رواية احببت عنادك... بقلمي/هاجر هشام الفصل التاسع وستون 69 - بقلم Hagar Hešhàm

عند جميله صحيت خدت شاور ولبست

ووخرجت لقت جاسر بردوا قدام الشقه
جميله بضحك: ههههههههههه في معادك مظبوط
جاسر بضحك: وانتي بردوا في معادك
جميله بابتسامه: صباح الخير
جاسر بابتسامه: صباح النور
جميله : يلا بينا
جاسرر : يلا
نزلوا ركبوا العربيه واتحركوا لشركه بعد وقت وصلوا وطلعوا المكتب ودخلوا
جميله : هتفطر
جاسر : لا هشرب نسكافيه اتعودت عليه خلاص
جميله باستغراب: اتعودت عليه هو انت مكنتش بتشربوا
جاسر باللغبطه: لا كنت بشربوا انا قصدي اتعودت اشربوا معاكي
جميله : طيب هجيب اتنين نسكافيه
جاسر : خليكي وانا هطلب
جميله: لا هروح اجيبوا انا كدا كدا زهقانه
جاسر : ماشي براحتك
خرجت جميله راحت تجيب النسكافيه وبعد وقت رجعت لقت جاسر متعصب جدا وعمال يقلب في الادراج بتاعت المكتب
جميله باستغراب: بتدور ع اي
جاسر بغضب : الملف كان هنا انا سايبوا امبارح مش لاقيه
جميله : ملف اي
جاسر بغضب: ملف الصفقه دي صفقه مهمه جدا ازاي يختفي كدا
جميله: طب افتكر كنت شايلوا فين
جاسر بغضب: انا بحط كل الملفات المهمه في درج المكتب وبقفل بالمفتاح
جميله: حد معاه نسخه من المفتاح
جاسر بغضب: لا محدش معاه غيري
جميله: طيب اهدي و هتلاقيه طالما محدش معاه نسخه من المفتاح يبقي متاخدش
جاسر بغضب: بقولك اختفي انا دورت كويس
نده جاسر ع سهيله بغضب
جاسر بغضب : تجمعيلي كل الموظفين حالا هنا
سهيله بتوتر : حاضر ي فندم
في ثانيه كان الموظفين متجمعين قداموا في المكتب
جاسر بغضب : ملف الصفقه بتاعت الحديد اختفي ودا ملهوش غير معني واحد ان فيه حد من الشركه هو الي خدوا لان محدش يقدر يدخل الشركه دي من غير ما اعرف

سهيله بخبث: ومحدش يقدر يدخل مكتب حضرتك من غير اذن الا الانسه جميله

جاسر بص حواليه ملقاش جميله وشك فعلا فيها
جاسر بغضب: هي فين جميله
سهيله بخبث : اكيد هربت ي فندم
في اللحظه دي دخلت جميله وهي ماسكه واحد ورمتوا تحت رجل جاسر
جميله بحده: الهروب دا لناس الي زيك مش انا

جاسر بغضب: مين دا

جميله : معقوله متعرفش الموظفين الي بيشتغلوا عندك

جاسر بغضب: لا اعرفهم بس دا شكلوا متشلفط مش باين وشوا اصلا

جميله : دا الي بيراقب الكاميرات انا كنت رايحه غرفه المراقبه عشان اشوف كاميرات المكتب واعرف مين الي دخل وانا داخله الاوضه سمعت دا بيتكلم في التليفون مع واحد وبيقولوا ان الملف معاه وكان المفروض هيسلموا النهارده ليه

جميله وهي تسلموا الملف : الملف اهو

كل الموظفين صقفوا ل جميله ع ذكائها وقدرتها ع التصرف بسرعه وسهيله كانت متغاظه جداا

جاسر وهو يمسك الراجل بغضب من لياقه قميصه : مين بقاا الي هتسلموا الملف ي روح امك

الراجل بخوف : شركه بي ام الي مديرها حماد السيوفي

جاسر بغضب للامن: خدوا الزباله دا بره

جميله : لا طبعا انا بلغت البوليس وهو زمانوا ع وصول دا لازم يتحاسب

في اللحظه دي وصل البوليس وخد الراجل ومشي والموظفين كل واحد رجع شغله وخرجت سهيله وهي متغاظه وجاسر حس بالندم انو شك فيها لكن انكر دا وقعد كمل شغل وقعدت جميله تشرب النسكافيه
💖💖💖💖💖
بره عند سهيله وهي بتتكلم في التليفون
سهيله بغضب : انا عملت الي قولت عليه لكن قدرت تمسك الي عمل كدا الحمدلله انه مقالش عليا

شخص : متقلقيش هو عارف لو قال عليكي هيحصلوا اي وبعدين انا مستحيل اضحي بيكي ي حبيبتي

سهيله : طب اعمل اي تاني البنت دي شكلها مش سهله

شخص : اكيد مش سهله انتي عارفه دي تبقي بنت مين

سهيله: مين يعني

شخص : بنت لواء ومش اي لواء دا اسر الشهاوي

سهيله لمعت في دماغها فكره : طب مااوقع اللواء دا واخليه يحبني لحد مايبقي زي الخاتم في صباعي

شخص باستهزاء: تبقي غبيه ومتعرفيش اسر الشهاوي

سهيله : انت الي متعرفش سهيله انا اقدر اوقع اي حد

شخص بسخريه: كنتي قدرتي توقعي جاسر ماانتي قدامه بقالك سنين

سهيله بغيظ: انا مش عارفه ازاي كل دا مبصليش حتي رغم اني عملت كل حاجه معاه مثلت الاحترام ولا اتهز ولبست ضيق وحطيت ميك اب وبردوا متهزش دا لو حجر كان اتهز

شخص : اهو اسر الشهاوي زيوا بالظبط

سهيله : طب هنعمل اي

شخص : اي خدعه من بتوعك انا الي هعلمك بردوا

سهيله : بس ازاي دي مش بتسيبوا لحظه واحده

شخص : طب حاولي تمضيه ع الورق من غير ما ياخد بالو وتكون هي مش موجوده

سهيله : لا عادي حتي لو موجوده هي مش بتفهم حاجه في شغلنا

شخص : خلاص ماشي
💖💖💖💖💖💖💖💖💖
عند جاسر
جاسر باستغراب: انتي بتسمعي اي
جميله: بسمع اغاني
جاسر : طيب مش هتشتغلي
جميله : وهو انت موافق اصلا
جاسر : اه وافقت خلاص
جميله: طب هعمل اي
قام جاسر وقعد ع الكرسي الي قصادها وكان بيشرحلها تعمل اي وهي كانت مركزه بعد وقت خلص
جاسر : ها فهمتي هتعملي اي
جميله : اه دا سهل جدا
في الوقت دا دخلت سهيله وهي معاها ملف
سهيله : محتاجين امضه حضرتك في الملف دا
جاسر : طيب سيبيه اقراه
سهيله بتوتر : ماهو لازم يتمضي بسرعه ي فندم
جاسر بزهق: طيب خلاص هاتي
جميله افتكرت كلام باباها انهم هيخلواجاسر يمضي ع ورق
جميله بشك: هاتيه انا هقراه وهخليه هو يمضي
سهيله بسخريه: وانتي هتعرفي شغلنا منين وبعدين دا بالالماني
جميله ببرود: اولا انا سكرتيره خاصه اكيد مش هشتغل وانا مش عارفه الشغل ثانياا انا معايا كورس الماني وانجلش وفرنش وروسي

ابتسم جاسر ع ثقتها وردها
جاسر بجديه: نفذي الي هي قالتوا
سهيله بتوتر : حاضر ي فندم

ادتها سهيله الملف وخرجت
جاسر : انتي مقولتليش انك معاكي كورسات
جميله: انت مسالتنيش
جاسر : طيب انتي الي هترجمي الفاكسات الي تيجي والملفات الي محتاجه ترجمه
جميله : ماشي
جاسر : تمام ترجمي دا واقريه ووريني لاحظتي اي
جميله: اوك

قعد جاسر ع المكتب وهي قعدت قصادوا وكانت مندمجه جدا وهو كل شويه يبصلها وابتسم لما شافها مندمجه اووي بعد وقت قليل
جميله: خلصت
جاسر بدهشه: انتي لحقتي
جميله بضحك: الله واكبر انت هتحسد ولا اي
جاسر بضحك: ههههههههههه لا مش بحسد بس استغربت انك خلصتي بسرعه كدا دي الترجمه بتاخد وقت
جميله : لا دي سهله

جاسر : طيب مفيهوش اي اخطاء
جميله : لا ودا الي استغربتوا
جاسر باستغراب: استغربتيه اشمعنا يعني
جميله كانت لسه هتقولوا لانها شكت في سهيله بس سكتت
جميله : عادي
جاسر : طب هاتي امضيه
جت جميله تديلو الملف بس لاحظت حاجه غريبه لقت فيه ورقه ملزوقه في ورقه جابت سكينه صغيره بتاعت الورق وفكتها واكتشفت انو كان هيمضي ع ورق صفقه تانيه من غير ما ياخد بالو

جميله : عرفت ليه كنت مستغربه
جاسر باستغراب: اي دا
جميله : كنت هتمضي ع ورق صفقه تاني
جاسر بغضب : مين الي عمل كدا
جميله : مفيش غيرها سهيله هي الي جابت الملف
جاسر : بس هي مقرتهوش هي جابتو ع طول
جميله : تمام هاتها واسالها
طلب جاسر سهيله وجت
جاسر بحده وهي يمسك الورقه : ممكن اعرف اي دا
سهيله بتمثيل الاستغراب: ورقه
جاسر بسخريه: والله تصدقي كنت فاكرها حديده مانا عارف انها ورقه ثم اكمل بغضب اي الي جاب دي في الملف

سهيله بتوتر: معرفش ي فندم
جاسر بحده: يعني اي متعرفيش مش انتي الي جايبه الملف

سهيله بتوتر: ايوا ي فندم بس انا خدتوا من استاذ حمزه

جاسر بغضب ل جميله : ابعتيلي حمزه حالا

اتصلت جميله ب حمزه يجي وخلال خمس دقائق كان وصل
حمزه باستغراب: في اي ي جاسر

جاسر بحده: انت الي اديت ل سهيله الملف

حمزه : اه

جاسر بغضب: ومخدتش بالك ان فيه ورقتين لازقين في بعض وكنت همضي ع صفقه غلط

حمزه بذهول : لا مخدتش بالي خالص وبعدين صفقه اي دي الي غلط

جاسر بغضب: صفقه مخدرات ي حمزه
حمزه بصدمه: مخدرات ازاي

جاسر بغضب: انت بتسالني انا هو مش الملف كان عندك
حمزه : ايوا فعلا كان عندي بس انا بعتوا ل سهيله من ساعه ما طلبت الملفات والصفقات ازاي وصلك دلوقتي

جاسر ل سهيله : انتي مش قولتي ان حمزه بعتوا ولازم يتمضي بسرعه ازاي فضل معاكي كل الوقت دا

سهيله بتوتر : ايوا ماانا دخلت لحضرتك كل الملفات بس نسيت احط دا منهم عشان كدا قولت لحضرتك لازم يتمضي بسرعه

جاسر بسخريه: لا حقيقي صدقتك واقتنعت كمان ثم اكمل بغضب تلمي حاجتك وتاخدي باقي حسابك ومشوفش وشك عشان بعد كدا تنسي كويس اتفضلي واحمدي ربنا اني مبلغتش عنك

سهيله بدموع: اسفه والله ي فندم مش هتكرر تاني

جاسر بحده: انا معنديش حاجه اسمها مش هتكرر تاني انا الي بيغلط ملوش مكان عندي وانا قولت كلمه ومش هرجع فيها يلا اتفضلي

خرجت سهيله وهي بتعيط
حمزه : يمكن ملهاش ذنب ي جاسر وحد هو الي عمل كدا

جاسر بغضب: ازاي ملهاش ذنب انت مصدق التمثليه الي قالتها وبعدين انا كنت همضي ع صفقه مخدرات انت واعي ل دا انا مش غبي لدرجه دي عشان مخدش بالي من الي بيكذب والي بيقول الحقيقه

حمزه : خلاص الحمدلله انها عدت ع خير بس كدا انت عايز سكرتيره وكمان حد مكان الواد الي اتحبس النهارده

جاسر : نزل اعلان في الجرايد عن سكرتيره ومهندس كمبيوتر وجميله هتمسك مكان سهيله لحد ماانلاقي سكرتيره

حمزه: طب هي جميله هتعرف تعمل كل دا كدا هيبقي فيه ضغط عليها

جميله: لا مفيش ضغط ولا حاجه الموضوع سهل

حمزه: ماشي
جاسر : جميله اطلعي عشان تستلمي كل حاجه منها
جميله : اوك
طلعت جميله تستلم منها الشغل
سهيله بغضب: اوعي تفتكري انك كدا خلصتي مني لا انا لقمه ناشفه اووي ومش سهل تخلصي منها

جميله ببرود: انتي الي خلصتي من نفسك بنفسك انا معملتش غير اني ظهرتك ع حقيقتك

سهيله بغضب : مبقاش سهيله لو مخليته يطردك زي ما طردني ي حضره الظابط

جميله ببرود: كويس انك عارفه اني ظابط يعني مش سهل ان حد يلعب معاياا انتي عديتي بحركه الصبح والواد مقلش عليكي بس سبحان الله بردوا في نفس اليوم اتقفشتي بردوا عشان تعرفي ربنا مش بيستر دايما ومتقلقيش قريب اوووي هعرف مين الي وراكي

سهيله بتوتر : انتي قصدك اي انا مفيش حد وراياا
وبعدين موضوع الصبح انا مليش دعوه بيه انتي هتلبسيني تهمه وخلاص

جميله ببرود: انا لو عايزه البسك تهمه اقدر اعملها وبسهوله بس انا مش زباله زيك انتي كنتي عايزه تلبسيني انا تهمه سرقه الملف بس السحر اتقلب عليكي

سهيله بغضب : هاخد حقي ومش هسيبك ي جميله

جميله ببرود: الي عندك اعمليه انا مبتهددش

بصتلها سهيله بغيظ وجميله بصالها ببرود ولمت حاجتها وسلمت جميله الشغل ومشيت
دخلت جميله ل جاسر كان حمزه خرج
جاسر : استلمتي الشغل منها
جميله: اه
جاسر : انا عارف اني بتقل عليكي بس لحد ماالاقي سكرتيره
جميله : لا مفيش حاجه انا كدا كدا كنت بقعد زهقانه بس مش عايز تقول حاجه تاني

جاسر باستغراب : حاجه اي
جميله : يعني انت مديونلي باعتذار لاني قولتلك هكشف سهيله قدامك وانت كدبتني وقولت لا مستحيل تعمل حاجه

جاسر : وانا لسه عند راي مستحيل سهيله تعمل كدا

جميله بغضب: امال طردتها ليه

جاسر : لان انا عندي الي بيغلط بيطرد وهي غلطت لما نسيت تجيب الملف وسابتوا و اكيد حد هو الي عمل كدا مش هي

جميله بغضب : للاسف طلعت مش بتفهم في الشخص الي قدامك اصلا

جاسر بحده: لمي نفسك ي جميله واتكلمي عدل

جميله بغضب: انا بتكلم عدل لكن واضح انك اسم ع الفاضي عايزه اعرف انت ازاي بقيت مشهور كدا وانت مش بتفهم في الاشخاص يعني هي بتدلع عليك وتتمايص وانت عامل عبيط وتقول مستحيل تعمل كدا وكمان مفيش غيرها الي حطت الورقه لكن انت مش عايز تصدق دا

جاسر بغضب: جميله متخلنيش افقد اعصابي انا لحد دلوقتي ماسك نفسي عشان انتي بنت وبعدين انتي نسيتي نفسك ولا اي انتي هنا مجرد حارس شخصي وبس يعني متدخليش في شغلي انا حر اصدق الي اصدقوا واكدب الي اكدبوا

جميله بتحدي: تمام بس خليك فاكر كلامك دا كويس اوووي

جاسر : متقلقيش فاكروا

جميله بتحدي: ماشي ومتقلقش انت كمان انا هبقي الحارس الشخصي والسكرتيره لحد ما تلاقي واحده زي ما قولتلك لاني مش برجع في كلمتي ابدا

جاسر : لو مش عايزه تشتغلي انتي حره

جميله بتحدي: لا هشتغل
حاولت تخرج جميله لكن جاسر منعها
جاسر بحده: رايحه فين
جميله بحده: هخرج مش المفروض مكتبي بره ولا اي
جاسر بجديه: لا انتي هتشتغلي هنا كل حاجه هتجيلك ع هنا
جميله بحده: وليه مشتغلش بره
جاسر بحده: لانك المفروض تكوني معايا في اي مكان اكون موجود فيه
جميله بغضب: ليه خطيبتك
جاسر ببرود: لا حارس شخصي
جميله بغضب: وانت هتتخطف دا الي بيفصل بينا باب
جاسر ببرود: ممكن حد يدخل من الشباك
جميله بغيظ : انا حاسه اني خلفتك ونسيتك
جاسر بسخريه: تخلفي مين ي اوزعه انتي دا انا لو كنت متجوز كنت جبت قدك
جميله بغضب: مش ذنبي ان انت الي طويل وفاكر الناس كلها اوزعه وبعدين تخلف مين دا الفرق ٤ سنين بس مش حوار هو

💖💖💖💖💖💖💖💖💖
عند اسيل في المستشفي كانت بتمر ع المرضي ولما شافت عدي دخلت اوضه مريض ع طول عشان متشفهوش مش عايزه تظهر قداموا عايزه تنساه
المريض : في حاجه ي دكتوره
اسيل بتوتر : لا مفيش انا كنت جايه اتابع بس واطمن عليك
المريض بابتسامه: انا الحمدلله بقيت كويس
اسيل بابتسامه: الحمدلله
مسكت اسيل ورقه المتابعه وفحصته
اسيل بابتسامه: احنا بقينا عال اوووي حمد لله ع السلامه ي بطل
المريض بابتسامه: الله يسلمك ي دكتوره
المريض بابتسامه: انا متشرفتش باسمك
اسيل بابتسامه: اسمي اسيل
المريض بابتسامه: وانا اسمي ادهم
اسيل بابتسامه: عاشت الاسامي
ادهم بابتسامه : تسلمي ي اسيل تسمحيلي اقولك اسيل من غير دكتوره
اسيل بابتسامه: اه عادي
في اللحظه دي دخل عدي
عدي : اي دا انتي هنا ي اسيل
اسيل : اه فيها حاجه
عدي : لا عادي اصل انا كنت بدور عليكي بقالي كتير مشوفتكيش
اسيل: انا كنت بلف ع المرضي
عدي : اه وادهم عامل اي
اسيل: انت تعرفوا
ادهم بابتسامه: اه عدي صاحبي انت تعرف اسيل ي عدي
عدي : اكيد ما هي دكتوره معايا
ادهم : ايوا صح عندك حق
اسيل : طيب عن اذنكوا اسيبكوا مع بعض بقاا
ادهم : خليكي ي دكتوره
اسيل : لا معلش عشان عندي مرور
عدي باستغراب : بس انتي كشفتي عليه ازاي صح وانتي دكتوره نساا
اسيل بتوتر : عادي انا دخلت صدفه فقولت افحصه
عدي : اه ماشي
ادهم بهيام : احلي صدفه
اتكسفت اسيل وخرجت
عدي بغضب: لم نفسك ي ادهم
ادهم باستغراب: طب انت متعصب ليه كدا
عدي : مش متعصب بس اسيل زي اختي ومقبلش حد يتكلم معاها كدا
ادهم : هو انا عملت حاجه
عدي : خلاص ي ادهم انا مخنوق
ادهم: مالك موضوع سمر بردوا
عدي:ايوا مش عارف اقول لبابا وماما ازاي
ادهم : قولهم عادي وعرفهم انك بتحبها وهما هيزعلوا بس شويه وبعد كدا هيرجعوا هما مش هيمهم غير سعادتك
عدي : مش عارف قلقان
ادهم: لو بتحبها فعلا هتقف قصاد الكل عشانها
عدي : بحبها جداا والله
ادهم: يبقي تقولهم وهما هيرضوا خلاص دا بقاا امر واقع
عدي : هشوف المهم انت عامل اي دلوقتي
ادهم: الحمدلله كويس هخرج خلاص بكره
عدي : تخرج بالسلامه ي صاحبي
ادهم: الله يسلمك
عدي: هترجع شغلك بكره
ادهم: اه ما انت عارف اللواء مش هيسبني
عدي : ما انت كنت تعبان هو انت بتلعب
ادهم: ايوا بس هو محتاجني دلوقتي جداا
عدي: خلاص انت كدا كدا هتخرج بكره
💖💖💖💖💖💖
عند جاسر وجميله كانت قاعده في المكتب بتشتغل في اللحظه دي جالها مكالمه من باباها
جميله بابتسامه: ازيك ي حبيبي عامل اي
اسر : الحمدلله وانتي عامله اي
جميله بابتسامه: الحمدلله
اسر : جاسر جنبك
جميله: اه
اسر : طيب خلاص هكلمك لما تروحي
جميله: في حاجه
اسر : لما تروحي هبقي اكلمك
جميله: ماشي ي حبيبي مع السلامه
اسر : سلام
قفلت جميله مع باباها
جاسر باستغراب: في حاجه
جميله: لا مفيش عادي بيطمن علياا
جاسر: ماشي انا خلصت وانتي خلصتي ولا لسه
جميله : خلصت
جاسر: طب يلا
جميله : اوك
قفل جاسر المكتب وخرج هو وجميله ونزلوا راحت جميله تركب الموتسيكل لكن لقتوا بردوا مش شغال
جميله باستغراب:ازاي مش شغال وانا وديتوا يتصلح واشتغل

جاسر بخبث: عادي بتحصل اكيد مصلحهوش حلو انا من رائي اصلا تجيبي عربيه احسن او بلاها عربيه واركبي معايا

جميله: لا شكرا انا دلوقتي حارس شخصي وبس ماشي متنساش دا

جاسر: متقلقيش مش ناسي و عارف انك حارس شخصي بس ،بس دا ميمنعش انك تركبي معايا عادي احنا نفس الطريق

جميله: ماشي
💖💖💖💖💖💖💖