رواية احببت عنادك... بقلمي/هاجر هشام الفصل السبعون 70 - بقلم Hagar Hešhàm

عند جاسر وجميله كانوا في الطريق للبيت فجاه وقف جاسر العربيه
جميله باستغراب: وقفت ليه
جاسر : انتي مش شايفه الخناقه
بصت جميله لقت فعلا خناقه بس حست بحاجه غلط

جميله بجديه: لف وارجع بسرعه
جاسر باستغراب : انتي مش ظابط وفيه خناقه المفروض تنزلي تشوفيها ازاي عايزاني الف وارجع
جميله بجديه: لف وانا هقولك

لف جاسر بالعربيه واتحرك
جاسر : لفيت في اي بقاا
جميله: هتسمع دلوقتي
سمعت جميله ضرب نار
جميله: شوفت هما عاملين الخناقه دي عشان يضربوا فيك ويقولوا رصاصه طايشه عادي

مفيش رد
بصت جميله ع جاسر لقت كتفه بينزف
جميله بسرعه: وقف العربيه وانا هسوق احنا لازم تروح المستشفي
جاسر بتعب: استني نبعد شويه
جميله بسرعه: لا وقف العربيه بسرعه
وقف جاسر العربيه ونزلت جميله سندتوا وقعدتوا مكانها وهي قعدت مكان السواق وساقت العربيه بسرعه جنونيه بعد نص ساعه وصلت المستشفي وسندتوا ودخلت المستشفي وخدوه الطوارئ بعد وقت خرج الدكتور راحت جميله ناحيته
الدكتور : هو بقاا كويس دلوقتي متقلقيش الرصاصه كانت في الكتف احنا كنا هنديلوا بنج عشان نشيل الرصاصه لكن هو رفض وطلب اننا نشيلها من غير بنج فا دا هيأثر شويه
جميله بغضب: طب طالما هياثر سمعت كلاموا ليه
الدكتور : للاسف انا رفضت لكن هو اصر
جميله وهي تكتم غضبها: ماشي ي دكتور شكرا
الدكتور : العفوا عن اذنك
جميله: اتفضل
دخلت جميله ل جاسر الغرفه بعد مااتنقل غرفه عاديه
جميله بغضب:ممكن اعرف مرضتش تخليهم يدوك بنج ليه
جاسر ببرود: لا مش ممكن تعرفي
جميله بغضب: انت انسان مستفز وانا غلطانه اني انقذتك اصلا
جاسر بحده: احترمي نفسك وبعدين انقذتيني فين امال الرصاصه دي كانت اي تحيه مثلا
جميله بغضب: مكنش ذنبي انا معرفش الرصاصه جت منين اصلا انا كنت عارفه ان دي مش خناقه حقيقي ودا كان تمويه عشان يبان انك موت برصاصه طايشه وكمان مكنوش هيعرفوا مين الي عمل كدا وقولتلك لف وارجع

جاسر بغضب: دا ع الاساس اني دخلت الخناقه مثلا مانا لفيت انتي غبيه

جميله بغضب: انا غبيه فعلا اني واقفه بتكلم معاك اصلا
في اللحظه دي رن هاتف جاسر وكان رقم غريب
خدت جميله منو التليفون
جاسر بحده: هاتي التليفون هو بتاعك
اتجاهلتوا جميله وردت ع المكالمه
شخص: دي مجرد قرصه ودن بس ع الي حصل والي هيحصل وابقي سلملي ع الحارس الشخصي بتاعك الي مقدرش يحميك مننا عشان تبقي عارف ان لو جبت مين هنقدر نعمل الي احنا عايزينوا

جميله باستهزاء: كنتوا قدرتوا تعملوا في الي فات مش معني ان الحظ صادفكوا مره انك هتقدروا ع طول تبقي بتحلموا

اتقفل الخط
جاسر بغضب: انتي ازاي تاخدي تليفوني كدا وبعدين مين دا

جميله وهي تعطيه الفون : تليفونك اهو مش هسرقوا انا والي رن دا هو الي حاول يقتلك كذا مره

جاسر بغضب: وانتي بتردي عليه ليه

جميله باستغراب وهي بتحاول تستوعب السؤال : نعم يعني اي برد عليه ليه انا ظابط ورقم غريب يرن عليك وانت لسه مضروب بالنار يعني معناها تهديد او تحذير ودا فعلا الي حصل

جاسر بغضب: وقالك اي بقي

جميله بحده: وانت مالك
جاسر بغضب: يعني اي وانا مالي انتي هبله اولا دا تليفوني انا الي رن عليه وانا الي اضربت بالنار كل دا وانا مالي

جميله بزهق: خلاص كان بيهددك ارتحت بقا

جاسر بسخريه: لا والله كان بيهددني فهمت انا الي قالوا كدا ثم اكمل بغضب كان بيهدد بيقول اي

جميله : بيقولك دي مجرد قرصه ودن مننا ع الي حصل

جاسر باستغراب: وهو اي الي حصل

جميله : لما حبسنا المهندس بتاع الكمبيوتر

جاسر : يبقي حماد هو الي عمل كدا

جميله: ممكن انا معرفش احنا معناش دليل ع كدا

جاسر بغضب: امال انتي لازمتك اي لما اضرب بالنار وانتي موجوده وكمان مش عارفه مين الي عمل كدا

جميله بغضب: والله دلوقتي مبقاش لياا لازمه عشان مره ونسيت الكام مره الي انقذتك ونسيت ان لولا اني اكتشفت الورقه كان زمانك مقبوض عليك ولما اكتشفت الي سرق الملف كنت هتخسر صفقه بملايين خلاص طالما طلع مليش لازمه يبقي انا هكلم سياده اللواء يشوفلك حد تاني يحميك ويبقي ليه لازمه عن اذنك

حاولت تخرج جميله لكن جاسر قام بسرعه ومنعها
كان عايز يقولها انا مش عايز حد غيرك لكن كبرياءه منعه
جاسر : انتي قولتي انك قد كلمتك بس مش واضح دا
جميله بتحدي: انا فعلا قد كلمتي عشان كدا هكلم سياده اللواء يشوف حد يكون ليه لازمه

جاسر : انا مش قصدي ع دي انا قصدي انك قولتي هتفضلي موجوده لحد ما تقدري تعرفي مين الي بيحاول يقتلني وكمان هتشتغلي لحد مااجيب سكرتيره

جميله بسخريه: اصل انا واحده مليش لازمه بقاا

جاسر : بلاش تمسكي في الكلمه انا مش قصدي انتي فعلا عملتي كل حاجه تقدري عليها والي حصل كان مكتوب ومهما حصل مكناش هنقدر نغيره

جميله بسخريه: والله كويس انك عارف دا

جاسر : انا عارف دا فعلا بس انا اتعصبت عادي يعني عديها

جميله : ماشي هعديها عشان انا فعلا غلط لما مقدرتش احميك كويس

جاسر : الحامي هو الله وانتي مغلطيش في حاجه

في اللحظه دي دخل ظابط
ظابط: استاذ جاسر مش كدا
جاسر باستغراب: ايوا انا في حاجه

الظابط: الحقيقه المستشفي بلغت يعني عن حاله حضرتك وانك كنت مضروب بالنار فا جينا نسالك كام سؤال لو كنت تعرف حد او شوفت حد

جاسر : لا الحقيقه انا مشوفتش حد خالص الرصاصه جت من الجنب وانا كنت ماشي بالعربيه والدنيا كانت ضلمه

جميله : بس كان فيه خناقه ع الطريق واحنا ماشيين وانا متاكده انها كانت تمويه عشان يحاولوا يقتلوه

الظابط: مين حضرتك

جميله بجديه: الرائد جميله اسر الشهاوي

الظابط بابتسامه: اه اهلا بحضرتك
جميله : اهلا
الظابط: طيب حضرتك مش بتتهم حد ي استاذ جاسر او شاكك في حد مثلا
جاسر : لا مش بتهم حد ولا شاكك في حد

الظابط: بس ازاي انا حسب معلوماتي ان حصل كذا محاوله قتل وكانوا بيفشلوا اكيد حضرتك ليك اعداء

جاسر : ايوا لياا بس انا معرفهمش

الظابط: تمام شكرا لحضرتك عن اذنك

جاسر : اتفضل
خرج الظابط
جميله: اي الظابط الغريب دا
جاسر : مالوا دا كمان
جميله: لحق عرف معلومات عن محاوله قتلك كذا مره ازاي
جاسر : معرفش انتوا ظباط زي بعض و اكيد بتعرفوا كل حاجه بسهوله وبسرعه

جميله: ايوا بس هو لما بيتبلغ مش بيقولوا اسامي يعني بيقولوا فيه حاله جت مضروبه بالنار لكن مش الاسم هي المستشفي متعرفش اسمك اصلا انا مسجلتش حاجه انت دخلت الطوارئ ع طول

جاسر : اوعي تقولي انك شاكه فيه دا كمان

جميله: فعلا شاكه فيه

جاسر باستغراب: انتي ليه بتشكي في اي حد تشوفيه

جميله: مش اي حد ع فكره وكمان انا مبثقش في حد بسهوله بس دا مش معناه اني بشك فيه

جاسر : ازاي مش اي حد انتي شكيتي فياا وشكيتي في الخدامه وسهيله و دلوقتي الظابط كل دا وتقولي مش اي حد

جميله: انا مشكتش فيك من الفراغ انا شوفت بعيني وانت بتحاول تقتلوا والخدامه طلع كان عندي حق يعين مكنتش بتبل عليها و بالنسبه ل سهيله فا دي بردوا عندي حق انت الي مش عايز تشوف كدا ودا براحتك انا مليش دعوه والظابط انا متاكده انو مش ظابط اصلا او ممكن يكون ظابط بس تبعهم وهيجي الوقت الي يوضح فيه كل حاجه قصادك وهتعرف اني كنت صح بس متجيش تقولي مقولتليش ليه لاني وضحت قدامك كل حاجه وانت بترفض دا

جاسر :طب ازاي هصدقك وانتي مش مصدقاني عارفه انتي حاسه بأيه دلوقتي كل مااقولك مش مصدقك ع موضوع سهيله بتتعصبي وتحسي انك عايزه ترميني بحاجه عشان اصدقك اهو دا نفس احساسي لما انتي مش راضيه تصدقي اني محاولتش اقتل

جميله: انا غيرك انا ظابط وبقدر اخد بالي من كل حاجه وبعدين شغلي علمني مثقش في حد بسهوله وانت قولت قبل كدا سهيله بتشتغل من سنين هتصدقني انا وتكدبها هي وبينتها ع حقيقتها قدامك لكن انت الي مش عايز تشوف دا و براحتك وانا لسه عند موقفي مش هصدقك غير لما اعرف الحقيقه

جاسر : وانا بردوا مش هصدقك غير لما اعرف الحقيقه و مفيش حاجه اسمها انا غيرك زي ماانتي شغلك علمك متثقيش في حد انا بردوا علمني اخد حذري من كل حاجه ومصدقش اي حد

جميله بسخريه: ما هو واضح انك واخد حذرك فعلا وواضح انك مكدبني انا بس مش حد تاني انت مقتنع ان سهيله معملتش حاجه رغم ان بان قصادك ومكدبتهاش وكنت مصدق ان الخدامه متعملش كدا وبردوا لما اعترفت قدامك كنت مضايق من كلامي انا

جاسر : موضوع الورقه كان صعب حد يكتشفه الا لو كان ظابط و عارف وفاهم و بالنسبه اني مكدبك انتي بس فا دا مش صح ومش غلط لان انتي قولتي مبتثقيش في حد بسهوله ازاي عايزاني اثق فيكي واصدقك بسهوله كدا

جميله: انا مطلبتش منك تثق فياا ولا تصدقني براحتك دي حاجه ترجعلك انت وانا مش هقولك ع اي حد شاكه فيه انا هبقي بعيد وهظهرهولك ع حقيقته من بعيد لبعيد ،ودلوقتي انت كويس نقدر نمشي ولا تخليك لحد ما نطمن انك بقيت كويس عشان الدكتور قال سبب انك مخدتش بنج دا ممكن يأثر

جاسر: لا انا كويس مفيش حاجه خلينا نمشي

جميله : تمام هبعتلك ممرض يساعدك تلبس وانا هنزل اسجل البيانات

جاسر: لا شكرا بعرف البس متشلتش انا

جميله: انا قصدي عشان ايدك الي متجبسه هتلبس ازاي

جاسر: هقدر البس متقلقيش

جميله: انا مش قلقانه براحتك اتفضل اللبس اهو طلبتلك قميص عشان عارفه انهم هيقطعوا الي كنت لابسه

جاسر: شكرا مش عايز حاجه

جميله:بلاش عند دا قميص مش حاجه يعني

حطت جميله القميص ع السرير وخرجت وبعد دقيقتين دخل ممرض

الممرض: الانسه بعتتني عشان اساعد حضرتك تغير

جاسر بغضب: انا قولت متبعتش حد اتفضل روح مكان ما جيت

الممرض بخوف: حاضر ي فندم

خرج الممرض وفضل جاسر يحاول يلبس القميص لكن مش عارف ودخلت جميله
جميله : مخلتش الممرض يساعدك ليه
جاسر بغضب: قولتلك متبعتيش حد انا اقدر البس لوحدي
جميله: تمام وقدرت تلبس دلوقتي ولا هو عند وخلاص
جاسر:ملكيش دعوه
راحت جميله خدت منو القميص وفكت الي كان لابسو وبانت عضلاتو كل دا تحت نظرات جاسر الي مستغرب جرائتها وانها مش مكسوفه
جاسر باستغراب: انتي ازاي كدا
جميله وهي تساعده في اللبس: كدا الي هو ازاي يعني
جاسر باستغراب: يعني مش مكسوفه وانتي بتقلعيني
جميله: وهتكسف ليه انا بساعدك عادي يعني
جاسر حس بالغيره لما خمن انها ممكن تكون عملت كدا مع حد قبل كدا
جاسر بغضب: انتي عملتي كدا لحد قبل كدا
جميله باستغراب: اي سبب السؤال
جاسر بغضب: من غير سبب عملتي كدا لحد
جميله: لا معملتش لاني اول مره امسك مهمه حمايه حد
اتنفس جاسر براحه وسابها تساعده وهي قريبه منو كان مبسوط وبيتمني ان الوقت يوقف ومتبعدش

جاسر جواه: انا ليه بحس بدقات قلبي سريعه لما بتكوني قريبه

جاسر جواه: انت بتقول اي فوق ي جاسر مينفعش يكون فيه بينكوا حاجه هي مش بتحبك

فاق جاسر من سرحانه ع صوت جميله
جميله: يلا
جاسر باستغراب: انتي لحقتي انا محستش باي وجع لما حركتي ايدي
جميله: دا سر المهنه بقاا
جاسر : انتي كنتي بتشتغلي ممرضه ولا اي
جميله: لا بس اضربت بالنار قبل كدا كتير
جاسر : طب يلا بينا
جميله: يلا
خرج جاسر وخرجت جميله معاه ونزلوا ركب جنب السواق وهي ركبت مكان السواق واتحركوا
بعد وقت وصلوا وطلع جاسر وجميله وفتحت جميله باب الشقه بتاعتوا ودخل وهي دخلت معاه
جميله: هعملك عشاء عشان تعوض الدم الي نزف منك

جاسر : لا مليش نفس

جميله:لا لازم تاكل عشان متتعبش

جاسر : قولت مليش نفس شكرا

سابتوا جميله ودخلت المطبخ ودخل جاسر وراها

جاسر : انا قولتلك مليش نفس انتي مش بتسمعي الكلام ليه

جميله: وانا قولتلك لازم تاكل

جاسر : ملكيش دعوه انا ادري بنفسي

اتجاهلتوا جميله وكملت تحضير العشاء
جاسر بغضب: انا مش بكلمك
جميله : وانت قولت الي عندك وانا بردوا بعمل الي قولتوا
جاسر بتحدي: تمام اعملي بس مش هاكل حاجه
جميله : بلاش تعند زي العيال الصغيره كدا الي مش بيحبوا ياخدوا الدواء
جاسر بغضب: ملكيش دعوه انا عيل صغير
جميله ببرود: انت مش قولت مش هتاكل خلاص براحتك انا هاكل

جاسر : براحتك كلي
سابها جاسر وخرج قعد ع الكنبه وغلبه النوم خلصت جميله تحضير العشاء وخرجت لقتوا نايم حطت الاكل ع السفره ودخلت الاوضه جابت غطاء وخرجت حطته عليه وعدلته في نومته بس لاحظت حرارته عاليه دخلت بسرعه المطبخ وخرجت عملتلوا كمدات وطلبت الدكتور وجيه كشف عليه
الدكتور : هو بسبب انو مخدش بنج وكمان الرصاصه اتاخرت في ايدو دا تعبوا
جميله: بس احنا ملحقناش مجرد مااتصاب روحنا المستشفي يعني تقريبا نص ساعه
الدكتور : وانتي مستهونه بالنص ساعه احمدي ربنا انها جت ع قد كدا دي بتعمل تسمم المهم خليكي مستمره ع الكمدات دي وانا اديتوا حقنه مضاد حيوي هينزل السخنيه شويه وهيتعافي بسرعه

جميله: تمام شكرا لحضرتك ي دكتور
الدكتور : العفوا عن اذنك
مشي الدكتور وهي فضلت سهرانه طول الليل جنبوا بتعملوا كمدات
💖💖💖💖💖💖💖💖
تاني يوم الصبح صحي جاسر وبص لقاا جميله نايمه ع الكرسي جنبوا وماسكه ايدو ولقاا فوطه ع راسو وعرف انه سخن وهي عملتلوا كمدات ،صحيت جميله ع حركه جاسر وهو بيحاول يقوم
جميله : انت رايح فين خليك انت لسه تعبان
جاسر : لا انا كويس ،هو اي الي حصل
جميله: انا خرجت من المطبخ لقيتك نايم وكنت سخن طلبتلك الدكتور وهو اداك حقنه وقالي اعملك كمدات

جاسر بغضب: الدكتور دخل هنا وانتي لوحدك وانا كنت نايم

جميله باستغراب: ايوا وفيها اي

جاسر بغضب: فيها كتير انتي ازاي تدخلي واحد غريب وانتي لوحدك

جميله: طب ماانا موجوده في الشقه اهو وانت راجل غريب

جاسر بغضب: بس انا كنت تعبان لكن دا كان فايق ودخل هنا وانتي معاه لوحدكوا

جميله : اولا انا ظابط محدش يقدر يلمسني ثانيا انت مالك متعصب كدا ليه

جاسر كان حاسس بالغيره لكن مينفعش ،مينفعش يقولها لانه عارف انها مش بتحبه

جاسر : مش متعصب بس انا راجل مقبلش بحاجه زي كدا

جميله: حاجه زي كدا اي هو انت شايفني في حضنه

جاسر اتعصب جدا وحس بالغيره وكان لسه هيضربها بالقلم لكن مسك نفسوا في اخر لحظه

جاسر وهو يكتم غضبه بصعوبه: حذاري تقولي كلمه زي دي تاني لان مش اي حد هيقبلها ماشي

جميله : عن اذنك
سابتوا جميله وخرجت بره الشقه خالص ودخلت شقتها وقفلت الباب
نفخ جاسر بغضب ودخل خد شاور وخرج حاول يلبس القميص لكن مش عارف حاول كتير وبردوا في اللحظه دي سمع خبط ع الباب راح فتح كانت جميله لابسه

كان لسه هيتكلم لكن جميله مدتهوش فرصه خدت القميص من ايدوا وجت تلبسه لكن هو مسكه منها بغضب
جاسر بغضب: شكرا مش عايز شفقه من حد اتفضلي وانا هلبس واخرج
جميله : ليه هو انت عاجز مثلا عشان اشفق عليك دي غلطتي انا وانا الي لازم اتحملها
جاسر : لا شكرا انتي قومتي بالواجب وزياده
جميله اتجاهلتوا وخدت القميص لكن هو شده منها وقطعه
جاسر بغضب: ادي القميص اهو مش هلبس ولا هغور في حته اتفضلي بقاا

جميله بغضب: انت مالك في اي ليه كل الغضب دا انا مش فاهمه حاجه

جاسر جواه: فيه اني مش عايز اتعلق بيكي واحبك وانتي مش بتحبيني انا راجل ومقبلش  اني افرض نفسي ع واحده عايزك تبعدي وعايزك تقربي ،عايز اشوفك كل يوم وفي نفس الوقت مش عايز اشوفك عشان متعلقش بيكي 

جميله بهدوء: خلاص مش عايزه اعرف في اي طالما مش عايز تتكلم والاحسن انك ترتاح النهارده لان ممكن تتعب تاني

جاسر بحده: بلاش تعامليني كأني عيل صغير ومامته بتهتم بيه

جميله بنفاذ صبر : امال اعمل اي

جاسر : تاكلي معايا
بصتلوا جميله بدهشه من تحويله المفاجئ
جميله بدهشه: نعم
جاسر بابتسامه: تاكلي معاياا انا امبارح سيبتك ونمت وانتي مكلتيش ولا انا كمان كلت فا تفطري معاياا

جميله : يعني كل الغضب دا عشان اكل معاك طب ما تقول من الاول

جاسر : ههههههههههه معلش خليها عليكي المرادي انا كنت متعصب عشان دخلتي الدكتور وانتي بنت لوحدك

جميله : ماشي هخليها علياا وهروح اعمل الفطار واجيلك

جاسر : تيجي فين انتي هتفطري هنا

جميله : ماشي هعمل الفطار عندي وهجيبوا

جاسر : لا انتي هتاكلي هنا واانا الي هعملوا انتي دوقتيني اكلك جيه الوقت تدوقي اكلي انا

جميله باستغراب: وانت بتعرف تطبخ

جاسر وهو يقلد كلمتها: انا مش هرد عليكي هخليكي تشوفي بنفسك

جميله بضحك: ههههههههههه انت بتردهالي

جاسر بابتسامه: بالظبط فعلا بردهالك

جميله بابتسامه: طيب اساعدك

جاسر بنفي: لا عشان متقوليش انك عملتي لوحدك

جميله : لا والله ع فكره دا فطار عادي يعني انت مش هتطبخ

جاسر بثقه: هتشوفي

جميله : طيب بس هساعدك عشان ايديك لاما احضر انا الفطار اختار انت

جاسر : خلاص ماشي تساعديني
دخل جاسر وجميله المطبخ
جميله : طب مش هتلبس حاجه من فوق
جاسر : مكسوفه ولا اي
جميله : كنت اتكسفت لما لبستك القميص انا عشان متاخدش برد
جاسر : طيب ينفع تجيبلي تيشيرت من الاوضه
جميله : ماشي
دخلت جميله الاوضه وجابت تيشيرت من الدولاب ولمحت صوره واحده في الدولاب
جميله باستغراب: مين دي
جميله : طب وانا مالي يمكن حبيبتوا
خرجت جميله من الاوضه ودخلت المطبخ وساعدتوا في لبس التيشيرت وساعدته في الفطار كانت عندها فضول تعرف مين البنت الي شافتها في الصوره بس كبرياءها منعها
جاسر : في حاجه
جميله باستغراب: ليه بتسال
جاسر : مش عارف حاسس انك عايزه تسالي عن حاجه
جميله : لا مفيش حاجه
جاسر : متاكده
جميله: لا بصراحه عايزه اسال
جاسر باستغراب: طب ما تسالي
جميله: يعني هي حاجه متخصنيش بس عندي فضول اعرف
جاسر باستغراب: حاجه اي
جميله : شوفت صوره بنت في الدولاب
قطعها جاسر قبل ما تكمل
جاسر بجمود: ياريت متساليش احسن
جميله : براحتك
خلصوا تحضير الفطار وحطوا الاطباق ع السفره وقعدوا كلوا وكل واحد ساكت بيفكر
جميله جواه: ممكن تكون حبيبتوا فعلا وهو مش عايزني اعرف
جميله جواه: طب لو حبيبتوا هي فين دلوقتي
جميله جواه: الله وانا شاغله نفسي ليه وانا مالي
خلصوا اكل ولموا الاطباق سوا في صمت
جميله : انا هدخل الشقه لو احتاجت حاجه او حصل اي حاجه انا في الشقه مش هنزل
جاسر : ماشي
دخلت جميله شقتها وعدي اليوم ع بليل
جميله بتذكر: انا ازاي نسيت ارن ع بابا
رنت جميله ع اسر
اسر: لسه فاكره ي ااختي
جميله : حضرتك معرفتش الي حصل
اسر باستغراب: حصل اي
جميله حكتلوا كل حاجه حصلت
اسر بغضب: ازاي يضرب بالنار امال انتي بتعملي اي
جميله : انا شكيت فعلا ان الخناقه وراها حاجه عشان كدا قولتلوا يلف ع طول بس معرفش الرصاصه جت منين
اسر : طب هو عامل اي دلوقتي
جميله : هو سخن بس بليل فا طلبتلوا الدكتور وعملتلوا كمدات وبقاا كويس
اسر : طب كويس
جميله باستغراب: بس انت ازاي معرفتش والمفروض ان المستشفي بلغت
اسر باستغراب: محدش بلغ لان لو حد بلغ كنت عرفت
جميله : بس فيه ظابط جيه وحقق معاه عشان يعرف مين الي عمل فيه كدا
اسر : وانتي مكتشفتيش ان دا مش ظابط لان لو كان حصل بلاغ فعلا كنت عرفت انا
جميله : انا شكيت فيه فعلا
اسر بحده: شكيتي فيه ومعملتيش حاجه انتي في اي مالك ي جميله من امتي الاستهتار دا
جميله : انا مستهترتش في اي حاجه انا عملت كل الي اقدر عليه دا مقدر ومكتوب انو يتصاب وبالنسبه لظابط فا دي فعلا انا غلط كان المفروض اتاكد انو ظابط فعلا

اسر : ماشي ي جميله ع العموم انا كنت عايز ابلغك ان خلاص مهمه حمايتك لجاسر قربت تخلص

جميله : عرفتوا مين الي بيحاول يقتلوا

اسر : قربنا نعرف احنا بنراقب سهيله لان اكيد بعد مااتطردت من الشركه هتقابل الراجل الي بتكلموا في التليفون

جميله : بس حتي لو عرفتوا هتقبضوا عليه بتهمه اي

اسر : نعرفوا الاول ونشوف خطه نوقعوا بيها

جميله: ماشي ي بابا

اسر بتحذير: ماشي وتاني مره الحركه دي متتكررش تاني مش معني اني قولتلك تشتري شقه قصاد جاسر انك تنامي في بيته دا غلط انا عشان واثق فيكي بتكلم معاكي براحه وبقولك ان دا مينفعش

جميله: انا منمتش انا كنت صاحيه وهو كان تعبان وانا واجبي اني احميه كفايه انو اتصاب ومقدرتش احميه

اسر : بس الناس متعرفش كدا

جميله: وانا من امتي بهتم بكلام الناس انا واثقه في نفسي وعارفه نفسي كويس اوووي ومحدش يقدر يتكلم عني نص كلمه

اسر بقله حيله: عارف اني مش هاخد معاكي حق ولا باطل انتي الله يكون في عون الي هيتجوزك هيتبهدل والله وهتبقي امه داعيه عليه

جميله بضحك: ههههههههههه مانت اتبهدلت بردوا  خليه هو كمان يتبهدل

اسر بضحك: ههههههههههه وهو مين بقاا الي هيتبهدل دا

جميله بمزاح: الي امه داعيه عليه

اسر بضحك: ههههههههههه امشي ي جميله انتي مصيبه انا مش عارف جاسر مستحملك ازاي

جميله بتمثيل الزعل: كدا ي بابا يعني انا وحشه

اسر بحنان: لا ي حبيبتي انتي تاني احلي واحده شوفتها في حياتي

جميله وهي تمثل الصدمه: اي دا ومين بقاا اول واحده

اسر بحب وهو ياخذ هاجر في حضنه: حبيبتي طبعاا

ابتسمت هاجر بحب وجميله ابتسمت ع قصه الحب الي عمرها ما نقصت ولا قلت مع مرور السنين

جميله بحب: ربنا يخليكوا لبعض يارب ولياا انا كمان

اسر وهاجر : ويخليكي لينا ي حبيبتي
جميله بمزاح: يلا اسيبكوا انا بقاا وادخل انام انا سنجل وبنام بدري
اسر بضحك: ههههههههههه ماشي ي ست السنجل بكره تتجوزي وتقولي يارب ارجع سنجل

جميله بمزاح: اي دا هو انت قولت كدا ولا اي ي بابا

هاجر بغيظ: بقاا كدا يعني انت نفسك ترجع اعزب حضرتك طيب انا معنديش مانع ع فكره

اسر : دي بتهزر ي حبيبتي والله

جميله بضحك: ههههههههههه البس ي معلم

اسر بغيظ: ماشي ي جميله

جميله بضحك: هههههههههههههه خلاص ي جوجو هو كان بيهزر ميقصدش سماح المرادي

اسر بغيظ: يلا ي بت من هنا

جميله بضحك: ههههههههههه ماشي ي كبير

قفلت جميله مع باباها والباب خبط راحت فتحت وكان
💖💖💖💖💖💖💖💖💖