رواية احببت عنادك... بقلمي/هاجر هشام الفصل الرابع وستون 64 - بقلم Hagar Hešhàm

عند جميله جالها مكالمه من باباها
جميله : ايوا ي بابا
اسر بغضب: انتي اي الي عملتيه دا ي جميله
جميله : عملت الصح الي كان المفروض يحصل
اسر بغضب: هو اي الي كان المفروض يحصل انا باعتك عشان تحلي المشاكل والجرايم تروحي انتي تزوديها
جميله : ازود اي انا قبضت عليه وهو رايح يقتلوا مش دي من ضمن الجرايم ومش بعيد كمان يكون هو الي ورا الجرايم دي كلها

اسر بغضب: معاكي دليل ع كدا
جميله: لا مش معايا بس موضوع القتل اه الراجل هيعترف انو حاول يقتلوا فعلا

اسر بغضب: جميله دا ابن عمده يعني ممكن الراجل الي حاول يقتلوا زي ماانتي فاكره يكون بيخوفوا بس ممكن يكون عمل حاجه غلط

جميله بغضب: وهو الي بيغلط بنقتلوا وبعدين دا مش بيخوفوا دا انا لحقتوا في اخر لحظه دا كان رايح يقتلوا فعلا

اسر بغضب: انا تعبت معاكي ،بصي ي جميله تروحي حالا تخرجيه وتعتذريله ع الي حصل انتي كدا هتخلي الناس تثور علينا

جميله : انت سمعتني قبل كدا قولت كلمه اسفه

اسر : لا

جميله بغضب: تمام وعايزني يوم مااقولها اقولها لمجرم وكمان عايزني اخرجه من قضيه قتل ،لا ي بابا مش هيحصل هو غلط ولازم يتحاكم وبعدين خلاص الموضوع خرج من ايدي هو هيترحل بكره ع النيابه

اسر بأمر: دا امر ي حضره الظابط وانا رئيسك في الشغل وبأمرك تخرجيه

جميله :وانا مش هخرجه مش هنفذ امر مش مقتنعه بيه وضد القانون معلش ي فندم

اسر بحده: جميله متخلنيش اسحبك من المهمه دي

جميله : انا مش هنسحب من المهمه دي ولا هخرجه الي غلط يتحاسب مش دي كلمتك الي بتقولهالي دايما انت وماما بتقولي محدش فوق القانون ،باسم كان ظابط ومع ذلك لما غلط اتحاسب واتقبض عليه ليه دا الي مش عايزة يتحبس وعايز تخرجه

هاجر جنبه: انت ليه عايزها تخرجه البنت مغلطتش قبضت عليه زي اي مجرم بيتقبض عليه هو عشان ابن العمده ميتحاسبش

جميله في الفون: قوليلوا ونبي ي ماما

اسر بحده: ماشي ي جميله بكره ترجعي اسكندريه انتي والفريق خلاص مهمتك اتسحبت منك

جميله بغضب: بابا لو عملت كدا انا مش هرجع نهائي وهستقيل كمان

هاجر بخضه: انتي بتقولي اي ي جميله اوعي تعملي كدا

اسر بغضب: انتي بتهدديني

جميله باحترام: انا مش بهدد حضرتك بس حضرتك شايفني عيله صغيره بتعاقبها انا دا شغلي وكمان انا لو كنت غلطت كنت قولت ماشي لكن انا عملت الصح فين الغلط في كدا

اسر بغضب: الغلط انك باصه للقانون وبس مش مهم البلد تولع قولتلك جاسر ليه شعبيه عاليه ومحدش هيسكت وكدا هتخلي الجرايم تزيد اكتر بدل ما تقل

جميله : مفيش جرايم هتزيد انا موجوده وكل يوم بنلف البلد كلها هما بداوا يخافوا واختفوا

اسر بغضب : وهيظهروا بعد الي عملتيه دا

جميله : ودا الي انا عايزاه انهم يظهروا عشان اقدر اقبض عليهم

اسر بنفاذ. صبر: مش عارف اعمل اي في دماغك الناشفه دي طلعتي نسخه من مامتك

هاجر : دا مش عند ي اسر بنتك مش صغيره والي عملتوا هو الصح

جميله بابتسامه: دا احلي حاجه اني طالعه لمامتي حبيبتي

اسر : يعني دا اخر كلام عندك ي جميله

جميله : مش حكايه اخر كلام عندي هو اصلا مفيش غيرو كلام

اسر : ماشي براحتك

جميله : ياريت متزعلش مني ي بابا بس انت عارفني مش هقدر اعمل حاجه مش مقتنعه بيها هو غلط ولازم يتحاسب

اسر : ماشي ي جميله سلام
جميله : سلام
فضلت جميله وباقي الفريق معاها في القسم عشان جاسر ميهربش لحد تاني يوم
💖💖💖💖💖💖💖💖
تاني يوم الصبح نزلت جميله الحبس وحطت الكلبشات في ايدو وهي بصاله بتحدي وهو باصصللها ببرود خرجت وركبوا البوكس واهل البلد كانوا متجمعين بره  وبمجرد ما خرجوا رموا عليهم حجاره وخصوصا جميله وهما كانوا متعصبين والعساكر بيحاولوا يمنعوهم
وجاسر  بضهره كان بيحمي جميله وواخدها في حضنه يخبيها عنهم وهو بيضمها لحضنه بقوه وكأنه عايز يخبيها جواه مش بس عنهم وهو مش عارف اي السبب الي خلاه يعمل كدا يمكن رجولته الي ميرضاش ان بنت تتأذي ولا حاجه تاني بس احساسه انو لازم يحميها كان مسيطر عليه وهما كانوا بيضربوا الحجاره ع ضهره  
جميله وفي وسط حضنه والضرب الي حواليهم ركزت معاه هو بصتله وهي مستغربه ازاي مجرم وحاول يقتل ومع كل دا بيدافع عنها ويحميها من الناس الي المفروض زعلانه عليه هو والثوره دي عشانه. واحد غيره كان هيفتخر ويستغل الفرصه  بصت في عينيه ولحظه توهان رهيبه ليهم هما الاتنين وهي شايفه فيه حاجه غريبه ومختلفه مشافتهاش قبل كدا شافت في عيونه لحظه امان ودفئ اول مره تحسها حتي حضنه كانت المفروض تبعد وتدافع عن نفسها لكن حاجه بتشدها لحضنه كأنه فيه جاذبيه 
فاقوا الاتنين من لحظه التوهان ع خبطه جاسر من احد الاهالي بالحجاره ع راسه وكانت قويه لدرجه انها نزفت 
جميله قلبها دق بقوه وكأنها هي الي اتخبطت مش هو وخوف غريب عليه
قدر اسر واياد وجوري وسلمي والعساكر انهم يوقفوا الاهالي ويبعدوهم
وجميله طلبت من احد العساكر علبه اسعافات وخلال دقايق جابها وركبوا البوكس. وجميله معاه وبنفسها كانت بتضمد الجرح الي في راسه رغم انها كانت تقدر تخلي اي حد من العساكر لكن اصرت هي الي تعمل كدا وهي بتبرر انو كان بيدافع عنها ولازم تردله الجميل
جميله وهي بتمسح الدم وكانت مستغربه نفسها لاول مره تهتم ب حد بالشكل دا وخصوصا لو كان مجرم :شكراً ع الي انت عملتوا
جاسر بهدوء وثبات غريب برغم ان قربها كان بيحرك حاجه جواه لكن كبريائه مانعه :مفيش شكر ولا حاجه انا ابن العمده ودوري اني احمي اي حد يكون في البلد خصوصا لو ضيف
جميله استغربت كلامه ازاي بيحمي وازاي كان هيقتل وكملت وهي بتلف الشاش ع راسه:ازاي دورك انك تحمي وازاي كنت هتقتل
جاسر :بردوا مصممه اني حاولت اقتل  طب تفتكري لو حاولت اقتل كانوا اهل البلد هيثوروا عليكي كدا او كانوا هيحبوني اصلا
جميله خلصت ووقفت وفي نفس اللحظه اتهزت العربيه بقوه بسبب صخره ع الطريق وكانت هتقع جميله لكن لحقها جاسر ووقعت في حضنه ونبضات قلب قويه كانت منهم هما الاتنين ومركزين في عيون بعض في لحظه فصلتهم عن العالم كله ومكنش في غيرهم في البوكس واتنين عساكر لكن واقفين من برا 
اجمل واروع لحظه بينهم جاسر كان باصصلها ونزل بعينيه ع شفايفها واحساس جواه بيشده ليها كانت فعلاً جميله وجذابه جداً
جميله كان قلبها بيدق بقوه من قربه ولمسه ايديه ع ضهرها وبصت في عينيه وهي شايفه قوه وثقه غريبه وكأن عينيه فيها مغناطيس بيشدها ليه وكانت اول مره تتشد لحد بالشكل دا
جاسر فاق من الي كان بيفكر فيه وساعدها وقعدها وبصلها:انتي كويسه
جميله غمضت عينيها وهي يتحاول تنظم صوت انفاسها وبصتله :اه كويسه شكراً لتاني مره
جاسر ابتسم بخفه:العفو لتاني مره بردوا
جميله ابتسمت :الخبطه وجعاك ولا حاجه لو تحب نروح المستشفي.
جاسر :لا مفيهاش حاجه انتي عالجتيها كويس واضح انك عندك خبره في التمريض
جميله :اكيد احنا بندرب ع كل دا في الكليه والاصابات
جاسر :اممممم سمعت انك ذكيه بس مش واضح دا بدليل انك صدقتي عنيكي وبس
جميله فهمت هو بيتكلم عن اي :حكايه اني ذكيه او مش ذكيه دي مقدرش افيدك فيها لكن اني صدقت عيني فا انا ظابط مش بنجم عشان حوار ان يكون فيه هدف تاني ورا الي عملتوا ومهمتي اني اوقف الجريمه قبل ما تحصل وانا شوفتك وانت بتحاول تقتله لولا اني لحقتك في اخر لحظه تفتكر دا مش دليل كافي اني اقبض عليك
جاسر :يمكن يكون دليل كافي من وجهه نظرك لكن في النيابه لازم يكون فيه ادله غير انك شوفتيني وانا بقتل لان دا اقدر انكره بسهوله
جميله:وفايز الي هيشهد انك فعلاً حاولت تقتله
جاسر سند ضهره :خلينا نشوف اي الي هيحصل
جميله بصتله بغيظ من بروده وعجرفته :مالك حاسس انك هتخرج  وفاكر انها مجرد وقت
جاسر ابتسم ببرود :انا مش حاسس انا متاكد اني هخرج وهتشوفي بنفسك
جميله بتحدي:ماشي لما نشوف
وصلوا اللنيابه وكانوا وراها باقي الفريق كل واحد ع الموتسيكل بتاعه وعربيات البوليس وراهم بعد وقت وصلوا ودخلوا لوكيل النيابه

وكيل النيابه ل جاسر : الرائد جميله بتتهمك انك حاولت تقتل المدعو فايز مصطفي ما هي اقوالك فيما هو منسوب اليك

جاسر ببرود: محصلش

جميله بغضب: ازاي محصلش وانا قابضه عليك وانت رايح تقتلوا

وكيل النيابه: بعد اذنك ي حضره الظابط متتكلميش انا دلوقتي بحقق معاه والا هطلعك بره

جميله : حاضر ي فندم

وكيل النيابه: ازاي محصلش

جاسر ببرود: يعني محصلش وحضرتك تقدر تسال فايز بنفسوا شوف هيقولك اي

نده وكيل النيابه ع العسكري
وكيل النيابه: هات ي بني فايز مصطفي من بره
العسكري : حاضر ي فندم
جاب العسكري فايز
وكيل النيابه: جاسر بينكر انو حاول يقتلك اي هي اقوالك
فايز : ايوا ي فندم هو محاولش يقتلني هو كان بيصوب ع ازازه جنبي

جميله بغضب: لا والله

وكيل النيابه بغضب: وبعدين معاكي ي حضره الظابط
جميله : ي فندم ماهو الكلام ميدخلش عقل عيل صغير
وكيل النيابه : ياريت متدخليش ي حضره الظابط انا هنا الي بسال
جميله : حاضر ي فندم

وكيل النيابه: وبالنسبه للسلاح

جاسر : السلاح بتاعي انا ومترخص كمان و اكيد مش لما اعوز اقتلوا هروح اقتلوا بسلاح مترخص دا انا لو قاصد اتحبس مش هعمل كدا

جميله : لا حقيقي برافو عجبني تمثيلك جدا

وكيل النيابه بغضب: انسه جميله اتفضلي حضرتك براا انا حذرتك كذا مره

جميله : ي فندم بس انا شوفتوا بنفسي وهو بيحاول يقتلوا لولا اني اتدخلت كان زمانوا ميت

فايز : اديكي قولتي كان زماني ميت معقوله واحد حاول يقتلني هدافع انا عنو ليه

جميله : اكيد هددك

جاسر بسخريه: والله وههددوا ازاي وانا محبوس

جميله: مش لازم انت بنفسك اكيد حد تبعك يمكن العمده

جاسر بغضب: انا مش هسمحلك تتهمي ابوياا ابدا انتي فاهمه

جميله بتحدي: لا مش فاهمه لاني واثقه من كلامي عشان انا شوفت بنفسي محدش قالي

وكيل النيابه : انا كدا مش عارف اشوف شغلي اتفضلي حضرتك

جميله بغضب وهي تنظر ل جاسر بتحدي: حاضر ي فندم

خرجت جميله بغضب بره المكتب وبعد وقت خرج فايز
جميله بغضب: انا مش عارفه انت ازاي جبان كدا ازاي تدافع عن واحد حاول يقتلك

فايز : انا قولت لحضرتك محاولش يقتلني

جميله بغضب: ازاي محاولش يقتلك دا انا لولا اني رفعت المسدس كانت الطلقه جت فيك

فايز : لو كنتي خدتي بالك ان كان فيه ازازه جنبي هو كان بيصوب ناحيتها مش علياا انا

جميله بغضب: وكنت واقف خايف ليه

فايز : طبيعي اخاف لما اسمع صوت ضرب نار

جميله بغضب : للاسف انت واحد جبان خوفت من واحد زي دا لمجرد انوا ابن العمده

في اللحظه دي خرج جاسر

جاسر بغضب: لمي نفسك ي بت انتي انا محترم والله اننا في النيابه وانتي بنت

جميله بتحدي: ولو ملمتش نفسي هتعمل اي يعني هتقتلني زي ما حاولت تقتلوا ولا اي

جاسر بتحدي: اولا انا محاولتش اقتلوا وكمان وكيل النيابه اداني براءه وبعدين مش جاسر الحديدي الي يقتل بنت

جميله بتحدي: انت خدت براءه من التهمه دي بس اوعدك اني هفضل وراك لحد مااقبض عليك وانا معايا الدليل عشان متعرفش تخرج المره الجايه

جاسر ببرود: اتمني دا
سابها جاسر ومشي وهي خرجت ركبت الموتسيكل ورجعت القسم وكان الفريق هناك
سلمي : خرج مش كدا
جميله بغضب: اه خرج
سلمي: كنت واثقه قولتلك ليه شعبيه كبيره و اكيد حد منهم هدد فايز وخلاه ينكر دا
جميله بغضب: و دا الي انا متاكده منو بس والله ما هسيبه وهفضل وراه لحد مااوقعه
جوري : بلاش ي جميله انتي كدا بتخلقي عداوه والعمده كدا هيزعل

في اللحظه دي دخل العمده
العمده: مين قال اني هزعل بالعكس جميله معملتش غير واجبها واي حد مكانها كان عمل كدا ولو كان ابني فعلا حاول يقتل كنت انا بنفسي الي حبسته

جميله : ابن حضرتك فعلا حاول يقتل

العمده: بس انا سالت جاسر وسالت كمان فايز والاتنين انكروا وكان جاسر بيصوب ع ازازه مش ع فايز ممكن تكوني مخدتيش بالك

جميله بغموض: ممكن فعلا

العمده: طيب مش يلا نروح انتوا هنا من امبارح اكيد محتاجين ترتاحوا

اياد: ايوا فعلا انا هموت وانام
جوري بتعب: وانا كمان
جميله بغموض: خلاص ماشي هنروح

نزلوا كلهم كل واحد ركب الموتسيكل واسر والعمده ركبوا العربيه بتاعت اسر وبعد وقت وصلوا

الام بغضب : انتي اي الي جابك هنا مش كفايه انك السبب في حبس ابني
جميله : ابن حضرتك الي غلط وانا واجبي اني اقبض عليه
العمده: البنت مغلطتش ي حاجه دا واجبها وزي ما هي جايه عشان تحمي البلد بردوا من حقها انها تقبض ع الي يغلط وخلاص الموضوع وضح قدام الكل
الام : ماشي ي حاج
طلعوا كل واحد دخل اوضته خد شاور وغير ونام
ع بليل صحيوا كلهم وكان البيت كلوا صاحي نزلوا
واتجمعوا كلهم ع العشاء ماعدا جميله وجاسر وعبدالرحمن
وبعد وقت خلصوا
حست سلمي بالنعاس وبعدها جوري وبعدها اسر وبعدها اياد
جميله باستغراب: انتوا لسه صاحيين ازاي عايزين تناموا
اياد بنعاس: مش عارف انا نعسان اووي
جوري بنعاس : وانا كمان
جميله بشك : طب روحوا ناموا
كل واحد راح نام وجميله واقفه في البلكونه وجيه عبد الرحمن وقف معاها
عبد الرحمن: ممكن اقف معاكي ولا هتتضايقي
جميله بابتسامه: لا عادي مش هضايق
عبدالرحمن : ممكن بسبب انك مكنتيش فاضيه وبتخرجي كتير ماتعرفناش ع بعض انا عبدالرحمن

جميله بهدوء: ممكن نكون متعرفناش بس انا اعرفك
في اللحظه دي جت الخادمه بكوب عصير ل جميله وعبد الرحمن
جميله باستغراب : بس انا مطلبتش عصير
الخادمه : انا لقيت حضرتك واستاذ عبد الرحمن متعشتوش فقولت اعملكوا عصير وكمان عملت القهوه لاستاذ جاسر الي هو بيحبها
عبدالرحمن بابتسامه: شكرا ي حنان
خد عبد الرحمن العصير وشربوا
جميله : شكرا
خدت جميله العصير لكن مشربتهوش
عبدالرحمن: مش هتشربي العصير
جميله : لا انا مش بشرب عصير
عبدالرحمن: طب مقولتلهاش ليه كانت عملتلك اي حاجه تاني
جميله : لا انا بشرب حاجه
عبدالرحمن باستغراب: انتي غريبه اووي
جميله باستغراب: غريبه في اي
عبدالرحمن: يعني مش بتتعشي وتقريبا اكلك قليل ومش بتشربي عصاير ودايما جاده كدا
جميله : دا احسن حاجه
عبد الرحمن: لا مش احسن حاجه انتي كدا تتعبي وكمان الحياه مش كلها جد فيها هزار وضحك
جميله: ومين قالك اني مش بهزر بالعكس انا بهزر وبضحك بس في وقت الشغل ببقي جد

عبد الرحمن حس باللغبطه وحس انوا مش مظبوط
جميله باستغراب : مالك
عبد الرحمن: مش عارف حاسس بتشويش كدا شكلي عايز انام
جميله بشك: هو اي حكايه النوم دا
عبد الرحمن باللغبطه : انا طالع انام
جميله: اوك
طلع عبد الرحمن وهو بيتمطوح يمين وشمال زي السكران والرؤيه مشوشه ودخل اوضه وهو فاكر انها اوضته
عند جميله تحت
جميله بشك: في حاجه غلط غريبه ان الكل ينام في وقت واحد اشمعنا انا منمتش
استرجعت جميله الاحداث وعرفت ان سبب النوم انهم اتعشوا وهي لا و عبدالرحمن شرب العصير وهي لا خرجت جميله وراحت ل جاسر تشوفوا نام ولا لسه و دخلت اوضته لقتوا لسه خارج من الحمام وهو لابس شورت بس وعضلاتو بارزه لفت حميله الناحيه التانيه بسرعه
جاسر بحده: انتي اي الي دخلك الاوضه
جميله بحده وهي تنطر للجهه الاخري : والله انا مدخلتش الجنه انا كنت عايزه اعرف نمت ولا لا
جاسر باستغراب : نعم ليه طفل بتطمني عليه
جميله بحده: وانا اطمن عليك ليه اصلا انا بس استغربت ان كلوا نام وشكيت ان الاكل فيه منوم خصوصا اني مكلتش عشان كدا منمتش وكمان الخدامه عملت عصير لياا انا وعبدالرحمن وهو شرب وانا لا وهو نام وانا لا وهي قالت انها عملتلك قهوه فقولت اشوفك انت كمان نمت ولا لا

جاسر : بس بس انتي بالعه راديو اي كل دا وبعدين انتي جايه تعمللنا المفتش كرومبوا هنا وتشككي في الخدامه بتاعتنا دي شغاله عندنا بقالها سنين

جميله بغضب: انا مش بعمل مفتش كرومبوا ولا حاجه اظاهر انت الي غبي ومفهمتش ان فيه حاجه لما نكون لسه صاحيين ويكونوا عايزين يناموا تاني

جاسر بغضب: بت انتي احترمي نفسك وبعدين انا مالي تصحوا ولا تتخمدوا حتي

جميله بغضب: خمده تخمدك واحد قليل الذوق

جميله من كتر الغضب مخدتش بالها انها بصالوا وهو لابس شورت بس

اتجه ناحيتها جاسر بغضب ومسك ايديها بقوه ولواه ورا ضهرها وكانت قريبه جدا منو لكن جميله رجعت راسها لورا جامد وخبطتوا في انفه وهو رجع لورا من الخبطه ومناخيره بتنزف
جميله بحده: اوعي تفكر تعملها تاني عشان المره الجايه هكسرهالك
جاسر بغضب وهو يمسك انفه : انتي اتعديتي حدودك اوووي وانا اقدر دلوقتي احبسك بتهمه التعدي علياا

جميله بتحدي : اعمل كدا لو تقدر وبعدين انا باخد حقي بدراعي مش بخلي الحكومه هي الي تجبهولي

جاسر بتحدي : انا لو خدت حقي بدراعي كان زمانك ميته من زمان

جميله باستهزاء: اتكلم ع قدك ي بابا انا اكبر العصابات مقدروش علياا انت هتقدر

جاسر بتحدي: اقدر جدا لاني اخطر من العصابات بتاعتك دي
جميله ضحكت باستهزاء:هههههه تصدق ضحكتني بقاا انت اخطر من العصابات يلا ي بابا روح العب بعيد

حاولت تخرج بره الاوضه لكن لقت جاسر قفل الباب بالمفتاح
جميله بتحدي: شكلك محرمتش من المره الي فاتت افتح الباب احسن ما يصحوا الصبح ويلاقوك جثه

جاسر بتحدي وهو يقترب منها : انا عايزهم يلاقوني جثه

جميله بتحدي: تمام وانت الي طلبت

حصل اشتباك بينهم وجميله كانت بتضرب لكن هو بيتفادا الضربه كانت هي بتضرب وهو بيدافع مسكت ايدوا ولوتها ورا ضهره
جميله بتحدي: قولتلك انت مش قدي
ضربها جاسر ع رجليها ووقعت حاولت تقوم بسرعه لكن هو كان فوقيها
جاسر بتحدي وهو ينظر لعنيها : انتي الي مش قدي ي حلوه
ضربته جميله برجليها ووقع هو الناحيه التانيه وحصل العكس بقت هي فوق وهو تحت
جميله بتحدي : بعد كدا متلعبش مع الاكبر منك ماشي ي شاطر
حاولت جميله تقوم لكن هو شدها وباسها بغل وهي كانت بتزقه جامد لحد ماقدرت تبعد فعلا واول ما بعدت ضربتوا بالقلم بقوه وفي لحظه اتحولت عنيه لبركان وعروقه برزت من كتر الغضب
جميله بحده: اوعي تفكر انك تعملها تاني لان المره الجايه مش هكتفي بقلم بس المره الجايه هقتلك

سابتوا جميله يغلي من الغضب وفتحت الباب وخرجت ورزعت الباب وراها
جاسر بغضب جامح : والله لربيكي ي جميله وهدفعك تمن القلم دا غالي اووووي

💖💖💖💖💖💖
تاني يوم الصبح صحي الكل ع صوت صويت قاموا بسرعه وخرجوا كلهم كان الصوت من غرفه سلمي
شافوا سلمي بتعيط وعبدالرحمن جنبها مصدوم

جميله فهمت ان دا ملعوب وكمان مكنوش قاصدين سلمي
جميله بحده ل عبدالرحمن: اتفضل اخرج بره وياريت الكل يخرج بره

خرجوا كلهم بره وهما مصدومين راحت جميله ناكيه سلمي بهدوء
جميله بحنان: بس اهدي انا عارفه ان محصلش حاجه اصلا انتي لسه بهدومك وهو كمان لسه بهدومه بس للاسف الكل شافكوا جنب بعض

سلمي بدموع: انا معملتش حاجه والله ولا اعرف هو جيه امتي

جميله بحنان: انا عارفه كمان مش انتي الي مقصوده

سلمي : امال مين ومقصوده ازاي انا مش فاهمه

جميله : انا الي كنت مقصوده لان انا الي كنت واقفه مع عبدالرحمن انتوا كان المفروض هتناموا بس لكن عبدالرحمن وانا اتحطلنا حبوب هلوسه بس هو شرب وانا لا بس احمدي ربنا ان الحبوب نيمتو ومحصلش حاجه

سلمي : بس انا دلوقتي اتفضحت

جميله : متقوليش كدا محدش شافك غير اهل البيت وكمان انتي مكنتيش عريانه يعني محصلش حاجه

💖💖💖💖💖💖💖💖💖
عند عبدالرحمن بره
العمده بغضب وهو يرفع يده ليضربه بالقلم : حيوااان
لكن جميله مسكت ايدو
جميله : هو مغلطش ي حضره العمده دا ملعوب عليهم وكمان مش سلمي المقصوده بس هي جت كدا
العمده : ملعوب اي

جميله بجديه: امبارح كلكوا بعد الاكل ع طول حسيتوا بنعاس ونمتوا ع طول ماعدا انا وعبدالرحمن وجاسر والاكل كان فيه منوم فا عشان انا وعبدالرحمن وجاسر مكلناش ف منماش فا طبعا الخدامه عارفه اني مش بتعشي فا عملتلي عصير وعملت لعبدالرحمن وحطتلوا حبوب هلوسه عشان طبعا تصحوا الصبح واكون انا مكان سلمي بس الحبوب شوشت الرؤيه عندوا ودخل غلط في غرفه سلمي ونام بس محصلش حاجه

الخدامه بصراخ: كدابه انا معملتش حاجه ولا حطيت حاجه انا بقالي سنين بشتغل هنا وعمري ما عملت حاجه جايه انتي تشككي فياا

جميله رفعت السلاح في وشها والكل اتفاجئ والخدامه اتوترت وخافت

جاسر بغضب: انتي بتعملي اي انتي ازاي ترفعي السلاح في وشها كدا انتي ناسيه انتي فين

جميله اتجاهلتوا وبصت للخدامه بحزم وحده: هتقولي ولا اقتلك

الخدامه بدموع وتمثيل : يرضيك كدا ي حضره العمده بقاا ع اخر الزمن اتبهدل كدا وترفع في وشي السلاح

جميله بحده: ملكيش دعوه ب حضره العمده الكلام معايا انا وانا مش هسيبك غير لما اعرف الي عايزه اعرفوا فا بالذوق كدا تقولي كل حاجه

جاسر بغضب : انتي زودتيها اوووي هو محدش عارف يلمك ولا اي مش عشان تدافعي عن صاحبتك تتهمي الخدامه في حاجه زي كدا

جميله باستهزاء: وبالنسبه لاخوك دا مش بدافع عنو بردوا وبعدين انت لو عندك ذره ذكاء كنت فهمت ع طول لكن واضح انك مش عايز تفهم

جاسر بغضب جامح: بت انتي
تجاهلتوا جميله ورجعت بصت للخدامه

جميله بحده: اخلصي انا مش هفضل مستنياكي

الخدامه بخوف : هقول خلاص هقول
💖💖💖💖💖💖💖💖