رواية أجرام مستباح لثلاث ندبات الفصل الخامس والعشرون 25 - بقلم الكاتبــة ايلول

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

مثل أثار چوية طفل فوگ الأيد
هلگد ذكرياتكم طابعة أبالي !

𓄼𓂁𓄼𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

غـــــدير - فكيت عيني كلها
::- وين يجي

::- هنا لعد وين

::- صدك تحجين

:- اي والكفل زينب

:- حلفت تضحك واني ضحكت لان هاي بــــس عـــــلي يحلف هيج وهي اخذها الواهس تحلف مثلة

::- ولج استحي شسوي شحجي وعمه وعمو ادريــــــس عيب منهم

::- يدرون هههههه عادي بعد صار زوجج هسه من تكعدون وتسولفون تتعودون على بعض شوية شوية تحسينة نفسج وروحج ومابينكم حواجز

- رفعتلها حاجبي اعوج بحلكي واهز بايدي اعيب عليها
::- عود هي مخطوبة قبلي وتعلمني امشي روحـــــي كل ما يجي عـــــلي تتخربطين من التوتر

::- ههههههه لا مو توتر بــــس احس بكل مرة اشوفة يترس گـــــلبي عشك كل  ما نلتقي احبة اكثر واكثر بكل بوسة بكل لمسة ياخذ. روحـــــي ويمزجها بروحة

::- هــــا فطيم لمسات وبوسات من وراي شو ما شفت

:- احجيلي واحجيلج ههههههه

:- شحجيليج ولج..
غمزتلي ترفع بحاجبها

::- من لبسج الحلقة شحجة وياج ومن رحنا نصور خلصتوها مشاور شسولفتوا .

- ضحكت حيل. ::- من لبسني الحلقة يكلي هاي عمتي وهاي مرة عمي
ومن صورنة يغلط عليج وعلى عـــــلي واللـــه شبعكم سب وغلط لان لبستونا نفس لبسكم

ضحكنا اني وياها مافتحت التسريحة ولا مسحت المكياج. بقينا بالغرفة لمن اجو واجت سمر كالت

::- تكول خالة خلي يطلعن

غـــــدير ::- ابوج وين استحي منه

:- نزل جوا واللـــه گـــــال الخالة خاف تنحرج مني رايح جوا

:- رشيت عطر. وخليت شال فوگ شعري هستوني فتحت الباب وصارت عــــمة بوجهي سوتلي بايدها

::-  ارجعي ارجعي ...عـــــلي وياه البسي شالج عدل

::- مافاتحة التسريحة وما اريدها تخرب أريـــــد اصور بعد.

::- لعد تردين تطلعين كدام عـــــلي هيج شعرج وركبتج المن مخليتة على راسج بعد يـــــمة فكري عـــــلي لا اخوج ولا من محارمج

فــــــاطمة ::- اني راح اخذ عـــــلي ونطلع بالكعده وانتِ فوتي يم بــــسام

غـــــدير ::- سكتت مدنكة ، زودتها لان اول ماخلص العقد هي كالتلي يله روحـــــي صوري حتى تسبحين وتصلين واطلبي من رب العالمين يسهلج حياتج بس ماسمعت كلمتها.
ابتسمتلي ومدت ايدها تعدل كذلتي الطالعة من الشال

::- يله روحـــــي الخطيبج

- هزيت راسي اي وفتت كدامها فتحت الباب مرتبكة كاعد والتليفون بأيده من فتت رفع راسة باوعلي وابتسم

:- نعست يمعوده وين صرتي تعالي

- ابتعد على جهه وسوالي مكان يـــــمة. تقربت كعدت وهو عدل كعدتة طبك رجلية حتى يصير مقابيلي
شال الكوشة من القنفة خلاها بحضنة واني بــــس ساكتة مدري شحجي

:- شنسولف؟

- سألني بضحك رفعت عيني بعينة مدري شبيه تنرفزت على شنو ما ادري من التوتر رفعت اكتافي ما ادري ضحك وكال

:- معقولة ماتدرين لعد ما سألتي فطيم

:- اجيبلك من الكيكة....
سألتة عيني بعينة بلع ريك يباوعلي ودنكنة ثنينا من دك تليفونة مخلية بصف رجلية بيني وبينة دك گـــــلبي حيل من قريت الاسم
بتول
اسم طليقتة رفعت عيني اباوعلة ارتبك سد الاتصال دنكت عيني اكل بشفتي هاي بدايتها هيج بدايتها

همست واني مدنكة
::- ليش الهسه تتصل عليك؟

بقى ساكت التفتت عليه اتصنع انو ما مهتمة وانا نار صارت بكلبي
::- الي الحق اعرف ليش طليقتك تتصل عليك؟

رفع راسة باوعلي جر نفس ورفع أيــــدة يمسح على شعرة

:- تصدكين اذا اكلج ما مجاوبها هي البارحة اتصلت وماجاوبت وهاي ثاني اتصال

:- لا ما اصدك شنو اليثبت اذا عندكم شي وحابين ترجعون كلي انسحب من هسه بعدنا
بالبداية مثل مادخلنا بالمعروف نطلع بالمعروف
انا ما مستعدة كل يومين تصير مشكلة واحرك اعصابي بسبب اتصال ورقم

حجيت كلشي بصورة سريعة ودنكت اجر نفس

::- عندج بروش

:- رفعت عيني مافاهمة شفتة طلع التليفون من الكفر هزيت راسي لا
مد أيــــدة على شعري بعد الشال وسحب ماشة باوعلها وكال

::- ماتصير روحـــــي جيبي بروش

:- طلعت من يـــــمة لكيت سمر تكنس بالصالة اخذت بروش منها ورجعت يـــــمة واني واكفة رفعت ايدي اله
::- هذا

::- اي تعالي

- دك بايده على مكان بصفة الكنت كاعده بية تقربت كعدت اخذ البروش من ايدي طلع السيمكارت طبكها وكسرها خلاها بالنفاضة

::- رضيتي هسه؟

:- راح تبقى بدون رقم؟

::- لا عندي رقمين رقم الاهلي ورقم للدوام
ماعدها رقمي الثاني

:- العندي يا رقم؟

سكت ومسح وجــــهة كام مايباوعلي دنكت ساكتة وين يله گـــــال

:- رقم الدوام العندج الكسرتة ما منطية بــــس القرايبي شوفي غـــــدير

::-هــــا ..
رفعت راسي اله عدل كعدتة تقرب اكثر ومد أيــــدة يحضن ايدية البحضني ويمسح عليهن باصابعة

::- الفات كله ماضي انتِ تكولين انا ما مستعده يومية احرك اعصابي بسبب اتصال لو رقم
شوفي انا بدون ما ارتبط ماعندي علاقات وسوالف وعمري كله مسولف بــــس ويا ثنين
وتليفوني عادي يبقى يمج وتشوفين بعينج

- سحبت ايدي من بين ايديه رفعت شعري من وجهي مرتبكة وهو يباوع بعيني رجعت سألتة

::- منو الاثنين الحاجي وياهن؟

::- بتول اول ما عقدنا والثانية بت عمتي

:- بت عمتك؟  يعني تحبها شنو
ضحك. وانا الوب كمت

::- معزة اخت مو اكثر شوفي مــــحد من ولد اعمامي يحبني من الطفولة يكرهوني بــــس هي جانت صديقتي والي ذكريات وياها بــــس ثقي بالله حاسبها اخت وحتى متزوجة وعدها اطفال يسموني خالو وزوجها صديقي ويعرف بعلاقتنا وخوتنا

:- هزيت راسي اي رجع ظهرة على القنفة وفتح تليفونة گـــــال

::- تعالي شوفي البارحة شتكول

- باوعتلة ساكتة وهو رافع أيــــدة مادها فوك القنفة تقربت راسا لف أيــــدة عليه وقربني الصدرة اكثر توترت ارجف فتح المحادثة طلعت بــــس رقم گـــــال

::- هاي لان كسرت السيمكارت راحت الاسماء

هو يحجي واني بــــس جامده وكلبي يريد يطلع من مكانة
مشة بالمحادثة الحد كلمة
::- هــــا بسيم لان اني مريضة خطبت

:- عمي ما اريدج تحضرين فكر تطيرين البنية

- مدري شحجت هي طفر الرسائل بسرعة الحد رسالة كاتبتلة

::- واللـــه وداعت جهالي فرحانتلك من كل گـــــلبي الله يسعدكم ويهنيكم انسه هذيج وابدي حياة جديدة ويارب البنية تطلع حبابة وتستاهلك

- وهو كاتبلها
::- حبابة كلش خاف اني الما استاهلها

:- لا هنيالها بيك اكو منك انـــتَ؟

- ضاحكين وسألتة على امه غمضت عيني حيل ارتبكت من أيــــدة التمسح على كتفي وايدي العلى صدرة

:- نتصل عليها؟

:- احم ما ادري بكيفك ...
رجعت دنكت وجــــهة كلش قريب من وجهي اتصل عليها كامره بسرعة جاوبتة وهي تلف بالحجاب على شعرها. وتسب بجهالها

::- ياهي هاي ...يا خطيبتك يـــــمة فدووه شلونج حبيبتي

::- هلو الحمدلله انتِ شلونج

:- حبيبتي فدوه ....ابن الزززززفت طفي الززززززفت .......حبيبتي فدوه الوجهج شحلاتج

- سكتت مصدومة هي تحجي بصوت ناعم وتعيط على جهالها بصوت عالي من يمي خفت وبسام صدرة يهتز يضحك عليها.

::- ما تدزولي صور خطوبتكم اشوفهن

بــــسام ::- لا اذا تردين من تجين نراويج

::- هــــا بــــسام هيج صارت وبعدين شعندك منومها بحضنك من هسه ادبسزز عوف البنية

::- شعليييج ليش تحشرين روحــــــج

رقية ::- شوفي حبي سوالفه كلهن يمي شكد مصادق بنات وين راح وين اجة شتــــردين احركلج

غـــــدير::- ابتسمتلها وعاطو جهالها نزلت عليهم عياط وسب وتركض وراهم بــــسام ضحك وسد التليفون حاولت ابتعد بــــس ما رخة أيــــدة

::- بله عوفي شالج ماشفتج عدل

- سحب الشال كله ومد أيــــدة يعدل شعري احس خدودي راح ينفجرن نزل أيــــدة من شعري الخدي يمسح عليه واني بــــس مدنكه واعصر باصابيعي

::- شنو جان لون شعرج قبل لا تصبغينة؟

- رفعت وجهي عيونة تفتر ابين ملامحي
::- نفس الون تمري بــــس جددتة

::- تخبلين

- حجاها وهستوه يقرب وجهه اندك الباب دفعت أيــــدة وكمت فازة وهو عدل كعدتة يمسح بوجهه فتحت الباب اخذت الصينيةة من سمر مخلية تليفوني وياها غمزتلي

::- خاف تردين تصورين شي

:- ابتسمتلها وفتت خليت الصينية على الطبلة كدامة بــــس رفعت راسي اله أريـــــد اكله اكل
مد أيــــدة  وسحبني من ايدي الحضنة شهكت مصدومة مجلبة بية رفع وجهي من حنجي وباسني غمضت عيني ارجف ابتعد كصتة على كصتي وصدرة يصعد وينزل بقوة

::- ما أريـــــد االكيك اتحلى بشفايفج"

- كل جسمي تبند سحبت أيــــدة أريـــــد ابتعد ماخلاني رجع تقرب

::- بعدين تكولين ماعشنا فترة خطوبة أريـــــد اسحب خجلج مني من هسه لان كل المدة البينا اسبوعين ونزوج لا تضيعين هل ايام بالخجل تعودي عليه وعيشي كل لحظة بمشاعرها شنو التردينة كوليه لا تستحين مني صارحيني بكلشي وناقشيني بالشي التحبينة ...تحبين تصورين مو؟  تردين نصور؟

::- هزيت راسي لا ...
مسح شفايفي باصابعة

::- غدورة باوعيلي

:- رفعت عيني اباوعلة برطمت مدري شبية سحبني الصدرة حضني يضحك

::- راح تبجين شبيج صدمتج موو؟؟ يله بعد ما اعيدها قبل لا ابوسج اكلج غدورة تحضري !!

- ضحكت وجهي بصدرة وامسح بعيوني احس وجهي تليص وخرني من صدرة يباوعلي ويضحك

::- هاي شسويتي بعيونج؟

:- صددك تصخمت مو؟

:- ونوب منا الحمرة وصلتها الحنجج والكحل وصل الخشمج شنو تضحكين عليه انتِ جنتي شحلاتج وهسه صرتي بانده محمرة

::- لا عليك الله صدك.
كمت وكفت امسح جوا شفتي ضحك وجر ايدي رجعني كعدني يـــــمة

::- لا اتشاقة بــــس منا شوية حمره تعالي انا امسحها

- اخذ طرف الشال ضميت شفتي الداخل حلكي رافعة راسي وهو مسح نهاية شفتي

::- هــــا وعيوني

::- اجذب عليج مابيهن شي عيونج

:- باوع اي صح اني احب اصور كلشي
.ابتسم يعدل بملابسة

::- نطيني تليفونج تعالي

- نطيتة اله وتقربت يـــــمة عبر أيــــدة يحضني ورفع التليفون يصور ويخرب الصور متقصد لو قبل لا اباوع للصورة لو جاي احجي لو هو يدور وجــــهة وخرت من حضنة

::- ما أريـــــد بعد بطلت

::- لا لا يله هاي اخر مره راح اكعد عاقل

- رجعت اله اخذنا صور گـــــال

::- يله كـــــافي احتر العصير

- مد أيــــدة يريد يلزم الجطل وياكل كيك ابـــــتسمت وحجيت
::- مو تكول ما أريـــــد كيك

-  اني هيج حجيتها مالي قصد بشي بــــس لان هو من البداية گـــــال ما أريـــــد ضحك رافع حاجبة

::- كتلج اذا ما اتحلى بكيك اتحلى بشفايفج وانتِ ماقبلتي رجعت للكيكة

::- ما قبلتتتت؟؟
عافهن ورجع ليورة يضحك

::- تقبلين؟؟ تعالي يله ما أريـــــد الكيك

:- لاا بــــس قصدي يعني

:- بستج مو؟

::- اي

::- وحـــدة ماتوكل خبز

::- ابـــــتسمت منحرجة ودنكت عيني گـــــال

::- بــــس واللـــه عسل

:- بــــسام شو طلعت مدري شلونك جنت مؤدب

ضحك حيل ومد أيــــدة يكرص خشمي

::- جنتي غريبة حرام وما الي حق احجي وياج اي كلمة زايده بــــس هسه بينا عقد يعني مرتي اتمنى ما اخيب ظنج بيه وماتندمين .

:- باوعتلة ساكتة ابتسم اكل كيكة وغص بيها مثل التذكر شي حتى ملامحه تغيرت يفرك بآيدية واحاجية يبتسم مجاملة. ترخص وراح طلع عـــــلي وراه ضجت حيل من تصرفة جنا نضحك وفجأة گلب

من جاي انام اكلب بالصور وين  يله دز رسالة
:- غـــــدير

- راسا كتبتلة ::- هاا

:- راح ادزلج رسالة من رقمي الجديد سجلية

وصلتني رسالة من رقم سجلتة ودزيتلة
::- تمام سجلت

:- فتحها وبقى ساكت دقيقتين مرن ودز قلب نوب شلون لون اصفر تمنيت اكدر اغمه واغم قلبة الدازة  طفيت التليفون ولفيت راسي گـــــلبي يوجعني ماعرف شخصيتة ما اعرف تصرفاتة المتناقضة ولا الكالها تفسير ركضت وره گـــــلبي والخوف من الندم عدم فرحتي وعيشني بقلق..
......

نــــهله::-  مــــحد خايف من خطوبة غـــــدير گدي اتوتر وحجي ادريــــــس يطمني دخلت الغرفتهن شفتهن نايمات بــــس سمر كاعده

::- اليوم حلوتنا سهرانا شعندج...
ماجاوبتني عرفتها تبجي دخلت  وكعدت يمها كعدت عدل تمسح بدموعها

::- شبيج سمر

::- مشتاقتله بــــس ما اكدر انسه ما أريـــــد اسامح ويرجع يعيد السواه

::- ما كو انسان معصوم من الخطأ
فكري زين ارفضي ترجعين مرة مرتين نوب ليني

::- خيولي واللـــه اتطلك منه وازوج مطيرجي افضل من جهرتة بــــس لو اعرف اني شلون حبيتة خاله راسة مصفح جنة كلانديزر

::- هههههه شبيه ولج بــــس تصالحون تشوفينة بــــس هو وبس

::- ااي بــــس ضايجة منه هسه احس نفـــــسي مختنگة واللـــه ما مرتاحة

::- سمر اكلج شي وماتزعلين مني ولو ما احبج وحاسبتج بنتي ما احجي
انتِ ليش ماجاي تصلين؟

دنكت ساكتة
::- سولفيلي شنو مشكلتج ليش تعوفين صلاتج كل سبب ومانع نلكاله حل

::- ماكو سبب بــــس كمت اتكاسل عنها اتعاجز وماراضية على نفـــــسي ضميري يأنبي واوصل مرات ابجي لان اتعاجز من صلاتي واكوم اصلي واحلف بعد ما اتركها. يـــــوم يومين وارجع اترك

:- تعرفين شنو فضائل الصلاة

::- لا

::- عادي نسولف شوية عن فضائلها وعاقبة تاركها لو تردين تنامين لو ماتردين تناقشين بكيفج

::- لا احجي  ياريت واكوم اصلي وما اتركها بعد

::- نجي اول شي فضائل الصلاة

اولآ نور للمسلم يـــــوم القيامة
تمحو الخطايا وتطهر النفس من الذنوب
لان في الصلاة يغفر الله تعالى للعبد
افضل الاعمال بعد شهادة لا اله الا الله
هي الصلاة
يرفع الله تعالى درجة العباد بالصلاة
تدخل الصلاة المسلم الجنة
يعني لا تتوقعين انسان مسالم ومؤمن بــــس مايصلي يدخل الجنة.
.تعد رابطآ بين العبد والخالق
تهذب النفس
عند صلاة العبد تصلي عليه الملائكة حتى يكمل صلاتة

سمر ::- ليش مايدخل الجنة اذا اني ما مأذية بشر ولا مسوية شي غلط بــــس صلاة ماكدرت التزم بيها مو يكولون الاعمال بالنيات اني اصوم واخاف ربي وماشية بالطريق الصح بــــس على الصلاة ما ادخل الجنة؟
مو اكو حديث يگول لا يدخل النار من كان في قلبه مثقال ذرة من إيمان

::- اها حلو جاي تدافعين وتناقشين لان تردين الجنة

الفاصل بين الايمان والكفر هي الصلاة
اذا انـــتَ ماتصلي شلون؟؟

لان الايمان قول وفعل مو مجرد كلام
تارك الصلاة مابقى عنده ايمان صحيح
يعصمة من دخول النار

اما اذا تصلي وارتكبت كذا ذنب هل من الممكن ينغفر ؟؟
اي ممكن لان الله غفور رحيم

الحد هنا تمام

::- اي تمام كملي

::- الذنب ممكن ينغفر زين اذا مؤمن  وتارك الصلاة ليش اذا تاب ورجع الصلاتة لازم يقضي التركهن اذا كانت ايام او اشهر او سنين لازم يقضيهن كلهن ...

لان الصلاة ماينغفر تركها لو شما تسوين

::- صخام بوجهي شلون بيه سنين تاركة اني

::- كلهن تكدرين تقضينهن. اذا حبيتي وردتي الصلاة

::- وبعد شنو عاقبة تارك الصلاة

::- بالدنيا رب العالمين يعاقبة
1-تنتزع البركة من عمرة
2-تمحي سمة الصالحين من وجهه
3-لايرفع له دعاء الى السماء
4-ليس له نصيب من دعاء الصالحين
5- اي عمل يعمل لايؤجر عليه

هاي العقوبة في الدنيا اما العقوبة في القبر
1- يضيق عليه قبرة حتى تختلط اضلعة
2- يوقد عليه النار ويقلب على الجمر نهارا وليلا
3- يسلط علية ثعبان اسمه شجاع الاقرع يعذبة على عدد ترك الصلاة

والعقوبة عند الموت
1- يموت جائعا وعطشانآ ولو سقى
2- يموت ذليلا .

اما العقوبة يـــــوم القيامة
.يحشر في جهنم اسود الوجهه
وله عذاب شديد

:- باوعي جسمي كله قشعر

:- رب العالمين رحيم بعبادة وينطي فرص لا تعد ولا تحصى بــــس العباد طماعة تستغل وجودها بالدنيا وتعدد الفرص وتستهان باعظم شي هي الصلاة

كلشي بحياتج يتمحور عن الصلاة
الخنكة التحسين بيها الضيق كلهن لان تاركة الصلاة اكو اية تگول

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى {طه}

كلشي مذكور بالقران اقري دائما وراح تحبين الصلاة وتتمنيين لو يخلص كل يومج وانتِ بــــس تصلين

.جرت ايدي من حظني باستها ودموعها تصب

سمر::- شلون اجازيج خالة  حسدت اخواني من شفتهم ملتزمين بصلاتهم تمنيت ارجع صغيرة وانتِ تربيني

- رفعت راسها مسحت دموعها مبتسمة يله كومي توضي وصلي من هسه وكل يـــــوم اقضي للصلاة الفايتج

.هزت راسها قابلة وكامت وياي هي راحت تتوضى واني فتت للغرفة.

تحسرت واني بالباب من شفتة ماكو بالغرفة يعني هاي هي. بعده عند موقفة ويريد يكون وحـــدة براحتة شفتة حتى فراشة ما ماخذة
ولا اخذتة اله وكفت اصلي صلاة الليــــل ودعيت الجمره صار يومين ما محاجيتها
مرات اكعد الكه رسالة صوتية مرات هي التحجي مرات زوجها ومن اكلهم اريد صور يتحججون

كملت صلاتي وكمت تمددت احس طك گـــــلبي عليها أريـــــد اتصل بــــس الوقت متأخر حيل واذا اتصلت احجيلها على خطوبة غـــــدير لو لا
مسحت وجهي محتارة

أريـــــد بنيتــــي تجي حتى لو تعرف اني متزوجة بــــس كون تجي وارجع اشوفها ماكدرت امنع نفـــــسي اتصلت عليها. بسرعة جاوب زوجها حجيت وياها سمعت شقاهم ضحكت الضحكتها واهمس بصوت ناصي

::- لا تغلطين عليه عيب ماما زوجج
::- خيولي اطيح حظة واللـــه

:- ابتسم اسمعة يكلها اضحكي اضحكي الجذابة وهي ساعة تضحك ساعة تغلط علية ماطولت سلمت عليها وسديت الخط ماكتلها شي

باوعت لفراش ادريــــــس ردت اكوم اخذة اله
هسه يگول مكيفة انام بالمكتب
اذا يريد هو ياخذة طفيت الضوة احاول انام وماكدر اتگلب بفراشي رغم التعب ماكدرت اغفى هدأت وغمضت من فتح الباب افتر بالغرفة شوية فتحت عيني المحه بدل ملابسة خلاهم بالسلة واجة للجرباية. تمدد

عدل مخدنة وسحب الغطا بقيت هادئة رفع المخده البلنص شمرهــــا ومد ايده سحبني من ايدي

::- تعالي

- مد أيــــدة جوه راسي واخذني الحضنة يبوس براسي بحسرة واني بــــس جامدة حرت وياه
لميت نفـــــسي بحضنة حيل وحجيت بعتب

::- مو ابتعدت ليش رجعت لعب هي ادريــــــس؟

- باس كصتي وضمني حيل
::- اذا اعوف حضنج وانام وحدي حتى الله مايغفرلي ذنبي

:- لا تعيشني بتناقض يـــــوم قريب ويوم بعيد تأذيني وانا ماعايزة وجع گلب

::- عساني ماشميت الهوا لو اذيتج بشي بــــس نــــهله اكلج شي

- رفعت راسي أريـــــد ابتعد ماخلاني
::- ابقي
:- احجي

- انا رايدج. اعرف هسه حسبالج مجرد شهوة وطمعان بيج لان زوجتي بــــس يشهد عليه ربي

اعشگج من كل روحـــــي "

شلون وشوكت ما ادري كل الاعرفة
روحـــــي ما والمتها غير روحــــــج "

لا اطلب منج تحبيني ولا اطلب نغير اتفاقنا
ولا اجبرج على اي موضوع شي واحد اريده. 

لا تخنسين. حاجيني و كافي ترجفين دكات گلبج هزن گلبي "

مو احاجيج نــــهله

:- بلعت ريك جسمي كله يهتز وصوتي راح كوه نطقت
:- همم
:- شغلة وحـــدة اريدها
:- شنو
::- كل يـــــوم انا الاخذج الصدري وحضني  بــــس اوعديني يـــــوم التحسين نفسج رايدتني كد ما انا رايدج ومستعدة تدخلين فراشي تجين الصدري انتِ بــــس هل أشارة اريدها منج. ما انتظر غير شي اشارة وحـــدة متفقين؟

- خنست ساكتة متقيده الساني نربط
:- لا ترجفين ذبحتيني متفقين؟

:- هزيت راسي اي وانا بحضنة. رخة أيــــدة ساكت وهادئ امنت وغفيت ...

جــــمرة ::- دائما من افكر بامي يجي الأبـــــهر يكلي تعالي اتصلي عليها وقبل لا اتصل يكعد ساعة يسولف اضحكي فرحيها لاتخلينها تفكر بيج
رغم ادري بيه يضحك عليه بهل حجي ويسطر جذب عليها بــــس قبلت بيه حتى ما اعيشها بقلق ..كعدت افكر بيها ومنتظرتة يرجع حتى اخابرها ..

طول حيل يله اجة اول مافتح الباب كتلة
::- صورتهم

:- ما اهتملي كعد على حيلة بالباب نزع حذائة وفتح الشاش من اصابعة يرجفن جانن ومكان الاظافر ملتهب

ابتعدت عنه ساكتة حيل  موجوع يسب ويفشر بصوت ناصي عود مايريد اسمع واني سمعتهن كلهن ..غلط غلطة سخيفة كلش ورفع عينة باوعلي گــال

::- سمعتيني؟

- هزيت راسي اي ..رفع حاجبة
::- شكلت؟

- عدت الكلمة الكالها فك عينة ونتر
::- لااا تلفظينها بعد

::- درووح
::- مو صوجج صوجي انا كلب واغلط يمج

::- همزين تعرف نفسك ...
رفع عينة خزرني هزيت ايدي

::- كل عقلك اني اخاف من خزرتك
انـــتَ كلك ما اخاف منك تريد اخاف من عيونك

رخت ملامحة ونرفع شاربة مبتسم رفع راسة باوعلي
::- شبيهن عيوني ليش مايخوفن

::- حاجبك نازل عليهن مضيعهن

::- تعالي كوميني عوفي حاجبي

:- مشيت يـــــمة سحبت أيــــدة اخذتة لفراشي كعد وماد رجلية حيل متأذيات. بقيت واكفة اباوعلهن مد أيــــدة بجيب البنطلون طلع تليفون

::- تعالي شوفي

- كعدت بصفة مبتسمة دخل على الصور
البنية صايرة تخبل تضحك وتسوي حركات واكثر من صورة الها

::- الولد وينه؟

- دار الصور هواي وطلع فيديو للولد شغلة يضحك ويحجي بصوت ناصي ويتلفت وراه
::- هلو شلونج باوعي انا زين لا تخافين علينا
عـــــمو مايعوفنا

:- دمعن عيوني شفتي ترجف الطفل تقرب للكامرة اكثر مخلي أيــــدة على حلكة يشاور
::- وشكرا لان ردتي تساعديني وتشرديني انا اعرف اسمج بــــس ما اكولة المخلوق

- باس التليفون وابتعد يضحك نسد التصوير
وانا گـــــلبي يرف مدري شبيه اجه ابالي مصطفى وبجيت من كل گـــــلبي ابجي بصوت عالي وهو يجر ايدي من وجهي ويحجي

::- شبيج جــــمرة صدك تحجين شبييج
لا تبجين خرب .........

- جريت ايدي منه وتمددت مغطية وجهي ودموعي تصب

::- بــــس فهميني شبيج. يمعوده خرب بالساعة الصورتهم بيها

- فزيت اشهك من صيح بصوت عالي موجوع
مغمض عينة ويصيح كعدت امسح بعيوني واباوعله ماعرف شبية

::- شكو أبــــــهر شبيك

:- وهو يتلوى وياشر على رجلية واني كلشي مافاهمة. بــــس الزم بأيده واكله شكو

::- رجلي جــــمرة اصاابعي

- درت عيني الرجلية شفت اصابعة مطبوكات ليجوا متشنجات كلهن شلون اعصرهن ولأظافرة مشلعة الچمهن بــــس الزمهن

اعصر فوك اصابعة وافركهن وهو انتهى من الوجع شاط شوية شوية رخت الاعصاب وفكن تمدد ساكت بقيت افرك برجلة واباوعلها مضروبة من كل مكان.

عفتهن من شفتة مغمض عينة زحفت على اركبي تقربت يم راسة
::- هــــا أبــــــهر

-وخر أيــــدة وفتح عينة تعبان بــــس يرمش بجفنة خليت ايدي على خده رجع غمض
::- شبيك؟

-سحب المخده جوا راسة ومد أيــــدة
:-تعالي

:- تمددت بحضنه حاضنتة من خصرة وهم ضامني بثنين ايدية
::-سابحة؟
:-اي
:- عفية

- جمرة اسألج شي
:-اي
:- مرات افوت للحمام واليف بليفتج وانتِ تفوتين وراي ومن تطلعين ارجع ادخل ما غاسلة بيها وبعد ماتغسلين بيها الا اشتري جديدة ليش؟

:- انـــتَ ليش تغسل بليفتي مو عندك نوب الكاهن ثنيهن مبللات

:- واذا. شنو يعني ليش ماتليفين بيها

::- غير تلعب نفـــــسي
سكت شوية يحرك حنجة على راسي

::-تلعب نفسج من جسمي؟؟

:-قصدك يعني لان بيه اثار وهاي؟

::- اي
:-لا حتى لو جان جسمك مابيه شي

:-ليش دائما احسج لعبانة نفسج مني
:-لا
:- كليلي اذا تلعب نفسج حتى القميص ما انزعة كدامج بعد بــــس لا تخليني اشوف نظرتج وانتِ متقززة مني اموت

- كعدت على حيلي اباوعلة وهو متمدد كوه فاك عينة فعلا اني ما تلعب نفـــــسي منه بــــس اضوج من يحس بشي وهو ماكو

مديت ايدي على نهاية القميص بسرعة لزم ايدي

::- شجاي تسوي

:- معليك وخــــر

- دفعت أيــــدة وفتحت الدكم رجع راسة للمخده يغمض ويرجع يباوعلي. كعد عدل نزع القميص والفانيلة ورجع تمدد

خليت ايدي على الجروح البطنة امسح عليهن جرح جرح واباوع الوجهه الينعصر

:- صح اكرهك وصح اتمنى تنسجن بــــس اعرف سبب هل جروح بكد ما اذن جسمك يأذن گـــــلبي أبــــــهر واللـــه اني مو حقيرة انـــتَ حسبالك اني احقر انسان بــــس واللـــه گـــــلبي على كلشي يوجعني روحـــــي تروح من اشوف هاي الاثار،

تكلي متقززة منهن وهاي ثاني مرة تكولها بــــس اني ما متقززة انا روحـــــي تبقى توجعني من اشوفهن واتخيل متحمل كل هذا الخاطر اخوانك

مسحت عيوني وكمت طفيت الضوة نزعت التشيرت الابستة .. ما ادري شنو بعقلي بــــس گـــــلبي يريد يقنعة انا ماتلعب نفـــــسي من اثار جروحة رفعت الغطا وتمددت على صدرة شهك يلزم بزندي

:- جــــمررررة

:- لو تلعب نفـــــسي مستحيل اخلي جسمي يطخ جسمك بعد لاتكلي تتقززين مني

::- تموتيني هيج جــــمرة

-سكتت صافنة بالسويتة. رفعت راسي أريـــــد اوخر

::- ابقي

:-وخر

:-بغلات امج ابقي بــــس هيج

:-ايدك اذا حركتها ادفرك

:- ما احركها بــــس لا توخرين ابقي هيج

- سكتت منحرجة ما ادري شلون سويت هيج وهو هادئ حييل

::- ليش طفيتي الضوة

::- لعد قابل اخليك تشوفني بدون تشيرت

:-عادي بــــس بطنج قابل اشايف

::-تأدب شوية

::- جــــمرة نايمة على صدري شلون اتأدب

::- ايعع وخــــر دوم نيتي وياك صافية ونيتك خايسة ابتعدت من حضنة ادفر جريت التشيرت لبستة

::- نيتي وياج اصفى من زمزم

:- جوعــــانة كوم سويلنا اكل

- كام على حيلة شغل الضوة يباوعلي شمرت عليه قميصة

:- البس تلعب نفـــــسي

ضحك ولبس قميصة سوالنا عشا يوكلني ويحجي ويا عمر لگمة ماخلة بحلكة من حجية عرفتة يدور على درة سد الاتصال يباوعلي

::- شنو لكيتها ...؟
هز راسة لا وكام فات للحمام اكثر من ساعة مرت وهو ماطالع الحد مادكيت الباب عليه طلع عيونة حمر. ومايباوعلي دخلت للحمام ومن طلعت لكيتة فارش. ومتمدد

اني هم تمددت بفراشي بصفةة الضوة خفيف حيل بــــس كد ما مركزة وياه لمحتة يبوس بالندبات البأيدة

:- أبــــــهر

بقى ساكت مديت رجلي حركت رجلة
:- جـــــندل

::- همم

:- احجيلي عن اباذر ودره لان الصور صغار وقديمه ما مبينة

- بقى ساكت غمضت عيني ايست يحجي تقرب
يمي خلة راسة على صدري ورفع ايدي الشعرة

:- تــــدرين انا الهسه اتخيل شكلهم بعده مثل ما افترقت عنهم ما اكدر اتخيلهم كبار وشكلهم متغير بعدني اشوف درة

هذيج الطفلة الوجها دائري وخدودها جنهن تفاح
وشعرها جدايل ثنين وامي تشدلها شريط لو قماش من دشاديشها
وملابسها بدلات ام اليرة وكرشها يبين من البدلة ههه وحتى لو واحد ابتسملها تبجي وتصيح ارر
عود أبــــــهر لان السانها ثگيل وتصيح اباذر اذر

واباذر الدب مالتنا اخشن مني جان كل همه يدرس ويكعد يناقش ابوي بامور الدين امنيتة يكبر و يلبس عمامة ويكعد على منبر ههه وهسه مــــحد يدري هو مجـــرم مثلي لو اكثر مني

امنياتنا بسيطة ردنا طريق النور،بــــس الدنيا جبرتنا نمشي للظلام ..

:- تحسرت ساكتة وهو سكت فزيت وضربتة على راسة من دغ خاصرتي بايدة

:-شبيييك
رفع راسة يباوع بوجهي وخله ادية ثنينهن بخاصرتي يضحكني صرخت اضحك وادفع بايده

ابتعد من دك تليفونة
:- امج

:- كعدت على حيلي رجف گـــــلبي فتح خط
جاوبتها صوتي يرجف جاي احجي واسأل وصيحت من دغدغني الابهر

::- الارعن جاي احجي ويا امي كـــــافي

:- اضحكيي ليش تبوزين من تحاجينها الجذابة هستوج تضحكين

:-دفعت أيــــدة ضايجة جاي يجبرني اضحك ما ابتعد بقى يضحكني غلطت عليه ختمت المكالنة ويا امي وابتعدت منه

::- وخــــر من اكلك كـــــافي اذيتني يعني كافي لا تلح بــــس اشاقة وياك شوية تشلع گـــــلبي

حاجاني شكد ولا حاجيتة ولا التفتت لفيت راسي ونمت كعدني الصبح يريد يطلع سوة ريوك واني بعدني مطنكرة

كعد يمي يوكلني ويحاجيني
:- كملي ريوكج وهسه نخابرها تحاجينها وما اسويلج شي

::- جذاب اصلا تكعد يمي كلمة ماكدر احجي وياها

:- احجي التردينة اعتبريني ما موجود

- سكتتت كملت ريوك غسلت ورجعت كعدت بالغرفة اجة يمي. فتح التليفون واتصل خلصت دكة كاملة وهي ما مجاوبة وكلبي راح من الخوف سد التليفون گـــــال

::- من ارجع نخابرها

::- لاااا هسه ارجع اتصل ليش ما ردت

:- بجوز مشغولة

::- خاااابرها كتلك اكو شي والله اكو شي

- رجع اتصل ويا كل دكة خوفي يزيد بالنهاية يله نفتح الخط جمدت كلي من اجالي صوتها تبجي

::- يـــــمة مصطفى شكو مصطفى بيه شي

بجت حيل ترجف وماتعرف شتحجي

:- ييييمه شبيج حاجيني مصطفى وين

:- نوموه مستشفى ولج جــــمرة ولج يـــــمة الحكيني..

- جمدت كلي احس حتى النفس انكطع عني اخذ التليفون الأبـــــهر حاجاها. اسمع كلامهم واشهك بــــس أريـــــد اتنفس

:- شنو عــــمة شبيه مصطفى

:- ما ادري اختنك من الاربعة الفجر احنا بالمستشفى جيبلي جــــمرة انا گـــــلبي خلص

::- ان شاءالله مابيه غير العافيه

جــــمرة::- سد المكالمة وياها. يباوعلي
::- كووم وديني ديربالك تگول لا

:- امج تعرف انتِ بالنرويج وين اوديج

- مسحت عيوني عدلت كعدتي ارجف
::- مايهمني كلشي مايهمني بــــس هسه توديني الامي هسسسه

:- راح اودي عمر للمستشفى يشوف حالتة ويجي ماكدر اوديج

- حجاها وكام طلع من الغرفة ركضت وراه اغلط واسب فرفحت صرخت الحد ماراح صوتي ولا اهتم. نهد حيلي وتمددت الدمعة جامده بعيني

للعصر يله اجة وانا على نفس النومة كعد يمي غمضت عيني گـــــال

::- صار زين ومرجعينة للبيت

- عفتة وكمت للفراش يعني الحل الوحيد بيني وبينه الموت لو اكتلة لو أخـــوي يموت واني ماشايفتة

رجع اجة يمي اتصل على امي وماجاوبت وهو مكابلني ويكلي زين ورجعوا بــــس لو يموت ما اصدك رسمت بعقلي طلبوا منها فلوس عملية وهسه هي محتارة مثل قبل من احتارت بعملية بيبي

مل مني شفتة طلع فات للمطبخ حسبالة ما ادري يظم المفاتيح هناك رجع دخل يمي اخذ ملابسة وفات للحمام
اني اذا افوت للحمام اقفل الباب من جوه بــــس هو مايقفلة ويكلي لا تطلعين ترا عايف الباب مفتوح

ركضت بكل حيلي سديت الباب قفلتة واني ارجف وهو يصيح بكل صوتة

::- جمررررة لا تلعبين لج جــــمرة

::- عفتة يصيح وركضت للمطبخ ادور وارجف بــــس أريـــــد الكة المفاتيح متجاهلة صياحة علية. جوه الكاونتر لكيتهن

اخذتهن لبست واخذت فلوس من ملابسة طلعت اركض ياباب الاطلع منه اقفلة وراي كل جسمي يرجف ماعرف بيا منطقة اني

امشي واتلفت هسه يلكفني هسه وين اروح

بــــس وكفت تكسي احس جريت نفس من حركت السيارة

::- وين تردين عمي

:- انطيتة اسم منطقتنا

:- بعيد كروتها هواي

::- ميخالف ميييخالف..بــــس اخذني
طول الطريق اتلفت ما اصدك خلصت وصل للتقاطع ونزلت. اجر نفس وارجف هنا وكفت هنا جنت ابيع امشي وعيوني تفتر وراي عفت كلشي ومشيت بسرعة البيتنا هسه اشوف امي اشوف اخواني حتى لو يلزمني وراها ميخالف احجي ويا نفـــــسي الحد ماوصلت الباب بيتنا ..

يتبــــــع⋆𓍯
الكاتبة أيـــــــلول⋆𓄼𓂁 💚🌿
.