رواية احببت عنادك... بقلمي/هاجر هشام الفصل المئة 113 - بقلم Hagar Hešhàm

في فيلا حمزه وناديه
صحي حمزه دخل الحمام خد شاور ولبس وخرج ،قربت منه ناديه برقه وهي تلف يدها حوالين رقبته
ناديه برقه: ممكن حبيبي توصلني معاك في سكتك ،عايزه اروح ل رنا
حمزه ابتسم : يعني الدلع دا كلوا عشان اوصلك ل رنا
ناديه برقه: لا طبعا ي حبيبي ،الدلع دا ليك انت وبعدين هي اول مره
حمزه : بصراحه لا مش اول مره ،خلاص ماشي هوصلك ،طب وصاحبتك
ناديه : هتيجي معايا انا قولتلها وهي وافقت
حمزه: ماشي يلا بينا

في فيلا جاسر وجميله ،في اوضتهم
جاسر بغضب :وهو جاي ليه
جميله باستغراب:طب وفيها اي لما يجي ،دا دكتور وصديق لياا
جاسر بغضب وجواه غيره : عارف انو زفت دكتور بس اي الي يجيبوا هنا
جميله : انا الي عزمتوا
جاسر بغضب :بمناسبه اي
جميله: من غير مناسبه عادي  ،وبعدين انت مش رايح الشركه ولا اي
جاسر بغضب: لا مش رايح ،انا هقعد اشوف الاستاذ الي جاي دا 
جميله :براحتك
خرجت جميله برا الاوضه
وجاسر اتنفس بغضب وجواه غيره مش قادر يكتمها ،هو موافق ع صداقتهم لكن لو مكنش اتقدملها ،لكن بسبب انو اتقدملها بقا بيغير ومش طايقه

عند حمزه وصل عند فيلا جاسر ودخل بالعربيه
نزل حمزه وناديه وسيلين ورنوا جرس الفيلا ،وفتحتلهم جميله وهي فاكره انو سليم ،لكن رحبت بيهم جدا
حمزه : طيب انا همشي بقاا ،لما تخلصي ي ناديه ابقي رني علياا عشان اجي
جميله : لا تستاذن فين اتفضل ي حمزه ع فكره جاسر هنا يعني تقدر تدخل براحتك
حمزه باستغراب : جاسر مراحش الشركه
جميله : لا مراحش تعالي اتفضل
دخلوا الثلاثه وكان جاسر نازل ع السلم ورحب بيهم ودخل حمزه وجاسر غرفه المكتب
حمزه باستغراب: انا استغربت انك مروحتش الشركه ،اي السبب
جاسر وهو جواه غيره : فيه ضيف جاي مينفعش مكونش موجود
حمزه باستغراب : ضيف مين دا
جاسر : الدكتور الزفت النفسي دا سليم
حمزه عرف انو غيران: ااه الي انت قولتلي انو اتقدم ل جميله
جاسر بغيره:اه هو الزفت
حمزه ضحك:هههههههه عشان كدا بتغلي من الغيره
جاسر بصلوا بحده:وانت واحد اتقدم لمراتك هتعمل اي
حمزه : بصراحه انا اقتلوا
جاسر بغضب: نفسي اعمل كدا فعلا ،انا مش طايقوا
حمزه : طب امال هو جاي ليه
جاسر : جميله عزمته ،المهم ،كنت عايز اقولك اني مسافر شرم
حمزه بغمزه: هو الحظر اتفك ولا اي
جاسر ابتسم رغم غضبه : اه ي اخويااا
حمزه بابتسامه: طب انا جاي معاك ،اهو افسح ناديه بدل مااهي بتفضل معايا الشركه والفيلا بس ،اهو نغير جو
جاسر : ماشي ،
اه صح امال مين الي جايه معاكوا دي
حمزه : دي صاحبتها الي قولتلك عليها اهو بسبب قرك قعدت معانا ،مش قعدت تقول يارب تفضل ع طول اهي فضلت ي اخوياا
جاسر ضحك:ههههههههههه طب وهتيجي معاك
حمزه : اكيد مش هينفع اسيبها
جاسر بغمزه: مش هينفع تسيبها ليه. هااا
حمزه فهم قصده: لا ي اخوياا مش الي في دماغك ،سيلين صاحبه مراتي وبس وبعدين هي قاعده معانا مينفعش اقولها امشي عشان مسافرين
جاسر : امممممم ماشي بس خلي بالك لان واضح من نظراتها انها معجبه بيك
حمزه بثقه: حتي لو معجبه بياا ،انا مفيش في قلبي غير ناديه وبس وعمري ما هبص لواحده غيرها

جاسر ابتسم وهو فرحان لصاحبه وبنت عمه انها لقت حد يحبها بالشكل دا ويحبها بكل عيوبها وبكل مميزاتها كمان ويسامحها ع كل حاجه عملتها

عند جميله كانت قاعده هي ورنا وناديه  وسيلين وهما بيضحكوا ويهزروا واندمجت سيلين معاهم في الهزار
قطع هزارهم رن جرس الفيلا قامت جميله فتحت وكان سليم ،في الوقت دا خرج جاسر وحمزه من غرفه المكتب
جميله بمزاح: متاخر عشر دقايق بحالهم ممكن اعرف السبب
سليم :هههههههه معلش بقاا ع ما سلمت شغلي في المستشفي وجيت ع طول متاخرتش
جميله : اممممم ماشي سماح المرادي اتفضل
سلمت جميله عليه وجاسر راح ناحيته وهو جواه غيره رهيبه
جاسر وهو يسلم عليه ويضغط ع ايده بقوه: ازيك ي سليم
سليم بابتسامه وهو بيخفي الم ايده: ازيك ي جاسر
حمزه خد بالو وهو كاتم ضحكته ع شكل جاسر الغيران
جميله : اتفضل ي سليم
ساب جاسر ايد سليم وجميله مسكت ايده وشدته بعيد ودخل سليم قعد في الصالون معاهم
جميله بصوت واطي : ينفع تبطل غيرتك دي بقاا اديك شوفت بنفسك هو محترم وعمروا ما بصلي ولا اتعدي حدوده
جاسر بغيظ: ماشي لما نشوف اخرتها
راح جاسر قعد جنب حمزه
وناديه ورنا وسيلين ع الكنبه ومن جنبهم سليم ع الكرسي  وجميله جنبه ع كرسي اخر وجاسر جنبها وحمزه جنب جاسر

حمزه وهو بيوشوش جاسر : ي بني اهدي بقاا اهو الواد معملش حاجه وقاعد عادي وبعدين خليك واثق في مراتك ،جميله قويه تقدر توقف كل واحد عند حده

جاسر بصوت واطي : انا واثق في جميله وعارف لكن غصب عني بحبها وبغير عليها ودا كان عايز يتقدملها وهي مراتي  ،ازاي عايزني اتقبله بسهوله كدا

سليم بابتسامه : انا متعرفتش بالقمرات صح

ناديه اتخضت وبصت ل حمزه الي كان باين عليه الغضب والغيره

رنا حمدت ربها ان صلاح مش موجود والا كان مات سليم ع ايدهم هما الثلاثه

جاسر بسخريه ل حمزه وهو بيوشوشه: اهدي خليك واثق في مراتك عيب

حمزه بغيظ وجواه غيره : انا واثق فيها لكن انت مش سامع بيقول اي والله لولا انو في بيتك كنت قومت قتلته وبعدين انت مش غيران ع اختك ولا اي

جاسر: غيران دا انا هولع ،،وشكلوا كدا ناوي يروح بعاهه انهارده

جميله وهي كاتمه ضحكتها ع شكل جاسر وحمزه الي بيغلي من الغيره ومسكت ايد جاسر وهي بتحاول تهديه : دي رنا اخت جاسر ومرات صلاح الي حكتلك عنه  ،ودي ناديه مرات حمزه الي قاعد جنب جاسر وتبقي بنت عم جاسر ،ودي سيلين ،صاحبه ناديه

سليم بمزاح: مش متجوزه هي كمان
سيلين : لا مش متجوزه انا سنجل
سليم بمزاح: وانا بردوا سنجل والله
جميله بمزاح: مالك في اي انت جاي تشقط هنا ،عيب ي بابا
سليم :ههههههههه انا بهزر اسف
سيلين باعجاب بابتسامته الي سحرتها : ولا يهمك

جاسر بصوت واطي : دا واضح ان احنا ملناش لازمه نهائي دي صاحبه مراتك جايه تشقط هنا
حمزه : انا مينفعش اتكلم بس اكيد هقول ل ناديه تفهمها انو مينفعش

عند يزن وجوري كانوا ع البحر
راكبين دراجات وهما مستمتعين بوقتهم وجوري ضحكتها كانت منوره وشها وهي بتسبق بالدراجه عن يزن

انا قولتهالك من اولها انا اي حاجة ليك هعملها
انا مش هعيش غير لييييك
قبلييييك انا تهت سنيييين

يزن كان باصصلها بحب وهو مبسوط وهو شايف ابتسامتها وفرحتها الي باينه ع وشها ،وهو عاشق ليها ولابتسامتها ونظراتها ،جوري الي خطفت قلبه من اول نظره

حبك حبيبي دا جاني فوقته قلبي اللي كان جوايا سرقته
يا حبيبي انا خلييييك. بناديييك وانا كلي حنيييين

جوري ويزن كانو عايشين اجمل قصه حب ،كان حب متمرد وعاشق لنظرات بعض ،وهما الاتنين بيسابقوا بعض في الدراجات

على كده بقى ده انا عيني عليك على كده بقى ده انا دايب فيييييك كل منايا تبقى معايا
واحلم واصحى واعيش حواليك
على كده بقى ده انا عيني عليك على كده بقى ده انا دايب فيك كل منايا تبقى معايا
واحلم واصحى واعيش حواليييك

انا قولتهالك من اولها انا اي حاجة ليك هعملها
انا مش هعيش غير ليك قبليك انا تهت سنين

حبيت معاك يا حبيبي سنيني خليني جنب عنيك خلينييي اخدتني من الناس
وخلاص حسيت بأمان

جوري كان جواها حب مهما اتكلمت مش هيكفي وهي حاس معاه بالامان ،رغم قوتها وشجاعتها لكن هو كان امانها

ومهما أقولك ع اللي ماليني مليون سنة مش هتكفيني بقولها ليك بهواااااك ومعااااك حسيت بأمان

جوري ويزن كانوا باصين لبعض وهما دايبين في حب بعض

على كده بقى ده انا عيني عليك على كده بقى ده انا دايب فيك كل منايا تبقى معايا. واحلم واصحى واعيش حواليييييك
💖💖💖💖💖💖💖💖💖💖💖💖
في فيلا جاسر وجميله
سيلين وناديه كانوا في الجنينه
ناديه  : ع فكره مينفعش الي انتي عملتيه جوا دا
،انتي مراعتيش وجود حمزه ولا جاسر حتي وعماله تتكلمي مع سليم وبتبصوا لبعض
سيلين: وهما كانوا ولي امري انا حره اعمل الي اعملوا
ناديه بغضب : انتي فعلا حره بس دي مش حريه ،انتي المفروض تعملي حدود مينفعش تتكلمي بالطريقه دي
سيلين بزهق:اووفف مش هنخلص من دروس الدين دي بقاا
ناديه بنفاذ صبر: انتي حره انا مش هتكلم معاكي بس بردوا خلي بالك من تصرفاتك
سيلين بسخريه:وبالنسبه انو قالك قمر بردوا دا كان اي
ناديه : وانا مردتش لانو قال ع الكل مش عليا لوحدي ،مش قعدت اضحك واهزر معاه وانا مبسوطه بكلمته
سيلين بغضب : خدي بالك من كلامك ي ناديه انا محترمه ومش هقبل منك حاجه زي كدا
ناديه : انتي حره ي سيلين ،عن اذنك
دخلت ناديه الفيلا وسيلين اتنهدت بزهق وهي بتتمشي في الجنينه ولمحت ثلاث حراس وهما بيدخلوا  البدروم ،واستغربت لكن استخبت وهي بتتسحب ودخلت وراهم من غير ما ياخده بالهم واستخبت في ركن بعيد وشافت عزام وهو مربوط في الكرسي
سيلين بينها وبين نفسها: دا انتوا طلعتوا عصابه بقاا ،عشان كدا بقول الفلوس دي كلها منين
الحارس فك عزام  عشان ياكل ويشرب  ورجع ربطه تاني ،وخرجوا الثلاثه ،راحت سيلين ناحيه عزام
عزام باستغراب : انتي مين وبتعملي اي هنا
سيلين بصوت واطي: انا جايه اخرجك بس متعملش صوت
فرح عزام لكن جواه وعيد وشر وهو عايز ينتقم
عزام بينه وبين نفسه وهو باصص ل سيلين: ايوا فكيني عشان مجرد ما تفكيني هنتقم منهم كلهم لازم اخد حق كل ضرب وذل عشتوا هنا وانا هندمهم ع كل الي عملوه معايا
حاولت سيلين تفكه مره واتنين وثلاثه لحد ما قدرت وفكته ،ومجرد ما فكته
عزام بشر وجواه غل وكره  : انا اسف ي مزه ع الي هعملوا دا بس انا لازم اخد حقي
ضربها عزام ع راسها واغمي عليها سيلين ،سابها وهو بيدور ع اي مخرج ولقا شباك بيوصل لجنينه لكن كان فوق ،حط الكرسي وطلع عليه ولمح حارسين وهما ماشين وطي راسوا لحد ما مشيوا ورفعها تاني ونط من الشباك ،

عند جميله دخلت الاوضه تجيب فونها لكن اتفاجئت بحد بيشدها وبيكتم بوقها
عزام بشر : دلوقتي جيه وقت الحساب  ي قطه هقتلك واحسر الباشا عليكي وهنتقم ع كل الي عملوا معايا
جميله كانت بتحاول تفلت منه لكن كان محكم قبضته :امممممممم
ضربته جميله براسها لورا وخبطته ع مناخيره واستغلت فرصه انو رجع لورا من الخبطه وصرخت وهي بتجري ناحيه الباب جميله صرختها مكنتش خوف منه ولا خوف ع نفسها لا كانت خوف ع اطفالها  ، لحقها عزام قبل ما تفتح الباب ومسكها  وزقها وقفل الباب بالمفتاح

تحت في الصالون سمعوا صوت الصرخه وقام جاسر مفزوع وجري ع فوق وكلوا طلعوا وراه وهما قلقانين
صبره بخوف : اي دا في اي
رنا بخوف وهي بتجري ع فوق : دا صوت جميله

عند جميله
عزام كان بيقرب منها بشهوه ووقاحه وزقها ع السرير وبيحاول يبوسها
جميله زقته بعيد وهي مشمئزه منه وضربته برجليها في بطنه وقامت جريت ناحيه الباب اللي كان هيتكسر من الخبط لكن عزام لحقها وشدها وقعها ع الارض   وهي بتصرخ من الالم
جميله بصراخ  :اااااه
،جميله الوقعه المتها ،لكن كانت بتحاول تدافع عن نفسها وهي جواها خوف ع اطفالها ،

جاسر سمع صوت صرختها وجواه خوف رهيب عليها وهو مش عارف في اي
جاسر بعدهم كلهم وهو بيحاول يكسر الباب وحمزه ساعده واتكسر الباب فعلا

دخل جاسر وشاف عزام وهو بيتهجم عليها وبيبوسها ،غلي الدم في عروقه واتحول الخوف الي جواه لغضب رهييب وراح ناحيته وبعز قوته وغيرته ضربه بقوه وعنف  ،
حمزه خد سليم وبعده عن الاوضه ورنا وناديه راحوا ناحيه جميله الي كان باين عليها التعب وكان جواها كانت خايفه ع اطفالها

جميله بتعب وبدات تفقد الوعي : جااسر الحقني

رنا بخوف لما شافت جميله بتنزف: جاسر الحق جميله

جاسر وقف ضرب وبص ل جميله ولقاها بتنزف خاف ورمي عزام ع الارض وراح ناحيه جميله الي كانت فقدت وعيها وقلع الجاكيت بتاعه ولبسهولها وشالها وخرج برا الاوضه وهو مغيب عن العالم ،مش مركز غير في جميله وخوفه عليها وع اطفاله لكن عندو اهم حاجه جميله ،

نزل حمزه وراه بسرعه وفتح باب عربيته وجاسر دخل جميله وركب هو كمان وركب حمزه وسليم ركب جنب حمزه بسرعه ،الوقت مكنش يسمع ان حد يتكلم

و جاسر مكنش مركز في اي حاجه غير خوفه ع جميله ،

سليم برغم خوفه وقلقه ع جميله وحبه ليها الي كان بيحاول يخبيه ،لكن لما شاف خوف جاسر الي كان باين في عينيه وحبه ل جميله  اه كان مضايق انها من نصيب حد تاني لكن اتمني ليها السعاده وعرف ان جاسر بيحبها ،مش بس بيحبها دا بيعشقها  وقرر انو يشيلها من قلبه ،بس اهم حاجه يطمن عليها ويفضل شايفها قدام عينيه وبس حتي لو كانت مش نصيبه
💖💖💖💖💖💖💖💖💖💖💖
اياد كان مستني كارما ع البحر وهو محضر عشاء رومانسي وهادي يليق بيها وب شخصيتها الهاديه والرقيقه شخصيه عشقها بكل ما فيها وعشق رقتها وهدوئها وسكونها

جت كارما بفستانها البنفسجي وكانت اجمل حاجه شافتها عينيه وهي كل يوم بتزيد جمال وحلاوه بحبه وعشقه ليها بيشوفها اجمل واحده في الكون

اياد  كان مجهزلها اغنيه كانت اغنيه بتوصف احساسه ناحيتها ومش بس احساسه دي كانت بتوصف حياتهم سوا

اياد حضن ايديها بين ايديه وباصص في عينها وهو مغيب وتايهه في سحر عينيها الي كانت فيها لامعه حب وعشق تخليه يعشقها فوق عشقه ،ومشاعرها الي خطفت قلبه وطيبتها ورقتها

فرحه عمرى جتلى لحد عندى خلاص يا نااس عشقها بقيت شااايفها ملاك منورلى السما. فيها طيبه الدنيا فيها كميه احساس
وبحلم اعيش معاااها لحد ميت مليون سنه
اميره فى قلبى ملكتنى خلاص مشاعرها

اياد بصوت عاشق وهو دافن راسه في شعرها وبيرقصوا مع بعض :انتي فعلا اميره ، اميره خطفت قلبي وروحي ،وملاك شدتيني لاجمل حب عشته معاكي ،حبيتك وحبيت برائتك وطيبتك الي مخليكي اجمل ملاك ،ملاك عايش ع الارض ،

شدتنى وخطفت روحى وخدتنى لدنيا بعيده ويااهااا
بغمض عينى وبشوفها فى كل طيبتها
وكسوفها فى حضن ايديها وكفوفها دى راحه الدنيا بلقاهاااا

كارما كانت تايهه في كلامه والعشق الي باين في نبره صوته واحساسه ليها ،احساس صعب يتوصف ،وهو باحساسه دا عدي عشقها بمراحل ،واثبتلها فعلا انو بيعشقها ويمكن اكتر منها ،حبها لما حس بحبها ليه ولقاا فيها حاجات لاول مره في حياته يلاقيها. لقا حبها وعشقها ليه والي باين في كل ملامحها وعشقها هي لنفسها وكل حاجه فيها عشقها ،

كارما بصوت عاشق ودايب فيه هو وبس : وانت اميري ،كنت بحلم دايما باليوم الي تكون فيه من نصيبي وكنت هرضي باقل حاجه حتي لو مكنتش هتحبني كنت موافقه كفايه اني اشوفك قصادي تعرف رغم اني كنت موجوعه لما قولت انك بتحب واحده وشوفت الفرحه الي في عينيك ناحيتها اتوجعت اكتر لكن قولت كفايه انك مبسوط معاها

حاجات وياها بلاقيها لاول مره فى حياتى
بتثبتلى انى بعشقها واللى ما بينا مش عادى

كارما كانت دايبه في حضنه واحساسه العالي والمشاعر الي باينه في ملامحه وكل تفاصيله وهو بيلمس ايديها برقه واجمل لمسه بينهم ،لمسه كلها حب وعشق ،لمسه دفئ وبصوا في عيون بعض وشافت كارما حبها الي بيصرخ في عينيه ومش بتقول غير اجمل كلام واجمل احساس ،عينيه كانت سابقه كلمات الاغنيه وبتقولها بكل احساس ومشاعر في الكون

اياد بحب وعشق وهو مستمتع بقربها وبيرقصوا ع اجمل كلمات للاغنيه الي كان مختارها باحساس ومزاج عالي : اسف ي روحي اني وجعتك من غير مااقصد بس خلاص وعد مني هعوضك عن كل جرح ووجع حسيتي بيه
اياد بص في عينيها وشاف فرحتها الي باينه في عينيها وجواه حس باجمل احساس وهو شايف فرحتها وعرف ان حبه ل كارما كان اجمل حب عاشه،حب بين طرفين بيبقوا فرحانين ومستمتعين مع بعض ،حب متبادل بينهم ،كان حب مختلف غير ما كان حاسس ناحيه رنا ،

بلمسه ايديها دفتنى بنظره عينها خلتنى
عرفت ان اللى شوفته زمان دا كان كله كلام فاضى
اميره فى قلبى ملكتنى خلاص مشاعرها
شدتنى وخطفت روحى وخدتنى لدنيا بعيده وياها
بغمض عينى وبشوفها فى كل طيبتها وكسوفها فى حضن ايديها وكفوفها دى راحه الدنيا بلقاهاااااااا
.
كارما بحب وهي دايبه في حضنه : حبيبي وجودك معايا دلوقتي دا اجمل تعويض انت كل حاجه عملتها معايا ووجودك جنبي دول كفايه بالنسبالي

اميره فى قلبى ملكتنى خلاص مشاعرها
شدتنى وخطفت روحى وخدتنى لدنيا بعيده وياهاااااااا
💖💖💖💖💖💖💖💖💖💖
في المستشفي
حمزه وهو بيتكلم في الفون بعيد عن جاسر شويه
حمزه: لسه مخرجتش ي ناديه ولا حتي حد خرج يطمنا

متقلقيش ي حبيبتي اول ما حد يخرج يطمنا هكلمك واطمنك ،المهم خليكي جنب رنا ومامتها وخلي بالك من نفسك ،متخرجيش من الفيلا غير لما اجي واخدك

ماشي ي حبيبتي سلام

رجع حمزه ووقف جنب جاسر وهو بيطمنه ، وسليم كان واقف بعيد وهو هيموت من القلق ،وجاسر كان بيغلي من الغضب وهو شايف قلقه وخوفه ع جميلته لكن هامه الاول هو انو يطمن ع جميله اهم حاجه.

في اللحظه دي ،خرج الدكتور من غرفه العمليات وكان هو نفسوا الدكتور الي لحقها قبل كدا

جري سليم ناحيته وجاسر هيموت من الغضب والغيره لكن كان عايز يطمن ع جميله
جاسر بلهفه: خير ي دكتور

الدكتور كان هيتعصب برغم خوفه من جاسر لكن لما شاف لهفته وخوفه ع مراته سكت

الدكتور بهدوء : الحمدلله مفيش حد اتاثر من الاطفال وقدرنا نوقف النزيف ونقلناا  دم وادتها حقنه تثبيت  وهي فاقت وتقدر تروح معاكوا كمان

اتنفس جاسر ب راحه : حاضر ي دكتور
سليم بلهفه : طب احنا نقدر نشوفها
جاسر بصلوا بغضب وهو عايز يقتله ،
حمزه خد بالو من نظرات جاسر ل سليم ،وحب يفصل الجو المشحون بينهم
حمزه : طيب شكرا ي دكتور
الدكتور : العفوا عن اذنكوا
مشي الدكتور

في فيلا جاسر وجميله
جاسر كان في جنينه الفيلا  ،هو وحمزه  وحواليه حراس
جاسر بعصبيه:وانتي مين قالك فكيه ولا مين سمحلك تدخلي اصلا
سيلين كانت خايفه من شكل جاسر الغاضب :انا مكنتش اعرف انو هيعمل كدا ،انا لقيتوا مربوط روحت فكيته
جاسر بغضب:وانتي بتدخلي ليه ،انتي هنا ضيفه مش مسمحولك تدخلي اي مكان وخلاص ،
حمزه :خلاص ي جاسر اهدي
جاسر بعصبيه:اهدي اي ي حمزه انا بسببها كنت هخسر مراتي وولادي بسبب واحده متطفله وغبيه
سيلين بغضب:انا مش هسمحلك تغلط فياا وقولتلك اسفه خلاص وبعدين مراتك كويسه ومحصلهاش حاجه
جاسر اتعصب جدا منها وكان نفسوا يقتلها في ايديه لكن مسك نفسوا بالعافيه
جاسر بعصبيه:وانا مش هستني لما مراتي يحصلها حاجه بسبب واحده غبيه زيك
حمزه :جاسر متنساش ان دي ضيفه عندي مينفعش تغلط فيها
جاسر بغضب:ضيفه يبقي تحترم دا ومتتعداش حدودها
مشي جاسر وطلع ل جميله

عند جميله كانت نايمه ع السرير و رنا وناديه وصبره كانوا حواليها ،
في اللحظه سمعوا خبط ع الباب ،اتعدلوا البنات وعدلوا طرحتهم ودخل سليم

سليم وهو ينظر في الارض : احم احم حمدلله سلامتك ي جميله
جميله ابتسمت : الله يسلمك ي سليم
سليم : انا جيت اطمن عليكي قبل ماامشي
جميله : تمشي ليه خليك قاعد ي سليم
سليم : لا معلش عشان ترتاحي وهبقي اجيلك تاني
دخل جاسر واتنفس بغضب وهو خلاص كان هينفجر بسبب سيلين وكمان الي عملوا عزام  ودلوقتي سليم 
جميله : ماشي شكرا ي سليم
سليم بابتسامه: شكرا ع اي انا معملتش حاجه اهم حاجه انك كويسه
ابتسمت جميله وهو ابتسم وجاسر كان هيموت من الغيظ والغيره
سلم سليم ع جاسر
سليم : مع السلامه
جاسر سلم عليه وجواه عايز يقتله وهو بيغلي من الغيره لما افتكر لما شاف لهفته ع جميله وخوفه عليها :سلام
مشي سليم وراح جاسر قعد جنب جميله واتنهد بغيظ
جاسر بغيظ: اووففف بني ادم بارد ،قنبله رخامه
جميله وهي تكتم ضحكتها : ليه حرام عليك دا عسل
جاسر بصلها بغضب وغيره: هو مين دا الي عسل ،انتي شكلك عجبتك المستشفي وعايزه ترجعي تاني

ناديه ورنا وصبره كانوا كاتمين ضحكتهم وغمزوا لبعض وخرجوا وسابوهم لوحدهم

جميله : ،اه صح انت عملت اي في عزام
جاسر بغضب :غار في ستين داهيه
جميله بدهشه: قتلتوا
جاسر بغضب وغيره: كان نفسي فعلا اقتلوا ،لكن وقته جيه ومات قبل ما اخلص منه الي حصل
جميله بدهشه: مات ازاي
جاسر بلامبالاه: معرفش ،الحراس لما شالوه كان بيتنفس عادي وحطوه في البدروم لحد مااجي ،لكن لما وصلت كان مات
جميله: ممكن يكون مات من الضرب
جاسر بلامبالاه: وانا مالي هو الي خرع مات من الضرب
جميله : خرع هو انت مش شايف نفسك ،ي بني دا كويس انو استحمل بوكس واحد منك
جاسر رفع حاجبه: انا شامم ريحه حسد ،
جميله :ههههههههه لا انا ب قر مش بحسد
جاسر بصلها بغيظ لكن جواه مبسوط انو شايفها بخير وبتضحك
جميله : طب وهو خرج ازاي اصلا صح
جاسر بغيظ: الزفته الي اسمها سيلين دي هي الي فكته ،كان نفسي اقتلها في ايدي لكن مسكت نفسي عشان حمزه هي ضيفه عندو
جميله: طب وهي غبيه ازاي تفكه دا كان ممكن يقتلها
جاسر بغيظ: ياريتوا كان عملها انا مش طايقها
جميله بهدوء: خلاص  حصل خير
جاسر بصلها بغيظ : بس انتي كمان عشان انا  متغاظ منك وعايز اقتلك دلوقتي ،انا انهارده اتحرق دمي بما فيه الكفايه بسببك وبسبب دماغك دي الي نفسي اكسرها
جميله باستغراب: طب وانا عملت اي
جاسر بغيظ: يعني مش عارفه عملتي اي ،انتي مشوفتيش سليم كان بيبصلك ازاي ولا كان خايف عليكي ازاي ولهفته الي كانت باينه عليه وجري ع الدكتور وهو قلقان عليكي ،دا انا كان نفسي اخذق عينه الي باين حبه ليكي فيها

جميله وهي كاتمه ضحكتها : معقوله سليم عمل كل دا

جاسر بغيره: وانتي مالك فرحانه كدا ليه

جميله : ابدا مش فرحانه ولا حاجه انا مستغربه بس

جاسر  : ماشي
قربت جميله ونامت في حضنه ،وهو كأنو كان مستني انها تحضنوا ضمها لحضنه اكتر واتنهد بتعب وتنهيدته كانت بتقول كتير وهو انهارده كان جواه خوف عليها مش عادي
جميله برقه: انا حقيقي مبكونش قاصده اني اخليك تغير او اني احرق دمك ،بس سليم شخص كويس ومحترم ،انت متعصب منه بس عشان بيحبني

جاسر بغيره: متقوليش بيحبك

جميله برقه: حاضر ممكن بقا تهدي

جاسر اتنهد: ،اهدي ازاي وانتي كنتي هتضيعي مني ،،وكمان ادخل واشوف الكلب دا بيتهجم عليكي وجيه سليم دا كمان وزود غضبي وغيرتي  وانا شايف لهفته وخوفه ناحيتك

جميله برقه: حبيبي بس انا بحبك انت بس ،انت الوحيد الي قلبي دق ليه وعشانه ،دق بحبك انت وبس

جاسر : وانا كمان بحبك بس غصب عني بغير عليكي ،انتي  مش حاسه بالنار الي جوايا وانا شايف حبه ليكي في عينيه ،ازاي عايزاني اقبل حد يشاركني فيكي حتي لو كانت بنظره عين ،ومش اي نظره دي نظره حب ،انتي حبيبتي انا وبس مش حد تاني

جميله برقه: انا فعلا حبيبتك انت وبس ،بس انت اكيد مش هتتحكم في قلبه وتخليه يبطل يحبني ،دي حاجه محدش يقدر يتحكم فيها ،هو نفسوا ميقدرش يتحكم فيها

جاسر : بس طول ماانتي قدامه هيفضل يحبك ،قولتلك ابعدي وانتي الي مصممه تقربي

جميله برقه وهي تضع يدها ع صدره : حبيبي خلاص بقاا ،انا والله مش مصممه اقرب بس هو معملش حاجه وحشه معاايا ولا عمروا بصلي باصه وحشه بالعكش هو محترم جدا وكويس

في فيلا حمزه وناديه
ناديه وسيلين كانوا في الاوضه
ناديه بغضب : انتي اي الي انتي عملتيه دا ،انتي بسببك كان فيه واحده ممكن تموت
سيلين بزهق: قولت مكنتش اعرف انو هيعمل كدا انا كنت فاكره انو خطفوا
ناديه بغضب : حتي لو خطفوا انتي مالك
سيلين بغضب: يعني اي وانا مالي هو انتوا عصابه ولا اي ،دا بني ادم
ناديه بغضب: دا مجرم  بيقتل وبس وكان ممكن يقتلك
سيلين اتوترت: يقتلني ليه يعني
ناديه بسخريه : رايحه تفكي مجرم تفتكري هيعمل اي هيسمي عليكي
سيلين بتأفف:  اووففف انا زهقت هو انا عشان قاعده في بيتك هتقعدي تزعقي وتتحكمي فياا ،خلاص انا هسيبلك البيت وامشي
ناديه : تمشي تروحي فين احنا بليل مينفعش تمشي وبعدين مش عشان في بيتي بتحكم فيكي لا ،انتي صاحبتي وانا خايفه عليكي وكمان الي كنتي هتأذيها دي صاحبتي بردوا وهي حامل وكان ممكن تتسببي في موتها
سيلين: وقولتلك مكنتش اعرف ،وانا همشي دلوقتي كفايه اني اتسببتلك في مشاكل انتي ملكيش ذنب فيها
ناديه: لا اقعدي خلاص الموضوع عدي ع خير الحمدلله من غير ماحد يتاذي
سيلين :لا انا همشي وشكرا ي ناديه انك استضفتيني في بيتك
ناديه :شكرا اي ي بنتي انتي اختي ،وبعدين انتي هتروحي فين ،انتي مش بتقولي جوز مامتك طردك

سيلين :هقعد في اي اوتيل
ناديه :وليه اوتيل اقعدي معايا بدل مانا قاعده لوحدي
سيلين :مانا مش عايزه اعملك مشاكل مع جوزك
ناديه :لا مفيش مشاكل ولا حاجه خلاص الموضوع عدي
سيلين :ماشي
💖💖💖💖💖💖💖💖💖💖💖💖💖
في شرم في شاليه يزن وجوري
جوري كانت في الحمام ويزن برا مستنيها ،ورن تليفونه وكان هاني صاحبه ،رد يزن عليه وهو داخل البلكونه
يزن بابتسامه: ايوا ي هاني ازيك
هاني : الحمدلله وانت اخبارك اي
يزن : الحمدلله
هاني: يزن كنت عايز اقولك ع حاجه بخصوص جوري
يزن باستغراب : مالها جوري
هاني : احم بصراحه فيه فيديو نازل ع جروب النادي وع الفيسبوك كلوا والفيديو فيه يعني
يزن بتحفز : فيه اي ي هاني
هاني باحراج: فيه جوري وهي بترقص
يزن بغضب وغيره: ومين الي نزل الفيديو دا
هاني : الفيديو نازل من اكونت Fake ومحدش عارف بتاع مين
يزن بغضب : ماشي ي هاني انا هتصرف
هاني : ماشي ي صاحبي ولو احتاجتني في حاجه انا موجود ،سلام
يزن : ماشي سلام
قفل يزن مع هاني ،
يزن افتكر اليوم الي جوري كانت مش في وعيها وكانت بترقص لكن استغرب مين الي نزل الفيديو وكمان جابوا منين وعرف ان فيه حاجه ورا الموضوع وان فيه حد حط حاجه لجوري خلاها مش في وعيها وهو نفسوا الي نزل الفيديو
يزن بوعيد: اقسم بالله لو طلع الي في بالي صح ما هرحمها ،بس هي اي الي هيجيبها هنا

لف يزن ولقا جوري قصاده ،خاف لتكون سمعت حاجه
جوري باستغراب: انت بتكلم نفسك
يزن اتنفس ب راحه لما عرف انها مسمعتش وقرب منها وحاصرها بين ايديه وقربها لحضنه وهو بيرجع خصلات شعرها ورا اذنها   : بصراحه اه هو فيه حد يكون معاه القمر دا وميكلمش نفسوا ،دا المفروض يتجنن من الحلاوه دي
جوري اتكسفت :هو انت مش بتتهد ابدا
يزن بغمزه: معقوله اتهد وانا معايا الحلاوه دي دا انا معايا ٣ في واحده ،دا لو عرض مش هيبقي كدا
جوري استغربت: يعني اي ٣ في واحد مش فاهمه
يزن وهو بيبوسها ع ملامحها وهو بيتكلم : يعني بنظره عيونك المتمرده.   .وبنظره عيونك العاشقه .....وبنظره عيونك الهاديه  دول مش ٣ ولا مش ٣
جوري كانت تايهه في لمساته ليها وبصوت ضعيف:يزن

يزن بعشق وهو بيبوسها برقه:عيون يزن

جوري بتوهان:بحبك

يزن ابتسم وباسها برقه وحب باين في ملامحه:وانا بعشقك ي قلب يزن

عدي يوم من غير احداث جديده  ،غير محاوله صلاح انو يصالح رنا وهي بترفض
واياد وكارما ويزن وجوري بيستمتعوا بشهر العسل.
وجميله اتعافت والدكتوره سمحتلها تسافر
،سافر جاسر وحمزه وجميله وناديه وسيلين ورنا وصبره شرم وعبدالرحمن وسلمي بردوا سافروا معاهم
💖💖💖💖💖💖💖💖💖💖💖
عند اسر الصغير واروي
رجع اسر من الشغل ودخل الشقه ،لقاا بلالين في كل مكان في الشقه وعشاء ع السفره وشاف اروي وهي جايه ناحيته باجمل فستان والي لبساه اجمل منه بمراحل

اسر بحب قرب منها وحاوط خصرها بايديه : اي الجمال دا
اروي بحب : الجمال دا ليك انت ي حبيبي
اسر ابتسم بحب وبص حواليه ع البلالين والزينه والعشاء : بس ليه كل دا
اروي شدته للسفره: تعالي وانا هقولك
قعدته اروي ع الكرسي وقعدت قصاده وكان فيه ثلاث بلالين متعلقين فوق السفره ،اروي اديتوا دبوس
اروي برقه: فيه مفاجاه في بلونه من البلالين دي لو عايز تعرفها فرقعهم
اسر ضحك لكن مستغرب:هههههه احنا هنلعب ولا اي  انا عارف انك طفله بس مش لدرجه
اروي بعبوس: ع فكره انت بايخ
اسر كتم ضحكته وبصلها بحب: اسف ي حبيبتي  خلاص هشوف
فرقع اسر البلونه الاولي وكانت فاضيه والتانيه بردوا كانت فاضيه ،جيه عند الثلاثه ووقع منها حاجه ،مسكه اسر وبص فيه وهو مصدوم وعينيه لمعت بفرحه وبص لاروي وهي مبسوطه وهزت راسها بمعني اه ،اسر بدون وعي شالها وضمها لحضنه بقوه وهو مش مصدق الي شافوا
اسر بسعاده: يعني انا هبقي اب
اروي بحب وجواها سعاده متتوصفش : هتبقي احلي اب ي حبيبي
اسر كانت فعلا فرحته متتوصفش لما عرف وهو مش مصدق انو هيبقي اب من اكتر واحده حبها في حياته ،والي زاد حبه وعشقه ليها اضعاااف وزاد ترابطهم ببعض
اسر بفرحه: انتي عرفتي امتي
اروي بابتسامه وجواها سعاده وهي شايفه فرحته : انهارده اغمي عليا وانا في الشركه ومصطفي طلب الدكتور وهو الي قالي ،وقالي كمان اني حامل في شهرين
اسر : معقوله حامل في شهرين ومتعرفيش
اروي : اه فعلا مكنتش اعرف بس كنت حاسه بتعب وبدوخ كتير لكن مكنتش بحط في بالي
اسر باستغراب: بس احنا تقريبا متجوزين بقالنا شهرين
اروي بغمزه: ما حبيبي وحش مبيضيعش وقت
اسر ضحك بقوه : هههههههههههه يخرب عقلك ي اروي دا انتي مسخره
اروي بثقه: عارفه.   عارفه
اسر بغمزه: طب بما انك عارفه بقاا ،وبمناسبه يعني الخبر الحلو دا والعشاء الجميل دا حبيبك مش عايز يضيع الفرصه  ويحتفل
اروي برقه وهي تلف يدها حوالين رقبته: مااحنا هنحتفل ي حبيبي بس اتعشي الاول وارتاح
اسر شالها بخفه وحب وهو داخل اوضتهم: انا راحتي في حضنك ي روحي ،اجمل راحه وانا شايفك قصادي وجنبي
اروي كانت مبسوطه بكلامه وسعادتها زادت لما شافت فرحته وحبه الي باين حتي في اجمل لحظاتهم ،حب مش بينتهي ابدا
💖💖💖💖💖💖💖💖💖💖
تاني يوم الصبح
في شاليه جاسر وجميله
صحيت رنا وخدت شاور ولبست

،نزلت رنا لكن استغربت لما ملقتش حد وخرجت في الجنينه  واتفاجئت بالزينه والبلالين الي مزينه الجنينه ومخليها اجمل واجمل ،وكان فيه كلام مكتوب ع البلالين

بحبك ي  رنا ..........      ارجعي بقاا عشان خاطري
                  تايهه في بعدك ي حبيبتي
وحشتيني
ابتسمت رنا وهي جواها فرحانه ،ومشتاقه ليه ،هو بردوا وحشها جدا ،اكتشفت لما بعدت ان هي الي تعبت مش هو كانت مشتاقه ليه ونفسها تشوفه ،نزلت رنا عينيها ولقتوا قصادها ،وكأنه سامعها ،اشتغلت اغنيه في اللحظه دي وكان مختارها صلاح وبيطلب منها تسامحه والاغنيه تلين قلبها
(حضن عينيكي  كريم ديسكو)
صلاح كان مشتاق ليها ونفسه هي كمان تحس بشوقه ولهفته عليها ،كان تايهه في بعدها  وتعبان ونفسه تداوي جرحه بقربها ليه وتسامحه وتنسي الي فات ،وقرب منها وعينيه في عينيها وهو نفسه يضمها لحضنه ويحسسها بشوقه ليها وللمسه ايديها

بهرب ف حضن عنيكي، تايه ونفسي الاقيكي
عايش ف بعدك عني، مشتاق للمس ايديكي
نفسي بشوقي تحسي، تمحي بإيدك جرحي
واللى دا فات ننساه، وابدأ معاكي فرحي

رنا مكنتش مصدقه انو يطلع بالرومانسيه دي وشافت في عينيه لهفه وشوق ليها ،واكتشفت جانب تاني فيه ،غير قوته الي بانت في ضربه لدكتور ،لا وكمان رومانسيته الي باينه دلوقتي

بهرب ف حضن عنيكي، تايه ونفسي الاقيكي
عايش ف بعدك عني، مشتاق للمس ايديكي
نفسي بشوقي تحسي، تمحي بإيدك جرحي
واللى دا فات ننساه، وابدأ معاكي فرحي

صلاح بصلها بحب وشوق وجواه كلام كتير عايز يقوله لكن مش عارف يبدا منين : وحشتيني اوووي ي رنا ،بجد تعبت اووي في بعدك ثلاث ايام عدوا علياا كأنهم سنين ،بحبك ومش عايزك تبعدي عني ،سامحيني ي حبيبتي

زي الملايكة ف دنيتها ولا حد فكر يعارضها
كل اللي تطلبه يتحقق، دي حاجة خارج ارادتها
زي الملايكه في دنيتها ولا حد فكر يعارضها
كل اللي تطلبه يتحقق دي حاجه  خارج ارادتها

رنا كانت فعلا زي الملايكه كل الي بتطلبه بيجي لحد عندها ،رغم كدا مكنتش متكبره ولا مغروره كانت طيبه ورقيقه وخجوله
،،بصتلوا رنا  بحب وهي عايز تقوله انا مزعلتش منك عشان اسامحك ،كانت عارفه انه غصب عنه لكن هي بردوا كان جواها خوف منه ،لكن لما بعدت تعبت اووي في بعده ،كانت لاول مره تحب بالشكل دا وتتعلق بحد بالشكل دا ،حبته هو بطيبته ورجولته ورغم بشرته السمراء لكن زيداه وسامه ورجوله

متقولش تطلب تتمنى، دي حور ونازلة م الجنة
النظرة منها تدوّخ ناس، وليها بس الكون غنّى
متقولش تطلب تتمنى، دي حور ونازلة م الجنة
النظرة منها تدوّخ ناس، وليها بس الكون غنّى

صلاح ملقاش منها رد وافتكر انها لسه زعلانه وقرر يتكلم هو ويخليها تلين
صلاح بحب مسك ايديها وقرب اكتر  وبصوت عاشق: انتي فعلا حور ،حور نازله من الجنه لانك عديتي الجمال بمراحل ،انتي جمالك ميتوصفش ،من اول نظره شوفتك خطفتي قلبي ،حبيتك وعشقتك لكن مكنتيش من حقي ،لكن دلوقتي انتي حبيبتي ومراتي    ،سامحيني عشان خاطري ،حقيقي انا بموت من بعدك ونفسي ترجعي تنوري دنيتي وتحليها بضحكتك الي وحشتني ونفسي اشوفها 

بيكي الحياة بتحلالي، ياللي شغلتيلي بالي
عشت عشانك بكرة لجل ماتبقي حلالي
كل العيون حباكي، عاشقك وبترجاكي
انك تكوني عشاني، يوم فرحي تبقي ملاكي

بيكي الحياة بتحلالي، ياللي شغلتيلي بالي
عشت عشانك بكرة لجل ماتبقي حلالي
كل العيون حباكي، عاشقك وبترجاكي
انك تكوني عشاني، يوم فرحي تبقي ملاكي

رنا مقدرتش تكتم ابتسامتها وسعادتها الي لمعت عيونها بيها وهي سامعه كلامه الي مخلي عيونها بترقص من الفرحه وابتسمت بحب

صلاح ابتسم لما شاف ابتسامتها الي نورت حياته ودنيته من تاني ،وجت كلامات الاغنيه ع اجمل لحظه وهي لحظه ضحكتها وهو شايفها

يا ضحكة جميلة شايفينها، يا بسمة حب عارفينها
يا نجمة عايشة وسط سحاب، بتدارى لا نحسدها
يا وردة مكانها ف البستان، يا آية نازلة م الرحمن
يا خفة دم موصوفة، بتتباهى بذوق وحنان

صلاح سند جبينه ع جبينها وبصلها بحب : وحشتيني ..   موحشتكيش
يا وردة مكانها ف البستان، يا آية نازلة م الرحمن
يا خفة دم موصوفة، بتتباهى بذوق وحنان

رنا واخيراا خرجت من كسوفها واتكلمت باجمل كلمه نفسوا يسمعها : وحشتني

صلاح مكنش مصدق نفسوا وبصلها بسعاده وبدون شعور منه حضنها ولف بيها  وهي اتمسكت بيه وهي هتموت من الخجل لكن جواها سعاده متتوصفش ومبسوطه بحضنه والي كانت اول مره تكون قريبه منه بالشكل دا وهي في حضنه

بيكي الحياة بتحلالي، ياللي شغلتيلي بالي
عشت عشانك بكرة لجل ماتبقي حلالي
كل العيون حباكي، عاشقك وبترجاااكي
انك تكوني عشااااني، يوم فرحي تبقي ملاااكي

وقف صلاح لكن لسه ضاممها لحضنه ومش عايز يبعدها ابدا ،عايز تفضل كدا ع طول

لكن رنا بعدت اول ما شافت جاسر وكلهم  حواليها وشافت باباها ،وبصت في الارض وهي بتتمني الارض تنشق وتبلعها من الخجل والاحراج

صلاح بغيظ: انتوا اي الي جابكوا
جميله ضحكت: هههههههههههه هو احنا بنطرد ولا اي
جاسر : في اي ي زفت دي اختي ع فكره الي انت سايق فيها وعمال تحضن
صلاح : ما هي مراتي بردوا
جاسر بسخريه: دا مع وقف التنفيذ ي ظريف
صلاح بمزاح : ما هو هيتنفذ انهارده
جميله : هههههههههه انتوا عمالين تتكلموا وهي هتموت من الكسوف وكمان مش فاهمه حاجه
العمده بابتسامه راح ناحيه رنا وهي حضنتوا جامد: انا هفهمها بس سيبونا لوحدنا يلا

جميله بمزاح : لا واضح اننا بنطرد كتير
جاسر :هههههههه واضح فعلا انا بقول يلا بينا احنا احسن
حمزه بمزاح: استنوا خدوني معاكوا
جاسر : لا روح لوحدك انا رايح انا ومراتي
حمزه ضم ناديه لحضنه من الجنب وهي كانت مكسوفه : مانا بردوا رايح انا ومراتي
عبدالرحمن مسك سلمي من ايديها وقربها منه: وانا رايح معاكوا
جميله:هههههههههه فيه حد تاني رايح هو ومراته
صلاح بمزاح: كان نفسي اقولك انا كمان رايح انا ومراتي لكن مراتي مع باباها
جميله: هههههههههه ربنا معاك
مشي جاسر وجميله ،وحمزه وناديه ،وعيدالرحمن وسلمي
💖💖💖💖💖💖💖💖💖💖
سيلين قررت تخرج هي كمان ،وكانت بتتمشي في شوارع شرم ،لكن حست بالملل وهي لوحدها وراحت قعدت ع صخره ع الشاطئ وحطت الهاند فري في اذنها وهي مستمتعه بجمال المنظر وجمال البحر ومايته الصافيه ، لقت حد قعد جنبها بصت ولقتوا سليم ،استغربت وشالت الهاند فري
سيلين باستغراب : انت بتعمل اي هنا
سليم بابتسامه : المفروض انا الي اسالك السؤال دا
سيلين بسخريه: ليه ان شاء الله كان الشاطئ بتاعك
سليم ضحك:هههههه ايوا فعلا هو الشاطئ بتاعي ،دا الشاطئ الخاص بالشاليه بتاعي
سيلين اتحرجت وقامت وقفت: احم انا اسفه مكنتش اعرف انا كنت فكراه شاطئ عام ،
سليم مسك ايديها لكن هي بصتلوا وسحب ايديه ع طول : اسف.  اقعدي عادي انا مزعلتش ولا حاجه ،
سيلين : لا انا همشي معلش انا اسفه
سليم : مفيش اسف ولا حاجه عادي ،المهم اقعدي انا اصلا كنت قاعد زهقان ولوحدي
قعدت سيلين وبصتلوا : وليه قاعد لوحدك وبعدين انت جيت شرم ليه صح ،انت مش المفروض كنت في القاهره
سليم بمزاح: طب المفروض ارد ع انهي سؤال الاول
سيلين ابتسمت : رد ع ليه قاعد لوحدك
سليم اتنهد: لاني اصلا لوحدي ،اهلي ماتوا ومعنديش غير اخت ودي اتجوزت وسافرت برا مع جوزها ومش بكلمها غير كل فين وفين ،

سيلين : انا بردوا زيك بس الفرق ان عندي امي لكن كأني وحيده بالظبط ،امي متجوزه وبتحب جوزها وعشان خاطره ممكن تعمل اي حاجه ،حتي لو هتبيع بنتها

سليم : مش مندهش من كلامك لاني فعلا سمعت حالات كتير كدا ،وحقيقي بحييكي انك متماسكه لحد دلوقتي ،

سيلين كانت موجوعه ودمعه منها نزلت غصب عنها مسحها سليم بهدوء ،قشعرت سيلين من لمسته لكن كأنها كانت محتجااها وهي محتاجه حد تتكلم معاه وتحكيله عن الي جواها واستغربت انها بتحكي معاه ومرتحاله

سليم بابتسامه: انا لسه بقول متماسكه  هتعيطي ولا اي

 سيلين مسحت دموعها : احم لا مش هعيط ،المهم انت مقولتش بردوا جيت ليه شرم

سليم بتنهيده كلها وجع وتعب ،وجع قلب واحد بيحب ومشتاق لكن حب من طرف واحد : عشان جميله

سيلين باستغراب : جميله مين ،   اكملت بدهشه. اوعي تكون جميله مرات استاذ جاسر

سليم بوجع: ايوا هي

سيلين بذهول: بتهزر ،طب وانت جاي عشانها ليه ،

سليم وهو سرحان في جميله ومتخيلها قدامه وهو بيوصفها : عشان بحبها ،عايز اشوفها ع طول حتي لو من بعيد ،حتي لو هي مع حد تاني ،كفايه اني اشوفها من بعيد واشوف ضحكتها الي بحس ان الدنيا كلها بتضحك ،وعينيها الي زي لون السما الصافي ،لون يسحر ،تحسي انك شايفه السماء في عينيها ،

سيلين كانت مذهوله ،وهي شايف حبه الي باين عليه ل جميله ،كانت فاكره انو بيهزر لكن لما سمعت كلامه وشافت نظرته وحبه الي في عينيه عرفت انو مش بيهزر

سيلين : بس دي متجوزه ازاي بتحب واحده متجوزه

سيلم فاق من سرحانه ع واقع اليم بالنسباله وهو واقع ان جميله متجوزه وهو عايز ينسي اافكره دي لكن ازاي ينساها وهي حقيقه : عارف انها متجوزه بس كفايه عليا اني اشوفها ،مش عايز اكتر من كدا

سيلين : بس انت حبتها ازاي دي مغروره وشايفه نفسها

سليم بعصبيه: انا مسمحلكيش تغلطي فيها انتي فاهمه ،مش معني اني بتكلم معاكي هتسوقي فيها وتغلطي في جميله

سيلين كانت مصدومه من عصبيته وهو بيدافع عن جميله بالشكل دا

سيلين: انا اسفه مكنتش اقصد ،بس كنت عايزه اتاكد انك بتحبها فعلا ولا لا

سليم : ااااه بحبها ،دا انا بقيت بعشقها ،حقيقي مش قادر ابعد كل مااقول ابعد عنها مش بقدر بكون عايز اقرب ،ووافقت اننا نبقي اصدقاء عشان متبعدش عني وكنت بخبي حبي ولهفتي عليها عشان متضايقش

سيلين : حقيقي انا مصدومه معقوله فيه حد بيحب بالشكل دا ،دا انت واضح انك بتعشقها بس لازم تفوق دي متجوزه مينفعش دا اسمو خيانه ،وانت كدا بتركبها ذنب من غير ما تاخد بالك

سليم : لا طبعا مفيش كدا الكلام دا لو انا كمان متجوز وبفكر فيها لكن انا مش متجوز يعني مش بخون حد

💖💖💖💖💖💖💖💖💖💖💖

عند صلاح كان مستني العمده يخرج ويقوله ،وهو مستني بفارغ الصبر ورايح جاي زي المجنونه اكنوا مستني النتيجه وجاسر وجميله وعيدالرحمن وسلمي وحمزه وناديه وصبره قاعدين وباصين ع صلاح وهما كاتمين ضحكتهم ع شكله ولهفته

حمزه : هههههههههه ي بني اهدي خيلتني دا انت لو مستني نتيجه ااثانويه العامه مش هتعمل كدا

صلاح بغيظ: انا مش عارف كل دا بيعملوا اي ،دي لو بتوافق ع انشاء السد العالي كانت خلصت من زمان دا انتوا خرجتوا وجيتوا وهما لسه جوا

جميله ضحكت:هههههههههه مش لازم تاخد وقت ماانت فاجئتها ،عايز الفرح انهارده وهي مش مستعده واكيد للزم تاخد وقت تفكر

صلاح بغيظ: دي ع ما تفكر يكون اليوم خلص ،وبعدين تفكر في اي مااحنا متجوزين اصلا

حمزه بغمزه: بس التنفيذ انهارده وهو دا الي لازملوا الاستعداد

جاسر ضربه ع كتفه: لم نفسك ي زفت ومتنساش الي بتكلموا عليها دي اختي

حمزه بغيظ: طب وانا مالي
في اللحظه دي خرج العمده من الاوضه وقاموا كلهم وقفوا  وراح صلاح ناحيته بلهفه
صلاح بلهفه: وافقت
العمده بابتسامه: وافقت
جاسر : انا مش عارف انت متسربع ع اي
جميله :بيحبها ي اخوياا ولا انت محبتش قبل كدا
جاسر ضمها لحضنه وغمزها: احنا بنعشق ي روحي الحب دا خلص من زمان ،بقا عشق وبس
ابتسمت جميله وبعدت عنه وهي بتهرب منه ودخلت ل رنا ،وهو ابتسم

صلاح بسعاده حضن العمده: ي حبيبي ي حماياا
العمده ضحك:هههههههههه هو انت ماشي تحضن في اي حد هيبقي انا وبنتي كمان
صلاح بمزاح: هههههههه لا بنتك حضن مختلف
العمده بنظره مرعبه : لم نفسك ي زفت انا ابوها
جاسر وحمزه وعبدالرحمن قربوا منهم
جاسر :هههههههه شكلك مش عايز تتجوز انا عارف
صلاح بلهفه: لا خلاص والله هلم نفسي اهو بس جوزوهالي
حمزه  ضحك بقوه:هههههههههه الواد واقع خاالص

عند رنا جوه كانت مكسوفه ومتلغبطه ومتوتره كانت حالتها صعبه ،وهي هتموت من الخوف والتوتر ،
مسكت جميله ايديها : يلا ي رورو عشان ورانا حاجات كتير نعملها ،جاسر مجهز لكل حاجه فاضل بس انتي كمان تجهزي وفستانك كمان جاهز

اي دا ي رورو انتي ايدك متلجه كدا ليه وبتترعشي  كدا ليه
رنا بتوتر : مش عارفه خايفه اووي ي جميله
جميله بحنان:خايفه من اي ي حبيبتي مش المفروض صلاح جوزك وبيحبك والمفروض يكون الامان بالنسبالك ازاي تخافي منه
رنا بتوتر : انا مش خايفه منه لكن متغلبطه ،مش عارفه افهمك احساسي
جميله بحنان: حاسه بيكي وعارف اي احساسك ودا طبيعي بس متخافيش صلاح جدع وراجل وهيقدر قلقك وخوفك وعمروا ما هيأذيكي خليكي واثقه فيه دايما

في اللحظه دي دخلت صبره وطلبت تقعد مع رنا لوحدها وخرجت جميله

💖💖💖💖💖💖💖💖💖

عند يزن كان واقف ع البحر ،رن ع يمني
عند يمني مكنتش مصدقه ان يزن بيكلمها وطلعت في البلكونه  وردت بسرعه
يمني بلهفه:الو ي يزن حبيبي عامل اي
يزن :الحمدلله ي يمني وانتي عامله اي
يمني بلهفه:الحمدلله ي حبيبي
يزن : انتي فين ي يمني ،عايز اشوفك
يمني من سعادتها وفرحتها انو بيكلمها ردت بسرعه وتلقائيه:انا في شرم ي حبيبي ،مقدرتش اقعد كل دا من غير مااشوفك ،
يزن اتاكد من شكوكه وعرف ان هي الي عملت كدا :طيب انا عايز اشوفك ي يمني ،هكلمك بليل ونتقابل
يمني بسعاده:ماشي هستني مكلمتك مش هنام
يزن :ماشي سلام
يمني : سلام ي حبيبي
قفل يزن معاها ودخل الشاليه ،واتفاجئ ب جوري لابسه قميص نوم قصير جدا  ومفتوح من الضهر ،وكانت فارده شعرها هو مكنش طويل ولا قصير كان متوسط ،لكن مموج ،كانت جميله جدا ،يزن فضل باصصلها وهو تايهه في جمالها الي سحره وهو شايف اجمل نظره بيعشقها فيها نظره الحب والعشق الي بينهم ،راح يزن ناحيتها وهو سرحان في جمالها
يزن بصوت عاشق :معقوله القمر دا كلوا ليا لوحدي ،انتي عديتي القمر بمراحل ،اي الجمال دا ،انتي كل يوم بتزيدي حلاوه وانا كدا هتجنن مش هتقدري تتحملي
جوري وهي بتحاول تخفي خجلها ودابت في اجمل نبره صوت عاشقاها ،نبره كلها عشق وغرام  ،لفت جوري ايديها حوالين رقبته برقه:مين قال اني مش هقدر اتحمل
يزن وكأنه كان مستني الكلمه دي منها مدهاش فرصه وشالها بخفه وهو رايح ناحيه السرير وغمزها:انا قولت كدا بردوا ،حبيبتي جبل وتتحمل
💖💖💖💖💖💖💖💖💖
اسفه ع التاخير ي صلاح ،وخلاص احب ابشركم الروايه فاضلها بارت او اتنين بالكتير وتخلص باذن الله وانا محضره روايه تانيه بس مش هنزلها دلوقتي لان امتحاناتي فاضلها اسبوع ،وهتستمر تقريبا شهر ونص او شهرين ومش عارف انزل خالص في الفتره دي فا قولت انزل الروايه الجديده بعد مااخلص امتحانات