رواية آهات الانين~للكاتبة نونو الشمري الفصل الثالث والعشرون 23 - بقلم BlackButterfly002

الجزء الثالث والعشرون

صحيت من سرحاني وذكرياتي على صوت ابريق المويه سويت قهوه لجدتي وجدي وحطيتها بصينيه مع تمر وطلعت بروح اقهويهم بس سمعت شي
جدتي:بعد اسبوع حددوا ملكة زياد على فاطمه
جدي :وليش العجله
جدتي:مدري عنهم
كل الي بيدي طاح بدون شعور مني ..........

جدتي وجدي بسرعه قامو عندي يشوفون اش صار كنت مو حاسه بنفسي نزلت راسي ما ابي يشوفون دموعي وانا الم القزاز
جدتي:اش صار فيك يمه
سمر بغصه:زلت يدي بس اسفه بكنس واغير لكم وحده ثانيه
جدي:لا يمه خلي جدتي بتروح تسوي انتي روحي غرفتك ريحي شكله من الارهاق
سمر وكاني ما صدقت:يمكن رحت عنهم بسرعه
وانا احس نار شابه فيه
لما رحت جدي لف على جدتي
جدي:شكل البنت سمعت كلامنا
جدتي بستغراب :وش دراك شفتها واقفه وحنا نتكلم
جدي:لا شفت وجهها الي تحاول تبعده عنا ودموعها الي تخفيها
جدتي :الله يعينها ها البنت حالها مقرود من جت الدنيا
جدي:الله يعينها ويصبرها
جدتي:طيب وش بيسوي زياد معها
جدي:علمي علمك
جدتي؛ليتكم ما خليتوه يخطب خلاص عنده زوجه يشهر زواجه ونتهينا وش له يسوي حساسيه في العيله
جدي:ما نقدر نقوله شي رجال وعارف الصح من الغلط بعدين حنا وعدنه من اخذها ما نوقفها في طريقه لو فكر يتزوج
جدتي:والله سمر ما فيه منها بس هو راسه يابس
جدي:الشي اذا من اوله غلط ما بتقدري تصلحيه
الله يرزقها هي بالي يستاهلها
جدتي:امين يا رب طيب بيطلقها
جدي:ابوها رافض يتكلم بسالفه يقول اذا هي تبي الطلاق بتطلبه
جدتي:وانتوا بتوقفوا معها لو طلبت ولا بتقوموا عليها كلكم زي يوم السالفه ذيك
جدي:محد بيرضى عليها الظلم ولو طلبت الطلاق من حقها تعيش حياتها لان زياد مو باين ناوي يعيش معها وما بتدفن روحها عشانه
والسالفه الي اول هي الي جابتها لنفسها
جدتي:البنت كانت صغيره ولو حكمت عقلك انت وابوها ما كان هذا حالها
جدي بعصبيه:كيف تبغينا نتصرف واكثر من رجال شافها وهي طالعهمن غرفته غير منظر زياد يوم فكو بينه وبين عمه وهو يضربه
جدتي بحزن:والله ماموجع قلبي الا ها المسكينه لا ام زي الاوادم تسال عنها ولا ابو لاهي بحياته وزوج بيتزوج ويعيش وهي الوحيده الي مو لاقيه احد تستند عليه
جدي بحزم؛ليه وين رحنا انا وانتي ان شاء الله ما تنضام وانا حي بس هي تحكي ولها الي تبي
جدتي:الله يخليك لها ما تقصر

عند لين
كنت جالسه في الملحق واحس الم في بطني وظهري رحت الغرفه انسدح لي شوي يمكن يخف
فكرت ما اداوم بكره لاني احس ما بقدر لو جلس الالم كذا واخاف مع الدوام يزيد الله يعين وياجر كل ام على تعبها ومعناتها معناه ما يحس فيها الا الي يجربها
انا توي الحين دخلت السادس بس من لما دخلت احس بثقل مو طبيعي احيان يجيني خوف اني افقد الاجنه احس هم الي مصبريني بعد الله
ما صرت ارجي من الدنيا الا شوفتهم الله يخليهم لي
قمت بثقل بطلع اروح عند خالتي ابي اغير جو يمكن انسى
دخلت لقيت في الصاله جالس خالد وخالتي جلس قريب من خالتي
ام وليد:وش فيك لين تعبانه
لين:ظهري واحس بثقل على رجولي
ام وليد:الله يعينك حمل التؤم صعب
خالد وهو يجلس بعد مكان منسدح:الا انتي كم لك
لين:توي بالسادس
خالد وهو يحسب:يعني ثلاثه شهور وبيجينا بيبي
لين ببتسامه:ان شاء الله
خالد بحماس:طيب ما قالوا لك اش نوع الجنين
لين:لا ان شاء الله الموعد الجاي
ام وليد:غريبه ما عرفوا مع ان في السادس يكون واضح
لين:يقولون وضعيتهم ما ساعدت انهم يشوفون وش النوع
ام وليد:الله يقومك بسلامه ويتمم لك
لين:امين يا رب
جلست اسولف معهم نسيت شوي الالم
كنت احس براحه من اقعد مع خالتي ام وليد ما كانها زوجت ابوي ما كنت احس تحمل لي اي كره الله يسعدها
مع اني نادر اجلس معهم مشغوله مع الجامعه وكمان كسل وخمول ما فيني اتحرك
مها من اخر موقف بينا معاد بينا اي كلام الا كلام رسمي جدا حتى ملكتها الي قربت ما قد جهزت لي شي ولو يمديني ما حضرتها لان بس بتقلب علي المواجع بس ما ابي احد يقول اني حاقده عليها ولا حاسدتها صح ما همني كلامهم بس احيان الكلام يوجع حتى لو ما اهتميت له

عند سمر
كنت حابسه نفسي في غرفتي يومين الاجازه هذي حتى جدتي وجدي راحوا العزيمه عند عمي عبدلله وانا اعتذرت اني تعبانه كنت عارفه انهم فاهمين السبب والكل عارف بس ما يهمني مقدر اروح واتحمل نظرات الشماته بعيون فاطمه
كنت منسدحه وابكي على حظي
اكيد بتقولوا المفروض اتطلق او تطنش بس مو بيدي شي والله مو بيدي حاولت كثير وما قدرت اصير مسيره له بدون احس وبدون شعور بس اشوفه
سمعت دق على الباب غريبه جدتي وجدي طالعين من الي جاي
قمت افتح الباب كان زياد استغربت ايش يبي اخر شخص توقعت اشوفه بعد الخبر الي سمعته
زياد؛يقولون تعبانه ما جيتي لعزيمة عمي
لفيت عنه ودخلت الغرفه اجلس على الكرسي:ايه زي ما سمعت تعبانه ومالي خلق
زياد وهو يقرب مني ويجلس على ركبه مقابلني:اوه ليش وجهك كذا كله عشاني
لفيت عنه بقهر:لا مزكمه
لف وجهي له :صدق اشوف عيونك
غمضت عيوني ما ابي اشوفه كرهت نفسي عشاني احبه وهو يتسلى بي اعرف انه جاي يتسلى اكيد طفش قال اروح ارفه عن نفسي بقهرها
حسيت فيه يقرب مني ويحط جبهته على جبهتي
ويهمس:لا تكدري نفسك ما فيه شي يستاهل
مال وباسني على خدي
ارتجفت بقوه وهو حس فيني لانه ضحك بقوه وبعد عني
طالعت فيه شفت التسلي بوجهه عرفت انه يضحك علي قلت لكم جاي يتسلى
زياد:انتي لو اذبحك ترجعي لي ما فيه فكه منك
سمر بقهر منه وبجرائه اول مره تجيها: مصيري بيجي يوم وبتخلص من الي بقلبي لك وقتها بعيش حياتي بدون التفت لك
شفت وجهه يتغير بس بعدها سمعت ضحكه:عشر سنين ما قدرتي بتقدري بعدين قرب مني وضرب خدي بيده:انتي لي حتى لو انا ما ابيك حطيها ببالك
لف عني وطلع قمت بسرعه سكرت الباب بقوه وقفلته سمعت ضحكه بقوه عند الباب
جلست على الباب ابكي قهرني قهرني مرره ليت اقدر اطلعه من حياتي وما افكر ليت

لين
كان اليوم موعدي في المستشفى
رحت مع السايق لان كلهم مشغول اخواني وابوي
رحت مع السايق دخلت المستشفى سويت كل الي طلبوه مني لما دخلت بسوي السونار
الممرضه:مدام انتي انتظري شوي عشان بابا يجي هنا
استغربت وش بابا يجي وانا جايه وحدي هنا
لين:بس بابا انا ما يجي
الممرضه:هو يقول زوج انتي
خفت يكونو ملخبطين ويدخلون علي رجال ما اعرفه بس ما امداني اعترض الا وفتح الباب واشوف الي داخل عندنا
انصدمت لما شفت طارق بوجهي خير وسلامات وش يبي جاي
لين:انت وش جايبك
طارق بهدؤ:جاي اطمن على الجنين فيها شي
وطالعني بنظرات حاده
لين:بس انت كيف عرفت
الممرضه:يالله مدام نامي على الكرسي عشان سونار
كنت اطالعه انتظر يجاوب
طارق يطالع الممرضه:بدون كثرت حكي وروحي للكشف
شفت الممرضه تنتظر بهدؤ انسدحت وانا احس بخجل منه مره طالعته ما كان يناظر جهتي ويطالع الجهاز
بدت الممرضه تحط لي الكيواي على بطني
شوي وجتنا الدكتوره جلست واخذت الجهاز
كانت تتكلم مع طارق وتشرح له كل شي
طارق كان مركز معها مره وكنه خايف يفوت شي
طارق:طيب اش نوع الاجنه
شفته تضغط في الجهاز شي وتقرب صوره وتاشر له :شوف اش تتوقع
طالعت فيه يطالع بتركيز وانا كنت اطالع بس مو واضح شي
طارق:اولاد
الدكتوره بابتسامه :ايوه اولاد
انا بسرعه طالعت الجهاز ابي اشوف كيف عرف بس ما شفت شي الدكتوره مطنشتني وتسولف بس على طارق وتشرح له تقهر مره
اعطنتني منديل امسح بطني وجلست ورى المكتب وانا جلست على الكرسي قدام
جلست تسال اسائله روتينيه
الدكتوره :طيب بتحسي باي شي
لين:فيه الم في ظهري قوي من بدية السادس صار متواصل ما يخف
طارق بحده:من دوام الجامعه اكيد
سكت وانا اطالع بقهر
الدكتوره:شي طبيعي لان الاجنه مسوين ضغط على العامود الفقري عندك عشان كذا تحسي بالالم بس اذا زاد اكثر يا ليت تجينا فورا
طارق:طيب الاجهاد بالجامعه ما ياثر
الدكتوره:ممكن يكون له دور تحاول هي تسترخي وما تجهد نفسها كثير عشان صحتها وصحت البيبي
كتبت لي وصفه اخذها طارق منها
وحنا طالعين
طارق:سمعتي وش تقول ما يصلح لك الاجهاد وانتي ما تسمعين رايح راجعه للجامعه غير والنطوطه بين البنات
انقهرت مره متى نطوط بين البنات هذا الا يتبلى علي سكت ما رديت مالي بارض للمشاكل
اخذ لي الدوا وطلعنى كنت ادور بعيوني لسيارت السايق
طارق:امشي معي
لين ؛لا شكرا السواق ينتظرني
طارق بحده:قلت امشي السواق قلت له يروح
مشيت وراه غصب عني
لما ركبت
طارق:انا كم مره بقول اذا محتاجه شي واخوانك وابوك ما يقدرون تقولي لي
لين بقهر :تخيل شكلي وانا طالعه من بيت اهلي معك
طارق بقهر:ليه رجال غريب عنك وانا ما ادري
لين بصراخ:ليه ناسي وضعنا انت طليقي وبس اولد رح ينقطع كل شي بيني وبينك
طارق ؛لين وقتها يصير خير الحين انتي تحت امري فاهمه وطلعه مع سواقين مره ثانيه يا ويلك تسمعي يا ويلك اشوفك وكمان رفع الصوت هذا بطليه لان صبر مو طويل
لفيت عنه بقهر الا يقهرني لازم من فتره لفتره ينط في وجهي ويقهرني
لفيت عليه مره ثانيه:كيف عرفت ان عندي موعد وكيف قدرت تدخل عندي
طارق:كيف عرفت كلمت ابوك وقال لي اما كيف دخلت فانا طارق والي ابيه يصير
مغرور مالت عليه لفيت الى جهت الشباك وفكرت تصدقوا اول مره نطلع وحدنا في سيارته من تزوجته حتى يوم الزواج سواق الي ودانا الفندق وسواق الي رجعنا بيته تذكرت يوم زوجنا والاهانه الي ما انسها له ابد
طارق:تفكري زيي اول مره تركبي معي لوحدنا
لين:واخر مره
طارق :محد يعلم الغيب
وصلنا البيت بسرعه نزلت من السياره وهو كان واقف لين دخلت كنت ابي ابعد قد ما اقدر ما اقدر اتحمل نفسي معه

بعد يومين من الالم المتواصل حتى الجامعه ما رحت لها ما قدرت
قمت اصلي اظهر وانا اصلي حسيت بالم في ظهري كان احد لف ظهري بقوه خصب قدرت اقوم حاولت امشي طلعت من الملحق الين بيت ابوي
كانت بصعوبه امشي بس لازم اروح الاقي احد يساعدني حسيت بمدا غبائي لما بعد وسكنت وحدي الحين لو صار لي شي ولا احد درا عني خصوص ان احيان اكل بروحي خفت كثير من الفكره حاولت اغصب روحي بالمشي لما طلعت من الملحق مشيت شوي بس ما قدرت جلست بالم
شفت وليد توه داخل شكله جاي من العمل
لما شافني جاء عندي بسرعه
وليد بخوف :لين اش فيك
لين:ظهري بينكسر ودني المستشفى
وليد بخوف اكثر:طيب قومي ندخل داخل اخبر امي تجي معنى وتلبسك عبايتك
حاولت اقوم ما قدرت سندني هو وحاول يمشيني بس ما في فايده كان كل مال الالم يقوى
شاليني بصعوبه وبسرعه وداني داخل
لما دخلت كان خالتي ومها وابوي كلهم في الصاله قاموا بفزع لما شافوا وليد حاملني
ابوي:وش فيهالين وش فيك
ما كنت اقدر اتكلم بس من الالم
وليد :بسرعه يمه جبي عبايتها وعبايتك ونوديها المستشفى
مها بخوف:وش صار بتولدي
خرلتي وهي تترحك بسرعه:لسه توها بسادس الله يخليه لك يا رب
كنت اسمع كلامها وخف مرره معقوله بفقدهم بعد التعب هذا كله اللهم لا اعتراض
اللهم لا اعتراض ما ابي اعترض بس الفكره تخوف
كنت احاول امسك نفسي ما اصرخ ولا ابكي
ركبت السياره بعد ما خالتي لبستني عبايتي وبسرعه رحنا على المستشفى

وليد :بسرعه يمه جبي عبايتها وعبايتك ونوديها المستشفى
مها بخوف:وش صار رح تولدي
خالتي وهي تترحك بسرعه:لسه توها بسادس الله يخليه لك يا رب
كنت اسمع كلامها وخفت مرره معقوله بفقدهم بعد التعب هذا كله اللهم لا اعتراض
اللهم لا اعتراض ما ابي اعترض بس الفكره تخوف
كنت احاول امسك نفسي ما اصرخ ولا ابكي
ركبت السياره بعد ما خالتي لبستني عبايتي وبسرعه رحنا على المستشفى
وصلنا وكنت اكثر من الالم خايفه ان الجنين ينزل
دخلوني غرفة الكشف
كانت الدكتوره تسوي لي سونار
وانا خايفه بالمره انتظر تتكلم
الدكتوره:الحمدلله البيبي تمام بس لازم تبقي عندنا الين الولاده عشان الاجهاد يضر الجنين
لين بخوف:ليه اش صار
الدكتوره ما فيه شي ابد بس لازم تكوني هنا تحت الملاحظه وكمان لازم تجلسي اغلب وقتك منسدحه لان الحمل مو ثابت مره ولو صار لك ولاده في هذا الشهر احتمال ما يعيش الجنين
لين برعب:طيب لو جلست هنا مراح يصير لهم شي
الدكتوره ببتسامه مطمنه:ان شاء الله كل شي بيد ربي رح اكتب لك اجرئت التنويم ورح ينقلونك القسم
لين:الحمدلله يا رب الحمدلله ما صار فيهم شي
دخلت قسم التنويم
وعلى وقت الزياره
شفت طارق جاي علي:اش فيه صار شي
قالت لك البيبي فيه شي
لين:لا تقول تمام بس لازم اتنوم هنا الين اولد
طارق :وكيفك الحين
لين :الحمدلله يمكن قربت اتخلص منك
طارق يقرب عندها ونزل يدينه جنبها وانزل مستواه لها وهو يطالع فيها
طارق بحده:تعرفي مو وقتك الحين بس حطي في بالك يمكن انك مطوله اكثر من الازم لحتى تتخلصي مني ما تدرين
انكمشت على نفسي من قربه كنت وحدي في الغرفه ما حولي احد بس الحمدلله سمعت دق على الباب وهو بعد عني دخل ابوي وخالتي ومها
طارق:استاذن بروح اشوف الدكتوره وسئلها كم سوال
ابويبسرعه:انتظرني جاي معك
سلم علي ابوي وسالني عن احوالي وطلع بسرعه يلحق طارق
ام وليد:كيفك الحين اهون
لين:الحمدلله بس ظهري باقي يعورني وكانه مكسور
ام وليد :الله يعينك اصبري قرب الفرج ان شاء الله
سلمت علي مها
جلسنا يسولفوا معي الين جاء ابوي اخذهم
دخل بعدها عندي طارق:شفت الدكتوره تقول وضعك الحين مستقر بس لازم ما تتحركي كثير
لين:الحمدلله على كل حال
شفته راح جلس على كرسي جنبي واخذ الجوال يطقطق فيه
شوي ورفع راسه فجاء وانا اطالعه استحيت منه ولفيت وجهي
طارق:تبين شي
لين وهي صاده عنه:لا
طارق:اذا تبين شي قولي لا تستحين
لين:لا شكرا ما الي
جلس عندي كان يطالع في جواله اغلب الوقت اخر شي شفته وهو يطالعني وبعدها نمت بعمق ما صدقت خف الالم عشان انام لي اكثر من يوم ما نمت مرتاحه حتى نمت وكنت مثل المخدره مو حاسه بشي

سمر
كنت راجعه من الجامعه اليوم لين ما داومت ومن امس ادق عليها ما ترد حاولت اكلم رنا بنت عمها اسالها بس ما شفتها كنت امشي وانا سرحانه حتى كنت بصدم بزياد ما كنت منتبهه له
زياد:الي ماخذ عقلك يتهنى وطبعا انا متهني
طالعت فيه وطنشته مريت من قدامه بدون اكلمه
ما كنت رايقه له كان بالي مشغول بلين لان اخر مره كنت معها كان مبين تعبانه
لفيت بسكر الباب شفت زياد جاي ووجه متغير عرفت انه عشان طنشته قفلت الباب بسرعه في وجهه ورحت لغرفتي بسرعه سمعت جدتي الي في الصاله تسال وش فيني بس ما رديت
دخلت غيرت ملابسي وانسدحت بنام عارفه اليوم اكيد زياد جاي يتغداء هنا وانا من اخر مره مالي نفس اشوفه كنت بنام لما دخلت علي جدتي
جداي:يالله يمه الغداء
سمر:بنام مالي نفس
قربت مني وجلست على الكرسي جنبي
جدتي:وش فيك يمه لك فتره متغيره
ابتسمت لجدتي :ما فيني شي وش بيكون فيني بس وحده من صديقاتي معي بالجامعه من امس مو مداومه وادق عليها ما ترد خايفه عليها لانها حامل وتعبانه
جدتي:الله يقومها بسلامه بس مو هذا الي مكدرك
قمت وواجهت جدتي:ما فيني شي يا جده والله
مسحت جدتي على شعري:اسمعي يا بنتي اعرف ان خطبت زياد مكدرتك وهذا شي ما كان يرضي احد بس الظروف كانت كذا بس انتي اذا مو عاجبك الحال تكلمي وجدك وعدني ان اذا تكلمتي لك الي تبين
سمر بحزن:ومن بياخذ وحده سكت ما قدرت اقولها
خليني يا جدتي حالي كذا احسن انا وانا متزوجته ما سلمت واسمع الهمز والمز علي كيف لو تطلقت محد بيرحمني
بعدين على قولتهم لازم اتحمل غلطي
جدتي:بس انتي يمه كنتي صغيره ما تفتهمين
سمر وانا احاول امسك دموعي تنزل:ومن مصدقني ولا قال هذي صغيره حتى ابوي الي هو ابوي ما صدقني ولحد الحين ما يكلمني زي قبل
لفيت عنها امسح دموعي:خلاص تعود على الحرمان واني اكون شخص طبيعي تعود اني منبوذه من الكل اولهم امي وابوي
جدتي:وحنا وين رحنا
حضنتها بقوه:صدقيني يا جدتي محد مصبرني على الدنيا الا انتي وجدي مالي احد غيركم الله يخليكم لي
بعد عن جدتي شفت دموعه مسحتها لها:لا تبكي انتي الي مقويتني انتي وحدك الي صدقتيني
جدتي:الله يسامح ابوك وامك
سمر:امين الله يسامح الجميع وعشان تصدقي ان ما فيني شي يالله بطلع معك وبتغدا
قمت انا وجدتي بعد ما مسحت دموعي بكم البجامه
دخلت الصاله شفت جدي وزياد جالسين طنشت زياد ورحت لجدي
جدي:وينكم راحت جدتك تناديك وغطت معك
سمر:سلام على جدي الحلو وينك اليوم لا شفتك الصبح ولا يوم جيت
جدي:مشغولين انتي وش سويتي بالجامعه
سمر وانا اجلس عند رجوله واهمزها:مافيه جديد ضغط في المحاضرات
جدي:الله يعينك ويوفقك وترفعي راسما بشهاده الكبيره
سمر:امين يا رب وبفتح لي معرض لتصميم والرسم
جدي؛الله يوفقك ان شاء الله يالله قومي للغداء قبل يبرد
قومت جدي وانا اسنده علي وانا متجاهله الي جالس قريب معنا في الصاله و ما طالعت فيه ولا كان فيه شخص معنى

لين
كنت منسدحه مليت مره في المستشفى مره نفسي اطلع
شوي ودخل علي طارق
طارق؛السلام عليكم
لين وعليكم السلام
شفت يده فيها اكياس كثير حطها على الطاوله جنبي
طارق:كيفك اليوم
لين بملل:الحمدلله
طارق وهو يعقد حواجبه:اش فيك
لين وانا ازفر بضيف:ابي اطلع ملل هنا
طارق وهو يجلس جنبها:امداك تطفشي مالك يوم
لين بقهر:اكيد بطفش من الصبح جالسه وحدي وما فيه شي يسلي
طارق بسخريه:اش رايك اجيب لك فرقه تسليك
لين بعصبيه ؛ما طلبتك شي اصلا انت وش جابك هنا تعرف ما ابي اشوفك
وقف بسرعه ورفع يده شكله بيضربني بس مسك نفسه وانا انكمشت على نفسي من الخوف وغطيت وجهي بيديني
طارق:قلت لك لا ترفعي صوتك اكره شي عندي ذي الحركه فاهمه
لين بخوف:انت اش تبي جاي لهنا تبي تضربني وانت شايف حالتي كيف
طارق وهو يزفر بضيق ويلف عنها
مسح شعره بيديه:اسمعي انا ما ابي اضايقك او ازعلك بس انتي خففي من طولة السان هذي لان ما بتضري الا نفسك
لين بحزن:تعرف انا ما بقدر اصير احسن الا اذا صرت بعيده عنك
اخذ الكرسي وقربه من كرسي:اسمعي لازم نتفاهم من الحين
انتي عاجبك حالك كذا
لين بعناد:ايه لانه افضل من حالي معك في بيتك
طارق:انتي عارفه زي ما انا عارف ان بداية زوجنا غلط وطبيعي ما بيكون فيه تقبل يمكن انتي كنتي عارفه وش مقبله عليه بس انا كنت جاهل كان ها الشي وطبيعي بيكون تصرفي كذا
لين:اوك ورح تنحل المشكله بولادتي وكل شي بيرجع زي مكان
طارق بضيق:مستحيل ي يرجع زي ما كان لا نلعب على بعض وفيه اولاد في الوسط بينا واذا ربي تمم لك تبين اولادك يعيشون بدون اب زيك
حرجنتي كلمته مع انه كان معه حق:يمكن حياتهم بدون اب بتكون احسن من اذا صار عندهم اب زيك
طارق/بالعكس ابوك كان ما يبيك بس انا ابيهم
لين بضيق وحزن:انت جاي تسمعني كلامك المعسول
طارق:ما قصدي اجرحك بس هذا الواقع الي تعرفيه واعرفه
لين وهي تلف وجهها عنه:وش تعرف عني اصلا ما اظن تعرف اكثر من اسمي
طارق قرب منها وبهمس في اذنها:ما تدري يمكن اعرف اكثر من الي تعرفي انتي عن حالك
بعد راسي عنه بضيق :ما يهمني الي تعرفه الي انا اعرفه عنك يخليني اتمنى الموت ولا عيشه معك
عدل وقفته وطالعني:بخلي لك وقت تفكرين براحه
نزلت راسي اخفي دموعي قلت له قبل يطلع:ليت معاد تزورني
طارق:انا اجي لاولادي مو لك اذا ما تبيني انا ابي عيالي
لين:ريحني من همك
لف علي وضيق باين بوجهه:مو لدرجه هذي انا سيئ
لين وانا لسه منزله راسي عنه :جروحك بقلبي هي تحكي عنك
طارق:انا قلت الي عندي وانتي فكري بمنطقيه وخلي عنك العواطف
تركني وطلع مهما صار احسه هو هو مستحيل يحس مستحيل يتنازل اناني لابعد حد