رواية آهات الانين~للكاتبة نونو الشمري الفصل الثاني والعشرون 22 - بقلم BlackButterfly002

الجزء الثاني والعشرون

ذاك الوقت بس حسيت ان كل شي بيتغير في حياتي وناس معاد بتصير زي ما هي معي
كنت انتظر زياد يجينا انتظرت اسبوع اسبوعين وشهر ما جاء عرفت بعدين انه كان يجي اذا انا في المدرسه يسلم على جدتي وجدي لانه كان يدرس جامعه اشتقت له كثير وفقده كثير تمنيت اشوفه بس اعتذر منه
مره كنت في غرفتي احل وجباتي لما سمعت صوته
مع جدتي فرحت مرره ونزلت بسرعه ادور له
كان جالس في الصاله لما دخلت عليهم
شفته طالعني ولف وجهه عني وهو معصب
رحت بسرعه بجلس جنبه
زياد بسرعه :قومي انقلعي عني
نطيت بسرعه وخوف وانا اطالع فيه
ورحت عنهم بسرعه عرفت انه لسه زعلان
سمعت جدتي تقوله:ليه تكسر بخاطرها يا ولدي
زياد :ما ابي اشوفها مو طايقها مره
جدتي: حرام مو تزيد عليها يكفي ابوها وجدك واعمامك وزوجاتهم حتى مانعين احد يلعب معها من اولادهم
زياد:احسن تستاهل جعلها في ها الحال واردا
وصادقين تخرب بناتهم بافكارها اذا افكارها كذا لومعي اخت ما خليتها تجي جنبها
زفرت جدتي بضيق
انا رحت غرفتي ابكي يعني وش الذنب الي سويته عشان يسوون كل ذا وش صار عشان تزوجته بس
كنت لسه ما اعرف معنى الموقف الي صار مع ان الكل كانوا مفكرين اني مسويته بقصد وبتدبير
عشت معهم كني غريبه صح زياد رجع يجي ويروح بس صار غريب علي ما اعرفه
ومرت الايام صار زياد بعيد جدا صارت ما اشوفه كثير وانا تعلقت فيه زياده كان حبي له باين من كل تصرف يصير كان واضح للجميع اني احبه والكل يدري عكسه الكل يدري انه ما يبيني ومغصوب علي )
سمر: وهذي كل السالفه
لين بحزن:مفروض يعني ما يكون قاسي معك كذا انتي كنتي صغيره
سمر بسخريه:محد كان مصدق للحين اني ما كنت فاهمه الي بيصير واني كنت صغيره كلهم معتبريني كنت متقصده السمعه الي مطلعينها علي
لين :تصدقي اول ما شفتك قلت حضها عايشه حياتها ولا عندها هم من شي اثر القلوب تخبي كثير
سمر:تعود اني ابين الناس ان ما همي وانا من داخلي مجروحه تمنيت اكرهه او حتى اقل شي انساه بس ما قدرت حاولت كثير ما قدرت بس اشوفه او المحه انسى كل شي
لين:يالله الدنيا ما تجي على ما نتمنى
سمر:ايه والله يالله امشي المحاضره ما بقي عليها شي
رحنا المحاضره كانت الدكتوره تشرح وانا اطالع في سمر كان باين انها سرحانه ومو معنى مدري ليه احس ما قالت لي كل شي لان لما كلمتني كان باين في عيونها جروح كثير حاوت تخبيها
خلصت المحاضره وطلعت لقيت رنا تنتظرني بنروح

وصلت البيت حسيت روحي مهدوده صار مره تعب علي الدوام مع الحمل بس الله يعين لازم اتحمل احس بثقل على رجولي مو طبيعي
طلعت اتغداء لان كان حدي ميته جوع

سمر
كنت توي بدخل البيت اليوم كشفت شي بسيط من الي في قلبي للين حسيت شوي احد شاركني همي مع ان ما قلت كل شي دخلت كانوا جدي وجدتي يتغدون جلست معهم بتغداء
جدتي:يمه قبل تجلسي روحي نادي زياد كم لنا ننتظره يجي يتغدا بس طول
ما كنت ابي اروح خصوص بعد اخر لقاء معه
بعد ما تهزاء بي قدام اولاد عمي وعلى باله ما سمعته ما انسى كلمته لهم
فيصل:ومتى معزم الزواج يا زياد
زياد:قريب اكون نفسي واكلم ابوي يخطب لي
فيصل:وليه خطبه ما العروس جاهزه ناقص بس زواج واشهار
زياد:هذا ما اعتبره زواج هذا مرحله ومصيري برميها من حياتي
فيصل:يعني بتخطب وحده ثانيه
زياد:اكيد انا مو مجبور اربط نفسي مع احد ما ابيه
حاولت انفض كلامه من بالي خلاص مفروض افهم ها الانسان ما يبيني لازم ابعد عنه
دقيت الباب انتظرت شوي ورجعت ادق
شوي وفتح الباب لما شافني تسند على الباب
زياد بستهزاء:خير اش تبين
بون اطالعه:الغداء جاهز
ورحت عنه شوي شفته لاحقني كنت بفتح الباب بس مسكه
زياد بسخريه :اش فيك شكلك زعلانه
طالعته بقهر :يهمك
زياد ببتسامه وهو يقرب مني :خلي بنشوف يهمني او لا كان يقرب مني اكثر انا خفت منه
سمر برجفه :انت اش تبي مني
زياد :ما ابي شي ابي بس اشوف غلاتي بعيونك
سمر:مالك غلا
زياد وهو يقرب وجهه مني:جد طالعيني اشوف
حسيت قلبي يضرب بسرعه واني ريقي نشف
حط يده على ذقني ورفع راسي وطالع في عيوني
زياد:هاه مالي غلا
تعلقت عيوني بعيونه وما حسيت بنفسي وانا اقوله:انت كل الغلا
ضحك بقوه وبعد عني:ما فيه فايده مهما اسوي بك ترجعي لي
وطالعني بسخريه ؛ صدق نشبه
تعداني ودخل وخلاني حسيت دموعي تطلع مو اول مره يتلاعب بمشاعري دايم بس انا هبله بس يطالع لي انسئ نفسي وانسى انه عمره ما فكر فيه
دخلت بسرعه بعد ما مسحت دموعي
جلست اكل ومطنشه ما كان صار شي
بعدها قمت رحت غرفتي بسرعه ما ابي اشوفه وانا بحالتي هذي كفايه انه عارف بضعفي اتجاهه وانه يسيرني زي ما يبغى

في بيت ام طارق
كانت جالسه ام طارق ومعها رشا ومريم يسولفون
شوي ودخل طارق عليهم
طارق:السلام عليكم
الكل:وعليكم السلام
ام طارق:وينك يا ولدي ما تغديت معنى اليوم
طارق:كان عندي كم شغله لازم اخلصها
رشا بحماس:طارق لين بعد ما قلت لك معاد قامت من مكانها انت كلمتها
ام طارق بحده:انت لسه مخلي اختك تراقب البنت اش تبي منها مهو طلقتها خلاص خلها بحالها
طارق:طلقتها قبل ادري انها حامل باولادي وبعدين مستحيل اسمح تسوي شي يضرهم
ام طارق:اش الكلام هذا اكيد بتخاف عليهم اكثر منك بعدين لو ربي ما كتب لك فيهم نصيب محد بيقدر يخليهم لو تحط مية مراقب عليها
طارق :عارف يمه عارف ان ما بيصير الا الي ربي كتبه بس هي صغيره وما تعرف تهتم بنفسها
ام طارق؛اذا كذا رجعها وخلها تحت عيون وانتهينا بلا حركات المراقبه هذي الي مالها داعي
وقف طارق بيطلع:كل شي بوقته يالله سلام بروح انام تعبان
مريم بعتاب:يمه حرام تعبان توه جاي وانتي استلمتيه
ام طارق بعصبيه:ليه ومو حرام بنت الناس الي مو مريحها انتوا مفكرين ان ربي ما يمكن يبلاكم
ولفت بعصبيه على رشا:شوفي انتي يا ويلك اسمع ان ناقله له اخبارها بعد اليوم فاهمه
قامت عنهم معصبه
رشا:اوف امي عصبت مرره
مريم:كمان انتي خبله تتكلمي قدامها بهذي الموضوع وانتي تعرفي امي
رشا:راح عن بالي انها بتزعل
مريم:رشا كيف لين في الجامعه ما فيه احتكاك بينكم
رشا:لا ما كنها تعرفني تصدقين من مصاحبه
مريم ؛مين
رشا:سمر بنت عم ريم صديقتك
مريم:اها
رشا:ما شاء الله قمر البنت مرره اول مره شفتها مع لين جلست اطالعها ما قدرت اشيل عيني منها ما شاء الله عليها وشكلها انتبهت لانها اعطتني نظره معتبره هههههه
مريم:ايه ما شاء الله الله يحفظها
رشا: الا اقولك سمر مقالت لك بتجي اليوم
مريم وهي واقفه:لا ما بتجي بروح اشوف هدى منخمده من لما جيتوا

عند لين
كنت جالسه في الغرفه اراجع كم محاضره لي
سمعت نغمت الجوال برساله عرفت انه طارق يذكرني بعلاجي قمت اخذه العلاج الي راح عن بالي اصلا حلو مشتغل لي منبه واحسن بعد من المنبه لما رجعت رفعت جوالي اطالع ونفس ما توقعت كان هو انتظر علي بس اخلص للعده والله لاحذف رقمك واحضرك
سمعت دق على الباب قمت اشوف مين لان بعد العصر غريبه من بيدق
فتحت كانت مها
مها :عادي ادخل
فتحت الباب اكثر:تفضلي
دخلت عندي :اليوم فيه جمعة بنات عند بنات عمي ابو فارس تجين معي
لين:لا مالي خلق وعندي مراجعات مو فاضيه
مها :طيب
حسيت انها تبي تقول شي
لين:اجلسي اش فيك واقفه
جلست شوي وباين عندها شي تبي تقوله بس منحرجه
لين:مها فيه شي قولي
مها بحرج؛كنت بقولك يعني حددوا ملكتي بعد اسبوعين فاذا تبي تروحي معي نجهز
لين:ما في وقت مشغوله
حسيت انحرجت بس جد ما اقدر مو بيدي احسها تبي ترجع كل شي وكان مصار شي
مها:طيب اسفه قامت طلعت
لين بعبره:تدرين وش اكثر شي جرحني منكم
لفيت عليها اشوفها :اني كنت ضحيه عشان بس انتي تكوني سعيده عشان انتي تعيشي باحسن حال انا لازم اضحي
مها بدموع:والله حاولت
قاطعتها لين:لا تقولي شي مهما قلتي مارح تحسي بالي احسه مارح اذكر لك الي عشته هناك بقولك بس قد مره فكرتي كيف بعيش انا والي ببطني اذا ربي تمم بدون ما يكون لنا احد فكرتي ان ممكن يجون طفلين للحياه بدون اب عشان بس انتي ترتاح اش ذنبهم وش ذنبي انا اني مقدر اوفر لهم الي بتوفره اي ام
لفيت عنها امسح دموعي :رجاء لا تعتذري ما بعد الموت عتب
صدقيني بكل دمعه نزلت من عيوني قبل والحين اتذكر انها كانت بس عشان انتي تضحكي
ما اقول الا الله لا يبلاك بس
والحين ممكن تخليني وحدي ولا نتتظري مني شي انتي هدمتيه
سمعت تسكيرت الباب عرفت انها طلعت مسحت دموعي ما اشره عليها ما جربت ما جربت الاهانه من ولدت وهي دلوعه ما جربت اليتم
انا كل يوم اذا حطيت راسي على المخده افكر كيف بربي اثنين وحدي والله احيان افكر ارجع لطارق بس عشانهم انا انحرمت من ابوي ما اتخيل احرمهم هم منه ويكونون زيي مالهم احد بس اذا فكرت في طارق احس كمان هو بيني وبينه حواجز كثير صعب صعب
محد حاس بنار الي بداخلي الكل يقول اسفه ويطلب السماح طيب اسف هذي وش بتسوي فيني وش بتغير في الي بقلبي وش بستفيد منها
طالعت حولي الملحق عايشه في وحدي وكان مالي احد ولا اهل بس هذي الحقيقه مالي احد
جلست وانا امسح دموعي ما ابي اذكر كل مره اوعد نفسي انسى وما اتذكر شي بس لازم يصير شي يذكرني بكل شي

سمر
كنت نايمه فتحت عيوني لما حسيت احد بالغرفه
لفيت شفت زياد واقف قريب من التسريحه
فزيت بسرعه
سمر بخوف :اش تسوي هنا انت
زياد بسخريه:ابد جاي لزوجتي ولا نسيتي
طالعت الباب كان مسكر :طيب اطلع لا تشوفك جدتي
زياد يقرب مني ويجلس على الكرسي:اوف سمر صارت تخاف احد يشوفنا ما كنتي في العلن تصرحي نسيتي
وقفت بسرعه وانا ارتب شعري:طيب اش تيب الحين
زياد وقف وقرب مني :بقولك شي قبل احد يوصله لك ابي اكون انا اول من يعلمك
طالعت له بخوف وش ممكن يكون يبي
زياد وهو يحط يده على وجهي ويقربني منه
زياد:تعرفي شي يا سمر
طالعته وانا احس فيه مره قريب مني كنت حاسه الي نسويه غلط بس ما ادري اش صار فيه ليه اصير زي الهبل قدامه
حسيت فيه وهو يبوس خدي نقزت ورى وطالعت فيه بخوف :اش تبي
زياد بضحكه:تري انتي زوجتي ولا نسيتي رميتك نفسك علي غصب
سمر برتباك:طيب بس مصار شي علني وانت تعرف هذا الشي
زياد بسخريه:ايه صح وعشان كذا جيت بعطيك خبر لان انتي لازم اول وحده يكون عندك خبر
طالعته انتظره يتكلم كان يمشي حولي ولين وقف وراي حسيت فيه يقرب مني ما تحركت
حسيت بفمه عند اذني غمضت عيوني
زيادبهمس:ابي اخطب وابيك انتي الي تخطبين لي
فتحت عيوني بصدمه ولفيت عليه اطالعه
زياد:اش فيه ما توقعتي فكرتي اني باثبت زواجنا صدق اعرف ان طول السنوات هذي كان عندك امل بس ابيك تقطعي الامل انا مستحيل اربط نفسي بوحده زيك
سمر بعبره حاولت تخفيه:ومن سعيده الحظ
زياد بسخريه:تعرفيها ومن زمان وش نسيتي
سمر بهمس:فاطمه
زياد:عليك نور فاطمه هي الي تليق بي اخلاق وسمعه حلوه اهلي يذكرونها بالخير وطالعني بسخريه
اخذت نفس ما ابي ابكي قدامه:مبروك تتهنى
زياد وهو طالع :امين وياك ههههههه
طلع وانا نار شابه بقلبي حيوان اكرهه اتمنى اقدر اقولهم اني ابي اطلق والله لاخر لحظه حاولة امسك نفسي اني اقوله يطلقني قبل يخطب بس ما قدر بعرف اني معاد بشوفه لو سويتها واكيد ابوي بياخذني عنده وكذا معد بشوفه هو اكيد ما بيصدق خبر
نفسي انه يحبني ربع الحب الي احبه هو كل مره يجرح في اكثر واكثر وكانه يستمتع احيان افكر وين زياد الي شفته بطفولتي الي حبيته مو موجود زياد الحين غير غير ما يرحم

لين
كنت جالسه في الحديقه اقرا روايه
لما سمعت نغمة جوالي طالعت شفته رنا
لين/هلا رنا
رنا:اهلين هاه جايه اليوم عند بنات عمي ابو فارس
لين:لا رنا مالي خلق
رنا :ليش نغير جو
لين:مالي نفس بعدين فكيني من لسان نجوى
رنا:شو معطيه كلامها اعتبار طنشيها
لين:مطنشتها بس حتى بعض الحيان يقهر كلامها مقدر اتجاوزه فخليني مرتاحه هنا احسن
رنا:كيفك كان نفسي تجي معي
لين:والله مالي خلق انتي تعالي عندي نسهر انا وانتي على رواق
رنا:والله ما ادري بشوف لامي لانها بتروح حفله ريما بتروح عند عمي بو فارس اذا امي بتوافق كمان انا ترميني عندك
لين :اوك ردي لي خبر اذا بتجي
رنا:تمام بشوف امي وارسلك رساله
لين:اوك انتظرك
رنا:باي
قفلت منها وانا احس طفشانه يالله ان شاء الله تجي رنا نتسلى شوي
شفته رساله جتني من رقم غريب
:وينك يا حلوه معاد سالتي عني صدق قاطعه
لين:مين انتي ما عرفتك
:صدق قاطعه ونسيتني بعد
لين:اسفه والله
:ههههههه لا تعتذري انا سمر
لين:سمور القرده غيرتي رقمك
ارسلت فيس منصدم:انا قرده ولا ما غيرت هذا رقمي من ثلاث سنين
لين:بس مو نفس الرقم الي عندي
:شكلك مخربطه هههههههههه انا سمر اخت طارق
انحرجت مره منها:هلا والله سمر كيفك
سمر:هههههه بدي من تو تسبيني
لين:اسفه والله فكرتك سمر صديقتي
سمر:معذوره حياتي كيفك انتي
لين:تمام انتي كيفك من زمان عنك
سمر:طيبه كيف النونو
لين:متعبيني شوي بس الله يعين بسالك من وين جبتي رقمي
سمر:الله يعينك اخذته من طارق
وارسلت لي فيس يغمز
انحرجت مره
جلست اسولف معها شوي واعتذرت مني ان زوجها جاء
جلست افكر الحين عرفت ان رقمي عند طارق يمكن تفكر اني اكلمه او ارسله ولا اش قصدها بالفيس الي يغمز
اوه كيفهم يفكرون زي ما يبون مالي دخل اخذت كتابي ورحت الملحق اجهز بعد ما شفت رساله من رنا انها بتجي وحاولت اشيل الموضوع من بالي ولا افكر فيه

فاطمه
كنت جالسه في غرفتي لما دخلت علي اختي ريم
ريم:اش تسوين
فاطمه ولا شي اتفرج على النستقرام
ريم :طيب خلي عنك الجوال شوي ابي اقول لك سالفه
نزلت فاطمه جوالها بستغراب:خير اش عندك
ريم؛اليوم جاني فيصل وكلمني في موضوع يقول اخذ رايك فيه
فاطمه:ايوه وش هو
ريم:زياد خطبك امس من فيصل ويبي رايك قبل يقول لعمي ويتقدموا رسمي
فاطمه بخجل وسكاته
ريم :هاه اش رايك
فاطمه باحراج:مدري
ريم بضحكه:وش مدري تعرفين من زمان انه يبيك
فاطمه بخوف:بس هو متزوج
ريم:مو من جدك معتبره زواجه زواج تعرفي ظروفه
فاطمه:مدري بفكر اول
ريم:اكيد لازم تفكري وصلي وردي لي خبر عشان اقول لفيصل
سكتت فاطمه ما تنكر ان زياد يعجبها بس خايفه من سمر هي ما بينهم اي علاقه ابد هي وسمر من وهم صغار وصارت السالفه كرهت سمر لانها حست انها كانت داحشه نفسها دحش على زياد وهو مكان يبيها يبيني انا والحين صارت حاجز بينا مدري خايفه مرره

مررت يومين نفس الروتين
سمر من بعد ذاك الوقت ما عاد شافت زياد
وكان قلبها محروق من الخبر الي قاله لي بس احيان اقول يمكن يكذب علي عشان يقهرني اكيد يكذب علي اصلا عني ما اظن يوافق عليه وهو متزوج حتى لو زواجنا ما يعتبر زواج بس اسمه قدام الناس زواج
بعدين دايم كان يسوي الحركات زي هذي ما اعرف وش مقصده منها
اتذكر مره وانا في بداية الثانوي
كان يوم جمعه وكنت في الحديقه وحدي شفته هو وفيصل ورائد وزياد جالسين في اخر الحديقه شفتهم لما طلعت بس ما طالعت فيهم بس حسيت انهم يتكلمون علي من ضحك فيصل العالي ورائد مدري اش يقولون بس لقط كلمة ( شكلك ما تقدر) وجلست على المرجيح العب لان من بعد الكلام الي زمان كانوا بنات عمي يتجنبوني وانا كمان اتجنبهم خصوص فاطمه لان اكثر من مره تنغزني بالكلام وانا اطنش مو عشاني خايفه بس ما ابي مشاكل لان مره ماذكر ايش صار بينا وتخاصمنا وذاك الوقت وصلت لمدت يدين ما انسى كلمتها لما قالت لي (اصلا لو تستحي ما نمتي في غرفة رجال غريب )انقهرت منها مره وضربتها ضرب الين فرقوا بينا ابوي وجدي وعمي هي كانت تبكي وانا كنت اخاصم ما نزلت دموعي لما قلت لابوي وعمي وجدي عن كلامها محد عاتبها ولا قالوا لها شي عرفت ان الكل مايدها على كلامها انجرحت من ابوي مره ذاك الوقت كنت بثاني متوسط بس ذاك المره عرفت حجم الي انا سويته بعد كلامها صح كنت صغيره مكان قصدي الي ببالهم بس محد راضي يفهم والكل اقتنع اني كنت قاصده وفاهمه من وقتها تجنبتها وتجنبت بنات عني كلهم لاني شفتهم مايدينها ما انسى نظرات الكل علي حت ابوي لما قلت له توقعت بيخاصم بس نزل راسه وراح وكنه متفشل مني بعدها صرت اذا سمعت اطنش اش بيفيد اذا دافعت ومحد مصدقني بس ما يهمني اهم شي عارفه نفسي اذكر زياد وقتها جاء علي معصب حده ومسكني بيدي بقوه
زياد:ليش تضربي البنت كذا انتي محد رباك
سمر بعناد:تستاهل اجل ليش تقول عني كذا واسكت لها
زياد:وهي صادقه ما كذبت في كلمه ولا اش على بالك الكل مفكرك البريئه الي ما تفهم شي
نزلت دموعي وقتها من كلامه ضربتني فاطمه ولا نزلت دموعي وشفت ابوي ينسحب بدون يدافع عني كمان ما بكيت شفت نظرت احتقار من الكل ما نزل لي دمعه بس لما قال زياد عني كذا ما تحملت بكيت وهو لما شاف دموعي دفني على ورى وتركني ذكرى ما انسها من بالي
كنت سارحه بخيالي في السالفه وانا على المرجيحه شفت واحد واقف قدامي لما رفعت راسي كان زياد
زياد:اش فيك
سمر ؛ولا شي
جلس جنبي حسيت انه متردد وفي شي يبي يقوله
سمر:فيه شي
زياد :سمر تعرفي اني احبك
سمر بفرح:جد
كنت طايره من الفرحه مرره ما صدقت زياد يقولي كذا
زياد:ايه بس انتي ما اعرف احسك
سمر بسرعه:والله احبك موت
زياد ما سمعت ابي تقوليها بصوت اعلى عشان الكل يدري
وقفت بهبل :زياد احبك موت مررره احبك
شفته يضحك ويلف ورى على رائد وفيصل

ويرفع اصابع بعلامة الانتصار
زياد:هاه في كم دقيقه خليتها تقولها
رائد:50ثانيه
زياد :قبل الدقيقتين بكثير اجل استاهل العشوه حقت الرهان صح
كنت جالسه اطالعهم زي الهبله مو فاهمه شي
شفته بيروح عني
سمر:زياد
لف علي وباين في عيونه احتقار:عاد لا تصدقي نفسك كنت متحديني الشباب على انهم يعشوني في افخم مطعم اذا خليتي تقولي احبك في اقل من دقيقتين
قرب مني وهو يبتسم بسخريه:وانتي ما خيبتي امل بس اسف شعور مو متبادل
راح وتركني بهمي انقهرت منه ركض غرفتي ابكي انا الي هبله مبينه له اني ما اتخلا عنه وعد نفسي ذاك الوقت انساه بس ما مر يوم وشفته نسيت كل وعودي

صحيت من سرحاني وذكرياتي على صوت ابريق المويه سويت قهوه لجدتي وجدي وحطيتها بصينيه مع تمر وطلعت بروح اقهويهم بس سمعت شي خلا كل الي بيدي يطيح بدون شعور مني ..........