رواية أجرام مستباح لثلاث ندبات الفصل الثامن والعشرون 28 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                    بقلم الكاتبة ايلول

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

وانتضرتك...
بين صفنات الليالـي
وجرح ودخان الجگايـر
وبين لچمـاتي وحسرتي
وحيرتي وكسرة الخاطر
وبين مدري و وين صاير؟

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

غدير ::-دك تليفوني بيدي واحنا كاعدين بالصالة
::-ها بــــسام
::- بالباب احنا

غـــــدير ::-سديت الخط مبتسمه وعمه رافعتلي حاجبها بضحك. كتلها ::- يله اجوا

ركضت فــــــاطمة للغرفة جابت عبايتها واجت تركض لبستها وتگل العمه ::- بــــس اوكفي فدوه

::- ولج يـــــمة عيب منتظرين بالشارع

غـــــدير ::- جريت فــــــاطمة نضحك نزلنا وعمه ورانا تمشي وتحجي بضحكة
::- امشن وياي لاتركضن

:- وكفنا نضحك لمن نزلت يمنا ونفتح باب الكراج دخل عـــــلي وضحكت فــــــاطمة مشت سريع وتجر بايدي وراها بــــس تريد توصله وكفنا ثنينا على صوت امها صاحت عليها واكفة اباب البيت

- بقينا واكفين بصف سيارة عـــــمو واجت هي خازرة فــــــاطمة لزمتها من زندها كارصتها وتحجي من بين اسنانها
::- اثگلي شويه اثگلي مستخفة

نــــهله ::- ايدج خيه ايدج مــــحد برزانتها وثگلها هاي الوحيده الماتحتاج واحد يوصيها ويعلمها

::- ماتشوفينها ركضتلة

::- زوجها ترا تحملي هل اسبوع وتروح منج تعضين اصابيعج ندم بـ فراگها اسألي مجرب

غـــــدير ::- عيني بعين فــــــاطمة وشفايفها اليرجفن عيونها الدمعة تفتر بيهن لونهن الرصاصي يتغير بــــس تبجي. امها عافتها ورجعت للبيت عافت الباب مفتوح تباوع

فاطمه دارت عينها عليه ترجف
::- لا تبجين فدوه

- مسحت عيونها وهزت راسها لا والتفتت العلي مكتف ايديه اواكف بالباب دارت الامها الخازرتها كالت عــــمة ::-امشن

- بــــس وصلنا يم عـــــلي سحبها وحضنها حيل بعناد امها ماعافها الحد ماضحكت وكالتلة

::- كسرت ضلوعي

::- ابوسهن ضلع ضلع

جم مره كتلج لاتخلينهم يبجونج ليش تتاثرين بحجيهم.

غـــــدير::- التفت علي خازرني گـــــال
:- ولج غديره ليش تخلينها تبجي

:- ابتسمتلة. اباوع الفاطمة ضمت روحها بحضنة لازمتة من خصره كالتلة عــــمة

::- هسه تتزوجون وبيك خير ولاتخلي عيونها يبجن

عـــــلي ::- مجتف للكفل زينب ماخلي دمعه تتزل من عيونها المضيعاتني

فــــــاطمة ::- ياا بلا فرحانة ونزلن دموعي شلون

::- لا دموع الفرح عادي هاي ماحلفنا عليها

غـــــدير ::- ضحكنا وبسام دك هورن رفع أيــــدة عـــــلي سب بــــسام سلمنا نريد نصعد وعلي قفل يريد يكعد يم فــــــاطمة وره. سحب عــــمة من ايدها يريدها تكعد كدام وهي تصيح

::- ولك امشي عيب لا تلزمني

غـــــدير ::- مدنكة اضحك عليه ابد مايخجل يبين حبه الها كدام الكل جبر عــــمة كعدت يم بــــسام وهو كعد ليوره يمنا فاطمه بالنص بيني وبينه غرت منه عليها. سحبت ايدها البجهتي لزمتها التفتتلي مبتسمة ورافعه حاجبها ضحكت وعلي مد أيــــدة جر ايديها ثنينهن گـــــال

::- هذا رجلج والزمي أيــــدة عوفي فاطمتي

بــــسام ::- دعوفها واذا لزمت مرتك هي كلها كلها فطيم شبيك راح تموت

غـــــدير ::- رفعت عيني البسام مبتسمة وعلي يتعارك وياه لان يكول فطيم عــــمة ساكتة لان تنحرج ماتحب تبقى ابين اليحبون تستحي مخلصتها بــــس تتحمحم

صاحت فــــــاطمة
::- لا بــــسام مو هذا السوك ما نريده

عـــــلي ::- لعد ياسوك احسن شي هذا

غـــــدير::- ساعة تقنع بيهم ابالها سوك تريده تالي غصب عنهم رحناله..

عود سوك شعبي ومايلزم ايدها يمشي بصف بــــسام ويتلفت عليها واحنا يم عــــمة وراهم تالي بــــس شافني لزمت ايد فــــــاطمة عاف بــــسام واجه مبتسم باحراج كالها

::- تعالي عمري

- ضحكت وعفتها لزم ايدها وتمشى وعمه تضحك عليهم اجه بــــسام يمي يمشي ويسولف دخلنا المحل مفروشات اليعجبنا مايعجبهم كالت عــــمة

::- هــــا مو كتلجن يشلعون كلبجن

فــــــاطمة ::- غلطة عــــمة غلطة هههههه

غـــــدير -تقربت يمها كتلها ::- نرجع نكلهم ماعجبنا شي
::- لا اجينا وتعبنا

:- هم صح .......اخذنا كم شغلة وطلعنا بــــسام گـــــال ::- ترا الغرفة كلشي مابيها من اغراض تعالي اخذي على ذوقج

فتنا على محل ملابس نوم جرتني فــــــاطمة تشاورني
::- روحـــــي اني أريـــــد اخذ ملابس على ذوقي ويا عــــمة استحي

::- عززا غير يـــــوم قابل وهم ويانة تشترين

:- ههههه معليج اني أريـــــد عـــــلي وياي

غـــــدير ::- اي خوش خوش. راحت هي وعلي على غير جهه ... وانا وعمه وبسام رحنا المحل تجهيزات
اختارينا كم شغلة للغرفة وعجبني تيبلام
::- هــــا عــــمة حلو؟؟

::- اي حلو اذا عجبكم اخذوا
بسام::- واللـــه مو حلو هذاك احله

:- درت وجهي منه مطنكره شنو اليعجبني مايعجبه تالي سأل على سعره جاي يشتري والتفتنا على صوت علي فات يضحك گـــــال

::- ودتني كالت خاف يشترون شغلات احله منعدنا شنو اشتريتوا؟
بــــسام ::- اذا تاخذ مثلي هسه اكسرهن
نــــهله ::- حلوه هاي شعليك ...بفلوسهم مشترين

عـــــلي ::- يدخل روحة بسوالف النسوان هنه متفقات يشترن نفس الشغلات شعليك بعد

غـــــدير ::- فضحونا ابو المحل يضحك عليهم
گـــــال
::-دكي على رقمي غـــــدير تليفوني عد فطوم خلي اكلها مشترين تيبلام خاف تريد

:- طلعت تليفوني اضحك اتصلت على فــــــاطمة وانطيتة الها وبسام يصيح
::- ارجعهن بــــس تشتري مثلي

- عـــــلي سد الاتصال والتفت الابو المحل كاله ::-خليلي نفس اغراضهم بالضبط

:- ضحكت من كل گـــــلبي على مناكرهم هو وبسام اخذنا الاغراض وطلعنا نريد ناخذ فــــــاطمة ونروح
فرة شكدها مشيناها واحنا مارين من يم المخضر من بعيد لمحناها واكفة اباب المحل والناس تفوت ساعة اشوفها ساعة الناس تغطيها لان بعيده  وعلي يحجي بصوت

::- ااخ الله تضوي شمس

- وكفت عــــمة تريد تشتري مخضر وهم وكفوا
وياها
اشترينا ومشينا احجي ويا عــــمة مسافة بقت هياتها فــــــاطمة راح نوصلها. ضحكتها الحلوة وجها الضاوي مابقى غير شوية واشوفة عن قريب وارجع الزم ايدها ويغار عـــــلي مني ارجع. اضحك واسولف وياها ماجنت اعرف حدنا. بــــس لهنا

رفعت راسي الجهتها مبتسمه. وفز كل جسمي على الصوت القوي حسيت عيوني طلعن من قوته ابين وكفتنا اوكعتنا ثانية صوت الانفجار زرف طبلة اذني ماكدرت ارفع راسي من الگاع بــــس فاتحه عيني واباوع عــــمة المتمددة  كدامي تغمض عينها وتفتح بــــس تريد تركز  الناس التركض وناس واكعة اخر شخص تركزن عيوني عليه عـــــلي ااخ يا عـــــلي يا ركضتة وعثراتة وصوتة الحسيتة استقر براسي وبعد ماسمعت غيره فــــــاطمة يصيح بكل حيلة يركض ويعثر. وبسام وياه مره يلزمة ومره يركض الركضتة الحد ما انسدن عيوني. غصب عني وماكدرت افتحهن بعد

شوية وحسيت الاصوات ترجع العقلي واسمعها فتحت عيني عــــمة كدامي تصرخ وتلطم خشمها يصب دم اصوات الناس تهز الگلب ترجف وتبجي درت عيني مامستوعبة الاشوفة اجه بــــسام علينا يركض وعيونة  دم. عــــمة تصرخ

::- فاااااطمة يـــــمة فــــــاطمة

- اشياء عقلي مايسترجعها ما اتذكر شلون طلعنا من بين كل الناس حرف ما ناطقة بــــس ابالي عـــــلي وفاطمة هم طلعوا  وهسه اشوفهم وينهم فززني صوت الاسعاف . بسام يمشي بموازاتها ويصيح بكل صوته

::- دخيلك يا ابو الحسن دخيلك يا الله  لا تكسر عـــــلي..

بلعت ريك اهز براسي لا وافرك بعيوني ما أريـــــد هيج افكار الراسي هسه اشوف فــــــاطمة هسه الكاها خايفة مثلي. بــــس وينها وينها طال الطريق وماشفتها وين رراحت

وكفت الاسعاف وبسام وراها شخط السيارة وكفها  ونزلوا هو وعمه  أريـــــد جسمي يعيني درت عيوني ادورها هسه اشوفها مديت ايدي بــــس اريد الباب ينفتح  وانزل  ....هستوني نزلت و لمحة عـــــلي نزل من الاسعاف القميص مشگوك من الطول للطول يدك على صدرة ويصيح بكل صوته عــــمة بــــس شافتة لطمت تصرخ وبسام ركضلة يلزمة وهو متخبل يصيح

::- واللـــه ما تموت واللـــه ما تروح وتعوفني

- بقيت واكفة بمكاني رجلية يرجفن شجاي يحجون فــــــاطمة وين غوشن عيوني غمضت لازمة بالسيارة ورجعت فتحت عيوني تدورها شفت ظهر عـــــلي عليه دنك على السدية ورجع رفع راسة افتر ولمحتها ابين ادية. ملابسها لونهن احمر من الدم وايديها الحلوات مسبلتهم. ..جريت نفس اشهك حسيت گـــــلبي نشلع من مكانة. وكعت فاقدة

مافتحت عيني الحد ماحسيت نفـــــسي جاي اسمعها. تحاجيني حسيت ايدها فوگ ايدي فتحت عيني فازة لزمتها
::- فــــــاطمة

سمر ::-اني
غـــــدير ::- باوعت بعينها ارجف وهي تبجي. دفعت ايدها مني. ::- فــــــاطمة وين؟

ضمت وجها ابين ايديها تبجي كمت على حيلي طلعت اركض وهي وراي يابة روحـــــي راحت احس جاي اسمع صوتها. بــــس أريـــــد اندل منين انزل والله جاي اسمع صوتهااا والله

بــــسام ::- كاعد على حيلي اباب الغرفة وصوت البجي والصريخ يون براسي مايقبل واحد يدخل يـــــمة لايقبل ينطيها رفعت راسي ليفوك گـــــلبي نار

ليش كمرتة استشهدت وعافتة تعب يله حصلها ليش مافرح بيها ..امها ابوها اخوانها اليبجون الگلبة من صخر. رفعت ايدي مسحت وجهي وكمت على حيلي

فتحت الباب گـــــلبي لاچمني على صاحبي النكسر وطفت روحه. سديت الباب وبقيت واكف بمكاني

مدنك على ايدها بايسها ومغمض
اللهي صبرك عين كلبه تقدمت يـــــمة خليت ايدي على كتفة
::- عـــــلي

- رفع أيــــدة بسرعه خلاها على حلكي خازرني بغضب
:: اشش لا تكول ماتت هي كالت ماتعوفني كتلها ماعندي اهل عافوني حلفت تصير اهلي وماتعوفني

::- قوي روحك ...هي شهيدة

:- اسكت لاتوجع گـــــلبي اسكت

- دفعني من صدري ورجع دنك راسة يم راسها يحاجيها فلش گـــــلبي

::- فــــــاطمة يا روح عـــــلي

بنيتــــي ودنيتي وكلشي حلو بحياتي لا تعوفيني احلفج بشنو ومنو التعزينة اكثر مني واحلفج بيه عليج بدموع عيني الكتيلي يحركن گـــــلبي لا تعوفيني. ..ولج شسوي بدونج شلون اعيش. فاطمتي يا گمرة عـــــلي يا روح عـــــلي

تعوفيني يهون عليج لج امووت واللـــه ما اكدر
اضيع بدونج حاجيني انتي كل اهلي لاتيتميني

بــــسام::- رجعت عليه جريته من أيــــدة بــــس أريـــــد احضنه واطلعه من الغرفة دفعني وحيل سحبتة حاضنة صيح بكل صوتة

::-روحي راحت يااااا الله.
ولك بسااام ررررراحت روحـــــي رااحت  ياااا يـــــمة
اااااخ يا الله

- طلعته من الغرفة حاضنة وهو يدفعني يريد يرجعلها لزمناه اباب الغرفة هذا عـــــلي السبع وكع بيدي لا يحرك ايد ولا رجل

ركضوا بيه وكفت ايدي على راسي نكسر عـــــلي نكسر
كعدت مهدود حيلي من كالولي صارت عنده ذبحة صدرية أريـــــد رجلية يعينني وابقى واكف ماكدرت اخذوا فــــــاطمة عروستنا الشهيده

بقيت يم عـــــلي ما ادري عن شي ثاني لمن كعد دار عينة يباوعلي
::- اخذني الهاا

::- سكتت اباوعله حاجاه الدكتور حاول قفل هسه يطلع اخذتة مابيه حيل يخطي الخطوة حاني ظهرة
ولازم كلبه بايده الشارع مسدود من الركن للركن طلع ابو اسمر بالباب. عــــــيونة حمر. نزلت عـــــلي وهو تقدملة حضنة يبجون ثنينهم

عـــــلي ::- راحت فاطمتي عافتنييي

ادريــــــس.::- يا بوووية يا فطيم ياعميي

غـــــدير ::- حضنت تابوتها مفرفخة وما مصدكة
بــــس صاحن اجه عـــــلي كامت امها تصرخ وتلطم وتصيح
::- راحت عروووستك راحت ولجج يـــــمة ولج فطيم يمممه

::- دخل بــــس لمح تابوتها بجه وتقدم حضنه يبجي بصوت والنسوان يجرن بينا ويصيحن
::- خلنه وحـــدة خلنا يشبع منهااا

:- دفعتهن وكعت بعيد لامة رجلية الصدري وابجي اباوع العلي وبجية صيح بصوت رج البيت

::- شنو اليبرد نااااار گـــــلبي عليج كسرررتيني ليشش

كومته عــــمة نــــهله فاتوا يردون يشيلون التابوت تقدم خله كتفة وياهم ودموعه تصب طلعو والبيت عج بالصريخ

كمت على حيلي بــــس أريـــــد اطلع هاي صاحبتي هاي روحـــــي لزمتني سمر من ايدي.  رجعت لصالة اصرخ بكل صوتي ماتبرد مااتبرد نار گـــــلبي

رجعت اركض من بينهم طلعت التابوت المحه
فوك السيارة. حركو. بــــس ولد ما اخذوا ولا مره .طلعن النسوان كلها وراهم للشارع
رفعت ايدي ابجي واصيح.
::- ياروحي كسررتي گـــــلبي واللـــه كسرررتي گـــــلبي
يا گمرة عـــــلي.

هنا انتهى كلشي هنا ماتت ضحكة هنا انطفت روح ونزل السواد على بيت كامل. كلها كاعده بالشارع وتبجي نسوان وزلم كلها عدها كتف وحضن يواسيهم بــــس عـــــلي من بعد فــــــاطمة منو اله

- عفت كلشي وركضت للغرفة. ادور ملابسها ابين ملابسي مثل المخبلة
حضنتهن ابجي واللـــه صعبه. التفتت على عــــمة وصوتها دخلت تمسح بدموعها كعدت على حيلي.
::- عــــمة

كعدت على اركبها يمي حضنتني ثنينا نبجي اواسيها وتواسيني .الحد ماغفيت وملابسها بايدي ماكدر ارافع راسي من المخده.

بــــسام ::- وصلنا النجف بالليل ماقبل عـــــلي
الا يطلع الضوة يله يدفنها.
زورناها الامام عـــــلي نزلناها وكعد يمها وحـــدة
رفع راسة وصيح بصوت يشك الصدر

::- يا ابو الحسن طلبتهااا منك يا عـــــلي بنيت روحـــــي اليوم شهيده يمك نهد حيلي عليهاااا نهد حيلللي

ابتعدنا كلنا من يـــــمة خله ايديه فوك التابوت وغمض عينه بــــس ابو اسمر تقرب وكعد يمه

الفجر طلعنا للمگبرة هنا عـــــلي انتهى هنا صيح وبجة الحد ما انهدت روحه  هنا ماقبل ينشمر عليها تراب اهنا باااس ايدينا حتى ندفنه وياها يفتر علينا واحد واحد ويتوسل

::- ادفنووني وياها ارحمووا بحااالي
بساااام بساام انـــتَ تعرفني ما اكدر بدونها
ادفني وياااها خليني ارتااااح وما اتعذب بفراگها

.جريتة الصدري حاضنة بقوتي صياحة يهد الحيل عفتهم بظهري جريتة جر اخذته. ورجعت
غفه بالسيارة ونص الطريق فز دار عينه باوعلي

::- شهيده هسه هي؟

- هزيت راسي اي عيوني يحركني بلع ريك
گـــــال

:- ادعيلي استشهد الحكها أريـــــد اموت شهيد حتى اكون وياها بالاخرة .....

- باوعت بعينة ساكت  ماجاوبتة گـــــال اخذني البيتنا
وصلته ونزلت وياه حضن امه يبجي نام على رجليها يومين مرن عـــــلي بــــس يفتح عينه ويتخربط مكابلة وكاعد حاير بزماني وبصاحبي شلون اطلعة من الهوا بيه شلون اواسي كسرة

نــــهله ::- اصعب شي بهل كون فراق الميت خاصة اذا اذيت شخص ومات وهو شايل بگلبة
عليك

ام فــــــاطمة مثل المخبلة لاخلت وجــــهة لا شعر واخوها يدخل بنصنا يلطم ويانا ويبجي وعباس هاج من البيت مــــحد يدري بيه وين

غـــــدير هي والفراش ماكامت الليــــل كله تخلصة بجي والنهار مصخنة وتون خلص حيلي
ادريــــــس ابد ما اشوفة صار عدهم انذار ولان الولد بــــسام وعلي مايكدرون يرحون ضغطوا عليه بشغلة ياخذة الليــــل ويجيبة الليــــل الحد ماخلصت الفاتحة.

وهي بكل زاوية من بيتنا الها ضحكة دخلت للمطبخ اتذكر سوالفها ودموعي تصب السالفتة حلوة فراگة مر وفاطمة فراگها يهد الحيل ..

......

جــــمرة::- احس روحـــــي مربطة والريحة بخشمي مو حلوة من احرك ايدي صوت حديد اسمعه. فكيت عيني بتعب

بــــس اباوع للسكف وعقلي يسترجع الصار غمضت عيني حيل من تذكرت قسام منظرة وكعدتة على صدري رجف گـــــلبي حيل وكعدت على حيلي ارفع ايديه أريـــــد امسح وجهي ودموعي بلعت ريك ارجف اباوع الايدي والسلسلة البيها نزلت عيوني اتبع السلسلة وين مربوطة. وتقربت ازحف أريـــــد افتحهاا اجر بيها وارجف.

سكتت بــــس اتنفس اسمع بيبان حديد تنفتح وصوت ضحكة مرة دك گـــــلبي حيل ورجعت ليورة اكثر من سمعت الباب نفتح. ندفع ودخل قسام يجر برجلة. ودخلت وراه مره سمينة

شعرها طالع وصدرها نصه مبين من ملابسها تعلج وتباوعلي مبتسمه التفتلها قسام كالها

::- امانتج بعد ما اوصيج

::- تدلل انـــتَ يمي ولايهمك

جــــمرة ::-فدوه عووفني حــباب واللـــه مامسوووية شي

تقدم. كعد كدامي لطشت بالحايط غصب عني اخاف غصب عني جسمي يرجف. قرب وجــــهة الي ويحجي

::- مرة جـــــندل ...هههههههه خلي يتعلم شلون يلعب وياي

:- روح عليه حاسبه بــــس عووفني معليه بيه خاطفني واللـــه خاطفني ...
ضحك حيل وكال

::- سولفيلي شيسوي من وراي شيشتغل وانا اعوفج وارجعج الاهلج

::- بلعت ريك اباوع بوجهه هزيت راسي لا
::- ما اعرف شي عنه هو بــــس حابسني بغرفة مايسولف يمي اي شي

.كام على حيلة باوع للمرة كالها

::- داريها زين بيج ومادرتي بالج عليها

- رفعت ايدها اشرت على عيونها كالتله
::- ابطن عيني
وطلعت. ::- صررخت سبيت وغلطت الحد ماراح صوتي ونهد حيلي بجيت تعبانة
شسويت بنفسي وين وصلت

مره وحـــدة تقربت للحرام ومديت ايدي
دمرت حياتي ودخلت العالم ما انتميلة
دموعي تنزل وعيني على الباب مايعوفني هسه يجي ويخلصني.

حسيت مثانتي راح تنفجر كمت بسرعة باب بصفي فتحتة وطلعت لعبانة نفسي وصخ وقذر شلون افوتلة تالي نجبرت دخلت واني كلي حقد على الأبـــــهر وعلى روحـــــي والدنيا

.مــــحد رجع شافني الحد ما اخذني التعب
جوعانة وعطشانة والمكان حاااار حتى بنكة مابية وصخ وقذر من تكطعت بطني من الجوع يله نفتح الباب وفاتت المره بيدها صحن كعدت على حيلي مديتلها ايدي بــــس أريـــــد اكل من بعيد خلتة بالكاع ودفعتة

شوية تمن وفوكهن مركة ايدي الوصخة من التراب ماهمتني بــــس مسحتها بملابسي واكلت نص الاكل يوكع بحضني وهي تباوعلي من بعيد مسحت حلكي

::- باوعي حبابة واللـــه خاطفيني وانا ما مسوية شي ساعديني فدوه خلصيني

::- ماتخلصين بعد بالعافيه على الاكلتية

- شمرت عليه بطل مي وكامت طلعت هدأت كلي اكو شي صار عيوني غوشن عفت المي وتمددت گـــــلبي يدك حيل ماكدرت اركز افكاري تخربطت حضنت نفـــــسي مغمضة ساعة احس بنفسي واعية وساعة احس بنفسي غير شخصية وتفززني صوت ضحكتي. .

الحد مانمت. ومن كعدت راسي يوجعني حيل
وجسمي يصب عرك راسا فهمت الصار بفضل الأبـــــهر صرت خبيرة واعرف اذا شربوني حبـــوب.

دخلت للحمام والسلسلة بايدي گـــــلبي نار وروحي احسها جاي تطلع

حيوان هم لو حيوان مايعاملونه هيج. .واللـــه ما اسامحك ولا ابريلك ذمة لو تعلكلي العشرة شمع

حجيتها بصوت ومسحت دموعي رجعت كعدت بمكاني جريت بالسلسلة الحد ما ايدية تجرحن صرررخت صوتي راح ومحد اجة ينهد حيلي من الجوع يله تجي تشمرلي اكل من بعيد هزيت راسي لا وانا كوه فاتحة عيني

::- مخليلي. بيه مخدر*ت لو اموت ما اكله

ضحكت طبكت ايديها اوكفت تباوعلي

:- موتي من الجوع

:- درت وجهي منها كامت طلعت روحـــــي راحت احس على ساعة يغمى عليه والاكل كدامي كرهت روحـــــي كل شوية أريـــــد اتنازل واكل ومن اتذكر شصار بيه من جنت مدمنة افضل اموت من الجوع

رجع نفتح الباب ودخلت هي بقوة كعدت على حيلي راسا اجت عليه لزمتني من فكي جلبت بايدها

::- شوفي لج تتزقنبين لا العب بيج لعب

:- وخرررري تزقنبي انتِ

:- رفعت ايدها وضربتني بقوة عتت شعري وانا لو اجمع كل قوتي وحيلي ماراح اكدر ادفعها

::- ادبسز اسويج فلم واللـــه تمثيل اخليهم يمثلون بيج ماتاكلين لان بيه حبـــوب مو سهله

- كامت طلعت وانا فرفحت واصيح ::- واللـــه اذا ما خلصتني منهم اعترررررف عليك واللـــه اعتررررف الله ياخذك اللهي ليوم القيامة كل دمعه وكل وجع صابني سببه الأبـــــهر. اخذ حقي ياااارب

.رجعت عليه ماكدرت اقاومها  جسمي تعبان  وضعيف بلعتني الحباية غصب عني خانكتني بيدها ..

شهكت دموعي يحركن عيني من كل گـــــلبي دعيت عليه مــــحد ورطني غيره
اغمض عيني وابجي ماكو صوت ما ادري اني  وين ويا منو شوكت راح انكتل. ..امي ماحن كلبها ماخابرت وسألت ماكالتله بنتي وووين

بسهولة رجعت للأدمان جسمي خان عقلي
صرت ما اعرف الوقت اليمر ولا اتذكر كلشي يصير. ..ملابسي الوصخات ايدية المجرحات كل ما اشوفهن ابجي وادعي عليه تأملت يخلصني بــــس ما اجه عافني عدهم الحد مافقدت وبعد ماهمني شي ماصرت افكر بالاحجي كل الاتذكرة كلت القسام الأبـــــهر يريد يكتلك

باوعلي يضحك
::- اذاا ماخليت روحه توصل السابع سما وترجع

- درت عيني عليه بلعت ريك مابيه حيل احجي
كوه نطقت
::- أريـــــد حباية فدوه

كام على حيله شمرها بالگاع وطلع زحفتلها شربتهاا وغمضت عيني.

بيه بجي يهد حيل الجبال بيه صريخ الكل لحظة عشتها ....
من طفولتي عشت عزيزة نفس تالي انذل حالي حال الحيوان. شفت المووت بعيوني وعشت الذل الياكل الروح

كل الجان يجي بعقلي اخاف على نفـــــسي من الاغتصاب كل ما اكعد من النوم احاول اتذكر اذا اكو احد اجه يمي واباوع الملابسي... الخوف يدبي بجسمي والرعب اخذ من عمري عمر. ..

ايام مرن وانا محبوسة لا اني واعيه ولا اني فاقدة يـــــوم اعرف شنو اتصرف واتذكر ويوم احس ينمحي من ذاكرتي وما اعرف اي شي عنه

بيـــــوم فزيت ماجنت بالعه حباية ما انطوني لكيت قسام كدامي. كاعد فززيت لميت نفـــــسي ورجعت ليوره ارجف التفتت وراه جان شاعل نار بمنقلة  والغرفة جمر تخنك من الحرورة كل ذرة بجسمي ترجف تقدم خطوة يمي لطشت بالحايط

::- الأبـــــهر شيشتغل من وراي

:- هزيت راسي ماا اعرف كام من يمي راح على النار دنك ورجع وكف التفتلي بيده سجينة صايرة حمره من النار زحفت للزاوية اجر بايدي من السلسة وابجي خفت حيل.

::- عفية لا تأذيني حباااب واللـــه ما اعرف شي واللـــه ما اعرررف

::- الأبـــــهر شنو يشتغل وراي

- بجيت عيني على السجينة رجع كعد كدامي جر ايدي صرخت بكل صوتي. اتوسل مايحركني
::- لاااا لاااااا عفيه لاااا

- عصر ايدي حيل وقرب السجينة على السلسلة الملفوفة على ايدي شاطت روحـــــي اصرخ واتوسل

::- احجييي احجييي بــــس لا تحركني احجييي

::- احجي شيشتغل؟

::- بجيت غاصة وكتلة. ::- يشرد الاطفال

بمجرد نطقتها لزك السجينة فوك ايدي شاطت روحـــــي وفرفحت صررررخت ميتة
بــــس عافني كمت اكمززز واصرخ روحـــــي رااااحت

كعدت انفخ عليها نار احسها بكلبي وهو اخذ الجمر وطلع زحفت للحمام فتحت الحنفية وخليتها جواها. سندت ظهري على الحايط دموعي تحرك خدي وحركة ايدي بگلبي

بس اسحبها من جوا المي ترجع تحركني ورجعها جوا الحنفية تنكعن ملابسي وجسمي كله تنكس

درت وجهي اكو صحن مال اكل سحبتة ترستة مي ورجعت المكاني تمددت مخلية ايدي بالصحن. .روحـــــي محروكة والدمعه جمدت بعيني. ثاني يـــــوم كعدت ايدي مورمة ومنظرها يخوف. ..بــــس شمرولي الحباية والاكل ماحسيت بعدها بشي حتى وجع ايدي نسيتة بــــس من اصحة جنت انتبهلها مورمة ومكان الحرك ملتهب ..

ما اعرف عدد الايام المرن ما صار يهمني غير انو اكل وابلع الحباية بــــس همه نفس معاملة الأبـــــهر من ادمنت كلش كاموا يـــــوم ينطوني ويوم يخلوني اتوسل بيهم اتعذب وماينطوني

تعــــبت وجسمي ياكل بروحي لميت رجلية البطني وغفيت مهدود حيلي فتحت عيني من حسيت الضوه طفه طول هل مده ولا مره صارت الغرفة ظلمة بلعت ريك افرك بعيوني ما المح اي شي دك گـــــلبي حيل ولا نقطة ضوة حركت ايدي كدام عيوني وكلبي ينتفض خاف اني العميت مو الغرفة ظلمة. احرك ايدي بقوة وما المح شي

سمعت صوت الباب ينفتح بهدوء زحفت للحايط ومن اتحركت صار صوت السلسة تحركت دنكت فازة حسيت نفـــــسي لمحتها. تلمع ومن نفتح الباب هم شفت الخيال الدخل. يعني الغرفة ظلمة مو انا العميه

زحفت بهدوء احاول ما اطلع صوت الحد ماصار ظهري على الحايط فاتحة عيني على وسعهن اختفت الحركة من الغرفة حسيت نفـــــسي وحدي ماكو احد اتلفت بــــس أريـــــد المح شي

هستوني أريـــــد اتحرك وتخلت ايد على حلكي صرررخت وهو يهمس باذني

::- اناااا انااا الأبـــــهر اششششش اجيتج

:- اجر بايده مني متخبلة بــــس وخــــر أيــــدة صرخت رجع سد حلكي حيل. ادفر واصرخ مختنكة شوية شوية حسيت عيوني يغمضن واستسلمت للنوم

- حسيت شي ثگيل عليه فتحت عيني ارمش بثگل درت راسي بس لمحت شخص حاضني صرخت فاقدة. أريـــــد املخ نفـــــسي ابتعدت اصرخ وهو مكابلني ويحجي

::- انااا الأبـــــهر اششش انا

:- رجع عليه لزمني ملختة ابجي واصيح ::- وخرررررر عني وخررررر

كعد على حيلة لامني بحضنة
::- جــــمرة اششش

:- عوووفني راح اموووت عوووفني حركوني حركووا ايدي وروحي من وراك وخررر وخــــر

صرخت بكل صوتي دفعني للفراش مقيد ايدية ابين ايديه وظم وجــــهة بركبتي دموعه احسهن بللن ركبتي

::- ريت الحرك بگلبي ريت بروووحي اسف جــــمرة اسسسف

:- هدأت كلي سحبت نفس بقوة وقربت حلكي الاذنة اهمس
::- ريتك محترك وميت كدام عيني ولا عيشتني كل هذا بسببك ...
خسرتني روحـــــي وجسمي حتى اذا جانو مغتصبيني ما ادررري

- جمد ساكت دفعته وكعدت ارجف اوخر بشعري من وجهي وهو كعد على جهه يمسح بوجهه. جسمي جان نضيف وملابسي نضيفة ايدي ملفوفة

زحفت على اركبي كعدت كدامة فتحت الشاش من ايدي ورفعتها كدام عينه احجي بحركة روح وهو غمض حييل

::- شوووف ايدي تدري شصار بيه من حركني تدري شلون حسيت النار تاكل گـــــلبي قبل ايدي تدري اعتررفت علمود مايحركني بــــس حركني وما اهتم شوووف لا تغمض شووووف

ضربتة على وجــــهة اصيح
خله أيــــدة ابداية قميصة وجراه نفتح كله

رفعت عيني. اجر نفس وارجف.
كل جسمه محترك بــــس ما بيهن فركاسات نفس ايدي هو عباره عن مكانات الحرك صايرة سمر ومتشككة. رفعت عيني العينة

::- تستاهل اكثر عود تراويني انـــتَ هم حركك؟؟ طبك الف مررررض مجـــرم انـــتَ مجـــرم وهذا شغلك بس اني شنووو ذني يحركووني شنووو ذنبي؟

::- ما الج ذنب كل التحجينة صح

:- الله ياخذك اللهي مايررررحم بحالك. .
.تمددت ابجي بصوت گـــــلبي متگطع دقايق مرن وحسيت جسمي اشتعل نار ردت الحباية باي طريقة درت عليه

::- أنطــــيني حباية

::- جمررة

- كعدت على حيلي أريـــــد املخ روحـــــي جسمي احترك حرك بــــس أريـــــد ابلعهااا.
::- أنطــــيني حباية ما اكدر راح امووت

.هز راسة لا تخبلت ملخت روحـــــي وازلغ مكان الحرك بايدي. طلع من الغرفة بسرعة ورجع وانا على نفس الحالة فقدت.

جر ايدية دفعني للفراش وخلة حباية ابين شفايفي بلعتها الهث وتعبانة

نزل راسة على كتفي واني متمدده مغمضة عيني أريـــــد جسمي يرتاح ما اتذكر شنو الحجاة. ولا شنو السويتة. اتذكر جان يحجي بــــس الكلام ماعرفة

حسيت عليه يكعدني ورا فترة بــــس لمحته كدامي رجعت غمضت وسألت
::- امي ليش ماتسأل عليه

::- كل يـــــوم تتصل بــــس كتلها اني مسافر بشغل وجــــمرة رقمها دولي ماتكدرين تحصلينها

::- دعيت عليك دعاوي هزن عرش الرحمن لو تموووت لو يذبحونك كدامي مايرفلي جفن وما اسامحك

::- حقج اكعدي اكلي

- كعدت على حيلي مسحت وجهي باوعتله مختنگة ::- رجعت مدمنة مو؟

- هز راسة اي بدون مايباوعلي
::- وديني الامي خلصني منك ومن شرك والعالم الانتَ بيه وعساك داخل جهنم من اوسع ابوابها وشتريد تسوي تكتل تسلب تخطف بسسس عـــــوفني

رفع أيــــدة الي مبتسم بلع ريگ
::- كتلت

- باوعت بعينه ساكتة ورجعت سألتة
::- كتلت قسام؟

- هز راسة لا

::-  شرط قسام اكتل ابو الهيل واختار مكان دره لو جــــمرة

:- لكيت درة؟

:- لا لكيتج

- عصرت راسي ابين ايدية داخلي يكلي حيل من كتل ابو الهيل يخطف الاطفال ويعذبهم رجعت باوعتلة

::- بــــس تلزمك الشرطة يعدمونك صرت مرتكب جريمتين

::- مايلحكون عليه الشرطة جماعة ابو الهيل يعرفون انا الكتلتة جاي يدورون عليه

::- طلعنييي رجعني الامي هسه هم يلزززموني الي واوكع بيهاااا

:- اطلعج ارجعج الامج بــــس اصبريلي

- راااسي وخرررر
مد أيــــدة يلزمني دفعتها ابجي احس سجينة بوسط راسي رجعت للمخده دموعي تصب . كل شوية انگلب الجهه ما اعرف شسوي ويروح الوجع

شربني حبـــوب ورجعت نمت .بــــس اريد ارتاح
فزيت من حسيتة لازم ايدي. رفعها الوجهه يبوسها بصف الحرگ بقيت هادئة جسمي ساكن

::- شتو شربتني؟

:- علاج

- سحبت ايدي منه گـــــال

::- اكعدي اكلي شوية مو.زين عليج

- كمت للحمام غسلت ورجعت جسمي. نضيف ومغسول كعدت كدامة رفع أيــــدة يوكلني. سألتة

::- مسبحني؟

::- اي

-ضحكت وهو رفع عينه يباوعلي ::- اني بت المحد لمح ذرة من جسمها صرت فرجة لليسوه والمايسوه وياهو اليجي يشوفني

تدري قسام يجي ويروح وانا بدون حجاب
تدري اكو ايام اشرب حباية وافقد ما اعرف اذا اكو احد دخل يمي

شهكت حيل ارجف
::- للموت ما انسه العشتة بسببك

-مدنك.ويهز راسة اي مسحت دموعي اكلت على اعصابي لعبانة نفـــــسي كام طلع من الغرفة من يجي الوقت الازم ابلع بيه الحباية انتهي اتمنى الموت. ينطيني منوم لو مهدئات بــــس اول بداية تفيد وراها ولاكأنو بالعه شي

شفتة فتح الباب
::- جــــمرة تحاجين امج صار اسبوع اكلها انا مسافر

::- واللـــه الا اكلها خاطفني ..

كعدت على حيلي اجه كعد يمي طلع تليفونة گـــــال

::- كليلها تبقى تفتر ابين المراكز حتى تثبت انتِ مخطوفة وهم يضحكون عليها لان سجلج حولتة للنرويج

- حجه والتليفون بايده فاتح الصوت عيني بعينة ما متخيلة كمية الحقارة الهوا بيها فززني صوت امي. دنكت عيني للتليفون

::- الو

::- هلا يـــــمة جــــمرة شلونج

:- الحمدلله شبيه صوتج

:- مابيه شي شخبارج ليش ماتخابريني حولي هذا الفايبر بجهازج شلون من زوجج يسافر ينكطع گـــــلبي عليج

- سكتت رفعت عيني اباوعله ::- كم يـــــوم ونجي يـــــمة

:- فتح عينه على وسعهن وامي سكتت شوية وگالت

::- كل الهلا بيج وبجيتج بــــس قبل لاتجين كليلي

::- يجوز بعد اسبوع

الأبـــــهر ::- جذابة عــــمة بعدها ما مخلصة جامعه

:- جاي احجي ومد أيــــدة سد حلكي. عضيتها حيل بكل قوه سد الاتصال جر أيــــدة من حلكي بــــس يريد يفتلها من اسناني
عفتها ودرت تفلت دم

::- انجلبتي

::- اشرد واللـــه اشرد رجعني تعــــبت بعد ما اكدر اتحمل
اذا حجيت شي يخصك تعال اخطفني
لا تخطفني فجر بيتنا تگدر اذا جبت اسمك لو حجيت شي عنك اكتل اهلي كلهم

::- اذا رجعتج راح يدورون عليج وتتأذا كل عائلتج

- صفنت بوجهه ساكتة. بلعت ريك وهمست
::- منو يدور عليه

::- قسام

:- مو رجعني الك بعد مايدور عليه

::- لا راح يبقى يحاول يستخدمج حتى يضغط عليه وهو مارجعج انا خطفتج

::- اششش اششش اكبر.جذاب انـــتَ وتحجي شكلين كلت كالي اكتل ابو الهيل وانطيك مكان جــــمرة وهسه تكول خطفتج شكد تجذب انـــتَ شكد. ؟

::- ههههه كل عقلج قسام يحجي شي ويكون كده كتلت ابو الهيل ورجعتلة كتله دليني وينها
گـــــال مو هسه وهاي الخيخة مالته راشديين ودلتني عليج

::- دوختني

::- نــــــامي لا تفكرين بشي

- مسحت وجهي وتمددت اغلط عليه
::- انـــتَ حيوان تحب الضرب يچويك ويضربك وبعدك تشتغل وياه

::- اشش نــــــامي..

يتبــــــع⋆𓍯

الكــــاتبة أيـــــــلول⋆𓄼𓂁

گـــــلبي مچوة نرسمن ندبات بروحي
بسبب هالقصة

💚🌿.