رواية احببت عنادك... بقلمي/هاجر هشام الفصل الرابع وتسعون 94 - بقلم Hagar Hešhàm

في صباح يوم جديد صحي جاسر وبص ع جميله الي كانت نايمه في حضنه وهو حاضنها بتملك وبرقه حط ايدو ع شعرها وهو بيلعب بخصلاته برقه وحنان وهي صحيت ع لمساته وابتسمت اول ما شافتوا
جميله بابتسامه وصوت نعسان: بتعمل اي
جاسر بابتسامه حب : كنت بملي عيني بيكي وانا. بتاكد انك جنبي فعلا مش بحلم
جميله بابتسامه وحطت ايديها ع خده برقه:لا مش بتحلم ي حبيبي انا جنبك فعلا
جاسر بابتسامه وهو يغمز: بس انا عايز اتاكد اني مش بحلم
جميله فهمت قصده بس حبت تشاكسه : اقرصك يعني
جاسر ضحك بقوه: ههههههههههه لا فيه حاجه تاني غير انك تقرصيني
جميله بتخمين : اممممممممم عرفت
جاسر بابتسامه خبث : طب كويس
جميله وهي بتطلع لسانها :بس مش هيحصل ي حبيبي
قالت جملتها وجريت ع الحمام بسرعه وهو ضحك ع شكلها
وقام لبس هدومه وراح اوضته يجيب هدوم وياخد شاور ،دخل الاوضه واتفاجئ ب حمزه نايم وناديه جنبوا في اللحظه دي صحيت ناديه وبصت ل جاسر لكن اتصدمت لما لقت حمزه هو الي نايم جنبها مش جاسر غطت نفسها بسرعه بالغطاء وهي مصدومه وبتعيط ،وجاسر افتكر انها بتعيط ع الي حصل وراح ناحيه حمزه بعصبيه شديده وصحاه من النوم وحمزه كان مستغرب
حمزه باستغراب وهو مكنش لسه شاف ناديه جنبوا:في اي
جاسر بغضب وهو يضربه بالبوكس:في انك وسخ ،امنتك ع بيتي وانت خنتني
حمزه بالم واستغراب :انا مش فاهم حاجه
سمع حمزه صوت عياط بص ناحيته لقاا ناديه بتداري جسمها بالغطاء ولمح بقعه دم ع السرير واتصدم وفهم جاسر بيضربوا ليه
حمزه بصدمه:انا والله مااعرف اي دا انا مش فاكر هي جت عندي ازاي
ناديه بدموع وغضب:وانا اعرفك منين عشان اروحلك انا كنت خارجه من عند رنا ومروحه لكن انت شدتني غصب عني وكتمت بوقي لما حاولت اصرخ

حمزه بصدمه: انا عملت كدا
في اللحظه دي جت جميله وشافت ناديه وحمزه وشافت جاسر وهو ماسك حمزه وبيحاول يضربوا
جاسر بغيره و حده : جميله اطلعي براا واقفلي الباب
دخلت جميله وقفلت الباب عشان محدش يسمع
جاسر بحده: انا قولت اخرجي
جميله بغضب : مش وقتوا ي جاسر احنا لازم نتصرف الاول من غير ما حد من البيت يعرف

ناديه بغضب : ايوا قولي كدا انتوا طابخينها سواء انتي وحمزه عشان تبعدوني عنكوا

جميله بغضب : ابعد مين انا مكنتش اعرف ان حمزه هنا اصلا
جاسر كان غيران عشان حمزه كان من غير هدوم من فوق
جاسر بحده: انت تعالي معايا والبس التيشيرت دا ثم اكمل وهو يحدث ناديه : وانتي قومي البسي هدومك
مشي جاسر وحمزه معاه بعد ما لبس التيشيرت وراحوا اوضه الضيوف
جميله ببرود: شوفتي اللعبه اتقلبت ضدك ازاي
ناديه بتوتر : لعبه اي
جميله بهدوء : انتي كنتي عامله الفيلم دا ع الاساس ان الي نايم جنبك جاسر مش حمزه عملتي كدا عشان تخليه يضطر يتجوزك
ناديه بتوتر : انتي بتقولي اي
جميله ببرود: بقول الي شوفتوا بعينيا انا شوفتك وانتي بتتسحبي وداخله اوضه جاسر كنت رايحه ادخل قبل ما تنفذي خطتك بس لقيت جاسر طالع ع السلم استغربت انو مش جوه في الاوضه وقولت كويس ورحتلوا لكن استغربت انك مخرجتيش برا الاوضه ولقيت جاسر بيقولي ان حمزه هو الي نايم ساعتها عرفت ان السحر اتقلب عليكي بس حمزه صعب علياا انو هيدبس في واحده زيك وي حرام لو عرف انك لسه بنت

ناديه بغضب : ومين قالك اني لسه بنت ،انتي مش شايفه

جميله ببرود: بالعكس شايفه وعشان انا شايفه متاكده انك لسه بنت

ناديه بغضب : انا معملتش كدا انتي كدابه بتداري عشان مقولش لحد انك انتي الي عملتي كدا

جميله ببرود: وانا هعمل كدا ليه انا مفيش بيني وبينك حاجه انتي الي بترخصي نفسك ومتفتكريش ان حمزه لو عرف الحقيقه هيسمي عليكي حمزه يبان انو يضحك ويهزر بس مفيش راجل هيعرف حاجه زي كدا ويسكت ولو جاسر كان بيسكت ع الي بتعمليه ف دا عشان انتي بنت عمه ومش عايز يأذيكي لكن حمزه انتي هتبقي مراتو يعني شرفوا رغم ان مش واضح دا

قالت جميله جملتها وخرجت برا الاوضه
ناديه بغل : والله لندمك ي جميله وهنتقم منك

عند جاسر وحمزه
حمزه بدفاع: والله ي جاسر انا معرفش لمستها ازاي ولا فاكر اي حاجه ،انا بعد ما شربت القهوه معاك طلعت نمت ع طول محستش بنفسي بس مع ذلك انا مستعد اصلح غلطتي واتجوزها

جاسر بحده: هو دا الي هيحصل اصلا انا مش مستنيك تقولها انت هتعمل كدا فعلا

حمزه : ماشي وانا مستعد اتجوزها دلوقتي كمان

جاسر بحده: انهارده هيبقي كتب كتابكوا ،احمد ربنا اننا في الصعيد ومعندناش خطوبه لازم كتب كتاب وانت هتقول انك عايز انهارده عشان مسافر وعندك شغل ومستعجل والفرح بكره

حمزه : ماشي بس انا مش هنفذ كل دا عشان خايف منك ولا انك بتؤمرني انا عشان اثبتلك اني عمري ما خنت حد استامني ع حاجه ،انت دخلتني بيتك واهلك اعتبروني واحد من العيله وانا عمري مااخون الامانه

جاسر بغضب. : عايز اصدقك بس مش قادر انا شوفتك بعيني محدش قالي

حمزه : وانا مش عايزك تصدقني انا هنفذ الي انت قولتلوا و انا همشي من البيت هقعد في اي اوتيل او ااجر شقه لحد الفرح وبعد كدا اخدها ونسافر

جاسر بحده: لا انت هتفضل هنا مش ممكن تهرب

حمزه بغضب : انا مش وسخ ي جاسر عشان اهرب ،ممكن اكون عملت كدا وانا مش فاكر بس انا دلوقتي في وعي وانا عمري ما هربت ،انت اكيد عارف يعني اي تعمل حاجه زي كدا وانت مش في وعيك ولا نسيت مياده عملت اي

جاسر بغضب : انت قصدك اننا حطينالك حاجه عشان تعمل كدا تبقي اتجننت وخد بالك انت بتتكلم مع مين وعن مين ،دي بنت عمي يعني مستحيل اسمح لحد يمسها بكلمه

حمزه بغضب : انا مقولتش حاجه ع بنت عمك ولا حتي عليك انا بقولك مش فاكر ولا عارف انا عملت كدا ازاي بس مع ذلك هتجوزها وهقعد في البيت عشان تتاكد اني مش ههرب

جاسر بغضب : ماشي ي حمزه بس الموضوع يفضل بينا احنا الاربعه محدش يعرفوا نهائي وشهرين وتطلقها

حمزه بضيق : ماشي اي اوامر تانيه

جاسر بجمود: لا

حمزه : طيب عن اذنك
خرج حمزه وجميله دخلت ل جاسر
جاسر بغيره : انا مش قولتلك تخرجي برا الاوضه انتي اي الي دخلك وهو قالع
جميله : ع فكره صاحبك مظلوم
جاسر بغضب : انتي سمعتيني بقول اي انا مش في حمزه دلوقتي
جميله : ايوا سمعاك بس انت سايب الموضوع كلوا وماسك اني شوفتوا وهو عريان
جاسر وهو يتنفس بغضب : انتي عرفتي منين انو مظلوم
جميله : لاني شوفت كل حاجه ناديه هي الي دخلت الاوضه وهي فاكره ان الي جوه انت مش حمزه وعملت التمثليه دي عشان تخليك تتجوزها
جاسر بدهشه: معقوله ناديه تعمل كدا لدرجه دي
جميله : ايوا لدرجه دي انت ليه محسسني ان بنت عمك ملاك
جاسر : يعني حمزه كان صح لما قال انو شرب القهوه وطلع نام ع طول اكيد حطتلوا حاجه في القهوه وهي فاكره ان انا الي هشرب القهوه لاني مكنتش بشرب نسكافيه
جميله باستغراب : يعني اي مكنتش بتشرب النسكافيه
جاسر : انا اتعودت ع النسكافيه معاكي عشان كدا امبارح شربت النسكافيه وهو شرب القهوه
جميله : طب وانت قررت اي
جاسر : مش هقدر اروح اقولوا ان بنت عمي عملت كدا هي في الاول وفي الاخر بنت عمي يعني سمعتها من سمعتنا بس ناديه دي انا هربيها
جميله : بلاش تدخل ي جاسر هي خلاص دلوقتي هتبقي مرات حمزه يعني زي ماانت متقبلش ان حد يمد ايدو علياا هو بردوا مش هيقبل كدا
جاسر بغضب : بس دا صاحبي ي جميله ودي بنت عمي انتي مستوعبه دا مستوعبه ان واحده زي دي عملت اي ورخصت نفسها ازاي وكل دا عشان اي ،عشان واهمه نفسها انها بتحبني وانا فهمتها كذا مره اني مبحبهاش

جميله : بس انت الي غلطت ي جاسر

جاسر باستغراب وغضب : انا الي غلطت ،غلطت في اي ان شاء الله روحت قولتلها تعمل كدا وترخص نفسها

جميله : انا مقولتش كدا انت غلطت عشان سكت وموقفتهاش عند حدها من زمان سيبتها تتمادا لحد ما وصلنا لحد هنا ،تخيل لو مكنش حمزه موجود ونفذت هي الموضوع فعلا كنت هتعمل اي ،كنت هتتجوزها فعلا ي جاسر

جاسر بغضب : انتي بتقولي اي ي جميله انا كذا مره كنت بوقفها عند حدها

جميله : اديك قولت كذا مره.. دا دليل انك مش بتوقفها انت بتزعق وبس وهي بتستمر

جاسر بغضب وتسرع: لا بوقفها لما باستني زعقتلها ولما حاولت تتمادي طردتها وكنت فاكر انها مستحيل تفكر تعمل كدا تاني

جميله بدهشه: باستك

جاسر خد بالو من الي قالوا وندم ع تسرعه في الكلام

جاسر بدفاع: انا كنت بجري انا ورنا وخبطت فيها وهي استغلت دا وباستني

جميله بغضب : وانت لولا ان الموضوع دا حصل مكنتش قولتلي لولا اننا اتكلمنا مكنتش عرفت

جاسر : انا محطتش في دماغي ،اصل اكيد مش هاجي اقولك ان ناديه باستني

ضربتوا جميله ع صدره بعنف وغضب : انت اي ي اخي مبتحسش ابدا
خبيت عليا انك نمت مع مياده وقولت عشان مكنتش عايزني ابعد ودلوقتي الاستاذه باستك وتقولي غصب عنك اصل هي الي باستك مش انت وتقولي مينفعش اقولك حاجه زي كدا امال المفروض تقول اي ،هاا المفروض تقولي اي

جاسر مسك ايديه بقوه وتملك وكتفها وهو بيتكلم بحنان : عارف انك استحملتيني كتير واستحملتي مشاكلي بس والله فعلا كان غصب عني هي الي باستني مش انا

جميله بغضب وهو بتحاول تبعد : ايوا وانت البرئ البنات هي الي بتجري عليك

جاسر بمزاح وهو يغمز : طب اعمل اي هي خلقه ربنا اعترض يعني ،ربنا اراد اني ابقي حلو ووسيم والبنات تجري ورايا

جميله بغضب وهي تضربوا ع صدره بعنف : انت بتهزر

جاسر بضحك وهو بيكتفها اقوي من الاول وبهمس : طب اعمل اي هو بايدي يعني الي بيحصل

جميله بغضب : ايوا بايدك انت الي تقدر تخلي البنت تبعد وانت الي تقدر تخليها تقرب ،انت الي بتصدها
، يعني انا اهو بقدر اخلي كل واحد يتكلم بحدود معايا وميتعداش حدودوا والي بيتعدي حدودوا زي فادي كدا اديك شوفت حصلوا اي لكن انت عاجبك لمت البنات حواليك وهما بيتخانقوا عليك وكل واحده نفسها تقرب وانت عامل دور التقيل

سابها جاسر وهو متعصب من كلامها واتهامها ليه بالشكل دا

جاسر بغضب : جميله احترمي نفسك ومتنسيش انك بتكلمي مع جوزك يعني المفروض تحترميني مش معني اني بهزر معاكي وبدلعك انك هتسوقي فيها وتغلطي

جميله بغضب : انا مغلطش كل الي قولتوا صح والدليل ع كلامي اهو شوفت ناديه عملت اي والي شالها حمزه وهو ملهوش ذنب

جاسر بغضب : ولا انا لياا ذنب انتي فكراني يعني بعشقها ناديه زي اختي مش اكتر ولا اقل

جميله بغضب : وهي مش فاهمه كدا

جاسر بغضب : مش ذنبي انها مش فاهمه كدا كفايه انها بالنسبالي كدا

جميله بغضب : لا مش كفايه ،انت موقفتهاش من ساعت ما باستك وحاولت تتمادي عشان كدا عملت كدا

جاسر بزعيق وغضب : يووووووه انا زهقت من كتر ما بقولك مليش ذنب انا زعقتلها وطردتها كان المفروض اعمل اي تاني اكتر من كدا اقتلها يعني

جميله بغضب : لا متقتلهاش ولا تعمل حاجه سيبها لحد ما وصلنا لحد هنا ،نفس موضوع مامتك الي لسه مش عارفين هينتهي لحد فين ،انت الي بتخلي التعابين حواليك ي جاسر وبتقول محدش هيلمسني

جاسر بغضب: انا مبسبش حد انا قولتلك خرجتها ليه فا بلاش كل شويه تقولي وناديه خلاص هتتجوز وهتبعد

جميله بغضب: انا تعبت من كتر ما بفهمك الي حواليك وانت مش عايز تشوف بتمثل دور المصدوم وبس ملكش اي رد فعل انا المشكله الي بتقف قصادي مش بسيبها غير لما انهيها ولما نهيت مشكله مامتك انت خرجتها وقولتلك ناديه تبعد عننا قولتلي انا زعقتلها وعرفتها انها متدخلش بينا وهي كدا كدا بعيد بس لا هي مش بعيد دي بنت عمك يعني قريبه احنا الي بعيد عشان عايشين في القاهره واهي هتعيش في القاهره هي كمان

جاسر بغضب : دلوقتي طلعت انا الي غلطان وزباله وبحب لمت البنات حوالياا وانا قولتلك مليش ذنب في اي حاجه حصلت وانتي مصره تتهميني باي حاجه وخلاص

جميله بغضب : انا مش بتهمك هي دي الحقيقه ،وانا مش هستمر في الوضع دا كتير ي توقف كل واحده عند حدها ي مش هتشوفني تاني

جاسر بغضب : اوقف مين ما مياده اتحبست وناديه خلاص هتتجوز وبعدين انا مبتهددش ي جميله وبلاش تستغلي اني بحبك وتلوي دراعي ،انا اه بحبك ومقدرش استغني عنك بس لو حسيت في يوم انك بتستغلي حبي دا وبتلوي دراعي ساعتها هدوس ع قلبي

جميله بغضب : انا مبستغلش حاجه وبعدين انت لو بتحبني فعلا كنت هتصد كل واحده تقربلك انت الي اديت الفرصه ل مياده انها تعمل كدا ،انت لو وقفتها عند حدها من الاول مكنتش قدرت تعمل كدا

جاسر جواه : طب وانتي موقفتيش ليه چوسف عند حدو مكنش قدر يعمل كدا ومكنتش هتجرح بالشكل دا وانا شايفوا بيلمسك ومردتش اقولك عشان متزعليش

خرج جاسر برا الاوضه بغضب ورزع الباب وراه
وجميله قعدت ع السرير وهي متعصبه

ع المغرب راح جاسر وحمزه والعمده بعد ما كلموا جاسر وراحوا بيت ناديه وطلبوا ايديها واتفقوا ع كتب الكتاب بعد صلاه العشاء
حمزه : بس معلش ي عمي انا هعمل كتب كتاب بس مش هقدر اعمل فرح لاني مشغول جدا والمفروض هسافر بكره

الاب : بس مينفعش ي بني لازم نعمل فرح احنا في الصعيد يعني لازم الدخله تبقي بلدي لازم الكل يشهد ع شرف بنتي

جاسر : بس ي عمي انا عملت فرحي عادي ومكنتش بلدي

الاب : عشان انت عملتها في مصر ،لكن انا بنتي هعمل فرحها هنا وبعد كدا يسافروا القاهره براحتهم بس لازم الكل يتاكد من شرف بنتي

حمزه : وانا موافق ي عمي بس الفرح هيبقي بكره

الاب : ماشي ي بني
جاسر بصلوا باستغراب وهو هز راسوا بمعني اطمن

راحوا صلوا العشاء ورجعوا كتبوا الكتاب وانطلقت الزغاريط وناديه في اوضتها منهاره من العياط
دخلت مامتها عليها
الام باستغراب: مالك ي بنتي
ناديه بدموع : مفيش يااما انا بس زعلانه اني هسيبكوا واسافر
الام بحنان وهي تربت ع ضهرها: هي دي سنه الحياه ي حبيبتي كل بنت بتتجوز وبتروح بيت جوزها وتسيب اهلها احمدي ربنا ان جالك عريس زي دا جمال وعضلات وقوه وراجل فعلا بيحسدك عليه البنات كلها مش انتي كان نفسك تتجوزي جاسر اهو جالك واحد زيو وبنفس قوته

ناديه بدموع: بس مش نفس حنانه جاسر رغم قسوته بس حنين اوووي ياماا ملامحه الرجوليه الي زيدااه وسامه ،بعشقه وهو متعصب وهو حنين بعشقه في كل تفاصيله

الام بغضب : اتحشمي ي بت انتي دلوقتي بقيتي حرم واحد تاني يعني حسك عينك تقولي حاجه زي كدا قصاد جوزك لازم تحترميه وتنفذي الي يقولوا ،
تبقي جنبه دايما في الوحش قبل الحلو ،تحافظي عليه وتصونيه وتصوني شرفه وبيته

ناديه بدموع: حاضر يااما

الام بحنان : متزعليش مني ي بنتي لو كنت اتعصبت عليكي بس كلامك دا يطير فيه رقااب ،اوعي في مره تقولي قدام جوزك حاجه زي كدا هو شكلوا بيهزر ويضحك اه بس راجل ومش هيقبل بحاجه زي كدا

ناديه وهي تمسح دموعها : حاضر ي ماما

الام بابتسامه: يلا بقاا ي عروسه عشان لسه ورانا شغل كتير انتي فرحك بكره ولازم نجهزك وتبقي ع سنجه عشره عايزه العريس يشوفك يتهبل كدا من جمالك

ابتسمت ناديه بحزن وقامت مع مامتها
وحمزه وجاسر والعمده رجعوا البيت كانت جميله قاعده مع رنا ودخل حمزه اوضه الضيوف وقعد وجاسر دخل وراه
جاسر وهو رايح ناحيته : خلاص ي حمزه متزعلش مني انا عارفك وبثق فيك بس دي بنت عمي ودا كان رد فعل طبيعي للي حصل

حمزه : انت مغلطش ي جاسر انت عندك حق مكنش ينفع تامني ع بيتك انا خنتك ،بس انا فعلا مش فاكر حاجه

جاسر : لا انت مخنتنيش ي حمزه ،انا مش هقدر اوضحلك اكتر من كدا بس انت مخنتنيش

حمزه : وانا مش عايزك توضحلي حاجه انا خلاص صلحت غلطتي واتجوزتها ومتخافش بكره هتبان قصاد الكل انها لسه بنت بنوت

جاسر راح ناحيته وقعد جنبه ع السرير : وانا واثق من دا لاني عارفك ي حمزه ،وياريت متزعلش مني في الي قولتوا انت عارف انا مضغوط ازاي وبسبب موضوع مرات ابوياا وانا مبقتش بثق في حد بس انا واثق فيك انت ي حمزه

حمزه : وانا مش زعلان منك ي جاسر خلاص انت صاحبي ومقدرش ازعل منك و عارف ان موضوع مرات باباك مخليك متثقش في حد بسهوله عشان كدا مش زعلان

جاسر بابتسامه : شكرا ي حمزه

حمزه بابتسامه: العفوا
ثم اكمل بمزاح : مقولتليش بردوا عاملين اكل اي النهارده
بصلوا جاسر بغيظ وخرج برا الاوضه وحمزه ضحك
راح جاسر اوضته وجميله كانت قاعده مع رنا بيهزروا ويضحكوا
رنا بضحك: ههههههههههه مش قادره بجد ي جميله انتي مسخره والله القعده معاكي ميتشبعش منها
جميله بابتسامه: والله انتي الي القعده معاكي ميتشبعش منها ابدا ،انا فرحت جدا لما جاسر قالي انك هتقعدي معانا
رنا بمزاح:ايوا نويت اقعد معاكوا بس اتمني ان الخدمه تعجبني عندكوا
جميله بمزاح وهي تقلد رياا وسكينه :عيب عليكي دا احنا هنروووكييي
رنا بتمثيل الخوف : اي دا انتي اتحولتي ع ريا وسكينة كدا ليه لا انا غيرت راي خلاص مش عايزه اروح
جميله بمزاح وضحك: هههههه مش بمزاجكك ي اختي خلاص انتي وافقتي يعني القرار صدر خلاص
رنا بضحك: ههههههههههه اي دا احنا في محكمه ولا اي
جميله بضحك: ايواا بالظبط وخلاص المحكمه حكمت
في اللحظه دي حست جميله بدوخه خفيفه لكن تغاضت عنها ورنا خدت بالها
رنا بقلق : مالك ي جميله
جميله بابتسامه: مفيش ي حبيبتي دوخه بسيطه عادي يعني بتحصل
رنا باستغراب : انتي مفطرتيش النهارده
جميله بتذكر : لا مفطرتش
رنا : يبقاا عشان كدا خليكي هنزل احضرلك فطار واجي
جميله بابتسامه: لا ي حبيبتي متتعبيش نفسك انا مليش نفس اصلا
رنا بتصميم: لا طبعا لازم تفطري انتي ظابط ي بنتي يعني لازم تبقي قويه عشان تعرفي تشتغلي
جميله : بجد والله مش قادره اكل
رنا باستغراب : ليه مش قادره تاكلي
جميله بلامبالاه: عادي مفيش سبب
رنا بقله حيله : انتي عنديه اووي ماشي ي ستي بس لو جوعتي قوليلي وانا احضرلك الاكل
جميله بابتسامه: متقلقيش ي حبيبتي انا لو جوعت هحضر لنفسي مش عايزه اتعبك معايا
رنا بابتسامه : لا طبعا تتعبيني اي انتي اختي ي جوجو
جميله بابتسامه: تسلمي ي قلبي ، انا هقوم بقاا اشوف جم ولا لسه
رنا بغيظ: انا مش عارفه ازاي حمزه يتجوز ناديه دا حد داعي عليه
جميله بضحك وغمزه : ههههههههههه انتي غيرانه ولا اي
رنا باستغراب : لا طبعا هغير ليه حمزه زي اخوياا وناديه مستحيل اغير منها
انا بس مش عارفه ازاي حمزه ل ناديه دا فرق السما من العما ناديه مش سهله وحمزه هيتعب معاها اوووي

جميله : يبقي متعرفيش حمزه انا متاكده انو هو الوحيد الي هيقدر ع ناديه انتي شايفه حمزه بيهزر لكن هيقدر يحكمها كويس اووي

رنا : ممكن

جميله وهي تقف : طب انا هقوم بقاا عايزه حاجه ي حبيبتي
رنا بابتسامه: لا ي قلبي عايزه سلامتك
جميله بابتسامه : الله يسلمك ي قلبي
خرجت جميله من اوضه رنا ودخلت اوضه جاسر كان قاعد ع السرير وبيشتغل ع اللاب بص عليها لما دخلت ورجع بص تاني ع اللاب وهو متجاهلها وهي دخلت خدت شاور ولبست

وخرجت
جاسر وهو ينظر للاب : رايحه فين دلوقتي
جميله راحت ناحيه الباب وفتحتوا : والله لما تبصلي وانت بتكلمني ساعتها هرد عليك
حط جاسر اللاب جنبوا وقام بسرعه وقفل الباب
جاشر وهو واقف قصادها بحده : رايحه فين
جميله بغضب : وانت مالك ،احنا دلوقتي متخانقين يعني متتكلمش معايا
جاسر وهو يرفع حاجب : ومين قالك اننا متخانقين
جميله بتحدي: انا الي بقول وبعد اذنك اوعي عشان انزل
جاسر بتحدي : انتي قولي براحتك لكن انا مش هنفذ
جميله بغضب : انا مبهزرش انا قولتلك مش هنتكلم ولا هتلمسني انت عمال تخبي عني كل شويه وانا مش هسمح ب دا ابدا
جاسر بغضب: وبالنسبه انك عماله تغلطي دا عادي
جميله بغضب : انا مغلطش كل الي قولتوا صح انت شكلك عاجبك لمت البنات حواليك وانهم بيتخانقوا عشانك
جاسر بغضب: بردوا بتكرريها ،انا مبحبش لمت البنات حوالياا انا راجل مش عيل مراهق بيفرح بلمت البنات وبعدين انا لو بحب لمت البنات حوالياا كنت قضيت معاهم ليالي براحتي ومكنتش اتجوزت اصلا وكنت عيشت حر

جميله بغضب : قصدك اني خنقاك يعني
جاسر وهو يمرر يده ع وجهه وينفخ بغضب : انتي شوفتيني قولت كدا
جميله بغضب : مش محتاج تقول كلامك واضح
جاسر بغضب : لا انا كلامي مش واضح لاني مقولتش كدا ولا اقصد حاجه زي كدا
جميله بغضب : طب انت عايز اي دلوقتي
جاسر وهو يمسك ايديها : عايز نتكلم بهدوء ونفهم بعض احنا عمالين نتخانق كتير خلينا نتكلم بهدوء شويه ادي ناديه الي كانت مضيقاكي اتجوزت ومياده اتحبستكدا مشاكلنا قلت ومرات ابوياا ملناش دعوه بيها هي هنا و احنا هنقعد كام يوم ونرجع القاهره تاني وهتبقي بعيد

جميله شالت ايديها : وبالنسبه انك خبيت عني ان ناديه باستك دا كان اي هي مش دي مشكله بردوا ولا انت شايفها عادي انها تبوسك ما انت المفروض راجل فا عادي لكن انا لا مينفعش ولو حصل بتخرب الدنيا انا مجرد اني شوفت صاحبك من غير تيشيرت بس قعدت تزعق وكنت غيران امال لو كان حد باسني كنت عملت اي

جاسر بغيره قاتله وهو يضغط ع يدها بقوه : كنت قتلتك وقتلته

جميله باستهزاء : اديك قولت بنفسك تحب اعمل انا كمان زي ما قلت ولا انت بس الي بتغير وانا لا انت الي حلال تبوسك لكن انا حرام ،واوعي تقول انك راجل لان مفيش حاجه اسمها راجل وست زي ما انت بتتجرح انا بردوا بتجرح زي ما انت بتغير انا بغيير زي ما انت بتضايق انا بردوا بضايق واتعصب

جاسر : انا عارف بس دا غصب عني انا مبوستهاش بارادتي هي الي باستني مش انا

جميله : وليه خبيت عني

جاسر : كنتي عايزاني اقولك امتي لما عملتيلي مفاجاه وجيتي هنا كنتي عايزاني اقولك اي اقولك ان ناديه باستني ولا اقولك لما صحينا الصبح ولقيناهم في الوضع دا . طب ردي انتي كنتي عايزاني اقولك ازاي

جميله وهي تراقب ملامحوا : ماشي ي جاسر انا بردوا عايزه اقولك ع حاجه

جاسر باستغراب : حاجه اي

جميله وهي تراقب تعابير وشه: هقولك بس الحاجه دي هتتوقف ع اني اسامحك

جاسر بنفاذ صبر : قولي ي جميله في اي

قالتلوا جميله انها ساعدت ادهم وشالتلوا الرصاصه وقلعتوا القميص

جاسر بغيره : انتي بتردهالي يعني بتقوليلي كدا عشان تشوفي رد فعلي وبناءا عليه هيبقي موقفك انتي مش كدا

جميله : ايوا

جاسر وهو يكتم غيرته وتحدث بهدوء : ماشي وانا مش زعلان انتي عملتي دا بدافع الانسانيه كان لازم تنقذيه وانتي عملتي كدا معاياا بردوا قبل ماانتجوز عشان كدا مش زعلان وكمان عشان قولتيلي

جميله : شوفت بقاا ان الصراحه حلوه ازاي انك تقول ومتخبيش بتبقي حاجه كويسه انا قولتلك لاني معملتش حاجه غلط انا كنت بنقذ زميلي

جاسر :ايوا شوفت ،،خلاص بقاا متزعليش وادينا خلصنا من ناديه ومش هيحصل مشاكل تاني ومش هخبي حاجه تاني

جميله بتنهيده: اتمني ميحصلش مشاكل فعلا

جاسر بابتسامه: يعني خلاص كدا

جميله بابتسامه: ايوا خلاص انا قولتلك لو خدت الموضوع عادي هسامحك

جاسر بابتسامه: طيب كنتي رايحه فين بقاا دلوقتي

جميله بابتسامه: رايحه اركب حصان وانا داخله هنا كانت اول مره اشوف اسطبل الاحصنه وقولت لازم اروح

جاسر بابتسامه: طيب يلا نروح سواء

جميله بابتسامه: ماشي
خرجوا برا الاوضه وراحوا اسطبل الاحصنه وركبوا حصان هما الاتنين كانت جميله قدام وجاسر وراها وخرجوا برا الاسطبل واتمشوا بالحصان وهما مبسوطين وجاسر حاضنها من الخلف وكانوا ماشيين وسط الغيطان والزرع
جميله وهي سانده ع صدر جاسر : انتوا عملتوا اي صح لما روحتوا ل ناديه
جاسر وهو ماسك لجام الحصان : كتبوا الكتاب والفرح بكره بس للاسف ابوها طالب الفرح بلدي
جميله باستغراب : يعني اي بلدي
جاسر : يعني لازم يثبت انها بنت بنوت
جميله بدهشه: طب ودي هيثبتها ازاي وهو المفروض مش هيلمسها
جاسر بابتسامه: ع حسب تفكير حمزه الي انا عارفوا انو هيعور نفسوا عشان يبين انها بنت بنوت فعلا ويظهر لناس كدا وطبعا دا هيبقي بينوا وبينها هي بس ،هو ميعرفش انها لسه بنت بنوت فعلا

جميله لفت راسها ليه : تفتكر لما يعرف هيعمل اي

جاسر بلامبالاه : معرفش بس الاكيد انه هيقتلها

جميله باستغراب : انت مالك بتقولها ببساطه كانو هيخرجها

جاسر ضحك بقوه : ههههههههههه طب انتي اعقليها واحد ادبس في جوازه وبعد ما يتجوز يعرف انه ملمسهاش اصلا تفتكري هيعمل اي

جميله بحيره: معرفش بس اكيد مش هتوصل للقتل

جاسر وهو يضمها لحضنه ويمسك لجام الحصان : انا بهزر ي حبيبتي اكيد طبعا مش هيقتلها حمزه مش كدا

جميله بزهق : انا زهقت خلينا ننزل نقعد في الزرع شكلوا حلو

جاسر بابتسامه حب : حبيبتي تؤمر وانا علياا انفذ

وقف جاسر الحصان ونزل منو وشال جميله ونزلها وقعدوا تحت شجره كانت الدنيا ليل ومفيش حد ونامت جميله ع رجله وهو كان بيلعب في شعرها وساند ع الشجره
جميله وهي بصالوا : هي الارض دي بتاعتكوا
جاسر بابتسامه وهو بيلعب في شعرها : ايوا بتاعتنا
جميله بابتسامه: شكلها حلو اوووي وهدوء
جاسر بابتسامه وهدوء : ايوا فعلا عشان كدا بحب اجي هنا كتير لما بكون مخنوق وعايز ابعد باجي هنا بحس براحه واسترخاء
جميله بابتسامه: بصراحه ي بختكوا انا بحسدكوا ع الجمال الي هنا والهدوء
جاسر بابتسامه: وليه بتحسدينا انتي بردوا تقدري تيجي هنا براحتك اول ما تكوني عايزه قوليلي وانا اخد اجازه ونيجي هنا
جميله بابتسامه: ماشي هو احنا هنرجع امتي القاهره
جاسر بابتسامه: زهقتي ولا اي دا احنا لسه بنقول
الجو هدوء و حلو
جميله بابتسامه: هههههه لا مزهقتش بس اكيد هيجي وقت ونرجع انت عندك الشركه وانا عندي شغل
جاسر بابتسامه: انا شغل الشركه بتابعوا ع اللاب وانتي بتقولي واخده اجازه
جميله بابتسامه: ايوا بس الاجازه دي مش مدي الحياه يعني دا هي كام يوم
جاسر بابتسامه: عارف عشان كدا هنسافر بعد فرح حمزه
جميله : ماشي
قعدوا شويه وبعد كدا قاموا ركبوا الحصان ورجعوا البيت حطوا الحصان في الاسطبل وطلعوا اوضتهم
جميله : انا جعانه
جاسر باستغراب : جعانه انتي مكلتيش النهارده
جميله وهي تهز راسها بمعني لا
جاسر بحنان : طيب خلينا ننزل نحضر عشاء هما زمانهم كلهم نايمين فا هنضطر نحضر بنفسنا
جميله بابتسامه: ليه هنضطر دي حاجه حلوه ع فكره
جاسر بابتسامه: طيب يلا
جميله بابتسامه: يلا
نزلوا المطبخ وحضرت جميله عشاء وجاسر ساعدها وهما بيضحكوا وبيهزروا وحست جميله بدوخه تاني وكانت هتقع لكن لحقها جاسر بسرعه
جاسر بقلق : انتي كويسه
جميله وهي تمسك راسها : ايوا كويسه دي دوخه بسيطه عشان مكلتش بس
جاسر وهو يسندها : طيب تعاالي اطلعك وانا هحط الاطباق ع صينيه وهطلعوا

طلعت جميله معاه الاوضه وهو ساندها ونيمها ع السرير ونزل حط الاطباق في صينيه وطلع حطها ع السرير وقعدوا ياكلوا وبعد وقت خلصوا اكل وشال جاسر الصينيه ونزلها وطلع تاني
جاسر وهو بيطمن عليها : احسن دلوقتي
جميله بابتسامه: ايوا
جاسر بحنان : طيب ارتاحي ي حبيبتي
خدها جاسر في حضنه ونام وهي بردوا نامت
💖💖💖💖💖💖💖💖
تاني يوم الصبح صحيت جميله ملقتش جاسر جنبها قامت خدت شاور ولبست

وخرجت وهي نازله ع السلم مخدتش بالها من الزيت الي كان ع اول السلم وكانت هتقع لكن لحقها جاسر وشدها لحضنه بسرعه
جاسر بقلق : حصلك حاجه
جميله وهي بتاخد نفسها : لا محصلش
نده جاسر ع الخدامه بزعيق وجت بسرعه والكل خرج ع صوته الغاضب
الخادمه بخوف : ايوا ي استاذ جاسر
جاسر بغضب : انتي مش منضفه السلم ليه
الخادمه بخوف : انا لسه منضفاه النهارده والله
العمده باستغراب : في اي ي جاسر
جاسر بغضب وهو يشاور ع الزيت : امال اي دا
الخادمه بخوف : والله ما اعرف جيه منين حضرتك بس هنضفوا حاضر
بص جاسر ع مرات ابوه بغضب وشك فيها
الام بغضب : انت بتبصلي كدا ليه ، انا معرفش حاجه انا لسه خارجه من الاوضه زيهم
جاسر بغضب وحده : اقسم بالله لو طلعتي انتي فعلا ما هرحمك
الام بغضب : انت بتهددني عشانها انت نسيت نفسك ولا اي انا امك
جاسر بغضب : انتي مش امي انتي مرات ابوياا متنسيش دا وايوا بهددك
العمده باستغراب : طب وهي هتعمل كدا ليه ي بني
جاسر بغضب وهو ينظر لها : دا ع الاساس انها اول مره تحاول تقتل
الام بغضب : وهي لما تقع من ع السلم هتموت
جميله : خلاص ي جاسر محصلش حاجه انا كويسه
جاسر بحده: وانا مش هستني لما يحصلك حاجه احنا هنمشي دلوقتي
العمده بحزم : انت مش هتمشي ي جاسر دا بيتك والي مش عاجبوا هو الي يمشي وطول ما انت قاعد هنا محدش هيلمسك ولا هيلمس مراتك و دا وعد مني
جاسر باحترام : ماشي ي بابا
العمده : خد مراتك يلا وادخلوا اوضتكوا لازم تجهزوا عشان فرح صاحبك ولا انت كنت هتمشي من غير ما تحضروا
حمزه بمزاح : لا طبعا هو يقدر يمشي من غير ما يحضر فرحي دا انا كنت قتلتوا
جاسر وهو يرفع حاجب : بتقول حاجه ي حمزه
حمزه بمزاح : لا انا بقولوا كنت شكرتوا
جاسر : اه بحسب
حمزه بمزاح : لا اجمع
جاسر وهو يقترب منه ويكور يده : لا هضرب ي ظريف
جري حمزه دخل الاوضه بسرعه وقفل الباب والكل ضحك عليهم ماعدا مامتوا كانت بصالوا بغيظ رجع هو خد جميله ودخلوا الاوضه
جاسر بحب : غمضي عينيك
جميله باستغراب : ليه
جاسر بتصميم : غمضي بس
جميله باستسلام : ماشي
غمضت جميله عينيها وهو طلع علبه
جاسر بابتسامه: فتحي
فتحت جميله عينيها لقتوا ماسك تليفون
جميله بابتسامه: دا ليا انا
جاسر بابتسامه: ايوا بدل الي ضاع
جميله بابتسامه: طب وكلفت نفسك ليه انا كنت هجيب واحد
جاسر بابتسامه: كلفت اي دا تليفون عادي وبعدين مفيش حاجه اسمها كلفت نفسي انتي مراتي
ابتسمت جميله وهو قرب منها وباسها برقه وحنان
💖💖💖💖💖💖💖💖💖💖
عند عبدالرحمن طلب يشوف سيف وراحلوا سيف
سيف بجمود: نعم
عبدالرحمن بحزن : انا موافق اطلق سلمي بس بشرط
سيف بحده: انا محدش يتشرط علياا انت هتطلقها ورجلك فوق رقبتك
عبدالرحمن : ماشي وانا هطلقها بس اخرج من هنا
سيف بصلوا باستحقار : وانا موافق بس لو فكرت انك تقرب منها او تشوفها حتي من بعيد هحبسك
عبدالرحمن بحزن : موافق
سيف بجمود : تمام
طلب سيف ماذون وبعد ساعه وصل وتم اجراءات الطلاق وبعدها تم اجراءات خروج عبدالرحمن وخرج وسيف راح ل سلمي المستشفي
💖💖💖💖💖💖💖💖💖
عند سلميفي المستشفي
دخل الدكتور النفسي وكان شاب في العشرينات من عمره وسيم لدرجه الجنون بملامح رجوليه وابتسامه مشرقه تسحر كل من يراها (اسموا سليم )
سليم بابتسامه : صباح الخير
نورهان : صباح النور ي دكتور
راح سليم قعد قصاد سلمي وهو بيتكلم معاها لكن مكنتش بترد
سليم بابتسامه: ع فكره انتي انسانه كويسه جدا لما واحده تزعل ع شخص بالشكل دا يبقي اكيد بتحبه جدا

اخيرا خرجت سلمي عن صمتها
سلمي بجمود : انا مبحبش حد
ابتسم سليم انو قدر يخليها تخرج عن صمتها وتتكلم حتي لو قليل
ونورهان فرحت جدا وراحت ناحيه سلمي وحضنتها بسعاده
سليم : معلش ممكن حضرتك تسيبينا شويه
نورهان : حاضر ي دكتور
خرجت نورهان برا
سليم حب انه يخرجها من صمتها حتي لو هتزعق : ع فكره انتي بتكدبي انتي بتحبيه بدليل انك وصلني لحد هنا
سلمي : انا وصلت لحد بسببوا
سليم : عارف ان بسببوا بس بردوا حصلك صدمه عشان بتحبيه
سلمي بغضب وصرااخ : قولتلك مبحبوش. انا بكرهه اكملت وهي تضرب ع صدرها بعنف مكان قلبها : كرهت اليوم الي قلبي فكر انو يحب واحد زي دا
سليم : معقوله قدرتي تكرهيه بسرعه كدا
سلمي بغضب : ايوا الي يعمل الي هو عملوا لازم اكرهوا واندم الف مره اني حبيتوا واندم اني وقفت قصاد ابويا عشانوا عشان واحد ميستاهلش

سليم : وانتي وقفتي قصاد باباكي عشان بتحبيه

رجعت سلمي لصمتها تاني وهو حاول يتكلم معاها لكن هي مش بترد

سليم بابتسامه: طيب بصي احنا هنتفق اتفاق انا هجيلك كل يوم اتكلم معاكي ومش عايزك تردي تقدري تشاوري بس ولما تزهقي مني شاوري بردوا وانا هفهم وهخرج ع طول ماشي

مردتش سلمي
سليم بابتسامه: يبقي ماشي
خرج سليم ونورهان دخلت وسيف بردوا جيه
💖💖💖💖💖💖💖💖💖
عند ادهم واسيل كانوا بيتمشوا ع البحر وهي في حضن ادهم
ادهم بحنان : حبيبتي مش كفايه كدا بقاا ونرجع القاهره
اسيل بطفوله : لا ونبي خلينا هنا يوم كمان
ادهم بابتسامه وحنان : حاضر عشان خاطرك نقعد يوم كمان
اسيل بابتسامه: تسلم ي حبيبي ثم اكملت : ادهم
ادهم وهو ينظر لها : نعم ي حبيبتي
اسيل بتردد: هو انا ينفع اطلب طلب
ادهم بمزاح : طلباتك كترت بس ماشي اطلبي
اسيل بتردد : عايزه اشوف عدي
بعد ادهم عنها وبصلها بغيره
ادهم بغيره : نعم
اسيل بتوتر : متفهمش غلط انا قصدي يعني عشان نقولوا ع العزومه
ادهم هدي شويه وبصلها : ماشي بس انا الي هقولوا انتي متدخليش
اسيل بابتسامه: حاضر ي حبيبي
ادهم بابتسامه: طيب يلا خلينا تروح المستشفي نشوفوا
اسيل بابتسامه: ماشي
راحوا ركبوا العربيه واتحركوا للمستشفي وشافوا عدي وسلم عليهم وراحت اسيل تسلم ع صحبتها وتقعد معاها وادهم قعد مع عدي يتكلموا
عدي بابتسامه:اي ي بني هو انا كل مااشوفك تكون متصاب
ادهم بضحك: هههههههه انت الي فقري اعملك اي مش بتشوفني غير وانا متصاب
عدي بضحك: هههههههه انا فقري ي ادهم ماشي الله يسامحك
ادهم بمزاح:هيسامحني عشان مستحملك
عدي. بضحك: طب ومستحلمني ليه
ادهم بابتسامه: صاحبي بقاا اعمل اي ،المهم انا كنت عايزك في موضوع مهم
عدي باستغراب: موضوع اي
ادهم : انت مش ناوي تظهر جوازك بقاا
عدي بتنهيده: ما انت عارف نفسي اظهروا النهارده قبل بكره بس خايف من المواجهه وممكن يقولوا كلام جارح ل سمر
ادهم : مفيش حاجه اسمها خايف انت بتحبها ولازم تواجهه سواء دلوقتي او بعدين وبعدين هيقولوا كلام جارح ليها ليه
عدي : لان سمر يتيمه انا عرفتها وهي كانت جايه في حادثه وكانت فاقده الذاكره ولحد دلوقتي بردوا عشان كدا خايف يقولولها كلام يجرحها
ادهم : طيب دي حاجه غصب عنها وبعدين هي عشان يتيمه هيجرحوها بالكلام امال انت لازمتك اي انت المفروض جوزها تحميها ومتسمحلهمش يغلطوا فيها او يضايقوها بالكلام
عدي : انا عمري ما هسمح لحد انو يضايقها او يجرحها
ادهم : يبقي تظهر جوازكوا او تطلبها من اول وجديد
عدي : انا قررت فعلا هظهر جوازنا حتي لو حصل اي
ادهم بابتسامه: ودا الي المفروض يحصل فعلا عشان كدا انا اقدر اساعدك واسهل عليك الموضوع شويه
عدي باستغراب : ازاي
ادهم بابتسامه: انا عازمك انت ومراتك وباباك ومامتك عندي في الفيلا وكمان هعزم استاذ اسر ومراتو وطبعا جميله وجاسر وتقدر انت ساعتها تظهر للكل انها مراتك او حتي انا ممكن اقول انها صاحبه اسيل وعازماها وانت اعجبت بيها وهتتقدملها بسيطه اهي
عدي بابتسامه: وانا موافق
ادهم بابتسامه: يبقاا اتفقنا
💖💖💖💖💖💖💖💖💖💖
عند جميله وجاسر
في معاد الفرح
لبست جميله

ووجاسر

ووحمزه

ورنا

لبسوا كلهم واتجمعوا تحت وراحوا بيت ناديه وكانت الزغاريط والطبل والرقص
البنات كلها جوه البيت والرجاله براا وكانت الاغاني والطبل والمزمار

عند البنات جوه
كانت ناديه لابسه

كانوا البنات بيرقصوا ويهيصوا
عدي وقت كبييييييير وطلعت ناديه اوضتها
الاب بابتسامه:اي ي عريس مش هتطلع لعروستك ولا اي
حمزه : لا طبعا هطلع ي عمي
طلع حمزه وكان لسه الفرح شغال تحت والكل مستني يشوف الدليل
دخل حمزه الاوضه وناديه كانت خايفه ومتوتره قرب منها حمزه وهي خافت وبعدت
ناديه بخوف : انت هتعمل اي
حمزه باستغراب : يعني اي هعمل اي انتي مراتي وهما مستنين تحت يشوفوا الدليل
ناديه بتوتر : دليل اي ما انت عارف سبب جوازنا
حمزه وهو يضع يده في جيب بنطاله ويقف بقوه : انا فعلا عارف سبب جوازنا بس الي متعرفهوش اني عرفت الحقيقه وعرفت ان التمثليه الي عملتيها دي كان المفروض جاسر هو الي يبقي مكاني مش انا بس حظك انو طلعت انا ومتخافيش انا مش هلمسك انا ميشرفنيش اني المسك اصلا لانك رخصتي نفسك وانا مستحيل المس واحده رخيصه

ناديه وهي تنظر للارض: ولما انت مستحيل تلمس واحده رخيصه اتجوزتني ليه وانت عارف الحقيقه

حمزه بقوه: عشان انتقم ومتسالنيش انتقم ليه انتي من النهارده خلاص بقيتي مراتي يعني تسمعي كلامي والي اقولوا يتنفذ من غير ولا كلمه

راح حمزه ناحيه طبق الفاكهه الي ع التربيزه وخد السكينه الي عليه وهي خافت وافتكرت انو هيقتلها
لكن عور حمزه نفسوا في ايدو ومسك المنديل ومسح الدم وبصلها بقوه وخرج سلم المنديل ليهم براا والكل زغرط وسمعوا ضرب النار والهيصه دخل حمزه
حمزه بجمود : ادخلي غيري ونامي عشان مسافرين بكره بدري
💖💖💖💖💖💖💖💖
اول حاجه اسفه اني مش هقدر انزل بكره لان عندي حمله تنضيف لشقه 😂😂😂
ثاني حاجه بالنسبه للناس الي عايزه تعرف مواعيد النشر بصراحه مش عايزه احدد معاد واخلف بيه بعد كدا وانا اول ما يخلص البارت بنزلوا ولو اتاخرت فا بيبقي غصب عني ساعات بيبقي عندي مشاوير وكمان الفتره الجايه النشر هيقل لان عندي امتحانات