رواية أجرام مستباح لثلاث ندبات الفصل السادس وثلاثون 36 - بقلم الكاتبــة ايلول

مساء الخير ...

#أجرام_مستباح_لثلاث_ندبات

                                    بقلم الكاتبة أيلول

  ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒
شنو عذرك؟
درت وجهك گبل لا تطلع النجمات
وانه وگلبي هم ننساك موش گبور
خاطر نحتفظ بالمات .
.........

جــــمرة ::- ساده حلكي بايدي كاعده وابجي تخبلت صوت الشجر اخذ روحـــــي والظلام اليخنك اصيح مختنگة
::- ووووينك وينك عفيه وينك

اتلفت مرعوبه ونسد حلكي بايد صرخت فازه يحجي بصوت خافت
::- اشش انا عمر تحركي

- دفعت أيــــدة من حلكي جر ايدي ::- ابهررر وين

::- بس امشي هسه يجي تحرركي

- جر ايدي يتختل بصف النهر نمشي ابجي وما بلساني بــــس الأبـــــهر وين

وعمر ما مهتم ساحلني وراه رجليه نترسن طين والحذاء فلت من رجلي صحت
::- رجلي ما اكدر

::- بــــس صووتج نصي اشش بعد شوية راح نوصل

::- ما. مااا أريـــــد الأبـــــهر ما ارررروح

- جر اسلاحة وخلاه بكصتي يصيح من بين اسنانة
::- تحركي

- فتحت عيني على وسعها صوت دكات گـــــلبي مسموع دفعته من صدره ودرت وجهي صرخت بكل صوتي

::- جـــــندددددل

- ركض سد حلكي يسب ويفشر بنفس الحظة صار صوت طلقة وصياح جراني عمر ساد حلكي ويسحل بيه .الحد ما وصلنا طريق عبرناه جانت سيارة عمر هناك دفعني على السيارة وعاط

::- مخبله انتِ شبييييج

- كعدت بالگاع ابجي واغلط واصيح ::- وين راح وووين أبــــــهر

::- كومي اصعدي بالسيارة هسه يجي

::- واللـــه ما اصعد واللـــه الا اخليه يكتتلك الخنيث خلي يجي واني اعلمك

::- بحضك وبختك جـــــندل على هل ورطة الخايسه انتِ يفهم انا؟؟ حياتج بخطر كومي اصعدي بالسيارة

- مسحت وجهي اباوعله رجع صوت طلق بــــس بعيد التفت عمر خايف ويحجي بصوت خافت
::- وين صرت خرررب

- كمت ساكتة ومرعوبة صعدت بالسيارة وهو واكف بصفها يتلفت يصير هــــــدوء ويرجع صوت الرصاص من جديد

- عيوني تتفحص الظلام هسه اشوفة هسه يجي وما اخاف هسه يرجع يلمني ابين ايديه وينتهي خوفي درت وجهي العمر من اشتغلت شاشة تليفونة وجاوب بسرعه صاح

::- وووين صرت جـــــندل .....وانتَ؟؟؟ خووش

- جريت ردن التشيرت امسح دموعي واباوعله صعد بالسيارة فتح الچكمچة يدور كتله
::- هــــا وين الأبـــــهر

- ما اهتم ما ادري شنو يدور دار عليه مد نفسه بسرعه سد حلكي بمنديل صرخت مقاومة ما أريـــــد اضيع بالظلام اكثر من ما اني ضايعه بــــس كل مقاوماتي تنتهي بمجرد اجر نفس .

كلشي اعيشة بكفة اوجع راسي من اصحه بكفة
مغمضة عيني وصاكة سن على سن اسمع صوت عمر اودي اذبحه

::- هاج مي اشربي

- فتحت عيني خازرته بعدنا بالسيارة بــــس بغير مكان
::- حيوان كلب حالك حال جـــــندل ثنينكم حيوانات

::- بــــس اسمعي راح اخذج المكان أخليج بيه وارجع الجندل يذبحني اذا صار عليج شي

- مسحت وجهي مختنكة جريت بطل المي منه شربته ايدي ترجف رجعت باوعتله نترت

::- وينه هو وين راح

- موجود بــــس خلي اوصلج للمكان واروح اجيبه لان تليفونه ماحصلته بعد

- سكتت اباوع من الجامه مستغربة السيارة بكراج عليه سقيفة ومسدود

::- وين احنا

- دار وجــــهة يسب بالابهر ويغلط عليه رجع باوعلي يحجي بهدوء

::- بمكان أمن اخليج واروح اجيب الأبـــــهر هــــا؟

- درت وجهي ساكته نزل فتح باب السيارة نزلت موجوعه ورجليه نصهن طين وينغزني من فلتت حذائي وجراني عمر حافي انترسن اشواك مشيت وراه اعرج

فتح باب صغير دخل يتلفت عليه امشي وراه وخازرته خايفه مشه بممر صغير وراها درج نازل ليجوا مثل القبو بقيت واكفة بمكاني دار يباوعلي

::- اختنك ما اكدر

::- اذا اتأخرت على جـــــندل يتعذب لازم اروحه بسرعه لا تأخريني

- جريت نفس مختنكة ونزلت وراه المكان يخوف ممر طويل بيه اضوية من الجهتين عمر يمشي كدامي ومد أيــــدة بجيبه يطلع مفاتيح

فتح باب مثل مال السجن بقيت واكفه دخل والتفت منتظرني

::- اختنكت ترا

::- فضيها الولد راح يروح بالرجلين وانتِ تجرويلن

::- ومرض تفترون بيه راح تموتوني

- احجي وامسح بدموعي واغلط فتنا بممر ثاني وراها باب فتحه اجت بوجهي بروده وريحة طيبة فتت اباوع بكل عيني غرفة مرتبه بيها جرباية وميز وثلاجة ونظيفه حيل التفتت عليه خازرته

::- مجهزينها يعني كل الصار خطه منكم

- بأثنين ايديه لطم على وجــــهة حيل يضرب نفسه وجر قميصة يريد يشكة بدون صوت يلطم يلطم .

سكت غمض يهدي نفسه ورجع باوعلي گـــــال
::- مكاني هذا غرفتي

- دخلت كعدت اغلط وهو طلع وقفل الباب شوية ورجع خله علاكة ومي بالثلاجة گـــــال

::- هذا مي واكل خاف نتأخر عليج

::- بــــس كلي الأبـــــهر وين ترا واللـــه گـــــلبي خلص من وراه

- طلع بدون مايجاوبني وقفل الباب ركضت وراه اصيح واسب بيه دكيت على الباب هواي تعــــبت ورجعت كعدت بمكان اباوع النفسي رجلية كلهن طين وملابسي مسينات .

كمت للحمام غسلت ورجعت برودة الغرفة وتعبي والمخدر جبرني ارجع انام ومن فزيت لكيت الجنطة الجمع بيها ملابسنا يمي بالغرفة والباب مقفول بدلت واكلت ومر الوقت مثل السم شكد ما اصيح مــــحد يجي حاولت اشغل التلفزيون ما اشتغل بقيت وحدي

ساعات اغلط وساعة افكر بيه واخاف وادعي يرجع ومن انقهر كلش اشبعهم مسبة مــــحد يسلم من الساني

كمت على حيلي من سمعت صوت لفيت شعري بالشال منتظرة يدخل صاح

عمر ::- جــــمرة كاعده

::-اكل تبن جلب افتحلي الباب لا اسب اهلك

::- عندج اكل؟ محتاجة شي؟

::- افتح الباب

::- يومين وارجعلج

- بــــس حجاها ركضت للباب اصيح ::- لاا عفيه واللـــه اخاف واللـــه اخاف الأبـــــهر ووين

::- حتى انا ما ادري بيه وين

::- بــــس طلعني مناا عفيه طلعني

::- راح اروح بشغل كلشي عندج الثلاجة ترستها الج اكل ومي يمج وحمام وملابسج

- كعدت بالكاع يم الباب ابجي ::- عليك القرآن أبــــــهر بيه شي؟

- سكت واختفى صوته صيحت وبجيت الحد ما انهد حيلي غفيت على وكعتي وفزيت جسمي متكسر ومصخنه  ما اعرف الصبح من الليــــل محبوسة لا البچي يفيدني ولا الصريخ

الحركة البروحي تشيط الگلب

اخذت الجنطة فتحتها طلعت ملابس ايدي ترجف واغلط عليه
::- ابن الكلب عافني الارعن عافني

- مو تناقض ولا مرض ولا خوف ولا حزن شعوري جان اقوة من كلشي من محبوسة بمكان
وما اعرف شوكت ممكن اموت ومنو راح يدخل عليه ولشوكت راح ابقى هيج بهذلني الأبـــــهر

جريت رجليه الصدري ودفرت الجنطة ابجي واحجي بصوت

"توعدت تخليني ما اعرف اني بالشرق لو بالغرب سويتها وحبستني بمكان ما اعرفه شليت حالي .

- دموعي تحرك خدي جريت ملابسي وفتت للحمام جنت بــــس اسبح ولا مره مشطت شعري رغم يمي مشط وكل ما اطلع من الحمام عيني على الباب منتظرته هسه يجي ويكلي ليش ما امشطة شعرج هسه انام واكعد الكاه يمي

واجبر نفـــــسي على النوم اول ما اكعد اتلفت كلي أمل الكاه يـــــوم عن يـــــوم امالي تتبخر والدمع يصاحب خدي انكتل لو اخذة قسام
لو عافني هنا الحد ما اموت مل مني وراد يخلص اتفق ويا عمر يحبسوني هنا.

تمددت امسح بعيوني جريت قميصة فتحته وتغطيت بيه. سحبت الردن على وجهي ودموعي مبللتها
::- ليش عفتني راح اموت وانتَ ماكو

شهكت ادعي من كل گـــــلبي ::- ربي مثل كل مره اخجل اطلب منك شي النفسي ربي رجع الأبـــــهر بدون مايصير بيه شي يارب الخاطر اخوانه لا تخليه يموت يارب يا حبيبي بــــس هل مره اسمع دعائي ياا رب

.غفيت تعبانه كل ما اصحه اعتبره يـــــوم مر وما اعرف اذا فعلآ هو يوم لو مجرد دقايق انامهن وافز .

نايمه وشهكت البجي بعدها ابلعومي بين الحلم والواقع حسيت احد فات من يمي بــــس مافتحت عيني رجعت للنوم نز جسمي وفزيت من حسيت ايد حضنتني من خصري صيحت بــــس أريـــــد التفت وهو خله وجــــهة بركبتي ويحبس رجليه ابين رجليه

::- اجيتج اششش

::- وخرررر وخررر عفتني وخررر

-بجيت اصيح بــــس اريد افلت نفـــــسي منه أريـــــد اغلط واضربه أريـــــد اسب واموته بايدي كد الوجع الخلاني اعيشه باسني حيل وابتعد ساند ظهره على الجرباية كعدت على حيلي وهجمت اضربه بكل قوتي وابجي

::- ليش عفتني ليشششش ليش ارعن عفتني

- مدنك عينه ساكت ملخته وهو ما يدافع النفسه ذبحني فرفحت دفرتة برجلية وابتعدت ليوره امسح عيوني بكف ايدي واحجي

::- بنص الظلام عفتني يوميه تعوفني يوووميه حقير واللـــه انـــتَ اكثر انسان حقير

- ضميت وجهي ابين ايديه ابجي گـــــلبي خلص

::- ولا مره عفتج

- رفعت راسي اصيح ::- انجب انجب يله ولا مره عايفني يووووميه تعوفني واللـــه يوميه تعوفني

وتعيشني برعب افهم گـــــلبي راح يوكف من الخوف الجاي تخليني امر بيه ما كـــــافي ما اخذت حقك مني ودفعتني ثمن الفلوس البگتهن اعتقني رجعني الامي تعبتني

- رفع راسة يباوعلي مد أيــــدة يريد يجر رجليه دفرته وصرخت كام على حيله عافني اصرخ واملخ بنفسي شمر قميصة ورجع جراني للفراش

::- بــــس اسكتي

::- وخررر لا تلزمني لا تلزمني بعد لا تلززززمني
ابن ............
تعــــبت وخــــر تعببببت

- حضني حيل مقيدني ابين ايديه يريد اسكت واني ميته ميته من الحركة اعارك وادفر بكل حيلي نهد جسمي واخر ضربة صيح وابتعد لازم بطنه شايطة روحه الفالينه الداخليه راسآ صار بيها دم

كعدت اجر نفس تـــــعبانة اباوعله وارجف
::- متصوب؟؟؟؟

- بقى ساكت مغمض عينه وموجوع حيل مسحت وجهي وتقربت على اركبي رفعت الفالينه صفحته ملفوفة بشاش
::- متصوب؟؟

- فتح عينه يباوعلي هز راسه لا ومد أيــــدة يريد يلزم خدي دفعتها وحجيت
::- شبيها بطنك

::- عثرت اوكعت على عوده دخلت ابطني

::- انجب لا تجذب احجي الصدك

::- الصدك انا ماعايفج ولا اعوفج

::- بطنك شبيها؟

::- اموت وما اعوفج جــــمرة

رفعت عيني بوجهه اصيح مفرفحة::- عفتتتني امنت بيك وعفتتني

::-ابتعدت عنج حتى ماتنشافين بــــس ما عفتج

::- اسبوووع صار عايفني

::- لا بــــس يومين

:- جذاب

::- اخابر امج واسأليها شكد صارلج ماحاجية وياي راح تكلج ثلث ايام من اخر مره لليوم.

- ابتعدت ساكته لازمه ايدي الترجف بايدي الثانيه وخازرته اباوع البطنه كام للحمام غسل ورجع مسح بطنه لفاها وجر القميص الجنت متغطيه بيه شمه ولبسه نزل عينه الرجلي جراها حيل انهبت جسمي كله سحبتها منه ورجعت ليوره

::- وخــــر عني لا اگلب الغرفة على راسك.

::- متت بدونج

::- موتتهم شسويلك.

- سكت كل مره من اغلط عليه يبتسم لو شي هسه وجــــهة تعبان ويريد بــــس يسكت تمدد على فراشي وجر مخدة عمر من الجرباية رفع أيــــدة فوك عــــــيونة دفرت المخده

::- شنو الصار؟

- بقى ساكت بــــس عدل المخده رجعت مديت رجلي على كتفه اول ماحركته انغزت رجلي بالاشواك البيها شهكت موجوعه دار وجــــهة عليه

::- شبيج ؟

::- معليك خوش معليك عسى ما اموت مو عفتني لا تدخل بعد شكدددد دعيت تموت وما ترجع

::- الظاهر ربج بعد مايستجيب دعائج

::- شنو الصار احجي يله

::- قسام انطه مكاني الجماعة ابو الهيل مايريد اموت يريد ياخذج مني  وعمر عرف انطاني خبر بــــس مالحكنا نشرد لان جانوا موجودين طلعتج ومن عبرتج النهر ماعفتج رجعت لان لمحوني اذا باقي يمج ننكتل ثنينا .

::- خوش يومين صار وين جنت ليش عفتني عد عمر وهو الحيوان عافني محبوسة هنا

::-من أمنت عليج رجعت صفيت شغلي ما كدرت اجي بسرعة كملت كلشي واجيت

::- وامي ما سألت عليه؟

::- كل ساعتين تخابر ذبحتني كتلها مسافر بشغل .

::- لشوكت نبقى نشرد من مكان المكان بــــس باوع رجعني الاهلي وانتَ عسى ما كل ساعتين تشرد المكان طبك الف مرض بــــس اني مالي
ذنب متبهذله يوميه مشردني وعلى ساعة يدخلون يكتلونا

.احجي منفعله وهو ضحك

::- انطي روحـــــي للموت ولا اسمح يصير لج شي

- سكتت مدنكه حجه بهدوء ::- جمرايه.

-رفعت عيني باوعتله مختنكه گـــــال ::- وغلات اخواني ما عفتج انا أريـــــد اضمج بروحي شلون اعوفج بــــس لازم ابعدج عن كل خطر ومرات انا الخطر لهذا السبب ابتعد عنج.

-مركزه بعيونه وهو يحجي بلهفة  نزلن دموعي ساكته نزلت عيني اكل بشفتي مختنكة حيل كعد.يمي وعبر أيــــدة يحضني بسرعة دخلت بحضنه ابجي بصوت

::- واللـــه خفت عليك واللـــه خفت تموت وتعووووفني

::- اااخ يا روح أبــــــهر اشش لا تبجين فدوه اروحلج

::- لا تعوفني بعدد عفيه لا لاا تعوفني

::- للموت

- حجاها ومد نفسه واني بحضنه على كلبه مخليني جر الغطا تعبان ::- بــــس ديربالج بطني.

ساكتين ثنينا بــــس اني دموعي كل ما اتذكر الخوف العشته ينزلن

::- كـــــافي تبجين شبيج

::- ضمني حيل ابد لا تعوفني

::- اعوف روحـــــي وما اعوفج

- حضنته حيل خايفة بعدني وهو بــــس يريد يطمني هواي مر وقت ورفعت راسي من صدرة أريـــــد اسولف منفعله فاتحه عيني كلها واشرح بذمه وضمير

::- هذا الجلب عمر تدري شسوا؟

- ابتسم يباوع الوجهي. مد أيــــدة الوجهي يمسح بابهامه على شفتي وهز راسة لا
::- شسوه؟

::- باوع من طفرت من النهر. هذا النهر الصغير اني مو وكعت وبقيت شوية واكعه نوب اول ما التفتت مالكيتك

::- صددددك؟

::- ولعباس

وكعدت على حيلي ابجي واصيح بصوت ناصي لان اني عرفت اكو واحد لاحكنا وكله اصيح جـــــندل وينك وين رحت  هاا وابجي وما احس الا عمر يمي الارعن سد حلكي

::- ايا طايح الحظ

::- عبالك بــــس سد حلكي؟

::- هــــا؟

::- ونوب سحلني من ايدي واني اصيح وين الأبـــــهر وين راح ونوب نلوت رجلي وفلت حذائي وكتله بعد ما امشي أريـــــد الأبـــــهر وهو فنك شسوا

::- شسوه الحمار؟

::- لزم سلاحة وخلاه بكصتي ويصيح امشي يريد يكتلني

::- هاه؟

::- والقرآن الكريم

ونوب اني ما اخاف منه شسويت صرخت وهو سد حلكي وسحلني بدون حذاء والشوك يدخل برجلي وهو يسحل بيه للسياررة

- احجي مندمجه وكعدت على حيلي وفريت رجلي خليتها على صدرة فوك الغطا اراوية لزمها بايده يمسح واكله

::- شوف شكد اشواك فاتن برجلي ونوب وصلنا للسيارة وهو خلالي مخدر ونوب حبسني هنا
وشنو مو اسأل عليك الحقير يكلي ما ادري بيه وين .

- احجي وايدي وياي أشر بيها واتلفت على باب واسولف درت عليه فازه  حسيت شي على رجلي بلعت ريك جامده من قرب شفته يبوس. رجلي من يم اصابعي مغمض عينه ويحجي

::- عساهن بگلبي ولا برجلج .

- سكتت گـــــلبي بقى يدك حيل وجسمي مقشعر من حركته سحبت رجلي مدنكه كعد هو راح للميز بحوش بالاغراض جاب ابره واجه

::- تعالي خلي اطلعهن

::- يوجعني

::- لا هسه تشوفين جيبي رجلج

- سحب رجلي الحضنه شغل ضوه التليفون گـــــال
::- الزميلي الضوه

- مديت ايدي لزمت الضوه وهو على كيف ينغز رجلي ومن الخوف كل شوية ساحبتها

::- لج شبيج

::- يوجعني واللـــه

- رفع الابره بطرفها شوكه صغيره كلش كوه تنشاف خلاها يم عيوني شهكت
::- هاي كلهااا برجلي؟

- ضحك وهز راسة اي رجع يدور عذبته كل شوية اسحل رجلي ويشيط الحد ما طلع كل الاشواك ورجع تمدد سحبني الحضنه سكتت فترة وكتله

::- اجذب عليك ما دعيت ماترجع .

::- اممم كلت هسه الملائكة حتى مايلحكون يرفعون دعوتها للسما وتطكهم بدعوه ثانية

::- تعرف الملائكة؟

::- هههه قابل يهودي

- جاي نحجي ودك تليفونة سحبه گـــــال
::- اسكتي خلي نشوفها شتكول انطاها رفض ورجع دخل للمحادثة رجعت اتصلت ضحك وجاوبها فاتح الصوت

::- هــــا عــــمة

نــــهله ::- السلام عليكم شنو ما رجعت أريـــــد احاجي جــــمرة

::- لا بعدني

::- عيني عمه هذا مو حجي خلي الفايبر بتليفونها شنو ذنبي صار ثلث ايام ما محاجيتها

::- بــــس ارجع انقله الها

::- شوكت تجيبها

::- ما مفكر

::- تحجي معلك شو شنو منطيتك فصليه راح يصير سنه وهي ماكو

::- ههههههه اتشاقه وياج بالكثير بعد شهرين ثلاثة هي يمج وهسه هاج حاجيها يمي هي

جــــمرة::- اخذت التليفون منه تمددت احجي وياها واطمنها سديت المكالمة اخذه منعندي وسحبني الحضنه نمت واني حاضنتة

فزيت الصبح هو ماكو و باب الغرفة مفتوح. كمت للحمام غسلت وامسح شعري بمي سمعت صوت حنين ويجنن يردد

الأبـــــهر ::- اصابك عشقً ام رميت بأسهمِ
فما هذه الا سجية مغرمِ .

- طلعت من الغرفة ادور على صوت شفته كاعد بالممر يـــــمه صندوك بــــس لمحني ابتسم وكمل وهو يجر الكلمات بصوت يخبل

::-الا فاسقني كاسات راحٍ وغن لي
بذكر سليمة والكمان ونغني

-ضحكت مصدوومه صحت ::-صدك هذا صوتك

ابتسم دنك يكمل شغل صاح

::- فدع عنك ليل العامرية انني
اغارُ عليها من فم المتكلمي

::- سندت ظهري على الباب حابه صوته حيل سد الصندوك مسح ايديه واجه يمي وكفت عدل
رافعه راسي اله وهو منزل راسه مبتسم لزم حنجي

::- اسويلج ريوك

::-اي جوعانه بــــس ماكو طباخ هنا شلون

::- ما راح نبقى هنا نروح للبيت

::- يابيت

- دار وجــــهة يضحك جريته من قميصة
::- يابيت

::- المسكون بــــس طلعتهم منه

::- واللـــه ما اروح لو تموت ما اروح

::- جــــمرة اكثر مكان أمن وكلهن 15 يـــــوم بالكثير وترجعين الاهلج

- باوعتله ساكته وخايفة گـــــال رايح اجيب ريوك رجعت للغرفة شوية واجه كعدنا نتريك  شال الكوب يشربني چاي بــــس شربته گـــــال بصورة عاديه

::- واحسد اقداحآ تقبل ثغرها
اذا اوضعتها موضع اللثم في الفمِ

- مسحت حلكي اباوع العينه وابتسامته رفع عينه من شفتي العيني گـــــال

::- لو تــــدرين شكد مشتاق

::- جاي نتسمم

::- واذا شكلت

::- لا تمسلت وتلعب نفسنا خلي نتزقنب

- سكت يضحك كملنا ريوك شفته طلع من الغرفة كعد باللمر يخابر ويحجي بصوت خافت كعدتله بالباب اتنصت

::- يعني هي  دره؟؟ عمر لا تخبلني .....خوش
منتظرك

جــــمرة:;- مديت راسي اباوعله رفع ايديه يريد يدعي ونزلهن بسرعه ما يعرف يبتسم وعيونه مدمعه ما يدري شيسوي اخر شي ضحك ونزلن دموعه گـــــال مختنك

::- يا رب  تطلع هي دره ..

......

غـــــدير - سكتت اباوع بوجهه ابتسم ونزل عينه احم ::- بــــسام عندي اسئله

- باوعلي ساكت ارتبك ::- اسئلة شنو؟

::- هيج شي عادي يعني مثل ليش ولد عمك واعمامك يكرهونك

::- على كره امي

::- ليش يكرهونها ؟

بــــسام ::- زوجها يعني ابوي جان يحبها حيل وهي مثقفة ودارسة والكل يتمناها حبته وتزوجوا جانت من دون نسوان حموينها هي تداوم وملابسها راقيه وتسافر وهو متخبل عليها شنو تريد يكلها صار مر على زواجهم 8 سنوات ماصار عدهم اطفال وتعبوا من الحجي
اهله يكلوله تزوج وخلف ما ننطيك من الورث اذا ماعندك اطفال وهي تكله اذا تتزوج ننفصل اخذها وسافر للخارج على اساس يستقرون هناك مراجعات وكذا صارت حامل خابر اهله كالهم مرتي حامل أريـــــد من الورث متصايحين وياه ما راضين قاطع علاقته وياهم وبقوا بالخارج  عدهم بــــس انا وراها رجعوا للعراق واخذني وراح الاهله تصالح وياهم واخذ ورث
ومن يومها يكرهوني ويكرهون امي

::- يااااا هيج الحجي

::- ههه اي هيج

::- يله خلي يولون لا تهتم

::- لا شنو اهتم عليمن .

- سكتت اخذت الاغراض ونزلت غسلت ونظفت شفته هو اجه يم امه 

معاملته الي تجبرني ارجع احن بــــس ينكسر گـــــلبي كل ما اتذكر كلامه شكد حاول يصلح موقفه وياي بــــس ماكدرت انساهن صدمتين بيوم واحد صعبات

جان يرجع من الدوام تعبان وبس نتعشا يكلي تعالي نطلع نغير جو مرات ناخذ امه ويانا بالعربانه ومرات هي ماتقبل ونروح وحدنا

يـــــوم منهن جان مجاز وكاعد بالغرفة يشتغل على حاسبة سبحت الحجية وغسلت البيت صارت ب11 واني ما مسوية غدا اخاف من صياح ابوه هو يرجع ب12 يريد اكل واذا صيح عليه يتعارك وياه بــــسام

ركض ركض سلكت دجاج وطلعت للطارمه عزلتها ورجعت تـــــعبانة حيل سمعت الحجيه تصيح فاتحه باب الغرفة مالتها واباوعلها من المطبخ كتلها

::- هسه اجي حجيه هسه اجي

- احجي واحمس بالجدر بقت تصيح شطت التفتت عليها أريـــــد ابجي اباوع علاكة العلاج طايحة بالگاع وتصيح تريدني انطيها الها مسحت عيوني
::- اووكفي هسه اجي .

- بقت تصيح وماده ايدها للگاع تريد العلاكة فرفحت اغلط على نفسي واشتم حضي رحت للغرفة اركض شلت العلاكه انطيتها الها أريـــــد ارجع جلبت بايدي تحجي وتفتح بالعلاكة وانا مافاهمه حجيها عيني للمطبخ واكلها
::- الجدر راح يحترك حجيه هسه اجيج .

- ماعافتني تريد تفتح العلاكه جريتها افتح بيها باستعجال وصرخت من قوة الصوت الصار مثل الانفجار التفتت للمطبخ النار واصله الباب الصاله واني اصرخ بكل صوتي .

نزل بــــسام يركض. متخبل بــــس لمحني يم امه ركض للمطبخ يريد يجر القنينه والنار تلهب وجــــهة ..
موقف بعمري ماراح انساه رهبه وخوف الناس التمت علينا واني بــــس خاتله يم الحجيه مجلبه بيها وابجي
الحد ما شفت عــــمة نــــهله وعمو ادريــــــس
اجو رحتلها

حضنتها ابجي وخايفه وهي تبوس بوجهي وترجف بسام وجــــهة اصفر كاعد على الدرج

راحت الناس وبقوا بــــس بيت عـــــمو وعمام بــــسام ثنين وابوه عمو ادريــــــس گـــــال

ادريــــــس ::- يله يابه عدت على خير والحمدلله على سلامتكم غدوره عـــــمو شبيج

ابو بــــسام ::- هي ثوله يجوز عايفه الجداحة على الطباخ هل راح المطبخ

بــــسام ::- لا مو ثولة لا تكول ثوله شعليها هي
احترك طبه الف مرض

غـــــدير::- دارت عليه عــــمة مصدومه وابو بــــسام حار شيغلط وشيسوي تعارك ويا بــــسام وعمو فشلان اخر شي كاله

ادريــــــس ::- اذا بنيتنا ثگيله عليك ومتضايق منها ناخذها الها البيت والنا العتبة احنا بزرنا غالي ما شامرينه

ابو بــــسام ::- حاجي عليها هسه انا هاي هي واسألها بحضها وبختها يا يـــــوم محاجيها بيت شكده وشكبره عايفينه بايدها

بــــسام ::- هاي هي سيــــدي ماكو شي لا يضل بالك

غـــــدير ::- جرتني عــــمة تقنعني اروح وياهم وانا عيني على بــــسام يباوعلي بعيون متوسله وييهز راسة لا كالت عــــمة

::- مو تزعلين بــــس ارتاحي يمنا يومين وارجعي هــــا؟؟

::- لا عــــمة شوفي البيت شصاير شلون اجي غير مره

- سكتت محتارة ومقهوره شوية وراحوا وعلكت بين بــــسام وابوه وكل ما يحس راح يصير غلط ابينهم يجبرني اصعد للغرفة وما اسمع شي

شوية ورجع صعد اعصاب .
جنت كاعده بالگاع يم الكنتور باوعلي وسد الباب

::- بيج شي؟

- هزيت راسي لا ودنكت مختنكة الدموع بعيني كعد يمي محتار

::- هسه شبيج غير افهم؟

- باوعت بوجهه وبجيت ::- شيغسلي الصخام من الحياطين وين اكدر

- ابتسم ومد أيــــدة يمسح خدي
::- هسه اجيب عمال يصلحون المطبخ وينظفون كلشي

سكتت عيني بعينه سحب أيــــدة من خدي متحسر كام گـــــال

::- راح اروح ااجيب غدا

- مسحت وجهي اوكفت اخذ قميص وبنطلون وطلع للحمام بدل ورجع وكف يمشط واني وراه اباوعله

::- عيونج غدوره

- نزلت عيني من المراية فشلانه وكف يمي عطره ترس ريتي وملابسه السود وكشخته گـــــال

::- احبهن عيونج

- رفعت راسي اله وجهي حسيته صخن وهو كوا لازم ضحكته
::- شتــــردين اجيبلج

::- احم بكيفك

::- ترحين وياي

::- لا راح انزل يم الحجيه

- هز راسة موافق وطلع جاب غدا وكعدنا يم الحجية اكلت شوية وكمت صعدت سبحت وتمددت وهو ساعة وصعد وراي ما شغل الضوه

::- نمتي؟

::-لا ....حجيتها وانكلبت تقرب جر الطبلة وكعد يم الجرباية يباوع بوجهي

::- شبيج شنو ضايجه على المطبح طبه الف مرض

::- لا بــــس باوع لو ما الحجيه هسه اني محتركة ويمكن ميته لو ماهي صايحتلي الله اليدري هسه شصاير بيه

::- الحمدلله

- سكتت اباوعله وهو مركز بوجهي ابتعد گـــــال

::- تكويلي دشداشتي االعصر أريـــــد اروح الفاتحة

- كمت شغلت الضوه. ورحت للكنتور أريـــــد اطلعها حسيته وراي مد أيــــدة للكنتور يحجي

::- وين هذا القميص

- نحشكت بينه وبين الكنتور وهو ماد نفسه ويدور بالملابس مدنكه وكلبي يريد يطلع من مكانه الحد ماحسيت نفسه يم اذني غمضت حيل ارجف تسللت أيــــدة الشعري يبعده عن خدي ورگبتي همست ارجف
::- بسام

::- همم

::- أريـــــد اكوي الـ......
-شهكت ورفعت نفـــــسي على اطراف اصابعي من نطبعت شفته برگبتي

- رفعني بايده من خصري للحظة نسيت كلشي وستسلمت ومن استوعبت دفعته مني ابتعد يمسح بشفته ويباوعلي مبتسم

::- احب البوسة بدون سوابق بــــس تذكرت انتِ تردين الا استأذن

::- ما مسموحلك تبوسني بعد

::- ليش

::- تعرف ليش رجاءً خلي بينا حدود

::- هههه مو كد هل حجي غدور انتِ شمة تگلبج حمره

- عفت الدشداشة وفتت للحمام غسلت وجهي واباوع بالمراية جسمي مقشعر كل شوية ارجع للحظة الباسني بيها ويدك گـــــلبي حيل طلعت مالكيته كويتهن ونزلت ابوه لايحجي وياي ولا وياه

واني كمت ما حب ابقى جوا بــــس اكمل شغلي استأذن من الحجيه واصعد الغرفتي
اسبح واكعد اكلب بتليفوني

فتت على الستوريات بــــسام جان ناشر صورة عـــــلي بيوم خطوبته الضحكة تارسة وجــــهة  وكاتب

فراگك مو هين ما خذ حيلي
دخان وصور يخلص ليلي

غـــــدير ::- نعصر گـــــلبي حيل وراها صورة الهم ثنينهم ضاحكين واحد لازم ايد الثاني والضحكة من كل كلبهم والصورة عفوية كاتب عليه

::- عـــــلي يا صاحب روحـــــي
يا ابو ضحكة الحلوه .

- مسحت عيوني مختنكة كلبت الصوره اخر وحـــدة جانت ويا قبر عـــــلي راسا دزيتله

::- انـــتَ وين

.فتحها وما جاوب اتصل كعدت عدل جاوبته
::- الو

::-هــــا غـــــدير

- سكتت بحة صوته مبين شكد باجي كتله
::- وين انـــتَ؟

::- بالنجف؟

::- هــــا ليش ما كتلي جان رحت وياك

::- غير مره احتاجيت اجي يـــــمه وحدي اذا تردين حتى لو باجر اجيبج

::- تمام شوكت تجي

::- جاي هسه ساعة ونص ساعتين الا واوصل

- سديت الخط منه ساكته انتظرته ومن نعست نمت حسيت عليه من دخل للغرفة بقيت بنومتي مابيه حيل غمضت حيل من حسيته يمي يقرب وجــــهة الشعري وركبتي وبهدوء سحب ملابسي من كتفي وقرب. شفته بخفة طبع بوسة يحجي

::- وروح عـــــلي احبج

- تبند جسمي كله ابتعد وفرش بالكاع تمدد ماكدرت انام اختنكت شلون انسه كسرني بليلة زواجي نطق اسم طليقة بأذني ويحلف الابوه اني طالعه من نفسه ومارايدني وتزوجني الخاطر امه مستحيل اكدر انسه مسحت دموعي همست

::- بــــسام

- بقى ساكت فترة يمكن ماجان يعرف كاعده جر نفس بقوة گـــــال

::- هــــا

::- اخر مره تتقربلي اذا عدتها راح ارجع الاهلي

- سكت هادئ فترة وكال
::- اعتذر هاي هي التردينه يصير

يتبــــــع⋆𓍯

الكــــاتبة أيـــــــلول⋆𓄼𓂁

💚🌿
.