رواية احببت عنادك... بقلمي/هاجر هشام الفصل المئة 114 - بقلم Hagar Hešhàm

في شرم حجزت جميله غرفه في الفندق ل رنا عشان تجهيزات فرحها كأي عروسه لازم شعر وماسكاات وكريمات وميك اب ،

عند يزن وجوري
جوري كانت نايمه في حضنه وهو بيلعب في شعرها وسرحان ،بيتوعد ل يمني ،وهو عارف انها عملت كدا عشان تنتقم ع موضوع البيسين والفيديو الي نزل ليها بردوا لكن فيديو چوري غير دي كانت بترقص ومستحيل اي راجل يقبل حاجه زي كدا لكن هو عارف انها ملهاش ذنب ،لكن اقسم جواه انو هيجيب حقها

فاق يزن من سرحانه ع صوت جوري
جوري باستغراب : انت سرحان في اي
يزن بحب : سرحان فيكي ي روحي
چوري : سرحان فيا وانا جنبك
يزن بحب وهو يقربها لحضنه: ايوا لانك بتوحشيني حتي وانتي معايا
چوري بحب وهي جواها فرحه بكلامه الي بتعشقه :بجد كلامك يجنن بيديني باور كل يوم اني افضل اجمل واحلي عشانك
يزن بحب: حبيبتي انتي اجمل واحلي واحده شوفتها في حياتي ،مهما مرت السنين هتفضلي كدا ع طول
جوري : وهتفضل تحبني بردوا
يزن بعشق وقرب من شفايفها : وهفضل اعشقك مش احبك بس

قطع لحظتهم رنين هاتف يزن
يزن بتأفف: اووففف مين البارد الي بيتصل دلوقتي دا
جوري ضحكت:هههههه
يزن بغيظ: بتضحكي ماشي هشوف مين بس وهاجي اخليكي تضحكي لصبح ي. روحي

مسك يزن فونه ولقاها يمني تتأفف ،وكنسل عليها
جوري باستغراب : مردتش ليه
يزن : عادي المهم انا هروح مشوار سريع نص ساعه مش هتأخر وهرجعلك ع طول اكمل بغمزه عشان نكمل الي معملنهوش لسه
جوري ضحكت:هههههه معملناش اي دا احنا النهارده طول النهار مش بنعمل حاجه غير كدا ،ومردتش تخلينا نخرج
يزن وهو يلبس هدومه:هههههههه اللهم لا حسد في اي ي جوري هتجيبيني ارض والله بحسدك دا
جوري ضحكت بصوت عالي :ههههههههههههههه انت مسخره والله
يزن قرب منها وبغمزه وهو يعض ع شفايفه: طب خفي شويه لحد مااخلص المشوار دا وارجع اوريكي المسخره الي بجد ي روحي ،

جوري قامت وقفت ولفت ايديها حوالين رقبته برقه ودلع: هتوحشني النص ساعه دي

يزن اتجنن من حركتها واغرائها خصوصا وهي واقفه قصاده كدا لكن مضطر يسيبها وهو عايز يخلص من الموضوع دا ويعيش حياته معاها في هدوء وحب بينهم
يزن بحب :وانتي كمان هتوحشيني انا اسف ي حبيبتي بس حقيقي المشوار دا مهم جدا ، قرب منها وباسها برقه اوعدك اول مااخلصه هرجع ومش هخرجك من حضني ابدا

جوري بحب: ماشي ي حبيبي

يزن خلص لبس وقرب منها وباسها بقوه وهو جواه احساس غريب مش عارف اي هو ،وجوري بردوا كانت مستغربه انو بيبوسها كدا وكأنه بيودعها

جوري باستغراب : مالك ي يزن انا حاسه ان في حاجه
يزن : لا ي حبيبتي مفيش حاجه بس باخد تصبيره لحد ماارجع
جوري ابتسمت وحضنتوا : ودي تصبيره بردوا لحد ما ترجع
💖💖💖💖💖💖💖💖
عند جميله ورنا كانت الكوافيره بتعملها اخر لمساتها وكانت جميله جدا حتي بمكياچها الرقيق ودي كانت اول مره تحط ميك اب في حياتها وكان مزودها جمال فوق جمالها ،خصوصا بفستانها الابيض الي كان مخليها زي الملاك الي ماشي ع الارض

صبره قربت منها ودموعها نازله كانت دموع سعاده وهي شايفه بنتها بتتجوز ،كانت زي اي ام مبسوطه ل بنتها لكن زعلانه انها هتسيبها وتعيش بعيد عنها ،لكن دي سنه الحياه

صبره بدموع وهي تضع يدها ع ملامحها بسعاده: ما شاء الله ،قمر ي حبيبتي

رنا كانت متوتره لكن فرحانه كان جواها مشاعر متلغبطه ،كأي بنت في الموقف دا بتبقي مبسوطه انها هتتجوز الي حبته والي قلبها دق ليه لكن بردوا خايفه ومتوتره ومكسوفه

رنا كأنها كانت مستنيه الفرصه عشان تعيط وفعلا دموعها نزلت وحضنت مامتها بقوه

كل الي في الغرفه اتأثروا بالمشهد دا وجميله راحت ناحيتها
جميله بمزاح: لا مينفعش كدا ي عروسه كدا الميك اب هيبوظ ،يعني ينفع كدا ي ماما تخليها تعيط
صبره بعدتها عن حضنها ومسحت دموعها : معلش ي حبيبتي مقدرتش امسك نفسي ،مش متخيله انها هتتجوز وتبعد عني

جميله : مين قال انها هتبعد عنك انتي تقدري تشوفيها في اي وقت ووقت ما تحتاجي ،اطلبي بس وهتلاقي نفسك عندها

صبره مسحت دموع رنا : خلاص ي رورو بقاا بطلي عياط اهو مش هتبعدي عني وهاجي اشوفك براحتي

رنا : طبعا ي ماما انتي تيجي في اي وقت وبراحتك

جميله مسكت رنا وقعدتها ع الكرسي : طب ممكن بقا تبطلي عياط وتهدي عشان البنت تظبطلك الميك اب الي اتبهدل دا

رنا : حاضر
قربت ناديه منها ووقفت جنبها وهي ماسكه ايديها وكلهم كانوا حواليها ومش سيبينها

جميله قربت من صبره : تعالي انت بقاا ي قمر عشان اظبطك انا عايزه العمده يتهبل كدا لما يشوفك وهتلاقيه هو الي جيه وصالحك كمان
صبره بشهقه: هااا لا طبعا تظبطي اي لا انا مليش في الحاجات بتاعتكوا دي
جميله : هههههه ومالها الحاجات بتاعتنا دي ،دا هي الي هتظبط الدنيا وصدقيني العمده مش هيقدر يشيل عينو من عليكي وهتشوفي
صبره بخوف : دا هيقتلني لو شافني حاطه الحاجات دي
جميله بغمزه: متخافيش خلي الموضوع دا عليا انا ،واوعدك هتلاقيه الليله مش هيسيبك غير وانتي في حضنه
صبره شهقت بخجل : هااا انتي بتقولي اي عيب
جميله :ههههههه عيب اي دا جوزك وبعدين انتوا مينفعش تفضلوا بعااد كدا
صبره بحزن: مااهو مش طايقني وبصراحه عندو حق انا حاولت اقتل ابنه
جميله: والمسامح كريم وهو اكيد بيحبك وهيسامحك بس لازم نظبطك عشان نصحي الحب دا
غمزت جميله ل ناديه وهي قربت منها
ناديه بمزاح: يلا بقاا ي سوسو عشان مفيش وقت
صبره بخجل: لا مش هقدر مينفعش انا خلاص هبقي جده
ناديه: جده اي بس دا انتي شكلك لسه صغيره والي هنعملوا هيصغرك اكتر وهتشوفي
شدوها البنات وهي في الاخر استسلمت ليهم وجميله كانت جيبالها فستان محتشم ومحترم وجهزوها البنات
💖💖💖💖💖💖💖
في غرفه يمني في الفندق
مكنتش مصدقه ان يزن جايلها وجت فكره في دماغها مسكت فونها وبعتت رساله ل چوري
: لدرجه دي حبيب القلب زهق منك عشان كدا مقدرش يستحمل وجايلي دلوقتي

عند جوري كانت قاعده ع البحر في الشاليه الخاص بيها وهي لابسه

وبتسمع اغاني ،وسرحانه لكن فاقت ع صوت رساله ع الفون ،فتحتها وشافت الكلام ،
جوري بينها وبين نفسها: جايلها فين هو قالي مشوار نص ساعه وهي في اسكندريه ،
بعتت چوري رساله
: متحاوليش توقعي بيني وبين جوزي انا واثقه فيه وبعدين انتي في اسكندريه هيجيلك ازاي ،انتي هبله

اتبعتتلها رساله :
هههههه مين قال اني في اسكندريه انا في شرم ،يزن حبيب قلبي طلب مني اكون قريبه عشان لما يزهق منك يجيلي ،وفعلا زهق وجايلي دلوقتي ،ولو مش مصدقه رقم الغرفه ٥٤ تقدري تيجي وتتاكدي بنفسك وانا في فندق .......... جنبكوا ع طول

جوري مكنتش مصدقه لكن جزء جواها بيقولها روحي واتاكدي ،وفعلا قامت

عند يمني سمعت خبط ع الباب راحت فتحت الباب واتفاجئت ب يزن مسكها من رقبتها وبيخنقها وهو بيزقها ل جوه
يزن بغضب : بقاا واحده وسخه زيك تعمل في مراتي كدا ي زباله
يمني كانت مصدومه من يزن وهي بتحاول تبعد ايده عن رقبتها وبتاخد نفسها بصعوبه : انت بتتكلم عن اي
يزن بغضب وبيضغط اكتر ع رقبتها : بتكلم ع الفيديو ي روح امك الي نزلتيه ع النت
يمني وشها بدا يزرق وبدات تتخنق وردت بصوت مبحوح: طب سيبني وانا هقولك ع كل حاجه

سابها يزن وبصلها بغضب وقوه: الفيديو يتمسح وحالا

يمني كانت عماله تكح وهي بتبدا تاخد نفسها وهي بينها وبين نفسها : مستحيل امسحه انا بالفيديو دا رجعت كرامتي و دلوقتي هرجعك انت لياا

يمني قربت منه وبدلع: حاضر همسحه بس اهدي وبعدين انت زعلان ليه دي واحده شمال ،راحت رقصت مع واحد غريب وقصادك كمان من غير خجل ولا خوف منك ولا عملتلك اعتبار

يزن بقوه وشراسه مسك ايديها ولواها ورا ضهرها وقرب من ودنها وبصوت قوي : الشمال دي تبقي انتي ،چوري اشرف واحده شوفتها في حياتي ،مش زيك كل يوم مع راجل شكل وبتغيريهم زي ما بتغيري هدومك كل يوم ، ضغط ع ايديها اكتر لو فاكره بالي بتعمليه دا هيخليني اشك فيها او اطلقها تبقي عبيطه ،چوري مراتي وهتفضل مراتي

دخلت چوري في اللحظه دي والباب كان مفتوح وشافت يزن وهو قريب من يمني وكأن الشيطان صورلها كدا فعلا ،شافت قربه ل يمني ومشافتش مسكه ايديه ليها وكان موقف صعب ع اي واحده تتحمله وهي شايفه جوزها قريب من واحده بالشكل دا ،لا وكمان سايبها في شهر العسل عشانها ،كانت مصدومه ومجروحه وكأن حد جاب سكينه وغرزها في قلبها ،مكنتش عامله اي رد فعل غير ان دموعها نازله وهي بتهز راسها بعنف مش قادره تصدق الموقف دا

يزن اتصدم خصوصا لما بصلها وشاف في عينيها نظره اتهام عمروا ما هيقبلها ابدا ،ساب يمني وهو بيقرب من چوري : چوري افهميني الي شوفتيه مش صح انا هفهمك ي حبيبتي

چوري بترجع لورا وهي مش طايقه تبصله ولا تسمعه وردت بقوه وحده وهي جواها بتصرخ من الوجع : متقولش حبيبتك انا مش حبيبتك انت انتهيت بالنسبالي خلاص انا بكرهك لدرجه دي مش قادر تستحمل بعدها وسيبتني وانا لسه في شهر العسل عشانها ،وكمان طلبت منها تيجي هنا عشانك ،عشان لما تزهق مني تروحلها

يزن مكنش قادر يتحمل اتهامها ليه بالشكل دا ووجعته كلمه بكرهك وكأنها خنجر غرس في قلبه : عمري ماازهق منك ولا اسيبك عشان حد ،عشان خاطري اسمعيني قبل ما تحكمي

يمني كانت واقفه بعيد وهي مستمتعه وهي شايفه خلاص حكايتهم ع وشك الانتهاء وان خطتها نجحت بسهوله

چوري بوجع لاول مره في حياتها تتوجع بالشكل دا لكن كان موقف صعب ع واحده تستحمله : طلقني ي يزن

يزن اتصدم من كلمتها : انتي بتقولي اي ي چوري

چوري بقوه : بقولك طلقني

يزن مسك ايديها بقوه : چوري بلاش الغضب يعميكي ،بلاش تصدقي الي شوفتيه

چوري بعصبيه زقت ايديه: امال اصدق اي ،اصدق اي وانا شايفه بعيني

يزن : صدقي حبنا ،انا بحبك ي چوري وعمري ما بصيت لواحده غيرك

چوري بغضب وهي جواها ناار ووجع مش قادره تتحمله ،نفسها تصدقه فعلا لكن ازاي وهي شافتوا معاها وكمان سابها وراحلها هي ،اي الحاجه المهمه الي يسيبها فيها وفي شهر العسل عشان يروح ل دي الا لو كان زهق منها فعلا : طلقني ي يزن ودا اخر كلام عندي

جريت چوري ع برا ودموعها سبقاها ،حاول يزن يلحقها ونزل وراها لكن ملحقهاش وكانت اختفت راح الشاليه لكن ملقهاش ،رجع تاني ل يمني وهو جواه بركان وكان خلاص وصل لقمته ولازم ينهي كل حاجه النهارده ويرجع ل چوري

دخل الغرفه وزق الباب بعنف ،لكن اتفاجئ ب يمني واقعه ع الارض ودماغها بتنزف ،راح ناحيتها بسرعه وهو مصدوم ،دا كان لسه سايبها مبقاش عشر دقايق او ربع ساعه ،واتفاجئ بأمن الفندق والبوليس حواليه وقبضوا عليه
يزن بدفاع: انا معملتش حاجه ،انا جيت لقيتها كدا
الظابط : الكلام دا تقولوا في النيابه
خرج يزن والظباط قابضين عليه وكان الفندق دا هو نفسوا الفندق الي فيه جميله ،خرجت جميله من الغرفه لما سمعت صوت الدوشه واتفاجئت بالبوليس في الكوريدور وشافت يزن ،وهي عرفاه اصلا راحت ناحيته
العسكري وهو بيمنعها : ممنوع ي انسه
جميله : انا المقدم جميله اسر الشهاوي
الظابط : اهلا ي استاذه جميله
جميله : اهلا بحضرتك ممكن اعرف قابضين عليه ليه
الظابط : هو حضرتك تعرفيه
جميله : ايوا اعرفه
الظابط: الاستاذ متهم في قضيه قتل
جميله بصدمه : قتل مين
يزن : والله العظيم ما قتلت حد انا كنت سايبها كويسه ورجعت لقيتها كدا
جميله : هي مين دي اوعي تقول چوري
يزن بسرعه: لا لا مش چوري دي واحده زميلتي
جميله بحيره: انا مش فاهمه حاجه
الظابط : احنا متاسفين ي حضره الظابط بس احنا لازم نقبض عليه
جميله : طيب انا جايه معاكوا
الظابط: ماشي
مشي الظابط وجميله ويزن وهما قابضين عليه

💖💖💖💖💖💖💖💖
في القسم جميله قاعده في مكتب الظابط و يزن قصادها
جميله : ممكن تفهمني بقاا اي الي حصل
يزن مسح وشه بتعب : حاضر ............
جميله : يعني انت مخونتهاش
يزن بغضب: امال انا بقول اي من الصبح لا مخونتهاش انا باخد حقها
جميله بهدوء: طيب خلاص اهدي انا هتصرف المهم هي فين چوري
يزن اتنهد: مش عارف
في اللحظه دي دخل الظابط
الظابط : حظك حلو يمني مماتتش لكن للاسف دخلت في غيبوبه ومش عارفين هتفوق امتي ولحد ما تفوق ونسمع اقوالها انت هتفضل هنا
جميله : انا بطلب تشوفوا كاميرات المراقبه الي في الطرقه اكيد فيه حد دخل الغرفه بعد ما يزن خرج منها
الظابط: احنا عملنا كدا فعلا وملقناش غيرو هو الي دخل و هو المتهم الاول و الاخير خصوصا ان الموظفين الي في الفندق شافوه وهو متعصب وداخل غرفتها وكمان باين في الكاميرات انو كان بيخنقها ودخل الاوضه ومش عارفين اي الي حصل في الاوضه لان مفيش كاميرات جوا وكمان فيه واحده ظهرت في الكاميرات وهي خارجه بتجري وهو خرج وراها ورجع تاني

جميله: طب ومين الي بلغكوا مااهو اكيد مش هتيجوا بالسرعه دي وفي نفس اللحظه الي فيها يزن عند يمني

الظابط: دا حقيقي فعلا ،العملاء الي نازلين في الاوتيل بلغوا ان فيه صوت تكسير جاي من اوضتها والامن بلغ

جميله : اممممم وصوت التكسير كان في وقت ما كان يزن موجود

الظابط: مش عارف

جميله : ازاي حضرتك مش عارف انا سؤالي واضح ما هو لو صوت التكسير حصل ويزن مش موجود يبقي هو مش متهم اصلا

الظابط : بس احنا دخلنا وهو جنب المجني عليها

جميله :طب بالعقل ي حضره الظابط واحد رايح ل زميلته وشافها وهي واقعه وبتنزف هيعمل اي غير انو هيحاول يلحقها

الظابط: انا مليش دعوه بكل دا ،احنا مفيش قدامنا غير هو المتهم لان محدش دخل الاوضه في الفتره دي غيرو

جميله: ما يمكن حد دخل من البلكونه

الظابط: واحنا مش هنفترض حاجه محصلتش واظن انك ظابط و عارفه كل دا

جميله : و عارفه بردوا ان المتهم برئ حتي تثبت ادانته ولحد دلوقتي مفيش اتهام واحد عليه ،يعني يقدر يخرج حتي لو بكفاله مفيش مشكله

الظابط: لا مينفعش يخرج لحد ما يمني تفوق ونسمع اقوالها

💖💖💖💖💖💖💖💖
في شرم وصل يوسف وهاجر الصغيره وحازم ومي واللواء اسر وهاجر ،واللواء سيف ونورهان وادهم واسيل واللواء مؤمن وروفيدا ،وعدي ومايا واللواء كريم وهدير   اسر الصغير اعتذر عشان اروي وحملها والدكتور مانعها من السفر
💖💖💖💖💖💖💖💖💖
في الفندق خرجت جميله من القسم بعد ما رفضوا يطلقوا سراح يزن وراحت الفندق وقررت تدور في الموضوع بنفسها بس الاول توصل ل چوري ،رنت عليها كتير و فونها مقفول ،كانت بتسال كل الموظفين الي في الفندق عليها وهي بتوريهم صورتها ،لحد ما واحد
موظف بتوتر : لا لا مشوفتهاش. لا
جميله خدت بالها من توتره ومن نظره عينيه عرفت انو بيكدب
جميله بحده: طيب اسمعني بقاا كدا لان انا متاكده انك تعرف ،البنت دي ظابط وانا بردوا ظابط يعني لو مقولتش حالا هي فين هحبسك
الموظف بخوف : اتحبس احسن مااتقتل
جميله اتاكدت من شكوكها وانو عارف حاجه و اكيد حد هددوا : اوعدك لو قولت هي فين هحميك ومحدش هيقدر يأذيك
الموظف بخوف : وعد تحميني
جميله بصدق: وعد
الموظف :فيه واحد شدها وهي كانت بتجري وشالها ونزل المخزن الي في الفندق
جميله بغضب : وازاي ساكت كل دا ليه مبلغتش ولا قولت
الموظف بندم: خوفت كان شكله ضخم وهددني
جميله بسرعه وجواها خوف ع چوري : طيب تعرف فين المخزن
الموظف : اه اعرف
جميله بسرعه: طب وريهوني بسرعه

جميله كانت بتمشي بخطوات سريعه وكلمت جاسر وهي ماشيه
جاسر : اي ي حبيبتي خلصتوا ولا لسه ،احنا وافقين قدام الفندق
جميله كانت بتنهج من المشي وجواها خوف ع چوري : جاسر ممكن تيجي دلوقتي المخزن بتاع الفندق
جاسر استغرب لكن قلق : في اي ي جميله
جميله : تعالي بس ارجوك
جاسر بسرعه ودخل الفندق وهو بيجري وحمزه وراه وصلاح بردوا وهما مستغربين: طيب انا جاي حالا ،خليكي فاتحه المكالمه
حمزه وهو ماشي جنبه بسرعه: في اي ي جاسر
جاسر بقلق ومكمل مشي : مش عارف بس واضح ان فيه حاجه ، المهم انت عارف فين المخزن بتاع الفندق
حمزه باستغراب : لا معرفش بس تعالي نسال
سالوا ع مخزن الفندق والموظف دلهم عليه وجريوا ااثلاثه

عند جميله كانت قدام المخزن وكان مقفول وهي سامعه صوت تكسير جوا
جميله بغضب: افتحوا
الموظف بخوف : انا مش معايا مفاتيح
جميله اتعصبت ورفعت المسدس ناحيته : بقولك افتحه
الموظف بخوف اكبر : والله فعلا مش معاياا
في اللحظه دي وصل جاسر. ومعاه حمزه وصلاح
جاسر اتنفس ب راحه لما لقاها بخير لكن لسه قلقان: في اي ي جميله
جميله : جاسر ممكن تكسر الباب چوري جوا وفيه واحد خاطفها
جاسر رغم انو مستغرب الموضوع لكن معلقش وكسر هو وحمزه الباب وصلاح معاهم
واتفاجئوا ب مهدي مرمي ع الارض وهو مضروب ومفيش فيه حته سليمه وبينزف من مناخيره
حمزه بذهول : اي دا هو مين الي خاطف مين بص ل جميله هو انتي قولتي چوري الي مخطوفه ولا مين بالظبط
كلهم كانوا مذهولين وهما باصين ل چوري ول مهدي الي واقع ع الارض
چوري بغضب وهي ماسكه ايد مهدي ولوتها : الحيوان حاول يبوسني
جميله بدهشه: نعم ،هو كل دا كان بيحاول يبوسك بس
صلاح :هههههههه لا حقيقي حيوان فعلا
چوري بغضب : هو يقدر يلمسني اصلا

مهدي بالم في جميع انحاء جسده وهو بينزف والم اكبر وهي ماسكه ايده : اااه انا بعترف انا الي قتلت يمني وحاولت اعتدي عليها بس ارجوكوا حد يخلصني منها

كلهم كانوا كاتمين ضحكتهم بالعافيه لكن لسه مش فاهمين الموضوع
في اللحظه دي وصل امن الفندق وقبضوا ع مهدي ،راحت جميله ناحيه چوري
چوري بدهشه : يمني اتقتلت
جميله : لا يمني لسه عايشه ،ويزن مظلوم ي چوري
چوري بغضب: متجبيش سيرته ي جميله انا بكرهه ومش طايقه اسمع سيرته
جميله : يزن مخانكيش هو كان بيجيب حقك
چوري : حقي من اي
جميله : فيه فيديو نازل ع النت ليكي وانتي بترقصي والي كانت منزلاه يمني ويزن عرف وراحلها عشان يخليها تشيل الفيديو ويجيب حقك

چوري افتكرت اليوم الي يزن قالها انها رقصت فعلا وعملت حاجات عمرها ما كانت تتخيل انها ممكن تعملها ،
چوري بدموع: يعني اتفضحت ي جميله
جميله بحنان: متقوليش كدا ي حبيبتي انا هقدر امسح الفيديو من ع النت ومع الايام الناس هتنسي

جوري بدموع: تنسي اي ي جميله ،انا ظابط ودا هيسوء سمعتي وممكن يوقفوني عن العمل

جميله : لا متخافيش هما مش هيستغنوا عنك بالسهوله دي انتي قدمتي كتير ي چوري واكيد مش من غلطه صغيره هيوقفوكي

جوري : يعني الي خلاني عملت كدا هي يمني

جميله: ايوا حطتلك حبوب هلوسه في العصير

چوري دموعها نزلت في اقل من ثانيه: يعني يزن مخانيش انا شكيت فيه واتهمته وموثقتش فيه ،رغم انو وثق فياا وكان بيدافع عني وبيجبلي حقي

جميله ربتت ع كتفها : اهدي ي چوري ،المهم دلوقتي تصالحي چوزك وتستمتعوا ب شهر عسلكم

چوري بدموع : تفتكري هيسامحني

جميله : هيسامحك ،يزن بيحبك وهيسامحك بس بردوا لازم تصالحيه

جاسر وصلاح وحمزه كانوا متابعين الحوار و فهموا من كلامهم الموضوع

صلاح بمزاح: طب مش يلا بينا انا فيه عروسه وفرح مستنيني مينفعش كدا ،راعوا ظروفي مش يوم ما اتجوز يحصل كدا ،والله ادخل من غير فرح

كلهم ضحكوا
جاسر زغده : لم نفسك ي زفت دي اختي الي انت بتتكلم عنها ،

صلاح:هههههه طب اعمل اي والله هموت ي جدعان

حمزه ضحك:هههههههههه خلاص يلا الواد هيفضحنا دا شكلوا هيتجوز ع روحه

جاسر : يلا ي اخوياا
چوري مكنتش مركزه معاهم كانت في دنيا تانيه بتفكر في حبيبها الي اتهمته بالخيانه وموثقتش فيه رغم انو وثق فيها كتير ودافع عنها اكتر ولاخر لحظه كان بيدافع عنها وكان بيحاول يدافع عن نفسه وبيطلب منها تسمعوا وهي رفضت

جميله خدت بالها انها سرحانه و عارفه هي سرحانه في اي قربت منها وحطت ايديها ع كتفها : خلاص ي حبيبتي يزن والله طيب وهيسامحك

جوري بدموع: انا وجعته اووي ي جميله وطلبت منه الطلاق

جاسر قرب منها : متقلقيش ي چوري انا هتكلم معاه

جوري مسحت دموعها : لا شكرا ي استاذ جاسر ،انا الي غلطت وانا الي لازم اتحمل النتيجه

جميله :طيب خلينا نمشي
خرجوا كلهم

💖💖💖💖💖💖💖💖
في القسم اعترف مهدي بكل حاجه وخرج يزن وكانت في استقباله چوري وجميله جنبها. وجاسر
سلم يزن ع جاسر وهو متجاهل چوري
جاسر بمزاح: كفااره ي وحش السجن للرجاله
يزن :هههههه اه ما انت مجرب
جاسر :هههههههه لا وع ايد مين ايد مراتي
جميله :هههههههه ماتخلي قلبك طيب خلاص الي فات مات

جميله قالت الكلمه بهزار بس كانت قاصده تعرفها ل يزن وكأنها بتقوله سامحها وانسي الي فات

جاسر فهم قصدها وبصلها وابتسم : وانا نسيت فعلا ي روحي

يزن : طب مش هنمشي ولا اي ولا شكلكوا عاجبكوا القسم وعايزين تقعدوا

جاسر :ههههههههه لا النهارده فرح اختي مش عايز اتحبس

يزن بابتسامه: اي دا بجد ،الف مبروك ،طب دي مناسبه تقولي فيها ،انا هحضر طبعا

جاسر ابتسم: طبعا دا انت لو مجتش انا هرجعك القسم تاني

يزن :هههههه لا وع اي الطيب احسن احضر ي اخوياا

جاسر : ههههههههه معقوله من كام ساعه عملوا فيك كدا دا انا قعدت يوم كامل ومعملتش الي انت عملتوا دا

يزن : بس انت كنت عارف انك خارج لكن انا كنت مظلوم ومش عارف هخرج منها ولا لا

يزن كان قاصد يقول مظلوم وهو بيعاتبها بطريقه غير مباشره

چوري مكنتش قادره تتكلم ،كانت موجوعه وهي شايفاه متجاهلها ،لكن عذرتوا لانه عنده حق هي الي شكت فيه وهي الي مصدقتهوش

جميله غمزتله بمعني سامحها وهو هز راسه بمعني لا
يزن : طيب مش هنمشي ولا اي
جاسر اتنهد: ماشي يلا
خرجوا برا القسم وركبت جميله قدام جنب جاسر عشان تسيبهم ورا مع بعض
چوري بندم ومسكت ايده برقه : انا اسفه
يزن شال ايده ومردش عليها وبص الناحيه التانيه من الشباك
جاسر وجميله كانوا بيراقبوهم من قدام
وصلوا قدام الشاليه دخل يزن الشاليه بتاعه
جميله زقتها بخفه:ادخلي وراه حاولي تصالحيه
دخلت چوري فعلا الشاليه

جاسر قرب من جميله وبهمس: طب وانا مش هتصالحيني
جميله باستغراب : هو انا زعلتك
جاسر بغمزه: لا بس مجنناني وانتي عماله تتحركي هنا وهنا زي الفراشه خصوصا بالفستان دا شكلك قمر ،ميبانش خالص انك حامل

جميله ضحكت: هههههه انت فايق والله ،انت مش شايف الي بيحصل وبعدين النهارده فرح اختك يلا عشان منتاخرش دا زمانهم وصلوا القاعه
جاسر لف ايدو حوالين خصرها وقربها ليه : طب ما يوصلوا هو انا الي هتجوز
جميله ابتسمت: بس دي اختك ،يلا بقاا عشان منتاخرش
جاسر بغمزه : طب نخطف لحظه سريعه
جميله برقه: تؤتؤ بعد الفرح هنخطف لحظات مش لحظه واحده ،يلا بقاا
جاسر اتنهد :ماشي بس بعد الفرح مش هرحمك انتي حره بقاا ،انتي الي بتزودي شوقي ليكي وهتخليني افترسك
جميله ضربته ع صدره : انت سافل ع فكره وقليل الادب
جاسر مسك ايديها وكتفها بهدوء وهو بيقرب من شفايفها : انا هوريكي السافل دا ي روحي هيعمل اي
جميله ملحقتش تتكلم كان باسها جاسر بقوه وشغف ،لكن قطع لحظتهم صوت حمحمه وراهم ،بعدت جميله عنه بسرعه وهو اتغاظ وبص وراه وغضب اكتر لما شاف سليم
سليم : احم انا اسف لو جيت في وقت مش مناسب بس انا شوفتكوا من بعيد قولت اجي اسلم انتوا مش رايحين الفرح ولا اي
جميله كانت كاتمه ضحكتها ع شكل جاسر وهو كان شويه وهيطلع دخان من ودنه ،: ازيك ي سليم عامل اي
سليم بابتسامه: الحمدلله وانتي اخبارك اي واخبار الحمل اي
جميله : الحمدلله كويسه
سليم : ازيك ي جاسر
جاسر بغيظ: الحمدلله
سليم : احم طب استاذن انا بقاا ومبسوط اني شوفتكوا ،عن اذنكوا
مشي سليم
جاسر بغضب: و انا مش مبسوط نهائي اني شوفتك ،
جاسر سمع صوت ضحك جميله لفلها وبصلها بغضب
جاسر بغضب: اي الي جاب الزفت دا هنا
جميله وهي كاتمه ضحكتها : مانا عزمته عشان فرح رنا
جاسر كور قبضه ايده وهو نفسو يمسك دماغها يكسرها : اركبي ي جميله عشان نغور الفرح
جميله ركبت العربيه بسرعه وهي بتهرب من شكله الغاضب وهو بردوا ركب العربيه
💖💖💖💖💖💖💖
في شاليه يزن وجوري
دخلت جوري  وكان يزن في الحمام خد شاور وخرج ولقاها قصاده اتجاهلها وراح ناحيه الدولاب طلع بدله وهو داخل اوضه اللبس ،لكن وقفته جوري
جوري مسكت ايديه: يزن انا اسفه والله غصب عني حط نفسك مكاني ،انت سيبتني وقولتلي رايح مشوار وانا اتبعتلي رساله منها وبتقولي انك رايحلها كنت عايزني اعمل اي

يزن اتعصب وكور قبضه ايده بغيظ وعرف ان يمني كانت قاصده توقع بينهم

يزن بغضب : كنتي تستنيني لما اجي واشرحلك  تثقي فياا وتصدقيني لكن انتي اختارتي اسهل حل وهي انك تطلبي الطلاق وطلعتيني خاين وزباله ،سابك عشانها

جوري دموعها نزلت : صدقني غصب عني انا لما شوفتك وانت قريب منها اعصابي فلتت ومعرفتش انا بقول اي ،انا كنت مجروحه وموجوعه

يزن دموعها اثرت فيه وهو مش قادر يشوفها كدا لكن قوي قلبه ،هي جرحته واتهمته انو خانها وموثقتش فيه : وانا بردوا مجروح ي چوري ،انا وثقت فيكي   لكن انتي لا.  يمني وريتلي بدل المشكله الف عشان توقع بينا وحاولت كتير من ناحيتي وانا كنت بكدبها لاني واثق فيكي ،لكن انتي موثقتيش فيا ومن اول محاوله ناحيتك صدقتيها وكدبتيني انا

اكمل بجديه البسي عشان منتاخرش ع الفرح

سابها يزن ودخل لبس وخرج ،كانت هي بردوا لبست فستان رغم انها كانت جميله جدا وشكلها يسحر لكن الحزن الي باين ع وشها مقلل الجمال دا

يزن كان هيتجنن من جمالها الي حتي في عشوائيتها ولبسها من غير مزاج كانت بردوا جميله لكن لمح الحزن في عينيها كان عايز يضمها لحضنه ويبدل ملامح الحزن لسعاده بقربه ليها لكن غصب عنه مجروح منها

يزن بجديه : يلا
💖💖💖💖💖💖💖💖💖
عند رنا كانت ايديها بين ايدين صلاح وهما داخلين القاعه ،كانت قاعه ع البحر متجهزه ومتزينه وكانت ارقي واجمل قاعه كانت متجهزه عشان تستقبل اجمل عروسين ،،قعدوا العروسين في الكوشه

صلاح كان جواه سعاده متتوصفش وهي قاعده جنبه وهو باصصلها بلهفه وشوق باين في كل ملامحه مش بس عينيه مصدق انها اخيرا بقت مراته ،مكنش مركز مع اي حد حواليه مكنش شايف غيرها هي وبس

رنا برغم خوفها وتوترها لكن كانت مبسوطه وهي جنبه ومعاه ،كفايه الباصه في عينيه بتنسيها الدنيا وهي شايفه حبه ليها وشوقه ولهفته ،كل دا كان كفايه انها تحبه وتعشقه بجنون ،وهي البنت عايز اي غير واحد يحبها ويهتم بيها وعمروا ما يزعلها ،ويشيلها في عينيه ،يغير عليها ويحميها ويبقي ضهر وسند ليها

جاسر وجميله وصلوا في بدايه الاغنيه وهما مركزين معاهم
جاسر برغم ضيقه وغضبه من جميله لكن لما شاف اخته وهي بين ايدين صلاح حبيبها وجوزها ابتسم وهو فرحان ليها انها اخيرا حبت وعشقت

اشتغلت اغنيه رومانسيه ،وهديت الانوار عشان تليق مع الاغنيه
صلاح حضن ايديها بين ايديه بارق لمسه عشان يخفف من توترها وخدها للرقص ولف ايدو حوالين خصرها وهي حطت ايديها ع كتفه بخجل وهي عامله مسافه بينهم
(لانك معاياا. سامو زين )
صلاح بص في عينيها وهو مش عايز حاجه غير انها قصاده دلوقتي ومعاه ،سرح في عينيها وكأن العالم كله وقف عند اللحظه دي نسي الدنيا ومش مركز غير فيها هي وبس وهو تايهه في اجمل عيون شافها وخطفته من اول نظره ،كانت عيون ملاك تسحر قلوب الي يشوفها مش قلب واحد ،لكن هو الوحيد الي قدر يكسب قلبها وعقلها ،

لانك معايا ...لانك معايا فى كل لحظة وكل ثانية
ومش بعيده ...ومش بعيده ولو بعيد دايما عليا
حبيبى معاك حبيبى معاك انا بنسى كل الدنيا ديااا
لحظة لقاك .لحظة لقاك روحى بترجع تانى ليا

كلمات الاغنيه كانت حقيقه وهو فعلا نسي العالم ونسي الناس حواليه ومش مركز غير معاها وهو بيرقص معاها ع اجمل وارق نغمه واحلي كلمات ،كانت كلمات برغم انها بسيطه لكن معانيها جميله ورقيقه

وياك انا بنسى العاالم بنسى الناس
وانتى معايا مش عايز حاجة تانية خلاااص
جمبك انا كل الدنيا دي متشغلنيش
مش عايز حاجة غير انك متسبينيش

الكل كان باصينلهم ع اجمل وارق قصه حب ،قصه وبدايه جديده ،كلها حب وسعاده وبساطه ،رنا برغم انها غنيه واي حاجه تطلبها تجيلها لحد عندها لكن بسيطه و رقيقه في كل حاجه في لبسها وكلامها وتصرفاتها كلها بسيطه

وياك انا بنسى العاالم بنسى الناس
وانتى معايا مش عايز حاجة تانية خلاااص
جمبك انا كل الدنيا دي متشغلنيش
مش عايز حاجة غير انك متسبينيش

صلاح ضم ايديها بين ايديه وهو عايز يقربها ليه ويحسسها بحبه ولهفته الي باينه في عيونه وملامحه ،لكن خجل رنا وتوترها فاصل بينهم وهي مش قادره تقرب مكسوفه

ايدى فى ايديكى. . ايدى فى ايديكى ولهفتى بتبان عليا
وبشوف حاجات ..وبشوف حاجات كتير حلوة عيشاها ليا

صلاح مكنش قادر يتحمل تكون بعيده وعامله فاصل بينهم مسك طرحتها وحطها عليهم وباسها بقوه وشغف وشوق كبيييييير مش قادر يكتمه اكتر من كدا وهو حاضنها ،والطرحه مخبياهم

رنا اتصدمت من الي عملوا وهي هتموت من الخجل لكن مبسوطه وجواها طايره من الفرحه دي كانت اول مره يبوسها في حياته رغم انها كانت مراته لكن كان عارف انها لسه محرجه ومكسوفه منه لكن دلوقتي خلاص مقدرش يسيطر ع نفسه اكتر من كدا خصوصا وهي بالجمال دا

الكل كان مذهول لكن صقفوا تصقيف حااااااار وتصفير قوووي

وياك انا بنسى العالم بنسى الناس
وانتى معايا مش عايز حاجة تانية خلاص
جمبك انا كل الدنيا دي متشغلنيش
مش عايز حاجة غير انك متسبينيش

بعد صلاح عنها وشاف خدودها الي بقت بلون الدم وهي مش قادره ترفع راسها من ع الارض،
مسك دقنها ورفع راسها وبصلها بحب وهي عينيها لامعه بدموع من كتر الخجل وكان شكلها برئ وملااكي لابعد حد ،وهو كان عايز ياخدها ويطيروا ع جنه الحب بينهم

صلاح بحب : انا اسف بجد بس مقدرتش اسيطر ع نفسي حقيقي جوايا شوق ولهفه ميتوصفوش خصوصا وانتي زي الملاك

رنا سكتت وفعلا شافت اللهفه الي في عينيه ،مسك ايديها بحب وقعدوا ع الكوشه

عند جميله
جميله :ههههههههههه لا مش قادره بجد انا كل يوم بكتشف في صلاح حاجه احلي من الي قبلها يخربيتوا دا عسل هو جاب الرومانسيه دي منين ،انت شوفت الحب والعشق الي باين في كل تفاصيله

جاسر برغم انو مبسوط لاخته لكن كلام جميله خلاه يغير وهو سامعها وهي بتعاكس صلاح

جاسر بغيره ضغط ع ايديها بقوه : انتي بتعاكسيه قدامي عادي كدا ،يعني مش مكفيكي ان محروق دمي بسبب الزفت سليم كمان بتحرقي دمي اكتر وانتي بتعاكسي صلاح

جميله وقفت عن الضحك وبصتلوا باستغراب : انت بتقول اي ي جاسر ،صلاح صديق وكمان دا جوز اختك ،انا بمدح فيه مش بعاكسه

جاسر بغيره: وسليم

جميله : صديق بردوا
قطع كلامهم اللواء اسر وهاجر
جميله حضنتوا بقوه: وحشتني اوووي ي بابا
اسر بحب : وانتي كمان وحشتيني ي روح بابا ،عامله اي ي حبيبتي
جميله بحب : الحمدلله ي حبيبي بخير اول مااشوفتك
اسر بمزاح: طب وقبل ما تشوفيني
جميله :هههههههه مكنتش بخير
حضنت جميله مامتها بشوق كبير
جميله بحب وشوق : وحشتوني اوووي
هاجر بحب: وانتي كمان ي روحي وحشتينا جدا
جميله بعبوس : بس انا زعلانه منكوا هو لازم يعني يكون فيه فرح عشان اشوفكوا
اسر بحنان : غصب عني ي حبيبتي انتي عارفه شغلنا صعب واجازاته قليله
جميله بحب : عارفه ي حبيبي
اسر خد بالو ان جاسر مضايق : مالك ي جاسر
جاسر اتنهد: مفيش ي عمي
اسر باستغراب : مفيش ازاي انت شكلك مضايق رغم ان المفروض تكون مبسوط دا فرح اختك
جاسر بص ل جميله ورجع بص ل اسر : مانا فرحان
جميله : انا هقولك ي بابا ،جاسر مضايق عشان فيه واحد بيحبني
قطعها جاسر بغضب : قولتلك متقوليش بيحبك عشان مروحش اقتلوا دلوقتي
اسر بقوه : اهدي ي جاسر ،
جاسر بغضب : يعني حضرتك مش شايف بتفور دمي ازاي دي لو قاصده تحرق دمي مش هتقول كدا ،حضرتك قولت قبل كدا الي بيحب حد مش بيجرحوا ،لكن بنتك بتحرق دمي وتعصبني وهي شايفه واحد بيحبها وهي عامله عبيطه وبتنرفزني وتجيبه في كل مكان عشان تعصبني وهي عارفه اني مبطقهوش

جميله :انا عمري ما بكون مبسوطه وانا شايفاك متعصب او مدايق عشان حد ولا بكون قاصده اني اجرحك او اضايقك بس انا بعتبروا صديق مش اكتر وبعدين هو معملش معايا حاجه وحشه عشان ابعد عنه

جاسر بغضب:لا ي جميله عمل ،اننا نتخانق دلوقتي بسببه يبقي عمل ولما اشوف لهفته وخوفه عليكي في المستشفي يبقي عمل لكن انتي الي مش عايزه تشوفي دا بس خلاص ي جميله انا جبت اخرى ودلوقتي حالا عايز اعرف قرارك ي انا ي سليم

اسر بغضب:جاسر انت بتستعبط انت بتقول اي

جاسر بقوه وهو باصص ل جميله :بعد اذنك ي سياده اللواء انا عايز اعرف ردها

جميله بغضب : دي تاني مره تجبرني ي جاسر وقولتلك بكره الاسلوب دا

جاسر بغضب : انا مش بجبرك انا بخيرك ي انا ي سليم

جميله : بلاش تستغل حبي ليك بشكل غلط

جاسر بغضب: ردك اي ي جميله ،لازم نحط حد للموضوع عشان خلاص انا جبت اخري

جميله : تفتكر دي محتاجه اختيار او انك تحط نفسك في مقارنه مع حد

جاسر : ردك مش واضح

جميله : مش محتاجه رد انا بحبك انت ،ودا مش اجبار دا حقيقه

جاسر ابتسم وضمها لحضنه بقوه لدرجه انها اترفعت من ع الارض وهو شايلها
جميله وهي في حضنه ضربته ع ضهره  : بحبك  والله بحبك انت وبس

جاسر بحب : وانا بحبك وبموت فيكي ي جميلتي

اسر وهاجر ابتسموا وهما فرحانين وكانوا مش مصدقين ان دول كانوا من شويه بيتخانقوا وكان خلاص ع وشك الانفصال

الكل ركز معاهم وسابوا العريس والعروسه وهما باصينلهم وصقفوا وسليم كان بيغلي من الغيره وهو جواه وجع وحزن مش قادر يداريه  ،فاقوا الاتنين ع صوت التصقيف ونزلها جاسر وبصوا حواليهم وشافوا الكل باصينلهم بصوت لبعض وضحكوا ،ومسك جاسر ايديها

اسر :ههههههههههه والله الي يشوفكوا من دققتين ميشفكوش دلوقتي
جاسر ابتسم : اعمل اي بنتك غلبتني وتعبتني معاها رغم انها بتكره اسلوب الاجبار دا بس هو الي بيجيب نتيجه معاها

💖💖💖💖💖💖💖💖💖💖
عند العمده قرب من صلاح ورنا  وسلم ع صلاح وحضنها ووحضن رنا
العمده بحنان : الف مبروك ي حبيبتي
رنا بحب: الله يبارك فيك ي بابا
العمده : احم بقولك ي رنا هي فين مامتك مش شايفها
رنا بخبث وشاورت ع صبره جنبها بعنيها بس بشكلها الجديد والي كان مختلف : ما هي واقفه جنبي اهي ي بابا

بص العمده ع صبره واتصدم من شكلها ،برغم انها مليانه شويه في الجسم لكن كانت جميله ببياض بشرتها والي كانت رنا ورثاها في الشكل كانت نفس الملامح بس ع كبير ،،وكمان كانت حاطه ميك اب لاول مره في حياتها بس كانت حلوه بحجابها وفستانها المحتشم لكن كانت اول مره تلبس فساتين ،صبره كانت باصه في الارض وهي مش قادره ترفع عينيها في عينيه خايفه منه

العمده كان مصدوم من شكلها وطالتها الجديده ،هو بيحبها لكن بعد الي حصل كرهها او يمكن هو افتكر كدا ،وعمل حجه رنا عشان يوافق تقعد معاه في الصعيد كان عايزها جنبه لكن مكنش مسامحها ،وكان عايز يرفض انها تقعد في القاهره لكن ملقاش حجه لان رنا كانت في القاهره بردوا ،لكن دلوقتي خلاص هو سمع من جاسر وعرف انها اتغيرت فعلا ،ورجع حبه ينبض من جديد

العمده حس بغيره شديده لان واقفه بالشكل دا والكل شافها ،غلي الدم في عروقه ومسكها من ايديها وخرج برا القاعه من غير ما يلفتوا الانظار

عند رنا وصلاح ،
صلاح لقا رنا وقفت وهي بتسلم ع حد بص ع الي بتسلم عليه ولقاه باباه اتفاجئ وقام وقف وفضل باصص ل باباه مش عارف يعمل اي

الاب بردوا كان باصصلوا بشوق وحنان وهو شايف ابنه الوحيد بيتجوز ،،قرب منه وحضنه بقوه ،وصلاح بردوا بادله الحضن بقوه وحب ببمجرد ما شافوا نسي حزنه وزعله منه مفتكرش غير ابوه الي رباه وكبره وخلاه راجل فعلا  وهو كان نفسه في الحضن دا من زمان من ساعه ما طرده وهو رافض يشوفه او يكلمه وصلاح حاول كتير انو يروحله وهو بيرفض لانو كان لسه مدمن ، لكن رنا قدرت تلين قلبه ورجعتهم لبعض من تاني ،،رنا كانت شيفاهم وهي فرحانه ان حبيبها رجع ل باباه

صلاح بعد عن حضن باباه ودموعه نزلت غصب عنه : وحشتني اوي ي بابا اوووي

الاب بحنان وشوق مسح دموعه:وانت كمان وحشتني اووي ي صلاح ،اوعي تعيط ي ابني انت راجل ،اوعي اشوف دموعك دي ،انا اسف ي بني ع كل الي عملتوا معاك ،اسف اني موقفتش جنبك وسيبتك ،بس وعد مني هعوضك ي بني عن كل الي عيشتوا

صلاح بحب : انا مش عايز غير وجودك في الدنيا ي بابا دا عندي بالدنيا كلها

الاب ندم ع كل لحظه ساب فيها ابنه ورماه ومساعدهوش ولا وقف جنبه وساب الغريب يساعده ،لكن قرر بينه وبين نفسه انو هيعوضه عن كل الي حصل

جميله قررت تغني اغنيه ل حبيبها وهي عايزه تثبتله انها بتحبه هو وبس ومفيش غيرو الي بتعشقه ،وكمان تثبت ل سليم انها مش بتحبه وبتحب جوزها وحبيبها وابو ولادها الي جايين راحت جميله ناحيه الدي جي وخدت المايك ووشوشته

وصل يزن وجوري
(مش عايزه غيرك انت. شيرين عبدالوهاب)
حازم ويوسف ومي وهاجر الصغيره قربوا من جوري ويزن وسلموا عليهم بشوق كبير
حازم لمح الحزن الي باين في عيون جوري ،وعرف ان فيه حاجه خصوصا انهم لسه في شهر العسل ازاي قدر يزعلها ،حازم مسك يزن وراح بعيد

حازم بحده: هي دي الامانه الي امنتك عليها ،اي نظره الحزن الي باين  في عيون جوري دي

يزن : مش بسببي ،انا عملت كل الي اقدر عليه عشان ميكونش فيه النظره دي لكن بنتك هي الي ايديت فرصه الغريب انو يوقع بينا

حازم باستغراب : مش فاهم

يزن : بنتك .........
حكاله يزن كل حاجه
حازم بصدمه: بنتي انا حصل معاها كدا من غير ما اعرف
يزن : متقلقش حضرتك الفيديو هيتمسح ويمني دلوقتي في الغيبوبه ومهدي اتحبس يعني حقها جيه من غير ما نعمل حاجه
حازم :انا واثق فيك ي يزن و عارف انك راجل وتقدر تحمي بنتي بس بردوا انا اب و عمري مااهقدر اشوف نظره حزن في عيون بنتي
يزن اتنهد: و حضرتك فاكر اني ببقي مبسوط وانا شايفها زعلانه بس غصب عني انا مجروح منها ،لازم اعمل كدا عشان تثق فيا ومتصدقش اي حاجه وخلاص
حازم : ماشي ي يزن بس اوعي تقسي عليها لاني مش هعديهالك انا بردوا بنتي غاليه عندي
يزن : وغاليه عندي انا كمان و عمري مااقدر اقسي عليها
حازم : ماشي خلينا نرجعلهم

قربت جميله منه وهي بتغني وكانت كل كلمه بتاكد عليها وهي عايز تعرفوا انه هو الوحيد الي بتحبه ومش عايزه غيره ،
وافتكرت لما كانو بعاد عن بعض اد اي عانو واتجرحوا وتعبوا ومكنتش عايزه دا يتكرر تاني

جوري كانت باصه ل يزن وكانت كلمات الاغنيه عايزه تقولهالوا هو وعينيها بتقولها وبحزن وندم عايزه يسامحها

مش عايزة غيرك إنت.  والله بحبك إنت
والحب كله إنت.  وإنت الناس كلها
دي سنين عمري اللي راحو. قلبي عاشها في جراحو.  كانت نقصاني حاجه. ومعاك كملتها

اسر همسله : عشان تعرف بتحبك ازاي ،قولتلك بنتي لما بتحب ،بتحب بكل ما فيها وممكن تديك عينيها من غير ما تزعل انها اديتهالك

جاسر كان باصص ل جميله وهي بتغني ومبتسم بحب : وانا والله بحبها بس غصب عني بغير عليها و اكيد حضرتك عارف يعني اي غيره

مش عايزة غيرك إنت. والله بحبك إنت
والحب كل إنت.  وإنت الناس كلها
دي سنين عمري راحو. قلبي عاشها في جراحو
كانت نقصاني حاجة ومعاك كملتها معاك، كملتها

اسر عذروا فعلا لانوا عارف يعني اي غيره وحب وانك تغير ع الي بتحبه وطبعا اسر كان اكتر من جاسر في الغيره ،كان بيغير ع هاجر بجنون ،كان بيغير عليها من اخوها ،لكن هاجر كانت حابه غيرته ومستمتعه بيها  لكن جميله مختلفه اه بتحب غيره جاسر عليها  لكن مش بتحب التحكم ،لكن فعلا سليم بيحبها وهي شايفه دا عشان كدا لازم تبعد او تحط حدود ميتعدهاش ابدا وجميله تقدر تعمل كدا

جاسر كان مستمتع بصوتها الي سحره ،كان صوت مفيش ارق ولا انعم منه وهو مبسوط بالاغنيه ،ودا زود حبه ليها اكتر و اكتر وهو شايف حبها ليه ،وقرب منها هو كمان وهما بيرقصوا

جميله كانت باصه في عينيه وبتغني باجمل كلمات خارجه من قلبها قبل شفايفها

من كثر هواك طول ما انا وياك مش عايزة أغمض عيني
عايزة أبقى معاك وأفضل شايفاك وأعيش لك كل سنيني
لو ثانية تفوت من غيرك أموت وهواك بس بيحييني

جوري كانت بتقولهالوا فعلا انها من غيره مجروحه وتعبانه ،نفسها يسامحها ويرجعوا ،

من كثر هواك طول ما انا وياك مش عايزة أغمض عيني
عايزة أبقى معاك وأفضل شايفاك وأعيش لك كل سنيني
لو ثانية تفوت من غيرك أموووت وهواك بس بيحييينيي

مش عايزة غيرك إنت. والله بحبك إنت
والحب كل إنت. وإنت الناس كلها
دي سنين عمري راحو. قلبي عاشها في جراحو
كانت نقصاني حاجة. ومعاك كملتها. معاك، كملتها

جاسر حضن ايديها بين ايديه وهما الاتنين في عالم تاني ،عالم مفيهوش غير حبهم وهما مستمتعين بقرب بعض

يا حبيبي معاك بملك بهواك الدنيا وكل زماني
تلمسني إيديك تحضني عينيك تلاقيني في عالم ثاني
مش عايزة خلاص غيرك من الناس وكفاية تكون علشاني

يزن شافها وهي بصالوا وقرا نظرات عينيها وكانت كلها رجاء انو يسامحها ويرجعلها

يا حبيبي معاك بملك بهواك الدنيا وكل زماني
تلمسني إديك تحضني عينيك تلاقيني في عالم ثاني
مش عايزة خلاص غيرك من الناس وكفاية تكون علشاني
مش عايزة غيرك
والله بحبك

دي سنين من العمر راحو
قلبي عاشها في جراحو
كانت نقصاني حاجة
ومعاك كملتها

مش عايزة غيرك إنت
والله بحبك إنت
والحب كل إنت
وإنت الناس كلها
دي سنين من العمر راحوا
قلبي عاشها في جراحو
كانت نقصاني حاجة
ومعاك كملتها

مش عايزة غيرك إنت
والله بحبك إنت
دي سنين عمري راحو
قلبي عاشها في جراحو

خلصت الاغنيه والكل صقف
عند العمده خرج برا القاعه وهو ماسك صبره من ايديها وهي خايفه ووقف ع البحر في مكان خالي من الناس
العمده بغضب وصوت جهوري  :انتي ازاي تلبسي كدا ولا تنزلي بالشكل دا ولا هو عشان سايبك هتمشي ع حل شعرك

صبره اترعبت من صوته وهرب ااكلام من ع لسانها :انا.   هو.  .بس

العمده : انتي وحشتيني

صبره رفعت عينيها وبصتلوا بصدمه: اي

العمده بحب وشوق كبيييير جدا : وحشتيني

صبره دموعها نزلت في اقل من ثانيه : وانت كمان وحشتني اووي ،انا اسفه ع كل الي عملتوا

العمده حط صباعه ع شفايفها يمنعها من الكلام:شششش انسي خلاص خلينا ننسي ونبدا من جديد ،انتي توبتي عن كل حاجه خلاص

صبره هزت راسها بفرحه وجواها ندم ع كل حاجه عملتها: اه والله توبت ونفسي تسامحني

العمده بحنان: وانا مسامحك

في الفرح
اشتغلت اغنيه تانيه لكل كابلز في الفرح  صلاح ورنا ،
جاسر وجميله. ،حمزه وناديه ،يوسف وهاجر ،،ادهم واسيل ،عبدالرحمن وسلمي ،اياد وكارما ،عدي ومايا ،

سليم قرر انو ينساها فعلا وهو عارف انها غنت الاغنيه عشان تفهمه انها مش هتحب ولا هتكون لحد غير حبيبها وجوزها ،وعشان يعرفها انو هينساها خلاص قرب من سيلين الي كانت واقفه وهي مبسوطه وشايفه كل كابلز بيرقصوا مع بعض والحب الي باين في عيونهم

سليم بابتسامه مد ايده ليها : تقبلي ترقصي معايا
سيلين استغربت لكن فرحت وهي حابه ترقص فعلا مدت ايديها ولمست ايديه  : موافقه

سليم خدها للرقص وبص ل جميله كأنو بيقولها خلاص رسالتك وصلت

يوسف كان بيرقص مع هاجر وكأن الفرح دا ليه هو وبص في عيون هاجر وسرح في ليله فرحهم ولياليهم سوا واجمل ايام عاشوها ولسه هيعيشوها طول ما هما مع بعض

هاجر كانت مستمتعه بقربه وهي بترقص معاه وبين ايديه وهي عايزه تفضل طول العمر معاه وتفضل شايفه الحب الي باين في عينيه

شفت الدنيا علي أيدية .. وبخاف من قلبي عليه
وشايلني جوه عيينيه اكتر ما انا كنت اتمني
كل اللي انا بتمناه افضل طول عمري معاه
دا انا احساسي ف دنياااه ايامي عيشاها ف جنه

سلمي كانت عينيها في عين عبدالرحمن وكلمات الاغنيه كانت في محلها بالظبط وهو عبدالرحمن كان فعلا شايلها جوا عينيه من بعد الي حصل وبقاا مش بيزعلها ابدا ولا يجرحها ،كانو عايشين حياه هاديه كلها حب وسعاده وفرح ،وسلمي اتمنت انها تفضل حياتهم كدا ع طول وتفضل العمر كلوا معاه ومتفارقهوش ابدا ،

كل كابلز كانوا مستمتعين باجمل كلمات للاغنيه وكأنهم طايرين مش بيرقصوا كانت من اروع و اجمل الكلمات ،كل بنت كانت دايبه في حضن حبيبها

هو حبيبي اللي اتمنيته يكون ليــا .. 
كل ما فيه اجمل م الدنيا دي ف عنيـا
ووجوده معايا في عمري دا احلي هديه
نساني ايام كانت فعلا صعبه عليــا 

ادهم بحب : بحبك ي اجمل وارق طفله شوفتها في حياتي ،طفلتي وحبيبتي وبنتي ومراتي

اسيل عينيها لمعت بفرحه وسعاده من كلامه الي بتعشقه: وانا كمان بحبك اووي ي ادهم ،انت حبيبي وجوزي وضهري وسندي ،طول عمري شيفاك سند ليا مكنتش بخاف من اي حاجه لاني عارفه انك جنبي وهتساعدني وتقف جنبي

ادهم بحب ضمها لحضنه اكتر : وهفضل جنبك عمري كله ومش هسيبك ابدا ،هفضل ضهرك وسندك لاخر يوم في عمري مستحيل هتخلي عنك او اسيبك

هو حبيبي اللي اتمنيته يكون ليــا .. 
كل ما فيه اجمل م الدنيا دي ف عنيـا
ووجوده معايا في عمري دا احلي هديييه
نساني ايام كانت فعلا صعبه عليــا 

ناديه برقه: انت فعلا الي اتمنيت تكون لياا ،كنت بدعي كل يوم انك تسامحني وكنت خايفه يجي اليوم الي يخلص انتقامك وتطلقني

حمزه بحب ضمها لحضنه بتملك وهما بيرقصوا : من اول مااتجوزتك وانا عمري ما قررت اطلقك ابدا ،انا قولتلك حبيتك من اول ما شوفتك ،ازاي كنتي عايزاني اطلقك وبعدين انتي حبيبتي ومراتي وام وابني الي جاي

لما عليا انا بينادي .. يا حبيبتي يا أم ولادي
وبشوفه ساعتها قصادي .. انا بنسي الناس والدنيا
أحلي سنين وانا وياه .. وف قلبي مليني هواه
عشت العمر استناااه .. احساسي معاه حاجه تانيه

صلاح بحب وعشق وهي بين ايديه: مش ناويه تقولي اي حاجه بقاا عايز اسمع صوتك ،وحشني

رنا بخجل : هتكلم اقول اي

صلاح بحب : قولي اي حاجه ،قولي بحبك ،بعشقك اي حاجه المهم اسمع صوتك

رنا بخجل : بحبك

صلاح بحب وشوق : وانا بعشقك ،بحبك اوي ي رنا ،اوووي

هو حبيبي اللي اتمنيته يكون ليــاااااا .. 
كل ما فيه اجمل م الدنيا دي ف عنيـاااااا
ووجوده معايا في عمري دا احلي هدييييه
نساني ايام كانت فعلا صعبه عليــاااا

جميله شاورت ع سليم بعينيها: شوفت بقاا اهو انا متاكده انو هيحب سيلين ،هو بيعمل كدا عشان يوريني ان رسالتي وصلت بس ميعرفش انو هيحبها وهيقع في غرامها كمان

جاسر لف وهما بيرقصوا وبص ع سليم : بس مش غريبه ان سيلين بترقص مع واحد غريب وهي المفروض متدينه ومحجبه

جميله : ملناش دعوه هي حره ،

جميله بصت بعينيها في الفرح بين المعازيم وملقتهمش
جميله ضحكت وجاسر استغرب ضحكها
جاسر باستغراب : بتضحكي ع اي
جميله :ههههههه ع باباك اظاهر خطتي نجحت
جاسر: خطه اي
جميله بغمزه: اصل بصراحه ظبط مامتك وزودت شويه لمسات كدا يعني ميك اب وفستان  واظاهر عملوا نتيجه

جاسر فهم قصدها : يخرب عقلك ي جميله انتي كدا ولعتي الدنيا دا ابوياا ممكن يطلقها مش يرجعها

جميله : ليه يعني دا بيحبها

جاسر باستغراب : وانتي اشعرفك انو بيحبها

جميله : كان باين عليه جدا خدت بالي من ساعه ما عملت العمليه كان واقف برا وهو هيموت من القلق لكن بيخفي دا ،وعشان كدا انا طلبت انها تعيش معانا وابعدها عنها شويه عشان ازود شوقه عليها واللمسات الي عملتها انهارده عشان يتجنن من حلاوتها ويرجعها لحضنه تاني

جاسر : يرجعها لحضنه دا ممكن يطلقها ،انتي متخيله ان انتي عملتي كدا وكل الي في الفرح شافها ،يعني زودتي الطينه بله

جميله : تؤتؤ باباك عاقل وعارف هو بيعمل اي كويس واكيد مش هيضيع كل حاجه في لحظه غضب

كل كابلز كانوا مبسوطين وطايرين من الفرحه ومستمتعين باجمل اغنيه واروع احساس ،كانت ليله مليانه مشاعر وحب وعشق وجنون ،
وكانت فيه مشاعر حزن وزعل وجرح ،ودول كانوا يزن وچوري ،الاتنين بيتألموا في بعد بعض وچوري كان نفسها ترقص معاه ع اجمل اغنيه فيها احساس وحب ورومانسيه متتوصفش ،

هو حبيبي اللي اتمنيته يكون ليــا .. 
كل ما فيه اجمل م الدنيا دي ف عنيـا
ووجوده معايا في عمري دا احلي هديه
نساني ايام كانت فعلا صعبه عليــا 

خلصت الاغنيه وخلص الفرح بأجمل مشاعر ،كان الفرح ملئ بالفرحه والسعاده ولسه هتستمر طول العمر ،وملئ بالحب والمشاعر والاحاسيس ،مشاعر شووووق كبير لناس وفرحه وسعاده لناس وقلب مجروح وحزين لناس 

في جناح صلاح و رنا دخلوا الجناح ورنا كانت متوتره  وخايفه
صلاح قرب منها بحب وشوق : اخيرااا انتهي الفرح وهنبدا حياتنا مع بعض حياه كلها سعاده وفرح ،عمري ما هخلي عيونك دي تلمع غير بفرحه وبس ،دا وعد مني ي رنا

رنا كلامه ريحها شويه : احم طب انا جعانه

صلاح:هههههههه ماشي ي حبيبتي تعالي نتعشي
رنا بخجل: ماشي هغير بس الاول
صلاح : ماشي
رنا بخجل : طب ممكن تفتحلي السوسته
صلاح بابتسامه: حاضر
فتحلها صلاح السوسته وهي جريت ع الاوضه بسرعه ،وقفلت  الباب
ضحك صلاح عليها وخد هو كمان البجامه وغير هدومه وفضل قاعد مستنيها ،بعد وقت خرجت رنا وهي لابسه بجامه طويله ومقفوله وكانت مغطيه شعرها
صلاح باصصلها ومندهش
صلاح: اي دا ي رنا
رنا بخجل : اي
صلاح : اي انتي ي حبيبتي ،انا المفروض جوزك واحنا دلوقتي خلاص اتجوزنا يعني ملوش لازم الحجاب
رنا بتوتر: لا خليني كدا انا مرتاحه
صلاح محبش يضغط عليها وحب يسيبها لحد ما تفك : طيب تعالي ناكل
راحوا قعدوا واتعشوا ،،وخلص صلاح اكل لكن رنا من خجلها مكنتش عايزه تخلص ابدا وكانت بتاكل براحه خالص وببطئ
صلاح فضل مستنيها وعدي وقت وهي لسه بتاكل
صلاح بمزاح: في اي ي رنا هو انتي مكلتيش بقالك سنتين ولا اي
رنا بتوتر : احم لا بس يعني انهارده طول اليوم مكلتش ،واديك شوفت من اول ما صحيت وكدا يعني
صلاح بحب : بالهنا والشفا ي حبيبتي كلي براحتك انا بهزر

خلصت رنا اكل وقامت دخلت الحمام غسلت ايديها وخرجت واتفاجئت ب صلاح قصادها وهو بيقرب منها ،اتنفضت وهي خايفه
صلاح بحنان مسك ايديها : اهدي ي حبيبتي مالك
رنا بتوتر : انا عايزه انام
صلاح قرب منها بهدوء ومسك ايديها : حاضر ي حبيبتي هنام بس ممكن تهدي ،رنا خليكي واثقه اني عمري ما هلمسك غصب عنك ،انا اه بحبك ومشتاق ليكي بجنون لكن خليكي عارفه اني عمري ما هلمسك غصب عنك

رنا كلامه طمنها ونسيت خوفها وخجلها لما قرب وباسها بارق وانعم بوسه وهو بيطمنها وهي تاهت في اول بوسه بينهم ،لا كانت تاني بوسه ،لكن دي تختلف دي لوحدهم من غير كسوف ولا خجل ولا وجود حد شايفهم ،

صلاح حس بسكونها وكمل مهمته وهو بيشيل الفوطه الي ع شعرها واتفرد شعرها وزادها جمال ودي كانت اول مره يشوف شعرها ،لان يوم حادثه الخطف مكنش مركز في اي حاجه غير انو يطمن عليها لكن دلوقتي مركز في تفاصيلها
صلاح كان بيبوسها وهو بيفك ازرار بجامتها وهو عايزها تايهه لحد ما يخلص مهمته وهو عارف انها حابه قربه وعايزاه زي ما هو عايزها لكن خوفها وخجلها مسيطرين عليها لكن عمر الخوف والخجل ما هيقف قدام حب حقيقي وصادق ،قلب دق لاول مره ليه وباسمه هو الي ملك قلبها وعقلها كمان ،

💖💖💖💖💖💖💖💖💖

في شاليه جاسر وجميله
خرجت جميله من الحمام بأجمل طله واجمل منظر ،وكانت الليله دي غير اي ليله فاتت ،كانت ليله خاصه ،كانت لابسه قميص نوم اسود شفاف مبين بياض بشرتها وحاطه روچ احمر قااني وكحل مبين جمال عينيها ومخلي ليه شكل مختلف وكاريزما خاصه ،جميله برغم الميك اب الخفيف لكن كانت جميله فعلا وهي جميله بدون ميك اب حتي ،وكانت فارده شعرها الطويل والي كان زي سلاسل الدهب بنعومته وتقله ولمعانه ،،كانت لوحه فنيه رائعه ،

قرب منها جاسر وهو مسحور من جمالها وانوثتها والي كانت بزياده عن اي ليله تانيه ،وبص ل شفايفها الي زي الفراوله وقرب منها من غير ما يتكلم وباسها بشغف ورغبه كبيره وشالها وراح ناحيه السرير وهو لسه بيبوسها ،بعد عنها وباسها تاني بشغف اكبر وهو مش عايز يبعد ،
جاسر بعد عنها وبصلها برغبه: انتي مالك تجنني انهارده كدا ليه ،يخربيت جمالك ورقتك وانوثتك الي بتجنني دي

جميله برقه ودلع وهي تمرر يدها ع صدره: طب ما تتجنن هو حد مانعك

جاسر انفاسه عليت ورغبته زاادت اضعاف وهو بيقرب منها باشتياق وحنين ليها ولقربها الي بيجننه : بصراحه فيه الي مانعني ،انك حامل لولا كدا كنت افترستك بضمير وانا عايز اكل كل حته فيكي بمزاج ،،بس ملحوقه تولدي بس وانا مش هخرجك من حضني لمده شهرين قدام

جميله ضحكت: هههههههه دا انت ناوي تنتقم بقاا

جاسر قرب منها اكتر وضمها لحضنه وغمزها وهو بيبوسها ع ملامحها وهو بيتكلم : انتقم دا انا هنتقم.. .وهنتقم..  .وهنتقم ي روحي

جميله كانت دايبه في بحر قبلاته ليها وهي مستمتعه بقربه وصوت انفاسه الي بتعشقها : انا بحبك اووي ،بقيت دايبه فيك وليك انت وبس ،حتي صوت انفاسك عشقتها ،معقوله يكون حبي مجنون لدرجه دي ،معقوله اكون بعشقك كدا

جاسر كلامها جننه واعترافها بحبها ليه زاد رغبته فيها اضعاااف وهو بيقرب منها اكتر واكتر واكتر :بتعشقيني عشان انا بردوا بعشقك ،حبنا متبادل وعمروا ما هينتهي ايدا هفضل احبك عمري كلوا مش هزهق ولا همل وهفضل اغير عليكي مهما مرت السنين وحبي ليكي هيزيد مش هيقل ،عشق ملهوش حدود ولا ليه فتره يقف عندها

جميله باغراء ودلع في كل تفاصيلها وحب من كلامه الي خلاها طايره من الفرحه وعينيها بترقض من السعاده : وانا هفضل احبك دايما  مفيش غيرك الي حبيتوا وقلبي دق ليه ،حب ملهوش نهايه ولا حتي بدايه ،حب مش عارفين بدا امتي ولا هينتهي امتي ،بس عارفين ان عمروا ما هينتهي

جاسر ضمها بعشق وجنون : ودا حقيقي ي حبيبتي حبنا عمروا ما هينتهي ابدا وعد مني هخليكي تحسي بحبي وشوقي ليكي كل يوم وخليكي وةثقه ومتاكده اني هفضل احبك لاخر يوم في عمري