رواية أجرام مستباح لثلاث ندبات الفصل الثامن عشر 18 - بقلم الكاتبــة ايلول

مساء الخير ...

#أجرام_مستباح_لثلاث_ندبات

aylol. بقلم الكاتبه

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

تعب ..
واسنين محترگه
وجروحي
سعف مغتاض
تجدح لو لچمها عتاب

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

جــــمرة. ::-بقيت ساكتة سحب رجلي طبكها وخله راسة عليهن رفع ايدي الركبته هادئة حيل كل همي اعرف. ...... ايدي تنرفع وي نفسه وترجع

حركتها لزمها سحبها الشفته باسها وبايدي الثانية لزمت وجهه مستغربة

::- أبــــــهر تبجي؟

بقى ساكت لازم ايدي قوي حسرتة تهد الحيل سكتت محتارة أريـــــد اعرف ومن جهه خفت شنو الصاير وخلاه يبجي يمي ...وخــــر ايدي من شفتة وحجه بشهكة

:- ماتصدكيني اذا حجيت مــــحد يصدكني

- حضنت وجهه ابين ادية احجي بهدوء خايفة
::- احجي انا اصدكك أبــــــهر

نزل أيــــدة من ايدي مدري شيدور كلشي ما اشوف

:-وينه

- منو شجاي ادور ........
شغل ضوة التليفون خلاه بايدي ورفع أيــــدة يراويني
لزم اول ندبة بايدة يتحسسها باصابعة ويشهك گال

:- درة هــــاي اختي عمرها 5سنوات

-صافنة بيده نزلها الشفتة باسها يبجي بحركة ورجع رفعها واشر على الاثر الثاني

:- اباذر أخـــوي 10 سنوات عمره

-سوه نفس الشي باس الاثر الثاني وصفن بالاثر الاخير الثالث يتحسسة بايدة سكت فترة واني ساكتة وحتى صوت نفـــــسي كاتمتة فترة ونطق

:- الأبـــــهر 13 سنة

حجاها وشمر ادية ثنينهن منا ومنا ساكت بــــس دموعة تنزل طفيت ضوة التليفون مد ايدة واخذه منعندي حجيت بصوت ناصي

:- احجيلي وينهم .....
انگلب خله وجــــهة ابطني وعبر ايدة يحضني ويحجي بخنكة

::- اجمل عائلة جنا امي وابوي واخواني درة واباذر

مدللين الشي الوحيد اليقهر اهلي انا جنت مريض وضعيف بحيث اباذر أخـــوي يبين اكبر مني فترة اصير زين ونرتاح وراها ارجع اتخربط واخوف اهلي

وعندي عم واحد شاب ما مزوج جان
دائما يتعارك وي ابوي الحد ما تقاسمو البيت خلو باب ابينهم
بــــس ماكفت اذيتة منا ...
سكير ويلعب اقمار وكل سوالفة سكط .

. ويومية بالليل من يرجع سكران يتعاركون ومرة اجو ناس يطلبون عمي فلوس هددوا ابوي ....لمن اجه الشفية مكبسل ومايدري الدنيا وين حاطتة وابوي تخبل تصايحو عمي غلط وفشر،عليه وهو بنفس الحظة وكع متخربط امي لمت الناس بالصريخ اخذو ابوي للمستشفى بنفس الوقت توفى صارت عندة جلطة ومالحكوا عليه....

جنا حيل متعلقين بابوي ونبجي عليه نشتاقلة
متعودين الصبح من نكعد نكله صباح الخير ونبوسة كمنا من نكعد الصبح نروح الغرفتة نبجي كالت امي. ::- هو يسمعكم سووا هيج وهوا يسمع

طبكت اصابعها اربعة باستهن وخلتهن على كلبها كالت كلولة صباح الخير بابا

سوينه مثلها كل شوية نبوس اصابعنه ونخليهن على كلبنا ونحجي وياه. وراها

نقلبت حياتنا تمرضت انا اكثر ..وامي محتارة بينا عمي كل يـــــوم يفوت للبيت يكتل امي ويرجع علينا ماجنت اكدر،امنعه جسمي ضعيف من الفراش كوه اكوم ....

جــــمرة امي حتى ماجانت تصرخ من يضربها جسمها يصب دم وحرف ماتنطق علمود مايبجون اخواني ويرجع يضربهم

-شهك حيل يبجي لميته بحضني ارجف ما مستوعبة وهو كوه ينطق مختنك ويغص بالكلمة..

::- الحد ما متنا من الجوع.... كومتني من الفراش تجر،بيدي وتمشي بالشارع دموعها تصب مرت على كل المحلات تسئلهم يردون عامل عاملة اتوسل بيها ترجع وانا ابقى ادور. الحد ماوصلنا المحل. كالها

:-لا ماكدر اشغلة ابنج ضعيف والمواد ثكيلة
بــــس اذا انتي تردين تنضفين المخزن بفلوسج

-حجيت. قبل امي وكتله انا انضفة امي كالت اشش اسكت اكعد هنا فات الرجال للمخزن وامي متلفلفة بعبايتها ترجف فاتت وراه دقيقة وطلعت تبجي هديت على الزلمة وهي تبجي وجر،بايدي طلعتنا من المحل تسحل بيه وراها وتصيح

::-لو تمووتون لو ثلاثتكم تموتون ما ابيع روحـــــي مابيع رووحي

- عفتها ورحت للسوك افتر عليهم بــــس أريـــــد يشغلوني من يشوفوني مبين مريض يرفضون الحد ما لكيت حجي ابسطية مال مخضر قبل يشغلني وياه واخذت اول فلوس بتعبي وانطاني من المخضر المايحتاجة اخذتهن فرحان رجعت الامي وهي ماكالت شي سكتت المهم نعيش بــــس من تشوفني اتخربط تضل ادك وتلطم. ..

يومين مرن عمي اختفى كمت اشتغل ويا الحجي الحد ماشفتة اجه عليه ردت اختل مالحكت شافني كتلني بنص السوك ورجعني للبيت سحل حتى درة العمرها خمس سنوات هم ضربها ويانا ويهدد بامي ماطلعون قفل باب البيت علينا

من التعب والمرض والكتلة وكعت بالفراش ماكدرت احرك ايدي

- احم .....حركت رجلي سكت ....:: اهل امك وين؟

- ما اعرفهم ولامرة شفتها راحت عليهم و جابتلهم طاري مانعرف احد غير عمي

-شصار بعدين منين جبتوا اكل شلون عشتوا

:- جنت انا جايب مخضر وامي اقتصدت عليهن وهوا يجي باليل يريد اكل من امي واتسويله

:- اسويلة سم لو اني مكانها اخلي السجينة بگلبة من اول يـــــوم

:- امي ضعيفة جمرة شخصيتها حيل ضعيفة وتستلم بسرعة وربتنا على الضعف.... لا اش اسكتوا لاتحجون صوتكم خلتنا نفس شخصيتها بضبط

:- كمل شصار بعدين جركت دمي تمنيت اني موجودة اكتله بنفس الحظة واخلص

قرب وجــــهة البطني اكثر ومعبر ايدة على ظهري يتحسر بقهر ويحجي

:- من يجي للبيت اسمع امي تتوسل بيه علمود ياخذني للمستشفى لان كمت حتى عيني ما افتحها
.
يغلط عليها ويسبها ومايقبل وبيوم من الايام هستوها فاكتني الصخونة وفزيت جوعان حيل..

:- حجاها وسكت خليت ايدي على وجــــهة امسح بدموعه حجيت بهدوء ::- شنو الصار

- ردت امي مالكيتها بفراشها ركزت سمعت صوتها تتوسل

:- انا مرة اخوك وحسبت اختك شلون ترضاها غيرتك
تسوي هيج اعقد عليه اقبل واللـــه اقبل بــــس مو بالحرام ماكدر

- ماجنت فاهم ويا منو تحجي كمت من الفراش دايخ طلعت من الغرفة اسمع صوتها تبجي ووتوسل فتحت باب الدوانيه لكيت عمي
لازمها من شعرها يضرب بيها وهي تبجي
.
وتتوسل بصوت ناصي ...هديت عليه
جانت اكو طابوكة صغيرة امي
مخليتها تلزم الباب شلتها وضربتة براسة
امي تخبلت من شافت الدم تجر بيه منه
وهو دايخ لازم كصتة ويباوع بالدم
.
جرتني امي منه بــــس ركز شوية وگام سحلني گدامها ضربني بوكسي بوجهي دخت شمرني بالكاع وكعد على صدري بكل قوتة يضرب الحد ما الدم ترس وجهي وامي تبجي وتجر بيه مني سحلني من ايدي ودفع امي ربط ادية على رجلي وشداهن برجل القنفة جنت فاتح عيني والدنيا تفتر بيه بــــس أريـــــد امي تطلع خلي يكتلني احجي بصوت ناصي واتوسل تروح تطلع. ماعافتني تجر بيد عمي مني تريد تفك ايدي ...

دفعها حيل يجر بملابسها وهي تلوب وتبجي گدامي
گدام عيني كـ كـدامي اغتـ اغـتصبها. جانت تبجي وتصرخ عليه غمض أبــــــهر غمض عينك. ماغمضت رجعت أريـــــد افك روحـــــي وهي بــــس تصيح عليه...

جــــمرة ::- مديت ايدي اسد حلكه ابجي احس عقلي موكد يستوعب هل موضوع وهو يشهك مثل الطفل
مجرد اتخيل شعورة اموت شلون هو عاش الموقف
سحب ايدي من حلكة يبجي

:- نار بكلبي انا واللـــه نار ماتدرين شنو العشتة ولا شنو الصار أريـــــد اموت جــــمرة أريـــــد اموت

:- حضنت راسة الصدري. ابوس بشعره وابجي ماعرف شنو الاحجية وهو كمل كلامة مختنك

:- عاف امي امدده بالكاع مثل الطير المذبوح هادئة بــــس فاتحه عينها تباوعلي ...وهو طلع من بيتنا رافع خشمة واحنا المكسورين گامت امي لمت نفسها واجت تفتح ايدي ورجلي من القنفة بــــس رادت تكومني للفراش ماكدرت ولا اني الكدرت اتحرك سحلتني سحل للغرفة النايمين بيها اخواني مسحت الدم من وجهي وشربتني حباية بــــس لازم بيدها. نومتني على صدرها تبوس بشعري مثل ما انتي جاي تسوين..

غلبتني الدوخة والحباية جبرتني انام. ...فزيت على صوت اباذر ودرة يسألون وين امي ويلزمون بوجهي مستغربين. وجهي مورم وحتى عيوني كوه اشوف بيهن

كمت بسرعة لازم بالحايط ادور عليها واخواني يفترون وراي.
دورت كل البيت مالكيتها
اخر مكان جان الدوانية فتحت الباب اشوف رجليها يتلولحن واخاف ارفع عيني.

..معلكة نفسها بالبنكة جسمها لونه باهت ومسبلة اديها ....

ركضت ارفع برجليها وهي ميته...... بجي اخواني وصياحهم اجه اباذر وياي يرفعها ويبجي شلنه رجليها على متنا على امل ننقذها

استهظمت امي لان اغتصبها گدامي التجئت الاسهل حل انتحرت استسلمت ومافكرت شلون نعيش وراها اذا هي ويانا ماكدرت تحمينا شلون انا راح اكدر احمي نفـــــسي واحمي اخواني

ما استسلمنا نرفع رجليها وعدنا امل ننقذها

بــــس كلشي انتهى بمجرد دخل عمي. وشاف امي معلكة ركض الباب الشارع يصيح الحكونا اجو الناس
دفعونا ونزلوا امي

جــــمرة حتى مايخلونا نلزمها اخذوها للمستشفى ما اخذونا انا طلعت وراهم اركض وكلساع اوكع وصلت للمستشفى ما اشوف شي وتخربطت بالباب لمن كعدت لكيت روحـــــي بغرفة بالمستشفى واباذر لازم ايدي ويبجي تــــدرين شگالي هههه گـــــال

:- عمي اخذ درة گـــــال اذا حجيت شي اكتل اختك حرف ماتنطق...وخوفي على اختي جبرني ما احجي اي شي وهو صار العم الحنين رجعنا للبيت بدون امنا
بمجرد دخلنا البيتنا راح جاب درة وسلاحة بايدة

شنو اكول تسوون بمجرد اعترض على شي يحجي جان يضرب اخواني استغل نقطة ضعفي ردت اكتلة بأي صورة وارجع اخاف انسجن واخواني يضيعون منو الهم

گال راح نروح الغير مكان بعت البيت وهو بالحقيقة بايعنا

::- باعكم القسام
::- اي القسام

:- ليش ماكتلتة ونسجنت ميخالف حرامات يتنفس هذا

:- كتلتة بــــس من ضعت وضيعت اخواني يله كتلتة بابشع طريقة مايتخيلها عقلج

:- وين ضيعتهم انا احس عقلي ماجاي يستوعب

- عوفي كـــــافي غير مرة نكمل

:- لالا عفية كمل ....جر حسرة بقهر ..احس رجلي نملت وما احس بيها وخاف اكله وبعد مايحجي

:- قسام جان يشمرنا بالتقاطعات انا واباذر....ويخلي درة عنده حتى مانشرد

اباذر جان بــــس يبجي ما مستوعب فـ جنت اعوفة يكعد بمكان وانا اجدي من السيارات والم الفلوس انطيهن اله من نرجع القسام انا اكله ما اشتغلت يضربني ويموتني من الجوع وميخالف اتحمل المهم برجعتنا انام بنفس الفراش ودرة واباذر بحضني.

وبس شوية قوة عودي كمت اعارك وما اسكت ما أريـــــد اخواني يطلعون عوفهم بالبيت وانا اشتغل واجيبلك فلوس كد شغل ثلث اشخاص

وافق كمت اروح للسوك ابوك فلوس الناس اطفر على البيوت كلشي كلشي يخطر ابالج سويته ومن ارجع القسام الكه اخواني مضروبين الجهال البقية يضربونهم درة الصغيرة الكاها تناشغ

اتعارك وي قسام بــــس ماكدرلة جان دائما بيدة عودة ضعيفة من حديد يخليها بالنار الحد ماتصير حمرة ويلزكها على ظهري ودرة واباذر يباوعون ويبجون وشحدة اليدافعلي ينكتل الكدرت اسوية بــــس احميهم من قسام ماخلية يچويهم حتى لو غلطوا بشي اني اتچوة بمكانهم

وبيوم جنه بــــس انا واخواني بغرفة صغيرة اوصخة معاقبين وحبسونا بيها ..... اجة قسام گـــــال تريد اخوانك يرتاحون ومايطلعون يشتغلون بالشارع ويدرسون وياكلون اكل زين ومحد يضربهم

جنت كاعد وهم من شافوا قسام چلبوا بظهري خايفين هزيت راسي لا ....ضحك گـــــال

:- راح اوديهم بالميتم وانت تشتغل عندي من يصير عمرك 20 تروح تاخذهم

وقتها تخبلت اصيح واغلط ما قابل لو اطلع وياهم لو يبقون وياي حسيت جذاب مايوديهم للميتم خفت يبيعهم

صاح للولد الاكبر مني كالهم اكتلوا حجاها وطلع وهم اجو عليه عاركت واباذر وياي بــــس هم اكبر واكثر ماكدرنالهم الحد ما اجو ولد اثلاثة بكدي تقريبا فكونا منهم تــــدرين منو الولد

- منو

-عمر وعلول. وحسين كعدوا يمنا بالغرفة احنا جنا اهواي اكثر من 20 واحد بالنهار نشتغل بالتقاطعات وبليل اشوفهم يتجمعون ويشتغلون سلاح ويفصخون سيارات

درة نامت على رجلين اباذر وانا جنت احجي ويا عمر وعلول بــــس نام اباذر كالوا تعال هنا شوية

طلعت وياهم اباب الغرفة كال علول

:- راح ياخذ اخوانك باجر الصبح سمعناه حتى لو رفضت وعاركت تنكتل وهم ينكتلون و ياخذهم غصبا عليك لا تعارك

:- وين ياخذهم شنو السمعتوا

عمر ::- ماندري يمكن للميتم لان هم بــــس جاي يثگلون عليه انته تشتغل بمكانهم وهم بــــس ياكلون وينامون ضاج منهم سمعناه يكول النجاتي ابقى مسيطر علية من يكبر يله ادلية بأخوانة

:- ساعدوني اشرد ماكدر اعوف اخواني

عمر ::- لا تحاول كاعدين اباب البيت ولو تموت ماتكدر تشرد

حسين ::- حفظ اخوانك فد كلمة حتى ماينسونك بلكي بالمستقبل تلكاهم

:- اشتحجون انتم واللـــه لو اموت ما اعوفهم ...

كمت من يمهم رجعت يم اباذر ودرة حضنتهم لأخر مرة خفت حيل وانا احلف ما أعوفهم

ومن ارجع افكر ماكدر امنعه يضربهم كل ما ارفض ومايهتم ياخذهم مني .. ..استسلمت وعرفت هاي اخر ليلة احنا سوا

كعدتهم من النوم حجيتلهم اباذر ساكت ويحاول
يستوعب وين راح يروح بــــس درة تبجي ومچلبة بينا ...
كتلهم كل يـــــوم رددوا

:- احنا اخوة الأبـــــهر واباذر ودرة

- احجي وانا بنفسي ما مقتنع راح ينسون وين الكاهم بعد يجوز يغشني يجيبلي غير اشخاص ويكلي هذول اخوانك شلون اعرف شلون گال اباذر

:- شكد ونرجع نشوفك واحنا نبقى بالميتم

:- ما ادري شكد بــــس لاتعوف درة ولاتخلي احد يضربها ابقي جوعان بــــس شبعها ابرد بــــس دفيها انكتل بــــس احميها

بجة اباذر يمسح بعيونة ويكلي

::- خوش احميها وما اخلي احد يضربها وانطيها اكلي. واغطيها بفراشي بــــس وانا منو يحميني اذا انت مو ويانا

- لو تــــدرين شكد صعبة عليه اقنع اخواني بشي انا ما مقتنع بيه جــــمرة. ماجنت متخيل نوصل الهل طريق ولا متخيل امر بهيج مواقف ولو احد حاجيلي ما اصدكة بــــس انا عشت كل هذا بتفاصيلة اااخ لو تــــدرين شسويت باخواني حتى ما اضيعهم وماينسوني

:- مسحت عيوني صوتي محتقن والكلمة كوه تطلع مني كلساع امسح عيونة يسكت ومن يوصل الموقف صعب يبجي بصوت گـــــلبي احس نمرد.

::- شسويت أبــــــهر؟

:- چويتهم

- سكتت ما مستوعبة عقلي قفل وهو يبجي ويعتب على اهله لان عافوا وجبروا يتصرف هيج گـــــال

- نفس هذن الندبات بأيد درة وبأيد اباذر

- ليش ليش مافهمت

- ما ادري جنت خايف ردت دليل حتى ما انغش..... واعرفهم اخواني ما اجة ابالي غير اچويهم واچوي ايدي لو تشوفين درة شصار بيها فرفحت وانا احرك بأيدها

خلصت الليــــل اوصي بيهم ماينسون كل يـــــوم يبوسون ايدهم ويخلونها على كلبهم
اهلنا يسمعونا وانا اسمعهم وبنفس الوقت راح اسوي هيج مثلهم

- ومن اجه يريد ياخذهم ما انطيتهم رجعت اعارك ماردت اضيعهم. حددني بمخزن وكل يـــــوم يضربني واخواني راحوا وماعرفت شي عنهم بعد لزمني من ايدي التوجعني اذا اسوي شي غلط يهددني بيهم

- صرت اشتغل ويا حسين وعلول وعمر كيف بينا قسام الولد الجانوا يضربونا صاروا ضدنا يدورون ورانا حتى يطيحونا

تقربت من قسام كلش شنو يگول اسوي
عود بلكي يثق بيه ويدليني على اخواني
بــــس بكل مره اجيب طاريهم يكلي من يصير عمرك 20 اوصلك الهم

غير شغلنا من بوك الشارع خلانا نشتغل بالاسلحة المفصخة ونرتبها بصناديك والاطفال الصغار هم يجدون بالتقاطعات وبيهم يبوكون بالسوك

مرت سنة قسام خله بايدي اسلاح كامل لاول مرة وياي حسين وعمر وعلول والولد الضدنا اربعتهم ونجاتي هم ويانا دلانة على بيت گـــــال تسلبونة

نفذنا الطلبة ما اذينا العائلة بــــس اخذنا كل فلوسهم والذهب ...من جاي نرجع كتلهم عندي شغل حسين گـــــال وين والولد الثلاثة عبالهم راح ابوگ بعد كالو رجلنا على رجلك

رحنا انا وحسين وهم ثلاثتهم ويانا رحت البيت اهلي ههه طفرنا توقعت عمي بايعة بــــس طلع مزوج بنية صغيرة ومرمم البيت. عفتهم هم اخذوه وانا رحت الغرفة اهلي باقية مثل ماهي اخذت هوياتنا واخذت عمي وطلعنا

اخذناه المكان مهجور ومحد بيه
طلعتله وجهي نصدم ما مصدك يتوسل انا عمك شلون تسوي بيه هيج ههههه عذبته
حسين ماقابل ويحجي عليه

:- اذا كتلته ايدك تاخذ على الكتل يصير عندك مثل شربة المي عوفة

:- منتظر هل فرصة من زمان ......
ماترددت ابد ولارجف گـــــلبي كتلتة وعفناه
للچلاب بمكان مقطوع رجعنا القسام

عاقبني لان تصرفت بدون علمة بــــس عادي تعودت اتحمل الحد عمر العشرين كتلة دليني رفض

خطفتة صوبتة برجلة علمود يوصلني الهم گـــــال لو تكتلني هم ما ادليك واخليك بحسرتهم ...ومن عفتة ماخله مكان صاحي بجسمي

اخر مرة وعدني اذا طلعتلة الفلوس يوصلني الهم وانتي اخذتيهن وهم مادلاني ضاعوا اخواني جــــمرة ضاعوا صار 16 سنة ادور عليهم ضيعتهممم ضيعتهم ماموجودين...

:- بجه يشهك جريتة الحضني وتمددت امسح على شعرة ساكته بــــس دموعي تنزل وكلبي يدك حيل يبجي ويرجف

:- ضيعتهم وين الكاهم بعد وين ضاعوا مني

-حضنتة حيل عقلي الف سؤال بيه وخايفة احجي شوية وسكت ثكل نفسة ماتحركت من مكاني الحد ماغفيت وانا حاضنتة بقوتي

- فزيت الصبح مالكيته يمي كعدت اباوع بالغرفة شايل فراشة مسفطة غمضت عيني. أفكر بحجي البارحة معقولة عايش كل هذا ولو اني بمكانة شنو اسوي

هم نفسة لان اني بمجرد ردت فلوس العملية بيبي مديت ايدي للحرام وبگت هوا اخوانة مايعرف وينهم شلون مايشتغل هيج علمودهم

عصرت راسي ابين ادية دايخة ونفتح الباب. فات بيده صينية ريوك ومبتسم

:- صباح الخير كومي غسلي قبل لايبرد الريوك

- سكتت اباوع بوجهه خله الصينية كدامي. ورجع وكف اشرلي براسة

:- يله تعالي غسلي

- كمت وياه غسلت ورجعنا للغرفة مايخلي عينة بعيني بــــس اني ساكتة واباوع بوجهه يسويلي لفات ويشربني چاي

:- أبــــــهر

رفع راسة باوعلي. جر نفس بقوة

- هــــا

- واذا قسام يجذب عليك ويطلع كاتل اخوانك؟

بلع ريك ساكت عينة بعيني وانا الف فكرة ابالي
دنك عينة رجع سوالي لفة اخذتها منه گـــــال

- لا تعودين هل كلمة انا عايش الخاطرهم عايش على امل اشوفهم لو مرة وحـــدة وراها اموت ميخالف

- عندي هواي اسئلة

-اشش كـــــافي اكلي

- شبعت باوع .......نفخت بطني واشرت عليها ابتسم ونطاني اخر لفة

:- ميخالف الاخيرة حتى تسمنين شوية

-خلي اسأل وجاوبني ........
اخذ الصينية وكام يمشي على كيف ومايضغط على رجلة

طلع من الغرفة طبكت الفراش عفتة على جهه طول مارجع. لبست شال وطلعت من الغرفة
اباوع بالبيت ما موجود وين راح دخلت للمطبخ فتحت الباب على كيف وطلعت للطارمة صوت الجوارين يغسلون فراشات مدري شنو وحدة تحجي على الثانية بقيت واكفة اتنصت وابتسم وحدي

رفعت راسي باب الشارع كدامي دك گـــــلبي حيل وفزيت على ايدة من حضن ركبتي وخصري من وره

:- تردين تشردين؟

رفعت ايدي فوك ايدة لازمتها وهو وجهة يم اذني

- :لا ما اشرد نسيت وعدتك اسجنك اذا شردت وين الكاك بعد

- ههه زين اذا ردتي تسجنيني تحجين الحجيتة الج البارحة

- سكتت وهو يبعد شعري من اذني ويحرك ايدة على خدي. هزيت راسي

:- لا اكلهم مجـــرم خطفني اغتصبني
....حجيتها وسكتت تذكرت من گـــــال لو اموت ما اغتصب هسه بديت افهم كلامة لان اغتصبوا امة كدامة

:- جذبتي من هسه ما مغتصبج

-مثل ماجذبت عليه وخليتني انجبر اتزوجك اجذب واكول اغتصبني وجبرني اتزوجة

- وبعد

- حبسني شربني مخدرات وخلاني مدمنة دخلوا البيتة عصابة واني وحدي عافني ابيت مسكون يومية يطلعني البيت ويحبسني بيه

ضحك باس خدي وسأل بجدية
:- تتمنين تسجنيني

:- اي واللـــه كتلك راح اكسر كلبك واخذ حقي منك شايف كل العشتة بجهه والراح تشوفهه مني بجهه

:- جــــمرة لا تستخدمين الحجيتة الج ضدي
رغم متاكد مايجي يـــــوم واخليك اطلعين من يمي بــــس للاحتياط اذا صارت احجي كلشي ولاتجيبين طاري اخواني خاف هم يطلعون متورطين مثلي لاتحجين شي يخصهم

:- لا اعتبر نفـــــسي ماسمعت شي هذا موضوع وحـــدة وابد ما اجيب طاريهم مشكلتي وياك مو ويا اخوانك الحجة وياي البارحة الأبـــــهر مو انته هسه جـــــندل

:- ههههه شلون تكسرين گـــــلبي ؟

- دفعته مني. ابتعد گـــــال فوتي جوا وتقرب قفل باب المطبخ مشيت كدامة رجعت للغرفة
كعدت ساكتة الحد ما اجة سد باب الغرفة وباوعلي

:- اي ست.. سنايبر شلون تكسرين گـــــلبي

- دنكت ساكتة اجه كعد يمي جر المخده خلاها يم رجلي وتمدد يباوعلي. دنكت راسي عليه اكثر

:- انت تحبني ادري بيك بــــس انا اكرهك وراح اسجنك هيج اكسر كلبك

ضحك حيل ورفع أيــــدة يلزم بخدي ويضحك

:- منو گـــــال انا احبج

- اني اكول ادري بيك

- غلطانة ما احبج

- لا تجذب احلف ماتحبني ....ضحك وحلف ما احبج دفعت أيــــدة من خدي ورفعت راسي

:- اخليك تحبني واكسر كلبك

:- غير تسكت جنها ليطة الزقجة سنايبر

:- الثور المجرم الكافر

انت مو تكول جنت ضعيف ومريض شو هسه
جنك مصارع اذا تاكل طشت لحم ماتشبع شلون صرت هيج كلي حتى اصير،مثلك

:- من الكتل اكتلج حتى تصيرين مثلي

-حتى اكسر ايدك ..

بمجرد حجيتها رفع أيــــدة وضربني راشدي على كيف ...يضحك. لزمت خدي ودفرت راسة هو والمخدة كمت وكفت وهو هم وكف يضحك شمرت عليه المخدة اغلط

:- الثور الحمار وخــــر والله من تمد ايدك عليه اكسرها فهمت

:- مو تردين احبج تعاملي وياي بلطف ههه

- درووح.

رجعت شلت المخدة أريـــــد اشمرها علية خزرني گـــــال
::- اشش كـــــافي

- نزلت المخده اباوع بعينة ..::-أبــــــهر اكلك شي

اجة يمي سحبني من ايد كعدني بصفة يباوع بوجهي

:- اي كولي

;- اني ما اخاف يعني لاتخزرني ما اهتم تفشل نفسك من تخزرني

:- يعني ماكو شي تخافين منه

:- لا اكو الموت وسوالف الجن اخاف منهن

:- نرجع للبيت المسكون؟

:-ارجع وحدك

- ههههه جنت اروح نبقى بيه انا وعمر وعلول نضحك عليهم من يردون يخوفونة مانهتم بــــس انتي خوافة

:-شكد عندك بيوت انت

:- هههه ولا بيت كل الرحنالهن مناطق مهجورة
وعمارات ندفع فلوس قليلة ونكعد بيه فترة بــــس اجيب اثاث واخلي بيبان بمزاجي يمنعن سنايبر تشرد

حتى بيت اهلي مرت عمي بايعتة وناس مفلشينة وبانينة من جديد

:- سكتت وهو هم سكت قفل الغرفة ونام
يومين مرن ورجع يطلع الشغلة يقفل باب الصالة
ابد ماصيحت خفت يسويها صدك ويرجعني للبيت المسكون

بــــس جنت هادئة واحس بنفسي يـــــوم عن يـــــوم اصحه وارجع جــــمرة القديمة الشي المارح مني رجفة ايدي. بقت ماراحت ومرات عقلي يضرب وماعرف افكر اكو شي نقص بيه شكد ما احاول احس افكاري متشتتة وماكدر ارجع مثل اول يمكن واير فلت بدماغي وبعد مايرجع ..

....

نــــهله. ::- غـــــدير وفاطمة ويا عـــــلي بسيارته الجهال يلعبون بايباداتهم ادريس ضل يغفي
لان تعبان

:- اذا تعــــبت اطبك ارتاح لاتگلبنا

التفتلي ابتسم
:- لا تفاولين علينا راح نوصل

- غير شفتك غمضت

:- اهاا شو صايرة تتبلين عليه

:-ههههه واللـــه ياعمي ما مجذبة تغمض على ساعة اطببنا بسيارة
هسه لو اسمر ويانا جان ساق بمكانك

;- خبيث كتله يكلي ايع ما اتحمل هوسة

:-باوعت للساعة بالسيارة بالعشرة و40 دقيقة دخلنا للأمام عـــــلي عليه السلام زرنا وكعدنا بالحضرة مصطفى امدد ابيناتنا وعلي وفاطمة كاعدين مقابيلنا يتهامسون وادريس كل شوية مدخل نفسه ومحاجيهم الحد مادغيتة برجلة باوعلي

::-شبيك عوفهم

:- خليني اغثة غاثني هواي

- ضحكت وسكتت التفتت الغدير بصفي تصور بيهم سكتة كلش حلوين لافة روحها بالعباية ويسولفون سوالفهم على الامام عـــــلي عليه السلام لان جانت تاشر بايدها على اماكن وهو يجاوب گال ادريــــــس

:- هــــا نروح للفندق

:- لا ليش

:- تعبانين انام حتى الصبح نطلع للمقبرة نزور ونروح الكربلاء نبات هناك ليلة ونرجع الاهلنا

عـــــلي. ::- لا عـــــمو عوفنا هنا اذا تريد لف راسك ونام هنا

:- عـــــمو؟

- اي عـــــمو لعد شنو لابس رتبة حتى اكلك سيــــدي الشغل وحد

- ههههه سهله عـــــلي نرجع ونتفاهم

غـــــدير. ::- ميته ضحك على فــــــاطمة حتى عـــــلي عرف انا اصور بيهم كل شوية يباوعلي ويهز راسة صوري. ينكرطون خاصة صورهم يم الامام وهم كاعدين كلش حلوات اكلب بيهن مبتسمه وفرحانة الحد مادك تليفون عـــــلي. ضحك وكال بــــسام اختفت ابتسامتي وهو فتح مكبر الصوت وتقرب العمو........
بــــسام گـــــال

::- هــــا الخايس دعيتلي

:- لا واللـــه دعيت المرتي

:- هي فطيم وياك تدعي الروحها اندعيلي شبيك جلف ذكر ابو اسمر كله يجيبلي دهينه نجفية مو يجي هنا ويكول واللـــه نسيتك سوالفة حفظناها خلي يبطلهن

:- يمي ولايهمك ...... واللـــه مال اكضك واضحك عليك شهر تذكر من انت خطبت وانا ضال معلك .....وبقيت تضحك عليه
وهسه انا خاطب وانت راح اطلك

غـــــدير. ::-فتحت عيني على وسعهن وعمه صاحت ::- ياا ليش

عـــــلي سد الصوت وبقى يحجي ويا بــــسام
وعمو ادريــــــس يحاجي عــــمة ويفهمها بصوت ناصي تقربت عليهم أريـــــد اسمع كالها

:- مو الادمية من هو بالبيت شحلاتها ومن يطلع هو وابو تحير شتسوي بامة

:- لعد شنو امه ماتحجي؟

:- تحجي بــــس بتعب موكلش وماتشكي متحملة بــــس هو سبع مايثق ناصب كامرات بالغرقة واصلة وياها مرحلة تدفعها من الجرباية للكاع ودكلها اصعدي يله ارجعي المكانج

نــــهله. ::- يا يمه لاحول ولا قوة الا بالله خطية وتالي

:- ارعن لازم مرتة وكاتلها حيل خله الغلط عليه
وهسه رافع قضية يمكن باجر الجلسة الاخيرة مال طلاكهم

:- خطيه بــــسام مايستاهل

غـــــدير. ::- رجع گـــــلبي يدك غصب عني رجع التفكيري. رحنا للسوك انا وفــــــاطمة وعلي

يحير شنو يشتريلها. استحيت وردتهم ياخذون راحتهم كمت امشي وراهم بمسافة الحد ماصاحلي عـــــلي

::- تعالي خوية شنو باقية ورانا وترا صاحبة فضل علينا لو ما انتي ويانا عـــــمو مايخلينا نمشي وحدنا

:- مشيت بصف فــــــاطمة لزمت ايدي مبتسمة

::- شكد ما احب عـــــلي احبج ربي دزج الي هدية وعوض الله لايحرمني منج

- سكتت صافنة بعينها شفتي ترجف أريـــــد ابجي وهي تضحك كالها عـــــلي

:- فطوم لا تعيقين مشاعر البنيه امشن يله

- ضحكنا ثنينا ومشينا وياه اشتره عشه ورجعنا قبل لا نوصلهم شفت الجهال نايمين متسدحين على رجلين عــــمة. وعمو متقرب بصفهــــا ورافع تليفونة يصور سلفيات راسا وكفت وهم هم وكفوا مستغربين

عـــــلي. ::- هــــا شكو

- اوكفوا شوية ونروح ...ضحكت فــــــاطمة كالت

:- شوف عـــــمو ياخذ سيلفيات همزين احنا عدنا غـــــدير تصورنا ههههه

عـــــلي. ::- ايباااه صاير احوال امشي نكعد ونصور سيلفيات شنو هم احسن من عدنا

غـــــدير. ::- رحنا يمهم بــــس كعدت يم عــــمة شاورتها
::- هــــا عــــمة صور من وراية

سكتت سوت نفسها ماسمعتني. ورا العشا عـــــلي وعمو ناموا يمنا واحنا كل شوية نروح نزور ونرجع

نــــهله. ::- من اروح للزيارة مابودي اغمض عيني أريـــــد املي نظري واشبع زرت النفسي ونيابة عن مصطفى وجمرة. كلهم ناموا الا اني

اباوع للحضرة وللناس الحد الفجر كعد ادريــــــس اعيونة مورمة وحمر باوعلي ابـــــتسمت. وهو يحرك برگبتة منا ومنا

::- شكول عليج كسرتينا لو رايحين للفندق مرتاحين

:- ضحكت دار يباوع للجهال صايرين واحد فوك الثاني وبصفي فــــــاطمة وغدير متلفلفات بعبيهن .....وعلي بالجهة الثانية گال

:- اصلي حتى نطلع للمقبرة

:- اي هاي هي كعد عـــــلي وياك .....

صلينا وتريكنا وطلعنا زرنا المقبرة ورحنا الكربلاء. بــــس زرنا گـــــال

::- نــــهله نروح الفندق ما اكدر اتعب هيج

:- اي خلي نروح هاي هي ..

طلعنا للفندق. اجرنا ثلث غرف البنات كلهن بغرفة وانا وادريس ومصطفى بغرفة وعلي وغيث بغرفة

طلعت ملابسهم من الجنطة نطيتهن الابوهم حتى يسبحون. وهو كل شوية راجعلي غيث مايريد هذا التشرت هبه ماتقبل تلبس هذا عفران دكول ما اسبح

::- هو بكيفهم شنو ....
عفتة ورحتلهم. سبحتهم واخذت ملابسهم غسلتهن ورجعت يـــــمة هم لكيتة سابح وكاعد يضحك بمصطفى

رجعت للجنطة أريـــــد اطلعلي دشداشة كلبتها كلاب ماكو

::- شدورين

:- يمكن نسيت ماجايبتلي دشداشة

:- انزل اشتريلج

:- لا خلي اشوف غـــــدير خاف وياها ....
رحت الغدير كالت ماعندي رجعتله
::- هسه اغسلها انشفها والبسها

::- لا انتظري انزل اشتريلج

- سكتت وهو نزل شوية ورجع جايب ثنين وحـــدة اسود وحـــدة الوان ضحكت

:- هاي المن
:- شدراني شفتها حلوه وجبتها

:- اخذت السوده عفتها على جهه وكلت مصطفى ودخلته للحمام غيرتلة ونومته يله سبحت وطلعت كعدت على جرباية مصطفى ام النفر والنايم عليها ادريس ام النفرين هو هيج رادهن
عفت الحجاب أريـــــد امشط شعري لمحني ودار وجــــهة ساكت شوية وكال

:- اكو بيج صفة كلش حلوه

:- ابـــــتسمت لفيت نفسي بالغطا ويا مصطفى
::-ياصفة

- حنينة بطريقة صعب تنوصف

ولا مرة شفتج اكلتي ومصطفى جوعان
وكل شوية تتاكدين من ملابسة خاف رطبات
تكعدينة وتحسين بيه اذا يريد ينگلب الغير جهه ماتخلينة طول اليوم نايم نفس النومة
علاجة منتبهلج ماتتأخرين دقيقه. ومن توكلينة
دكعدينة وتحسين على ظهرة منتبهلج حتى اصابيعة تمرغينهن وتحركين رجلية وادية
فرشاة الاسنان والمعجون ولا مرة نسيتي وماغسلتي اسنانة

"يلوموني ليش اختاريتج غريب وحسيت بحنيتج "

- دنكت اباوع بوجهة مصطفى مبتسمة
:- غير ولـــــيدي تدري هو جان فد حنين يقسم اللكمة بيني وبين جمرة

:- يعني جان يحجي هو

:- اي كلشي مابيه يمشي ويحجي طفل عادي واليشوفة مستحيل يگول مريض بعدين زادت حركتة وتصرفاتة وصار يوگع طلع عنده ضمور الحد ماوصل الهل حال

- رفعت راسي اباوعلة رغم گـــــلبي مچوة على ابني بــــس ابـــــتسمت من تذكرت سوالفة

::-جانت عنده لدغة بالراء يسمي جــــمرة جمغة
وجان يمنا ولد اسمه كرار مصطفى يصيحله كغاغ وهذاك يتخبل يومية يجي شوفي ابنج يصيح عليه كغاغ اكله عنده لدغة مايصدك حسبالة يعيب عليه

- هههه ملامحة حيل حلوه احله من جــــمرة وهبه

- سكتت متحسرة گال

:- نــــهله اذا انا صارلي شي وصرت هيج مثل مصطفى بــــس امدد اداريني لو تشمريني بدار العجزة

:- حجاها بضحك بــــس اني تذكرت حجايتة من گـــــال بس يكبرون جهالي يخلص اتفاقنا
بلعت ريك ساكتة اباوع بعينة همست
::- اداريك

- سكت يباوعلي حجه بهدوء

:- ماتعوفيني حتى لو كبروا الجهال؟

- سكتت بــــهتت ملامحة منتظر مني الكلمة دنكت ورجعت باوعتله

::- اذا انت ماردت نعوفك مانعوفك

حجيتها ودنكت ويني وين هل سوالف هسه انا شبيه ارجف شجاني گال

:- رايدج وياي حد گطع النفس دنيا واخرة اتمناج

- دنكت متوترة جريت الغطه على مصطفى اضيع ماعرف شنو احجي كلام بعمري ماسامعته ولا عايشة تأثير الكلمة. ....كام طلع للبلكون تمددت بصف مصطفى. بعدني ما مغمضة عيني
...هسه حسبالة ضجت منه ونمت هنا واستحي انام هناك خاف يفكر غير شي شسوي

كمت بهدوء تمددت بجربايتة بالطرف وتغطيت
مغمضة عيني بــــس مانايمه كلماتة تتردد باذني وكل ما اتذكرهن گـــــلبي يدك حيل والوم بنفسي لان اتاثر بكلامة. شوية وحسيتة رجع دخل طفة الضوه بــــس بقت الغرفة مضوية لان مو. ليل الدنيا الظهر حسيتة تمدد بصفي. وسحب الغطه تغطه وياي وحجة

:- راح توكعين اتقربي

- رفعت راسي أريـــــد ارجع جسمي شوية مد أيــــدة على المخدة نزلت راسي على ايدة ساكته شوية وثگل نفسه عرفتة نام اني هم نمت وفزيت من سحب أيــــدة من جوا راسي نگلب لجهه الثانية رجعت نمت. وكعدت على مناغات مصطفى ايدي ثگيلة وماتنسحب. التفتت ادريــــــس نايم عليها جوا راسة سحبتها. منملة وكوا احركها فز يباوعلي ويفرك بوجهة

:- شبيج

-عفتة وكمت غسلت رجعت يـــــمة گال

:- راسج ثگيل

- رفعت حاجبي. ::- شنو

ضحك ورفع ايدة
:- ايدي خدرت

:- ههه اول شي ماجبرتك انت خليت ايدك على مخدتي ثاني شي يمكن عشر دقايق وسحبتها متدري بنفسك انگلبت الهذيج الجهه ثالث شي
انت النايم على ايدي وكعدت ماكدر احركها

ضحك واني اكله
::- اي واللـــه حسبالك جذب

:- المهم راسج ثگيل

:- شايلة جسمي ماشامرتة عليك ..
احجي مبتسمه وهو يتخبل من ارد عليه
يموت من الضحك.

::- هسه انتي انا المهم نمتي بحضني للمرة الثالثة

- اختفت ابتسامتي رحت يم مصطفى ساكتة وهو دخل غسل ورجع گـــــال نروح نزور

اخذنا مصطفى وطلعنا بــــس احنا
زرنا ورحنا على الشط. طلع مصطفى من العربانة خلاه بحضنة ومد رجليهم بالمي. حيل حيل تونسنا الحد ما اتصل عـــــلي يرعد

:- اطلعون من ورانا شامرين جهالكم علينا وتفرفرون

:- كاله بدلوا وتعالوا ورانا
..وصدك شوية واجوا اشرد من عيون غـــــدير بــــس تصف وياي تحجي
:- هــــا عــــمة تشردون وكذا

غـــــدير. ::- اذا سألوني على اجمل طلعة راح تكون هاي حيل تونسنا وفرحانين حتى عــــمة اغلب وقتها تضحك وعمو مكيف بيها ...

شوية ورجعنا للحضرة اخذنا صور جماعية وراها بــــس عـــــلي وفاطمه
وعمو غار وكال

:- انا ومرتي هم نصور وحدنا

-غرت منهم وسحلت فــــــاطمة صورة وياها وحدنا على اساس خلصنا جاي يدفع عـــــمو فلوس للمصور كالتة عــــمة
::- خلي صورة المصطفى وحد

كمل القطات وانطاه فلوس. بقينا كاعدين الحد ماطلعن الصور وبالليل رجعنا للفندق وفجر طلعنا البغداد ........

يتبــــــع⋆𓍯

الكــــاتبة أيـــــــلول⋆𓄼𓂁

الريحانات 💚🌿.

الحساب الخاص بالرواية 👇