رواية أجرام مستباح لثلاث ندبات الفصل الثاني وخمسون 52 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                              بقلم الكاتبة أيلول

        ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

اول شي يا عمري  تابعوا حسابي AylolAishoan

..........................................................

نــــهله ::- مرت الأيام والأشهر والسنوات محاولين تناسي كل جرح قديم
لكن كل ما حاوطتنا السعادة وضحكنا مبتهجين فجأة تدمع عيوننا لتنكتم ضحكاتنا بألم متذكرين من فقدناهم ايا ليتهم معنا  فقيد روحـــــي ولدي الحبيب وعروسين الجنة عـــــلي وحبيبته .

ادعينا التعود على غيابهم لكن يكذبنا الشوق لهم.

::-  بدايات الشتاء وجمال برودته فزيت من نومي على حلم حلو ورغم حلاوته بچاني التفتت الأدريس نايم كمت من يـــــمه غسلت صليت وطلعت للصاله گـــــلبي معصور ومختنكة فتحت الباب الصبح هستوه يطلع والغيوم وحـــدة تحاوط الثانية سحبت نفس وطلعت للحديقة كعدت على المرجوحه رغم البروده اباوع للورد وبعيني بــــس صورة عـــــلي وگمرته ومصطفى

البارحه نمت وهم على بالي حلمت مصطفى عندهم يمشي بيناتهم  وما بيه اي شي نور وجهم وجمال ضحكتهم لكن كلامهم ماحضرني وماكدرت اتذكره كل البقى بعقلي من هل حلم ابتسامتهم وجمالهم وضحكة ولـــــيدي ووكفته على رجلية وهو لازم بأيديهم

جريت نفس اترحملهم اعظامي ترجف من البروده وفزيت على ايدية من حاوطني بجاكيت التفتت عليه لميت الجاكيت عليه افتر كعد بصفي وسحب ايدي بين ايدية ينفخ عليهن ويدفيهن

ادريــــــس ::- ما تكعدين بالبروده بــــس من كلبج نار شنو القاهرج يا روحـــــي

- ابـــــتسمت بوجهه اهز راسي لا رجع ظهره ليورة وتقربت اخلي راسي على صدرة
نــــهله ::- يا عوض سنيني

- عبر ايديه يلمني الحضنه وما يسكت اذا ما يعرف شنو القاهرني ربي عوضني على كد دمعه وعلى كل تعبي التعبته بحنية ادريــــــس گـــــال

::- نروح للزيارة؟

::- لا ماصار اسبوع من رحنا

-ابتعدت من صدرة اباوع الوجهه مبتسمه رفع أيــــدة يمسح على خدي

::- انا ودي ما اشوف الحزن مار على عيونج ودي اخلي الضحكة ماتفارك وجهج الاحبه

- ابـــــتسمت سحبت أيــــدة من خدي بستها

::-  نتريك؟ لو ننتظرهم يكعدون؟

::- لا عوفيهم عطله خليهم نايمين

- كمنا دخلنا للبيت شغل الشاشة على دعاء الصباح شغلت الصوبة وخليتها بالمطبخ نكعد
عندي بريمز الطباخ الصغير اخليه بالگاع واسوي عليه سياح (خبز تمن)

كعدت اسيح وهو حضر الريوك وقوري الچاي على الصوبة وصينية الاستكاين بصفها

التفتنا على صوت دره الهادئ ابنها بأيدها واكفه بباب غرفتها

دره ::- صباح الخير

ادريــــــس ::- صباح الورد عـــــمو أنطــــيني هذا تعال جدو حبيبي يروحلك فدوه اسمر

نــــهله ::- صباحج خير ماما غسلي وتعالي تريكي.

- راحت تغسل وادريس يلعب ويا حفيده سجاد وهو يتنعوص ويكله جدو ويضحك ضحكت اني هم كتله

::- صرت شايب ويگلولك جدو كبرت بعد ماتفيد ادريــــــس

::- اي ست نــــهله وانتِ بنت السطعش ترا هم يگلولج جده

- ضحكت وهو يگل السجاد ::-هاي منو.
وسجاد الفطير بــــس يضحك اجت دره هستوها كعدت وندك الباب راحت تركض مكيفه تدري بيهم اخوتها بعدهم مابطلوا عادتهم لازم لازم يجون يبوسونها كل يـــــوم الصبح لو مو مشغولين لو مو مريضين يجون .

كعدوا الجهال غيث وجــــهة ما يكصه السيف من يكعد بــــس اذا صوفي يروح يـــــمة يضحك ويشاقي هبه وغفران يساعدن دره بأيام عطلتهن سباعيات من وحدهن يكومن .

وهيج الايام تمر بضحكة وبحنية.

جــــمرة ::- كانت امي دائماً تكول لو شكد ما مرتاحه بحياتج وتحسين ماكو شي ناقصج تبقى بكلبج غصة فجأة تحزنين بدون اي سبب وكل هذا لان روحــــــج ما متغذية بالصلاة مثل ما متغذية بمتطلبات الحياة وفعلاً من التزمت ما حسيت بعد اكو شي نقص بحياتي.

زوجي الي كلش صعب اوصفة رغم المرض ابد مايفارگة هو ما مقصر لا بحنيته ولا بحبه لا عـــــليه ولا على ابنه واخوانه يهتم بالكل ويحاول يعوض الكل .

وامي الي بقت تفتر وراه الحد ما خلته يصلي نص الصلاة الفايته وبعدها تخطط وتسوي جداول حتى يقضي وهو يضحك كل مايكمل صلاة يلتفتلي مبتسم.

::- من مجـــرم مهتلف المؤمن. مؤدب

- ضحكت ارتب بملابس ايهم لف السجادةة واجه كعد يمي تقرب باس راسي يباوع العيني

::- همزين خطفتج

- اختفت ابتسامتي ضربته على كتفة ضحك ولزم ايدي

::- لا تتسوفلين لو ما خاطفج جان هسه انا بعدني جـــــندل وعايش بأيد قسام.

::- أبــــــهر والنبي اذا ما اشوفك متندم لان خطفتني اسود عيشتك اطينها تندم شبيك حسسني ندمان .

::- ااخ جــــمرة اااخ

::- هــــا أبــــــهر هــــا

::- يا ريت ما خطفتج جــــمرة يا ريت

::- ليش ليش

::- ندمان حيل ندمان اخ جــــمرة اخ

::- جذاب ولعباس جذاب

::- صدك جذاب الف الحمدلله من خطفتج

- ضحكت خازرته عفت الملابس وتقربت كعدت بحضنه. وعبرت ايدي على رگبته حاضنته عض شفته

::- انـــتَ مو على اساس جنت معيشني بالنرويج

::- اي نرويج العراق

::- سفرنا هسه للنرويج أريـــــد اشوفها الجنت عايشه بيها

- ضحك حيل ومد أيــــدة يلزم شفتي

::- يعني قصدج ارجع اخطفج مو ؟بالخدمه تدللين

- عصرت فكه بأيدي ::- أريـــــد اسافر للنرويج.

::- ليش البتاوين والطوايل بشنو مقصرات

- ضربته وكمت جلب برجلي نجبحت على وجهي نرضن ضلوعي وهو مجلب برجلي ويضحك

::- نمردن ضلوعي خرررب عليمن تضحك ارعن بالقران تبقى ارعن اني ادبسز واتشاقة وياك

- سحلني من رجلي بــــس أريـــــد افرغ رجلي واوكف كعد على بطني ويضحك فكيت عيني كلها

::- شبيك أبــــــهر

::- هههههههه مو اشتاقيتي للنرويج أريـــــد اذكرج شلون جنه عايشين بيها

::- وخــــر بــــس وخــــر بطني انهرست واللـــه أبــــــهرررررر

- خزرته رفع من ثگله من.كد مايضحك مايكدر يحجي واني ما اكدر اعصب اضحك الضحكته رجع نزل ثكله على بطني صيحت

::- حامل حامل أبــــــهر

- فتح عينه بصدمة وخــــر بسرعه رأساً كتله

::- جذب واللـــه لا تفرح

- سحب ايدي مداها وتمدد بصفي مخلي راسه عليها

::- جــــمرة ما تحسين ايهم محتاج اخو

::- لا ماجاي احس انـــتَ تحس؟

::- لا هم ما احس

::- ههههههه

- سحبت ايدي من جوه راسه وتقربت نمت على صدره كلبه حيل يدك رفعت راسي مستغربة

::- شبيك؟

- ابتسم وغمض عينه

::- مو قبل شوية كلتي حامل تتشاقين؟

::- اي؟ ؟؟

::-  اي اول ماكلتيها گـــــلبي عباله صدك خفت

::- خفت لو فرحت؟

- سكت يباوع للسكف خليت ايديه على صدره ورفعت راسي عليهن اباوع بوجهه رجع باوعلي ورفع أيــــدة على ظهري يحضني

::- خفت ما أريـــــد ترجعين تمرين بوجع العملية ما أريـــــد ارجع. اشوف اثر عملية جديد ببطنج

::- بــــس اني أريـــــد أبــــــهر ما أريـــــد اخلي ايهم بدون اخوه من ننسجله بالمدرسه نسوي بعد طفل هــــا ؟

- جر نفس وهز راسة اي رجعت راسي الصدره اضحك

::- شكد احبك من تخاف عليه

- لماني بحضنه حيل

::- لو تــــدرين شكد احبج وشكد اخاف عليج شايفه هذا حضني الج اخاف اضمج حيل وتتأذين

::- شكد جذاب

::- هههههههههه ليش ولج

::- غير خانگني خنگ.

::- هههههه اكلج هسه احنا ليش نايمين بالگاع وعايفين الجرباية

::- غير نتذكر ايامنا بالنرويج

- ضحكنا ثنينا كمت منعنده وهو كعد ودك تليفونه راح كعد على الجرباية وفتح كامره ويا عمر لان وره ما عمر طلع من السجن بقى فترة بالعراق ورتبوله اوراقة طلع للخارج هناك تعرف على عائلة عراقية عن طريق بنتهم حبو بعض وتزوجوا البنية تعرف كلشي جان عايشة بــــس اهلها مايعرفون الحقيقة.

كملت ملابس ايهم وبقيت كاعده على جهه وهم يسولفون عمر كاله

::- مرتك المخبله شلونها

- الأبـــــهر رفع عينه يباوعلي اشرتله اسكت لا تكول اني يمك كاله

::- بخير تسأل عنك

عمر ::- ما عقلت شوية لو بعدها ؟

- سكت الأبـــــهر يحك بشعره كاله

::- أبــــــهر لكيتلك مره تطك بالگاع

::- صدك؟

::- وداعتك مثل مايحب كلبك بــــس تريد واحد يستر عليها وانت رجال خير تحب الستر للناس

جــــمرة ::- من ستروا عليك بجهنم ان شاءالله كول امين يارب تطلع زوجتك تشتغل ويا تجار اعضاء وتبيعك الهم كول امين يارب تكعد الصبح تلكه روحك.بدون كليه واعضاء .

- غصوا من الضحك ثنينهم وهو يصيح
::- هاي زوجتي تريد تسولف وياج

- انطاني التليفون صارت هي بوجهي اني مو من النوع الاجتماعيه او اعرف افتح حديث ويا غريب ابقى متشنجة وماكدر احاجيه بــــس سلمت عليها وسدينا الاتصال طلعت ويا غـــــدير نسوي عشا. هي تخبز واني اگلي ومرات امي تدزلنا خبز.

كعدوا الأبـــــهر واباذر بالصاله جنهم عشاق بعدهم واحد يكعد بصف الثاني لو يلزمون ايدين بعض واني وغدير نضحك عليهم .گمرة وعلي وايهم كدامهم يلعبون.

غـــــدير ::- اخذت صينية الخبز وفتت للمطبخ جمره بعدها تگلي ردت اصير عــــمة حقيرة خزرتها وكتلها

::- هاي ليش بعدج ما مكملة؟

- التفتت عليه شمرت السجينة من ايدها وتقدمت خطوة رافعه حاجبها

::- وياي؟

- ضحكت واجيت يمها وهي رجعت للطباخ نتشاقة ونضحك باوعت الأبـــــهر واباذر يسولفون رجعت الجمره كتلها

::- احس بيتنا متروس حنية

::- تــــدرين ليش؟

::- ليش؟

::- مو احنا فاتحين باب بينا وبين بيت امي حنيتها تعبر علينا وينترس بيتنا

- ضحكنا.ثنينا صاح اباذر

::- صوتجن

جــــمرة ::- هذا زوجج حتى لو نتشاور يسمعنا

غـــــدير ::- هههههه نقلنا العشا سالفة وضحكة ونبقى كاعدين سوا مرات نلعب لو هاي مال الدول لو محيبس لو ارقام. لو حية ودرج واللـــه اني وزوجي ما انغش بــــس جــــمرة والابهر يخلصونها غش الهل سبب هم دائماً فايزين علينا

ورا العشا الساعة عشرة جمره اكلت گـــــلبي تريد تسوي خلية النحل مطلعتها بالتليفون والا تسويها كعدت يمها بالمطبخ غسل المواعين عليه وهي ماخلت ماعون نظيف كتلها

::- وين الله وتخرب شيغسلي المواعين

::- واللـــه بــــس تخرب لو تطلع مو طيبة اكتلج.

::- اكلي تبن ههههههههه شعليه اذا انتِ ما تعرفين .

- كعدنا لفيناها ونوب ما سوت وحـــدة سوت ثنين وحـــدة البيت عــــمة دخلنا نذار ايهم نام وگمره وعلي منتظرين اباذر يكلها

::- هسه تطلع صلابيخ

جــــمرة ::- جاي ارد عليه وشفت الأبـــــهر ضحك التفتت عليه

::- ليش تضحك هاي بدل ما تكله لا تطلع طيبة

::- مو حبيبتي تتذكرين اخر كيكة سويتيها مانشلعت من القالب

غـــــدير ::- يا كيكة شو ما ادري

- درت الجمره وهي خازره الأبـــــهر الغاص من الضحك طلع التليفون يراوي صور الكيكة الاباذر گـــــال

الأبـــــهر ::- من رحتوا الاربيل سوتلنا كيكة ومانشلعت من القالب لكيتها عباره عن فحمه اكلها جــــمرة كيكتج محتركة تكول لا هاي لان كيكة ام الككو تبين سوده تالي اجينا نريد نشلعها ما نشلعت خفنه ترجعون وتشوفونهاا شمرناها هي وقالبها

جــــمرة ::- الفتان والقرأن اليوم لو تطلع خلية النحل حجار هم تاكلها

اباذر ::- زين هاي كيكتج مسويتها بسيلكون ليش لزكت بالقالب شبيها

الأبـــــهر ::- لكيتها تريد ترسم عليها قلب بمعجون الاسنان

جــــمرة ::- هيوو ترا جاي تجرح مشاعري

غـــــدير ::- واني اكلها القالب وين تكول عند امي

- متنا ضحك وهي تحلف كل دين اذا طلعت خلية النحل مو طيبة تخلي الأبـــــهر ياكلها ليش فتن عليها وهو يكلها اول وتالي يعرفون .

.كملتهن وطلعن طيبات اخذنا قوري الچاي واستكاين كعدنا يم الصوبة نزلوا يمنا بالگاع وهي خابرت عــــمة دزت غيث اخذ السوتها الهم اكلنا وشبعنا وهي مجلبة للأبهر

::- اكل بعد حتى تفتن عليه عدل

غـــــدير ::- هيج روتينا كل يـــــوم ضحك وسوالف الحد ما ننام. نظفت المطبخ اخذت ملابسي وفتت للحمام اباذر بغرفة گمرة وعلي ينومهم .

طلعت لكيته يگلب بتليفونه بيه طبع ما احبه كتوم ابد ما يشارك مرات يجي ضايج من الدوام شكد الح عليه مايقبل يحجي يكتفي بجواب واللـــه شغل لا تدوخين روحــــــج .

نشفت شعري مشطت ورحت الحضنه

::- غديري

- فتحت عيني اباوع الوجهه تقرب يبوسني ويحجي

::- سمعت سالفة

::- اممم شنو

::- يكولون المايخلف اكثر من ثنين مو خوش زلمة

::- قصدك أبــــــهر مو خوش يعني شنو قصدك؟

- غم كصته يضحك گـــــال

::- لا عود تسوين روحــــــج ما تفهميني وانتِ شيطانة من عيوني تعرفين شنو أريـــــد

::- ومن الاخير لا

::- ليش.

::-عندنا گمره وعلي كلش كـــــافي

::- نسويهم ثلاثة

::- never

::- please

::- نسويهم ثلاثة نوب تكول أريـــــد اربعه نسويهم اربعه تكول أريـــــد خمسة اعرف سوالفك

- ضحك.حيل گـــــال ::- اذا كتلج بعد طلكيني

::- مو هسه خلي يكبرون جهالنا شوف  جــــمرة واخوك خوش مخلين خطه من يسجلون ايهم بالمدرسة يله يخلفون بعد نتبع خطتهم خوش

::- هذول يفيكون شعلينه بيهم .

- جلبت ابد ما قبلت جهالي بعدهم صغار واكثر شي نعاني منه اذا دغدغني وضحكت بصوت عالي  أبــــــهر يدزله رسالة يكتبله نصي مرتك واذا احنا سمعنا ضحكت جــــمرة ندزلهم صوتكم نريد ننام .

ولازم اباذر قبل ماينام يطلع صورة عـــــلي يبقى صافن بيها دقايق  المهم يكون وجــــهة عـــــلي اخر شي يشوفة .ويحاجية هو وگمره يله ينام ..

جــــمرة ::- شكد حلوه من الانسان يعرف بشنو غلطان وبشنو مقصر ويحاول كل جهده يكمل الشي المقصر بية كاعده على الجرباية والابهر كدامي يصلي قضاء دنكت اباوع الاسواري مفلته الخرز اريده يبدل الخيط .

::- يله أبــــــهر.

- سلم لم السجاده راح الچرباية ايهم بوسة واجه يمي كعد على الجرباية مقابيلي سحب خيط احمر صوف كل ما تخلص يشتري جديدة كعد يخلي الخرز بالخيط وحسبهن وحده وحـــدة مديتله ايدي مبتسمه رفعها بوسها وشد الاسوار على ايدي. ضحك وباسها بعدد الخرزات

::- ليش هلكد متعلقة بهذا الاسوار شنو يعنيلج

::- لان انـــتَ وصيتني ما انزعه ابد واني اخذته منك بوقت حيل حابتك يعنيلي هواي

باوع شايف هذول الهنود من يتزوجون مو يلبسن خيط بركبتهن واذا نزعنه يعني تطلكن اسواري هم هيج.

- حجيتها اضحك دفعني للفراش ولزم فكي بأيده يبوسني ويهمس بأذني

::- احبج جــــمرة حيل احبج

- حضنته حيل ::- احبك اكثر

- بقينا سهرانين .نسولف وتشنجن رجليه روحه تطلع منهن كعدت مرغتهن بزيت الزيتون وبقيت كاعده يمهن امرغ بيهن ما ادري بشنو يفكر من امرغ رجلية بحيث يبقى بــــس يباوعلي وساكت

::- شبيك حبيبي؟

- غمض عينه وجر نفس براحه مد أيــــدة وسحبني الحضنه. يباوع العيني

::- نسافر؟

- سكتت اباوعله وهو ايده على خدي هزيت راسي لا لان شكد ما بنفسي السفر اخاف عليه ابتسم گـــــال.

::- باجر عيد ميلادج وهاي السفره هديتج

::- لا اني اتشاقة وياك من اكلك نسافر جذب ما أريـــــد

::- ليش؟

::- الصدك لو اجذب؟

::- لا الصدك

::- اخاف خاف تصير مشكلة باوراقك

::- ههههه لا ما يصير اي شي وين تردين نروح دبي تركيا. لو نروح يم عمر

- رفعتله حاجبي ::- النرويج.

- سحب راسي الحضنه يضحك
::- من تكولين النرويج عندي يعني البتاوين وارجع افكر اخطفج وهل مره من صدك اعاملج مثل الخاطف المجرم السفاح .

::- ما تكدر تخاف مني

::- لا صدك.نروح الدبي؟

::- للنرويج

::- شعندج وياها

::- أريـــــد اشوفها

- سحب تليفونه وراسل حسين صديقة العايش هناك سلم عليه كتبله

* أريـــــد اجيب مرتي واجي سفره

- بقى الولد يحجيله واني نعست نمت بين الغافية والفازه اسمع باب الغرفة يندك وصوت واحد يبجي ويهمس بخنك أبــــــهر.

فزيت والابهر فز دار رجله يريد ينزل وتشنجت ماكدر كمت بسرعة من سمعته صوت اباذر فتحت الباب مصدومة بيه دموعة مغطيه وجــــهة فات للغرفة الحضن الأبـــــهر يضم روحه بحضنه ويبجي والابهر متخبل حاضنه بقوته ويحاجية

::- شبيك اباذر حبيبي شبيك

::- تعــــبت ولك تعــــبت مشتاقله الحلم ما يكفيني مايطفي شوگي اله ااــــخ يا عـــــلي

جــــمرة ::- درت عيني الغدير واكفه بالباب تمسح بدموعه وهو تمدد بحضن الأبـــــهر يشهك ويحجي يكله

::- شما احلم بيه يزيد اشتياقي اله شوكت يخف وجع گـــــلبي عليه

جــــمرة ::- اخذت ايهم وطلعت يم غـــــدير.

::- شنو غـــــدير شبيه

::- مو گالوا لا تروح للمقبرة هواي مو زين مايصير هو صار عشرة ايام مارايح ومن يطول يحلم بعلي يگله ناسيني يتخبل .

::- هذا مستحيل ينساه

::- منو يكدر ينساهم عـــــلي وگمرة جرح يبقى ويانا للموت

::- الله يرحمهم .

جــــمرة ::- نمت يم غـــــدير والصبح كعدنا لكيناهم يسوون ريوك ويضحكون عادي ..

كم يـــــوم مرن بنفس الروتين نروح للدوام ونرجع فترة وعمو ترقى سوا عزيمه كعدت من الصبح نروح نساعد امي عفت غـــــدير تكمل وتجي اخذت ابني ورحتلهم لكيتها تغسل بالكراج

ضحكت ::- يـــــوم شكد طاكه انتِ عندج سيارة

- ضحكت واخذت ايهم مني تبوسة

::- ليش ما ترحين بيها للدوام  اكو واحد عنده سيارة ويروح للدوام بتكسي؟

::- استحي واخاف

- جاي احجي وطلعت سمر تضحك هم جاية وهي بباب الصاله تحجي ورافعه الشال على وجهه عود تبجي كالت

::- اي جــــمرة شفتي امج شلون متعافيه وعلي ماحاطه رجليها بالگاع دوهنت ابوي وضيعت علومه ام راس جايبلها سيارة وهي. تتمضيك براسنا استحي واستحي

جــــمرة ::- ضحكت وامي راحتلها بالماسحة تريد تكتلها بعدها ما واصله يمها وهي تصرخ. وتصيح الحكوووني كتلتني

خلت امي فاتحه حلگها طلع عـــــمو جر الماسحه من امي يكلها

::- لا نــــهله لا ليش وياها ليش

- حجاها وضرب سمر على رجليها يضحك ويكلها

::- صوتج بابا شبيج مكروصة الناس تكبر تعقل انتِ تتخبلين

جــــمرة ::- اجيت يمهم اضحك سلمت على عـــــمو شال ايهم يبوسة ويشاقي سمر كالت

::- جــــمرة ابنج شو راسة مدعبل

نــــهله ::- مو جانت تتنمر على العالم وحتى ابو بريص مايسلم منها

ادريــــــس ::- سمر لو انا مكانج ازعل مرت ابوج تدافع البنتها

سمر ::- بابا ورا العزيمه ازعل هسه معدتي مسيطرة على كرامتي وساحلتها ما اكدر

جــــمرة: :;- متت ضحك دخلت سلمت على دره والبنات اخذت صوفي اشاقي واضحك وياه عزيز كل الاطراف تحبه .

اجت غـــــدير وبدينا بالطبخ شفنا امي لابستنا ومعتمده كل اعتمادها على دره حتى سمر ويانا نلبست ودره تفتر وتسويلها حريكة لو تجي يمنا وتكول

::- بعد انتن بيش الكيلو

- ومتطورة واللـــه ما عرفتها تغازل اسمر كدامنا عادي عكس قبل تستحي حتى تباوعله .

كملنا العزيمة واجو اباذر والابهر بقينا ببيت امي
متجمعين ومتونسين سوالف وضحك

الحد ما رجعنا البيتنا اول ما دخلت للغرفة لكيت اوراق على جرباية سحبتهن اباوع بيهن ما فاهمه درت على الأبـــــهر ساند.ظهره على الباب يباوعلي مبتسم

::- مثل ما تردين للنرويج.

::- جذب؟

::- وحگ عيونج

::- يعني راح نروح؟ صددددك؟

::- لعد كل عقلج اخليها بنفسج؟

- ركضت الحضنه طايرة من الفرح فراني يضحك

بدينا نجهز وكم يـــــوم وسافرنا بدون ايهم عفته عند امي كد ما فرحانة ماجنت مصدكة الكذبة الكذبها الأبـــــهر تحققت واجينا للنرويج. وهو هم كلش فرحان خاصة من التقى بصديقة حسين .

نطلع من الصبح لليل نفتر ومتونسين مابقى مكان ما رحنه عليه بالاخص الاماكن الريفية تجننن.

نتمشى بالشوارع لازم ايدي ونفتر گـــــال

::- هاي هنا على اساس جنا عايشين

::- ههههههه اي وادرس وانتَ زوجي حبيبي تشتغل بغير منطقة الله شكد جنت مرتب بجذبك

- ضحك حيل سحبني. الحضنه يمشي ويغنيلي.

كم يـــــوم ورجعنا ابد ما انساها شكد ما تدللت بيها .

عوض كلمة صغيرة يم اليسوية الأبـــــهر. دائماً على باله ابد ما ينساني لو بنص انشغاله يذكرني

عـــــمو ادريــــــس ماكدر اكول عنه اب لان نظرتي عن الاب مو حلوه احب ثقافته احب نقاشة والاكثر احب حنيته على امي ودلاله الها وهي بالمقابل ما مقصرة.

غـــــدير فعلاً اخت واكثر ماخذه من حنية امي هواي احسها نسخة مصغره عنها هي واباذر مايخلصون من كبساتي الهم كل شوية الكاهم بمكان

دره وما ادراك ما دره اخذت گلب امي وتستاهل امي بكل حيلها تحاول تعوضها عن فقدانها الاهلها وصلتها مرحله تكلها يـــــمة.

بالنهاية كل انسان لكه الشخص الصح الي عوضة عن خساراته.

........

أيـــــــلول⋆𓄼𓂁 ::- مسائكم خير گـــــلبي اول شي ريحاناتي كل عام واحنا سوا كل عام وانتوا اقرب شي الروحي

هواي طلبتوا منعندي بارت وكنت دائماً ارفض لان حياتهم هادئة وروتين نفسه  بــــس بمناسبة. مرور سنة على وجودنا سوا بقناة التلكرام ردت شي يفرحكم ومالكيت شي ممكن يسعدكم اكثر من البارت

وهم حبيت انطيكم خبر قريباً الروية تنطبع كتاب

تابعوا حسابي الانستا هناك تعرفون شوكت ووين ممكن يتواجد الكتاب.

الانستا. /      t8_fe3

التيلكرام /      aylol_w

دمتم بخير حبايبي 💚🌿