رواية أجرام مستباح لثلاث ندبات الفصل الثالث وثلاثون 33 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                    بقلم الكاتبة أيلول

     ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

امس مارحت من بالي
امس وي كلشي كمت الكاك
بضحكتي بدمعي بخيالي..
امس لو جايني گتال
اصيحن هلا بگتالي .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- بــــس ردت اگدر اكوم من مكاني بأي شي اساعده من عجزت غمضت عيوني ما أريـــــد اشوف وهو كاتم صوته الحد ما صيح رجعت اباوعله ابتعد قسام جر الكرسي كعد عليه وابهر عــــــيونة عليه والدم ينزل من جسمه  يغص بالكلمه يله يحجيها

::- كومي فوتي للغرفة جــــمرة تحركي

قسام::-  لا وين تروح خليها تباوع

::- جاي تلعب بالنار قسام انسه كلشي واكتلك ديرباااالك تفكر خوش ديربالك

جــــمرة ::- بــــس دموعي تنزل ماكدرت اشيل عيني منعنده ضحك قسام طلع تليفونه والابهر يغلط ويهدد بغضب تقرب قسام يـــــمة رفعله التليفون يراويه سكت الأبـــــهر وجمدن عــــــيونة على الشاشة همست صوتي رايح
::- الأبـــــهر

- مارفع راسه من التليفون وقسام يضحك الحد ما وخــــر التليفون منه والابهر عــــــيونة  على الفراغ حتى مايرمش متروسه دموع مايباوعلي

::- ابهررر

صيحت حيل ابجي وهو ولا يباوعلي قسام رجع تليفونه الجيبة وفات للمطبخ السجينه بيده شغل الطباخ ورجع بدونها كعد على الكرسي وحجه

قسام ::-شجابج عليه انتِ شورطج وياه

- وكف على حيله واجه يمي قرب رجله الايدي داس على اصابيعي بجيت اصرخ نطق الأبـــــهر صوته متحجر

::- عوفها

- التفتله قسام ضحك كاله ::- تدري بيه ماحب اعذب هيج اشكال مطمن هاا؟

- لو تجيبلي راس اخواني هم احاسبك على اذيتها الاحسن الك تبتعد

جــــمرة ::- ضحك قسام وابتعد رافع ايديه باستسلام جريت ايدي البطني رجليه يرجفن ماكدرت اوكف عليهن ماكدرت اكوم  راح قسام  للمطبخ ورجع بيده السجينه حمره فتحت عيني على وسعها اباوع للأبهر وهو عــــــيونة بعيوني بلع ريك وهمس

::- غمضي

::- لااا لااا لاتحركه اااني احركنيييي اني لا تحركه لاااا

الأبـــــهر ::- اشش جــــمرة باوعيلي جــــمرة

- رفعت عيني اله ابجي وارجف ابتسم ونزلن دموعه حرك شفته ::- غمضي "

قسام ::- ججج باوعي زين ديربالج تغمضين

- حجاها واتقرب مني مد أيــــدة بجيبه والسجينه بايده لون الحمار صار فاتر شمر حبايتين بالگاع ورجع للمطبخ

الأبـــــهر :: اموتج اذا بلعتيهن جــــمرة ديربالج

- هزيت راسي لااا ما ابلعهن

ورجع اجه قسام والسجينه صايره جمر تقرب للابهر صرخت ابجي

::- لااا تحركه

قسام ::- ابلعي الحبايتين وانا ما احركه

الأبـــــهر ::- لااااا ....قسام .......

جــــمرة::-  فشر وغلط وقسام يضحك ويصيح ::-يله.
عيني على السجينه المابقى شي وتلزك بصدر الأبـــــهر مديت ايديه ارجف جريت الحبايتن من الگاع ابجي واحجي

::- بــــس لا تحركه حبااب لا تحركه

::-ابلعيهن وما احركه وعد

الأبـــــهر ::- باووعيلي جــــمرة لاااا اموتج

- خليتهن بحلكي ثنينهن بلعتهن وصيحت ارجف وامسح بدموعي
::- بلعتهن بلعتــ.. بلعتهن يله عووفه

- بمجرد نطقت خله السجينه على. صدرة وهو رفع راسه ليفوك وصيح بوجع جمدت حسيت گـــــلبي طلع من مكانه ونسلبت روحـــــي اخذني الظلام وماكدرت افك عيني اكثر

.وره فترة حسيت نفـــــسي نرفعت من الگاع بــــس ماكدر افتح عيني غصب عني انام ماحسيت بشي بعدها

ما اعرف شكد وقت فات يله كدرت افتح عيني بتعب جفني ثگيل وعيوني يحركني بــــس لمحت نفـــــسي بحضنه وهو نايم رجعت غمضت تـــــعبانة فتحت عيني فازة من سمعت باب انفتح كوه اشوف .عمر فتح الباب بيده سطل بدون مايباوعلنا تقرب خله مي بالمبرده وجها علينا وطلع رجعت نمت جسمي مهدود حيله

الحد ماحسيت راسي نقسم نصين من الوجع يله كعدت كفيت الغطا مني كعدت على حيلي عاصره راسي ابين ايديه أريـــــد اركز تلفتت بالغرفة مو البيت الجنا بيه اكو صوت عصافير مدري دجاج درت اباوع للابهر صدرة ملفوف بشاش نايم بتعب بلعت ريك من تذكرت الصار

رجعت مديت نفـــــسي وقربت روحـــــي الحضنه حيل أريـــــد ادخل بين اضلوعه شهك فاز من طخت ايدي بجروحه يريد يدير وجــــهة موجوع واني بايديه حاضنه وجــــهة الي واحجي بخفوت

::- أبــــــهر

::- هااا جمررة هاا

- جريت راسه الصدري كل ما اتذكر گـــــلبي يتكطع حيل لميته بحضني

::- شبيج يا روح الأبـــــهر

- ابتعد مني كعد على حيله كاتم نفسه ولازم جرحه شايغه روحه من الوجع  واني بقيت متمدده اباوعله ودموعي تنزل على شعري مد أيــــدة يحاول يبتسم مسح عيوني لزمتها

::- التوبة بعد ما ادعي عليك

::- جنتي داعيه عليه؟

- غمضت عيني وهزيت راسي اي سحبني من ايدي كعدني مقابيله ولزم زندي جراني الحضنه
حضنته خايفه اطخ جروحه

::- اسف خليتج تعيشين هيج موقف .

- ابتعدت وحضنت وجــــهة ابين ايديه اباوع بعيونه واحجي بخوف

::- تعوف قسام بعد ماتشتغل وياه وتروح للشرطه همه يدورون اخوانك ويساعدونك أبــــــهر عفيه لا تتحمل تعذيب قسام

.دنك عينه هز راسه لا ورجع باوعـــــلي

::- ياشرطة جــــمرة عنده واسطة ينقل مركز شرطة من مكانه

- التفتنا على دكة الباب صاح عمر

::- ابو الجود

::- اجيتك

- وكف يريد يطلع جلبت بأيده

::- وين احنا

::- خارج بغداد

- فكيت عيني مصدومة جر أيــــدة مني وطلع

- عصرت راسي أريـــــد اتذكر شي شنو خارج بغداد شجاي يحجي تلفتت ادور صايه والشال مالاتي مشمورات يمي واغراضي بعلاكة على جهه دنكت عيني اباوع الملابس متغيرات ومو نفسهن كمت بسرعه جريت الحجاب وطلعت من الغرفة اتلفت

هو باب الغرفة من افتحه تصير بوجهي صاله بكد الغرفة بيها ثلاجة صغيرة وطباخ منضدي مخليه على ميز وباب ثاني فتحته فتت للحمام غسلت ورجعت طلعت ادور عليه ابالي باب الصالة مقفول تقربت فتحته التفتولي ثنينهم

رفعت عيوني منهم اباوع بالمكان وارجع اباوعلهم اشجار خضار ونخل وهم كاعدين بفيهن على مصطبة خشب گام الأبـــــهر موجوع الخطوه من يخطيها يغمض عينه شايطه روحه  وكف كدامي جر الحجاب على شعري. من كدام همست اباوع بعينه

::- وين احنا؟

::- فوتي جوا بــــس اعقم الجرح واجي.

- درت عيني على عمر كاعد ويمه شاش ومعقم مدنك رجعت باوعت للابهر مخلي أيــــدة على خدي

::- بــــس كلي وين

::- خارج بغداد

::- وين

::- لا تسألين

::- ووين؟

::- ادخلي هسه اجي

- دفعت أيــــدة من خدي وفتت رجعت كعدت بالغرفة الجو مبين بعده صبح صوت العصافير حيل حلو وريحة الزرع واني كاعده مديت ايدي على البرده جريتها على جهه وفتحت الشباك

وبكل عيني اركز بالمكان عبارة عن بستان اشجار ما اعرف مال شنو والكاع كلها خضرة والحمام فوك النخل النازلات عثوگ التمر منه جريت نفس بقوة واراقب دقايق مرن ودك گـــــلبي حيل جسمي تصلب واحتريت غمضت عيني ما أريـــــد مو مدمنه التفتت على فتحت الباب

بــــس لمحني اجر النفس بصعوبة بقى واكف بمكانه واني اباوعله ارجف اجه عليه بسرعه سحبني من ايدي. وغمض عينه انوجع حجه

::- ادخلي اسبحي حتى يرتاح جسمج

.هزيت راسي اي امسح بوجهي خله ملابسي بايدي وفتت بسرعة سبحت وكعدت هادئة

لمحت ملابسي الجنت لابستهم مشمورات بالحمام شطفتهن وعفتهن على جهه طلعت من الحمام  لكيته متمدد بمكانة أيــــدة على عــــــيونة صدرة ملفوف بشاش وبطنة من الجهتين عليها شاش وفوگاهن لاصف جروح

تقربت كعدت على اركبي كدامه مديت ايدي على خده فتح عينه ونزل أيــــدة يلزم ايدي

::- ليش بلعتي الحبايات؟

::- عبالي صدك مايحركك اذا بلعتهن.

::- ليش خفتي عليه؟

::- لان اعرف الحرك شگد يوجع.

::- تعرفين شكد يوجع وكتيله احركني وعوفه ليش؟

::- ما أريـــــد تتأذا.

::- ليش جــــمرة؟

- رفعت عيني اباوع بعيونه الذبلانه سحب ايدي من خده الشفته يبوس اصابعي واحد واحد مغمض عينه

::-انتِ الصح الوحيد وسط هوسة هالسنين "

- فتح عينه باوعلي ساكتة ومراقبته مركزه بكل كلمه ينطقها

::- انتِ ذنبي الاحبه جريمتي المستباحه غلطتي الصحيحه "

- رفعت حاجبي مركزة بوجهه وسألت

::- تحبني؟

- غمض مبتسم هز راسة ::-لا

::- جذاب

::- ما احبج

::- تحبني ادري

::- ابد

::- كول احبج

::- ما احبج

::- واللـــه جذاب

::- انتِ تحبيني؟

::- لا واللـــه اكرهك حيل

::- جذابة تحبيني

::- والله ما احبك

::- حبيني!

- سكتت اباوع بوجهه بلع ريك يرمش بثگل هزيت راسي لا

::- ليش؟

::- اني حياتي كلها حبيت بــــس 6 اشخاص واهتميت بــــس الهم

::- منو

::- امي ومصطفى وهبه وغدير بيبي والحجيه

::- خليني وياهم

::- لو تموت ايعع

::- هههه شبيه

::- مجـــرم

::- واذا مجرم

::- شبيك أبــــــهر.
غمض ساكت جريت ايدي أريـــــد اسحبها منه ماعافاها نزلها الركبته

::- شبيه ،  اموت واعيش بأيدج قابل شبيه؟

- كلي وين احنا

- فتح عينه عاف ايدي
::- طلعتج من بغداد

::- ادري بيك جذاب

::- وحگ التلوع گلبي عليهم

::- وين جبتني منو كالك

::- قريب على بغداد بعد ساعتين وما اعوفج ولا تسألين اكثر جــــمرة ترا اموت وتبقين وحدج

- حجاها وسحب الغطا عليه غمض عينه بقيت فاكه عيني اباوعله

طنكرت لا اكدر ادفرة ولا اكدر اضربه كعدت بالزاوية لامه رجليه الصدري واغلط عليه ما مهتم بقى مغمض عينه بــــس أريـــــد يحاجيني تذكرت من غلط على قسام فشرت بنفس الكلمه اباوعله راسا كعد على حيله

::- وخــــر واللـــه ادفرك بجروحك الخايس اطيتك مجال

::- شبيج

::- منو كااااالك تطلعني من بغداد شنو بكيفك اررريد اهلي اني مليت ترااا مليت طك گـــــلبي

::- ماصارلج سنه مفارگتهم وجاي تشوفينهم صورة وصوت وخليتج تشوفين امج من بعيد

::- اااي وراح تكلي انا مفارك اخواني من 16 سنه ومتحمل مووو؟؟

- دنك راسة ساكت غلطت وحجيت صاح

::- جــــمرة ماجاي اجذب عليج بــــس صدكي تعبان حتى من احجي انوجع كـــــافي

- مسحت وجهي ساكته وهو كام طلع من الغرفة شوية وصاحلي طلعت وراه كاعدين هو وعمر اشرلي على مكان بصفة كعدت يـــــمة وعمر يصب جاي گـــــال

عمر::- السلام ابلاش جـــــندل

الأبـــــهر ::- مايعجبني اسلم عليك

::- شبينا نعض

::- اسكت اذا كالت اكتله اكتلك

جــــمرة ::- يحجي ويباوعلي خزرته سوالي لفه اخذتها منه وهو ما مرتاح بكعدته كلساع رافع نفسه موجوع كمت غسلت وهم بعدهم ياكلون وكفت يم باب الصاله مسدود

الأبـــــهر ::- ما مقفول اذا تردين اطلعي

::- ما تخاف اشرد؟

- ابتسم وجر كوب الچاي يشرب فتحت الباب وطلعت كعدت اباوع للنخل عصفور ياكل تمر منها وكل ماينقش وحـــدة توكع بالگاع نزلت رجليه من المصطبة ومشيت جوا النخلة شلت التمر الواكع شكلهن حلو ويشهي لازمتهن بأيدي واقنع بنفسي عادي واذا الطير وكعهن اكليهن ماكدرت شمرتهن ورفعت راسي الأبـــــهر كاعد بمكاني يباوعلي گـــــال

::- تردين؟

::- اي بستان منو هذا؟

::- هسه عمر يجيبلج

::- بستان منو؟

::- عمررر تعال مرتي تريد رطب كص النخل

- مشيت انكث بايديه كعدت يـــــمة
::- من اسألك ليش ماتجاوب

.ابتسم ورفع أيــــدة نزل الشال عدل

::- شعرج طالع

::- جاوب على اسألتي

::- تحبين التمره نص مستوي ونص لا؟

::- أبــــــهر جاي تقهرني

::- شمسوي

::- لا تحاجيني هيج

.درت وجهي منه وابتعدت كعدت على جهه وطلع عمر بايده سجينه .

::- شنو جـــــندل تتشهه راح نصير اعمام؟

- حجه عمر والابهر خزرة ماقابل ضحك وراح وره البيت. درت عيني للأبهر لازم بطنه وعاقج وجــــهة بوجع

::- بيك شي

::- لا

- سكتت اباوعله شوية واجه عمر بيده عثگ تمر كامل ومثل ما احبه نص ونص.
خلاه على القنفه بيني وبين الأبـــــهر فتح الحنفيه الصايرة بحوض من بلوك غسل أيــــدة ومسح ملابسه گـــــال

::- يله جـــــندل انا اروح

::- ديربالك حبيبي

عمر::- ديربالج على أخـــوي سنايبر

جــــمرة ::- رفعت عيني خازرته وهم يضحكون خنك مشة مسافة افتر ابين الاشجار ماشفناه من صعد بالسيارة بــــس سمعت الهورن

سحب كم تمره مسحهن ورفعهن الي اخذتهن منه اكلتهن وهو هم اكل گـــــال

::- كون لبن وياهن

::- هو هل مكان ينقصة بــــس بقرة واكعدك من الفجر تحلبها وتسويلنا لبن

::- لا انتِ تحلبينها انا الزمها الج

- مسحت ايدي والتفتت عليه ::- أبــــــهر شصار شلون اجينا هنا ما اتذكر شي اني

::- ماصار شي اغمى عليج

::- لا بــــس شصار شلون فلتت نفسك

::- اجه عمر

- سكتت شوية وفتنا للبيت هو نام واني بقيت كاعده بــــس اباوعله وجــــهة صار احمر يون ويهذي بحجي ما مفهوم حاولت اكعده بــــس يفك عينه ويرجع يغمض للعصر كعد وركض للحمام اتقيئ كمت وراه من بعيد احاجيه لعبانه نفـــــسي

::- أبــــــهر شبيك اجيببك شي

- اشرلي بيده روحـــــي رجعت للغرفة بالنص ساعه يله رجع لفراشة تغطى ونام

صارت ظلمة وبس صوت الشصره يدك براسي
رفعت الغطا منه وتمددت بحضنه فتح عينه بتعب يباوعلي

::- مصخن انـــتَ

::- اممم

::- مو تموت أبــــــهر

- لف أيــــدة على راسي وسحبني الحضنه حيل ضميت رجليه ابين رجليه

::- تأذيني جــــمرة

::- اوخر؟

::- لا احضنيني حيل

- عبرت ايدي على ركبته حاضنته ومركزه ويا نبضة الحد ماغفيت .

حسيت عليه سحب أيــــدة مني فتحت عيني راسي يوجعني جر تليفونه
::- أبــــــهر

- نــــــامي يمج

- رجعت غمضت عيني. وفتحت احاول اركز بــــس مدري شبيه عبالك تمرضت فجأة شغل اغنيته اليحبها

في حزن وسع المدى

وشمر التليفون رجع حضني. ضميت وجهي بركبته غفيت واني اسمع كلمات الاغنية التنعاد كل شوية .

حيل احس شكد وقت فات يله كعدت والاغنيه بعدها تتكرر باوعت بوجهه مديت ايدي على خده

::- أبــــــهر

- رفعت جفن عينه عــــــيونة حمر عقج وجــــهة ورجع غمض

::- أبــــــهر جوعانه

::- مابيه حيل جــــمرة

::- اني اسوي بــــس كلي شنو

- ابتعد بدون مايحجي كمت غسلت ورجعت يـــــمة شغلت شاشة تليفونه بــــس أريـــــد اشوف الساعة لزم ايدي بسرعه

::- أريـــــد اشوف الساعه

- جر التليفون باوع بيه طفه الاغنيه وحجه
::- ب2 بالليل

- سكتت وطلعت فتحت الثلاجه بيها مخضر وفواكه اكلت تفاحه وكعدت يمها شوية وطلع حاني ظهره فات للحمام غسل واجه باوعلي

::- جوعان

::- حتى اني

اجه يمي وخرت من يم الثلاجه فتحها يسب بعمر طلع طماطه وبصل غسلهن وخلاهن كدامي

::- كصصيهن

::- وين اعرف

::- جــــمرة احس نفسي مرتج كد ما اشتغل وانتِ كاعده

::- ههههه

ابتسم سحبت السجينه اكصص بيهن شعل الطباخ واخذ البصل كصصه بالطاوه ودار يباوعلي

::- من تخلصين مني لازم تراجعين دكتور على رجفة ايدج

::- اي
.رفعت راسي اله ابتسم وسكت اخذ الطماطة خلاه على النار سمع تليفونة يدك راح للغرفة وبقيت اني اگلي بسرعه اجه يمي لازم التليفون مستغرب

::- امج

- مسحت ايديه واخذته منه ما انطاه گـــــال

::- اذا كالتلج افتحي كامره لا تقبلين

- خوش
اخذت التليفون وفتحت خط خايفه وساكته سمعتها تصيح ::- روحـــــي كعدي اسمر

::- الو

::- الو يـــــمة جــــمرة شلونج

::- الحمدلله مصطفى شلونه

::- بخير الحمدلله ...بيج شي؟

::- لا ليش

- سكتت اكو يمها صوت ::- شجاي تسوين

::- سحور اتصل عليج من الصبح الهسه ماكو

:- النت مخلص جان

- بقيت احجي وياها والابهر كمل الصينيه اشرلي يله فات للغرفة واني وياه احجي ويا امي وكعدت سوالي لفات اكل واحجي كالت

::- شو ضايجه شبيج

- رفع عينه الأبـــــهر باوعلي سكتت شويه وكتلها
::- متعاركه ويا زوجي

::- يا ليش

- رفع حاجبه فاك عينه ابـــــتسمت وكملت حجي
::- ارعن يـــــمة شالع گـــــلبي

::- جــــمرة لا تضوجين مني بــــس شو ماتحترمينه

::- اطيح حظة باوعي هو يشلع الگلب

-احجي مبتسمه وهو يسمع ويهز براسة متحلف اكل من أيــــدة واحجي عليه كالت امي

::- شلون يعني يشلع الگلب شمسويلج

::- ارعن

::- ولج جــــمرة ماما عيب بــــس كليلي شبيه حتى اكلج شتسوين

- كعدت عدل متحمسه أريـــــد احجي عليه وهو ينطيني اللفه بنتر ويسويلي بأيده سهله

::- متخبل مايسمع مني يسترعن وصاير مايحبني

- حجيتها وباوعتله رفع راسه يباوع بعيني عض شفته كالت امي

::- اوكفي شوية جيبي ورقة وقلم

::- ضحكت ساكته اختفت شوية ورجعت كالت

::- وين هو

::- نايم

::- لعد مايتسحر

::- مايصوم كـــــافر

::- ولج جــــمرة حرااام اسمعي

خلي ابالج نية يهدي زوجج عليج وكل يـــــوم
رددي عشر مرات
اللَّهُ نُورُ السَّمَوَاتِ والأرض مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ في زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونَةٍ لاَّ شَرْقِيَّةٍ وَلاَ غَرْبِيَّةٍ يَكَادُ زَيْتُهَا يضيء وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يشاء وَيَضْرِبُ اللَّهُ الأمثال لِلنَّاسِ وَاللَّهُ بِكُلِّ شيء عَلَيِمٌ} (35)

-هي ترد كلمه كلمه واني اكلها اي كتبت والابهر مخلي أيــــدة على خده منتظرني اخلص وجذب اني جنت اكل ما اكتب حسيت نفـــــسي حقيرة راسا كتلها

::- اتشاقة ماما حــباب مامسوي شي جنت اشاقيج

-سكتت شوية وكالت

::- عليج الله مرتاحه وياه؟

- باوعت بوجهه دنك وتحسر

::- مرتاحه اكثر من ماتتصورين عالم ثاني اشياء ماجنت اتخيل اشوفها حتى باحلامي كل يـــــوم اعيشة يبقى بذاكرتي

::- الله يديمكم البعض يا روح امج ديربالج عليه  حبيبتي ماما

- جاي اجاوبها وسمعت صوت رجال يمها كالها

::- يله نــــهله تعالي تسحري وين رحتي

::- بلعت ريك ساكته وهي صوتها تسويله
::- اششش

- اخذي راحتج يـــــمة بوسيلي مصطفى

- سديت الاتصال مدنكة عيني نار تاكل بكلبي  رفعت راسي من حجه الأبـــــهر

::- هاي امج علمتج سحر شنو

::- اي حتى اسحرك واخلص منك

- سكت وهيج يمر الوكت مره نتعارك مره نتصاحب ونطلع بالبستان ابد ماعافني وراح جروحه بدن يطيبن وعاف الشاش. عمر يجي ويروح دائما ومن يجي يطلعون من. يمي يسولفون وحدهم ويرجع الأبـــــهر مكتئب وضايج كبل يشغل الاغنيه يخلي أيــــدة على وجهه وينام اكثر من شهر مر واحنا بنفس البستان.

..

نــــهله ::- فرق بين رمضان هذا ورمضان القبله اي شي اسوية اتذكر. لمتنا گبل وحيرتي بالسحور والفطور ورغم كل العشنا جانت لمتنا على الفطور سوا تسوا عمري اتذكر من اعارك جــــمرة لان مرات ترجع ب2 الظهر وتشرب مي تكول ما اكدر ونخلصها عرك مسحت الكاونتر اضحك

اسمر يلعب بلي والجهال بالكراج يلعبون صحتلهم فاتو غسلوا ومحد يقبل ينام ابدللهم وهم يصيحون

::- ما اناام ننتظر السحور

::- اني اكعدكم

- ولا يسمعون مني ينامون بالنهار هواي ويخلصون الليــــل كاعدين عفتهم يلعبون بالايبادات فتت من يم اسمر

::- راح تبقى كاعد؟

::- اي

::- اني راح انام بــــس دك باب الغرفة

::- ماشي

- حجاها ودك تليفونه لمحته اسم خطيبته انطاها رفض ورجع يلعب عفته وفتت للغرفة ادريــــــس نايم اخذت ملابس وفتت المكتبة بدلت ورجعت هستوني تمددت يـــــمة ومد أيــــدة سحبني الصدرة

::- هــــا كاعد

::- فزيت

:- غمضت عيني تـــــعبانة بــــس أريـــــد انام فتحت عيني بسرعة من باس خدي ويحجي كوا لازم ضحكته

::- نــــهله المكتب بيه كامره

- سكتت جامده وهو حاضني ويضحك رفعت راسي كوه المح ملامحه الغرفة ظلمه

::- صدك؟

- هز راسة اي وضحك

::- ودائما اشوفج من تبدلين

- جريت نفـــــسي بــــس اريد اكعد جراني الحضنه حيل
::- بــــس عـــــوفني عليك الله تتشاقه؟

::- شبيج شبيج

::- بــــس خلي اكعد

::- ما اخليج اششش

- رجعت راسي الصدره مرتبكة واحجي
::- تشاقة مو؟

::- لا صح بيه كامره بــــس ماشفتج

::- ادريــــس

::- هاا هااا شبيج هسه واذا

::- شايفني؟

:;- لا

::- ليش ماتكلي بيه كامره ؟

:;- عطلانه اتشاقة وياج

::- وكفت گـــــلبي ماجاي تحجي الصدك

- سكت هادئ رفع أيــــدة يمسح على شعري
::- واللـــه ماشايفج بــــس من نزعتي دشداشتج واجيتي الحضني وانا الغشيم رجعت لبستج

- غمضت عيني ساكته وكلبي يرجف ضحك وقربني الحضنه اكثر مخلي شفتة على كصتي

::- تعب وراحه انتِ

::- متعبتك؟

::- حيل واللـــه اجاهد جهاد النفس يمج

وبلوقت نفسه ما ارتاح بعيد عنج الف الحمد والشكر ربي رزقني بيج عوض كل السنين انتِ

::- الحمدلله

حجيتها وغمضت سكت الحد مانمنا وفزينا على اسمر يصيح

::- ماتكعدون وراكم سبح وسحور

- كمت بسرعه شغلت الضوا فتحت الباب باوعلي اسمر يضحك ورفع عينه الابوه بعده متمدد كاله

::- ابو الشباب گوم يله

::- اكوم ادوس ابطنك

- ضحك اسمر وراح ناصب على ابوه كعد ادريــــــس گـــــال

::- أنطــــيني ملابس خلي اسبح

- درتله خازرته ::- لااا عيب هسه اسمر شيگول

::- مابيه حيل اسبح الصبح وراي دوام

::- كوم كوم غسل اني اكعدك الصبح تسبح عيب من اسمر واللـــه

::- استغفر ربه ما قابل طلعت للمطبخ اجن هبه وغفران وياي وحتى اسمر كل شوية يجي يمنا

اخر مره فات للمطبخ حاجيته
::- اسمر شوف ابوك بــــس لا رجع نام

- باوعلي يضحك وياكل زيتون گال
::- لا جاي يسبح

- درت وجهي فشلانه شفته طلع كعد بالصاله وراح اسمر يـــــمة مدري شكاله وادريس ضربة يضحك

كملت السحور خازرته لمن كملنا غسلت المواعين بسرعه وكلت مصطفى وطلعت توضيت فتت للغرفة لكيته فارش السجاده مالتي وراه وكاعد يقرأ قرآن ومخلي قرآني يمي صليت وكعدت اقرأ صدق والتفتلي صدقت ورفعت راسي اله مبتسم

رفع نفسه مد أيــــدة للميز جر تليفونه فتح الكامره رفعت ايدي اعدل ازار الصلاة الابسته

ابـــــتسمت واخذ صورة دنك باوعلها وحجة
::- وجهج يلمع

::- هههههه

::- لان الازار ابيض من تلبسين الوان حيل راح تلوگلج

:- يله يله كمل. هز راسه موافق والابتسامه على وجــــهة دار وجهه رجعنا نقرأ بصوت هادئ مرات يسكت يستمعلي ويرجع يقرأ شوية وراح نام

كملت الصفحات الاريدها ونمت كام من يطلع الصبح مايكعدني ثاني يـــــوم گـــــال نعزم بيت بــــسام يتفطرون يمنا. جنت

واكفه اسوي فطور واندك باب بيتنا ركض غيث فتحه ودخلت ام فــــــاطمة تجر بروحها كوه رايح حيلها ومنتهيه طفيت الطباخ غسلت ايدي ورحتلها

::- اهلا تفضلي

- تقربت كعدت بالصاله ساكته كعدت يمها مدنكة ودموعها يطيحن بحضنها شوية كالت وهي مختنكة

::- مالي غيرج أريـــــد بتي تسامحني

:;- ظلمتيها

- هزت راسها بأسف

::- ظلمتها بــــس متندمه ولج واللـــه لو ترجع من اول كلمه ازوجها االه كسرتني فطيم كسرتني

- مسحت عيوني ارجف كمت همست صوتي محتقن
::- فــــــاطمة كولي مايقبل عـــــلي يعارك بــــسام من يگول فطيم

- بجت حيل
::- بــــس كليلي بنيتــــي ماراضية عليه زعلانه مني انتِ وكفتي وياها صرتيلها ام بــــس حاجيني وريحي گـــــلبي بتي مازعلانه مني

::- الحجي مايفيد ان وكفتي وياها وان ما وكفتي هي هذا مصيرها اقريلها قرآن وهي تحبج ما اعتقد تبقى زعلانه منج

::- راحت وانا غاثتها ومبجيتها الهسه اتذكر عيونها اخر مره شلون تباوعلي

- حجت ودخل ادريــــــس گـــــال
::- يا الله

- سكتت هي تمسح بعيونها حاجاني كأنو ماشايفها نحرجت أشرله عليها ما اهتم من يـــــوم وفاة عـــــلي هو مايحجي ويا عيسى

كامت نزلت درت عليه

::- ليش هيج تسوي

::- خلي تحس شكد اذت بتها لمن ماتت البنيه يله تندمت

::- ما الك حق تحاسبها ادريــــــس نصبرها لازم

رفع أيــــدة يأشر وحجه بنتر

::- اسكتي اسكتي

::- فكيت عيني كلها ::- يااااا هاي عليَ

::- لااا مو عليج

- عفته ورجعت للمطبخ صاح ::-الجهال وين
ماجاوبته

اجه يمي فتح الجدوره ويسأل
::- شمسوية فطور

- هم ماحجيت

::- عود زعلت

- رفعت عيني باوعتله ضحك وجبرني اضحك صاح
::- استغفرلله نــــهله تفطرين الواحد انتِ

::- بــــس اطلع من المطبخ راح يجون واني ما مكمله

::- ترا بــــس بــــسام وغدير ابوه مايجي

- ادري بــــس غير اكمل

::- اساعدج أريـــــد

- حجاها واخذ الزلاطة يثرم مرات يشاقي ويضحك ومرات يصفن وعيونه تدمع

.قبل الاذان بشويه اجو بيت بــــسام
سلمت واخذت غـــــدير فتنا للمطبخ

::- شلونج

غـــــدير ::- درت عيوني منها وهمست زينه احس كاشفتني لمن كملنا الفطور غسلت المواعين وهي تسأل وتستفسر رحنا كعدنا بالغرفة وعمو وبسام بالاستقبال كالت

::- احجيلي شبيج شو ما مرتاحه

::- لا عــــمة بــــس شوية اتعب بالبيت

.دنكت ماخلي عيني بعينها تقربت يمي

::- اذا بــــسام مو زين وياج احجي

- هزيت راسي لا ...
ورجعت رفعت عيني تحسرت ورجف صوتي

::- بــــس باوعي ماجاي اكدر اعتني بأمه جاي احاول وتكسر خاطري بــــس احس جابره نفـــــسي

::- تعرفين وضعها من البدايه كتلج هذا حال امه غـــــدير عــــمة وترا كل التسوينه أجر الج وبميزان حسناتج

اسم الله عليج اسم الله بــــس لنفرض يجي يـــــوم يجوز تصيرين بمكانها مثل ما انتِ راح تعتنين بيها رب العالمين يدزلج انسانه تعتني بيج بنفس الطريقة.
شنو التسوينه هسه ينحسبلج

.اسمعي گبل اكو رجال جبير بالارياف ومرة ابنه ملت منه
كالت الزوجها اني بعد ما اتحمل ابوك لو هو لو اني كالها وين اودي الناس تاكل وجهي كالتله اخذه الفجر اشمره بالهور ونكول كعدنا مالكيناه
الزلمه سمع حجي مرته والفجر لف ابوه بالبطانية وخلاه بالبلم وراح بنص الشط يريد يوصل لبعيد ويشمره والاب هادئ وساكت قبل لايشمره سأله بويه شو انـــتَ ساكت وتدري بيه راح اشمرك هنا الاب ضحك كاله ومن انـــتَ تكبر هم ابنك يشمرك بنفس المكان لان انا كبلك شمرت ابوي هنا .

::- يااا عززززا ونوب شصار

::- غـــــدير ماجاي اسولفلج قصة اريدج تاخذين العبره

::- العفو عــــمة ابـــــتسمت وسكتت وهي تهز بأيدها كالت

:- الشي التسوينه الها احسبي النفسج وداريها بنفس راضيه لا تظلمينها غـــــدير ديربالج

::- ان شاءالله ..

حجت وياي هواي وعلمت شكد وقبل لا نروح انطتني كبب وبسبوسه اخذتهن منها وبسام يرفع بحاجبه عود لا تقبلين غلست سلمنا وطلعنا اول ماصعدت حجه

::- عيب ليش تاخذين

::- الي مو الك

- سكت وحرك السيارة هادئ وكف يم سوبر ماركت گـــــال

::- تردين شي للسحور

::- التريدونه اشتريه

- نزل ..رجعت راسي ليوره شكد جنت احبك شكد جنت ادعي لو بــــس تباوعلي ومن نظرة ارجف واخلص يومي كله فرحانه فززني صوت تليفونه من دك وانطفت المكالمه

مديت ايدي شغلت الشاشة طلعت صوره فوك هو وعلي سيلفي وضاحكين بملابسهم العسكريه
والجواها سيلفي ماخذها هو ويا قبر عـــــلي

فتحت الرمز وفتت على صورهم تهد الحيل
شقاهم كله مصورينه من ضمنهن فيديو

بــــسام نايم وعلي يصور بيه ويحجي

::- اكعد يله ورانا شغل

- بــــسام دفع أيــــدة ونگلب يكله ::- ما اروح

::- تكوم بلكي تستشهد واحزن عليك

::- عـــــلي مثلك صاحب ماشفت تتمنالي الشهاده كلب

::- غير احبك واريدلك الجنه

-نزلن دموعي واني اشوفهن دار الكامره على الاماميه وتمدد مخلي راسة عل ظهر بــــسام يضحك ويحجي

::- البس عليك اسود العمر كله وانتَ تخاف من المكابر ابات يمك اول ليله بــــس استعجل ابو السوم لاتطولها

بــــسام ::- جذاب وعلي وخــــر

- كعد بــــسام ضحك جر التليفون منه وانسد التصوير ..فزيت من فتح الباب بيده علاليك لمح تليفونه بايدي صعد بدون مايحجي

دنكت عيني وبقيت اگلب بالصور وحـــدة منهن

واكفين ثنينهم بيدهم سلاحهم وراهم غروب وصايره صورتهم مثل السواد مامبينه ملامحهم رفعت ايدي اله

::- هاي انـــتَ وعلي؟

- ابتسم هز راسة اي

::- هاي بالغربيه خلصنا واجب وكعدنا نصور وقتها ابو اسمر عاقبنه حبسنا ثلث ايام

::- ههههه ليش

::- هههه مو باوعي احنا مارجعنا للمقر وهو خاف علينا عباله بينا شي والولد جانوا ويانا
سوينا جلسة  تصوير واحد وره الثاني نصور ونسوي حركات متونسين وابو اسمر رايحه روحه من الخوف من رجعنا احنا كناله جان قناص بالمنطقة ماكدرنا نطلع

تالي ولد ويانا فتن علينا وعاقبنا

::- ههههه خطيه تستاهلون

- تحسر وسكت وصلنا للبيت نزلت فتحتله باب الكراج دخل السيارة احنا قبل لا نروح سويت فطور الابوه وهو وكل امه قبل طلعتنا بساعة

نزل من السيارة فتت للمطبخ قبله بقيت اباوع فاتحه عيني كلها

المواعين البالسنك هواي وقوري الچاي مشمور على الطباخ ومتبدي عليه والشوربة بالگاع

فات بــــسام التفتتله ساكتة
وهو يفر عــــــيونة بالمطبخ بلعت الغصه ساكته
كالب المطبخ گلاب فتت باب غرفة الحجيه مفتوح من شافتني ابـــــتسمت بادلتها الابتسامه واشرتلها هلو. راح اصعد فوك اشرتلي بعيونها اي

صعدت بسرعه بدلت مقهوره مدري شبيه شلون تخلص ياربي

مرت اكثر من نص ساعه غسلت ونزلت انضف اريد افتح باب المطبخ مقفول. دكيته صاح بــــسام

::- لحظة

- فتحلي الباب يمسح بأيديه مرتبك خجلان دنك عينه يحجي
::- روحـــــي نــــــامي غسلتهم

- درت عيني للمطبخ بــــس مي السنگ مفتوح

-ليش نضفت بــــس ردت ارتاح وانزل انضف

- فتت للمطبخ غسلت وصلت المسح المخليها بالسنك وكف يمي گـــــال

::- اساعدج انا متعلم وباوعي ملابسي وملابس الحجي انا اغسلهن عوفيهن

- بلعت ريك اباوع بعينه ::- عادي اغسل ملابسك بــــس هو ما اگدر

- ابتسم
::- حتى ملابسي عوفيهن انا اغسلهن ومن تحسين نفسج تـــــعبانة من شس كليلي انا اسوية

::- هزيت راسي اي غسل ايديه وراح باوعت وراه فات الغرفة امه كعدها شربها مي ويبوس بيها شوية وابوه نزل عليه دوسة ونص غلط ورزايل وهو ساكت. طلعت الباب المطبخ أريـــــد افهم شكو اشرلي براسه اصعدي بقيت واكفه بمكاني وابوه يغلط خزرني وگام سد باب الغرفة
فز گـــــلبي من سمعت صوت ضربة وطلع ابوه اعصاب لمحني تفل عليه وطلع وبسام منزل راسه على رجلين امه مغمض عينه

ماعرفت وين اروح اصعد لو ابقى يمهم اخر شي طلعت كعدت اباب المطبخ والهوا بوجهي وين يله سمعته صاح

::- وينج غـــــدير

- كمت بسرعه دخلت وجــــهة احمر ومنزل عينه مايخليها بعيني گـــــال
::- غيري الامي

- فتت غيرتلها لزمت ايدي تحجي ودموعها على خدها ماعرفها شتحجي بــــس كلمة بسام فهمتها

::- تردين بــــسام؟

- هزت راسها لا ورجعت تحجي وتعصر ايدي بايدها ركزت عدل والف مره عادت الجمله يله فهمتها روحـــــي البسام

- غطيتها وصعدت فتحت باب الغرفة على كيف جانت عبارة عن دخان وهو كاعد بنص الجرباية الحاسبة كدامه والجكاره بحلكة

عفت باب الغرفة مفتوح طفه الجكارة ونزل من الجرباية فرش بالگاع وكعد الحاسبه بحضنه گـــــال

::- ترحين وياي باجر؟

::- وين

::- ناخذ فطورنا ونروح يمهم

::- اي اروح

- هز راسة موافق طفه الحاسبه ونام ماكدرت انام شوية ونزلت سويت سحور كملت وصعدت أريـــــد اكعده فز مرعوب

::- اسم الله

- خله راسة ابين ايديه مخروع حيل

::- بــــس كملت السحور واجيت اكعدك

::- هسه انزل

- عفته ونزلت اخذت السحور يم الحجيه كام ابو بــــسام وهو مخنزر غسل واجه كعد طول بــــسام يله نزل وكعد ساكت وكل امه. واكل شوية

.ثاني يـــــوم سويت الفطور من وكت وكلنا امه ورحنا رتبت كلشي الفطور ابوه وهو ماقابل ويحجي علينا بــــسام يغلس جنه مايسمع ابوه

من رحنا الشارع الكل مره يدخل منه مكطوع افتر من غير مكان اعصاب صار ما اندل منين يدخل نزلنا وكت الغروب وجــــهة انگلب يفتر ابين الكبور بحيره ويحاجيني

::- هنااا همه هنااا بــــس دخت ماجاي الكاهم من خرب ......

- درت عيوني افتر وفزيت على صياحة بكل صوته صاح

::- عليييي

يرجف ويمسح بوجهه

مشه عــــــيونة على الگبور اشرلي تعالي مشيت وراه شفتهم وهو سابقني يمشي ويهز بأيده باسف

كعد يـــــمة

::- ليشش ماتصيحلي مو جايك اناا لك عـــــلي اصيح عليك وماتررررد

- تقربت عفت اغراضنه وكعدت يم قبر فــــــاطمة بجينا ثنينا الحد ماتعبنا وصار الاذان

گـــــال

::- راح اشغل ضوه السيارة علينا واجي

::- اخاف اجي وياك

-: تعالي

.كمت وياه فر السيارة شغل ضواها علينا ورجعنا يمهم تفطرنا ورجعنا

وراها صار اكثر وقته بالدوام واني بديت اتقبل اعتني بامه ونفسي راضيه خاصه من ترفع ايدها وتدعي گـــــلبي يرفرف عليها

الحد الاربعينه مال فاطمه بسام ماراح ورحت ويا بيت عـــــمو ادريــــــس من اصعب الايام التمر على كل فاگد عزيز رجعت مهدود حيلي ومالي خلك نفـــــسي واربعينه عـــــلي جانت اصعب بهواي بــــسام وعمو وبجيهم يزرف الگلب

حياة بارده حيل وبسام حاله حال الغريب يبقي يم امه الحد ما انام ويصعد ..يكعدني الصبح مبدل بــــس يكلي تعالي سدي الباب

ودائما على خلاف ويا ابوه وصياح وغلط

بيوم العيد كعدني عايدني گـــــال

::- بدلي اوديج العمتج وبالليل اجي اخذج

::- والحجيه منو الها

::- رقيه راح تجي اديربالها عليها

- رفعتله حاجبني دنك ساكت
::- ماحب علاقتك برقية

- لعد ابقي وبالليل نروح انا وياج ساعتين ونجي

::- اااي خوش

- عفته ونزلت جوا اجت رقية كام يتجنبها يسلم عليها من بعيد ومايتشاقة وياها هواي
هي حبابه بــــس اني ماجنت حابه وجودها حست وراحت.

يتبــــــع⋆𓍯

الكــــاتبة أيـــــــلول⋆𓄼𓂁

💚🌿

.