رواية احببت عنادك... بقلمي/هاجر هشام الفصل المئة 116 - بقلم Hagar Hešhàm

في شاليه جاسر وجميله
خرج جاسر من الحمام بعد ما خد شاور بارد يطفي نار غيرته ووجعه ،لكن حتي المايه البارده مقدرتش تطفيها ازاي مايه بارده تقدر تطفي نار غيره صعبه  تهدي من مجرد كلام ،ازاي هيقدر يطفي غيرته وهو شايف واحد تاني بيشاركه في مراته حتي لو كانت مجرد نظرات ومش اي نظرات كانت نظرات كلها وجع وحب ليها  وزادت وجعه بكلامها ليه وهي بتفكره بذكري مؤلمه هو عايز ينساها او هو مش فاكرها اصلا ،كل حاجه كانت غصب عنه ،هو ملمسهاش بمزاجه ،اول ما خرج جاسر ،شاف جميله وهي داخله من باب الاوضه وراحت ناحيته

جميله كانت حاسه بوجعه وجرحه خصوصا بعد ما جرحته بكلامها وفكرته بذكري هو عايز ينساها هو بردوا مخنوق زيها انو لمس واحده تاني غيرها لكن دي حاجه مش بارادتهم هما الاتنين ولا هي بردوا بارادتها ان سليم يحبها لكن قادره انها تبعد وتقرب سيلين

جميله قربت منه وسندت ع صدره وهي بتحضنه: انا اسفه ،اسفه اني وجعتك وجرحتك بكلامي ،عارفه اني غلطت لما فكرتك واسفه اني عماله اجرحك من غير مااقصد ،حقيقي مبيكونش قصدي اجرحك ابدا بس انا مش بحب اشوف حد بيتجرح بسببي

جاسر كان واقف ثابت ومبادلهاش الحضن: خايفه ع مشاعره وانا لا ،مش حابه تشوفيه موجوع لكن انا عادي ،انا يمكن مش بظهر اني مجروح وانتي شايفه اني طلعت غضبي فيه لكن الغضب دا كان كله وجع وغيره

جميله بعدت عنه وبلعت ريقها ب مراره من ظلمه ليها ،هي مش عايزه تشوف اي حد مجروح بسببها ولا هو ولا حتي سليم : مش ملاحظ ان الموضوع خد اكبر من حجمه ،احنا كنا جايين هنا عشان نتبسط لكن اتنكدنا اكتر

جاسر راح ناحيه الدولاب وطلع شورت  :مش انتي الي جبتيه شرم وعزمتيه

جميله : انا عزمته ع الفرح بس

جاسر وهو يلبس الشورت: مش هتفرق في الحالتين جبتيه هنا

جميله وقفت قصاده: خلاص خلينا نرجع ،طالما دا هيريحك

جاسر باستهزاء: دا الي هيريحني ،وانتي فاكره ان هو دا الي هيريحني ،انا الي هيريحني انك تبعدي عنه مش عايز اشوفه ناططلي في كل مكان اروحه

جميله : من الناحيه دي اطمن هو خلاص وصل الرساله الي كان عايز يوصلها

جاسر : اممممممم ماشي ورسالته دي هي انو هيبعد مش كدا

جميلة: ايوا

جاسر راح ناحيه السرير ونام: طيب

جميله راحت ناحيته ونامت ع صدره: طب خلاص بقاا

جاسر اتنهد: جميله انا تعبان و عايز انام

جميله بعدت عنه : ماشي ي جاسر تصبح ع خير

جاسر رجعها لحضنه تاني : وانتي من اهله بس وانتي في حضني

ابتسمت جميله ونامت في حضنه وهو باسها ع خصلات شعرها ونام هو كمان
💖💖💖💖💖💖💖💖
في شاليه سليم
كان قاعد قصاد المرايه وهو بيحاول يضمد جروحه وسمع خبط ع باب الشاليه وقام فتح وكانت سيلين استغرب مجيتها في وقت زي دا
سليم باستغراب : خير ي سيلين فيه حاجه
سيلين : احم طب هتكلم ع الباب كدا مش هتقولي اتفضلي
سليم : اه طبعا اتفضلي بس انتي عارفه انا عايش لوحدي
سيلين دخلت: انا عارفه بس انا واثقه فيك
سليم استغرب كلامها ازاي واثقة فيه وهي متعرفهوش لكن معلقش وساب باب الشاليه مفتوح

سليم : طب كنتي جايه ليه
سيلين باحراج: بصراحه جايه اطمن عليك
سليم ابتسم :انا كويس متخافيش اكمل وهو يشاور ع الكرسي اقعدي ي سيلين
قعدت سيلين ع الكرسي وهو قعد قصادها
سيلين : عندك ثلج
سليم استغرب : اه عندي بس اشمعنا
سيلين : طب ممكن تجبلي ثلج
سليم باستغراب:ماشي
قام سليم جبلها ثلج وادهولها وهي قربت منه وحطت الثلج ع مكان الضربه والي كانت وارمه نوعا ما
سليم بالم بعد عنها:اااه
سيلين بقلق: انا اسفه بس لازم عشان الورم يخف
سليم : لا شكرا انا هعمل لنفسي اتفضلي انتي عشان الوقت متاخر ومينفعش تكوني موجوده
سيلين قربت منه وحطت التلجه تاني : انا قولتلك اني واثقه فيك وكمان لازم اعملهالك لاني عارفه انك هتهمل نفسك ،فا معلش خليني اعملها
سليم كان مستغرب كلامها واهتمامها الي من اول ما دخلت وهي كانت بتقول كلام هو مش فاهم سببه ولا عارف لكن استسلم ليها لانو مكنش قادر يناهد وسابها تعمل ال هي عايزاه :ماشي
سيلين ابتسمت وكملت الي بتعملوا وبعد ما خلصت جابت علبه الاسعافات وكملت تضميد جروحه الي ع وشه ،
بعد وقت خلصت ودخلت المطبخ حضرتله عشاء سريع وخرجت حطته قدامه ،كان لسه هيعترض
سيلين : بص بصراحه انا متعشتش فا قولت نتعشي سوا ياريت متكسفنيش
سليم : ماشي
فرحت سيلين وقعدوا اتعشوا هما الاتنين ،بعد وقت خلصت وشالت الاكل وخرجت
سيلين : انا همشي دلوقتي لو احتاجت حاجه رن عليا
مسكت سيلين فونه وسجلت رقمها ورنت ع نفسها
سليم باستغراب : هو انتي ليه بتعملي كل دا انتي متعرفنيش عشان تعملي كدا
سيلين : احم ممكن اكون معرفكش او انت متعرفنيش بس فيه ناس اول ما بتشوفها بتحس ب راحه وترتاح في الكلام معاها وانا ارتحتلك
سليم ابتسم : وانا بردوا ارتحتلك شكرا ي سيلين
سيلين بابتسامه: العفوا عن اذنك
مشيت سيلين وقفل سليم باب الشاليه ودخل قعد ع السرير ومسك فونه وطلع صوره جميله
سليم اتنهد بتعب: متتخيليش بالاغنيه دي خرجت كل الي جوايا كل الي المشاعر الي كنت كاتمها ناحيتك خرجتها ،
تعرفي انا مش مضايق من الي عملوا جاسر. بالعكس انا مقدر الي عملوا و اي حد مكانوا كان عمل كدا خصوصا لما شوفت غيرته وجنونه عليكي ،
خلاص ي جميله هنساكي

اتنهد وقفل فونه ونام
💖💖💖💖💖💖💖💖
في شاليه صلاح ورنا
خرجت رنا من الحمام وفي نفس اللحظه دخل صلاح واتجنن لما شافها كدا كانت من غير هدوم ولافه فوطه
رنا شهقت بخجل ولفت عشان تدخل الحمام بسرعه لكن صلاح كان اسرع ولحقها
صلاح كان تايهه في شكلها الملاااكي وريحتها الي جننته وهو عاشق كل حاجه فيها ،عشق ملوش حدود ،خصوصا خدودها الي بقت بلون الدم من كتر الخجل وشفايفها الي كانت زي الفراوله

،رنا كانت بتحاول تبعد من الخجل لكن جواها مبسوطه بحضنه وقربه ليها والي لسه مستمتعتش بيهم ،عشان كدا مقاومتها كانت ضعيفه

صلاح حس انها محتاجه قربه ودايبه فيه ودا شجعوا انو يقرب اكتر وباسها بكل رقه وحب وهو مش عايز يبعد ،عايزها تفضل دايما في حضنه وليه ،وهو عايز يستمتع بكل لحظه معاها وفي قربها
ورنا دابت معاه في اجمل وارق لحظه بينهم ومخدتش بالها من الفوطه الي وقعت منها وصلاح شالها وهي لسه في حضنه وقريبه منه

💖💖💖💖💖💖💖💖
في صباح يوم جديد عند جميله
صحيت لكن استغربت لما بصت حواليها ولقت نفسها في مكان غريب وبصت ع نفسها لقت هدومها زي ما هي كانت لابسه هوت شورت اسود وتيشيرت فيروزي
،قامت وقفت وهي بتلف حوالين نفسها بتحاول تفتكر اي حاجه او سبب وجودها هنا وحست بحركه غريبه وكأن الدنيا بتلف حواليها ،خرجت برا الاوضه الي هي فيها وشافت البحر حواليها من كل مكان واكتشفت انها في مركب ع البحر ،طلعت فوق وشافت جاسر وهو واقف ولابس شورت چينز من النوع الغالي وتيشيرت ازرق فاتح وهو حاطط ايده في جيبه وباصص للبحر ،
جميله اتنفست ب راحه لما شافتوا وراحت ناحيته وحضنته من الخلف
جاسر ابتسم لما حس بحضنها ولفلها بهدوء وضمها لحضنه :صباح الخير ي حبيبتي
جميله بابتسامه: صباح النور
جاسر لف ايده حوالين خصرها وقربها لحضنه: اي رايك في المفاجاه دي
جميله بابتسامه: جميله جدا ،بس مش غريبه مفاجاتك دي
جاسر :هههههه لا مش غريبه ولا حاجه انا قولت اخطفك ونروح بعيد عن الكل ونقضي اليوم من غير ما حد يعكر مزاجنا

جاسر كان قصدوا ع سليم لكن مرضاش يجيب سيرته عشان ميرجعوش يضايقوا تاني ويتخانقوا ،وجميله فهمت قصده

جميله لفت ايديها حوالين رقبته وبرقه: وانا موافقه تخطفني حتي لو بعيد عن العالم كله المهم تكون راضي ومبسوط

جاسر بحب: حبيبتي انا مبسوط طول مااحنا مع بعض

قرب منها جاسر وباسها بحب وشغف عمروا ماانتهي ولا هينتهي ابدا ،حب مهما حصل مشاكل وخناقات لسه موجود ويمكن بيزود حبهم لبعض وتعلقهم ببعض وممكن بالحب دا يعدوا المشاكل دي طول ما هما مع بعض هيقدروا يتغلبوا ع كل المشاكل ،هما جربوا البعد والوجع ومش عايزين يجربوه تاني ببعدهم عن بعض ودا كان احسن حل عملوا جاسر انو ياخدها بعيد ويخطف اجمل اللحظات معاها ،لحظات بعيده عن اي مشاكل واي حاجه تعكر صفوهم وجمال لحظتهم
بعد جاسر عنها لكن لسه قريب وهو بيوزع قبلاته ع رقبتها وخدها برقه وشالها وهي دايبه في بحر قبلاته وحضنه الي بتعشقه ونزلوا الاوضه ومددها جاسر ع السرير وهي داخل احضانه وقرب منها بشغف واشتياق ،اشتياق عمروا ما هينتهي ابدا حتي لو مر سنين ع جوازهم ،الاتنين دابو في حضن بعض ومع بعض ونسيوا كل مشاكلهم وزعلهم وعاشوا اجمل لحظاتهم ،وهما بيستمتعوا بلحظات جميله
💖💖💖💖💖💖💖💖💖💖💖
في هوليوود شرم الشيخ ،كان چوري ويزن بيستمتعوا  باجمل لحظاتهم ونسيوا كل الي حصل وقرروا يفتحوا صفحه جديده ،تكون فيها ثقه وحب بين الطرفين والاهم الثقه ،الي مهما كان الحب قوي ومفيش ثقه بينتهي الحب دا ،كثير من البنات بيعشقوا بجنون لكن شكاكين ،يفضلوا يراقبوا ويسالوا وفي الاخر يقولوا غيره لكن لا دي مش غيره دا شك طالما مش واثقه فيه يبقي متحبهوش اصلا ،لان مهما كان الراجل بيحبك وشافك شاكه فيه هياكدلك انو بيخونك فعلا من كتر ما زهق ،خليكوا واثقين في حبايبكم ،
چوري كانت بتتنطط بحماس ومرح ولعب بينهم كأنهم اطفال عايشين لحظتهم وكان يزن بيستغل كل اللحظات دي وبيتصوروا ويصور چوري و كانت الفرحه بترقص في عينيها وهي مبسوطه ان يزن جنبها وسامحها وكمان مضيعوش شهر عسلهم وهما مستمتعين بيه ،وكان يزن بيصورها عند النافوره الراقصه  ع انغام الموسيقي ووحدات الاضاءه الملونه التي تنبعث خلالها في بهاء
وراحوا المسرح وكان بيقدم عرض فنياا غنائيا ،وفي اخر العرض طلبوا حد من الجماهير يقدم عرض غناء  ويكون عندو موهبه الصوت ،سقفت چوري بحماس
چوري بحماس : يزن ينفع اقدم
يزن كان هيعترض لكن لما شاف حماسها وفرحتها الي باينه في عينيها وافق ،فرحت جوري وباسته ع خده بسرعه و طلعت چوري ع المسرح وهي بتقدم نفسها واختارت تغني ل حبيبها وجوزها وهي كلها حماس وفرحه وبصالوا باجمل نظره بيعشقها والكل كان مذهول لما شاف لون عينيها الي اتغير لاجمل لون وقبل ما تبدا تغني كان الكل بيصقف بحراره شديده وهي بصت ل يزن ودا شجعها اكتر انها تغني ل حبيبها ،
يزن كان باصصلها وهو مبسوط وهو شايف حماسها ونظره عينيها الي بيعشقها ،مكنش مركز مع اي  جواليه كان عايز يسمعها هي وبس يسمعها بقلبه وعقله وروحه

چوري كانت حاسه بتوتر شويه رغم حماسها لكن لما بصت ل يزن كأن الثقه رجعتلها من تاني وفعلا نظرته ليها كأنوا بيطمنها وبيشجعها بعينيه ،فضلت باصه في عينيه وهي بتغني وكانت الاغنيه ليه هو وهي دايبه في كل نظره عشق منه ونسيت الجمهور الي مركز معاها وبيسمع اجمل واروح صوت وكان عقلها وروحها معاه هو وكأنها بتغنيله هو لوحده مش لحد تاني ،وكمان الاغنيه كانت اعتذار تاني ليه ع انها موثقتش فيه وكانت فعلا اليوم الي قضيته من غيره وكان كلوا وجع وتأنيب انها شكت فيه ،يمكن كان مزود جرحها اضعاف ،خصوصا انها حبته من اول نظره ،اول ما شافته خطف قلبها وعقلها لكن كان بتمثل الجديه لانو مكنش ينفع تحب واحد المفروض كل مهمتها ناحيته انها تحميه وبس ،لكن متعرفش ان هو الي كان بيحميها مش هي ،كان بيحميها من كل الي حواليهم

رووحي وخداااني تاخدني معاك وعايزاني ادوب في هواك
واقولك امرك اؤمرني منايا رضااااك
معاااك انت الحياة تتعااش ومن غيرك ديه ماتسواش
وطول عمري انا وقلبي بنستناااااااك

رووحي وخداااني تاخدني معاك وعايزاني ادوب في هواك
واقولك امرك اؤمرني منايا رضااااك
معاااك انت الحياة تتعااش ومن غيرك ديه ماتسواش
وطول عمري انا وقلبي بنستناااااااك

جوري كانت بتوعده انها عمرها ما هتسيبه لحظه واحده او تشك فيه وهتفضل تحبه العمر كلوا ،حب بيتجدد وهيتجدد وهيبقي بكذا طريقه ،حب متمرد منها وشرس منه ،حب قوه مش ضعف الاتنين بيقوا بعض وهما مع بعض ،هي تتمرد عليه وتجننه وهو يعاقبها بشراسته وقوته الي بتعشقها والي قدرت بتمردها ترجعه لحضنها تاني

دي الحقيقه حبي ليك له ميت طريقه
عمرى ما هسيبك دقيقه لو لفين وياااك

دي الحقيقه حبي ليك له ميت طريقه
عمرى ما هسيبك دقيقه لو لفين وياااك

كل بنت بيبقي معاها مفتاح قلب حبيبها تقدر تخليه يسامحها ويرجعلها بكل سهوله بس الاهم تعرفي اي هو المفتاح دا وتقدري تستخدميه كويس ،الراجل بيبقي فاكر انو ماسك زمام الامور لكن البنت بتقدر تحرك الزمام دا ،بذكاء ودلع منها ،والراجل بردوا يقدر يغير الست من واحده عصبيه ومجنونه لواحده مفيش ارق ولا انعم منها ،ببساطه الاتنين يقدروا يعملوا حاجات كتير ويعيشوا حياه كلها سعاده وحب لكن كل واحد رامي الحمل ع التاني وبيقول انا بتعب المفروض هو الي يعمل كدا او هي الي تعمل كدا ،لكن لو دا اتنازل شويه او دي اتنازلت شويه هيعيشوا حياه سعيده

دي الحقيقه حبي ليك له ميت طريقه
عمرى ما هسيبك دقيقه لو لفين وياااااااك

چوري كانت بتقرب منه وهي بتغني وشايفه حبها الي بيصرخ في عينيه ،هو اه لون عينيه مش بتتغير زيها لكن الحب مش محتاج لون عيون تتغير او اي حاجه عشان يبان ،الحب بيبان في كل نظره وكل لمسه وكل كلمه حلوه بتتقال ولحظه بتتحس ونظره بتتشاف ،بيبان في لهفته وشوقه ولمعه عينيه ،بيبان في اهتمامه وفرحته وهو شايفها قدامه بخير ومبسوطه

مكنتش عارفه عايشه لمين وبيا الدنيا رايحه لفين
وجودك جنبي عوضني باحلى سنين
لقيت فيك اللي انا عايزاه واكتر من اللي بتمناه
وحاسه بجد انا وانت بنبني حياااااه

يزن كان اول حب في حياتها واخر حب ،كانت الاول كأنها مش عايشه رغم ان حياتها سعيده وحلوه لكن بوجود يزن زادت حلاوتها ومتعتها وتمسكها بالحياه وهي عايزه تفضل طول العمر جنبه ،كانت شايفه فيه كل حاجه ،كل حاجه كانت رسماها في مخيلتها لقيتها فيه ويمكن اكتر

مكنتش عارفه عايشه لمين وبيا الدنيا رايحه لفين
وجودك جنبي عوضني باحلى سنين
لقيت فيك اللي انا عايزاه واكتر من اللي بتمناه
وحاسه بجد انا وانت بنبني حيااااااااااااه

دي الحقيقة حبي ليك له ميت طريقة
عمرى ما هسيبك دقيقه لو لفين وياك

يزن مقدرش يستحمل اكتر من كدا وهو كل كلمه وكل نظره بتزيد عشقه ولهفته عليها وهو عايز ياخدها ويطيروا ع جنه حبهم ويخطفها من قدام الكل ويخبيها في حضنه ،عشان يشوف النظره دي لوحدوا ويستمتع بيها لوحدوا وهي في حضنه وبين ايديه ،طلع يزن ع المسرح وهي جريت عليه بعشق وحب وهو حضنها ولف بيها وهو بيعرف الناس كلها ان دي حبيبته ومراته وكل حاجه بالنسباله وان الاغنيه دي ليه هو
💖💖💖💖💖💖💖💖
عند ادهم واسيل ،استغلوا يومهم باجمل اللحظات واسيل برغم كسوفها من بطنها الكبيره لكن كانت مبسوطه خصوصا كلام ادهم ليها وهو حاببها كدا وحابب شكلها كدا ،والي كان ليه كاريزما واحساس رائع وهو شايف حته منه بتكبر جواها وهو مبسوط وهو بيهتم بيها وبيعاملها كأنها طفلته المدلله مش بس مراته وحبيبته
ادهم واسيل كانوا بيتمشوا ع البحر وادهم حاضنها من الجنب ب يد والايد التانيه حاططها في جيبه وهما بيتمشوا
اسيل بطفوله: ادهم انا عايزه غزل البنات
ادهم اتنهد بضحك ع طفلته الي كل شويه تفاجئه ب حاجه بتزود طفولتها وهي مش واخده بالها انها بتزود عشقه ببرائتها وتلقائيتها : هههههه حاضر ي حبيبتي
اسيل ابتسمت وهو باسها ع خصلات شعرها وراح جابلها غزل البنات بالحجم الكبير
فرحت اسيل وهي بتتنطط من الفرحه  وصقفت بطفوله وحماس
ادهم بضحك:هههههههه متجوز طفله والله
اسيل وهي تضع يدها ع خصرها ومخدتش بالها من حركتها والي كانت بالنسبه ليه اغراء : ايوا طفله  هاا
ادهم بغمزه وحب وهو يقترب منها  : احلي طفله ي روحي ،انا بعترف اني عشقت طفله ،طفله مفيش اجمل ولا ارق منها ،خصوصا بالحركه دي بصراحه هتخليني اتهور جامد ودا مش في صالحك ابدا

اسيل ادرجت نفسها وعدلت نفسها وهي مكسوفه
ادهم حب يخرجها من كسوفها : مش هتاخدي غزل البنات ولا اي
اسيل بخجل خدت منه غزل البنات وفتحت العلبه وهي بتاكل بنهم وحب لغزل البنات الي بتحبه لكن طبعا مش اكتر من ادهم حبيبها والي تقدر تستغني عن اي حاجه لكن هو لا ،وخدت حته من غزل البنات وقربتها من شفايفه وهو كلها وهو باصصلها بحب ومركز في عيونها ومسك ايديها وهو بيبوسها برقه وهو طالع لحد كتفها ووصل عند خدها لحد ما وصل عند شفايفها وباسها برقه وحب والي كان فيه اثار غزل البنات ع شفايفها  ومسحها ادهم بشفايفه وهو بيبوسها ،بعد عنها ادهم وشاف خدودها الي كانت حمرا وشكلها روعه
اسيل بخجل : ع فكره انت قليل الادب وبتستغل كل حاجه المره الي فاتت جبتلي شوكلاته وبردوا عملت كدا ودلوقتي غزل البنات
ادهم بضحك وقرب منها بخبث :ههههههه بس انا معملتش نفس الي عملتوا ساعه الشوكلاته ،لكن لو حابه اعملوا انا معنديش مانع
اسيل ضربته ع صدره : انت سافل ع فكره
ادهم : انتي قد الضربه دي
اسيل بتحدي : اه
ادهم بصلها باعجاب لتحديها لاول مره يشوفه ،كان دايما يشوف شقاوتهأ وجنانها لكن اول مره يشوف تحديها وحب روح التحدي وقرب منها وشالها بخفه
ادهم بخبث :هههههههه انتي الي حبتيه لنفسك
اسيل شهقت بخجل :هاااا ادهم نزلني الناس بتبص علينا
ادهم بالامبالاه وهو ماشي وهو شايلها : طب ما يبصوا ،هقولهم حبيبتي وخاطفها ل عش حبنا ،دا مش بعيد يشجعوني
اسيل بخجل :انا لو لقيت كلمه اكتر من سافل كنت قولتها انت عديت المرحله دي من زمان ي ادهم
ادهم ضحك بقوه وهو مكمل مشي :ههههههههههه وانا هعاقبك ع لسانك الي طول دا ي روحي وتحديكي ليا

اسيل بخجل وهي تحاول الافلات منه :لا خلاص مش هتحداك تاني

ادهم :ههههههه بالعكس ي روحي انا عايزك تتحديني خلاص عجبني روح التحدي دي ،وعجبني عقابه بردوا
وصل ادهم الشاليه ودخل وهو شايلها ومددها ع السرير
اسيل بخجل : طب استني هاكل غزل البنات
ادهم بغمزه وهو يفك ازرار قميصه : ماحنا هناكلها سوا ي روحي
اسيل : لا انا هاكله لوحدي ،انت سافل مش هتاكله بطريقه عاديه زي
ادهم ضحك بقوه ورمي القميص باهمال وقرب منها بخبث:هههههههههه ومين قالك انك هتاكليه بطريقه عاديه ي روحي ،انتي هتاكليه بطريقتي ،بطريقه المقدم ادهم
اسيل برغم كلامه الي خلاها هتموت من الخجل لكن كانت مبسوطه بيه وهي بتسمع احلي كلام برغم انه محرج لكن دا جوزها وحبيبها مش حد غريب بتسمع منه الكلام دا
ادهم شافها هاديه وخدودها الي احمرت من الخجل دا جننوا اكتر ولهفته زاادت وخد منها غزل البنات وخد قطعه وقربها من شفايفها وهو بياكلها معاها في اقرب لحظه بينهم وكان ليه طعم خاص ،خصوصا من شفايفها الي زي الكريز ونزل ع بطنها الي كانت مكسوفه من كبرها وباسها برقه وهو بيقولها اوعي تتكسفي منها دي جواها ثمره حبنا لبعض

(ونسيب بقاا ادهم يعبرلها عن حبه وعشقه ليها ونروح لباقي الشخصيات )
💖💖💖💖💖💖💖💖💖
عند سليم صحي ع خبط ع باب الشاليه ،قام بتعب وهو بيسند ع الحيطه وهو ماشي  وفتح الباب وكانت سيلين مكنش قادر يتكلم ولا يسالها سبب مجيتها ،دخل وساب باب الشاليه مفتوح وقعد ع الكنبه من التعب وهي خافت لما شافت تعبه وراحت ناحيته واستشعرت حرارته العاليه
سيلين بخوف : انت حرارتك عاليه اوي
سليم مردش عليها من تعبه وهي دخلت المطبخ بسرعه وخرجت وهي معاها مايه بارده وقماشه ولقت سليم نام  ع الكنبه راحت ناحيته بسرعه وهي كلها خوف وقلق عليه وعملتلوا كمادات وهي دموعها نازله ع خدها من الخوف عليه
فضلت جنبه طول النهار وهي بتعمله كمدات

ع اخر الليل صحي سليم وفتح عينه بتعب وبص حواليه وشاف سيلين وقربت منه بلهفه لما شافتوا فاق
سيلين بلهفه : الحمدلله انك فوقت ، كدا خضتني عليك
سليم وهو يقوم بتعب: ااه 
،انا اسف اني خضيتك بس هو اي الي حصل

سيلين منعته انو يقوم : خليك انت لسه تعبان وبعدين محصلش حاجه انت سخنت وانا عملتلك كمدات والحمدلله بقيت احسن دلوقتي

سليم معترضش ورجع ارتاح تاني كان حاسس بجسمه وجعه : انتي هنا من امتي

سيلين :انا هنا من الصبح

سليم بصلها : صبح ،ليه هي الساعه كام

سيلين : الساعه ١٢

سليم بدهشه:انتي قاعده كل دا و احنا لوحدنا

سيلين باستغراب : انت كنت تعبان

سليم : بس الناس متعرفش كدا

سيلين بلامبالاه : انا ميهمنيش كلام الناس

سليم ركز في ملامحها وشاف اثار لدموع  : انتي كنتي بتعيطي ليه

سيلين بتوتر مسحت وشها بسرعه: لا. مفيش دي حاجه دخلت في عيني

سليم متكلمش وهي قامت دخلت المطبخ وكانت محضرالوا  شوربه وفراخ مسلوقه وارز  ،خرجت وحطت الاكل وسندتوا يقعد

سليم : بس انا مطلبتش تعمليلي اكل
سيلين : انا حضرتلك اكل لانك طول اليوم مكلتش حاجه وكمان الاكل دا صحي ومتخافش انا الي عملاه بنفسي ،اكملت وهي تقرب المعلقه من فمه : متكسفنيش بقاا

سليم مردش فتح فمه وهي ابتسمت واكلتوا وهي جواها مبسوطه وهي بتهتم بيه ،وهو كان مستغرب اهتمامها الزايد بيه خصوصا انو ميقربلهاش حاجه ،مجرد صدفه جمعتهم  ببعض ،لكن ميعرفش ان الصدفه دي هتغير حياته ٣٦٠ درجه

سيلين كانت مبسوطه وهي بتساعده وبتاكله ،هي مش عارفه احساسها ناحيته اي ،بس الي عرفاه انها حابه تفضل جنبه وتساعده

سليم : خلاص شبعت مش قادر

سيلين وهي تقرب المعلقه من فمه: طب اخر معلقه خلاص

سليم بقله حيله: ماشي
ابتسمت وهو خد اخر معلقه وشالت سيلين الاكل وعملتلوا عصير وقدمتهوله وهو شربه
سيلين وهي تقترب منه وتسنده: تعالي بقاا ارتاح جوا
سليم : ع فكره انا بعرف امشي كويس
سيلين : انا مش قصدي انا بسندك عادي عشان انت كنت سخن وممكن تحس بدوخه
سليم قام وقف : لا متخافيش مش هحس بدوخه المهم تعالي اوصلك عشان مينفعش تمشي لوحدك في وقت زي دا
سيلين : لا طبعا مينفعش تخرج انت لسه تعبان وممكن تتعب اكتر لو خرجت والجو هواء برا
سليم ابتسم لما حس بخوفها عليه واهتمامها بيه  : لا متخافيش مش هيحصل حاجه يلا
سيلين كأن الدنيا نورت لما شافت ابتسامته وتلقائي هي بردوا ابتسمت وفرحت انو بيتكلم معاها
سيلين: ماشي
سليم : طيب هدخل اغير بس هدومي
سيلين : اوك
دخل سليم غير هدومه ولبس بنطلون چينز اسود وتيشيرت اصفر وخرج هو وسيلين
و كانوا بيتمشوا
سيلين كانت مبسوطه وهي ماشيه جنبه وعايزه الطريق يطول وتفضل ماشيه جنبه ،وحابه تتكلم معاه وتسمع صوته
سيلين : انت مكلمتنيش عنك صح
سليم وهو حاطط ايده في جيبه وماشي جنبها  :امممممم عايزه تعرفي عني اي
سيلين : يعني اي حاجه
سليم : ماشي ي ستي ،انا بشتغل دكتور نفسي وعندي مستشفي خاصه للعلاج النفسي ،وكمان بشتغل في مستشفي تاني بس مش كتير لان المستشفي بتاعتي واخده كل وقتي ،وعايش لوحدي زي ما قولتلك ومعنديش غير اخت ومتجوزه ومسافره برا

سيلين باستغراب:بس مش غريبه ان سنك صغير وماشاء الله عندك مستشفي وبتشتغل في مستشفي تاني

سليم :عشان انا كنت بدرس برا وطبعا كنت باخد السنتين في سنه واحده وكنت متفوق في دراستي لاني بحبها جدا ولما رجعت اشتغلت وعملت دراسات كتير لحد ماقدرت اوصل للي انا فيه ،كنت الاول بشتغل في المستشفي  ودلوقتي معايا مستشفي ومردتش اسيب المستشفي لان ليها فضل كبير عليا و عشان كانت بدايه نجاحي ومستحيل اسيبها وبعدين انا سني مش صغير اووي انا عندي ٢٨

سيلين كانت بصالوا باعجاب ع تفوقه ونجاحه :دي حاجه حلوه جدا انك تحب المجال الي بتشتغلوا

سليم :اكيد لازم تحبي المجال عشان تتفوقي فيه ،المهم انتي مكلمتنيش عن نفسك انتي بردوا بتشتغلي اي 

سيلين :لا انا بدرس مش بشتغل ،انا لسه في كليه اعلام سنه ١

سليم :انتي وناديه زمايل مش كدا

سيلين :اه

سليم:وناويه تشتغلي اي بعد ماتخلصي يعني تخصص اي

سيلين :قسم صحافه

سليم : حلو الصحافه ،نفسك تطلعي صحفيه

سيلين:اه بحب الصحافه

وصلوا عند الشاليه
سليم :وصلنا
سيلين جواها كانت مضايقه  انهم وصلوا بسرعه وكان نفسها الطريق يطول اكتر من كدا عشان تعرف تتكلم معاه وتعرفه اكتر او هو يعرفها اكتر

سيلين : احم  تصبح ع خير
سليم : وانتي من اهله
فضل سليم واقف لحد ما تدخل وهي خبطت وفتحتلها ناديه
ناديه بغضب : كنتي فين كل دا ي سيلين
سيلين :كنت عند سليم
ناديه بغضب : يعني اي عند سليم انتي ازاي تروحيله وهو راجل ولوحدوا
قرب سليم منهم :اسف اني بقطع كلامكوا بس انا كنت تعبان ومتخافيش محصلش حاجه انا مش زباله لدرجه
جيه حمزه في اللحظه دي
حمزه : ازاي محصلش حاجه وانتوا اليوم كلوا مع بعض
سيلين : لانو كان تعبان وبعدين انا مسمحلكش تتهمني ب حاجه زي كدا ،انت ملكش حكم عليا
حمزه بقوه : ادخلي جوا ي ناديه وخديها معاكي
مسكتها ناديه من ايديها ودخلوا وهي بتبصلوا بغضب
حمزه رجع بص ل سليم : انا عارف ان محصلش حاجه لكن وجودها طول اليوم عندك دا يخلي الكل يفكر كدا
سليم : كل مين الناس هنا اجانب ومحدش ليه دعوه ب التاني ،احنا في شرم مش في القاهره وكمان متخافش انا مش هدخلها تاني عشان تكونوا مرتاحين وهبعد عنكوا كلكوا

حمزه حس بصدق كل كلمه قالها وحس ب راحه ناحيته غير الفكره الي كان واخدها عنه 

حمزه : احنا مفيش بينا وبينك حاجه عشان نرتاح لما تبعد ،انت اكيد عارف ان الي عملوا جاسر دا رد فعل طبيعي لما يعرف انك بتحب مراته

سليم : عارف وانا مزعلتش من الي عملوا وعاذروا ومتقلقش انا هبعد خلاص

حمزه : براحتك 

سليم وهو يمد يده: سلام

حمزه مد ايده وسلم عليه : سلام
مشي سليم وحمزه دخل الشاليه
💖💖💖💖💖💖💖💖💖
عند جميله وجاسر
كانوا لسه ع اليخت في الاوضه ،كانت جميله نايمه في حضنه
جميله : هو احنا مش هنرجع ولا اي
جاسر : ههههه لا بصراحه مش ناوي ارجع خالص وبعدين انتي زهقتي ولا اي
جميله: لا مزهقتش بس احنا في نص البحر وطول اليوم ،اكيد هيقلقوا علينا
جاسر ابتسم: لا متخافيش محدش هيقلق انا معرف حمزه
جميله : امممممم انت متفق عليا بقاا
جاسر قربها لحضنه اكتر : بصراحه اه وبعدين مش  كدا احسن ،قضينا يوم كامل براحتنا وفي حضن بعض من غير مشاكل ولا وجع دماغ
جميله : بس هي دي الحياه احنا اكيد مش هنفضل هنا ع طول ،الحياه فيها وحش وفيها حلو مش ع طول وحش ولا ع طول حلو
جاسر : عارف بس كفايه اننا قضينا يوم من غير حاجه وحشه وقفلين تليفونتنا من غير ما حد يزعجنا
جميله : طب انا جعانه
جاسر بدهشه: جعانه دا احنا لسه متعشيين
جميله بعبوس: وجوعت تاني فيها اي وبعدين انت بتاكل اربعه مش واحده
جاسر ضحك وبصلها بحب وهو عاشق شكلها الطفولي الي رغم ذكائها وقوتها الا ان شكلها طفولي وملااكي :ههههههه ماشي ي اختي هروح احضرلك عشاء تالت
جميله ضربته ع صدره : انت بارد ع فكره انت بتعد عليا ،طب مش واكله وخلي عيالك بقاا يطلعوا صغننين
جاسر باستنكار : صغننين   ..،لا وع اي انا مش عايز عيالي يطلعوا صغننين انا عايزهم مقلبظين كدا وحلوين زي كدا
جميله ابتسمت غصب عنها : دا اي الغرور دا ، 
بس تعرف فعلا عايزاهم يطلعوا شبهك كدا ،و في حنانك ورجولتك
جاسر ابتسم : انتي بتعاكسيني بقاا
جميله برقه: اه بعاكسك مش جوزي حبيبي وبعدين لو معاكستكش هعاكس مين يعني
جاسر بحب وهو يقربها لحضنه : لا عاكسيني براحتك ي روحي
قرب منها جاسر وباسها برقه ع خدها وع خدها الاخر وشفايفها
جميله برقه وهو كان بيبوسها ع رقبتها بحب : طب مش هتاكلني ولا اي
جاسر بعد عنها وبصلها بغيظ من فصلانها في اجمل لحظه رومانسيه بينهم : هاكلك ي اختي خلاص
جميله وهي كاتمه ضحكتها : طب انا عايزه  اكل سوشي
جاسر بصلها باستنكار : سوشي ،دلوقتي وهنا طب ازاي ،احنا في نص البحر
جميله ربعت ايديها : معرفش اتصرف انا نفسي فيه
جاسر باستغراب : انتي بتتوحمي
جميله : اه
جاسر بغيظ  : طيب كدا هنضطر نرجع عشان نجيب لحضرتك السوشي
جميله بالامبالاه وهي كاتمه ضحكتها :طب ما ترجع هو احنا يعني هنبات هنا
جاسر قام وقف وهو بيلبس بنطلونه : كنت ناوي فعلا نقعد هنا لحد بكره
جميله قامت وقربت منه ولفت ايديها حوالين رقبته برقه : طب خلاص خلينا قاعدين مش مهم السوشي ابقا هاتوا في اي وقت ،المهم نفضل مع بعض وتبقي مرتاح
جاسر بحب قربها منه اكتر : حبيبتي انا قولتلك راحتي هي وانتي في حضني وكمان تكوني مبسوطه ،وبعدين دا اول حاجه  يكون نفسك فيها معقوله منفذيهاش
جميله كل يوم حبه بيزيد جواها خصوصا وهي شايفه حبه وحنانه عليها ،والي مستعد يضحي بأي حاجه عشانها وعشان ولاده
جميله برقه باسته ع خده:بحبك
جاسر باسها ع شفايفها :وانا بموت فيكي ي روحي
💖💖💖💖💖💖💖💖💖💖
في شاليه جاسر وجميله ،
جميله كانت قاعده مستنيه جاسر
وصل جاسر وهو معاه السوشي واداه ل جميله
جميله بقرف وهي ساده مناخيرها وبتبعد عن العلبه : يعععععع لا رجعوا خلاص مش عايزه
جاسر بغيظ وهو بيعصر قبضه ايديه:نعم ي اختي هو مش دا الي رجعتينا بسببوا
جميله بقرف : ايوا بس مش قادره اكلوا لا ريحتوا مش مستحملاها
قامت جميله بسرعه وهي ماسكه بطنها وحاطه ايديها ع بوقه ودخلت الحمام بسرعه
جاسر رغم غيظه منها لكن قلق عليها وهو بيخبط ع باب الحمام
جاسر بقلق:جميله انتي كويسه
خرجت جميله وهي ماسكه بطنها ووشها عرقان
جاسر بقلق ضمها لحضنه : مالك ي حبيبتي
جميله بتعب بعدت عنه: دا تعب عادي
شمت جميله ريحه السوشي تاني
جميله بقرف وتعب : جاسر ونبي شيلوا مش قادره اتحمل ريحته
جاسر خد السوشي وبعد عنها : خلاص ي حبيبتي هشيلوا ارتاحي انتي
جميله بتعب راحت ناحيه السرير : وابقي خد دوش عشان ريحته فيك
جاسر مسح وشه بغيظ: في اي حاجه تاني
جميله:لا
بصلها جاسر بغيظ وخرج
جميله باستغراب بينها وبين نفسها : هو انا عملتلوا حاجه ،هو مخنوق ليه
الاحسن لما يجي اسالوا
دخل جاسر ودخل الحمام خد شاور وخرج لبس شورت قطني خفيف اسود وتيشيرت بحملات خفيفه رمادي مبينه ضخامه عضلاتوا ،وراح ناحيتها وقرب منها وهو خلاص هينفجر من الغيظ
جاسر بغيظ : يعني انتي جبتينا لحد هنا وفي الاخر مكلتهوش
جميله وهي كاتمه ضحكتها : طب اعمل اي ،مكنتش قادره اشم ريحته ،رغم اني كنت بحبه بس انت عارف الحمل
جاسر بسخريه: وانا هعرفوا منين حملت قبل كدا انا
جميله ضحكت بصوت عالي وهي مش قادره تمسك نفسها من الضحك:ههههههههههههههههه والله فكره اي رايك تحمل مكاني
جاسر رفع حاجبه وقرب منها وكان خلاص مفيش اي فاصل بينهم : نعم ي اختي ،قولتي اي
جميله كتمت ضحكتها بالعافيه : بهزر ي حبيبي اي مبتهزرش
جاسر بغمزه : لا ي اختي بهزر ،وهوريكي الهزار بقاا ،كل الي كان هيحصل في اليخت هخليه يحصل هنا ودلوقتي
جميله ضحكت:هههههه  انت مبترحمش ابدا ي بني اهدي ع نفسك صحتك مش كدا
جاسر ضحك بقوه :ههههههههههههه في اي ي جميله انتي بتحسديني ولا اي
جميله :ههههههه لا مش بحسدك ولا حاجه بس حرام انا تعبت منك وانت مفتري ،مش هتبقي انت برا وعيالك جوا
جاسر قرب منها وبيبوسها ع ملامحها وهو بيتكلم :هههههههههه طب عيالي مالهم  دلوقتي ،دول لسه حتي متحركوش
جميله : ماانت هتخليهم يتحركوا وهتولدني بدري انا عارفه
جاسر بغمزه : طب دا احلي حاجه انك تولدي بدري هو فيه احلي من ال بدري ،اهو كلوا يبقي سريع سريع عشان نقدر نجيب الي بعديهم
جميله بدهشه :لا بتهزر مستحيل ،انا كفايه عليا دول اووي ،والحمدلله انهم ثلاثه يعني خلاص
جاسر  قرب منها بحب : بلاش نسبق الاحداث ،خلينا ناجل الموضوع بعدين
جميله : ماشي بس مش هقدر فعلا اخلف تاني ،انا اصلا هتعب ع ماارجع جسمي زي الاول خصوصا انهم ثلاثه وبطني هتبقي كبيره اووي
جاسر ابتسم وضمها لحضنه وهو بيقرب وبهمس: من الناحيه دي متقلقيش هنعمل تمرينات انا وانتي وهشجعك تقدري ترجعي جسمك زي ما كان ،اكمل بغمزه خصوصا التمرينات الخاصه بينا دي هترجع جسمك احلي من الاول
جميله ضحكت:هههههههه انت فظيع والله مش عارفه اغلبك في الكلام ابدا
جاسر بثقه وقرب منها بعشق : ولا هتقدري ي روحي انا جاسر الحديدي بردوا
جميله بثقه ورقه :وانا جميله اسر الشهاوي بردوا الي قدرت ع الي مفيش جيش ستات قدر يعملوا
جاسر رقتها جننته وعشقه ورغبته فيها زاادت وهو بيقرب منها : في دي عندك حق ،انتي الوحيده الي دخلتي قلبي ومخرجتيش منه ابدا ،رغم اننا واجهنا مشاكل كتير وبعدنا اكتر لكن حبنا عمروا ما قل بالعكس كان شوقنا وحبنا بيزيد كل يوم ،والمشاكل دي برغم وجعها وجرحها علينا لكن علمتنا دروس كتير اووي ،اول درس اننا منبعدش ابدا عن بعض واي مشكله تواجهنا نحلها مع بعض ،

جميله كلامه خلاها عشقته اكتر بتفهمه وحبه الي كان اكبر من اي مشكله واجهتهم ،وبكل حب ورقه قربت هي كمان منه باجمل وانعم لمسه منها

جاسر كان مبسوط لما لقاها هي بردوا قربت وهما دايبين في حضن بعض ودا زود عشقه ورغبته فيها وانفاسه عليت وهو كمان بيقرب منها بكل ذره عشق جواه ،مش بس حب لا كان عشق ،الي يقدر يعدي كل المشاكل دي ويفضل قوي ومتماسك يبقي دا عشق بجنون مش بس حب لانو عشق خايف يبعد ،خايف يتوجع من بعده عن التاني ،عشان كدا ممكن يتخانقوا يتعاتبوا لكن بيرجعوا في اخر الليل وهما في حضن بعض وينسوا كل مشاكلهم في اجمل لمسه بينهم واجمل كلام واجمل همس ،كلام بيزود شوقهم وحبهم لبعض بيزود لهفتهم واحتياجهم لبعض ،ومش بس الكلام الي بيزود الحب دا لا كان كل ذره جواهم بتنادي بالحب دا وعايزاه يستمر ، لكن بردوا الكلام عامل اساسي في الحب دا ،لان كلام بيخرج من القلب بيوصل للقلب مش محتاج وسيط عشان يوصله .مش محتاج تذويق عشان يقوله
💖💖💖💖💖💖💖💖💖💖💖💖
في السينما في الف ليله وليله من افضل الاماكن في شرم الشيخ ،كان موجود صلاح و رنا
،كانو بيتفرجوا ع فيلم رومانسي ورقيق يليق بشخصيه رنا ورومانسيه صلاح ،
كانت رنا مندمجه في الفيلم لكن قطع اندماجها صلاح وهو بيحط ايده ع كتفها ،رنا اتخضت وبصت حواليها ورجعت بصتلها
رنا بخجل : صلاح شيل ايدك ميصحش كدا الناس حوالينا
صلاح ابتسم ع كسوفها وتصنع اللامبالاه وهو باصص للفيلم: طب وفيها ي حبيبتي وبعدين احنا متجوزين والناس اجانب متخافيش يعني الحاجات دي بالنسبالهم عادي
رنا : بس فيهم مصريين زينا
صلاح : ايوا بس اكيد مش هيسيبوا الفيلم ويركزوا معانا وكمان هما جايين شرم عشان يستمتعوا ويقضوا وقت حلو زينا واكيد مش هيركزوا مع حد
رنا بخجل : طيب
رجعت رنا بصت للفيلم لكن بردوا كانت مكسوفه ومش عارفه تركز فيه بسبب قربه الي بيوترها وصلاح خد باله وكان كاتم ضحكتها عليها وخدودها الي بقت حمرا وكان هيتجنن ويبوسها وبيحاول يكتم رغبته ،وقرب منها وبهمس وهو باصص للفيلم
صلاح : ممكن تبطلي كسوف  لان فعلا شويه ومش هقدر امسك نفسي
رنا اتكسفت اكتر من كلامه وشهقت بخجل
صلاح بصلها بطرف عينيه وهو كاتم ضحكته :ههههه بس خلاص اهدي ،هنتفضح
رنا شالت ايده من ع كتفها بخجل :شيل ايدك بقاا عشان متتجننش
صلاح اتنهد بشوق ورغبه :هو انتي مزهقتيش انا زهقت
رنا فهمت قصده وخدت بالها من شوقه ورغبته الي كانت في تنهيدته وردت بخجل : لا مزهقتش الفيلم حلو
صلاح مسك ايديها ووقف ووقفها معاها وهو ماشي وخارج برا السينما : فيه حاجات تاني احلي
رنا بخجل : صلاح بطل بقاا سيبني عايزه اتفرج
صلاح بغمزه وهو مكمل مشي : مااحنا هنتفرج ي روحي
رنا برغم خجلها لكن عايزه هي كمان تجري معاه ويمكن كانت خطواتها اسرع منه ،بتبقي مبسوطه باسعد اللحظات بينهم واجملها ،لحظات كلها عشق ورومانسيه ،حتي الفيلم الي دخلوه كله رومانسيه وحب وكأنه بيتكلم عنهم وبيزود حبهم لبعض
بعد وقت
وصل صلاح ورنا جنه حبهم وهو جناحهم ورنا كانت دقات قلبها سريعه وهي هتموت من الكسوف ويمكن دقاته سريعه بسبب حبها ل صلاح والي كان يعتبر اول حب حقيقي في حياتها حب صادق ،مفيهوش كدب ولا خداع ،حب اتبني ع الصدق ودا الاحسن ان يكون الطرفين صادقين مع بعض وميخبوش عن بعض اي حاجه مهما كانت ،ودا الي عملوا صلاح عرفها كل حاجه قبل ما يبدا حياته معاها كان عايز يبدا حياته ع نور ،والاحسن رد فعل رنا الي برغم انها اضايقت منه في الاول لكن لما عرفت انو دافع عنها وحماها خلي الحاجز الي جواها اتفك ورجعت تحس معاه بالامان من تاني وطلع قد وعده معاها وبيعاملها ارق واجمل معامله ،معامله كلها حب ورومانسيه وكلام كلوا حب بيخرج من القلب ،وصلاح بردوا كان بالنسباله رنا حب حقيقي غير مياده ،رنا الي مفيش ارق ولا اجمل منها مكنتش مستنيه حاجه منه غير حبه ليها واهتمامه بيها وخوفه عليها غير مياده الي كانت عايزاه عشان يبقي وسيط بينها وبين جاسر عشان تقدر توصله ،والي لسه مش عارفين ي تري حكايتها خلصت ولا لسه فيه باقي ليها

صلاح كان عايش اجمل لحظات حياته وهو معاها وهو بيقرب بكل لمسه حب وهمسه عشق بينهم ،لمسه رقيقه متلقش غير معاها هي ارق واحده شافها ،وهدوء مفيش اجمل منه ،وهمسه تدوب القلوب

رنا نسيت كسوفها وخجلها وهي بين ايديه وفي حضنه وهو بيقرب منها بحنين واشتياق وهو عايز يفضل العمر كله كدا تفضل دايما معاه وفي حضنه

صلاح بعشق وهو بيقرب منها بحنين وبيبوسها ع رقبتها بشغف : بحبك  ي اجمل رنا ،بحبك ومحبتش حد قدك ،وعد مني هخليكي اسعد انسانه  ،بصلها بحيره بس مش  هتضايقي انك هتعيشي في شقه

رنا برقه ونعومه : عمري مااضايق ي حبيبي ،انا عيشت في الفيلا لكن مشوفتش السعاده الي انت معيشني فيها دي ،رغم ان جاسر مكنش بيسبني وكان حنين عليا بس انت حاجه مختلفه ،انت كل لحظه بتكون عايزني مبسوطه وانت شايف الفرحه في عينيا ،انا الفرحه دي موجوده عشان انت جنبي ومعايا ،يعني مش عايزه حاجه في الدنيا دي غيرك ،ولا عايزه فلوس ولا فيلل ولا اي حاجه ،احنا لو هنعيش في اوضه بس انا موافقه كفايه انك جنبي

صلاح بصلها بنظره كلها حب واحترام وفخر ،فخور بتربيتها وعقلنيتها والاكتر حبها وتقديرها ليه وهي عايزاه هو وبس مش عايزه حد غيره ودا زاد عشقه ليها وعليت في نظره اكتر ،وزود رغبته اكتر واكتر

صلاح ضمها لحضنه بكل معااني الحب والغراااام كان عاشق لكل تفاصيلها : وانا اوعدك ي حبيبتي طول ماانتي معايا هخليكي اسعد انسانه في الكون هعمل المستحيل عشان اشوف الفرحه في عينيكي واشوف ابتسامتك الي منوره حياتي ودنيتي

رنا بحب : وانا بردوا اوعدك اني هفضل جنبك ومش هسيبك هكون مامتك واختك وحبيبتك ومراتك

( ونسيب دول كمان يعيشوا لحظتهم مع بعض ونروح للباقي هههههههه)
💖💖💖💖💖💖💖💖💖💖💖
عدي ايام من غير احداث جديده غير ان الكل رجع بلده ماعدا صلاح و رنا الي كانوا لسه بيستمتعوا بشهر عسلهم ،
وسيلين سابت الفيلا عند حمزه وقعدت في اوتيل و راحت ل سليم كتير لكن هو كان بيرفض يدخلها زي ماوعد حمزه  وركز في شغله وحياته وكان بيشتغل كتير عشان يلهي نفسه وينسي حبه ل جميله وبيتلهي في مشاكل المرضي ويحلها والي برغم انو قادر يحل مشاكل المرضي لكن مش قادر يحل مشكلته ،لانها كانت معقده ومستحيل تتحل ،لكن حلها الوحيد هو انو يحاول ينسي ويبعد ودا فعلا الي عملوا

جميله وجاسر رجعوا لحياتهم وجميله بتشتغل مع جاسر في الشركه  وبتحاول تلهي نفسها والي كانت خلاص قربت تدخل في الثالث وكانت مجننه جاسر بطلباتها لكن كانت ع قلبه زي العسل وهو حابب يجبلها الكون بحاله قدامها
💖💖💖💖💖💖💖
يزن وجوري رجعوا وكل واحد رجع شغله وكانت المفاجاه ل چوري

في الاداره دخلت چوري وسلمت ع زمايلها لكن شافت في عيونهم نظرات عطف وشفقه وفيه الي بيبص بخبث وشماته وهي مستغربه نظراتهم لكن معلقتش ،واسر الصغير واياد سلموا ع بعض
ولسه چوري هتقعد طلبها اللواء اسر والكل استغرب انه طلبها هي بس ،لكن معلقتش وراحت
چوري وهي تؤدي التحيه العسكريه : تمام ي فندم
اللواء اسر : اقعدي ي چوري
قعدت جوري وهي جواها حيره ومستغربه : خير ي فندم
اللواء اتنهد : الحقيقه مش خير خالص ،للاسف ي چوري انتي ترقيتك اتلغت واسر واياد بس الي اترقوا
چوري اتصدمت وزعلت : ليه ي فندم
اللواء :فيه فيديو كان نازل ع النت ليكي وللاسف الداخليه عرفت وكان عايزين يوقفوكي عن العمل لكن انا عملت المستحيل عشان اقدر اخلي الترقيه بس الي تتوقف ،ودي حاجه انتي تقدري بعد كدا تترقي لكن حاليا لا
چوري دموعها نزلت في اقل من ثانيه وهي مش متخيله انها اتفضحت لدرجه دي وكانت متوقعه فعلا انهم يوقفوها لكن مكنش هامها الشغل ،الاهم دلوقتي انها اتفضحت وطالما الداخليه عرفت يبقي زمايلها كمان عرفوا ،وافتكرت نظراتهم ليها وعرفت ليه كانوا بيبصولها كدا وكان جواها غضب وخنقه مش قادره تتحمله والي كان بسبب انتقام تافهه ضيعها وفضحها بسبب واحده مريضه عايزه تاخد جوزها

جوري بدموع : انا هقدم استقالتي. ي فندم ،مش هقدر اشتغل والكل بيبصلي كدا وانا والله العظيم مظلومه كلوا كان بسبب انتقام تافهه

اللوا قام وقف وراح ناحيتها وقعد قصادها : انا عارف انك مظلومه ي جوري ،انتي بنتي وانا الي مربيكي وعارفك كويس وعارف انك متعمليش كدا نهائي بس الداخليه متعرفش كدا ،وبعدين بلاش تاخدي الموضوع ع الاساس شخصي ،انتي قويه ي چوري
،لازم تواجهي متهربيش انتي تقدري تثبتي للكل انك مش كدا لكن لو قدمتي استقالتلك كانك بتقوليلهم ايوا انا عملت كدا

چوري يمكن كلامه شجعها شويه وفعلا لقت عنده حق هي لو هربت وقدمت استقالتها كانها بتاكد الي هما شافوه لكن لا هي هتفضل وهتواجهه

اللواء : احنا قدرنا نمسح الفيديو وشيلناه نهائي ومع الايام الناس هتنسي ي چوري

چوري بحزن: ماشي ي فندم
💖💖💖💖💖💖💖💖💖
في المستشفي عند سليم ،كان في مكتبه وسمع خبط ع الباب وسمح بالدخول
،دخلت سيلين وقعدت
سليم باستغراب : خير ي سيلين
سيلين بغضب خفيف: ممكن اعرف مبتردش عليا ليه سليم استغرب غضبها وانها بتكلمه كأنو مواعدها ب حاجه ومجاش
سليم وهو بيحاول يستوعب سؤالها : نعم ،طب هو انا فيه بيني وبينك حاجه عشان ارد عليكي
سيلين : وهو احنا مش اصدقاء
سليم:اصدقاء من انهي ناحيه ،انا وعدت حمزه اني مليش دعوه بيكي وهو عندو حق انتي بنت ومينفعش يكون فيه بينا علاقه صداقه
سيلين : انا مليش دعوه ب حد حمزه مكنش ولي امري عشان اسمع كلامه وكمان انا سيبت البيت عنده وعايشه في فندق
سليم باستغراب: بس انتي بنت ازاي تعيشي لوحدك في فندق
سيلين : عادي انا اقدر احمي نفسي كويس
سليم قام وقف وراح ناحيتها: ملهاش دعوه بالحمايه ،كلام الناس كتير ي سيلين وبصراحه تصرفاتك متليقش بواحده محترمه ومتدينه

سيلين قامت وقفت بغضب : قصدك اني مش محترمه ،لا ع فكره انا محترمه وغصب عن اي حد وانا غلطانه اني وثقت فيك وافتكرتك مش زيهم لكن طلعت بتاخد بالمظاهر وبس  عن اذنك

خرجت سيلين من المكتب وزرعت الباب وراها وسليم كان واقف مذهول منها
سليم وهو يخبط كف ع الاخري : اي البت دي ،دي غريبه اوي ازاي وثقت فيا وهي متعرفنيش ومشافتنيش غير كام مره بس ،

وكمان انا مكنش قصدي الي هي فهمتوا ،
طب وانا مالي هي حره بقاا انا مش ناقص وجع دماغ وهي شكلها مجنونه

رجع سليم لشغله لكن كان حاسس بتأنيب الضمير
رمي ااقلم بتأفف
سليم : اووففف ،مكنتش نقصاكي خالص ي سيلين
،انا مخنوق لوحدي
قام سليم وهو بيلف ع المرضي بيحاول يتجاهل تأنيب ضميره ،وضيقه المستمر والي كان بيهرب من تفكيره في حل مشاكل المرضي

جيه الليل وخلص سليم شغله ونزل ركب عربيته وهو ماشي ،غصب عنه تفكيره راح ل سيلين واستغرب انو مفكرش في جميله ودي الي نطت في عقله ،ومسك فونه وهو محتار يرن ولا لا ،كان عايز يعتذر ع الي قالوا الصبح ،لكن كان فيه حرب بين عقله وضميره ،لكن قطع الحرب دا لما فاق وشاف واحده قصاده مرميه ع الارض  داس ع الفرامل ع طول ،ونزل من العربيه وراح ناحيتها وهو جواه قلق عليها مش عارفها وكمان شكلها مش واضح من حجابها الي واقع ع وشها ومش مبين حاجه رفع سليم وشها واتصدم لما لقاها سيلين ،شالها بسرعه وحطها في العربيه وساق باقصي سرعه للمستشفي الي هو بيشتغل فيها
وصل المستشفي وشالها ودخل والممرضين اول ما شافوه خدوه منه وهما عشان عارفين سليم اهتموا ب سيلين وكانوا مستغربين علاقتها ب سليم
سليم كان جواه قلق عليها مش عارف سببه لكن كان بيقنع نفسه انها  بردوا اهتمت بيه وكانت خايفه عليه لما تعب
بعد وقت صغير  خرج الدكتور من غرفه الكشف  وراح سليم ناحيته وكان صاحبه واسموا كرم
سليم بلهفه: خير ي كرم هي عامله اي
كرم استغرب لهفته وبصلوا : هي تقربلك اي
سليم ادرك نفسه ورجع ل طبيعته : احم متقربليش حاجه هي مجرد صداقه وكمان انا لقيتها مرميه في الشارع
كرم بعدم تصديق : ماشي ع العموم هي واضح انها اتعرضت للضرب ودا سببلها كسر في الرجل ،لكن  هي فاقت دلوقتي
تقدر تدخلها

سليم : شكرا ي كرم
كرم : العفوا ع اي دا واجبي ،عن اذنك
سليم : اتفضل
دخل سليم الغرفه وهو بيستجمع ثباته الانفعالي ،وقدر يداري خوفه الي مكنش عارف سببه
قعد قصادها وهي بصت الناحيه التانيه
سليم عرف انها لسه مضايقه من كلامه وقرر يعتذر
سليم : انا اسف ع الي قولتوا الصبح بس انا مكنش قصدي الي انتي فهمتيه ،انا قصدي انك بنت ولوحدك واديكي شوفتي وانتي لوحدك حصل اي ،بس مين صح الي عمل كدا
سيلين لما فكرت عرفت انو عندو حق هي مهما كانت هي في الاخر بنت ورغم انها قالت انها تقدر تحمي نفسها لكن هي مقدرتش

سيلين بدموع : جوز ماما هو الي عمل فيا كدا ،كان بيراقبني وفضل ورايا وانا كنت رايحه اجيب حاجات ليا  ووقفني في الشارع وقعد يقولي كلام جرحني ولما زعقتله ضربني في الشارع ومكنش فيه حد في الشارع خالص يحميني منه

سليم كان بيغلي من الغضب
سليم بهدوء لكن جواه غضب وضيق : طب خلاص اهدي ولو عايزه انا ممكن اخلي كرم صاحبي يكتب تقرير بحالتك ونبلغ عنه
سيلين بخوف : لا لا انا مش ناقصه مشاكل ،وكمان عشان امي هي بتحبه
سليم كان مستغرب شخصيتها هي اي بالظبط ،هي كويسه ولا وحشه ،ولا يمكن الظروف الي كانت عيشاها هي الي عملت فيها كدا ،شايف قدامه شخصيه غريبه ،شخصيه رغم انها ساعدته ووقفت جنبه في تعبه ،لكن لبسها بيقول غير كدا ،وتصرفاتها ،وعرف ان مش بلبس ولا الشكل هو الي بيبن شخصيه البني ادم ،وكمان اضايق لما شاف خوفها
،سليم بينه وبين نفسه : طب انت مالك بكل دا ما تعمل الي تعملوا
بس هي بنت وكل خطوه بتتحسب عليها
بس هي وحيده ومحتاجك جنبها ،زي مااهي وقفت جنبك اوقف جنبها ،
اتنهد سليم بحيره وهو خلاص دماغه هتنفجر من التعب مش عارف يلاقيها منين ولا منين ،من جميله الي بيحاول يلهي نفسه عشان ميفكرش فيها ولا من سيلين الي طلعتوا فجاه ولازم يفضل جنبها ،بس استغرب انو مفكرش في جميله طول اليوم وكل تفكيره كان في سيلين ،

سليم :طيب خلاص مش هنبلغ المهم ارتاحي انتي
سيلين : لا انا عايزه اروح مش بحب قعده المستشفيات بتخنق
سليم : لا طبعا هتروحي تروحي فين ،خليكي هنا وبعدين انتي ناسيه رجلك متحبسه
سيلين : عارفه بس مش قادره اقعد مخنوقه مش بحب المستشفيات
سليم :طيب انا عايش لوحدي في الفيلا ممكن تقعدي معايا ومتخافيش  انتي قولتي انك واثقه فيا وانا فعلا مش هعملك حاجه وكمان كدا هتبقي في امان
سيلين : لا معلش اصل انا مش محترمه فا ممكن اشبهك
سليم : خلاص بقا ميبقاش قلبك اسود ،انا اعتذرتلك وبعدين انتي مش هتقدري تقومي بنفسك لوحدك ومحتاجه عنايه لحد بس ما تقدري تقفي ع رجلك وتفكي الجبس وساعتها اعملي الي انتي عايزاه
سيلين : اممممممم ماشي
ابتسم سليم وهي بردوا ابتسمت
💖💖💖💖💖💖💖💖💖💖
في شقه كبيره وفخمه ميبانش انها شقه كانت يعتبر  فيلا من كبرها وفخامتها وروعه اثاثها وشياكته ،
كانت چوري في الاوضه منهاره من العياط بسبب نظرات زمايلها ليها وهي مقدرتش تستحمل نظراتهم ولا هماستهم لبعض عليها ،
چوري سمعت صوت باب الشقه بيتقفل قامت بسرعه دخلت الحمام غسلت وشها ومسحت اي اثر للدموع في وشها وخرجت وهي راسمه اجمل بسمه ع وشها لكن مهما اخفت ورسمت بسمات ع وشها دا مش هيقدر يخفي عن حبيبها وفعلا يزن خد بالو
يزن قرب منها وبص في عيونها وهي اول ما بص في عيونها نزلت وشها في الارض عشان ميشوفش دموعها ومياخدش بالو ،لكن يزن مسكها من دقنها ورفع وشها ليه وشاف دمعه هربانه منها غصب عنها
يزن برقه باس الدمعه الي ع خدها : ممكن اعرف اي سبب الدموع دي
چوري مقدرتش تمسك نفسها اكتر من كدا وانهارت اكتر من العياط ودفنت نفسها في حضنه بقوه وهي مش قادره تبصله من خجلها واحراجها منه
يزن قلق عليها لما لقاها منهاره كدا من العياط وكان بيحاول يبعدها عن حضنه عشان يعرف لكن هي كانت متمسكه فيه زي الطفله الصغيره
يزن : طب مالك ي حبيبتي قلقتيني ،فيه حاجه حصلت في الشغل طيب
چوري بدموع : انا... ان. 
جوري مكنتش قادره تتكلم
يزن بحنان وهو يربت ع ضهرها : طب اهدي الاول وبعد كدا اتكلمي
هديت چوري شويه وخدت نفسها وبعدت عن حضنه لكن كانت لسه بتعيط
چوري بدموع:انا ترقيتي اتوقفت
بصلها يزن بدهشه :نعم. يعني كل العياط دا عشان ترقيتك اتوقفت ،حرام عليكي ي جوري وقعتي قلبي انا قولت فيه مصيبه  ،بس ليه ترقيتك اتوقفت
چوري بحزن : عشان الفيديو
يزن فهم سبب عياطها وانهيارها بالشكل دا وعرف انها كانت مكسوفه تبصله ،قرب منها وضمها لحضنه بحنان وحب
يزن : حبيبتي انتي ملكيش ذنب في اي حاجه وانا مش زعلان منك
چوري بدموع: بس انا اتفضحت ي يزن ،مش قادره ابص في عين زمايلي وانا داخله ،هحقق مع مجرم ازاي وهو ممكن يكون شاف الفيديو ،ساعتها هيبصلي ازاي
يزن بغيره : دا لو فكر يبصلك اصلا هقتله
چوري ابتسمت غصب عنها
يزن ابتسم وقربها ليه : ايوا كدا اضحكي ي روحي واوعي تشيلي هم حاجه انتي ،الي يفكر يضايقك بكلمه انسفهولك من ع وش الارض ،انا مراتي مفيش احسن منها
چوري بصتلوا بكل معاني الحب وزاد عشقه جواها وهي شيفاه احسن راجل في الدنيا ،راجل مهمهوش كلام اي حد ولا اي حاجه ووثق في مراته ودافع عنها وبيحميها
جوري حضنته بقوه : انا بحبك اوووي ي يزن ،حقيقي كل يوم بتثبتلي انك كتير عليا اوي انا مستاهلش حبك دا ،انا شكيت فيك وانت قصاد دا كنت بتحميني وبتدافع عني
يزن بحب : بالعكس انتي تستاهلي اكتر من دا ،انتي تستاهلي كل الحب الي في الدنيا ي حبيبتي ،وبعدين خلاص بقاا احنا المفروض ننسي كل حاجه وموضوع الفيديو خلاص اتمسح ومع الوقت الناس هتنسي بس انتي لازم تكوني قويه وتواجهي ،انتي ظابط اوعي تخافي او تتكسفي ابدا ،انتي مغلطيش في اي حاجه
چوري  : حاضر
💖💖💖💖💖💖💖💖💖
في فيلا سليم
دخل سليم الغرفه وهو ماسك صينيه الاكل وحطها ع السرير قصاد سيلين
سيلين : اي دا انت بتعرف تطبخ
سليم وهو يقرب المعلقه من فمها : اكيد لاني عايش لوحدي وبعمل اكل لنفسي
كلت سيلين وهي مبسوطه وكأن الحياه بتعيد نفسها هي من ايام كانت بتاكله ومهتمه بيه ودلوقتي هو بياكلها ومهتم بيها
سليم كان مستغرب ان هيجي يوم ويعمل كدا مع حد ،او انو يدخل بنت بيته وهي متقربلهوش اي حاجه لمجرد المساعده وبس عشان هي ساعدته
لكن كان حاسس باحساس غريب وهو بيهتم بيها وشايفها من قريب ولاول مره ياخد باله من ملامحها ويدقق فيها بتركيز ،سرح في عيونها الي كانت برغم لونها البني الفاتح لكن كان فيها جاذبيه غريبه بتشده ليها ،
فاق سليم من سرحانه بسرعه قبل ما يغرق تاني ويحب ويتوجع تاني ويفوق ع اكبر الم وجرح ،مش هيتحمله تاني كفايه انو قدر يلهي نفسه وبيحاول ينسي جميله ،
خلص اكل وشاله وخرج وقفل الباب ،ودخل اوضته ودخل الحمام ياخد شاور
كان واقف تحت الدوش وهو نفسه المايه تنزل همومه وتعبه وحيرته وهو خلاص مش متحمل وجع وجرح جديد وكان لسه بيداوي في جرح قديم ،جرح لسه متقفلش لكن قدر ينساه شويه ويتلهي في حياته لكن دخول سيلين في حياته بالسرعه والشكل دا هو مستغربه ،لكن اقنع نفسه انها بمجرد ما تخف هترجع لحياتها وتبعد ،
💖💖💖💖💖💖💖💖💖💖💖
عدي شهر من غير اي احداث جديده  غير ان
سليم قدر يداوي جرحه ونسي جميله واتلهي مع سيلين الي كانت لسه عنده في البيت ولسه رجليها متجبسه وكان حاسس بشعور ناحيتها لكن مش قادر يعترف بيه ،كان حابب وجودها واتعود عليه واتعود انو يساعدها ويهتم بيها ،برغم انو عايزها تخف وتبقي كويسه لكن كان عايزها تفضل موجوده لكن كان بيقنع نفسه كل دا انو مجرد تعود عليها وبس ،وكان بيسمعها كل يوم وهي بتحكيله عن مشاكلها من طفولتها لحد ما كبرت وكان بيقدر يساعدها بما انو دكتور نفسي ،وهي بردوا كانت بتسمعه وتساعده في بعض الامور ،ودا كان اخر يوم عشان تفك الجبس وفعلا الدكتور جيه وفكت سيلين الجبس وعدي اسبوع لحد ما قدرت تمشي ع رجليها من تاني ومشيت من عند سليم ،وهو كان بيسلم عليها لكن عينيه كانت بتقولها متمشيش انا اتعودت ع وجودك لكن مينفعش يقولها ،هي لازم تمشي

سليم : طب انتي كدا هتعيشي فين
سيلين : هرجع الفندق تاني وهدور ع شغل عشان اقدر اصرف ع نفسي
سليم وكأن الفرصه جت لحد عنده  : طب متيجي تشتغلي معايا في المستشفي تقدري تقعدي مع المرضي وتسمعيهم وتتكلمي معاهم اهو تسلي وقتك وفي نفس الوقت تشتغلي
سيلين فرحت انو طلب منها كدا ووافقت من غير تردد كان نفسها تفضل العمر كله جنبه  : موافقه
💖💖💖💖💖💖💖💖
في فيلا جاسر وجميله صحي جاسر ع انعم واجمل لمسه ع خده وصوت اجمل واروع ،صوت حبيبته وجميلته

نفسي أسألك ....... سؤال بسيط
مش لاقية أي إجابه ليه
ليه بلاقي، في قربي منك كل شيء أنا نفسي فيه

بصلها جاسر بحب ،ازاي ميحبهاش وهو صاحي ع اجمل واروع صوت وهي بتغنيله ،صوت رقيق وجميل

ااااه نفسي أسألك.......   سؤال بسيط
مش لاقية أي إجابة ليه
ليه بلاقي، في قربي منك كل شيء أنا نفسي فيه

جاسر كان ساند ع السرير وهو بيسمعها  وهي ابتسمت ومكمله

ليه بنادي الناس بإسمك، وأبقي خايفه إني أخاصمك
حاسه إني بقيت بقاسمك، في الهوا اللي بعيش عليه
ليه بنادي الناس بإسمك، وأبقي خايفه إني أخاصمك
حاسه إني بقيت بقاسمك، في الهوا اللي بعيش عليه

جميله ،كلمات الاغنيه كانت صح ،الاتنين كانوا بيخافوا يبعدوا ،عشان كدا كانو بيحلوا مشاكلهم بسرعه ويخطفوا اجمل لحظات بينهم وكانت مشاكله هي مشاكلها بالظبط

ليه بشوف الكل شكلك، ليه بعيش دايما مشاكلك
حاسه إني نص شكلي، وإن نصي الثاني شكلك
فيك حاجات موجودة فيا، حبه حبه تزيد شويه
إحنا فينا حجات كثيرة ، زي بعض وهي هي

ليه بشوف الكل شكلك، ليه بعيش دايما مشاكلك
حاسه إني نص شكلي، وإن نصي الثاني شكلك
فيك حاجات موجودة فيا، حبه حبه تزيد شويه
إحنا فينا حجات كثيرة ، زي بعض وهيا هيا

كل حاجة عملتها لك حاسه إني بعيش بدالك
ورغم إني قويه ببقي، في كل حاجة محتاجة لك
كل حاجة عملتها لك حاسه إني بعيش بدالك
ورغم إني قويه ببقي، في كل حاجة محتاجة للللللللك

ليه بشوف الكل شكلك، ليه بعيش دايما مشاكلك
حاسه إني نص شكلي، وإن نصي الثاني شكلك ليييييييييه
فيك حاجات موجودة فيا، حبه حبه تزيد شويه
إحنا فينا حجات كثيرة ، زي بعض وهيا هياااااااا

جاسر مستناش تخلص الاغنيه وباسها بقوه وضمها لحضنه وغرقوا في بحر حب وغرام بينهم
💖💖💖💖💖💖💖💖💖💖💖
في المستشفي عند سليم ،كان واقف عند الشباك وحاطط ايده في جيب البالطوا وهو بيراقب سيلين من فوق وشايفها وهي قاعده مع واحده وبتتكلم معاها وهو بيراقب حركاتها العفويه وضحكتها ،وابتسم تلقائي من غير ما ياخد باله ،لكن فاق بسرعه ورجع مكتبه
سليم : بلاش ي سليم بلاش جرح تاني ،انا قدرت انسي جميله ،ومش عايز احب تاني او اتجرح تاني خلاص
قام سليم يلف ع المرضي وهو بيحاول يشغل نفسه لكن دي الوحيده الي مقدرش ،جميله كان بيشغل نفسوا في الشغل لكن سيلين حتي وهو بيتكلم مع المريض بيلاقيها نطت في مخيلته فجاه وتلقائي بيبتسم ،
سليم بينه وبين نفسه  : ليه بتنطي قدامي فجاه ليه ،انا مصدقت قدرت اداوي جرحي ليه بتقربي وتفتحي جرح جديد ي سيلين ،مش هقدر اتحمل وجع تاني

عدي شهر تاني وكان خلاص سليم اتاكد من حبه ل سيلين وقدر ينسي حبه ل جميله ويداوي جرحه ،وراحلها الجامعه لانها كانت فتره امتحانات وهي خدت اجازه من المستشفي ودا الي خلاه اتاكد من حبه انها بعدت عن عيونه واكتشف انها وحشته جدا ، ،

عند سيلين في الجامعه خرجت هي وناديه من الامتحان وراحوا قعدوا في الكافيتريا وتستني ناديه حمزه
ناديه : انتي بتحبي سليم ي سيلين
سيلين باستغراب : اشمعنا بتسالي
ناديه : اصل انتي كنتي مش معترفه بالحب وقولتي يوم ما هتتجوزي هتتجوزي واحد غني عشان يفسحك ويسفرك برا ،فا بسال
سيلين : انا فعلا قولت كدا وسليم غني ومعاه فلوس
ملحقتش سيلين تكمل كلامها
سليم ظهر قدامها فجاه وع ملامحوا باين الصدمه من الي سمعوا يعني هي محبتهوش ،يعني كل دا كانت بتقرب منه عشان فلوسه ،الف اااه بتصرخ جواه من الوجع واتفتح جرح جديد ويمكن اصعب من الي قبلوا
سليم بغضب : يعني انتي كل محبتنيش ،كل دا كنتي بتمثلي عليا عشان فلوسي وبس
سيلين اتصدمت ووقفت : لا ي سليم انا حبيتك
سليم بعصبيه: اخرسي ،اوعي تنطقي اسمي ع لسانك ،انا غلطان اني حبيت واحده زيك بس العيب مش عليكي العيب عليا اني سمحت لقلبي يحب تاني ،
ناديه بقلق : سليم بلاش تظلمها والله هي بتحبك
سابهم سليم ومشي وانهارت سيلين من العياط وكل الجامعه اتلمت حواليهم ،سيلين مقدرتش تتحمل واغمي عليها وفي نفس اللحظه كان وصل حمزه واتفاجئ بسيلين مغمي عليها وناديه وبنات حواليها ،
حمزه بسرعه: اي الي حصلها ي ناديه
ناديه بدموع : شيلها ونبي ي حمزه نطمن عليها الاول
شالها حمزه بسرعه وراحوا عياده الكليه والدكتور وهو بيكشف ع سيلين ناديه حكت ل حمزه الي حصل باختصار ،
فاقت سيلين وافتكرت الي حصل وانهارت من العياط تاني
سيلين بدموع ودافنه وشها بين ايديها : والله حبيته ،هو لو كان سمعني للاخر كان عرف اني حبيته ،ومحبتش اده
ناديه عيطت ع عياطها وضمتها بحنان : عارفه والله ي حبيبتي انك حبيتيه اهدي وكل حاجه هتتحل ،هو دلوقتي مجروح ،استني بس يهدي وهيرجع والله هيرجع
سيلين بدموع: مش هيرجع ي ناديه مش هيرجع ،هو اتجرح اووي بس والله مظلومه ،انا يمكن في الاول كنت بقرب عشان فلوسه فعلا لكن والله حبيته ومحبتش اده ،عايزه اقوله مش عايزه تشوفه مجروح انا مصدقت انو قدر يداوي جرحه زمان ،لكن دلوقتي اتجرح اكتر ،مش متحمله اشوفوا مجروح

ناديه دموعها زادت وهي مش عارفه تقولها اي مكنتش متخيله انها تحب لدرجه دي ،الي كانت الاول بتتريق ع الحب دلوقتي بقت عايشاه لكن للاسف مكملش

💖💖💖💖💖💖💖💖💖
في فيلا حمزه وناديه
دخل حمزه وناديه وهي ضامه سيلين وسنداها ودخلت سيلين اوضتها والي كانت زي ما هي من ساعه ما سابتها لكن كانت بتتضنف طبعا ،وقعدتها ع السرير
ناديه بحنان : حبيبتي ادخلي خدي شاور وارتاحي وان شاء الله كل حاجه هتتحل
سيلين كانت تايهه و سرحانه فيه ،عايزاه يرجع وتقوله ع حبها ليه وتعترفله بكل حاجه ،مكنتش قادره ع بعده ،مش متحمله نظرتوا ليها الي اتبدلت وبقت غضب وجرح لكن موصلتش للكره
هزت سيلين راسها بتوهان ودخلت الحمام وانهارت تاني وقعت ع الارض ومش قادره تقف ع رجليها من الخنقه والتعب والوجع
اتحاملت ع نفسها وقامت خدت شاور وكانت دموعها من كترها كانت سابقه المايه واختلطت بيها ،
خلصت شاور ولبست وحست انها نفسها تصلي ،عايزه تقرب ل ربها ،هي برغم انها مبتفوتش فرض لكن المرادي كان نفسها تقرب ل ربنا من غير فروض ،عايزه تصلي بخشوع ،اتوضت وخرجت ،لبست اسدال الصلاه فوق هدومها
وفردت سجاده الصلاه واول ما وقفت وقالت الله  اكبر  دموعها نزلت بغزاره وفعلا الله هو الاكبر والاعظم من اي شئ ،مهما انشغلت ولفيت مش هتلاقي غير ربنا الي يساعدك وتحكيله وتفضفض باللي جواك

كل واحد بتجيلوا فرصه يتوب فيها ويرجع ل ربنا  الاحسن انك تستغل الفرصه دي وتتمسك بيها  اوعي تسمع كلام حد بيقول انك مش بتقرب غير في المصايب بس ،لا ملكش دعوه بيه الاهم انك قربت وهتفضل قريب ،عارفه ان فيه ناس مش بتقرب عشان متسمعش الكلمه دي ،بس اوعي تسمعي كلام حد انتي الي هتتحاسبي مش هو ،انتي اللي هتقفي قصاد ربنا لوحدك من غير حد من غير اب ولا ام ولا اخت ولا اخ ولا اهل
💖💖💖💖💖💖💖💖💖💖💖
في شركه جاسر ،كانت جميله مندمجه في شغلها ولامه شعرها كحكه بشكل عشوائي وحاطه قلم  لكن مخلي شكلها جميل جدا ،جميله كانت مندمجه لدرجه انها محستش ب جاسر لما قفل باب المكتب بالمفتاح وقرب منها وشال القلم الي لامه بيه شعرها واتفرد شعرها ودا زود جمالها اكتر واكتر
جميله قامت وقفت وبصتلوا بعدم اطمئنان وبصت ع باب المكتب لقتوا مقفول وفهمت الي في دماغوا
جميله وهي بترجع لورا : انت ناوي ع اي
جاسر ضحك وهو بيقرب : ههههههه ناوي ع كل خير ي حبيبتي
جميله وصلت لابعد مكان في المكتب لحد ما وصلت للحيطه  : جاسر متهزرش احنا في الشركه
جاسر حاصرها وسند ايده ع الحيطه : طب وفيها اي وبعدين انا قفلت الباب
جميله برقه لفت ايديها حوالين رقبته :طب وانت مش قادر تستني لما نروح البيت
جاسر بغمزه ضمها لحضنه اكتر  : بصراحه كنت ناوي استحمل بس بعد الرقه والاغراء دا مش هقدر
قاطع كلامها جاسر ببوسه رقيقه وعاشقه وزي ما هو قطع كلامها تليفون جميله قطع لحظتهم دي و رن

بعدت جميله عنه وهي كلامه ضحكتها ع شكله وراحت خدت الفون ،لكن استغربت لما عرفت هويه المتصل وكان سليم ،استغربت انو فاكرها رغم انو عدي شهرين ،جميله معرفتش ترد قصاد جاسر
جميله : دا بابا هروح اكلمه واجي
جاسر باستغراب : طب ما تكلميه هنا
جميله: مانا هنزل اجيب نسكافيه
جاسر : طيب
جميله برغم انها مكنتش حابه تخبي عنه حاجه لكن مكنتش عايزه تضايقه لما يعرف ان سليم هو الي بيتصل
خرجت برا المكتب وردت وهي نازله الكافيتريا
جميله : ايوا ي سليم
طيب انت فين وانا اجيلك
طيب انا جيالك حالا
خرجت جميله برا الشركه وركبت عربيتها واتحركت للمكان ومن قلقها ع سليم لما سمعت صوته نسيت انها تقول ل جاسر

💖💖💖💖💖💖💖
في المكان المفضل ل جميله ع الكورنيش كان قاعد سليم ،مجروح وموجوع ع تاني حب في حياته ،طلع خدعه وكدب ،حب مبني ع هدف وهو انها محبتهوش ،كانت عايزه تقرب عشان فلوسه وبس يعني محبتهوش هو زي ما هو حبها
قطع تفكيره جميله لما قعدت قصاده
جميله باستغراب : مالك ي سليم ،
سليم بوجع وخنقه:مخنوق اووي ي جميله ،انا اسف اني كلمتك رغم اني وعدت نفسي اني هبعد بس حقيقي كان نفسي افضفض
جميله : متقولش كدا احنا اصدقاء وانت تكلمني في اي وقت عادي ،المهم قولي في اي
سليم حكالها كل حاجه وحبه ل سيلين والي كان بيرفض الحب دا عشان ميتوجعش لكن في الاخر استسلم ليه ،لكن اتوجع وندم انو استسلم للحب دا

جميله كانت بتسمعوا وهي كانت ثابته وهاديه ومديتش اي رده فعل
جميله : طب انت مسمعتش ليه باقي الكلام ،مش يمكن تكون كانت في الاول فعلا عايزه تقرب عشان فلوسك لكن بعد كدا حبيتك ،
سليم بغضب : لا محبتنيش ،كل حاجه كانت كدب وخداع منها ،كل حاجه
جميله بهدوء : طب اهدي انا حاسه بيك و بوجعك بس اديها فرصه واسمعها يمكن يكون فيه كلام تاني
سليم : لا مش هسمعها ولا طايق اشوفها حتي ،انا خلاص زهقت وكرهت كل حاجه كرهت الحب وكرهت حاجه اسمها حب

جميله : بلاش تظلم الحب ،لان مش هو السبب ،السبب بيبقي في الاشخاص هما الي بيسوا سمعه الحب ،بس دا مش معناه ان سيلين وحشه لا ،هي حبتك بجد ودا باين في نظراتها ليك وخوفها وقلقها عليك لما تعبت

سليم : كان تمثيل عشان تبين انها خايفه عليا  وبتحبني

جميله : دا الي عقلك مصورهولك عشان لسه مجروح لكن لما تهدي هتفكر وتعرف انها حبتك بجد وكل نظره كانت صح مش خدعه ،كانت نظره حب

سليم : لا كل نظره منها كانت خدعه حتي اهتمامها بيا خدعه وحبها ليا اكبر خدعه

جميله : طيب ممكن تهدي وكل حاجه هتتحل ،انت قوي ي سليم وذكي كمان هتقدر تاخد بالك من حبها ليك بس لما الثوره الي جواك تهدي
💖💖💖💖💖💖💖💖💖💖💖💖
في شركه جاسر
جاسر بغضب وهو يقترب من جميله : انتي ازاي تمشي من غير ما تقوليلي بقالك ساعتين برا وانا هتجنن من القلق عليكي ومعرفش كنتي فين ،ممكن اعرف الاستاذه كانت فين

جميله : كنت عند  سليم

جاسر سكت ثانيه يستوعب وبصلها بغضب وعينيه اتحولت للون الاسود من كثر الغضب وعروقه برزت وهو بيعصر قبضه ايديه بيحاول يتحكم في غضبه لابعد حد وهو نفسوا يقتلها بين ايديه ،قرب منها وكان زي البركان الي هينفجر من غضبه ومسكها من ايديها بقوه
جاسر بصوت غاضب وقوي : كنتي فيين
جميله كانت لاول مره تشوفه بالشكل دا ،كان غاضب لابعد حد ،وهي برغم قوتها والي عمرها ما خافت منه قبل كدا لكن فعلا شكله خوفها ،لكن كانت بتحاول تستجمع شجاعتها
جاسر وهو يهزها بقوه وعصبيه وجواه غيره قاتله  : تااني سليم  يعني انتي مش هتهدي غير لما اقتلوا
جميله كانت بتتالم من قبضه ايديه : سليم اتغير وبطل يحبني وبقا بيحب سيلين
جاسر بعصبيه :ولما هو بطل زفت يحبك ،كلمك ليه تاني ،هااا
جميله : حصل سوء تفاهم بينه وبينها وكان مجروح منها وكان عايز يتكلم مع اي حد
جاسر بعصبيه : وملقاش غيرك انتي الي يتكلم معاكي
جميله : ايوا فعلا ملقاش غيري
دخل حمزه في اللحظه دي
حمزه باستغراب : فيه اي ي جاسر صوتك جايب لاخر الشركه ،مالكوا في اي
بصلها جاسر بغضب وساب ايديها وقعد ع المكتب ،وجميله بتفرك ايديها من الالم
جاسر : مفيش حاجه ي حمزه
حمزه لاحظ من شكلهم انهم متخانقين لكن محبش يضغط عليهم : طيب انا في مكتبي لو احتاجت حاجه
جاسر : ماشي
خرج حمزه وقفل الباب
وهما الاتنين باصين لبعض
جاسر نظرتوا كلها غضب وغيره وهي بتفرك ايديها وبصالوا بعتاب وغضب
جميله : انا ماشيه
جاسر :لا استني نمشي سوا
جميله : لا انا همشي لوحدي وانت ملكش كلام معايا
جاسر بصلها بحده وقام راح ناحيتها : نعم هو انتي كمان غلطانه ومضايقه ع الي عملتوا وبتقوليلي ملكش كلام معايا
جميله بغضب : انا مغلطتش ،انا كنت بساعد صديق ليا  كان محتاجني
جاسر بعصبيه: وقولتلك زفت الصداقه دي تتقطع وكانت اتقطعت خلاص بقالكوا شهرين اي الي رجعوا تاني ،ما يولع هو و زفته احنا مالنا
جميله : احنا مالنا ازاي دا بني ادم ع فكره واحد اتجرح مرتين ،والجرح مش سهل وانت مجربوا وعارف يعني اي تتجرح من شخص بتحبوا
جاسر : انا فعلا مجربوا ولسه بجربوا لحد دلوقتي
جميله : تجرب اي ي جاسر  انا معملتش حاجه غلط دا واحد كان محتاجني
جاسر بتحفز : هو الي رن عليكي مش كدا
جميله : اه
جاسر بعصبيه: يعني كمان كدبتي عليا ،نزلتي من غير ما تقوليلي انك ريحالوا وكمان كدبتي عليا وبتقوليلي ان باباكي هو الي رن
جميله : مانا لو كنت قولتلك كنت هتتضايق
جاسر بسخريه : دا ع الاساس اني دلوقتي طاير من الفرحه
جميله كتمت ابتسامتها بالعافيه لانها مش وقتها ،لان فعلا جاسر كان شايط منها ومن عنادها ونفسوا يمسك دماغها يكسرها ومش بس دماغها دا نفسوا يقتلها
جميله : طيب ينفع تفهمني انا قولتلك انو هيحب سيلين وفعلا دا الي حصل وهو دلوقتي مبقاش بيحبني واعتبرني اني صديقه وبس ومينفعش يكون محتاجني وانا مرحلوش

جاسر : انا ميهمنيش كل الرغي دا ،ميهمنيش يحب مين ولا يولع في مين الي يهمني انتي ... ،الي روحتيله من غير ماا تقوليلي وانا قاعد هنا قلقان عليكي ومستني الهانم لما ترجع ،وتقولي كانت فين ،لا وكمان سبتيني عشان خاطر الاستاذ

جميله قربت منه بهدوء : انا عارفه اني غلطت بس مكنتش عايزه اضايقك والله وانا عارفه انك لما بتسمع اسمه بتتعفرت ولما رجعت قولتلك عشان انا وعدتك اني مش هخبي حاجه عنك

جاسر : دا بعد اي ،بعد ما روحتيله وقعدتوا واتكلمتوا وانتي كمان حامل والحركه الكتير مش كويسه عشانك ،

جميله وهي تلف يدها حوالين رقبته : بس انا كويسه ي حبيبي ،خلاص بقاا

جاسر شال ايديها وبعد  : لا مش خلاص انتي سوقتي فيها اوووي ي جميله ،عشان كل مره بسامح وبعدي ،لكن المرادي غير كل مره ،،انا وصلت لاخر ذره صبر جوايا ، انتي بتعملي الي في دماغك مش مهم الي حواليكي يولعوا كلهم المهم انك تنفذي الي في دماغك

جميله بصتله : هتبعد تاني
💖💖💖💖💖💖💖💖💖💖
اسفه ع التاخير بس فعلا كان نفسي اخلصها واخلي دا اخر بارت لكن لسه محتاج بارت تاني ،انا كان ممكن اخلصها في البارت دا بس كان هيحتاج اقعد لبكره كمان ،لكن عشان عارفه انكوا هتزعلوا نزلت دا وهو كبير يعني يعوض الثلاث ايام الي منزلتش فيهم ،

بالنسبه للروايه هنعرف البارت الجاي ي تري جاسر هيبعد ولا لا  واي الي هيحصل مع سليم و سيلين

اتمني البارت يعجبكوا وياريت تتفاعلوا