رواية احببت عنادك... بقلمي/هاجر هشام الفصل الثالث وتسعون 93 - بقلم Hagar Hešhàm

عند جميله وادهم
خلص اليوم وكل واحد رجع بيته
عند جميله روحت الفيلا وراحت شوق ناحيتها
شوق : اعملك نسكافيه ي هانم
جميله : لا انا عايزه انام مش قادره اشرب حاجه
شوق : طيب ي هانم انا همشي بقاا
جميله : ماشي
خرجت شوق وطلعت جميله اوضتها خدت شاور ولبست

وخرجت مسكت الفون عشان ترن ع جاسر لقتوا هو بيرن ابتسمت وردت عليه
جميله بابتسامه: كنت لسه هرن عليك حالا
جاسر ضحك: شوفتي بحس بيكي ازاي
جميله بابتسامه: اه ي اخوياا شوفت
جاسر بابتسامه وهو يسند ع السرير : عاملتي اي النهارده
جميله بابتسامه: النهارده عرفت معلومات كتير عن القضيه وعرفت مكان البنت كمان
جاسر بابتسامه: بجد طب دا هايل جدا وجبتوها ولا لسه
جميله وهي نايمه ع السرير بتعب : لا لسه البنت في ايطاليا
جاسر باستغراب : وازاي قدروا يسفروها من غير ما يتقبض عليهم
جميله : دي سهله جدا بالنسبالهم خصوصا ان الي ساعدهم مساعد الوزير يعني كل الاوراق وكل دا بتطلع بالرشوه
جاسر باستغراب : وانتي عرفتي منين ان الي ساعدهم مساعد الوزير

حكتلوا جميله كل الي حصل من اول مراقبتها ل عزيز

جاسر : طب وانتوا هتعملوا اي كدا

جميله : هسافر انا وادهم بكره ايطاليا ننقذ البنت احنا عارفين المكان ودا هيسهل علينا وكمان السفاره هناك هتساعدنا

جاسر : لا والله وانتي قررتي انك هتسافري من غير ما تقوليلي

جميله باستغراب : مانا قولتلك اهو وبعدين اي قررت دي ، دا مش اختيار احنا لازم نسافر عشان ننقذ البنت

جاسر : طيب وهترجعي امتي

جميله : معرفش بس الاكيد اني مش هطول احنا هننقذ البنت ونرجع ع طول

جاسر : ماشي وخلي بالك من نفسك ولما تسافري كلميني

جميله : ماشي بس انا في المهمات بقفل الفون

جاسر : ماشي كلميني قبل المهمه وبعد ما المهمه تطمنيني

جميله بابتسامه : حاضر

جاسر وهو بيتنهد بشوق : تعرفي انك وحشتيني اوووي انا مش عارف هقعد خمس ايام من غيرك ازاي

جميله جواها : ولا انا عارفه هقعد من غيرك ازاي انا بحاول اشغل نفسي في الشغل عشان ارجع انام ع طول

جاسر باستغراب : انتي روحتي فين

جميله فاقت من سرحانها : مروحتش انا معاك. بس هو تعبانه شويه النهارده كان يوم طويل ومتعب

جاسر بحنان : طيب ي حبيبتي خلاص روحي ارتاحي وانا بردوا هنام

جميله بابتسامه: ماشي تصبح ع خير

جاسر بابتسامه: وانتي من اهله
قفلت جميله واتنهدت بشوق : وحشتني اووي انا بحاول اتماسك عشان مضغطش عليك وانا عارفه ان غصب عنك تبعد

جالها رساله في اللحظه دي فتحتها وابتسمت اول ما شافتها
: عارف انك مش عايزه تقولي اني واحشك عشان متضغطيش عليا بس انا بحس بيكي و بعرف من نبره صوتك بتكوني عايزه تقولي اي قبل ما تتكلمي ،انتي لو خبيتي عن العالم كلوا الي جواكي مش هتقدري تخبي عني انا لاني حاسس بيكي وانا مش زعلان منك بالعكس انتي عليتي في نظري اكتر وحبك زاد اضعاف عندي
#بعشقك ي ملاكي

قرات الرساله وهي بتضحك بفرحه مش قادره تصدق انو حاسس بيها لدرجه دي ابتسمت بحب وخدت صورته في حضنها ونامت

💖💖💖💖💖💖💖💖💖💖
عند ادهم راح المستشفي لاسيل وطلع لقاا ايناس والله قدام مكتب اسيل وباين عليها التوتر
ادهم باستغراب : ازيك ي دكتوره
ايناس بابتسامه توتر : الحمدلله ي استاذ ادهم
ادهم باستغراب : هو انتي واقفه كدا ليه
ايناس بخبث وهي بتخفي توترها: اصل دكتوره اسيل قالتلي اقف هنا يعني لو انت جيت اقولها انها مشيت
ادهم باستغراب : مشيت ازاي انا قولتلها تستناني
ايناس : ما حضرتك اتاخرت ف هي زهقت ومشيت
ادهم وهو ينظر لساعته باستغراب : بالعكس انا متاخرتش بس ع العموم ماشي شكرا ي دكتوره
ايناس بابتسامه خبث : العفوا. ي استاذ ادهم

لسه ادهم كان هيمشي لكن سمع صوت اسيل جوه الاوضه وكان ضعيف بص لايناس الي بان عليها التوتر جامد زقها ادهم ودخل الاوضه ولقاا اسيل شبه مغم عليها ع سرير الكشف وفيه شخص بيقرب منها بشهوه
اسيل بضعف : ادهم
راح ادهم ناحيته بغيره وغضب وهو يكيل له اللكمات لمح ادهم الممرضين والدكاتره جايين ع صوت الضرب والصراخ راح قفل الباب بالمفتاح والشخص دا حاول يهرب لكن لحقوا ادهم
الشخص بخوف : والله ما لمستها
ادهم بغيره وغضب وهو بيضربه بالبوكس : دا ع الاساس اني هستني لما تلمسها ي وسخ
ضربوا ادهم بقوه كبيره وعنف لحد مااغمي عليه من الضرب رماه ادهم ع الارض وراح ناحيه اسيل الي كانت فقدت الوعي فعلا وقلع الجاكيت بتاعه ولبسهولها وشالها وخرج براا وكان كل الي في المستشفي بيبصوا عليهم ضمها ادهم لحضنه بقوه وهو خارج بره المستشفي لمح نظره شماته في عين ايناس وتوعد لها
خرج بره المستشفي وركب اسيل ورا وركب هو قدام وساق العربيه ووصل الفيلا وشال اسيل وطلع الاوضه ونيمها ع السرير وهو بيحاول يتحكم في اعصابه وغيرته واقسم انو ياخد حقها
💖💖💖💖💖💖💖💖💖💖
تاني يوم الصبح الساعه ٦ صحيت اسيل ولقت نفسها في الاوضه وادهم نايم جنبها ،افتكرت الي حصل وشهقت بصدمه ،صحي ادهم ع صوتها ولقاها بتعيط خدها في حضنه بحنان وهو بيهديها
ادهم بحنان : اهدي ي حبيبتي محصلش حاجه
اسيل بدموع وصوته شهقاتها بيعلي : انا والله مااعرفوا ولا اعرف دخل ازاي
ادهم بحنان وهو يحاول كتم غيرته : انا عارف ي حبيبتي وواثق فيكي بس انا عايز اعرف اي الي حصل بالظبط

اسيل بدموع وهي خايفه تسالوا: هو لمسني ؟!

ادهم بيكتم غيرته وغضبه بصعوبه: لا ملمسكيش

اتنفست اسيل براحه بس لسه بتعيط
اسيل بدموع : انا كنت خلصت شغل وقاعده في المكتب مستنياك زي كل مره فا لقيت ايناس دخلت وهي جايبه عصير ليا وليها وكانت بتتكلم معايا وشربت العصير بعد كدا حسيت بدوخه والدنيا شوشت قدامي راحت ايناس سندتني ونيمتني ع السرير بتاع الكشف وخرجت عشان تجيب الدكتور وبعدها لقيت حد داخل افتكرتوا دكتور لما لقيتوا بيقرب بطريقه وحاولت اقوم لكن جسمي كان بيضعف ف مكنش قدامي غير اني اصرخ بس صوتي كان ضعيف لحد ما شوفتك ساعتها استسلمت وانا مطمنه و عارفه انك هتحميني

ادهم خدها في حضنه وهو بيهديها : انا فعلا هحميكي وايناس والزفت التاني دا اقسم بالله ما هرحمهم وهاخدلك حقك ي حبيبتي

اسيل بعدت عنو وهي بصالوا وبتعيط : يعني انت مش هتسبني

ادهم بحنان وهو يمسح دموعها : عمري مااقدر اسيبك ي حبيبتي انتي روحي ،محدش يقدر يسيب روحه ابدا

اسيل بابتسامه خفيفه : ربنا يخليك ليا بجد انا مكنتش متخيله ان ربنا بيحبني لدرجه دي عشان رزقني بزوج حنين زيك

ادهم برقه وحنان : حبيبتي مفيش احن منك ابدا
ابتسمت اسيل بحب وهو ضمها لحضنه
ادهم بحب : عندي ليكي مفاجاه
اسيل وهي في حضنه : مفاجاه اي
ادهم بابتسامه: هتسافري اسكندريه
اسيل بسعاده وهي بتخرج من حضنه وبصتلوا : بجد
ادهم ابتسم ع فرحتها وبصلها بحب : اه بجد
اسيل باستغراب : بس قصدك اي ب هسافر هو انت مش هتسافر معايا
ادهم : لا انا هوصلك وهرجع عشان مسافر ايطاليا عندي مهمه
اسيل بحزن: هتسبني لوحدي
ادهم بحنان وهو يضع يده ع خدها برفق : غصب عني ي حبيبتي انا لازم اسافر عشان انقذ البنت لان حياتها في خطر وبعدين انا مش هسيبك لوحدك انتي هتبقي مع مامتك وباباكي كدا هبقاا مطمن عليكي اكتر
اسيل بزعل : طيب وهتقعد اد اي
ادهم بهدوء : مش عارف هقعد اد اي بس اول ما نجيب البنت هنيجي ع طول
اسيل : طيب ي حبيبي
ادهم بحنان: يعني معقوله عايزاني اسافر وانتي زعلانه كدا
اسيل بحزن : غصب عني انا اول مره ابعد عنك
ادهم بحنان وشوق : وانا والله غصب عني ابعد عنك بس دا شغل
اسيل : طيب خلاص انا مش زعلانه
ادهم وهو يعقد حاجبيه : مش شايف دا
اسيل ابتسمت
ادهم بابتسامه وهو ياخدها في حضنه : ايوا كدا خلي الشمس تطلع
اسيل بابتسامه: طب يلا قوم عشان متتاخرش
ادهم بخبث : اتاخر ع اي ي حبيبتي دا لسه الساعه ٦ ونص وبعدين انا مسافر يعني فيه طريق وسفر يعني حسي بالغلابه الي زي

فهمت اسيل قصده واتكسفت وهو ابتسم ع كسوفها
💖💖💖💖💖💖💖💖💖💖
صحيت جميله وبصت ع الساعه لقتها ١
جميله بدهشه: انا نمت كل دا
قامت بسرعه دخلت الحمام خدت شاور سريع ولبست

وونزلت تحت لقت شوق
شوق : اعملك نسكافيه ي هانم
جميله بسرعه وهي تخرج برا الفيلا : لا انا متاخره جدا شكرا ي شوق
خرجت جميله ركبت عربيتها وراحت الاداره كان ادهم لسه موصلش رنت جميله عليه
جميله : انت فين ي ادهم
ادهم : انا في الطريق اهو
جميله باستغراب : طريق اي
ادهم : طريق القاهره وصلت اسيل ورجعت وخلاص قربت ع الاداره
جميله : طيب يلا بسرعه عشان المفروض هنسافر عشان نلحق نوصل
ادهم : ماشي
قفلت جميله مع ادهم وقعدت ع المكتب
💖💖💖💖💖💖💖💖💖
عند سيف كان في المستشفي مع سلمي والدكتور كان معاها بيحاول يتكلم معاها لكن هي رافضه

الدكتور بتنهيده: للاسف مش راضيه تتكلم الاحسن انها تسافر تغير جو

سيف : بس انا قولتلها ي دكتور وهي رافضه نهائي مش عايزه تسافر

الدكتور : طيب انا عندي حل فيه دكتور نفسي هنا في المستشفي ممكن ابعتوا هو يتابع حالتها

نورهان بغضب : انا بنتي مش مجنونه عشان تتعرض ع دكتور نفسي

الدكتور : مين قال ان الدكتور النفسي بيعالج المجانين ،بنتك عندها صدمه عصبيه ودي مخلياها مش عايزه تتكلم لازم تتعرض ع دكتور نفسي عشان تخف وترجع لطبيعتها وحياتها

سيف : ماشي ي دكتور حضرتك انا موافق خليه يتابع حالتها

الدكتور : ماشي ع العموم هو اجازته هتخلص النهارده وهيرجع الشغل بكره وهخليه يتابع حالتها عن اذنكوا
خرج الدكتور
انورهان بغضب : انت ازاي توافق ع حاجه زي كدا انا بنتي مش مجنونه

سيف بغضب : انا مقولتش انها مجنونه بس سلمي اتعرضت لصدمه ولازم دكتور نفسي وبعدين انتي متعلمه وفاهمه يعني اي صدمه عصبيه

بصتلوا نورهان بغضب وسكتت وهو راح ناحيه سلمي الي كانت باصه في الفراغ وساكته وهو بيحاول يتكلم معاها لكن هي رافضه الكلام
قام سيف وخرج راح الاداره ونورهان فضلت جنبها
💖💖💖💖💖💖💖💖💖💖
عند جميله وصل ادهم وجهزوا كل حاجه للسفر ودخلوا لمكتب اللواء بعد ما عرفوا انو وصل
ادهم وجميله : تمام ي فندم كل حاجه جاهزه
سيف بجديه: تمام ي شباب والطياره الهليكوبتر جاهزه بردوا هتروحوا مكان ****** هتلاقوها هناك وفيه الطيار كمان
ادهم : تمام ي فندم
جميله : طيب ي فندم و بالنسبه لعزيز
سيف : عزيز انا كلمت ظابط في امن الدوله هو هيتولي القبض ع عزيز ويلحقوا قبل ما يهرب وكمان كلمت الوزير وسمعتوا التسجيل واتفقنا ان احنا هنحط ميكروفيلم fake بدل الحقيقي بحيث نقبض عليه متلبس وبالنسبه للراجل الي معاه فا دا متراقب واول ما تقدروا تنقذوا البنت هنقبض عليهم كلهم

جميله : طب ما ممكن تقبضوا عليهم ي فندم قبل ما ننقذ البنت

سيف : لا طبعا مينفعش دول لو اتقبض عليهم قبل ما ننقذ البنت هما هيخلوا ناس تبعهم تخلص ع البنت عشان كدا عايزين نضمن سلامه البنت الاول قبل اي حاجه

جميله : تمام ي فندم

سيف : تمام تقدروا تتفضلوا دلوقتي

ادهم وجميله : تمام ي فندم
خرجوا ادهم وجميله ونزلوا ركبوا العربيه وراحوا للمكان الي فيه الطياره الهيليكوبتر
💖💖💖💖💖💖💖💖💖
عند سيف راح القسم الي فيه عبدالرحمن ودخلوا الزنزانه كان عبدالرحمن قاعد ع الارض وساند دماغه ع الحيطه وباصص ع السقف ،واول ما شاف سيف قام وقف
سيف وهو يعطيه ورقه وتحدث بحده: امضي
عبدالرحمن باستغراب : اي دا
سيف بحده: ورقه طلاق
عبدالرحمن بندم: ليه حضرتك مش قادر تفهمني انا بحبها مش هقدر اطلقها
سيف بحده: انا الي فاهموا دلوقتي انك هتطلقها ،ومتفتكرش اني جاي اتحايل عليك ،انت هتطلقها ورجلك فوق رقبتك
عبدالرحمن : وانا مش هطلق انا بحبها ومقدرش تعيش من غيرها
سيف اتعصب وضربوا بالبوكس وقع عبدالرحمن ع الارض
عبدالرحمن بالم وهو يمسك بوقه : اضرب براحتك بس بردوا مش هطلقها

سيف بحده: يبقي هخليها تخلعك

عبدالرحمن بندم : والله انا بحبها ومعرفش ازاي مديت ايدي عليها انا الغيره عمتني مقدرتش اسيطر ع نفسي

سيف بحده: انا كل دا ميهمنيش ،انت هتطلقها يعني هتطلقها وبردوا هتفضل محبوس

عبدالرحمن :وانا مش هطلقها

سيف بحده وغضب : يبقي هخليها تخلعك
💖💖💖💖💖💖💖💖💖💖
عند جميله وادهم ركبوا الطياره الهيليكوبتر واتحركوا بعد ٣ ساعات ونص وصلوا ايطاليا ونزلوا من الطياره
ادهم: احنا كدا محتاجين ندرس المكان الاول عشان نعرف البنت فين بالظبط وكمان نعرف هندخل ونخرج ازاي من غير ما حد ياخد بالو
جميله : طيب خلينا نروح نشوف المكان هو مش بعيد عن هنا
ادهم : ماشي بس لازم ناخدها مشي لان المنطقه من هنا لهناك صعب تمشي فيها عربيه وكمان صوت الطياره هيبين ان فيه حاجه وهيجذب الانتباه

جميله: طيب خلينا ناخدها مشي

ادهم : اوك يلا
خدوا باقي الطريق جري وكان يستغرق حوالي نص ساعه جري
لحد ما وصلوا عند المكان وكان عباره عن قصر كبير
كان فيه اربع بودي جارد عند البوابه الرئيسيه لف ادهم وجميله حوالين القصر وكان فيه بوابه خلفيه للقصر وكان عندها اتنين بودي جارد

جميله بشك: مش معقوله القصر دا كلوا وفيه الحراس القليلين دول

ادهم وهو ينظر للقصر والحراسه : عندك حق فعلا اكيد فيه بودي جارد جوه هما حاطين دول برا عشان محدش يشك فيهم

جميله:او القصر متأمن كويس بأجهزه الامن

ادهم وهو ينظر لها : قصدك ليزر وكاميرات و كدا

جميله: اه

ادهم : طيب احنا كدا هندخل ازاي لازم نعرف البنت فين في القصر دا كلوا

جميله : احنا ندخل دلوقتي وبحذر ندور ع البنت في انهي مكان

ادهم : مش بالسهوله دي المكان شكلوا ميطمنش ولو دخلنا كدا مش هنخرج منو ولا هنقدر ننقذ البنت

جميله : ما احنا اكيد مش هنوقف هنا من غير ما نعمل حاجه لازم نعرف اي الي جوه

ادهم : انا عندي فكره احنا نكلم الطيار يجي هنا ونركب و ينزلنا عند السطح بتاع القصر

جميله : ما هي هي دا كدا ممكن ياخدوا بالهم كمان بصوت الطياره دي

ادهم بقله حيله: خلاص يبقي مقدمناش غير اننا ننط من ع السور بس بليل يكون الدنيا ضلمه ومحدش يشوفنا

جميله : طيب خلينا نبعد عشان محدش ياخد بالو

ادهم : ماشي يلا

جميله وهي ماشيه : انت اتغديت

ادهم وهو ماشي معاها: لا

جميله : طيب خلينا نروح نتغداء. ونرجع لسه فاضل وقت كبير ع بليل

ادهم : ماشي
بعدوا عن القصر جدا وطلعوا ع الطريق ودخلوا مطعم اتغدوا وقعدوا شويه وخرجوا
جميله وهي تنظر لساعتها : لسه الساعه ١١هنعمل اي
ادهم وهو يتنهد بشوق : انا عن نفسي هكلم اسيل وحشتني اووي
جميله بمزاح : ماشي ي عم الله يسهلك
ادهم بضحك: ويسهلك انتي كمان مش هتكلمي جاسر
جميله بابتسامه: ايوا فعلا هكلموا تقولوا اني وصلت
ادهم بابتسامه: طيب خلينا نقعد ع البحر ونكلمهم
جميله بضحك: والله انا حاسه اننا جايين رحله
ادهم بضحك: هههههه مش لازم نستغل الفرص هو احنا بنروح ايطاليا كل يوم يعني
جميله بضحك: عندك حق فعلا طيب يلا خلينانقعد ع البحر
راح ادهم وجميله قعدوا ع البحر وادهم راح كلم اسيل وهو بيتمشي ع البحر وجميله نفس الكلام

عند جميله رنت ع جاسر وهو رد
جاسر بلهفه وهو منتظر مكالمتها : وصلتي
جميله ابتسمت ع لهفته : ايوا وصلت من الساعه ٤
جاسر : كل دا ومكلمتنيش
جميله بابتسامه: غصب عني والله انا روحت ع المكان ع طول كنا بنشوفوا وبعد كدا اتغدينا وكلمتك
جاسر : اممممممم ماشي خلاص المهم عملتي اي
جميله : معملتش حاجه لسه مستنين ع الساعه ١ بليل وندخل القصر ونجيب البنت
جاسر : انتي ومين
جميله : انا وادهم
جاسر باستغراب : وسلمي فين
جميله : عندها مهمه تانيه
جاسر : اممممممم طيب
جميله : وانت عملت اي النهارده
جاسر : كنت بتابع شغل الارض مع ابويا وقعدت مع رنا شويه ، ثم اكمل بتذكر: ايوا صح انا قولت لرنا هتيجي تعيش معانا في القاهره
جميله بابتسامه: بجد دا احسن حاجه عملتها
جاسر بابتسامه: كنت عارف انك هتفرحي
جميله بابتسامه وهي بتتمشي ع البحر : طبعا لازم افرح دي رورو حبيبتي
جاسر بابتسامه : طب وانا
جميله باستغراب : يعني اي انت اي
جاسر بابتسامه: يعني رورو حبيبتك وانا اي
جميله بابتسامه حب : انت حبيبي طبعا
جاسر وهو بيتنهد بشوق : انا بقول نستني فعلا لما تبقي قدامي احسن وتقولي الكلام الحلو دا لاني فعلا مش قادر استحمل

جميله بضحك: هههههه والله انا قولت كدا قالوا اطلعوا من البلد

جاسر بضحك:هههههههههههههه لا نستني احسن

جميله بابتسامه: ماشي ، يلا بقاا انا هقفل عشان رايحه دلوقتي

جاسر بابتسامه: ماشي ي حبيبتي ولما تخلصي كلميني انا هفضل سهران لحد مااطمن انك خلصتي المهمه ع خير

جميله بابتسامه: لا نام انت ي حبيبي انا ممكن اقعد لحد الصبح

جاسر بحنان : وانا بردوا هفضل لحد مااطمن عليكي

جميله بابتسامه: ماشي

جاسر بابتسامه: ماشي ي حبيبتي سلام

جميله بابتسامه: سلام

عند ادهم
ادهم بحب : عامله اي

اسيل بحزن: مش كويسه وانت بعيد عني

ادهم بحنان : غصب عني والله ي حبيبتي بس اوعدك هخلص المهمه باسرع وقت عشان ارجعلك بسرعه

اسيل بشوق : ياريت عشان انت وحشتني اووي

ادهم بابتسامه حب : حاضر ي حبيبتي يلا تصبحي ع خير

اسيل بحب : وانت من اهله ي حبيبي

💖💖💖💖💖💖💖💖💖💖
خلصت جميله مكالمه ولقت رساله اتبعتتلها لكن ادهم كان جيه عشان يمشوا ضروري فقفلت فونها وحطتوا في جيبها وراحوا القصر تاني ونطوا من ع السور واتسحبوا براحه والقصر كان ضلمه راح ادهم من ناحيه وجميله من الناحيه التانيه وبيتابعوا مع بعض ع السماعه
نطت جميله من الشباك ودخلت اوضه كانت فاضيه خرجت منها وشافت بودي جارد واقف بعيد راحت ناحيته وهو مديها ضهره ضربتوا جميله بضهر المسدس اغم عليه وفتحت اوضه ورا اوضه ومكنش فيه حد وطلعت فوق لقت اتنين بودي جارد بعيد واقفين عند اوضه شكت انها فيها البنت ودخلت اوضه بعيد عن الاوضه دي ونطت من الشباك ومشيت ع السور ونطت ع شباك الاوضه الي واقف البودي جارد عندها ودخلت كانت البنت موجوده
جميله وهي بتكلم ادهم ع السماعه : ادهم لقيت البنت
ادهم وهو حاطط ايده ع السماعه بيسمعها : انتي فين طيب اجيلك

جميله بصوت واطي : انا عند اوضه من ناحيه الجنينه

ادهم : طيب انا جايلك

جميله بصوت واطي : ماشي
دخلت جميله للبنت
البنت بدموع وطفوله : انتي مين
جميله بحنان وهي تمسح دموعها : انا جميله و جايه اوديكي عند بابا
البنت بسعاده وسط دموعها : بجد يعني انا هشوف بابا
جميله بحنان وصوت واطي : اه ي حبيبتي بس عشان تشوفي بابا لازم نخرج من هنا ومتعمليش صوت ابدا
البنت بطفوله : حاضر مش هتكلم خالص

جميله بابتسامه وصوت واطي : شطوره
فكتها جميله وشالتها وراحت عند الشباك لكن المسافه كانت بعيده دورت ع اي حاجه تنزل عليها لحد شافت الحبل الي كانت البنت مربوطه بيه نزلت البنت ع الارض و خدت الحبل وربطتوا في حديده جامده ونزلتوا ع الجنينه ولقت ادهم واقف تحت شاورتله ورجعت للبنت

جميله بحنان وصوت واطي للبنت : حبيبتي ممكن تنزلي ع الحبل دا وتمسكي فيه كويس وفيه عمو تحت هيمسكك ومتبصيش ع تحت

البنت بطفوله وهي تهز راسها : حاضر

مسكت البنت الحبل ونزلت عليه بخوف وجميله ماسكاها بحذر والبنت كانت خايفه ونزلت وادهم لحقها ومسكها

جميله اتنهدت براحه لما لقتها نزلت بسلامه

جميله وهي بتكلم ادهم ع السماعه بصوت واطي : ادهم احنا كدا مش هنقدر ننط من ع السور بيها كلم الطيار يجيب الطياره الهيليكوبتر ع السطح

ادهم وهو يضع يده ع السماعه وماسك البنت ويتحدث : مش هينفع ي جميله خلينا نمشي بسرعه اي ثانيه بنقعدها هنا فيه خطر ع البنت وعلينا والطياره هتخلي الكل ياخد بالو وكمان هو اصلا مستنينا في المكان الي نزلنا فيه

جميله : طيب

نزلت جميله ع الحبل لحد ما وصلت للارض وشالت جميله البنت واتسحبوا هي وادهم لحد السور لكن لقوا بودي جارد ظهر ضربوا ادهم ولف دماغوا مات في وقتها و فجاه انوار القصر كلها اتفتحت
جميله بسرعه : ادهم اطلع بسرعه وخد مني البنت وانا هطلع وراك
ادهم بسرعه: ماشي بس تطلعي ورايا ع طول
جميله بسرعه : ماشي يلا
طلع ادهم ع السور وخد البنت من جميله ونط وجميله لقت حراس كتير جايين ناحيتها ،طلعت بسرعه ع السور ونطت من ع السور
جميله بسرعه : يلا بسرعه
شال ادهم البنت وجري وجميله بردوا بتجري كانوا حراس كتير بيجروا وراهم
وصلوا عند المكان الي نزلوا فيه وكانت الطياره موجوده
ركبوا وطارت ع طول والبودي جارد فضلوا يضربوا بالنار وادهم ضرب بالنار وقدر يصيب كذا واحد منهم واتصاب برصاصه في كتفوا بعدوا خالص عن المكان واتنهد ادهم بتعب وهو ماسك كتفوا مكان الرصاصه
جميله بسرعه ل طيار : خلينا تروح اي مستشفي الاول قبل ما نسافر
ادهم وهو ماسك كتفوا وبيحاول يتحمل : لا ي جميله مينفعش لو روحنا المستشفي هيعرفوا مكانا
جميله مسكت كتفوا وبتشوف الاصابه: بس انت بتنزف ي ادهم مينفعش
ادهم بتعب وبدا يعرق: فيه علبه اسعافات هنا خرجيها انتي
جميله بدهشه: بتهزر اخرجها انا ازاي
ادهم بتعب وبيجز ع سنانه بالم : جميله انتي مدربه ع كل دا و عارفه ازاي وهتقدري تعمليها

كانت البنت بتعيط : عمو انت متعور

ادهم بحنان وهو بيحاول يتحمل الالم : متخافيش ي حبيبتي مفيش حاجه

جميله : طب احنا كدا لازم ننزل في اي مكان عشان اقدر اشيل الرصاصه واعقمها

ادهم بتعب : طيب خلينا نبعد بس الاول

بعدوا شويه عن المكان ونزلت الطياره في مكان اشبه بالغابه وسندت جميله ادهم وخرجوا بره الطياره وخلت البنت في الطياره والطيار جمع خشب وولع نار وحط سكينه و جميله خدت علبه الاسعافات وراحت لادهم وفكت القميص الي لابسو وفتحت العلبه وقدرت تشيل الرصاصه بحذر شديد وهو كان بيضغط جامد ع قماشه ،اتنهدت جميله بعد ما شالت الرصاصه وهي تتصبب عرقا
ادهم بتعب شديد : عقميها
جميله وهي بتحاول تتماسك: حاضر
خدت جميله السكينه وهي سخنه جامد وحطتها مكان الرصاصه بحذر وصرخ ادهم من الالم لكن كتم صرخته وهو بيضغط ع القماشه الي ع سنانه سابت جميله السكينه بعد ما عقمت الجرح ولفت مكان الاصابه بشاش وربطتها ولبستوا القميص تاني
جميله اتنهدت بتعب: خلصت
ادهم بتعب :طيب خلينا نركب عشان نرجع بسرعه احنا مينفعش نقعد اكتر من كدا
جميله وهي تسندوا : طب يلا
سندتوا جميله وركبوا الطياره تاني واقلعوا والبنت معاهم
ادهم بتعب : كلمي سياده اللواء ي جميله بلغيه
جميله:ماشي
جميله كانت بتدور ع فونها لكن مش لقياه
ادهم باستغراب وسط تعبه : في اي
جميله باستغراب : مش لاقيه تليفوني شكلوا وقع مني و احنا بنجري
ادهم بتعب : طب خدي تليفوني
جميله : ماشي
خدت جميله فون ادهم وبلغت سياده اللواء
وصلوا القاهره وكانت الساعه ٧ وكان مستنيهم سيف و وزير الداخلية وبعض الظباط والحراس
جريت البنت ع باباها اول ما شافتوا وهو خدها في حضنه بحنان وسعاده
البنت بفرحه وطفوله : وحشتني اووي ي بابي
الوزير بابتسامه حنان : وانتي كمان كنتي وحشاني اووي ي روح بابي

شالها الوزير وراح ناحيه جميله وادهم
الوزير بامتنان: انا مش عارف اكافئكوا ازاي ع الي عملتوا دا
جميله بابتسامه: احنا معملناش غير وجابنا ي فندم المهم سلامه البنوته الصغيره
ادهم بابتسامه وهو ماسك كتفوا بالم: ايوا ي فندم احنا معملناش غير الواجب
الوزير بابتسامه: بس بردوا لازم اكافئكوا عشان كدا هتاخدوا اجازه ترتاحوا فيها انا عارف المهمه كانت صعبه عليكوا ومكنتش سهله
ادهم وجميله بابتسامه: شكرا لحضرتك ي فندم
الوزير بابتسامه: مفيش شكر دي اقل حاجه اقدمهالكوا ع الي عملتوا دا انتوا انقذتوا بنتي وغير انكوا قدرتوا تكشفوا المساعد بتاعي وقبضنا عليه والشخص الي معاه

ابتسم ادهم وجميله وادوا التحيه العسكريه وابتسم الوزير وخد بنتوا وركبوا العربيه والحراس وراه بعربيه الحراسه

سيف بجديه: حمدلله ع السلامه ي شباب و دلوقتي زي ما الوزير قالكوا انتوا في اجازه ارتاحوا وانت بردوا ي ادهم تكون خفيت وايديك اتعافت

ادهم بابتسامه: تمام ي فندم

ركب سيف العربيه واتحرك ،
جميله بابتسامه: يلا خليني اوصلك
ادهم بابتسامه : لا انا كويس روحي انتي واانا هسافر اسكندريه
جميله باستغراب : تسافر ازاي وانت متصاب
ادهم بالامبالاه: عادي دي في ايدي الشمال هقدر اسوق عادي
جميله بابتسامه: طيب وانا بردوا هسافر الصعيد بما اني خدت اجازه بقاا بس لو جاسر رن عليك قولوا اني في الفيلا او في الشغل مش عايزك تقولوا اني رايحالوا الصعيد عايزه اعملهالوا مفاجاه
ادهم بغمزه: ايوا ي عم الله يسهلوا
جميله بضحك:هههههه تصدق حلال فيك الرصاصه امشي ي ادهم روح لاسيل
ادهم بضحك: ههههههههههه ماشي ي ستي يلا سلام
جميله بابتسامه: سلام
ركب ادهم عربيته واتحرك وجميله ركبت عربيتها ورجعت الفيلا خدت شاور ولبست

ونامت
💖💞💖💖💖💖💖💖💖💖💖
عند ادهم ركب عربيته وسافر اسكندريه بعد ثلاث ساعات وصل وهو تعبان جداا لكن كان بيحاول يخفي دا راح بيت اسيل وطلع خبط وفتحتلوا اسيل واتصدمت من شكلوا
اسيل بصدمه وعينيها لامعه بالدموع: اي الي حصلك
ادهم وهو بيحاول يخفي الالام : دي اصابه بسيطه ي حبيبتي
جت روفيدا في اللحظه دي وشافت ادهم وشهقت بصدمه
ادهم بمزاح : هو انا شكلي يخوف اووي كدا
روفيدا بذهول : مين الي عمل فيك كدا
ادهم بمزاح وضحك : هو انا جايلكوا بالملايه ولا اي دي اصابه ي جماعه والله
ضحكت روفيدا واسيل وسط دموعهم وسندتوا اسيل ودخلتوا اوضتها ونام ع السرير بتعب وهي قلعتوا الجزمه ونيمتوا براحه اكبر ع السرير وهو اتنهد بتعب وهي كانت بتعيط شاورلها تيجي جنبه راحت نامت جنبه وهي بتعيط
ادهم بحنان وهو بيشاور ع دموعها : ممكن اعرف ليه الدموع دي مانا كويس قدامك اهو محصليش حاجه
اسيل بدموع : كويس فين وانت متصاب
ادهم بابتسامه حب وهو يمسح دموعها : دي اصابه بسيطه ي حبيبتي وانا قاعد قدامك اهو و كويس
اسيل وهي تنظر له : يعني انت كويس
ادهم بابتسامه حب : ايوا كويس بس محتاج انام ،انا منمتش من امبارح
اسيل برقه وحنان : طيب ي حبيبي ارتاح
ادهم بحب : انا عايزك تنامي في حضني
اسيل بابتسامه حب : بس كدا ماشي انا اصلا بصراحه منمتش زيك من امبارح مقدرتش انام وانت مش جنبي
ابتسم ادهم بحب وخدها في حضنه وهي نامت في حضنه وهي حاسه ان روحها رجعتلها تاني

تاني يوم صحيت جميله الساعه ٥ المغرب خدت شاور ولبست وحضرت شنطه سفر صغيره

ونزلت ركبت عربيتها واتحركت لصعيد
💖💖💖💖💖💖💖💖💖💖💖
عند جاسر كان هيموت من القلق وهو منامش من امبارح ومستني يطمن عليها

وهو عمال يرن ع جميله وفونها مقفول لحد ما افتكر ان ادهم معاها رن عليه

عند ادهم كان نايم واسيل نايمه جنبه رد ادهم ع الفون بانزعاج
ادهم بنعاس : الو
جاسر بلهفه : ادهم هي جميله فين
ادهم افتكر ان جميله قالتلوا ميقولش انها هتسافر الصعيد : جميله في الفيلا دلوقتي احنا خلصنا المهمه ورجعنا
جاسر بقلق: طب وفونها مقفول ليه
ادهم : عشان وقع منها و احنا بنجري
جاسر : يعني هي كويسه
ادهم : ايوا كويسه
جاسر اتنفس براحه:طيب شكرا ي ادهم و معلش لو كنت ازعجتك
ادهم بابتسامه: لا مفيش ازعاج ولا حاجه انت تتصل في اي وقت
جاسر بابتسامه: شكرا ي ادهم
ادهم بابتسامه: العفوا
قفل جاسر مع ادهم وفي اللحظه دي سمع خبط ع الباب سمح بالدخول وكانت رنا
رنا : جاسر حمزه صاحبك تحت
جاسر باستغراب : حمزه
رنا بتاكيد: اه
جاسر باستغراب : طيب انا جاي دلوقتي ثم اكمل بامر وانتي ادخلي اوضتك متخرجيش منها غير بالحجاب ولبس محترم
رنا : ماشي
خرجت رنا وجاسر خرج وراها وهو مستغرب مجيت حمزه نزل تحت وسلم عليه
جاسر باستغراب : خير ي حمزه قلقتني
حمزه بابتسامه: خير ي بني في اي انا كنت جايلك بس عشان فيه ملفات لازم امضتك عليها وكمان لازم تتمضي بسرعه عشان تتسلم في معادها
جاسر باستغراب : معقوله جاي لحد هنا عشان الملفات طب ما كنت خليت عبدالرحمن يمضي
حمزه : اولا مينفعش عبدالرحمن لان مينفعش اي حاجه تدخل او تخرج من غير امضتك انت لان نسبه الاسهم انت الاعلي وكمان عبدالرحمن مبيروحش الشركه من امبارح
جاسر باستغراب : يعني اي مش بيروح الشركه من امبارح امال هو فين
حمزه : هو اتصل بياا امبارح الصبح وقالي انو مش هيجي عشان عندو مشوار
جاسر باستغراب : مشوار اي
حمزه : معرفش
جاسر وهو بيقعد ع الكرسي وحمزه قعد قداموا : طب فين الملفات الي عايزه تتمضي
حمزه وهو يعطيه الملفات : اهي
خد جاسر منو الملفات ومضاها وادهالوا تاني
حمزه وهو يقف : طب استاذن انا بقاا
جاسر وقف قصادوا : تستاذن فين لا طبعا هو انت هتيجي المشوار دا كلوا عشان ملفات انت هتبات هنا مش هتسافر
حمزه باعتراض : مينفعش عشان الشركه
جاسر بحزم: لا ينفع انا هتصل بالامن يدوا اجازه للموظفين بكره مش مشكله مجتش من يوم لحد ما اعرف عبدالرحمن فين ودا قرار نهائي
حمزه بقله حيله : انا عارفك لما بتصمم ع حاجه لازم تتنفذ
جاسر بابتسامه: طب كويس انك عارف يبقي متعارضش كتير
حمزه بابتسامه: ماشي ي سيدي ثم اكمل بمزاح. ها بقاا هتغدوني اي
جاسر وهو يطرد حمزه بمزاح : لا انا خلاص غيرت راي روح ي حمزه الشركه مينفعش تسيبها
حمزه بضحك: ههههههههههه لا انا خلاص مصدقت هاخد اجازه من الشركه
جاسر بضحك :ههههههههههه هو انا كنت بعذبك ولا اي
حمزه وهو ينظر له بسخريه : انت لا لسمح الله هو حد يقدر يقول حد
جاسر وهو يعقد حاجبيه : حاسس انك بتتريق
حمزه بتاكيد : لا اتاكد انا فعلا بتريق
جاسر وهو يقترب منه ويشمر ايديه وهو يستتد للكمه : طيب انا هوريك التريقه
حمزه بتمثيل الخوف وهو يبتعد عنه : لا انت صدقت ولا اي انا بهزر ي رمضان مبتهزرش ولا اي
جاسر بسخريه: لا بهزر ي اخوياا
حمزه بمزاح وهو يسند يده ع كتف جاسر : مقولتليش بردوا عاملين اكل اي
جاسر وهو ينظر لايد حمزه الي ع كتفه وهو يرفع حاجبه :انا نفسي معرفش عاملين اكل اي ي اهبل
حمزه بمزاح : لا انت لازم تعرف هو انا هاكل كدا من غير مااعرف
جاسر بسخريه : دا ع الاساس انو بيفرق معاك
حمزه بمزاح : لا مش بيفرق بس من باب العلم بالشئ
جاسر بضحك: طب اطلع ي اخوياا غير وانزل يكون الغداء جاهز
حمزه بمزاح : طب مش هتوريني اوضتك ولا هخمن انا
جاسر بسخريه : دا ع الاساس انك اول مره تيجي هنا وتدخلي اوضتي
حمزه بضحك: لا بصراحه كتير بس يمكن تكون غيرتها ولا حاجه
جاسر بضحك: لا ي اخويا مغيرتهاش هي هي
حمزه بابتسامه: طب اذا كان كدا ماشي يلا انا طالع بس شوف فيه حد خالع راسوا ولا حاجه
جاسر وهو بيبصله بقرف: خالع راسوا ي معفن ،حسن ملافظك ي زفت ،مفيش حد ي اخوياا خالع راسوا اتفضل اطلع
حمزه بضحك: ههههههههه ماشي
طلع حمزه غرفه جاسر ودخل خد هدوم من دولابه ودخل خد شاور وخرج ونزل كان الغداء جهز والعمده رحب بيه وقعدوا يتغدوا وسط مزاح حمزه وهما بيضحكوا وجاسر كان سرحان في جميله وحشته ونفسوا يسمح صوتهاويطمن عليها هو اطمن انها بخير بس عايز يتاكد منها وخد بالو العمده منه
العمده باستغراب : سرحان في اي ي جاسر
جاسر فاق من سرحانه ع صوت باباه : هاا مش سرحان ي بابا مفيش
الام بسخريه : تلاقيها منكده عليه ولا رافضه انها تيجي هنا ما هو البيت مش قد مقام البرنسيسه

جاسر بحده : انا محترم وجود ابويا و انك في يوم من الايام كنت بناديلك امي لكن هتلغطي في جميله او تجيبي سيرتها فا انا مش هسكت ابدا

العمده بحده وغضب : انا قولتلك كذا مره متدخليش في الي ملكيش فيه انتي هنا عشان رنا وبس يعني متتكلميش

الام بغضب : يعني انت موافق ع رده عليا كدا

العمده بغضب : لاخر مره بحذرك ملكيش دعوه

الام بغل : ماشي

عم السكوت عليهم وقام جاسر وهو متعصب والعمده بردوا والام اتعصبت وقامت فضل حمزه ورنا
قامت رنا وهي بتعيط وحمزه بردوا قام وراهم وخرج برا الاوضه وجاسر طلع اوضته وطلع حمزه ورا ودخل جاسر وحمزه الاوضه
حمزه باستغراب : مالك ي جاسر حاسك مش ع بعضك في اي
جاسر بضيق : مفيش ي حمزه
حمزه وهو مركز في ملامحوا : مفيش ازاي انت شكلك متعصب جدا ومضايق اي الي مضايقك احكيلي

جاسر بتنهيده:جميله مش عارف اوصلها

حمزه باستغراب: ازاي مش عارف توصلها

جاسر : تليفونها مقفول ومش عارف هي عامله اي ولا حتي فين بالظبط

حمزه : طب استني لما تفتحوا واطمن عليها هي اكيد كويسه لان لو كان حصلها حاجه كنا عرفنا

جاسر : مش هتفتحوا الفون ضاع منها وهي بتجري في المهمه الي راحتها

حمزه : طيب المهمه الي راحتها دي فيه حد معاها

جاسر : ايوا ادهم معاها

حمزه : طب ما هي محلوله اهي اتصل بيه واطمن عليها

جاسر بتنهيده: اتصلت وبيقولي في الفيلا وقال انها كويسه

حمزه باستغراب : طب امال انت مضايق ليه

جاسر بضيق:عشان مش بحب تبقي تايهه كددا انا دلوقتي مش عارف انام عشان مش عارف هي نامت ولا لا انا قولتلها مش هنام غيرلما اطمن عليها

حمزه :طب ما انت اتطمنت

جاسر بزهق:عايز اسمع صوتها واتاكد ي حمزه ارتاحت
حمزه بابتسامه :طيب خلاص انا اسف تعالي نقعد برا في الجنينه اهو تشم شويه هواء

جاسر بهدوء:ماشي
خرجوا برا الاوضه والبيت وقعدوا في الجنينه

عند ناديه دخلت بيت العمده ودخلت المطبخ كانت مامت جاسر موجوده
ناديه باستغراب:امال جاسر فين ي عمه مش شيفاه
الام بضيق:في الجنينه هو وصاحبه
ناديه باستغراب :صاحبوا مين
الام:حمزه
ناديه باستغراب :انا مشوفتش حمزه قبل كدا دا
الام :عشان كان بيجي وانتي مش بتكوني موجوده
ناديه بغيظ: طيب هو حمزه صاحبوا هينام فين
الام باستغراب : اشمعنا
ناديه بتوتر: عادي بسال
الام بالامبالاه: اكيد هينام في اوضه الضيوف
ناديه بفرحه : طيب ي عمه انا الي هعمل ل جاسر القهوه بايدي وكمان اعمل لصاحبه
الام استغربت فرحتها لكن معلقتش : ماشي بس صاحبوا بيشرب نسكافيه مش قهوه
ناديه : ماشي
خرجت الام وعملت ناديه القهوه وحطت حبوب من غير ما حد ياخد بالو وعملت النسكافيه وخرجت الجنينه
ناديه وهي بتحط الصينيه ع التربيزه الي في الجنينه: القهوه ليك ي جاسر والنسكافيه الاستاذ

حمزه بهيام وهو ينظر لها : اسمي حمزه

ناديه استغربت نظراتوا : والنسكافيه ي استاذ حمزه

حمزه بابتسامه: ليه استاذ انا اسمي حمزه بس

بصلوا جاسر باستغراب
جاسر بحده: روحي ي ناديه مش حطيتي القهوه خلاص اتفضلي
ناديه بتوتر : ماشي
مشيت ناديه وهي بتسرع في مشيتها بتوتر
حمزه بغيظ: انت بتزعقلها ليه هي عملت حاجه غلط
جاسر بغضب : بقولك اي ،، انا مش ناقصك خالص فا اخرس احسن
حمزه بغيظ : خلاص خرست اهو ربنا ع الظالم والمفتري
بصلوا جاسر بغضب وكان لسه هيقوم يضربوا
حمزه وهو يمسك يده بدفاع : وحيات ابوك ما انت قايم خلاص بهزر
قعد جاسر وهو ينفخ بغضب وخد النسكافيه يشربوا
حمزه وهو بيشاورع النسكافيه : ع فكره النسكافيه دا لياا انا
بصلوا جاسر بحده
حمزه وهو ياخد القهوه بخوف وهو بيهزر : حد قالك اني بحب القهوه ع فكره بتبقي مفيده لصحه جدا

سكت جاسر وشرب النسكافيه وحمزه شرب القهوة
بعد وقت حس حمزه بالنعاس
حمزه بنعاس : طب انا هطلع انام بقاا تصبح ع خير
جاسر : وانت من اهله
طلع حمزه غرفه جاسر ونام وجاسر راح اسطبل الخيل وخد حصانه واتمشي بيه شويه

عند ناديه كانت في اوضه رنا وسمعت صوت قفل باب اوضه جاسر
ناديه بتمثيل : انا تمشي بقاا ي رنا عشان اتاخرت اووي
رنا وهي تنظر للفون : ماشي ي ناديه
خرجت ناديه واتسحبت ودخلت اوضه جاسر كانت الاوضه ضلمه خالص قلعت هدومها ونامت جنبوا وحطت ماده حمرا ع السرير وقلعت ل حمزه التيشيرت كل دا وهي فاكراه جاسر لان جسم حمزه نفس جسم جاسر بنفس القوه والعضلات الفرق بينهم ان جاسر جاد لكن حمزه بيحب الهزار والضحك لكن في غضبه بيكون زي الثور الهايج و نامت ناديه في حضنه وهي مش قادره تصدق انها نايمه جنب جاسر وفي حضنه دلوقتي
💖💖💖💖💖💖💖💖💖💖💖💖
بعد وقت
عند جاسر رجع البيت وطلع ولسه هيدخل الاوضه حد حط ايده ع عينيه عرف هي مين من لمسه ايديها
جميله بابتسامه وهمس وهي حاطه ايديها ع عينيه : انا مين
جاسر بابتسامه حب وهو مغمض عينيه : مش محتاجه كلام انتي ملاكي
جميله بابتسامه وشالت ايديها من عينيه : صح
لفلها جاسر وخدها في حضنه
جاسر بشوق : وحشتيني اوووي
جميله بحب : وانت كمان وحشتني اوووي ،مقدرتش استحمل ابعد كل دا واول ما خلصت المهمه جيت ع طول وقولت اعملهالك مفاجاه بس بصراحه انا خالفت وعدي معاك انا نمت من غير ما اتصل اطمنك او اقولك اي حاجه

جاسر بحنان ورقه : مش زعلان منك ي حبيبتي كفايه اني شوفتك قدامي دا بالدنيا كلها

جميله : بس انت منمتش من امبارح بسببي

جاسر بخبث وهو يضمها لحضنه : ما دا هعاقبك عليه بس وانتي في حضني ، هعاقبك ع خوفي عليكي وقلقي وانا هموت عشان اطمن واعرف انتي كويسه ولا لا

جميله بابتسامه وهي تضع يدها حوالين رقبته بدلال : وانا موافقه ع عقابك

جاسر بغمزه : طيب احنا هنفضل نتكلم هنا

جميله بضحك: هههههههه الي انت شايفوا

جاسر بخبث وهو يغمز : انا شايف ان احنا نروح الاوضه احسن بدل ما نتمسك اداب هنا

جميله ضحكت وبرقه قربت منو : متقلقش معاك حصانه يعني مش هتتمسك اداب

جاسر بخبث : ع ضمانتك

جميله بضحك: ههههههههههه من ناحيه البوليس ع ضمانتي لكن من ناحيه العمده فا دي ع ضمانتك انت انا مليش دعوه

جاسر ضحك: لا دي بصراحه مش ضامنها ابدا ابوياا لو شافنا كدا مش بعيد يضربنا بالنار

جميله بضحك: طب خلينا ندخل الاوضه

جاسر بابتسامه: لا تعالي نروح اوضه الضيوف عشان حمزه نايم في اوضتي

جميله باستغراب : حمزه هنا

جاسر بابتسامه: اه كان جاي عشان امضي ع ملفات مهمه ولازم تتمضي عليها

جميله باستغراب : طب وعبدالرحمن ممضاش ليه مكانك

جاسر : مينفعش الامضاء في الملفات دي لازم مني انا

جميله بابتسامه ورقه : طب انا موحشتكش ولا اي

جاسر بحب : وحشتيني بس دي كلمه قليله اووي انا مش عارف اوصف اشتياقي ليكي ،ثم اكمل بغمزه : بس انا هوريكي كل حاجه عملي احسن

ضحكت جميله وهو شالها وهو بيبتسم بحب وشوق وراح اوضه الضيوف ونيمها جاسر ع السرير حاولت تقوم لكن مسكها جاسر
جاسر باستغراب : رايحه فين
جميله :هغير هدومي
جاسر بخبث : احنا مش هنحتاج هدوم اصلا ي حبيبتي ،انتي جيتي لحد عندي وانا لازم اخد حق لهفتي وخوفي عليكي
جميله بابتسامه: طب مانا جنبك مش هبعد يعني ارتاح ونام وبعد كدا ابقي خد حقك
جاسر بخبث وهو يقترب منها : لا انا راجل بحب اخد حقي في وقته مش بحب استني
💖💖💖💖💖💖💖💖💖
اسفه ع التاخير النهارده بس النهارده الخميس انتوا عارفين ان عندي جامعه ومكنش المفروض انزل بس انا نزلت عشان خاطركوا هو معلش متاخر بس البارت دا كتبتوا بمزاج عالي وكمان طولتوا شويه عن المعتاد ،اتمني يعجبكوا زي ما عجبني وانا بكتبوا 🙈😘😍