رواية احببت عنادك... بقلمي/هاجر هشام الفصل المئة 109 - بقلم Hagar Hešhàm

في غرفه جاسر وجميله
كانت نايمه جميله ع السرير ورنا والام جنبها
رنا بابتسامه: عامله اي ي جوجو
جميله بابتسامه: الحمدلله ي حبيبتي احسن دلوقتي
رنا بابتسامه: الحمدلله
الام باستغراب : امال جاسر فين اتاخر اووي هو انتوا مش جايين مع بعض
رنا باستغراب : اه جينا مع بعض بس مش عارفه اتاخر ليه ممكن يكون بيجيب حاجه
في اللحظه دي اتفتح الباب بقوه واتفزعوا كلهم وبصوا ناحيته وشافوا جاسر وكانت ملامحه لا تبشر بالخير ابدا
جاسر وهو ينظر ل جميله بغضب : رنا خدي مامتك وروحوا ارتاحوا
رنا بقلق من ملامحه: في اي ي جاسر
جاسر بحده: رنا نفذي الي قولتلك عليه يلا
رنا بصت ل جميله الي كانت مستغربه وبصت لمامتها الي كانت خايفه من ملامحوا وخرجت رنا والام وقفل جاسر الباب بالمفتاح
وراح ناحيه جميله وهو بيغلي من الغضب
جاسر بعصبيه وهو يقترب منها وهي بترجع لورا وكانت هتقع من ع السرير لكن لحقها جاسر ومسكها : انا امبارح سالتك في اي وانتي كدبتي علياا وقولتيلي انك تعبتي مش كدا

جميله عرفت انو عرف الحقيقه وكانت بصالوا وهي مش عارفه تقول اي

جاسر بعصبيه وهو يهزها : ردي علياااا

جميله وهي بتحاول تستجمع شجاعتها : اانا كنت هقولك بس

جاسر بعصبيه : كنتي هتقوليلي امتي وانتي كدبتي علياا لما سالتك وقولتلك انا حاسس انك مخبيه حاجه وانتي قعدتي تقوليلي اصل تعبت ومش عارف اي وانتي زي القرده

جميله :انا مصدقت ان الموضوع عدي وانت بدات تنسي وتسامح ومكنتش عايزاك تعرف

جاسر بعصبيه مسكها من كتافها ورفعها وقعدها ع السرير:انسي اي واسامح مين ،معقوله هنسي حد حاول ياذيكي وعايز يقتل ابني

جميله :بس محصلش حاجه

جاسر بغضب ونرفزه : جمييلهه متعصبنيش انا مش هستني لما يحصل ،وانا نفسي اكثر دماغك الناشفه دي و اقتلك دلوقتي

جميله برقه : اهون عليك

جاسر وهو يعض ع شفتيه بوعيد وهو يقترب منها ويضغط ع خصرها بغيظ: عارفه هدفعك تمن السهوكه بتاعتك دي

جميله وهي تكتم ضحكتها وهي ترفع صباعها بتحذير :لا خد بالك انا حامل

جاسر بغيظ وهو يعصر قبضه يده بغضب : هو حد مصبرني غير انك حامل اكمل بغضب انا عايز اعرف ليه خبيتي عني

جميله : عشان مكنتش عايزاك تتعصب ع مامتك تاني وترجع زي الاول ،انا مصدقت انك بدات تسامحها

جاسر بغضب : انتي ليه بتفكري في الكل وانتي لا ،دا ابنك الي عايز يقتله انتي واعيه ل دا خايفه انا مسامحهاش وبالنسبه لابننا

جميله بهدوء: ابننا محصلوش حاجه انا كويسه وبعدين احنا ماسكين الراجل

جاسر بوعيد: دا حظه الاسود انك مبلغتيش لاني هخليه يندم الف مره انو فكر يجي هنا ،دا حفر قبروا بايدوا

جميله بعدم ارتياح: ربنا يستر ،دا وقع تحت ايدك يبقي مش هيطلع سليم

جاسر بخبث وهو يغمزها : دا مش هيطلع اصلا وانتي كمان وقعتي تحت ايدي يعني مش هتخرجي غير وانا واخد حقي تالت ومتلت عشان تحرمي تكدبي علياا تاني او تخبي عليا حاجه

جميله برقه:خلاص مش هخبي عنك حاجه تاني

جاسر بخبث ونيمها ع السرير بهدوء وقرب منها :لا ي روحي بردوا لازم اعاقبك

جميله برقه وحب وهي تمرر يدها ع صدره وقلعتوا جاكيت البدله :لو عقابي هو حضنك انا موافقه بيه ،لانو هيبقي احلي عقاب بالنسبالي

جاسر بانهيار من رقتها وانوثتها واغرائها ليه بالشكل دا خلاص مبقاش قادر يتحمل اكتر من كدا ونسي غضبه وضيقه منها وبغمزه:انتي قد الاغراء دا ،انا كدا هتهور بجد

جميله بدلع وهي تفك ازرار القميص:طب ما تتهور هو حد مانعك

جاسر بغمزه وشوق وهو يضمها لحضنه بتملك وبص في عينيها:يعني هتقدري تتحملي تهوري

جميله برقه ودلع :مانا اتحملتوا قبل كدا ي حبيبي

جاسر بخبث:بس المرادي يختلف ،انتي حامل وكمان المرادي غير اي مره ،المرادي هنعد كلاكيت كتير من هنا لصبح عشان اخد حقي ،وانتي الي هتتحملي نتيجه اغرائك ليا بالشكل دا

جميله برقه:وانا موافقه اتحمل النتيجه

باسها جاسر بوسه طويله طلع شوق ورغبته فيها وهي بادلتوا البوسه بحب ورقه
بعد عنها جاسر لكن لسه قريب وهي لفت ايديها حوالين رقبته

جميله برقه وهي تلف يدها حوالين رقبته: لسه بتحبني ي جاسر

جاسر بحب وسند جبينه ع جبينها وهو ينظر لها بعتاب : لسه بتسالي ،حبيبتي انا عديت مرحله الحب دا من زمان ،انا بقيت بموت فيكي ،حبك بقاا بيجري في دمي ،عمري ماهبطل احبك ولا هزهق من حبك تعرفي ،لما ببصلك. بشوف سعادتي في الدنيا في عينيكي لما بتضحكي بحس ان الكون بحاله ملكي ،انت حياتي و روحي و حبيبتي

جميله كانت مبسوطه والفرحه بترقص في عينيها وهي بتسمع كلاموا ومش متخيله انو بيحبها لدرجه دي

جميله بحب : وانا كمان بحبك اوووي ،بحبك وبحب حنيتك وخوفك علياا ،بحب كل تفصيله فيك ،عارف لما بفتكر لحظاتي معاك وايامي جنبك بحس اني محظوظه ..مفيش اي حاجه بتوازي سعادتي بيك. . ولا حد غيرك يقدر يديني الحب الي انت اديتهوني وب رغم حجم الكون كله وكل حاجه فيه ميهمنيش اي حاجه غير اهتمامي بحبي ليك

جاسر بغمزه :يعني نعيد لصبح

جميله هزت راسها برقه وعينيها بتطلب قربه وحبه ليها

جاسر كلامها جننوا اكتر و اكتر ورغبته زادت خصوصا بعد ما صرحتله عن حبها ليه وقرب منها بحب وشغف وكأنوا بيقرب لاول مره وهو فعلا كل مره بيحس نفس الاحساس ،عمر حبها ما قل عندوا ولا حبه قل عندها ،ونسي غضبه منها وكان بيقرب بحب وحنين ورغبه مش قادر يسيطر عليها وهو بيضمها لحضنه ويمرر يده برقه وحنان ع ضهرها وهو يوزع قبلاته برقه وشغف ع جميع انحاء جسدها ووجهها

بعد وقت كبيييييييييييييير
اتفاجئ جاسر بدم ع السرير وبص ل جميله لقاها مغمضه عينيها ومش بتتكلم ولا بتعمل اي حركه ،اتفزع وقام بسرعه لبس هدومه في ثانيه وهو مش عارف يعمل اي وندم الف مره انو اتهور بالشكل دا ،لكن مفيش وقت لندم كان لازم يلحقها ،لبسها هدومها في اقل من ثانيه وشالها وخرج بسرعه ورنا والام كانوا تحت قاعدين في الصالون واتفاجئوا ب جاسر شايل جميله وهي بتنزف ،اتصدموا وجريوا ناحيته
رنا برعب:اي الي حصل ي جاسر
جاسر بخوف وهو بيمشي بخطوات سريعه بدون توقف:مش عارف ي رنا مش عارف
رنا بسرعه وخوف :طب استني انا جايه معاك
جاسر بخوف :لا خليكي مفيش وقت انا لازم الحقها
خرج جاسر برا بسرعه والحراس شافوه وهو شايل جميله وراح الحارس بسرعه فتحلوا باب العربيه وحطها جاسر في العربيه وركب الناحيه التانيه وساق بسرعه جنونيه وهو بيصارع الزمن عشان يلحقها وجواه خوف وقلق رهيييب
💖💖💖💖💖💖💖💖
عند رنا والام
رنت رنا ع صلاح وايديها بتترعش من الخوف ع جميله

عند صلاح كان نايم ،قام بانزعاج ع صوت الهاتف ،رد من غير ما يبص ع الاسم
صلاح بنعاس : الو
رنا بخوف : صلاح. الحقني
صلاح قام اتفزع من صوتها : في اي ي رنا مالك
رنا بخوف ودموع : مفيش وقت اشرحلك بس ممكن تيجي الفيلا ،عشان توصلني المستشفي لاني مش بعرف اسوق
صلاح كان مستغرب مستشفي ليه لكن صوتها المرعوب قلقه : طيب. طيب انا جااي حالا
قفل صلاح معاها وقام بسرعه لبس ونزل ركب عربيتها
💖💖💖💖💖💖💖💖
عند جاسر وصل المستشفي وشال جميله ودخل بسرعه وهو بيزعق في الموجودين وجيه بسرعه الممرضين وحطوها ع الترولي وهما بيجروا بيها لحد ما دخلت غرفه العمليات
وجاسر كان داخل معاهم لكن منعوه ،فضل واقف براا وهو رايح جاي زئ المجنونه وبيخبط ع الحيطه بايديه وهو جواه ندم رهيييب وقلق وخوف عليها ،ندم انو مقدرش يسيطر ع رغبته وهي في الوضع دا ،
جاسر بغضب وهو يضرب الحيطه بقوه : غبي ،غبي مقدرتش تسيطر ع رغبتك وانت عارف انها حامل ومينفعش  ، اتنهد بخوف اااه لو حصلها حاجه مش هسامح نفسي ابدا ،
اكمل بدعاء ورجاء من ربنا
،ياارب متحرمنيش منها ولا من ابني يارب ،انا مصدقت انك رزقتني بيه يارب ،متاخدهوش مني تاني
💖💖💖💖💖💖💖💖💖💖💖
عند رنا لبست هي ومامتها وكان وصل صلاح خرجوا وركبوا بسرعه ورنا شرحتلوا الي حصل باختصار وهو بيحاول يكلم جاسر عشان يعرف مكان المستشفي
لكن جاسر كان سايب فونه ملحقش ياخدوا فقرر يشوف اقرب مستشفيات موجوده ويسالوا فيها
💖💖💖💖💖💖💖💖💖
عند جاسر بعد ساعه خرج الدكتور من غرفه العمليات وهو يتنهد بتعب ويمسح جبينه من العرق
جري جاسر عليه وهو جواه خوف
جاسر بقلق : خير ي دكتور
الدكتور بملامح غاضبه: مين حضرتك
جاسر بقلق : انا جوزها
الدكتور بغضب : هو انت الي عملت فيها كدا ،دي اسمها همجيه ي استاذ ،انت اي مش مراعي حالتها وانها حامل مينفعش الهمجيه دي ، دا لسه الحمل مثبتش
جاسر غمض عينه بخوف ع جميله وهو بيحاول يتحكم في غضبه وهو فعلا الدكتور عندوا حق هو مقدرش يتحكم في رغبته فيها ودا ممكن يكلفوا حياتها وحياه ابنو : هي حالتها اي
الدكتور بغضب : الحمدلله قدرنا نوقف النزيف وانقذنا الاطفال ،بس انا مش هسكت انا هبلغ البوليس ،انت لازم تتحاسب ع همجيتك دي ،انت مش شايف نفسك ازاي هي هتقدر تتحملك خصوصا وهي حامل
جاسر كان خلاص جاب اخره ومش قادر يتحمل اكتر من كدا ،وزاد غضبه خوفه وقلقه ع جميله ، مسك الدكتور من لياقه البالطوا
جاسر بغضب : انا ساكت من الصبح ومقدر انك دكتور. وخايف ع المريض لكن انت شكلك عايزني اقتلك

الدكتور خاف من غضب جاسر لكن حاول يخفي دا : انت بتهددني ،انا اقدر احبسك بتهمه التعدي ،لكن انا هقدر انك خايف عليها ومش هبلغ خالص

جاسر بغضب : اعلي ما في خيلك اركبوا ،ودلوقتي فين مراتي

الدكتور وهو يعدل البالطوا بغضب :هتتنقل اوضه عاديه دلوقتي عن اذنك
مشي الدكتور

في اللحظه دي وصل صلاح ورنا والام وشافوا جاسر وراحوا ناحيته بسرعه
الام بخوف : في اي ي جاسر جميله مالها
جاسر بغضب : وانتي بتسالي عليها ليه مش انتي كنتي عايزه تخلصي منها ومن الي في بطنها
الام بدموع : كنت ،لكن دلوقتي توبت ي بني ،وانا فعلا خايفه ع جميله
جاسر بسخربه:فاكره دموع التماسيح دي هتخليني اسامحك ،لا انا عرفت كل حاجه وعزام اعترف عليكي
الام بدموع : هو انا قلت اني محاولتش ،ايوا حاولت وقولتلك لكن حقيقي توبت ،انا لو فعلا عايزه تخلص منها كنت سيبتوا يقتلها لكن انا كنت خايفه عليها

جاسر بصلها بغضب وسكت هي فعلا عندها حق ،هي لو عايزه تخلص منها كانت اديتوا الفلوس ونفذ فعلا

صلاح بقلق : مش وقتوا الكلام دا ي جاسر ،جميله عامله اي

جاسر بحزن : الحمدلله قدروا يلحقوها ويوقفوا النزيف

رنا بخوف : هو النزيف دا من اي ،هي كانت كويسه ،انت عملتلها اي ي جاسر ،انت كنت متعصب ساعتها لما دخلت الاوضه وطلبت مننا نخرج

جاسر مكنش قادر يتكلم وهو جواه ضيق وحزن ع الي عملوا وكان بسبب رغبته المجنونه كان هيخسر مراته وابنه

صلاح خد بالو من ان جاسر مش قادر يتكلم :خلاص ي رنا ،اهم حاجه نطمن ع جميله

في اللحظه دي خرجت جميله من غرفه العمليات وهي نايمه ع الترولي كلهم راحوا ناحيتها وفضلوا ماشيين معاها لحد ما اتنقلت اوضه عاديه
قعدوا معاها شويه وهي كانت نايمه
جاسر : صلاح خد رنا ومامتها روحهم ،وانا هقعد مع جميله
رنا باعتراض: لا ي جاسر انا هفضل جنبها مش هسيبها
جاسر بحده: رنا نفذي الكلام انا ع اخري ومش مستحمل مناهده
صلاح : خلاص ي جاسر ،اهدي انت وانا هوصلهم ،يلا ي رنا
رنا بحزن: حاضر
مشيت رنا والام
💖💖💖💖💖💖💖💖💖💖💖💖
عند جوري ويزن
كانوا في النادي تحديدا في تمرين الملاكمه ،خلصوا التمرين وراحت جوري غيرت لبسها وهي خارجه اتفاجئت ب مهدي يضع يده قصادها ويقطع عليها الطريق
جوري بحده:اوعي ايدك بدل ما توحشك
مهدي بخبث وهو يقترب منها : انا عايزها توحشني ،اصل بصراحه بقالها كتير موحشتنيش
جوري بحده وهي ترجع لورا : انا بحذرك لو قربت ،هتندم
مهدي بخبث وهو يقترب اكثر ومسك ايديها وبحركه سريعه فك رباط شعرها واتفرد شعرها وهي اتعصبت وعينيها اتحولت للون الرمادي ودا زود رغبته اكتر فيها : انا بردوا عايز اندم

قرب منها مهدي بقوه وكتفها وهو بيحاول يبوسها وهي بتعافر وتزق فيه وبتحاول تفلت من قبضته
خربشته جوري في ايدو جامد وهو اتالم وبعد عنها وهي ضربته بالقلم بقوه وهو بصلها بغيظ وغضب

مهدي وهو يضع يده ع خده مكان القلم : حلو اوي بتخربشي ،انا بحب انا النوع دا حتي لون عينيكي ،مكدبش يزن لما قال انك قطه متمرده

دخل يزن : اي ي جوري كل دا
اتفاجئ يزن ب مهدي وشاف شكل جوري المتبهدل

يزن بغيره: انت بتعمل اي هنا
مهدي بخبث : هعمل اي يعني كانت عايزه تقولي ع حاجه سر
جوري بغضب : كدااب ،انت واحد زباله وسافل
مهدي بخبث : خلاص ي حبيبتي احنا مينفعش نخبي اكتر من كدا هو لازم يعرف اننا بنحب بعض واننا ع علاقه ببعض

جوري بصت ل يزن : يزن متصدقهوش دا بيكدب ،هو الي دخل هنا وحاول يتهجم علياا اكملت وهي تمسك ايد مهدي الي فيها الخربشه. حتي شوف دي انا الي عملتهالوا لما حاول يتهجم علياا

يزن قرب منها بغيره وغضب ومسك ايديها بقوه ومهدي ابتسم بخبث ان خطته نجحت لكن فرحته مكملتش لانو اتفاجئ بيزن بيضربو بالبوكس بقوه وغيره وبوكس اخر اقوي واعنف
يزن بغيره وغضب وهو يوجه له اللكمات : فاكر ان كلامك دخل دماغي ي زباله ،انا واثق فيها و عارف انها مستحيل تعمل كدا لكن انت الي وسخ

جوري بتحاول تبعد يزن عن مهدي وهي جواها مبسوطه ان يزن بيدافع عنها وواثق فيها كدا

مهدي كان بردوا قوي وقدر يدافع وحصل اشتباك بينهم
والكل اتجمع ع صوت الزعيق ودخلوا لقوا يزن ومهدي بيتخانقوا وبيضربوا بعض وجوري بتحاول تبعد يزن ،جريوا ناحيتهم وقدروا يبعدوا يزن ومهدي عن بعض

مهدي بغضب :هندمك ي يزن ع الي عملتوا دا

يزن بغضب وهو بيحاول يروح ناحيته لكن اصحابه مانعينوا : انا الي مش هسيبك ي مهدي ،مش هرحمك

هاني وهو ماسك يزن ومانعوا : خلاص ي يزن ،هو في اي ،وبعدين انتوا اي الي جابكوا هنا

يزن بغضب وغيره: اسالوا هو اي الي دخلوا هنا ،انا بشوف خطيبتي لكن دا دخل ليه

هاني باستغراب : انت اي الي دخلك صح ي مهدي

مهدي اتجاهل كلام هاني و بغضب وهو بيبعد الي ماسكينوا ويرتب ملابسه : ماشي ي يزن مش هعديلك الي عملتوا دا

الكابتن بغضب : خلاص يلا كلوا يطلع برا
خرج مهدي ويزن بصلوا بغضب وبدا الكل يخرج ويزن راح ل جوري ومسكها من ايديها وخرج من غير ما يقول ولا كلمه
💖💖💖💖💖💖💖💖
في فيلا جاسر وجميله
وصل صلاح ورنا والام
الام بحنان: تعالي ي بني ادخل انت تعبت معانا ،كفايه اننا صحيناك في الوقت دا وقلقناك
صلاح ابتسم : لا ي امي مفيش تعب ولا حاجه جاسر صاحبي وانتوا غاليين عندي ودا واجبي وانا هفضل هنا عشان اوصلكوا الصبح المستشفي وكمان عشان جاسر مش موجود يعني عشان ابقي مطمن
الام بحنان: كتر خيرك ي بني والله انت جدع وطيب وتستاهل كل خير
صلاح بابتسامه: تسلمي ي امي
نزلت الام ورنا معاها لكن غمزتها الام
رنا بخجل : شكرا ي صلاح
صلاح بحب : العفوا ي رنا انا معملتش حاجه يعني انا يدوب وصلتكوا ،المهم انتي اطلعي ارتاحي ولو احتاجتي حاجه انا موجود مش هنام
رنا بخجل : طب تعالي ادخل جوا ارتاح احنا قلقناك وانت كنت نايم
صلاح : لا مش هينفع ادخل و جاسر مش موجود اكمل بابتسامه وحب  وبعدين ي ستي اقلقيني انتي ملكيش دعوه هو انا اشتكيتلك
رنا بخجل : تصبح ع خير
صلاح ابتسم ع خجلها : وانتي من اهله
💖💖💖💖💖💖💖💖💖💖
في صباح يوم جديد
في ماليزيا كان هاجر ويوسف في مطعم تحت المايه وهما مستمتعين بشكل الاسماك والشعب المرجانيه وهاجر كانت بتتنطط من الفرحه والحماس وهي شايفه اشكال الاسماك والوانها ويوسف مبسوط وهي شايف ابتسامتها الي منوره وشها وقدر يرجعلها البسمه لوشها من تاني وهو جواه رضاا وراحه وهو شايف الفرحه في عينيها وكل تفصيله فيها

هاجر بحماس : الله ي يوسف شكلهم جميل اوووي
يوسف بحب وهو يحضنها من الجنب : مفيش اجمل منك ي روحي
هاجر بعشق وهي جواها فرحه تكفي الكون بحاله : انا بحبك اوووي ،حتي كلمه بحبك مش كفايه ،انا بعشقك
يوسف بحب وهو يضم وجنتيها بين يديه : وانا بموت فيكي ي حبيبتي ،من اول مااتولدتي وانتي حبيبتي وبنتي وبقيتي مراتي وكل حاجه لياا

هاجر السعاده كانت بترقص في عينيها وهي شايفه حبها الي بيصرخ في عينيه

يوسف بغمزه: اي رايك اخليكي تلمسي السمك دا وتشوفي الشعاب من قريب جدا وتلمسيها كمان

هاجر باستغراب وفرحه جواها : ازااي

يوسف مسكها من ايديها وهو ماشي بحماس : هنطلع رحله غوص

هاجر بحماس وسعاده وهي ماشيه معاه: بجد

يوسف بحب: ايوا بجد ،احنا لازم نستغل كل فرصه ونستمتع بحياتنا ،لازم اعوضك عن كل حاجه

هاجر كانت ماشيه معاه وهي جواها فرحه مهما اتكلمت عنها مش هتكفي وهو كان ماشي بخطوات سريعه وهو عايز يستغل كل ثانيه لفرحتها وبس ،عايز يشوف ابتسامتها دايماا

💖💖💖💖💖💖💖💖
في يخت ع البحر في جزيره ريدانج ع الساحل الشرقي لشبه جزيره ماليزيا كان يوسف وهاجر
بيستعدوا لرحله غوص ولبس يوسف بدله الغوص وساعد هاجر في لبسها وطلعوا

هاجر كانت متحمسه جدا وهي بتتنطط من الفرحه ويوسف كان فرحان لفرحتها وهو بيضمها لحضنه بحب وباسها ع خصلات شعرها وهي ابتسمت بحب

استعدوا ولبسوا انبوبه اكسجين وكان معاهم غواص مسك يوسف ايديها وبصلها وابتسم بحب وهي بصتلوا بحماس ونطوا في البحر

هاجر كانت بتتفرج ع الشعاب المرجانية وهي بتقرب منها وبتلمسها وهي فرحانه ويوسف معاها بيتابعها وهو جنبها وبيشوفوا الاسماك بالوانها واشكالها الي تهبل وتجنن
💖💖💖💖💖💖💖💖💖
عند ناديه خرجت من المحاضره وقابلت صاحبتها سيلين
ناديه : اي ي بنتي محضرتيش معايا ليه
سيلين بلامبالاه: احضر اي ي بنتي دا احنا لسه في اول السنه ،وبعدين هو احنا داخلين الجامعه عشان نذاكر
ناديه باستغراب : اه طبعا داخلين عشان نذاكر ،دي دراسه
سيلين :لا دا احلي حاجه في الجامعه اننا نخرج ونعيش حياتنا
ناديه بقله حيله : براحتك انا مليش دعوه
سيلين بلامبالاه: طيب مش هنقعد في الكافيتريا
ناديه : لا انا مستنيه جوزي
سيلين بزهق:اي ي بنتي الملل دا ،ما تفكي كدا ،هو انتي من النوع الي من البيت ل جامعه ومن الجامعه للبيت ،واكيد بقاا طبخ ومسح وترويق
ناديه : طب وفيها اي ،ع فكره انا مش بزهق لما بعمل كل دول بالعكس ببقي فرحانه اني بطبخ لجوزي ،وهو بياكل من ايدي ،واروق عشان يقعد في مكان نضيف

سيلين بغمزه: شكلك بتحبيه ،بس بصراحه الحب دلوقتي بقاا مش بياكل عيش ،انا عايزه واحد غني ،يخرجني ويسفرني ويجبلي عربيه ويجبلي كل الي انا عايزاه

ناديه كانت بتتكلم وهي سرحانه في حمزه وحبه ليها وحنانه معاها :لا طبعا مفيش احلي من الحب ،الفلوس مش بتعيشك في امان مع الي بتحبيه ولا بتطبطب عليكي في عز زعلك وحزنك ولا بتقولك كلمه حلوه ولا لمسه احلي ،عمر الفلوس ما هتعملك كل دول

سيلين بغمزه: ايوا ي عم اي الكلام الجامد دا ،والله انا نفسي اشوف جوزك الي انتي بتحبيه اووي كدا دا بس قوليلي هو غني ولا اي

ناديه بحب: انا ميهمنيش غني ولا لا ،كفايه اني بحبوا

:وهو كمان بيحبك وبيموت فيكي

لفت ناديه وبصت لمصدر الصوت واتفاجئت بحمزه باصصلها ومبتسم بحب ،ابتسمت ناديه بخجل وهو قرب منها ومسك ايديها

حمزه بحب : وحشتيني
ناديه بخجل : حمزه احنا في الجامعه
حمزه بغمزه : طيب خلينا نمشي
ناديه بخجل : ماشي

ناديه خدت بالها من سيلين ونسيت انها لسه واقفه لكن خدت بالها انها بتبص ل حمزه باعجاب واضح

ناديه وهي تشاور ع سيلين وتنظر ل حمزه : اه نسيت اعرفك ي حمزه دي سيلين صحبتي

حمزه بابتسامه: اهلا وسهلا ي انسه سيلين

سيلين باعجاب وهي تمد يدها لتسلم عليه: اهلا بيك ي استاذ حمزه

ناديه حست بالغيره ومدت ايديها هي وسلمت عليها بغيره: معلش ي سيلين اصل حمزه مش بيسلم ع بنات اصلوا متوضي

سيلين بصتلها بغيظ لكن اخفت دا : اه انا اسفه مكنتش اعرف

حمزه عرف انها غيرانه وكتم ضحكته وهو حاطط ايدو في جيبه وباصصلها ومبتسم وهو مستمتع بغيرتها

ناديه : ماشي انا همشي بقاا سلام
حطت ناديه ايديها ع ايد حمزه ومشيوا وركبوا العربيه وناديه كانت هتولع من الغيره
و اول ما ركبوا العربيه انفجر حمزه من الضحك وهو مش قادر يمسك نفسوا وهي بصتلوا بغيظ
ناديه بغيظ: انت بتضحك ع اي
حمزه بضحك:ههههههههههه اصل اول مره اشوفك وانتي غيرانه كدا ومتعصبه
ناديه بتوتر : ومين قالك اني غيرانه ،انا سلمت مكانك عشان انت فعلا مش بتسلم ع بنات
حمزه بخبث : ومين قالك اني مش بسلم ع بنات
ناديه بغيره : يعني انت بتسلم ع بنات

حمزه كان مستمتع ب غيرتها وهو عايز يجننها

حمزه ببرائه:اه ي حبيبتي عادي انا رجل اعمال ،وبيجيلي عملاء كتير بنات ورجاله ولازم اسلم عليهم

ناديه بغيره: بس انت المفروض بتصلي يعني متسلمش ع حد

حمزه ببرائه: مانا بتوضي تاني

ناديه : لا طبعا مفيش حاجه اسمها بتوضي تاني ،لان المفروض دينا امرنا اننا نغض بصرنا ومنسلمش ع حد غريب لان هو يعتبر اجنبي عننا ،يعني انا مينفعش اسلم ع شاب لان ديني امرني اني مسلمش

حمزه كان بيسمعها باعجاب وهو فخور بيها و ان ربنا رزقه بزوجه متدينه وجميله ورقيقه وبدون شعور منو ضمها لحضنه بقوه وحنان

حمزه بحب وهمس: انا كنت بهزر معاكي انا فعلا مش بسلم ع بنات ،بس كنت عايز اشاكسك شويه ،بس حبك زاد في قلبي اكتر وانا بسمعك ،حقيقي انا محظوظ بيكي ي حبيبتي

ناديه فرحت انو ملمسش بنات قبل كدا ولا سلم عليهم وفرحت اكتر بكلاموا وحبه ليها ونسيت خجلها وتلقائي هي كمان بادلتوا الحضن وهي بتدمع من الفرحه

حمزه بمزاح : طب انا بقول نكمل الحضن دا في البيت بدل ما نتمسك اداب ع طريق عام

ناديه ضحكت وبعدت عن حضنوا بخجل:هههههههههه حاضر

💖💖💖💖💖💖💖💖
في المستشفي في غرفه جميله
فتحت جميله عينيها بتعب ولقت جاسر ماسك ايديها وهو نايم ع ايديها بصت حواليها واستغربت وجودها في المستشفي وحست بقلق وخوف ع ابنها
وحاولت تقوم بتعب لكن مقدرتش ،وجاسر فاق لما حس بحركتها
جاسر بلهفه:حبيبتي انتي كويسه
جميله بخوف وهي تقوم:ابني ي جاسر ،ابني حصلوا حاجه
جاسر ضمها بحنان وقعد جنبها :لا ي حبيبتي محصلوش حاجه الحمدلله ،
اتنفست بارتياح
وهو كمل بندم ،انا اسف ي روحي ،اسف اني مقدرتش اسيطر ع رغبتي المجنونه ،انا مكنتش هسامح نفسها ابدا ،لو كان حصلك او حصل لابننا حاجه
جميله بحنان :انا الي اسفه ي حبيبي لاني مقدرتش اتحملك واتحمل رغبتك وحبك لياا
جاسر بحب وهو يضمها لحضنه :انتي غصب عنك ي روحي ،هو بصراحه الدكتور عندوا حق انتي ازاي هتتحمليني وانتي حامل
جميله بحب :دا دكتور مش بيفهم
جاسر وهو يملس ع شعرها بحنان :لا هو عندو حق وانا لازم اتحكم في رغبتي ،ومش هلمسك غير لما الحمل يثبت وتبقي كويسه ،احنا لازم نبقي حارصين عشان ابننا

جميله بحب : الي تشوفوا ي حبيبي
في اللحظه دي دخلت رنا ومامتها وصلاح وراحوا ناحيه جميله
الام بخوف : انتي كويسه ي حبيبتي
بعد جاسر عن جميله وهو باصص لمرات ابوه بغضب وجميله لاحظت
جميله بصت ل جاسر ورجعت بصت ل الام وابتسمت: اه ي حبيبتي انا كويسه
الام خدت بالها من نظرات جاسر وبعدت ووقفت بعيد ورنا سلمت ع جميله وحضنتها
رنا باطمئنان : انا كنت هموت من القلق عليكي ،طول الليل ،
جميله بابتسامه : انا كويسه ي حبيبتي متخافيش
صلاح بابتسامه:حمدلله ع السلامه ي حميله
جميله بابتسامه: الله يسلمك ي صلاح
صلاح بابتسامه: كدا ي بنتي تقلقينا عليكي
جميله بمزاح : مانا قولت اشوف غلاوتي عندكوا بقاا
صلاح بابتسامه: انتي غاليه عندنا طبعا ي جميله
جاسر بغيره:دا ع الاساس ان كيس جوافه واقف ،ما تحترموا نفسكوا
كلهم ضحكوا
صلاح :هههههههه اي ي بني جميله زي اختي
جاسر بغيره:بردوا لم نفسك والا معنديش بنات للجواز
صلاح وهو يكتم ضحكته وتحدث بسرعه:لا خلاص انا. مصدقت
جاسر بص ل رنا وغمزها:مش قولتلك مستعجل
رنا اتكسفت وبصت في الارض
صلاح اتنهد بشوق:بصراحه مستعجل اووي
جميله ضحكت:ههههههههههه خلاص بقاا ي جاسر سيبهم حرام ،كدا كسفت البت
جاسر قرب من رنا وحضنها بحنان :هههههه معلش ي رورو كان لازم اعمل كدا عشان يلم نفسوا
💖💖💖💖💖💖💖💖💖💖
في فيلا ادهم واسيل
وصل ادهم الفيلا لكن كانت هاديه و مفيش اي صوت دب الخوف في قلبه وخاف تكون اسيل حصلها حاجه او اتخطفت تاني ،بص في المطبخ ملقهاش طلع الاوضه بسرعه وهو بينادي عليها وجواه خوف وقلق رهيب ،دخل الاوضه وهو بيلف بنظره في الاوضه ودخل الحمام ،ملقهاش ،لكن لمح رجل حد تحت السرير ،وعرف انها هي اتنفس ب راحه انها بخير وقرب من السرير بوعيد وهو بيمثل انو بيدور عليها لسه وقرب ونزل تحت السرير وهي شافتوا وضحكت بارتباك
اسيل ببرائه :كنت بدور ع الخاتم بتاعي مش لقيااه
ادهم ابتسم بسخريه: لا والله ،ولقتيه بقاا ولا لسه
اسيل ابتسمت : اه لقيته
ادهم وهو يشاور لها تخرج: طب اطلعي
اسيل ببرائه: هطلع بس اوعدني مش هتعملي حاجه
ادهم وهو يرفع حاجبه:يعني انتي قاصده
اسيل ببرائه: تؤتؤ
ادهم : طب اطلعي يلا
طلعت اسيل من الناحيه التانيه وهي كانت هتجري ع الحمام لكن ادهم كان اسرع ومسكها
ادهم : بتعملي اي ي مجنونه انتي حامل ومينفعش تجري
اسيل بخوف وطفوله: ما انت هتضربني
ادهم بغيظ : هضربك ،دا انا هقتلك
اسيل بخوف : عاااااا لا خلاص والله مش هعمل كدا تاني
ادهم بوعيد : بقاا تستخبي وتعملي فيا كدا دا انتي رعبتيني اكمل وهو يضغط ع خصرها ويقرصها : عارفه هعاقبك ع خوفي وقلقي دا وانتي الي هتتحملي النتيجه

اسيل وهي كاتمه ضحكتها : انت لسه قايل انا حامل يعني مينفعش التهور بتاعك دا

ادهم بغمزه وهو يضمها من خصرها بخبث: انتي لسه شوفتي تهور ي حبيبتي

اسيل بخجل : ادهم

ادهم وهو يقترب من شفايفها بحب : نعم ي قلب ادهم
باسها ادهم بحب وشغف ونسي غضبه منها ،وهو مش قادر يقاوم نظره البرائه الي في عينيها وكل تفاصيلها وطفولتها ورقتها الي بتجننه ،شالها ادهم وهو يتجه ل سرير ولسه بيبوسها وهي اتعلقت في رقبته زي الطفله وبتبادلوا البوسه
💖💖💖💖💖💖💖💖
في فيلا عبدالرحمن وسلمي كانوا نايمين ع السرير وسلمي نايمه في حضن عبدالرحمن
عبدالرحمن وهو يضع يده ع بطنها : احنا معرفناش صح ولد ولا بنت
سلمي ابتسمت ولفت راسها وبصتلوا : هتفرق معاك ،يعني لو طلعت بنت هترجعها تاني ولا اي
عبدالرحمن بضحك:هههههه لا ي حبيبتي دي لو طلعت بنت انا هبقي مبسوط جدا وهسميها سلمي كمان

سلمي ابتسمت بحب : طب ولو ولد

عبدالرحمن بحب : اي حاجه هبقي مبسوط سواء ولد او بنت انا معنديش تفرقه الاتنين هحبهم نفس المحبه

سلمي بابتسامه: غريبه رغم اني بسمع ان الصعايده بيبقوا عايزين ولاد بس عشان عزوه و كدا

عبدالرحمن ضحك:هههههههه لا مش كلوا كدا ،انا عن نفسي بحب البنات اكتر ،البنت بتبقي عندها حنيه رهيبه وبتعمل حس للبيت ،وبتخليه فيه بهجه وفرحه ،زي ماانتي كدا عامله بهجه وفرحه للبيت ،انا في الشهرين الي كنا بعاد عن بعض فيهم ،البيت كان زي القبر ،بحس اني بتخنق كل يوم وانتي مش موجوده لكن لما رجعتي ،رجعت الفرحه للبيت
وكمان زي ماانتي وقفتي جنبي في كل حاجه ،وقفتي جنبي لما امي اتحبست وخلتيني اسامحها وكمان لما تعبت ،انتي الي وقفتي جنبي وجنبها. ومسبتيهاش ابدا رغم ان كان المفروض تهتمي بنفسك لانك حامل ، عشان كدا بقولك البنت مفيش احسن وارق منها
مش بيقولوا نصي التاني ودا حقيقي انتوا نصنا التاني احنا الاتنين بنكمل بعض ،مينفعش تبقي الدنيا كلها رجاله ،ولا ينفع تبقي كلها بنات

سلمي كانت طايره من الفرحه بكلاموا والسعاده كانت بترقص في عينيها وحضنتوا بحب

سلمي بحب : حبيبي ،انا معملتش غير الي كان المفروض يحصل ،انا مراتك ولازم اقف جنبك واساعدك وابقي معاك ع الحلوه والمره

عبدالرحمن بحب: لا مش لازم ،محدش يعمل الي انتي عملتيه غير بنت اصول فعلا ،انتي كان ممكن تبعدي عني من ساعه حبس امي عشان مركزك وسمعتك لكن انتي فضلتي جنبي ومسبتنيش

سلمي بعشق : عمري ما اقدر ابعد عنك ،انت حبيبي

عبدالرحمن بحب وهو يقترب من شفايفها : ولا انا اقدر ابعد عنك تاني ،انتي خلاص حبك بقاا ادمان وانا مدمنك ي روحي
💖💖💖💖💖💖💖💖💖
في شركه مصطفي
دخل اسر مكتب اروي وكان معاها عملاء بصتلوا اروي وهي مستغربه وجوده وكانت هتقوم لكن هو شاورلها تكمل شغلها وهو هيستناها
قعد اسر ع كرسي بعيد لكن قصادها ،وبعد وقت خلصت اروي مع العملاء وسلمت عليهم لكن كان فيه واحد متمسك بايديها وهو بيتكلم وماسك ايديها واسر كان بيغلي من الغيره وقرب منه بشراسه ومسك ايدو الي كانت ماسكه ايد اروي وضغط عليها بقوه وهو بيكز ع اسنانه
،اروي كانت مبسوطه وهي شايفه غيرته الي باينه في عينيه
اسر بغيره وهو بيضغط ع ايده بقوه : خلصت اجتماعك يلا اتفضل وبعد كدا ابقي خد بالك لان المره الجايه مش هكتفي بضغط بس لا انا هقطعهالك خالص
العميل بتوتر وخوف جواه من شكل اسر والم من ضغط اسر ع ايدو: انا اسف حضرتك انا كنت بسالها ونسيت اني ماسك ايديها
اسر بغيره وهو يضغط اكثر بقوه : لا بعد كدا ابقي افتكر عشان مخلكش تنساها للابد
العميل بتوتر والم اكبر:حاضر
ساب اسر ايدو بغضب والعميل خرج وهو ماسك ايدو بالم والعملاء خرجوا وراه
اروي نفجرت من الضحك الي كانت كتماه طول الحوار وهو بصلها بغيظ وغيره
اسر بغيره وهو يقترب منها : وانتي ازاي تسمحيلوا يمسك ايدك
اروي وهي كاتمه ضحكتها وبترجع لورا : انا كنت بسلم عادي
اسر بعصبيه وهو يقترب : انشاالله عنك ما سلمتي ،هو هيموت يعني لو مسلمتيش عليه
اروي وهي بترجع لورا وماسكه ضحكتها: لا مش هيموت بس يعني انا سلمت عليهم كلهم عادي
اسر بغضب وقرب منها بحركه سريعه وحاصرها: ودا كان ماسك ايدك وهو مستحليها ،يعني تديلوا فوق دماغه ،انتي فاهمه
اروي وهي كاتمه ضحكتها : حاضر
اكملت احم انت كنت جاي ليه بقاا
أسر اتنفس بغضب وبعد عنها :كنت عازمك ع العشاء برا
اروي باستغراب :كنت
اسر:اه ما بعد الي حصل عقابا ليكي مش هعزمك وانتي الي هتطبخي
اروي كتم ضحكتها وقربت منو بدلال ورقه وهي تلعب بازرار قميصه:انا اسفه ي حبيبي مش هتكرر تاني
اسر بخبث وهو يشدها لحضنه بتملك:هي طبيعي مش هتكرر تاني لان لو اتكررت هكسر ايديك الي فرحانه بيها وعماله تسلمي بيها دي
اروي وهي كاتمه ضحكتها وبرقه : حاضر مش هكررها
اسر قرب منها وبدون مقدمات باسها برقه وشغف وحب وهو يمرر يده ع ضهرها بحنان وهي اتصدمت لكن سرعان ماتحوالت صدمتها لحب وعشق وبادلتوا البوسه
قطع لحظتهم دخول يزن ،بعدت اروي عن اسر بسرعه وهو محرجه ومكسوفه ،واسر كان هيموت من الغيظ
يزن قفل الباب ودخل و بتمثيل الصدمه وهو يخبط ع صدره : ي فضحتي ،في الشركه ،، ،اختي بتتباس ،لااه العار ولا التار ي ولد ،فين الطبنجه خليني اغسل عاااري بيدي

اروي خدودها بقت حمراء من كتر الكسوف والاحراج

اسر بغيظ : بس ي زفت ،انت محسسني اني شاقطها دي مراتي ي اهبل

يزن بغمزه : ايوا انت مش مضيع وقت في البيت وهنا كمان ،وياتري فين تاني ي حضره الظابط

اروي اتكسفت اكتر وكان نفسها الارض تنشق وتبلعها واسر بصلها وكان هيتجنن من حلاوتها الي زادت وخدودها الي بقت حمراء زي الدم ،ورجع بص ل يزن بغيظ

اسر بغيظ : اطلع برا ي يزن عشان مقتلكش

يزن وهو كاتم ضحكته وقرب من اروي وحضنها من الجنب :هههههه خلاص انا اسف بهزر ي رورو
باسها يزن ع خصلات شعرها : حقك عليا خلاص بقاا
وباسها ع خدها وهو بيكلمها وبيصالحها واسر كان بيغلي من الغيره

اسر بغيره وقرب منه وشد اروي لحضنه : خلاص ي زفت انت استحليتها عمال تبوس فيها

يزن وهو كاتم ضحكته وبغمزه :هههههه ما انت كنت بتبوس عادي الله

اسر بغيره وهو يضمها لحضنه من الجنب وبتملك: انا جوزها ي اهبل

يزن بضحك:هههههه وانا اخوها عادي

اسر بغيظ:هي جوري فين مش انتوا بتروحوا تمارين الملاكمه مع بعض ،مرحتش ليه

يزن وهو بيغيظه:لا معندناش تمرين ملاكمه النهارده

اسر بخبث:طب دا انت غبي ،المفروض تستغل ان انهارده مفيش تمرين وخدها واخرجوا ،اهو تشوفها ولا انت مصدقت انك خلصت منها النهارده

يزن بحب ومخدش بالوا ان اسر بيوزعه بشياكه:لا طبعا مصدقت اي دي بتوحشني حتي وهي معايا ،يخربيت جمالها ،ولا لون عينيها ،عمري ما شوفت زيوا ابدا ولا هشوف

اسر ضحك وغمزه :هههههههه اي الرومانسيه دي ،كان فين كل دا من زمان

يزن بغمزه:موجود ي اخوياا ،بس اعمل اي مستني تبقي حلالي عشان ساعتها هتبقي افعال مش اقوال

اروي بخجل :ع فكره انتوا الاتنين قلاله الادب وانا مش هقعد معاكوا
راحت اروي خدت شنطتها وهي مكسوفه وكانت رايحه ناحيه البيت لكن مسكها اسر
اسر:استني ي ماما انتي رايحه فين احنا هننزل سوا
اروي بخجل':ماشي
يزن بمزاح:طب انا همشي بقاا اشوف جوري حبيبتي
اسر بضحك:يلا بالسلامه
💙💙💙💙💙💙💙💙💙💙
في شركه جاسر ،في مكتب حمزه سمع زعيق برا ،استغرب وقام فتح الباب واتفاجئ ب ناديه
حمزه باستغراب : ناديه انتي بتعملي اي هنا
السكرتيره : ي فندم الاستاذه عايزه تدخل لحضرتك من غير معاد سابق ولما منعتها بتزعقلي
حمزه بحده: انتي عبيطه ،انتي ازاي تمنعيها ،ناديه مراتي و تدخل في اي وقت انتي فاهمه

ناديه كانت مبسوطه وهي شايفه بيدافع عنها وخوف السكرتيره منه
السكرتيره بخوف : حاضر ي فندم
حمزه بحده: انا مش هحاسبك ع الي عملتيه عشان انتي متعرفيهاش لكن دلوقتي انتي عرفتيها يعني في اي وقت تيجي تدخليها ع طول
السكرتيره: حاضر ي فندم
بصلها حمزه بغضب ومسك ايد ناديه ودخل وقفل الباب
ناديه برقه : انا اسفه ي حبيبي لو كنت عملتلك مشاكل
حمزه وهو بيهدي غضبه: لا مفيش مشاكل ولا حاجه
،،بس انتي جيتي ازاي وليه ،انتي لسه قدامك المفروض محاضره وتخلصي وانا كنت هجيلك
ناديه : انا جيت بتاكسي
حمزه بغيره وغضب : وازاي تركبي تاكسي لوحدك
ناديه بخوف : مانا كنت هستني كتير لان اخر محاضره محضرتهاش
حمزه بغضب : وليه محضرتيهاش ،وبعدين ليه تستني كتير ماانتي معاكي تليفون ،مكلمتنيش ليه وكنت جيت خدتك
ناديه والدموع لمعت في عينيها : انا كنت عايزه اعملك مفاجاه
اتنفس حمزه بغضب وهو بيحاول يهدي نفسوا ويتحكم في اعصابه واضايق من نفسوا انو خلاها تعيط
قرب حمزه منها بهدوء وهي بتبعد بخوف ،خايفه يضربها ،،مسكها حمزه وضمها لحضنه بحنان وهو يطبطب عليها

حمزه بحنان : ششششش خلاص اهدي ،انا مكنش قصدي اخوفك بس انا اتعصبت عشان ركبتي تاكسي لوحدك ومع راجل غريب ،والدنيا دلوقتي مش امان

ناديه بدموع : انا اسفه ،بس كنت عايزه اعملك مفاجاه ومكنتش اعرف انك هتتضايق كدا

حمزه بحب وهو يمسح دموعها: بالعكس  دي احلي مفاجاه ،،وانا مضايقتش منك ،انا اضايقت عشان ركبتي تاكسي مع راجل غريب لوحدك ، انتي مش عارفه اني بغير عليكي ولا اي

ابتسمت ناديه بحب وهو ابتسم وخدها في حضنه تاني
حمزه بحنان : خلاص بقاا ي حبيبتي
ناديه بخجل : حاضر
حمزه مسك ايديها وقعدها ع الكنبه وقعد جنبها
حمزه : ها بقاا ليه محضرتيش اخر محاضره
ناديه  بسعاده : انا حامل
حمزه : ايوا عارف ب   مكملش جملته لما اتصدم من كلمتها
حمزه بصدمه: انتي قولتي اي
ناديه بسعاده: حامل
حمزه بسعاده: بجد ،يعني انتي حامل فعلا
ناديه بابتسامه وفرحه جواها : اه ي حبيبي
حمزه من فرحته شالها ولف بيها وهو فرحان وهي اتمسكت فيه جامد وهي بردوا فرحانه لفرحته
نزلها حمزه وهو هيطير من الفرحه ومش قادر يصدق انو هيبقي اب
حمزه وهو يقعدها ع الكنبه بحذر : بسسس انتي لازم ترتاحي ومتعمليش اي حركه
ناديه ضحكت وهي جواها فرحانه انو خايف عليها وع الي في بطنها : مين قالك كدا بقاا ع فكره الدكتوره قالتلي اتحرك عادي براحتي بس مشيلش حاجه تقيله
حمزه بحب : ولا هتشيلي حتي حاجه خفيفه انتي هترتاحي وكل حاجه هتيجي لحد عندك ،حتي الدكاتره هخليهم ييجوا لحد عندك يشرحولك كل حاجه وانتي قاعده بس طبعا في وجودي
ناديه برقه: لدرجه دي خايف علياا
حمزه بحب : طبعا ي روحي لازم اخاف عليكي ،اما هخاف ع مين يعني
ناديه سندت ع صدره وضمته بحب : انا بحبك اوووي ي حمزه  اووي

حمزه بحب وهو يضمها لحضنه : وانا كمان بحبك ي روح حمزه
💖💖💖💖💖💖💖💖💖💖
عدي اسبوع

جاسر طلب  من باباه يجي القاهره عشان صلاح يتقدم ل رنا لانو مينفعش يسافر عشان جميله وحملها ومينفعش يسيبها لوحدها،ووافق الاب وجيه القاهره واتقدم صلاح ل رنا وكتبوا الكتاب واتفقوا ع الفرح وكان هديه من جاسر

اياد قرب من كارما اكتر وهو بيشوف فيها حاجات مشافهاش في رنا ابدا شاف حبها الي بيصرخ في عينيها ليه ولهفتها بيه وبدا يتعلق بيها هو كمان ويحبها واكتشف ان حبه ل رنا مكنش حب ،كان اعجاب بمظهرها ولبسها وتدينها واتقدم اياد ل كارما وهي وافقت وهي طايره من الفرحه وقرروا يعملوا فرحهم مع يزن وچوري

يوسف وهاجر رجعوا من شهر العسل وكل واحد رجع شغله وكان حياتهم كلها سعاده وفرح وتفاهم لكن مع بعض المشاكسات من هاجر ل يوسف وكان هو بردوا بيردلها المشاكسات

يزن وجوري كانوا بيحضروا لفرحهم وحبهم لبعض بيزيد والثقه بينهم بتزيد خصوصا بعد موقف يزن مع مهدي وهو علي في نظر جوري جدا وحبها ليه زاد

جاسر كان بيهتم ب جميله وبيعاملها بحذر ووفى بوعده ومقربلهاش وهي خدت اجازه من الشغل عشان الراحه لحد ما الحمل يثبت ورنا ومامتها كانوا بيهتموا بيها لما بيكون جاسر في الشغل ،وبدا جاسر يسامح مامتوا لما شاف خوفها ع جميله واهتمامها بيها وصدق فعلا انها اتغيرت

ادهم واسيل مفيش جديد في حياتهم غير حبهم وتعلقهم ببعض وفرحه ادهم وهو بيشوف بطنها كل يوم بتكبر وبيكبر جواه فرحته باول بيبي. ليه ،واسيل كل يوم كانت بتراقب بطنها وهي بتكبر عن اليوم الي قبله
احساس جميل لما تشوفي حاجه بتكبر جواكي كل يوم وتكون ثمره حبهم لبعض وربطهم

حمزه مكنش بيخلي ناديه تعمل اي حاجه وكان مهتم بيها وبيجبلها الدكاتره في البيت يشرحولها كل حاجه وطبعا في وجوده ورجع الشغالات عشان يهتموا بشغل البيت والتنضيف بس لكن مع ناديه هو الي بيهتم بيها ومحدش غيره  وكان حريص جدا عليها ومتابعلها مع دكتوره وناديه فرحانه وهي شايفه اهتماموا  بيها وخوفه عليها وحرصه معاها
💙💙💙💙💙💙💙💙💙