رواية أه يا عذابي الفصل الخامس والخمسون 55 - بقلم Misoo

:
:
: :

تركي
طول الطريق يسمعها تبكي قال بقهرر: وشهوله تبكي
انا اللي دبستك منه اطلعك وضحك بسخريه شكلي انا حسدتكم امس
عنود بكت زياده
كذا سهله ...يعني تتزوجني وتتطلقني .... سكتتت بعد كلام تركي وبعدين مين غسان اللي تبكي عليه ....لا هي ماتبكي عليه هي تبكي ...لانها مجروحه حيل ..
...وهي تتنهد امس مثل هالوقت كانوا مبسوطين كثيررر....واليوم شوفووا كيف القدر لعب لعبته معاهم .... ..وفعلاً رجعه له مستحيل ترجع خلاص ...كسرر اللي بينا ...بمد يده علي ...اكره شيء عندي لما رجال..... يمد يده ع مره

تركي بسخريه : متأكده ذا غسان اللي من توو
والله مو مصدق ولا عمري شفته كذا زفر بضيق ماودي يصيرر بينا كذا
وكمل بحقد لكن كله من ال......فيصل
هوو اللي لعب في حسبتنا كلنا سكت لما ماشاف اي تجاوب من عنود
وصلوو البيت ونزلوووهو ماسك يدهااا بحنان ...
عنود مشت معه وهي تحس بضيق من اي أسأله تتوجههه لها من اهل البيت
دخلووا شافوو..الكل جالس في الصاله قدامهن وكمان سماح تركي فرح بشوفتها
رد السلام وهو يناظر سماح
ام فيصل وقفت مستغربه من شكل العنود وهي ماسكه في يد تركي قالت بخوف: وش فيه ترى مافيني عاد والله
تركي قال بضيق : مافي شيء بس عنود تعبانه ودها ترتاح لها يومين هنا وهو يتجهههه يسلم على سماح وبفرحه متى جيتي

ام فيصل بصرخه: كذاب فيه شيء وناظرت عنود وش فيه اكيد انتي وزوجك عالقين صح وناظرت تركي والله كله منك
مسبب لنا مشاكل انقلع عن وجهي اكيد انت اللي ساحب اختك صح مسوي فيها تأخذ حقكك وبصرخه انقلع عن وجهي الله لا سكتت ماقدرت تكمل دعوتها
تركي بصدمه اول مره امه تقول له كذا وكان تبي تتدعي عليه حتى... طيب هو ايش ذنبه ...
وتقليعها له وش يفهمها طرده ولا وشهوو قال بهمس: ابشري
واعطاهاا ظهره وطلع
ام فيصل بعصبيه ناظرت عنود: بسرعه قولي وش فيه
وبصرخه توك من يومين رايحه وش مرجعك
عنود
ناظرت امهاا بحزن
مو متحمله والله كلام زياد
شافت سماح تتقرب منها وتضمها بقوه بكت عنود وهي في حضن سماح

سماح لما شافت حالتها كذا افضل شي تمشيها للغرفه وهي تحاول
تهديها: تعالي حبيبتي
الغرفه واهدي مافي شيء يستاهل هالبكي كله وبعدين مفروض اليوم تفرحوا بجيتي
جوري بحزن عليهاا : ايه صادقه سماح وبعدين لا تبكي عشان غصن مصيرك ترجعي له الله يسامح تركي مسوي ينتقم وجابك من عنده يسويها والله صح نفس كلام امي قالت كذا وتركي مانكر هذا أكبر دليل
ام فيصل سمعتها وهي وراهاا وقالت بقهرر: وشكله كذا بدون دليل
لان مستحيل غسان يسوي شيء الولد عاقل وبزياده
جوري : شفتووا كيف باي حق عنود يصيرر فيها كذا

عنود قالت وهي منهاره تبكي : اطلعووا عني ماابي اتكلم مع احد
سماح بحزن عليها: خلاص حبيبتي
ارتاحي وهي ترجع توقفها و تفك العبايه وتنيمها على السريرر
وبكراا وخيرر وهي تناظر امهااا يعني لاحد يتكلم معاها اليوم
جوري ساعدت سماح وطلعووا ناظرتها وقالت : تصدقين كنت متشوقه لجيتك بس اللحين ندمت اني لزمت عليك
سماح بأبتسامه عريضه: حياتي لا تخافي علي عادي متعوده على هالجووو انا ولا نسيتي
جوري: خبله مااقصد كذا اقصد انك نحس جيتي وعصفتي البيت المشاكل من كل مكان

سماح بقهرر: : انا ادق على علي احسن والله
يجي لي وارتاح منكم
جوري بسرعه:لا لا لا كله ولا تتدقي ع العله تبعك

خلاص حبيبتي اعتبري جيتك مفتاح الخيرر لهالبيت وهي تمسكها من عند كتوفها
:
:
تركي
رقى شقته وهوو يحس نفسه متضايق حيلل ليه كذا. ..
كره عمره وسب عمره مية مره ياليته ماراح خطب
اااه لو أنه ماراح كان ذا الشي كله ماصار والله شيء يذبح
فتح باب شقته وهوو يزفرر بضيق من اللي بيقابله اكيد ذي مسويه نفسيه عليه بس ابتسم ول عليهاا حظ
ذي كل ماطبيت انرفضت ....سمع حسهاا في المطبخ
دخل غرفتة اتجههه للحمام وأخذ شورر بارد لبس بجامه
ورمى حاله على السرير بعد ماعدل المنبه على صلاة الفجر
وحمد ربه انه بكرا عليه دوام افضل شيء يبعد والله
رهف
سمعت فتحه للباب طنشت ...ماطلعت حتى ...سمعت باب غرفته بسرعه طفيت على المكرونه اللي سويتها ...لي سحورر وحطيت منها في صحن ....
واخذت كوب.... وسكبت فيه عصيرر ...وجلست على الطاوله
اللي في النص ...ي دوب أكل تذكرت وش صار اليوم ...اااه كل ماتذكر قد ايش معصب كان ...بس لانه انرفض اااه توجع والله

صعب صعب ...تعيش مع شخص ...مايقدرك ومايفكر في مشاعرك ي هي قويه ....بس وش تسوي...ودها تكلم أحمد ويساعدها بس خايفه تسبب مشاكل ....بينه وبين اخوه ابتسمت
بسخريه طيب كلمته بايش يساعدها وهو مو محرم عليها ....
ااااااه رفعت راسها لللسقف بعجزز ...كارهاا عمرهاا ..
ماودها تعيش هناا خلاص عافت كل شيء .....
ودها تتطلع من الرياض بكبرهااا وترتاح من شيء اسمه تركي
صدق اوهمت نفسي بحب.... والحب كلمه عشتها في خيالي ...

عند تركي
اللي جالس يتقلب له ساعه
اوف عيا يجيه نوم ....حس بعطش... وتذكر ان بكرا وراه
دوام يعني كرف ع اصوله...... وكمان ماتعشى زين اوف
كل مايتذكرر روحته ......والفشله اللي تفشلها ......يعصب واكثرر شيء كمان ذابحه.... ان هو وغسان يصير بينهم كذا ....
وقف وفتح باب الغرفة واتجههههه. للمطبخ..وهو يشم ريحة الطبخ ... دخل شافها تأكل قدامه ....وهي مسرحه ماوده يشوفها .......مايبي يشوف نظرة التشفي والتشمت في عيونهااااا .....
رهف
حست عليه لما دخل
رفعت راسها له شافته.... اتجههه للثلاجه... وطلع المويه وسحب كوب وصب فيه وشرب.... ندمت انها مادخلت غرفتها بسرعه

تركي رجع ناظر طبقهااا قال ببرود يبي يحسسسها انه ماكسره شيء وانه مو مفتكرر : بخيله لا ماتعزمي

رهف بسخريه وهي توقف وتحط الصحن في المغسله:افااا لايكون كمان ماعشوك اهل عروستك
صراحه غلطانين رفضوك وكمان ماعشوك

لا كبيره في حقككك وهي معطيته ظهرها وتغسل الصحن
تركي عض شفته قهرر وتقرب منها : رهف
رهف ببرود لفت له : ي نعم
تركي بحده: حاولي ماتستفزيني اليوم بذات

رهف بستفزاز له زياده : تصدق يمكن لو ماسويت لعبتك الوسخه اللي قبل الزواج وتتدبست فيك انا يمكن كان لما اللحين محد قبل فيك اااه جت فيني وهي تبعد عنه طالعه لغرفتها
تركي بسرعه تقدمها ومسكها وهو رافع حاجب وبسخريه: يا حظك بس فيني
رهف ناظرته بسخريه: صادق والله ي حظي وسعدي كمان
حست انه شد على كتفها لفت راسها وناظرت يده
كيف شادها حست بألم بس تحس نفسها ودها تشمتت فيه اكثر قالت بأبتسامه تقهر: فرحانه كثيرر وشمتانه حدي
وناظرته بتحدي اقوى من قبل
تركي ناظر عيونهاااا وبتحدي : لا تفرحي كثير ترى بتصيب هالمره

رهف وهي تناظر عيونه ومصره تتحداه: متأكد
صراحه ماشاءالله عندك عزيمه تنحسد عليهاااا

يلله ربي يوفق

تركي انحنى بطوله ونزل خشمه من خشمها وبهمس: آمين يارب قريب حيلللل
رهف بهمس مثل همسه: اوك وانا اول الفرحانين لك

تركي بفحيح وهو لسى قريب منهاا : أنقذك هالمره بطلك المغوار
رهف ابتسمت تقهره : يستاهل التصفيق
تركي بسرعه قربها منه ولزقها فيه وهوو يضغط على ظهرها بعنف وقال بحده:حتى انا استاهل التصفيق على اللي بسويه فيك الحين وهوو يتقرب من وجهااا ..... .....
رهف دفته بقوه من صدره بس هو رجع بسرعه ثبتها .........

سمعوا صوت الاذان
تركي بحده وهو يفكها : ربي رحمك ودفها عن طريقه

رهف
ولعت .... هي تمسح وجها بقهر ... عصبت حيل .... بعد ذا كله ....جاي كذا بقوة عين ...صدق قليل حيااا
اااه والله..... من جد كرهته .....على كيفه كل شيء ..قبل ساعات راح يخطب ...والحين جاي كذا خبط لزق ....حسبي الله عليك بس
بدل ماتقهره......... قهرهاااا اكثر. ماهي مقهورة طلعت من المطبخ
واتجهت للمغاسله .....وهي تغسل وجهاااا .....وتزفر بضيق جلست تردد وراء الأذان بعدها توضت وصلت وهي مقهورة حتى موياا
نساها ماتشرب ثقيل دم مايحس اوف
""""""""""""""""""""'""""""""'"''''"'''''''"''""'' '''''

:

:

عند غسان
اللي مقهورر من وقت ماطلعوو كسر كل شيء قدامه في غرفة النوم ...وهو يسب فيهم سمع صوت الاذان ....اتجههه للحمام
وهوو يتوضى ويستغفرر نزل صلى في المسجد حسى.... نفسه هدي شوي زفر بضيق وندم وش اللي وصلهم لكذا ....لا مايبي كذا هوو بس هي استفزته ...واهلهاا قبلها كملووا الناقص ..قال بقهر ...عنود مالنا حياة مع بعض ...و بضيق ي ليتني ماعرفتك ولا تعرضت لك
كنت مرتاح وانتي بعيده عن حياتي ...وتركي اللي طول عمرنا اكثر من إخوان يصير بنا كذاا شفتي ي عنود لو كنتي بعيده عن
حياتي ماكان صار كذاا ......بس احبها ي ناس
رمى حاله على السريرر وهو يناظر مكانها ....
عض شفته بقهر ......ي ليتك طنشتيني ....الكف ..واخذتي حقك مني انا ولا دقيتي على اخوك ....ولا صار اللي صار

تذكر عمله بعد ساعين ......اوف وتركي مداوم اليوم..قاله يوم كان عندهم في المجلس ماله مزاج يحتك فيه او يشوفه ....ومايقدر يطنش ....عمله اكثرر له يومين مطنش وماله وجهه يقابله بعد سالفة ضربه لاخته
تذكر الكف اللي اعطاها ....قال بهمس كيف قدرت اقسي عليها كذا....انا ماعمري مديت يدي على احد ويوم جيت مديتها على زوجتي ....والله مومرجله مني بس ااخخ وش اللي خلاني اسوي كذاا تعوذ من ابليس وهو يسحب القران يبي يرتاح ....
...
""""""""""""""""""""""""""""""""""""""""""

"""""""""""""""""""
اليوم الثاني
في بيت احمد
فيصل
طفش وهو ينتظر متى يجبوون يدقون عليه ...ويقولون له يلله فطورك ..اذان من دقايق ..ولا احد عبره وطفش من الحبسه حتى صلاتة صلاها هنا ....خايف لا يطلع وابوه يشحطه ...لا بس خلاص مافي عاد يصبرر سم بالله وطلع انصدم ..لما شافهم كلهم على السفره طيب وانا ....
احسن شيء اخذوهم بالصوت واسوي معصب : هيي وين فطوري ولا تبوو الفكه شكلكم مني
احمد رفع راسه وشافه واقف قدامه قال بحده: ماشاءالله اشوفك مسرع طلعت امك قالت للعيد
فيصل : يبه لابد من المواجهة عشان كذا طلعت
وكمان الجوع كافررر
أحمد وهو يتحلف له : اجلس افطر
فيصل بقهر يناظر امه وسمرر:ليه مااجبتووا لي فطوري في غرفتي وناظر امه بعتب
تهاني : والله
أحمد بسخريه قاطعها : انا رفضت
عندك مانع
فيصل وهو يجلس قريب من امه وبهمس : لا وبهمس أكثر

يمه افضل تشوفي افطر ولا اشرد وش هو ناوي عليه رجلك

تهاني تأشر له يعني اشرد
احمد بسخريه: ارخى صوتك شوي
فيصل سحب صحن السمبوسه وصحن ثاني في مكرونه
هذا اللي قدرر عليه
وقف احسن شيء اشرد
احمد لما شافه اخذ اكل في يده وبيرجع غرفته قال بحده: تهدى الأمور شوي ونرجع نخطب مثل الناس
فيصل رجع لف وناظر ابوه وقال بكل برود: لا يبه انا مابي اسوي مشاكل مع عمي وعلى كذة قررت معاد نروح او اتزوج عندهم إذا بدايتها كذا ينعاف تاليها
احمد بعصبيه :ي ل.......هذي هي نيتك صح بس ناوي تفشل عمك كان
فيصل بأبتسامة مكرر: افااااا وهذي تجي يبه
خلاص قول له يروح يخطبها
طيب انا معاد ابيها ومبروك مقدما

أحمد بعصبيه سحب الملعقه اللي يغرفون منها الشربه وبقوه رماه فيهااا وهويصرخ: والله لا تأخذها ورجلك فوق رقبتك ي ال.......
فيصل شرد بسرعه وقفل عليه الباب وهو يسمع تهديد ابوه
جلس على السريرر والصحون في يده وبعض طاح منا في الأرض قال بضيق: لا حول وش هالبلشه ناظر الصحن بحسره حق هالمغامره كلها بقت بس ثنتين ناظر حوله يمكن طاح هنا منه بس مافي اخخخخ عنده امل لما ابو يطلع ..يروح يأكل اللي يبه
""""""""""""""""""""""""""""""""""""""""""""""
"""""""""""""""""""""
:
:
بيت ابو غسان
على الفطور

ابو غسان لسى معصب :بصرخه: طلال خلاص ريحنا انت وهي
الخدامه بقهر: بابا هادا دايم كدا يسوي انا مسكين انا فيه سافرر
خلاص خلاص
طلال بقهر : ااه يالنصب شوفووا كيف
مسويه مسكينه سافري سفرة جدي
الخدامه بشهقه:انا في نصاب
طلال بقهر: ااااخ بس ودي اقوم امردغك
ام غسان وهي تناظرهم ببرود وقالت بدقه : اقول ابو غسان وش يبوون جاين امس اهل عنود ايش فيه قول لي
ابو غسان ببرود : زيارة فيها شيء ذي بعد
ام غسان بقهر لانه مخبي عليهاا: متأكد
ابو غسان ناظر طلال بشك:ايه متأكد
طلال بسرعه لما شاف نظرة ابوه قال ينتقم من الخدامه ذي : يبه هي اللي قالت أكيد
وهو ياشر ع الخدامه
الخدامه بعصبيه:هادا واحد كداب كبيررر ليه يسوي كدا ايش قلت انا
طلال ناوي عليها: يبه حققق معاها اكيد هي اللي قالت لامي إلا مين بيقول لها وانت محلفنا

ابو غسان عصب ذا فضح الدنيا زود قال بصرخه:خلاص انكتم
ام غسان وهي ترجع ظهرهاااعلى الكرسي وقالت بتكبرر: مرفوض اوك

ابو غسان مدام قالت كذا اكيد عندها العلم كله بصرخه عصبيه :لولك كلمه هذاك الوقت ارفضي وافقي على كيفك بعدين خلاص الولد لا هو ولد اخوي ولا شيء عشان تعاندي

ام غسان وقفت في وجههه : لا مو على كيفك انت بنتي وانا حرر
ولد خالتها هو اللي يبي يأخذها رضيت اولا
ابو غسان بقهرر: نشوف مين تمشي كلمته وبعدين البنت موافقه
وناظر طلال ي خساره بس
طلال بخوف من عصبية ابوه وامه : يبه غصب عني هي حققت
معي
ابو غسان بعصبيه:كذاب قول كم دفعت لك
طلال
سكت ماقدر يتكلم لان امه ضغطت عليه وهو مايقدر يخبي عنها شي وبعدين وده كان توقف في وجههه هالزواج مو مرتاح له
ساره
لما شافت المشاكل اللي بتحصل قالت وهي شوي وتبكي:خلاص ماما وخلاص بابا انا مابي اتزوج قوله معليش ساراا رفضت
طلال وقف وقال بفرحه: ايوه احسن شيء والله
ابو غسان بصرخه: قلت انكتم وانتي راح تأخذيه غصب عنك وناظر زوحته يالله اشوف اكسري كلمتي
وطلع من البيت
ام غسان بعصبيه:الله يأخذك إلا مايجي منك غير البلاوي

سارا بقهرر: ماما لا تدعي على بابا
طلال بزعل: يمه صادقه موزين وهو يرجع يجلس

ام غسان بصرخه: انقلعووا عني وهي ترقى الدرج وتسب وتحلف ان ها لزواجه كلها ماتتم
طلال ناظر سارا:خلاص اجلسي خلينا نكمل فطور استغفر الله بس ي حبهن للمشاكل
ورجع ناظر الخدامه: ماشاءالله انتي لسى واقفه كويس يالله ارجعي سخني الفطور
الخدامه تناظره بقهر: انت واحد كذاب وتسخين مافي
طلال بقهرر: والله بعض مرات اشك ان حنا اللي نشتغل عندها
الخدامه:روح بس روح قرقر كتيرر وجع راس
طلال بقهرر: والله ياليت يجيك وجع الراس وهو يرميها بعلبة الفاين اللي ع السفره
الخدامه : متخلف كذاب كلوو كلو مو قويس
ساراا بطفش : خلاص ميري روحي هناك
وفكينااا
طلال بضحكه:هههههههههه قالت لك روحي
ميري تقلد ضحكته:روح ان شاءالله ماما ماتعطي انت فلوس مافي يجي يطلب عند انا
طلال بقهرر: انقلعي معاد إلا هي اطلب منك ي ال.......
ميري وهي تعطيه ظهرها: ايوه وكبسه مافي
طلال :مابيهاااا زوجتي اللي امي تبي تزوجني هي تسوي لي
ميري رجعت ناظرته:انت مافي حد يوافق عليك إلا فيه مجنون سمسم
طلال عض شفتخ بقهر : ذي وش ناويه عليه
سارا وقفت وهي معصبه : انا اروح فوق احسن
طلال بجديه: والله انصحك ماتوافقي

ساار بشك: ليه طيب شفت عليه شيء
فيصل :لا ماشفت ولا اعرفه كثيرر ي دوب تعرفت عليه
ساراا كملت طريقها وهي محتارة
بس الللحين خلاص .....ماينفع لو قالت ....لابوها يفتكر ان امها محرشتها....... ولو كملت اكيد امها بتزعل منهاااا
وبتزيد المشاكل بينهن...... تنهدت بقهر ....وهي ترمي حالها على السرير وتبكي...... وش اسوي ماعندي..... إلا اتصل بعنود واقولها اكيد هي راح تقولي.... ايش اسوي وتكلمني عن فيصل ذا لانها صريحه وعاقله واكيد تبي لها
الخيررر دقت ودقت بس ماردت قالت بخجل لا يكون ازعجتهم

""""""""""""""""""""'"""""""""""""""""""""
"""""""""""""'""'""""""""

جوري
وهي تتدق ..على باب شقة ...رهف وهي معصبه

رهف
اللي توها... صحت راحت عليها نومه ...حتى فطور مافطرت قامت على صوت... الباب بسرعه وقفت ....وهي معصبه من صراخ جوري فتحت الباب: خيرر
جوري بقهرر: ليه ندق عليك ماتردي لازم اطلع يعني تعبت
والله وامي صرعتنا فيك تقول انزلي افطري معنا اقصد صار عشا لان اللكل عيا يفطرر واللحين يصلون التراويح وانتي نايمه
رهف
احس رأسي ....يوجعني من كثر ...مابكيت ناظرتها ..وقلت بدون نفس : مالي نفس والله ابي اصلي المغرب اللي فاتني والعشاء واشرب ماي
وارجع انام وبعدها اقوم أكل على وحده
جوري ناظرت عيونها اللي حمرر قالت بشك: كنتي تبكي صح
رهف : لا بس لاني مانمت زين إلا توني بعد صلاة العصرر
جوري بصدمه: من امس مواصله حتى العصر وانتي صايمه
لايكون تركي جالس يهاوشك والله قلبي يتقطع على حالك
رهف مصدومه معقول جوري تحس قلت بأبتسامه: لا مو هنا راح دوامه ومشكورة حبيبتي لاتخافي علي

جوري بحزن عليها : تكفين صلي وانزلي عشان عنود ترى زعلانه تبي عند زوجها بس تركي رفض ترجع له والسببب لانه رفض يزوجه اخته قام سحب
عنود من عنده تخيلي وامي عصبت عليه
وطردته والله فيني قهر منه ليه يسوي كذا احسها حركه مالها داعي صراحه وحالة عنود تقطع القلب

رهف
فتحت عويني بصدمه ...معقول تصل الحقاره.. فيه لكذاا قلت بقهرر: وش ذنب عنود وغسان حرام ي دوب تصافووا
وبحقد اكيد يبي اللكل مثل حياته اللي منكده ونكد علي فيهاا

جوري بسرعه: خلاص تكفين صلي وبسرعه انزلي امي تبيك ضروري ونزلت
رهف
قفلت االباب بقوه ...والله ...بس يجي اقسم بالله ...ماسكت له إلا عنود بقهر.... رحت للجوال وارسلت ( مو حركة رجال ابد وحده بوحده يعني )
وقفلت الجوال... لتحري اي اتصال منه خليه ....يجلس يقهر في نفسه اذا اتصل يحصله مقفل .....
رحت توضيت وصليت المغرب والعشاء والتراويح وجلست ادعي ربي يغفرلي ضيعت صلاة المغرب ...بعدها قمت وانا استغفر
واتجهت للغرفة النوم ....طلعت لي فستان بيت قطني هادي وخليته على السرير
ورجعت اخذت ....شوررر وطلعت خلعت روب الحمام ولبست ....وجففت شعري ورفعته لفوق ...ورشيت شوي عطري.... وبعدها لبست شعول..... حبيبي الهادي انا ي ناس طالع
........مثل امه مو مثل ابوه
ولبست جلالي
ونزلت ....وانا معصبه حدي ....على عنود.... اللي سمعت كلامه كيف
كيف تتطاوعه.... وتجي معه ...ي ناس غسان ...مافي مثله حاسه انه يحبها ....من قلب مو مثل اللي عندي.... اسمع الحب كلمه..... فعل ماعمري شفت منه ....إلاأفعال تعكس ضد هالكلمه ابتسمت ...بتشفي وهي تتخيل شكله اللحين .. تدري فيه غبي ...وعقله صغيرر ......من اي كلمه يثورر..... لعله يولع حتى ينحرق ...اوف متنرفزه حدي ضيع حياة اخته هيا ايش ..دخل حياة عنود في حياتنا المعقدة إلا مالها حللل أبد
دخلت باب الصاله وانا ارد السلام الللكل شكله زعلان

الجدة : هلا والله ببنت فيصل اللي ابي اخذها عندي
ونروح بيتي
رهف بحزن:ياليت والله
ام فيصل :يمه وقت هالكلام اللحين
ورجعت ناظرت رهف ادخلي لعنود تكفين شوفيها رافضه تتكلم مع احد وعارفه انتي فيك اللي يكفيك بس هي قريبه منك حيل

رهف هزيت راسي بهدوء وقلت وانا مااشوف سماح :طيب بس وين سماح ماشوفها
ام فيصل : راحت مع زوجها معزومه عند أهله بس عيت قلقانه على عنود بس انا حلفت عليها تروح وبيني وبينك من زين جو البيت وهي حامل ونفسيتها تعبانه من والوحم وتكفين حاولي في عنود وهاتي شعول عندي وحشني
رهف ابتسمت وهي تناولها :الله يتمم لها
واتجهتت للغرفه ...شفت قدامي ...جوري تلعب ..في جوالها
وعنود مغطيه ...بالمفرش... كامل جسمها
تقربت منها ...وجلست على السريرر ...وانا حزينه عليها ..وش ذنبها بالله حرام والله ...حسبي الله عليك ي تركي ...يكفي ظلمك لي...تجي تكمله في عنود ..قلت بهمس وانا افك المفرش من وجهااا واحط يدي ....بحنان على كتفهاااا.... انفجعت من شكل ...وجهاااا محمرر ...على جهههه ...قلت بصدمه : وش السالفة
وكملت بقهر .ضربك الظالم يكفي اخذك من زوجك يقوم يضربك كمان .....
شفت عنود... تتدفس وجهاا في ....المفرش وتبكي ..سبيت نفسي اوف ضروري ...اقول كذا اكيد ماتبي ....حد يذكرها صدق اني غبيه ..ناظرت جوري .....اللي ساكته وتناظرنا... بهدوء هزيت كتوفي بعجز ..يعني مدري كيف تسكت اللحين ....قلت بهمس : عنود عشاني بس قومي كلي لقمه خاله تقول حتى فطور مافطرتي ولا شيء
...قومي حبيبتي وتعوذي من ابليس وخليه يجي .اقسم بالله اتهاوش معه .واخليه يرجعك لزوجك شفت البنت رجعت انهارت

مره ثانيه قلت بقهرر : صدق اني غبيه خلاص حبيبتي قومي

وانا احاول ارفع راسها عن المخده واقرب وجهي منهاا قلبي تقطع عليها ي ناس ذي امي والله امي ...ذي كل دنيتي والله ياما مسحت ....دموعي وياما..... اعطتني حنان ..وياما وقفت وانضربت عشاني.... واليوم تخسر حياتها ....كمان عشاني لا لا والله حتى لو انذبح من تركي ...اني لا اوقف في وجهههه
...تذكرت الرساله اللي رسلتها له ....قبل مانزل يستاهل تذكرت عصبيته حسيت بخوف.... بس كابرت ...وش بيسوي يعني يأكل هوووا...شوفوا كيف اخته حالتهااا
قلت بطفش من جوري مدري وش فيها ماتجي تساعدني في عنود

وتخليها تتكلم : بنت تعالي حاولي فيها معي عشان تقوم
ونشوف ايش فيهاا ولا بس فالحه في الاستهبال وقت احد يبك مايحصلك ومن توو شفتك مقطعه حالك حزن
جوري وهي تتقرب منها وبقهر:الله ي عنود كان تبكي عشان ماتبيه واليوم تبكي ليه تركي غصبك ترجعي لنا

وناظرت رهف شوفي كيف الدنيا تتدوررر وهي تحسوس بيدهاااا

رهف بعصبيه لما سمعت بكي عنود زاد:دار فيك ابليس انقلعي
انا استاهل طلبت منك
قلت بهمس ماعليك فيها اكيد تبي زوجك ومن حقك وغسان مافي
منه ربي عوضك فيه بس اخوك شري حرمك منه وحرمه منك

لا لا لا البنت انهارت ....من جد وش ....فيها كل ماتكلمنا بكت
قلت بشك عنود : وش السالفة
عنود بصرخه: فارقووا عني وغسان الكلب لاحد يطريه
ناظرت جوري بصدمه: كلب
جوري تصحح لها:قصدك تركي صح والله يعز علي اقول عنه كذا بس يستاهل

عنود
بعصبيه اكثرر وهي تحس فكها مره يالمها وبذات لما صرخت:تركي في عينك انتي وهي تركي هووواللي رفع شأني تركي هوو اللي كسر يده اللي مدها علي ال.......
وبصرخه وهي تناظرر رهف بدون سببب فاهمين بدون سببب كذا انضربت وانذليت وبصرخه أعلى والله ماسكتتت

ام فيصل دخلت بسرعه وهي تسمع صراخ عنود
وشافتها قدامها منهاره:وهي تتقرب منها وتضمها :خلاص حبيبتي وناظرت البنات بعتاب
رهف
طول الوقت مفهيه.. لا كمان مصدومه حيلل ....تركي هوو اللي دافع عنها ...تركي هو اللي رفع شأنها ....يعني انا فهمت غلط ...لا مافهمت غلط جوري قالت لي كذااا ......اااه انا وش سويت وش هبببت ..لا لا انا ناقصه اللحين
قلت بقهر وانا اناظر جوري : ثاني مره لا تنقلي حكي غلط
جوري بقهر: خير خير تنافخي علي هذا مو كلامي هذا كلام امي
رهف بقهر وعصبيه:ي سلام وانا اللحين كيف اصرف عمري
هااا قولي
جوري بصرخه : وش دخلك انتي
رهف بقهرر:تدري ش هببت بكذبك ذاا
جوري وهي تهز كتوفها بدون مبالاه:والله مالي دخل اذاا انتي غبيه وتتسرعي ونقالة حكي
رهف وهي فاتحه فمها بعصبيه: الللحين أنا صرت ماقلة حكي

ام فيصل بصرخه وهي لسى ضامه عنود اللي تبكي في
حضنهاااا: بتسكتووا ولا لا وبعدين ي رهف قلت لك هديها مو كذا يصيرر فيهااا
رهف بقهر: مو انا اللي خليتها تنهار هذي جوري
جوري بعصبيه: لا ي الكذب والله إلا انتي البنت من وقت مادخلتي انصرعت إلا هي كان وش حليلها تحت المفرش بدون صوت
رهف
طنشت حكي جوري ..مو مهم الحين ارد عليها المهم كيف اخلص عمري من المصيبه ذي
وانا افكرر ...لا لا والله بروح فيهاااا .....الله يستر ...
عند تركي
الللي توه صلى وطلع
وهو فيه النوم ...من امس.... مانام زين .....ولا تسحرر والفطور مايحب يفطر... في العمل يعجبه فطور امه ....
ركب سيارته وفتح جواله شاف رسايل تجيه بكثرة
بس اللي لفت نظره ....رساله من رهف ...استغرب وش عندها يدري انا مقاطعته فتحهاا
شافهاا اااه عصب من قلب وقسم انه يربيها
على هالكلمه.. والا مايكون ولد ابوه .....زفر بقهر
طيب رهف راح اوريك المرجله ع اصولها وبعدين ..وش ذي وحده بوحده ..مو فاهم شيء
وضحك وبستهزاء:وش ورانا غيرر نربيك ي بنت فيصل
غبيه من جد تفتكر اني راح ابيت في عملي ..
تذكر اليوم وهوو داخل شاف غسان قدامه

كل واحد فيهم طنش الثاني ....لدرجه اللي في ....القسم استغربوو
تنهد ببقهرر:غبي خربت احسن صداقه وبصرخه بالطقاق
والله ضربك الكف لعنود ....لايرجع لك أضعااف.... كمل مشوراه للبيت ....وهو مقهور و سالفة عنود عصبته زود

عند رهف
وهي تسمع عنود.. تحكي لامها.... وتبكي والله ...بكيت معاها قلبي تقطع عليهااا

ام فيصل وهي تحاول تهديها :خلاص حبيبتي اخوك ماقصر أخذ حقك وزود واكيد مااراح يرجعك له إلا لما يتربي وبقهر وش علامهم الرجال الواحد ع طول يمد يده

عنود بصرخه:والله لو يموت مارجعت له وهي تسب فيه
ام فيصل وهي تهدي فيها : خلاص حبيبتي هالحكي مو وقته اللحين قومي خذي لك دش يبرد عليك وبعدها البنات يسخنن للك الفطور ونفطر جميع اقصد نتعشى
رهف
حسيت بحزن على حالي ...انا انضرب انهان .....محد يقف في وجه تركي ...عنود تقول تركي رفع شأنها طيب وانا ..مين يرفع لي شاني ويفكني من ظلم اللي عايشته.... مع اخوها ...ليه انقهر يوم غسان مد يده ...بكف بس ...طيب انا يخليني اعض الارض ..ليه مافي حد يقف في وجههه..... ويرد له الضرب مثل ماسوى مع غسان. ..وكمان ذا طلع اخس من صاحبه .... ونفس بعض...ناظرت عنود بحزن ....بس انا غير عن عنود هي عندها الللي يقف معاها ....ويرد اي احد يتعرض لها وكمان عنود قويه
تعرف تأخذ حقها .... بس انا لا .....انذبح محد يرد عني..... اتوقع اندفن وكم دعوه وخلاص .... شفت كيف خاله ....ضامه عنود بس لانها حصلت كف.. انا مين ضمني يوم انخلع كتفي
مين ضمني يوم الدم طلع من فمي .....مين ضمني يوم ..ضربني بالعقال خلى كل ...شيء في جسمي يألمني .. ... لا عنود انا مااغير منك او احسدك ... انا بس اتمنى عندي مثلك ...ي بختك ي شيخه .... احسن شي انسحب بعد ماعرفت السببب وتذكرت الرسالة
إلا مال امها داعي كان ارسلها ....ااه بتجيب لي المصايب
يلله ماتجي لا عليها ياما تحملت اللي أقوى يلله كله محصل بعضه ...شفت عنود تمشي رايحه تاخذ شورر وتصلي مثل ماقالت لها خالتي تذكرت مشعل ابي اشوفه واطلع لشقتي حسيت بضيق
جيت اطلع للصاله وخالتي تتكلم علي
ناظرتها بهدوء:خلاص خاله ابي ارتاح احس بتعب
ام فيصل مستغربه:وش فيك حبيبتي اجلسي ابيك تونسين عنود شوي بعد ماتطللع من الحمام
رهف بسخريه اونسها : ماعليه
ابي اشوف مشعل اكيد جنن ميمه وماراح ارقى
ام فيصل بأبتسامه : اوك حبيبتي وانا اسخن الأكل وهي تنادي جوري تعالي بسرعه ساعديني
واعطيتها ظهري ...وانا احس بضيق ...دخلت الصاله ....شفت ميمه تناظر في مشعل وهو في مهزه ...قلت بأبتسامه مزيفه:غلبك
الجدة : لا ماغلبني تعالي اجلس هنا قريب مني عند حسي
ودي اقوله لتس وياليت ماتغلبيني معتس بقلة فهمس
رهف
كشرت اكيد تبي تنصح وتقولي ....اكسبي زوجك ...ياناس ذا محدن يكسبه ...ولا حدن يستاهل يصبر عشانه ...والله هالمره ودي انفك منه ....من جد خلاص احسه ..طلع من خاطري ....
قلت ببرود: هلا يمه
الجدة بهدوء: اسمعي يمه خلي هالحسي بيني وبينتس محدن يردي به طيب
رهف مستغربه : ابشري
وترتها نظارات الجدة
الجدة وهي تناظر باب الصاله ماتبي ام فيصل تدخل وتسمعها ولا جوري وبهمس:اسمعي مني
معي لتس حل
رهف مستغربه : حل
الجدة بسرعه:تبي تنفكي من تريكان عندي حلتس
قولي بس تبي ولا لا
رهف بسرعه: اقسم بالله ابي وابي وابي قولي بس كيف
وتذكرت يمه لاتقولي اروح بيتك مستحيل راح يرضى

الجدة بسرعه: لا لا يمه مو بيتي
بيت ابوتس
رهف بصدمه:وشهووووو بيت ابوي
الجدة :ايه بيت ابوتس
رهف بعدم فهم: يمه حرام عليك اي بيت وابوي كان مستأجر ترى اذكر لسى يوم نقلنا من شقه لشقه ليه كذا يمه فرحتيني
وطلع
الجدة تقاطعها بعصبيه: اسكتي عساك اللي مو قايله خليني احكي لك وش قصة هالبيت ولو اسمع منتس مقاطعه ذبحتس
رهف وهي لسى مصدومه : طيب طيب ماراح اتكلم مره

الجدة وهي تناظرها : سمعي مني ابوتس كان مستأجر لامتس

صح بس بنتي رحمة الله عليها بنا لها بيت في حوشي اللي ورا
البيت لانه ينحرج يجي ويجلس في بيتي يقول مايأخذ راحته

وهي كان بس تعبانه وجالسه عندي وهو يخاف عليها يخليها تجلس لحالها وهي تعبانه وانتي خابره ابوك كان ماعنده وظيفه

رسميه يبع ويشتري وكان يسافر كثيررعشان يأخذ بضاعه ارخص من هناك ويبعها للي هنا بشوية ربح قام اشترى الحوش

تبع بيتي عشان تكون قريبه مني وبنى لها فيه بيت على قده ويومها حلفت اني اعطيه انا الأرضية وهو يبني بس لاني تونست

حيل ببنتي قريبه مني واشوفها واطمن عليها من الوجع اللي صابها بس هو حلف قال عشان يحس انه له ويأخذ راحته اكثررر

قام دفع لي قيمة الارض وبنا عليها وكاد تفرح شوي انه بنا لها بيت بجنب امها بس بنتي كان ماتبي شيء من التعب الللي تحس فيه ..ويوم ماتت
اذكر انه حلف محد يسكنه وقالي سكريه وهذا مفتاحه عندس خليه وتجوز امتس وجلس من ايجار لأيجار وكل ماقول له يمه الحي ابقى من الميت وش بيصررر يعني لو سكنت مرتس فيه قال هذا لشيخه ومحدن يسكنه وتصرفي فيه تحت يدتس واعتبريه ورث من بنتس وخلاص ذا ماهو لي عندس وتصرفي فيه
وانا يمه من يومها حلفت محد يأخذه ولا حد يطبه ويخرب فيه شيء لشيخه حتى اغرضها كلها موجوده والحين انتي احق انتس تسكني فيه واكيد ماراح يتكلم عليتس احد بيت ابوبتس ذا
واللكل يدري انه هذا بيته .. بس كان ماله خاطر يسكن فيه بدون الغاليه رحمة الله عليهم جيمع .....
رهف
كنت اسمع وانا مصدومه وفي نفس القوت مركزه على كل كلمه تقولها ايشششش بيت ابوي
وبناه لبنتها وحلف محد يسكنه ....قلت بعجز: طيب بإسم بنتك هوو صعب عيشتي فيه أجل لانه مايتعتبر لابوي
الجده بسرعه: لا يمه والله ماهو باسمهااا بإسم ابوتس حتى ورقة الارض يوم خذاها مني موجودة في بيتي ولما نروح اعطيك هي تكون لك ضمان بس هوو كذا عافه وحلف منه مدري وش صابه بعد موتها حتى معاد دخله
رهف بخوف وفي نفس الوقت فرح : بس كيف

الجدة وهي تمسك يدهاا وبحزن عليهاا : شوفي يمه ابتيس تكتمي ع الموضوع طيب وانا بنفسي كلمت احمد يودينا فيه وابيك ترفعي راسك فيه وتسكني معززره مكرمة وانا تدري فيني
معتبرتك بنتي من يومس ووانا ام كايد لا اخليه يحفي وراتس
رهف بسرعه:مابيه يحفي وراي
ابي انفك ودي الحين نروح قبل مايجي لانه ماراح يرضى بس تذكرت هي مين متزوجه والله حتى لو راحت وهومو موجود لا يرجعها
ناظرتها بحسره: مستحيل روحتي يومه اكيد ماراح يرضي
الجدة بحده:ماعليتس منه مثل ماقلت كتمي على السالفه حتى احمد يودينا تره رجالن ويعتمد عليه شفتي كيف فكتس من الضره وابشترتس اليوم جاا العصرر وكلمته وقالي بكراا يودينا هناك وكلمت كايد يجيب عمال ينظفن البيت وهذا ورثتس ترا
رهف بحزن:ابيه يفكني من اخوه واكون شاكره له يعني بكرا اكيد
الجدة وهي تشوف الفرحه في عيونها:ايه يمه بكرا
بس اسكتي حتى خالتك ام فيصل ماتدري انا اليوم جلست العصر في الحوش وجاا أحمد وكلمته واتفقناا حتى هو ناوي يربي اخوه

رهف بقهرر: طيب ليه خاله رافضه

الجدة بهدوء:لأن عمك كان رافض هالسيره وقال مافي احد يقول لرهف عن هالبيت
عشان ماتفكري في يوم تبعدي عنهم وكمان لأن فيصل قال مايبه
رهف بقهرر: حرام لو ادري من زمان كنت عشت فيه
الجده وهي تمسك يدها: عمك كان خايف عليتس ومايبي يبعدك عنه بس انا وصيت خالك كايد وخالتك ام فيصل لومت يكون ورثك ويرجعنه لك
رهف قلت بفزع : بسم الله عليك ربي يطول في عمرك وانا امسك يدها وخلاص بكرا وعد
الجد ه : مثل ماقلت اليوم حتى لو حكى معتس لا تكلميه او تقلي ادبس عليه طيب
رهف بسرعه: اليوم راح يبيت في عمله
الجده: ايه صح قالت لي امه انه مداوم خلاص مثل ماوصيتك محدن يدري
رهف : اكيد وانا احس نفسي ودي اطير من الفرحه
بس كيف نطلع من هنا من غيرر مايحس قلت بسرعه لميمه طيب كيف ننطلع احسه صعب

الجدة بسرعه: ماعلتيس انتي خليها علي وسكتت وهي تذكر يوم قالها تصرفي فيه

وهذا هو رجع البيت لبنتك ي فيصل اعطيتني هو وقلت تصرفي فيه ومافي أحد أحق فيه غير رهف الله يرحمك

رهف هزيت راسي وانا مو معاهاا
ابوي عنده بيت... بناه في بيت ميمه طيب ...مو فاهمه شيء يبي لي جلسه معاها من ثاني .اي جلسه تقولك بكراارايحين ...بفرحه رهف ابوك اللي بناه يعني راسك مرفوع ....محد يقدر يتكلم.... ابي اجلس في بيت ابوي ايه بيت ابوي
فديتك يبه..... كويس وانت قفلته ....ومحد دري عنه ولااحد افتكر فيه شفت كيف فادني يبه احبك .....لو كنت عايش راح تكون لي عزوه وسند........ ايه السند اللي فاقدته في حياتي بس انقهرت من عمي ليه خبى عني ..الله يرحمه عارفه قصده عشان
مابعد عنه فقدتك يالغالي حسيت دموعي نزلت من فرحي
ناظرت ميمه وهي تهز راسهاا لي يعني اكيد كلامها اااه قمت بسرعه حضنتها وانا ابكي
الجدة وهي تضحك عليها: فديتس يمه اسكتي لا حد يحس علينا
رهف بعدت شوي وانا اناظر مشعل اللي صرخ فجأة ..انفجعت بسرعه حملته من المهز تبعه وانا اسكته ....
تركي
وصل ونزل وقفل بااب السياره بقوه
واتجههه يمشي للبيت ...... شاف قدامه
أحمد راكب سيارته ....طنشه ولا حتى سلم
يحس انه حاقد عليه ...مو قليل الللي سواه فشله ..صارت هالمشاكل كلها بسبته وبسبت ولده.....
دخل من باب العماره ....سمع صوت ولده يبكي... في بيت اهله هون معاد رقى لفوق.... بيشوف ليه يبكي ....قال بقهرر معقول طلعت من اعتكافها..... وجالسه معاهم .....دف باب الصاله ودخل شافها جالسه بجنب جدته
وحامله مشعل
رهف
اللي محتاسه تسكت مشعل ....ماتدري وش فيه .....كذا صرخ
قالت بهمس .....اوش يمه خلاص مافي عاد بكي مفروض سكتت لما حست بأحد فتح الباب و دخل....رفعت راسها شافت اللي واقف عند باب الصاله ويناظرها بسخريه وهو لسى ببدلته يعني جاي على طول هناا ....مارقى فوق حتى يغير بدلته العسكريه ...ي سلام وش جايبه مو مفروض ينام في دوامه ....
رد السلام وجلس وهو يزفرر بتعب ناظر يمين وشمال: وين امي
الجدة ردت بعتب عليه : أمك جالسه تحضر الأكل
وتشوف العنود مسكينه مكسوره حيل مدري وش فيها
الله يسامح بس اللي تسبب فيها
رهف
بلعت ريقي بخوف... من نظرته لي.... لا جده لاتذكرني برسالتي

الله يقلعك ي جوري.....
سميت بالله ومشيت من عنده...... وانا خايفه لازم اطلع و احبس عمري حسيت باللي يمسك يدي بعنف ...
ناظرت بخوف وربكه قلت بتوتر : نعم
تركي وهوويوقف:الله ينعم عليك بس هاتي اشوف
وش فيه شعول حبيب ابوه يبكي
رهف بسخريه :حنون
تركي بهمس : حيل ودك تجربي

رهف ناظرته بقهرر لانها تشوف نظرة السخريه في وجههه : فكني بس وخلى مشعل ابي اطلع انيمه بكذبه قلتها عشان انفك
تركي وهوو يحط يده ع كتفهاا ويقربه منه ومنطنش حكيها : طيب كذا حلوو
رهف بعصبيه وهي صاكه ع سنونها مقهورة مفروض يستحي في بيت اهله حناااا:ابعد

تركي شاف امه طالعه من المطبخ نزل يده من كتوفها ورجع مسك يدها يحس انه شوي زعلان من تقليعها له امس وهو ماله ذنب : كيفك يمه
وهو يسلم فوق راسها
رهف
انقهرت يسلم ع امه وهو ماسك يدي
يعني وش ذا معناها لا تشردي مني ......لا والله رحت فيه مدام انه متمسك كذا فيني.... والله هذا قصده عارفه ... طيب احس مشعل يبي يقع مني وانا ماسكته بيد وحده والغبي متمسك بيدي الثانيه ...
شفت عنود طالعه .....ومعاها جوري... شوفوا كيف انصدمت صراحه ماسكه في يدها وتمشيها تقول البنت ....مكسحه .. صدق خبله في كل شيءاوفرر

حياتي عنود عيونها منفخه ومحمره والله وجها معلم فيه الكف وجع ان شاءالله مو يد عليه ذا وتحسنها مالها خلق احد بس عشان خالتي لما حلفت عليها
حسيت بتركي..... فك يدي لما شاف ....عنود وتقرب منهااا وضمهاااا حيل لصدره عدلت مشعل زين وانا اشوف الحنان
اللي نازل على الأخ

تركي وهوو يكلمها بحنان:كيفك ي روح اخوك
ليه كذا شكلك وهو يناظر وجهااا ترى مثل ماوعدتك
اخذ لك حقك وزود
رهف
لا لا لا صراحه لو خالتي ....مو موجوده كان صفقت له لا لا حنون مره..... ياويلي ع الحنان شوفوا شوي ويبكي ...طيب وانا تخليني اتمدد من كثر الضرب .....لا وعليها تدوس علي ولا تفكرر
عنود ناظرته بحزن قالت بهمس: اللحين وش يفيد ي خوي
تركي حزن عليها :تكفين عنود ابعدي هالحزن ماتحمل اشوفك كذا
والله اروح اذبحه اللحين
رهف
لا لا ياويالي على اللي مايتحمل.... يذبح عشان اخته ....طيب انا مين يذبحبك على ..اللي تسويه فيني
تقربت من عنود ودخلت بينهم ..
...وقلت بسخريه :ياابو الفزاعات

مفروض مادبستها فيه من قبل جاي الحين تتسوي تفزع
الجدة بصرخه : رهف
رهف
انصدمت من صوت... ميمه ناظرتها مستغربه :
الجدة
ناظرتها تحذرها انها ماتسبب لنفسها مشاكل مع طولة هالسان حتى تتطلع من هناا
رهف
فهمت عليها وسحبت نفسها من عندهم ....وتراجعت
وهي تعطيهم ظهرها .....طالعه لشقتها سمعت صوت تسكيرة الباب وراها وبسرعه حست باللي مسك كتفها من ورا وهي لسى على اول درجه ناظرته بصدمه
تركي بسخريه :لاحقك اوريك ايش يسوي ابوالفزعات قدام ي حبيبي قدام وهو ياشر لها بيده
رهف
بخوف ناظرت باب بيت اهله وهو مسكر يعني مافي حد راح يفزع .... .ورجعت شافت مسافة الدرج.... يعني لو تدفه وتركض.... تخاف يرجع يمسك فيهااا وبعدين .....مشعل وهي حاملته ....صعب عليها اكثرر
....
ابتتسمت للفكره.. اللي في راسها .....وهي تتمايل عليه .بخبث وتمثيل .......

كتتتتتتتتتتت