رواية أجرام مستباح لثلاث ندبات الفصل الثالث وأربعون 43 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                             بقلم الكاتبة أيلول

       ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

ورديت مو من الصفر!
حته الصفر ما يبدي
رديت منك منگسر،

. ..........................................................

جــــمرة ::- هزيت راسي اي عيني بعينه وبسام يسحب بأيده بــــس يريد يرجع يحضنه وهو مكابلني يرجف ابتسم ما مصدك

::- جذابة ما جنتي تعرفين مستحيل تسوينها

::- سويتها اذيتك ولو ربع الاذية السببتها الي

::- جــــمرة

- حجاها وسحبه اباذر رجع حضنه ويبوس بايده والابهر عين ويا بسام وعين الي لميت رجليه حاضنتهن الصدري اباوعلهم وهم مــــحد مصدك حاضن الثاني خايفين يوخرون من حضن بعض لام اباذر بحضنه مثل ما جان يلمني سحبه مسح عــــــيونة مبتسم بوس وجــــهة

اباذر  ::- دره دره مالكيتها دورت شكد عليها سجلها مفقود

جــــمرة ::- سكت الأبـــــهر واباذر صافن يفكر يريد يستوعب التفت عليه گـــــال

::- شنو تعرف انا اباذر شلون؟

- دنكت ساكته اجه الأبـــــهر يمي واباذر خله أيــــدة على راسة يصيح

اباذر ::- مديت ايدي عليك ضربتك خلصت عمري ادورك ومن شفتك ضربتك ليش شسويتي انتِ شسويتي .

الأبـــــهر ::- سويتيها جــــمرة كسرتيني اخذتي حگج

جــــمرة ::- باوعت بعينه رموشة المبللات اثر الدموع وجــــهة احمر يباوعلي وبسرعة يلتفت على اباذر مد أيــــدة لزمه وضحك شفته ترجف

الأبـــــهر ::- يمي بــــس خايف ارجع اضيعك اضمك بروحي أريـــــد

جــــمرة ::- تقرب اباذر دموعه كل مايمسحهن يرجعن ينزلن  يضحك ويحضن بيه ابتعد من دك تليفونه

غـــــدير::- ميتين خوف اتصل على بــــسام وما احصله وين يله دك جاوبني بسرعة فتحت الصوت وعمه مكابلتني وتبجي صاح بضحك

::- ولج غدوره

::- هــــا بــــسام لكيت جــــمرة

::- ههههههههههه ولج لكيت أخـــوي غـــــدير لكيت أخـــوي لكيت روحـــــي لكيت اهلي وهويتي

غـــــدير ::- باوعت بوجه عمه وهي تباوعلي مافاهمين وهو يضحك بفرح

::- شبيك بــــسام تخبلت؟

::- أبــــــهر أبــــــهر أخـــوي

نــــهله ::- اخذت التليفون من غدير مفرفحة
::- بنتي وين بــــسام شبيك

::- هاي يمي خاله أبــــــهر أخـــوي زوجها أخـــوي

جــــمرة ::- تقرب اباذر مبتسم انطاني التليفون وهو رجع الحضن أبــــــهر وامي تصيح ما فاهمه

::- هــــا ماما

::- وينج ولج وينج موتيني

::- هنا لا تخافين

::- راح انجلط جــــمرة راح انجلط فهميني

::- باوعي مو كتلج اخوان الأبـــــهر يدور عليهم اباذر اخوه

::- اي؟  لكاهم شنو؟

::- اي هو بــــسام؟

- سكتت امي اسمعها تحجي بصوت ناصي ويا غـــــدير تگلها

::- مدري شيحجون هذول

- كعدت اشرح وافهم وهي ولا مصدكة كل شوية تصيح تضحكين عليه تردين تموتيني بالي يمها ويمهم اباذر يسولف للابهر بطفولية عبالك رجع طفل يشكي ويحجي شلون اخذوا درة منه.

سديت التليفون الأبـــــهر يباوعلي بقهر صارت عينه على ايدي وخــــر اباذر من حضنه جراها يباوع بيها. شك قميصة من جوه بدون ما ينزعه واجه لف ايدي وهو مدنك حجه

::- كوم وصلها البيتهم اباذر

جــــمرة ::- باوعت بعينه ساكتة اباذر يكله لا انا ما اعوفك وهو يقنعه يوصلني ويرجع لبسني شالي مشيت وياه بالباب سحبني الحضنه يحجي بأذني

::- ارجعج الحضني بــــس اليوم راح تبتعدين عني

- خليت ايديه بصدرة أريـــــد ادفعه قوة لزمته الي يهمس

::- بيننا غدر وغش محاسبة وعقوبة جمراية

- حجه وباوع الاباذر كاله

::- تگدر تخلي حراسة على البيت ؟

اباذر ::- اخلي ام مصطفى تبلغ ابو اسمر يخلي جنود بالباب لا يضل بالك يمي بــــس مو ارجع ما الكاك

::- منتظرك يا روحـــــي منتظر رجعتك ما اضيعك بعد

اباذر ::- مسحت وجهي اضحك اخذت جــــمرة ورحت ماكو شي يكسر فرحتي لكيت أخـــوي
بعد دره بالطريق خابرت الولد الحددلي موقع الأبـــــهر كتله يخلي جنود على البيت ما قبل .

قنعتهن ارجعن البيت ابو اسمر اريد بــــس اوصلهن وارجع للابهر وغدير مجلبه تريد تعرف شكو جريتها من ايدها للكراج سحبتها حيل حضنتها وبستها

::- احجيلج كلشي كلشي بــــس ارجع هسه رايح الاخوي

- عفتها وطلعت مستعجل بــــس أريـــــد اوصل حتى الباب ما دكيته دفعته ودخلت
::- الأبـــــهر؟

- تلفتت ادوره گـــــلبي ينتفض وعيوني تدور نفتح باب الحمام طلع مبتسم

::- يا عيون الأبـــــهر

- ضحكت تقدمت احضنه كعدت يـــــمة گـــــال

::- بــــس اليوم نبقى سوا راح اعوفك فترة

- عكدت حاجبي مقهور ::- ليش ما صدكت لكيتك

::- اذا قسام عرف انـــتَ أخـــوي يضغط عليه من خلالك خلي احدد مكان دره واخلص منه

::- قسام نفسه الجلاد؟ بعدك وياه

::- اي شلون اعوفه وهو حلقة الوصل بيني وبينكم

::- يعرف مكان دره؟

::- لا بــــس عندي معلومات عنها اوصلها مابقى شي ههههه تعال لك تعال

- سحبني الصدره حضنته حيل ونزلت راسي على رجله
::- تتذكر اخر ليلة من نومتنا بحضنك؟

- ضحك هز راسة اي

::- نومني مثل قبل بحضنك هههه

- كمنا من الكاع نزل فراش تمددت وهو كاعد يباوع بوجهي رفع راسة ليفوك يمنع دموعه ينزلن ورجع باوعلي

::- اباذر

::- عيون وروح اباذر ابهري

::- احجيلي شلون عشت وين أريـــــد اسمع

::- اتعس حياة اخذوا اختي من حضني جنت ابجي اخاف منك اخاف تعاتبني ليش ما حميتها خفت تكلي مو وصيتك عليها ليش عفتها

- خله أيــــدة على حلكه ودموعه نزلن يمسح عيوني ويرجع يركز بحجيي

الأبـــــهر ::- ما الومك هم اخذوكم من حضني

::- اي كم يـــــوم بقيت وباعوني العائلة ههه كل يـــــوم يضربني يگطع الحزام على ظهري من جنت طفل لان اشرد يضربني ومن كبرت هيج حقارة وجنت اتحمل حتى اوصل للسلك العسكري وادور عليكم تالي طلعلي انـــتَ مسافر فد حقدت عليك ههههه

::- ههههه وين مسافر مخلصها بالبتاوين والطوايل بــــس لعبة مال السفر حتى يبقى سجلي نظيف

::- متورط أبــــــهر؟

::- حيل صرت مجـــرم من گلب والسان

::- ابريك لو اشوف اخذ كل التهم العليك

::- خلي نلگه دره واشوفكم سوه وبخير وخلي اموت انسجن كلشي يهون

اباذر::- جاي نحجي ودك تليفونه التفتت وياه جر نفس بغمج باوعلي جاوب فاتح الصوت على السماعة الخارجية

::- ها قسام

::- راح اوديلك المعلومات باجر العصر تكمل شغلك

::- خوش

::- هههه عفيه عليك ابقى هيج تسمع الكلمه

::- هههه صار

اباذر ::- سد التليفون دار عــــــيونة مني بعد ما خله عينه بعيني كعدت مقابيله

::- أبــــــهر شغل شنو ليش؟

::- طلعني من السجن بكلمة يخلي سجلي اسود انسجن بشخصية جـــــندل ما مستعد اخاطر قبل ما اندل دره

::- شنو يريد منك فهمني؟

::- اقتل شخص واجيب الفلوس

- باوعت بعينه ساكت ما مستوعب جر نفس ورفع راسة باوعلي

::- تسويها؟

::- لا بــــس اخذ الفلوس . وضروري تبتعد عني ما أريـــــد يعرف انـــتَ أخـــوي

::- هههه شلون ابتعد انا اريد اكابلك واكعد عمر

::- اباذر يا روحـــــي افهمني ما مستعد اضيعك مرة ثانية انا اجيلك .

- دنكت ساكت فجأة حسيت راشدي قوي على وجهي رفعت عيني ضحك حيل وسحبني الحضنه

::- هاي ليش ضربتني؟

::- ما ادري ههههه شايف من نلكي دره انام مثل قبل هيج هيج المكم ثنينكم بحضني

::- اول سولفلي شلون عشت وشسويت

- بدأ يسولف من اول يـــــوم اخذونه منه الحد ما اخذ جــــمرة وكمل ليوم السجن جر ايدي صفاها ويا أيــــدة نباوع للندبات مبتسمين وگلوبنه محتركة

تمددنا ساكتين بــــس لازم أيــــدة درت عيني عليه

::- أبــــــهر

- باوعلي عــــــيونة مدمعه تقربت الحضنه

::- أريـــــد ارجع اباذر الطفل التضمه بحضنك وينام.

- لماني بايده غمضت عيني هسه حسيت روحـــــي بشر هسه حسيت عندي هوية وانا انسان حقيقي.

جــــمرة ::- فاتحه عيني اباوع للسكف ساكته جسمي بارد حيل بــــس حسيت الباب نفتح غمضت عيني حسيت امي دخلت يمي مسحت على وجهي وحجت بحسرة

::- اكعدي اكلي جــــمرة

- فتحت عيني رجف گـــــلبي حيل وانا اباوعلها

::- توكليني؟

نــــهله ::- هزيت راسي اي كعدت مسحت عيونها تقربت اوكلها ايدي ترجف وهي لازمه ايدها البيها سوار بقوة تلوب كامت دفعت ايدي تصيح وتبجي

::- مو هيج مو هيج ما تعرفين مو مثله مو مثله

::- جــــمرة

- بجت حيل وانا فاتحه عيني على وسعهن مصدومه بضعفها احسها مو جــــمرة زحفت الحضني تبجي وتصيح

::-حرك روحـــــي أبــــــهر حرك روحـــــي

- مسحت دموعها جامده احس صدمات هل ايام وحـــدة وره الثانيه حركت رجليه الحد ما غفت وطلعت اسمر كاعد بالصالة أيــــدة على خده گـــــال

::- خاله بابا يگول خلي تخابرني

-:هزيت راسي موافقة غسلت وفتت للغرفة اتصلت عليه بسرعة جاوب

::- الله يساعدك

::- هلا ام مصطفى الله يساعدج.
شنو صاير احجيلي.

::- اول شي انا طالبتك ما تردني

::- غير اعرف الشنو يا عيني

::- من جهه شي انساني ومن جهه ثانية يمكن انـــتَ تشوفة خيانه لرتبتك ومسؤوليتك

::- جــــمرة متورطه بشي؟

::- لنفرض راح تساعدها؟

::- احجيلي بشنو متورطه؟

::- قتل مثلاً.

- سكت دقايق اسمعه تحرك من مكانه صوت خطوته مبين شوية وحجه باعصاب

::- شنو هل حجي نــــهله شبيج تخبلتي

::- ادريــــــس مو جــــمرة

::- واللـــه العظيم سطرتيني فلا جاي افهمج

- سولفتله كلشي حجته جــــمرة تخبل اعصاب وما يعرف شنو يحجي

-  لا تطلعين احد من الجهال للمدرسة هسه يوصلون حماية للبيت ولا تطلعن نــــهله تسمعيني لا تطلعن

- حجاها وسد التليفون ومن الصبح وكفو جنود بباب البيت

اباذر ::- كعدني الصبح فزيت مبتسم اباوعله واضحك واللـــه ما مصدك

::- كوم روح يله

::- خليني يمك باجر اروح

::- لا حبيبي هسه اباذر مابقى شي وننجمع

::- زين وين الكاك بعد؟

::- انا اجيلك

::- تندل بيتي شوكت تجي حتى اعوفلك الباب مفتوح

-ضحك وهو يلبس جفوف بأيده باوعلي وحجه بضحك

::- لك انا مجـــرم مجـــرم يلزمني باب؟  انا ادخل معليك

::- هههه خوش خلي ابقى بعد ساعة واروح

::- أريـــــد اطلع لازم اروح

::- أبــــــهر وياك ما اعوفك

::- ارجع الوظيفتك حتى تكدر تساعدني يله مابقى شي ونخلص بــــس اصبر كم يـــــوم

- هزيت راسي اي وكفت اعدل ملابسي وهو يضحك گـــــال

الأبـــــهر ::- انا من اشتاق الواحد أريـــــد اشبعه كتل هسه كل شوية أريـــــد اجي اضربك والزم روحـــــي

::- لا هاي لان ضربتك بالمركز تريد تنتقم عود انـــتَ أخـــوي

::- ههههههههههه يا روح اخوك

- حضنته حيل وطلعنا سوا هو بطريقه وانا بطريقي بعدني ما واصل للبيت واتصل ابو اسمر
صفيت السيارة وجاوبته بزعل احنن كلبه

::- سيــــدي

::- انجب

::- أمرك

::- ليش ما حاجيلي لك حاسبكم ولدي وانتَ تضم عليه

::- سيــــدي اتمنى ما تزعل مني بــــس جنت اخاف احجي عنهم الاي انسان حتى عـــــلي صاحب روحـــــي ما حاجيله واللـــه

::- هاي هي تبقى هل سالفة نتحاسب عليها بعدين
هسه ارجع الشغلك فد ساعتين ونوصل احنا

::- ههههه الله يجزيك خير سيــــدي

::- حبيبي ابني يله ما اوصيك

- سديت الخط منه وركض للبيت لبست البدله العسكرية وطلعت الشغلي. بقيت اتبع موقع الأبـــــهر من رقم تليفونه خايف ارجع اخسرة
لمن اجه ابو اسمر راساً سحلني المكتبة حجيتله السالفة اول شي گاله

::- اخوك ينسجن

::- مستحيل اسمح بهل شي

::- ورتبتك؟ وقسمك باداء الواجب

::- ادوس على رتبتي اذا خلت أخـــوي الخلص عمره متعذب الخاطري يوصل للسجن.

::- بــــسام كون واقعي جاي تگول متورط بقتل ينحكم اعدام

- كمت من يـــــمة منتفض عيوني احسهن نار والحجاية كوه تطلع مني

::- نگدر نطلعه من كل السالفة سيــــدي

- باوعلي ساكت اشرلي على الباب اخذت تحيه وطلعت .

غـــــدير ::- مــــحد فاهم شي كل واحد بينا تفكيره بعيد عن الثاني عــــمة وحيرتها جــــمرة الاغلب وقتها نايمه ومرات نسمعها تبجي وتحجي وحدها تغلط وتسب على زوجها شخصيتها تخوف كل شوية بشخصية ساعة جمرتنا القديمة وساعة شخصيه ما تنعرف وساعة انسانه ضعيفه ومثل الطفل .

عفت كلشي وطلعت للكراج الجو بارد تريد تمطر كعدت بالمرجوحه ورفعت رجليه حضنتهن الصدري ورفعت راسي مغمضة عيني كل تفكيري ببسام شنو الصدفة الخلت زوج جــــمرة اخوه ههه وشلون فجأة طلع يتيم ويدور على اخوانه

عصرت راسي احس صعب استوعب سمعت طكه ببيتنا شنو معقولة هسه يله رجع للبيت وين جان
ركض صعدت على الدرج وجلبت بالسياج اباوع دنكت بسرعة الجنود بــــس واحد يفتر بالباب اباوع سيارة بــــسام موجوده رجعت نزلت ما شفت شي طلع عـــــمو ادريــــــس وكف مصدوم

::- شعندج الهسه كاعده عـــــمو الساعة 3 ؟

- تمشيت يـــــمة خجلانه ما اعرف شنو اجاوبة
::- ما نعسانه هسه راح انام

- عفته ودخلت اركض.

اباذر ::- انتظرت يجي اتأخر حيل اتصل مغلق نغثيت انا بــــس أريـــــد اكابله واكعد وهو غلق تليفونه قفلت البيبان وتمددت مقهور منه وعليه
ما اريد شي غير اكعد وياه واعوض ال17 سنه الفاتن

منتظر اي صوت اي حركه اركض افتح الباب بــــس ماكو ما اجه الحد ما غفيت حسيت ايد على رگبتي تريد تخنكني فزيت مفزوع ضحك ومد روحه بصفي

::- ليش تأخرت؟

الأبـــــهر ::- ليش قافل الباب خايس؟

::- اشلع كلبك لان ما اجيت من وكت

::- لا تتسوفل غير عندي شغل اكمله واجيك هذا شعنده مخلي جنود بالباب

اباذر ::-صفنت بوجهه وهو مخلي أيــــدة جوه راسه يباوعلي مبتسم ستوعبت انا وابو اسمر نفذنه امر الأبـــــهر ضحكت حيل

::- لك غير انـــتَ كلت خلو حرس على البيت نفذنه

::- شفت شلون مجرم واخليكم تمشون بأوامري

::- وين ما تريد امشي حتى على الموت

- كعد على حيله خله أيــــدة على كتفي مبتسم طلع ورقة من جيبة

::- تگدر تجيبلي عنوان؟ ومعلومات؟

::- بسهولة

::-:هاي الاسمين باجر اريدهن

::- يخصن دره ؟وشسويت على قسام والشغل

::- اي يخصن دره قسام يمي ما الك علاقة

::- أبــــــهر اريد اسجنه أريـــــد احقق وياه انا اخذ ثارنا

::- وحگ عيونك وحگ گـــــلبي التوع عليكم ما يوصل للسجن انا كتاله كل عقلك اعوفه

::- لااا دير بالك لا تتورط اكثر

- كام نزل من الجرباية غطه وجــــهة گـــــال

::- عود بعدين نتفاهم يله انا اروح

::- وين؟

::- ههه شبيك خايف ما اعوفك بعد.

- جريت تليفوني نزلت الثام من وجــــهة اخذت صورة اضحك

اباذر::- حتى تصبرني لمن تجي مرة الثانية

::هــــا ذكرتني خلي هذن عندك

- فتح القمصله وطلع اوراق وصور هوياتنا وصور الطفولة عافهن بأيدي وطلع مستعجل

جــــمرة ::- ما اكدر انام  وجع ينهش گـــــلبي حتى النفس احس ما اعرف اتنفسه بدونه غمضت عيوني احاول اغفى هستوه النوم يسيطر على عقلي  وميلت رگبتي مقشر بدني من الملمس العليها

::- سنايبر

- فتحت عيني فازة بــــس لمحت عــــــيونة طبع شفته على شفتي يبوسني بلهفة وشوگ لازم ايدي بقوة احس اصابعي نكسرن ابين اصابعه ابتعد ساند راسة على راسي جريت نفس بقوة ارجف

التفت فاز على يدة الباب من تحركت والباب مقفول نزل بسرعة صار جوه الجرباية صوت امي تهمس

::- جــــمرة ماما نايمه؟  ليش قافلة الباب جــــمرة؟

- كمت بسرعة خطوتي ترجف فتحت الباب باوعتلي عـيونها مورمه بلعت ريك ارجف كلي

::- انام يمج؟

- هزيت راسي لا ::- روحي نــــــامي ما مابيه شي بــــس عوفيني وحدي لحد يجي يمي

::- جــــمرة

- جريت ايديها الشفتي بستهن ورجفت ايدي تهز ايدها
::- باوعي ما زعلانه منج بــــس عوفيني روحـــــي الزوجج وجهالج انا ارتاح من ابقى وحدي

::- تعالي بهذيج الغرفة فرشتها الج

::- أريـــــد ابقى بغرفة صوفي

- باوعتلي ساكته هزت راسها موافقه وعيونها مليانه دموع مشغلة قرآن بصوت ناصي بالصالة سديت الباب وراها قفلته ارجف وكوه اجر النفس

التفتت لكيته كاعد على الجرباية ينزع الجفوف من أيــــدة أشر بثنين اصابع تعالي مشيت بخطوات ثگيله احس روحـــــي اتوهم وهو ما موجود ومن الزم شفايفي احس فعلاً موجود

وكفت كدامه ابتسم وهو كاعد مد أيــــدة على اصابع ايدي غمضت عيني مقشعر جسمي حرك اصابعه يمشيهن على طول ايدي برخاوة رجعت خطوه ليوره مبتعده

::- شلون دخلت؟

::- لو تضمين روحــــــج بقفص اجيج

::- شلون دخلت

::- ما يخصج المهم هسه يمج

::- شلون؟

::- هههه طفرت من بيت اباذر ودخلت من المشاي بابة مفتوح.

- بلعت ريك ساكته سحبني من ايدي ابين رجليه

::- مشتاقلج جمرايتي

- شهكت ساحبه نفـــــسي من خله وجــــهة ببطني وايده وره ظهري جسمي يرجف

::-أبــــــهررر

::- اششش انسي كلشي حسي بــــس بلمساتي

- سحبني للجرباية دفعته عيوني ذبلانة وجسمي متبند ضحك وجر ايدي الملفوفة باسها من فوك الشاش

::- روح

::- اروح بس قبلها اريدج

::- دفعت أيــــدة أريـــــد انزل بسرعة طبك ايديه فوك راسي ومد نفسه عليه غمضت عيني تـــــعبانة وجسمي منتهي ما بيه اتدافع واعارك

::- تـــــعبانة بدوني؟

- فتحت عيني بلعت ريك اهمس ::- لا ابد

- نزل وجــــهة الركبتي يحجي بخفوت ونفسه الحار بأذني

::- منو يوكلج منو يمشط شعرج منو يداري جمرتي ؟

- تقلص جسمي كله من حركاته لميت رجليه ومغمضة حيل شهكت متبنده

::- ابهررر

- رفع أيــــدة يسد حلكي كاتم نفـــــسي من هدأت مستسلمه ضحك بخفوت ونزل راسة الصدري هادئ

::- شفتي شلون حتى انا جنت اكدر اضعفج بلمسة واخليج انتِ التريديني بــــس ما سويتها ما كدرت استغلج بهل طريقة ولا راح اكدر

- ابتعد وسحب ايدي كعدني طلع نستله من جيبة فتحها قربها الحلكي وهو يحجي

::- قسام عرف رجعتج الاهلج

- اباوعله ساكته وهو يباوع بعيوني اشر على النستله وقربها اكثر اكلت منها رفع أيــــدة مسح حلكي وكمل حجي

::- اذا وصل الج انتهي اضيع الاول والتالي

::- مايكدر يوصل

::- هههه لان زوج امج ضابط مو؟

- سكتت مدنكه رجع قرب النستله الي اكلت وهو بكل مره اكل منها يمسح حلكي باصابعه الحد ما كملتهــــا كلها گـــــال

::- ترحين وياي ؟

- هزيت راسي لا اباوعله لبس القمصله والجفوف
وتقرب يمي رفعت راسي اله مد أيــــدة على خدي غمضت عيني وجريت نفس بقوة گـــــلبي ما يريده يروح

::- باجر عندي شغل مهم وبالوقت نفسه مجازفة
اذا ما رجعت اعرفي كل الزين

"الأبـــــهر يعشگ جمرته"

::- وين رايح؟

::- نــــــامي واكلي خوش لا تضعفين بالكوه سمنتج

::- وين رايح أبــــــهر وين

- رجعني على المخده وسحب الغطا فوكايه جلبت بايده

::- وين تروح

::- شغل

::- ليش خطر؟

::- حتى اوصل الدره

::- ما تموت؟؟؟

- سكت جريت أيــــدة الكلبي وغمضت گـــــلبي ينتفص بقوة وصوت دكاته مسموع
::- عفيه لا تموت

::- ليش هيج يدك كلبج

- فتحت عيني بعينه بلعت ريك الدمعه متحجره بعيني ::- لان انـــتَ يمي

- ابتسم وشفته رجفت رفع راسة ليفوك وحجه بقهر

::- اذا متت لا تنسيني

::- ما تموت!

::- اجيج هيج وقت اذا ما متت تسبحين وتنتظريني امشط شعرج متفقين؟

- هزيت راسي اي ::- شكد الساعه هسه؟

::- بالاربعه الصبح

::- خوش اسبح وانتظرك اذا ما اجيت اكص شعري

::- اذا ما اجيت كولي مات لا تكصين شعرج

- سكتت اباوع بعينه تحسر ايدي بايده عصر اصابعي وحجه بصوت مخنوك

::- غمضي جــــمرة

- بسرعه غمضت عيني ساكته

::- نــــــامي

::- راح انتظرك

::- ارجعلج اذا بيه نفس

- حجاها وسحب أيــــدة من ايدي واني مغمضة حسيت اصابعه على رموشي مسحهن وطبع شفته على خدودي ثنينهن حسيت نَفسه بعده بوجهي همست بخفوت

::- أبــــــهر

- نكتم نفسي بشفته سحب نفسه بسرعة مني غطاني

::- نــــــامي يله لا تفتحين

- هزيت راسي اي سمعت باب الغرفة نفتح ما ريد افتح عيني أريـــــد ابقى اخر شي شفته عــــــيونة لميت رجليه الصدري حضنتهن وغمضت عيني اتذكر انفاسة اتذكر صوت بوساته ولمست أيــــدة وجسمي كله ينتفض .

نــــهله ::- طلعت للمطبخ اسويله ريوك يباوع وينصي خليت الصينية گدامه ماكدر ياكل سالني

::- زعلانه مني نــــهله؟

::-لاما زعلانه هاي هي  سوي اليملي عليك ضميرك

- سكت يياوعلي بحيرة اكل شوية وكال

::- ما ادور وراه وبالوقت نفسه ما اساعده

- هزيت راسي ساكته كـــــافي عليه حيرت بنتي طلع الدوامه كعدت غـــــدير والجهال كلمن راح الدوامه وحتى الحماية نسحبوا ما كو شي خطر

شفت جــــمرة بعدها نايمه كلت اسويلها ريوك واكعدها وهم عزلت ريوك مصطفى كملت كلشي وخليت مي بالمواعين الخاصة بيه اغسله بيهن مشيت اول خطوة ودك گـــــلبي حيل من تذكرت ابني جوه التراب مو بحضني

مسحت دموعي گـــــلبي موجوع اللهي برد گـــــلبي بحق شفيع الامة

كعدت جــــمرة ولا قبلت تاكل تهز برجليها وعينها للساعة.

عفتها وكمت سويت ريوك الاسمر. تريك ووكف بالباب يسأل

::- محتاجة شي خاله

::- لا يـــــمة الله وياك بعده ما طالع وندك الباب راح فتحه وانا واكفه بباب المطبخ دخلت هند هي واغراضها ضحك حيل صاح

::- درب الچلب معروف ونعرفة كلنا كل ما يجوع يرجعلنا

- اباوعلهم ساكته وهو يضحك من كلبه طلع وضحكته واصله يمي دخلت هي رافعه خشمها للسما ولابسة كعب عالي وكفت بالصالة باب غرفة صوفي الكاعده بيها جــــمرة مفتوح هند شافتها
وبس دخلت دارت تباوعلي. مشمئزه كالت

::- هاي بنتج المخبلة راح تبقى ويانا؟

- سكتت عنها احس ما الي طاقة اناقش واحجي وياها وهي فاتت الغرفتها سويت عصير الجمره كوه شربت شوية وكعدت تضحك وتسولفلي على الأبـــــهر لكيت روحـــــي اضحك الضحكتها تشرح بضمير وتمثل شلون من تدفره كل شوية دموعها ينزلن تحجي شي وترجع تصفن وتكول

::- بــــس أذاني .

- عفتها وكمت اعزل البيت سمعت صوت سمر تحجي مشيت اريد ابتعد ما اسمع وستوقفني كلامها وهي تكول

::- جاي ينتبهون البطني ما تكبر من اخلي شي اسمر من يجي يمي راح يعرف

- خليت ايدي على حلكي صخام بوجها عرفتها غـــــدير ابتعدت لازم اسمر وادريس يعرفون خلي يجون واشوف وين توصل وياها

دخلت للمطبخ اسوي غدا وهي شوي وطلعت مدت راسها للغرفة البيها جــــمرة غمتها وطلعت اجت يمي سكتت اباوعلها واباوع الجمره الاجت تمشي وراها على اطراف اصابعها ورافعه ايدها تريد تضربها

اباوع ساكته هند كالت
::- طلعيها شكو باقيه هنا فوك مغثة غـــــدير

::- بيت امها انتِ تطلعين وهي تبقى

::- اكلي تبن جايفه

نــــهله ::- ابـــــتسمت مدنكه بمجرد حجت هل كلمتين كمشتها جــــمرة من شعرها عبالي تضربها هيج ضربات عاديه ما اتدخل خلي تتعلم تخاف منها بــــس نصدمت بجمره ركضت بسرعة أريـــــد افرغها منها وهي امددتها بالگاع وخانكتها بقوتها تفشر بكلمات تصدم كوه جريتها منها وهي متخبله وتصيح

::- اذبحج واللـــه اذبحج

- وهند.ركض دخلت الغرفتها ترجف وخايفه
سحبت جــــمرة الصدري حاضنتها الحد ما هدأت

اباذر ::- سحبت كل المعلومات اليريدهن الأبـــــهر
بــــس اتصل عليه ما احصله والموقع اختفه كملت شغلي بسرعة وطلعت أريـــــد اروح ادور عليه

فتحت السيارة وصعدت هستوتي حركت ودك تليفوني ضحكت من شفته هو

::- هــــا ابهري

::- اباذر حبيبي ادخل باول فرع على ايدك اليمنى

- فتت باول فرع والتليفون على اذني اتلفت ماكو
::- وينك أبــــــهر

-:حجيتها والتفتت على فتحت الباب

::- يمك

- نزلت التليفون اضحك أريـــــد احضنه استحيت كل ما اشوفة احضنه التفتلي هو ورفع أيــــدة مبتسم ضحكت ودخلت ابين ايديه

::- ردت احضك وكلت خاف يمل

::- ههههه نجب شلون امل منك
اي سولف شسويت

- طلعت الاوراق نطيتهن اله
::- هذا كلشي تريده

- باوع بيهن لام شفته بأسف رفع عينه الي

::- اباذر ديربالك تسوي شي الا اذا انا اختفيت اتبع نفس هاي المعلومات حتى توصل الدره

::- سولف وين تريد احجيلي أبــــــهر وين تختفي غير تموتني ما صدكت لكيتك

::- شوف هذا اخر واحد نباعتله دره يشتغل ويا انكس لمه اليكلهم السلام عليكم يكتلونه

::- تريد تروح المنطقتهم؟

::- لازم اسمع منه

::- هههه انا اكدر اخذه نداهم منطقتهم واسحله ينطيني كل المعلومات

::- مستحيل اذا قررتوا المداهمه يوصلهم خبر قبل ما تتحركون ما مستعد اضيع هيج فرصة مني

- سكتت محتار رجعت باوعتله
::- شوكت ومنو وياك؟

::- اليوم بالليل وياي صاحبي عمر

- هزيت راسي ساكت ودعني ونزل رجعت للمركز
ادور معلومات اكثر عنهم مستحيل اعوف أخـــوي وحـــدة بــــس خلص الدوام رحت للبيت نزعت البدله العسكرية خلص وكتها لبست نفس لبس الأبـــــهر اسود بــــس جفوف ولثام ماعندي اشتريت لبستهم اتصلت عليه

::- وين انـــتَ

::- هــــا حبيبي اباذر بيك شي

::- لا بــــس اكول وين انـــتَ

::- بنفس الشقة هسه شوية واطلع احجي رايد شي

::- لا بــــس ردت اسمع صوتك

- ضحك يحاول سخفي القلق ويسولف بــــس مايكدر حسرته تهد وصلت يـــــمة اتصلت عليه مرة الثانية

::- افتحلي الباب

::- شجابك؟

- ضحكت ساكت وهو فتح الباب يباوعلي بصدمة نتر

::- اباذر شحجيت وياك

- دخلت سد الباب والتفت عليه ابـــــتسمت

::- ما اعوفك وحدك

::- ما عايفني بــــس هذا الشغل ما يناسبك انـــتَ رجل دوله شجابك وياي شجابك اباذر

- رفعت الثام على وجهي افتريت كدامه رافع ايدي واضحك

::- منو يعرفني؟ ومن الاخير لا تحاول ما اعوفك

- خازرني ومن شاف ضحكتي ضحك وسحبني الصدره يضربني ويحضني

::- خايس وين اباذر البريئ وين اليسمعني من اول كلمه

::- هذا كدامك روحه ودمه يرخصلك اباذر يفدي تراب رجليك

- ضربني بوكس ببطني يضحك

::- شلون ويا السانك انا شلون

عمر ::- هسه نحسب مجـــرم مثلنا

اباذر ::- لعيون ابهري كلشي اصير

عمر ::- ابهرك صاير احوال اي عمي بعد ما يگلبني لكه اخو

أبــــــهر ::- تتذكر عمر؟

- هزيت راسي لا وعمر رفع أيــــدة غماني وغم الأبـــــهر يفشر علينا بصوت عالي ويصيح

::- اتحمل كلشي منكم المهم خلصتوتي من هذيج ام السان

الأبـــــهر ::- اكص السانك

اباذر ::- على جــــمرة تحجي؟

عمر ::- اي لك مشوفتنا نجوم الظهر وهذا اخوك الخايس لو تكله أريـــــد لبن العصفور يكلي روح جيبه واخيك عمر طايح بيها شابع مسبه تفالات تهديد ترفع ايدها هيج وتصيح نعلعله جدك السابع عشر وتسطرهم واحد وره الثاني وانا المسكين اخلصها اوزع ابتسامات بوجها

اباذر ::- ضحكت اباوع للابهر يخلي رصاص بالمخزن ومدنك مبتسم رفع عينه باوعلي گـــــال

::- هي ما جانت هيج انا مرضتها وبقت ما تتحكم بتصرفاتها كل شوية على رأي تتصرف بعصبيه وتتندم وراها بلحظة الهل سبب لو شنو تسوي ما الومها لان انا الدمرت شخصيتها

اباذر::- شسويت بيها ؟

- تحسر وهز راسة بأسف ::- اسأل شنو ما سويت

::- ليش أبــــــهر من حجيتلي ما كلت شي عنها

::- ظلمتها حيل عيشتها مواقف الانسان ما يتمناهن العدوه بــــس جنت فاهم غلط من عرفت الحقيقة حاولت ارجع اعالجها واداريها بــــس ما تغير شي حابسها اربعه وعشرين ساعه دمرتها ونهيت شخصيتها

اباذر ::- سكتت وهو عــــــيونة تفتر بحيرة وكفوا يلبسون  مديتله ايدي خله أيــــدة بيها دفعتها

::- أريـــــد سلاح

::- هــــا سلاحك وين؟

::- سلاح الدوله عفته

- ضحك خله سلاح بأيدي وطلعنا يوصي خايف
عفنا السيارة بعيد ونزلنا الجو يثلج وترعد وكف يمي لازم ايدي

::- شبيك اباذر بردان شنو؟

::- اي حيل

::- انطيك قمصلتي؟

::- لا امشي يله

- دخلنا المنطقتهم نتختل الحد ما وصلنا ممرات صغار صعدنا على السطوح أبــــــهر يمشي خطوه ويتلفت عليه بعد مــــحد من عدنا حجه هو نزل بمكان واحنا بالجهه الثانية امشي وره عمر وكفنا خاتلين منتظرين اشارة منه نسمع دك وركص وصوت الضحك بفلس

الحد ما ثارت طلقة ركضنا انا وعمر الغير جهه وهم نخبصوا عمر سحب اقسام ورمه طلقة
ختلنه بالحايط.كمنا ما نعرف الرصاص منين يجيلنا واحنا على العمياي نرمي رجع صوت الرصاص من غير جهه وركضنا احنا من جهه ثانيه دك تليفون عمر هزاز جاوبه وهو كوه يجر النفس

::- هــــا جـــــندل. وانتَ؟  بيك شي احجي بيك شي. يله خوش

- سد التليفون وصاح يله طلعنا رجعنا على السطوح وركض للسيارة اتلفت ليوره

::- أبــــــهر وين؟

::- هسه يجي گـــــال اخذت الاريده اطلعوا

- درت عيني رجع الرصاص قوي كلبي ركض قبل رجليه رغم صياح عمر ما كدرت رجعت اركض بلهفة

من اضرب رصاص بغير جهه يتجهون عليها لان ظلمة يتبعون الصوت من جهه الجهه اركض كعدت بزاوية اجر نفس ايدي ترجف حسيت نفسي بذاك المكان الاخذوا بيه روح عـــــلي مني
احس عيوني حركني نشف دمي

التفتت فاز على ايد تخلت فوك كتفي يحجي بغضب

الأبـــــهر ::-شنو الرجعك لك

- كمت وياه نركض ثنينا ::- ما اعوفك وحدك ما اعوفك

- سحبني وطلعنا نركض من دربونه الدربونة
ابتعدنا حيل احجي وياه متلهف

::- هــــا عرفت دره أبــــــهر عرفت؟

- ساكت نمشي بهمه راح نوصل للسيارة وهو شوية شوية يميل عليه ويثگل

::- أبــــــهر شبيك

::- ما بيه شي امشي بسرعة

- بــــس وصلنا العمر شمر ثگله كله عليه يجر النفس كوه ويحجي بخنك

::- ما بيه شي بــــس رجلي

- بسرعة صعدنا بالسيارة وطلع عمر

::- ابهرر أبــــــهر وين وين تصوبت؟  هــــا تصوبت؟ بــــس حاجيني تصوبت؟  حاجيني

::- اششش حبيبي اششش ما بيه شي برجلي لاتخاف اباذر باوعلي بــــس باوعلي

- جر وجهي عليه حيل باوعت بعيونه عيوني حركني احس روحـــــي تنسلب مني

::- ما اعوفك لا تخاف

- مسحت وجهي اباوع على رجليه جريت الثام مني شديت فخذه مهدود حيلي.

جــــمرة ::- صارت بالاربعة الا ربع كمت أريـــــد اسبح لكيت امي تريد تصلي باوعتلي مبتسمه كالت

::- تصلين

- هزيت راسي لا ::- أريـــــد اسبح

- سكتت فتت سبحت وطلعت بسرعه كعدت على الجرباية منتظرته يجي محضرة المشط كدامي واهز برجلية كل شوية اباوع للساعة وللباب صارت بالاربعة ما اجه بقيت كاعده وامسح بدموعي هسه يجي وين يروح هسه يجيي يجوز اتاخر لان عنده شغل

ما حسيت بنفسي الا من فزيت الصبح نايمه ومتغاطيه كعدت بــــس فاتحه عيني احاول اتذكر شلون نمت هزيت راسي ما اتذكر شي وركزت بالصوت الاسمعه صوت امي واباذر صوت غـــــدير تقربت للباب اسمع وهو يكلها

::- اي هنا بفخذه

::- وشلون اخذته للمستشفي لو لا؟

::- لا بــــس خيطناها

غـــــدير ::- عـــــمو ادريــــــس اذا عرف بيك تدك دروب من وراه يطيح حظك

اباذر ::- اطيح حظج انتِ وعمج

نــــهله ::- اهاااه يااااا

جــــمرة ::- فتحت الباب وطلعت بدون حجاب امي ركضت خلت شال على شعري وهو مدنك عينه

::- اباذر الأبـــــهر وين؟

- رفع عينه باوعلي وحجه

::- موجود گـــــال كلها ما كدرت اجيج

::- متصوب؟

- هز راسة اي بقيت مركزه بعيونه وبسرعه رفعت ايدي امسح عيوني وحجيت بلهفة

::- كوم وديني اله

- صاحت امي ما قابله درت عليها

::- أريـــــد اروح شنو

::- اشش اشش تحلمين ترحين المكان بعد جــــمرة عفتج مره تسوين التردينه وشوفي الحال الوصلتيله

::- واللـــه اروح

- رفعت عينها خازرتني مسحت وجهي ورجعت للغرفه الوب بــــس أريـــــد اروح اشوفة ما أريـــــد شي ثاني شوية ورجعت كعدت يمهم اباذر بــــس يريد يصالح غدير

::- باوع

- رفع عينه الي

::- أريـــــد احجي وياه خابره

- التفت الامي ساكت وهي ساكته سحب التليفون اتصل بــــس كاله

::- أبــــــهر مرتك تريدك

- رفع التليفون الي اخذته وفتت للغرفة كعدت على الجرباية محروك دمي

::- جمراية

::- تعال

::- وين اجي

::- أريـــــد اشوفك

::- رجلي ما اكدر

::- معليه

::- تجين انتِ جمراية؟

::-امي ما تخليني

::- احسن لان اذا اجيتي بعد ما اخليج ترجعين

::- ارجع انا بــــس أريـــــد اشوفك ما أريـــــد ابقى يمك

::- ما تشوفيني بعد

-سكتت محتارة وسديت التليفون بوجهه حفرت رقمة على الحايط يله رجعت التليفون

اباذر صالح غـــــدير واخذها وياه البيته وهند من امي حجتلهم طردوها الساعة بـ 1 بالليل. طلعت لكيت
امي ترزل بغفران وهبه. لان ما نايمات التفتت عليه

::- هــــا جــــمرة ؟

::- أريـــــد تليفونج ضايجة

- بسرعة جرته من الشحن نطتنياه. انتظرت ل2:30 دكيت رقمة بالتليفون اول ما اتصلت رد

::- هــــا. جمرايه

::- تعال

::- ليش

::- ما ادري بــــس تعال

::- شسوي

::- اشوفك

::- جــــمرة

::- هــــا

::- تحبيني؟

- سكتت بلعومي محتقن وعيوني يحركني وهو بقى ساكت

::- باوع بــــس تعال شوية وروح

::- تجين انتِ؟

::- ما اندل

::- اوكفلج بالركن بالسيارة لان ما اكدر اطفر رجلي مخيطه سياقة كوه راح ادبرها

:: اي اجي

::- من تصير ب 3 ضبط اطلعي خوش

::- خوش

::- جــــمرة

::- هــــا

::- جيبي وياج مشط حتى امشط شعرج

::- خوش

سديت الاتصال  وبدلت المشط والتليفون بأيدي فتحت الباب على كيف طلعت للصالة فتحت قفلها وكلبي يدك حيل سديتها وراي ومشيت بسرعة باب البيت. الرئيسي مقفول وعلى الطفرة ما بيه حيل جريت درج من الحديقة صعدت عليه جلبت بالسياج وطفرت بــــس لزمت الشارع طلعت اركض اضحك واركض بقوة.

يتبــــــع⋆𓍯

الكــــاتبة أيـــــــلول⋆𓄼𓂁

💚🌿
.