رواية أجرام مستباح لثلاث ندبات الفصل السابع وثلاثون 37 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                 بقلم الكاتبة أيلول

    ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

آخ لو فرة ركبتچ تشتهيني
إلا أخلي الشمة قبلة ودورة الزنجيل ديني

.................................

جمره ::- باوعتله مبتسمه وهو يرجف كله محتار شيسوي بــــس التفت صارت عيني بعينه خجل ودنك راسه مبتسم ضحكت

::- لكيتها؟

- باوعلي بسرعه الضحكه شاكه حلكه ::- يمكن هي

::- هههه ان شاءالله هي

- مسح وجــــهة واجه للغرفة يعزلهــــا مبتسم مايعرف شيسوي باوعلي سكت رفع عينه الشعري گـــــال

::- تسبحين حتى امشط شعرج؟

::- اي

- حجيتها وهو راح طلعلي ملابس ركضت وراه
::- وخــــر اني اطلعهن .

:;- ليش شبيج سويت شي؟

- هزيت راسي لا اباوع بعينه ::- لا بــــس اني اخذهم

- انطيته ظهري ولفيت الداخليات بالتشيرت ضحك

::- كل عقلج جــــمرة؟ تضمينهن عليه انا المشتريهن وانا المهن من تشرينهن وانا اضمهن وارد المهن من نشرد شايفهن وحافظهن خيط خيط

::- انجب يله نجب

::- وجنت اغسلهن من مريضه

::- اهووو كـــــافي اسكت

::- وجنت .....

- مديت ايدي ضربته على حلكه خازرته ضحك حيل عفته وفتت للحمام سبحت وطلعتله لكيته محضر المشط وكاعد بــــس شافني مد رجليه واشرلي اجي تقدمت كعدت ابين رجليه جر الخاولي من شعري ينشف بيه

::- أريـــــد مكص .

::- خلي يطول بنفسي اظفرلج كصيبه .

::- ما احبه اضوج

- سكت مشط شعري وطلع اشتره مكص كصاه مثل ما أريـــــد وفز على صوت الاتصال ابتعد مني سند ظهره على الحايط أيــــدة ترجف ومتردد يجاوب باوعلي نظرة اخيره ورد

::- هــــا عمر.

- نطقها وبهتت ملامحه كلها الغصه تصعد وتنزل ابلعومه مدنك والتليفون على اذنه رفع عينه مليانه دموع بسرعه دنك ساكت جر التليفون سد الخط وعافه سحب رجليه الصدره حضنهن وبقى على كعدته

تقربت يـــــمة جريت أيــــدة من رجليه عبرتها على كتفي ولزمت وجــــهة ابين ايديه

::- مو هي؟

-هز راسه لا مدنك عينه حيل والدموع تطيح قطرات على أيــــدة

::- لاتنقهر راح تلكاها واللـــه بــــس لا تيأس

- شهك يرجف ::- انتهيت جــــمرة ميت على شوفتهم نكطع گـــــلبي ولج أريـــــد اموت

- سحبته الحضني ساكته ما اعرف اواسي احد ولا اصبره بــــس امسد على شعره وساكته شويه وابتعد يمسح بوجهه جر التليفون گـــــال

::- راح اروح شويه واجي

- سكتت اباوعله لبس وطلع بعد ما رجع مر وكت هواي وهو ماكو بقيت الوب خاف صار شي خاف لزمه قسام خاف انقتل الافكار السوده اكلت عقلي وين يله سمعت صوته يدندن باغنية

في حزن وسع المدى

- ابـــــتسمت وركض ختلت وره الباب فتح الباب ودخل وهو يدندن جمد وبقى واكف بمكانه من ما لمحني صاح هادئ

::- سنايبر .

-بقيت  مدنكه وساكته بدون مايتقدم وهو لازم يدة الباب سحب نفس بقوة ترس ريته وضحك كال

::- اعرفج من جرت نفسج اعرفج من دكت گـــــلبج قريبة بعيده اشتمج .

- رفعت راسي بسرعه بقى لازم الباب فاتحه وفتر يمي يباوعلي مبتسم ضحكت وهو يتقرب

::- ردت افززك

::- افز الصوتج كل ماتحجين

::- شلون عرفتني ليش ما مثلت عود ماتدري بيه

::- هههه لو امثل ما حصل شي اكشفج احسن

- حجه وتقرب اكثر نحصرت ابين الباب والحايط وهو ساد الطريق اختفت ابتسامتي خازرته

::- هيو ترا كلت خطيه خلي اتشاقه وياه لان ضايج

::- ماترديني اضوج؟

::- لا ما أريـــــد بــــس وخــــر اختنكت يله

- ابتسم ساكت وابتعد طلعت كعدت على الجرباية وهو راح يحضر عشا واجه اكلنا ساكتين لمن غسلت وسألته

::- راح نبقى هنا .

::- لا عمر جاي يحضرلنا مكان ما راح اخذج للبيت المسكون

::- صدك

::- اي صدك

::- اذا خليتلي مخدر من صدك ما اباوع بخلقتك

::- ما اخليلج هسه شويه ونطلع

- هزيت راسي ساكته وكمت لميت الملابس وهو يباوع ويضحك وكفت عدل
::- شكو تضحك

::- اول مره انتِ تحضرين اغراضنا اول مره تصيرين زوجه صدك

-كلبت الجنطه بالكاع تطشرن الملابس وهو ميت ضحك كعدت على جهه مطنكره مدري على شنو وهو اجه يضحك ويلم بيهن سد الجنطه

::- أبــــــهر صير خوش ولد

::- هههههههه شمسوي هسه انا

::- جاي تضوجني

::- كليلي بشنو مضوجج؟

- سكتت وهو من شافني فعلا ضجت هم سكت يمكن جنت خايفه يجذب ويخليلي مخدر لان كل مايقترب الوقت الازم نطلع بيه اصير اعصاب اكثر الحد ماسحبني من زندي اله

::- شبيج لج شمسويلج .؟

- دنكت عيني دموعي نزلن وحجيت اشهك ::-والقرآن اموت من المخدر راسي حيل يأذيني حــباب والله ما احجي ولا اصرخ واذا صرخت عاقبني كل شويه خليلي مخدر

- فتح عينه متفاجئ رفع أيــــدة يمسح دموعي ويحجي

::- مو كتلج ما اخليلج ليش ليش هل بجي ليش ماتصدكين

::- كل مره تكول هيج ومن نريد نطلع تخدرني

- سحبني الصدره حاضني بقوه وانا ابجي واحلف شكد المخدر يأذيني ويقسم راسي من الوجع الحد ما سمع صوت عمر ابتعد لف شالي عدل صاح عليه تعال.

- فات عمر سلم مارديت باوعلي خزرته بسرعه دار على الأبـــــهر وسوا حركه عود خايف

الأبـــــهر اخذ العلاكه من ايد عمر طلع حذاء وسحبني من ايدي للجرباية لازم ضحكته كوا

::- اكعدي .

- كعدت مركزه بشكلهم بــــس أريـــــد الكف واحد منهم يضحك حتى احجي وهم ثنينهم ضامين ضحكتهم كعد الأبـــــهر بالگاع يلبسني الحذاء گـــــال عمر مختنك

::- الورطه السوده

الأبـــــهر ::- اااانـــتَ تقصد نفسك مو اي صح انـــتَ ورطه سوده

عمر ::- اااي اقصد نفـــــسي طبعا

جــــمرة ::- سكتوا جر الجنطه لبسها ولزمني من ايدي باوعله عمر رفع حاجبه ياشر عليه سكته والابهر هز راسه لا طلعنا من المكان

مضلل السيارة وهو كعد يمي وره لازم ايدي بقوة يحجون بالغاز واني كل حيلي مركزه أريـــــد افهم عمر گـــــال

::- ما مرتاح يخوي صاحبنا ظالم وشيطان

الأبـــــهر ::- خيط ونجلب بيه قابل اضيع هيج فرصة مني

::- لعد تضيع روحك؟ تدري اذا نحركت الورقة ماتسلم

::- مو مهم شي واحد الازم ابعده ومحد يوصل يـــــمة وبعده كلشي يهون

::- باجر يوصلن الـ.... الشسمه السيارة توصل باجر

::- همم

::- انا وياك مو؟

::- اي گـــــال انـــتَ وعمر والولد ثلاثتهم تجيبونها. وراها بــــس انا وياه

جــــمرة - قربت وجهي الاذنه سكت همست
::- جاي تحجون على السلاح .؟

- التفت عصر ايدي قوي وهز راسه لا سكتت الحد ما وصلنا الأبـــــهر ماعاجبه ويهز بأيده ويصيح

::-دخل السيارة جوا ابويه شلون تنزل

::- وين وين ماتشوف

::- يله حلها شلون انزلها

جــــمرة ::- سكتت خايفه وهم ثنينهم اعصاب واحد ينتر على الثاني افتر من غير مكان جريت المضله من يمي جر ايدي الأبـــــهر ماقابل

::- بــــس اشوف

::- شتشوفين هي خيسه

-  رجعت درت عيني للجامه ورجعت راسي ليوره كوا اشوف والسيارة تفوت بدربونات ضيكه الشارع اظلم ومن نوصل يم بيت يصير ضوة وجهال يلعبون بالباب الحد ما وصلنا للنهايه ونزل الأبـــــهر نزلت وياه اباوع بالشارع جر ايدي

::- اكلك شايفه هذا المكان

::- لاا

::- شايفته واللـــه بــــس مدري وين.

- ما اهتم سحبني وراه ودخلنا البيت من الطارمه فاتوا بممر وراها وكفو وعمر يجر صناديك اراقب ساكته وخــــر الصناديك فتح باب سحبني الأبـــــهر فتنا منعنده وعمر ورانا دخلنا ابيت صغير حيل هلكدوته وفراشة قديم عربي الزوالي الحياكه من الصوف حمر وجوزي وعلى الحايط هم مثل الوحات حياكه مثلثات افتر واباوع عمر طلع والابهر قفل البيبان وصاح

::- تعالي .

-ماد أيــــدة الي منتظرني خليت ايدي ابين ايديه مشه للغرفة بيها جربايه ام النفر وكنتور مو كومدي والفراشات بالجنط بعدهن

::- ارتاحي .

::- الجرباية الي

::- لو اثنيا عليها لو ثنينا بالگاع

- سكتت نزعت الصايه والشال وهو كل شوية يخابر ويطلع  من يمي وبس تعشينا راح گـــــلبي ما مرتاح وخايفه الوم نفسي من ما احاول اشرد واخلص ويوكفن بعيني دموعه على اخوانه فرشت على الجرباية وفرشتله بالگاع بصف الجرباية

تغطيت ساكته ومغمضة عيني افكر بالمواقف الصارت واعيدهن كلهن بعقلي الحد ما وصلت من باس رجلي اهتز گـــــلبي حيل وقشعر بدني غمضت عيني گـــــلبي معصور واحساسي غريب

اريد اطرده من تفكيري وما اعيده حتى ما يجيلي هل شعور ينعاد كل شويه وبكل مره احس بنفس الشي الحد ماغفيت وفتحت عيني فازة من حسيت أيــــدة على وجهي كاعد على اركبه بالگاع ويباوع بوجهي مبتسم

::- ليش فارشتلي بعيد عنج

::- يمي بــــس امد ايدي الزمك لا تخاف .

::- جبتلج حلويات

::- شبعانه ضمهن للصبح

::- هههه جــــمرة شلون اعيش بدونج

-اختفت ابتسامته واني دك گـــــلبي حيل يباوع الشفتي ساكت ورجع باوعلي جر نفس وحجه

::- تعوفيني؟

- باوعت بعينه ساكته وهو عــــــيونة تتوسل
::- نبقى اصدقاء.

- سكت كام من يمي اباوعله اخذ ملابس وفات للحمام طلع بدون تشيرت وشعره يقطر مي مايباوعلي

::- بارده طفي المكيف لا تتمرض

- ما حاجاني بــــس نشف شعره وكعد على فراشة يگلب بتليفونه ظهره قريب عليه مديت ايدي اتحسس الاثار

::- أبــــــهر .

::- هممم

::- من شنو ضجت؟

-بقى ساكت نزلت ايدي على عمود الفقري مشخط كله بجروح وصايرات مثل الحبل. نرفع ظهره من جر نفس بقوة.

::- جــــمرة تكرهين جسمي؟

-سكتت عيوني على ظهره وايدي تتحرك عليهن جرح جرح دنك راسه فرك وجــــهة وحجه بتعب

::- شكد كتيلي ماتلعب نفـــــسي من جروحك بــــس ما اقتنع اذا انا من اشوفهن تكش روحـــــي انتِ شلون متحمله كل يـــــوم تشوفين جسم محترك ومتروس جروح

::- بــــس انا ما مجذبه

- ضحك باستهزاء مخلي راسه ابين ايديه قربت شفتي الظهره بعمري ما حسبت التصرفاتي وياه
ما افكر شنو اتأثر عليه بست الاثار البكتافة ثنينهن واحلف

::- واللـــه ماتلعب نفسي ولا اكره جسمك .

- تقوس ظهره مقشعر بدنه وانا مختنكة وصوتي رايح ولا بعمري تخيلت اوصل هيج مرحله خد امي ماجنت ابوسه التفت عليه سحبني من ايدي نزلت الحضنه ضماني حيل ساكت وانا ساكته. هواي وكت مر يله حجه

::- ثاني مره تبوسين ظهري

::- بعد لا تكول تلعب نفسج يوميه تعيدها يمكن بــــس تريدني ابوس

::- ههههه اي

::- الـ...........

::- لا تتسوفلين

::- ههههههه

- خله أيــــدة بشعري وحاضني على كلبه هادئة حيل ايدي على ركبته والاثار البيها

- ابتعد من دك تليفونه وكام جاوب بعيد عني صار اعصاب ونزل غلط فشر شكد رفع عينه لمحني متمدده بفراشة واباوعله سكت يحجي وياهم بدون غلط . سد التليفون وبقى بمكانه معصب

شويه ورجع تمدد حاضني ساكت فتره وكتله

::- أبــــــهر أريـــــد اسألك شي بــــس احس ما لازم اسأل

- اهتز صدره يضحك ::- اسألي

::- بــــس مو تضوج

::- انتِ دكيتي خناجر بكلبي وماضجت منج تردين اضوج من سؤال احجي. ؟

- ضميت وجهي بركبته خجلانه وحجيت
::- ليش بست رجلي؟

- بقى ساكت واني تندمت لان سألت بــــس ردت اغفى حتى انسه السالفه شوية وكال

::- تأذن رجليج بسببي وتعبن من وراي .

- اكلك بعد شي

::- هههه كولي التردينه اسمعج

::- گـــــلبي يدك حيل كل ما اتذكر شلون بستها

- مغمضه واحجي مد رجليه لم رجليه ابيناتهن گـــــال

::- حسيت بيج بقيتي ترجفين

- سكتت مختله وجهي بركبته ومنحرجه الحد ما نمت كعدت شبعانه نوم بقيت بفراشي الجو صاير حلو لا حار ولا بارد تلفتت ادور عليه ما موجود كمت غسلت وطلعت لكيت ريوكي على طباخ كعدت اكلت وهو ماكو اكعد يم الباب واتونس من اسمع صوت الناس وصوت اطفال هم مبينين صغار بــــس يغلطون كلمات صعبه كل شوية شاهكه ومصدومه اضحك وحدي.

- ابتعدت من سمعت مفاتيح الباب وكفت على جهه دخل ملثم وملابسه نصها تراب وخــــر الثام من وجــــهة ابتسم وحجه يباوعلي

::- اول خطوه تمت

::- شنو

- سكت عاف علاكه على الطباخ وفات يسبح رجعت كعدت بالغرفة منتظرته طلع صب الاكل واجه گـــــال

::- الخطه الكتلج عليها بدت من اليوم جاي نشتغل

::- يارب تنجح بــــس عفيه مو يلزمك قسام

- ضحك ودنك يسوي لفات

::- خلي يلزمني لو يموتني ربع ما انطيه الا يدليني مكانهم

- سكتت شوية وكام يغسل مواعين كمت وراه للمطبخ . الحد ماكمل رجعنا للغرفة صفن يباوع بعيوني

::- بيج شي؟

- ابـــــتسمت وهزيت راسي لا ::- غنيلي هاي مال سهم وعشق

::- ضحك حيل وغناها بصوته الحلو يغني ويمد أيــــدة يبعد شعري عن وجهي لو يحرك ابهامه على شفتي سكت وضحك گـــــال

::- سامعتها قبل انتِ؟

::- لا

- طلعها باليوتيوب شغلها بصوت يجنن حيل حلوه جانت الحد ماخلصت وهو بيه شي بــــس يضحك گـــــال

::- حبيتيها؟

::- اي كلش حلوه

:;- تــــدرين منو كاتبها؟

- هزيت راسي لا وهو ميت ضحك غص يريد يحجي

::- تعرفين يزيد ابن معاويه

::- لعنة الله عليه اي هذا الكافر الحارب اهل البيت عليهم السلام

- ضحك حيل گـــــال ::- اي هو كتبها

::- انجب ولا تجذب

::-ام السان جاي نسولف ليش تغلطين

::- تجذب تحرك گـــــلبي هو هذا الوصخ يعرف يكتب

::- اي هو كاتبها لجاريه

::-وغنيتها الي؟؟؟ اعتبرت نفسك معاويه واني جاريه؟؟؟

- بقى يضحك عفته وكمت غسلت رجعت كعدت بالغرفه فتح الباب گـــــال

::- عمر هنا مو تطلعين بدون حجاب

::- وعود شنو تغار؟

- بقى واكف يباوعلي حجيت واني ارفع بشعري
::- اصلا انـــتَ شلون تقبل تخلي عمر يلزمني ماتخاف يسويلي شي

::- خافي مني انا اغدرج وعمر مايغدر

::- لا تثق هواي تنكسر

::- اثق اثق اعرفه شنو

::- طبكم مرض ثنينكم

::- مزاجج مشخط اليوم شبيج

- درت وجهي ساكته شويه لبست شالي وطللعت للحمام وهم يسولفون اسمع عمر يگله

::- شلون متحملها بويه ماتنجرع ردت انتحر من وراها

::- تروح فدوه لتراب رجلها اسأل هي شلون متحملتني

جــــمرة ::- ماطلعت بقيت بصف الباب اتنصت متحلفه يدفعه عليه الجلب يكله

عمر ::- تنك وتغلط سوتني خروف مره تكلي الخنيث مره تكلي لا اسب اهلك دسبيهم بــــس اسكتي

::- ههههههههه حتى اهلي يوميه توديلهم ثواب وتتندم ترجع تحلف بعد ماتغلط وانا احرك كلبها ترجع تدزلهم تسبيحات .

::- احط طلقة براسها واخلص

جــــمرة ::- طلعت خازرته واحجي

::- انـــتَ شعليك ليش تدفعه عليه اشايف روحك انـــتَ طلقة براسك ان شاءالله ترمش ماترجع تفتح تشك راسك نصين

-احجي واصيح وهو طاح بلگاع من الضحك والابهر ركض يسد بحلكي يضحك ويجر بأيدي للغرفة دخلني وسد الباب دفعته وصيحت

::- خلي يطلع من بيتنااااا الادبسزز

::- ههههه اسكتي عيب

::- يدددفعك عليه

::- شنو انا عربانه

- مشيت للجرباية كعدت افور واعصاب اباوعله حابس ضحكته حجه بضحك

::- اتحمل كلشي منج اليوم هرموناتج متخربطه

- خزرته ضحك ودار يريد يطلع صحت بهدوء

::- اكلك .

- حجيتها ودنكت خجلانه اجه كعد يمي ينزل راسه يباوع بعيني والابتسامه على وجــــهة

::- هــــا كولي

- جريت نفس اتشجع وباوعت بعينه ::- أريـــــد شغلات روح اشتريلي .

::- شنو هنه

::- شغلات بنات

::- شسمهن

::- معليك

::- شلون اشتريهن شگول؟

::- اكتبهن يتليفونك ومن توصل هناك اقراهن عادي

::- عود تستحين

:- لا بــــس ما أريـــــد تتعلم سوالف ماتخصك

- ضحك حيل ودنك مد أيــــدة جوه الجرباية جر علاكه خلاها بحضني باوعت بعينه ودنكت فتحتها گـــــال

::- اشتريتهن الصبح ؟

- خزرته دفرته برجليه حيل اصيح ::- لا تحسسسب لا تحسببب ما ارريد تعرف .

::- اشششش اشش صوتج حتى عمر راح يعرف

::- ادبسز الف مره كتلك لا تحسب

:;- اخر مره بعد ما احسب

- دفعته من الغرفة اغلط وهو كل شوية راجع بايده شي لا تشربين هذا وعوفي هذ وهذا يفيدج كمت اسكت ومن انوجع اكله بطني تأذيني لو يروح يجيب حبـــوب لو يسوي شي دافي اشربه مرن خمس ايام وهو يجي من الشغل مهدود حيله وايديه منتهيات من يم اظافره يصبن دم كمت ما اطلب منه اي شي واغسل المواعين وملابسه.

خايف حيل وبكل مره يجي عمر اسمعه يوصي
::- اذا نكشفت وعرف الفلوس انا الماخذهن لو يهددونك بكتلي لا تحجي

- جنت اخاف حيل كل ما اسمع يحجي شي
غير الخطه وسولفلي كلشي.
اخلص الليــــل حاضنته حس بيه خايفه بكل مره يحاول يطمني .
مره كملنا عشا كمت غسلت مواعين وهو واكف يمي يشرب جاي گـــــال

::- جــــمرة نتابع فلم؟

::- فلم شنو؟

::- اي شي كملي وندور فلم نتابعه

::- وين اتابع على حايط ماكو تلفيزون

::- ههههه بتليفوني

-خلصت مسحت ايديه ودرت عليه::- يله كملت

- سحبني من ايدي مسح على ايديه بــــس فتنا للغرفة رفعهن يبوس اصابعي ويحجي

::- بــــس ايدي تصير زينه ما اخليج تغسلين مواعين بعد

- ضحكت ساكته وارفع بشعري كعدنا ندور فلم
اختاريت اني فرشنا وتمددنا نباوع رافع التليفون بايده ماجان حلو ممل

::- مو حلو

- طلع من عنده يگلب فديوهات مره مضحكه مره اغاني وحزين طلع فيديو وهو بسرعه عبره مديت ايدي رجعته ولد متمدد وبنيه اجت دخلت ويا بالتشيرت رفعت راسي اله مبتسمه هز راسه

::- لاا

::- اااي

::- ينشك التشيرت

::- ماينشك واللـــه

::- سنايبر لا تتسوفلين

- كعدت على حيلي اضحك جريت التشيرت من يم بطنه صيح

::- خاب لا هيج هيه

- اضحك وما مهتمه نگلبت على ظهري واجر بالتشيرت أريـــــد ادخل نفـــــسي وياه وهو بطنه كل شويه ساحبها الحد ما طلعت راسي من ركبت التشيرت نضرب راسي بحنكه شاطت روحه وانا اضحك وهو يصيح

::- كسرتي سني

::- هيو ترا اوخر لا تلح

- مد ايديه الي واهتز صدره يضحك ::- دخلي ايدج يله

- مديت ايديه ودخلتهن وياه اختنكت بــــس ماتنازلت

::- بــــس ارگدي لا تحوسين تشيطينا وتصيحين وخــــر لعبت روحـــــي

::- الله دفيت

::- يوميه مخليج بردانه؟

::- لا بــــس هيج حلو بعد يوميه انام هيج

::- بكيفج انا اكيف

::- وين التلفون يله خلي نباوع

- ضحك ورجع رفع التليفون وكل ما اتحرك يصيح

::- سنايبر اركدي

- على خباثة احوس اخر شي شغل فلم حلو بقينا نباوع ساكتين وجــــهة برگبتي ومخلي أيــــدة رافع راسي بــــس حركت رجلي أريـــــد اسحب الغطا عدل وكع التليفون منه على خشمي تخبلت اصيح موجوعه وهو محتار شلون يكعد ويشوفني يصيح

::- بــــس اطلعي خرررب

- واني متخبله لازمه خشمي وابجي جر التشيرت حيل شگاه وخرني وكعد يريد يلزم خشمي اغلط واصيح
::- متقصد ادري بييك

- ودرت عيني اباوع للتشيرت الصحراوي الاحبه صاير وصلتين زدت بالغلط واصيح
::- احب هذا التشيرت ليش شكيته

- سكت يباوع بوجهي ::- تبجين من خشمج لو من التشيرت

::- كول ولعباس ما متقصد اوكع التليفون على وجهج

::- شلون اتقصد كل عقلج اتقصد اسببلج اذيه

- حجه بهدوء ومد أيــــدة برخاوه يمسح على خشمي قرب شفته باسني بخشمي وابتعد يباوع بعيني ويحجي بجديه
::- هــــا صار زين؟

- واني من كل عقلي كتله ::- اي

شويه ونمنا مرن اخر كم يـــــوم الحد اليوم الي لازم ياخذ بيه الفلوس وصلت المرحله مكابلته واحلفه مايموت جراني الحضنه الحد ماغفيت وفزيت هو كاعد يمي ابتسم بايده خرز صغار لونهن اسود

::- شنو هذن؟

- دنك عينه باوعلهن وكال ::- لكيت بنيه بالشارع تبيع سوارت وشتريته الج منها سحبته حيل وانكطع

::- ههههه حتى لو تريد تصير حـنين الدنيا تحاربك

::- امم شفتي شلون؟

- دنك للخرزات لامهن بايده ضحك
::- واللـــه صار بنفسي اشوفهن على ايدج .

- حجاها وعافهن على جهه كمت غلست وهو بالمطبخ يسوي عشا رجعت يـــــمة تارس الثلاجه اكل

::- أبــــــهر راح تتأخر؟

::- ما ادري بــــس حسبت الكلشي

- سكتت مدنكه. تعشينا هادئين وكفت اغسل المواعين اجه اخذ سجينه وراح للزوليه الحمره جر من اطرافها خيط صوف لونه احمر محيوك وياها كطعه

::- شتسوي؟

::- هيج

- غسلت المواعين بسرعه وفتت يـــــمة كاعد شاد الخيط على اصبع رجليه وبأيده يفتله

::- شتسوي

::- خليت بالنص خيط كطن قوي حتى ماينكطع

::- شتسوي بيه

::- هسه تشوفين

- سكتت اراقبه فتله حيل وسحبه منا ومنا يشوفه صار قوي لم الخرز وكعد يعبيهن بالخيط ماعجبه كتله

::- الخرزات شويه

::- اي 11 خرزه البقيه تطشرن بالشارع

- ضاج يباوع للسوار مديتله ايدي ::- يله كملته

::- تلبسينه عادي؟

::- اي هههه غير انـــتَ تعــــبت بيه صار ساعه

- ابتسم شداه على ايدي ولزمها يباوع بيها كتله

::- اضمه عندي للأبد من نفترق ونرجع شي يـــــوم التقينا البسه واكلك شوف بعدني. محافظه عليه

::- ههههه تدمنينه مثل شال امج

::- ااي كلش كلش ادير بالي عليه

- جر ايدي الشفته يبوسها ما ودي هل ليله تخلص ما اعرف شنو الراح نعيشة وراها راح تنجح خطته ويرجعني الاهلي وبعد ما اشوفه  لو راح تفشل وينكتل وهم ما اشوفه

مدنكه عيني وحسيت نفسه بوجهي رفع راسي اباوعله بعد شعري من وجهي يمسح على خدي ونزلها الشفتي. حجه بصوت يرجف

::-  جمرة

- غمضت عيني ساكته احس بملمس شفته على خدي نفسه وايده يرجفن ويهمس مختنك

::- امنعيني منج خليني اروح وانا بحسرتج لا تقبلين ابوسج جــــمرة

- حجاها وقرب شفتهه يبوسني بلهفه زاد من شافني ما معترضه شهكت ودفعته امسح بشفتي سند راسه على راسي يجر نفس ويحجي بتعب

::- كتلج امنعيني لا تضعفين تخبليني

::-لا تأذيني أريـــــد تبوسني بــــس مو هيج

- حجيتها. وغمضت وهو تعبان ويجر نفس بغصه يله يحجي

::- بــــس ابوسج؟

- هزيت راسي اي  متفاجئ بقبولي ما يدري حالي من حاله هم خايفه يروح وما يرجع خايفه اشتاقله نزلني للفراش حاضني دفعته من صدره خفت همس

::- بــــس احضنج وانام

- سكتت وهو لماني بحضنه حيل هادئين ثنينا فترة وهمس باذني

::- ابد ما تخيلت يجي يـــــوم تقبلين

::- خايفه تتأخر واشتاقلك

::- اذا متـ...

::- اششش مااا

::- اذا متت عمر يوصلج الاهلج جــــمرة اذا كدرتي دوري على اخواني بــــس خلي يعرفون مانسيتهم وبقيت ادور عليهم

-  اختنكت وانا اسمعه ودموعه ينزلن بركبتي

::- عمر يجي يمج تليفوني عنده تخابرين امج ومتأكد ما راح تغدريني وتحجين شي مو صح؟

::- واللـــه ما اغدرك راح ابقى منتظرتك تجي ونروح نشوف اخوانك سوا ونوب تطلكني وتوديني الاهلي بــــس ما تعوفني تبقى تجي كل يـــــوم اذا عفتني اموتك

- حجيت اشهك وهو قرب وجــــهة الرگبتي اكثر وبايده يمسح دموعي الحد مانمت وفزيت مالكيته بقيت بفراشي دموعي تحرك خدي حاضنه السوار على كلبي وابجي بحركة

لليل اجه عمر انطاني التليفون خابرت امي تخبلت تصيح

::- شبيج ليش بااجيه

::- ما كو شي

::- ولج احجي شبيج لا تاخذين روحـــــي

- باوعتلها ارجف ودموعي ينزلن وهي تخبلت تريد تلطم كتلها

::- نقلوا زوجي بعيد عني .

- سكتت صافنه بوجهي ::- وين يعني بعيد؟

::- غير منطقة

::- كل شكد ويجي

::- حسب شغله ما معلوم شكد

::- وشلون باقيه وحدج؟؟؟

- فركت وجهي محتاره ::- اي ما عليه شي عندي دوام

- بقت بالساعه تحجي وياي كتلها ما اكدر يوميه اخابرج الاشتراك غالي كل ثلث ايام اتصل عليج سكتت ما مقتنعه نهيت المكالمه ورجعت التليفون العمر

::- شصار

::- بعد ماصار شي راحوا هو وقسام على اساس يستلمون الفلوس

-سكتت وانا ادعي تنحل ومايصيرله شي راح عمر ومرن يومين سم واصعب يومين كلبي يتكطع وحسيته يتعذب متت ردت بــــس يجي عمر اول ما صاح لبست شالي وطلعتله التلفون يدك بايده اخذته وركضت للغرفة جاوبتها باستعجال بــــس أريـــــد اسد المكالمة واسأل عليه ضاجت من اسلوبي كالت اخذي راحتج طلعت بسرعه كاعد بالمطبخ مخلي راسه ابين ايديه

::- عُمر

- رفع راسه عيونه محتاره تحجيلي الحقيقة لو تكذب

::- وينه؟

::- عد قسام كشفه

- كعدت على حيلي ابجي من كل گـــــلبي نار نار حسيت روحـــــي جاي تحترك صاح عمر

::- تعرفين المنو انطه الفلوس

::- ااي اعرف كالي

- مسحت وجهي ودك گـــــلبي حيل من سألني

::- المنو؟

- سكتت اباوعله اعرفهم بالاسم حجالي كلشي بــــس مستحيل اسولف اذا هو ماحجه العمر معناها ما مأمن منه هزيت راسي لا گـــــال

::- هو كالي اوديهن للحواط

- دنكت ساكته هاي الخطه القديمة اليعرفها عمر وهو من شافني ما حجيت شي اخذ التليفون وطلع ارجف كمت خفت خاصه من عرفت عمر مايدري بالابهر غير الخطه ومايندل الفلوس وين وعد منو كمت اخلص وكتي دموع وابوس بخرز السوار ادعي واتوسل بــــهتت روحـــــي حيل وذبلت ما اكدر اكل اذا جبرت نفـــــسي اتقيئ

عمر من يجي وجهه تعبان وما اله خلك بــــس ينطيني التليفون احاجي امي ياخذه ويطلع اخر مره كال كلي الامج ما اكدر اتصل الكيلج عذر
كتلها ما اكدر اشترك خلي يجي زوجي وارجع اخابرج بقت تبجي وتعاتب واني روحـــــي مفرفحه.

مر اسبوع گـــــلبي تكطع اسأل عمر مايحاجيني شمرت التليفون عليه گـــــال مدنك

::- دليني راح يموت مايتنازل .

::- ما اندلهن

::- ادري بيج تندلينهن وين يموت احسن لو انطيهم الفلوس قسام كاشفنا ويدري بيه وياه على ساعه يكتلني وتبقين انتِ هنا محبوسه

- دنكت بدون ما احجي دفر المواعين يسب ويفشر دخلت للغرفة وقفلت الباب ابجي

::- واللـــه ما اااااحجي ما اااحجي .
...

غـــــدير ::- كعدت بغرفتي خابرت عــــمة هي تشكي من مرة اسمر وانا اشكي من ابو بــــسام كالت

::- ما عليج بيه زوجج زين لاجل عين الف عين تكرمُ احترميه الخاطر بــــسام

::- عــــمة يغلط عليه عبالك مو ابنه ويگله اذلك ويضربه لو تشوفين ظـهر....

- غصيت بالكلمه وانا اشوفة كدامي خازرني بكل عينه رجف التليفون بأيدي ارتبكت سديت المكالمة بوجهه عــــمة ونزلت من الجرباية مرتبكه منزله راسي

فتت من يـــــمة أريـــــد اطلع هبت ايدي حيل دفعني على الحايط وجــــهة بوجهي

::- ليششش؟

- نزلت عيني لازمه بأيده فشلانه وما اعرف ابرر موقفي

::- ليش تحجين ليشش؟

::- بــــس العمه واللـــه بــــس العمه

- دفعني حيل تخبل يفتر بالغرفة يرجف بجيت
::- اسفه ما احجي بعد

- دفعني من الغرفة وسد الباب بوجهي حرف ماحجه شكد دكيت على الباب وحاولت احاجيه ما اهتم مسحت وجهي ونزلت يم الحجيه. تأشرلي على الباب جبت العربانه وصعدت البسام فاتح الباب يدخن ويگلب بالحاسبه بقيت واكفه بالباب بلعومي محتقن

::- تعال خلي الحجيه بالعربانة أريـــــد اطلعها بالحديقة

- ماحجه شي طبكها وكام نزل كدامي فات الغرفة امه ابتسم يدنك يبوس رجليها ويشاقيها.

- طلعها للحديقة اخذت بساط وطلعت بــــس خلاها دار يريد يرجع حجيت بسرعه

::- ابقى يمنا .

- ما اهتم دخل للبيت بدون مايحجي دنكت گـــــلبي يوجعني ماجان المفروض احجي والحجيه تباوعلي مبتسمه شغلت الماطور ارش الحديقة وغسلت رجليها شوية ونزل بــــسام تليفونه وباكيت الجكاير بايده يضحك بــــس الامه كعد يمها

لزمت قميصه وتحجي وياه وهو يضحك الا اني ما فاهمه شي كالها

::- للموت

- درت عىليه همست ::- شجاي تكول ؟

- باوعلي گـــــال ::- على الاسود تگـــول انزعه

-  سكتت كمت جبتله مخده خلاها يم رجليها وتمدد يگلب بالتليفون بقى متجاهلني. بالليل اجو اعمامه وهو متخبل

::- امشي اصعدي لا تسوين شي

::- بــــس انيطهم مي وچاي واصعد

- سكت بقى يمي صبيتله الچاي بــــس وداه الهم سحبني من ايدي الغرفة امه شافها نايمه فلت ايدي وكال

::- اصعدي فوك

- هزيت راسي اي صعدت وكمت اباع من الشباك طلعوا اعمامه. درت أريـــــد انزل الم الاستقبال وصعد بــــسام مستعجل جراني حيل كعدني على الجرباية يجر بالسماعات

::- بساااام

::- اششش

- حجاها وصوت ابوه يسب ويفشر باوع بعيني وحجه
::- ديربالج توخرينهن

- دفعت أيــــدة أريـــــد اكوم جراني حيل خازرني

::- اخررررر مره اخررر مره

- خله السماعات علك اغاني ونزل يركض أريـــــد اجرهن واخاف شنو الخايف اسمعه شنو الما تقبل اعرفه نسطر راسي وهو ماكو حيل اتأخر وانا عيني على الباب نفتح وفات هو ساكت خله أيــــدة بمقدمة التشيرت جراه نزعه وتقدم ساكت مد نفسه على بطنه بصفي فتحت عيني على وسعهن وانا اشوف الاثار ظهره ابيض والضربات عباره عن خطوط حمر جريت السماعة من اذني ودرت عليه مختنگة

::- بسام ليشش ليش ضربك

::- بمزاجه

- مسحت عيوني مختنكه اباوعلهن وكلبي ينمرد
::- ليش تقبل مو طفل انـــتَ شلون تقبل يضربك

- سكت فترة واني عيوني معلكه على طبع الحزام البظهره

- جر الغطا عليه ساكت مغمض عينه كمت طفيت الضوه ورجعت يـــــمة

::- بساام

::-هممم

:;- خلي نطلع ابيت وحدنا عوفه

::- سويت سلفه منتظرها تطلع واشتري بيت

::- لعد ماعندك فلوس هسه

::- ههه دفعتهن اله اخذ مني مال السنين العيشني بيهن 20 مليون انطيته

::- ياااا غير ابوك غصباً عنه يدفعلك ويعيشك مــــحد كاله خلف

- ضحك مستهزاء وبقى ساكت منطيني ظهره
بقيت احجي وياه ومدري شلون اخذتني النومه وغفيت فزيت مخروعه اتلفت

انا العايفه مكاني ورايحتله حاضنته وهو بدون تشيرت ومخليه رجليه فوك رجليه جريت نفـــــسي أريـــــد ابتعد قبل لايفز قوة لزمته وفتح عينه

::- هاا

::- احم ايدك

- دار عينه باوع المخدتي شكد بعيده عنه ضحك بطرف شفته
:;- انتِ اجيتي

- دفعت أيــــدة منحرجة وهو جلب يضحك

::- ادبسز ليش تتحرشين بيه

::- اذا ماطلعت انـــتَ ساحبني اطلع كلشي ما افتهم بــــس فك ايدك هسه

::- سحبتج وانتِ شنو ميته ماتحسين؟
البارحه سحبتج الحضني بدون ماتدرين الليله  نتطور شويه وهم ماتدرين

- دفعته حيل فلتت نفـــــسي اباوعله بقى متمدد ويضحك ::- انـــتَ حيل سخيف

::- تكولي يا الله يمعوده اشفتي مني وكلتي سخيف

- عفته وكمت رجع نگلب على بطنه أيــــدة على حلكه يضحك فتت للحمام دك الباب صاح

::- غدورره

::- هااا

::- وسم

- صفنت ساكته ياا شوية ونزلت لكيته سابح جوا ولابس البدله غصب عني اباوعله يعجبني شكله بيها كعد يم الحجية تريكنا سوا وطلع مبتسم ويوصي ضحكتله

::- ديله روح خوش

::- احبج هيووو

- اختفت ابتسامتي اباوعله غماني وراح درت غميت كصتي وفتت للبيت

- طبخت وكملت انتظرت ابو بــــسام يجي حتى اصب الغدا دخل مطنكر وجــــهة مايكصه السيف ما راح يم الحجيه شفته غسل وفات للاستقبال تمدد

صبيت الاكل بصينة اخذته بالغرفة ورجعتله

::- عـــــمو تعال تغدا

- رفع راسه باوعلي گـــــال ::- تعالي اسحكي رجليه ما اكدر اكوم

- يقيت واكفه بالباب احجاية بــــسام ادك براسي ::- احم بــــسام مايقبل

- مجرد حجيت هل كلمتين وهو تخبل يغلط ويسب فتحت عيني على وسعها من صيح

::- ابن الشوارع سويت براسه خير

- ويفشر عليه بكلمات تقشعر البدن كام بسرعه مد أيــــدة يريد يجر شعري ابتعدت خازرته عفت حتى الحجيه وركضت فوك خايفه اتصل وخايفه ابقى دك التليفون بايدي فززني عــــمة بسرعه جاوبتها كالت

::- غـــــدير احنا راح نشيل وعمج يگول البيت الشتراه بصفه بيت صغير  ليش ماتحاجين بــــسام وتجون يمنا هم من تداومين انا ادير بالي على حجيه وهم هو يرتاح

- سكتت محتاره وعمه مستغربة مني سديت التليفون وفزيت على يدة الباب تتحرك صحت خايفه

::- منو

بــــسام ::- انا غدوره شكو

- ركض فتحت الباب وحضنته ارجف وخايفه وهو لمني بحضنه مرتبك

::- شكو غـــــدير صاير شي شبيج

- بعدني من حضنه لازم وجهي ابين ايديه دنكت امسح بدموعي واحجي مختنكه

::- ما ابقى بنفس البيت ويا ابوك واللـــه ما مرتاحه وخااايفه

- اتسعن عــــــيونة بصمه نتر
::- سوووالج شي

- هزيت راسي لا رجع حضني يحجي بخفوت
::- باجر اطلع ادور بيت

- عبرت ايدي حضنته هم راسي على صدرة واحجي
::- لكيت اني

-  ابتعد يباوع بعيني سولفتله على عــــمة نزلنا جوا ابوه مرتبك كل شوية يباوعلي خايف من بــــسام للعصر اخذنا الحجيه وطلعنا .

نــــهله ::- جنت شايله هم اسمر وافكر شلون اخليه يتقبل زوجته تالي من اجت حرت انا شلون اتقبلها

من جهه الجهال الي بــــس تصيح عليهم
ومن جهه اسمر الماعاجبته وطافر من البيت ومن جهه ادريــــــس الما قابل تطلع كدامه بدون حجاب عاف الصاله وفات للغرفة طلعانه روحه رحت وراه سديت الباب واحاجيه بهدوء

::- البنيه متعلمه هيج ماتحب تتقيد

::- استغفرلله كرهت البيت واللـــه كرهت البيت

::- شنو السالفه مرة ابنك لا تحجي هيج

- رفع عينه ماعاجبه هز أيــــدة خزرته ضحك ونزل أيــــدة

::- الف مره كتلك لا تباوعلي باستهزاء

::- علميني شلون اباوعلج

- ابـــــتسمت مشيت كدامه الزم وجــــهة واعدل ملامحه ::- شويه ابتسم

::- اي عفيه هيج

::- اكعدي عادي ابقى صافن بوجهج عمر ما اتعب

-  ضحكت وطلعت من يـــــمة لا سوالفة ولا غزلة يخلصن  سبحان الله العوضني بعد تعب كل السنين ومو اي عوض ادريــــــس انسان ماجنت اتخيله موجود لا بطيبته  ولا حنانه ولا اهتمامه ولا شخصيته.

- خليت مصطفى بالعربانه وطلعته يم الجهال بالكعده اخذتلهم كيك وعصير وكعدنا غيث صاير يغار منهن يتقصد يمهن يجي يبوسني ويحضني ومرات يقارن نفسه بمصطفى

::- ماما منو تحبين اكثر انا لو مصطفى

::- ثنينكم اطفالي واحبكم مــــحد زايد على احد

::- تهتمين بمصطفى اكثر

::- واهتم بيك واخليك بعيني جم غيث عندي هو بــــس هل حلو

- كرصته من خشمه ضحك وحضني وهبه وغفران كدامي بالمرجوحه متحاضنات وماعاجبهن

عفتهم وكمت أريـــــد اصيح الادريس فتحت عيني مصدومه من شفت هند مرة اسمر لابسه دشداشة الحد الركبة وبسها فتحات فاتحه باب غرفتي وتباوع بداخلها تقدمت حجيت وانا افوت للمطبخ

::- على شنو تدورين

- شهكت فازه ودارت تباوعلي ::- عليج شنو راح تسوين عشا

::- الموجود بالثلاحة

::- سويلي دجاج مشوي اشتهيته

- مديت ايدي أشرت على الثلاجة وابتسمت
::- هاي الثلاجة وسوي اليعجبج

- رفعت حاجبها وهزت ايدها ::- انتِ شنو شغلج عيني

- حجتها مشت وتحجي ::- عود تبلي الدجاج

::- يا خاب فدوه اتبل حمس

- اهتميت بيها اول ما اجت كلت عروس شتطلب وشتريد شو زودتها تاكل وتمسح ايدها بالحايط ملابسها وملابس اسمر الكاهن بالغساله
وسوالفها ماتنبلع

حضرت العشا ادريــــــس اجه ساعدني شوية ونزل يم اهله اسمر دخل اشر على غرفتة

::- هاي السزز هنا

::- اسمر زوجتك ترا ما يصير

::- واللـــه ما اعترف بيها

- سكتت منه ماتستاهل ادافعلها بقى يمي شافني ما ملحكه راح صاحلها وهي تصيح

::- هي هذا شغلهااا عيني

- واسمر يغلط ويسب سكتت صعد ادريــــــس شايط ويحجي على اهله

::- شكو شبيك

::- اناااا يكلي اطلع من البيت أريـــــد ازوج ابني بيه اناااا بفلوسي بانيه

اسمر ::- وعليمن شايط انـــتَ نطلع هم ما مرتاحين معلكين فوك نلم العندي والعندك ونطلع

نــــهله ::- مات من القهر من حجي اخوانه وين يله بردت اعصابة وصبيت عشا كعدنا على السفره صحتلها

::- يله هند تعالي

- اجت كعدت على السفره ساكته بــــس باوعتلها خزرتني وصاح اسمر

::- شسوويتي؟

هند ::- هــــا حبيبي

ادريــــــس ::- شكو

اسمر ::- ماكو شي بابا

نــــهله ::- دنكت ساكته واسمر كام من السفره متحلف بــــس كملوا العشا طلعوا هو وابوه وهي مثل كل يـــــوم صبت كوب جاي اخذته وفاتت الغرفتها. نظفت اضحك

::- شلون الانسان يگدر يوصل هاي المرحله من الوصخ شلون يتحمل نفسه وهو قذر

وكفت اغسل مواعين واسمع صوت سمر ضحكت وهي فاتت تهز خصر

::- هــــا ولج نهيله

::- هــــا سميرره

- مسحت ايدي. ورحت ابوسها حضنتني تكرص بخدودي وتصيح

::- شوف شوف نتائج بابا واضحه بسرعة وردن خدودج عاش عاش السيد الوالد

- جاي تحجي وطلعت هند من غرفتها باوعتلها ودارت عليه ماعاجبها همست وهي تمشي تريد تباوسها

::- راسها مقوس وعلي.

- حجتها وراحت تباوسها وهند تكلها

::- شو صايره مو حلوه

سمر ::- خاف عندج حول متأكده عيونج سليمات

نــــهله ::- اشرتلها تسكت وهي ماتكدر بــــس تريد تحجي عافتها واجت يمي باست خدي ورفعت ايدها تسوي

::- احححح ملكتناا سلطانة عرشنا

هند ::- قصدج خدامتكم هههه

نــــهله ::- درت عيني مصدومه الها وسمر تخبلت. شمرت جنطتها ولفت رداناتها صاحت

::- شكلتي ولج

::- الحقيقة عيني شكلت

نــــهله ::- جلبت بايد سمر وهاي جنها فاره فلتت من ايدي وهدت عليها أريـــــد بــــس افرغها من ايدها جريتها كوه وهذيج زحفة الغرفتها تغلط وتفشر وسمر تصيح عليها

::- ام الويچات راسج مقوس لج اشك حلكج بالعباس ولو هو من الله مشگوك. واصل الاذانج اذا اشكه اعبره العلباج جنج زلنطح الخايسه ام الوصخ

نــــهله ::- سديت حلكها بايدي وهي ترجف وتهد وهذيج فاتت الغرفتها دفعتها للغرفة

::- شجاج

::- اموتها واللـــه خشمها جنه قوري

- كـــــافي اسكتي بطلي تنمر

::- على اساس انتِ ما تتنمرين اطلع المحادثات ترا

نــــهله ::- ضحكت سولفتلها كلشي اجه ابوها واسمر اريدها بــــس تسكت وماتجيب طاري الادريس بدون شي هو متخبل منها باتت يمنا بقيت كاعده وياها الحد ما رادت تنام يله رحت الغرفتي

::- هيج هيه أريـــــد انام غير تجين

:;- مانمت ليش انتظرت

::- هو انا انتظر الليــــل حتى المج بحضني شلون اعوفج وانام

- ضحكت بدلت واجيت يـــــمة راواني صور بيت

::- خلي اخلص من الحجي

- هاي هي سوي التريده المهم ترتاح

- قفل التلفون گـــــال ::- كلت الاسمر تعزل انـــتَ ومرتك يكلي لا بابا كم يوم وانفصل ليش اعزل

::- مخلي الانفصال اباله

::- ولا اكله لا

::- سمر كتلتها

::- لااا؟

::- واللـــه

::- ليش

::- حجت كلمه مو حلوه وسمر لزمتها وين اليوجعج تكلها راسج مقوس

ادريــــــس ::- وذاك اليوم انا رحتلها تكلي هلا صلوعي راسك مطبك

::- ههههه عدها مشكله ويا الروس مــــحد سلم منها

::- ما طالعه مؤدبه على ابوها

::- امممم انـــتَ مؤدب؟

::- ما عاجبج؟

::- ههههه عاجبي شعندي غيرك.

يتبــــــع⋆𓍯

الكــــاتبة أيـــــــلول⋆𓄼𓂁
.💚🌿

السوار السواه الأبـــــهر 🤎

من جمرتنا