عند جاسر وجميله
كان لسه بيشوف السكرتيرات وكان بيعترض ع اي واحده بأي سبب
جميله بغضب: انت عمال ترفض كذا واحده من غير سبب ليه
جاسر ببرود: مش عاجبني
جميله بغضب: هو انت هتتجوزهم دي سكرتيره
جاسر : انا عايز واحده معاها كورسات زيك وعندها خبره مش لسه هتتدرب انا معنديش وقت
جميله: ماشي هشوفلك واحد
جاسر : انا قولت واحده مش واحد
جميله : هو انت مش عايز حد يبقي عندو المؤهلات دي خلاص بقاا ملكش دعوه واحد ولا واحده ولا انت مش بتعرف تشتغل غير مع ستات
جاسر بحده: احترمي نفسك ي جميله مش عشان سكت هتسوقي فيها
جميله بغضب :انا محترمه ع فكره وبعدين ليه عايز واحده مش واحد
جاسر : ودا هيهمك في اي
جميله: مش هيهمني في حاجه بس اعرف عشان لو عايز سكرتيره اشوفلك و لو عايز سكرتير بردوا اعرف اجيبلك
جاسر : وهتجيبلي منين بقاا
جميله: مش مهم تعرف
جاسر بتحدي: ماشي وانا عايز سكرتيره مش سكرتير
جميله ببرود: براحتك
قامت جميله وقفت
جاسر : انتي رايحه فين
جميله: هروح الاداره اشوف المهمه الجديده
جاسر : والسكرتيره
جميله: هتلاقيها عندك بكره او بعده بالكتير
جاسر : وانتي
جميله: معايا لاب تقدر تبعتلي الشغل عليه وانا هخلصه
جاسر : وبالنسبه للاجتماعات
جميله: لو فيه اي اجتماع قولي وانا هاجي
جاسر : انتي ردودك سريعه كدا جاهزه بالرد في كل سؤال
جميله: اكيد لان دا الي متفقه عليه مع بابا وبعدين انا مهمتي خلصت خلاص وبالنسبه للسكرتيره هقدر اجيبلك
جاسر جواه : بس انا عايزك انتي
جاسر : طب استني هوصلك
جميله: لا هاخد تاكسي لحد مااجيب ريس
جاسر : لا هوصلك ومفيش ريس انا هوصلك كل يوم عادي
جميله: وتوصلني بأماره اي انا خلاص مبقتش حارس شخصي ليك ولا اي حاجه
جاسر : بس باباكي سايبك امانه معايا
جميله بغضب: ليه سايب جزمه معاك انا بني ادمه ع فكره مش طفله وبعدين انا قولتلك مبحبش حد يتحكم فياا انا براحتي
جاسر : انا مبتحكمش انا بقولك هوصلك عادي مفيهاش حاجه
جميله : فين مفاتيح العربيه
جاسر باستغراب: ليه
جميله: هروح بيها وهبعتهالك مع حد
جاسر : طب وليه اللفه دي مااوصلك ولا هو عند وخلاص
جميله: هتسوق ازاي وانت ايدك متجبسه وكمان عشان شغلك مينفعش تسيبوا
جاسر : مش هيأثر من نص ساعه ومتقلقيش انا عارف شغلي كويس وكمان ايدي مش وجعاني خلاص وهروح افك الجبس
جميله: ماشي براحتك
جاسر بتنهيده: اخيرا يلا ي اختي
جميله: يلا
نزل جاسر وجميله ركبوا العربيه واتحركوا
جميله: تفتكر عمران ممكن يعمل حاجه
جاسر : افتكر لان طالما اخوه عمل كل دا اكيد هو يعمل
جميله: بس كدا هيأذي بابا وانا السبب
جاسر : لا انا متاكد انو مش هيفكر يأذي باباكي
جميله: اشمعنا متاكد اووي كدا
جاسر : لاني عايش هناك و عارف تفكير كل واحد
جميله: وهو تفكيرو اي بقاا
جاسر : هو هيروح يخلي ابنو مراد يطلق فاطمه لان انتي الي جوزتيهم فا هو كدا بينتقم
جميله: بس انا متاكده ان مراد هيرفض يطلقها
جاسر : ليه متاكده
جميله: لان هو بيحبها ومصدق بقت مراتو مستحيل هيفرط فيها بسهوله
جاسر : وانتي عرفتي منين انو بيحبها اووي كدا
جميله بثقه: دا احساس
جاسر :لا والله يعني حسيتي ان هو بيحبها ومحستيش بياا خالص
جميله وهي تهرب من سؤاله: بس هو اكيد مش هيكتفي بان مراد يطلق فاطمه بس
جاسر فهم انها بتهرب من السؤال: ماشي هعديها ،ايوا فعلا مش هيكتفي بكدا بس معرفش هيعمل اي وكمان متقلقيش باباكي مش صغير ويقدر يحمي نفسوا متنسيش انو لواء
جميله: مش قلقانه انا عارفه بابا كويس اووي
جاسر : طيب كويس
وصلوا عند الاداره ونزلت جميله طلعت المكتب وجاسر مشي
عند جميله دخلت مكتب اللواء سيف
جميله بجديه: تمام ي فندم
سيف : ازيك ي جميله عامله اي
جميله: الحمدلله واخبار حضرتك اي
سيف : الحمدلله
جميله:اي هي المهمه ي فندم
سيف : ثانيه ادهم هيجي دلوقتي وهشرحلك المهمه بالظبط
جميله: ماشي
في اللحظه دي دخل ادهم وسلم ع جميله
سيف : اقعدوا بقاا عشان افهمكوا المهمه
قعدوا الاتنين وهو اتكلم
سيف : فيه واحد اسموا كمال صبري بيشتغل دكتور و جاتلنا اخباريه انو بيتاجر في الاعضاء بس محدش قادر يمسك عليه حاجه لحد دلوقتي بس عرفنا ان فيه ورق يوديه في داهيه لكن فين الورق دا احنا مش عارفين
ادهم: طب وهنعرف مكانوا ازاي
جميله: طيب ممكن حضرتك تديني يوم واحد بس اعرف معلومات عنو وهقول لحضرتك ع حل نقدر نعرف بيه مكان الورق
سيف وهو يعطيها الملف: الملف دا فيه كل حاجه عن و والروتين اليومي بتاعوا كمان
جميله بصت في الملف وقرأته قراءه سريعه
جميله: واضح انو بتاع ستات
سيف : فعلا
جميله: طب ماهي محلوله اهي
ادهم: ازاي
جميله: هو بيتردد ع كباريه ......كتير اوووي فا انا هروح ...............
شرحتلهم جميله خطتها
سيف باعتراض: لا طبعا ي جميله انتي زي بنتي وانا مستحيل ارضي ع بنتي حاجه زي كدا
جميله: حضرتك عارفني وواثق فياا و اكيد عارف ان محدش يقدر يقربلي
سيف : انا عارف دا بس افردي هو الي خدرك وحصل حاجه ساعتها اي الوضع وهقول لاسر اي لا طبعا مستحيل
جميله: متقلقش ي فندم انا عارفه انا بعمل اي كويس اووي وكمان ادهم هيبقي متابع معاياا بسماعه وهيبقي بره لو حصل اي حاجه يتدخل
سيف : وجاسر
جميله باستغراب: مالو
سيف : هيوافق
جميله: طب وهو مالو مش فاهمه
سيف : لا انتي فاهمه جاسر بيحبك
جميله: انا دلوقتي في شغل مليش دعوه بيحبني ولا لا
سيف بقله حيله: ماشي ي جميله بس ادهم هيتابع معاكي خطوه بخطوه
ادهم : تمام ي فندم
جميله: ماشي ي فندم
سيف : خلي بالك من نفسك ي جميله
جميله: حاضر عن اذن حضرتك
ادهم: عن اذنك ي فندم
سيف : هتنفذي امتي
جميله: هروح النهارده بليل
سيف : ماشي
خرج ادهم وجميله ودخلوا المكتب
ادهم: هو جاسر دا الي كان مخطوف معاكي
جميله: ايوا ليه بتسال
ادهم: اصل كان باين فعلا انو بيحبك كان بيبان عنيه بتلمع كدا لما بيبصلك
جميله : طيب بص انت هتبقي بره الكباريه في العربيه اول ما اخرج معاه ونركب العربيه تتحرك ورانا بس خلي بالك ليكون حد بيراقبك او ليه بودي جارد ولا حاجه ولو حصل اي حاجه من دي انا معايا سلسله فيها جي بي اس
ادهم: بس السلسله متوصله لباباكي انا هعرف ازاي
جميله : خلاص هلبس واحده تاني ساعتها
ادهم: تمام
جميله : طيب متعرفش واحده يكون عندها كورسات انجلش وفرنش والماني ويكون عندها خبره بشغل السكرتريه
ادهم باستغراب: اشمعنا
جميله: عادي يعني
ادهم: لا الحقيقه معرفش
جميله: ماشي معاك عربيه
ادهم: ايوا
جميله: تمام انا هنزل دلوقتي هروح اشتري عربيه ليا وبعد كدا هروح اغير واروح الكباريه ،يعني الساعه ١ بليل تكون هناك
ادهم: وانتي هتروحي امتي
جميله: هروح ١٢ لان مينفعش نروح مع بعض ولا نبان مع بعض اصلا
ادهم: تمام
نزلت جميله ركبت تاكسي وراحت محل عربيات واشترت عربيه وراحت البيت وع الساعه١١خدت شاور ولبست
ووحطت ميك اب رقيق
ونزلت ركبت عربيتها وراحت الكباريه
💖💖💖💖💖💖💖
عند جاسر خلص شغل ونزل ركب عربيته وراح فك الجبس وبعد كدا راح الاداره ل جميله وكان ادهم خارج من الاداره وشافوا وراح ناحيته
ادهم بابتسامه: ازيك ي جاسر
جاسر بتذكر: انت ادهم مش كدا
ادهم بابتسامه: ايوا انا
جاسر بابتسامه: ازيك عامل اي
ادهم بابتسامه: الحمدلله كويس
جاسر : امال فين جميله
ادهم بتردد: جميله في مهمه
جاسر باستغراب: مهمه اي الي الساعه ١٢ دي
ادهم : مهمه عادي تبع الشغل
جاسر بغضب: ما تخلص ي ادهم مهمه اي دي
قالوا ادهم الخطه
جاسر بغيره: فين الكباريه دا
ادهم: مينفعش ي جاسر انت كدا هتبوظ الخطه وكمان جميله هتعند اكتر
جاسر بغضب: فين الكباريه ي ادهم
ادهم : هقولك بس خليك بعيد وكمان متقلقش انت عارف جميله كويس محدش يقدر يلمسها
جاسر وهو يكتم غضبه: ماشي فين الزفت بقاا
ادهم: تعالي معايا هوصلك
جاسر : لا اركب انت وقولي المكان واحنا ماشيين
ركب ادهم مع جاسر وقالوا ع المكان وساق جاسر باقصي سرعه
💖💖💖💖💖💖💖
عند جميله وصلت الكباريه ودخلت بكبرياء وانوثه والكل بصلها بخبث واعجاب من جمالها دخلت جميله وقعدت لقت كمال بيبصلها ويغمز لها بصتلوا من فوق ل تحت واتجاهلتوا استفزتوا حركتها وراح قعد ع التربيزه معاها
كمال بخبث: الجميل متجاهلنا ليه
جميله: وهو انا اعرفك عشان اتجاهلك او اكلمك اصلا
كمال بخبث : طب ومالوا خلينا نتعرف
جميله ببرود: بس انا مبتعرفش
كمال وهو ينظر بتفحص : ليه كدا بس دا انا لذيذ والله هتحبيني ع طول
جميله ببرود: مظنش بس ماشي
كمال بخبث: اسم الجميل اي بقاا
جميله : جميله
كمال بخبث: فعلا ،وانا اسمي كمال ،كمال صبري دكتور
حط ايدو ع ايديها لكن هي سحبتها بسرعه
جميله بحده: مش معني اني بتكلم معاك هتتمادي فيها الحركات دي مبحبهاش
كمال بخبث : حلو نوع القطط الشرسه لا وحلوه كمان
💖💖💖💖💖💖💖💖
عند جاسر
وصل ودخل هو وادهم وشافوا جميله قاعده مع كمال وحس بالغيره وكان رايحلها لكن منعه ادهم
ادهم وهو يمسكه: اهدي ي جاسر بلاش تبوظ كل حاجه اقعد بس
قعد جاسر ع مضض وهو ينظر لجميله بغضب وغيره وقعد ادهم جنبوا ،لمحتوا جميله وبصت بغيظ وغضب ل ادهم ولقت كمال حط ايدو ع كتفها فجاه لكن هي بعدتها بسرعه
جميله بغضب: قولتلك مش بحب الحركات دي
كمال وهو ينظر لها بوقاحه: ماهو بصراحه انتي الي يشوفك ميقدرش يمسك نفسوا ، ثم اكمل بخبث بقولك اي انا عندي فيلا قريبه من هنا ما تيجي نقضي السهره هناك ومتقلقيش دي امان محدش يعرف عنها حاجه
جميله جواها: اكيد دي الفيلا الي فيها الورق
جميله بخبث: ماشي بس خمس دقايق هدخل الحمام اظبط الميك اب
كمال وهو ينظر لها بشهوه : براحتك خمسه ،عشره ،عشرين الي انتي عايزاه
قامت جميله وراحت ناحيه الحمام وجاسر قام وراها وشدها
جاسر بغيره: انتي ازاي تسمحيلوا يحط ايدو ع كتفك
جميله بغضب: وانت مالك وبعدين اي الي جابك هنا
جاسر بغضب: مكنتيش عايزاني اجي كمان
جميله بغضب: ايوا وانت تيجي ليه
جاسر بحده: انتي ليه مش عايزه تفهمي اني بحبك ليه كل مااقولك بتهربي مني ليه عماله بتبعدي وعامله عبيطه ومش راضيه تصدقي
جميله بغضب : مينفعش الكلام دا هنا واتفضل اخرج بقاا لانك كدا هتبوظ الخطه
جاسر بغضب : تغور الخطه ع المهمه كلها انا مستحيل اقبل انك تعملي حاجه زي كدا انتي عايزه تروحي شقته انتي اتهبلتي وبعدين فيه مليون طريقه غير دي
جميله بغضب: مانا دخلت شقتك واحنا لوحدنا بردوا
جاسر بغضب : انتي بتقارنيني ب دا طب انا حبيتك وحافظت عليكي وملمستكيش ثم اكمل بغيره لكن دا عايز يلمسك
جميله بغضب : محدش يقدر يلمسني غصب عني خليك عارف دا كويس عن اذنك
سابتوا جميله وراحت ل كمال وخرجوا الاتنين وركبت جميله عربيتها وكمال معاها وراحوا الفيلا كل دا وجاسر وادهم وراهم
💖💖💖💖💖💖💖💖
عند جميله دخلوا الفيلا كل دا وهي مشغله السماعه عشان تتابع مع ادهم وجاسر بردوا بيسمع معاه وهو بيغلي من الغيره والغضب
كمال بخبث وهو يقترب منها : اهو كدا احلي من الدوشه والصداع
جميله بدلع: طب مش نشرب حاجه الاول
كمال بغمزه: بس كدا عنياا نشرب طبعا
جميله : عندك اي يتشرب
كمال بخبث : عندي كل حاجه تعجبك
جميله بدلع: طب هعملك كاس
كمال بخبث : دا انتي الي يشوفك ميشربش اصلا عشان يبقي فايق لكل حاجه
جميله كان نفسها تقتله بس مسكت نفسها عشان الخطه
جاسر بره كان هيرتكب جريمه وادهم كان بيحاول يهديه
جميله بدلع: لا طبعا لازم تشرب
كمال بغمزه: طب وانتي مش هتشربي معااياا
جميله بدلع: طبعا هشرب
عند جاسر بره
جاسر بغيره وغضب : دي بتقولك هتشرب
ادهم وهو يهديه: لا هي بتقول كدا عشان ميشكش وبعدين اهدي شويه مش كدا
جاسر بعصبيه:اهدي اي انت مش سامع انت كمان
ادهم : سامع بس دا مش حقيقي دا تمثيل
جاسر بغضب: ما دا الي مصبرني بس والله لو لمسها لقتلوا
ادهم: متقلقش هي هتحطلوا مخدر في المشروب وهو هينام ع طول
جاسر بغضب: يارب يموت حتي
عند جميله حطت المخدر في الكاس وقلبتوا كويس وحطت تلج واديته الكاس
كمال : امال انتي كاسك فين
جميله بدلع: لا مانا مش هشرب عشان ابقاا فايقه
كمال بخبث : عندك حق
جميله بدلع: اشرب بقاا انت
كمال مسك ايديها الي ماسكه بيها الكاس : شربيني انتي
جميله وهي تكتم غضبها بابتسامه صفرا: من عنياا
عند جاسر
جاسر بغيره: والله هروح اخذقلها عنيها
ادهم : ههههههههههه ي بني اهدي شويه بقاا
جاسر بغضب: انت بتضحك ماانت لو حاسس بالنار الي جوايا مش هتضحك كدا
ادهم : انا اسف مكنتش اقصد ممكن فعلا اكون مش حاسس بالنار الي جواك بس عارف يعني اي غيره وحب
عند جميله
شرب كمال الكاس
كمال بخبث : مش يلا بقاا
جميله بدلع: خلينا شويه هنا
كمال بخبث : لا في الاوضه احلي بكتير فيها هواء حلو
عند جاسر
جاسر بغضب وغيره: دا بيقولك الاوضه لا انا كدا مش هقدر استحمل تولع الخطه ع المهمه
حاول جاسر يخرج لكن منعه ادهم بصعوبه
ادهم: ي بني هو قداموا خمس دقايق ومفعول المخدر هيشتغل
جاسر بغضب: وانا لسه هستني خمس دقايق
ادهم: متقلقش جميله هتعمل اي حاجه عشان يعدوا وميطلعوش الاوضه
جاسر بغضب:لما اشوف اخرتها اي
عند جميله
جميله بدلع: شغل اغاني
كمال بخبث: هترقصي
جميله بدلع: ايوا
عند جاسر
جاسر بغضب : اوعي تقولي استني تاني دي هترقصله استني اي تاني لما يطلع الاوضه
خرج جاسر بره العربيه ودخل الفيلا وخبط بغضب وغيره وهو بيرزع ع الباب وكان هيكسروا
فتحتلوا جميله
جاسر بغيره: رقصتيله ولا لسه ي اختي
جميله : رقصت لمين دا راح يشغل اغاني وقع ع طول
جاسر بغضب: انتي كمان كنتي مستنيه لما يشغل اغاني وترقصي
ادهم بسرعه: مش وقتوا دلوقتي ي جاسر خلينا بس ندور ع الورق قبل ما يفوق
جاسر بغضب: نفسي يفوق عشان اخمده عمره كلوا
دخل ادهم وجميله وجاسر اتوزعوا كل واحد في مكان في الفيلا بيدوروا لقاا ادهم الورق وجميله لقت التلاجه الي بيخزنوا فيها اكياس الدم وكانت فاسده واعضاء مستحملتش المنظر وخرجت بسرعه
واتجمعوا التلاته في الريسبشن
ادهم: انا لقيت الورق
جميله : وانا لقيت تلاجه فيها اكياس دم فاسده واعضاء
جميله : خلاص نقبض عليه احنا هو كدا كدا نايم فا مفيش مقاومه وبعد كدا نطلب القوه عشان يحرزوا الدم والاعضاء
جاسر بتشفي: سيبهولي انا هوصلوا بنفسي للقسم
ادهم : ههههههههههه شكلك هتوصلوا لملك الموت مش القسم
جاسر بخبث: والله هو وحظوا
جميله : انا مش فاهمه حاجه انتوا قصدكوا اي
ادهم بضحك:ههههههههههه مفيش حاجه
ادهم : انا طلبت قوه اصلا من ساعه ما خرجت من الاداره لاني كنت عارف انك هتقدري توصلي للورق هما مستنيني الاشاره بس عشان يدخلوا
جميله : طب دخلهم
ادهم: ماشي
ادا ادهم الاشاره للقوات بالدخول وحرزوا الثلاجات الي فيها اكياس الدم والاعضاء وراح جاسر ناحيه كمال وهو لسه نايم وضربوا بالبوكس
جاسر بغيره: دا عشان تبقي تحط ايدك ع كتفها تاني
ادهم بضحك: ههههههههههه انت فظيع بجد طب هو صاحي عشان يسمعك
جاسر بغيظ: كان نفسي يكون صاحي عشان يحس وانا بضربوا بس مش مشكله فشيت غلي بردوا
ادهم : ههههههههههه والله انت مسخره ي جاسر
جاسر بغيظ: بص سبني في حالي عشان مطلعش غضبي كلوا عليك انا مش عارف ازاي سكت كل دا
ادهم : خلاص بقاا الموضوع عدي ومحصلش حاجه
جاسر : هي جميله فين
ادهم باستغراب: مش عارف
خرج جاسر بره وسال واحد من القوات ع جميله
الظابط: لسه راكبه عربيتها من خمس دقائق ومشيت ي فندم
جاسر باستغراب: مشيت راحت فين
الظابط : معرفش ي فندم
جاسر بغيظ: ماشي ي جميله تمشي من غير ما تقوليلي
جيه ادهم
ادهم: لقيتها
جاسر بغضب: الاستاذه مشيت
ادهم: راحت فين
جاسر بغضب: معرفش
ادهم: طب كلمها شوفها فين
كلمها جاسر وردت
جاسر بغضب: انتي فين
جميله : في حاجه
جاسر : اه فيه انتي فين بقاا
جميله : في اي
جاسر بغضب: انتي مشيتي ليه من غير ما تقولي
جميله : خلصت مهمتي وانا دلوقتي رايحه البيت هلم شنطتي وهرجع اسكندريه وبكره هيكون عندك السكرتيره
جاسر بصدمه جواه: يعني خلاص مش هشوفك تاني عايزه تبعدي
جاسر بغضب: انا مش عايز حد انا عايزك انتي ليه مش عايزه تفهمي دا هفضل لحد امتي اقولك بحبك وانتي بتهربي من الاجابه
اتقفل الخط
ركب جاسر عربيته بسرعه وغضب وساق باقصي سرعه
💖💖💖💖💖💖💖💖
عند جميله وصلت البيت وطلعت الشقه لكن فجاه حد خبطها ع راسها
بعد وقت وصل جاسر وكانت العماره ضلمه خالص طلع عند باب الشقه وخبط لكن حس بحاجه ع الارض طلع الفون وشغل الفلاش ولقاا دم ع الارض وشنطه جميله واقعه دب الخوف في قلبه وفضل يخبط اكتر ع الباب بخوف
عند جميله فاقت لقت نفسها مربوطه ع الكرسي في شقتها ولقت قدامها عمران ومعاه راجل
جميله بغضب: انت بتعمل اي هنا
عمران بغضب: جاي اخد تار اخوياا
جميله بغضب: ومختهوش ليه من ساعتها قولتلك اقتلني واخلص
عمران بغضب: مش طبعي اني اخد تاري من واحده ست
جميله بغضب: امال انت عايز اي
عمران بغضب: هجوزك لمراد ابني واذلك وابقي كدا خدت بتار اخوياا
جميله بحده: لا عاش ولا كان الي يذل جميله اسر الشهاوي وانت مستحيل تجوزني غصب عني انت ولا ولي امري ولا اي حاجه
في اللحظه دي سمعت جميله خبط ع الباب جامد
راح الراجل الي معاه وبص من العين
الراجل : دا جاسر ي عمران بيه
عمران ل جميله : ردي عليه واوعي يحس بأي حاجه والا هقتله لو دخل وهقتلك
جميله بغضب: انا مبتهددش ولو عايز تقتل اقتل واخلص ملكش دعوه بيه
عمران شدها من شعرها ورجع راسها لوراا: قولتلك مبقتلش حريم ودلوقتي ردي عليه
جميله بغضب: هندمك ع كل دا
رجع الخبط تاني
عمران : اخلصي ردي عليه
جميله ل جاسر : ايوا ي جاسر
جاسر من بره: انتي كويسه
جميله : ايوا كويسه
جاسر : طب افتحي
جميله : مش هينفع افتح انا لوحدي في الشقه
جاسر حس بحاجه غلط خصوصا انها كانت بتبقي معاه في الشقه لوحدهم عادي
جاسر : طيب خلاص انا جوه لو احتاجتي حاجه
جميله عرفت انو فهم لانو عارف انها بتدخلوا عادي
خرج جاسر بره العماره ولف عند البلكونه ونط ع جوه ودخل كانت اوضه جميله
عند جميله بره
جميله بغضب: اخلص وفكني لان الي في دماغك دا مش هيحصل والاحسن تفكني بدل مااخليك تحصل اخوك
عمران بغضب: لمي نفسك ي بت انتي والي في دماغي هيحصل انتي هتتجوزي مراد يعني هتتجوزيه
الراجل : طب هنعمل اي دلوقتي ي باشااا
عمران : بص بره كدا شوفوا مشي ولا لا لو مشي تعالي عشان ناخدها ونسافر
الراجل : حاضر
خرج الراجل بره الشقه يبص
عند جاسر لقاا مسدس في غرفه جميله خدوا و خرج برا الاوضه لقاا عمران واقف وجميله مربوطه في الكرسي وكان عمران ضهره لاوضه جميله وجميله شافت جاسر خارج من الاوضه وماسك مسدس
جاسر بغضب: مش عيب بردوا ي عمران تتهجم ع بنت لوحدها هي دي الرجوله انت متستاهلش يتقال عليكي صعيدي لانك سؤات سمعه الصعايده باللي عملتوا دا
لف عمران ل جاسر ولقاه موجه السلاح ناحيته
وكان عمران ماسك سلاح راح موجه ناحيه جميله
عمران بغضب: نزل سلاحك والا هقتلها
جاسر بغضب: فكر تلمسها هقتلك انا
عمران بغضب: هقتلها لو منزلتش سلاحك حالا وهقتلك انت كمان
في اللحظه دي دخل الراجل وبحركه سريعه ضربه جاسر بالنار ورجع بص ل عمران
جاسر بغضب: نزل سلاحك
عمران بغضب: هقتلها
ضربه جاسر بالنار في رجله وهو وقع راح جاسر ناحيه جميله وفكها في الوقت دا زحف عمران وشد السلاح وضرب رصاصه ع جاسر جت في رجله ومسكت جميله المسدس منو وضربت عمران جت في قلبه وماات ومسكت جاسر
جميله بسرعه وقلق: اسند عليا خلينا نروح المستشفي بسرعه
جاسر بالم: مش هروح في مكان قبل مااسمعها منك
جميله : هي اي دي
جاسر بالم : عايز اعرف بتحبيني ولا لا
جميله بسرعه: مش وقتوا ي جاسر نروح المستشفي وبعد كدا ابقي اقولك
جاسر بالم: لا اسمعها الاول
جميله بغضب: جاسر بطل عند انت بتنزف جامد ولازم نروح المستشفي
جاسر بالم: تمام يبقي خليني انزف لحد مااسمعها منك واعرف بتحبيني ولا لا
جميله بسرعه: خلاص هقولك بس خلينا نروح المستشفي الاول
جاسر بعند والم: لا اسمعها الاول
جميله بنفاذ صبر : بحبااك
ابتسم جاسر وسط الم رجله الي بتنزف
جميله بسرعه: ينفع نروح المستشفي بقاا دلوقتي
جاسر بابتسامه : اه ينفع
سندتو جميله ونزلوا ركبوا العربيه وساقت جميله واتحركوا وراحوا المستشفي ودخلت جميله معاه واجبرتوا انهم يديلوا بنج موضعي وفعلا وافق وشالوا الرصاصه وبقاا كويس
جميله بغضب : ينفع الي عملتوا دا
جاسر بابتسامه: اه ينفع دا انتي طلعتي عيني ي شيخه حرام عليكي كان لازم اموت يعني قدامك عشان تقوليها
جميله بغضب: انا مش بحب الاسلوب دا
جاسر بابتسامه: انا بقاا بعشق الاسلوب دا كفايه ان هو الي خلاكي نطقتي
جميله بغيظ: ماشي بس انسي بقاا الي انا قولتوا
جاسر بغضب: نعم ي اختي انسي اي دا انا مصدقت سمعتها ثم اكمل بهدوء ها بقاا هقابل سياده اللواء امتي
جميله : تقابلوا ليه
جاسر بسخريه: وحشني قولت اقابلوا شويه ثم اكمل بغيظ يخربيت الغباء
جميله : بجد مش فاهمه عايز تقابل سياده اللواء ليه
جاسر باستغراب: انتي بتتكلمي ع انهي لواء
جميله : ع اللواء سيف
جاسر بغيظ: وانا هقابل اللواء سيف ليه ي اذكي اخواتك ،انا بتكلم عن باباكي
جميله : وانت عايز تقابل بابا ليه
جاسر بنفاذ صبر : عشان اتقدملك ي جميله
جميله: ومين قالك اني موافقه
جاسر بغيظ: نعم امال انتي لسه قايله اي
جميله باستعباط: قولت اي
جاسر بغضب: جميله متعصبنيش
جميله : خلاص ماشي ثم اكملت بتحذير بس متزعقش
جاسر : ماانتي بتعصبي الواحد
جميله بغلاسه: براحتي ع فكره
جاسر : ماشي ي اختي ثم اكمل بصوت واطي مانا الي جبتوا لنفسي
جميله : بتقول حاجه
جاسر : ملكيش دعوه
في اللحظه دي دخلت الممرضه
الممرضه بدلع: حمدلله ع سلامتك ي استاذ جاسر
جاسر : الله يسلمك
جميله بسخريه: لا ع فكره مينفعش كدا روحي احضنيه مينفعش تقولي حمدلله ع السلامه من بعيد كدا
بصتلها الممرضه بغيظ وخرجت
جاسر بضحك: ههههههههههه لا عجبتني الغيره دي
جميله: وانا هغير عليك ليه ي ابني انت ليه مش عايز تصدق اني مش بحب البنات المسهوكه دي يعني الموضوع مش عليك اصلا
جاسر بتحدي: وانا متاكد انك بتحبيني وبتغيري علياا وهتشوفي
جميله: براحتك ، يلا بقاا عشان نمشي انا زهقت
جاسر : انتي عملتي اي صح
جميله : طلبت البوليس وهما زمانهم هناك دلوقتي
جاسر : وسياده اللواء عرف
جميله: بابا لا لسه ميعرفش حاجه
جاسر : طيب مش هتقوليلوا
جميله : هقولوا بس متقولش لحد انك انت الي قتلت
جاسر باستغراب: اشمعنا دا كان دفاع عن النفس عادي
جميله: عارفه بس عشان محدش يفكر ياخد بتاروا منك خصوصا انك راجل و اكيد هيحاولوا يقتلوك انت لكن لو انا عادي انا بنت
جاسر بغمزه: خايفه عليا
جميله : مش حكايه خايفه ،بس مينفعش تتأذي بسببي
جاسر : متقلقيش محدش يقدر يعمل حاجه
جميله : ماشي بس بردوا متقولش
جاسر : ماشي
جميله : يلا بينا
جاسر : يلا
سندتوا جميله وكانت قريبه منو جدا وهو كان مبسوط وهو حاضنها ،نزلوا وركبوا العربيه وساقت جميله وراحوا البيت كان البوليس في شقه جميله
جميله : تعالي هدخلك شقتك وبعد كدا اشوفهم
جاسر : لا انا هاجي معاكي
جميله: مش هينفع تقف عشان رجلك ادخل وانا هشوفهم
جاسر : لا متقلقيش هقدر اقف
جميله: بلاش عند يلا بقاا
جاسر : ماشي
فتحت جميله باب الشقه وسندتوا يدخل وبعد كدا خرجت راحت شقتها كان البوليس موجود سالها كام سؤال والاسعاف خدت عمران والراجل الي معاه ومشي البوليس وجميله نضفت الشقه مكان الدم وبعد كدا دخلت لجاسر وحضرت عشاء واتعشوا مع بعض وبعد كدا رجعت شقتها خدت شاور ولبست بيجامه مريحه وكلمت باباها وحكتلوا كل الي حصل
اسر بغضب : انتي ازاي تروحي الشقه مع واحد غريب انتي اتهبلتي ي جميله
جميله: دا شغل ي بابا وبعدين هو ملمسنيش
اسر بغضب: دا انا كنت دبحتك لو كان لمسك وسيف انا لياا حساب معاه عشان يوافق ع حاجه زي كدا
جميله : لا ي بابا هو ملهوش ذنب انا الي اصريت هو كان رافض ومش راضي
اسر بغضب: وانتي مجاش في بالك اي خطه غير دي
جميله : لا مكنش فيه غير دي اسرع حاجه
اسر بغضب : ماشي بس ياريت متتكررش تاني واي حاجه زي كدا تقوليلي
جميله : حاضر
اسر بغضب:وعمران كنت عارف انو مش هيسكت بس مكنتش اعرف انو هيقربلك انتي
جميله : حصل خير اهو مات الله يرحمه
اسر : بس مش ملاحظه انك عماله تقتلي ع طول من امتي بنقتل ي جميله
جميله : دا دفاع عن النفس ي بابا يعني اسيبو يقتلني انا
اسر بحنان: بعد الشر عنك ي حبيبتي ، خلاص اهو خد الشر وراح ميجوزش عليه غير الرحمه دلوقتي
جميله : الله يرحمه
اسر بضحك: بس حلوه حركه جاسر ابن اللذينه دا طلع مش سهل
جميله بغيظ: دا بارد
اسر : بس انتي بتحبيه والا مكنتيش قلقتي عليه وقولتي الكلمه ع طول كان ممكن تسيبيه بس دا بين انك بتحبيه
جميله : لا انا قولت الكلمه عشان يرضي نروح المستشفي
اسر : ي بنتي بطلي عند انتي بتحبيه وكنتي خايفه عليه لما اتصاب
جميله : حتي لو بحبوا مش هيفرق كتير
اسر : ازاي مش هيفرق كتير مش فاهم
جميله : يعني لو اتقدملي انا عندي شروط لو وافق عليها ماشي موافقش براحتوا عرفت بقاا ليه مش عايزه احب بقلبي عشان مفكرش بقلبي واتنازل عن كل حاجه
اسر : واي هي شروطك
جميله: لو اتقدملي هقول لكن هو لسه متقدمش فا هقول ليه
اسر : والله شكلك هتطلعي عين الواد انا عارف
جميله : مش هو بيحبني يستحمل عايزه اعرف هيستحمل لحد فين
اسر : هو انتي داخله مسابقة دا جواز ي هبله
جميله بضحك: ههههههههههه ماشي ي بابا يعني انا هبله
اسر : دا انتي مجنونه وهتجنني الواد معاكي
جميله : بقاا كدا ماشي ي بابا
اسر : خلاص ي قلبي متزعليش
جميله: مقدرش ازعل منك ي حبيبي
اسر : انتي كدا هترجعي بكره اسكندريه
جميله: الي حضرتك تشوفوا
اسر : مش الي انا اشوفوا الي انتي عايزاه ،عايزه ترجعي ولا تفضلي
💖💖💖💖💖💖💖💖💖💖💖
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!