رواية أجرام مستباح لثلاث ندبات الفصل الرابع وثلاثون 34 - بقلم الكاتبــة ايلول

مساء الخير ...

#أجرام_مستباح_لثلاث_ندبات

بقلم الكاتبة أيلول

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

حسرة و بـ الگلب كل يوم تتكسر
الدمع رايدلة حيل و آنا ما أكدر

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة ::- يـــــوم عن يـــــوم احس افكاري تتلاشى وكل اليجي ابالي اساعده صح مستحيل اسامح بــــس الاريده يلكي اخوانه ويرجعني الاهلي كلشي ينتهي شلت فكرة اسجن وانتقم كلشي تبخر من اشوفة يخلص الليــــل عتب ودموع عليهم ينتظرني انام ويطلع يكعد برا البيت اگوم اباوعله من الشباك الحد ما احسه راح يرجع يله اركض لفراشي

ومثل كل يـــــوم سحب أيــــدة منعندي وطلع سمعته فتح الباب كفيت الغطا مني وكمت وراه
كعد بالساحه على مصطبه والهوا قوي وصوت الاشجار يخوف شغل الاغنية وكعد رافع راسة ليفوك ولام رجلية الگلبه هيج بقى دقايق واني من الشباك اباوع

الحد ماتعب نزل رجليه وسحب أيــــدة الگلبه يحضن بيها ويحجي بشوغة

::- وين الكاكم ندباتكم تحرك بروحي شوكت تتكحل عيني بشوفتكم .

تتذكروني اجي ببالكم؟ 
تدورون عليه؟ لو نسيتوني .

جــــمرة ::- مسحت دموعي بسرعة وفتحت الباب گام فاز يمسح بوجهه جر التليفون طفه الاغنيه ويباوعلي

::- تعال يمي جاي اخاف من صوت الهوا .

- هز راسة اي دخل قفل الباب ومشه گدامي قفل باب الغرفة تمدد بفراشة واني واكفه بصفة وخــــر الغطا على جهه

::- تعالي

- تقربت تمددت بحضنه وبكل حيلي حاضنته وجهي بركبته
::- أبــــــهر اني ما اجذب من جنت تسألني تردين تشردين اكلك اي واحجي الصراحة دائما باوع بعد واللـــه ما أريـــــد اسجنك أريـــــد اساعدك تلكي اخوانك أريـــــد اشوفك فرحان

- عبر أيــــدة على ظهري يحضني بقوة متحسر
::- ديربالج تحبيني جــــمرة .

::- ما احبك بــــس بطلت ما اكرهك مو مثل قبل.

::- اكرهيني.

::- ليش؟

::- حتى مايجي يـــــوم وادخل كلبج.

::- ذاك اليوم كتلي حبيني؟

::- تندمت.

::- اذا حبيتك شيصير؟

سكت وقوة لزمته الي خله وجــــهة بشعري باسني بقوة وحجة

::- ما اخليج تحبيني .

::- بــــس اني احس روحـــــي بعد ما اكرهك

::- اشش اسكتي ديربالج

::- ما احبك بــــس ما اكرهك

::- اكرهيني فدوه اكرهيني أذيج جــــمرة ديربالج مني.

- قربت وجهي الركبته اكثر اضم نفـــــسي واحجي
::- ماتكدر تأذيني.

- سكت هادئ وكل شوية يقوي لزمته الي فعلا جنت احس الحقد البگلبي اله انتهى وبالوقت نفسه ماعندي مشاعر حب اله جنت اكعد وافكر هواي اذا لكه اخوانه وترك كلشي وصار خوش انسان اني من المستحيل اتقبله وخاصة من افكر بالعلاقة الزوجيه احس مشاعري ميته قبل لا اعرفه جنت من لقطة بفلم اتأثر وهسه نادرآ مايتخللني شعور بسببه .

. كعدت الصبح من حسيت أيــــدة على وجهي يبعد شعري فتحت عيني اباوعله كاعد كدامي ابـــــتسمت وهمست

::- صباح الخير

سكت بلع ريك يباوع بعيني
::- صباح النور.كومي غسلي سويتلج ريوگ.

- كعدت على حيلي ابعد شعري من وجهي وهو كام من يمي مايباوعلي دخلت للحمام غسلت وطلعت يـــــمة للمطبخ التفتلي ورجع دار للطباخ

::- جــــمرة غيري ملابسچ .

- جريت مقدمة التشيرات اباوعله شبيه فالين ونص ردن هو مشتريهن رجعت باوعتله

::- ليش شبيهن بالليل لبستهن ترا وريحتي حلوه

::- اي صح نسيت يله تعالي

- نزل الصينيه بالگاع وفتح باب الصالة نباوع على البستان صبالي چاي يخلي بالصحن ويشربني ياكل ويوكلني صح اكدر بــــس تعودت صرت اتعاجز اوكل نفـــــسي معتمده عليه الا اذا عافني وحدي اكل ومرات اتقصد اوصخ ملابسي حتى اقنعه ما اكدر

- رفعت عيني باوعتله اكو بيه شي مقهور وضايج ركزت بعيونه تلافى نظراتي

::- أبــــــهر شبيك

-  رفع راسة يباوعلي لم شفتة الداخل حلكة
::- جــــمرة لاتصيرين فقيره

::- هههه ترا اني حبابه من زمان بــــس وياك حقرت وهسه رجعت الاصلي

::- ارجعي حقري

:- ليش شبيك؟

::- اخاف تحبيني وانا هيج اتعلق بيج اكثر.

::- شحب منك كصتك مربعه اكلك شو كل شوية وكلت لا تحبيني ترا ما اباوع الخلقتك اني ممثلين يخبلون ماحبيتهم احبك انـــتَ.

- دنك مبستم ورجع حجه
::- جاي تعذبيني !

::- عداني قسام

::- ههههه تعذيب قسام سهل وعيونج بــــس تعذيبج يوصلني للموت .

- اختفت ابتسامتي خزرته ::- شمسويتلك هيوو

::- احس أريـــــد اخدرج او ابلعج حباية او
ما ادري ما ادري الافكار البراسي الج توصلج للموت

- كمت على حيلي مبتعده وخازرته
::- شبيك انـــتَ متخبل ؟

- ضحك وكام شال الصينية يغسل المواعين ويضحك

::- وجع ترا ماتضحك سوالفك

::- روحـــــي مني روحـــــي لا اخليج تغسىلين المواعين

- عفته وفتت للغرفة شلت الفراش وملابسه علكتهن اخذت تليفونه ورحتله اتصل على امي

كعدت اسولف وياها گام يأمن يبتعد عني مسافة من احجي وياها مو مثل قبل يبقى مگابلني سديت المكالمه وكلبت بالتليفون سحبه من ايدي رفعت راسي اله

::- جبان ترا ما اتصل على الشرطة

::- ادري.

::- وترا حتى اگدر اشرد وكم مره صارتلي فرصة وابسط شي اكدر اگول الامي ترا مخطوفة اني وزوجها الضااااااابط يگدر يطلعني منك بــــس لازمني خوفي على اباذر ودره

- ابتسم قفل التليفون وخلاه بجيبه

::- بــــس تحاولين تشردين يلگفج قسام ومــــحد يدري على شنو راح يساومني وقتها
لا تتسوفلين وتفكرين تشردين

::- انـــتَ السافل

::- وانتِ؟

::- مو سافله

::- بــــس تتسوفلين گوه تردين تصيرين مو زينه بت .......

::- رفعت عيني خازرته فشرت عليه بنفس الكلمة ضحك يباوعلي

::- تردين ابوسج؟

::- حظك اطيحه فهمت

::- لا تفشرين بعد لا تتعودين

::- معلييييك معليييك وخــــر حيوان بــــس واحد يصير زين وياه ينجلب امي اذا تجيب طاريها اسب اهلك واحد ووواحد

عفته وفتت للغرفة افور وهو يصيح

::- بت ام الضباط .

- سكتت رجع عادها يضحك رفعت ايدي ونهد الساني افشر عليه واسب واغلط فتح باب الغرفة يباوعلي مبتسم واني مهدوده بــــس اغلط جريت نفس ارجف

::- الحيوان ال....... ........

:;- كملتي؟ بت ام الضباط

-كمت على حيلي هو بارد اعصاب ويضحك واني احتركت حرك امشي عليه واغلط بكل كلمه سامعتها افشر بكلام الولد يستحون يلفظونه وكل ما احجي شي يرفع حاجبه مبتسم
دفعته من صدرة مهدود حيلي

::- لا تجيب طاري امي

::- عشرين بوسة .

::- انعل .......... ال.............

- صيحت ايديه كدام وجــــهة يرجفن لعب باعصابي وحرك دمي ضحك مد أيــــدة على خصري سحبني اله وحجه

::- صارن خمسه وعشرين .

- دفعته بكل قوتي اغلط سكتني وهو يبوسني ويرجعني ليوره لازمني بقوته نهد حيلي واني ادفر بيه الحد مانزلني للفراش وابتعد مبتسم كصته على كصتي

جريت نفس اشهك ::- وخررر جاي تخنكني

:;- هاي بــــس وحـــدة بعد 24

- رفعت عيني اباوع بعيونه جسمي يرجف وحيلي مهدود من الحركه حسيت كل جسمي تشنج العصب بيه

::- وخــــر حركت دمي راح تموتني من الحركه

::- نكملهن بالتقسيط عشرة هسه وعشرة بالليل وباجر نكمل الباقيات

- جريت ايديه من بيه أيــــدة بــــس أريـــــد افلتهن
::- گوم عني يابه كرهتك وحق هو الله كرهتك اطلع كلبه بت كلب لو فكرت اساعدك .

- احجي خازرته لزم فكي بايده ورجع يبوسني فرفحت ادفر برجليه الحد ماتعبت يبتعد ويعد ارقام ويرجع نهد جسمي وتعبت هدأت ابتعد سند راسه عليه ويحجي بتعب

::- 7 ..بعد 3 ويكملن عشرة

::- وخــــر تعــــبت واللـــه جسمي اذاني ولعبت نفـــــسي وخررر خررررررررب راح اااغلط

::- يزيدن

::- خررررب إنه جسمي تكسر وخــــر عني شبيييك

::- شمسويلج جــــمرة

::- خنكتني

- عاف ايدي بسرعة جريتها ضربته راشدي بقوة ابتسم مغمض عينه ورجع جر ايدي عصرها بايده

::- اوكف خلي احاجيك اوووكف

::- هااا

::- لعبت نفـــــسي راح اتقيئ

::- جذابة ادري وزادن وحـــدة لان تجذبين

- سديت حلكي خازرته أريـــــد اغلط ماجاي يبرد گـــــلبي اجر بايدي حيل
::- بــــس عـــــوفني لا تلطش

::- اهدائي بعد 4

3-::

- ضحك حيل ونزل وجــــهة بركبتي يبوسني ويضحك

::- اربعه مو جذبتي وزادن وبالليل عشرة وباجر اربعه

- سكتت هادئة رفع راسة يباوع بعيني مركزه بعيونه ساكته طبك ايديه بأيد وحـــدة وايده الثانيه يمسح. فكي بابهامه

::- شبيج؟

::- شنو احساسك من تبوسني؟

- نزل عينه الشفتي وباصابعه يمسح عليهن

::- شي ماينوصف كل يـــــوم اكول بعد ما اتقرب وراها ادور فرصة بــــس حتى ارجع الزمج واعيش نفس الاحساس

::- تصدك اذا اكلك اني ما احس بشي .

::- تردين تحسين؟

- بلعت ريك ساكته اباوعله رفع عينه من شفتي لعيوني
::- تردين تعرفين شنو احساسي  وتعيشينه؟

- حركت شفايفي ما ادري .

::- تسوين الأكول عليه وتسمعين مني حتى تعرفين شنو احساسي

::- خوش بــــس وخــــر ايدي تأذيني

- ابتعد مني اتمدد كعدت على حيلي افرك بايدي خازرته وهو يباوعلي. مد أيــــدة الي

::- تعالي

:;- دروح

::- مو هسه اتفقنا؟  ارجع غصب ويزيدن لان غشيتيني

::- شتريد شلعت گـــــلبي ترا ماجنك الأبـــــهر

- ابتسم مد أيــــدة على خصري مسحت شفتي بايدي مختنكه جراني الصدره تمددت رافعه راسي اباوع بوجهه كوا لازم ضحكته

::- شبيك

::- اعلمج

::- أبــــــهر جاي اكرهك

::- انا أريـــــد تكرهيني يله

::- شنو

- رفع أيــــدة اشر على شفته مبتسم

::- اييييعع

-ضحك ومد أيــــدة فوك راسي قربني اله ويحجي

- دفعته حيل وكعدت اغلط جراني من رجلي رجعني للفراش طبك ايديه بايد وفكي بأيد باسني غصب وابتعد مبتسم

::- تضحكين عليَ.

::- اكرهك تگول بعمري ما اجبر بنيه وجاي تجبرني

- التفتلي فاز

::- ضجتي صدك؟

- دمعن عيوني واني اباوعله ::- على كلشي جاي تجبرني من اصير زينه وياك تنجلب عليه

::- اسف ماعبالي صدك تضوجين هاي هي ماتنعاد

- مد أيــــدة يريد يلزمني دفعتها وكمت للحمام غسلت وطلعت كعدت برا اجه وراي

::- جــــمرة مو هيج البسي شي بلا احد فات منا

::- معليك

::- كومي ادخلي

::- معليييك معليك مو كلشي جبر

::- ما اجبرج بــــس فوتي البسي شي على ملابسج واطلعي ملابسج خفيفة وجسمج مبين

- نزل عــــــيونة الجسمي كمت بسرعه اغلط عليه رجعت تمددت بالغرفة هستوني غمضت عيني وحسيت بطني نعصرت من تذكرت شلون باسني. هزيت راسي اطرد الافكار من باسني ما تأثرت شكو هسه شكوو

- رجع فات للغرفة جاب شاش ومعقم واجه يمي

::- جــــمرة عقني ظهري

::- اعقم مرض

::- اموت

::- موتت الچلاب السود

::- ليش سود

::- وخر أبــــــهر وخــــر يـــــمة شكد ارعن

::- صيري حبابه كومي عقمي ظهري

::- شبيه ظهرررك شبيه مو صرت زين ليش تجذب

- ضحك جر التشيرت نزعه ودار منطيني ظهره

::- ينغزني

::- غمضت عيني وايدي فوگ راسي ادري بنفسي بــــس ارجع اشوف جروحه اتعاطف

::- سنايبر

::- هــــا

::- يوجعني

- كعدت على حيلي اخذتهن منه مسحت الاثار بالمعقم واحجي
::- جاي تستغلني تدري من اشوف جروحك اخاف عليك وانسه كل المسويه أبــــــهر

::- لا

::- اااي

- رفع راسة ليفوك واني امسح على الاثار واحجي بقهر گـــــال

::- ابعديني عنج جــــمرة اكرهيني شكد ماتكدرين

::- ما ارريد اكرهك ما ارريد بنفسي اوكف وياك اساعدك اشوفك فرحان وملتقي بأخوانك بــــس انـــتَ مدري شبيك

- دار وجــــهة عليه دنكت خليت معقم بالكطن ومسحت الاثار البصدرة اشهك اختنكت

::- هل حنيه تدمرج خافي على روحــــــج مني

- رفعت راسي بوجهه نزلن دموعي مختنكه

::- ليششش ليش
يوم جــــمرة حبيني يـــــوم لا اكرهيني يـــــوم تتعامل وياي مثل الطفله ويوم مثل الزوجه يـــــوم تشوفني عمر صديقك وتحجيلي تفاصيل شغلك ويوم مجـــرد اسيرة عندك وكلمه ماتحجي منو انـــتَ أبــــــهر منوووو تعــــبت واني احاول افهم شي من شخصيتك .

- رفع ايديه لزم وجهي يمسح بدموعي

::- أبــــــهر يتمنى يسكن بگلبج وجندل يخاف تقبلين بواحد مثله ساعة اتمنى بــــس تحبيني وساعة اخاف حتى انو ممكن تتقبليني.
ابقي هيج رافضتني لا تخليني حتى الزمج

- ضحكت باستهزاء وخرت أيــــدة من وجهي مسحت دموعي وحجيت

::- ههه واذا حبيتك وما رفضتك شنو يصير تعوف اخوانك وتبدي حياتك وياي؟

- باوع بعيني ساكت بلع ريك هز راسة لا وحجة

::- كل الافكار الشيطانية البراسي اطبقهن عليج

::- يا افكار؟

::- وصخه

::- يا افكار؟؟؟؟؟

::- اسكتي

::- من تحجي شي كمله لا تصير جباان

::- اسكتي

::- ااااحجي

- مد أيــــدة بعصبيه لزم فكي خزرته مجلبه بأيده حجه بنتر عينه بعيني

::- أذيج جــــمرة كل افكاري تأذيج

- دفعت أيــــدة حيل وصرخت اضرب ايديه بالفراش ::- شمسويتلك شمسوووويه

- بلع ريك ودنك راسه غلطت اشهك جر ايدي يريد يحضني قاومته ادفر سحبني غصب عني تمدد حاضني

::- ليش شمسويتلك ليش تحقر وياي

::- اشش هاي هي انسي الحجيته

::- لا ترجعني للأدمان عليك بغلاة اباذر ودره اموت

.اهتز صدرة يضحك

::- لو اموت ما ارجعج ولج جــــمرة عقلي وين وعقلج وين اشش اسكتي نــــــامي لا تشهگين هيج تذبحيني

- مسحت عيوني وغمضت بــــس أريـــــد انام
مرن خمس ايام حيل حيل ابتعد عزل فراشي عن فراشة ومايحجي وياي .
كرهني بروحي يهتم من بعيد يوكلني ويمشط شعري يكص اظافري
بــــس مو شي كـــــافي كل اليسويه جنت ساكته ومتاجاهله تغيراته الحد اليوم الاجه بيه عمر بقيت كاعده بالغرفة فاتحه الشباك واباوع بالبستان فتح الباب ودخل بيده صينية غدا خلاها بالگاع وحجه بدون مايباوعلي

::- تگدرين تاكلين وحدج انا راح اكل يم عمر ؟

- تقربت للصينية ساكته بالعاده اذا نقهرت رجفة ايدي تزيد جريت الخاشوكة وهو واكف فوك راسي بــــس ردت اسيطر على ايدي حتى اكل واراوية ما محتاجته نص التمن وكع منها كعد على حيله يمي جر الخاشوكة من ايدي دفعت الصينيه كلها عليه ورجعت لفراشي

خليت ايدي ابين اسنوني روحـــــي شايطة دموعي تصب وعاضتها. بكل قوتي اشهك اجه يمي

::- اااايدج

- عفتها ودفعته مني درت وجهي حرف ماحجيت بــــس اشهك

::- كومي تغدي.

- غمضت عيني اتنفس حيل أريـــــد الحركه تروح مني سحبني من كتفي

::- گومي اوكلج جــــمرة

- درت عليه دفعته وكعته ليورا وحجيت اصيح
::- وخررر عني وخررر ما اريد شي منك رجعني البغداد تعببببت لشوكت ابقى يمك

::- هسه بــــس تعالي اوكلج

::- يارب تموت وارتاح منك لوعت گـــــلبي كرهت روحـــــي من وراك خليتني باالف شخصية والف تفكير موتت جــــمرة القديمة.

- كام من يمي اخذ الصينية وطلع رجعت للفراش دموعي تحرك خدي

::- شنو ذنبي اتحمل شعليه بيه وباخوانه .على ساعه ينكتل وابقى بيد الاتعس منه ليش اعيش كل هذا ليش تعــــبت واني ابجي الحد ما نمت حسيت عليه وره فترة يمي من وره ظهري منزل بــــس راسة الركبتي بدون مايطخني شماني وابتعد مد أيــــدة على كتفي ويحجي

::- جمراية سنايبر كعدي اكلي

::- ما أريـــــد

::- كومي حتى ما اجبرج

-كعدت على حيلي غسلت ورجعت للغرفة جان كاعد بــــس بالفانيله الداخليه وبنطلون الجو حار الكهرباء طافيه مشغل شمعه وضوه تليفونه

::- سويتلج سوب دجاج

- مسحت وجهي وكعدت يم الصينيه ساكته رفع أيــــدة يوكلني وحجه

::- باجر تبقين وحدج اروح البغداد انا

- رفعت راسي فازه ::-ما ابقى وحدي

::- ما اتاخر عليج

- اخاف

::- اجيج بسرعة

::- اخذني وياك

::- ما اكدر هو الغروب اروح و من تكعدين الصبح تلكيني يمج

::-اخاف واللـــه من يصير هوا صوت الاشجار يخوف

-سكت واني سكتت كمت غسلت وهو شفته غسل المواعين بقيت بمكاني اباوعله جر ملابسي من الشباك رتبهن وباوعلي

::- تردين چاي؟

-هزيت راسي لا وفتت للغرفة. شايله هم شلون يعوفني وحدي وهو طول هل فتره مگابلني ثاني يـــــوم فزيت على الباب من انفتح التفتتله
جان عركان بــــس بالبنطلون وايدية متوصخات يحجي بتعب

::- جــــمرة شنو اليوم ماتكعدين؟

- كعدت افرك بوجهي كمت طلعت من الغرفة شفتة مخلي طشت بيه نفط لونه صاير اسود ويمه فرشة من سيم وصندوگ اسلحه الصندوگ خشب ومتروس قش وهن فوگاه ونص منهن مفصخ بالطشت صفنت عليهن رجع كعد يمهن

عفته وفتت للحمام غسلت وطلعت عبرته وكفت يم الطباخ ادور الجداحه مالكيتها التفتت عليه

::- وين الجداحه

- وهو كاعد مد رجله وباوعلي

::- هاي بجيبي تعالي اخذيها

- مسحت ايديه من المي وتقربت ادور بجيبه
::- ماكو

- مد رجله الثانيه
::- شوفي خاف هنا

- مديت نفـــــسي ادور الجيب الثاني طلعتها وبتعدت وكفت أريـــــد احاجيه جان ساحب نفس بقوة ومغمض عينه دفرته برجله

- فتح عينه باوعلي عفته ومشيت للطباخ. اجدح ومايشتعل كام غسل واجه اخذاها مني شغله وسوالي ريوك

كعد وكلني ثنينا ساكتين على اعصابي اكل
::- شبيج

::- حاره

::- هسه اجيبلج سطل مي من الشط بارد اسبحي بيه

- اي

- بــــس خلصت ريوك لبس قميص اخذ السطل وطلع كام يخاف يعوف الباب مفتوح رجع يقفلة

مي الحمام يفور لان تضربة الشمس ماينسبح بيه رجع تارس السطل خلاه بالحمام فتت للغرفة ادور ملابسي اجه وراي جراهم من فوك الفراشات اخذتهن ودخلت سبحت بــــس أريـــــد ابرد جاب المشط واجه ابتعدت

::- عوف اني امشط

::- اششش

- سكتت هادئة مشط شعري وابتعد رجع يشتغل وبقيت اني بالغرفة گـــــلبي ممرود من الحر والجو نسمة هوا مابيه فتح باب الغرفة يحجي برسميه

::- جــــمرة رايح هنا انا شوية واجي

::- وين؟

::- يم الشط

::- اجي وياك؟

- باوعلي سكت شوية واشرلي براسة يلا جريت الشال لفيته وطلعت وراه لازم نعال رجالي بأيده گـــــال

::- البسي نعال عمر

::- البسه انـــتَ وانطيني نعالك

- تقرب نزع نعاله گدام رجلي لبسته وطلعنه لابسة تراك حد الركبه وردن افترينا من وره البستان الحد ما وصلنا لجرف الشط

::- ليش ماكو ناس

::- اكو بــــس بعيد وهيج وكت خاتلين مايطلعون من الحر

::- يعني مايشوفونه هسه

::- لا بعيد

- جاي احجي وياه فتح دكم القميص
::- راح تسبح؟

::- اي

- نزع قميصة خلاه على الشجره جراني من ايدي للحافة كلش گـــــال

::- اكعدي ومدي رجليج بالمي

- سويت مثل ماكال رفعت ردن البجامه ومديت رجليه المي بارد كلش. حلو وهو نزل بالشط بهدوء الحد ماوصل للغمج غط راسة وطلع

::- لا تغرك

::- اعرف اسبح

::- ما تعرف هو گاع

- ابتسم وسبح مبتعد عني يحرك ايديه بطريقة مضبوطة  وصل للنص وغطس بالمي ابـــــتسمت منتظرته يطلع بلعت ريك خفت طول اتلفتت ادور وصرخت فازة من طلع قريب عليه

::- عبالي غرگت

::- تعرفين تسبحين؟

::- لا

- دار وجــــهة يباوع منا ومنا وابتعد عني رفع أيــــدة الي

::- ذبي شالج وتعالي

::- اخاف اغرك

- تعالي غير انا وياج شلون تغركين

::- تعال اخذني اخاف

::- تعالي گاع باوعي واكف هسه انا

-عفت شالي ونزلت بخوف بــــس وصل المي الخصري صيحت خايفه
::- يـــــمة غرررركت غررركت

::- هههههه تعااالي ولج گاع

- ماده ايديه وامشي بالمي خايفه وداخلي يرجف بــــس أريـــــد اوصل والزم أيــــدة كل ما اتقدم خطوه يصعد المي اعلى الحد صدري واني بعدني ما واصله الايده

::- راااح اغرك الزمني

::- تعاالي وانا الزمج.

- مديت ايدي أريـــــد الزم بايده وراحت رجلي غطست  كلي بالمي من الخوف والرهبه فاتحه عيني وشبعت مي جراني طلعني جلبت بيه بكل قوتي كحيت والزم بيه حيل خنكته وهو يصيح

::- ولج شبيييج

::- غررررركت غرررركت

::- هههههههه خنكتيني مو هيج بــــس نزلي رجليج مني عوفيهن وماتغركين

- رفعت ايدي امسح المي من وجهي وبايدي الثانيه حاضنة رگبتة ورجليه لافتهن على فخذة

::- رجعنييي اغرك

::- انا يمج لا تخافين

- سيطرت شوية مجلبه بيه ومديت ايدي العب بالمي جر ايدي يريد يفلتني من ركبته رجعت لزمته حيل

::- ولج ما اخليج تغركين بــــس باوعي فلتي رجليج حتى اعلمج

::- ماتعوفني

::- ابد

- نزلت رجليه واحرك بيهن بالمي مايوصلن للگاع وهو لازمني من زنودي احرك رجليه بقوة ابـــــتسمت

::- عرررفت تعلمت

- بــــس حجيت هيج سحب ايديه مني بسرعة سحبني المي الداخله غطست كلي وبس ايديه افر بيهن أريـــــد الزم شي فاتحه عيني واشرب مي سحبني يضحك جلبت بيه

::- يـــــمة لا تعوووفني اغرك

::- ههههههه اشبعج مي اليوم اغركج انتقم منج

- لزكت بيه حاضنته حيل ::- بــــس رجعني هنااك عفيه رجعني

- مشه للحافة واني مجلبه بكل قوتي گـــــال

::- يله هاي كاع نزلي رجليج

- نزلتهن صارن على الطين والمي واصل الصدري وهو واصل الخصره ::- اي هنا ما اغرك

- ضحك خله ايديه فوگ اكتافي ودخلني بالمي غرگني واني بــــس اهمش بايدي أريـــــد افلت نفـــــسي واطلع .طلعني أريـــــد اغلط وما اكدر ضحكت الضحكته ::- لااا اغرك مو شقة هذا

:- خلي اعلمج مدي جسمج وحركي ايديج ورجليج

::- شسوي

:- ارفعي رجليج من الكاع خلي ينرفعن بالمي

::- ماينرفعن شلون

- دنك مد أيــــدة رفع رجليه صرخت خايفه

::- صوووتج جــــمرة ترا انزلج

::- ههههه االله عررفت

خله أيــــدة جوا رجليه وبطني واني اطبش بالمي فرحانه هو يحركني من مكان المكان واني اصيح ::- اااي عرفت

- روح هناك بعد ما اغرك بــــس لا تعوفني

- لا تغركين وما اطلعج

::- الله وخر ايدك بعد عرفت

- نزلت رجليه للگاع وفتريت رشيت مي على وجــــهة
::- ادبسز

::- ههههه بالغلط

- تقرب يمي يضحك ويمسح المي من وجهي
::- عيب عليك احنا بالشط

::- بالغلط لزمتج شسويت وثانيا مــــحد يجي هناا

::- ادبسز

.حجيتها خازرته هم مد أيــــدة بالمي وكرصني صيحت اغلط
::- واللـــه ترا انزل واعوفك

- ضحك وسحلني من ايدي للغمج جلبت بيه خايفه واصيح
::- لاااا اغرك

::- ما اخليج تغركين جلبي بيه

- ابهر واللـــه اغرك شبعت مي

::- بــــس باوعيلي

- تنفست حيل مبتسمه باوعت بعينه

::- ما تتكرر يجوز ماترجعين تفوتين الشط عيش الحظة

::- اخاف اغرك

::- غير انا وياج ليش تخافين

باوعي اسحبي نفس بقوة ونزلي رجليج مني غمضي وخلي ندخل بالمي منو نفسه اطول

::- بــــس تبقى لازمني

- ااي

- نزلت رجليه وفلتت ايدي من ركبته بقى لازمني من زنودي واني لازمته يضحك على شكلي واني احس روحـــــي طايرة ساعه اضحك ساعه اخاف يباوعلي مبتسم. رفعت اكتافي

::- عليك الله مو تعوف ايدي

::- اسحبي نفس بقوة يله حتى نطلع لا تطلع الناس حيل اترسي ريتج نفس وغمضي

- سويت مثل ماگال بكل قوة اسحب النفس وغمضت سحبني وياه وغطس جلبت حيل وماكدر احبس نفـــــسي بسرعه خلص وفتحت حلكي اريد اتنفس ابلع مي واجر بايدي منه أريـــــد اطلع اني ميته من الخوف وهو جر راسي عليه خله أيــــدة وره راسي وسحبني الوجهه باسني ادفع بصدره مني بــــس أريـــــد اطلع  والمي يبعده مني دفعته حيل رفعني بايده طلعني وخلاني اتنفس اشهك واغلط وهو ميت ضحك مسح المي من وجهه گـــــال يضحك

::- تخبل

::- الارعننن شبعتني مي

::- هههههه

- جلبت بيه بقوة ::- بعد لا تغرگني

- مشه وهو يضحك نزلني ونزل ارجف واعصر بملابسي اجمل شعور جان اضحك وفرحانه
::- خلي نسبح بعد

::- لا امشي شبعتي مي

::- مشيت گدامه شلت الشال أريـــــد اخلي على شعري صاح

::- اوكفي اوكفي

- جر قميصة من الشجرة وتقرب شد الردانات على خصري وبقى نازل من وره

::- يله امشي

- مشينا سريع دخلنا للبيت نسيت كلشي جنت بــــس اسولف بحماس واضحك وهو مره يجاوب مره يصفن فات للحمام واني واكفه بالصاله  احجي. ملابسي يقطرن مي وايديه ورجليه باطنهن تعقج لان بقيت بالمي هواي اضحك واكله ايدي ورجلي صارت بيهن شيخوخه

::- طلع من الحمام يضحك
::- ادخلي بدلي

::- لا خلي ابقى بيهن باردات

::- لا جسمج يحصف. امشي

- اخذت ملابسي وفتت للحمام نزعت التشيرت وكعدت كل ما اتذكر اضحك واتمنى ارجع للشط فززني من دك الباب يحجي بصوت ناصي

::- جــــمرة هاج شال ، عمر اجه

- فتحت الباب ماده بــــس راسي

::- راااح تروح

::- بعد شوية

- اخذت الشال منه عينه على كتفي دخلت وسديت الباب بوجهه لبست وطلعت عمر كاعد يـــــمة بالصاله ويراوية شي بالتليفون بــــس لمحني طلعت گـــــال

عمر ::- وعليكم السلام

- فتت للغرفة ساكته وهم يضحكون شوية ورجع دخل الأبـــــهر گـــــال

::- راح عمر

- باوعت الايده بيها تليفون جديد وسويج سيارة سكتت عاف علاگة ملابس بالغرفة وطلع اتصل ركضت أريـــــد اسمع بــــس عرفت الاتصال ويا قسام ومافهمت شي لان كله عباره عن اسأله

::- الاسم ......اممم شكد ......انطيني موعد ثابت يا ساعة ...... شنو أسم الصخام النادي.
....اي خوش هاي هي

جــــمرة ::- سد الاتصال وغم التليفون رجعت للغرفة بسرعة كعدت فات يمي باوعتله ماحاجاني اخذ ملابس من العلاگة   ودخل للحمام

شوية وطلع ركزت عيني عليه وهو وكف بمكانه
لابس بنطلون اسود رسمي وقميص اسود عايف دكم المقدمة مفتوحه حذائة رسمي عكس كل مره مشه بخطوات ثگيلة طلع ساعة لبسها وعيوني تراقبة رتب شعره رش عطر واكثر شي على رگبتة وايديه مسحت وجهي وحجيت واني العب باضافري

::- وين رايح؟

::- شغل

::- شغلك بهيج لبس وكشخة؟

- التفت عليه مبتسم ابـــــتسمت باستهزاء گـــــال

::- كل مكان اله لبسه سويتلج عشا وخليته بالثلاجة اكلي ونامي تكعدين انا يمج

::- ما منتظرتك

- دار يريد يطلع هستوه وصل باب الغرفة صحت وراه
::- رايح للصياعه مثل الكلب ترجع القسام

- التفتلي ساكت عض شفته ::- شبيج

::- وين مولي

::- مو كتلج شغل

::- تكشخ هيج للشغل؟

::- شعليج

::- طبك الف مرض معليه يله ولي ابو النوادي

- عافني وطلع قفل الباب صاح مو تدعين عليه صيحت بصوت عالي مختنكه
::- روحه بلاا رجعه سيارة بدون ارقام تساويك ويا الشارع ....

غـــــدير ::- للليل رحنا البيت عـــــمو ادريــــــس
جنا نمثل وضعنا تمام بس عــــمة شاكه ودائما تسمعني وتريد احجي حاولت اقنعها مابيه شي

لمن رجعنا البيتنا بالسيارة گـــــال

::- غدوره اكو حضانة هنا تشتغلين بيها؟

-التفتتله وهو يباوع للشارع ::- شلون والحجيه ودوامي

::- نص دوام ترحين بثمانية ونص ترجعين ب11 امي من تريكينها وتغيريلها بعد ماعليها شي ومن يبلش دوامج تبطلين

- سكتت عاجبتني الفكرة اقلها اكدر اعتمد على نفـــــسي لان من زواجنا لليوم حاول شكد.ينطيني مصرف واني بكل مره ارجعهن عليه وصلنا للبيت صعدت ابدل وهو بقى يم امه كويت ملابسه ونزلت جانوا كاعدين حتى ابوه موجود وهو يكصص تفاح ويوكلهــــا بــــس شافتني ابـــــتسمت تقربت بستها وكعدت بين بــــسام والجرباية مالتها قريب عليها رفعت ايدها الكتفي التفتت عليها مبتسمه حبيتها حيل وتعلقت بيها كمت من ادير بالي عليها ابد ما اجبر نفـــــسي تقبلت كلشي

بــــسام ::- هاج

- باوعت بعينه مادلي أيــــدة بيها تفاحة لا اني ماخذتها ولا اني كايله ما أريـــــد صاح ابوه

::- أنطــــيني اذا ماتريدها

- مديت ايدي اخذتها من بــــسام ابتسم كاله

::- هسه انا اجيبلك السله كلها حجي

غـــــدير ::- ابـــــتسمت اكلها وابوه خازرني لمن طلع بــــسام غيرت للحجيه وفرشت الابوه گـــــال

ابو بسام::- تعالي اسحكي رجليه يوجعني

- بقيت واكفه بمكاني وهو انگلب على بطنه متغطي تقربت بخطوات ثگيله خليت رجليه فوك رجليه ادوسهن گـــــال

::- اصعدي كلج جلبي بالكنتور

- خليت ايديه مجلبه وصعدت على رجليه اسحكهن ونفتح باب الغرفة التفتت تشخصن عــــــيونة خازرني راسا نزلت كاله

بــــسام ::- شنو حجي رجليك يوجعنك

::- اي اموتاتني

:;- روح للدكتور.

غـــــدير ::- حجاها ومد أيــــدة طفه ضوه الغرفة وتقرب سحبني من ايدي.كالهم تصبحون على خير طلع يجر بيه لازمني من زندي صعدني للغرفة دفعني بيها ورفع أيــــدة بغضب يحذر

::- ديربااالج تعيدينها

::- هو گـــــال دوسي على رجليه

::- گولي بــــسام مايقبل

- باوعت بعينه ساكته وهو خازرني نزل عينه مسح وجــــهة وحجه

::- شنو كلتي على الروضة؟

::- اي تمام

::- باجر اوصلج بــــس كولي للمديره اني مرة بــــسام هي تعرفج

- سكتت اخذ ملابسه وطلع من الغرفة بدل ورجع خله فراشة بالگاع وكعد الحاسبه بأيده وكلساع يطلع يدخن ويرجع للغرفة تعــــبت ونمت مثل كل مره من انام قبله والصبح الكاه هو كاعد قبلي.

فززني صوت رجليه من وكف طكن بقيت مغمضه ابالي يريد شي من الكنتور. حبست نفـــــسي تشنجنت من حسيته تمدد على الجرباية ورا ظهري ويقرب نفسه بهدوء كل ذرة بجسمي رجفت قرب وجــــهة الشعري جر نفس وسكت هادئ تشنجت كاطعه حتى النفس اكثر من ربع ساعه يله ابتعد ورجع المكانه تنفست حيل ارجف .

مدري شلون رجعو نمت كعدني الصبح مبدل لبسه العسكري وكف گدام المراية واني متمدده واباوعله غمضت عيني من التفت گـــــال

::- يله حتى اوصلج وياي

- كمت بسرعة نزلت للحجية ورجعت بدلت وهو من جوا يصيح ::- جيبي هويتج وياج

- اخذت اغراضي ونزلت لكيته كاعد بالصالة بيده لفة وكوب چاي تقدم خلاهن بايدي بدون مايباوعلي ويحجي عادي

::- بسرعة اكلي وتعالي انتظرج بالسيارة

- طلع واني على السريع اكلت حاجيت الحجية ورحتله صعدت يـــــمة وركزت ويا أيــــدة من فتنا بازدحام تعودت على حركته بكل ازدحام

يبقي يدك باصابعه على الستيرن

.ابـــــتسمت تذكرت من مره عـــــلي صعد.يم فــــــاطمة وخلوني كدام مبتسمه واتذكر فززني صوته وهو يگول

::- ضحكيني وياج غدورة

- باوعتله وضحكت حجيت عبالك سمر گدامي
واشرحله شلون جنت مركزه وشلون شفت أيــــدة والساعه والمحبس لمن التفت عليه يله سكتت مستوعبه هز راسة وعلى شفته ابتسامه

::- وليش هلكد مركزة

- درت وجهي ساكته وفشلانة نزلني يم الحضانة وراح بــــس كتلها اني زوجت بــــسام فرتني تعلمني واني مكيفة المهم اشتغل ويصير مصرفي بايدي

كل شوي يتصل ويسأل واطمنه فرحانه گـــــال

::- اجتج سيارة اطلعي يوصلج للبيت

- طلعت جان ولد جندي منهم رجعني للبيت وهيج مر اسبوع تعودت وعمه مكيفة بيه
حسيت نفـــــسي كد المسؤولية اطبخ الغدا على وكت ومن ارجع اخلي كل اهتمامي بالحجيه

ويوم بــــسام جان طالع واجب من وكت وأجرلي خط ويا البنات اليشتغلن بالحضانه

كملت كلشي بسرعة مبدله وامسح بالكاونتر دكولي هورن غسلت ايديه وندك الباب اخذت الجنطة ورحت ركض فتحت الباب صارو بوجهي ولد 3

اعمارهم ابين 15 وال19 اعرفهم ولد عم بــــسام بــــس فتحت الباب دخلوا بيدهم بليستيش واحد منهم گـــــال

::- جينا نتريك يمج

- يقيت واكفه لا اخذ ولا انطي والبنات بالسيارة يأشرلي يله كتلهم ::- بــــس اني عندي دوام

- فاتوا للاستقبال ما مهتمين الي شطت اشرت للبنات ما اروح ودخلت شمرت اغراضي بالمطبخ  رحت للاستقبال

::- شعدكم من الصبح ثانيا لا عمكم هنا ولا بسام شكو جايين

::- بيت ابوج هوه؟  تردين اطردينا واللـــه اخابر عـــــمو ترا

::- خزرته ميته قهر واحد منهم گـــــال

::- لا خاله لا باوعي جوعانين ومخلصين غاز واجينا يمج اذا ما تردين نروح

- سكتت اباوعله رجعت للمطبخ شكد حماره وهيج سالفة نزلت دموعي وين جــــمرة عني جان ضربتني على حلكي.

شغلت الطباخ وامسح بعيوني سويتلهم ريوك مسحت وجهي واخذته الهم دك تليفوني ركضت جاوبتها بسرعة المديرة ترزل ماقابله

::- لا تصيحين ما اشتغل عندج

::- لعد وين تشتغلين عيني بمركز ابوج؟

::- دروحي روحـــــي انتِ وحضانتج ما اريدها

- غلطت عليه وسدته بوجهي نفجرت ابجي واشهك اتصل بــــسام جاوبته وهو كلشي مايفهم مني بــــس صاح

::- يله راح اجي اسكتي

- بقيت بالمطبخ واسمعهم هم يلعبون وصوتهم وصوت البلي عالي حيل فتح باب الكراج ابتعدت من باب المطبخ دخل السيارة وفات
بعده ماكايل شبيج ورجعت ابجي

.تقدم يمي مستغرب

::- شكو شبيج شكالتلج

- شهكت امسح بدموعي ::- تغلط عليه وترزل

:;- اشش اشش بــــس لا تبجين شبيييج

- رفع وجهي يمسح بدموعي وسكت يركز بالصوت رافع حاجبه رجع باوعلي

::- منو هنا

::- ولد عمك

::- شيسوون

::- هم من اجه الخط ردت اطلع صاروا بوجهي كالوا جايين. نتريك هنا .

- فتح عــــــيونة بعصبية لزم خدي بسرعة

::- حاجوج شي غلطوا عليج؟

- هزيت راسي لا

عافني ومشه بسرعة للاستقبال وكف بالباب يتنصت وهم يفشرون ويكفرون. التفتلي وطك النطاق من البنطلون سحبه وفتح الباب فزوا ثلاثتهم

::- شعدكم هنا

::- ابوي مايقبل نلعب بلي هناك واجينا هنا

::- وانا فاتحلكم الاستقبال صالة العاب ماتكولون مرتة غريبة عيب امه مريضة موزين عليها الصوت العالي؟

::- تره عـــــمو گـــــال شوكت ماتردون تعالو بيتنا مفتوح. معليك انـــتَ

غـــــدير ::- بمجرد حجه هل كلمه بــــسام رفع أيــــدة وضربة طلعت بسرعه ما أريـــــد اسمعهم يكفرون ويسبون بسام ابد مايكفر ولا يفشر. طلعهم من البيت يغلط عليهم ويسبهم ورجع دخل يلهث تعبان صيح

::- المن مخلييي كامرة انااا

::- ماا ادري بيهم لان طلعت عبالي الخط

- دنك راسة يجر نفس ورجع باوعلي

::- لو يبقون يـــــوم كامل بالباب ماتفتحينه الهم

- سكتت اباوعله فات غسل وجــــهة وصعد فوگ شلت المواعين غسلتهن وصعدت لكيته مبدل بملابسة السود مثل كل مره كاعد على الجرباية والحاسبة بأيده اخذتلي ملابس سبحت ورجعت كعدت يم كنتوري ارتب ملابسي وهو يگلب بالحاسبة فززنا صوت ابوه وهو بكل حيله يصيح

::- بسسسسام انزل كلب

- كام بــــسام فاز جراني من ايدي يرجف كعدني على الجرباية واني مافاهمه شي فتح التليفون ايده تهتز  بقوة بــــس يريد يسيطر يخلي السماعات بالتليفون. خلاهن وباوعلي لازم وجهي ابين ايديه ويحجي بخوف

::- لا تنزلين السماعات من اذنج الحد ما اجي سمعتيييي احلفج بروح فــــــاطمة ابد لا تنزلين السماعه

::- هزيت راسي ااااي خايفة خله السماعات بأذاني وشغل اغنية عاليه غمضت عيني من قوة الصوت لزم زندي باوعت لشفايفه يتحركن هزيت راسي ما اسمع.

نزل بسرعه واني بقيت بمكاني وكلبي يرجف بخوف عيني على الباب منتظرة يرجع الاغاني تتغير احس راسي صار طبل منها .طول اكثر من نص ساعة كل دقيقة تمر أريـــــد اوخر السماعات وانزل واخاف

فزيت من فتح الباب منزل عينه وشعره مبهذل وجــــهة احمر باوعتله بلعت ريك عيني عليه تقرب يمي جر السماعات من اذني حرف ماحجة ولا يباوع بعيني افتر كعد بمكانة واخذ الحاسبة بحضنه خفت اسأل شي.

كمت من مكاني رجعت الملابس للكنتور افتر بالغرفة بــــس أريـــــد شي التهي بيه وكفت يم الميز باوعتله

::- بــــسام

- رفع راسة وعيونه الحمر
::- ابوك جوا؟

::- لا طلع

::- راح انزل يم الحجيه تريد شي؟

- دنك وهز راسة لا عفته ونزلت فتحت باب غرفة الحجيه لمحتها كاعده بــــس من دخلت غمضت عيونها بقيت مركزه اشوف دموعها على خدها طلعت وسديت الباب عقلي قفل شجاي يصير

.صعدت أريـــــد اجيب تليفوني

اول مافتحت الغرفة شهكت اوكفت مصدومه
چان نازع القميص اواكف كدام الكنتور يدور ملابس
ظهره عباره عن اثار ضرب مشطب احمر واثار قديمه دار عليه مصدوم رجعت ليوره وهو ركض
جراني من ايدي للغرفة دفعني على الحايط ساد حلكي بأيده ويحجي مرتبك

::- مال تدريب جان عدنا تدريب جنااا نتدرب ..
اثار التدريب غـــــدير اثار التدريب

::- نزلن دموعي اهز براسي اااي بــــس أريـــــد اشيل أيــــدة من حلكي  وخــــر أيــــدة وبسرعه ركض لبس قميص ويحجي

::- عدنا واجبات ولازم نتدرب وهيج يضربونا علمود الواجب.

- سد القميص ودار عينه عليه بلع ريك وجر نفس بقوة. دنكت امسح بدموعي
.

نــــهله ::- كملنا كلشي السفر اسمر وزوجته الي ادريــــــس متخبل منها حتى قبل لا تجي يمنا

وحتى اسمر ماعاجبه ومايحجي يم ابوه يجي يمي وصاح
::- واللـــه هم ابقى وياها شهر واطلك

::- اسكت بلا اسمر بطل سوالفك

::- وعلي ما ابقى وياها

::- ترا اكول الابوك

::- گليله شنو اخاف منه

::- ادرررريس

.بــــس صيحت نزل اسمر من الكاونتر صاح
::- شبيج خاله

- ابتسمت ::- اعقل باجر تسافرون وانتَ تصيح اطلك

::- ما اطيقها

::- تورطت بعد لكل حادث حديث لا تبقى تگول اطلك ومدري شنو اسكت

سكت وطلع من المطبخ طفيت الطباخ صبيت چاي واخذته المكتبة اول مافتحت الباب ابتسم

::- كل شوية راويني وجهج حتى انسه تعبي

- ابـــــتسمت وتقدمت خليت الچاي يـــــمة وكعدت گدامه
::- ههههه شبيك تضحك

::- احبج

- دنكت مبتسمه لازمه ايد بأيد

::-  عازمج على عشا

- باوعتله عاكده حاجبي ::- كلنا؟

::- لا بس انا وياج

::- وجهالنا

::- كلت السمر تجي تبقى يمهم

::- لا على بختك توكعني بالسان سمر

::- هههههه تگول شنو بابا ماصار بيبي كتلها بعدنا على البر

- فتحت عيني خازرته ::- ليش تحجيلها

::- تلح أريـــــد اخلص منه السانها

::- هسه تجي تاكل گـــــلبي .

::- تگول دعوفها اشايف بيها راسها مخسف

::- ياااا عليه

::- اي ولعباس واذا تردين اسمعج المكالمة مسجلها

::- ايا ادبسز يا سمر

::- وتكلي واللـــه يمي مره ارمله تخبل واصغر من نــــهله هــــا وبعد ماتحترمج من تخابرني تكول نــــهله ويمج تگول خاله

- جاي اجاوبه وسمعنا صوتها تصيح

::- وينج خالتووو

- ضحك ادريــــــس كمت من مكاني طلعت من الغرفة تقدمت تباوسني وتحجي باذني

::- جايه وجايبه الشر وياي

- ضحكت كرصتها من زندها طلع اسمر من الغرفة صاح عليها

::- هــــا الخايسه

- فاتت من يمي تحجي همس ::- هلا  بالمضحكة

- وراحت باوسته اجه ادريــــــس وكف اباب الغرفة مكتف ايديه رفعت ايديها وتصيح

::- يـــــمة صدقة يـــــمة فدوه يـــــمة يفدنك الماينطنك

- ضحك ادريس وهي راحت تباوسه وتلزم بوجهه وتصيح

::- يا تؤبر البي شو حلو

ادريــــــس ::- لا تتلوگين بابا

سمر ::- دوخر مو صوجك مدري شلون خاله تباوع بوجهك

نــــهله ::- ضحكنا ثنينا وهي لزمتها تحشيش. اجت يمي للمطبخ كالت

::- بابا يگلي شوفيلي مره ما أريـــــد نــــهله راسها مخسف

::- هسه اخسف راسة صبري

::- شوفي خاله اكلج من الاخير

::- كولي ست سمر

::- اني بنيه تريد اخو أريـــــد نونو بيبي ترا طولتوها وسويتوها بدون ملح

::- ما تخلفين انتِ

::- ايعع استغفرلله اني افكر اذا قررت اخلف انطيه الج تربينه ومن يكبر ترجعينه الي

- ضحكت وياها شوية تحشش شوية تحجي بجديه تكعد وياي وتسوي كبب وكليجة تونسني .

يتبــــــع⋆𓍯

الكــــاتبة أيـــــــلول⋆𓄼𓂁

💚🌿.

.