رواية احببت عنادك... بقلمي/هاجر هشام الفصل الخامس وستون 65 - بقلم Hagar Hešhàm

في بيت العمده
الخدامه بخوف : ست ناديه هي الي قالتلي اعمل كدا
العمده بذهول : ناديه
جميله باستغراب: ناديه مين
العمده: دي بنت اخوي
جميله : وهي ليه تعمل كدا وكمان هي فين
الخدامه: هي طلبت مني احطلك انتي منوم واحط لعبدالرحمن حبوب هلوسه عشان انتي تنامي ومتقداريش تدافعي عن نفسك لانها عايزه تبعدك عن جاسر عشان هي بتحبه

جميله باستهزاء وغضب : ليه شيفاني نايمه في حضنه انا مالي وماله اصلا

جاسر بغضب: بت انتي احترمي نفسك

جميله بغضب: انت مش سامع بتقول اي ولا هي كلمتي الي بتضايق حضرتك اوووي

العمده بحزم: باااس انا مش عايز اسمع صوت حق صاحبتك ي جميله انا هجيبوا بنفسي وخلص الموضوع ثم وجه كلاموا للخادمه : اما انتي فا ملكيش جعاد في البيت دا

سابهم العمده وخرج بره البيت بغضب وجميله بصت ل جاسر بغضب من فوق لتحت

جاسر بغضب: بصي ع قدك ي بت انتي

جميله بتحدي: انا لو بصيت ع قدي مش هبصلك اصلا لانك مش قدي

سابتوا جميله يغلي من الغضب ودخلت ل سلمي الي كانت معاها جوري ورنا
جميله بهدوء: خلاص ي سلمي الموضوع اتحل ومحدش هيجيب سيرتك بكلمه واحده احنا عرفنا كل حاجه يلا قومي خدي شاور وريحي اعصابك ولو عايزه تقعدي النهارده انا معنديش مانع

سلمي بتعب: انا فعلا عايزه ارتاح
جميله بحنان: خلاص ي حبيبتي ارتاحي النهارده
جوري بمزاح:وانا بردوا حاسه اني تعبانه وعايزه ارتاح
سلمي ضحكت
جميله بابتسامه: يلا ي ماما مفيش راحه ورانا شغل
جوري بعبوس : ع فكره دا ظلم
جميله بجديه: بتقولي حاجه ي جوري
جوري : لا ي قلبي انا بهزر اي مبتهزرش ي رمضان
جميله : بهزر ي ااختي يلا بقاا سيبي البنت ترتاح
جوري بمزاح: ي بختك ي سلمي هترتاحي النهارده
جميله : يلا ي زفته
جوري : حاضر ي كبير
دخلت جميله اوضتها خدت شاور ولبست
كل واحد رجع اوضته ودخلوا خدوا شاور ولبسوا

نزلت جميله عشان تجري شويه لكن اوقفتها رنا
رنا : رايحه فين ي جوجو
جميله بابتسامه: رايحه اجري شويه
رنا : طب ما تجري هنا
جميله باستغراب: اجري هنا فين
رنا : احنا عندنا اوضه فيها كل الالات الجيم تقدري تستخدميها بس قولي ل جاسر عشان الاوضه دي بتاعته هو
جميله : هي فين الاوضه
رنا وهي تشاور ع الاوضه : اهي
جميله بابتسامه: اوك ميرسي ي رورو
رنا بابتسامه: العفوا ي جوجو

دخلت جميله الغرفه واتفاجات فعلا بكل الالات الجيم وكان فيه بيسين صغير وفرحت بيها وجريت ع التراك
💖💖💖💖💖💖💖💖💖
عند جاسر كان نازل وسمع صوت جاي من اوضه الجيم بتاعته وشاف رنا
جاسر : رنا
رنا : ايوا ي جاسر
جاسر : مين الي دخل الاوضه دي
رنا بقلق: دي جميله
جاسر بحده: وانتي مقولتلهاش ان دي اوضتي انا ومحدش يدخلها
رنا بقلق : قولتلها والله وقولتلها تستاذن منك بس هي سابتني ودخلت
جاسر : طيب روحي انتي
مشيت رنا
جاسر بوعيد: جيتي لقضاكي
دخل جاسر الاوضه بغضب وشاف جميله بتدرب ع كيس الملاكمه وهي حاطه الهاندفري وبتسمع اغاني وكان ضهرها للباب
جاسر بغضب : انتي بتعملي اي هنا
مفيش رد لانها مش سمعاه راح جاسر ناحيتها بغضب وشد الهاندفري من ودنها وجميله بصتلوا بغضب
جميله بغضب: انت ازاي تتجرا وتعمل كدا
جاسر بغضب: زي ماانتي اتجرأتي ودخلتي الاوضه من غير اذني
جميله بحده: انا مبستاذنش من حد
جاسر بغضب وقسوه: انتي فاكره نفسك في بيتك تدخلي الاوضه الي تعجبك انتي هنا ضيفه يعني تقعدي بأدب

جميله بحده : وانا مش ع اخر الزمن واحد زيك يعلمني اعمل اي ومعملش اي وانا هسيب البيت الي انت فرحان بيه دا اشبع بيه لان لا عاش ولا كان ان واحد زيك يتحكم فياا انا

زقتوا جميله بعيد عنها و سابتوا وخرجت كانت رنا والله وسمعت كل حاجه طلعت جميله فوق كان الفريق متجمع عند سلمي
جميله بجديه: قدامكوا نص ساعه تحضروا شنطتكوا عشان هنمشي من هنا
اسر باستغراب: ليه اي الي حصل
جميله بجديه: محصلش حاجه ع ما تجهزوا شنطتكوا هكون انا دورت ع شقه

في اللحظه دي دخل العمده وجاسر كان وراه
العمده بحزم: محدش هيمشي من هنا
جميله باحترام: احنا هنمشي وشكرا لحضرتك ع الي عملتوا معانا
العمده : انا قولت محدش هيمشي ،رنا حكتلي ع الي حصل وانا بعتذر بالنيابه عن جاسر وهو كمان هيعتذرلك دلوقتي
جاسر بغضب : انا مبعتذرش لحد هي الي غلطت لما دخلت الاوضه من غير اذني

جميله بحده: انا مش عايزاك اصلا تعتذر لاني مش هقبله

العمده : خلاص ي جميله ي بنتي حصل خير
جميله باحترام: ماشي انا هحترم حضرتك وهقعد ثم اكملت بغضب لكن البني ادم دا لو غلط تاني انا مش هسكت

جاسر بغضب: احترمي نفسك ي بت انتي اي بني ادم دا انا لياا اسم

جميله باستهزاء وهي تقلد كلمته : والله اسمك مش عاجبني كداب كدا

جاسر عرف انها بتردله الكلمه الي قالهالها
جاسر بغضب: ماشي انا هحترم بس وجود ابوياا ومش هرد عليكي

العمده : خلاص ي جاسر خلاص ي بنتي
جميله بتحدي: ماشي
خرج العمده وجاسر واتبقي جميله وباقي الفريق

اسر باستغراب:هو اي الي حصل انا مش فاهم حاجه
سلمي باستغراب: ايوا ي جميله صح في اي
جوري : انتوا بتتخانقوا ليه كدا ع طول
جميله : بس بس في اي هو انا قاعده في تحقيق اهدوا كل الي حصل ان فيه اوضه هنا فيها كل مستلزمات الجيم عجبتني فا دخلت ادربت شويه لقيت طلعلي هولاكوا دا وقعد يقولي متدخليش الاوضه غير باذني واحد متخلف

لمحوا جاسر واقف ع باب الاوضه وهو بيغلي من الغضب
جاسر بغضب: انا هولاكوا ي اللي مش عارفينك واد من بت دا انتي شويه وهيطلعلك شنب

جميله لفت لمصدر الصوت بغضب : هي مين دي الي يطلعلها شنب ي متخلف انت هو انت مش بتشوف ولا نظرك ضعيف

جاسر بغضب: بالعكس بشوف كويس اوووي وشايف قدامي واد بس متنكر في لبس بنت حتي لبسك مش باين بناتي اصلا

جميله ببرود: والله دي حاجه متخصكش انا هنا في شغل مش جايه اتجوز ولا البس محزق وملزق والقرف دا

جاسر بسخريه : لا بجد امال دا تسميه اي

جميله بغضب: انت مالك اصلا هو انت كنت جوزي. وانا مش واخده بالي

جاسر بحده: انتي لو كنت مراتي اصلا كنت قتلتك بالقرف دا ثم اكمل بغرور :وبعدين انتي تطولي تتجوزي جاسر الحديدي الي بنات الصعيد ومصر يتمنوا بس اني ابصلهم او اتكلم معاهم

جميله باستهزاء: ونبي متاخدش مقلب في نفسك اوووي كدا لان اكيد الي بيبصولك دول اتعموا في نظرهم او اكيد اتحولوا وبعدين انا الي مش عايزه اطول ولا اقصر حتي لاني مستحيل اخد مجرم حاول يقتل

جاسر بغضب: بردوا مصممه اني حاولت اقتل
جميله بغضب: انا مش مصممه انا متاكده لاني شوفتك بعيني
جاسر ببرود: وخدت براءه
جميله بتحدي: بس المره الجايه مش هتاخد

جاسر ببرود: لما نشوف
خرج جاسر
جميله بأمر : اسر واياد وجوري هتروحوا بيت العميري تجهزوا كل حاجه للفرح
جوري : وانتي هتعملي اي
جميله : انا هلف شويه في البلد عايزه اعرف الجرايم هتقف بالجواز وحل التار ولا الجرايم دي ملهاش دعوه بالتار وهما مستغليين دا

جوري : هما مين
جميله : الي بيعملوا الجرايم ي جوري في اي
جوري : اسفه انا كنت فاكره انك تعرفيهم يعني
جميله : وانا لو اعرفهم كنت هقف اتكلم معاكوا دلوقتي كان زماني قبضت عليهم من زمان
اسر : طيب خلاص انا وجوري هنروح نعمل كل حاجه وانتي خدي اياد معاكي عشان لو فيه اي حاجه تقدروا تقبضي عليه
جميله :لا انا هقدر لوحدي
اسر : بلاش عند ي جميله افردي حصل حاجه مش هتقدري تقفي لوحدك
جميله: ليه مش هقدر انت ناسي اني القائد ولا اي
اسر : لا مش ناسي بس انتي مش هتقدري تقبضي لو العدد كبير
جميله : لو حصل حاجه هتصل بيكوا يلا
الكل : ماشي
راح اسر وجوري واياد بيت العميري وجهزوا كل حاجه للفرح ونزلت جميله وركبت الموتسيكل وهي بتلف البلد ولمحت سته متجمعين حوالين واحد وهما رافعين عليه ماطوه نزلت من الموتسيكل وراحت ناحيتهم بغضب ومسكت ايدو واحد وزقتوا
جميله بحده: مش عيب بردوا لما سته يتجمعوا ع واحد مش رجوله دي بردوا
شخص بغضب: وانتي مالك ي بت انتي روحي ي شاطره العبي بعيد
شخص ٢ بنظرات وقحه: تروح فين ي غبي انت مش شايف القمر ولا اي خلينا نتسلي شويه
شخص بخبث : تصدق عندك حق طب فككوا بقاا من الراجل دا خلينا مع الحلوه

زقوا الراجل بعيد وهو جري واتحركوا اتنين ناحيتها وواحد حط ايدو ع كتفها مسكت جميله ايدو بغضب ولوتها جامد وضربت التاني برجليها وزقتهم الاتنين

شخص بخبث٣: لا شرسه عجبتيني

اتجه ناحيتها ثلاثه تانين وضربتهم جامد واتجه واحد اخر وهو يمسك المطوه وهو يخوفها لكن مسكتوا جميله ووقعت السكينه وضربتوا وفجاه جيه حد من وراها وهو ماسك السكينه ويحاول قتلها لكن ظهر جاسر فجاه وضربوا وجابت جميله حبل وربطت السته كلهم وجاسر ساعدها

جميله : انت جيت ازاي
جاسر بغضب: انتي اي الي جايبك مكان مقطوع زي دا
جميله بغضب:شايفه مجرمين بيثبتوا واحد عايزني اعمل اي اروح اصقفلهم

جاسر بغضب: كنتي كلمتي اي حد متدخليش من نفسك لوحدك افردي كانوا عملوا فيكي حاجه

جميله بغضب: محدش يقدر يعمل معايا حاجه انا ظابط مش دكتوره

جاسر بغضب: مهما كنتي اي انتي في الاول وفي الاخر بنت

جميله بسخريه : لا والله دلوقتي بنت مش كان من شويه مش باينلي بنت من واد

جاسر بغضب: دا كان شكل مش شخصيه

جميله اتعصبت جدا : انت ملكش دعوه واتفضل روح مطرح ما جيت

جاسر بغضب: تصدقي اني غلطان اني انقذتك ياريتني كنت سيبتوا يقتلك ع الاقل كنت خلصت منك

جميله بغضب: خلصت روحك واحد قليل الذوق وبعدين محدش قالك انقذني انا اقدر احمي نفسي كويس اووي

جاسر بغضب: انتي لسانك دا اي مبرد مش بتعرفي تتكلمي كام ثانيه ع بعض باحترام

جميله ببرود: انا بتكلم باحترام مع الناس المحترمه

جاسر مسك ايديها جامد : لمي نفسك ي بت انتي انا لحد دلوقتي ساكت عشان انتي بنت ومش عايز امد ايدي عليكي

جميله زقت ايديه بغضب : انت متقدرش تمد ايدك اصلا لان قبل ما تفكر تعملها هكون قطعهالك

جاسر بتحدي : اتكلمي ع قدك ي شاطره

اتجاهلتوا جميله وكلمت اياد وطلبت منو يجيب قوه عشان يقبض ع السته وجاسر كان واقف معاها
جميله : ع فكره خلاص تقدر تروح واياد جاي دلوقتي و معاه قوه عشان يقبض عليهم

جاسر : لا طبعا شيفاني مش راجل عشان اسيبك معاهم

جميله بغيظ: يا ربي ،وانت مالك وبعدين هما مربوطين ي غبي

جاسر بغيظ وغضب: تصدقي انا فعلا غبي عشان واقف مع واحده زيك

جميله بغضب: مالها زي اي واقف مع رقاصه

جاسر بتحدي وبرود: لا واقف مع مجنونه

جميله بغضب : ليه شايفني بشد في شعري

جاسر بتحدي : انتي فعلا فاضلك تكه وتشدي في شعرك

شخص من الي مربوطين اتكلم : باااااس انا صدعت هو البوليس اتاخر كدا ليه خليه يجي ويخلصنا

جميله بغضب : وانت مالك انت كمان

جاسر باستهزاء: شوفتي مش لوحدي الي اتخنق منك طلعتي رغايه ومجنونه

في اللحظه دي وصل اياد والقوه وقبضوا ع السته ومشيوا وركبت جميله الموتسيكل بتاعها وركب جاسر العربيه بتاعته ومشي هو كمان
💖💖💖💖💖💖💖
يوم الفرح كانت جميله واسر واياد وجوري وسلمي في بيت العميري بيتابعوا التجهيزات وجيه مراد وقف معاهم
مراد بابتسامه ل جميله: ازيك ي حضره الظابط
جميله بابتسامه: ازيك
مراد بابتسامه: الحقيقه انا كنت جاي اشكرك انا عارف انك مختارتيش فاطمه لياا صدفه وانتي كنتي قصداها و عارفه اني بحبها

جميله بابتسامه: انا فعلا مختارتهاش صدفه ولا حتي طلبت ان انهي التار بالطريقه دي صدفه انا كنت قاصده كل دا واتمني انك متخيبش اتفاقي وتزعل العروسه طالما بتحبها حافظ عليها

مراد بابتسامه: انا عمري ما اقدر ازعلها ابدا دا انا استحملت كتير اوووي وكان نفسي موضوع التار ينتهي عشان اقدر اتجوزها وحقيقي مش عارف اشكرك ازاي انك قدرتي تحلي التار دا

جميله بابتسامه: شكري الوحيد انك تحطها في عينك وتبطل خناقات عشان انت الي حرمت نفسك منها لما قتلت اخوها

مراد : منير دا كان صاحبي وانا عمري مااقتلوا احنا كنا بنتخانق مع واحد  وفجاه زقيتوا غصب عني وقع ع حجر ومات

جميله : خلاص الي فات مات ركز دلوقتي في فرحك وعروستك هي اكيد هتكون زعلانه بردوا ومش هتخضه بسهوله انها تتجوز واحد قتل اخوها بس انت حاول تنسيها

مراد : ان شاء الله هقدر انسيها وهخليها ترجع تحبني زي الاول

جميله بابتسامه: اتمني دا
مشي مراد ورجعت جميله تتابع التجهيزات وبعد ٤ ساعات خلصوا كل حاجه وبقت كل حاجه جاهزه
جميله ل سلمي وجوري : يلا احنا عشان نلبس احنا كمان
سلمي وجوري : اه يلا
ركبوا عربيه اسر ورجعوا بيت العمده طلعوا خدوا شاور وكل واحده لبست
جميله

ونزلت والكل اتصدم من جمالها
جاسر بذهول : انتي مين

جميله ابتسمت بخبث وهي قاصده انها تلبس كدا عشان تعرفوا مين الي طلعلها شنب

جميله بخبث : انا جميله
رنا باعجاب : انتي فعلا جميله
جميله بابتسامه: تسلمي ي قلبي
رنا باعجاب : لا بجد انتي كنتي مخبيه الجمال دا كلوا فين
جميله بمزاح: انا قولت رافه بحال البنات اخفي جمالي عشان ميعنسوش
رنا بضحك: هههههههههههههه لا انتي فعلا بالجمال دا البنات كلها هتعنس دا مش بعيد العرايس عرسانهم يسيبوهم

جميله بضحك: ههههههههههه لا مش لدرجه العرايس ماشاء الله حلوين دول احلي مني

رنا باعجاب : احلي منك اي هو انتي مبصتيش في المرايه وانتي نازله دا انتي قمر

جاسر كان باصصلها وتايهه كان سرحان في جمالها كانت فعلا ايه في الجمال والرقه الي يشوفها ميقولش ظابط ابدا كانت غايه في الانوثه والجمال واول ماافتكر انها هتخرج كدا والكل هيشوفها حس بغيره رهيبه مش عايز حد يشوفها كدا

في اللحظه دي نزلوا سلمي وجوري
فستان سلمي

فستان جوري

رنا باعجاب : لا كدا كتير اي الحلاوه دي
جوري : ههههههههههه انتي احلي والله ي رورو

عبدالرحمن مكنش متابع معاهم خالص كان مركز مع سلمي وجمالها كان عايز يقرب وكأن فيه مغناطيس في الفستان بيشدو ليها

عند جاسر كان بيضرب نفسوا ب الجزمه انو اتريق ع لبسها كان عايز يروحلها ويقولها غيري اللبس دا والبسي البناطيل انا موافق بس كبرياءه منعه

قرب عبدالرحمن من سلمي وبصلها باعجاب : شكلك حلو اوووي

سلمي رجعت لورا شويه بخجل : شكرا

الكل بصلهم بفرحه ع بدايه قصه حب جديده لكن جاسر كان مركز مع جميله وسرحان فاق من سرحانه ع صوت باباه

العمده: يلا بينا
جاسر : اه يلا
خرجوا كلهم وجميله وسلمي وجوري ورنا ركبوا العربيه وجميله هي الي ساقت وعبدالرحمن والعمده ومراته وجاسر ركبوا عربيه جاسر واتحركوا
وبعد وقت وصلوا والناس بتبصلهم باعجاب وبعضهم ينظر بوقاحه والبعض الاخر ينظر بسخط والستات واقفه في البلكونه واقفين بغضب وغيظ وخايفين ع رجالتهم منهم
امراه ١بغيظ: شايفه ي اختي بنات اخر زمن بصي لابسين اي ومش مكسوفين
امراه ٢ بغيظ: اه ي اختي بنات جليله الحيااا مش مكسوفين من روحهم باللبس دا

دخلوا البنات للعرايس سلموا عليهم وجميله استاذنت وخرجت لاسر واياد
جميله بجديه: اي الاخبار
اياد: كلوا تمام المكان كلوا متأمن كويس اوووي
جميله بتحذير : خلي بالكوا وفتحوا عنيكوا كويس اووووي لان انا دلوقتي اتاكدت ان فيه طرف تالت هو الي بيعمل كل دا وعايز يسؤا سمعه العمده كمان و اكيد هيحاول انهارده يعمل حاجه عشان يرجع التار تاني وكمان تمنعوا ضرب النار نهائي
اسر : متقلقيش احنا مأمنين البيت كويس اوووي ومنعنا فعلا ضرب النار

جميله : تمام
مشي اسر واياد ووقفت جميله تتابع الفرح وجيه جاسر ناحيتها بغضب
جاسر بغضب: انتي اي الي موقفك هنا وباللبس دا
جميله ببرود: هو انت مزهقتش من كتر ما بقولك ملكش دعوه
جاسر بغضب : يعني اي مليش دعوه احنا معندناش حريم تقف بره كدا مع الرجاله
جميله باستنكار : حريم ،حسن ملافظك اي حريم دي

جاسر بسخريه : مش عاجبك حريم ،خلاص بنات كدا عجب حضرتك ثم اكمل يغضب : وبعدين انتي سايبه كل الكلام وماسكه في حريم

جميله بغضب: اولا انت ملكش دعوه اقف في المكان الي يعجبني انت مكنتش واصي علياا عشان تقولي اقف فين ومقفش فين ثانيا ايوا اعترض ع حريم فيها اي

في اللحظه دي سمعت جميله صوت اكتر شخص بتعشقه في حياتها كان اسر باباها
اسر : في حاجه ي جميله
لفت جميله لمصدر الصوت وجريت ع باباها وحضنتوا بلفهه وشوق وجاسر كان بيغلي من الغيره وهو مش عارف مين دا الي جريت عليه وحضنتوا كدا وهي طايره من الفرحه
جميله بفرحه: وحشتني اوووي ي حبيبي
اسر بحب ابوي : وانتي كمان وحشتيني اوووي ي حبيبتي
اتجه جاسر ناحيتهم وهو يغلي من الغيره
جاسر بغضب : مين دا
جميله كانت لسه هترد لكن قطعها اسر
اسر بحده: انت الي مين وازاي تتكلم معاها بالطريقه دي
جاسر بحده: انا جاسر الحديدي وطبيعي اتكلم معاها بالطريقه دي لما اشوفها بتحضن واحد بالطريقه دي

اسر بهمس ل جميله : هو انا باين علياا صغير اوووي كدا وميبانش علياا اني ابوكي

جميله بابتسامه: انت طول عمرك صغير ي حبيبي

جاسر اتعصب جدا لما قالت حبيبي
جاسر بحده: ما تلمي نفسك اي حبيبي دي
اسر بحده: نعم انت بتقول لبنتي قدامي لمي نفسك لا شكلك انت الي عايز تتلم

في اللحظه دي جت هاجر
هاجر بلهفه : جوجو وحشتيني اوووي
حضنت جميله مامتها بفرحه
جميله بشوق : وانتي كمان وحشتيني اووووي ي ماما

جاسر اتصدم مكنش متوقع انو باباها لانوا كان باين انو صغير مش كبير لان اسر ظابط ولسه محتفظ بعضلاتو ولياقته البدنيه

هاجر بهمس ل جميله : هو في اي ومين دا
جميله بهمس : بعدين هحكيلك بس ونبي ابعدي بابا عشان هو شويه وهيمسك في جاسر وانا مش عايزه يحصل مشاكل النهارده انا مصدقت الفرح قرب ينتهي ع خير

هاجر بضحك وهمس : ههههههههههه حاضر هبعدوا
راحت هاجر ناحيه اسر الي كان بيبص ل جاسر يغضب
جاسر : انا اسف مكنتش اعرف ان حضرتك باباها
اسر بحده: حتي لو متعرفش دا ميدكش الحق انك تتكلم بالطريقه دي

هاجر وهي تهدا اسر : خلاص ي اسر حصل خير هو مكنش يعرف
اسر بهدوء : ماشي
جاسر بهدوء : فرصه سعيده اني اتعرفت بحضرتك
اسر : انا مش اسعد بصراحه خالص
جاسر بابتسامه: خلاص انا اعتذرت لحضرتك عديها بقاا
اسر بابتسامه: ماشي هعديها انا اسر الشهاوي
جاسر بابتسامه: حضرتك غني عن التعريف
اسر بابتسامه: وانت بردوا اتشهرت جامد ثم اكمل بغمزه بعد مااتقبض عليك
جاسر بضحك: هههههههه دي الاخبار وصلتك بسرعه اوووي
اسر بثقه : دا في ساعتها عرفت كل حاجه ومبروك البراءه
جاسر بابتسامه: الله يبارك فيك ثم اكمل وهو ينظر ل جميله : بس ياريت الناس تصدق
جميله بصتلوا بتحدي وكأنها بتقولوا لا مش هصدق
اسر فهم قصده وخد بالوا من نظرات التحدي بينهم
جاسر : طيب انا هسيبكوا بقاا تاخدوا راحتكوا في الكلام عن اذنكوا
اسر : اتفضل
مشي جاسر
جميله بسعاده: انتوا جيتوا ازاي وليه
اسر بمشاكسه: قولت اجي اشوف خربتي اي تاني
جميله بعبوس : بقاا كدا انا بخرب
هاجر بحب : لا ي حبيبتي بابا بيهزر ثم وجهت الكلام لاسر : بطل ي اسر
اسر بضحك: ههههههههههه خلاص ي حبيبتي انا بهزر ،بس مقولتليش ليه كنتي بتتخانقي معاه

جميله بغضب : واحد بارد بيدخل في الي ملهوش فيه قال اي بيقولي اي الي موقفك بره بالفستان دا احنا معندناش حريم تقف بره كدا وهو مالوا اقف ولا مقفش

اسر ابتسم وهاجر بصتلوا وفهمت بردوا
اسر : ههههههههههه و حبيبتي اكيد مسكتتش مش كدا
جميله بثقه : عيب عليك انت تعرف عني اني بسكت بردوا
اسر بضحك: ماالمصيبه اني عارفك مش بتسكتي
هاجر : امال فين اسر واياد وسلمي وجوري
جميله : سلمي وجوري جوه مع العرايس واسر واياد بيأمنو البيت لاني اكتشفت ان مش التار الي بين العيلتين هو الي ورا الجرايم دي

اسر بانتباه: امال مين الي ورا الجرايم دي
جميله: لسه مش عارفه
اسر : امال اكتشفتي ازاي
💖💖💖💖💖💖💖💖