رواية أجرام مستباح لثلاث ندبات الفصل السادس والعشرون 26 - بقلم الكاتبــة ايلول

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

دون ارادتك نسبتكِ لنفسي
اتخذت منكِ نورآ لظلامي
أَخْيَلَ لكِ ان اتركك الان واسمح برحيلك؟
محالً كل مايقال
قدر ماتبتعدي بقربك تجديني
هــــا انا الأبـــــهر المظلم بجانبك
افيقي يا جمرتي المضيئة وابصري
ماتسببتي به من حروقآ لي ..

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- گـــــلبي يدك حيل وعيوني حركني من وصلت للباب الدنيا حارة واني ارجف نزل الظلام ويا الصلاة. باب بيتنا متروس كوارتين وزبايل دنكت ارجف شلتهن شمرتهن بحاوية ام حوراء. امي عايفة بابها وصخ.ليش؟؟

صعدت بايتين من الدرج ورفعت ايدي اهتز. كلي دكيت اول دكة ودنكت مغمضة واتنفس سريع اتخيللها شلون سمعت الباب وشلون. كامت لفت الحجاب على راسها حتى خطواتها تخيلت جاي اسمعهن كدما رسمت بعقلي لقائنا

هسه تفتح الباب واشمر نفـــــسي بحضنها هسه مابقى شي اجت هسه ابوسها واشمها هسه تفتح الباب وتنصدم بيه
رفعت راسي للسما متت واني انتظر كل ثانية اكول راح ينفتح الباب هاي اجت راح تفتحه.

اختنكت من طولت وما اجت رجعت دكيت الباب وتقربت اكثر عندي امل اسمع صوت خطواتها من تطلع. من الغرفة. مرة ومرتين وهي مافاتحتلي الباب. قربت حلكي للقفل واصيح

:- وينج يـــــمة افتحيلي الباب اني جمرتج

- رجعت ابتعدت ودكيت الباب من جديد وماكو اي صوت مسحت عيوني غوشن كمت ما اشوف دخت حيل كعدت شوية ورجعت وكفت بلعت ريك رفعت راسي اباوع معلية الحايط واني ماعندي طاقة واگدر اطفر

نزلت وتقربت البيت ام حوراء. دكيت الباب. بــــس اسألها اذا امي بالمستشفى البنات وين
انتظرت هواي يله طلعتلي مره ما اعرفها

::- اهلا تفضلي

- حجتها تباوع بوجهي ..رفعت ايدي مسحت عيوني وسألتها
::- منو انتِ

- صفنت بوجهي ساكتة وهزيت ايدها
::- شنو مسودنة انتِ ويلي ربي هذا حضي

::- لا لا بس اسألج ام حوراء وين

- دفعتني من ايدي وسدت الباب بوجهي جاي ارجع ادكه وسمعت صوت سيارة تمشي بسرعة. بس لمحتها دخلت للشارع. درت وجهي ومشيت بسرعة رجلي ترجف محل بالركن وكفت وراه جسمي يختض وماده بــــس عيني اباوع واحجي ويا روحـــــي

:- لكاني عرف راح اجي البيتنا هسه يلزمني وين. اروح

شفت السيارة طبكت يم بيت ونزل منها رجال بيده علاليك تنفست حيل مخلية ايدي على گـــــلبي واباوع للشارع هسه اوكف تكسي واروح للمستشفى اكيد منومينها مستشفى

هستوني أريـــــد اخطي جمدت رجلي واني افكر
هسه الكاه كدامي هو گـــــال دزيت عمر يشوف حالة اخوج يعني يلكفني يجوز الكاه منتظرني
بلعت ريك محتارة وضايعة بنص افكاري ::-ووووين اروح وووين

صيحت فاقدة مسحت وجهي وسكتت من شفت رجال يباوعلي مستغرب يمشي ويتلفت عليه
وكفت عدل ومشيت. لكيت رجلية ياخذني لدربونة الحجية ااــــخ ياوجع روحـــــي

بكل دربونة بكل شارع الي ذكرى
على هذا الحايط سندت ظهري وبجيت من تعبت
بهاي الدربونة ركضت اوكعت
هذا الشارع الما لم طفولتي لعبوا بيه كل الجهال البعمري بــــس انا جنت اشتغل

وصلت الدربونتها ظلمة بــــس كم بيت بالبداية وبالنهاية بيهن ضوة وباقي البيوت ظلمة ومابيهن اي صوت عبالك كل الدربونة مهجورة

وصلت للباب اختنگت
وينج جنت من اضعف اجي يمج تقويني
تمسحين دموعي المانزلن بــــس بحضنج
محتاجتج هسه حيل.

كعدت بباب بيتها اتنفس حيل وافرك بعيوني أريـــــد اركز واشوف عدل بــــس كل ماتمر دقيقة ادوخ اكثر. غمضت وخليت راسي على ايدية على امل تخف الدوخة مني واكدر افكر واعرف وين اروح اكثر من نص ساعة مرت كمت احس بنفس عقلي يغيب افكار قديمه تجي ماكدر افكر بحاضر

فركت وجهي وكمت انكث. بملابسي رفعت ايدية جلبت بالباب ورفعت راسي البيت اظلم وباب الغرفة. مسدود. رجعت نزلت طكيت ايد بايد انفضهن من التراب بلوكة بصف الباب جريتها. صفيتها ويا الحايط صعدت عليها وطفرت وكعت بالطارمة بعد ماكدرت اكوم كل حيل مابيه بقيت على وكعتي شكد لمن استقر نفـــــسي وهدأت يله كمت باب الغرفة خشب وبيه سرگي من جوه مجرد ارفعة وادفع الباب ينفتح شكد مسويتها من جنت اجي الها وماتفتحلي الباب والكاها متخربطة

فتحتة ودخلت ظلمة ما اشوف شي. رجعت طلعت للطارمة اهون تنشاف  من ضوه الگمر افتريت ادور على الچنج بــــس رفعته اشتغلت النقطة وگلوب الحمام فتت للغرفة شغلت ضواها ما اشتغل..رحت للحمام مايصب مي عفت بابه مفتوح وفتحت شباك الغرفة دخللها ضوة.

نفس ما هي فراشاتها ناضدتهن على خشبة وملابسها بعلاگة علاجها معلكتة بالحايط.
انتهيت حسيت راح يغمى عليه. جريت فراش نكثتة من التراب مديتة وسحبت مخاد خليتهن  ونزعت الصاية تمددت عليه وتغطيت بيها رفعت رجلية فوگ المخاد وراسي بدون مخده 
بــــس ردت ارتاح وتفك مني الدوخة

ما اعرف اذا نمت او اغمى عليه احس صوت باذني بــــس بعيد حيل نفس الاغنية دك گـــــلبي وعيوني ماينفتحن الصوت يتكرر باذني

في حزن وسع المدى
في وجع جواك عميق
لا صوت باقي ولا صدى

فتحت عيني گـــــلبي ينتفض الصوت اختفى بلعت ريك بــــس فاتحة عيني وما اشوف شي ظلمة حيل درت عيني باتجاه الشباك ماداخل منها اي ضوه

غمضت عيني رجفت كلي من رجعت الاغنية اشتغلت بصوت ناصي يم اذني. ونفسة صار برگبتي.. ماتحركت ولا نطقت أيــــدة لمت ايديه فوگ بطني وعصرهن حيل

شم رگبتي وقرب وجــــهة الاذني
::- نطيتج عين جــــمرة وين تشردين مني لو تضمين روحــــــج بين جيوش اجرج من بينهم .

- سحبت ايديه اريد ادفعة طبكهن على بطني لزمهن بقوة وثنة ركبة رجلة فوگاهن صرخت سد حلكي حيل كاتم صوتي صرخت الحد ما اختنكت أيــــدة حسيتها كسرت فكي

::- اشششش اشش صوتج اكتلج جــــمرة بايع ومخلص ماعندي شي اخسرة

- كطعت حتى النفس من خله سلاحة بوسط كصتي سكن كل جسمي بــــس الشهكة ودكات گـــــلبي ينسمع صوتهن

::- مــــحد راح يتبهذل غيرج  شكد ما هسه ضايعة اضيعج اكثر

-  سحب أيــــدة من حلكي شهكت ارجف
::- ابـــ أبــــــهر أبــــــهر

- لزم شفايفي بين اصابيعة
::- نرجع للأدمان همم؟ نرجع حتى تتأدبين

:- وخرررر وخررررر ..
دفعته وكمت بــــس أريـــــد اطلع واصرخ جراني حيل خانكني بيده ظهري بصدره

::- ويييين وييين سدي حلكج واسمعيني زين

- مجلبة بايده وارجف. سكتت اسمع الكلماتة اليحجيهن من بين اسنانة باذني

::- هاي المره سماح وفرصة اخيرة حاولي مرة الثانية تعوفين الأبـــــهر وشوفي شلون ارجعج واجيب وياج اختج هبه تونسج .

هسه تسدين حلگج مثل العاقلة وتمشين گدامي
راح اشيل ايدي من حلكج وخلي يطلع صوتج اذا مابلعتج حباية ورجعتج الايام الادمان انا مو جـــــندل

- غصيت بالنفس سحب أيــــدة من حلكي ودفعني للگاع
شغل ضوة تليفونة وداره عليه
::- كومي اوكفي

- بقيت على وكعتي ارجف ودموعي يحركن خدي

::- تحررركي

- دنك سحب ايدي حيل ودفعني للحايط شهكت موجوعة اجه عليه فاز ورجع ابتعد فركت ايدي والزم بيها

::- تعالي

- رفعت ايدي امسح بعيوني واباوعلةة
::- واللـــه اشرد واشرد واشرد ما اخاف من تهديداتك

لزم التليفون بطرف اصابيعة وطلع المخدر من جيبة. فتحت عيني وتحركت أريـــــد اشرد لزمني صرخت بكل صوتي

::- لاااااااا حبااااب لا ما اشرد ما اشررررد التوبة واللـــه التوبة

:- تطلعين مثل العاقلة تصعدين بالسيارة؟

::- اي اييي اطلع بــــس لا تخلي لا تخليلي مخدر عفيه واللـــه ما اشرد

- وخرني من أيــــدة متهسترة جنت من اتخيل ارجع اتحمل الوجع اليسببة الي المخدر اموت حيل اتأذه حيل.

دنك جر الصاية شمرها علي لبستها جر الشال
واجه لفاة على شعري جف أيــــدة جان ملفوف مداها على وجهي يمسح دموعي. سحب ايدي وطلع من الغرفة..

::- صعدي يله

::- ما اكدر اطفر

::- وشلون دخلتي طرتي. فضيها اطفري

::- ما اااكدر ما اكدر

::- تگدرين .....عمررر؟

عمر:- ابو الجود

::- ساعدها

جــــمرة ::- ما ااااطفرررر ما اكدر

سحبني من ايدي يحجي بغضب
::- وشلون اطلعج

:- مشكلتك ما اطفرررررر

:- لو اكو حل جان خدرتج وخلصت كومي

- كومني غصب طفرني الحايط وطفر هو
سحبني للسيارة ذل ذليت روحـــــي وتوسلت

::- بــــس اشوف مصطفى حتى لو من بعيد بــــس المحه گـــــلبي راح يوكف فدوه حــباب بــــس اشوف صوفي

- ولا اهتملي بــــس حركت السيارة جر راسي الصدرة ورفع الكلنس على وجهي دفررت اصرخ بــــس أريـــــد اخلص نفـــــسي. .
بمجرد تنفست. ظلمت عيوني وراح حيلي ..

.ماعرف شكد مر وقت يله بديت اصحى
من كد ماراسي يوجعني عيوني ماينفتحن
بلعومي متشخط من الصريخ ايدي من ارفعها ثگيلة وبيها شي

فتحت ابتعب رفعت ايدي كدام وجهي تنغزني غمضت ورجعت فتحت عيني أريـــــد اركز
فتحت حيل اباوع الايدي بيها كانيولا بــــس احركها توجعني كعدت على حيلي اباوع بالغرفة

الحياطين جانت بدون صبغ مبرده بداخل الغرفة. كمت وكفت اتلفت بابين بيها وثلاجة
فتحت اول باب حمام
والباب الثاني ما انفتح حديد وقوي حتى من ادك عليه ايدي توجعني.

رجعت كعدت احس اذاناتي يطلعن نار وخشمي
اباوع الملابسي مو نفسهن. حركت ايدي افتر وانغزت بالكاانيولا

جريت الاصق منها وسحبتها. نفضت دم اتلفن ملابسي
رجعت ايدي فوك مكانها بقيت عاصرتها بقوة.
سمعت مفتاح الباب يندار دخل باوعلي ورجع صاح

::- اقفل الباب عمر

- دار وجــــهة عليَ مبتسم

::- هسه ثنينا محبوسين شلون راح تطلعين؟ وتشردين

-  تقرب يمي مخليه ايدي بحضني ضامتها
كعد على اركبة كدامي جر ايدي حيل واني اجر بيها

::- وخرررر

:- ليش شلتيها

:- ايدي لو ايدك

:- ايدي

- حجاهــــا وباوع بعيني. لازم ايدي بقوة
::- انجب وعوف ايدي

:- خوش بكيفج عندج ابرتين لازم تاخذينهن  انا خليتلج هاي وانتِ اختاريتي العضلة

- دفعتة من صدرة. خازرتة
::- أريـــــد اشوف مصطفى

::- من اموت تشوفينة

:- انـــتَ شنو مو بشر. ليششش ماتحس بيه مو عندك اخوان مو محروم منهم وتحس بالنار البگلبي

:- تــــدرين شنو مشكلتج ؟ ماتصدكيني من اكلج صار زين ورجعوه

::- ههه لو زين جان لكيتهم بالبيت

::- تعالي اتصلي على امج وشوفي

- تقرب كعد يمي واتصل على امي اول ماردت حجيت
::- انتم ووين

-:اسم الله يـــــمة شبيج بالبيت

:- جاي اكلها يابيت والابهر سد حلكي بايده ويأشر لا خازرني بعدت راسي منه بنتر

::- مصطفى شلونة

::- الحمدلله احسن لا يضل بالج زشبيج انتِ شو كوه تحجين

الأبـــــهر ::- عدها امتحانات وتعبانة شوية

:- شلونك يـــــمة شخبارك

:- الله يخليج بخير بشرينا الوليد شلون صار

جــــمرة ::- خزرته وهو يبتسم ويحجي ويا امي رافعلي حاجبة سلم عليها وسد الاتصال

سحب ايدي عقمها كمت بدلت ورجعت كعدت بمكاني أريـــــد اقنعة نكول الامي راح نجي وبس نروح نشوفهم. وارجع وياه ميخالف قابلة

راح للحمام شوية وطلع بدون تشيرت رفعت عيني اباوعلة. زنده مجرح حيل كعد على جهه فتح الفاف من أيــــدة الحم اليم اصبعة الصغير كلة مشيول مكشوط وهو يعقم بيه بدون وجع كلب

::- شبيها ايدك

- رفع عينة باوعلي ورجع دنك
::- كسرت الجام مال الباب

:- علمود تلحگني؟

::- اي لان عمر ساعة ومايوصلي

::- اول مره اشوف بيك جرح وما انقهر عليك ، تدري انـــتَ تستاهل اكثر من الصاير وياك وحرامات الواحد ينقهر عليك لان انـــتَ بدون گلب وماتحس بغيرك

:- لا تنقهرين انا ما أريـــــد تنقهرين وشي ثاني
سنايبر ترا انتِ عايشة ويا الأبـــــهر مو ويا جـــــندل لاتجبريني اتغير وياج

::- جـــــندل او الأبـــــهر الثنين حيوانات  شكد دعيت تلكه اخوانك بــــس هسه ادـــ

ماخلاني اكمل كلامي طفر سد حلكي

::- بــــس لا تدعين احجي كلشي ولا تدعين

- دفعت أيــــدة متنرفزة
::- كون يعذبك قسام اكثر مو بــــس يشلع اظافرك ويكطع اصابعك هم

غمض عينة بقوة ولام شفتة الداخل حلكة وخرت أيــــدة من كتفي وتمددت رجع المكانة عقم جروحه واجه يمي بأيده شاش.

::- اكعدي لفيلي ايدي

- كعدت على حيلي وهو عدل كعدتة صار مقابيلي حقد بگلبي عمى عيوني. اخذت الشاش من أيــــدة طبكتة سحبت اصابعة الي اكثر قرب وجــــهة الرگبتي مبتسم

::-  تخيلي الأبـــــهر يعيش بدونج؟

- درت عيني بــــس باوعتله ورجعت اعدل بالشاش خليته على الجرح أريـــــد الفة وهو يمد أيــــدة على شعري يوخره من اذني ورگبتي ويحجي بصوت ناصي وبايده يمسح على رگبتي

::- شنو حسبالج تشردين وتخلصين مني ؟

-  حيل قريب من رگبتي ويهمس بأذني متجاهل أيــــدة البوسط ايدي لفيتها كلها خليتها بداخل ايدي وعصرتها بكل قوتي صيح بصوتة العالي ونبت اصابعة بزندي

::-  جمررررررة

- عفت أيــــدة بسرعة گـــــلبي يدك حيل وهو مغمض عينة وشايطة روحة. جريت نفـــــسي من بين أيــــدة وابتعدت بخوف كعدت بالنهاية واباوع للدم بسرعة طلع من الشاش ويقطر

:- اكرهك اني هيج اتمنالك الوجع

- حجيت بخوف امسح بدموعي وروحي تلوب أريـــــد ارجع يـــــمة واشوفة من تمدد وبقى. مغمض وايده تصب دم

:-  روح العمر يلف جروحك مو جاي عليَ يله كوم

- بقى بنفس وضعة دك گـــــلبي بخوف

::- كوم گوم لا تسوي نفسك ميت امة محمد كلها تموت وانت مايصير بيك شي الف طلقة والف جرح وماموتنك

- سكتت اباوعلة بــــس من يبلع ريك يبين بلعومة.    .... وصدرة يصعد وينزل. دنكت عيني الايده بعدها تنزف درت وجهي ما أريـــــد احس بندم أريـــــد اصير حقيرة وياه.

رجعت اباوعله
::- أبــــــهر كوم شبيك

- ماحاجاني ..رجعت تقربت يـــــمة
::- اسفة لان مقهورة منك والله انـــتَ قهرتني حركت گـــــلبي لازك بيه ماتعوفني

- مديت ايدي جريت أيــــدة من عيونة
فتَح يباوعلي عيونة حمر وذبلانات
رجعت دنكت الزم أيــــدة المجروحة

::- اكعد هسه اعقمها والفها بعد.ما...

- ماخلاني اكمل سحب أيــــدة كعد وحجة بصوت متحجر

::- وخري جــــمرة

- ابتعد كعد بمكانة فتح الشاش أيــــدة ترجف
مسح الدم منها بنفس الشاش. عافة على جهة رجع عقمها وحاول يلفها وحـــدة.  كمل لفها  كام طفة الضوه ورجع تمدد ساكت

::- أبــــــهر اسفة

- ماحاجاني اختنكت. درت وجهي عليه
::- جوعــــانة.

كام من مكانة فتح الثلاجة طلع صحن منها وجابة خلاه كدامي ورجع جر بطل مي عافهم يمي وراح اتمدد

::- تعال وكلني

- بقى متمدد رجعت الصحن للثلاجة شربت مي وتمددت اكل بروحي مختنگة
::- تقهرني وتجبرني اسوي شغلات اني بنفسي مارايدتهم

::-اكرهك من احاجيك وماتحاجيني والله اكرهك

شهكت الزم بگلبي روحـــــي محروگة احس صار عندي انفصام اكرهه وما أريـــــد يتجاهلني أريـــــد ابتعد عنه واريد حضنه أريـــــد ينوجع وانقهر من اشوفة عيشني اقوة حرب نفسية بلعت الغصة وحجيت مختنگة

::- تعال احضني

تجاهلني ولا كانُ يسمعني
ضميت وجهي بالمخده ابجي شعوري صعب افسرة اذا اني ما اعرفة لا مدمنة ولا مخبلة ولا متوحده ولا انفصام ولا شي يتسمى حالتي المالها وصف

رفعت راسي من المخده من حسيتة سحب الغطا مني. ابتعدت راسا سويتلة مكان تمدد وتقربت الصدرة احضنة واعتب

::- جاي تأذيني وتجبرني گـــــلبي ينكسر عليك بــــس كلبك ولا يهتملي

.رفع أيــــدة يمسح على شعري
::- اششش نــــــامي جــــمرة لا تتحركين ولا تحجين

:- حضنتة قوي وارجف ::- حــباب خلي نروح واللـــه ارجع وياك بــــس اشوف اهلي عفيه أبــــــهر عفيه

::- اشش جــــمرة ابتعدي

-: عبرت ايدي اضمه اكثر واهز براسي لا

:- أاذيج جــــمرة وخري

:- رفعت راسي من صدرة لزمت وجــــهة بين اديه مختنكة وروحي رايحة

::- حــباب شبيك

:- شتــــردين الاهلج لا مو هسه

:- ولا تزعل مني ومن احاجيك حاجيني ومن اجوع وكلني ومن أريـــــد انام احضني لا تعودني وتروح

:- لعد شلون تشردين منو يسويلج كل هذا اذا رحتي

:- من اشرد ما اريدهن بــــس من يمك اريدهن

:- جــــمرة اخاف عليج من روحـــــي يمكن انتِ ماتحسين بشي بــــس انا اموت بلزمة ايدج نار

:- بلعت ريك ساكتة سحبت ايدي من خصرة شوية شوية نزلت من حضنة على المخده مبتعده. انطيتة ظهري وهو هم ابتعد .

كام من يمي تعــــبت ونعست هستوني اريد اغفى گـــــال
::- نمتي جــــمرة

- سكتت اتذكر السويتة بيه والوم بروحي ثنينا تصرفاتنا متناقضة

بعدت ايدي من بطني من حسيته حضني من وره يبعد شعري. من رگبتي يتحسسها بخشمة ويتنفس. سحبني على حضنة حيل

::- عادي اموت بايدج ولا احترك بعيد عنج

- غمضت عيني وهو سكت هادئ حاضني على. صدرة الحد ماغفيت ...

.

نــــهله ::- كعدت الفجر أريـــــد اصلي فتت من يم غرفة غيث. ورجعت بسرعة فتحت الباب شغلت الضوة اباوع المصطفى عيونة طالعة وكوه يجر النفس. ركضت كعدتة ارجف وادك على ظهرة مختنك فز غيث مخروع

::- هــــا ماما

- درت وجهي عليه ارجف
::- اركض كعد بابا عفيه بسرعة

- طفر من جربايتة يركض ومصطفى حيله يروح يله يجر النفس وصدرة يخرش اجة ادريــــــس يركض والنعاس بعيونة

::- عفييييه ابني راح يموت

:- اسم الله تكووومي بسرعة خلي ناخذة كومي

غـــــدير ::- فزينا على صياح عــــمة اويلي على حالها من يتخربط مصطفى تضل ترجف والدموع تصب تمشي وتهمس
::- دخيلك اللهي راضية بيه لو بــــس علامة كدام عيني اللهي قابلة. بكلشي بــــس لا تاخذة مني

.صاح عـــــمو البسي وتعالي وياا عمتج سمر تبقى ويا الجهال

.اخذناه للمستشفى نرجف بسرعة خلولة اوكسجن وعمه كاعده على حيلها ترجف وتدعي يابة اخذت حيلي

ادريــــــس::- كولي يا الله شسالفة شبيج

::- اموووت هذا روحـــــي واللـــه ما احمل فراگة

:- يابه هسه يطلع مابيه شي شبيج

غـــــدير ::- ابتعدت وكفت على جهه اباوعلهم يمسح بدموعها ويعدل بحجابها كاللهم الدكتور ما انطلعه نريد نسوي تحاليل.

للصبح دك تليفونها بايدي اخذتة الها
::- عــــمة جــــمرة

:- حاجتها تبجي. وعمو يصبر بيها. سدت الخط
وكفوا ثنينهم حاجاهم المضمد وراح عـــــمو مدري شحاجاها هزت راسها لا مدنكه وتبجي مد أيــــدة وجر راسها الصدرة الردهه مجان بيها هواي ناس وهي مغطيه وجها بايدها وتبجي بحركة

التفت عـــــمو شافني گـــــال
:::- روحي عـــــمو جيبي مي

- هزيت راسي اي وطلعت للظهر يله استقر وضعه ورجعنا لكينا عيال سمر عدنا يردون يرجعونها
ويردونها وياهم بالبيت علكت بدل ما تنحل وصلت للطلاك وكلها تصيح وهي بــــس ساكتة وتحلف ماترجع

طولوا حيل يمنا وتالي راحوا بدون ماترجع  .
شوية استقر بيتنا نضفت وفتت للغرفة لكيت مكالمة من بــــسام دزيتلة رسالة

::- هــــا جان عدنا خطار

- فتحها وماجاوب متت قهر ...مدري هيج اجت ايدي وحضرته محروك گـــــلبي عفتة وكمت ..

نــــهله ::- احس طول اليوم جسمي يرجف .مكابلتة وكاعده وين حدي وحدك وين نوصل
مصيفي الك نية تعوفني
كلي اعيش بدونك شلون

.احاجية ودموعي تصب وغيث على جربايتة مكابلني ويبجي وياي. فتحتلة ايدي
::- تعال يـــــمة

- اجه الحضني يشهك. مسحت عيونة حاضنتة
::- ليش تبجي

رفع راسة عيونة حمر يباوع بوجهي
::- انتِ ليش تبجين

::- غير ولـــــيدي مريض
::- اي انا ابجي عليج. لعد شوكت يطيب وتبطلين تبجين

- ابتسمتلة متحسرة بستة
::- ادعيلة رب العالمين يشافية

- رجع يبجي ويحجي مختنك ويهز بايده
::- واللـــه كل ما اصلي اكول. يارب طيب مصطفى حتى امي نــــهله ماتبجي

- حضنتة حيل وهو يشهك عفت مصطفى ونزلت اخذتة الجرباية تمددت يـــــمة اسولف وياه وامسح على شعره الحد ماغفة

رجعت تمددت بصف مصطفى يمكن كله مني جاي يختنك جان ضعيف مايختنك هسه اوكلة هواي خليتة يسمن تأنيب الضمير اكل گـــــلبي خليت راسي يم راسة وغفيت فزيت على همس يمي

::- نــــهله

- فتحت عيني فازة كعدت. ايدي خدرانة وادريس واكف كدامي.
::- هــــا

::- كومي حبيبتي عوفيه تعالي ارتاحي

- باوعت بوجهه مستغربة من كلمتة. سحب ايدي ما مهتم طلعنا من الغرفة. البيت اظلم درت عـــــلي::- ابيش الساعة

:- بالوحدة

-فتت وياه للغرفة باوعت الاوتي مخليه على الميز سحبت ايدي منه

::- خلي اكوي ملابسك مال الدوام

:- كويتهن تعالي بــــس ارتاحي كلشي لا تسوين

- سحبني من ايدي للجرباية...

::- أريـــــد ابدل

:- ماشي براحتج

- اخذت ملابسي وطلعت للحمام شطفت نفـــــسي ورجعت للغرفة تمددت بصفة

::- تعالي نــــهله

- درت عيني اله فاتح أيــــدة وبايده الثانية دك على جهه صدرة تقربت لماني بحضنة يبوس بشعري

::- تمردين روحـــــي من تنقهرين

::- تنمرد روحـــــي من يتخربط

::- اااخ شبيدي واللـــه لو اعرف علاجة باخر الدنيا اوديه ما اخليج تبجين عبالج كاعد وساكت واللـــه يومية اودي تقاريرة البلد بلكي اكو علاج وكله نفس الحجي

:- ضميت وجهي بصدرة ساكتة حامدة ربي وشاكرتة هو اعلم بحال گـــــلبي وهو يعيني.

نمت وكل شوية فازة وراكضة لغرفتة. الحد ماصار الصبح
طلعت اشتريت ريوك وفتت اكعد ادريــــــس
دغيتة بزندة

::- ادريــــــس اكعد دوام

::- هممم

::- اكعد

- طلعت ملابسة واحاجية وهو بعده مغمض رجعت يـــــمة
::- يا بعدك نايم يله شسالفة.

مديت ايدي سديت خشمة واحجي
::- يله راح تتأخر

- رفع أيــــدة فوك ايدي سحبة الشفتة باساها مغمض ويحجي
::- صباح الخير ينور عيون ادريــــــس

::- كوم كوم سوالفك طكطكهن بعيد يله شلعت گـــــلبي

فتح عينة مبتسم يباوعلي ضحكت
::- حلتلك النومة ماتكوم؟

::- ليش تعوفيني. رجال حاضنج ونايم افز ما الكاج ليش

::- غير اكوم اسويلك ريوك

::- ريگيني بغير طريقةة الا طبخ ؟

::- ههههههه كوم يله

::- كعد على حيلة عفتة وطلعت للمطبخ. سبح وطلع ابدلتة العسكرية. اجه يمي بالمطبخ يتقصد يدحك ويلزم ايدي لو يصير ورا ظهري
درت عليه

::- جهالك لا يكعدون زلمة شكدك شكبرك مو عيب عليك

::- انعل والديهم مايكعدون هسه

::- اسمر يكعد يروح للمحل

- ابتعد وطلع كعد بالصاالة باوعتلة مبتسمة جاي اكمل الريوك جنت مشغلة دعاء الصباح بــــس هو غير القناة ركزت بالمحاضرة. وهو يعلي الصوت جانت على الزوجة الماتدخل لفراش زوجها وكل ما الشيخ يحجي شي هو يعلي الصوت اكثر

مديت راسي من باب المطبخ خازرتة
::- نصي الجهال نايمين راح تكعدهم

::- شمشغل هسه انا هيه محاضرة

::- اي خلي صوتها على كدك

رجعت فتت للمطبخ. واسمع للمحاضرة وياه وهو يصيح
::- واللـــه صح

::- كل حجيك صدك انـــتَ خوش شيخ

:- اخذت الصينية وطلعت خليتها يـــــمة وكعدت اتريك وياه.

::- اسمعي خوش يسولف هذا الشيخ

- باوعتلة اشرب چاي ::- سامعتها قديمه هاي

درت على الشاشة أريـــــد اشوف اسم القناة الشيخ رافع أيــــدة اوكفت الشاشة طلعت دائرة بالنص تفتر تحمحم ادريــــــس ودنك ياكل

:- هاي فاتحها على النت؟

باوعلي هز راسة. ::- لا

مديت ايدي جريت تليفونة من يـــــمة
شغلته بــــس لمحت الصورة رفعت راسي اباوعله

::- ليش مغيرها مو جانت صورة الامام عـــــلي عليه السلام

::- اي بــــس هاي لان الجهال ثلاثتهم سوا خليتها

::- افتح الرمز

- مد أيــــدة فتحة كبل طلع بوجهي اليوتيوب وكفت المحاضرة وطلعت منه گـــــال مبتسم

::- ترا انا احجي ويا نسوان فتشي

::- انـــتَ وربك اني ما اعرف افتش اعرف اتصل اعرف ادز رسالة اعرف لليوتيوب مال افتش وادور وراك ما اعرف

::- يعني ماتقبلين اذا حجيت ويا بنات

::- ليش اقبل

::- ما ادري اشوفج عادي عندج يعني ما تغارين وهاي السوالف

- سويتلي لفة اكل ونحجي احب اسلوبة من يحاول يناقشني بضحك بــــس حتى يضيع عليه ومايخليني مقهورة ونهائيآ ما افشلة راسا اضحك واسولف وياه كتلة

::- لا هي مو قصة غيرة بــــس ليش حتى تحاجي نسوان شكو

::- هيج نسولف نتعرف

::- سولف وياي

::- انتِ ملتهيه بالبيت

::- افرغلك ولا يهمك

::- لا مايفيد هسه انتِ خليني احجي واذا حجيت واذا رحت على غيرج

::- ليش يـــــمة اخليك؟؟ شنو مقصرة وياك ما غاسلة ملابسك ماكاوية ما مكعدتك على الوقت موديتك للدوام بدون ريوگ مجوعتك اكله عاجبتك وما مسويتها اشو ما مخلية شي بنفسك

::- ضحك بصوت واني مبتسمة الضحكتة تلاشت ضحكتي شوية شوية من ركزت بابتسامتة ورفعت حاجبة. دنكت عيني. بلعت ريك وهو بــــس يضحك

::- نصبر نصبر ويصير كل البنفسنا
نــــهله تستاهل اصبرلها عمر

- رفعت راسي متلافية نظراتة

::- عيونج من يحتارن وين يباوعن اتمنى يصيرن گبال عيني حتى اضيع بيهن

.ركزت عيني بعينة ثگل جفني وهو حتى مايرمش

::- ليش حارمتني من هل نظرة

مد أيــــدة يتحسس خدي اميل راسة على جهه
تحسر يحرك ابهامة على خدي
::- اتعب گد ما اركز بيج أريـــــد احفظ ابسط تفاصيلج

.قرب وجــــهة متردد دنكت عيني ساكتة باس خدي وابتعد مبتسم

:- خدج يريدلة خلگ طويل ماينباس بهل طريقة

- سحبت أيــــدة من خدي مدنگة وساكتة. گام غسل اخذت اغراضة اله
گـــــال
::- ديربالج

::- ان شاءالله وانتَ  هم

وكف يم الباب ظم الجهاز بجيبة والسلاح باوعلي ابتسم
::- ماتحضنيني قبل لا اروح

::- ههه لا روح واللـــه عيب سوالفك شبيك

:: - الله اكبر شمسوي مرتي تراا مرتي وام هاي الصخول العدنا

- ضحكت فتح الباب يريد ينزل من الدرج واني اباوعلة مبتسمة حجابي على شعري
نزل ورجع باوعلي. سديت الباب ورجعت كعد اسمر ماله خلك روحة ولا يحجي بالبيت ويتواجد قليل ماعرفت شلون احتوية

حجيت وياه اهواي بكل مره يكلي
اكرهها من اتخيل نفـــــسي عاقد عليها تلعب نفـــــسي تريك وطلع

من شفت مصطفى زين ارتاحت نفسيتي .

غـــــدير ::- كاعدين بالغرفة اني وسمر وفاطمه
نحجي بصوت ناصي لان هبه وغفران يمنه ويفتنن. دك تليفوني رسالة جريتها اباوع من عـــــلي كاتب

::- ليش حاضرتني

.درت عيني الفاطمة كتلها
::- شبيه رجلج مصخن يدزلي رسالة ويكلي ليش حاضرتني

.اجت تباوع وياي هي وسمر
راسا وصلت رسالة جديد

::- افتحي الحضر بعد شوية اجيج ضجتي مني
غدوره

فاطمه ::- هذا رجلج يلفاهيه

- ضحكت ورجعت ليورة فشلانة وهن يضحكن
- فتحت الحضر من رقمة ودزيتلة
:- هــــا

::- شبيج ليش حاضرتني

::- من تفتح الرسائل ليش ماترد

.وصلت خطين ومافتحها لو ما اخاف على تليفوني ينكسر الا اركعة بالحايط

كالت سمر
::- أريـــــد اكلجن شي هو فتنة بــــس بيه مساعده

فــــــاطمة ::- اذا فتنة لا تحجين حرام

:- لعد اني ماعرفت اتصرف شسوي

فــــــاطمة ::- لا عفية اسكتي لا تجيبيلنا ذنب

غـــــدير ::- دارت سمر تباوعلي بقيت ساكتة أريـــــد اعرف الفضول يكتل شوية وصاحت ام فــــــاطمة عليها بــــس نزلت جلبت بسمر

::- تعالي فتني. اني اموت من الفضول

::- لا بطلت ما احجي صدك حرام نوب يكضوني هناك بجهنم يربطوني بصف ابو لهب

::- لا اكلهم اني لحيت عليها وحجتلي

::- ويكضونج يربطونج بصفي

::- ههههههههه استغفر الله داحجي فضيها

::- استغفرلله ربي لا تحسبة ذنب شوفي
خالة نــــهله وبابا اخوة

:- فتحت عيني على وسعهن مخلية ايدي على گـــــلبي
::- منين جبتي هــــل حجي

::- واللـــه شبيج

::-منين جبتي هل سالفة خو ماكو شي هي بس بابا اخوها شبيييج

صفنت بوجهي ساكتة هزت ايدها كالت
::- والقران استاهل يربطوني بصف ابو لهب وهيج كون يشبعوني كتل لان حجيت الوحده مثلج لج انتِ عندج عقل يعني طبيعي تفكرين مثل البشر

::- اي شبييج

:- جرت راسي عليها وتجر بشعري منا ومنا تصيح

::- خلي اطلع عقلج واتفل عليه

- دفعتها وخرت :- وجع شلعتي شعري

:- وسم تحركين الگلب

::- ترا انتِ مو صاحية واللـــه

::- لج اخوة يعني ماكو ابينهم سوالف

::- يا واللـــه بطرانة النهار كله يسولفون ونوب متسمعين سالفتهم بــــس يبسبسون

.خزرتني وصرخت ادور شي تضربني بيه

::- ووووين انطوووني حديدة افشخ روحي بيها لج لجججج. شبيج انتِ شبيييج

::- يـــــمة شبيج

- مدت ايدها وجرتني من اذني
::- زمالة لا تصيرين قصدي مايجمعهم فراش

::- لا يجمعهم مرة فتت عليهم للغرفة نايمين سوا

::- اطلع كلبة بت سطعش كلب اذا حجيتلج بعد

::- وجعه شبيج

::- هم كولي ماجاي افهمج حتى الزكج بالحاط

::- لا افهمج

::- اي شنو بعد

::- اي بــــس ما اعرف شقصدج

::- وخري وخري مني

::- اوكفي اخر مره انتِ قصدج يعني مايتقربلها وكذا

::- اي خالة معيشة بابا بالظيم سوده عليه هسه اهددها تنطيه حقة لو ازوجه بت السطعش

::- وانا اطلك عمتي من ابوج وازوجها تاج راسة

::- انجبي لج مــــحد تاج راس بابا

::- ومحد تجي مكان عــــمة حيوانة

::- صوجي بعت ميانة وياج مو جنتي تحترميني

::- استحي منج جنت ما احترمج ههههههه
اي ست سمر شلون عرفتي

::- عرفت بطريقتي بــــس ما ادري شنو السبب
نكسر.گـــــلبي على بابا على عهد ماما مخلصها بالحسرة
حسبالي خالة تعوضة تالي تشيب گلبة

نــــهله::- شمسويتلة ومشيبة گلبة

غـــــدير ::- درنا ثنينا على الباب عــــمة تحاجينا مبتسمة بــــس سمر حطت راسها بالگاع فشلت واستحت من عــــمة اجت يمنا وهي مبينة ماسامعة بــــس اخر شي

نــــهله ::- هــــا ولج شمسوية الابوج ومشيبة كلبة

سمر ::- خالة احجي وماتزعلين اني احبج وعلي بــــس ليش هيج ويا بابا خطيه واللـــه لا عاش مراهقة ولا شباب ولا عمر الثلاثين ترا بعدكم ثنينكم بالثلاثين ليش عبالك داخلين بالستين

::- يا شبيج لعد شبينا احنا. شمسويتلة

::- واللـــه عيب احجي وما الي حق بــــس ميخالف خلي احجي ليش ما يجمعكم فراش

غـــــدير ::- اختفت ابتسامت عــــمة دنكت عينها ساكتة وسمر تحجي بخوف خايفة على زعلها

سمر ::- يحبج والقران يجي يگلي هسه ابوج عشك هسه عرف شنو حب جان يجي البيتي قبل لا يروح الدوامة يسولفلي عليج ويروح ودائما يحجي بحسرة استغرب انتِ زوجتة شبيه ابوية يتحسر عليج وهسه من اجيت عدكم فهمت شنو السبب ليش خالة عندج مشكلة تردين نروح لدكتورة

::- سمر هل شي خاص بيني وبينة

::- اعرف اعرف بــــس لو اني وزوجي نفس حالتكم راح تعوفيني لو تحاولين تساعديني وتشوفين شنو المشكلة احسبيني بنتج وكليلي شبيكم ليش هيج علاقتكم

غـــــدير ::- بقيت ساكتة بــــس اباوع بعيني
عــــمة مارفعت راسها وسمر حرجتها حيل لحت وياها كالتلها

نــــهله ::- جسمي كله اثار استحي منه

::- بــــس هذا السبب؟

:- اي... ابوج نفسة عزيزة ايدي جانت خشنة وبيها اثار يومية يجيب كريم ومرطب ويكعد يدهنهن الحد ماعالجهن شلون انطية جسم

::- عليج الله بــــس هذا السبب

نــــهله ::- باوعت بعينها هزيتلها راسي اي منحرجة حيل شلون عرفت ..ومن جهه اني هم ماقابلة على نفـــــسي واحس بتأنيب الضمير من ناحية ادريــــــس. ضحكت سمر

::- عذر هذا خالة مو عذر واذا جسمج بيه اثار
شنو يعني. بابا يحبج لاتعذبينة حبابة

::-الله كريم

::- عــــمة حرام عليج

::- اعرف الله كريم

::- يعني شنو قبلتي. بابا يكون زوج الج

::- ههههه سوالفج بطليهن

:- واللـــه ما اجوز منكم الا تسوولي اخو

::- احسبي بعد سنة

::- يعني اليوم متوكلين يابويه  اليوم اطلعج عروس واللـــه.

غـــــدير ::- غمزتلي سمر تأشر براسها على الكنتور وعمه خطية بــــس تباوعلنا.  كعدنا قفلنا الغرفة وهي ماتقبل بالتواسيل قنعناها نقشر جسمها وسمر تضحك وتصيح

::-اخابر بابا هسه شو تحمست

- متنا ضحك على عــــمة كل شوية ورادت تكوم ونطلعلها سالفة جديده اخر شي هي دخلت للحمام وسمر لبست وطلعت تركض اكو بالركن دلالة تبيع سوالف نسوان

طلعت عــــمة من الحمام خدودها حمر وخجلانة منعدنا باوعتلي كالت

::- وينها سمر.

::- نزلت البيت جدها
حجيتهــــا ودخلت سمر بيدها اغراض
وملابس نوم. تخرب ضحك.

نــــهله ::- طردتهن وفتت للغرفة فتحت الباب سمر شمرت الاغراض وراحت گـــــلبي يدك حيل ومنحرجة. اتذكر كلمتة واحتار اكثر مشطت شعري وطلعت سويت عشا

لمن اجه هوا وسمر تتحرش وتسمع كل شوية كالتة طلعنا نتونس غـــــدير وفاطمة طلعن ويا ازواجهن واني بقيت

اخذها هي والجهال وطلعوا ...

يتبــــــع⋆𓍯

الكاتبة أيـــــــلول⋆𓄼𓂁.

💚🌿