رواية احببت عنادك... بقلمي/هاجر هشام الفصل السابع وتسعون 97 - بقلم Hagar Hešhàm

عند ادهم
قعدوا يتغدوا وماياا قاعده جنب ادهم وهو مش راضي سيبها ابدا مصدق انها عايشه وجنبه وهي بردوا مكنتش عايزه تسيبه ابدا وعدي قاعد جنبوا من الناحيه التانيه
قرب منه عدي وهمس: انت استحليتها ولا اي ي اخوياا دي مراتي
ادهم ابتسم وهمس: واختي ي ظريف يعني كدا الخطه اتغيرت
عدي بهمس : اتغيرت ازاي
ادهم بهمس: يعني ماياا هتقعد معايا وانت هتيجي تتقدملها من اول وجديد وساعتها افكر انا ي اوافق ي رفض
عدي بغيظ :نعم
عدي مخدش بالو ان صوتوا علي
كريم باستغراب:في حاجه ي عدي
عدي وهو ينظر ل ادهم بغيظ : لا ي بابا مفيش
قرب عدي من ادهم وهمس تاني : ماشي ي ادهم انا هوريك
ادهم وهو يكتم ضحكته وهمس : مش احسن ما اقولهم دلوقتي انك متجوزها
عدي بغيظ وهمس : ماشي ي ادهم وانا موافق بس عارف لو رفضت هقتلك
ادهم بضحك وهمس : ههههههه اتكلم ع قدك وبعدين انا مصدقت انها طلعت عايشه يعني عايز اعوض السنين الي عيشتها من غيرها
عدي بغيره: ما تلم نفسك ي زفت
ادهم بمزاح وهمس : بتغيري ي بطه
عدي بغيظ وهمس : انت هتحس باي لما احضن اسيل زي ماانت حاضن مايا كدا
ادهم بغيره قاتله : دانا اقتلك مايا اختي لكن اسيل مش اختك
عدي بهمس : اسيل زي اختي ي ادهم انا بهزر
ادهم بغيره:مفيش هزار في الكلام دا
عدي بهمس : انا اسف ي سيدي خلاص مكنتش اقصد
ادهم : ماشي

من الناحيه التانيه قرب اللواء اسر من جميله وبهمس
اسر : بعد الاكل عايز اتكلم معاكي اعرف في اي
جميله بهمس : مفيش حاجه ي حبيبي
اسر بهمس : لا انا متاكد ان فيه حاجه وبعد الاكل نتكلم
جميله بقله حيله : ماشي ي بابا

خلصوا اكل وقاموا لمت جميله واسيل الاكل وادهم كان رايح يساعدهم لكن وقفتوا اسيل
اسيل بابتسامه: لا خليك جنب ماياا ي حبيبي وانا هلم الاطباق انا وجميله
ادهم بحنان : لا انتي حامل اقعدي ارتاحي
اسيل بابتسامه: والله انا كويسه متخافش علياا
جميله بمزاح : خلاص هلم انا واترزعوا انتوا خنقتوني
اسيل وادهم ومايا ضحكوا
مايا بابتسامه: خلاص هلم معاكوا عشان متزعلوش
لموا الاربعه الاطباق وحضرت جميله واسيل العصير وقدموهم
وقعدوا كلهم يضحكوا ويهزروا
واللواء اسر وجميله قعدوا ع جنب يتكلموا وجاسر خد بالو
اسر : انا عايز اعرف بقاا دلوقتي فيه اي واوعي تقوليلي مفيش حاجه لان انا متاكد انكوا متخانقين

جميله حكتلوا موضوع عبدالرحمن

اسر بدهشه: كل دا حصل وانا معرفش
جميله : ما سياده اللواء مقالش لحد مكنش عايز حد يعرف
اسر : طب ودا مالو بخناقك مع جاسر
جميله : مانا افتكرت ان جاسر زي عبدالرحمن لانو حاول يضربني قبل كدا
اسر : لا طبعا صوابعك مش زي بعضها جاسر اه حاول قبل كدا لكن مضربكيش
جميله : بس انا مش هستني لما يضربني
اسر بغضب خفيف: انتي ليه عنديه كدا انتي اصلا مالك بالموضوع بتدخلي نفسك ليه
جميله : لان سلمي صاحبتي ومضايقه عشانها
اسر : وانا مقولتلكيش متتضايقيش بس متدخليش دا بينكوا متحاسبيش واحد بذنب عملوا حد تاني
جميله : بس انا مش هعتذرلوا
اسر بغضب خفيف: بطلي عند يعني غلطانه وكمان مش عايزه تصالحيه
جميله : انا مغلطش
اسر : لا غلطي بتحاسبيه ع ذنب عملوا اخوه
جميله : خلاص بقاا ي بابا انا مش عايزه اتكلم في الموضوع دا
اسر : لا لازم نتكلم لما تكوني غلطانه يبقي لازم نتكلم ودلوقتي روحي اعتذري ل جوزك
جميله : لا ي بابا مش هعتذر
اسر بنفاذ صبر : انا تعبت منك انتي حره اعملي الي تعمليه

خلص اليوم والكل مشي بعد ما سلموا ع ادهم واسيل وباركولهم
اسر واروي ركبوا العربيه واتحركوا
ومؤمن وروفيدا في عربيه
وكريم وهدير واسر وهاجر في عربيه اسر
وعدي في عربيته.بعد ودع مايا وطمنها انو هيتقدملها من اول وجديد وجميله ركبت عرببتها ومشيت وجاسر بردوا ركب عربيته واتحرك

وادهم طلع هو ومايا اوضتها وهو بيوريهالها
ادهم بابتسامه: اوضتك لسه زي ما هي مغيرتش فيها اي حاجه
مايا كانت بتلف الاوضه وهي بتتفرج ع صورها بفرحه وهي بتحاول تفتكر اي حاجه لكن ظاهر قدامها تشويش
مايا بحزن: طب هو انا امتي هترجعلي الذاكره انا مش فاكره اي حاجه
ادهم بحنان وهو يقترب منها ويحضن خدها بين يديه : متقلقيش ي حبيبتي ان شاء الله قريب هتخفي وتفتكري كل حاجه وبعدين انا اهم حاجه عندي انك واقفه قصادي دلوقتي وكويسه دا بالدنيا كلها
حضنتوا مايا وهي بتعيط وهو ضمها بحنان
في اللحظه دي دخلت اسيل
اسيل بتمثيل الصدمه :هاااااا خيااانه
ادهم بمزاح وهو يرفع يده باستسلام : برئ والله ي بيه هي الي حضنتني

انفجرت مايا واسيل من الضحك وهو شاركهم ضحكهم
مايا بضحك: ههههههههه والله انتي عسل ي اسيل

اسيل بابتسامه: انتي الي عسل ي ماياا

مايا بامتنان : بجد مش عارفه اشكرك ازاي لولاكي مكنتش عرفت اخويا ولا كنت جيت هنا اصلا

ادهم بحب وهو يضع يده ع كتف اسيل ويضمها من الجنب : اسيل دي مفيش اطيب ولا احن منها انا الي مش عارف اشكرها ازاي ع الي عملتوا

اسيل بحب وابتسامه: انا معملتش حاجه ي حبيبي غير اني اثبتلكوا كل حاجه قدامكوا عشان كنت عارفه لما تواجهوا بعض مكنتوش هتصدقوا فا كان لازم اعمل الخطوه دي قبل مااجمعكوا وبعدين دا ميجيش حاجه قصاد الي انت عملتوا معاياا

ضمها ادهم لحضنه اكتر ومايا بصالهم ومبتسمه بحب
ادهم كان عايز يفضل اكبر وقت ممكن مع مايا مش عايز يسيبها بس في نفس الوقت مش عايز يسيب اسيل لوحدها واقترح انهم يناموا كلهم مع بعض

تاني يوم صحيت جميله خدت شاور ولبست

ونزلت حضرت الفطار ورنا فطرت لكن جميله وجاسر رفضوا يفطروا وخلصت رنا فطار ومشيت هي وجاسر وجاسر متجاهل جميله
وجميله ركبت عرببتها وراحت ل سلمي المستشفي
وقعدت معاها شويه
في اللحظه دي دخل سليم
سليم بابتسامه: صباح الخير
جميله : صباح النور ي دكتور
سليم بابتسامه: ازيك ي انسه جميله
جميله بابتسامه: الحمدلله ي دكتور
سليم بابتسامه: معلش ي جميله ممكن بس كلمتين ع انفراد براا
جميله باستغراب : خير ي دكتور
سليم بابتسامه: خير متقلقيش
جميله : ماشي
خرجت جميله وسليم براا وقفوا قدام الاوضه
جميله : خير ي دكتور موضوع اي الي حضرتك عايزني فيه
سليم بابتسامه: بصراحه كدا انا كنت عايز اخد معاد مع باباكي عشان اجي اتقدملك
جميله اندهشت وهي بتحاول تستوعب الي قالوا

سليم استغرب سكوتها : فيه حاجه ي انسه جميله وهو انتي ساكته ليه

:معلش ي دكتور اصل المدام مكسوفه تقولك انها متجوزه

جميله عرفت صوت مين ولقت جاسر وقف قصادهم

سليم بدهشه: الكلام دا صح ي انسه جميله

جاسر بحده: ما بقولك مدام انت غبي هو انا مش مالي عينك

جميله : ايوا صح ي دكتور

سليم : انا اسف معلش مكنتش اعرف ع العموم حصل خير عن اذنكوا

مشي سليم وجميله اتجاهلت جاسر ونزلت
جاسر بغضب ووعيد : ماشي ي جميله انا هعرفك ازاي تتجاهليني كدا

عدي شهرين
جاسر وجميله كان بينهم شد وجذب هو كبريائه منعه انو يقربلها او يلمسها وهي كبريائها مانعها انها تصالحه او تعتذر  بسبب انها حاولت مره تصالحه ورفض

وناديه ندمت ع الي كل حاجه عملتها وقررت تتغير وتصلح من نفسها واول حاجه بدات بيها هي الصلاه طلبت السماح من ربنا قبل اي حد  كانت بتبكي بغزاره كل يوم وهي بتصلي وتطلب الغفران واعترفت بغلطها بينها وبين ربنا وهي بتطلب منو يسامحها ع كل حاجه عملتها وكل غلط غلطتوا   ،وكانت بتنفذ كل حاجه يطلبها حمزه  من غير نقاش وهو استغرب سكونها وهدوئها

وسلمي خرجت من المستشفي من شهرين بعد ما خفت ورجعت لحياتها الطبيعيه وطول فتره الشهرين عبدالرحمن كان بيتردد عليها وبيعتذرلها كل مره وهي بتصده وترفض كل مره يجبلها ورد ويكتبلها كلام حلو واعتذار وهي بترميه كل دا وسيف ونورهان ميعرفوش
حاول عبدالرحمن كتير وميأسش ولا مره حتي بعد ما خرجت من المستشفي كان بيستني اي فرصه عشان يقدر يشوفها ويتكلم معاها

وصلاح خرج من المصحه واشتغل مع جاسر في قسم الحسابات مع رنا وبقوا اصدقاء

واسر الصغير واروي قربوا لبعض اكتر واتعلقوا ببعض اكتر واكتر لحد خلاص ما بقاا اسر مش قادر يستحمل اكتر من كدا واتقدملها وقرر يعمل فرحه مع عدي وكتب الكتاب معاه

واياد خطب رنا وجم اهلها وحضروا الخطوبه واتفقوا ع كل حاجه وقررت رنا انها تدي فرصه لاياد يمكن تحبوا زي ماهو بيحبها

وعدي اتقدم ل مايا من اول وجديد بس المرادي رسمي لانو كان متجوزها عرفي بسبب انها ملهاش هويه ولا ليها بطاقه وباسمها الحقيقي ماياا السيد وماياا رجعتلها الذاكره وافتكرت كل حاجه وكتبوا الكتاب وحددوا معاد الفرح كان فاضل عليه يومين

واسيل كانت تعبانه بسبب الحمل اول شهرين لكن ادهم ومايا كانوا جنبها مش بيسبوها ابدا وخدت اجازه من المستشفي فتره الحمل وكان ادهم يروح الشغل ومايا هي الي بتفضل جنبها ويرجع يتولي هو المهمه

عند عبدالرحمن كان واقف قدام الاداره مستني سلمي تنزل ونزلت فعلا عشان تجيب غداء من المطعم
نزل عبدالرحمن بسرعه من العربيه ووقف قصادها اتعصبت سلمي واتجاهلتوا ومشيت وهو فضل ماشي وراها
عبدالرحمن وهو يمشي جنبها بخطوات سريعه: ي سلمي ارجوكي اسمعيني  والله العظيم غصب عني انا عمري ما شكيت فيكي ابداا

سلمي مردتش وكملت وهي بتسرع في خطوتها

في اللحظه دي جت عربيه وقفت قصادهم خرج منها ناس ملثمين خطوفوا سلمي وعبدالرحمن لما حاول ينقذها خدوه هو كمان

بعد وقت كبييييير
فاقت سلمي لقت نفسها مربوطه وهما ع الارض متكتفين وعبدالرحمن مربوط جنبها زقتوا عشان يفوق
وفاق فعلا وهو بيبص حواليه وافتكر الي حصل
عبدالرحمن باستغراب : احنا فين
سلمي بحده: معرفش
عبدالرحمن سكت وسلمي بردوا سكتت وهي بصالوا بغضب
عبدالرحمن : طب بما اننا منعرفش احنا فين ومخطوفين ليه فا انا بصراحه عايز اعترفلك بحاجه

سلمي مردتش وهو كمل
عبدالرحمن بندم : انا هقولك ع الحقيقه كلها ي سلمي لاني فعلا مش قادر استحمل اكتر من كدا وانا بندم مليون مره اني مديت ايدي عليكي

اتنهد عبدالرحمن وكمل بحزن :
سلمي انا عملت كدا عشان هددوني. ،هددوني انهم هيقتلوكي لو مبعدتكيش عن القضيه بتاعت بنت الوزير عشان كدا لما شوفتك انتي وادهم انا مشكتش فيكي لا انا عملت كدا قولت عشان تسمعي كلامي ومترضيش تشتغلي في القضيه دي لكن انا ولا كنت بتهمك في شرفك ولا اي حاجه ولما ضربتك كان غصب عني والله العظيم غصب عني كانوا حاطين كاميرات في الفيلا ولقتهم مصورين كل حاجه جوا الفيلا وهما بيهددوني بيكي

سلمي : ومقولتليش ليه

عبدالرحمن بحزن : مكنتش هقدر اقولك كنت خايف عليكي ليأذوكي

سلمي بغضب ووجع : ياريتهم كانوا أذوني ياريتهم كانوا قتلوني ولا كنت اعيش الوجع الي عشتوا طول المده دي انا متوجعتش ولا اتأذيت من ضربك انا اتاذيت من كلامك من اهانتك واتهامك لياا

عبدالرحمن بندم : انا اسف والله اسف انا بندم مليون مره ع الي عملتوا دا انا بعد ما ضربتك سبتك وطلعت وانا مش قادر اشوفك كدا كنت عايز اجري عليكي واخدك في حضني واسيبك تصرخي وتضربي وتعملي كل الي انتي عايزاه بس كانوا هيشوفوني ولما انتي خرجتي انا مشبت وراكي وكنت بطمن عليكي كل لحظه وكل ثانيه لحد مااتاكدت انك وصلتي البيت فضلت مستني وشوفت باباكي شايلك وراح المستشفي ساعتها مشيت وراه وكنت بطمن عليكي كل شويه وبسال الدكتور عنك وتاني يوم لما باباكي خرج من المستشفي وهو متعصب كنت عارف انو عرف وكنت عارف انو هيحبسني وانا معترضتش لاني كنت استاهل ووانا في السجن جميله جاتلي انا قولت اكيد عرفت وجايه تنتقم ليكي لكن استغربت انها عرفت موضوع التهديد وهي الي قالتلي اوافق ع شرط باباكي اني اطلقك قصاد اني اخرج عشان اقدر اخليكي تسامحيني ، انا كنت بجيلك كل يوم المستشفي بليل اشوفك واطمن عليكي

سلمي : عارفه

عبدالرحمن بدهشه: عارفه

سلمي : ايوا عارفه جميله حكتلي كل حاجه من شهرين

عبدالرحمن : من شهرين ومسامحتنيش

سلمي : لا طبعا لانك غلطت انت اذتني وجرحتني اسامحك ازاي حتي لو كل دا تحت التهديد دا مش ذنبي يعني كل مره حد يهددك تعمل كدا دا انا مش هسمح بيه ابدا ا

عبدالرحمن. بسرعه: لا والله عمري ما همد ايدي عليكي تاني انا ندمت والله وعمري ما هقدر ازعلك تاني او اجرحك ووعد مني هعوضك عن كل حاجه حصلت

سلمي : كل الي انت قولتوا دا ميدكش الحق انك تضربني ولا تهني بالشكل دا

عبدالرحمن بندم وحزن : عارف والله بس انا بحبك ي سلمي بحبك ومبحبش حد قدك ونفسي تسامحيني

سلمي : صعب ي عبدالرحمن ارجع اثق فيك تاني واحس بالامان معاك صعب البنت لما تفقد الامان من الشخص الي بتحبه يبقي ملهوش لازمه الحب انت هنتني وانا صعب اسامحك بسهوله

عبدالرحمن بحزن: عارف انو صعب بس مش مستحيل اديني فرصه اثبتلك اني بحبك وندمت ع كل حاجه عملتها معاكي والله العظيم ندمت ونفسي تسامحيني

عند سيف

سيف بغضب وهو يضرب بيده ع المكتب : يعني اي اتخطفت

جميله : ي فندم هي نزلت تجيب اكل واتاخرت ولما نزلنا سالنا عرفنا ان فيه عرببه نزل منها ناس ملثمين وخطفوها

سيف بغضب: ومعرفتوش نمره العربيه دي

جميله : ادهم بيشوف الكاميرات وهيعرف دلوقتي ي فندم
في اللحظه دي دخل ادهم
ادهم وهو يضع ملف ع المكتب امام اللواء : عرفنا نمره العربيه ي فندم وكمان قدرنا نعرف المكان

سيف بغضب: ومستني اي جهز قوه بسرعه وخلينا نتحرك دلوقتي

ادهم : حاضر ي فندم بس حضرتك خليك واحنا هنروح

سيف وهو يضع سلاحه في بنطاله بغضب: في اي ي حضره الظابط متنساش نفسك انت متدنيش اوامر انا هنا الي بدي الاوامر ودلوقتي يلا روح جهز القوه

ادهم باحترام وهو يؤدي التحيه العسكريه: حاضر ي فندم
خرجت جميله وادهم جهزوا القوه وسيف معاهم واتحركوا للمكان

عند سلمي

سلمي كانت ساكته وهو كان عمال يتكلم وهو بيعتذرلها

في اللحظه دي سمعوا صوت ضرب نار ولقوا جميله وسيف داخلين
سيف راح ناحيه سلمي بقلق اب ع بنته وفكها وهو لسه مخدش باله من عبدالرحمن وجميله راحت ناحيه عبدالرحمن وفكته وسيف ضم سلمي لحضنه بقلق وهو بيطمن عليها

سيف بقلق : انتي كويسه ي حبيبتي
سلمي بحزن: اه ي بابا كويسه

ساعتها سيف خد بالو من عبدالرحمن
سيف بغضب: انت بتعمل اي هنا
سلمي : عبدالرحمن كان بيدافع عني من الي كانوا عايزين يخطفوني لكن هما خطفوه بردوا

سيف بحده: اكيد انت الي عامل التمثليه دي عشان تبان شجيع السيماا قدامها

عبدالرحمن باحترام: انا مش محتاج امثل عشان ابان قدامها شجيع السيماا انا بحبها

سيف وهو يضربه بالبوكس : اوعي تنطقها تاني انت فاهم

عبدالرحمن مسك انفه بالم وتحدث بغضب خفيف : لبه حضرتك مش قادر تصدق اني والله العظيم بحبها وندمت ع الي عملتوا

سيف بغضب: انا الي عارفوا دلوقتي لو ممشيتش من هنا حالا هقتلك

عبدالرحمن وقف قصادوا بثبات وقوه : وانا مستعد تقدر حضرتك تقتلني بس دا مش هيمنع حبي ل سلمي ولا هيوقفوا

سيف بتحدي وقوه : وانت الي طلبت

طلع سيف السلاح ووجهوا ع عبدالرحمن وهو واقف بثبات

سلمي بقلق : بلاش ي بابا خلاص هو هيمشي

عبدالرحمن بقوه : مش همشي ي سلمي هو لازم يعرف اني بحبك حتي لو قتلني هفضل احبك

سلمي بقلق وهي تمسك ايد عبدالرحمن :عشان خاطري ي عبدالرحمن امشي

سيف بغضب : سلمي سيبيه

عبدالرحمن بحنان : خاطرك غالي عندي ي سلمي حاضر همشي

مشي عبدالرحمن وسيف خد سلمي ومشي
وجميله وادهم قبضوا ع الي الخاطف ومشيوا

في الليل عند حمزه وصل الفيلا وكانت هاديه ومفيش اي صوت دخل دور ع ناديه ملقهاش طلع اوضتها ودخل لقاها بتصلي ودي كانت اول مره يشوفها بتصلي كانت زي الملاك شافها ودموعها نازله ع خدها بغزاره ورافعه ايديها لسمااء وبتدعي بتأثر. ووجع وقهره وهي بتستنجد ربنا  فضل واقف حمزه يسمعها

ناديه بقهر ودموع : يارب سامحني ع كل حاجه عملتها وكل واحد اذيته ياارب  انا ندمت وبطلب منك السماح والغفران ، يارب اغفرلي ذنوبي وسامحني

كانت بتدعي بندم شديد باين في نبره صوتها ورجائها ل ربنا
اتاثر حمزه وكان نفسوا ياخدها في حضنه ويطمنها وقرر انو يسامحها ويديها فرصه تانيه ،كل انسان بيغلط بس الاهم الي يعترف بغلطوا ويندم عليه والاهم اكتر انك تطلب السماح من ربنا مش حد تاني ربنا الي بيسامح ويغفر والقادر انو يحل مشاكلك مهما كانت هو القادر ع كل شئ

خلصت ناديه دعاء وجففت دموعها وقامت شالت سجاده الصلاه ولفت لقت حمزه واقف عند الباب اتخضت لكن بعد كدا بصت في الارض وهي بتكلموا

ناديه بأسف: انا اسفه اني اتاخرت في الصلاه هحضرلك العشاء حالا

حمزه : مفيش حاجه اسمها اتاخرتي في الصلاه انتي تصلي براحتك احنا نستني وكل حاجه تستني الا فرض ربنا ميستناش ابداا لانو هو الي بيباركلك في كل حاجه في حياتك

ناديه ارتاحت لكلاموا وانو متعصبش عليها ولا اضايق
ناديه :طيب انا هحضرلك العشاء
حمزه : انتي اتعشيتي
ناديه : لا لسه انا هحضرلك العشاء وبعد كدا ابقاا اتعشي في المطبخ زي ما انت قولتلي
حمزه : طب حضري العشاء وتعالي
ناديه : حاضر
نزلت ناديه حضرت العشاء وطلعت حطتوا ع التربيزه في اوضه حمزه كان هو لسه خارج من الحمام ومن غير هدوم من فوق
اتكسفت ناديه وبصت في الارض وحاولت تخرج لكن مسكها حمزه من ايديها
حمزه بابتسامه ومزاح: متتكسفيش انا زي جوزك عادي يعني
ابتسمت ناديه بخجل وحست برعشه في جسمها من قربها بالشكل دا
ناديه وهي تنظر في الارض بخجل : احم انا حضرتلك العشاء لما تخلص نادي علياا عشان اشيلوا 
حمزه وهو مازال يمسك يديها : لا انتي هتتعشي معاياا وع طول
ناديه : مينفعش
حمزه:لا ينفع ويلا مش عايز اعتراض
ناديه : حاضر
قعد حمزه وناديه يتعشوا
حمزه : اعملي حسابك هنسافر الاسكندريه بعد بكره
ناديه : حاضر
حمزه باستغراب : مسالتنيش ليه يعني
ناديه : ماانا لما كنت بسالك كنت بتزعق فا مرضيتش اسال
حمزه بابتسامه: لا متخافيش بعد كدا مش هزعق  ،المهم احنا هنسافر عشان فرح اخت صاحبي وقريب مرات جاسر

حمزه كان قاصد يقول جاسر عشان يشوف رد فعلها لكن لقاها هادئه ومعملتش اي رده فعل هنا عرف انها ندمت فعلا ونسيت حبها ل جاسر او الي كانت فهماه حب وهو كان مجرد اعجاب عشان شخصيته وحنانه

يوم فرح
لبس جميله

لبس رنا

لبس سلمي

لبس اسيل

فستان مايا العروسه

بدله جاسر

بدله ادهم

بدله عدي

بدله حمزه

(كنت عايزه انزل لبس ناديه لكن منفعش لان الصور استكفت )

عدي كان مشتاق ل مايااا جداا اضطر يستحمل شهرين كاملين عشانها عشان حبه ليها و انهارده خلاص هتبقي مراته رسمي وقدام الكل ماياا كانت في حضنه بترقص معاه بفستانها الابيض وكل العيون عليهم وبتتمنالهم السعاده وادهم مكنش قادر يصدق انو اخته قدامه ولابسه الفستان الابيض بعد ما كان عايش كل دا وهو فاكر انها ماتت

اسر جوااه كلام واحساس ومشاعر تكفي اغاني واحباا كتير مش لاقي ومش عارف يبدا بأيه ولا يعبر بأيه اروي كانت بالنسباله الحب الحقيقي الي عمروا ما حسوا مع ميار ولا اي بنت تانيه اروي قدرت تنسيه ميار وتنسيه جرحه وغيرتلها الفكره الي كان واخدها عن البنات
وهي كمان كان جواها مشاعر واحساس وحب يكفي العالم كله كان اول حب في حياتها

(يا ااحلي حاجه عمرو دياب )

يااحلي حاجه في عمري انا نفسي احكيلك

عن احساااسي عن ااشوااقي عن حبي واعبر عن الحب الي جوااياا ودنياا جديده وحكايه مجرد اني صاادفتك ومن ساعه ماناا شوفتك ده من ساعه مانا عرفتك

اسر ضمها بحنان وعيونه بتقول كل كلمه بكل حب .. الدقيقه في حضنها سنه والسعاده في قربهاا جنه

سنه في حبك سنه في قربك ولا اجمل.... ولا اغلي ..ولا احلي

اروي بحب ونظره عاشقه لقت حبها وعوضها من الايام : انا حياتي متتوصفش ولا تتحكي انت دخلت حياتي زي فارس احلامي الي اتمنيته كتيير كنت امان من اول لحظه كنت نور نور اياامي
اسر الحنان في عيونك دنيااا دنياا بتاخدني وتدوبني فيها ،قبلك كنت يأسه اعيش قصه حب او الاقي حد يحبني ويكون ابويااا الي ربنا حرمني منه تخيلت اني مليش غير اخواتي وشغلي وبس لكن لما انت ظهرت لونت حياتي باجمل لون
انا بحبك .... بحبك اوووي

نسيت نفسي في دنياا كلها اماني رجعلي عمري المنسي وليل الحب صحااني

صحااااني ده ليل الحب صحااااني
وحنييييني الشوق في حبك مدوبني ...مسهرني ...مخليني اد اي اعشق واعيش ..واعشق

اسر بحنان : انا الي بحبك ي اروي مكنتش متخيل اني هحب ولا اعشق. تاني بس حبيتك. انتي الوحيده الي قدرتي تخطفي قلبي وعقلي وكل حاجه..
انا كنت بحميكي وانا حاسس انها مش مجرد مهمه بأديها وخلاص لا كنت متاكد انها هتكون مهمه حب .. بحبك اوووي ي اروي

ولا قبله ولا بعده موريني الحياه جنه
ده الحب الي جواياا ..ودنياا جديده وحكايه مجرد اني صادفتك .. ومن ساعه مانا شوفتك ده من ساعه ما انا عرفتك

الفرح كان جميل والكل كان سعيد من قلبه لكن كانت فيه قلوب حزينه

عبدالرحمن شايف سلمي واقفه جنب باباها كان نفسوا يجري عليها ويضمها لحضنه زي الاول مش قادر ع بعدها مش قادر يستحمل اكتر من كدا

سلمي نفسها تقوله مسمحاك بس قلبها وجعها وكبريائها مانعها هي عرفت الحقيقه بس بردوا مش قادره ترجع زي الاول جرحها لم بسيط لكن لسه بتنزف محتاجه قربه يداوي جرحها لكن مش قادره تطلب دا

خلصت الاغنيه وقعدوا العرسان في الكوشه

راح عبدالرحمن مسك المايك وبدا يغني وهو عينيه ع سلمي
وعينيه بتطلب منها انها تسامحه

(ليه اختارنا ليه البعد حماده هلال )

عبدالرحمن بعشق وحزن :
ومين قال ان انا نسيتك ومين قال ان انا هقدر اعيش

حقيقى حاولت انساكى نسيت روحى ومانستكيش

بصلها عبدالرحمن ومد ايده ليها وهو بيترجاها ترجع :

يا عايش لسا جوايا تعالى حبيبى ماتسبنيش

قربت جميله من سلمي وغمزتلها وايديتها المايك وزقتها ناحيه عبدالرحمن بخفه وبتبتسم

مسكت سلمي المايك وبخجل غنت وهي بتقرب منو :
حياتى واقفة من غيرك وحتى الساعة ما بتمشيش

لية اخترنا لية البعد تعيش وحدك و انا لوحدى

ماهنش علينا نرحم بعض وسبنا خصامنا دة يعدى

فرح عبدالرحمن وقرب ليها وعينيه بصالها بعشق :

ولسة حبيبتى بفتكرك واجيب سيرتك مع قلبى

واغمض عينى واتمنى واقول بكرة تكون جنبى

الكل كان مركز معاهم وهما نفسهم يرجعوا لبعض وفرحوا ان سلمي اتقدمت خطوه وبدات تسامح

سيف حاول يروح يشدها ويمنعها انها تقرب لكن وقفوا اللواء اسر
اسر بهدوء: سيبها ي سيف بلاش تمنعها هو ندم ع الي عملوا واعتذر اديلوا فرصه تانيه

سلمي بصتلوا وغنت:
منا زيك ساعات بحلم بانك لسة ويايا

واقول بكرة اكيد راجع واقلة على اللى جوايا

حضن ايديها بايديه وهو باصصلها بعشق وهي بردوا
وغنوا مع بعض

لية اخترنا لية البعد تعيش وحدك وانا لوحدى

ماهنش علينا نرحم بعض وسبنا خصامنا دة يعدى

خلصت الاغنيه وحضنها عبدالرحمن بفرح وسعاده ولف بيها وهو مش قادر يصدق انها سامحته وهي اتمسكت بيه بخجل والكل صقف واتاثر بالمشهد دا وصقفوا بحراره وهمست سلمي في اذنه بكلمه وفىح اكتر وهوبيضمها لحضنه اكتر وهو بيلف

عبدالرحمن نزلها وهو بياخد نفسه وقرب منها بعشق وهمس بسعاده : مش قادر اصدق يعني انا هبقي اب

هزت سلمي راسها بخجل وسعاده

جيه سيف ناحيتهم بخطوات سريعه وعبدالرحمن كان فاكر انو هياخدها ويمنعها عنو تاني

سيف بجديه: موافقه ترجعيلوا

سلمي وهي تنظر للارض :الي تشوفوا ي بابا

سيف بجديه: مش الي انا اشوفوا انتي موافقه ترجعيلوا

سلمي وهي تنظر للارض واجابت: اه

سيف بحنان وهو يربت ع ضهرها : وانا مش عايز غير اني اشوفك مبسوطه ي حبيبتي

رفعت سلمي راسها وبصت لباباها بفرحه وهو بصلها بحنان وابتسم

سيف بتحذير ل عبدالرحمن : بس لو فكرت تزعلها تاني ساعتها همحيك من ع وش الدنياا

عبدالرحمن بابتسامه: متقلقش حضرتك اتعلمنا الدرس خلاص ووعد مني عمري مااهزعلها ابدا ولا هتشوف نظره حزن في عينيها

سيف بحنان : وانا مش عايز غير كدا

ردها عبدالرحمن لعصمته قدام الكل خصوصا انها لسه في شهور العده فقدر يردها بسهوله

جميله كانت باصه ل جاسر وهي نفسها ترجعلوا وحشها جداا ومش قادره ع بعده لكن كبريائها بيمعنها هي متقصدش انها تخليه يبعد هي كانت حاسه بحاجز بينهم ومكنتش عايزه جاسر يعمل نفس الي عملوا عبدالرحمن لمجرد التهديد

جاسر كان بيبصلها بعتاب وتحولت ملامحه للجمود والجديه وهو بيسيطر ع نفسه وبيكتم شوقه ورغبته فيها كان عايزها متدخلش اي مشكله بينهم. ،هي وحشته لكن رجولته مانعاه مش عايزها تستغل حبه ليها وشوقه ورغبته فيها بانها تبعد كأن دا عقاب بالنسبالوا

راحت جميله ناحيه الاستيدج ووشوشته وخدت المايك وراحت ناحيه جاسر ووقفت قصاده وهي بصالوا بحب و بتغني :
حنية الدنيا اللي فيه مطمناني من زمان

وهي الواحدة عايزة ايه غير بس احساس بالآمان

.........................بعد جاسر عنها وراح وقف جنب ادهم وهي راحت ناحيته وهي بتكمل غناا

ادهم : ي بني بلاش تقسي عليها دي بتحبك
جاسر : وانا مش تحت امرها لما تعوز تبعد تبعد ولا تعوز تقرب تقرب

دي حاجات مبنلاقيهاش كتير

في زمانا ده اللي بقينا فيه

مسكت ايده برقه وبصتلوا بابتسامه وهي بتغني :

علشان كده بفرح واطير

من فرحتي وانا بين ايديه

......................... شال ايدو وبصلها بجمود
وهي كملت وهي بتشاور ع قلبها :

ترتيبه في قلبي ايه ده مفيش في القلب غيره

شاورت ع عينيها بعشق وهي بتغني :

لو اطول هشيله في عنيا انا

جنبه او مش معاه هي هي بحس قربه

وكتير بقابله في خيالي هنا

......................... جاسر مقدرش يستحمل اكتر من كدا و بدا يلين وقلبه يحن وابتسم
وهي ابتسمت وكملت

تَرْتِيبهُ فِي قَلْبَيْ أَي ده مفيش فِي القَلْب غَيْرهُ

لَو أَطْوَل هشيله فِي عَنَيا آناً

جَنَّبَهُ أَو مَشَّ مِعاهُ هِيَ هِيَ بِحَسّ قَرُبَهُ

وكتير بِقابِلهُ فِي خَيالِي هُنا

.........................

عشت اللي قبله معشتهوش في عمري تاني ببتديه

والحب للي ميعرفوش هو اني اعيش قدام عينيه

......................... حطت ايديها ع صدره برقه وهي بصالوا بحب وهو قربها من حضنه

بحس لما اكون معاه سندي وحبيبي ودنيتي

قلبه عليا مأمناه طبعاً ماهو قسمتي

.........................

تَرْتِيبهُ فِي قَلْبَيْ أَي ده مفيش فِي القَلْب غَيْرهُ

لَو أَطْوَل هشيله فِي عَنَيا آناً

جَنَّبَهُ أَو مَشَّ مِعاهُ هِيَ هِيَ بِحَسّ قَرُبَهُ

وكتير بِقابِلهُ فِي خَيالِي هُنا

خلصت جميله الاغنيه وقربت من جاسر وبرقه همست : بحبك

اتنهد جاسر بشوق وهو مش قادر يستحمل اكتر من كدا

انتهي الفرح بسعاده الكل وهما فرحانين وانتهي الزعل بين الاحباب لكن لسه فاضل قلب واحد مجروح

راح اياد ناحيه جاسر
اياد بابتسامه: هطلب منك طلب بس وحيات ابوك ما ترفض
جاسر باستغراب : اطلب
اياد بابتسامه: هاخد رنا ونتعشي براا
جاسر باستغراب : تتعشوا هو انت متعبتش من الفرح
اياد بضحك: وانا هتعب ليه هو انا كنت عريس
جاسر بابتسامه وغمزه: مستعجل ع اي ي اخوياا
اياد بابتسامه ولهفه : طب قولت اي بقاا
جاسر بابتسامه: ماشي بس متتاخروش
اياد بسعاده: ربنا يخليك للغلابه الي زينا
جاسر بضحك :هههههههههه طب روح ي اخوياا انت هتشحت
مشي اياد بسعاده وراح ل رنا خدها وخرج ركب عربيته واتحرك

طلع اسر واروي جناحهم وعدي ماياا بردوا
وسيف ونورهان ركبوا العربيه واتحركوا

عبدالرحمن بابتسامه وهو يسحب سلمي من ايديها : يلا نكمل سهرتنا في البيت انا عايز اعوض ايام حرماني منك ي روحي وكمان لازم اهتم بيكي انتي حامل ومحتاجه عنايه واهتمام

اكمل بغمزه : وانا بصراحه في الاهتمام مقولكيش بيبقي بضمير ازاي

سلمي بخجل : مش هينفع ي حبيبي انا لسه الحمل مثبتش

عبدالرحمن بحنان : مش مشكله اهم حاجه تبقي كويسه انا مستعد استحمل العمر كلوا بس اهم حاجه وانتي جنبي

سلمي حست فعلا انو اتغير وندم ع الي عملوا

ضمها عبدالرحمن بحنان وخرج فتحلها باب العربيه وهي بصتلوا بابتسامه ودخلت العربيه قفل الباب ولف ركب جنبها وساق

جميله ودعت مامتها وباباها وركبوا العربيه ومشيوا

جاسر كان حاجز اوضه في الفندق الي فيه الفرح وحجز اوضه ل رنا  ورفض انو يروح مع اللواء اسر

في الفندق دخلت  جميله خدت شاور ولبست قميص نوم احمر فيه فتحات بسيطه وشفاف وقصير وخرجت كان جاسر بردوا غير هدومه قربت منو بدلال لكن هو كان بيمثل الثبات كان عايزها هي الي تطلب قربه زي ما رفضت قربه وهي فهمت انو عايزها هي الي تطلب راحت ناحيه اللاب وجاسر استغرب وشغلت اغنيه

(ملهوفه عليك  جنات )
قربت من جاسر وحضنتوا وهو بيرقص بيها في هدوء ع كلمات بتخرج من قلب جميله قاصده كل حرف ...كلمات مين مننا مش بتقولها ل حبيبها الي بجد بتعشقه

جميله عيونها في عيونه  وبإعجاب بسحره  اللي خطفها من اول نظره وهي قاومت ورفضت تصدق

اسمع كلامي وصدقه  انت اللي روحي بتعشقه

كان حلمي نفسي احققه ..اني ابقي ليييك

جميله حضنته بقوه وهو ابتسم  وضمها بحبه وحنانه الي بتعشقهم

قربني منك ضمني  قد اما احبك حبني مين غيرك انت يهمني ده انا روحي فييك

وتمايلت في حضنه بسعاده اتحرمت منهاا اوووي وبشده  اتعلقت فيه وهو بيضمها  بحنان ورقه وهو يمرر يده ع ضهرها بحنان وشغف قد اي كانت وحشااه

ملهوفه عليك ومسلمه تقدر تقول مستسلمه  حاسه اني طايره في السماا  واخدني الشووق

جميله هي تنظر له وتمرر يدها ع صدره برقه : لسه زعلان مني

جاسر بحب وشغف من قربها الي بيجننه : منكرش اني كنت زعلان وناوي اعاقبك بس للاسف بحبك ثم اكمل بخبث وهو يغمزها  بس دا ميمنعش اني هعاقبك بردوا بس عقاب من نوع تاني ي حبيبتي  هحاسبك ع حرمااني منك شهرين انتي اتاخرتي ولازم تدفعي حساب تأخيرك ودا تمنه غالي ي حبيبتي

جميله برقه ودلال وهي ترقص بين احضانه : وانا موافقه ع عقابك ،بس الي متعرفهوش ان بعدي عنك هو اكبر عقاب ،انت فاكرني بعاقبك اني ابعد عنك بس لا انا اكتشفت اني بعاقب نفسي

متحيره ومتغيره وكأني لسه صغيره ..لو بحلم انا من الحلم داا مش عايزه افوووق

ملهوووفه عليك ومسلمه

جاسر اتنهد : امال ليه العند ورفضتي قربي ،انتي جرحتنيني ي جميله جرحتي رجولتي وانتي فكراني شخص شهواني مش عايز منك غير حقوقه الزوجيه وبس ،انك ترفضي قربي كأنو عقاب ع حاجه اخوياا عملها دا اسموا اي

جميله برقه وهي تضع يدها ع فمه : بلاش نتكلم في حاجه فاتت انسي ، انسي كل حاجه  انا كل الي عايزه اقولهولك اني عمري ما شوفتك شخص شهواني وعمري ما كنت بعاقبك ببعدي عنك  بالعكس انا حبيتك وحبيت حنانك الي دوبوني فيك

لحظه حنان انا عشتها ..لحظه اما شوفتك وقتها
وبأعلي صوتي انا قولتها  هفضل معااااااك

جاسر اتنهد بشوق وهو مش قادر يستحمل شالها وهو يتجه ناحيه السرير

جميله بابتسامه ورقه: بس لسه الاغنيه مخلصتش

جاسر بخبث وهو يغمزها ومكمل لسرير  : مش مهم الاغنيه فيه حاجات تاني اهم

جميله ضحكت ضحكه عاليه

جاسر بغمزه : ضحكه زي دي تاني وهيطلبولنا بوليس الاداب ي روحي

نيمها جاسر ع السرير وهي لسه في حضنه ونام جنبها وهو ضاممها بعشق

جميله كتمت ضحكتها  : خلاص مش هضحك

جاسر بخبث : لا اضحكي براحتك بس لما نرجع فيلتنا ساعتها مش هيكون فيه حد يطلبلنا بوليس الاداب اصلا

جميله بابتسامه : انت نسيت رنا

جاسر بخبث : لا متخافيش رنا هتستر علينا

جميله بضحك: هههههههههه انت ناقص تقول هتصلح غلطتك

جاسر بخبث وهو يقترب من شفايفها : انا فعلا هصلح غلطتي ي روحي

باسها جاسر بهدوء ورقه وشغف ودابوا في جنه عشقهم

💖💖💖💖💖💖💖💖💖💖
انا نزلت بارت دا عشان مش خقدر انزل بكره لان عندي جامعه اتمني البارت يعجبكوا وعايزه اعرف رائيكوا في الشخصيات والبارت 😘😍