رواية احببت عنادك... بقلمي/هاجر هشام الفصل الخامس وسبعون 75 - بقلم Hagar Hešhàm

عند جميله كانت بتكلم باباها
جميله : انا هفضل في القاهره مينفعش اسيبوا وهو متصاب كدا بسببي

اسر : والله قولت بتحبيه وانتي بتعندي

جميله: مش عشان افضل موجوده جنبه ابقي بحبه بس هو اتصاب بسببي ومينفعش اسيبوا

اسر : ماشي براحتك وصح سلمي هتيجي عندك

جميله باستغراب: اشمعنا

اسر : سيف عايزها

جميله بضحك: ههههههههههه والله اونكل سيف دا عسل عامل زي جوزها الي بيغير عليها

اسر بضحك: هو دا سيف مش هيتغير ،وبعدين مانا بغير عليكي ومش عايزك تبعدي عني بس دي حياتك انتي وانا مش هجبرك ع حاجه غصب عنك

جميله : وانا بحبك ومقدرش ابعد عنك ي حبيبي

اسر : طيب انتي كدا هتنقلي شغلك القاهره

جميله: لسه مش عارفه هشوف واقولك

اسر : ماشي

جميله: تصبح ع خير ي حبيبي

اسر : وانتي من اهله ي حبيبتي
دخلت جميله تنام لكن جالها مكالمه من ادهم
جميله : ايوا ي ادهم

ادهم: جميله ،كمال انتحر

جميله: اي انتحر ازاي وهو لسه المفروض متخدر

ادهم: ما دا الي احنا شاكين فيه ان اكيد كانوا خايفين يقول ع حاجه عشان كدا خلصوا منو

جميله: دا اكيد مش شك واكيدكانوا خايفين يقول ع حاجه عشان كدا خلصوا منو قبل ما يفوق ويتكلم

ادهم: كدا القضيه متقفلتش لان لسه فيه لغز

جميله: ايوا بالظبط وانا هاجي بكره ونشوف

ادهم: خلاص تمام
جميله : ماشي تصبح ع خير
ادهم: وانتي من اهله
قفلت جميله مع ادهم ودخلت نامت
💖💖💖💖💖💖💖💖
تاني يوم الصبح صحيت جميله خدت شاور ولبست

ووحضرت الفطار وخدتوا وراحت خبطت ع جاسر
وهو فتح ودخلت حطت الفطار وقعدوا فطروا مع بعض وبعد وقت خلصوا
جاسر : هتسافري امتي
جميله: مش هسافر
جاسر باستغراب : واي الي غير رائيك فجاه كدا
جميله : المهمه لسه مخلصتش كمال مات
جاسر : مات ازاي
جميله: انتحار بس هو مش انتحار لان هو مكنش لسه فاق من المخدر واكيد حد قتلوا قبل ما يفوق ويتكلم

جاسر فرح ان المهمه لسه مخلصتش وهتفضل موجوده

جاسر : طب وهتعملي اي دلوقتي
جميله: هوصلك الشركه وبعد كدا هروح الاداره
جاسر : طب و بالنسبه لموضوعنا

جميله بهدوء : بص ي جاسر مش معني اني قولتلك بحبك اني موافقه ع الجواز انا لسه مش مستعده لموضوع الارتباط ولا الجواز لان عمري ما فكرت فيهم فا معلش اجل الموضوع دا
جاسر : ماشي ي جميله بس امتي هتكوني مستعده بقاا
جميله: مش عارفه لسه
جاسر : ماشي
جميله: طب يلا
جاسر : اه يلا
سندتوا جميله ونزلوا ركبوا العربيه وجميله هي الي ساقت واتحركوا وبعد وقت وصلوا الشركه سندتوا جميله وسط نظرات الموظفين والامن الي مستغربين علاقه جميله ب جاسر وهما مش عارفين ازاي دي علاقه مدير بسكرتيره وسمعت جميله وجاسر همس بنتين من الموظفين
بنت١ بهمس: شكلها زي مياده بتمثل عليه عشان توقعه
بنت٢ بهمس: ي بختها دا انا نفسي بس اسلم عليه مش احضنه كدا بس
بنت ١ بهمس: واحده سافله بصي حضناه ازاي وداخله قال اي بتسندوا
بنت٢ بهمس: لازم تعمل كدا عشان تبينلوا انها مهتمه بيه عشان يحبها عرفت تلعبها صح مش زي مياده دي راسمه ع تقيل

وقفت جميله وجاسر بردوا وبصت للبنتين وراحت ناحيتهم وضربتهم بالقلم
بنت ١ بعصبيه: انتي ازاي تتجرأي وتمدي ايدك عليا
ا
جميله بحده: زي ماانتي اتجرأتي واتكلمتي علياا وفكراني هسكتلك اولا انا مش محتاجه امثل ع حد عشان يحبني لاني مش رخيصه زيكوا وانتي الي نفسك تسلمي عليه بس انتوا عشان مرخصين نفسكوا محدش بيبصلكوا والسافله دي تبقي انتوا عشان بتتكلموا بالطريقه القذره دي وانتوا مش مكسوفين من نفسكوا

بنت ٢ بسخريه: وانتي مش مكسوفه من نفسك وانتي حضناه كدا
جميله بحده: لا مش مكسوفه لاني مبعملش حاجه غلط انا بسندوا مش يسلم عليه ولا نفسي احضنوا زيك
جاسر بحده: انتوا الاتنين تاخدوا بقيت حسايكوا ومشوفش وشكوا هنا تاني يلا

بنت ١ بتوتر: احنا اسفين ي فندم مش هتتكرر تاني

جاسر بحده: انا معنديش حاجه اسمها اسفه انتوا غلطوا لما فكرتوا تجييوا سيرتها بكلمه جميله خطيبتي ومش هسمح لحد يتكلم عنها نص كلمه وحالا مشوفش وشكوا في الشركه نهائي

الكل اتصدم لما عرفوا حتي جميله اتصدمت من كلمته بس سكتت
مشيوا البنتين وجميله سندت جاسر وهي بصالوا بغضب ودخلوا الاسانسير
جميله بغضب: ممكن اعرف ليه قولت اني خطيبتك انا قولتلك اني لسه مش موافقه

جاسر بغضب: يعني اسيبهم يتكلموا عليكي

جميله بغضب: محدش يقدر يتكلم عني نص كلمه وكمان انا اقدر اخرس اي حد يفكر يجيب سيرتي ،انا مش بحب الطريقه دي انت بدبسني يعني ،

جاسر بدهشه : بدبسك ثم اكمل يغضب لدرجه دي بتكرهيني ومش طايقه حد يقول انك خطيبتي

جميله : انا مقولتش اني بكرهك ع فكره متجبش كلام من عندك وخلاص

جاسر بغضب: امال دا اي ،فيها اي لما اقولهم انك خطيبتي

جميله بغضب: عشان انا مش خطيبتك انا قولتلك مش مستعده لسه للخطوه دي وانت حالا روحت قولت اني خطيبتك

جاسر : انا قولت كدا عشان كلهم مستغربين علاقتنا مع بعض

جميله بغضب: مايولعوا هما مالهم يعرفوا ولا لا وبعدين لو خايف من كلامهم اووي كدا يبقي مش هنبقي مع بعض ولا حد هيشوفني معاك عشان ميستغربوش علاقتنا بعد كدا لان مفيش علاقه اصلا

جاسر بغضب: انا مبخفش من حد انا خايف عليكي انتي مش عايز حد يجيب سيرتك بكلمه افهمي بقاا

جميله بغضب: وانا قولتلك محدش يقدر يجيب سيرتي بكلمه واتفضل بقاا صلح الموقف الي عملتوا دا وقولهم اني مش خطيبتك

جاسر : لا طبعا مينفعش ،مينفعش بعد مااقولهم انك خطيبتي ارجع اقولهم سوري ي جماعه انا كنت بكدب عليكوا وهي مش خطيبتي

جميله بغضب: مش هي دي الحقيقه

جاسر : لا مش الحقيقه انا اقدر اطلب ايدك من سياده اللواء وتبقي خطيبتي فعلا

جميله : وانا قولتلك لسه مش مستعده ياريت تقدر دا

جاسر : حاضر تقدر دا وياريت انتي كمان تقدري اني بحبك

جميله : انا مقدره دا جدا ع فكره

جاسر بسخريه: ماهو واضح فعلا

جميله : هو الاسانسير عطل ولا اي

جاسر : دايما بتهربي ماشي ،ع العموم لا معطلش انا الي عطلتوا
جميله : ليه بقا
جاسر ببرود: كدا
جميله بغضب: طب شغلوا
جاسر ببرود: لا بصراحه عجبني الواقفه دي انا وانتي وبس
جميله بغضب: اخلص وشغل الاسانسير انا مش فاضيه عايزه اروح الاداره
جاسر : بس انا فاضي عادي
جميله بغضب: انت مش رجلك وجعاك
جاسر ببرود: لا
جميله بغضب: لو مفتحتش الاسانسير هخليها توجعك بجد
جاسر ببرود: انا متاكد انك مش هتعملي كدا لان كنتي خايفه علياا لما اتصابت اكيد مش هتخليها توجعني
جميله بتحدي: بلاش تتحداني قولتلك انا اقدر اعمل كدا وكمان انا مخوفتش عليك بالمعني الي في دماغك انا لو اسر واياد اتصابوا كنت خوفت عليهم بردوا

جاسر حس بالغيره واقترب منها بشده وهو يسند يده الاتنين ع الحيطه بينها في حصار
جميله بغضب: ابعد ي جاسر
جاسر بغيره: مش هبعد ي جميله
جميله بغضب: لاخر مره بقولك ابعد ي جاسر انا مش عايزه اوجعك

جاسر بسخريه: وانتي لسه موجعتنيش

جميله مفهمتش سخريته
جميله بغضب: انا لسه موجعتكش فعلا ابعد احسنلك
جاسر بتحدي:مش هبعد
جميله بتحدي: انت الي جبتوا لنفسك
ضربتوا جميله بوكس في بطنوا لكن ولا اتهز ولا اتحرك من مكانوا بسبب ضخامه عضلاتو الي كانت بالنسبه لضربه كانها بتطبطب عليه
جاسر بتحدي: مش كل مره هتأثر
جميله بتحدي : متاكد
جاسر بتحدي: اه
ضربتوا جميله بدماغها اتخبط في انفه ورجع لورا ومسك انفه بالم وجميله حاولت تدوس ع زرار الاسانسير عشان يشتغل لكن لحقها جاسر وهو يمسك ايديها وكتفها
جاسر بتحدي: انا عرفت دلوقتي انتي مش بتحبي الي يقولك بحبك ولا الكلام الرومانسي بتحسيه مش راجل مش كدا

جميله وهي تحاول الافلات منو لكن كان مكتفها جامد : ملكش دعوه وابعد

جاسر وهو ينظر في عنيها بتحدي: ماشي ي جميله انا هعلمك الادب

جميله بسخريه: انت تعلمني انا الادب

جاسر بتحدي: مفيش غيري الي هيقدر يعلمك الادب فعلا

جميله بتحدي: اتكلم ع قدك لان مش انا الي تعلمها الادب ،الادب دا روح علموا ل مياده الي كنت بتحبها او سهيله مش انا

جاسر بغضب: واي الي جاب سيره زفته دلوقتي

سابها جاسر بغضب وهي كانت بتدلك ايديها مكان الماسكه
جميله بغضب: انا مش هسمحلك تمسكني كدا تاني انت فاهم
جاسر ببرود: بسيماما
جميله بغضب: بني ادم بارد
اتجاهلها جاسر وشغل الاسانسير ووصلوا الدور الي فيه المكتب سندتوا جميله بغيظ وغضب وهو كان مستمتع وهو بيغيظها ودخلوا المكتب لقوا عبدالرحمن
جاسر باستغراب : انت بتعمل اي هنا ثم اكمل بقلق : حد حصلوا حاجه
عبدالرحمن بنفي : لا كلهم كويسين بس انت اي الي حصلك دا
جاسر : اصابه عادي
جميله : ازيك ي عبدالرحمن
عبدالرحمن بابتسامخ: ازيك ي جمسله عامله اي
جميله بابتسامه: الحمدلله
جاسر : انت جيت ليه
عبدالرحمن: جاي اشتغل
جاسر باستغراب : من امتي الكلام دا مانا قولتلك كتير تعالي اشتغل معاياا وانت كنت بترفض
عبدالرحمن: كل واحد بيجي عليه ويتغير وانا اتغيرت وعايز اشتغل واعتمد ع نفسي
جاسر : والله دي حاجه كويسه
عبدالرحمن بتسرع: هي سلمي بتشتغل معاكي ي جميله
بصلوا جاسر باستغراب
جميله بخبث: بتسال ليه
عبدالرحمن بتردد: عادي يعني بسال عادي
جميله: هههههههههههههه ماشي ي عم ع العموم ايوا سلمي اتنقلت النهارده معاياا
عبدالرحمن بفرحه: بجد

جاسر : يعني انت عايز تشتغل هنا عشان كدا

عبدالرحمن: لا انا عايز اشتغل عشان اعتمد ع نفسي

جميله بمكر: و عشان تبقي قريب بردوا

عبدالرحمن : بصراحه اه انا بحبها وقولتلها كدا لكن هي بتتهرب مني وخايف اتقدملها وباباها يرفض عشان مش بشتغل فقولت اجي واشتغل واعتمد ع نفسي عشان اقدر اتقدملها وميرفضنيش

جميله بهدوء: سلمي بتهرب منك عشان مش عايزه تتعلق بيك لان هي اي عريس بيتقدملها باباها بيرفض ع اي سبب فا هي مش عايزه تتعلق بيك وبعد كدا باباها يرفض فا تزعل خصوصا ان هي كمان متعلقه ب باباها جدا

عبدالرحمن: بس انا مش هيأس وهعمل كل حاجه عشان يوافق اني اتجوزها

جاسر : طب وانتي بتهربي ليه اي سبب هروبك مني

جميله : مفيش سبب انا قولتلك لسه مش مستعده

عبدالرحمن باستغراب: انتوا بتتكلموا ع اي انا مش فاهم حاجه

جميله : متاخدش في بالك
جاسر ل عبدالرحمن: تحب تبدا شغل من بكره ولا النهارده
عبدالرحمن: هبدا النهارده
جاسر : تمام روح لحمزه هو هيعرفك نظام الشغل كلوا وهيفهمك كل حاجه
عبدالرحمن : تمام ماشي
جميله: طيب انا همشي بقاا عشان اتاخرت جدا
عبدالرحمن: تحبي اوصلك
جاسر بغيره: توصلها فين هي رحله
عبدالرحمن: اوعي تقول انك بتغير عليها مني ،ع فكره جميله زي اختي
جميله : هو هيغير علياا ليه اصلا احنا مفيش بينا حاجه
عبدالرحمن : انا بجد مش فاهمكوا يعني انتوا دلوقتي اي

جاسر بسخريه: ونبي لما افهم انا الاول هبقي افهمك
جميله : مش محتاجه فهم احنا ولا مخطوبين ولا متجوزين
جاسر بسخريه: نسيتي تقولي ولا بنحب بعض
جميله ببرود: ولا بنحب بعض
عبدالرحمن : لا بصوا انتوا شقلبتوا دماغي انا رايح ل حمزه
جميله: مش قولت هتوصلني ولا رجعت في كلامك
عبدالرحمن: لا طبعا عمري ما برجع في كلمتي انا افتكرتك مش عايزه
جميله : لا عادي اهو حتي تسلم ع سلمي بالمره واوريك باباها لانك داخل ع معركه
عبدالرحمن بضحك: ههههههههههه نفس كلمه اياد قالي كداا بردوا واضح انو في اجماع ع كدا
جميله : ههههههههههه جداا
جاسر بحزم: خلصتوا ضحك يلا اتفضل ع شغلك مش هتوصل حد
جميله بتحدي: وانا قولت هيوصلني
جاسر بتحدي اكبر وغيره: وانا قولت مش هيوصلك ولو عمل كدا يبقي ملهوش شغل عندي
جميله بغضب: انت بتتحكم فيه عشان شركتك يعني ع فكره طظ وانا اقدر اخليه يشتغل مع خالي في الشركه
جاسر بتحدي: بس شركه خالك في اسكندريه وهو عايز هنا عشان سلمي
جميله : كويس انك عارف انو بيشتغل عشان سلمي يعني ملهاش لازمه انك تغير عليا منو وكمان تفهم انو هيوصلني عشان يشوف سلمي مش اكتر

جاسر ببرود: ومين قالك اني بغير عليكي منو انا بعند فيكي، بس عشان خاطر اخوياا وكمان حاسس بيه هخليه يوصلك

بصتلوا جميله بغيظ وغضب وخرجت وعبدالرحمن وراها نزلوا ركبوا العربيه وبعد وقت وصلوا الاداره طلعت جميله وعبدالرحمن
جميله بابتسامه:وحشتيني ي سلمي
سلمي بابتسامه: وانتي كمان وحشتيني ي جوجو
حضنوا بعض كل دا وسلمي مخدتش بالها من عبدالرحمن
عبدالرحمن بابتسامه ساحره: ازيك ي سلمي عامله اي
سلمي بابتسامه: الحمدلله وانت عامل اي
عبدالرحمن بابتسامه: بقيت كويس لما شوفتك
ادهم بمزاح:اي ي عم الرومانسي مش هنا الكلام دا
جميله بضحك: ههههههههههه ما تسيبوا ي بني وانت مالك
سلمي بابتسامه: انت جيت هنا ليه
عبدالرحمن بابتسامه: انا بدات شغل مع جاسر
سلمي بابتسامه: ربنا معاك
عبدالرحمن بابتسامه: يارب وانا محتاجك انتي كمان معايا
سلمي اتكسفت وبصت في الارض وسكتت
ادهم بمزاح: احنا لسه هنا ع فكره ممشيناش
جميله بضحك: ههههههههههه طب خلينا نمشي عشان شكلنا بقاا وحش و احنا عزول
ادهم بضحك: انا بقول فعلا اجيب اتنين لمون ونسيبهم مع بعض

: تسيبوا مين مع بعض
لفوا لمصدر الصوت وكان اللواء سيف
الكل ماعدا عبدالرحمن : تمام ي فندم
جميله : دا ادهم بيقولي سيبتي جاسر ليه لوحدوا وهو متصاب
سيف وهو يشاور ع عبدالرحمن: مين دا
عبدالرحمن بابتسامه: انا عبدالرحمن الحديدي اخو جاسر
سيف بابتسامه: اه اهلا بيك
عبدالرحمن : اهلا بحضرتك
سيف : طب وانت بتعمل اي هنا
جميله: هو وصلني فا قال يطلع يسلم بالمره
سيف : اه تمام انا في مكتبي نص ساعه وتحصلوني عشان القضيه
الكل ماعدا عبدالرحمن : تمام ي فندم
جميله : معلش ي فندم كنت طالبه من حضرتك طلب
سيف : طلب اي
جميله : كنت عايزه سلمي تيجي تعيش معاياا
سيف : طب ما تيجي انتي ي بنتي تعيشي معانا احنا البيت واسع وكبير
جميله : الحقيقه انا مرتاحه كدا احسن ،ينفع بقاا سلمي تيجي تعيش معايا
سيف : ماشي ي جميله
خرج سيف راح المكتب
عبدالرحمن بهمس: ربنا يخليكي للغلابه الي زينا
جميله بضحك: اي خدمه
عبدالرحمن : طب استاذن انا عشان اسيبكوا تشوفوا شغلكوا وانا كمان اشوف شغلي مع السلامه
الكل: سلام
راح عبدالرحمن ناحيه سلمي: انا ماشي
سلمي بابتسامه خجل : مع السلامه
عبدالرحمن بمشاكسه: بس طب مش عايزه تقوليلي حاجه تاني
سلمي بخجل: لا
عبدالرحمن بمزاح: فكري
سلمي بخجل: فكرت
عبدالرحمن بمزاح: فكري تاني عادي يعني
ادهم بمشاكسه: هي فكرت خلاص وقالت مش عايزه
جميله بضحك: ههههههههههه ي بني انت بتحشر نفسك ليه كتير ما تسيبوا يتكلم
ادهم بضحك: ما سياده اللواء لو دخل وشاف كدا هيحشرنا احنا في البوكس والله
الكل ضحك ع كلمه ادهم
عبدالرحمن بضحك: خلاص انا ماشي يلا سلام
الكل: سلام
مشي عبدالرحمن وهو مبسوط انو اتكلم معاها حتي لو قليل وحس بقبول منها لكن لسه قداموا عقبه وهو اللواء سيف

جميله : طب يلا احنا نروح ل سياده اللواء
ادهم وسلمي : يلا
دخلوا الثلاثه المكتب واداو التحيه العسكريه
سيف : اقعدوا
قعدوا الثلاثه
سيف ل جميله : اول حاجه انا فخور انك قدرتي تجيبي الورق وتقبضي ع كمال وتكتشفوا كمان اكياس الدم الفاسده والاعضاء

جميله : بس كل دا راح هدر ماهو مات ومعرفناش حاجه
سيف : متيأسيش هنقدر نوصلهم بس محتاجين شويه وقت
جميله : بس احنا منعرفش اي حاجه عن الي ليه مصلحه في قتل كمال ولا اي حاجه يعني الخيط الي كنا ماسكينو اتقطع
جميله : احنا محتاجين حد يدخل المستشفي الي كان بيشتغل فيها كمال بس يكون دكتور لان كدا هيبقي وسطيهم

جميله : فيه اخت اسر دكتوره وتقدر تدخل المستشفي بسهوله يعني لو قدمت طلب شغل في المستشفي هتبقي وسطيهم وتعرف كل حاجه عنهم

سيف : تمام كلميها وخليها تقدم طلب بس هي هتقدر تصد في موضوع زي دا الموضوع مش سهل دي تجاره اعضاء يعني عصابه ولو اتكشفت

قطعته جميله
جميله : لا ان شاء الله مش هتتكشف هي ذكيه وقويه تقدر تصد وكمان ادهم هيتولي حمايتها وغير انو هيتابع معاها بس عأيزين حجه بوجود ادهم معاها عشان محدش يشك

سيف : يبقي جوزها لان مينفعش خطيبها

ادهم بصدمه: نعم اتجوز مين لا طبعا مينفعش ي فندم

سيف : دا مؤقتا بس ي ادهم متقلقش بعد ما تخلص المهمه ابقي طلقها

ادهم باعتراض : بس انا مستحيل العب بحياه واحده كدا

سيف : احنا هنقولها طبعا ي ادهم وانتوا الاتنين هتكونوا عارفين وكل حاجه بوضوح واسر هنعرفوا وكمان باباها ومامتها هيعرفوا بس في سريه تامه

ادهم : طب ما ابقي خطيبها بدل جوزها حضرتك واخد بالك اننا هنعيش مع بعض

سيف : انا واثق فيك ي ادهم وعارفك كويس وكمان مينفعش خطيبها لان وجودك كل شويه معاها في المستشفي هيخليهم يشكوا فا لازم تكون جوزها دا هيبرر وجودك معاها في مكتبها عادي في المستشفي وغير انك تقدر تعرف منها كل حاجه وانتوا في البيت مش هيبقي فيه كاميرات ولا اي حاجه لان هما اي دكتور جديد بيحطوا كاميرات في مكتبه

ادهم : ي فندم انا مش هقدر فعلا صعب الموضوع دا

سيف بحزم: دا امر ي حضره الظابط وبعدين انا مقولتلكش اتجوزها حقيقي دا جواز صوري

ادهم : تمام ي فندم بس هي هتوافق

سيف : جميله هتكلمها وتفهمها كل حاجه

جميله : تمام ي فندم

سيف : جميله انتي قولتي ان جاسر متصاب

جميله : ايوا ي فندم حضرتك عارف اتصاب لما كان بيدافع عني

سيف : ايوا عارف عشان كدا انتي هتاخدي جاسر وتروحوا المستشفي دي يعمل فحوصات شامله وكمان تعرفي معلومات

جميله : بس ي فندم هي الاصابه في رجله عادي ومش مستاهله فحوصات

سيف : عارف بس دا تمويه عشان تقدري تدخلي المستشفي عادي وبعدين انتوا في اي عمالين تعارضوا في اي حاجه هو انا بعزم عليكوا دا امر ولازم يتنفذ

ادهم وجميله بغيظ: تمام ي فندم
سلمي كانت كاتمه ضحكتها بالعافيه ع ادهم وجميله
سيف : وانتي ي سلمي هتجمعي معلومات عن مدير المستشفي نفسه
سلمي : تمام ي فندم
سيف : اتفضلوا يلا
خرجوا الثلاثه
ودخلت جميله وادهم المكتب وهما متعصبين جدا وسلمي وراهم كلامه ضحكتها
ادهم بغضب: يعني انا يوم مااتجوز اتجوز في مهمه وبالشكل دا وكمان واحده معرفهاش ولا شوفتها قبل كدا

سلمي وهي تحاول كتم ضحكتها : ما انت هتشوفها وتعرفها ي ادهم وهتحبها كمان

ادهم بغضب: احب مين انا مش طايق اشوفها اصلا تقوليلي احبها

جميله بغضب: ما تحترم نفسك ي ادهم انا مقبلش انك تتكلم كدا ع صحبتي انا لولا اني عذراك عشان انت متعرفهاش وكمان دا امر عليك كنت مسكتش وبعدين هي ذنبها اي ما هي زيك بردوا لسه متعرفش حاجه ولا تعرفك ولا شافتك

ادهم سكت لان فعلا هي عندها حق هي ملهاش ذنب لانها زيوا بالظبط متعرفش حاجه و اكيد هي كمان لو عرفت هتعمل زيوا

سلمي : خلاص اهدوا ي جماعه وبعدين ي ادهم ما قالك جواز صوري يعني كدا وكدا

ادهم بغيظ: ما دا الي مصبرني

سلمي : طب وانتي ي جميله متعصبه ليه بقاا

جميله بغيظ : حاسه ان كل مهمه يطلعلي فيها جاسر دا مش عارفه في اي طلعلي في البخت دا يعني بعد ما خلصت مهمه حمايته هو الي انقذني لما عمران خطفني وكان لازم ابقي جنبه لانو اتصاب بسببي ودلوقتي طلعلي في المهمه دي كمان

سلمي بضحك: ههههههههههه والله انتوا الاتنين مسخره يعني هو مش عايز يتجوز واحده مشفهاش وانتي عايزه تخلصي من جاسر

جميله : انا مقولتش اخلص منو بس ميطلعيش في كل حاجه كدا

في اللحظه دي رن فون جميله وكان جاسر
جميله بغيظ : مش كنا جيبنا سيره مليون جنيه احسن اهو بيرن
انفجرت سلمي وادهم من الضحك ع جميله وهي بصتلهم بغيظ وردت
جميله : الو
جاسر باستغراب : اي دا مالك صوتك متعصب كدا ليه
جميله : لا مفيش حاجه
جاسر : واي صوت الضحك الي جنبك دا انتي فين
جميله : هكون فين يعني في الاداره وبنضحك عادي
جاسر : طيب هعدي عليكي بعد ساعه انا وعبدالرحمن
جميله باستغراب : ليه
جاسر : عشاء عمل مع وفد الماني
جميله : تمام اديني العنوان وانا هسبقك ع هناك
جاسر : لا انا هعدي عليكي عشان متوهيش
جميله : عيله صغيره انا هتوه
جاسر : مش حكايه عيله صغيره بس انتي مش من القاهره فا متعرفيش حاجه هنا فا هوصلك مفيهاش حاجه
جميله:ماشي بس عدي عليا ع البيت لاني مروحه دلوقتي
جاسر : ماشي
دخلت جميله استاذنت من اللواء سيف ومشيت ركبت عربيتها وراحت البيت خدت شاور ولبست

كان جاسر وعبدالرحمن وصلوا نزلت وركبت ورا وعبدالرحمن الي بيسوق وجاسر جنبوا وكان باصصلها بغيره
جاسر وهو يحاول اخفاء غيرته : ما تلبسي القميص احلي
جميله : لا كدا احلي بكتير
جاسر وهو يكز ع اسنانه بغيظ: لا مش حلو كدا
جميله : ملكش دعوه عجبني كدا
جاسر بغضب : ماشي ي جميله
كل دا وعبدالرحمن كاتم ضحكته ع غيره جاسر وصلوا المطعم وقعدوا وبعد خمس دقائق وصلوا الوفد وكان عباره عن ( زاياا ،چوسف ،چورچ)
زاياا وهي تنظر له باعجاب ودلع: اهلا هير جاسر
جميله باستغراب : انتوا بتتكلموا عربي عادي
زايااا : شووور احنا بنعرف نتكلم عربي كويس جدا
جميله ل جاسر : امال انت جايبني ليه
جاسر ببرائه:مكنتش اعرف انهم بيعرفوا يتكلموا عربي
جميله بسخريه : لا والله
چوسف وهو ينظر ل جميله باعجاب : مااتعرفنا بالقمر
جميله حبت تغيظه ع الي عمله
جميله بابتسامه : اسمي جميله وانت
چوسف باعجاب : چوسف بس حقيقي انتي جميله فعلا
كل دا وجاسر كان بيغلي من الغيره والغضب وندم انو قالها تيجي معاه وزاياا خدت بالها من نظراتوا ل جميله
جميله بابتسامه: تشرفنا
چوسف باعجاب : انا الي اتشرفت بمعرفه القمر
جاسر بغيره: نشوف شغلنا بقاا
جميله بخبث : انت بخيل ولا اي مش تشوف يشربوا اي الاول
جاسر وهو ينظر لها بغيظ وغضب وهي تنظر له بتحدي
زايااا بدلع وهي تضع يدها ع يده : طبعا استاذ جاسر
جميله بسخريه: تحبي تقعدي جنبه بدل ما تمسكي ايده بس
كتم جاسر ضحكته ع غيرتها الي باينه في كلامها وحب يردلها الي عملتوا

جاسر بخبث: ياريت

بصتلوا جميله بغضب وتحدي وقامت من مكانها وزايا قعدت مكانها جنب جاسر وجميله قعدت مكان زاياا جنب چوسف ساعتها جاسر اتغاظ اكتر لانو قعدها من غير ما يقصد جنب چوسف

جاسر بغيره : لا خلاص ارجعي مكانك

جميله وهي تنظر له بتحدي : لا انا عجبني المكان دا هنا احلي

چوسف باعجاب: اي هنا احلي بكتير

جاسر بغيره : لا انا هنا احلي

زاياا بصتلها بغضب لما شافت نظره الغيره في عين جاسر ليها
زاياا بدلع وهي تضع يدها ع كتفه : خلينا نطلب عصير
جاسر وهو ينظر ل جميله بتحدي ويحدث زاياا: تحبي تشربي اي
زاياا بدلع : الي انت بتختاروا

ع الناحيه التانيه جميله بصتلوا بغضب

چوسف باعجاب: تحبي تطلبي اي

جميله وهي تنظر ل جاسر بتحدي: اطلبلي ع ذوقك

چوسف باعجاب: اوك
طلب چوسف عصير وكان جاسر بيغلي من الغضب وبصلها بتوعد وزاياا طلبت عصير هي وجاسر وعبدالرحمن وچورچ طلبوا عصير بردوا بعد وقت جيه العصير وزاياا عملت نفسها مش واخده بالها ووقعت العصير ع جميله
زاياا بتمثيل : اوووبس مكنتش اقصد وقع مني غصب عني

بصتلها جميله بغضب وهي تمسك المناديل وتمسح التي شيرت مكان العصير وجاسر وعبدالرحمن كاتمين ضحكتهم بالعافيه ع جميله وكانوا مستنين يشوفوا رد فعل جميله وهما عارفين انها مش هتسكت

جميله بابتسامه صفرا : ولا يهمك

عبدالرحمن بصلها بصدمه وجاسر اتاكد انها بتخطط لحاجه

جميله وهي تقوم: انا هروح الحمام انضف مكان العصير

رراحت جميله الحمام نضف مكان العصير ولبست القميص عشان يخفي البقعه الي ع التي شيرت وطلعت راحت للجرسون وكانت بعيد عنهم ومحدش شايفها
جميله : كنت عايزه ازازه عصير كبيره
الجرسون باستغراب: ليه ي فندم
جميله بحده: وانت مالك نفذ وبس
الجرسون: حاضر ي فندم
جابلها الجرسون ازازه عصير كبيره واديتوا فلوس حق الازازه وفلوس زياده
خدتوا جميله وراحت ناحيه التربيزه الي قاعدين عليها وناحيه زاياا مخصوص وهي مدياها ضهرها وبتتكلم مع جاسر والكل باصصلها بصدمه وجاسر مش واخد بالوا ودلقت جميله عليها العصير وغرقتها من اول شعرها لحد رجليها وهي اتصدمت
هنا جاسر وعبدالرحمن انفجروا من الضحك وچوسف بصلها باعجاب وچورج بردوا ضحك

زاياا بغضب وهي غرقانه عصير : اي الي عملتيه دا ي متخلفه

جميله بتمثيل : اوووبس مخدتش بالي
زاياا بغضب : مخدتيش بالك ازاي وانتي قاصده
جميله ببرود: زي ماانتي مخدتيش بالك وانتي قاصده

زاياا بغضب وهي تنظر ل جاسر : البنت دي لازم تطردها دي مينفعش تشتغل معاك بالطريقه دي هتمشي كل العملاء

جاسر وهو يكتم ضحكته ويتحدث بجديه: مش هقدر ارفدها لان مفيش زيها ابدا

زاياا بغيظ: ليه بتعمل اي يعني

جاسر وهو ينظر ل جميله بحب وهو يتحدث جواه: كفايه انها الوحيده الي قدرت تخطف قلبي

جاسر بجديه: اول حاجه معملتش حاجه غلط عشان ارفدها تاني حاجه شغلها كويس جدا ومعاها كورسات وممتازه

جاسر كان عايز يقول و حبيبتي كمان بس مرداش

جميله ابتسمت انو قدر يرد عليها ويكسفها وهو بصلها بحب وابتسم

زاياا كانت متعصبه جدا واتغاظت لما لقتوا بيدافع عنها

زاياا بغضب ل جاسر : وانا بأمرك تطردها والا اعتبر الصفقه ملغيه

جاسر بحده وغضب: وانا محدش يأمرني متنسيش ان انتوا الي محتاجين الصفقه دي مش انا ودلوقتي الصفقه فعلا اتلغت وانا هندمك ع كلامك دا عشان مش جاسر الحديدي الي حد يأمره لا وكمان من واحده ست ،يلا ي عبدالرحمن

قام جاسر بغضب وشد جميله وعبدالرحمن وراه

چورچ بغضب: اي الي انتي عملتيه دا انتي خسرتينا صفقه بملايين كانت هترفع شركتنا لفوق وهو دلوقتي هيطالب بشرط الجزائي والي احنا مش معانا تمنه ولا حتي دفعه منو

زاياا بغضب وتوعد: متقلقش الصفقه هترجع وانا لياا حساب مع جاسر والبنت الي معاه دي وهعرفوا مين هي زاياا
ثم اكملت وهي تحدث چوسف : اي رائيك في جميله ي چوسف
چوسف بخبث : جميله فعلا
زاياا بخبث وتوعد: يبقي تمام وانا بقاا هندم جاسر انو فكر يقف قصادي وهكسره
چورج : انتي قصدك اي مش فاهم اي الي دخل جميله ب جاسر دي موظفه عندوا عادي
زاياا : طول عمرك غبي وهو اي الي هيخليه يدافع عن موظفه عندو ويخسر صفقه عشانها الا لو بيحبها
چوسف بخبث: فهمتك
💖💖💖💖💖💖💖💖💖💖💖💖
عند جاسر في العربيه كان عبدالرحمن هو الي بيسوق
عبدالرحمن حب يلطف الجو : بس انتي ي جميله طلعتي مش سهله غرقتي البت خالص هههههههههههههه

جميله : هي الي يدات فكراني هسكتلها تدلق علياا العصير

جاسر : بس احلي حاجه انك لبستي القميص

جميله بغيظ: للاسف مضطره لان الي شيرت بقع

عبدالرحمن : ههههههههههههه انتي التي شيرت بقع وقدرتي تداريه لكن هي الي الفستان بقاا عباره عن عصير مش فستان

جميله بتشفي : احسن تستاهل عشان بعد كدا تعرف هي بتتعامل مع مين ثم اكملت بس انا ضيعت عليك صفقه

جاسر : لا انتي ملكيش ذنب هي الي فاكره انها تقدر تؤمرني وفكراني هنفذ وانا خايف لصفقه تضيع لكن المفروض هما الي يخافوا مش انا لاني هطالبهم بشرط الجزائي وهندمها ع كلامها وهخليها تيجي لحد عندي وتتأسفلك كمان

جميله : مظنش انها هتتأسف

جاسر : لا انا متاكد انها هتيجي وتتأسف عشان ميخسروش الصفقه

جميله : لدرجه دي الصفقه مهمه عندهم

جاسر : ايوا لان الصفقه دي هترفع شركتهم جامد خصوصا انهم مش معاهم سيوله يدفعوا بيها الشرط الجزائي

جميله : طب انت رجلك كويسه

جاسر باستغراب : اه كويسه ليه بتسالي

جميله : اصل بصراحه محتجاك معاياا في مهمه كدا

جاسر فرح لما قالتلوا محتجاك معاياا

جاسر بابتسامه: مهمه اي

جميله : المفروض ادخل المستشفي عشان اجمع معلومات عن الي يعرف كمال و عشان ادخل مينفعش ادخل لوحدي هيشكوا وممكن يعرفوا ان انا الي قبضت عليه ودا هيصعب مهمتنا فا انت هتيجي معايا ع اساس نعمل فحوصات نطمن بيها عليك وهتبقي حجه ادخل بيها المستشفي

جاسر : امممممممممم ماشي انا معنديش مانع

جميله : طيب وصلنا ي عبدالرحمن اطلع احد شاور واغير هدومي ونبقي نروح

جاسر : وابقي روح انت ي عبدالرحمن الشركه

عبدالرحمن : ماشي
وصلوا البيت وطلعت جميله وجاسر وعبدالرحمن راح الشركه دخل جاسر شقته وجميله دخلت شقتها خدت شاور ولبست

وجاسر خد شاور ولبس وخرج كانت هي جهزت ونزلوا ركبوا عربيه جميله وراحوا المستشفي ودخل جاسر غرفه الاشعات وعملوله اشعه وجميله واقفه معاه وهو بصلها وابتسم وهي ابتسمتلوا وبعد وقت دخلوه اوضه عاديه بعد ما عملوله فحص شامل ليه
جميله بابتسامه: شكرا
جاسر بابتسامه: انا مش عايز كلمه شكرا انا عايز كلمه تاني

جميله باستغراب : كلمه اي

جاسر : نفس الي قولتيها لما رفضت اروح المستشفي غير لما اسمعها

جميله بتهرب : انا هروح اشوف الدكتور عشان الفحوصات وكمان عشان الي جايه عشانوا

جاسر : ماشي اهربي براحتك

خرجت جميله وبتلف في المستشفي وشافت باب بنفس لون الحيطه مش باين اوووي لكن هي خدت بالها منو وجت تدخل لكن وقفها دكتور وكان معاه ممرض
الدكتور : انتي رايحه فين
جميله : داخله الحمام هو مش دا الحمام بردوا ولا اي
الدكتور وهو يتفحص تعابير وشها لكن هي كانت ثابته :لا مش دا الحمام دي غرفه العمليات

جميله :دي غرفه عمليات ازاي والباب صغير زي الباب عادي انتوا بتدخلوا المرضه ازاي كدا

الدكتور بتوتر : احنا بندخلهم ع كرسي وبعدين انتي مالك

جميله : انا استغربت بس ، امال فين الحمام

الدكتور : اخر الطرقه يمين

جميله : تمام شكرا

مشيت جميله
الممرض : انا شاكك في البنت دي لان الباب اصلا مش باين اوووي ازاي هي خدت بالها منو
الدكتور : قصدك انها تكون مزقوقه علينا
الممرض :مش بعيد تكون هي نفسها الي وقعت كمال
الدكتور : لا الي وقعت كمال واحده عرفها في كباريه لكن دي شكلها مش كدا
الممرض : ما ممكن تكون هي الي كانت في الكباريه
الدكتور : طب انا عايزك تروح الكباريه وتعرف اذا كانت هي ولا لا بس من غير ما حد يحس
الممرض : ولو طلعت هي
الدكتور بشر : يبقي هنخليها تحصل كمال ما هي مش اغلي منو
الممرض بخبث: ماشي ي دكتور
الدكتور : وشوفلي جايه المستشفي ليه ومع مين
الممرض : ماشي
💖💖💖💖💖💖💖💖
عند جميله راحت ل جاسر
جاسر : عملتي اي
جميله : لقيت باب بس هما خافينوا بنفس لون الحيطه وجيت عشان ادخل وقفني دكتور وممرض
جاسر بغضب: وانتي ازاي تحاولي تدخلي
جميله : انا مش جايه هنا اتفسح انا اصلا جايه عشان اعرف كل حاجه واعرف العمليات بتحصل فين
جاسر : بس افردي كانوا قتلوكي
جميله : ميقدروش يعملوها لانهم كدا هيفتحوا العين عليهم
جاسر : ممكن ميقدروش يعملوها هنا بس اكيد شكوا فيكي
جميله : فعلا شكوا فياا وهيبعت الممرض يتاكد اذا كنت انا البنت الي كانت مع كمال ولا لا
جاسر : وانتي عرفتي منين
جميله : حطيت جهاز تصنت عند الباب في مكان محدش يشوفوا وهما اتكلموا هناك فا سمعتهم
جاسر : ولو اتاكدوا ان انتي هيحاولوا يقتلوكي
جميله :ممكن
جاسر بغضب: انتي ليه بتكلمي كانهم بيهزروا دول هيقتلوكي انتي ليه مش فاهمه
جميله : انا فاهمه دا بس اخاف ليه وانا ماشيه صح بالعكس هما الي المفروض يخافوا لانهم هما الي ماشيين غلط وانا الي هكشفهم كلهم
جاسر : مفيش فايده في الكلام معاكي انا غلطان انو وافقتك وجينا هنا
جميله : انت خايف انك جيت هنا
جاسر بغضب: قولتلك ميه مره انا مبخافش من حد انا خايف عليكي انتي مكنتش اعرف انك متهوره كدا
جميله بغضب: انا مش متهوره واي حد مكاني هيدخل عشان يعرف وبعدين سواء كنت جيت معاايا او مجتش انا كنت هاجي وهدخل

جاسر : وكنتي هتدخلي بصفتك اي بقاا مكنتيش هتعرفي تدخلي من غيري

جميله بغضب : مش عشان قولتلك اني لازم ادخل بحجه ان رجلك تعباك انك هتستغل دا وفاكرني اني مش هقدر ادخل من غيرك لا ع فكره انا اقدر ادخل وبسهوله اي حد مريض كنت هقدر اجيبوا هنا لكن للاسف دا كان امر وبعدين انا غلطانه اني بتكلم معاك وبقولك انا كان ممكن معرفكش اصلا انا عملت اي

في اللحظه دي دخل الدكتور بالفحوصات
الدكتور : الاشعات والتحاليل طلعت والاستاذ ماشاء الله عليه صحته كويسه جدا و احنا نقدر نفك الجبس

جميله : هو لحق دي رجله لسه متصابه
جاسر بغيظ: وانتي مالك هي كانت رجلك انتي وبعدين انتي هتفهمي اكتر منو
جميله بغضب: الحق علياا اني .
كانت لسه هتقول اني خايفه عليك لكن سكتت
جاسر : انك اي
جميله: مفيش
الدكتور : انا قولت لحضرتك هو عشان صحته كويسه وكمان جسموا الرياضي دا خلي رجله تخف بسرعه وبعدين هو مش مكنش محتاج جبس ولا حاجه دا صحته بومب

جميله بغضب : ما تديلوا حقنه هواء وتخلص ي دكتور في اي كل شويه صحته كويسه ،صحته بومب ،امال لو مكنش متصاب قدامك

الدكتور بغيظ: ع فكره انا مش بحسدوا انا قولت ماشاء الله ع العموم الف سلامه عليه عن اذنكوا

خرج الدكتور وهو متغاظ وجاسر انفجر من الضحك
جاسر بضحك: ههههههههههههههههه مش قادر بجد يخربيتك هههههههههههههههه

جميله كانت مركزه في ضحكته الي اول مره واحد بالها منها كانت ضحكه رجوليه قويه
هو استغرب سكوتها وبص عليها لقاها مركزه معاه وفاقت هي من سرحانها
جاسر بغمزه: سرحانه في اي
جميله : احم .. مش سرحانه ولا حاجه ، انا هروح اشوف دكتور غير دا عشان يفكلك الجبس عن اذنك

خرجت جميله بسرعه وراحت ندهت لدكتور وفك الجبس وبعد كدا مشي هو وجميله نزلوا ركبوا العربيه وروحوا كل دا وهما ساكتين وصلوا العماره
وطلع كل واحد شقته وعند جميله جت سلمي في نفس الوقت وصل عبدالرحمن واتقابلوا في مدخل العماره
عبدالرحمن بابتسامه: اي الصدف دي نوصل مع بعض دا ربنا بيحبني اوووي
سلمي بابتسامه: هههههه فعلا صدفه غريبه ، عن اذنك
عبدالرحمن : طب مانطلع مع بعض
سلمي : دا هو دور واحد يعني احنا تقريبا طلعنا
عبدالرحمن : ههههههههههه عندك حق
سلمي بابتسامه: طب عن اذنك بقاا
عبدالرحمن بابتسامه: طب ما تخلينا شويه
في اللحظه دي خرجت جميله وشافتهم
جميله بتمثيل الصدمه: ع السلم ي سلمي ومع مين مع عبدالرحمن ،فين سياده اللواء يجي يشوف دا
عبدالرحمن بضحك: بس يخربيتك اي بالعه راديو فضحتينا
جميله بمزاح: انتوا الي فضحين نفسكوا ع السلم الجيران يقولوا اي
في اللحظه دي خرج جاسر
جاسر باستغراب : انتوا بتعملوا اي هنا
عبدالرحمن : مفيش انا جاي من الشركه وقابلتها صدفه هنا و احنا طالعين
جميله بغمزه: صدفه بردوا
سلمي بسرعه: اه والله صدفه
جميله : وانا مصدقاكي ي قلبي خلاص يلا ندخل عشان الجيران ميطلعوش يزعقوا ع الصوت ونتفضح في العماره كلها
عبدالرحمن بسخريه: هو احنا لسه متفضحناش
جاسر : ادخل ي زفت
عبدالرحمن بمزاح : ع فكره مينفعش تقولي ي زفت قصادهم كدا برستيجي هيبقي في الارض
جاسر بسخريه: لا والله طب يلا يااخوياا ادخل ثم وجه كلاموا ل جميله بغضب : وانتي ادخلي ،انتي ازاي تقفي كدا اصلا بالبجامه بره
جميله بغضب: وانت مالك اقف براحتي وباللبس الي انا عايزاه
عبدالرحمن بسرعه: لا ونبي بلاش خناق احنا كدا الجيران هتطلع فعلا وهنتفضح
جميله وهي تنظر ل جاسر بغضب : يلا ي سلمي خلينا ندخل
دخلت سلمي وعبدالرحمن دخل وجاسر كان واقف باصصلها بغضب وهي دخلت وقفلت الباب وهو كمان دخل وقفل الباب
💖💖💖💖💖💖💖💖
تاني يوم الصبح صحيت جميله خدت شاور  ولبست

ووسلمي صحيت خدت شاور ولبست

ووخرجت جميله وسلمي ونزلوا ركبوا العربيه وراحوا الاداره ودخلوا المكتب ولقوا ادهم قاعد متعصب
جميله : لسه متعصب من امبارح
ادهم بضيق :وهو دا موضوع عادي يعني
جميله : انا حاسه بيك والله و عارفه بس لو فكرت شويه هتلاقي انها هي الي هتخسر مش انت لان هي الي بعد ما تخلص المهمه هيبقي اسمها مطلقه لكن انت هيبقي بالنسبالك عادي

ادهم بضيق :ما انا مضايق عشان كدا وغير ان الجواز مش لعبه عشان اتجوز عشان مهمه

سلمي: دا جواز صوري ي ادهم و احنا هنفهمها ع كل حاجه

ادهم ل جميله: هو الموضوع دا هيتم امتي

جميله : انا هروحلها بعد يومين وهفهمها ع كل حاجه لازم ابقي قصادها وانا بقولها وكمان هقول لاسر وافهموا وهو يكلم باباها ومامته

ادهم:ماشي

جميله: طب يلا عشان نروح مكتب اللواء لان فيه معلومات جديده
ادهم وسلمي : ماشي
دخلوا الثلاثه مكتب اللواء سيف وادوا التحيه العسكريه وقعدوا
سيف : عملتي اي ي جميله
جميله : روحت المستشفي زي ما حضرتك قولت وانا بدور في المستشفي لقيت باب بنفس لون الحيطه حاولت ادخل لكن منعني دكتور وممرض وهما الي قتلوا كمال او وزوا ع قتلوا لاني حطيت جهاز تصنت عند الباب وسعتهم وهما بيقولوا عايزين يتاكدوا اذا كنت انا البنت الي كنت مع كمال ولا لا ولو طلعت انا يخلصوا مني زي كمال يعني هما الي قتلوه

سيف : يعني كدا حياتك في خطر

جميله : مش مهم دلوقتي حياتي المهم اننا عايزين نعرف في اقرب وقت وغير ان مينفعش ادخل المستشفي تاني لان لو حد شافن تاني كدا هيتاكدوا ودا هيخليهم ياخدوا احتياطهم

سيف : مفيش حاجه اسمها حياتك مش مهمه لا طبعا حياتك مهمه جدا

جميله : شكرا لحضرتك

سيف : طيب انتي عملتي اي في موضوع ادهم

جميله: هروح بعد يومين اسكندريه وهقولها

سيف : ماشي وياريت تقدري تقنعيها لان لازم المهمه دي

ادهم في سره : يارب ما توافق

جميله : حاضر ي فندم

سيف : وانتي ي سلمي عملتي اي

سلمي : انا جمعت معلومات عن مدير المستشفي اسموا حسين الشرقاوي عندوا ٤٥ سنه دكتور جراح كان عايش في اسكندريه واتنقل هنا  عايش في ..............وعندو ابن اسموا زين عندوا ١٩ سنه في كليه طب

سيف : كل المعلومات دي اي عيل صغير يقدر يعرفها انا عايز معلومات مهمه دقيقه بيقابل مين، بيشوف مين ،بيكلم مين، كشف عن مكالمات اليوميه بتاعتوا وتسجيلات المكالمات

سلمي : انا عملت كدا فعلا ودا كشف عن المكالمات الي عملها امبارح بس كلها مش مهمه لانها مكالمه من ابنوا ودكاتره في المستشفي عادي وكمان لما سمعت المكالمات مفيش اي حاجه تثير الشك و بالنسبه للمراقبه هبدا من بكره في مراقبتوا

سيف :تمام كويس جدا فيه تقدم وهنقدر نخلص القضيه بسرعه

جميله : ان شاء الله ي فندم

سلمي : طب انا عندي اقتراح

سيف : اي هو

سلمي : ادهم يسافر مع جميله واهو بالمره يشوف مراتوا

ادهم : حالا خلتيها مراتي

سيف : ايوا مراتك لان دا امر مش اختيار وكمان. انا معنديش مانع تروح مع جميله تشوفها

ادهم : لا شكرا مش محتاج اشوفها لان مش هيفرق سواء شوفتها او مشوفتهاش في الحالتين زي ما حضرتك قولت هي هتبقي مراتي

سيف : ماهي عشان هتبقي مراتك لازم تشوفها

ادهم: لا مش لازم لان دا مش هيفرق في حاجه

سيف : براحتك اتفضلوا

خرجوا الثلاثه وراحوا مكتبهم
جميله: انا هروح ساعه بس وهرجع ع طول
سلمي باستغراب : رايحه فين
جميله: هروح ل جاسر عشان لقيت سكرتيره وانهارده الانترفيو فا هكون موجوده عشان افهمها الشغل واسلمها الصفقات والملفات
سلمي : ماشي
نزلت جميله ركبت عربيتها وراحت ل جاسر الشركه
جاسر باستغراب : انتي جايه ليه
جميله : لقيتلك سكرتيره بس مش معاها كورسات بس عندها خبره في الشغل فا ممكن تبقي مكان سهيله وانت كدا كدا مكنتش شغال بياا يعني انا ظهرت في حياتك فجاه ودي كانت حجه عشان متقولش لحد اني حارس شخصي 

جاسر : هي فين

جميله : واقفه بره

جاسر : ومدخلتيهاش ليه

جميله : سيبتها بره لحد مااقولك واشوفك هتوافق ولا لا

جاسر : تمام دخليها

جميله باستغراب : انت بتتكلم كدا ليه
جاسر : كدا ازاي
جميله : يعني حساك بتتكلم بجمود كدا
جاسر : دخلي السكرتيره
جميله اتعصبت انو اتجاهل كلامها : ماشي

خرجت جميله جابت السكرتيره ودخلت
جاسر : تمام خليها تروح ل حمزه عشان تمضي ع العقد وتستلم شغلها
جميله باستغراب : كدا من غير ما تعمل انترفيوا ولا تعرف اسمها حتي

اتجاهل كلامها
جاسر ل السكرتيره : مكتب حمزه اخر الطرقه في الوش
السكرتيره : حاضر ي فندم
خرجت السكرتيره وجميله بصالوا بغضب من تجاهلها
جميله بغضب : ع فكره انا بتكلم معاك ومش من الذوق ان حد يكلمك وانت تتجاهلوا

جاسر : كويس انك عارفه دا

جميله بغضب : انت بتردهالي يعني

جاسر : مش بالظبط دي مجرد صدفه انا اتكلمت معاكي كدا عشان زهقت ،زهقت من هروبك مني كل شويه انا بحاول اعمل اي حاجه عشان اقربك مني وانتي بتعملي اي حاجه عشان تهربي ،انا كنت اقدر اجيب بدل السكرتيره عشره وكمان هيبقي عندهم كورسات زيك بس انا كنت عايزك انتي ،ولما روحنا عشاء عمل مع الوفد الالماني انا كنت عارف انهم بيتكلموا عربي لكن انا كنت عايز اشوفك اكبر وقت ممكن ،لكن انتي قصاد دا كنتي بتعصبيني وانتي بتبعدي عني وتقربي للغريب ،تعرفي انتي لو بتعمليني زي الغريب كنت هبقي فرحان ع الاقل مع الغريب بتضحكي وتهزري ثم اكمل بغيره او زي كمال لما كنتي بتدلعي عليه وكنتي هترقصيله لكن انتي جيتي عندي انا ومش مستعده لسه للارتباط ولا الجواز 

جميله سكتت شويه مكنتش عارفه تقول اي

جميله: لدرجه دي اتأذيت مني وشايفني وحشه اوووي كدا

جاسر : انا عمري ما شوفتك وحشه
جميله: انا مكنتش هرقص ل كمال ودلعي عليه مكنش حقيقه دا تمثيل عشان المهمه
جاسر : ي ستي اعتبريني مهمه في حياتك مش هزعل وخليكي ع طبيعتك
جميله : هي دي طبيعتي انت اكتر واحد بكون ع طبيعتي معاه انت الوحيد الي وثقت فيك وبحكيلك عن مهماتي كلها رغم اني مش بقول لحد ع مهماتي غير بابا ،ممكن اكون بهرب بس عشان لسه مش واثقه في نفسي ،مش واثقه اني هقدر ع مسئوليه زي دي انت عارف اني ظابط وممكن اموت في اي لحظه مش عايزه اتعلق بحد او حد يتعلق بياا عايزه ابعد عشان متتعلقش بياا

جاسر  : اولا الموت دا بتاع ربنا وانتي بنفسك قولتي العمر واحد ،وكمان انتي فاكره لما بتبعدي مش يتعلق بيكي بالعكس انا يتعلق بيكي اكتر و بحبك اكتر ع الاقل عارف انك لما تحبيني هتحبيني عشان نفسي مش عشان الفلوس ولا عشان ابن عمده وبالنسبه للمسئوليه  انتي مش هتشيليها لوحدك انا هبقي معاكي في كل حاجه في الكبيره قبل الصغيره واي مشكله هنحلها سواا ومش هندخل اي حد بينا ابدا وانا عمري ما هقعدك من الشغل ابدا بالعكس انا هشجعك واساعدك زي مانا بساعدك دلوقتي وانتي بردوا

جميله : وهنعيش فين
جاسر باستغراب : يعني اي هنعيش فين
جميله : يعني هنعيش في الصعيد ولا فين

جاسر : انا عارف انك مش عايزه تعيشي في الصعيد وعايزه تعيشي في اسكندريه عشان جنب باباكي ومامتك بس  انا بردوا مش هينفع اعيش في اسكندريه ،فا احنا نعيش هنا بحيث انتي تنقلي شغلك القاهره وانا شركتي كدا كدا هنا ونستقر هنا ولما تعوزي ننزل اسكندريه وانا بردوا كل فتره ننزل الصعيد بحيث مزعلناش حد وكمان احنا قريبين من اسكندريه المشوار مياخدش ثلاث ساعات وهنبقي هناك لكن انا بعيد بس مع ذلك نبقي مسكنا العصايه من النص

جميله : طيب بس اديني فرصه افكر

جاسر بغيظ: لسه بردوا هتفكري

جميله: اايوا لازم افكر دا جواز مش سلق بيض هو وكمان انا لسه معرفكش كويس ،ثم اكملت بسؤال انت تعرف عني اي لحد دلوقتي

جاسر بحب: اعرف اني حبيتك بجد

جميله بابتسامه: لا مش دا انا قصدي عن شخصيتي عني يعني

جاسر : شخصيه جميله وتتحب بسرعه قويه وجريئه وطلعت عيني

جميله بضحك: ههههههههههه ي بني اتكلم جد شويه انا بتكلم عن حياتي

جاسر بضحك: ههههههههههه حاضر هتكلم جد

جاسر : احم اعرف ان اسمك جميله اسر الشهاوي باباكي لواء ومامتك ظابط شرطه انتي البنت الوحيده وبتشتغلي ظابط بردوا وكان عندك مهمه حمايتي انا وحبيتك

جميله بابتسامه: لا والله يعني انا في الملف بتاعي مكتوب وحبيتك

جاسر بحب: اه

في اللحظه دي دخلت السكرتيره
السكرتيره : استاذ جاسر فيه واحده بره عايزه تدخل لحضرتك
جاسر باستغراب : انتي استلمتي شغلك خلاص
السكرتيره: ايوا ي فندم
جاسر : طيب مين الي براا
السكرتيره : اسمها تقريبا ، زااياا 
جاسر بغضب: ودي اي الي جابها هنا
السكرتيره : معرفش ي فندم هي طالبه تشوف حضرتك ضروري جدا بتقول فيه حاجه مهمه
جميله: طب دخليها
السكرتيره: ادخلها ي فندم
جاسر بغضب: دخليها خلينا نشوف جايه ليه
خرجت السكرتيره واذنت ل زاياا بالدخول
جاسر بأمر ل سكرتيره : اخرجي انتي واقفلي الباب وراكي ومدخليش حد
السكرتيره : حاضر ي فندم
خرجت السكرتيره وقفلت الباب وراها
زاياا بدلع: مكنتش اعرف ان عندك اتنين سكرتيره ولا جميله بتطلعها عشان تبقي وجهه لشركه
جاسر بحده: احترمي نفسك وبعدين انتي مالك عندي اتنين سكرتيره ولا عشره هو انتي الي بتدفعي مرتباتهم
جميله بغضب: وكمان اي مطلعها واجهه دي هو مطلع رقاصه حسني ملافظك واتكلمي عدل لاني مش هسمحلك تتكلمي نص كلمه عليا انتي فاهمه وانتي اكيد عارفه لما دلقتي  علياا العصير عملت اي

زاياا وهي تكتم غيظها وتمثل الاسف  : لا مش ناسيه عشان كدا انا جايه اعتذر

جاسر : تعتذري عن اي

زاياا : اني امرتك انك ترفدها انا غلطت لما اتكلمت كدا وكمان عشان دلقت عليها العصير بس انا مكنتش اقصد

جميله: بس انا كنت اقصد بقاا ادلق العصير انتي خايفه تقولي انك تقصدي لكن انا مبخافش لاني مغلطش

زاياا : عارفه انك قاصده بس انتي رد فعلك طبيعي عشان دلقت عليكي وانا اسفه بجد ع الي حصل وبعتذر اني اتكلمت معاك ي جاسر بالطريقه دي

جاسر : اولا اسمي استاذ جاسر ثانياا اعتذارك ل جميله مش لياا انتي الي غلطي فيها وانا حقي خدتو خلاص كفايه اني خليتك تيجي لحد عندي وتعتذري عشان خايفه من الشرط الجزائي الي مش معاكوا سيوله ليه

زاااياا وهي تكتم غضبها : انا اسفه ي جميله ياريت تقبلي اعتذاري

جميله : خلاص محصلش حاجه عادي  ثم اتكلمت وهي تحدث جاسر  ياريت ي جاسر ترجع الصفقه وبلاش تطالب بالشرط الجزائي هي اعتذرت وخلاص حصل خير

جاسر : ماشي

زاياا ابتسمت بخبث
زاياا بابتسامه خبيثه: طب حيث كدا انا عزماكوا بكره ع الحفله عندي في الفيلا وكمان عشان نتمم الصفقه بدل جو المطاعم

جميله : انا  معنديش مانع

جاسر : ولا انا ماشي موافق

زاياا بابتسامه خبيثه لنجاج اول جزء من مخططها : تمام هستناكوا بكره

جاسر : تمام
خرجت زاياا
جميله : بلاش نروح الحفله دي انا مش مستريحه لنظراتها
جاسر : لا متقلقيش هي عارفه انها لو عملت حاجه هتخسر الصفقه فا مش هتقدر تعمل حاجه وكمان اهو نغير جو شويه بدل جو المكاتب دا
جميله : ماشي ،انا همشي بقاا عشان اتاخرت انا مستأذنه ساعه بس واتاخرت جدا
جاسر : تحبي اوصلك
جميله: لا انا معايا عربيتي مش مستاهله  ،يلا سلام
جاسر : سلام
راحت جميله الاداره ودخلت المكتب
سلمي : كل دا ساعه
جميله : عادي اتاخرت شويه محصلش حاجه
ادهم : لا حصل ي اختي اللواء سأل عليكي وعرف انك مشيتي واتعصب جدا عشان مستأذنتيش
جميله : مانا قولتلك ي سلمي
سلمي: مانا قولتلوا انك رايحه ل جاسر عشان السكرتيره بس زعق عشان مستأذنتيش منو هو
جميله : ياربي طب انا هدخلوا
ادهم: بلاش دلوقتي هو ع اخروا خليكي شويه
جميله : ع اخروا اووي اوووي يعني
ادهم : جدااااااااا
جميله: الله يطمنك ي شيخ

جيه اللواء سيف من وراهم
سيف بغضب: كنتي فين ي جميله
لفت جميله بسرعه وهي تأدي التحيه العسكريه
جميله باحترام: احم كنت عند جاسر في الشركه ي فندم
سيف بغضب: وبتعملي اي عند جاسر في الشركه هو انتي مش مهمه حمايته خلصت ولا انا مش واخد بالي

جميله : خلصت ايوا ي فندم بس حضرتك مش واخد بالك ان انت الي طلبت اني اقعد هنا

سيف بغضب: انتي ازاي بتتكلمي بالطريقه دي معاياا انتي نسيتي نفسك ولا اي ي حضره الظابط  ،انتباه وانتي بتتكلمي معاياا

جميله وهي تقف انتباه : تمام ي فندم

سيف بغضب: انا طلبت انك تقعدي هنا عشان مهمه مش عشانوا مقولتلكيش تروحيلوا الشركه

جميله : دي حياتي الشخصيه ي فندم 

سيف بغضب:حياتك الشخصيه بره الشغل في وقت الشغل مفيش حاجه اسمها حياتك الشخصيه

جميله : انا مقصرتش في حاجه ي فندم شغلي بعملوا كويس جدا و عمري مااهملتوا

سيف بغضب: ودا اي لما اسال عليكي  وملقكيش موجوده والمفروض ان دا وقت شغل وكمان مستأذنتيش

جميله : انا عارفه اني غلطت لما مستأذنتش من حضرتك

سيف بغضب: انا معنديش حاجه اسمها غلط ،عقابا ليكي هتفضلي هنا لحد ما تخلصي الملفات دي
اداها سيف ملفات كتير جدا

جميله باحترام وهي تاخد الملفات  : حاضر ي فندم

خرج سيف بغضب وجميله قعدت ع مكتبها وهي متعصبه
ادهم : ياريت متزعليش من سياده اللواء ي جميله هو كدا ميعرفش ابوه في الشغل
سلمي : اه والله ي جميله انا لما كنت بشتغل معاه قبل ما اشتغل معاكي كان نفخني وكان بيعاقبني ،عايزه اقولك حتي ماما بردوا كانت بتتعاقب منو لما كانوا بيشتغلوا مع بعض
ادهم بضحك: بجد لا دا جباار
سلمي : احترم نفسك ي زفت انت
ادهم بضحك: هههههه اسف ي سلمي انا بهزر بس فعلا باباكي دا فظيع
جميله : انت ي زفت انت وهي ابعدوا عن دماغي عشان انا مش طايقه نفسي
ادهم بمزاح: هدي نفسك ي كبير فيه مهمه عيزاك
جميله : لا دا انت الي داخل ع مهمه ،اسمها مهمه جواز ي ظريف
ادهم بضيق : بتفكريني ليه بس دا انا بحاول انسي
سلمي :فيه حد بيحاول ينسي انو هيتجوز
ادهم بضيق : ايوا انا
جميله : طب بطلوا رغي بقا
ادهم وسلمي سكتوا وجميله كملت شغل
خلص اليوم وادهم روح وسلمي خدت المفاتيح الشقه وروحت بعد محايلات من جميله  وقابلت عبدالرحمن وجاسر وهما طالعين
جاسر باستغراب : امال فين جميله ي سلمي
سلمي : جميله في الشغل
جاسر باستغراب : لحد دلوقتي
سلمي : اه للاسف بابا عاقبها وقالها تفضل لحد ما تخلص الملفات
جاسر : طيب اطلع انت ي عبدالرحمن وانا هروح مشوار
عبدالرحمن : رايح فين
جاسر : ملكش دعوه ي عبدالرحمن اطلع انت يلا سلام
راح جاسر ركب عربيته ومشي وعبدالرحمن وقف مع سلمي شويه
سلمي بخجل : هنفضل وقفين كدا كتير
عبدالرحمن بابتسامه: طب وفيها اي ادينا واقفين براحتنا ولا فيه جاسر ولا جميله يطلعولنا

: بس فيه ابوها هيطلعلك ي روح امك

لفت سلمي بفزع وعبدالرحمن اتصدم
سلمي بفزع: بابا استني متفهمش غلط
سيف بغضب:انا فاهم صح كويس اووي اتفضلي اركبي العربيه انا غلطان اني وافقت تقعدي مع جميله كنت واثق فيكي و عارف انك مش هتعملي حاجه غلط
سلمي : انا فعلا معملتش حاجه غلط انا قابلتوا بالصدفه وانا طالعه واتكلمنا شويه

سيف بغضب: اركبي ي سلمي
ركبت سلمي العربيه وعبدالرحمن راح نايحه سيف
عبدالرحمن : احنا معملناش حاجه غلط حضرتك احنا كنا بنتكلم عادي وكمان انا بحب سلمي وكنت مستني بس لما اشد حيلي في الشغل عشان اقدر اجي اتقدملها

ضربه سيف بالبوكس بغضب وهو رجع لورا من الضربه وسلمي حاولت تخرج من العربيه تلحقه لكن سيف منعها وركب العربيه وساق باقصي سرعه

سلمي بغضب: حضرتك ضربتوا ليه

سيف بغضب: انتي تخرسي خالص ،انا كنت غلطان لما وافقت تقعدي مع جميله كنت عايزك تبقي حره عشان متفتكريش اني مقيدك لكن انتي سوقتي فيها وواقفه مع واحد بليل كدا في الشارع

سلمي بغضب: انا معملتش حاجه غلط انا مش صغيره وكمان كنت واقفه عادي زي ما بقف مع ادهم وزي ما بقف مع اسر واياد فين المشكله

سيف بغيره: المشكله انو مش واقف زي ماانتي بتقفي مع اسر واياد دا بيحبك 

سلمي : ايوا وفين المشكله

سيف بغيره: يعني انتي مش عارفه فين المشكله

سلمي : بابا انت حبيت و اكيد عارف يعني اي حب عبدالرحمن بيحبني وانا كمان بحبوا

سيف : لحقتي حبتيه امتي

سلمي : مش هتفرق من امتي المهم اني حبيتوا

سيف : وليه ميكونش بيضحك عليكي

سلمي : انا متاكده انو مش كدا لانو مش هيستفاد حاجه مني وكمان هو راح اشتغل مع جاسر عشاني ،عشان لما يجي يتقدملي حضرتك مترفضوش

سيف : عرفتي بقاا اي السبب الي كان بيخليني ارفض العرسان الي بييجوا

سلمي باستغراب: سبب اي

سيف : اي حد بييجي يتقدملك بيبقي طمعان عشان انتي ظابط وانا لواء مخدتيش بالك ان كل الي بيتقدملك ظباط دا عشان مركزي انا مش عشان بيحبوكي محدش فيهم حبك لشخصك انتي عشان كدا كنت برفضهم

سلمي : بس عبدالرحمن مش ظابط

سيف : عشان كدا انا فيه حاجه في دماغي لو حصلت يبقي هو فعلا مش طمعان فيكي

سلمي : حاجه اي

سيف : هتعرفي بكره ،يلا عشان وصلنا
طلعت سلمي وسيف بيتهم ودخلت اوضتها وهي عايزه تطمن ع عبدالرحمن بس للاسف مش معاها رقموا

💖💖💖💖💖💖💖💖💖💖
عند جميله كانت منشغله جامد في الملفات ومخدتش بالها من جاسر الي دخل وقعد ع الكرسي قدامها وكان مركز في ملامحها وجميله اول ما شافتوا صوتت وهو كتم صوتها بسرعه
جاسر وهو يضع يده ع بوقها: بس يخربيتك فضحتيني
جميله : اممممممممممممم
جاسر : هشيل ايدي بس متصوتيش
هزت راسها بمعني ماشي ،شال جاسر ايده
جميله بغضب: انت دخلت هنا ازاي وبعدين مش تخبط قبل ما تدخل فزعتني
جاسر : انا دخلت من الباب عادي وكمان خبط بس انتي كنتي مركزه جامد في الملف فا مسمعتيش
جميله بغضب: دخلت من الباب ازاي هي زريبه ،ازاي محدش مانعك
جاسر ببرود: لا محدش منعني لاني قولتلهم انك خطيبتي
جميله بغضب : بردوا انا قولتلك انا مش خطيبتك
جاسر ببرود: عادي ي حبيبتي دي حجه عشان ادخل
ندهت جميله ع العسكري الي بره ودخل
العسكري : تمام ي فندم
جميله بغضب : انت ازاي تدخلوا كدا من غير ما تقولي وبعدين هي زريبه اي حد بيدخل عادي

العسكري : انا اسف ي فندم انا قولتلوا تدخل اقولها الاول بس هو قالي انو خطيبك وعايز يعملك مفاجاه

بصت جميله ل جاسر بغيظ وغضب وهو كان باصصلها ومبتسم

جميله بغضب : وانت حد يقولك اي حاجه تدخلوا ،بعد كدا مدخلش حد غير لما تتاكد مني انا شخصياا

العسكري : حاضر ي فندم
جميله بغضب:اتفضل
خرج العسكري
جميله بغضب : انت جاي ليه
جاسر وهو يقعد ع الكرسي ويضع رجل ع رجل : قولت اجي اشوف مكتبك ،انتي شوفتي مكتبي وقعدتي فيه ،فا قولت اجي اشوف مكتبك واقعد فيه 
جميله : وقعدت يلا اتفضل بقاا روح عشان انا وراياا شغل
جاسر : لا مانا نسيت اقولك اني هقعد معاكي لحد ما تخلصي وممكن اساعدك كمان زي ماانتي ساعدتيني في شغلي
جميله بغضب: تقعد فين انا مش فاضيه وكمان هتشاعدني ازاي انا شغلي غير شغلك دي  قضايا ومهمات انت مش هتعرف فيها

جاسر : عادي اتعلم ماانا علمتك
جميله : بس دا مفيهوش تعليم بقولك مهمات وقضايا
جاسر : خلاص اقعدي اشتغلي وانا مش هزعجك
جميله بنفاذ صبر : ماشي بس متعملش صوت
جاسر بابتسامه: بتكلمي ابن اختك حاضر مش هعمل صوت في حاجه تاني ي استاذه جميله
جميله بابتسامه: اه ونزل رجلك مش بحب حد يقعد قصادي ويحط رجل ع رجل
جاسر نزل رجله : اهو حلو كدا
جميله : اه حلو
جاسر : طب الحمدلله ،والله انا حاسس انك بتعلميني الادب
جميله بتحدي: عشان تعرف بس مين الي هيعلم التاني الادب ها
جاسر : انتي بترديهالي بقاا
جميله : لا خالص هي جت صدفه
جاسر بسخريه: واضح انها صدفه فعلا 
جميله : احم ينفع اشوف شغلي
جاسر : اه طبعا اتفضلي
قعدت جميله ع مكتبها وكملت شغل. وجاسر كان مركز في ملامحها وتعابير وشها وهي بتشتغل ووقعت خصلات من شعرها ع عنيها ،مسك الخصلات ورفعها ع شعرها
جميله : وبعدين بقاا
جاسر : انا كنت برفع الخصلات الي ع عنيكي بس عشان تعرفي تركزي انا غلطان يعني
جميله : سيبها ع عيني انا بحبها ع عيني
جاسر بحب : الاحسن تفضل ع ورا لان ع عينك بتخليكي احلي بكتير
جميله : لا والله يعني الي كام خصله دول هما الي بيخلوني احلي
جاسر بحب: انتي حلوه ع طول بس دول بيجنوني انا
جميله بحزم: احترم نفسك ي جاسر
جاسر : والله انا محترم نفسي جدا لحد دلوقتي وماسك نفسي بالعافيه
جميله : خلاص يبقي روح عشان متمسكش نفسك ولا تتجنن
جاسر : ههههههههههههه خلاص والله مش هعمل حاجه تاني
جميله بتهديد: انت لو فكرت تعمل حاجه تاني هقتلك
جاسر ببرود: بسيماما
جميله بصتلوا بغيظ وكملت شغل وهو باصصلها و مستمتع وهو بيغيظها وبيشاكسها بعد نص ساعه
جاسر : انتي قدامك قدا اي وتخلصي
جميله وهي تنظر في الملف : زهقت ولا اي
جاسر : لا مزهقتش بس يعني من باب العلم بالشئ
جميله وهي تنظر له : قدامي ساعه  ثم اكملت ، لو  تعبت تقدر تروح انت مش مضطر تستناني
جاسر : لا هستناكي انا متعبتش ولا عمري هتعب منك
جميله : ماشي ي عم الرومانسي
جاسر : بتتريقي ماشي انا ساكت بس عشان احنا في المكتب
جميله : ايوا ولو مكناش في المكتب هتعمل اي يعني
جاسر : هعمل كتير
جميله : واي هما بقاا الكتير دول
جاسر بغمزه: هقولك لما نتجوز
جميله بغضب : انت قليل الادب
جاسر بخبث : انتي فهمتي اي ي حبيبتي انا قصدي يعني ان حتي لو اتجوزنا عمري ما هبطل احبك

جميله : لا والله انت قصدك كدا
جاسر ببرائه: اه ،ثم اكمل بخبث امال انتي فهمتي اي
جميله : مفهمتش حاجه
جاسر بخبث : امال اتعصبتي ليه
جميله : عادي
جاسر بضحك: ههههههههههه عادي كل العصبيه دي وعادي
جميله : بطل رغي بقاا وخليني اخلص عشان نمشي
جاسر : حاضر سكت اهو
كملت جميله شغل وهو كان باصصلها ومبتسم وهو بيدقق ف ملامحها بحب وهي خدت بالها من نظراتو بس كملت شغل وبعد ساعه خلصت
جميله وهي ترجع لورا بالكرسي : خلصت الحمدلله
جاسر : اخيراا دانا كنت فاكر هنبات لصبح انتوا شغلكوا دا مفيهوش راحه
جميله : للاسف مفيش راحه احنا ممكن نطبق باليومين برا لو فيه مهمه  وممكن نسافر كمان
جاسر : تسافري ؟
جميله : اه اسافر عادي مانا قولتلك ماما سافرت روسيا عشان مهمه هي وبابا وسافرت لوحدها بردوا قبل كدا وقعدت اربع سنين هناك عشان كدا انا بعرف اتكلم روسي
جاسر : يعني انتي متعلمه الروسي من وانتي صغيره
جميله : مش بالظبط انا ماما كانت معوداني اتكلم عربي لكن اتعلمت روسي منها هي
جاسر : خلاص لما تسافري في مهمه هسافر معاكي
جميله : ليه هي رحله
جاسر: يعني اخليكي تسافري لوحدك
جميله : ايوا وفيها اي
جاسر : لا انا راجل صعيدي ومحبش مراتي تسافر لوحدها
جميله : ومين قال اني مراتك وحتي لو مراتك انت وعدتني انك مش هتمنعني عن حاجه ولا هتتحكم فياا
جاسر : بس انا مش بتحكم فيكي انا حابب اكون معاكي
جميله : لما يحصل ويجيلي مهمه سفر نبقي نتكلم
جاسر : ماشي يلا بينا بقاا
جميله: اه يلا
لمت جميله حاجتها وقفلت المكتب وخرجت هي وجاسر ونزلوا ركبوا العربيه وروحوا البيت
💖💖💖💖💖💖💖💖💖💖💖💖💖
عارفه اني موفتش بوعدي ونزلت بليل زي ما قولتلكوا بس والله انا خلصت البارت الساعه ٢ بس لقيت النت فصل وانهاره عندي جامعه فا كملت امبارح وزودت البارت شويه وجبت كارت عشان انزل مخصوص عشانكوا  وان شاء الله لو قدرت هنزل النهارده