رواية احببت عنادك... بقلمي/هاجر هشام الفصل السادس وتسعون 96 - بقلم Hagar Hešhàm

في شركه جاسر
وصل حمزه ودخل مكتبه وبدا شغله
بعد وقت وصل جاسر ودخل مكتبه
جاسر وهو يضغط ع زرار : هدي بلغي حمزه اني عايزه دلوقتي ع مكتبي
هدي : حاضر ي فندم
اتصلت هدي ب حمزه وبلغته وهو قام راحلوا المكتب
جاسر بابتسامه: صباحيه مباركه ي عريس
حمزه بسخريه: دا ع الاساس ان حقيقه
جاسر بضحك: مش انت الي اصريت انك تتجوزها رغم اني عرفتك الحقيقه وقولتلك انك ملكش ذنب وان الموضوع بينا احنا الاربعه ومحدش هيتكلم ونقدر نخفي وكأن محصلش حاجه
حمزه وهو يقعد ع الكرسي قصاده: وانت كنت عايزني اسكت بعد الي حصل كان لازم انتقم لرجولتي
جاسر : وانا معترضتش بس خف شويه دي مهما كانت بنت عمي و عمري مااقبل اني اذيها
حمزه : حتي بعد الي عملتوا فيك وحاولت توقع بينك انت وجميله
جاسر : انا مستحيل اسامحها ع الي عملتوا وانها حاولت توقع بيني انا وجميله اكتر من مره بس انا سامحت امي الي حاولت تقتلني مش هسامح بنت عمي انا مقولتلكش سامحها انا بقولك خف شويه انا عارفك غشيم
حمزه بسخريه: لا انت الي حنين اوووي
جاسر لف بالكرسي وقام راح ناحيه حمزه : تحب تشوف الحنيه ي اخوياا
حمزه بمزاح : لا محبش ي اخوياا شكرا
جاسر بسخريه: طب يلا اخوياا روح شوف شغلك
حمزه بضحك: ماشي يلا روح شوف شغلك
جاسر باستغراب : انت اهبل مانا في مكتبي
حمزه وهو ينظر حواليه بمزاح : اي دا اه صح يعني كدا انا الي المفروض اروح مكتبي
جاسر وهو يشاورله ع الباب : برا ي حمزه
حمزه بمزاح : احم شكلي كدا بطرد
جاسر بتاكيد : لا انت فعلا بتطرد
حمزه بمزاح : طب كويس انك اكدتلي كنت محتاج اتاكد بصراحه
في اللحظه دي دخل عبدالرحمن
جاسر وهو يربع ايدو وبحده: ممكن اعرف الاستاذ كان فين بقالوا خمس ايام
عبدالرحمن بضيق : كنت في السجن
جاسر وحمزه اتصدموا
جاسر بدهشه: كنت فين
حمزه باستغراب : كنت في السجن ليه
عبدالرحمن حكالهم الي حصل كلوا ،راح جاسر ناحبته بغضب وضربه بالبوكس
جاسر بغضب : معقوله انت ي عبدالرحمن تعمل كدا انت اتجننت
حمزه وهو يمسك جاسر ويبعدوا عن عبدالرحمن: مش كدا ي جاسر كل حاجه هتتصلح
جاسر بغضب : هو اي الي يتصلح دا ضربها وشك فيها وهانها عايز اي يتصلح دا اللواء غلط انو خرجوا من السجن اصلا
عبدالرحمن بغضب والم: هو انت المفروض معايا ولا معاها
جاسر بغضب : معاها طبعا اقف معاك انت ع اي انت الي غلطان ازاي تسمح لنفسك انك تعمل كدا فيها وكمان بتعايرها انها وقفت قصاد باباها عشانك للاسف كانت فكراك راجل هتحافظ عليها متعرفش انك هتطلع وسخ

حمزه وهو يهدي الوضع : ي جماعه مينفعش كدا اقعدوا ونتكلم بهدوء

جاسر بغضب: انت هتجنني انت كمان هدوء اي الي نكلم فيه انت مش سامع ببقول اي هو خلاص طلقها يعني يبقي يقابلني لو شافها

عبدالرحمن بندم: بس انا لسه بحبها

جاسر بغضب: بتحبها ازاي وانت عملت فيها كل دا امال لو كنت بتكرهها كنت عملت اي

عبدالرحمن : ما انت حاولت تضرب جميله قبل كدا

جاسر بغضب : حاولت لكن مضربتهاش وكمان كانت وقت عصبيه لكن مشكتش فيها ولا عايرتها

عبدالرحمن : انا بردوا كانت وقت عصبيه محستش بنفسي كنت غيران عليها

جاسر بغضب: دي مش غيره دا شك انت شكيت فيها ورميتها انا وجميله مهما اتخانقنا او حصل ببنا مشاكل لكن كنا بنحلها مع بعض وبهدوء. ممكن نزعق اه في الاول لكن بنتكلم بعد كدا بهدوء لكن انت ضربتها اول مشكله بينكوا تكون بالشكل دا تهينها وتجرحها كدا

حمزه : خلاص ي جاسر كل الكلام دا ملهوش لازم هو ولا هيقدم ولا هياخر الموضوع حصل وخلاص

جاسر وهو يتنفس لغضب : فعلا الموضوع خلص وخلاص ملهوش لازمه الكلام

جاسر ل عبدالرحمن بغضب: وهي فين دلوقتي

عبدالرحمن : في المستشفى

جاسر بصدمه وغضب : لحد دلوقتي في المستشفى ليه انت عملت اي فيها

عبدالرحمن وهو ينظر للارض : عندها صدمه عصبيه

جاسر وهو يغلق عينيه بغضب ويفتحها : وانت عرفت منين

عبدالرحمن : انا روحتلها البيت اسال عليها لكن ملقتش حد موجود و واحده جارتهم هناك قالتلي انها في المستشفى روحت وسالت وعرفت حالتها

جاسر بحده: مستشفى اي

عبدالرحمن : مستشفى .........

جاسر بحده وهو ياخذ متعلقاته من ع المكتب وينظر ل عبدالرحمن : تخليك هنا متروحش في مكان لحد مااجي

عبدالرحمن بلهفه: هتخليها ترجعلي

جاسر بحده: لا طبعا مستحيل اقبل انها ترجعلك اصلا انا هطمن عليها اشوف هببت اي

خرج جاسر برا المكتب ونزل ركب عربيته وكلم جميله وهو بيسوق
جاسر بجديه: جميله انا قدامي ربع ساعه واوصل الفيلا تكوني جهزتي عشان هنروح مشوار
جميله باستغراب : مشوار اي
جاسر : لما اوصل هقولك وخلي رنا بردوا تجهز
جميله باستغراب : ماشي
قفل جاسر وبعد ربع ساعه وصل الفيلا
وركبت جميله قدام ورنا ورا واتحرك جاسر المستشفي
جميله باستغراب : في اي ي جاسر قلقتني
جاسر : هتعرفي لما نوصل
جميله بغضب ونفاذ صبر : ما تقول في اي ي جاسر هو سر انت قلقتني اكتر في اي
جاسر وهو ينفخ بغضب : ماشي. هقولك
حكالها جاسر الي عبدالرحمن قالهوله ورنا اتصدمت وجميله سكتت وملامحها كانت جاده
رنا شهقت بصدمه: معقوله عبدالرحمن يعمل كدا
جاسر : للاسف
جميله بسخريه: ليه للاسف ما مامتوا عملت اكتر من كدا وحاولت تقتلك تفتكر ابنها هيعمل اي بس تعرف هو فعلا للاسف لاننا كنا فاكرينوا مش زيها

جاسر بغضب : هو فعلا مش زيها هو مقدرش يسيطر ع عصبيته انا مش ببررله غلطته بالعكس انا كنت عايزوا يتحبس عشان يتربي ويعرف ان بنات الناس مش لعبه بس هو مش زيها

جميله بغضب : وانت اشعرفك انو مش زيها وانت اصلا مكنتش مصدق انها تعمل كدا

جاسر بغضب : لانو ندمان ع الي عملوا ونفسوا يرجعلها

جميله بغضب : ومين قالك انها هترجعلوا بعد الي حصل انت احمد ربنا انها جت ع الحبس والطلاق انا عشان عارفه سياده اللواء كنت هقولك اقرا الفاتحه ع اخوك لانو مكنش هيرحموا

جاسر بغضب : انا مقولتش اني عايزها ترجعلوا بالعكس انا مستحيل هقبل انها ترجعلوا بعد الي عملوا انا جبتك معايا عشان اطمن عليها لان ممكن سياده اللواء ميقبلش اني ادخلها

سكتت جميله ووصل جاسر المستشفي نزلوا الثلاثه ودخلوا المستشفى وسالوا ع سلمي وطلعوا الاوضه بعد ما قالتلهم الموظفه عليها

دخل جاسر وجميله ورنا الاوضه وكان اللواء سيف ونورهان قاعدين جنب سلمي الي كانت قاعده وهي ضامه رجليها ودافنه وشها

نورهان قامت بغضب وهي تتجه ناحيه جاسر : انت اي الي جابك مش كفايه الي اخوك عملوا جاي ليه

جاسر : انا جاي اطمن ع سلمي انا لسه راجع من الصعيد وعرفت انهارده باللي حصل

نورهان بغضب : لا كتر خيرك اطمن بنتي عندها صدمه عصبيه بسبب اخوك ومش بتتكلم من ساعتها اتمني تكون اطمنت

جميله اتصدمت وراحت ناحيه سلمي ورنا بردوا وهي بتطمن عليها وبيحاولوا يتكلموا معاها لكن هي ساكته

جاسر : انا عبدالرحمن حاسبتوا ع الي عملوا متفتكربش حضرتك اني رضيت باللي عملوا ،سلمي زي اختي وانا عمري ما هقبل بحاجه زي كدا تحصل لاختي

سيف : خلاص ي نورهان. ثم وجه كلاموا ل جاسر. : اقعد ي جاسر

جاسر : شكرا لحضرتك انا جيت اطمن عليها بس ولو محتاجين اي حاجه انا مستعد حتي لو هتسافر برا

سيف : هي لو محتاجه تسافر كنت سفرتها ي جاسر مش هستني لما تقولي

جاسر باحترام: مش قصدي حضرتك انا عارف انك تقدر بس الي كان السبب في حالتها اخوياا

سيف : واخوك خد جزاءه وخلاص هو طلقها ياريت تقوله يبعد احسن وميحاولش يوصلها

جاسر : وانا اوعد حضرتك انو مش هيتعرضلها ابدا ولا حتي هتشوفه صدفه

سيف : ماشي
في اللحظه دي دخل سليم بابتسامه المعتاده
سليم بابتسامه:صباح الخير
الكل : صباح النور
سليم باستغراب : هو حضراتكوا مين
جميله : احنا زمايلها في الشغل
سليم بابتسامه وهو يسلم ع جميله: اه اهلا تشرفنا
جميله وهي تسلم عليه: انا اكتر شكرا ي دكتور
سليم بابتسامه: العفوا
سلم سليم ع جاسر ورنا وبعد كدا سحب كرسي وقعد قصاد سلمي
سليم وهو ينظر لهم : معلش ممكن تسيبونا لوحدنا عشان اشوف شغلي
جميله : حاضر ي دكتور
خرجوا كلهم برا وجميله وجاسر ورنا نزلوا ركبوا العربيه واتحركوا

عند سلمي
سليم بابتسامه: ها ي سلمي مقررتيش حاجه

مفيش رد

سليم بابتسامه: طب ممكن ترفعي وشك عشان اعرف اتكلم وتقدري تردي

رفعت سلمي وشها وهو ابتسم وكمل

سليم بابتسامه: مزهقتيش من قعده المستشفى ونفسك تخفي وترجعي لشغلك

شاورت سلمي بمعني زهقت

سليم بابتسامه: طب دي حاجه كويسه ان بقاا عندك اراده عشان كدا لازم تساعديني عشان تخفي بسرعه

انتي خايفه ي سلمي يعني لو عبدالرحمن ظهر هتخافي منو

شاورت سلمي براسها بعنف بمعني لا

سليم : طيب انتي كدا عديتي مرحله الخوف وكمان كرهتيه يعني يعتبر كل ذكره جواكي ليه اتمحت اي بقاا مشكلتك دلوقتي

سلمي :مشكلتي ان مبقاش عندي ثقه في حد خلاص

سليم فرح انها بدات تتكلم وتحدث بابتسامه : دا شئ طبيعي بعد الي حصل بس مع الوقت هترجع ثقتك في الناس

سليم : طب انتي دلوقتي بتثقي في باباكي ومامتك

شاورت سلمي بمعني اه

سليم بابتسامه: طب اهي بسيطه يعني لسه عندك ثقه في حد الباقي هيبقي سهل اهم حاجه انك قدرتي تعدي مرحله الخوف بس احنا عايزين نسمع صوتك ع طول مش معقوله الصوت الحلو دا يسكت

سلمي : مش هيفيد بحاجه اني اتكلم

سليم بابتسامه: بالعكس هيفيد كفايه فرحه مامتك وباباكي لما سمعوا صوتك تاني

سلمي بوجع: مش هقدر خليني كدا احسن

سليم بابتسامه: ماشي خلاص خلينا نتفق اتفاق لو مش عايزه تتكلمي تقدري تكتبي هجبلك ورقه وقلم تكتبي فيه كل حاجه براحتك عايزه تقوليها

هزت سلمي راسها بمعني ماشي

💖💖💖💖💖💖💖💖💖
عند جاسر وصل جميله ورنا ورجع ع الشركه وكان عبدالرحمن وحمزه لسه في مكتبه واول ما دخل جاسر قام عبدالرحمن ناحيته بلهفه: روحتلها

جاسر وهو يرمي متعلقاته ع المكتب باهمال ويجلس ع الكرسي وهو باصص ل عبدالرحمن بحده وغضب : اه روحتلها

عبدالرحمن بلهفه: طب هي عامله اي

جاسر بغضب : يهمك في اي عامله اي ولا مش عامله اي مش انت السبب في الي جرالها اصلا

حمزه : وهو ندم ع الي عملوا ي جاسر بلاش تضغط عليه

جاسر بغضب : مش هيفيد بحاجه الندم ي حمزه هي خلاص كرهتوا ومستحيل هترجعلوا وانا وعدت باباها انه مستحيل يتعرضلها تاني ابداا

عبدالرحمن بغضب : وانت بتوعد من نفسك انا مليش دعوه بوعدك دا

جاسر بغضب : لا ليك وانت هتنفذ مستحيل هتتعرضلها وهترجع الصعيد ابوك محتاجك

عبدالرحمن بغضب وسخريه: والله دلوقتي ابوياا محتاجني ما كان الاول كنت عايزني اشتغل معاك هنا

جاسر بغضب : وانت كنت رافض وجيت هنا عشان سلمي وانت دلوقتي طلقتها يعني ملهاش لازمه تقعد

عبدالرحمن : وانا مش هرجع الصعيد انا هشتغل هنا وهنفذ وعدك ومش هقربلها لحد ما تخف بس وتبقي كويسه

جاسر بغضب : مفيش حاجه اسمها لحد ما تخف انت هتنفذ ع طول

عبدالرحمن : وانا قولتلك ماشي هنفذ عن اذنك
خرج عبدالرحمن ونفخ جاسر بغضب وهو يرجع بالكرسي ويتنهد بغضب

حمزه : مش كدا ي جاسر انت قسيت اوووي عليه

جاسر بغضب : قسيت اي ي حمزه انت مشوفتش سلمي عامله ازاي دي مبتتكلمش بسببوا جالها صدمه عصبيه بسببوا

حمزه : طب وجميله عملت اي لما عرفت

جاسر : اضايقت وافتكرت ان عبدالرحمن هيبقي زي مامتوا

حمزه. : لا مظنش ان عبدالرحمن يكون كدا ومتقلقش هو شكلوا بيحبها وندمان ع الي عملوا بس لازم يتربي الاول

جاسر : لا مفيش حاجه اسمها كدا اللواء مش عايزوا يشوفها نهائي ولا حتي صدفه وهي مش طايقه تسمع اسموا حتى

حمزه : لدرجه دي اذاها اوووي

جاسر : للاسف ايوا انا مش قادر اصدق ان عبدالرحمن طلع بالقسوه دي ازاي جالوا قلب يضربها بالشكل دا ،، دا كدا كمان وعدي خمس ايام يعني المفروض تكون الجروح قلت

حمزه : طب ما تحاول تاني ي جاسر هو شكلوا بيحبها بجد وندم

جاسر :الندم مش كل حاجه ي حمزه المفروض يصلح من نفسوا الاول قبل ما يرجعلها

حمزه :هو اكيد هيصلح من نفسوا

جاسر بتنهيده: لما نشوف

حمزه وهو يقوم : طب انا هروح مكتبي عايز حاجه

جاسر : لا شكرا ي حمزه

خرج حمزه وجاسر طلب نسكافيه وكمل شغل وهو حاسس بالضيق ع اخوه مضايق منو وعليه هو حاسس بوجعه وندمه بس مش هيقدر يعملوا حاجه هو الي غلط ولازم يتحمل نتيجه غلطته
اتنهد جاسر بتعب وقام نام ع الكنبه الي في المكتب وهو حاطط ايدو ع عينيه ونايم بتعب

خلص اليوم ورجع جاسر البيت وكانت رنا في اوضتها دخل جاسر اوضه رنا يطمن عليها وهي كانت صاحيه وكانت بتعيط راح جاسر ناحيتها وضمها بحنان
جاسر وهو يحضن خديها بين يديه بحنان وقعد ع السرير :ممكن اعرف اي سبب الدموع دي

رنا بدموع: مضايقه اوووي ع الي عملوا عبداارحمن مش قادره اصدق انو عمل كدا

جاسر اتنهد : ولا حد كان يصدق انو يعمل كدا بس متقلقيش ي حبيبتي انا هصلح كل حاجه ودا وعد مني بس لازم عبدالرحمن يتربي الاول عشان بعد كدا يحافظ عليها ويعرف انها غاليه ويفكر مليون مره قبل ما يمد ايدو عليها

رنا مسحت دموعها وبصتلوا : هو انا ممكن اطلب منك طلب

جاسر بابتسامه حنان : ممكن طبعا ي حبيبتي انتي تؤمري

رنا بتردد: عايزه اشتغل معاك في الشركه

جاسر بابتسامه: بس كدا ماشي ي ستي موافق. كمل باستغراب بس هتشتغلي اي

رنا بفرحه: انت ناسي اني خريجه تجاره انجلش

جاسر بابتسامه: خلاص من بكره هتستلمي شغلك في الحسابات وقريب بردوا فيه واحد هيستلم معاكي

رنا بابتسامه وهي تحضنه: حبيبي ي جاسر

جاسر وهو يضمها بحنان : انتي الي حبيبتي ي رنا
بعد جاسر عنها وباسها بحنان وخرج وهي ابتسمت ونامت
دخل جاسر اوضته ولقا جميله نايمه دخل الحمام خد شاور ولبس

وخرج نام جنبها
جاسر وقرب منها وبهمس : ع فكره انا عارف انك صاحيه فا ياريت متمثليش

جميله فتحت عينيها :انا فعلا صاحيه

جاسر وهو بيبصلها : ممكن اعرف بتعملي كدا ليه.

جميله باستغراب:بعمل اي

جاسر :حاسك اتغيرتي بعد موضوع عبدالرحمن يعني انتي كل مره مش بتنامي غير لما اجي وكنتي بتستنيني لكن انهارده مثلتي النوم وبتهربي مني

جميله اتقلبت وبصت لسقف واتكلمت : مش عايزه اضايقك بكلامي عشان متقولش اني بغلط في اخوك

جاسر مسكها ولفها ناحيته: طب وانتي ليه تغلطي في اخوياا انا عارف انو غلط وهو اعترف ب دا وندمان وانا مسامحتهوش وحذرتوا ميقربش منها بس بردوا انتي ليه بتدخلي الموضوع دا بينا

جميله : عشان الموضوع بينا فعلا انت دا اخوك وسلمي صاحبتي

جاسر : عارف دا بس احنا نقدر نتناقش مش نتخانق ونبعد

جميله : جاسر انا مخنوقه ومش عايزه اتكلم دلوقتي

جاسر اتقلب وبص لسقف واتنهد بزهق : براحتك ي جميله تصبحي ع خير

جميله ادتوا ضهرها ونامت : وانت من اهله

جاسر بردوا لف ونام وهما الاتنين ضهرهم لبعض

عند حمزه رجع الفيلا وكانت هاديه جدا مسمعش صوت ناديه دخل جوه لقاها نايمه ع الكنبه راح ناحبتها وهزها بقسوه وهي اتفزعت وقامت بسرعه

ناديه بخوف : في اي

حمزه بجمود : نفذتي الي قولتوا انهارده

ناديه : ايوا كل هدومك اتغسلت واتكوت ورتبتها في الدولاب

حمزه بجمود : والفيلا متنضفتش ليه

ناديه بتعب : الفيلا كبيره مقدرتش اعمل غير الجزء الي فوق وبكره هعمل الجزء التاني

حمزه بجمود : والاكل

ناديه : عملت الاكل ثواني احضرلك العشاء

حمزه بجمود : ماشي وانا هطلع اخد شاور وتطلعيلي. الاكل ع فوق

ناديه: ماشي
طلع حمزه اوضته خد شاور ولبس

وخرج في اللحظه دي دخلت ناديه وهي ماسكه صينيه الاكل
ناديه وهي تضع الاكل ع التربيزه :اتفضل العشاء

حمزه بجمود : لا خلاص خديه مليش نفس اكل

ناديه بغيظ : وليه خلتني احضر

حمزه ببرود: والله انا حر كان لياا نفس ودلوقتي مليش هو انتي هتحاسبيني

ناديه بغضب : لا انت قاصدها عايز تزلني وبس

حمزه ببرود: طب كويس انك عارفه يلا بقاا خدي الاكل واخرجي عشان عايز انام

ناديه بغيظ : ماشي

شالت ناديه الاكل وخرجت وقفلت الباب وراها وهو راح ناحيه السرير ونام

تاني يوم الصبح صحيت جميله خدت شاور ولبست

ونزلت حضرت الفطار ورنا نزلت  وهي لابسه

جميله باستغراب : انتي رايحه فين ي رورو

جاسر وهو نازل من ع السلم : رنا جايه معايا الشركه

جميله باستغراب : اشمعنا

جاسر : هتشتغل معايا احسن من قعدتها في البيت خصوصا انك انتي كمان رايحه شغلك وهي هتقعد لوحدها

جميله : امممممم ماشي  يلا عشان تفطروا

قعدت رنا وجميله يفطروا
جاسر ل رنا : رنا انا هستناكي في العربيه لما تخلصي فطار حصليني

جميله باستغراب : وانت مش هتفطر

جاسر : لا مليش نفس

جميله : طيب استني اعملك نسكافيه

جاسر : لا هشرب في الشركه

جميله باستغراب : طب ما تشرب هنا فيها اي

جاسر : شكرا مش عايز

جميله باستغراب : مالك ي جاسر انت بتعاملني كدا ليه

جاسر : والله السؤال دا المفروض تساليه لنفسك مش لياا

خرج جاسر برا وراح جراچ الفيلا ركب عرببته واستني رنا
فطرت رنا فطار سريع وهي تراقب جميله الي كانت متعصبه ومش بتاكل

رنا بابتسامه: جوجو انا مش عايزاكي تزعلي من جاسر هو بس مضايق عشان موضوع عبدالرحمن

جميله بابتسامه خفيفه : مش زعلانه ي حبيبتي انا عارفه ومقدره دا   المهم افطري انتي بسرعه عشان جاسر مستنيكي

رنا بابتسامه: انا شبعت الحمدالله

جميله بابتسامه: الحمدلله بالهنا والشفاا ي قلبي

رنا بابتسامه: تسلمي ي قلبي انا هروح بقاا عشان متاخرش وانهارده اول يوم مش عايزه يقولوا عشان اخت صاحب الشركه بتستغل دا وتيجي متاخر

جميله بابتسامه: دي عندك حق فعلا طيب يلا روحي عشان متتاخريش

رنا بابتسامه: ماشي ي حبيبتي يلا سلام

جميله وهي تعمل سندوتشات سريعه : استني خدي دول معاكي عشان يعني جاسر لو حب يفطر

رنا بابتسامه: انا قولت انك طيبه لكن  بتنكري دا

جميله وهي تعطيها السندوتشات : دي مش طيبه دا عشان اخوكي ميعملش حجه ويقول اني مش بهتم

رنا بابتسامه: ماشي ي ستي هعتبر نفسي مصدقاكي يلا سلام

جميله بابتسامه: سلام
خرجت رنا وركبت جنب جاسر وهو اتحرك ع طول
وجميله ندهت ع شوق تلم الاطباق وخرجت ركبت عربيتها وراحت ل سلمي  المستشفي

عند جاسر
جاسر باستغراب وهو بيسوق العربيه وبيشاور ع الشي الي في ايد رنا : اي دا

رنا بابتسامه: دي سندوتشات جميله عملتهالك عشان تاكل لما تجوع

جاسر ابتسم : جميله دي فظيعه بجد هو انا رايح رحله

رنا : يعني الحق عليها انها مهانش عليها انك تقعد من غير فطار

جاسر :انا مقولتش كدا بس ليه العند

رنا : هي معندتش هي مضايقه ع صحبتها

جاسر : يعني  شيفاني انا مبسوط مانا بردوا مضايق بس  انا مدخلتش دا في دا يعني حياتي مع جميله ملهاش دعوه  بمشاكلي مع عبدالرحمن

رنا :وهي مدخلتش حاجه بس زي ماانت  مضايق ع عبدالرحمن هي بردوا مضايقه ع سلمي واكيد مش هتعرف تبقي طبيعيه معاك وتضحك وتهزر وهي زعلانه ع صحبتها

جاسر : طب بطلي رغي وهاتي السندوتشات

رنا بغلاسه : لا مش هتاخدها مش انت بتتريق وتقول انك رايح رحله خلاص يبقي مش هتاخدها

جاسر : هاتيها ي زفته ملكيش دعوه انا ومراتي براحتنا

رنا وهي بتطلع لسانها : وانا وجوجو بردوا براحتنا

جاسر : ماشي وانا هقولها اني مخدتش حاجه منك ولا اعرف اصلا

رنا بضحك: هههههههههه خلاص خد اهو

اديتوا رنا السندوتشات وبعد وقت وصلوا الشركه طلعت رنا وجاسر مكتب جاسر
جاسر بجديه: هتروحي دلوقتي ل سكرتيره براا هي هتعرفك قسم الحسابات فين وهتوديكي بس خلي بالك انا معرفش ابوياا في الشغل

رنا بابتسامه وجديه: وهو دا الي انا عايزاه

جاسر بابتسامه: طب يلا روحي شغلك
في اللحظه دي دخل حمزه
حمزه باستغراب : رنا انتي بتعملي اي هنا
رنا بابتسامه: انا بشتغل بدات شغل من انهارده
حمزه بابتسامه: بجد الف مبروك 
رنا بابتسامه: االله يبارك فيك
حمزه بابتسامه: وهتشتغلي اي بقاا هنا
رنا بابتسامه: هشتغل في قسم الحسابات
حمزه بابتسامه: ربنا معاكي
رنا بابتسامه: ان شاء الله
جاسر : طيب يلا روحي انتي ي رنا
رنا بابتسامه:  ماشي
خرجت رنا لسكرتيره وهي خدتها وفهمتها الشغل وعرفتها مكتبها  وبدات رنا شغل

عند جميله قعدت مع سلمي حاولت تتكلم معاها كتير لكن  سلمي مكنتش بترد وجيه سليم قعد معاها ومشيت جميله راحت ل صلاح المستشفي لكن عدت ع الدكتور قبل ما تروحله الاوضه
الدكتور : هو بقاا  كويس واتعافي بشكل كلي وكدا يقدر يخرج ويمارس حياته عادي
جميله بابتسامه: بجد ي دكتور
الدكتور بابتسامه: بجد
جميله بابتسامه: يعني هو كدا يقدر يخرج امتي
الدكتور : انا هكتبلوا ع خروج بكره
جميله بابتسامه: شكرا لحضرتك ي دكتور
الدكتور بابتسامه: العفوا دا  شغلي
جميله بابتسامه: طب عن اذنك ي دكتور هدخلوا
الدكتور : اتفضلي
دخلت جميله ل صلاح
جميله بابتسامه: حمدالله ع السلامه ي صلاح
صلاح باستغراب : الله يسلمك  بس ع اي
جميله بابتسامه: انت خفيت خلاص وهتقدر تخرج من بكره
صلاح بسعاده: بجد يعني انا خلاص خفيت
جميله ابتسمت ع فرحته: ايوا خلاص وتقدر تستلم الشغل عند جاسر في اي وقت
صلاح بامتنان: انا بجد مش عارف اشكرك ازاي ي جميله انتي وجاسر بجد انتي وقفتوا جنبي في اكتر وقت الكل اتخلي عني فيه
جميله بابتسامه:مفيش شكر ولا حاجه انت انسان كويس ي صلاح وبعدين ربنا هو الي وقف جنبك احنا مجرد اسباب ربنا ببحطهم قدامك عشان يخرجوك من ازمتك ويرجعوك ل صح وانت خلاص رجعت فاضل تبدا شغل وتبقي كدا تمام

صلاح بابتسامه: ان شاء الله هبدا شغل فعلا وهتغير

جميله بابتسامه : وانا واثقه من دا 

قعدت جميله معاه اتكلموا شوبه وقعدوا يهزروا ويضحكوا وبعد وقت صغير قامت جميله نزلت ركبت عربيتها واتحركت وادهم كلمها
جميله وهي بتسوق : ايوا ي ادهم
ادهم : اي ي جميله انتي فين
جميله : انا في الشارع خير في حاجه
ادهم : ايوا ي ستي فيه انا قولت بما ان انهارده لسه اجازه فا انا عامل عزومه انهارده عندي في البيت
جميله باستغراب : بمناسبه اي
ادهم : من غير مناسبه وع فكره سياده اللواء جاي
جميله بفرحه: بابا
ادهم بابتسامه: ايوا ي ستي بابا يلا انا هستناكي انهارده انتي وجاسر
جميله بابتسامه: ماشي ي اخوياا
ادهم بابتسامه: يلا سلام
جميله بابتسامه: سلام
راحت جميله ل جاسر الشركه ودخلت المكتب
جاسر باستغراب : جايه ليه
جميله ببرود وهي تقعد ع الكرسي قصاده:وانت مالك هو انت بتكلمني
جاسر بحده: نعم
جميله ببرود:ايوا مش انت اتنرفزت الصبح ومردتش تفطر
جاسر بسخريه : والله يعني انا مجنون مثلا عشان اعمل كدا ماانتي الي قلبتي من امبارح ودخلتي موضوع عبداارحمن في حياتنا مع بعض
جميله : وانت كنت عايزني اعمل اي لما اعرف حاجه زي كدا اروح اخدوا بالحضن
جاسر بغضب : لا بس انا مش ع مزاجك وقت ما تكوني مضايقه تبعدي ودلوقتي جايه تقعدي
جميله ببرود: مين قال اني جايه عشانك انا جايه عشان اقولك ادهم عازمنا انهارده عندو
جاسر بتحدي : وانا مش رايح
جميله قامت وقفت :براحتك انا جيت عشان اقولك وانت حر تروح او متروحش  وع فكره بابا هيبقي موجود
جاسر : طب اقعدي
جميله: واقعد ليه ماانت مش عايز تروح انا جيت عشان اقولك بس لكن انا هروح
جاسر : خلاص ي اختي رايح
جميله بتحدي : بردوا براحتك انا مليش دعوه
جاسر قام وقف وراح ناحيه الباب وهو بيتكلم : عندك حق  هو فعلا براحتي

جميله استغربت هو هيعمل اي
قفل جاسر الباب بالمفتاح ورجع ل جميله وهو يضمها بتملك وهدوء
جاسر بخبث : كنتي بتقولي اي بقاا ي حبيبتي
جميله بتحدي وهي تحاول الافلات منو : كنت بقول اني رايحه لوحدي
جاسر بخبث وهو يغمزها : معقوله تروحي لوحدك عزومه وكمان فيها باباكي ومامتك من غيري طب يقولوا اي
جميله  بتحدي : عادي مش هيقولوا حاجه هقولهم انك مرضتش تيجي
جاسر بخبث : بس هما لو سالوني هقولهم اني راضي بس هي   الي راحت من غيري  وساعتها شكلك هيبقي وحش قدامهم
جميله : انت بتجبرني يعني
جاسر بخبث  : العفوا ي حبيبتي انا مقولتش كدا
جميله بغيظ:ماشي ي جاسر انا همشي وانت كدا كدا هترجع الفيلا عشان تغير ونروح سواء
جاسر بخبث وهو يغمزها :طب ليه تروحي لوحدك خليكي ونروح سواء حتي اعوض ليله امبارح الي كنتي مضايقه فيها انا مقدرش اسيبك مضايقه ي حبيبتي
جميله بتحدي : لا انا حابه اكون مضايقه ملكش دعوه
جاسر بخبث: طب يرضيكي نروح العزومه وانتي مضايقه دي كدا وحشه في حقي كا راجل
جميله بسخريه: وهي المصالحه بالنسبالك كدا وبس
جاسر بغمزه وهو يقترب من شفايفها برقه: لا فيه اكتر من كدا ي حبيبتي
جميله بعدت عنو :مش هينفع احنا في الشركه ي جاسر
جاسر بضيق : انتي الي عامله حجه الشركه انا قافل الباب بالمفتاح يعني محدش يقدر يدخل
جميله :ايوا عامله حجه الشركه لاني مش قادره اقرب موضوع عبدالرحمن عامل حاجز بيني وبينك حاسه ان في يوم من الايام ممكن تبقي زيو بس ساعتها انا مش هسمحلك ابدا
جاسر بغضب :طب وانا مالي هو انا الي ضربتها وبعدين انتي لدرجادي شيفاني زباله ممكن اعمل حاجه زي كدا
جميله : انا مش حكايه شيفاك اي انت حاولت تمد ايدك عليا قبل كدا كذا مره وساعتها قولت نفس الكلام انك مقدرتش تتحكم في اعصابك يعني زيك زيو انتوا الاتنين عجينه واحده
جاسر بحده:جميله خدي بالك انك بتتهميني وانا مش هسمح بكدا ابدا انا ايوا حاولت اضربك لكن معملتش كدا ومن ساعه ما وعدتك وانا بتحكم في اعصابي انتي بتقعدي تغلطي ودلوقتي بتتهميني بحاجه مليش ذنب  فيها وعماله تفتحي في القديم

جميله : هو متقفلش عشان يتفتح

جاسر وهو يكتم غضبه:ماشي ي جميله انتي حره مش انتي مش عايزاني المسك تمام وانا مش هلمسك انا راجل مبحبش افرض نفسي ع واحده حتي لو كنت بعشقها وانتي الي طلبتي دا

جميله:ع فكره انا مقولتش اني مش عايزاك تلمسني انا قصدي موضوع عبدالرحمن عمل حاجز انا مش قادره اخطيه

جاسر وهو مديها ضهره وحاطط ايدو في جيب بنطاله:عشان خليتي الشك يدخل بينا انتي دلوقتي شاكه اني ممكن في اي لحظه اعمل زي عبدالرحمن مش كدا وبتقولي اننا عجينه واحده

جميله وهي تقف قصاده:هي مش دي الحقيقه

جاسر بغضب:لا مش حقيقه لاني من ساعه ما وعدتك وانا ممدتش ايدي عليكي ولا حتي حاولت وانتي فكراني خايف منك لكن لا انا مش بخاف انا بحترمك ،بقدرك ،بقول مينفعش انا مش متجوزك عشان اضربك ولا اتحكم فيكي وانتي اي مشكله تبعدي وتقوليلي مش هتلمسني وبتستغلي حبي ليكي بطريقه غلط بتستغلي اني بحبك وبتبعدي بس لا ي جميله انا مهما كنت بحبك بس كرامتي فوق كل شئ

راح جاسر ناحيه الباب وفتحه ورجع قعد ع المكتب
جاسر وهو ينظر للملف : تقدري تمشي خلاص انا مش همنعك ولا هلمسك ولما اخلص شغل هعدي عليكي عشان نروح لادهم عشان محدش يحس بحاجه

جميله :لا شكرا انت مش مضطر تستحمل عشان حد انا هروح بعربيتي وهبقي اقولهم انك اتاخرت شويه في الشركه عشان كدا روحت انا لوحدي  عن اذنك

جاسر : براحتك

نزلت جميله ركبت عربيتها وراحت الفيلا

عند ادهم
كان في المطبخ هو واسيل بيحضروا للعزومه
اسيل براحه: كدا كل حاجه جاهزه
ادهم بابتسامه: ايوا فاضل بس نطلع البشاميل من الفرن
اسيل بابتسامه: طيب اطلع انت خد شاور والبس عشان هما زمانهم ع وصول وانا هطلع البشاميل
ادهم بمزاح: ماشي بس اوعي تحرقيها
اسيل بضحك: هههههههههههه لا متخافش مش هحرقها عيب عليك
ادهم بمزاح: لا طالما عيب عليك يبقي ضمنت انك هتحرقيها ههههههههههه
اسيل ضربته ع صدره بخفه: انت بايخ ع فكره
ادهم بضحك وهو يضمها لحضنه بحنان ويرجع  شعرها ورا اذنها : طب البايخ دا بيعشقك
اسيل بابتسامه حب : وانا كمان بعشقه
ادهم بغمزه : طب انا بقول هما لسه قدامهم كتير ما تيجي نخطف لحظه سريعه كدا
اسيل بخجل : مش هينفع ي حبيبي
ادهم باستغراب : ليه مش هينفع
اسيل بخجل وابتسامه: احم هتعرف انهارده
ادهم  باستغراب: مش فاهم
اسيل بخجل : طب هبسطهالك  اكملت وهي تشاور ع بطنها  اسمع كدا
ادهم باستغراب : اسمع اي
اسيل بابتسامه: اسمع بس
ادهم باستغراب : ماشي
وطي ادهم عند بطنها وقرب بيحاول يسمع وهو مستغرب لكن فجاه استوعب قصدها
ادهم بدهشه: اوعي يكون الي في دماغي صح
اسيل بابتسامه : ايوا مبروك ي حبيبي انا حامل
ادهم من فرحته شالها ولف بيها وهو هيطير من الفرحه
ادهم بسعاده وهو شايلها لسه وبيلف : بحبااااااااااااااك
اسيل بضحك من جنونه و فرحته: ههههههههههههههه ي مجنون
وقف ادهم وهو بيحضنها بسعاده وفرحه
ادهم  وهو يضمها بسعاده: دا احلي خبر سمعتوا في حياتي
اسيل بحب: بحبك ي ادهم
ادهم بعشق : وانا بعشقك ي روح ادهم
اسيل بحب : حبيت تكون انت اول واحد تعرف الخبر دا قبل مااقول انهارده
ادهم بحب : واحلي خبر سمعتوا. بس انتي عرفتي امتي انك حامل
اسيل بابتسامه: انا كنت بحس بدوخه كتير واعراض الحمل  لحد ماا شكيت في الموضوع وجبت اختبار حمل واتاكدت وكمان عملت تحاليل عشان اتاكد اكتر وفعلا طلعت حامل الكلام دا في اليوم الي روحنا فيه المستشفي عند عدي قولت اعرف بالمره

ادهم بعتاب : يعني بقالك يومين متقوليليش

اسيل بحنان وهي تضع يدها ع خده برقه : اسفه ي حبيبي كنت عايزه اعملهالك مفاجاه بس مقدرتش استني اكتر من كدا وحبيت انك تعرف اول واحد

ادهم بابتسامه: يعني محدش يعرف لحد دلوقتي غيري

اسيل بحب: اه

ادهم بابتسامه: طب طالما كدا يبقي سماح المرادي

اسيل بضحك وقربت منه بدلال ورقه : ههههههههه طول عمرك قلبك طيب ي حبيبي

ادهم بخبث وهو يغمزه:لا كدا هتهور والله

اسيل بضحك: هههههههههه لا خلاص اسفه

ادهم بغمزه : ثانيه بس هطلع البشاميل
طلع ادهم البشاميل من الفرن وبعد كدا راح ناحيه اسيل وشالها بحذر وحنان
اسيل بخجل: ادهم
ادهم بابتسامه وحنان: متخافيش ي حبيبتي انا عمري ماا هأذيكي ابدا انا هطلعك ترتاحي انتي حامل والحركه الكتير مش كويسه عشانك
اسيل برقه :لدرجه دي بتحبني ي ادهم
ادهم بخبث :تعرفي لولا انك حامل كان زماني اثبتلك انا بحبك قد اي ي روحي بس يلا مضطرين نستحمل عشان البيبي الي هيشرفنا بعد ٩ شهور

ابتسمت اسيل  بخجل ودفنت راسها في حضنه وهو ابتسم بحنان وطلع الاوضه نيمها ع  السرير ودخل خد شاور ولبس

واسيل بردوا دخلت خدت  شاور ولبست

ونزلوا الاتنين
ادهم بحنان : اقعدي انتي وانا هحضر كل حاجه
اسيل باعتراض: لا انا هحضر معاك
ادهم بحنان : حبيبتي انتي حامل لازم ترتاحي
اسيل بابتسامه: انا كويسه والله ي حبيبي متقلقش علياا
ادهم بحنان: ماشي بس لو حسيتي باي تعب تقعدي
اسيل بابتسامه: حاضر

حضروا كل حاجه للعزومه وفي اللحظه دي سمعوا الجرس بيرن راح ادهم فتح وكان
مؤمن وروفيدا واسر الصغير  واروي   رحب بيهم ادهم ودخلوا واسيل سلمت عليهم وقعدوا في الريسبشن
ورن الجرس تاني وراح ادهم فتح وكان اللواء اسر وهاجر ومعاهم كريم وهدير  رحب بيهم ادهم واسيل ودخلوا قعدوا
اسيل باستغراب : امال فين عدي ي اونكل
كريم :جاي ورانا في عربيته
في اللحظه دي رن الجرس راح ادهم فتح وكانت جميله
ادهم باستغراب: امال فين جاسر
جميله : وراه شغل هيخلصه ويجي ع طول
ادهم بابتسامه: طب ادخلي ي اختي
جميله بابتسامه: ماشي ي اخوياا
دخلت جميله وسلمت عليهم كلهم وحضنت باباها ومامتها بشوق
جميله بابتسامه : وحشتوني اوووي
هاجر بابتسامه:  وانتي كمان وحشتيني اووووي ي حبيبتي
اسر باستغراب : امال فين جاسر ي جميله
جميله : في الشركه عندو شغل هيخلصوا ويجي
اسر باستغراب : انتوا متخانقين ولا حاجه
جميله : لا مش متخانقين ليه حضرتك بتقول كدا
اسر بعتاب: اصل المفروض طالما جوزك عندو شغل تستنيه وتيجي معاه متسبهوش وتيجي لوحدك
جميله : هو الي قالي اروح وهو جاي ورايا
اسر بعدم تصديق : هعتبر نفسي مصدقك ماشي

قطع كلامهم ادهم
ادهم بابتسامه وهو ينظر لاسيل بحب ونظر لهم  مره اخري :  بما اننا متجمعين كلنا عندي ليكوا خبر حلو

الكل انتبه ل ادهم وهو كمل وهو يضع يده ع كتف اسيل ويقربها ليه
ادهم بابتسامه: اسيل حامل
روفيدا بسعاده: بجد
ادهم بابتسامه: ايوا
الكل فرح جدا وباركولها
في اللحظه دي سمعوا الجرس بيرن
ادهم بابتسامه: دا اكيد عدي
راح فتح ادهم وكان جاسر
ادهم بمزاح: متاخر عشر دقايق ممكن اعرف كنت فين
جاسر ضحك: هههههههههه انت ليه محسسني انك مراتي
ادهم بغمزه : مراتك جوا ي اخوياا وشكلك كدا هتتعلق لان واضح انها متعصبه
جاسر بثقه: عيب عليك احنا مسيطرين
ادهم بضحك: ههههههههه طب ادخل لما نشوف السيطره
ابتسم جاسر ودخل سلم ع الكل وقعد بس بعيد عن جميله واسر وهاجر خدوا بالهم وعرفوا انهم متخانقين
قام ادهم عشان يحط الاكل ع السفره
اسيل وهي تقوم : استني هساعدك
مؤمن مسكها وقعدها جنبوا بمزاح : لا ي ماما انتي دلوقتي حامل يعني ترتاحي هو يعمل بنفسوا
ادهم بضحك ومزاح: بقاا كدا ي سياده اللواء
مؤمن بابتسامه: ايوا ي اخوياا كدا انا بنتي ترتاح
جميله بضحك:ههههههههه خلاص انا هساعدك ي ادهم يلا
ادهم بمزاح : يلا ي اختي
دخلت جميله وادهم المطبخ يحطوا الاكل في اطباق وجاسر بردوا دخل وساعدهم وهو متجاهل جميله وبيضحك ويهزر مع ادهم وهي اتعصبت

في اللحظه دي رن الجرس
راحت جميله فتحت وكان عدي وسمر
سلمت جميله ع عدي
جميله باستغراب : مين دي ي عدي
عدي بابتسامه: سمر مراتي
جميله بدهشه: انت اتجوزت  اي دا امتي
عدي بابتسامه: من سنه بس لسه محدش يعرف وانا ناوي اقولهم انهارده
جميله بابتسامه: طب ادخل ربنا يستر دا انت هتتعلق
عدي بابتسامه وهو ينظر ل سمر بحب : كلوا يهون عشان حبيبتي
سمر اتكسفت وجميله ابتسمت
ودخلوا وادهم كان لسه في المطبخ هو وجاسر
الكل  استغرب وجود سمر وهما مش عارفين هي مين واي سبب وجودها مع عدي

كريم  باستغراب : مين دي ي عدي

عدي وهو يستعد للمواجهه : دي .....
في اللحظه دي خرج ادهم من المطبخ هو وجاسر
ادهم بابتسامه:اي ي بني كل دا تاخير انت جاي من المريخ

قطع كلمته لما شاف سمر واتصدم
ادهم بصدمه: ماياا
سمر حست بحاجه غريبه ناحيته : مايا مين
راح ادهم ناحيتها وهو مصدوم وعينيه لامعه بدموع فرحه : انتي مايااا

سمر باستغراب : لا انا اسمي سمر

اسيل وقفت جنبهم : لا ي سمر انتي اسمك الحقيقي ماياا وادهم يبقي اخوكي
ادهم بص لاسيل بصدمه: انتي عارفه
اسيل : ايوا عارفه انت لما شوفت الصوره بتاعت مايا اتصدمت ان هي نفسها سمر بس قولت اكيد يخلق من الشبهه اربعين بس كنت عايزه اتاكد عشان كدا لما سافرت اسكندريه اول حاجه عملتها روحت ل  سمر بيتها ع الاساس اني بطمن عليها وقدرت اخد عينه دم منها
سمر  : لما كسرتي الكوبايه وانا اتعورت وانا بلمها
اسيل:ايوا وخدت عينه من ادهم لما رجع وهو متصاب وهو نايم قدرت اخد عينه بردوا ولما رجعنا القاهره طلبت تحليل DNA وانا كنت متاكده انك اخته خصوصا لما ادهم قال انك عملتي حادثه وعدي قال انك فقدتي الذاكره

كلوا كان بيسمعها وهو مصدوم وادهم كانت صدمته اكبر منهم بكتير وهو مش قادر يصدق ان اخته لسه عايشه
عدي باستغراب : انا مش فاهم حاجه يعني سمر تبقي ماياا وكمان اخت ادهم
اسيل : ايوا

سمر بدموع وهي تنظر لادهم:يعني انت اخوياا
ضمها ادهم لحضنه بقوه وهو مش قادر يصدق انها اخته فعلا وهي اتمسكت فيه ودموعها نازله بغزاره وهي فرحانه انها قدرت تعرف مين اهلها بعد ما كانت فاقده الامل

الكل اتاثر بالمشهد دا وعدي كان فرحان عشان كان نفسوا فعلا انو يعرف مين اهلها