رواية أجرام مستباح لثلاث ندبات الفصل السابع وأربعون 47 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                              بقلم الكاتبة أيلول

       ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

حضره الـ زعلان ، بيش مزعلّك ،؟
آنه الـ مداريك أكثر من هلَك .

.................................................................

جــــمرة ::- غمضت عيني جسمي كله تبند ماكدر اعين نفـــــسي واجبر عيوني يفتحن ساعه يغيب عقلي ساعه احس بالجاي يصير حسيت عليه من رفعني بحضنه يحجي بــــس ما اسمعه .

اباذر ::- ساند ظهري على سيارة منتظره طلع شايلها هزيت ايدي خزرني وصاح

الأبـــــهر ::- افتح الباب اباذر لا اطيح حظك

- فتحت الباب خلاها بالكشن الوره عدل رجليها ورفع أيــــدة يرتب حجابها صفن بوجها ضحكت

::- اخذلها صوره بدل الصفنه

- باوعلي عــــــيونة حمر اختفت ضحكتي جنت اشاقيه همس ببحه
::- مطبوعة بگلبي وبنص عيني كلها

::- قنعتها؟

- هز راسه لا وضحك باوعلها مسح خدها ورجع باوعلي مبستم وشفايفة يرجفن

الأبـــــهر ::- جنت ادري بيها ما تقتنع

::- لعد المن جبتها هسه تتسودن وتروح تكول خطفني ما تكعد أبــــــهر ما تكعد

::- ههههه بــــس  ردت احضنها قبل العملية حتى اذا متت اموت مرتاح ريحتها تارسة روحي

اباذر ::- خزرته وفتريت ادور رجعت باوعتله
::- أبــــــهر صح انـــتَ أخـــوي الجبير بــــس احب اكلك انجب

- ضحك ودنك يبوس بأيديها

::- هسه انـــتَ خطفتها بــــس حتى تبوس ايدها؟

- هز راسة اي مغمض وايدها على وجــــهة

::- وانا كلت أخـــوي يدور حقوق طلعت تدور حضن شبيك توقعت يصير عندي ابن اخو وره هالقاء

- ضحك كام من يمها سد الباب وكف مقابيلي ومد أيــــدة ضربني راشدي مسحت خدي اضحك واباوعله گـــــال

::- حتى بافكاري ما اوصخها سنايبري هاي

يله وصلها وارجعلي

اباذر ::- سلمت عليه وصعدت.

جــــمرة ::- احس بكلشي واسمع  صدى الصوت بدون ما افهم الكلمات بــــس عيوني يغدرني وماينفتحن وين يله نز جسمي وكدرت افتح مثل الجنت واكعه وجلبت بشي اتلفت واباوع شفت اباذر يسوق واني روحـــــي محروكة حرك منه ومن اخوه

مدري شصار بعقلي غلطت على الأبـــــهر مفرفحه وجلبت باباذر من وره اجر بيه أريـــــد املخه وهو يصيح

::- ولج هديني راح نندعم هديني خرب هديني

- اجر بيه أريـــــد الوح املخه تخبلت. فلت ايدي منه رجعت ليوره اصيح واغلط هاده گـــــال بصوت عالي

اباذر ::- بعد ساعتين لعمليته وبس راد يشوفج قبل لا يفوت

- سكتت هادئة اجر نفس بتعب وجسمي يرجف من العصبيه اباوعله بالمراية وساكته بلعت ريك دنكت عيني گـــــلبي يوجعني رجعت باوعتله

::- لا تجذب شبيه هو حتى يسوي عملية اشو جنه ثور شكده وكلشي ما يوجعه

::- اكو مكان طلقة ببطنة المكان ما منظف عدل ومتشافي وهو بيه بقاية  ولام صاير مثل الكيس مو زين يبقى خاف يصير ورم لازم ينفتح ويتنظف بسرعة

- دنكت مختنكة اباوع الاغراضي يمي شبيه گـــــلبي شبيه هيج خايف أريـــــد انكر شعوري صيحت وانا روحـــــي مفرفحه

::- وانا شعليه ليش يرجع يخطفني مو ساعدته مو ما شهدت ضده ليش مايجي بعينه شي ليش دائماً يأذيني

اباذر ::- اباوعلها بالمراية شايطة وتحجي بحركه دموعها ينزلن وتمسحهن بقوة هي العملية مو خطره بــــس انا حقير ردتها تخاف عليه اكثر كتلها

::- العملية خطره راد يشوفج الاخر مره راد يحضنج وهيج بــــس حب يذكرج بايامكم

جــــمرة ::- خزرته ساكته نزلني بباب البيت فتحت باب السيارة على حيله وركعته بكل قوة ومشيت للبيت صاح وراي

::- ليش هيج مرة أخـــوي السيارة شعليها؟

- درت عليه ودنكت بالكاع ادور طابوكه نزلت من الرصيف للشارع ادور وهو حرك السيارة ضاغط الهورن وبسرعه رجع ليوره نفتح الباب واني لازمه الطابوكة أريـــــد اشمرها وامي من الباب تصيح

::- ولج جــــمرة ولج

- شمرتها ودخلت وهي وراي تحجي ما قابلة دخلت للغرفة متكطعه كعدت كدامي باوعت بعينها كالت

::- شبيج ماما؟

- مسحت وجهي ودرت عيني منها لزمت ايدي باوعتلها

::- ما بيه شي كالي مرت أخـــوي وضوجني

- ضحكت ودنكت رجعت باوعتلي لازمه ضحكتها اباوع بعينها أريـــــد تضحك حتى احجي خفت الضحكه وكالت

::- لعد غير صدك مرت اخوه شنو يكلج؟

- جريت ايدي منها فاتحه عيني بخزر ضحكت ومدت ايدها على خدي كاتمه ضحكتها عاضه شفتها كالت

::- تعرفين تحذفين تصوير الكامرات؟

- هزيت راسي لا دارت وجها جسمها يهتز وخلت شيلتها بحلكها جلبت بأيدها

::-:شبيج ماما

- دارت عليه تبلعم تريد تحجي وتلزمها الضحكه كوه نطقت

نهلهة::- هسه انتِ ليش اعصاب شبيج منو وياج

- دنكت راسي احس گـــــلبي يوجعني رجعت باوعتله امسح بعيوني

::- اباذر يجذب عليه يكلي الأبـــــهر عنده عمليه ادري بيهم جذب بــــس يردون يخوفوني

::- لا مو جذب هسه فد شوية يجي ابو اسمر ونروح للمستشفى اني وياه 

- باوعت بعينها بلعت ريك وداخلي يرجف
::- خطره؟

::- لا ما بيها خطورة

- دنكت جامده شنو الاريده اني ليش گـــــلبي يغدرني ليش بعده يخاف عليه حسيت دموعي يوكعن بايدي وامي خلت ايدها على خدي تمسحهن باوعت بعينها اشهك

::- باوعي واللـــه هو أذاني حيل ما اكدر اهين نفـــــسي واتقبله باوعي احس بروحي احبه حيل وما اكدر اعيش بعيد عنه بــــس ما اريده
ما اكدر انسه شنو عشت بسببه ما اكدر انسه الادمان ما اكدر انسه تعذيب قسام الي بسببه باوعي الحرك باوعي

- ابجي طلعتلها صدري اثر حرك الزيت واصبعي اثر السجينه بقى بيه والحرك البأيدي

::- شلون انسه شلون

- جرتني الصدرها تمسد على شعري وتبوسني تحجي بأذني

::- التردينه جــــمرة التردينه اسويه مــــحد يكدر يجبرج تردين يطلكج من باجر شنو التردينه كولي وتأمرين

نــــهله ::- بجت الحد ما غفت رجعتها على مخده اباوع الوجها بنتي الما جنت اشوف دموعها صايره الدمعة ما تفارگها بستها وطلعت خابرت غـــــدير

::- هــــا عــــمة

::- من تجين من الكلية كبل تعالي على بيتنا

::- ليش مو أريـــــد ارجع بسرعه اسوي اكل ونروح للمستشفى

::- ولج ما تطولين بــــس اكو تصوير اريدج تمسحينه

::- هــــا هــــا عــــمة شمسوية ؟

::- غديره احطج بحلكج جــــمرة وشيخلصج منها امس تكلي غـــــدير صايرة مجلوبة وانا دافعتلج ترا اكلها صدك صايره مجلوبه

::- تردين هسه اجي امسح التصوير عــــمة ماعندي شي بقت محاضرة وحـــدة مو مهمه

::- لا ولي ما أريـــــد اكلج دره بالبيت؟

::- اي وحدها ما ترحين يمها؟

::- اي راح اروح اجيبها يمي

نــــهله ::- سديت المكالمة منها  لبست عبايتي وطلعت الجهال بعدهم ما جايين من المدرسة دكيت الباب على بيت بــــسام احنا العرفنه بــــسام الحد هذا يومنا نصيحله بــــسام واخوته وجمره يصيحون اباذر

سمعت صوتها الناصي كوه تهمس بخوف

::- منو

::- انا حبيبتي نــــهله

- فتحتلي الباب يا يـــــمة يا الهدوء العدها مبتسمه تباوع الوجهي

::- هلا خاله تفضلي

- دخلت باوستها اباوع الوجها سبحان الله تشبهه بــــسام اكثر من ما تشبهه الأبـــــهر. كتلها

::- تجين يمي ليش باقيه وحدج؟

- باوعت للمطبخ ورجعت باوعتلي

::- جاي اسوي اكل للولد اباذر گـــــال ساعتين واجي اخذجن للمستشفى

- حجت ودنكت عينها مختنكه خليت ايدي على كتفها مبتسمه

::- لا تخافين ابو اسمر يكول العملية سهله يله تعالي كملي طبخج حتى تجين يمي للبيت

- فتنا للمطبخ طفت الجدوره غسلت ايديها صفنت وبقت تمسح على باطن ايدها مبتسمه رفعتلي وجها  وعيونها مدمعه كالت

::- خاله احس نغزات شوارب اخواني بأيدي على كد ما جاي يبوسونهــــا

- نزلن دموعها تمسحهن وعيونها نكلبن حمر ابـــــتسمت الها

::- فدوه الله يخليكم البعض ويعوضكم عمركم الضاع حبيبتي

- تنهدت بقهر طكن عيونها نترسن دموع مختنكة وكوه تحجي

::- خاله ادعي يحفظهم أريـــــد اخلص عمري يمهم واللـــه هسه يله حسيت بروحي انسانه وعندي حياة تستحق اعيشها

نــــهله ::- ابـــــتسمت وتقربت حضنت وجها بين
ايديه مسحت دموعها اباوع لعينها

::- ادعي انتِ

- احجي مبتسمه واراقب نظراتها نزلت عينها وهزت راسها لا

::- ليش؟

::- اني ما اصلي شلون ادعي

::- ليش ما تصلين؟

::- مــــحد علمني ولا اني حاولت اتعلم

::- هسه روحي البسي شي وتعالي خلي نروح البيتنا جــــمرة لا تكعد وماتلكاني

- راحت لبست عباية وحجاب واجت دخلنا البيتنا
كعدتها ورحت فتحت باب غرفة جــــمرة فزت عيونها حمر كعدت على حيلها مخنزره

::- جــــمرة دره هنا تجين يمها؟

- هزت راسها اي وكامت تغسل رجعت يم دره اسولف وياها لمن اجت جــــمرة وكفت دره باستها وكعدت نسحبت من يمهن أريـــــد يختلطن أريـــــد يعوضن دره العاشته ويكونلها اخوات وصديقات

جاي  اسويلهن عصير ودك تليفوني صوت رسالة فتحتها من ادريــــــس عفته على الكاونتر منتظرة الفيديو يحمل شوية ورجعتله فتحته واشوف جــــمرة وهي تركع باب السيارة وتدور طابوكه كاتب جواها

::- هاي بنتج لو اموت ما اضوجها بشي تكضني وتفشخني اذا كالت طلك امي كبل اطلكج انا رجال اخاف على روحـــــي

- كتبتله ::- شمسويه هسه هي تشاقة وياه شبيكم ما تتحملون شقه بنتي

- اخذت العصير الهن لكيتها تسولف وياها تسألها على العاشت وياهم باوعتلي اخذت من ايدي انطت الدره ورجعت كعدت رافعه رجليها على قنفة وطابكتهن رجعت تباوع الدره وتحجي

جــــمرة ::- غير تشردين ليش تحملتي انا اخوج شكد حذر وحابسني وشردت منه بــــس لكفني

- ضحكت ودنكت كالت

::- شردت جــــمرة مره لزموني الشرطة ولو تشوفين شلون عاملوتي يلزمون بجسمي ويدفعوني من واحد الواحد ومرة الثانية شردت وعود مره كالت اني اساعدج تالي طلعت تريد توديني الاماكن مو زينه ولكفني احمد رجعني وهم رجعت شردت مرة ثالثة بكل مرة اشوف الابشع .

جــــمرة ::-  سكتت اباوعلها تكسر گـــــلبي وتفرفح روحـــــي عليها حيل انقهر عليها حيل

::- باوعي ليش ما سممتيهم وخلصتي

- ابـــــتسمت ساكته اخذت العصير من الطاولة نطيته الها
::- شربي يله خيولون خلصتي

- شربت شوية ورجعته ::- دره

:- هــــا

- بلعت ريك اباوع لعيونها ::- أبــــــهر ...

- حجيتها ودنكت ساكته كالت

::- حيل يحبج شكد يسولفلي عليج جــــمرة ارجعي اله حبابه

- هزيت راسي لا اكل بشفتي اجو الجهال ركضوا الامي ومن لمحوني كاعده كلهم وكفوا وحجوا وياها بهدوء راحوا يبدلون وصار الاذان امي كالت

::-  گومن صلن

- بقينا ثنينا كاعدين اجت اخذت دره من ايدها للمغسله واني بقيت بمكاني مدت راسها الي كالت

::- تحركي جــــمرة يله صلاة

- بقيت كاعده ساكته صاحت ومدت راسها خازرتني

::- كومي صلي ماما

- كمت توضيت بالمطبخ شفتها اخذت دره وفاتت الغرفتها فتت الغرفتي اجت وراي فرشت سجادة ونطتني حرام صلاة رادت تطلع حجيت مختنكة

::- اخاف

- رجعت باوعتلي وهي بالباب ابـــــتسمت

::- بين أيدي من بيده كل شيء من شنو خايفه؟ صلي ماما صلي بگلب خاشع

- وكفت اصلي كملت بدون ارادتي لكيت ايدي مرفوعه ادعيله ودموعي على خدي

"شسويت بحالي ما اكدر على گــلبي اول تالي؟

- مسحت دموعي من دخلت هبه مبتسمه ولازمه يدة الباب كالت

::- كملتي أريـــــد اصلي؟

- هزيت راسي اي وبتعدت كعدت على الجرباية صاحت على غفران دخلت بأيدها سجادتها باوعتلي وحجت بابتسامة

::- هلو جــــمرة

::- هلو

- وكفن بصف بعض يصلن كملن وكامن هبه اجت الحضني حضنتها وبوستها بعدتها اباوع الوجها ابـــــتسمت

::- شلونج بالمدرسه

::- كلش زينه واخذ كله عشرات

- مسحت على خدها ::- عفيه بطله

- رفعت راسي الغفران واكفه من بعيد تباوع سألتها ::- وانتِ غفران شلونج؟

- ابـــــتسمت كالت ::- ثنينا شاطرات

- هزيت راسي ساكته شوية وطلعن كمت طلعت وراهن امي تصبلهم غدا سألتها على دره كالت راحت البيتهم.

وره الغدا كامت بدلت كالت راح يجي ادريــــــس نروح للمستشفى بقبت كاعده بمكاني الوب شوية كتلها

::- هو سوا العملية لو بعده؟

::- لا بعد جانوا يكملون الفحوصات مدري شنو. عمليته بـ 3

- سكتت اجه زوجها غسل وبدل باوعلي گـــــال

::- ترحين ويانا؟

- هزيت راسي لا. ودك تليفونه جاوب اباذر سلم عليه وباوعلي كاله
::- ما تقبل. هاي هي وياك.

جــــمرة ::- اخذت التليفون من أيــــدة ساكته گـــــال

اباذر ::- جــــمرة؟

::- هــــا

::- ما يقبل يفوت للعملية يريد يشوفج تعالي؟

::- ما

::- جــــمرة اذا تأجلت عمليته خطر عليه

- سكتت بــــس اسمع صوته يـــــمة يكله
::- هــــا قبلت هــــا راح تجي؟

- سديت التليفون وكمت للغرفه حجيت واني امشي ::- انتظروني .

لبست وطلعت وياهم وهم يحجون بصوت ناصي بيناتهم غثوني

::- شنو جاي تحجون؟

- سكتوا ثنينهم هو باوعلي بالمراية وامي التفتت عليه گـــــال

::- هــــا عـــــمو على شسمه باوعي مو امج هذا حجزتلها عند الدكتور اكلها روحـــــي

- درت وجهي ساكته لمن وصلنا جانوا هستوهم منطينه البنج ما لحكنا دره ترجف وتدعي خايفة كعدت على جهه ساكتة واراقب ما طولت عمليته
وطلعوه الغرفة ثانية مادخلنا يـــــمة بالبداية الحد ما صحى ودخل الدكتور يتأكد من حالته

كالت غـــــدير تعالن ننزل نشتري شي. مشيت وياهن هي ودره بــــس أريـــــد الوقت يخلص ويكعد اشترن عصير ورجعنا جانو داخلين يـــــمة بالغرفة

فتحنا الباب ودخلنا مشغلين هزاز ادريــــــس وامي وبسام يهتزون بدون صوت وبسام ساد حلك الأبـــــهر ويهمس مختنك من الضحك

::- اشش اششش فضحتنا

جــــمرة ::- تقربت ساكته دفع ايد اباذر وصاح

الابهر::- واكضلك قسام كتله هااا لك ........

- رجع اباذر سد حلكه دفعها مغمض ويحجي گـــــال

::- مو مجـــرم انا ما سويت شي خربت نص خططهم وشردت هواي عالم منهم وساعدت الاطفال

جــــمرة ::- الكل سكت يراقبونه فتح عينه التفت باوع الاباذر صاح

::- شلونك كلب

- ضحك اباذر يهز راسة تمام دار عينه لمحني صاح بصوت عالي

::- بت ام الضبااط

- درت عيني الامي وهي فاتحه عيونها على وسعهن وهو قفل يصيح

::- مو كتلج صوج امج ما تزوجت بنچرچي تدور حلوين ام الضباط ااــــخ وينج تعاي تعاي شوفي

شكو بطني شالو گـــــلبي

- عـــــمو ادريــــــس والبنات يضحكون وامي متحلفة بيه الا اني ساكته واباذر يسد بحلكه تقربت يمه ابتعد اباذر وهو باوعلي يون سوه شفايفه مال بوسة ويرفع راسه خليت ايدي على حلكه باساها رجع دار عينه يصيح

::- متسوفله سنايبر

- لزمت خده أريـــــد يباوعلي واكله اسكت عبالي اذا حاجيته راح ياخذ بحجايتي دار عينه الي فتحهن حيل عبالك اول مره يشوفني صاح بصوت

::- واكضلج قسام

اباذر ::- سدي حلكه

- سديت حلكه بأيدي جراها ورفعها يباوع باصابعي شال أيــــدة الثانية طبك اصابعي وخله بــــس الوسط يصيح

::- متسوفله شوف شلون تسوين

- جريت ايدي منه وهم منتهين من الضحك درت عليهم صاح

::- واكضلك قسام كتله هااا لك كلب ......

::- اسكت يله

- باوعلي وحجه بصوت ناصي يتمسكن
::- احبج سنايبر السافله بت ام الضباط

اباذر ::- حتى هي تحبك اسكت يله

جــــمرة ::- خفت يحجي شي موقف صاير بينا لان ضل يمسلت ويتذكر سوالف بــــس جاب طاري الشط سديت حلكه خانكته حيل واباذر يصيح

::- خلي نسمع السالفه شبيج

- خزرته ::- لا

- دفع ايدي ماكدرتله صاح

الأبـــــهر ::-  تتذكرين بالشط

- رجعت خنكته وهم وجوهم نحمست من الضحك. وهو قوي ويجر ايدي بسرعه نزلها وقبل لا اخلي الثانيه على حلكه گـــــال

::- ولزمتج........

- سديت حلكه عـــــمو ادريــــــس طلع وهو يضحك واباذر نطاها انبطاح ميت ضحك نزلت ايدي ضربته راشدي على كيف امي صاحت

::- لا جمره

- باوعتله خازرته وهو مسويلي بوسه لزمت حلكه عاصرته بايدي حيل واحجي ::- اذا مسلتت شي اموتك

اباذر ::- ما يدري بنفسه ولج

الأبـــــهر ::- واكضلج قسام

جــــمرة ::- شسويتله ؟

::- كضيته

::- اي؟

::- وكتله هــــا لك .........

::- وبعدين؟

اباذر ::- لا يمعوده استري علينا

الأبـــــهر ::- غطيني ستري عليه

جــــمرة ::- تقربت دره من الجهه الثانية لزمت أيــــدة باستها تحجي وياه

::- أبــــــهر

- باوع بوجها ساكت صافن بعيونها الحد ما نزلن دموعه

::- لكيتج دره

- سحبت أيــــدة باستها تبجي ::- اي لكيتني يا عيون دره

::- اباذر هم لكيته

جــــمرة ::- تقرب اباذر يـــــمة شفت امي اشرت الغدير وطلعت اني هم طلعت وياهم كالت غـــــدير

::- تعالي ننزل بالحديقة ريحة المستشفى لعبت نفـــــسي

- نزلنا كعدنا بالحديقة ساكتات عبالك صرنا غريبات دارت عليه فازه ومبتسمه

::- جــــمرة اقبلي ترجعين  للابهر نعيش نفس البيت ولعباس ما اخليج تشتغلين انتِ ماتحبين شغل البيت اني اشتغل واطبخ ما اعارك على شغل ابد

::- الحجي سهل مــــحد عاش العشته

- سكتت تباوع العيني لزمت ايديه وحجت بخنكه

::- جــــمرة انتِ ضايجة مني؟  بــــس واللـــه ولا مره نسيتج جنت دائماً اكل العمه خلي احاجيها اسلم عليها وبس اكلج هلو تسدين الخط بوجهي زين اني شعرقني انتِ مخطوفة جنت اموت من القهر واكول لان سافرت تغيرت عليه.

::- مو انتِ تكشفيني بسرعة ما احجي وياج حتى ماتحسين

- سكتنا ثنينا نباوع شوية ورجعت كالت

::- بــــس واللـــه اني احبج ومن رحتي صادقة بــــس فــــــاطمة

::- هواي تحبونها حتى امي كل شوية تذكرها شبسرعة تعلقتوا بيها

::- جــــمرة والقرآن لو انتِ شايفتهم من اولها تحبينهم وتتمنيلهم الخير ما تتخيلين شكد تعبوا حتى يصيرون البعض جنت وياهم بكلشي واصور كل سوالفهم بحيث باستشهادها حسيت روحـــــي نسلبت وهو وراها انتهى ربي رحم بحاله واخذه شهيد جمعهم عرسان بالجنه

جــــمرة::- سكتت شوية ورجعنا فوك جان فاك منه البنج ويحجي زين واعي امي وزوجها كاعدين واخوانه هم كاعدين على جهه باوعلي ابتسم وحرك اصابعه العلا بطنه تعالي درت عيني الامي

نــــهله ::- ابتسمت الها تقدمت يـــــمة سحبت الكرسي وكعدت تباوع بوجهه

وهو متمدد ويباوعلها روحه رايحه كالها

::- ما تعوفيني بعد جــــمرة؟

- خزرته ولزمت فكه وهو مبتسم صخام الصخمني شبيها بنتي حركت وجــــهة منا ومنا بحرگه وهو بــــس مبتسم وايده على العمليه كالتله من بين اسنانها

::- لا تسوي هيج خوش لا تجبرني بعد لا تجبرني

- دفعت راسه وهو يباوعلها بضحك وانا ودي اضم روحـــــي واصيح هاي مو بنتي ما اعرفها اصلا نوب من حركت روحها كامت من الكرسي اليمه تغلط عليه
غطيت وجهي بالعباية دخيلك يا عـــــلي اشتهرنا

مدت ايدها فوك أيــــدة وضربته على العمليه ودارت تريد تطلع صيح يتلوى موجوع رجعت بخوف كعدت تلزم بيه وتحجي خايفه

::- ما ادري ما ادري بلا أذيتك؟ أبــــــهر بلا وخــــر خلي اشوف ما ادري بيك اتشاقه وياك

نــــهله ::- يبووووي درت وجهي الادريس بصفي فاتح حلكه هزيت راسي لا وهمست
::- مبدلينها مو بنتي

ادريــــــس ::- اذا طفلنا طلع مرعوص مثلها اتبرى منه واشمره عليها

- حجاها وضحك اني هم ضحكت بدون صوت والتفتنا على صوتها من كالت

::- على شنو تضحكون

- حبست ضحكتي وهزيت راسي لا وادريس كبل كالها

::- امج مو انا

- درت عليه فاتحه عيني كلها ::- يا واللـــه انـــتَ

::- بالله الكريم انتِ

::- يا لا تحلف واللـــه انـــتَ الضحكت

::- انتِ شاورتيني عليها بالاول

::- بــــس انـــتَ ضحكت بالاول

غـــــدير ::- واللـــه بطله خالستهم نوب حتى احنا اذا ضحكنا وباوعتلنا تلقائياً ننكتم

اسمر خابر على ابوه يكله تعالوا الجهالكم مليت
كامت جــــمرة وياهم واحنا هم رجعنا وياهم
عـــــمو گـــــال تعالن ويانا ما قبلت لان دره تنحرج رجعنا البيتنا دخلت ابدل وطلعت أريـــــد اروح يم دره سمعتها تبجي رجعت گـــــلبي يتگطع عليها شلون راح تكدر تنسه

هي الحد هل لحظة تخاف حتى من اخوتها اذا رادوا يلزمون وجها تنز خايفه وترجعله من جديد

شوية وسمعتها سكتت دك تليفوني ابـــــتسمت من شفت اسمه بسرعة جاوبته

::- هــــا حبيبي

- سكت وين يله گـــــال بصوت خافت

::- احبج وحق هو الله

- ابـــــتسمت ساكته

::- غدوره

::- هممم

::- ما تحجين

::- ههههه شحجي صدمتني مو جنت يمك ما كلت احبج ليش من رجعت

::- هو لان تذكرت ما كتلج اتصلت

::- ما تقصر ههههه شنو يم الابهر كاعد؟

::- اي نام باوعي لاتباتن بالبيت روحن يم عمتج

::- ماشي

::- بالج على دره

:;- بعيوني

::- ابوسهن رمش رمش

- ضحكت وسديت الخط منه طلعت دره سويت جاي وكعك كعدنا بالمطبخ وفاتحين الباب الجو حلو وغروب نسولف على جــــمرة والابهر وفزينا على دكة الباب ضحكت باوعتلها

::- عــــمة ودت علينا اكيد

- كمت حتى بدون شال فتحت الباب مبتسمه بسرعة دفع الباب ودخل ابو بــــسام يغلط ويفشر
دفعته أريـــــد اسد الباب وهو   ضربني على حلكي دخل يصيح جارني من شعري وصياحة

::- هسه تطوني فلوس السنين الربيته بيهن فلوس الاسم المنطيه اله ساقطين متونسين بجالي

- مجلبه بأيده روحـــــي رايحه ودره ترجف بالباب وتبجي بكل صوتي صرخت ::- عــــمة الحكيني

- وهو يجر بيه من شعري للبيت ويصيح امشي أنطــــيني فلوس.

نجر مني بقوة وندفع بالكاع اباوع وابجي جــــمرة دارت تدور جرت الماسحة تفشر وتضرب بيه

دخل وراها عـــــمو  جراها  واسمر  ركضت البسلي حجاب ورجعت ابجي وعمو كاله راساً سجن وهو كاعد على حيله يغلط ويصيح

::- أريـــــد الاسم منطيه اسمي سنين ربيت وهسه حتى ما يعرفني

ادريــــــس ::- روح داعي بالاسم وارفع دعوى واللـــه العلي العظيم اكتب بيك تقرير متعاون ويا عصابة ومشترية منهم بالله اخيسك بالحبس نذل

غـــــدير ::- درت عيني امسح بدموعي جــــمرة تغسل الدره الترجف من الخوف لمن اجت دورية الشرطة اخذوه وعـــــمو راح وياهم گـــــال الاسمر

::- اخذهن يم ام مصطفى

غـــــدير::- طلعنا وياهم البيت عــــمة كعدنا بالكراج ثنينا نبجي اجت عــــمة لازمه بطنها موجوعه تهدي بينا گـــــال اسمر

::- ليش تفتحن الباب غير تعرفن منو

- باوعتله واني ابجي كتله ::- عبالي واحد منكم

- عضالي شفته يأشر براسة على دره عود كـــــافي تبجين الخاطر البنية سكتت

دخلنا للبيت الخرعه بعدها بينا كاعدين بغرفة جــــمرة عفتهن وكمت ويا عــــمة نسوي عشا واسمر يفتر ويحجي على شكل جــــمرة هم جانو كاعدين وغيث بالكراج سامعنا راكض كايللهم وهي اول وحـــدة طافره عمه سوت عصير ليمون اخذته وفاتت تنطيه الدره واسمر بقى يمي بالمطبخ گـــــال

::- غـــــدير

- درت وجهي اله مدنك عينه يلعب باظافرة رجع باوعلي بأسف گـــــال

::- اتمنى تسامحيني حيل متندم على اذيتج

::- مسامحتك صار ماضي

- ضحك گـــــال ::- اجيبلج شال من المحل عربون صلح؟

- ضحكت اباوعله ::- ابد شبيه مخبله اخذ منك شي بعد

::- ديله بعد احسن ما منجن بــــس الخساير

- درت اضحك.دك تليفون عــــمة شفتها  سمر جاوبت فاتحه الصوت على سماعه الخارجيه اگلي واحجي وياها سلمت عليها كالت

::- شعندج دايحه

::- نحب نديح ماتجين راح نبات يم عــــمة اني واخت بــــسام؟

::- اي هو رجلي عنده شغل عشتوا وكلت اخابر واحد يجي ياخذني استاذ ادريــــــس ما يجاوب
كلت اشوف اسمر الخيخه

- درت عيني الاسمر رفع حاجبه وسوالي بأيده اشش وهي نزلت دوسة ونص

::- الجلب الحقير ابو البنات لا يكول عندي اخت لا صخام بوجهه الاملس لا يسأل لا يـــــوم اجه وكال اشوف سمر شمحتاجة

اسمر ::- والاجت البارحه للمحل وقطتني ب45 الف منو؟

سمر ::- اي شوف لان قطيتك بـ 45 الف ماتجي تسأل ولا تكول اختي ميته عدله

::- والقبل ساعتين رديت على ستوريها منو؟

::- وين ما شفت هسه المهم حبيبي تعال اخذني البيتكم

::- ولي

غـــــدير ::- حجاها وسد التليفون بوجها راحلها
هستونا كملنا العشا نريد نصب ودخلت شافت عــــمة واكفه بالمطبخ

نــــهله ::- وكفت على حيلي وهي اجت تتمركص بوستني وتحجي بأذني

:;- منشنشه نهيله

::- ديربالج مني ترا اخلي بنتي تكتلج

- خلت ايدها على حلكها سادته. وفاتت يمهن للغرفة.

..

اباذر ::- كعدته اعشيه وهو لازمته الضحكه
::- يا اخي شبيك

- هز راسة يضحك ::- ماكو شي وكلني يله

::- اوكلك شعندي غيرك انا هو انـــتَ بس هل واحد ولكيته وره تعب بمعزتك بــــس عـــــلي

::- لو عايش جان غرت من علاقتك بيه

::- لا أبــــــهر واللـــه جا صار اقرب الك مني بلسم بلسم للجرح مشتاقله أريـــــد اروح ازوره

:: لا تروح بالليل

::- ليل نهار شوكت ما دكني الشوك ركضتله
صاحب روحـــــي هذا

- ضحك ساكت كملت اكل ودك تليفوني ابو اسمر جاوبته مبتسم واختفت ابتسامتي من سولفلي الصاير

::- وين هسه هو

::- يمي ومحد مد أيــــدة عليه منتظرك

::- سيــــدي يصير اغير اسمي؟

::- تتعب وخاف تأثر على وظيفتك بعدين اسأل واستفسر

::- خير ان شاءالله سيــــدي خلي مرتضى ياخذ مكاني وكله وصية اباذر هذا

::- اباذر لو بــــسام؟

::- اليعجبك سيــــدي

- ضحك وسد الخط أبــــــهر يباوعلي ما حجيت رغم سأل ما سولفتله كعدت يـــــمة نسولف افترينا افترينا ورجعنا بسالفتنا الجمره اباوعله من ينجاب طاريها عكدت حاجبه ترخى وعيونه تتغير نظرتهن

::- هلكد تحبها أبــــــهر؟

::- امنيتي تسامحني امنيتي واعوضها على كل اذيه سببتها الها

::- لو انـــتَ عشت الهي عاشته بسببها يعني خلي نفسك بمكانها تسامحها؟

::- ما ادري اباذر انا اذيتها حيل بقصد وبدون قصد صح من عرفت هي ما الها علاقة درت بالي عليها وبقيت يوميه شارد البيت حتى ما اعرضها للخطر بــــس من كشفها قسام عذبها بسببي كلشي انسه الا تعذيبها اخذ روحـــــي

مستحيل انسه من بلعت حبايات حتى ما يحركني ومن خطفها وحركها وما انطت بيه ماحجت تدري انا ما اتحمل الحرك بالزيت ياخذ الروح تعجبت عليها شلون ما حجت وتحملت الحرك الخاطر الكاكم

::- يا ريت تقبل ترجعلك وتعوضها خطيه العاشته مو سهل

::- حنينه حيل حيل اكثر من ما تتخيل دائما حنيتها تفوز على قوتها مرات من اجيها مصوب لو بيه اثار تعذيب اقهرها وحتى يبرد كلبها تضربني بالجرح تشيط روحـــــي وتغلط عود ما مهتمه شوية وتجي تبجي وتعتذر گلبها يفوز على عقلها ما تكدر تحقد.

::- انا ابد ما اشوفك مجـــرم

::- هههههه ليش

::- اول شي نبعت المجرم اخذ منك اخوانك وجبرك تشتغل وياه ثاني شي ماجنت تشتغل كلشي الصالحه بالعكس تخرب شغله اليضر الناس تساعد الاطفال وتشردهم منه ابهري حتى لو كل العالم يشوفك مجـــرم انـــتَ بعيوني بريئ

::- سبعي.

اباذر ::- رجعنا الجمره بقينا نسولف عليها أخـــوي حيل عاشگها شوية ونام الفجر الدكتور الخفر كتبلنا خروج
اخذته وطلعت .

غـــــدير ::- سمر غيرت جونا كله بالليل بقينا سهرانات وين يله نمنا وفزيت على اتصال بــــسام گـــــال
::- احنا جايين سويلنا چاي فدوه راسي مسطور

::- يله رايحه للبيت

- درت وجهي دره نايمه بصفي وسمر وجمره هم نايمات ماكدرت اكعدها لبست حجابي وطلعت هستوني فتحت الباب واشوف عـــــمو لازم عــــمة من وجها يريد يبوسها

انتبهولي ورجعت للغرفة ركض فشلانه واملخ بخدودي ماصارت بوستهم الا ويا طلعتي موقتينها شنو.

شوية وفتحت الباب عــــمة خجلانه مني طلعت كالت راح عمج نهديت عليها

::- شبيكم من الصبح تبوسون عــــمة شبيكم

::- لا فهمتي غلط عيني مدري شطاح بيها وشافها

- تحجي وتفرك بعينها خدودها حمر ويلمعن مال كرص
::- شفت حلكج بحلكه شلج بهاي الكلاوات

- فتحت عينها كلها مصدومة طلعت من يمها اضحك بعدني افتح بالباب وشفت سيارتهم دخلت الشارعنا فتحت الباب دخل السيارة ونزل بــــسام سلمت عليه وركضت شغلت الاضوية جاب الأبـــــهر لازمه من أيــــدة عفتهم وطلعت غسلت وخليت الچاي على النار اجه بــــسام يسأل

::- غدوره دره وين؟

::- نايمه ماكدرت اكعدها من تكعد تجي

::- اروح اجيبها؟

::- لا ليش خليها

- سكت يباوعلي يريد يروح وكفت اگلي مد أيــــدة حضني من وره ضحكت

::- شبيك تحضن من الصباحيات

- جر وجهي من حنكي داره عليه وباسني ما انطيته مجال ضحكت وهو بــــس يريد يكمل البوسة واني لازمتني الضحكه دراني كلي عليه مستغرب

::- شبيج

- بسته وبتعدت كل ما اتذكر عــــمة وشصار بحالها من شفتها اضحك اخذنا الريوك وفتنا يم الأبـــــهر خطيه موجوع يتلوى كوه اكل.

نــــهله ::- يـــــوم جمعه ومحد عنده دوام عفتهم بنومتهم الحد ماكعد اسمر يريد يروح للمحل سويتله ريوك اسولف وياه والمح باب غرفة جــــمرة ينفتح على كيف ويرجع ينسد

رحت فتحته لكيت دره كاعده ولابسه خجلانه تطلع ابـــــتسمت
::- صباح الخير

::- صباح النور خاله غـــــدير ماكو؟

::- راحت قبلج لان الولد اجو هسه تتريكين واوديج

::- لا خاله أريـــــد اروح هسه ما أريـــــد ريوك

::- بكيفج حبيبتي بــــس خلي البس عبايتي تعالي

- طلعت وياي مدنكة اسمر يتريك هو كالها صباح الخير باوعتلي يله ردت عليه فتت لبست عبايتي وطلعت لكيته يغسل وهي على نفس وكفتها گـــــال

::- وين رايحه خاله

::- بــــس اوصل دره البيتهم

::- اني طالع تعالي انا اوصلج

- باوعتلي دره ساكته وتقدمت خطوة طلعت وراه مديت راسي من الباب اباوعلهم طلعلهم بــــسام يله رجعت فتت. لكيت جــــمرة كاعده

::- صباح الخير

::- صباح النور البنات راحن ؟

::- اي الولد اجو

- رفعت عينها باوعتلي ورجعت دنكت سويتلها ريوك وكعدت اوكلها محتاره حيل باوعت البطني ابـــــتسمت رفعت عينها الي كالت

::- احس مصطفى راح يرجع

- حجتها واخذت روحـــــي بقيت ساكته كامت غسلت واجت يمي بالمطبخ شوية وكالت

::- شنو هو الأبـــــهر صار زين وطلعوه

::- اي هي عمليته بسيطه

::- راح اروح اشوفة

- درت عليها ساكته رفعت اكتافها

::- جــــمرة اذا تردين تنسينه ابتعدي حيل

::- اي بــــس خلي اشوفة واجي بعد ابتعد

::- لا ماما لا ترحين

- دنكت عينها ساكتة كعدت يمها

::- جــــمرة شنو التردينه

- باوعت بعيني محتاره

::- ما ادري حتى الدكتور من يسأل اكله ما ادري ما اعرف وين اريد اروح لو انتِ بمكاني شتسوين

::- ما ادري لان ما عشت الوجع العشتيه لا تكولين الاي انسان لو كنت مكاني شتسوي وتمشين بكلامة لان هو ما راح يحس بشعورج
الكلام سهل ويشوف الموضوع من جانت مختلف عن الشفتيه. فـ اكبر غلط جملة لو كنت مكاني شنو تسوي ؟

جــــمرة ::- سكتت وعقلي يتخذ قرار من وحـــدة هاي هي ما ارجع قبل كتله تبقى صديقي وهو هيج خليه مجرد صديق مو اكثر يمكن هذا الافضل لا ابتعد ولا اقترب اسولف الامي وهي تشتغل كالت

::- وين وداهم نوب

::- للميتم ومره قسام خطف ولد شاب وطالب من اهله اربع شدات وشنو هم فقيرين ما عندهم
راح الأبـــــهر وعمر شردوا الولد

::- يااا يـــــمة خطيه والله سباع من شردوه

::- راح اروح وبسرعة اجي

- دارت عينها الي ساكته هزت راسها خوش طلعت الهم دكيت الباب فتحته الي غـــــدير

::- الأبـــــهر نايم؟

::- اي تعالي فوتي نكعده

جــــمرة ::- فتحت باب الغرفة نايم وشعره نازل على كصته تقدمت خطوتين غـــــدير سدت الباب وراي گـــــلبي يدك حيل اباوع الايده تمنيت لو اكدر ارجع الحضنه مثل قبل وانلم كلي بحضنه

كعدت على جرباية قريب منه اباوع بوجهه شكله كله تغير بمجرد طول شعره ولحيته حرك راسة وفتح عينه بثگل عــــــيونة حمر باوعلي رمش وجر نفس بقوة

::- اجيتي

::- اشوفك واروح

::- شوفيني ولا ترحين

- سكتت اباوعله مد أيــــدة جر الشال مني وسحب ايدي خلاها على رگبته وغمض براحة كوه يحجي

::- شسوي وتسامحيني؟

::- ما اسامحك ابد

- فتح عينه بلع ريك عــــــيونة ذبلانه حيل نزل ايدي من رگبته دخلها بالتشيرت على گلبه ورجع غمض يرجف ساكته وايدي ترجف جوه أيــــدة مصخن حيل

::- لا تسامحيني بــــس لا تعوفيني

- حركت ايدي على الاثر البصدره جر نفس بغمج يباوع لعيوني

::- جــــمرة ابقي وياي فدوه اصير التردينه وغلات دره ما أذيج بكشاية ما اقهرج ولا اسمعج كلمه مو حلوه اخلي روحـــــي وعيني عليج بــــس لا تعوفين الأبـــــهر روحـــــي متعلگه بيج مثل الام التتعلگ بابنها هيج انا وياج احسج من روحـــــي بدونج ما اكمل

فرحتي باخوتي مكسوره بضياعج مني

- نزلن دموعي مختنگة مد أيــــدة على راسي يريد ينزلني اله خليت ايدي الثانية هم على صدره نزل راسي اله غمضت عيني حسيت دفو شفته على عيوني باسهن ومسح دموعي ابتعدت همست

::- نبقى اصدقاء

::- اي اي ميخالف بس ما اطلكج وتعيشين يمي هنا

::- لا ما اجي هنا وتطلكني

- ميل راسة متوسل عض شفته
::- جــــمرة ما اكدر زين باوعي خلينا اصدقاء وميخالف عيشي عد اهلج بــــس ما اطلكج هــــا؟

::- ليش ما تطلكني

::- اذا طلكتج بعد ما اكدر الزمج امج ما راح تقبل حتى اشوفج .

جــــمرة ما تحنين الحضني سنه كاملة صدري جان فراشج ما اشتاقيتي المج بروحي كبل حضني

- باوعت بعينه ارجف هيج اضعف واستسلم الكلامة بعد الغطا منعنده يهمس بخفوت

::- تجين جــــمرة؟

- هزيت راسي لا احس نار تطلع من وجهي روحـــــي مشتاقة الحضنه وعقلي رافض سحب ايدي يبوس اثر الحرك البيها

::-  مشتاقتلج حيل أريـــــد احس بكلبج على گلبي أريـــــد اكدر الزم وجهج وملامحج تعــــبت ببعدج حيل تعــــبت

- سحبت الغطا رفعه هو هم سألت

::- العملية؟

- اشر على جهه الثانية
::- ما عليها شي تعالي عسى ما تنفتح

- تمددت بــــس راسي على صدره وانا ودي اضم روحـــــي بروحه گـــــال

::- جــــمرة على جسمي تعالي مو على الفراش ارفعي نفسج بعد

- حجاها وسحبني رفعت نفـــــسي الحد ماصرت على جهه وحـــدة من جسمه حضني بثنين ايديه يبوس شعري بحسره ويحجي بخفوت

::- احبج لدرجة افضل تحركيني بأيدج ولا تعوفيني

- رفعت راسي قربت وجهي الركبته ساكته وهو يضمني بقوة شايغة روحه

::- هيج اريدج جــــمرة هيج أريـــــد اضمج بحضني طول العمر

- مغمضة عيني واسمعله خشمي على رگبته من اسحب نفس يعصر زندي بقوة لحظات اتندم على الجاي اسوي ولحظات أريـــــد اعوف كل تفكيري واعيش ابتعدت وهو بــــس ساكت يباوع

::- راح ترحين؟

- هزيت راسي اي البس بالشال لزم ايدي

::- نبدي من جديد جــــمرة اخطبج من جديد واسويلج عرس والتردينه

- هزيت راسي لا ونزلت من الجرباية

::- بــــس اصدقاء وبدون لا تلزمني

::- ميخالف قابل

- عفته وطلعت

غـــــدير ::- شكد حلو بيتنا لو جــــمرة تقتنع وتزيد حلاوته بــــسام يريد يفتح شغل للابهر
ومحتار جــــمرة بعد ما بينت والابهر يلوب عليها كل شوية وكال خابريها شوفيها وهي ما ترد معانده وبالكلية من اشوفها ماتقبل احجي بخصوصة دره تجننن تفتر بين الأبـــــهر واباذر الي ودهم يرجعونها طفله ويدللونها ما فات يوم اذا ما لمحتهم يبوسون ايدها. فات عشر ايام على عملية الأبـــــهر.

كام يمشي ويطلع وبسام  متخبل ما قابل.
وهو يدور شغل مايريد يبقى كاعد بالبيت ومعتمد على بــــسام

تالي دخل شراكة بمعرض سيارات  ويا واحد يعرف بسام تداين من عـــــمو ودخلوا.

مره رجعت من الجامعه روحـــــي بخشمي بــــس أريـــــد اوصل للبيت لعبانه روحـــــي بــــس ما اتقيئ مكابله الحمام وكاعده ودره وكلاص المي تفتر وراي اجت يمي تهمس بهدوء

::- غدور خاف حامل

- سكتت اباوع بوجها يمكن هو اني ما احسب ولا ادري شكد فايته اتصلت على بــــسام اجه رحنا نسوي تحليل مدري شبيه متوتر وخرذلني الي 

لمن طلع التحليل حامل اباوعله عــــــيونة غرغت وانا اضحك

::- شبيك راح تبجي؟

::- الف الحمدلله ههههههه اوصلج واروح العلي وگمرته

::- لا نروح سوا نگللهم

- ضحك وعيونه دمعن نطينا خبر للابهر حتى يرجع يم دره. بــــس ما كناله على حمل ردنا من نرجع .

نــــهله ::- عجزت افهم جــــمرة يـــــوم نار ويوم ثلج احير وياها يـــــوم تعتمد على نفسها ويوم ماتخلي لكمه بحلكها اذا مو اني اوكلها

العصر كاعدين بــــس اني والجهال وهي اجت من الكلية كبل نامت. اخذتلها شوية وكعدت طلعت وجها مايكصه السيف غسلت وشربت مي

::- اصبلج غدا؟

::- لا شبعانه باوعي ترا اني راسبة

::- ميخالف تحملينهن وتنجحين

::- سكتت وفاتت الغرفتها

شوية وندك الباب وطلع غيث فتحه كيفت بيهم دره والابهر دخلوا عــــــيونة تفتر يدور عليها حجيت ويا دره بصوت ناصي اسألها على الصلاة كالت

::- ملتزمة كلش

::- عفيه عليج

- حجيتها وباوعت للابهر وكف منحرج أشر على غرفة وحجه

::- شسمه عــــمة أريـــــد اشوف جــــمرة؟

- سكتت وهو فات للغرفة

جــــمرة ::- رجعت لفراشي مخليه هيتفون واسمع اغنيتة  أريـــــد انام ما أريـــــد افكر بشي حسيت احد يمي. على جرباية بس  فتحت عيني تمدد وياي صيحت أريـــــد ادفعه

::- اششش شبيج

::- وخــــر

::- اريد انام يمج شوية

::- شجابك

::- رجليه

::- حجاها وتمدد نص جسمه فوكايه صيحت اجر بأيدي من جواه

::- مردت ايدي خرب الارعن

::- والثور نسيتيها

- جريت روحـــــي كعدت وهو اخذ الجرباية كلها يباوع مبتسم. دفرته برجله

::- هيج فراگي حلو مخليج حليانه

::- شتريد ليش اجيت

::- مشتاقلج

- دفعته أريـــــد ينزل من الجرية جراني على صدره باوعتله خازرته

::- شبيج.مو كلتي نبقى اصدقاء

::- والاصدقاء هيج يحضن وينامون سوا

- ضحك حيل ومد أيــــدة على فكي سحب وجهي اله خله أيــــدة وره شعري گـــــال

::- ويبوسون هم.

- حجاها وباسني غمضت عيني ضعيفه يـــــمة حيل أيــــدة تخللت بشعري يضيعني اكثر متقصد يخليني استسلم اله ابتعدت مختنكة وبسرعة مديت ايدي ضربته على خده ضحك

::- اتحمل راشدياتج للصبح اذا قبل كل راشدي بوسة.

يتبــــــع⋆𓍯

الكاتبة أيـــــــلول⋆𓄼𓂁

💚🌿

.
كروب الفيسبوك للبنات