رواية احببت عنادك... بقلمي/هاجر هشام الفصل الأربعون 40 - بقلم Hagar Hešhàm

عند هاجر
كريم: الحمدلله كويس
هاجر : انت بتعمل اي هنا
كريم: انتي الي بتعملي اي هنا انا هنا شغلي
هاجر : بجد انت اتنقلت شرطه السياحه
كريم: اه شوفتي بقاا
هاجر : ههههههههههه يابختك  هايص هنا و احنا متبهدلين هناك
كريم: اي دا انا شامم ريحه حسد
هاجر بمزاح: لا دا مش حسد دا قر
كريم بضحك:لا اذا كان كدا ماشي / بردوا مقولتليش انتي بتعملي اي هنا
هاجر : انا ياسيدي جايه هنا أنا و
:جوزها
لفت هاجر لمصدر الصوت لقتوا اسر خافت
كريم باستغراب: حضرتك مين
اسر : هو انت مبتسمعش مانا بقولك جوزها
كريم بدهشه: اي دا يا هاجر اتجوزتي امتي
اسر بنرفزه: ماتقوليلوا اتجوزتي امتي
هاجر بتوتر: ات ..اتجوزنا من ثلاث ايام
كريم بفرح: الف مبروك يا جوجو فرحتلك جدا والله
اسر اتعصب لما قالها  جوجو
اسر بعصبيه : الكلمه دي لو جت ع لسانك مره تانيه هقطعهولك
كريم باستغراب: انا اسف مقصدش انا كنت بباركلها بس مش اكتر عن اذنكوا
مشي كريم وهاجر كانت لسه هتكلموا شدها من ايديها بعصبيه وبيجري وبيجرها وراه لحد ما طلعوا الاوضه وكانت خايفه بس حاولت تستعيد شجاعتها لكن مقدرتش كان وشوا لايبشر بالخير ابدا
اسر بعصبيه: انا مش قولت متنزليش من غير ما تقوليلي وقولت كمان اننا هننزل بليل حصل ولا محصلش.
هاجر بخوف: حصل بس
قطعها
اسر بعصبيه: لا وكمان نازله بفستان ميفرقش كتير عن قميص النوم وانا حذرتك مليون مره حذرتك ولا محذرتكيش
هاجر بخوف: حذرتني
اسر بعصبيه: وكمان انزل القيكي قاعده بتضحكي مع واحد غريب دا اسميه اي
هاجر بتوتر: كريم كان زميلي في الكليه
اسر بعصبيه: انا مالي زميلك ولا زفت انتي خالفتي كلامي نزلتي من غير ما تقولي ولابسه فستان عريان وبتكلمي مع واحد غريب
هاجر بتوتر: قولتلك زهقانه من القعده وانت سبتني ونمت
اسر بغضب : اه روحتي تنزلي ع طول مش مهم بقاا اي الي يحصل
هاجر : مش قصدي
قطعها اسر بعصبيه: امال اي الي قصدك لما كل حاجه مش قصدك /مش قصدك تلبسي فستان عريان ومش قصدك تنزلي من غير اذن ومش قصدك تكلمي واحد غريب وعماله تضحكي معاه امال اي الي قصدك /ثم اكمل بزعيق انا حذرتك بدل المره الف وبردوا مفيش سمعان للكلام ودلوقتي بقاا مفيش نزول النهارده خالص ولا بعدين غير معاياا انا ولو حصل وخالفتي دا مش هتروحي الشغل كمان
هاجر اتصدمت
هاجر بغضب: متدخلش الشغل في الخناق يااسر دا حلمي وانت متقدرش تمنعني عنو
اسر: يبقي تنفزي الكلام وانا مش همنعك
هاجر بغضب: كلام اي الي انفذوا انت عايز تحبسني كل شويه مش هتنزلي وكل ماالبس حاجه عريان انا مستحيل انفذ الكلام الاهبل دا
اسر بغضب: هاجر انا لحد دلوقتي ماسك نفسي بالعافيه اتقي شري احسن و دلوقتي خشي غير المسخره دا
هاجر : اغيروا ليه مانا قاعده في الاوضه ولا دي كمان مينفعش
اسر : اه مينفعش احنا مش في شقتنا دا فندق
هاجر : بس محدش شايفنا
اسر بزعيق: انا قولت غيري الزفت دا اخلصي
هاجر بعند: مش هغيرو
اسر : لو مغيرتيش يا هاجر هغيرهولك انا
هاجر بصدمه: اي
اسر بمكر: قولتي اي اغيرلك انا
هاجر بغضب: انت قليل الادب ومش محترم
اسر وهو يقترب منها: يبقي اغيرهولك انا
هاجر وهي تجري ع الحمام :لا لا لا انا هغير
دخلت هاجر خدت شاور بس افتكرت انها نسيت تجيب لبس راحت لبست البرنس وخرجت واسر شافها وفضل سرحان وهي بتحاول تكلموا لكن مش بيرد وهي اتكسفت
هاجر :  يا ااسر
فاق ع صوتها: اي في اي
هاجر : بكلمك بقالي ساعه في اي
اسر: اه سرحت شويه
هاجر : طب اطلع بره عايزه اغير
اسر: طب ما تغيري
هاجر : اغير ازاي وانت قاعد اطلع عشان اغير
اسر: ليه مانا جوزك عااادي
هاجر : لا مش عادي اتفضل بقاا اخرج
اسر بعند: لا مش هخرج عايزه تغيري غيري وانا قاعد مش عايزه خليكي قاعده كدا اهو حتي كدا احلي
هاجر بمكر: خلاص خليك وانا هخرج اغير بره
اسر بغضب: بره فين انتي هبله
هاجر بخبث: فيها اي ما هو سويت عادي يعني
اسر بغضب: لا طبعاا مش عادي بره فيه ناس بردوا في وشنا وممكن يشوفوكي من الشباك
هاجر : ما انت الي مش عايز تطلع اعملك اي
اسر بغضب : خلاص هطلع
طلع اسر
هاجر بوعيد: ماشي يااسر انا هوريك عشان مش انا الي تهددني بشغلي
لبست هاجر وخرجت بره

ووهو كان لسه هيعترض
هاجر باعتراض: والله ما هغير حاجه تاني انا زهقت
اسر : ماشي بس تبقي فكريني ننزل نشتري هدوم ليكي
هاجر باستغراب: ليه مانا عندي هدوم كتير
اسر: لا كل الهدوم دي هنرميها
هاجر : ليه دول هدومي وانا مش هرمي حاجه منهم عايز تشتري اشتري بس هدومي مش هتيجي جنبها
اسر : لا عشان اضمن انك متلبسيهمش تاني
هاجر : خلاص مش هلبسهم تاني
اسر باستهزاء: لا خدت من الكلام دا كتير خلاص
هاجر : لا خلاص اخر مره
اسر : اخر مره بس لو شوفتك لابسه حاجه عريان تاني منهم هقطعه
هاجر : مااشي
اسر بغيره : احنا متحاسبناش صح ع سي كريم الي كنتي قاعده معاه
هاجر : لا بص انا تعبت اقسم بالله من الخناق دا انا داخله انام
اسر : مااشي اهربي بس بردوا هعرف
هاجر : ان شاء الله عشان بردوا عايزه اعرف انت جيت ازاي وصحيت امتي وعرفت مكاني ازاي
اسر: لما تقوليلي ع موضوع كريم الاول
هاجر :مفيش موضوع كريم كان زميلي في الكليه وهو بيخدم هنا فا شوفنا بعض بس
اسر: بس كدا دا انا نازل وشايفك وانت عماله تضحكي
هاجر باستهزاء: ايوا والمفروض اكشر في وشو يعني ولا اي
اسر بسخريه: لا ازاي صح تشوفي كريم وتكشري في وشو بردوا
هاجر : انا ملاحظه تريقه في كلامك
اسر: طبيعي لازم اتريق لما انزل والقي مراتي والله مع واحد غريب وضحكهم جايب لاخر الدنيا يبقي لازم اتريق
هاجر : وانا قولتلك الي عندي مش ذنبي ان خيالك واسع ومصورلك ان فيه حاجه بيني انا وكريم
اسر بغيره: متجبيش سيرتو ع لسانك انتي فاهمه
هاجر : ليه يعني
اسر : انا مراتي متجبش اسم راجل  ع لسانها
هاجر : انا زهقت من تحكماتك دي ثم اكملت وهي تقلد صوته متلبسيش دا ،متكلميش مع دا،متنزليش من غير ما تقولي في اي هو انت كنت اشتريتني انا مش عابده عندك عشان تتحكم فياا
اسر : لو مسميه الي انا بقولوا دا تحكم يبقي اه انا بتحكم فيكي انتي مراتي ومن حقي
هاجر : انا مراتك لكن مش عابده عندك
اسر: انا مقولتش انك عابده انتي الي بتقولي
هاجر : يعني انا اتحكم فيك عادي
اسر: تتحكمي فياا في اي مش فاهم هو انا بلبس عريان ولا حاجه
هاجر : لا بس بتنزل براحتك يعني ممكن اقولك متنزلش زي مانا مش بنزل
اسر: لا طبعا انا راجل ومستحيل اقبل ان واحده تتحكم فياا انتي هبله
هاجر : لا مفيش حاجه اسمها راجل وست / انت المفروض متعلم و عارف ايوا انا مقبلش اني اتحكم فيك بس مش عشان انت راجل وانا ست لا طبعا عشان مش بحب حد يتحكم فياا فانا مش بتحكم في حد/ يعني مثلا انت كنت ع علاقه ب ريم ترضي اني ابقي ع
قطع كلامها اسر لما ضربها بالقلم
اسر بغضب: اوعي تفكري تنطقيها تاني انتي فاهمه دا انا اقتلك / اظاهر اني دلعتك وانتي سوقتي فيها
هاجر خافت ورجعت لوراا وهو عمال يقرب والغيره عمياه وراح ناحيتها وشالها ودخل الاوضه ورماها ع السرير وكان بيفك ازرار قميصه بايد والايد التانيه ومكتف ايديها
هاجر بخوف: انا اسفه والله مش قصدي خلاص
اسر كان مكمل ومش سامع اي حاجه كل الي مركز عليه كلمتها والشيطان عمال يصورله الف حاجه ومسك البلوزه قطعها
هاجر بخوف وعياط وهي تحاول الابتعاد لكنه اقوي منها بكتير : والله مش هقولها تاني وهنفذ كل الي انت عايزه عشان خاطري خلاص والله انا اسفه
اسر فاق وبصلها بغضب وخرج بره ورزع الباب وراه وخرج بره السويت خالص وهي قعدت تعيط ومنهاره بعد وقت قامت دخلت الحمام خدت شاور ولبست وراحت نامت وهي بتعيط وخايفه وهو كان قاعد ع البحر متعصب جدا من الي عملوا والي هي قالتوا
بعد ساعتين طلع دخل مسمعش صوتها خاف لتكون عملت حاجه في نفسها جري ع الاوضه لقاها نايمه وهي حاضنه رجليها عند وشها وعنيها وارمه من كتير العياط حزن جدا ع شكلها وراح جنبها وحضنها وقعد يملس ع شعرها براحه وهي حضنتوا جامد كانت خايفه وكأن الحضن دا كان امانها
( ملحوظه هاجر كانت نايمه اصلا ومش حاسه بحاجه)
💖💖💖💖💖💖💖💖
عند مكتب اللواء محمد بابا نورهان
سمع خبط ع الباب اذن بالدخول
ساره : حضرتك كنت عايزني يا فندم
محمد: اه يا ساره تعالي وبعدين اي فندم دي انا مش زي باباكي الله يرحمه ولا اي
ساره باحراج: طبعا حضرتك زي والدي بالظبط
محمد: طيب يبقي تقوليلي يا بابا زي نورهان زي مانا بعتبرك بردوا بنتي
ساره باحراج: دا شرف لياا يافندم  قصدي يا بابا
محمد: طيب انا كنت عايزك في موضوع
ساره : خير حضرتك اتفضل
محمد: الحقيقه باسم طالب ايدك مني فا انا قولتلوا بصراحه استني اسالها الاول واشوف رايها وبعدين اقولك / انا زي ما قولتلك يابنتي انتي زي نورهان بالظبط يعني لو رفضتي انا هقولوا وهحترم رغبتك جدا في الاول وفي الاخر دي حياتك انتي  ها اي رايك
ساره بخجل: الي تشوفوا حضرتك
محمد بحنان: يعني موافقه
ساره هزت راسها بمعني موافقه
محمد: يبقي ع خيره الله انتي ونورهان خطوبه وكتب كتاب يوم الخميس الجاي
ساره : كتب كتاب كدا ع طول
محمد: باسم مستعجل وبيقول انكوا اصلا كدا كدا عارفين بعض فا ملهاش لازمه الخطوبه وسيف بؤدوا نفس الكلام ونورهان موافقه فاضل عليكي انتي
ساره : ماشي انا موافقه
محمد: تمام الف مبروك يا حبيبتي
ساره : الله يبارك فيك يا فندم
محمد: احنا قولنا اي
ساره بابتسامه : يا بابا
محمد: ايوا كدا
ساره : هههههه طب عن اذن حضرتك
محمد: اتفضلي يا حبيبتي بس عايزك متقوليش اي حاجه لباسم انا هقولوا بنفسي
ساره: ماشي
💖💖💖💖💖💖💖💖💖
عند بيت لؤي
صحيت هدير خدت شاور ولبست

خرجت بره
هدير بابتسامه: صباح الخير
سلوي : صباح النور يا حبيبتي
خالد: صباح النور انتي خارجه ولا اي
هدير: اه رايحه الشغل
سلوي : اه صح انتي مقولتليش انتي بتشتغلي اي
هدير: انا بشتغل منظمه افراح يعني انا الي بعمل كل حاجه في القاعه ديكور و بوفيه ودي جي وكلوا
خالد: يعني انتي الي عملتي فرح هاجر
هدير: اه انا اي رايك فيه عجبك
خالد: اه جدا كانت حاجه فوق الخيال
هدير: عيب عليك احنا نعجب اووي
لؤي: ههههههههههه نفس الغرور والله
هدير: دا مش غرور يا بابا دي ثقه انت متعرفهاش
خالد: اوبااا ع الاحراج قصف جبهه عالي اووي
سلوي بضحك: ههههههههههه يالهوي ع الكسفه الي انت فيها يا حازم
لؤي: بقاا كدا ماشي تعالي بقاا هنا اوريكي الثقه ع حق
كانت تجري وهو يجري وراها وسلوي وخالد كانو فرحانين جدا
سلوي بفرحه: ربنا يحميهم يارب اخيراا بنتي رجعت لحضني
خالد: الحمدلله ياحبيبتي
سلوي: الحمدلله ياارب
💖💖💖💖💖💖💖💖💖
تاني يوم الصبح صحيت هاجر حست بحاجه تقيله وانها متكتفه بصت لقت اسر حاضنها جامد وكأنو خايف انها تهرب منو وهي ابتسمت لكن الابتسامه اختفت اول ماافتكرت الي حصل وحاولت تشيل ايديه من عليها لكن مش عارفه
اسر وهو مغمض عينيه: بطلي حركه عايز انام
هاجر بغضب: انت ليك نفس تنام بعد الي عملتوا
اسر وهو يفتح عنيه ويبصلها: وهو انا عملت اي
هاجر بغضب: يعني مش عارف عملت اي
اسر : انا معملتش غير اني عاقبتك ع كلمتك الي قولتيها وبعدين انا ملمستكيش
هاجر : ايوا ملمستنيش بس حاولت اعتديت علياا وضربتني
اسر: والله طلعت انا الي غلطان في الاخر وانتي الملاك البرئ
هاجر: انا مقولتش اني ملاك بس مش شيطان زيك
اسر وهو ينظر لعينها جامد وهي اتوترت: انا شيطان انا لو كنت شيطان كنت قتلتك بعد الكلام الي قولتيه امبارح
هاجر: وانا اعتذرت ع الكلام الي قولتوا
اسر: انتي هبله اعتذار اي ع كلام زي دا انتي فاهمه انتي قولتي اي
هاجر: اه فاهمه
اسر: بصي انا مش عايز اتكلم في حوار امبارح دا تاني عشان متهورش بجد انا لحد دلوقتي ماسك نفسي بالعافيه
هاجر: يبقي احسن بردوا
قامت هاجر دخلت الحمام خدت شاور ولبست

ااسر: اخيرا لبستي حاجه محترمه في حياتك
هاجر : ع فكره انا لبسي محترم
اسر باستهزاء: اه مانا عارف
هاجر : بعيدا عن السخريه في كلامك انت متتكلمش معاياا اصلا بعد الي عملتوا وانا هنزل لوحدي
اسر: خلصتي كلامك
هاجر : اه خلصت
اسر وهو يزقها برفق: اوعي بقاا كدا عشان اخد شاور انا كمان واوعي تنزلي قبل مااخرج انتي فاهمه انا حذرتك اهو لو نزلتي هربطك في السرير ومش هتنزلي خالص
هاجر : ليه كنت كلبه عشان تربطني
اسر باستفزاز: اه
هاجر بغضب: جاتك اوه انا مش كلبه
اسر يتركها ويدخل الحمام
هاجر بغيظ: طيب ماشي يااسر انت الي بدات
راحت هاجر جابت ورقه وحطتها عند باب الحمام وولعت فيها لحد ما عملت ريحه دخان وقفلتها بس في اللحظه دي كانت اجهزه الاستشعار شغلت جهاز انظار الحريق
هاجر بتمثيل الخوف: اسر الحقني  الاوضه بتولع
خرج اسر بسرعه بالبرنس وهو خايف عليها ليحصلها حاجه وسمع صوت الجهاز
اسر بخوف: حصلك حاجه ثم اكمل وهو ينظر حواليه هي فين الحريق اصلا
في اللحظه دي هاجر وقعت ع الارض من كتر الضحك واسر فهم انه مقلب كان رايح عليها يضربها لكن سمع خبط ع الباب جامد راح فتح كان الامن واتنين ماسكين طفايه حريق
الامن: جهاز الاستشعار لقط ريحه الحريق واشتغل هنا
اسر: لا مفيش حريق دا انا كنت بولع سيجاره عادي
الامن: اه ماشي احنا اسفين يافندم بس ممكن حضرتك تشربها في البلكونه عشان بس الاجهزه
اسر: ماشي
الامن: تمام شكرا يافندم عن اذنك
اسر: اتفضل
قفل اسر الباب ورجع لهاجر الي كانت ميته من الضحك
هاجر بضحك: ههههههههههه مش قادره بجد انت طالع بالبرنس وفتحتلهم كدا
اسر بغيظ وهو يقترب منها: طب اعمل فيكي اي دلوقتي اقتلك واقول ماتت في الحريق ولا اعمل اي
هاجر : ههههههههههه مانت الي مش راضي تنزلني
اسر بغيظ: يعني عشان مش راضي انزلك تولعي فيناا
هاجر: هههههه انا مولعتش انا بس عملت ريحه حريق عشان متشكش
اسر وهو يجري وراها: لا ناصحه فعلا
هاجر وهي تجري وتقف خلف الكرسي وهو امامها: طبعا عيب عليك
اسر بأمر: تعالي هنا
هاجر: لا 😝
اسر: هتيجي ولا احبسك هنا ومتنزليش
هاجر: لا لا خلاص هاجي بس اوعدني متضربنيش
اسر: مش هضربك تعالي
راحت هاجر ووقفت قدامو وكانت عامله زي الكتكوت المبلول
اسر : لما انتي جبانه كدا بتعملي المصيبه ليه
هاجر بتلقائيه: احمد ربنا انها جت ع مقلب انا كنت هنزل اصلا واسيبك
اسر بنظره مرعبه: لا والله كمان دا انا كنت قتلتك
هاجر بذهول: اي داااا
اسر باستغراب: في اي
هاجر : انا مكلتش من امبارح  / ازاي نسيت حاجه زي كدا
اسر بغضب: يا بنت ال والله ما هسيبك انا قولت فيه مصيبه يخربيتك
جري اسر وراها وهي جريت بره السويت خالص كان هيخرج وراها لكن افتكر انو لابس البرنس رجع لبس بسرعه جدا وخرج وراها لقاها واقفه مستنيه الاسانسير شافتوا وخافت وكانت هتجري لكن الاسانسير فتح ودخلت بسرعه وداست ع الزرار بسرعه عشان الاسانسير يقفل لكن هو لحقوا ودخل واتقفل الاسانسير عليهم
هاجر بخوف: والله لو قربت هصوت والم عليك الناس احنا في فندق مش في شقتنا يعني اقدر اطلبلك الامن
اسر: بس انتي بالعه راديو يخربيتك افصلي شويه
هاجر بتوتر: طب ابعد
اسر بمكر: لا مش هبعد براحتي مراتي وانا حر اقرب ابعد براحتي
هاجر: حد يشوفنا يااسر عيب كدا
اسر: ما يشوفوناا عادي هو انا شاقطك دا انتي مراتي
هاجر وهي تضربوا ع كتفو: اي شاقطك دي لم نفسك وحسن الفاظك
اسر وهو يقترب منها وحضنها وسرحوا هما الاتنين كانوا مغيبين واقترب اكثر وكان هيبوسها لكن فتح الاسانسير وفجاه هاجر ضربتوا روسيه وجريت بره الاسانسير وهو جري وراها لحد ما خرجت بره الاوتيل وكانت ع البحر فجاه لقت اسر شايلها
اسر : انتي عماله تضربي وتجري جيه الوقت عشان اخد حقي بقاا
هاجر  بخوف: هتعمل اي
اسر بمكر: هننزل البحر يا روحي
هاجر : لا لا انا مش لابسه مايوه مينفعش انزل وكمان مش بعرف اعوم
اسر : لا انا معنديش ست تلبس مايوه ثم اكمل بمكر و متقلقيش هعلمك العوم
مدهاش فرصه تكلم نزل المايه ع طول وهي مسكت فيه جامد وخايفه وهو كان مبسوط جدا انها حضناه
وكان بيحاول يخوفها كل شويه عشان تمسك فيه
هاجر : انا تعبت بقاا
اسر بمكر: ليه دا حتي المايه حلوه جدا
هاجر : خلاص خليك قاعد فيها انا هطلع
اسر : استني هنا تطلعي فين كدا
هاجر بغيظ: ماهو بسببك انت الي نزلتني غصب عني اتصرف بقاا
اسر : خليكي هنا وانا هطلع اجيب اي فستان
هاجر بخوف : هنا فين انا مش بعرف اعوم
اسر : ماهو اكيد مش هتطلعي ع الشط كدا
هاجر : وانا مالي انت الي دبستنا
لمح اسر محل هدوم من بعيد
اسر: طب استني هجبلك لبس من هناك لحد مااخد شاليه ع البحر ع طول عشان نبقي براحتنا
هاجر : ماشي
راح اسر اشتري فستان ليها ورجع لبستو فوق الهدوم وطلعوا ع طول من السلم الخلفي عشان محدش يشوفهم طلعت خدت شاور ولبست

وخرجت بره هو بردوا دخل خد شاور ولبس وخرج كانو الاتنين تعبانين
هاجر بتعب: اه مش قادره تعبت اوووي
اسر بتعب: وانا بردوا
ناموا الاتنين وصحيوا بليل
هاجر : انا جعانه
اسر : طب البسي عشان ننزل نتعشي
هاجر : اوك
دخلت هاجر لبست

ووحطت عليه شال صيفي خفيف وخرجت
هاجر : اتمني يكون عجب سيادتك
اسر باستفزاز: يعني مش بطال
هاجر بغيظ: طب يلا قال مش بطال قال
اسر :ههههههههههه يلا
نزلوا تحت المطعم وطلبوا الاكل
اسر بغضب: اي الي جاب الزفت دا هنا
هاجر باستغراب: زفت مين
اسر: بصي وراكي وانتي تعرفي
بصت هاجر وراها لمحت كريم  واقف مع امن الفندق وهو بردوا شافها وراحلهم
هاجر : جاي علينا ياريت تكلموا بذوق شويه
اسر بغيظ: لا والله مخدهوش بالحضن احسن
هاجر بضحك: هههههه لا مش لدرجادي
جيه كريم وسلم ع اسر وهاجر
كريم: انا كنت جاي اعتذر عن الي حصل يعني لو كنت اتسببت في اي مشكله ولا حاجه
هاجر بابتسامه: لا ابدا محصلش مشاكل ولا حاجه / اقعد يا كريم واقف ليه
اسر كان متغاظ جداا انها عزمتوا انو يقعد
كريم : لا مش هينفع معلش عندي شغل وقت تاني ان شاء الله
هاجر : اوك  هنشوفك تاني اكيد
كريم بابتسامه: ان شاء الله انا كدا كدا جاي اسكندريه
هاجر : بجد جاي بقاا فسحه ولا اقامه
كريم: لا اقامه ان شاء الله اصل انا طلبت نقلي لهناك واتوافق عليه
هاجر : دي حاجه حلوه جدا وياتري نفس الفريق ولا قسم تاني خالص
كريم : لا نفس الفريق
هاجر : الله دا خبر حلو جدا الف مبروك
كريم: الله يبارك فيكي عن اذنك بقاا عشان متاخرش
هاجر : اتفضل
مشي كريم
اسر بغضب: ما تقومي تبوسيه احسن
هاجر بغضب: اي قله الادب دي
اسر بغضب: انا الي قليل الادب ولا انتي الي عماله تضحكي وتتكلمي معاه ولا كأن فيه راجل جنبك
هاجر : بص عشان انا جعانه ممكن نكمل خناق بعد الاكل بليز
اسر بغضب: يا برودك يا شيخه
هاجر : بردوا بعد الاكل هرد ع كل دا لان انت بصراحه استنفذت طاقتي ع الاخر من كتر الخناق
خلصوا اكل
هاجر : ممكن نخرج بقاا شويه انا زهقانه
اسر : ماشي تعالي نروح نشتري لبس الاول وبعد كدا نخرج
هاجر : لا نخرج بعد كدا نجيب لبس لان هنتعب من المشاوير فا نخرج الاول احسن
اسر : لا مش هنتعب فيه مول جنب الفندق قريب وهو ومش هنتعب
هاجر: يووووه بقاا انا مش هفضل كل شويه انفذ رايك انا بردوا لياا رائ والمرادي هو الي هيتنفذ واوعي تهددني انك مش هتخرجني لاني اقدر اخرج لوحدي ماشي
اسر: ماشي يا هاجر المرادي بس /بس مش عشان خايف من تهديدك الاهبل دا عشان بس تعرفي اني مش بتحكم فيكي
هاجر : ماشي