رواية أه يا عذابي الفصل السادس والخمسون 56 - بقلم Misoo

:

انتهينا مابقي شيء... نقوله
لا يضيع الوقت في تضيع الكلام
فرحتي من خلقت هالدنيا خجوله
والفراق المنتظر مسك الختام

:
:

رهف
وانا اتمايل عليه بخبث عشان يصدقني
قلت بصوت كله تمثيل : تركي احس اني بطيح امسك مشعل تكفى
تركي
بسرعه مسكها هي... ومشعل وبسرعه ...اخذ مشعل منها ومشاهاا معه باليد الثانيه ....وهوو ضماها من عند كتوفها ويحس بخوف عليهاا ...ومستغرب وش فيها كذا بسرعه تعبت ...قال بهمس : وش تحسي فيه
رهف
احس بخوف.... من كذبتي ....انه صدقهاا بس ماعليه
..اصل بس غرفتي.... واقفل على حالي..وبعدها ماعلي فيه يعصب ..يولع يموت ..كيفه مع نفسه.... قلت بتمثيل وانا ارفع يدي اني ..مو قادره اتكلم
تركي بخوف: الحين تاخذين العبايه والمستشفى ع طول وبحده
انا عارف ليه هالتعب لانك ماتاكلي زين
رهف
ودي اضحك ...ي قلبي ..انت اللي اكلتها ...والله
لسى مسندني ....لو ادري ....كان من زمان مثلت عليه مدام تمشي عليه ...ااخخخخ صدق ...اني دايم اضيع
أشياء علي ..فتحت عيوني اللي مسكرتها بتمثيل ...ي دوب بس
فاتحتها عشان اشوف قدامي ...اخاف من ثقلي انا ولدي عليه ...نطيح كلنا جميع ...وانتهت العايله السعيدة اقصد التعيسه
دخلنا الشقه
..تركي بسرعه ساعدها و مسك معاها لما جلسها على الكنبه اللي قدامه في الصاله ...ونزل مشعل بجنبها وهو يوصي عليه: انتبهي لا يطيح
واللحين اروح اجيب لك عصيرر يبعد عنك الدوخه شوي
وكمان العبايه عشان نروح المستشفى

رهف
هزيت راسي بتمثيل ...وبسرعه لما اعطاني ظهره ..
ودخل المطبخ بسرعه حملت ولدي ..وشرده للغرفة وقفلت الباب
وانا ازفرر بقوه ..وقلت بسخريه روح انت اللي تحتاج علاج ...
....
تركي
ي دوب دخل المطبخ... ويبي يفتح الثلاجه سمع ..صوت تسكيرة الباب بسرعه ...رجع وناظر الصاله فاضيه ...شك معقول تكذب علي
ولا ماتبي تروح المستشفى مشى
وتقرب من الباب وقال بحده شوي : بنت افتحي
رهف بصرخه: خيررر
تركي انصدم من ردهااا لا والله تكذب أجل قال بقهرر: تمثلي علي صح ومافيك شيء وانا اللي حزين عليك
ماسمع منها رد رجع خاف لايكون صدق تعبانه قال
بشك تعبانه وخايفه تروحي المستشفى ادري فيك ماتحبيه صح
رهف
بقهر مين قال له اني ماحبه ..ليه دايم يقول كذا ..يفتكرني معقده من يوم موت اهلي ..والله هذا يحب يطلع اشأعات بس مين اخته جوري ...يالله ماعلينا هذا اقلقنا على الفاضي قلت بسخريه: الحمدلله مافيني شيء عشان اروح المستشفى والعلاج انت تبيه

وكمان علاج مكثففف
ويلله روح لا تقلقنا على الفاضي بس سكتتت لما سمعتت شيء تكسرر قلت بخوف ...يممممممه
تركي
اللي معصب موت من كلامها الاخيرر..كم مره حذرها ماتقول له كذا ...يعني وشهو شايفتني مريض نفسي ...عارف قصدهااا ...واكثر شيء قاهره ان هالنتفه ...لعبت عليه ....وش اسوي ويبرد خاطري . يسمعها تقط سم من لسانها ..ناظر حوله شاف التحفه اللي توها اخذتها مع الطقم الكنب ..ويدري فيها انها تحبها موت ..بغت تنهبل عليها يوم شافتهااا ...وعاد انتم تعرفون عقلها الخفيف ...تقرب منها بسرعه ...وسحبها وعلى طول... رفعها ونزلهاعلى الارض باقوى شيء ....وهويصرخ بصوته كله:ياليت انك مكانهااا
وتقرب من الباب بتهديد اطلعي بس
واتجههه لغرفته معصب حده
رهف
سمعت تهديده اااخ يممممه وش كسرر ...نفسي اعرف ..معقول السيفرر ...اااه لايكون سحب البلازما... وكسرها يسويها المجنون ....
لا لا ماظن تصل لكذا اجل ...انا وش حاطه ...في الصاله قابل
للكسرر ....ناظرت مشعل ....وهو ييتبسم مدري على وشهوو..ابتسمت : على وشهو تضحك ي قلب امك
ولا مبسوطه من المغامرة اللي عايشه معي
لا لا لا تذكرت ان ..مافي مويه ساخنه ...لمشعل عشان رضعته الله يسترر... لا يفك فمه علي اللحين ..وش يسكته ذاا ...بسرعه

رحت لجوالي وفتحتته ..وانتظرت شوي ودخلت الرقم السري وفتح على طول. .جلست انتظر شوي ..شفت خدمة موجود من تركي ..هههههه بعد مارسلت له ...شفتوا كيف ذكيه قفلت... جوالي لاني حاسه به ...اقول بلاغباء ....الرجال عندك ...ومتحلف فيك يالذكيه انتي ...ياربي ابي. اطمن نفسي شوي ...ولا كمان كملت بتمثيلي عليه شفت .....الساعه في الجوال .....اخخخخ لسى بدري حتى ماوصلت 12 ...
صعب حبسي ...لما الفجر وذا معي ...ياربي انه ينام وراح ادبر نفسي بعدهاااا ....جلست العب في الجوال . بعد نص ساعه .رميت الجوال بطفش وانا اقوم اشحنه اوف وقته يفضى ...اخذت مشعل اللي بدا يتنكد ي سلام وقتك الحين.... ي ولد ابوك ..تتطنقر ..اكيد جيعان ويبي ينام ....
..اخخخ وش اسوي ...خليني اقوم قبل... مايفتح فمه علي
...وقفت وتسحبت بشويش وانا اتسند على الباب ابي اسمع له صوت في الصاله
بس مافي صوت كان ..فتحت الباب وانا احاول ماطلع صوت ..
طلعت راسي اتلفت يمين يسارر ادور ..عليه ...مافي احد وباب غرفة النوم مفتوح ....ي سلام وينه ذا ....لا يكون في المطبخ ...لا مافي صوت شكله ...نزل عند اهله ايه اكيد ...
تذكرت اللي كسرها لفيت بسرعه اشوف شهقت بقوه ....
وقهرر اأااه وانا احط يدي على فمي ااااه ليه كذا هذي تحفتي

اذكر يوم شفتها بغيت انهبل من حلاتها....ياليتك كفختني ..ولا كسرت تحفتي حبيبة قلبي ...لا وش يكفخني تحفه بدلها تحفه
...بس احوبهااا ....يلله خليني بسرعه... اروح اسخن مويا

وبعدين عندي ...وقت عشان ابكي... واحزن على هذي المغدوره
حسبي الله عليك كان كسرت التي في ابرك ..يالوحش
ماحسيت إلا بصوت ..وراي فزيت بخوف ...لفيت بسرعه وناظرته رجعت شهقت بقوه لما شفته... حسيت بنظرات السخريه في وجههه
تركي
اللي قام يدور شيء يأكله في الثلاجة سمع صوت باب غرفتها ينفتح ...حاول مايطلع صوت عشان يصيدهااا بس لما شافها طولت تقدم من الباب حق المطبخ وتكى عليه ويشوف ظهرها وهي تتحسر ع تحفتها الغاليه ذي قال بسخريه: لهالدرجه غاليه عليك بس ماسمع منها إلا شهقات وراء بعض صدق مخفه
رهف
بعد شهقت الخوف اللي طلعت مني رجعت اركض للغرفه بسرعه واقفل على نفسي
تركي بقهرر رفع صوته:استهبال اخر عمرنا
رهف
بقهرر وهي تسب فيه
قالت بصوت عالي :آخر عمرك انت يالشايب
ووتكلمت بجديه ابيه يسمعني ترى مشعل جوعان ومو وقت
مشاكلك الحين
ابي اطلع وياويلك تتعرض لي فاهمه واني مسويه بطله ومن داخل ابي اموت بس قويت نفسي زيادة
فتحت الباب بقوه ...وش بيسوي يعني... شفته لسى واقف مكانه

ويناظرني..... اعطاني نظره.... مثل اللي مستخفبي
وتحرك وهو وداخل غرفته وقال بكل جمود : سوي سحور بدل شغل الاستهبال ذا
رهف
سبيته مية سبه شغل استهبال شايفه قول رعب ...عقدتني صرت بس مطيورة ...إطامر هنا وهنا ..خوف منك ..ولا خوف لايدك ذي ..الحديد تصل ...وعليها لو تبي تصل تصل ...مايردها شيء يجعلها للكسرر ... تذكرت ميمه يوم تقول لاتعاندي ولا تهاوشي سوي اللي يبه منك ...حتى تتطلعي من عنده ...ايه اروح اسوي له ...وكمان ماراح اتكلم معه ...ولا شيء ...بس عشان انفك منه بكراا بس كيف اطلع ...وهو بس مسنتر هنا ..ماعليه ميمه قالت تبي تتدبرهاااا...سويت رضعه . ورجعت الغرفه ...وحملته وانا اضحك بخبث اوديك عند بابا خليه يودعك هههههه. .

واتجهت للغرفته وفكيت الباب شفته نايم على بطنه ...
تقربت منه ...

تركي
حس فيها لما دخلت ...استغرب وش جايبها هناا ..فتح عيونها
ورفع راسه شوي ....وناظرها
رهف نزلت مشعل وخليته عنده و ببرود: خله عندك انا موفاضيه ابي اسوي لك سحورر على انه بدري لسى ماوصلت وحده
تركي
عدل نومته ورفع راسه ...وتكى على يده وهوو.. يقرب مشعل

منه ويمسك له رضعته
رهف بسخريه : انتبه له يالداده
تركي رفع حاجب : سخيفه
رهف
اعطيته ظهري وانا مطنشه ...طيب راح تعرف ..وش وراء السخافه ..والله لا اخليك تتدورني ماتحصلني ....
غبي لو تدري وش قصدي بحركتي ابيك..... تتطمن من ناحيتي وابيك تودع ولدك .....اللي ماراح تشوفه..... إلا بالحسره
...دخلت المطبخ جالسه .....اطبخ وانا بالي بعيد
كيف ...اطلع من هنا ...ياخوفي ...قبل طلوعي ..يسيل الدم من ...من عصبية تركي ....والله مايسكت ...انا عارفه
وعندي فضول اعرف ميمه لااايش مخططه يوم سالتها عيت تقول ....حضرت السفره ودخلت لهم شفتهم نايمين الاثنين بهدوء
وتركي كان ....حاضن مشعل .....بطريقه كأنه حاس انه بيفارقه ...
حسيت بحزن على منظرهم بسرعه رجعت طلعت جبت جوالي ... وانا اصورهم كذا صوره ...مدري ليه سويت كذا احس بشي من شكلهم مع بعض تحرك في قلبي ......
بعدها حطيت جوالي على التسريحه ...وانا تقرب من من تركي
وقلت بهمس... مدري وش فيني ...احس بشي غريب ....
احس بحزن كذا دخل قلبي ..فجأة.بس سبيت نفسي هييي وش

فيك..نسيتي ذا مين ايه صح ذا اللي عذبني ....
رجعت لورا شوي وقلت بجمود: قوم اطفح

ماشفت من استجابه الرجال نايم تقول له شهررر مانام ..
يستاهل مغربل عمره ومغربلنا استغفر الله بس
قلت بحده وانا امدي يدي على كتفه : هههييي قوم كل
ترى مافيني اسخنه
تركي فتح عيونه غصبب ااااه صحته من احسن نومه
قال بصوت ثقيل: دقايق بس
رهف وهي تناظر عيونه حمرر قالت بطفش: شوف مثل ماقلت لك مافيني اسخن وبعدين مو حلوو الكبسه تبرد قوم
تستاهل انت استعجلت على السحورر

تركي سحب يده بخفيف من تحت مشعل : ويناظره :خليه ينام معي
رهف بسرعه: لا مستحيل شوي ويقوم يبكي تعرفه انت لازم اكون جنبه
تركي وقف وتقرب منهااا وقال وصوته في النوم:كمان انتي نامي معي
رهف بعدت بسرعه عنه وانا اعطيه ظهري : ابشرر ماطلبت
اليوم انت تامر امرررتدلل بس
تركي هز راسه وعجز يفهمها صدق غبيه كل ساعه تعيشه في
جووو مره اكشن ومره غباء ومره مايدري وش هي تفكر فيه
قال ببرود: الحمدلله والشكر بس
رهف
سحبت له الكرسي كله ذا واشوف كيف مستغرب هههههه
حبيبي بس عشان آخر يوم .... قلت بهمس: تفضل

تركي اتجههه لمغسله يغسل وجهه من ثاني قال بصدمه: هييي انا

احلم ولا وشهووو
رهف
طنشته وسحبت لي كرسي
وغرفت لي وجلست أكل بهدوء وبعدها هو جلس لما ماشاف مني جواب جلس يأكل ناظرته من طرف عيني ...شفته ماشاءالله جالس يغرف مره ثانيه الرجال جيعان ...ولا اقول لكم حاس انه اخر مره يذوق طبخي ...قلت بغموض: وش رايك
فيها
تركي رفع راسه وهز راسه انه مو فاهم : وشهوو
رهف ببرود: الكبسه
تركي رجع نزل راسه للصحن : الموجود
رهف بسخريه : يعني ماحبيتهااا ومشي حالك
تركي بدقه لها: اصلا كل شيء في حياتي مشي حالك
وانتظر الأحسن
رهف خبيث من جددد يبي يعصبني قلت بقهرر :الله يعنيك مشورك طويل
تركي برفعة حاجب وببرود : ربي يسهل
رهف
هزيت راسي بهدوء وقفت ووانا ادف الكرسي بقوه
تركي ناظرها وهو منزعج راسه يعوره وهذي زودته قال وهويهز راسه: استغفر الله
رهف وهي تغسل الصحن :الف من ذكره
تركي وقف

وغسل وشرب ماي وهوو يستغفر الله ذي شوي وتجننهه
اول مسويه تبي تموت منه خوف والحين تناظرني بعين قويه

قلت ببرود : خير وش عندها الاخت خابر ان نلعب قط وفار
رهف ضحكت من قلب على التشبيهههه قلت وانا اضربه في كتفه : حلوه من متى تعرف تنكت
تركي بنص بأبتسامه: لا ي شيخه
رهف
حسيت قلبي يدق مع ابتسامته
تقربت منه وقلت وانا اناظر عيونه بهمس : دور معي ذكرى حلوه بينا
تركي مو فاهم وش تقصد بس قال بسخريه: افااا هذا كله ومو حلوو إلا كلها ذكريات يحبها قلبك تذكري اللي تحبي انا ارجع انام لي قبل الصلاة لان لي يومين مانمت زين
واعطاها ظهره وهو يتسخف فيها وفي حكيهاا
رهف
بهدوء ناظرته وهو طالع تتمسخر على راحتك.... وكثر كمان صدقني راح تندم
دخلت بعده وشافته... معطيها ظهره ماتدري صاحي او نايم..
اتجهت لدولاب وطلعت لها قميص نوم ..ودخلت الحمام الله يكرمكم ...بسرعه أخذت شور من ريحة الطباخ ...
ونشفت جسمهاا ولبست وطلعت وهي تتقرب من التسحريه وسحبت عطرر ورشت منه شوي وتقربت من السرير و
جلست بجنب ولدهااا ...وتفكر هذا آخر يوم لها في الغرفه ...
و هي تناظرهااا رجعت ناظرت ظهر تركي ...قالت بهمس اخر
يوم ...ليتك تروف فيني .. ...اوف وش فيني .مشاعري متضاربه الليله .مفروض افرح وارقص كمان اخيرآ راسي بينرفع واسكن في بيت ابوي بناه

ويكون لي انا ...محدن يهددني ولا يتفضل علي ورجعت ناظرت تركي بحزن حتى انت معاد لك ..كلمة علي وعقبال.. طلاقي منك اكون خلاص... مفتكه من الخوف ....والقلق اللي عايشته ...
تركي
بحده: قفلي النور
رهف ببرود: خلاص لاتنام باقي ساعتين وياذن
قلت كذا ابي اسولف معه الحين فعلاً صدقت ان مشاعري متناقضه بقوه بعد اليوم
احساس غريب ...المهم ابي اكون معاه وبس
قال بحده اكثر من اول:قفليه بس راسي يوجعني
رهف مديت يدي على راسه وانا متردده و بهمس: وين الوجع
تركي انصدم معقول وش عندها اليوم ذي قال بهدوء عكس حدته اللي قبل : كله يوجعني وفتح عيونه وناظرها وقال بهمس انتي السبب في وجعه
رهف ابتسمت : آسفه اذا وجعتك ..
تركي بسرعه : آسفه يعني مو زعلانه
رهف ابتسمت بحزن لاني ناويه انتقم منه ولا ابي الذكرى الحلوه اللي ادور عليهااا قلت بهمس : مافي وقت عشان ازعل
تركي بعدم فهم: واشلون وقال بخوف: ليه تقولي كذااا تعبانه شيء ..

"""""""""""""""""""""""""""""
"""""""""""""""""""""""""""

 

"""""""""""""""""""""""""""""""""""""""""""""
"""""""""""""""""""""""""
بيت ابو غسان
غسان بطفش وهو يسمع كلام امه وهي تسب فهيم: خلاص يمه
البنت موافقه وتبيه
ام غسان بعصبيه: تبن فاهم
غسان: استغفر الله بس تونا فاطرين يمه
ام غسان بعصبيه: شوفووا كيف من امس ماجاا ولا يرد على اتصالي جالسه أكل في نفسي
غسان بقلق: اللحين اتصل عليه
ام غسيان بقهر: مافي شيء ابو سبع ارواح بس يحسب بهالطريقه انه يقهرني ويبي يمشي كلمته علي
غسان طنش حكي امه ودق على ابوه سمعه يرن
رد عليه بعد ثالث رنه: هلا يبه
ابو غسان وهو في البيت الثاني:هلا فيك
غسان يناظر امه : يبه وينكك امي قلقانه عليك
ام غسان بعصبيه وهي تسحب الجوال منه وبصوت عالي:كذاب ابيك تجي عشان ترد لهم وتقول خلاص شوفوا نصيبكم
ابو غسان بحده : شوفي اقسم بالله سارا ماتكون لغير فيصل إلا لو رفض هوو مايتمم الزواج عاد هذاك الوقت مااااغصبه
ام غسان بصرخه:ايششششش وتحلف كمان
ابو غسان بعصبيه: وكلمه ثانيه في هالموضوع اعتبري نفسك مطلقه
ام غسان فتحت فمها بصدمه وهي تناظر غسان: تتطلقني عشانه
غسان انفجع من كلمة امه وبصرخه: ايشششش
ابو غسان وهويسمع صرخة غسان قال بسرعه قبل
مايقفل:ماطلقتك ي مره قلت لو تفتحي فمك ولا تعترضي

ام غسان بقهر : كل مثل بعض وقفلت في وجهههه
غسان رجع دق على ابوه وهو معصب ماتصل لهالدرجه
يعني خلاص قلنا يحب فيصل بس مايضحي بزوجته عشانه لما فتح الخط قال بزعل: يبه الله يهديك وش سويت
ابو غسان :ماسويت شيء ماغير هددتها لو اعترضت بس انت تعرف عقل امك يحرف كل شيء على كيفه وانت خلك من امك راح تدمر حياتك
غسان في نفسه هي متدمره بما فيه الكفايه قال بهدوء: يصير خيرر يالله مع السلامه
قفل الجوال ونزله ومد يد ه لكتفها وهي جالسه تبكي وقال وهو يحاول يهديها يكره هالحظات لما يكونوو متشادين هي وابوه :يمه حبيبتي مدام سار موافقه وابوي خلاص يمه ارضي
ام غسان تحس نفسها مجروحه: تصدق ماعمره هددني بالطلاق كم مره تخاصمنا انا وهوو وكم تزوج علي بس ماعمره هددنني احس اني مجرومه اكثر من اول منه وجعني ابوك كثيرر
غسان ضمها لصدره وقال بهمس: كلنا مجروحين وموجعين
ومانعرف نتصرف كمان
ام غسان حست ان كلامه له مقصد فكت نفسهااا عنه وتمسح دموعها وبشك: ليه عنود ماجت تفطرمعك
غسان ببرود: بيت اهلهاا
ام غسان مستغربه: غريبه ماعزموك معاهااا شكلها بايخ
غسان يالله بديناا قال بهدوء: خلاص يمه انا وعنود شكلنا نبي ننفصل
ام غسان بعصبيه اكثرر : ايششششش لعب اطفال هووو
غسان انصدم من عصبيتهااا : هذا اللي يبي يصيرر يمه ومافي
غيره مع الأسف
ام غسان بعصبيه اكثرر: اقول انقلع روح جيب مرتك وخلك عاقل ولا تصيرر مثل ابوك
غسان لا لا لا اللحين فعلاً انصدم امه تقول كذا طيب ..مين اللي ..تبي منها الفكه كان. .ودايم تحرشه عليهاا..حس نفسه عاجز يفهمهااا ..قال بحسره: ي ليته كذا يمه
ام غسان وقفت وهي متنرفزه: وين الجوال ادق انا عليها اللحين
غسان وقف بسرعه ومسك يدهاا : يمه ماينفع بعدين مو انتي دايم تقولي ما تصلح لي وتتدوري لي مره مدري بنت خالي
ام غسان بصرخه : غبي هذا كله سوالف كذا بس من قهري انها رفضتك إلا وش ابي فيها عشان تتطلق واسمع مني ماااكره إلا اللي توافق على واحد متزوج من كثر مابوك عقدني
غسان بعدم فهم: يمه خلاص والله عجزت ارضيك انتي كل مره شيء خلاص البنت مثل ماقلت ماننفع لبعض
ام غسان بدقه له:اقول ناظر نفسك وانت تقول بس هالكلام شوي وتبكي روح زين
غسان سكت صادقه امه ...لما يحس انه عنود ..ماراح تكون في حياته ..يحس بقهر وبحزن ..بس شكل كذا نصيبهم لما هنا وبس ..
ام غسان رجعت جلست قريب منه وهي تكلمه بهدوء: يمه
من غير ماسألك وش بينكم انا مستعده اروح لاني حسيت آخر مره زودتها بالحكي بس كذا اشوفها انقهرر مدري وش يحصل
فيني
غسان ضحك بسخريه على كلام امه الاخير: تنقهري لما تشوفيهااا اجل مثل ماقلت لك ان ماينفع
ام غسان بعصبيه: بلا في شكلكك ماسك على هالكلمه غبي
انقلع روح راضى زوجتك وفارق عني إذا تبي تخدمني فعلاً فك
اختك من عريس الهم بس هاد اللي ابيه
غسان يذكرها: هااا يمه ابوي ايش قال
ام غسان بقهرر: عمي في شكلك وشكل ابوك خلني اروح اخذ لي شور واروح عند منصور وزوجته من امس عنهم
غسان ضحك من قلب على امه امرها غريب تبي تزوج طلال على اخته مرته الصغيره وماتبي تزوج ساراا من العائله هذي من جد محتار وعجز يفهمااا
شاف طلال نازل وهو متكشخ : وين
طلال وهو يضحك وحاب يقهره: شوف موو زوجتك مطنشتك تقوم تجلس لنا هنا وتحققق مع الداخل والخارج
غسان بقهرر: مين قالك
طلال وهوو يناظر عمره في مراية المدخل: الماما
فديتها لا تخبي عني ولا اخبي عنهاا شغالين انا وهي ناقلين حكي لبعض الله يطول في عمرنا بس
غسان كان معصب بس لما سمع كلامه الاخيرر ضحك غصب : الله يعينكم
طلال بدلع يقلد ساراا: هاااااي
غسان بقهرر: ي الغبي الحين طالع ولا داخل عشان كذ تقول صدق فاهم غلط ومع القوم
طلال وهو يضحك على عمره : افاا مايقولوو كذا أجل وشهوو يقولووو لما يخرجووا
غسان بأبتسامه على استهبال أخوه: قول مع السلامه افضل
طلال وهوو يقفل الباب وراه بقوه وقال بصوت عالي : مولازم
روح لعمود وطيب خاطرها بكلمتين تراهم خبلان البنات يصدقن ع طول
غسان

ضحك بسخريه على حال اخوه بس والله احسن من حاله اللي منكد على عمره مفروض يسوي مثل طلال عايش يومه ولا يفكرر امااا اناا جالس معذب نفسي على وحدة ااااه مدري وش تقول عني اللحين ...مثلها في العناد ماشاف ولاراح يشوف ..صدقت امه ..يوم تقول خلك قد الكلمه
يوم تقول نفترق ..هز راسه بتعب وبهمس.. اطلعي من راسي تعبت ....

:
:
:

بعد صلاة التراويح
رهف
تعبت اقنع فيه ان ننزل ي دوب نزل صلى ورجع سنتر هناا ..وهو رافض جالس يكرر كلمة عريس ومفروض مااننزل حزنت عليه بس حاولت اقسي قلبي شوي عشان اعيش وراسي مفرفوع ..
قلت له بهمس : لازم يالعريس ننزل بعدين وشهوو عريس شوف كم لنا متزوجين هذي السنه الثانيه جايه لنا وبدقه له ولا انت بس نفسك تصيرر عريس من كثرر ماا......... وسكتتت عشان ماتخرب عليها
تركي فهم عليها وابتسم : وش اسوي من فرحتي احس كذا وهو يرجع لها دقتها وهو رافع حاجب والبركه فيك
رهف ابتسمت لها وانا اوقف واسحب يده : يالله قدامي بس
تركي زفر بضيق وهو يوقف معاهااا : اوف يالله مدري وشهوله مصممه ننزل تتهربي مني صح وهو يغمز لهاا بس وراك وراك وين بتروحي مني يعني
رهف
ابتسمت له بدون... مارد عليه ...اصلا الكلام ضايع مني
مدري وش اقول........ بعدهاااااا
نزلنا بيت خالتي نتقهوى ..حسيت تركي مبسوط .حيلل..
ناظرت جدتي ..وانا احس بتوتر. .. شفتها تتطمني وتتبسم لي ..حسيت بخوف بس ناظرتها مثل اللي اقولها لازم اقول
لتركي.... صعب طلوعي.. من البيت وهو مايدري ..عارفة بيقلب البيت علي ..ويمكن اروح فيهااا .. وميمه تعصب علي
.بس هذا اهون ..اني اطلع وهو ماعنده خبرر..وقبل كل شيء مايجوز ...وابي اعيش مرتاحه مابي اعيش ...وانا الوم يرجع لي وبعدين مثل ماقلت من توو لازم اقول له قدام الكل بس ماحسيت بنفسي إلا اتقربت من ميمه ..وقلت بصوت شوي ..عالي عشان الكل يسمع:يمه متى جاي أحمد احسها كذا طلعت مني مقدرت اقول غيرر كذا

تركي وهو يتقهوى رفع راسه بصدمه: وليه تسالي عن أحمد

رهف بهدوء ظاهري عكس اللي تحس فيه: لأن أحمد بيودينا بيت ابوي
ام فيصلل بعصبيه ناظرت امها : اي بيت تتكلمي عنه وهي تناظر امهااا
تركي
حس نفسه مصدوم وتوتر من حكيهاا قال بقهرر: اجلسي تقهوي بس وبلا هياط
رهف هزت راسها بأبتسامه حزن: ابي اجلس اتقهوى وبعدها تكفى ي تركي ماتتعرض لي ابي ارتاح وناظرتهم كلهم شافت الصدمه في وجهه البنات وقالت بحسره:حرام ارتاح قولوو لي

تركي حس بقهر من حكيهاا بس مايبي يعصبب يحاول يمسك نفسه عشان ماتمسكها حجه عليه بحده: وش حنا مسوين لك عشان تقولي ابي ارتاح وبعدين وش صار اللحين مو كنا حلوين
مع بعض ايش صار اللحين مني

رهف ناظرته وضحكت بسخريه : اكيد تمزح صح معقول مو عارف وش بينا خلاص تركي قلت مابي اتكلم ابي اروح بيت ابوي بس
الجدة خافت لا يعلقوو في بعض:خلاص قالت لك تبي تروح بيت ابو هااا فتره بس اوعدك ترجع لك البنت نفسيتها تعبانه ولازم ترتاح
تركي ناظرهاا بقهر: اي بيت يمه تقصدي انتوو من جدكم تحكوا
الجدة بقهر مسوي مايدري:بيت عمك ولا تسوي ماتدري به

تركي ضحك بسخريه : قصدك بيت بنتك
وناظر رهف طول عمرك بتصيرري كذا عاله
الجده بصرخه: هاا اسمعوو والله ماتستاهل تجلس عندك دقيقه

رهف
ناظرته بصدمه ..ماتوقعت تسمع هالكلمه ...منه بذات في هالوقت قالت بهمس : قصدك كنت عاله بس الحين لا ابي اسكن في بيت اكون رافعه راسي ومحدن مع كل مشكله يهددني ويمن علي وكملت وهي تتبتسم : خلاص لا تقلبها نكد هذا اخر يوم لي هناا وهي تقوم من عند جدتها وتجلس على نفس الكنبه اللي جالس عليها
تركي وقف بسرعه : خلاص روحي مكان ماتبي ماراح اتعرض لك لا تخافي والطلاق راح يجيك في اقرب فرصه اذا كان ماتبينا حنا مانبيك واعطاهم ظهره وطلع لشقته وهو معصب حده
رهف
وقفت بسرعه ومشت معاه تبي تفهمه انها تبي تتطلع من هنا مافي احد زعلان منهااابس ماعطاها فرصه و طنشها وركب شقته وقفت عند الباب ورجعت
ناظرت اللكل بحزن ماتدري ....وش تقول حست... انها راح تصيح بذات لما .. عنود بكت بصوت عالي و تقربت منهااا وجلست قالت بهمس وهي تضمها:ليه ي ماما تبكي
خلاص مفروض تفرحي بنتك عندها بيت

جوري
تقربت منهم ...وهي تفك ... رهف من عنود وتضمها وتبكي : تكفين ماتروحي تكفين والله تركي يحبك
شفتي وجههه كيف عصب وشفتي كيف طلع
رهف
بكت معاهم صعب... فرقاهم بس غصب ...عنها هذا مفروض ..من زمان ..لازم تعز نفسها خلاص ..كفايه ذلل ..وبعد كلمته الأخيرة..والله لو ايش ماتجلس ..انهى كل شيء .. توجع كلمته حيل ياليت طلعت قبل ماتسمعها عاله ي تركي عاله

ام فيصل ناظرت امها بزعل : ليه يمه كذا
الجدة بصرخه: لك عين تسالي ليه ي بنت ابوتس عارفه
وش يسوي فيها ولدس كل مره قاهرها بشي لا والله ماسكت على الظلم اذا انتم نفسوكم كذا انا غيرر
ام فيصل وهي تبكي: يمه انتي بسواتك ذا قسم بالله يمكن تركي
واحمد يتذابحن
الجدة : هذا همتس بس عوالتس غيره لا

شوفي المسكينه ذي
ام فيصل وهي تناظر رهف : والله انها من غلاة عيالي

الجدة بقهر : روحي زين تفتكري ماحزت في نفسي يوم وقفتووا مع عنود كلكم صفتن وحده ورهف على طول ولدس يكدر عليهااا محدن في صفها اللي عليكم بس تصبروهااا بس بنتكم قيمتو الدنيا وقعدتوها ومسوي يفزع خليه اللحين ينثبر مكانه بحسرته

ام فيصل
ماحبت كلام... امها بهالطريقه تسوي حساسيه ليه ..كذا والله انها تحب ...رهف بس ماتقدر توقف ...في وجهه تركي ...لانه لا عصب شين واذا حط شيء.... في راسه يجيبه ...ولسى حتى اللحين مصدومه... من بروده اللي من توو ..افتكرته يفجر في البيت كله ...يوم رهف قالت كذااا ...وقفت وقربت من رهف
وحطت يدها على كتفها بحنان وبعدها
ضمتها بقوه وهي تبكي : والله يمه احبك مثل بناتي

رهف وهي تبكي :حتى انا ي خاله والله اني اغليك مثل امي وآسفه اذا غلطت عليك في يوم
ام فيصل بكت بقوه من كلامها تتأسف هي وهم اللي غلطووا عليهاا يكفي وقوفها مع ولدها وهي تشوفه يظلم فيهاا ضمتها بقوه وبهمس:انا اللي آسفه يمه
عنود وقفت وسحبت رهف وهي تترجى فيها: تكفين رهف
ماتروحي انا بدونك مقدر اعيش والله مقدر اعيش

رهف مسكت وجهاا بحنان وبهمس: انتي ربي يسعدك مع زوجك ونصيحه لك لاتخلي المشكله تكبر بينكم وتصيري مثلي

خلاص حاولي لوو جاا واعتذرر كبري عقلك ولا تندمي مثل حالتي وشوفي لوين وصلنا الفراق قدامنااا بس خليه يتأدب شوي عشان مايفكر يمد يده ترا توجع حيل وتكسرر ...وانا اقصد نفسي
عنود : خليك مني
جوري بسرعه قاطعتهم بفكرتها: اسمعي مني معي لك شورر واكيد اللكل بينبسط فيه مدام تبي تبعدي عن تركي تعالي اجلسي هنا عندنا موولازم تسكني معه في نفس الشقه الله يخليك رهف

رهف ناظرتها وانا دموعي تنزل : صعب صعب ي جوري ابي احس ان فيه شيء لي واقدراسوي اللي ابي فيه
مو طول عمري احس نفسي عاله كررت كلمة اخوهم عشان محد يحرجني عاد
اللكل سكت معاد تكلم قلت بتريقه عشان اخفف الجوو اللي كله صياح : انتبهووو لمشعل حتى اروح اشوف العنيد
واودعه
ام فيصب بحزن :روحي ان شاءالله يقدر يقنعك بس
رهف
ضحكت بسخريه ..ههه يقنعني ..الله يسترر ...لا يذبحني والله

عارفه وراء ....سكوته شيء ....إلا تركي مستحيل يسكت كذا
طلعت ودخلت ...الشقه دورت ..حولي ماله أثرر...في الصاله ..معقول دخل ينام ...غريبه اتجهت لغرفة النوم
شفته نايم على بطنه...ويناظر بحمود ..حوله. ادري اذا سوى هالحركه ادري ..انه زعلان حده ...تقربت منه ...جلست وحطيت يدي

على كتفه وقلت بهمس: .معقول زعلان على روحتي مفروض

تفرح ويمكن تحصل اللي توافق عليك إذا بعد النحس على قولك ..وهذا انا ابعد بكلي عند طريقك وعن حياتك مفروض تشكرني

تركي وهو على وضعه من غير مايلف لها : خلاص روحي بدون كلام
رهف وانا اسحب كتفه ابيه يلف لي : طيب ابيك تناظرني
تركي بحده : خلاص رهف روحي

رهف بضحكة حزن : افااا مستعجل لهالدرجه
باقي ترى ما قال أحمد لميمه يالله
تركي لف بقوه وعصبيه:متفقه كمان هاا ومن وراي ي رهف
وبصرخه تلعبي علي لاتفتكري نسيت ليلتك امس معي واليوم تبعدي كذا وانا ماسويت لك شيء

رهف
وانا مقفله عيونه من عصبيته وصراخه اااه اكره لما يصيرر كذا قلت بعجز منه : كنت حابه اطلع وبينا ذكرا حلوه

تركي ضحك بسخريه : وشهووله هاا قولي
هالذكرى رهف خلاص ابعدي عني وعلى قولك خلي آخر شيء ذكرى حلوه وبسخريه اكثرر ولا مميزه على قولك

رهف تقربت منه واناا اضمه ودخل وجهي في صدره قلت وانا ابكي :لا كذا تصيرر احلى واحلا
تركي
بعدها عنه وهو شوي ودموعه تنزل من قهره ومن اللي يحس فيه قال وهو ماسك نفسه غصب: رهف خلاص انتي خطططتتي وووونفذتي تحملي أجل
رهف بزعل بعدت نفسهاا: لهالدرجه كاره قربي
اوك على كيفك بس تكفى لا تتفكتر اني لعبت عليك في لليلة امس والله كان احساسي صادق معك

تركي بقهر لما تكلمت عن كذبها عليه : خلاص عارف اني كنت مغفل وانتي ناويه نيتك وبصرخه بس ياليت تروحي الحين مابي اشوف وجهكك

رهف هزت راسهاااا : اوك خلاص لاتعصب
وقامت وقفت وسحبت الشنطه بس شافت انها ماراح توسع اغراضها.. كلهاااا وفتحتها اخذت.... ملابسها اللي قدرت عليه واكيد الباقي... تكلم البنات يجبونها لها ...فتحت الدرج واخذت الصندوق وفتحته طلعت ..علبة الطقم ..اللي اعطاهاا هوو يوم
ولدت بمشعل ناظرته جالس يناظر فيها بقهرر حاسه فيه..شوي وينفجرر الله يسترر بس ...بس مهما كان.. حتى لو غلط عليها
اليوم ...هي مستحل ..تغلط عليه ولا تفتح فمهاا ...تبي تتطلع من هنا وهي ...مو غلطانه ...في احد حتى لو تركي ...
قالت بهمس : للمرة الثانيه اقولك شكراً وتراه غالي علي حيلللل

تركي
من اول يناظرها وهي.. تاخذ اغراضها ...واللي قاهره اكثر انها ..تخطط مع جدته واخوه ..من وراه ...خلاص مستحيل عاد ...يغصبها على العيشه معه ..ويشوف كذا افضل كمان ...مالنا نصيب مع بعض ...لان مافي يوم مره علينا مثل اي زوجين

طبعين إ.لا لحظات بسيطه بس تنعد ....قال وهو رافع حاجب : قلتي غالي
رهف هزت راسها بقوه وهي تبتسم له : بقوه والله
تركي
طنشهااا ورجع انسدح بقهررر ...كان نفسه يقولها ...رهف اجلسي واسوي اللي تبيه بس غروره ماقدر يخليه.. يترجاهااا ...بذات باحساسه ..انه مغفل ..يحس انه مجروح.. يالله خلي احمد ..وميمه ينفعونك ..تذكرر عيال خاله زفر بضيق بيت ابوها قريب منهم حيلل ....بينهم حوش بس ... هو واثق من رهف... مستحيل تتطلع او تعرض نفسهااا ..يحس بندم ...على اللي عيشها فيه ...ياليت الزمن يرجع فيهم ااااه ....بس خلاص ماينفع شكل هذا طريقنا ...
وقف بسرعه وقابلها قال بحدة : اجي ماشوفك فاهمه
رهف ناظرته بحزن : ابشرر
تركي مسك كتفها وبقهرر تقرب منهاا: ليه كل ذا

رهف بهمس:لازم كذا يصيرر تركي
تركي وده ينفجرر ويذبحها ويذبح اخوه أحمد: لازم
رهف هزت راسها بهدوء وهي تناظر عيونه: ايه
تركي بقهرر: من وراي صغرتيني كثيرر قدام احمد
رهف بهمس : غصب عني من حر ماجرالي والله
وسكتت ماتبي تنكد على عمرهااا خلاص تركي خلنا نطلع وحنا حلوين مع بعض
تركي اعطاها ظهره وقال قبل مايطلع: مثل ماقلت لك اجي مااحصلك واعتبري طلاقك في اي وقت يجيك ومصروفك ومصروف مشعل يجيك كل شهررر وناظرها بسخريه لاتفتكري كمان ابوك عنده كان راتب حكومي

هف
سكتت ماقدرت تقول له شيء تدري انه يجرح فيها حيلل
بس خلاص ماتبي تسوي شيء غيرر تتطلع من هناا
تركي رجع ناظرها برفعة حاجب: لاي شيخه مسويه حزينه كمان هز راسه
ويناظرها من فوق لتحت بنظرات تحقيرر لهااا زفر بضيق وطلع
وقفل باب الشقه بقوة
رهف
هزت راسها بحسافه هذا ماينفع فيه شيء. .توقعت اقل شيء يقنعني اجلس ... او يسوي اي شيء ..مو كذا .. ببروده حتى يقتل
قفلت عيونها من قفلت الباب ضحكت بحزن ... راح يوحشني هالصوت

رجعت ترتب اغراض مشعل واغراضها
اخخخ مين يأخذ هالاغراض كلها سحبت جوالي ودقيت على جوري تجي تساعدني شوي
شوي وجوو عنود وجوري مع بعض
عنود تقربت من رهف وهي تبكي : انا محتاجتك كثيرر ي رهف
رهف مسكتها: وانامحتاجه احس بعزي ي عنود
عنود ضمتها بقوه وهي تبكي: ابي اروح معك اليوم انا مستحيل اخليك
رهف بفرحه: ياليت والله
جلسوو يساعدوها في تجميع وتنزيل اغراضها
رهف
شفت البنات ياخذن اغراضي وينزلنها

جلست اتفرج في الشقه وانا اودعها بدموعي صح ماشفت فيها يوم حلوو بس احبهاا ...ناظرت غرفة الحريم اللي ياما جلست

فيهااا وشهدت على دموعي ...
لبست العبايه ونزلت تحت
شفت خالتي تلبس ميمه العبايه
وهي زعلانه حيلل تقربت منها : تكفين لا تزعلي مني
الجدة وهي تمسك رهف : امشي بس قدامي وهم هايبكوو شوي وينسووا انتي اهم شيء ترتاحي
ام فيصل : الله يهديك يمه نفسي اعرف ليه كذا تسوي
الجدة طنشتها وهي تمسك يد رهف
رهف : اوك ميمه عنود جايه معنااا

ام فيصل : ايه يمه روحي معاهااا وكمان اكون مطمنه عليكم
رهف
اخذت مشعل من جوري وهي تبكي وتبوس فيه قلت بأبتسامه:افاا اللي يشوفكم يقول مسافرين من الديره كلها ربع ساعه وانتوو عندي
وسلمت عليهم وطلعت لما سمعنا احمد يصيح علينا من الدرج
شفت قدامي تهاني وهي لابسه العبايه تقربت مني وضمتني قالت بهمس: كلنا معك في الللي تختاريه اهم شيء تكوني مبسوطه
وبضحكه واليوم جالسين عندك ي عسللل
رهف
ابتسمت لها وانا امسح دموعي اللي نزلت غصب عني
ضميتها وانا اشكرهاا
ومشينا كلنا وركبنا السياره وانا تلفت ابي اشوف تركي
نفسي كذا اشوفه قبل مااطلع بس خاب ظني
كلمت عنود بسخريه: شكل بيت ابوي بيصيرر للي زعلانين من رجالهم

عنود تنهدت : شكله
سكتتت وانا اناظر احمد يحمل اغراضي ويكلم خالتي عند الباب البيت مدري وش يقول لهااا
عند تركي
اللي طلع معصب
مايبي يشوفها... وهي رايحه لكن ..متحلف في احمدد
جالس يدورر في ...الشوارع كذا بدون هدف... بس بسرعه لف سيارته وتوجهه لشارع ...بيتهم وهو ناوي على احمد

بيقتله اليوم وصل وقف سيارته بقوه طلع صوت قوي ونزل ....شافهم قدامه فاتحين البوابه والسيارة داخل الحوش لسى مقد طلع حتى

مشى ناحيتهم وهوو ناوي الشررر بقوه وهوو يصرخ: سويتها ي النذل للمرة الثانية ي أحمد بس هذي والله مااسكت لك فيها

أحمد ناظر امه وقال بهمس: يمه خلاص قفلي الباب وانا رايح
ام فيصل وهي تسوي جلالها عليهااوتتقدم تتطلع
في الحوش لما شافت تركي معصب قالت وهي تترجى احمد : يمه تكفى لاتتكلم عليه وطنشه وروح ورفعت صوتها وهي تترجى تركي
تركي بصرخه: كلمني ولما شافه مطنشه تقدمه
مسك احمد اللي يبي يركب سيارته وبقوه دفه على السياره
رهف
حسيت بخوف من عصبيته ...و مصدومه طيب ...كان وش زينه وش قلبه كذا ياربي ...على كثر ماتمنيت... اني اشوفه اللحين

كرهت حالي ...حتى يارب يسترر
ياخوفي تعلق بينهم
بس اللي صدمنى وخلاني اصرخ بخوف لما شفت ........
كيف تركي دف أحمد على السيارة ومسكه بقوه
أحمد بصرخه: فك يدك

ومنت كفوووو تكون رهف لك وانا اللي ابي احميهااا منك ومن اشاكلك
تركي بعصبيه:لا تعصبني يال.......
أحمد بصرخه : لا تسب ي.... وبقوه اعطاه كف خلى وجه يلف منه
ودفه عن طريقه وركب سيارته
رهف
صرخت بخوف من الكف اللي جاا على وجههه والله حزنت عليه ماابي كذا يصيرر لا ماابي والله
ناظرته قبل مايصرخ ...احمد عشان نقفل الزجاج كان ...واقف ويناظر الارض وساكت ....حسيت فيه بكيت.. . والله غصب عني طلع صوتي وانا ابكي ماحسيت إلا بعنود تضمني وميمه معصبه علي ليه ابكي

سمعت احمد وهو يقول: افاا ي بنت العم ليه تبكي هذا ينتظره من زمان ...........
:
:

كتتتتتتتتتتتتتتتت