رواية أجرام مستباح لثلاث ندبات الفصل السابع والعشرون 27 - بقلم الكاتبــة ايلول

مساء الخير ...

#أجرام_مستباح_لثلاث_ندبات

بقلم الكاتبة أيلول

ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

يجمرة وشابگة على الروح
لا تبرد ولا تهفت

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼

نــــهله ::- مرات الانسان شكد ما مؤمن بقدر رب العالمين
بــــس مايگدر يتحكم بافكارة السلبية الي غصب عنه تسكن عقلة
مايگدر يمحي الماضي بمجرد راد ينساه
شكد صعبة من تعيش حاضر بــــس بوجع الماضي وذكرياتة السيئة

سويتلهم شامية وجبس خلطتلهم عصير وكعدت منتظرتهم يرجعون وايدي على گـــــلبي مترددة وخايفة ادعي اگدر........
روحـــــي وكلبي رايداته بــــس جسمي لا

طلعت مصطفى يمي بالصالة مشغلتلة. افلام كارتون رغم ادري بيه مايشوف بــــس على الصوت شوية واجة اسمر

:- السلام عليكم

:- وعليكم السلام هلا يـــــمة تعال الشامية بعدها حارة

دخل غسل ويحجي وياي

::- وحدج اليوم

:- طلعوا

::- ليش مارحتي وياهم

-اجه كعد يمنا بالگاع مبتسم ويباوع المصطفى گتلة

::- صوفي يتعب ماكدر

مد أيــــدة على خدوده كرصهن ويحاجية ومصطفى يبتسم ويحرك براسة يضحك

::- فدوه شحلات ضحكتة تــــدرين خالة مرات نايم واتخيل اسمعه يكح ومن افز اروح للغرفة الكاهم نايمين هو وغيث

::- هههه اي مثلي لان مخليتة على بالي اتخيل

انطيتة شامية دار يباوع على الشاشة مقهور وكل شوية يمسح وجــــهة

::- اسمر

.التفتلي بلع ريك ساكت منتظرني احجي
::- بيك شي؟

دنك عينة مختنك ورجع باوعلي الكلمة كوا تطلع منه

::- خالة امي خاينة ابوي؟؟
اذا تعرفين شي احجيلي

- فتحت عيني على وسعها ساكتة وهو وجــــهة انگلب يجر نفس بقوة ويحجي

::- سولفيلي طول هل سنين اني ادافع الوحده خاينه؟؟
بداعت مصطفى احجي امي خاينة ابوي بفراشة؟؟

-هزيت راسي لا وهو يشهك ويدك على صدرة بقهر
::- عاديت ابوي علمودها
اتعارك ويا سمر لان ما تحبها ليش ماحجولي ليش ابوي حاسبني جاهل عافني امشي وراهن الحد ماورطني

- مديت ايدي الزم أيــــدة ::- منين جبت هل حجي شبيك يـــــمة

جر ايديه مسح وجــــهة يباوع بعيني وحجة بهدوء ويا كل كلمة يحجيها يكزبر جلدي

::- خالة وداد دزت عليه قبل شوية جنت زعلان منها لان تورطت بالخطوبة بسببها
كالت تعال للبيت مسويلك مفاجئة كلت هاي هي اروح خالتي واحبها مابقى زعلان منها هههه مــــحد بالبيت بــــس هي عادي واذا خالتي وين المشكلة ..لبسها مو قانوني ميخالف خالتي
شاعلة شموع وكيك ميخالف ابن اختها وتريد تكسر الزعل وياه عادي
ههه تــــدرين وين الصدمه ...اسمر انا احبك واريدك ومن دفعتها ما مصدك حجيها تگلي هي امك خاينة ابوك بفراشة وحتى احتمال ماتطلعون جهاله
للللج خاالتي مخلية عينهااا عليه شلووون.
خالتي من صنف الحيوان هاي صدمة
امي خاينة ابوي بفراشة هاي صدمة
انا مو اكيد ابنة وهاي هم صدمة منو السبب هــــا كله منه لو يحجي لو يسولف ومايخليني امشي وره الناس اعمه

- اشش ابنة واللـــه ابنة لاتصدك حجي خالتك

جر التشيرت صعده على وجــــهة يبجي بقهر سحبتة من أيــــدة الرجلية مد جسمه وخله راسة على رجلي بصف مصطفى

::- كـــــافي اسمر ..

سكت مغطي وجــــهة
واني امسح على شعره ما اعرف شسوي شوية وخر أيــــدة من عينه يباوعلي

::- الهل سبب ماجنتي تقبلين غيث وغفران يرحون الها ؟

:- هزيت راسي اي

:- بــــس اخذت حقهم

:- شسويت

:- شبعتها كتل خليتها ماتكدر ترفع ايدها

- حجاها ودك تليفونة رقم خالة راسا انطاه رفض

:- شسويت اسمر

:- واللـــه بــــس تكول اسمر الضربني هيج اكلهم تريدني انام وياها

- رجع دك تليفونة فتح خط معصب نوب هدء يسمعلهم

::- لا خالي ما اكدر اجي كاعد ويا مرة بابا
بيا مستشفى الله يشافيها كلها ماتشوف شر

- سد الاتصال يباوعلي. ::- الخسيسة كايلتلهم نسوان دخلن عليه كتلني

::- اسمر لاتحاجي ابوك ولاتكله بالسالفة كلها

كام كعد على حيلة
::- لا احجي أريـــــد اعرف ليش مايسولفلي

::- مارادك تكره امك وهسه اذا. حجيتلة ينقهر

سكت مدنك كام غسل وجــــهة ورجع كعد يمي
گـــــال
::- هو شنو ماناوي يحجي وياي حتى من اكله صباح الخير مايرد

::- مو بكيفة شحده مايرد يحاجيك يحاجيك

::- هههه يله تصبحين على خير

::- وانت من اهل الخير ......فات الغرفتة كسر گـــــلبي شوية واجوا نحرجت ادريــــــس رجع وغدير وفاطمة بعدهن صعدت سمر والجهال وهو بقى يصف السيارة

اجه غيث يضحك ويراويني بالصور وهبه تسولف وغفران تكلهــــا اسكتي انا احجي
ومن التفت على واحد بيهم الثاني يلزم وجهي يدوره عليه ويكلي ::- باوعي ماما

::- هــــا ماما هاا على كيف احجوا اسمعكم بالسرة اوكفوا احجي غيث

غفران ::- مو النساء اولآ هيج بابا علمنا

سمر ::- هههههههه ربحنا تعلوم بابا

نــــهله ::- ضحكنا ثنينا ودخل ادريــــــس بيده علاليك مبتسم ويباوعلي دنكت كالتلة سمر

::- تعال بابا هاي خبصتنا كل حجايتين وكالت النساء اولا بابا يگول

ادريــــــس ::-هههههه تورطت غير ساعة السوده من كلتها

نــــهله ::- كعد بصفي يشاقي مصطفى والجهال ياكلون ويباوعون بالصور مخبوصين سمر تتغامز وتبسمر وادريس بــــس يوزع ابتسامات

سمر ::- شمخلية الوجهج خاله

- باوعتله امسح بوجهي ::- شبية كلشي ما مخلية

:- شو خدودج موردات مو صح بابا؟

نــــهله ::- التفتت الادريس منحرجة ابتسم يباوع بعيني كالها
::- اي صايرة تخبل

سمر ::- خدودها مال بوس

نــــهله::- درنا عليها اني وادريس ثنينا خازرينا
سدت حلكها بايدها رافعة حاجبها

ادريــــــس::- مستخفة انتِ بابا

نــــهله ::- حرجت حتى ابوها تغمز وتكله: :- هــــا ترا احجي هاااا
عافها وباوعلي سألني على اسمر كتلة بغرفتة

ادريــــــس ::- سمر كومي جيبي صحن خليله حلويات وديهن اله

نــــهله ::- بــــس كامت سمر وهو فتح العلاليك حاجيتة
::- انـــتَ وديهن اله كـــــافي خطية

بقى ساكت مدنك خلاله حلويات واخذهن بقى يـــــمة طول .....
اتصلت على غـــــدير ارزل راح تصير ب12 وهم ماكو

كاموا الجهال غسلوا ورجع ادريــــــس باوعلي عاكد حاجبة

::- شنو البنات مارجعن

:- هسه كالوا جايين .....
اجه كعد يمي اتصل على عـــــلي. فاتح المايك ومقربة يمي يدري بسوالف عـــــلي تضحكني بسرعة جاوبة

::- هاا حبيبي

:- لك عـــــلي والخلقك اطيح حظك

::- سيــــدي حبيبي تفضل امر خدمة

:- رجعوا البنات للبيت هذا لو شغل جان بالعشرة وضليت تغفي

:- جيب خالة وتعال..يمنا الجو حلو لازم ايد فــــــاطمة ونتمشى وبسام وغدير ورانا مدري شيسوون

:- لك عليي

::- ههههه جذب هاي وصلنا بالباب

نــــهله ::- سد التليفون وفات للغرفة. كمت رجعت مصطفى المكانة وشلت الاغراض لمحت
سمر توضت وفاتت للغرفة وخرت البردة من الشباك اباوع للشارع غير يجن

شفت سيارتهم طبكت بالباب جاي انزل البردة ولمحت عباس ابن ابراهيم طلع ركضت لبست عبايتي بــــس أريـــــد الحگ انزل فتحت الباب ونزلت مستعجلة والكاهم بالكراج واكفين عـــــلي مخلي ايــــدة بجيبوبة وفاطمة بظهرة وعباس يضحك ويحجي وياه

عباس ::- عود من تتزوجون اطلعوا مــــحد لازمكم هسه ممنوع

عـــــلي ::- ومنو اليمنعنا انـــتَ؟

::- بكيفك فكر بيها وره كل طلعة وياك تنضرب

::- رجال وطالع من ظهر رجال جرب تمد ايدك عليها اذا ماكسرتها

نــــهله ::- دفعت عباس اوكفت بنصهم وهم واحد يريد ياكل الثاني
::- اكسر الشر عباس ولا تدخل نفسك امها وابوها يدرون طالعة وياه

عـــــلي ::- عوفية يهوبز هذا

- درت عليه بــــس أريـــــد يرحون عباس راح كعد على مرجوحة يضحك وعلي نار بــــس يريد يلزمة.
::-  روح شحده يحاجيها روح لاتكبر السالفة

:- رايح بــــس خلي احاجيها تعالي

نــــهله ::- تقدمت فاطمه وكفت كدامة تبجي سحبها وبتعد يم الحايط يمسح بدموعها ويحاجيها وبسام وغدير واكفين يمي بــــسام يتعذر لان تاخروا واني بالي كله يم عـــــلي وفاطمة خايفة يطلع ابوها وتكبر السالفة

التفتت عليهم لازم وجها بأيده يمسح دموعها ويحاجيها همس
::- هسه على شنو تبجين لج بــــس احسبي اسبوعين بعد وتخلصين فاطمتي

:- استعجل واللـــه خايفة هسه يسويله سالفة ويخلي ابوي ماينطيني الك

::- هههه مو بكيفهم اخطفج انتِ بــــس لاتنزلين ادموعج وكلشي على گـــــلبي يهون

نــــهله ::- عـــــلي يله يـــــمة روحوا ..
باوعلي وهز راسة موافق باسها براسها وطلع هو وبسام اخذتهن جاي اصعد ضحك عباس بصوت يهز بالمرجوحة يم الدرج مالنا

:- يستشهد وترجعيلي وكولي ماگال عباس

فــــــاطمة ::- اذا استشهد هذا نصيبة من الدنيا واختيار رب العالمين اله لا اعتراض على حكمة
بــــس ارجعلك ؟؟ هذا اختياري وتحلم بيه . اني حبيبة عـــــلي گمرتة خطيبتة وزوجتة الاخر يـــــوم بعمري وعمره محد يجي مكانة فهمت

نــــهله::- جريتها من ايدها وهي ترجف. وتحجي بدموع ::- امشي عوفية
صعدنا وهو ورانا ويحجي

::- نشوف فــــــاطمة نشوف

-: دخلتهن للبيت وهي بــــس تبجي مسحت دموعها حجيت عليهن لان حيل تأخرن. غسلن بقيت كاعده يمهن شوية لمن سمر ضحكتهن وغيرتلهن جو يله عفتهن وكمت

فتت للغرفة شفتة بمكتبة كعدت مرتبكة جاي اجبر جسمي الينتفض بكل ثانية اخذت ملابس من الجابتهم سمر طلعت للحمام لبستهم ولبست الدشداشة فوگاهن طفيت اضوية البيت ورجعت أريـــــد افوت للغرفة فتحت الباب على كيف ارجف

شفتة متمدد بمكانة ومطفي الضوة مشغل بس التيبل البجهتي سميت ودعيت الف مرة قبل لا اخطي للغرفة سديت الباب بهدوء طفيت النقطة من الشاحنة. .ماكدرت اتقرب للجرباية اختنكت
مايجي بعقلي غير الماضي

مسحت وجهي جابرنة نفـــــسي تقربت للجرباية رفعت الغطا وكعدت مخلية وجهي ابين ادية
على اعصابي وجسمي الرافض نزعت الدشداشة وتمددت الم بالملابس على جسمي رغم مستورات. تنفست حيل رايده اتخطى هل ليلة
بــــس شي مو بيدي شكد ما اكدر جاي اجبر نفـــــسي وافشل. ..

مديت ايدي على أيــــدة سحبتها من وجــــهة وقربت راسي الصدرة ارجف.
لماني بحضنه بثنين ايدية

::- جبرتج سمر

:- سكتت متشنجة كلي اضحك على نفـــــسي واكول اگدر فشلت نفـــــسي وغصب عني شهكت ماكدر انسة الوجع العشتة قبل ما اگدر حتى اتخيل ممكن ارجع اعيش شي مشابهه.

بعدني من صدرة
::- اكعدي نــــهله شبيج

:- كعدت كدامه مغطية وجهي معاتبة نفسي على الموقف الخليت روحي بيه ما متأكده من نفـــــسي اكدر ليش اجي شغل الضوه ويسحب ايديه من وجهي

::- بــــس حاجيني يمعوده شبيج

- ميلت راسي اباوع بعينة ::- واللـــه ما رايده احرمك من شي بــــس ماجاي اكدر

- حضنت نفـــــسي اغطي بجسمي مد نفسة للميز سحب الدشداشة لماها لبسنياها مبتسم

::- تجبرين نفسج حتى ترضيني؟

:- ما أريـــــد اقصر بشي وياك ...
لبست الدشداشة سحب شعري من جواها. ورفع أيــــدة يمسح خدي

::- واللـــه ما مقصرة عوضتيني كل يـــــوم راح بدونج ...بــــس لاتجبرين نفسج الخاطري ابقي وراي

انا اعرف شلون ارجعج ورقة بيضة بدون اي ذكره واخط حروفي عليها باجمل طريقة

:- تمل يوم يومين وتمل
دنك مبتسم ورجع رفع راسة

:- كل عقلج واللـــه لو اخلص عمري بــــس منومج بحضني هم ما امل. يكفيني اسمج ريحتج صوتج نــــهله انا ربحان بيج مايهمني شي ثاني

تعالي

- سحبني من ايدي الصدرة وتمدد حاضني على گلبة باس راسي متحسر

::- هنيالي بيج

- سكتت حاضنتة. وهو مخلي أيــــدة بشعري شوية وكال بضحك

::- شكد غبي شلون رجعت لبستج الدشداشة

:- ضحكت وحركت راسي قوة حضنتة يضحك

:- وعلي مكتفي لو بــــس اشم ريحتج

::- شكرا

::- هههه على شنو

::- على كلشي

::- البنات اجن؟

::- اي

::- هذا عـــــلي فد صاير مستخف فطوم ماكله عقلة

:- شو كل حجيك بعلي بــــسام علاقتك بارده ويا

:- ههههه مو عـــــلي اعرفة من جان طفل درس وتخرج وانا ويا خطوة بخطوة

:- وبسام شوكت عرفتة

:- من جانوا بالكلية عـــــلي متعرف على بــــسام من كملوا الكلية سحبت عـــــلي يمي وبسام صار شغلة بغير مكان وعلي لطش يومية مسويلة زعله الا انقل بــــسام وياه عاندت بالبداية ونوب تنازلت ونقلتة وياه جان كلش يهاب من شاف اسلوب عـــــلي تعلم مثلة الخايس

:- هههه حلوة علاقتكم بــــس احس تحب عـــــلي حيل

:- كل جنودي احبهم واخاف عليهم بــــس عـــــلي هذا ابني .يختلف

- سكتت نعسانة وهو هم سكت الحد مانمت ..
...
غـــــدير ::- عود مخطوبات ونطلع لو طالعين ويا عجايز يسولفلنا شلون صار الحصار احسن من الطلعة وياهم يفترون بينا من شارع الشارع مايعجبهم شي مطعم بــــسام يحبة عـــــلي مايريده
مكان عـــــلي يحبة بــــسام مايريده طيحو حظنا يله اتفقوا على مطعم ونزلنا مطنكرين انا وفاطمة

هم يمشون كدامناا واني وياها لازمين ادين بعض ونمشي وراهم وصلوا وين يله التفتوا علينا رجع عـــــلي يضحك سحب فاطمة من ايدي

::- هدي مرتي. لاتلزمينها تعالي حبيبتي

فاطمة ::- بعد وكت عمري هسه تذكرتني

غـــــدير ::- ابتسمتلهم اخذها ومشة وبسام بقى واكف بمكانة يضحك مشيت يـــــمة مد أيــــدة الي عفتة وفتت فات وراي ساكت كعدنا فاطمة تصور بجهاز عـــــلي وبسام صف وياي يحجي بصوت ناصي

::- شنو شبيج

- درت وجهي عليه ابـــــتسمت ::- مابيه شي لاتحاول تسوي نفس عـــــلي ترا ما اغار واللـــه ولا أريـــــد تتصرف مثل ما عـــــلي يتصرف ويا فــــــاطمة

ابتسم يباوع بعيني
::- عبالي زعلتي

:- لا ....مد أيــــدة جوا الطاولة لزم ايدي درت عيني عليه مايباوعلي حجة ويا عـــــلي ..طلبنا اكل سحبت ايدي منه اضحك على عـــــلي وفاطمة لو مايستحي من الناس جان كعدها بحضنة

صورتهم بدون مايدرون گـــــال بــــسام
::- خو صورينا ليش تصورينهم

:- احب شكلهم هيج
:- احنا شبية شكلنا؟

:- ههه ما ادري يعني هم مبينين يحبون بعض

سكت اختفت ضحكتة واني دنكت تونسنا بالبداية ضحك وسوالف
وراها طلعنا نتمشى اشتروا اجباس وعصاير

بــــس وكفنا اني وفاطمة نصور. همه واحد لزم الثاني ابتعدوا يصورون ويسوون حركات يقلدون علينا ويضحكون لبسونا وبقوا يمشون كدامنا نسمع بــــس ضحكهم مشينا وراهم مفحمين من القهر

فــــــاطمة::- شكول واحد يطلع وياهم هذول

::- كله منج سويتي هاي الطلعة

::- لا واللـــه هذا بــــسام خرب عـــــلي

::- تعالي خلي نكعد ونضحك بالجذب حتى نضوجهم ...
كعدنا وهم يمشون حتى مايلتفتون علينا ضحكنا بصوت عالي ضحكة جذبية التفتوا بسرعة واجو علينا عـــــلي مبتسم وبسام خازرني

عـــــلي ::- فززتني ضحكتج فدوه اروحلها

بــــسام ::- صوتجن شسالفة

غـــــدير ::- درت وجهي منه ساكتة كعدوا يمنا شوية وكاموا عـــــلي وفاطمة يتمشون. نكثت ايدية ودرت عيني اباوع درت عليه من كعد يمي

::- شبيج ضايجة مطلعج تتونسين لو تضوجين

- دنكت ساكتة ما ادري اذا فعلا تصرفاتة تستحق اضوج لو اني مكبرة الموضوع

:- غدور شبيج

- رفعت راسي اباوع بوجهه. ::- مابيه شي

:- احسج ضايجة مني

- سكتت محتارة لزم ايدي
::- تعالي نتمشى

- كمت وياه. شابك اصابيعي بين اصابيعة وثنينا ساكتين وقت مر گـــــال
::- تحبيني غـــــدير؟؟

- رفعت عيني باوعتلة ودنكت بسرعة حسيت حتى خطواتي صارن عوج اصابعي المشبوكات بين اصابعة عصرهم حيل رجع ايدي الوره ظهري وهو لازمها حضن خصري وقربني اله يمشي بهدوء وانا تخربطت كلي من لزمتة

::- اعترفي

:- احم شنو

::- تحبيني

- حجاها وكرص خصري رفعت عيني اباوعله مرتبكة
::- يعني من خطبنا حبيتك مثل اي بنية تحب خطيبها

.سكت تمشى للنهاية گـــــال ::- تعالي نكعد هنا
سحبت ايدي منه وكعدنا على مصطبات گـــــال

::- غـــــدير ماجاي اعرف شلون اتصرف وياج احس تصرفاتي تضوجج

:- درت عليه حجة بقهر .. ابـــــتسمت ::- لان بعد مانعرف اطباع بعض من نتعود واحد يتعلم على طبع الثاني

::- اي بــــس باوعيلي ليش تديرين وجهج

:- عدلت. كعدتي صرت. مقابيلة وهو تقرب اكثر

:- احس بتصرفاتي تضوجج مرات اقهرج بكلمة بدون قصد انتِ من تشوفين شي مايعجبج كولي بــــسام ماحب هاي التصرفات بــــسام ترا هالكلمة تغثني لا تعيدها حتى اتعلم عليج

:- هههه اي تمام ....
ابتسم ورفع ايده يلزم خدي
::- هسه لو بالبيت جان بستج شفايفج حيل حلوة

- دفعت أيــــدة ودرت راسي اتلفت
:- لا تحجي هيج بلا واحد سمع

:- تجين للسيارة

::- كل عقلك

:- أريـــــد ابوسج

:- شنو أريـــــد ابوسج شبيك خزرتة مرتبكة. وهو يضحك

::- ما ارجعج للبيت اذا ما ابوسج

- درت وجهي ادور عـــــلي وفاطمة گـــــال
::- لا تدورين راحوا

:- فلت وجهي التفتتلة ::- وين راحوا

:- للبيت وعافوج عندي راح اخذج البيتي

- سحبت ايدي منه وبتعدت عنه. بخوف اباوعله وهو يتقرب
:-شبيك
:- شبيه

:- وخــــر شبيك
:- راح اخذج البيتي اغتصبج واطلكج

:- كمت وكفت أريـــــد ابجي حاضنة جنطتي على گـــــلبي وهو انفجر من الضحك

:- لج تعالي
:- وين فــــــاطمة

كام وكف يمي يريد يحجي وتلزمة الضحكة

:- تجين تبوسيني بالسيارة لو اخذج البيتي وما ارجعج للصبح

:- فاتحة عيني على وسعهن مصدومة بيه رجفن شفايفي بخوف

:- قريب بيتنا يله تعالي

- درت وجهي أريـــــد امشي لزم ايدي وضحك حيل

::- اتشااقة يمعوده اتشاقة
::- شبيييييك بــــسام
حجيتها ارجف وخايفة سحبني اله عبر أيــــدة فوك كتفي يضحك

::- اسف اتشاقة وياج هذوليج عـــــلي وفاطمة

:- درت عيني ادورهم نازلين جوا.كاعدين على المحجر  لافة روحها بالعباية مخلية راسها على كتفة

رجعنا تمشينا واتصل عـــــلي عليه گـــــال

:- يله تعالي راح نروح
::- للبيت؟

ابتسم يباوعلي
:- اي شنو تردين نبقى بعد

:- لا عــــمة كالت تأخرتن بقت تحجي

اتمشينا للسيارة لازم ايدي ويسولف يضحكني وصلنا للسيارة لا عـــــلي ولا فــــــاطمة التفتتلة

:- وينهم؟

- حجة بجدية. :- منتظرينا هناك اصعدي نروحلهم

- فتحت الباب الوره مانفتح نزل الجامة صاح
::- تعالي كدام هسه

- فتحت الباب وصعدت يـــــمة ماجان يباوعلي مهتم بالسيارة يريد يفرها والضوة مشتغل. حرك ابتعد من المكان
::- لعد وعلي وفاطمة وينهم

:- شبيج رايحيلهم منتظرينا

- التفتت وراي اباوع واحجي ::- وين منتظرينا وين راحو

طفه السيارة والضوة البداخلها راسا التفتتلة مرتبكة
::-بسام
:- هــــا
:- شبيك
::- ههههه أريـــــد ابوسج مو كتلج ما ارجعج اذا مابستج

- فتحت عيني كلها بوجهه مد أيــــدة وره راسي وتقرب غمضت عيني مستسلمة ورجعت فتحت من ماباسني وجهه بوجهي بــــس باوعتلة تقرب يبوسني

وخرتة مختنگة. ابتعد يجر نفس صوتة يرجف
:- هسه اگدر ارجعج البيتكم

- بقيت مدنكة ساكتة رجع فر السيارة رجعلهم وعلي يتصل عليه قبل لا نوصل گـــــال

:- اتفقنا نحجي البعض التصرفات التضوجنا خليج صريحة تضوجين من اسوي هيج؟

:- باوعتلة خجلانة هزيت راسي لا گـــــال

:- انا اضوج من احاجيج وتسكتين

:- شوكت ساكتة

:- تغلسين

:- لا واللـــه

:- اي واللـــه اسألج تهزيلي راسج حجي هو هذا

:- يعني شتريد اكلك  لا ما اضوج اكيف من تبوســ .....ني

كملت الكلمة بصوت ناصي من استوعبت الحجيتة ضحك
::- اي هيج أريـــــد

- درت وجهي ساكتة نزلت علمود يصعد عـــــلي وهو يرزل ابسام ويغلط عليه فاطمة خلت راسها على كتفي. هادئة حاجيتها بصوت ناصي

::- شبيج فطوم

::- ما أريـــــد ارجع أريـــــد ابقى يـــــمة  خسارة تمر دقيقة بعمري واني مو وياه

:- هههه مابقى شي خلصت

وصلونا وراحوا هستوني جاي انام ودز رسالة

::- احد حاجاجن

- كتبتلة لا فتحها ومارد بشي سكتت وره دقايق كتبتلة
::- اكرهه من تفتح الرسالة وماتجاوب

هم فتحها وما رد ...نار صارت بكلبي كرهت الطلعة كلها

عفتة ورحت اكلب بالفيس دقايق مرن ونشر
صورة للشارع من جنا طالعين كاتب وياها

اعيش بضحك شلون "
وانا گـــــلبي مچوه

- متت قهر من منشورة فتت للتعليقات واحد كاتبلة
البائس الحزين بسوم وهو بالرد يكتب حبيبي

عـــــلي كاتبلة
اي ولك مچوة
وبسام كاتبلة بالرد الحبيب ابو الحسن

واحد كاتبلة شنو حزنك مايخلص هو راد عليه  مجرد ذوق حبيبي والولد رجع كتبلة
ابو السوم الحبيب الله يسعدك

احسه بعده يحب طليقتة وحزين بسببها بــــس يمثل يمي طلعت من الفيس مختنگة أريـــــد ابجي ونوب رجعت كتبتلة
السعاده لقلبك حبيبي.

انشر التعليق واني لازمة گـــــلبي بايدي راسا اجاني اشعار تفاعل عـــــلي مخلي اضحكني وولد ثاني مخلي قلب. گـــــلبي يدك حيل منتظرة جوابة. فجأة نحذف تعليقي واجتي رسالة للوتساب

::- لا تعلقين على منشوراتي ام حبيبي

:- شنو انـــتَ بعدك تحبها

- وصلتة الرسالة مافتحها وادخل للفيس اشوفة يرد على التعليقات قهرني هم رجعت كتبتلة
::- روح نام حبيبي موزين عليك السهر

اول ما انشر التعليق عـــــلي تفاعل يضحك وبسام يحذف دزلي علامة استفهام على الوتساب. كتبتلة
:- نعم

:- شبيج

:- مابيه جاي اعلق حالي حال الناس

:- صبري جايج هسه اتصل

- سكتت ورجعت اباوع بالمنشور شفت بت عــــمة معلقتلة بورده وهو راد عليها بقلب
اني هم خليت قلبين واحد اصفر واحد احمر ودزيتهن بتعليق عـــــلي هم خله اضحكني على تعليقي  وبسام خله احببتة وجاوب بقلب احمر. حسيت
روحـــــي جنت عين مال طباخ مشتعله ومن رد طفاني

:- شوية ودك التليفون اخذتة وطلعت لان فــــــاطمة وسمر كاعدات فتت للاستقبلل وسديت الباب

::- الو

:- هــــا شلونج

:- الحمدلله

::- شنو هاي التعليقات ولج شنو روح نام ابنج انا شنو

- سكتت گـــــال

:- غدوره
:- هــــا
:- لا تعيدينها مو حلو تصرفج الولد وياي بالدوام يلزمونها ويضوجوني هم يحسبونة شقة بــــس انا اضوج ماحب هيج سوالف

:- وانتَ لا تعيدها من تفتح الرسالة رد
:- ماشي تدللين

- كعدت ساكتة وهو هم سكت شوية وكتلة
:- بــــسام ليش تنشر حزن

:- لا ولج مو حزن بــــس هيج يجذبني

:- احس بعدك تحب طليقتك وحزين بسببها

بقى ساكت ماحجة شي. اختنكت روحي طلعت
جاي اسد الخط وكال
::- لا لا احبها ولا حزين مجرد منشورات تعجبني لا اكثر

:- تمام تصبح على خير
:- غـــــدير
:- هــــا
:- وداعت امي ....ما احبها ولا ابالي ابد انتِ جاي تذكريني بيها نهائيآ ماتخطر على بالي

:- لعد ليش كل منشوراتك حزينة موجنا طالعين ومتونسين ليش رجعت نشرت هيج شنو السبب

::- هيج واللـــه مجرد يعجبني شبيج غـــــدير
::- ماشي هاي هيه
:- لاتضوجين تردين احذف المنشور؟ اسد الحساب؟

:- لا ماريد شي بــــس انقهرت لان احس من جنت يمي وتضحك وتسولف كله جذب
::- هههههه واللـــه مو جذب اصلا احله وقت اخلصة يمج

- سكتت ماكدر ابلع السالفة ختمت المكالمة ويا ورجعت لفراشي شوية ودزلي سكرين ناشر ستوري عن الحب عفتة ونمت

ثاني يـــــوم رحنا كملنا التحاليل والعصر من ترجع سمر من دوامها نروح  للسوك وياها اني وفاطمة وعمه وام فــــــاطمة تصعد تبقى يم مصطفى لان هي حالفة ماتجهز فاطمة خلت عمه تجهزها.

ايام مرن حسيت بيهن شكد الخطوبة حلوة خاصة وياي فــــــاطمة وكلشي نسوية سوا بضحك وسوالف متونسين حيل ومابقى العرسنا شي حتى عقد المحكمة كملناه

وقتها عـــــلي انجن يهلهل بنص المحكمة وعيونة مدمعة عايفة عقدي واصور بيهم اضحك وبسام من شافني احب اصور كلشي صار مثلي اي شي يشوفة لو يصورة الي لو يكلي تعالي صوري حبيتة اضعاف وتعلقت بيه اكثر

بيومها اخذونا للكاظمية من اسعد ايام حياتي
مكابلة فــــــاطمة واسويلها بوسات وهي ميتة ضحك
::- لو ما انتِ جان ماعرفت بــــسام

::- ولو ما انتِ جان نحرمت من عـــــلي وتعذبت
ااخ شكد وكفتيلي مانسالج وكفاتج طول عمري

- تقربت يمها لزمت ايديها ابين ايديه مبتسمة
::- نتفق على شي؟
::- اذا اتفاق سليم اي هههه

::- انتوا مو حلفتوا تسمون جهالكم غـــــدير وبسام

:- ههههه اي واللـــه ترا نحجي جديات مانتشاقة هيج اتفقنا مرات يكلي ام غـــــدير ونخرب ضحك

::- ههههه اي خوش ومن يصيرون عندي جهال نسوي مؤامرات ونخلي جهالنا يحبون بعض ونزوجهم

:- لااا يـــــمة ازوج جهالي لليختاره كلبهم
:-وخري مو صوجج

ضحكنا واتصلوا علينا طلعنالهم نضحك عيون عـــــلي ماتشوف غير فــــــاطمة يخجلها حيل وجها يصير احمررر ماتعرف وين تباوع. .

ثاني يـــــوم قفلت علينا سمر ماقبلت تروح ويانا للسوگ

سمر ::- ماروح ولعباس لا تجلبن تعــــبت شنو يوميه كـــــافي اشتريتن السوك كله

نــــهله ::- لبست عبايتي اضحك عليهن ودك التليفون جــــمرة دخلت للغرفة حجيت وياها تحاجيني بشك واذا سمعت صوت تسأل منو وشكو. أريـــــد احجيلها ومتررده
سديت الاتصال منها .وطلعت كالت غـــــدير

::- عــــمة بــــسام وعلي يكولون لا ترحن احنا ناخذكم
::- يشلعون كلبجن وحدنا احسن

فــــــاطمة ::- لا عــــمة عفية مشتاقتلة

:- هاه مو الباارحة يـــــمة ....ضحكت خجلانة ومدنكة ...ضحكت وكعدنا منتظرينهم يجون ...

....

جــــمرة ::- احس بروحي مختنگة حيل ومحترة.  فتحت عيني اباوع بالغرفة وحدي والكهرباء طافية بــــس شمعة صغيرة مشتغلة
عركانة ومكطوع نفـــــسي اخذت ملابسي وفتت للحمام سبحت بــــس أريـــــد ابرد.

طلعت كعدت الغرفة تخنك والباب مقفول. بقيت اكل بروحي واغلط
::- حابسني بغرفة حبسووك بحهنم كون النذل

كمت افتر الوب ادخل للحمام وارجع اطلع ما اعرف وين اروح لمن اجت الكهرباء كعدت ماعرف شكد مر وقت وسمعت الباب نفتح بقيت كاعده بمكاني وهو دخل والباب انقفل من برا

:- سابحة؟

::- طلعني منا اختنك

عاف العلاليك بالگاع وقرب وجــــهة الرگبتي جاي ادفعة طبك ايدية بايد دفرتة وماكدرت
::- وخــــر

- ابتعد مبتسم ويسحب نفس بقوة

:- احس نفـــــسي من اطلع من يمج كلشي بيه يتلوث من ارجع والزمج واشمج ارتاح

::- طلعني منا...
سكت يباوعلي هز راسة لا
::- أبــــــهر واللـــه اختنك

::- وين اوديج جــــمرة كل المكانات خطر
::- لعد رجعني الاهلي من ماتگدر تحميني
:- حتى اهلج يأذونج اذا رجعتج

- باوعت بعينة ساكتة كام غسل ورجع طلع الاكل على اعصابي اكل گـــــلبي مقبوض ونفسي ضاك. من الغرفة احسها گبر تخنك حيل

غسلت ورجعت تمددت كارهه كلشي
:- ابيش الساعة أبــــــهر؟

درت عليه سحب التليفون باوع ورجعة المكانة
:- بـ 8

:- شو جاي تحضر نفسك وين رايح
سكت ماحاجاني كعدت على حيلي
:- وين رايح

:- مارايح هنا يم عمر
:- شتسوي
:- عدنا سلاح

سكتت شفتة كام يريد يطلع وكفت وياه وجريت شالي دار وجــــهة عليَ
::- هــــا وين

:- اكعد يمكم مختنكة

هز راسة قابل دك الباب وفتحة عمر بقيت واكفة مصدومة صالة جانت ومتروسة صناديك اسلحة
سحبني من ايدي للقنفة كعدت وهم يحجون باسماء غريبة بــــس اراقب ساكتة

كعدوا يسوون السلاح وانا احفظ بحركاتهم كمت من مكاني كعدت بصف الابهر دار وجــــهة عليه
::- هــــا؟

::- هيج .....بقوا يشتغلون عمر تعب وتمدد بالگاع والابهر يشتغل باستعجال الشاش الافة على أيــــدة صار احمر دك تليفونة بجيبة مد رجلة گـــــال

::- طلعيلي التليفون
:- طلعتة اباوع بالاسم قسام

مسح أيــــدة وجاوب
::- هــــا قسام
- ساعتين بعد ونكمل.....امان لاتهتم معليك هاي هيه هسه اكمل يوصلن على الوقت.
حبيبي هلا.

عمر ::- هاا؟

:- اكعد يله خلي نكمل

جــــمرة ::- كعد عمر تقربت على الأبـــــهر.
:- انـــتَ شلون تكوله حبيبي ماتكرهه

ابتسم وهو يشتغل يباوعـــــلي ويرجع يباوع للسلاح بقى ساكت.
مديت ايدي على السلاح صاح بنتر
::- ايييدج
::- ضايجة.

::- الضايج يلعب بسلاح؟
:- علمني عليه حتى اكتلك
::- ينراد اعلمج حتى تحمين نفسج اذا انا مو يمج

:- عوف عمر يكمل وكوم علمني شرط اول واحد اكتلة انـــتَ وراك عمر

عمر ::- هههههه هاي مرتك محملة علينا طن حقد

أبــــــهر ::- جذابة بــــس حجي السان ماكو احن من كلبها انا لو بمكانها واحد خاطفني وحابسني حرام بالحرم اكتلة دفرات

جــــمرة::- ابـــــتسمت ساكتة وهم يضحكون كل شوية يحجون كلمة يردون يفشرون ويسكتون من يتذكرون اني يمهم مليت وتمددت على رجل الأبـــــهر

::- كومي نــــــامي جــــمرة
::- مانعسانة
::- اعورج بالسلاح نايمه على رجلي
::- شحدك

ابتسم مدنك يباوعلي ورجع يكمل شغل. مليت حيل وهم ما مخلصين غفيت وحسيت عليه من شالني فزيت باوعتلة ورجعت غمضت

::- سمنانة
- عافني على فراشي عدلت نومتي وفتحت عيني اباوعله
::-راح تروح؟

:- واعوف حضنج؟ شبيه مخبل
بــــس اغسل واجيج

:- هزيت راسي اي ونكلبت على بطني نعسانة غفيت بسرعة فزيت من حسيتة كعد على رجلية

::- شبيك
:- الابره
:- وخــــر
:- لازم تاخذينها اذا شلعتي گـــــلبي انجبر اخدرج

:- بــــس ردت انگلب واصيح :-وخــــر

:- ابتعد الابره بايده كعدت على حيلي خازرتة

:- شوفي لازم اذا ماقبلتي راح اخدرج انجبر
اذا قبلتي اطفي حتى الضوه وايدي خفيفة ماتحسين بيها وهم تتغطين وحدج مو مثل اذا مخدرج ماتدرين شسوي بيج

:- احترم نفسك ....ابتسم رفع اكتافة
:- اختاري
:- دنكت عيني ساكتة كام طفه الضوه وشغل بــــس شاشة تليفونة كعد يمي يضحك

:-ابهر تتعلم بيه انـــتَ؟
::- لا اعرف هسه جربي شخسرانة
::-شنو شخسرانة واذا نشليت

:- جــــمرة يله ترا اخدرج

-نگلبت على بطني ::-لا تباوع
ضحك واني متشنجة خايفة
:-رخي رجلج شبيج

:- يله فضها لاتصير براسي دكتور

:-صيحت موجوعة وهو يضحك بــــس سحب الابره مد أيــــدة يريد يفرك مكانها دفرتة
::-وخر يله

::- على يـــــوم اكسر رجلج
::-على يـــــوم انشل من وراك

ضحك وكام شمرها شوية ورجع تغطه وياي راد يسحبني الصدرة ضربت أيــــدة وخــــر

:: أريـــــد اسولفلج شغلة

:- تقربت خليت راسي على صدرة: :- شنو سولف

::- ههههههه باجر اروح
:- وين

:- قسام راح يسافر وصلتلي معلومة جايب  بنات  لازم اساعدهن

:- رفعت راسي من صدرة مصدومة ::- بنات كبار؟
::- لا اطفال

:- وين توديهن

::- هنا المشكلة للميتم اذا اخذهن انلزم راح يعرفني قسام ...اذا وديتهن للمركز راح اخلي روحـــــي والوياي كلها بخطر

:- وهسه شلون
:- ما ادري للصبح تنحل

:- رجعت راسي الصدرة افكر وخايفة رجعت رفعت راسي اباوع بوجهه

::- اكلك خاف قسام يغتصبهن

:- ضحك وهز راسة لا
:- شدراك. انـــتَ واللـــه يغتصبهن شلون

:- هههه لا ولج مستحيل
:- شنو مستحيل بكيفك

:- قسام يختلف
:- شنو
:- ماكدر احجيلج شي.يلعب النفس بــــس الاكدر اگولة مايحب هيج علاقة

::- يعني يحب الولد؟  ضحك حيل وهز راسة لا
::- لعد شنو
رفع أيــــدة يوخر شعري من وجهي.
::- شي وصخ لا تلوثين عقلج بيه

:-رجعت خليت راسي على صدرة وحاضنتة
::- أبــــــهر كلش افرح من تساعد الاطفال احس تصير حــباب وخوش رجال

بعفوية مو بقصد فرحانة بفكرتة حركت راسي وبستة. يم صدره بركبتة امسح على وجــــهة واحجي ما منتبهه بــــس هو جمد مايحجي شي

::- بوسيني بعد

:- نزلت ايدي من وجــــهة ورفعت راسي من صدرة
::- لا تصير ادبسز

::- هههه هو منو الادبسز يتحرش ويبوس

:- نغز خاصرتي بايده يضحك دفعتة. وضحكت كعد على حيلة يدغدغني واني اضحك وادفع بايده. رفع ايديه ليفوك. طبكهم بايد وحـــدة وكعد على رجلية

::- وخــــر جنك ثور كسرت رجلية صارن طحين

::- ليش تتحرشين بيه وتبوسين رگبتي

::- عبالي التشيرت ماشفتها ...
وخــــر أبــــــهر يـــــمة اختنكت راح اموت شبيك ههههه

:- وتحضنين وتمسحين على وجهي وتصيحين نيتي صافية هاااا

:- واللـــه نيتي صافية

::- اخبط نيتج اليوم

- مد نفسة مخلي وجــــهة بركبتي واني ادفر اضحك من يدغدغني ومن يبوسني احجي بصياح
::- وخــــر خرب مو مال شقة انـــتَ
كسرت ايدي راحن نمردن يـــــمة وخــــر اختنكت

:- سكت هادئ وجــــهة بركبتي سحبت ايديه منه أريـــــد ابعده عني
::- أبــــــهر

::- اسكتي

:- تلعب نفـــــسي من تحضني هيج

:- انا ارتاح هيج

:- خنكتني.....بقى ساكت دفعتة من صدرة
::- وخــــر اختنكت

لف أيــــدة جوا خصرة ورفعني الصدرة
:- مو انا حــباب وخوش رجال عوفيني

:- ضحكت ونزلت راسي الصدرة وهو مقهور

نمت ساكتة وثاني يـــــوم راح حيل فرحانة وخايفة واحلفة يصورهن أريـــــد اشوفهن

منتظرتة وكلبي يدك حيل سمعت الباب الرأيسي نفتح ضحكت مكيفة واخيرا رجع
ثواني مرن وصار صوت طلقة صرخت سادة اذاناتي والصوت احسة زرف راسي

ندفر الباب رفعت عيني ارجف. رد الباب وراه

قسام ::- لزمناه من أيــــدة التوجعة اخيرآ

:- زحفت للحايط ارجف واباوع وراه هسه يجي الأبـــــهر هسه يخلصني بــــس كل امالي خابت من اجه عليه كمت اركض أريـــــد اشرد
جراني حيل شمرني بالكاع احس عيوني غوشن
كعد وسد حلكي بكلينس غمضت عيني گـــــلبي يريد يطلع من مكانة

يتبــــــع⋆𓍯
الكاتبة أيـــــــلول⋆𓄼𓂁

💚🌿

البيج الخاص بالقصة تابعوه 🌿