رواية احببت عنادك... بقلمي/هاجر هشام الفصل المئة 110 - بقلم Hagar Hešhàm

في فيلا حمزه وناديه
كانت ناديه قاعده مع الدكتور بيشرحلها وحمزه بيراقبها من بعيد نوعا ما وهو مستمتع وهو شايفها مندمجه ومركزه اووي ،وبحركه تلقائيه منها بصت ل حمزه وشافتوا وهو باصصلها ومبتسم بحب ،اتكسفت ووشها احمر وحمزه بصلها بغيره وهي كتمت ضحكتها وركزت في الشرح مع الدكتور

في اللحظه دي جيه مكالمه ل حمزه وراح بعيد يرد لكن كان باصص عليهم
حمزه : ايوا ي جاسر
جاسر بعصبيه: انت فين ي زفت ،في اي عمال بتتاخر الايام دي ليه وتمشي كتير مالك
حمزه بغيظ: مانا قايلك ان ناديه حامل وكمان قاعد عشان الدكتور الي بيشرحلها بيجي هنا ومينفعش اسيبهم لوحدهم
جاسر بغضب : ماشي لما يغور تيجي ،انا مش هفضل ماسك الشغل لوحدي ،انا بردوا مراتي تعبانه وحامل ،وكمان الزفت عبدالرحمن دا بردوا هشوف موضوعوا اي ،هو كمان
حمزه :ما بردوا مراتوا حامل ي بني
جاسر :ما هو بيسيبها مع مامتها وهي بتهتم بيها
حمزه بغيظ: اديك قولت هو بيسيبها مع مامتها وانت مامتك قاعده مع جميله بتهتم بيها لكن مراتي مفيش غيري معاها
جاسر سكت لان فعلا حمزه عندو حق ،جميله مامتوا بتهتم بيها وبتساعدها دايما وسلمي بردوا مامتها بتهتم بيها لكن ناديه مامتها في الصعيد وبعيده عنها ومفيش غير حمزه جنبها

جاسر اتنهد : طيب خلاص ،معلش ي سيدي متزعلش ،المهم مراتك عامله اي

حمزه : ماانت عارف الشهور الاولي في الحمل متعبه بس الحمدلله

لمح حمزه من بعيد الدكتور وهو بيمسك ايد ناديه من تحت التربيزه وهي اتفزعت وشدت ايديها
حمزه غلي الدم في عروقه وهو بيغلي من الغيره والغضب
حمزه بحده: اقفل ي جاسر دلوقتي هكلمك بعدين
قفل حمزه قبل مايسمع الرد وراح بخطوات سريعه وهو زي الاسد الي ما صدق لقاا الفريسه بتاعتوا ومسك الدكتور من لياقه قميصه وضربه بالبوكس وهو اتخض ،وناديه اتفزعت من شكل حمزه الغاضب
حمزه بغيره وعصبيه شديده:انت ازاي تتجرأ وتلمس مراتي ي وسخ
الدكتور برعب من حمزه : انا كنت بفهمها
حمزه بغيره وغضب وهو يلكمه : دا انا الي هفهمك ي روح امك
حمزه كان بيضربوا كذا بوكس وهو بيجره برا الفيلا وخرج براا ووضربوا بالبوكس ووقع ع الارض والحراس راحوا ناحيته ومسكوه
حمزه بغضب : خدوا الزباله دا وارموه برا
الدكتور بغضب والم من جميع انحاء جسده والحراس ماسكينوا : ع فكره انا مش هسكت وابقاا قابلني لو نجحت السنادي ولا اي سنه
حمزه بعصبيه وقرب منو وضربه تاني : انت الي قابلني لو دخلت الجامعه تاني ولا اي جامعه غيرها ولا درست اصلا انا هقعدك في البيت عشان تحرم تلمس اي واحده تاني ي وسخ
بصلوا بغضب وهو بينزف والحراس شالوه رموه برا الفيلا ،وحمزه دخل الفيلا وشاف ناديه وهي كانت مرعوبه من شكلوا ودموعها نازله ع خدها وبقا وشها شاحب من الخوف
راح حمزه ناحيتها وهي بترجع بخوف وفاكره انو هيضربها ،مسك حمزه ايديها وثبتها ولسه هيتكلم اتفاجئ بيها بتفقد الوعي ،لحقها ع طول وشالها
حمزه بزعيق وخوف جواه ع ناديه وهو شايلها : سعااااد
جت سعاده جري وخوف : ايوا ي بيه
حمزه بغضب : اتصلي بسرعه بالدكتوره خليها تيجي
سعاد بقلق :حاضر ي بيه
طلع حمزه اوضتهم وحطها ع السرير بهدوء وفك حجابها عشان تقدر تتنفس ب راحه وهو يمرر يده ع خدها وملامحها برقه وحنان
حمزه بحنان وهو بيحاول يهدي غيرته ومسح دموعها برقه: انا اسف ي روحي اني خوفتك ،بس غصب عني مقدرتش امسك نفسي وانا بشوفه بيمسك ايدك
فضل يتأملها بعد الوقت
سمع حمزه خبط ع الباب ودخلت سعاد ومعاها الدكتوره وكشفت عليها
الدكتوره بابتسامه وهي تكتب في الروشته:لا مفيش حاجه هي بس جالها هبوط مفاجئ وكمان دا عادي بيحصل عشان الحمل و انا هكتبلها فيتامينات تقويها ،وان شاء الله هتبقي بخير
حمزه اتنفس ب ارتياح: ان شاء الله ي دكتوره
اديتوا الدكتوره الروشته وهو حاسبها وادا الروشته ل سعاد تديها لاي حارس يجيب العلاج ،وخرجت الدكتوره وسعاد وراح حمزه قعد جنب ناديه ع السرير ،وهي فاقت وشافتوا اتخضت ورجعت لورا وهو اتنفس بضيق وحزن جواه انو خوفها كدا
ناديه بخوف وعينيها لامعه بالدموع: انا ....والله ملي. ش دعوه هو ا .لي مسك ايد. ي بسر. عه وملحق تش اعمل اي حاج ه

ناديه كانت بتتكلم بخوف وصوت متقطع ودموعها نازله ع خدها ،وهو مقدرش يستحمل يشوفها كدا ضمها لحضنه بقوه وحنان وهو يملس ع شعرها بهدوء
حمزه بحنان : بسسسس اهدي محصلش حاجه انا مش هعملك حاجه ،انا عارف انك مغلطيش هو الي وسخ وزباله وصدقيني مش هرحموا وهخليه يندم الف مره انو مسك ايدك

في اللحظه دي سمعوا خبط وبعدت ناديه عن حضن حمزه ودخلت سعاد وهي ماسكه صينيه اكل وكاسه عصير وحطتها ع الكمودينوا جنب السرير
سعاد : حاجه تاني ي بيه
حمزه : اه فين العلاج
سعاد وهي تعطيه العلاج: اهو ي بيه
حمزه خد منها ااعلاج : خلاص روحي انتي ي سعاد
سعاد : حاضر ي بيه
خرجت سعاد وحمزه خد صينيه الاكل وحطها قدام ناديه وهو بياكلها
ناديه بدموع: لا مليش نفس
حمزه بحزم : لا مفيش حاجه اسمها مليش نفس انتي لازم تتغذي كويس
ناديه : بس
قاطعها حمزه بحزم وهو يضع اللقمه في بوقها : مفيش بس ،انا مش بحب الدلع دا
كلت ناديه بطاعه وهي جواها زعلانه وحيرانه مش عارف تحدد شخصيته هو من شويه كان حنين ودلوقتي بيكلمها بحزم وشده ،
خلصت اكل وشربت العصير وخدت العلاج ،كل دا وهي مضايقه وبتعيط

حمزه شال صينيه الاكل وحطها ع التربيزه وقرب من ناديه بحنان :ممكن كفايه دموع بقاا
ناديه بصتلوا باستغراب وحزن ودموع: لا مش كفايه انت زعقتلي
حمزه ابتسم بحنان ع برائتها : انا زعقتلك عشان تاكلي ،انتي مهما كنتي خايفه او زعلانه الاكل ملوش دعوه ،انتي لازم تتغذي عشان صحتك وكمان عشان ابننا

ناديه بدموع : يعني انت مش زعلان مني

حمزه بحنان : هزعل منك في حاله واحده بس لو مبطلتيش عياط

ناديه بعدت عن حضنه و مسحت دموعها بسرعه : خلاص اهو

حمزه بحب وغمزه : لا انا لسه شايف فيه دموع لسه

ناديه باستغراب وهي تمسح خدها : فين دي

حمزه بغمزه وهو يفك ازرار قميصه ويرميه باهمال وقرب منها : هقولك فين ي حبيبتي

حمزه قرب منها وباسها ع خدها برقه وباسها ع خدها التاني ونزل ع شفايفها وباسها برقه وشغف وهي في حاله توهاان رهيبه نسيت خوفها منو ومستمتعه بقربه الي بينسيها العالم كلوا ،فك الفستان وهو لسه بيبوسها وهي دايبه معاه ،ومش مصدقه ان دا حمزه الي كان من شويه زي الاسد الي بيصطاد فريسته ،هو دا الي بيقرب منها برقه ولمسه مفيش احن ولا ارق منها

حمزه فعلا معاها مكنش فيه احن منو ،هو معاها بيبقي شخص تاني خالص ،بيهزر ويضحك ويحب ويعشق لكن الي يفكر يلمس حاجه ملكه يتحول لوحش كاسر ،مفيش مخلوق في الكون يقدر عليه

ناديه بصوت هادي وتوهان بصت في عينيه وهي نفسها تعرف اي شخصيته بالظبط : انت ازاي كدا ،ازاي بتقدر تتحول بسرعه كدا ،معقوله انت حمزه الي كان من شويه زي الوحش الكاسر

حمزه ضمها لحضنه بتملك وغيره وهو بيقرب. ويقرب وبص في عينيها :حبيبتي انا معاكي ببقي انسان تاني خالص ،وبعدين الوحش دا بيطلع للي يفكر يلمس حاجه ملكي ،وانتي ملكي بكل تفصيله فيكي ملكي انا وبس مش حد تاني ،يعني الي يفكر يلمسك يبقي كتب نهايته بايده

ناديه بتوهان وهي دايبه مع كل لمسه وهمسه عشق منو واعترافه بحبه ليها حتي لو بالشكل دا وهي شايفه الغيره الي بتصرخ في عينيه :وانت كمان ملكي انا وبس ،مستحيل حد يشاركني فيك

حمزه ابتسم وبصلها بدهشه وهو اول مره يسمع الكلام دا منها وضمها لحضنه وبخبث غمزها : دا شكل القطه المغمضه فتحت وبقت بتتملك كمان

ناديه ابتسمت بحب ومشاكسه وهي بتلف ايديها حوالين رقبته برقه : القطه فتحت ع ايديك ي حبيبي وبعدين مش من حقي ولا اي ماانت جوزي حبيبي ،وبغير عليك ومحبش حد يشاركني فيك

حمزه ضحك بصوت رجولي قوي وهو مش مصدق ان دي ناديه القطه المغمضه الي كانت بتتكسف من خيالها ،دلوقتي في حضنه ومعاه من غير خجل ولا خوف لكن كان جوااه سعاده رهيبه وهو مستمتع بكلامها وقربها ليه بدون خجل ورغبته زااادت وقرب اكتر و اكتر واكتر وبغمزه : معنديش مانع ان قطتي تفتح ع ايدي ي حبيبتي ،انتي معايا تقدري تخرجي كل الي جواكي ،وتقولي كل الي انتي عايزاه من غير خجل ولا خوف

ناديه كانت مستمتعه بقربه وكلامه الي جننها ودايبه معاه وبرقه ودلع وحركه اغراء منها :حبيبي ازاي اخاف وانا بين ايديك بحس بالامان ،انت اماني ودنيتي وحياتي كلها ،انا اخاف لو بعدت عنك ،لكن في قربك ببقا مطمنه وانا معاك

حمزه رغبته فيها زاادت اضعاف اضعاف وضمها لحضنه برغبه وهو بيقرب : يعني انتي محبكش الكلام دا والجراءه دي غير وانتي حامل حرام عليكي انا بحاول اسيطر ع رغبتي ع قد مااقدر عشان متتاذيش

ناديه ضحكت بصوت عالي ودلع وهو اتنفس رغبه عارمه

حمزه وهو يعض ع شفايفه بغيظ: والله كدا ما هينفع وشكلك كدا عايزه تشرفي في المستشفي

ناديه وهي تكتم ضحكتها : ههههههه خلاص اهو مش هتكلم

حمزه بابتسم وبصلها بخبث : ايواا شاطره خليني كدا حنين ورقيق معاكي بدل ماا .......
اكمل غمزه ولا انتي عارفه

💖💖💖💖💖💖💖💖
في الليل في فيلا جاسر وجميله
دخل جاسر ورنا الفيلا وهو باين ع ملامحه الارهاق والتعب من الشغل
شافتوا مرات ابوه (قررت اقول اسمها لاني زهقت وانا بقول كل شويه مرات ابوه او امه ،)(اسمها صبره)

راحت ناحيته بقلق
صبره بقلق : انت كويس ي بني
جاسر كان خلاص بدا يحن شويه ويسامح واتكلم معاها عادي : اه كويس هو شويه ارهاق بس عشان الشغل
صبره بحنان : ربنا يقويك ي بني ،طب اطلع غير هدومك ع مااحضر العشاء وانتي بردوا ي رنا اطلعي غيري هدومك عشان تتعشي
رنا : حاضر ي ماما
طلعت رنا
جاسر : هي جميله اتعشت ولا لسه
صبره ابتسمت :جميله اها اتعشت انت عارف هي حامل ولازم تتغذي كويس
جاسر بحب:عارف وكويس انها اتعشت ،طب هي فوق مش كدا
صبره : اه فوق
جاسر بلهفه : طب انا هطلعلها ع ما تحضري العشاء
صبره ابتسمت لما شافت لهفته عليها : ماشي بس خلي بالك مش عايزين يحصل زي المره الي فاتت ،البت كانت هتموت في ايدك
جاسر ضحك:ههههههههه لا خلاص حرمنا ،انا قولت مش هلمسها غير لما تبقي كويسه
صبره بحنان: ربنا يخليهالك ي بني وتقوملك بالسلامه وتشوف اولادك بخير دايما
جاسر اتنهد : ياارب ، طب انا هطلع
صبره : ماشي
طلع جاسر ودخل اوضته وكانت جميله نايمه ،قرب منها بحب وجواه لهفه وشوق ورغبه بيكتمها بصعوبه وشال شعرها الي كان مغطي وشها وقرب منها برقه وباسها ع خدها ،وهي حست بيه وصحيت وابتسمت لما شافتوا وقامت اتعدلت ع السرير
جميله بصوت نعسان وابتسامه وهي بتمسح عينيها وبتفوق : معلش ي حبيبي نمت غصب عني ،محستش بنفسي
جاسر بحب : ولا يهمك ي حبيبتي ،انا الي اسف اني صحيتك ،ارتاحي انتي
جميله ابتسمت بحب: لا خلاص انا فوقت ،المهم اتعشيت ولا احضرلك العشاء
جاسر : ماما بتحضروا وانا هاخد شاور
جميله : ماشي عشان انا بردوا هتعشي معاك
جاسر باستغراب : هو انتي متعشتيش ماما قالتلي انك اتعشيتي
جميله ابتسمت : ايوا بصراحه اتعشيت بس جوعت تاني مش عارفه عمال اجوع كتير اووي
جاسر ضحك وضمها بحب : هههههه ي قلبي براحتك وبعدين انتي حامل يعني مش بتاكلي لوحدك واكيد لازم تجوعي
جميله : جاسر متنساش بكره المتابعه مع الدكتوره
جاسر : مش ناسي ي حبيبتي
جميله بحماس : تعرف هتجنن واعرف ولد ولا بنت
جاسر بحب : كل الي يجيبوا ربنا كويس ي حبيبتي ،يعني مش هيفرق معايا سواء ولد هحبوا ولو بنت هحبها اكتر
جميله بحب: عارفه ي حبيبي بس حابه اعرف
جاسر بحنان : مستعجله ع اي لسه بدري انت لسه في الشهر الثاني
جميله بحماس ولهفه: مش عارفه حاسه اني قعدت كتير اوي نفسي اشوفوا
جاسر ابتسم ع لهفتها وهو جواه مبسوط وعندو شغف ولهفه اكتر منها : ان شاء الله ي حبيبتي ،المهم انا هعدي عليكي بكره نروح لاسيل هي قالتلك انها نزلت الشغل صح
جميله : اه بتشتغل وهي حامل عادي ،وانا
قطعها جاسر : لا مش هتشتغلي غير لما تبقي كويسه انا مش مستعد اخسرك ابدا ولا اخسر ابني
جميله بزهق : بس ي جاسر انا زهقت ،انا تقريبا مش بعمل حاجه غير النوم والاكل واقعد ع الفون شويه ،بس دا كل الي بعملوا ،انا بردوا خايفه ع ابني بس حقيقي زهقت
جاسر بحنان وهو يحضن خديها بين يديه: اوعدك ي روحي لما تبقي كويسه ،هاخدك ونخرج ،نقضي يومين في شرم او اكتر براحتنا بس لما حالتك تتحسن والدكتوره تقول انك ينفع تسافري اتنهد بشوق ،وبعدين مش لوحدك الي زهقتي ،انا بصراحه ماسك نفسي بالعافيه عنك ،عايز افترسك واعوض ايام حرماني منك بس اعمل اي حكم القوي ،لازم نستحمل عشان الباشاا

جميله :هههههههههه ماشي هضطر استحمل عشان الباشا

جاسر ابتسم وضمها لحضنه بحب وشوق وباسها ع خصلات شعرها وبعد كدا بعدها عن حضنه : انا هدخل اخد شاور واغير عشان ننزل نتعشي سوا

جميله : ماشي
قام جاسر دخل الحمام خد شاور ولبس شورت اسود وتيشيرت احمر وخرج ونزل هو وجميله يتعشوا
بعد وقت خلص جاسر ورنا اكل ،وجاسر كان بيتابع جميله وهي بتاكل ومستني تخلص
جاسر ضحك:ههههههه امال لو مكنتيش اتعشيتي قبل مااجي كنتي هتعملي اي ،هتاكليني
جميله بصتلوا بغيظ وهي بتاكل : ع فكره انت بارد هو انت مش قولتلي كلي براحتك وبعدين انا حامل يعني باكل لياا ولل بيبي
صبره ضحكت بحنان :سيبها ي جاسر تاكل براحتها
جاسر :ههههههههه ماشي خلاص كلي براحتك
جميله بغيظ : لا خلاص سديت نفسي
جاسر بدهشه: نعم ،سديت اي ي اختي ،امال لو مكنش مسدود كنتي كلتيني
كلهم ضحكوا وجميله بصتلوا بغيظ وضربته ع صدره بقوه
جميله بغيظ: تصدق انك بارد فعلا ،انا مش هاكل معاك تاني ل تحسدني
جاسر :هههههههههه احسدك ،طب يلا ي اختي عشان ننام انا تعبان وعايز ارتاح
جميله وهي بتطلع لسانها: لا نام لوحدك بقاا
جاسر اتجاهل كلامها وقام شالها وسط نظرات صبره ورنا وهما بيضحكوا
جاسر بخبث: لا ي حبيبتي مفيش حاجه اسمها نام لوحدك ،انتي هتنامي معايا
جميله وهي تكتم ضحكتها ورسمت ملامح الغضب: ماشي بس لو اتريقت عليا
جاسر :ههههههههه لا خلاص مش هتريق كلي براحتك ي حبيبتي ،انا بهزر
جميله : امممممممم ماشي
💖💖💖💖💖💖💖💖💖
في فيلا ادهم واسيل
كانوا بيتفرجوا ع ال TV
ادهم بزهق : ي اسيل ما تغيري ام المسلسل الي بقالوا سنين دا هو مش بيخلص ابدا
اسيل وهي باصه لتليفزيون باندماج : مالوا ي حبيبي ماهو جميل اهو ،بص بيحبها ازاي ولا رومانسيته
ادهم بصلها باستنكار : رومانسيه اي دا كل ما يجي يبوسها هي تهرب منو
اسيل : ي حبيبي عشان بسبب تجربه باباها ومامتها زمان كرهت الحب ومبقتش عايزه تحب لكن دا الوحيد الي هتحبوا رغم ان كذا واحد حبها ،تعرف ان باباها رماها عشان مراتوا بعد ماامها ماتت

ادهم بصلها وهو اندمج وحابب يسمع : ازاي

اسيل ابتسمت وهي بتحكي: بص ي سيدي مامتها زمان حبت باباها واتجوزته وكانت بتعشقه لدرجه انو لما قالها هيتجوز عليها انتحرت ومقدرتش تستحمل وبنتها كانت صغيره ،عشان كدا البنت كبرت وهي كارهه الحب وكرهت ابوها عشان السبب في موت مامتها

ادهم بملل : اي الملل دا ي اسيل انتي ازاي قادره تكملي كل دا ،،دانا من كام حلقه زهقت منو الواد ياعيني هيموت ويبوسها وهي بتبعد

اسيل رجعت بصت لتليفزيون وابتسمت بهيام وهي تنظر للبطل : بصراحه هي غبيه فيه حد يسيب القمر دا ويبعد عنو

ادهم بغيره مسك ايديها ولواها ورا ضهرها : نعم ي ااختي هو مين دا الي قمر ،والله اخذق عينيك ي اسيل

اسيل وهي كاتمه ضحكتها :اي اي خلاص والله بهزر

ادهم بغيره: طب اقفلي الزفت دا بقاا عشان مقومش اكسر الشاشه خالص

اسيل وهي كاتمه ضحكتها : هههههه خلاص فاضل شويه ع ماتخلص الحلقه

ادهم قام شالها بغيره وخبث : شكلك مش هتجيبيها لبر ،انا بقاا هوريكي مين دا الي قمر هخليكي تنسي الرجاله كلها ومتشوفيش غيري

اسيل برقه وهي تلف ايديها حوالين رقبته: انا فعلا مش شايفه غيرك انت ي روحي

ادهم بخبث وغمزه: هنشوف ي حبيبتي

اسيل وهي بتغيظه : تعرف انها اشتغلت دكتوره بردوا زي وكل الدكاتره الي اشتغلوا معاها حبوها ،حتي البطل دكتور

ادهم بغيره وهو يقرصها : لا دانتي مصممه بقاا اكمل بوعيد ماشي ي اسيل انا هربيكي والمسلسل دا مش هتتفرجي عليه تاني وخليني اشوف انا ولا المسلسل دا

اسيل وهي تكتم ضحكتها وجواها سعاده وهي شايفه غيرته وحبه ليها وبرقه: انت طبعا ي حبيبي ،انا بهزر كنت حابه اشاكسك بس

ادهم وهو يرفع حاجبه وطلع بيها وهو شايلها : تشاكسيني ،امممممم ع العموم هنشوف الموضوع دا فوق ،انا بقاا هشاكسك بطريقتي ي روحي
💖💖💖💖💖💖💖💖💖
تاني يوم في المستشفي الي بتشتغل فيها اسيل ،دخل جاسر وجميله وسلموا ع اسيل
وقعدت جميله ع سرير الكشف وهي بتعملها سونار
واتصدمت اسيل لكن اتحولت لفرحه كبيره وبصتلها بسعاده وجميله استغربت وبصت ل جاسر الي كان بردوا مستغرب ومش فاهم حاجه ورجعت بصت لاسيل
جميله باستغراب : في اي ي اسيل
اسيل بسعاده: مش هتصدقي ،انتي حامل في تؤام لا ومش اي تؤام دول ٣ ماشاء الله
جميله وجاسر اتصدموا وبصوا لبعض بفرحه وهو جواهم احساس كبر اكتر بعد الخبر دا ،الاول كانوا فرحانين وهما فاكرين انو بيبي واحد دلوقتي عرفوا انو ٣ ،الفرحه كانت بترقص في عينيهم وبدون شعور من جميله عينيها دمعت بفرحه وهما الاتنين مش عارفين يقولوا اي كانوا بيبصوا لبعض بس وكانت عينيهم بتقول كتير
جاسر كان جواه احساس فرحه وسعاده تكفي الكون بحاله ،ازاي ميفرحش وهو كان نفسوا ربنا يرزقوا ب بيبي واحد و عشان كرم ربنا كبير ربنا رزقه ب ثلاثه وعوضه عن انتظاره

جميله مكنتش تقل فرحه عنو وكانت اول مره تنزل دموعها بس المرادي بفرحه مش حزن ،ومكنتش زي اي فرحه دي كانت مزيج بين فرح وحب ،واحساس جميل ميتوصفش

اسيل كانت بصالهم وهي مبتسمه وشايفه صدمتهم الي اتحولت لفرحه وباصين لبعض بحب وجاسر ماسك ايديها بحنان وحب

💖💖💖💖💖💖💖💖
في فيلا جاسر وجميله
صبره بسعاده وفرحه عارمه : انتوا بتتكلموا بجد
جميله بابتسامه وفرحه جواها : اه بجد ،انا حامل في ٣تؤام
رنا بسعاده وحماس : الله بجد مش قادره اصدق
جاسر بحب ولف ايدو ع كتف جميله وقربها لحضنه من الجنب :ولا انا قادر اصدق حقيقي ،ربنا كبير اوووي
جميله ابتسمت بحب وهي في حضنه وهي مش قادره توصف سعادتها وفرحتها : انا فرحانه اووي ،حاسه اني عايزه اتنطط من الفرحه
جاسر بحب وحنان: لا انتي لازم تخلي بالك من نفسك وتبقي حذره جدا ،انتي دلوقتي شايله ثلاثه مش واحد ،
جميله : حاضر ي حبيبي
صبره بحنان : ربنا يحميكوا ي ولاد ويبعد عنكوا كل شر ،
جميله وجاسر : امين يارب
💖💖💖💖💖💖💖💖
عدي ايام

جاسر كان بيهتم ب جميله وكمان مرات ابوه ورنا معاها دايما وبيعاملوها باهميه كبيره

حمزه بيهتم ب ناديه وجابلها دكتور تاني غير الي طرده بس المرادي مكنش بيسيبها ابدا ولا بيبعد عنها ثانيه ،حتي لما بيروح الشركه بياخدها معاه وبتروح معاه

اروي حبها لاسر كان بيزيد كل يوم وهي شايفه غيرته عليها وحبه ليها وزاد حبهم وتعلقهم ببعض ثمره حبهم وهي حمل اروي

ادهم كان بيهتم باسيل وبحملها ورفض اي مهمه تجيلوا عشان يفضل جنبها وميسبهاش ابدا

عدي ومايا حبهم بيزيد مع مرور الايام لكن مع بعض المشاكل الي بتجاوهم بس بيقدروا يتخطوها وفضل عدي جنب مايا وكان لما بيروح المستشفي بيوديها عند مامتوا

اياد خلاص مبقاش قادر يستغني عن كارما وحبها بجنون وهو عندو يقين انو عمروا ما حب كدا وكان حبه ل رنا حب اخوات او اعجاب بمظهرها مش اكتر لكن كارما كانت الحب الاول والاخير والحقيقي ،خصوصا بعد ما شاف حب كارما ليه

رنا وصلاح كانوا بيقربوا لبعض اكتر وبقاا بيتكلم معاها ب راحه اكبر ،هي خلاص بقت مراته حلاله ويقدر يتكلم معاها من غير تحريم ،لكن رنا كانت مكسوفه وهو عشان يخرجها من كسوفها ،بيتعاملوا ع انهم لسه اصدقاء لكن طبعا صلاح كان بيخطف لحظات رومانسيه وهو بيعبرلها عن حبه ليها وهي بردوا بدات تنسي خجلها شويه وتتكلم شويه وتعبرله عن حبها وهو كان في غايه السعاده

يوسف وهاجر مفيش اي جديد في حياتهم غير حبهم لبعض الي بيزيد كل يوم وهو زي ما وعدها بيستغل كل ثانيه عشان يفرحها ويعبرلها عن حبه ليها

💖💖💖💖💖💖💖💖💖💖
في فيلا جاسر و جميله
دخل جاسر الاوضه وكانت جميله بتتكلم في التليفون ،شاورتلوا ميتكلمش ،قرب منها وهو باسها وبرقه ع خدها وهي ابتسمت وبتحاول تبعده لكن هو مكمل وهو بيلعب في شعرها
جميله :طيب هبقي اكلمك بعدين ، سلام
قفلت جميله وبصت ل جاسر بغيظ
جميله وهي تكتم ضحكتها وبصتلوا بغيظ:انت مش هتبطل حركاتك دي ،معرفتش اتكلم في التليفون
جاسر :ههههههههههه وانتي بتكلمي مين يعني اهم مني
جميله بحب وبرقه : مفيش حد اهم منك ي حبيبي
جاسر ابتسم بحب وضمها لحضنه : كنتي بتكلمي مين بقاا
جميله : دا سليم
جاسر بعدها عن حضنه وبصلها باستغراب : سليم مين
جميله : دكتور سليم ي جاسر الي كان بيعالج سلمي
جاسر افتكره وافتكر لما كان عايز يتقدم ل جميله وبصلها بغضب وغيره : وانتي بتكلميه ليه
جميله استغربت : طب وفيها اي لما اكلموا
جاسر بعصبيه وغيره : يعني اي فيها اي ،انتي ناسيه انو كان عايز يتقدملك
جميله : لا مش ناسيه بس انا فهمتوا اني متجوزه وقررنا نبقي اصدقاء
جاسر كان هينفجر من الغضب وكور قبضه ايديه وهو نفسوا يقتلها لكن بيحاول يتحكم في اعصابوا وغيرته ومسح وشه بغضب : انا حقيقي تعبت من دماغك الي نفسي اكسرها في ايدي ،هو انتي ازاي كدا ،ازاي واحد حبك و عايز يتقدملك وانتي متزفته متجوزه وبعد كل دا حضرتك رايحه تقوليلوا نبقي اصدقاء ،اكمل بعصبيه. انتي عبيطه ولا شكلك كدا

جميله : اوووفف ،ع فكره انت مكبر الموضوع اوووي وبعدين انا لو شوفت حاجه وحشه منو كنت انا من نفسي وقفتوا عند حدوا ،لكن هو كان فاكر اني مش متجوزه وكان عايز يتقدم وهو فهم اني متجوزه وبعد فين المشكله في كدا

جاسر كان هيموت من الغيظ والغضب : سليم متكلمهوش تاني ودا اخر كلام عندي ،انا ميهمنيش كل الرغي الي قولتيه دا

جميله بغضب : لا هكلموا عادي ،احنا اصدقاء وانا مش بعمل حاجه غلط

جاسر پعصبيه : مفيش حاجه اسمها اصدقاء ،لانو عمروا ما هيعتبر دا ،عمر واحد حب ويرجع يبقي صديق ،

جميله : انا ميهمنيش كل دا ،انا الي يهمني اني بعاملوا ع الاساس دا

جاسر بغضب : ماشي ي جميله
رمي جاسر المخده بغضب ودخل الحمام خد شاور.ولبس وخرج ,وكان خارج برا الاوضه
جميله باستغراب : انت رايح فين
جاسر بحده وهو مديها ضهره وبيفتح الباب : هنام في اي اوضه ،روحي انتي بقاا كلمي سليم براحتك عشان مزعكيش
جميله وهي بتغيظه ومسكت الفون: ماشي هكلموا
جاسر اتعصب وهو بيغلي من الغيره وخلاص مبقاش قادر يتحمل اكتر من كدا ،راح ناحيتها بشراسه وخد الفون ورماه بعيد
جميله بدهشه: التليفون
جاسر نام ع السرير وضمها بقوه وتملك وغيره وهي بتتالم من ضمته
جميله : جاسر ابعد انت بتوجعني
جاسر بعدها عن حضنه وهو بيحاول يتحكم في غيرته : حقيقي تعبت منك ي جميله ،تعبت بجد ،خلاص ي جميله انا مش هقولك ع حاجه تاني اعملي الي يريحك وانا بردوا هعمل الي يريحني ،متزعليش بعد كدا لما تلاقيني بكلم بنات واقولك اصدقاء ،ساعتها هتحسي بالغيره الي بجد وتحسي بالنار الي جواياا ،انتي بتتعاملي مع ادهم وصلاح اصدقاء وانا مغيرتش منهم عشان عارف انهم فعلا مش شايفينك غير اختهم لكن دا طلب ايديكي وحبك ،وجايه تقوليلي اصدقاء

جميله حست بوجعه وان فعلا الغيره مش مجرد استمتاع وانتي شايفه الي قدامك هيموت من الغيره عليكي وانتي فاكره انها تسليه لا دي بتبقي نااار بتحرق في القلب ،رغم انها مغلطتش هي فعلا اعتبرتوا صديق ولو كانت حست منو اكتر من كدا كانت هي من نفسها بعدت ،وحست فعلا بالغيره لما قالها انو ممكن يعرف بنات عليها ،

جميله : بس انا حقيقي مغلطش ي جاسر انت عارفني كويس ،وعارف اني بعرف الي بيكدب والي بيمثل من الي بيقول الحقيقه ،وانا لو كنت شايفه حاجه منو غير علاقه الصداقه ،مكنتش كلمتوا اصلا وكنت وقفتوا عند حده

جاسر اتنهد: انتي بتكلميه من امتي

جميله : من ساعه مشكلتنا واعترافي ليك اني عندي عقده ،وهو دكتور نفسي ،قررت اروحله وهو ساعدني ومن ساعتها بقينا اصدقاء

جاسر بصلها : ومين قالك اني عايزك تتعالجي ،انا حبيتك كدا ي جميله ،حبيتك حتي وانتي عندك العقده دي ،وسامحتك وانا عارف انها عندك يعني مطلبتش منك تتعالجي

جميله : بس انا مكنتش هستني لما تحصل مشكله تاني ويحصل نفس الموضوع

جاسر : ساعتها هكون عارف وعمري ما هخليكي تبعدي

جميله : وانا عشان مبعدش اصلا عملت كدا ،كان لازم اتعالج ي جاسر

جاسر اتنهد : تمام واتعالجتي

جميله : اه ،بس لسه حاجات بسيطه

جاسر : ماشي ي جميله ،وانا موافق انكوا تكونوا اصدقاء اكمل بتحذير بس لو سمعت كلمه منو او نظره بس بيبصهالك هقتلك وهقتلوا

جميله ابتسمت وقربت منو ونامت ع صدره : حاضر ي حبيبي
اتنهد جاسر وضمها لحضنه
جميله برقه : ع فكره انت مضطر تجبلي فون جديد بدل الي كسرته دا
جاسر بغيظ : انا لو اطول اكسر دماغك دي كمان كنت عملت ،مش تقوليلي فون ،
جميله وهي تكتم ضحكتها : طب انا كدا مش هعرف اكلم حد
جاسر : كلميني انا ،انا موجود تقدري تتكلمي معايا ،
جميله :هههههه حتي وانت متعصب ،تهبل كدا ووسيم
جاسر ابتسم غصب عنه : انتي بتعاكسيني
جميله برقه ودلع : ومعاكسكش ليه ،مش جوزي حبيبي وبعاكسوا براحتي
جاسر وهو يعض ع شفتيه : طب خفي السهوكه دي عشان انا ماسك نفسي بالعافيه عنك ،مستني بس الاشاره انك تكوني كويسه وساعتها مش هخرجك من حضني لحد ماتولدي
جميله ضحكت : ههههههههههه دا انت شكلك ناوي تولدني بدري ،لا حرام عليك انا حامل في ثلاثه يعني مش هيبقي انت وهما علياا كدا كتير مش هقدر اتحمل

جاسر : ههههههههههه طب اعمل اي انتي وحشااني اوووي

جميله برقه : وانت كمان واحشني اوووي ،بس لازم نستحمل عشانهم انا مش عايزه اخسر حد فيهم ابدا ،مش هقدر

جاسر ضمها وبعتاب : اوعي تقولي كدا تاني ،انا مستعد استحمل عمري كلوا ولا انك تتاذي ولا عيالي يتاذوا
💖💖💖💖💖💖💖💖
في اكبر قاعه افراح في الاسكندريه ،قاعه من جمالها محتاج كلام كتير يوصفها ،كانت متزينه ومتجهزه عشان تستقبل اجمل عروستين واجمل عريسين
يزن&جوري. ..... اياد& كارما
جوري كانت بترقص مع يزن بفستانها الابيض الي مخليها زي الملاك وهي مستمتعه بقربه وحبه الي شايفاه وعارفاه ومش عايزه تبعد عنه ابدا ،هي رغم قوتها وشراستها لكن حبها غلب ع اي حاجه ،حبت يزن ومحبتش حد غيروا هو الوحيد الي قدر يخترق حصون قلبها ووقعها في غرامه وعشقه

يزن ضمها لحضنه اكتر واتنهد بشوق وهو بياكد لنفسوا انها خلاص بقت ملكه ومراته واقسم انو عمروا ما هيسيبها ولا يبعدها عن حضنه ابدا الي بتلاقي فيه الامان والحب
بحبببك. وانتي عارفه
هقولهالك في سكوت بتنهد بيه حاسه. من حبي ليييكي بموووووت
انا عيشت في عمري مره هي معاااكي
لهقدر يوم اسيبك ولا عمري في يوم انساااااكي
روووووحي. حيااتي... معااااكي
داانتي حياتي بكل الدنيا والي فيها
روووووحي .حياتي ..معااااكي
داانتي حياااااتي بكل الدنيا والي فيها

كارما كانت متعلقه في حضن اياد زي الطفله الصغيره وهي مش مصدقه ان حلمها اتحقق وبقاا جوزها وحبيبها ،وهي في حضنه دلوقتي ،اخيرااا بعد قهر ووجع وحزن من ساعه ما عرفت حبه ل رنا وتعلقه بيها وهي كاتمه وجعها جواها ومحدش عرفوا ابدا ،كانت بتدعي كل يوم انو يكون من نصيبها ودعوتها اتحققت وبقاا من نصيبها

اياد كان بيرقص معاها ع نغمات الاغنيه وضمها لحضنه اكتر واكتر وهو عايز يخبيها جواه ،مكنش متخيل انو ممكن يحب تاني ،كان فاكر ان. حبه ل رنا الحب الاول والاخير لكن كارما كانت هي فعلا الحب الاول والاخير والحقيقي

اياد بحب : انا خلاص مبقتش عايز حاجه من الدنيا غيرك انتي بس ي حبيبتي ،نفسي الوقت يطول وتفضلي في حضني متبعديش

كارما بحب : ابعد اي ،انا مستحيل ابعد ،هفضل معاك وبس ،انا بردوا عايزه افضل في حضنك مبعدش عنك ابدا

وانا ايدي ماسكه في ايديها بقول للوقت يطوووول
نفسي تعيش جواه في حضني وترتاح بيها سنين ع طول
متكفنيش ملايكه انا عايزك بس انتي والله مااعيش من بعدك دانا عمري ميكملشي

رووووحي... حياتي .....معاااااااااكي
داانتي حياتي بكل الدنيا والي فيها

يزن بحب : انتي فعلا رووووحي ،وحياااتي وكل دنيتي ي چوري

جوري بحب ورقه : وانت كمان روحي وحياااتي ودنيتي ي يزن ،بحبك ومحبتش حد غيرك
رووووحي .....حياتي..... معاااكي
داانتي حياتي بكل الدنيا والي فيها
رووووووووحي. حياااتي ...معااااااااكي
دا انتي حيااااتي بكل الدنيا والي فيهاا
روووووووحي ..حياااتي ..معاااااااااكي
داانتي حياتي بكل الدنيااا والي فيها

خلصت الاغنيه ويزن شال جوري ولف بيها واياد شال كارما بردوا وهما طايرين من السعاده والحب الي بينهم ،ازاي ميفرحوش وهما اخيرااا كل واحد لقاا حب حياته الي هيعيش عمره كله معاه

عند يزن وجوري وهما قاعدين ع الكوشه ،شافوا زمايلهم الي في النادي جايين ناحيتهم وسلموا عليهم وجيه مهدي عشان يسلم ع جوري
مهدي بخبث وهو يمد يده : مبروك ي عروسه
يزن بغيره وهو يكز ع اسنانه ومسك ايد مهدي وضغط عليها : الله يبارك فيك ،معلش العروسه بقاا مش فاضيه تسلم
مهدي بصلوا بغيظ وهو برغم قوته لكن ضغط يزن ع ايده وجعه: ماشي ،ع العموم انا جيت اعمل الواجب وقولت اكيد انتوا نسيتوا تعزموني فقولت اجي انا واعمل بأصلي
يزن ببرود: لا احنا منسناش احنا قاصدين

جوري كانت كاتمه ضحكتها وهي شايفه غيره يزن ونظرته ل مهدي الي كانت مليانه غضب وغيره وهو نفسوا يقتلوا حالا ،لكن ماسك نفسوا بالعافيه

مهدي بغيظ: مش مشكله ،انا هعتبر نفسي مسمعتش حاجه عن اذنك
مشي مهدي وجوري شافت يمني جايه ناحيتهم
جوري بغيره : شكل كدا دوري انا كمان جيه

يزن بصلها باستغراب وهو مش فاهم قصدها ،لكن فهم لما لقا يمني جت وعرف انها غيرانه وغصب عنه ضحك ويمني بصتلوا باستغراب وغيظ
يمني بغيظ : هو انا شكلي يضحك اوووي كدا
جوري ببرود: جدا بصراحه اصل هو افتكر حادثه البيسين لما رميتك في البيسين وضحك
يمني بصتلها بغيظ وغضب ومشيت ويزن عينيه دمعت من كتر الضحك
جوري قربت منه وبصوت واطي : يخربيتك بس هتفضحنا ،يقولوا علينا اي لما يشوفوك بتضحك كدا
يزن بضحك:هههههههه حقيقي مش قادر امسك نفسي فعلا يخربيتك انتي مصيبه
جوري ضحكت بسخريه: دا انا ،وبالنسبه للي انت عملتوا
يزن ببرائه: هو انا عملت حاجه دا انا سلمت عليه بس
جوري : سلمت عليه بس دا انت كنت هتكسر ايدو
يزن بغيره: ياريتني كنت عملت كدا فعلا
في اللحظه دي جيه حازم ناحيتهم
حازم بغمزه : اي ي عريس اتخطيت مرحله مسك الادي ولا لسه
يزن ابتسم وبص ل جوري ورجع بص ل حازم وبغمزه : متقلقش هخطيها النهارده ، هي خلاص دخلت القفص و بقت ملكي يعني محدش هيبعدها عني
حازم بغمزه : لا دا كلام تقيل انت مش قدوا
يزن ابتسم بثقه : لا انا قدوا ،هو حضرتك مستهون بياا ولا اي دا انا ملاكم وحريف كمان يعني قدرت ع اكبر الملاكمين مش هقدر ع جوري الي ملكت روحي وقلبي وكل جوارحي

حازم : انت محسسني انك داخل حرب خف شويه ي زفت متبقاش غشيم

يزن بغمزه : اتعلمت خلاص ي كبير ،دا انت استاذ

حازم بسخريه: والله شكلك مااتعلمتش حاجه خالص

يزن بغمزه: عيب عليك

حازم : ههههههههههه طب اتلم بدل مااخدها منك وساعتها هسيبك تلعب لوحدك ملاكمه ي حريف

يزن :ههههههههههه لا العب لوحدي اي دانا مصدقت اتجوزنا عشان ندرب سوا  وبعدين تاخدها اي دا حضرتك خلصت منهم عشان يخلالك الجو

حازم : اي دا انت عرفت ازاي

يزن بغمزه : العصفوره قالتلي

جوري كانت مكسوفه جدا رغم ان مش عارتها الكسوف لكن كلامهم خلاها هتعيط من الكسوف والخجل

جوري بخجل يقتل : بااباا بس بقاا والله همشي

يزن ضحك:ههههههههههه تعملي اي ي اختي ،انتي هبله ي بت هو انا مخرجك دا فرحنا

حازم زغده : لم نفسك دي بنتي ع فكره الي انت بتشتمها دي

عند كارما ويزن
كارما بحب وهي ماسكه ايديه: بحبك اوووي ي ايااد ،بجد حاسه اني بحلم ،حلم جميل مش عايزه افوق منو ابدا

اياد بحب وهو يحضن ايديها بين يديه: وانا كمان بحبك اووي ي كارما ،مكنتش متخيل اني هحب وكنت فاكر ان حبي الاول والاخير هي رنا وبس لكن انتي بحبك ليا ،خلتيني احبك واعشقك بجنون 

اياد كان بيتكلم والاغنيه دي اشتغلت
(اجمل احساس في الكون )
وكأنها بتوصف احساس اياد ناحيه كارما وكلاموا ليها ،ابتسم اياد وبص ل كارما ومسك ايديها وخدها للرقص ولف ايدو حوالين خصرها وهي لفت ايديها حوالين رقبته برقه وهي مستمتعه بكلامات الاغنيه والي كان اياد بيرددها بعينيه قبل شفايفه وهو مشتاق وعايز ياخدها دلوقتي ويطيروا ع  جنه حبهم وغرامهم

أجمل أحساااس ف الكون أنك تعشق بجنون
و ده حالي معااك .. خلتني أعيش أيام
مليانه بشوق و غرام دوبني هوااااك

كارما بحب : هو دا فعلا حالي معااك مشتاقه ليك وانت مدوبني في حبك  ،انت بتحبني وانا بعشقك بجنون  حقيقي مش قادره اصوف احساسي ليك ،انا مهما قولت كلام مش هيكفي حبي ليك

اجمل احسااااس في الكون انك تعشق بجنون
وده حالي معاك خلتني اعيش اياام مليانه بشوق وغرام

اياد مكنش متخيل انها تكون بتحبه الحب دا كلوا ،،هو بردوا بيحبها بجنون لكن هي عدت الجنون بمراحل ،عشقته ومش اي عشق دا دوبان كانت دايبه فيه وفي كل حاجه ليه

عاشقاك بجنون روحي أنا قلبي المكتوم
كله مناك وياك بعيش أحلى هنا حبيبي   أنا     يا روحي أنا
عاشقااك بجنون روحي انا قلبي المكتوم
كله منااك ويااك بيعيش احلي هنا حبيبي انا يا روحي انا

كارما مكنتش قادره تداري لهفتها وشوقها ليه وقربها اياد من حضنه وهي بتسمع دقات قلبه الي كانت هتخرج من مكانها من كثره دقاته

يا ويلي يا ناري قلي أزاي اداري بشوقي و لهفة
قلبي بقربك حتى و أحنا سوى تتنور سنيني
و بيكبر حنيني قرب مني تعال في حضني و أملي حياتي هوى

الكل كان مركز معاهم وهما مش قادرين يصدقوا الحب دا ،يزن وجوري بيحبوا بعض بردوا لكن اياد وكارما كان حب مختلف ،حب مجنون وملهوف لكل لمسه حنين وهما شايفين نظرات كارما لاياد الي كانت مليانه حب وغرام وحنين ،
اياد اقسم انو مش هيبعدها عن حضنه ابدا وهو عايز يحسسها بحبه هو كمان ،الي مكنش عارف يظهروا كلوا ،هو بيحبها لكن هي كانت حب من نوع تاني كان جنون وغراام مهما وصفتوا مش هيكفي

ياويلي يا ناري قلي ازاي اداري بشوقي ولهفه قلبي بقربك حتي و احنا سوي    تنور سنينيي وبيكبر حنيني قرب مني تعال في حضني واملي حياتي هوي

عاشقااك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا

كل كابلز كان عايز يرقص ع الاغنيه لكن بعد ما شافوا اياد وكارما قرروا يسيبوهم ،لحظه فرحهم ولازم يستمتعوا بيه وبكل لحظه فيه ،دي ليله العمر وعمرها ما هتتعوض

غيرني بثواني أحساسي اللي جاني أول مرة أحس بدنيا
حلوة في عيني كدا أيه أتمنى تاني فيه كل الأماني
دنته مليت الدنيا عليي بالأشواق و الهنا

عاشقاك بجنون روحي أنا قلبي المكتوم
كله مناك وياك بعيش أحلى هنا حبيبي أنا يا روحي أنا
خلصت الاغنيه وضمها اياد لحضنه بقوه وشوق وحنين بكل معااني الحب ،ضمها وهو عايز يدخلها جوال قلبه ويسمعها صوت دقاته الي بتغني باسمها وحبها وبس ،كان عايز يوريها حبه هو كمان ليها

الكل صقف بحرااااره كبيره وتصفير عااااالي وهما مش متخيلين الحب دا
رنا دمعت من الفرحه ع حبهم وهي جواها راحه ان اياد لقاا حبه الحقيقي ومش اي حب دا احلي حب عمروا مااتكتب ولا اتشاف في افلام ولا كتب
قرب منها صلاح ولا ايدو ع كتفها وحضنها من الجنب وهي اتفاجئت لانو كان اول مره يعملها من بعد كتب كتابهم ،وكانت مكسوفه
صلاح ابتسم ع خجلها : شوفتك واقفه لوحدك قولت اجي اقف معاكي
رنا بخجل : طب ممكن تنزل ايدك ممكن جاسر يشوفنا
صلاح ضحك:هههههه طب ما يشوفنا هو انا شاقطك دا انتي مراتي ومكتوب كتابنا خلاص بقاا مش قادر استحمل اكتر من كدا امال انا ليه كنت عايز كتب كتاب ع طول ،عشان اقدر اتكلم معاكي براحتي ونبقي ع راحتنا وانتي متخافيش من جاسر
رنا بخجل : طب نزل ايدك واتكلم عادي انا موافقه بس بجد انا محرجه انا محدش لمسني قبل كدا غير جاسر فا مش متعوده
صلاح ابتسم ونزل ايده  : حاضر اهو نزلت ايدي ،كويس كدا
رنا بخجل : اه
صلاح : طب اي رايح في اياد وكارما
رنا بصتلهم وهي فرحانه بحبهم: حلوين جدا ولايقين لبعض اوووي بصراحه عمري ما شوفت حب بالشكل دا بص كارما بتحبوا ازاي ومتعلقه بيه ازاي ،حقيقي اضايقت لما عرفت انها كانت بتحبوا و احنا مخطوبين انا لو كنت اعرف كنت سيبتوا من زمان او مكنتش اتخطبت ليه اصلا
صلاح حس بالغيره : طب ممكن متقوليش مخطوبين تاني ،انتي دلوقتي مراتي انا وبس يعني انسي انك كنتي مخطوبه
رنا استغرتب لكن شافت الغيره الي باينه في عينيه ونبره صوته : حاضر
💖💖💖💖💖💖💖💖
عند جميله وجاسر كانوا واقفين مع اللواء اسر وهاجر
اسر كان مبسوط لما عرف ان جميله حامل في ٣ تؤام وهو مش متخيل ان هيجيله ٣ احفاد مع بعض ،وهو جوااه فرحه كبيره وهو شايف بنته الي كانت صغيره وطفله بيلعب معاها دلوقتي هتبقي ام وهو هيبقي جد ،وهاجر متقلش فرحه عنو ودموع الفرحه نازله ع خدها

اسر بمزاح وهو جوأه سعاده :كدا كبرتيني بسرعه ،يعني بزمتك دا منظر جد هيستقبل احفاده بعد ٧شهور

جميله وجاسر ضحكوا
جميله :هههههههههه اي ي سياده اللواء هو انت بتهرب من المسئوليه ولا اي ،لاع فكره انا مش تقدر عليهم لوحدي انتوا لازم تكونوا جنبي
هاجر بحنان : طبعا هكون جنبك ي حبيبتي ومش هسيبك ابدا ،انا عارفه انو هيبقي صعب عليكي
جاسر ابتسم : امال احنا روحنا فين مانا معاها
هاجر :انا عارفه ي جاسر بس انت مهما فضلت معاها مش هتقدر تعمل كل واجبات الام ناحيه ابنها ،
جاسر : متقلقيش حضرتك امي بردوا جنبها
هاجر : بس انا بردوا لازم اكون جنب بنتي
جاسر : الي تشوفيه حضرتك انا بس مكنتش عايز اتعبك
هاجر ابتسمت: لا مفيش تعب ولا حاجه دي بنتي ع فكره ودول احفادي الي جاايين في السكه

خلص الفرح والكل فرحان ومبسوط ،الحمدلله مفيش قلوب حزينه ولا مكسوره ،وطلعوا العرسان جناحهم

💖💖💖💖💖💖💖💖💖
اسفه جداا ع التاخير بس حقيقي البارت عجبني جدا وكنت بكتبوا بمزاج عالي ، النهارده اول مره اكتب بالمشاعر دي ،اتمني البارت يعجبكوا زي ما عجبني. وانا بكتبوا ،وياريت تقولولي رايكوا في الشخصياات 😍😘😘