــــوم غـــــدير داومت وياي تمشي ولازمه ظهرها منا ومنا بطنها بدت تكبر خلصنا محاضرة وخابرتها طلعنا كعدنا سوا سألتها

::- الابهر وين؟

::- مسافر

- فتحت عيني على وسعهن مصدومة

::- شنو؟

::- راحوا يجيبون سيارات للمعارض اليوم يرجعون

- دنكت متحركنه حتى ما گـــــال ولا حجالي ولا نطق رجعنا للبيت ميته قهر گبل نمت اجت امي وكفت بباب الغرفة تباوعلي كالت

::- هــــا هم كولي عضيني

- درت وجهي وتغطيت ساكته ميته قهر الحقير الارعن هو مجلوب مايجي بعينه شي امداني سامحته الارعن

نــــهله ::- سديت الباب وطلعت اضحك ادري بيه اليوم يريد يجي يخطب واللـــه مخبل يريد يعيد كلشي من جديد وضعه يضحك

جــــمرة ::- فزيت على صوت اتصال جريت التليفون ورديت بسرعه

::- هــــا غـــــدير

::- شنو نايمة؟

::- اي شتــــردين

::- كومي جايين نخطبج

::- شنو؟

::- الأبـــــهر واباذر يمكم دره اجت تخطب الاخوها ولج خاف باجر عگبة  ياخذها الواهس وتگلي اريد اخطب الاباذر شسوي؟

::- هيو شتمسلتين شبيج

- حجيتها وكمت سديت التليفون لابسه بجامه رصاصية عريضة ردن صاعده النص رجلي وردن
نازل والتشيرت صفح ولونه وردي وشعري لان سبحت وما مشطته صاير كوشة هلكدها التفتوا عليه كلهم ادريــــــس كاعد وياهم وامي واسمر باوعت للأبهر نزل راسة مبتسم

::- وين جنت هسه تذكرتني؟

اباذر ::- صلي على محمد انا مصوب وجاي اخطبج كولي يا الله

دره ::- جــــمرة انا اخطبج الأبـــــهر ههههههه

جــــمرة ::- وكفت امي اجت سحبتني للغرفة

::- شبيج جنج وحده مكتوله راح يشرد على هذا شكلج

- مسحت شعري بأيدي وهي راحت طلعت ملابس
بدلت كالت

::- مشطي شعرج والبسي شال لا تطلعين بدون شال

- باوعتلها بزعل لبست وطلعت سوالي.مكان عمو بصفة كعدت خازرة الأبـــــهر غاثني وهو ما يباوعلي وكل شوية يعض شفته ما يريد يضحك حجه اباذر بخنكه

اباذر ::- انا ما اعرف اخطب اتمنيت عـــــلي موجود ويجي هو يخطب للابهر مثل ما خطبلي
بــــس مابقى للابهر غيري بوية تنطونا بتكم الابنا

ادريــــــس ::- هــــا ابنكم شنو يدرس شنو يشتغل

دره ::- عـــــمو ابننا تارك الدراسة ويشتغل بمعارض سيارات وعنده خير من الله واحنا بــــس ثلث اخوان يعني بنتكم ندللها هههههه

::- واللـــه يا دره يا عـــــمو الي الشرف بــــس نسأل عليكم بالمنطقة على اخلاق الولد نسأل الجوارين

جــــمرة ::- درت عيني اتلفت اشو كلها داخله بالدور وتمثل بالمضبوط ضحكوا كلهم رفع عينه الي وحجة بصوت عالي وبحه

الأبـــــهر ::- تقبلين بيه بدون اي تهديد بدون اي ضغط جيت اخطبج مثل الاوادم بدون اجرام مات جـــــندل وعاش الأبـــــهر الج بــــس الج تقبلين بيه؟

- بلعت ريك ساكته اباوع لعيونه المدمعه هزيت راسي اي ومركزه كل حيلي بوجهه هلهل اباذر وسمعنا صوت هلهوله من الكراج كلنا التفتنا دخلت سمر تهلهل وتصيح

::- شكو شكو

- سكتت من باوعتلنا استحت من الأبـــــهر سلمت وسوت روحها عاقله كالها

::- هلهلي خوية هلهلي خطبت مرتي

سمر ::- نسل نــــهله هاي عمي هنيالك كللللوووووش

جــــمرة ::- حجتها واجت باستني تضحك انطه فلوس الامي وكالها ثلث ايام الج

ترخصوا وراحوا رجعت للغرفة أريـــــد ابدل لكيت تليفوني يدك رديت عليه ساكته

::- جمرتي

::- هــــا؟

::- زعلانه مني

::- صار يومين ناسيني

::- ماناسيج اكلج حضري روحــــــج خلي نطلع وبعدين نسولف

::- خوش

::- هههههه يله راح انتظرج بالباب

- سديت التليفون منه بدلت ورحت الامي هي وسمر كاعدات بالمطبخ يسون عشا كتلها

::- راح اروح ويا الأبـــــهر

::- روحـــــي ماما

جــــمرة: :- رجعت للغرفة أريـــــد البس شال اجت وراي سمر بأيدها جنطه وكفت بالباب مبتسمه ابتسمتلها اني هم كالت

::- اخليلج مكياج؟

- درت عيني للمراية اباوع الوجهي هزيت راسي اي اجت مكيفة

::- باوعي شوية اذا حسيت ثگل بوجهي اضوج

::- لا خفيف كلش

- خلتلي وكمت اباوع بالمراية مبتسمة حلوه صرت كالت

::- هاج هاي الحمره اخذيها وياج لان مو ثابته اذا اكلتي شي تروح من ترحين للحمامات خلي منها

::- لا ما أريـــــد خلي تروح

- باوعت على لبسي وعلى حذائي

::- اشتريلج مهرج على ذوقي؟

::- لا امي تشتري تعرف شنو احب

::- معليج اجيبلج كله كعب

- ضحكت عفتها وطلعت لكيته بالباب بسيارة اباذر صعدت يـــــمة ابتسم وحرك السيارة

::- زعلانه؟ ؟

- درت وجهي عليه باوعلي ورجع باوع للطريق عض شفته وضحك

::- دمـــــار الحمره على شفتج

::- تأدب

::- لشوكت ابقى متأدب جــــمرة لشوكت

- درت وجهي منه اباوع للسيارات صار ازدحام ووكفنه گـــــال

::- جــــمرة باوعيلي

- درت وجهي اله مد أيــــدة على شفتي اخذ حمره منها باصبعه باوع بيه شافة متدمر حمره خلاها بحلكه فتحت عيني كلها ودك گـــــلبي حيل درت وجهي احس نار تطلع مني

::- اسكر بــــس بلزمت شفتج شلون لو بستها

::- تغيب عن وعيك

- درت عليه ضحك گـــــال

::- هسه خلينا نتغزل شيصير عليج

::- تغزل بــــس لا تجذب تسكر بلزمتها شيصير اذا بستها كلاواتك هاي على اساس مابايسني

- دار عليه رافع حاجبة

::- ليش تجذب كلشي ماصار بيك بست الحد ما مليت

::- ههههههههههه شكد رومانسيه انتِ

- ضحكت درت وجهي للطريق شوية ومديت ايدي لزمت أيــــدة

::- لزمتك هاي هم رومانسيه

- لم اصابعي بين اصابعه مبتسم كعدنا بمطعم تعشينا وطلعنا للشط نفتر ايدي بأيده تمشينا المكان ما بيه ناس كعدنا باوعي مبتسم

::- غنيلي !

::- يا اغنية ؟

::- ما ادري بكيفك

::- اصابك عشقً؟؟

::- لا ما اريدهااا غني هاي مال حزن وسع المدى

- ضحك وغناها الي شوية ورجعنا ثلث ايام ما رايحه للجامعه يومية سمر تسحلني للسوك وللصالون لان امي ماتكدر تتعب وزوجها متخبل عليها والابهر بــــس بالليل يخابرني الحد يـــــوم زواجنا هستوني نمت وحسيت ايد سمر تدغني

::- گومي عروستنا

- عكدت حاجبي مالي خلك واسمع صوت دره وغدير واني النعسه بعدها مجلبه بيه دفعتني سمر للحمام سبحت وطلعت الها لكيتها تحضر بالاغراض ودره وغدير مبدلات وامي تسوي بالريوك كتلها

::- ما ترحين وياي؟؟

نهله::- غير اخواتج وياج منا بيتنا واخوتج تلكيني كدامج بالقاعة

::- خوش

- طلعنا اربعتنا ويا اسمر وصلنا للصالون من راحت طنكورة النعاس فرحت وتونست شوية البنات كلهن حاجزات صالون وغدير لبست فستان منفوش ابيض تخبل طلعت وتصيح

::- اني هم عروس

::- ودره شكل ثاني حتى هي مصدومة بشكلها
كملت مكياجي ودخلنا سمر تبيض جسمي واني اظم بروحي مستحية منها

::- شتضمين ا 

-  تحجز وتغمز ، ضحكت احجي عليها بدلتي ردن ستن وبيها خرز  مستورة لان القاعة ولد وبنات وكفت كدام المراية اباوع الروحي مبتسمة ضحكت ودرت عيني السمر

::- احس هسه صرت بنية

::- تخبلين يعين الأبـــــهر يتصرفنلج اليوم ياكلج بدون خاشوكة

::- شبيج شنو تخوفيني ترا مرته من زمان اني

- رفعت حواجبها تضحك وتمسح على بطنها

::- تختلف اليوم عرسكم

- ضربتها اضحك طلعنا من اجه وكفت ودخل الأبـــــهر رفعت راسي مبتسمة لابس قاط اسود والقميص ابيض وراه اباذر لبسة كله اسود وعينه على غـــــدير تقدم الأبـــــهر اني الما اخجل نظراته خجلتني

وسمر تصور وتهلهل تقدم وكف كدامي دنك ورجع رفع راسة باوعلي ابـــــتسمت لم شفته الداخل حلكه همست

::- راح تبجي؟

- ضحك ودار وجــــهة يمسح عــــــيونة ورجع باوعلي لزم وجهي بين ايديه وتقرب يبوس راسي

::- لبستيلي بدله عروسة روحـــــي جمرتي

- ابتعدت مبتسمه هزيت راسي اي وهو عــــــيونة تفتر عليه

::- ماكتلي طالعه حلوه شبيك مو رومانسي

- بمجرد حجيتها حسيت ايديه على خصري شهكت خايفه ومجلبه بيه حضني رافعني من الگاع وفراني يضحك صاح اباذر

::- لا توكعون اشبع ضحك عليكم

جــــمرة ::-  نزلني مبتسم ما مهتم الشي عــــــيونة ما ابتعدن عن عيني درنه على صوت غـــــدير نضحك حضنها اباذر يكلها نعرس وياهم وجر دره هم الحضنه يباوعولنا ضحك الأبـــــهر ومد أيــــدة على الكبوس سداه

::- هــــا نطلع؟

::- وين نروح؟

::- هههههه نزوج 

جــــمرة ::- ضحك صار بصفي واجت سمر تركض تكله خلي ايدك هيج لاول مره انفذ كل الينگال واني اضحك صعدت بالسيارة بصفة ودرت وجهي ليوره اباوع للسيارات الورانه

::- منو هاي الناس أبــــــهر؟

::- الجوارين والضباط الويا اباذر وادريس

- باوعتله مبتسمه مد أيــــدة لف الكبوس من يم صدري يضحك مشغل اغاني واباذر بصفنا يتزاود وياه ويدك هورن وصوت الاغاني شعلوه الحد ما وصلنا للقاعة ونزلني جانت اكو فرقة بالباب رفعت وجهي اباوع اسمر واباذر هاكد ركصوا

دخلنا الغرفة التصوير قبل لا ندخل للقاعة وسمر اجت يمي  وخرت الكبوس وعدلت البدله خبيثة تتقصد تطلع صدري وتمد ايدها تنزل صدر البدلة رفعت عيني الأبـــــهر وراها يباوع عاض شفته رفع عينه لمحني شفته ضحك مسح وجهه وعدل ملابسة وكفت واجه بصفي لزم خصري مثل ما المصورة كالتله اخذت اول لقطة

صاحت سمر اوكفي اوكفي واجت هم مدت ايدها على صدري وتحجي مندمجه

::- عرفتها بيها كبر شوف صارت مبهذله منها

- تحجي وتسحل بيه منا ومنا الأبـــــهر تحمحم رفعت راسها بسرعه فاتحه عينها على وسعها كالها

::- عوفيها

- رجعت ليوره فشلانه وغدير تضحك عليها اخذنا بعد صور ونوب اخذنا جماعيه ويا اباذر ودره ويا غدير وراها ويانا سمر شوية ودخلت امي عيونها مدمعه ضحكت حتى امي صدكت اني هسه يله تزوجت صاح الأبـــــهر على اباذر يجيب عـــــمو ادريــــــس دخل مبتسم وكف بصف الأبـــــهر وامي بصفي المصورة اخذت القطة باوعت بيها وكالت

::- لا تغمضين

- كلهم التفتوا عليه وهي رجعت رفعت الكامرة تريد تصور كتلها

::- ترا ما مغمضة

::- لا جاي تغمضين

::- انتِ ما تعرفين تصورين شوكت غمضت

- لزمتني امي من زندي تهمس

::- اشش عيب

- سكتت بــــس مو بيدي بعد طنكرت اخذت القطة من جديد باوعت بيها ماعجبتها رجعت باوعتلي كالت

::- بــــس ابتسامه شوية جاي تعاركين شنو غاصبينج

- ضحكوا كلهم الا اني عقلي المسترعن قفل رجعت تريد تاخذ صورة من جديد وسمر من وراها تأشر ابتسمي وانا على نفس الوجهه حسيت أيــــدة بخاصرتي دغاني وهمس باذني

::- ابتسمي الخاطري

- ابـــــتسمت اخذت القطه باوعت بيها وهلهلت رجعت لبست الكبوس وكفنا بباب القاعة جريت نفس قوي ايدي بأيده وهم كلهم دخلوا علمود التصوير

::- أبــــــهر

- رفع عينه الي مبتسم ::- روحه

::- خاف اعثر

::- ههههه دام بأيدي لا تخافين

- حجاها ومد أيــــدة ضم شعري عدل دخلنا ويا اغنية عيوني صارت على امي طابكة ايد بايد ومخليتهن جوه خدها عيونها تلمع بدموع ابـــــتسمت الها كعدنا على كوشة مو هواي ناس اصلا ولا اعرف واحد منهم اهل ادريــــــس قرايبهم هم التارسين القاعة وكم واحد من جوارين امي وضباط كبار ويا زوجاتهم

اجن نسوان يسلمن وامي وياهن تعرفني عليهن اخوات زوجها يكولن مبروك ابقى ساكته امي ترد
اني بــــس اكول الله يسلمج شكرا وكل شوية اعيدهن

اما امي ترد بجملة شكدها شكبرها الله يبارك بيج ويوم لفلانة ويسعدها ويرزقها وينور طريقها اذا افكر ارد نفسها من او كلمتين اتعب

شوية طلعوا الرياجيل الغريبين للقاعة الثانية وهذن غيرن الاضاءه درت للابهر

::- شكو

::- شدراني يمكن نكص الكيكة واوكلج وتوكليني

::- ديله جعت وكلني هواي

- اجت غـــــدير يمنا وكفت سحبت البدلة حتى ننزل كصينه الكيكة

::- أبــــــهر ايدي ترجف شلون اوكلك

::-  القطعة الاوكلها الج مو تاكلينها كلها بقيلي منها الزمي ايدي وانا اكل خوش؟

- هزيت راسي موافقة وكلني ونفسها القطعه الاكلت منها رفع أيــــدة واني بــــس لازمتها رجع اكلها التفتت فازة من كالوا تركصون

::- ما اعرف اركص

::- بــــس الزمي بيه

::- شنو الزم بيك ما اعرف

::- معليج هسه انتِ بــــس الزمي بيه

- سكتت تقرب لزم خصري وهو يحركني ويا

::- ما عليج بيهم باوعي  بعيوني لا تشوفينهن بــــس اني شوفيني.

-رفعت عيني لعيونه بعد ما جنت اتلفت ابتسم يهمس

::- اعشگج انا

- ابـــــتسمت ودنكت گـــــال

::- عيونج لا تنزلينهن باوعيلي وضيعيني بيهم

- رفعت راسي اله خزرته اضحك ::- هيو شو جاي اخجل

- ضحك حيل ::- هواي راح اخجلج ا

::- هههه منك ما اخجل بــــس لان الناس تباوعلنا ولان ما اعرف اركص

- ابتسم وعبر أيــــدة على خصري كلش قربني الصدره ويحركني بهدوء گـــــال

::- اخجلج حتى مني اخلي خدودج يطكن من الخجل

- رفعت راسي اباوع الوجهه
::-  سنه عشت وياك شفتني خجلت؟

- هز راسة لا ::- اليوم مختلف غصباً عليج تخجلين وخدودج يوردن

::- لا تنغش مكياج هذا مورد خدود

::- من نروح الغرفتنا تغسلين وجهج مايبقى مكياج وانا اخليهن يوردن وحدهن

- سكتت أريـــــد اخزره وما اكدر اضحك خلصت الاغنية ورجعت كعدت وهو ركص ويا دره واباذر ويا غـــــدير  وكل شوية تجي وحـــدة من البنات تلزمني المسكة عدل وتكلي ارفعي ظهرج ما يخلني اكعد براحتي لمن بدت الناس تروح ولازم نطلع اجت امي يمي غطتني وتحجي وياي بخفوت

::- جــــمرة صلي انتِ وياه

- رفعت عيني الها ::- اني ومنو؟

::- انتِ وابوي غير انتِ وزوجج لعد منو

::- انا اصلي بــــس هو مايندل الكعبة وين

::- انجبي جــــمرة تأدبي باجر اسأله اذا گـــــال غلطت عليه وتطاولت اعضج عضه اكطع ايدج

::- يـــــمة يـــــمة خوفتيني شنو هو وداج عليه؟

- خزرتني وكفت اضحك وهي توصي صلوا ما صلوا لمن اجه طلعنا بــــس صعدت كتله

::- امي تكول صلي انتِ وزوجج الكريم

::- هههههه شو ما عاجبج الكريم

::- اي واللـــه شو عبالك دافع امي عليَ

::- لا بــــس كتلج سابقاً شافتني جدير بالثقة

- ضحكت عالكين اغاني سيارة عائلة امي ورانا وسيارة اباذر هم وصلنا نزلني وكفت بالباب اباوع امي وجهالها هم نزلوا رفعت ايدي اشرتلها بيباي اشرت على قبله درت وجهي دخلنا للبيت ميته من الجوع هو بقى يحجي ويا اباذر فتت للغرفة وراي دره وغدير

غـــــدير ::- سوالج حمام بغرفتج شتــــردين بعد

::- هو من جنت مخطوفة حمام بغرفتي ههههه

::- باجر اتعارك ويا اباذر اكله اخوك مسوي المرته حمام بالغرفة وانا وحد

دره ::- اساعدجن اذا تردن

جــــمرة ::- درت عليها مبتسمه

غـــــدير ::- انتِ خوش حمايه كفو يله تعال  نولي حتى الافندية ياخذون راحتهم جــــمرة البسي الروب اليوم الأبـــــهر يعيد

جــــمرة ::- امشي سويلنا عشا يا روب متت من الجوع

- ضحكن وطلعن ثنينهن رحت للكنتور فتحته اباوع الملابسي .
غـــــدير ودره مرتباتهن دشاديش وفساتين تنانير وستر هاي سوالف سمر الاحذية اغلبهن كعب غير خطوتين والزمة بأيدي فتحت الجرارات اليم الميز ضحكت تارساتهن مكياج افتر واباوع التفتت على فتحة الباب

دخل مبتسم سد الباب نزع الستره شمرها على الجرباية يباوعلي رفع ايديه فتحهم الي

::- تعالي

- رفعت البدلة ومشيت بسرعة الحضنه رفعني حيل حضنت ركبته اضحك فراني نزلني لازم وجهي بين ايديه

::- ههههه شبيك شبيك عيونك يردن يبجن

- قرب وجهه باس بين حواجبي بشوغة

::- ولا تخيلت يجي يوم تنزفيلي ببدلة وعرس ومن نفس راضية وما مغصوبة عليه رايدتني مثل ما رايدج جــــمرة احس بروحـــــي ملكت الدنيا. هواي احبج هواي

- رفعت ايدي على خده غمض عينه

::- احبك كد ندبات البروحك

- فتح عينه يباوع الوجهي ذبلن عــــــيونة همس

::- بــــس؟

::- احب روحك واحب وجهك وعيونك وكل جرح بجسمك

- قرب وجــــهة بسرعة باسني لازم وجهي بين ايديه ابتعد يلهث ويجر نفس

::- حبيني حيل استاهل جــــمرة تحبني

- سحبني الصدره حاضني بقوته احسه الهسه ما مصدك ابتعدت من اندك الباب اخذ الاكل من غـــــدير سد الباب وباوعلي

::- تبدلين لو نتعشا؟

::- ابدل كالن البسي روب ابيض شنو رايحين للحج كله ابيض

- ضحك حيل گـــــال ::- انتِ شنو تردين تلبسين؟

::- الصراحه؟

::- اي

::- تراك

::- ههههههه يله البسي ميخالف

- دخل هو  قبلي غسل رجعت طلعتلي تراك ودك تليفوني سحبته اباوع امي جاوبتها بسرعة

::- هــــا؟

::- صليتوا؟

::- لا من نتعشا نصلي

::- جــــمرة امانه صلوا من اليوم علمية يصلي وياج

::- شيقنعج مايندل الكعبه منين شلون يصلي

::- علمية انتِ شبيج

- سكتت اباوعله طلع من الحمام نازع بــــس القميص وباقي بالبنطلون عضيتله شفتي عود اتحرش مثله ضحك بصوت كالت امي

::- يله روحـــــي والروب الابيض مخليتلج وياه عطر روحـــــي يله اسبحي وبدلي

::- راح البس تراك

::- راح اجيج جــــمرة اسحلج

::- هههههه هسه شتــــردين مني روحـــــي البسي انتِ روب الزوجج

- سديت التليفون منها وهي متحركنه گـــــال

::- البسي بــــس اليوم اسمعي كلمتهم

- اخذته وفتت للحمام غسلت وجهي وسبحت بدلت وطلعت لكيته منتظرني تربعت كعدت يـــــمة گـــــال

::- اوكلج هــــا؟

::- اي .

- ابتسم يوكلني الحد ما كملنا كام لبس قميصة اخذ الصينية وطلع كمت غسلت وتوضيت لبست حرام الصلاة صليت الصلاة الواجبة الحد ما اجه بقى واكف كدامي كملت وبقيت اباوعله

::- تصلي؟

- هز راسة لا

::- امي تكول صلوا ثنينكم حتى ما تصير بينكم مشاكل ورب العالمين يوفقكم

- بلع ريك ولم شفتة الداخل حلكه دار وجــــهة مني

::- اعلمك اني أبــــــهر

::- احم لا صلي انتِ

- كمت وكفت كدامه لزمت أيــــدة

::- ليش أبــــــهر؟

- جر نفس بحسرة يباوع الوجهي

::- شلون اوكف على السجاده وانا ماضيي وصخ جــــمرة اخاف  اجيب اسمه على الساني شلون تردين اصلي

::- انـــتَ كلتها ماضي وفتحت صفحة جديده

- بقى رافض ومقهور حيل

::- باوع نخابر امي تحاجيها؟

- سكت كعد على طرف الجرباية سحبت التليفون واتصلت عليها جاوبتني بخوف

::- هــــا جــــمرة

::- هــــا ماما ماكو شي لا تخافين

- سكتت واحنا ساكتين شوية وكالت

::- الأبـــــهر يمج؟

::- اممم

::- أبــــــهر؟

الأبـــــهر::- هــــا عــــمة

::- احجي اسمعك

جــــمرة ::- دنك ساكت شوية وكالها

::- انا قــــاتل ارواح على اي اساس اوكف اصلي ماضيي وصخ حد لعبان النفس شغلات جنت ادري حرام واسويها لان المكان العشت بيه يتطلب هل شكل

::- قتلت نفس بريئة؟

::- لا قتلت عمي الكان سبب بوفاة والدي واغتصب امي كدام عيني وباعنا انا واخوتي وكل العشناه بسببه.

وواحد مجـــرم شغلته يبيع اعضاء الاطفال والف روح ماتت بأيده

وقسام العذبني كل هل سنين هم قــــاتل الحد ما مال والاطفال الماتوا من تعذبيه ماينعدون

::- اكو ايه من سورة البقرة تكول

يَا أَيُّهَا الَّذِينَ آمَنُوا كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالْأُنْثَى بِالْأُنْثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاءٌ إِلَيْهِ بِإِحْسَانٍ ذَلِكَ تَخْفِيفٌ مِنْ رَبِّكُمْ وَرَحْمَةٌ فَمَنِ اعْتَدَى بَعْدَ ذَلِكَ فَلَهُ عَذَابٌ أَلِيمٌ .

::- شلون يعني؟

::- اني ما اكلك انـــتَ بريئ وماعليك ذنب بــــس هذا المذكور بالقرآن هم قتلوا ارواح بريئة ووجب قتلهم والقصاص منهم انـــتَ ما اخذت حقك من شخص قريب منهم لا قتلت القاتل نفسه وهذا المذكور الحر بالحر والعبد بالعبد والانثئ بالانثئ كذلك من سورة المائدة اية تقول

((وَكَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالأنْفَ بِالأنْفِ وَالأذُنَ بِالأذُنِ وَالسِّنَّ بِالسِّنِّ وَالْجُرُوحَ قِصَاصٌ)).

::- عــــمة وحك النزل هل ايات قتلوا هواي ارواح وما جنت ناوي اكتلهم الحد ما نجبرت.
خجلان من رب العالمين هواي جمعني باخوتي وزرع حبي بكلب انسانه ما جنت متخيل تسامحني وانا اخاف حتى احمده واشكره

::- من تاب الى الله توبة صحيحه مستجمعة شروطها لا يردها الله عليه ويقبل توبتة

((وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ))

اكو حديث  عن انس ابن مالك هو صحابي كان خادماً للنبي محمد قال سمعت رسول الله ﷺ
يقول ::

قال الله تعالى :: ((يَا ابْنَ آدَمَ، إِنَّكَ مَا دَعَوْتَنِي وَرَجَوْتَنِي، غَفَرْتُ لَكَ عَلَى مَا كَانَ فِيكَ، وَلاَ أُبَالِي، يَا ابْنَ آدَمَ، لَوْ بَلَغَتْ ذُنُوبُكَ عَنَانَ السَّمَاءِ، ثُمَّ اسْتَغْفَرْتَنِي، غَفَرْتُ لَكَ، وَلاَ أُبَالِي، يَا ابْنَ آدَمَ، إِنَّكَ لَوْ أَتَيْتَنِي بِقُرَابِ الأَرْضِ خَطَايَا، ثُمَّ لَقِيتَنِي لاَ تُشْرِكُ بِي شَيْئًا، لأَتَيْتُكَ بِقُرَابِهَا مَغْفِرَةً.))

هذا كل الاكدر اكوله الك افرش سجادتك واعلن توبتك واللـــه غفار رحيم تصبحون على خير .

الأبـــــهر ::- وانتِ من اهل الخير ام مصطفى مشكورة وهنيال اهل بيتج بيج ما تتخلين شكد كلامج فادني

::- كل الهلا

جــــمرة ::- سديت التليفون عفته على جهه وكف  وفات للحمام شوية وطلع متوضي فرشتلة سجادة كدامي بخطوات باوعلي مبتسم دنك گـــــال

::-بس ذكريني بالبداية شنو اگول

- وكفت يـــــمة اعلمه گـــــال اعرف الباقي وكف صلينا سوا كملت وهو بقى على السجاده ساكت مدنك عينه على التربة عفته وكمت نزعت حرام الصلاة سندت ظهري على تاج الجرباية اباوعله
طول هواي يله كام

لف السجاده قفل باب الغرفة طفه الضوة وشغل اضاءة النوم وكف يم الميز مدري شيسوي سمعت رشة العطر وريحته وصلت يمي تذكرت اني ما خليت كمت بسرعة وكفت يـــــمة

::- رشلي عطر نسيت ما خليت

- ضحك رشالي رجعت ادور بينهن گـــــال

::- شتدورين

::- اكو شيشة صغيرة وياهن وينها

::- عطر لو شنو؟

- لكيتها رفعتها ودرت عليه

::-هاي

- فتحتها بيها عوده ويتخله على الركبه ريحتها هادئة وحلوه حيل خليت منها شفته شال الستره مالته يعلكها رجعت للجرباية اباوعله سد الكنتور واجه الجهتي وكف كدامي

::- اكعدي

::- ليش؟

::- اكعدي

- كعدت على حيلي متربعه على جرباية دنك لزم ايديه وخلاهم على بطنه رفعت راسي اله

::- افتحي القميص

::- هههه ايديك شناقصهم

::- مو تگولين ما اخجل منك نفذي الاگوله ونشوف تخجلين لو لا

- بلعت ريك ساكته مرتبكة بــــس ما متنازلة اضيع خجلي بالضحكة كعدت على اركبي ورفعت نفـــــسي افتح دكم القميص  ، وهو بس يريد يخليني اعترف خجلانة واني اتعاند وياه ما اتنازل ولا كتله خجلت ادير وجهي واضيع السالفة بضحكة رغم احس خدودي صاروا نار بس ما تنازلت ابد وهو يضحك متونس على عنادي

عفته وتمددت كتله
- راح انام اني تعبانة

- ضحك واختفى صوته شوية وحسيته تمدد بصفي درت وجهي عليه تقربت الصدره اني والغطا ضماني حيل بحضنه

::- صدك تردين تنامين؟

::- اي شتريد انـــتَ؟

- رفع وجهي من صدره يمسح على شفتي بابهامة

::- اريدج انتِ بــــس اذا نعسانه نــــــامي

::- شتريد مني؟

::- تثولينها عليه؟

::- ههههه اي

::- اريدج مثل هذيج النوبة من ردتي تسجنيني واجيتي الحضني وتكليلي اريدك ، تتذكرين ؟

- هزيت راسي لا دنكت راسي الصدره گـــــلبي دك حيل مبتسمة خجلانة مشاعري مختلفة ولاول مره احساسي بحضنه صادق يختلف عن المرتين السابقات

-
جريت نفس بقوة وفتحت اباوعله رافع نفسه يباوع الوجهي وايديه محاوطاتني منا ومنا قرب وجــــهة يبوسني بشفتي ابتعد نزل راسة الرگبتي جر نفس حيل

::- جنتي نايمة من اول مره شميت بيها رگبتج اول مره احس اكو ذنب طاهر

- فتحت عيني رفعت اباوع الوجهه

::- ليش جنت تخدرني وتخليني بلايا ملابس جنت هواي ابجي من اكعد والكه نفسي هيج

::- ما جنت اسويليج شي ولا اشوفج اطفي الاضوية واسحب ملابسج منج بــــس اتعب من ترافتج اتعب وانتِ بايدي اسهر للصبح  على ريحتج الحد ما اروح الشغلي

::- شكد جنت اكرهك بوقتها

::- وهسه؟

::- احبك هواي

::- اموت بطاري هواج احترك بذكر اسمج

- غمضت ضايعه بلمساته ورجفت صوته من يهمس اسمي

::- جــــمرة

- استسلمت الهدوء معاملته وخوفة عليه شكد واضح عليه حنيته طاغيه بكل موقف وبكل لمسة رجفة ايده تترسني خجل ونظرات عيونه التحجي هوواي ، تضيعني وتفرح كلبي هواي ، شكد جان يوم مميز وينحفظ بكل تفاصيلة

بيومها لا هو ولا اني نمت بقينا حد الصلاة صلينا يله نمنا وكعدنا الصبح على دكت الباب وصوت اباذر يصيح

::- ما اتريك الا ويا العرسان

غـــــدير ::- فتت للمطبخ اضحك شكد جذاب عرسنا وياهم وتريكنا من الصبح بــــس هسه صارت بالعشرة وجاع عــــمة يمنا خطيه ماكلها القلق خايفه من تصرفات جــــمرة واني ميته ضحك عليها

لمن طلعوا ثنينهم هلهلت وهي ضمت روحها بظهره ولازمه أيــــدة خجلانه الشريفة

سويتلهم الريوگ وكعدوا بالصالة ياكلون

جــــمرة ::- كملت وابتعدت من الصينية شفت امي خازرتني وتأشر على صينية كتلها بصوت

::- شنو؟

- رفعوا وجهم كلهم الها وهي توزع ابتسامات مــــحد حجه الأبـــــهر هم كمل ريوكة وهي تعضلي شفه واللـــه ما فهمتها شوية وطخت بعقلي شيلي الصينية كمت شلتها لحكتني للمطبخ كالت

::- فضحتيني يلمفضوحة

::- هههههه شدراني عبالي مدري شنو تردين

- بقت يمنه شوية اخذت دره وراحت الأبـــــهر طول اليوم ما طلع من البيت الحد الليــــل طلعنا تونسنا ورجعنا علاقتي بيه حلوه ابد ما يقهرني
ثاني يـــــوم كاعدين نتغدا باوعلي مبتسم گـــــال

::- جيبيلي مي جــــمرة

- جاي ارد عليه مثل كل مره وتذكرت حجايته
كدام اي شخص احترميني وبالغرفة مسموحلج تسوين التردينه رزلي اغلطي طيحي حظي عادي

كمت جبتله مي اخذ الكلاص مني وسحب ايدي كعدني يـــــمة وكلني ودره بــــس تتبسم صاح عليها

::- شبيج ولج

- رفعت اكتافها تضحك كاعده مقابيلنا كالتله

::- اكو شي ضامته من نكمل غدا اراوي الكم

جــــمرة ::- خلصنا غدا وكفت غـــــدير تريد تغسل مواعين وهي عدها وجع بقيت واكفه يمها ادك باصابعي على السنك

::- غـــــدير

- التفتت عليه بتعب تجر نفسها

::- هــــا

::- اكعدي يمي واني اغسل وكليلي وين ارجعهن

- ابـــــتسمت هزت راسها لا كالت
::- وعدتج اذا ترجعين للابهر ما اخليج تشتغلين وبعدني عند كلمتي

- سحبتها من ايدها كعدت على الكرسي

::- ميخالف من تولدين بالسلامة بعد ما اشتغل شي بــــس هسه انتِ حامل ماتكدرين

- سكتت مبتسمة وكفت اجلف المواعين واخليهن بالسنك درت من لمحت ايد نمدت رفعت صحن غسلته بالمي من الزاهي درت عيني اله مبتسمه

الأبـــــهر ::- اساعدج

- درت  الغدير كامت طلعت من المطبخ تضحك ركض قفلت باب المطبخ واجيت خليت الجلافة بأيده اضحك

::- اغسل يله

::- هههههه والمن قفلتي الباب عوفيه مفتوح قابل شمسوي واخجل

::- لا مو خاف اتحرش بيك

- عض شفته ورفع أيــــدة مليانه زاهي گـــــال

::- تعالي صيري كدامي وانا اغسل مواعين للصبح

- ضحكت مشيت بسرعة وكفت بينه وبين السنك وهو يغسل ويدنك يريد يبوسني ابتعد درت غسلتهن من الزاهي وهو رتبهن بالكاونتر حضرت كوابة الچاي وهو صب حيل متونسة ويا

كعدنا بالصالة نشرب واجت دره من غرفتها بأيده ورقتين مطبوكات فتحتهن انطت وحـــدة للابهر ووحده الاباذر وكعدت بالگاع كدامهم مبتسمة كالتلهم

::- افتحوهن اني كتبتهن خاله نــــهله علمتني

- الأبـــــهر عاف الكوب وفتح الورقة مكتوب اسمه عليها بخط بدائي تحسسهن باصبعه حرف حرف وعيونه مدمعه رفع راسه باوعلها فتح أيــــدة واشرلها

::- تعالي يا عيون الأبـــــهر

- اجته بسرعة حضنته واباذر كام يمهم خلوها بحضنهم يبوسونها ويدغدغدون بيها تصيح علينا تريد نخلصها منهم اني اضحك وغدير تصور وتكله

::- منا بــــسام منا عضها بسام عضها

الأبـــــهر ::- ههههههاي مرتك متعوده على العض

اباذر ::- متاثرة  معليك بيها

غـــــدير ::- انا عايز اختفي خبئوني خبئوني عفتهم وشردت الغرفتي

جــــمرة ::- الأبـــــهر اخذ الورقة سواها مثل الوحه جومها وخلاها بكنتورة حيل يحبون دره بشكل رجعنا نداوم اني وغدير نطلع الصبح خمستنا

اني وياها للكلية بــــسام الدوامة وابهر للمعارض ودره الامي نقفل البيت ونروح

كم يـــــوم وراجعنا دكتور اني والأبهر علمود جسمنا يتعالج من الادمان لان اذا صار عدنا طفل يتاثر فترة بقينا نراجع وراها هو راح دكتور نفـــــسي رغم تصرفاته ما بيها شي اعقل مني يكول لا خاف عندي شي وأثر عليكم

حنيته فاقت كلشي وطغت على كل العيشنياه سابقاً.

نــــهله ::- العيون كشافة سر صاحبها من شفت عيونه تلاحكها عرفت وليدنا وكع كيفت رايده دره وياي تعلمت عليها وهي تعلمت علينا جانت تستحي من ادريــــــس هسه اذا اجه وهي يمي تتلكاه ويا الجهال وتسلم عليه وهو مكيف بيها مرات نطلع اودي بــــس عليها وغدير وجمره يتحركنن اكلهن ولن متزوجات خلي يطلعونجن
وهي ماتكعد تسويلهن حريكة وتحضني كدامهن

عود غورت جــــمرة بعلاقتي ويا دره كالتلي
واللـــه الانسان الوحيد الما اغار منه دره واتمنى الكل يعاملها بطريقة حلوه ابد ما اضوج فرحت بردة فعلها ايام استمرت تجي يمي وولادتي اقتربت ويا عطلة الجهال صارت ادريــــــس بالدوام وبس دره والجهال يمي وانا روحـــــي تلوب من الوجع ركضت دره صاحت الجمره اجت تركض طاير كلبها

جــــمرة ::- اتصلت على عـــــمو وعلى الأبـــــهر گـــــلبي متكطع عليها اشوفها تلوب واموت وغدير اجت وشافتها تخبلت بقت تبجي من يمها لان هم ولادتها قريبة ما مقهوره على امي مقهوره على نفسها وتصيح

::- هيج انوجع هيج يصير بيه

- ودكتها مناحه اجه عـــــمو ادريــــــس متخبل عليها ابتعدت بعد حتى ما لزمتها لان هو يرجف عليها لبستها عبايتها واخذناها للمستشفى وياها اخت ادريــــــس بقيت برا اني يمهم وهن دخلن گـــــال الأبـــــهر

::- ما تدخلين تشوفينها

::- لا اخاف گـــــلبي يوجعني

- ابتسم دنك يأشرلي على عـــــمو كاعد بالگاع وجــــهة اصفر وشفايفة تتحرك مدري شيقرأ

الحد ما طلعت اخت ادريــــــس كالتله ولدت ورجعت دخلت جوا الفضول اكلني أريـــــد اشوف الطفل واخاف ادخل نولد مصطفى من جديد بدون ما امي تحجي زوجها الگالها نسميه مصطفى لان لليوم هي تنسة وتصيح اسمه بالبيت

افتر ادريــــــس خلاه بأيدي والابهر ماد أيــــدة وياي لازمه دمعن عيوني داخلي يرجف

::- حبيبي صوفي  مصطفى

- درت عيني الامي مبتسمه زوجها يمسح بوجها ويحجي وياها اجو كلهم وراهم بشوية اجت سمر جنها بطه شافت غـــــدير يمنا رفعت ايدها تهدد

::- شوفي غـــــدير اذا جبتي وياي اسوي ما اسوي

اباذر ::- هاي شلج بيها شلون اذا راد يجي تكضه

سمر ::- اي عمي يدافع المرته بله وين أخـــوي

- تقدمت اخذت مصطفى بحضنها مبتسمة باوعت الامي كالتلها

::- متفقين بعدنا؟  نتبادل اذا بنتي مو حلوه

نــــهله ::- ضحكت تـــــعبانة حيل وهي تتعارك ويا ابوها تكله شوف الخشم يشبه خشمك منفش وهو يكلها لا يشبهه خشم امه خلصوها عرك لمن رجعنا للبيت وهن وياي اول يومين جــــمرة وسمر يباتن يمي بــــس شوية كمت على رجلية كتلهن روحن

سبوع مر ومتت من الضحك من صارت ولادة غـــــدير الصبح وسمر بالليل تبجي من الوجع وتصيح
تف على غـــــدير سبقتني الخبيثة سبقتني عود تريد ابنها اكبر من بنتي

غـــــدير ::- وعد عـــــلي نفذناه وسمينا اول طفل بأسمه ننتظر يصير عدنا بنية ونسميها گمره اول ما ولدت ، بسام بــــس تطمن عليه وراح للنجف
حد الليــــل يله رجع عــــــيونة حمر دم دخل للغرفة دنك علية باسة يحجي همس وياه

::- باباتي ولـــــيدي سميتك عـــــلي على اسم صاحب روحـــــي الشهيد

- يحجي ودموعه تنزل ابد ما تخطى استشهادهم دوم على باله مستحيل يفوتن 15 يـــــوم اذا ما راح للنجف لو نص الليل مرات يفز من نومة ويروحلهم.

نــــهله ::- ما بقى غير كم يـــــوم للامتحانات مخليه مصطفى يمي وادرس التفتت من دخل اسمر سلم بتعب رديت

::- شبيك يـــــوم؟

- ابتسم هز راسة ماكو شي غسل مسح وجــــهة واجه كعد يم مصطفى اخذه بأيده بوسة ورجعه
رفع راسة باوعلي

::- دره اليوم ماكو شعجب؟

::- كالت ما اجي لان غدوره هستوها ولدت

- هز راسة خوش

::- احجيلي بيك شي

- باوعلي بلع ريك ساكت رجع دنك مختنك وصوته متحجر

::- اذا خطبتها يقبلون ينطونها الي؟

::- تخطب منو؟

::- دره يـــــوم

::- تحبها

- جر نفس بحسرة

::- دره هي جبرتني احبها هي من تصيح اسمر شوفني كتبت صح تاخذ روحـــــي بصوتها وتمرد گـــــلبي من تباوعلي بخوف رغم انا ما مسويلها شي يـــــوم احبها حيل الله شاهد عليه
احس روحـــــي مسلوبة مني حاولت ابتعد ما كدرت

نــــهله ::- فزينا على وكعت المواعين فتحت عيني على وسعهن واكفه بالباب تباوع بصدمة ماعون حلاوه واكع منها بالباب وتكسر اسمر مسح وجــــهة بسرعه وهي رجعت تريد تركض كام وراها يصيح

::- اوكفي دره

- كمت على حيلي أريـــــد اركض رجلي ما تعيني كوه طلعت لازمها من ايدها بــــس يريد يفهمها وهي ترجف وتحشك روحها بالزاوية مغطية وجها بأيدها وتبجي ركضت دفعته وحضنتها

::- دره باوعيلي دره

- دفعتني وركضت البيتهم وهو تخبل رحت ركض لبست عبايتي خايفة خاف هسه عبالهم تحرش بيها لو شي شيگولون اخوتها دخلت البيتهم جــــمرة بالمطبخ

::- دره وين؟

::- شكو؟

::- ماكو شي الولد هنا

::- اباذر بغرفته وابهر بالشغل شكو شبيها دره

نــــهله ::- عفتها وفتت الغرفة درة رفعت عينها لمحتني عيونها حمر وتبجي مسحت دموعها وسحبت الغطا عليها تقربت كعدت يمها

::- دره ماما بس خلي احاجيج

- باوعتلي تبجي هزت راسها لا

::- بعد ما اجي الكم

::- ليش هيج تحجين دره اسمر ما غلطان وياج بكلمة ولا فكر يحجيلج لان يخاف من ردة فعلج باوعيلي نجي نخطبج من اخوانج وتجين يمي هــــا دره

- رفعت راسها تبجي وتشهك

::- ما اتزوج اني ما اتزوج

::- ليش؟

- غصت من البجي سحبتها الحضني شهكت حيل لميتها امسد على شعرها الحد ما هدأت دخلت جــــمرة تباوع بصدمة ودره على صدري بــــس شهكت البجي خانكتها شوية وهمست بتعب

::- الشفته من جنس ادم ما ينحجي خاله

::- مو كلهم نفس بعض

::- بالنسبة الي كلهم واصلاً اسمعي اسمعي اصلاً اني متعرضة للاغتصاب مرتين روحـــــي كليلة حتى ما يحبني كليله مرتين مغتصبينها الاب وابنه روحــ روحـــــي كليله

- حضنتها بقوة گـــــلبي متگطع عليها وجمره تراقب بصمت من بعيد مسحت على شعر دره وهي تبجي شويه وسكتت دنكت ابوسها

::- دره اني تزوجت انسان ظالم من اول يـــــوم زواجنا اغتصبني وما عشت ويا يـــــوم بدون ضرب واهانه تحملت كلشي وصار عندي اطفال
ونفس الوضع كل يوم ننضرب اني وياهم الحد ما استشهد ووره سنين عرفت ابو اسمر وتزوجنا رغم قناعتي انُ مستحيل البشر يتشابهون بــــس داخلي رافض قربة اشهر واشهر يله تقبلته بسبب حسن معاملته الي
وانتِ بعينج شفتيه شلون يعاملني ويخاف عليه هاي وحـــدة

زين اخوانج هم من جنس ادم شفتيهم شلون يعاملون زوجاتهم وشكد يحبونهم جنس ادم ما يتشابهه بكل مكان وبكل زمان اكو الزين والمو زين لا تحكمين على الكل بسبب شخصين ظالمين

- رفعت وجها من حضني تباوعلي وترجف

::- خاله اني وضعي يختلف جاي اكلج متعرضه للاغتصاب مرتين وين اكو واحد يحب بنية مغتصبينها شخصين امانة الله روحـــــي كلية هل حجي روحـــــي فدوه كليله امانه عوفيني عفيه عوفيني

- حجتها ونامت تبجي حاولت احاجيها رفضت وجمره تباوعلي من جوه ليجوه عفتها وطلعت صاحت جــــمرة وراي

::- شوية واجيج

- ما حاجيتها رجعت البيتنا لكيته كاعد بالكراج أيــــدة على راسة وكف على حيله بخوف

::- حاجيتيها

- دخلت للصاله اجه كعد كدامي مرتبك رغم جنت اعرف بكل الحجته بــــس ولا مره ذكرته واسمر ما يعرف بيه سولفتله الحجته هي فتح عينه بصدمة الحد ما صار فص عينه مشخط بشرايين حمر كام من كدامي دخل الغرفتة حاني ظهره

حجيت الادريس احتار مثلي ثنينا متمنين دره الاسمر وهي ثلث ايام مرن ما بينت بعد اشتاقيتلها حيل وديت هبه وغفران عليها كتلهن كللها ماما تگـــول محتاجتج

صدك شوية واجت تباوعلي بزعل

::- هيج كالوها سويتيها صدك وبعد ما اجيتي

- تقربت باستني ودنكت تلاعب مصطفى شفت غيث يباوعلنا ويگلب بتليفوني سكتت وهو من لمحني شفته انسحب ودخل الغرفته سديت الموضوع ماجبت طاري الدره بقينا نسولف وتسأل على الامتحانات كتلها

::- بعد يومين تجين يم الجهال انتِ؟

- هزت راسها لا ودرنا على فتحة الباب فات اسمر وهي تباوعلي بصدمة عبالها متقصده وكفت تريد تمشي كالها

::- بــــس احاجيج كدام امي وروحي بــــس احجي

- وكفت بصف دره صيح على الجهال فاتوا الغرفهم ودره مجلبه بأيدي ترجف مسح وجــــهة محتار منين يبدي كالها

::- دره الماضي راح ويا الماضي ما الي علاقة بالعشتية قبل انا حابج الج حاب روحــــــج وشكلج وبرائتج عليه بالشفته من اول ما اجيتي هنا وكلشي فات قبل لا اعرفج ما يهمني

نــــهله ::- هو يحجي وهي تهز راسها لا كالها

::- بــــس فهميني ليش

::- ما اتزوج ما اعوف اخواني

::- ما تعوفينهم نفتح باب بيناتنا وشوكت ما تردين ترحين الهم هــــا دره

- هزت راسها لا خاتله بظهري اسمر رفع عينه الي متوسل شبيدي اني أشرتله فوت دخل الغرفته نزلن دموعها بسرعة رفعت وجها امسح دموعها

::- شحجينا دره شبيج ماما

::- انتِ كتيله الحجي الكلته الج؟؟

::- اي وكالج ما يهمني ماضي وراح ويا الماضي ماكو سبب يخليج ترفضين

- مسحت وجها تشهك كالت

::- ليش يريدني اني ليش؟

::- الأبـــــهر ليش راد جــــمرة وانتِ اجيتي تقنعينها ترجعله؟؟؟

::- لان يحبها

::- واسمر رايدج لان يحبج

- دنكت ساكته ما مقتنعه

::- دره تجين يمي والله ادللج واسمر واللـــه حــباب خاصة اذا حب شخص يخليه بعيونه هــــا دره شكلتي

- عافتني احجي وطلعت راحت البيتهم جنها بيها مجال خابرت جــــمرة وغدير كتلهن حاجنها جــــمرة كالت

::- واللـــه ولا احاجيها ما ننطي عيني نريدها

::- يااا

::- اي واللـــه تعودنا عليها تردين تاخذينها منعدنا

::- اول وتالي تتزوج اسمر يحبها واني رايدتها تعودت على وجودها شبيج ولج

::- لا عيني ماعدنا بنات للزواج

::- هااه

غـــــدير ::- معليج عــــمة هاي تمسلت الكسولي

جــــمرة ::- واللـــه احط راسج بالجدر منو كسولي

::- انتِ كسولي اني حامل ونجحت وانتِ كلشي ما عندج وحملتي مادتين اذا تحبلين شتسوين

جــــمرة ::- جريتها من شعرها اضحك سدينا الاتصال من امي اجت دره يمنا مبتسمه وعيونها حمر خلت عـــــلي بحضنها تلعبه وغدير بقت تدكلها ناعم وطلعت اسمر جنتل مان واني اكرز حب ساكته ودره هم ساكته وجنها اقتنعت غـــــدير الشيطانه لعبت بعقلها

عفتهن وفتت للغرفة اتصلت على الأبـــــهر جاوب بسرعهة

::- سنايبري

::- هلو

::- هلا يا روحـــــي شلونج

:;- زينه حبيبي

::- ااخ اروح فدوه الشفتج التطلع منها كلمة حبيبي

::- اكلك عندي فتنه

::- فتني جمرايه

::- امي تريد تخطب دره الاسمر

- سكت ثواني وحجه بجديه

::- عيدي

- سكتت ارتبكت وتندمت لان حجيت يمكن تسرعت

::- امي تريد تخطب دره الاسمر

::- منو گـــــال؟

::- امي

::- لا

::- ما تنطيها؟

::- لا ما انطيها

::- ليش

::- سدي الموضوع جــــمرة

::- لا اوكف ليش ما تنطيها

::- اختي وضعها خاص ما ناوي ازوجها الاحد جــــمرة كولي الامج لا

::- تعرف شنو وضع دره وحتى اسمر يعرف ويريدها

::- شنوووو؟

- سكتت رجع صاح شنو ماحجيت

::- جمرره

::- لا تصيح

::- ما مصيح بــــس لا تسكتين احجي
شعرفهم؟

::- اني ما حاجية

::- منو حجه؟

::- دره هي امي حاجتها ودره كالتلها لا اني هذا وضعي ما أريـــــد وامي رجعت اليوم كالتلها الماضي ماضي معلينه بيه الولد رايدج ومايخصة بالفات

- سد التليفون بوجهي رجعت اتصلت ما جاوب دزيتله صوتيه

::- هــــا الارعن

- ربع ساعة واجه هو واباذر يباوعون الدره بخوف وهي وكفت مرتبكة سحبها الأبـــــهر من ايدها دخلوا الغرفتها وسدوا الباب صاحت عليَ غـــــدير

::- روحـــــي تنصتي اسمعيلنا السالفة

::- ما اتنصت هو بعدين يحجيلي

::- هنيالج على هل برود غير اموت من الفضول

- كامت وكفت يم الباب تتنصت الهم دخلت للغرفة شوية واجه دخل وسد الباب بقى ساند ظهره عليه يباوعلي وكفت على حيلي

::- ليش تسد الخط بوجهي

::- نغثيتي؟

::- اي

::- راح تعاقبيني؟

::- اي

::- ردت اجي الدره خفت عليها ليش تضمين عليه ليش ما حجيتيلي من البداية

::- ما صار هواي اعرف بالسالفة

::- شوكت يعني؟

::- من كم يـــــوم

::- كم يوم وما حجيتي واني ساعة ما اضم السالفة عليج مو متفقين نحجي كلشي البعض ونفتن اول ما نعرف الشي

::- بــــس انـــتَ سديت الخط بوجهي وهم متفقين مــــحد يسد الخط بوجهه الثاني

::- منو الغلطان الاول وضم السالفة

- حجاها وتقرب خطوة رفعت ايدي

::- هيوو متفقين على العقوبة ديربالك تلزمني

- هز راسة موافق شمر المفاتيح والتليفون على الميز وجراني بسرعة شمرني على الجرباية يبوسني ويكرصني  ويدغدغني فرفحت روحي بــــس أريـــــد اصرخ واجر نفس سد حلكي بايده

::- اششش اباذر هنا اشش صوتج

- بجيت امسح على مكان الكرصات مد أيــــدة يرفع بملابسي دفرته صيح موجوع عضيت أيــــدة فلت روحه مني صيحت اغلط وجريت المخده ضربته جراها مني ورجعني للجرباية

::- اصرخ وخررر

::- جربي

- صرخت بصوت عالي سد حلكي

- مديت رجلي جواه دفرته ابتعد يتلوى كعد بالگاع على اركبة مغمض عينه بوجع كمت للمراية اباوع الركبتي واغلط عليه صاح

::- السافله لا تضربيني هيج جهال مايصيرون عدنا

- مشبت بسرعة كعدت كدامه خنگتة من رگبته وهو يضحك

::- كم مره كتلك لا تسوي هيج

::- معليه متفقين على عقوبة احنا مو صح

- حجاها وكح عاقبته بنفس الطريقة دفعني يضحك

::- هــــا قررتي تعاقبيني بنفس الطريقة

::- لا ديربالك تلزمني بعد

::- شكد؟

::- يومين

::- كولي يا الله شمسوي سديت التليفون بوجهج خلي الله بين عيونج واعلني عقوبة بانصاف ساعتين

::- خوش بــــس مو هسه هل ساعتين بالليل

- هز راسة موافق وكعد يسولفلي على دره تقريبا حتى هم مقتنعين ما يردون دره تبتعد عنهم
لليل اجو بيت عـــــمو ادريــــــس دره بعد ما طلعت من غرفتها خطبها عـــــمو ويكلهم

::- اذا ما تنطونا بنتكم ناخذ منكم بنياتنا

الأبـــــهر ::- هههههه نتشرف بيكم ابو اسمر

اباذر ::- اسمر هي بــــس هل دره اذا تبجي عيونها اذبحك

اسمر ::- شبينا وحد نبجي عيونها خلي توافق بينا ويرخصلها عيونا

اباذر ::- اذا بنتنا اقتنعت بيك عدنا شروط
كل يـــــوم الصبح قبل لا نروح الدوامنا نجي نشوفها وبالليل من نرجع هم نجي نشوفها موافقين؟

ادريــــــس ::- يعني مكابلني بالشغل ارجع للبيت تجي وراي

::- عاجبك لو لا ترا ما ننطي

ادريــــــس ::- كوم طلك غـــــدير كوم لك

جــــمرة ::- ضحكنا متونسين ، كامت امي دخلت يم دره تسولف وياها وهي قافله ما تريد حفلات لا خطوبة ولا عرس ميخالف البس بدلة عرس بــــس ما أريـــــد عرس

شكد حاولنا وياها ولا اقتنعت بس راحوا دخلوا اخوانها يمها يحاجونها كالتلهم تفتحون باب بيناتنا ما يفوت يوم ما تجوني بيه وهم يحلفون ما يعوفونها

بنفس الاسبوع عقدوا وزواجهم من امي تكمل امتحانات
كمت اروح ابقى ببيتنا يم صوفي والجهال وامي بدت تمتحن خطيه تعــــبت خايفة حيل ترسب وزوجها يكلها عادي حتى لو فشلتي اول مره ترجعين تحاولين وتنجحين جانت ترجع من الامتحان تحل الاسئلة من جديد واكعد احسبلها الدرجة تجي بالتسعين بــــس انكليزي ورياضيات بالسبعين كملت امتحانات وبدت تحضر العرسهم

اطلع ويا دره هواي صالون وسوك وهي ابد ولا مره كالت أريـــــد هل شغله ولا مره قبلت تطلع ويا اسمر مرات احسها وافقت بس حتى ما ترفض كلام اخوانها الحد يـــــوم زواجها رحنا اني وياها وسمر للصالون العرس بالبيت وبس اهل ادريــــــس موجودين  ماكو اي غريب على طلب دره ما تريد حفلة وهوسة

طلعت لعابة تخبل اجه الأبـــــهر يرجعنا للبيت ومن هناك ياخذها اسمر وكف كدامها يفرك وجــــهة بقهر وايده ترجف مشت الحضنه ضمت روحها بين ايديه باس راسها يهمس صوته مختنك

::- يا نور عيون الأبـــــهر يا روحهه

- رجعنا للبيت هي كاعده على قنفة وهم كدامها كاعدين بالگاع ولازمين ايديها يبجون ويبوسون بيها محملين نفسهم مسؤولية العاشته الحد ما اجت امي عاطت عليهم كاموا ثنينهم غسلوا ورجعوا اجه اسمر ، سلمها اله الأبـــــهر بــــس طلعو دخل للغرفة مختنك عبالك مدري وين رايحه منهم

نــــهله ::- شكد وصيت اسمر حيل خايفة عليها وهو بكل مره يكلي واللـــه ما اضغط عليها ثاني يـــــوم من الصبح ندك باب بيتنا رحت فتحته واكفين كدامي ثنينهم الأبـــــهر وبسام وجوهم تخوف طار گـــــلبي عبالي صاير شي كتلهم

::- هــــا يـــــمة شكو؟

اباذر ::- دره كاعده؟

نــــهله ::- التفتت على صوتها طلعت الهم حضنوها عفتهم ودخلت اباوعلهم من الصالة حجو وياها وباسوا ايديها ثنينهم وطلعوا سدت الباب وراهم مبتسم ورفعت ايديها الوجها شمتهن بضحكة وباستهن اجت يمي خجلانه

ما سألتها على شي بــــس هي تلوب شوية وحجتلي كالت ماكدرت اسلمه نفـــــسي وهو گـــــال ارتاحي كل يـــــوم الصبح تكعد وتنتظر دكة الباب تركض تسلم على اخوانها يبوسون ايديها ويرحون وبالليل قبل لا تنام تروح من الباب البيناتنا تشوفهم وتجي ثلث ايام مرن وهي بكل يـــــوم تكعد مقهورة وتكلي ما اكدر بــــس اسمر جان يضحك ومتونس مكيف بيها ما يبين شي اسبوع مر على زواجهم يله كالت تقبلته ...وتم زواجهم ..حيل حلوين سحب خوفها منه شوية شوية كامت تطلع وياه متونسين عليها وحتى ادريــــــس مكيف بوجودها.

جــــمرة ::- شكد بنفسي الطفل بــــس الأبـــــهر دائما لا مو هسه من نتعالج كلش واسكت موافقة لان هم اخاف يجي طفل مريض لو بيه شي. دوامنا مابقى اله شي واباوع الغدير ثلث ايام صارلها تلوب ومقهورة سألتها شكو باوعتلي وبجت كالت

::- يمكن اني حامل

::- ياااااااا

- بجت حيل ابنها بعده صغير كتلها

::- ترحين تحللين؟

- هزت راسها اي راحت الامي تاخذها ورجعتلي تضحك خبلتني

::- هــــا؟

::- اي حامل

::- قبل شوية تبجين

::- هههههه عــــمة تگول اجه بعد قابل ترجعينه لا تعترضين واحمدي ربج غيرج يتحسر ويتمنى الطفل

::- لواته هاي تردن تخلن الشغل براسي

::- هن مواعين ويغسلهن بمكانج الأبـــــهر
والطبخ مره سويتيلنا دجاج وردي

::- نجبي انتِ كلتي حطي عليه بهارات

::- بــــس انتِ بهاراتج ورديه اااخ ولا انساها ام دجاج وردي

جــــمرة ::- ضربتها اضحك اجه الأبـــــهر بالليل دخلت للغرفة وهو متمدد اجيت الحضنه تمددت على صدره

::- جبتلي الاغراض الكتلك عليه؟

::- لا

::- ليش ما عندي مخلصه

::- ما تحتاجينهن

::- مو انـــتَ كتلي كل ...... بالشهر تحتاجينهن

- ابتسم عصر فكي بأيده باسني وابتعد أيــــدة على خدي

كعد على حيله جر باكيت الجكاير شعل الجكارة وخلاها بحلكي جريت نفس مثل ما علمني ابقي الدخان دنك باسني وسحب الدخان مني رجع زفره مسح شفتي بابهامه وحجه

::- جبتلج بس يمكن ما تحتاجينهم

::- ليش شنو هم تخربطت

::- هههههه لا

- سحب ايدي نمت على المخده مد أيــــدة على بطني دنك باسني بيها گـــــال

::- يمكن اطفالي هنا؟

::- اني حامل؟؟؟

- ضحك هز راسة لا

::- باجر نعرف اذا حامل لو لا

::- يعني بعد يصير نسوي طفل تعالجنا؟

::- اي يصير نسوي هسه؟

::- نروح نسوي تحليل خاف حامل

- اجه عليه يضحك ويبوسني ثاني يـــــوم جنت متلهفه واعد الدقايق ادعي ما تجي الشهرية واطلع حامل بــــس اجت خابرته ميته قهر

::- هــــا سنايبري

::- مو حامل اني

::- مقهوره؟

::- اي

::- عليمن شبيج شورانا بعد عدنا وكت هواي ويصير طفل وطفلين لا تنقهرين

- سكتت مقتنعه بكلامة طلعت نتيحة امي ناجحة بدرجات عالية حيل حيل فرحتلها وزوجها طاير بيها ودره صايره لوتيه عود تضوجنا اني وغدير تكلنا

بــــس اجيت يم امجن فرحت بنجاحها وجهي خير عليها

نتعاند وياها بــــس نضحك مرات تصير جمعات واكعد على صفحة اراقب ضحكت الكل عيون عـــــمو ما تفارك امي واسمر يباوع الحلك دره
اباذر وغدير يطردون عيون يم الناس يتعاندون وبالبيت سمنى وعسل سمر اذا اجت تقلب الجو وتضحك الكل

ايام تمر عادية الحلو بيها رجعت الأبـــــهر من شغلة كل يوم
كلماته وغزلة الكل يـــــوم يزيد اسبح واطلع الكاه لازم المشط وكاعد منتظرني من تزوجته لليوم ولا مره مشطت شعري شهرين مرن وعرفت بنفسي حامل فرحتي ما تنوصف والابهر مكيف
ويگول الغدير

::- انتن اكعدن وانا واباذر نشتغل

- وسووها صدك بالليل عود غسلوا البيت واحد يرش مي على الثاني وتعاركوا بالماسحات غرگنا يله مسحوا البيت

اكتشفت اهتمام الأبـــــهر من جديد مرات اتعب وانام قبل لا يجي لان بطني كبرت واروح للدوام ارجع هلكانه افز على نغزات شاربة برجلي نفسها الرجل المحتركة يبوسها جنت انقهر واتعارك وياه ما قابله گـــــال

::- يمكن تشوفينها شي يقلل من شأني او تفكرين مايصير شنو ابوس رجلج بــــس انا ما اعتبرها هيج انتِ مو مجرد زوجه انتِ حبيبة وصديقة وروح انتِ النفس المعيشني شما دللتج واهتميت بيج احس بروحي رجال واستحقج.

- كل كلمة يحجيها جان كدها فعلاً دللني ووكف وياي بكل خطوة غـــــدير ولدت قبلي بشهرين وصار عندها فــــــاطمة لقبوها گمره وفعلاً گمره حلوه حيل وابوهم طاير بيهم

الحد ولادتي جنت اقرأ الخوف بعيون الأبـــــهر خايف اكثر مني كالت الدكتورة ماعندج ولاده ولازم عملية كيفت بــــس امي شبعت قهر

دخلوني للغرفة علمود البنج وهو وياي يرجف بخوف ابـــــتسمت

::- شبيك؟

::- منتظرج

- هزيت راسي اي مبتسمه حاجتني الدكتورة بالبنج الحد ما غبت وفزيت متكطعه من وجع بطني صيحت ابجي اخاف حتى اتنفس خاف انوجع الحد ماجابوا ابني دنكته الي امي شميته روحي فرفحت ونزلن دموعي

مد أيــــدة الأبـــــهر مسح وجهي مختنك

::- جمرايتي

::- ديربالك بعد تگول نخلف

::- التوبة واللـــه التوبة بــــس ايهم ما نريد غيره

::- ايهم شنو اااخ منو كالك بكيفك خرب انه ايهم شنو

::- هــــا هــــا يله شنو تردين تسمينه كولي

::- اااخ يـــــمة ولو مني

::- بــــس كليلي يا اسم تردين

::- عوفه ايهم حلو

نــــهله ::- ضحكت الطفل بحضني. كتلها

::- لعد المن صيحتي بقت تلوب موجوعه ليلة وطلعنا من المستشفى اخذتها يمي والابهر كل ساعتين ثلاثة يجي شوية ويروح يستحي من ادريــــــس

الحد ما صارت زينه اباوعلها من بعيد.فرحانه ما تخيلت يجي يـــــوم جــــمرة تعقل تزوج وتخلف
صح بعد عدها خبالات بــــس اهون من قبل تباوع كون مــــحد يشوفها وتضرب زوجها لو تغلط عليه بصوت ناصي بس كدامنا تحترمه وتغمزله عود ضامتها الك

اخذها وراح البيتهم شهر مر على ولادتها واجه ادريــــــس گـــــال صاحبي عنده مزرعه وكتله أريـــــد اجيب العائلة واجي

::- احنا ناس عدنا دراسة ما نروح

::- ولج بعدلج سنتين يله تمتحنين

- ضحكت خابر على الأبـــــهر كالهم ترحون ويانا وعلى سمر وزوجها حضرنا اغراضنا وثاني يـــــوم رحنا واباذر واسمر جلبوا السمر يتنمرون على بنتها وهي تصيح تخبل جنها اني

فرشنا وكعدنا على ثيل جوه الشجر وهم يلعبون طوبة وجمره الرياضي البداخلها كعد وكوه لازمتها تريد تروح تلعب وياهم

جــــمرة ::- شبيج اغلبهم ما يعرفون

غـــــدير ::- مره فازوا عليج جهال الفرع وكتلتيهم لان فازا عليج

جــــمرة ::- ضحكت ايهم بحضن امي ومصطفى عد دره عبالك ابنها

خلصوا لعب وراحوا يشوون السمج امي وزوجها اجه الأبـــــهر شال ايهم ومدلي أيــــدة تمشينا عنهم لبعيد نباوعلهم ادريــــــس لازم ايد امي وهي تجر بيها خجلانه

اباذر وغدير يثرمون زلاطة يضحكون وجهالهم بصفهم 

اسمر ودره كاموا يلعبون بالطوبة وسمر تتعارك ويا زوجها جايبته ترزل بيه الكل يضحك وفرحان

رفعت عيني للأبهر يباوعلي مبتسم
حضن كتفي وايهومي بأيده الثانية باس راسي

::- احبج

::- بــــس؟

- ضحك ورفع ايدي البيها الاسوار يبوسني فوك.كل خرزه هدعش بوسة

::- ههههه جريمتي المستباحة غلطتي الصحيحه
اول ذنب ينعشك

جمرتي عشگي

- ابـــــتسمت فرحانه اخط نهايات قصصنا واختمها بفرحة وضحكة مرت حياتنا بايام ضحك وفرح وايام زعل ومشاكل مرات.
مثل حياة اي عائلة عراقية يـــــوم تضحك يـــــوم تبجي

تعلمنا القوة من امي تعلمنا الاصرار من حققت حلمها وامتحنت سادس ونجحت بمعدل عالي حالياً تربية انگليزي مثل ما رادت وراح يصير اسمها ست نــــهله
قوية عندها اراده واصرار
ربتنا باصعب الظروف
دافعت عنا ولو بأيدها تحمينا من كل شي بــــس قدرنا مكتوب وعشناه بتفاصيلة

كتبت قصتي وره سنين من حدوثها كملنا جامعتنا وشتغلنا بالمدارس الاهليه لان الحكومي مأيسين منه. قرار كتابة الرواية القررته غـــــدير
كتبتها بدون علم الأبـــــهر ما حبيت احجي حتى ما يرفض باحد البارتات من كنت اكتب الاحداث بالرسائل لمحني كاتبة هواي بوس ايهم وباوعلي

::- جمرتي شتسوين؟

- التفتت عليه رفعت اكتافي ::- اكتب قصتنا

- عكد حواجبه ما فاهم ::- يا قصة؟؟

::- من جنت مجلوب وخطفتني الحد ما صرت حباب وتزوجتني

::- شبيج

::- تعال اكعد احجيلك

- كعد يمي راويته البرنامج ومشاهدات القصة سحب التليفون يريد يقرأ ما قبلت صورت بــــس مشاهدنا ودزيتهن اله عاقبني لان ضميت عليه وعاقبته لان عاقبني..

دره بعد مراجعات استمرت سنين يله صار عندها طفل
وامي ما تكدر بعد وعقدت واني ماناوية اسوي طفل ولا الأبـــــهر رايد.

لهنا خطت النهاية

"انا جــــمرة
جريمة مستباحة لمجرم بريئ""

اختار الطريق الخاطئ بتصرفات نصف صحيحه شفعت له لتغطي سواده ببياض

انا جــــمرة كنت احرق كل من يمسني بشيء
حتى وقعت بين يديه حولني لرماد واعادني احرق من جديد لكن باحكام حبه واهتمامه
يطغي على شعلتي..

((مازالت تلك الندبات بيدهم هم الثلاث
ونحن توسط قلبنا ندبات عـــــلي وگمرته كـ ندبات الأبـــــهر واخوته ))

النهاية ................

الكاتبة أيـــــــلول⋆𓄼𓂁 🥺💚

اتركلكم صور.👇

ندبات الأبـــــهر (الصورة بحساب الانستا راح انشرها)  t8_fe3

سوار جــــمرة على ايد ابنها

جمرتنا

لهنا نقفل ملف اجرام.مستباح لثلاث ندبات 💚

الى القاء

أيـــــــلول⋆𓄼𓂁