رواية احببت عنادك... بقلمي/هاجر هشام الفصل التاسع وثلاثون 39 - بقلم Hagar Hešhàm

عند هاجر
اسر قام لبس وخارج
هاجر : انت رايح فين
اسر : نازل شويه زهقت من قعده البيت
هاجر: هتنزل ازاي مينفعش الناس تقول اي نازل تاني يوم جواز
اسر : يقولوا الي يقولوا ميهمنيش كلامهم اصلا
هاجر : طب انا زهقانه
اسر : اعملك اي يعني
هاجر : خلاص غور متعملش حاجه
اسر وهو بيقرب منها : بردوا لسانك دا هقطعه والله لمي نفسك
هاجر وهي تمثل الخوف: يا ماما تصدق خوفت
اسر شالها وسط صراخها وضربها فيه : انا بقاا هخليكي تخافي بجد
شالها اسر دخلها الاوضه ورماها ع السرير
هاجر بخوف : انت هتعمل اي
راح اسر جاب حبل وربطها في السرير وهي كانت عماله تضرب فيه وتصرخ
اسر بزعيق: اهمدي بقااا
ربطها وقام
اسر بتشفي: عشان تطولي لسانك كويس بقاا
هاجر بتمثيل العياط: انت هتسبني مربوطه وتنزل انا خايفه
اسر بسخريه: دا انتي تخوفي بلد مش تخافي والدموع المزيفه دي مش بتجيب نتيجه معايا
هاجر : طب عايزه اقولك ع حاجه قبل ما تنزل
اسر : اي
هاجر: قرب عشان محدش يسمع
اسر باستغراب: هو فيه حد غيرنا في الشقه يا هبله
هاجر : اه الحيطان ليها ودان
اسر وهو يقرب منها : اديني قربت اهو عايزه اي
قرب منها اسر والاتنين فضلوا باصين لبعض وسرحوا في عنين بعض لكن فجاه هاجر براسها ضربتوا روسيه
اسر بالم: اه يا بنت ال ثم اكمل بغضب تصدقي حلال فيكي الربط دا وهسيبك كدا
هاجر بتشفي: احسن
اسر بغضب : ماشي يا هاجر
خرج اسر بره وهي حاولت تفك نفسها بس معرفتش
بعد ساعتين رجع اسر ودخل الاوضه لقاا هاجر بتحاول تفك نفسها
اسر بضحك: ههههههههههه لسه بتحاولي لحد دلوقتي
هاجر بغضب : ما انت حابس كلبه في البيت تنزل انت وتخرج وتربطني انا في السرير واحد معندكش دم
اسر : بردوا محرمتيش
هاجر بغضب : اخلص فكني بقاا انا تعبت وجعانه
اسر : انا جبت اكل معاياا بدل ما يجيلي تلبك معوي من اكلك دا
هاجر بغضب: طب فكني بقاا
اسر : لا تاكلي الاول بعد كدا افكك
هاجر بغضب : وهاكل ازاي وانا مربوطه انت غبي
اسر : ماهو بالسانك دا هسيبك ولا هفكك ولا هتاكلي
هاجر : ما انت بتقول حاجه غريبه
اسر : انا قصدي انا هاكلك
هاجر : ليه وانا اتشليت ماتفكني وانا اكل
اسر : انا قولت الي عندي اختاري انتي يا انا اكلك وبعد كدا افكك يا هتقعدي كدا ولا هفكك ولا هتاكلي
هاجر بغيظ: ماشي
اسر : ماشي اي
هاجر بغيظ: اكلني
اسر بابتسامه: ايوا كدا
اكلها اسر وهو كان مبسوط وهي كمان كانت مبسوطه بقربه
خلصت اكل واسر فكها وخرج وهي دخلت خدت شاور وخرجت تلبس كانت بتدور ع لبس شافت قميص نوم اسود قصير ابتسمت بخبث وخدتوا لبستو كان حلو جدا وحطت ميك اب خفيف وحطت برفان وبعدها نامت ع السرير وعملت نفسها نايمه وهو دخل عشان يشوفها واتصدم من شكلها وبلع ريقه بصعوبه ودخل الحمام خد شاور بارد وغير ونام جنبها وهو بيتنفس بصعوبه
اسر بصوت واطي : يخربيت حلاوتك
هاجر سمعتوا ومسكت نفسها من الضحك وعملت نفسها نايمه وبتتقلب وحطت ايديها ع كتفو
اسر وهو يتنفس بصعوبه: لا والله ما ينفع كدا يخربيتك
شال ايديها وحاول ينام بس مش عارف وقام خرج بره الاوضه قبل ما يتهور وهي قعدت تضحك عليه وبعد كدا نامت وهو نام ع الكنبه بره
💖💖💖💖💖💖💖
في مكان بعيد
شخص١ بعصبيه: غبي الظابط لسه عايش ومحصلوش حاجه
شخص ٢ بخوف: يابيه انا عملت الي حضرتك امرت بيه لكن هو الي عمروا كدا
شخص١ بغضب: هو الي عمروا كدا ولا انت الي غبي طالما عرفت انو لسه عايش مقتلتوش ليه وهو في المستشفي مستني لما يخرج ويمارس حياته الطبيعيه وفي الاخر جاي تقولي عمروا كدا
شخص٢ بغضب: انا اسف والله يا باشاا مش هتكرر تاني اديني فرصه تاني وهتسمع خبروا قريب
شخص١بغضب: لا مينفعش دلوقتي هما اكيد مفتحين عنيهم اوووي لازم تختفي خالص شهر كدا لحد ما الموضوع يهدي
شخص٢: حاضر يا باشاا الي تؤمر بيه ساعدتك
💖💖💖💖💖💖💖💖
عند سيف
كانوا في المكتب ومتجمعين كلهم ونور بتحكي ل سيف كل الي حصل لما كان في الغيبوبه
نور: بس هو دا كل الي حصل
سيف: كدا فهمت كل حاجه احنا بقاا مهمتنا نعرف معلومات عن ياسين وطوني لحد ما يجي الفريق عشان نبقي جاهزين
باسم : تمام انا مهمتي اعرفلك كل حاجه عن ياسين
نور: وانا هعرفلك كل حاجه عن طوني
سيف: لا مروان هو الي هيجيب معلومات عن طوني وانتي عايزك تعرفيلي حاجات تانيه
نور : حاجات اي
سيف : هتعرفي بعدين وانتي يا ساره عايزك تعرفيلي معلومات عن الشركه دي ...........
ساره: تمام
نور : طيب وانا هعمل اي
سيف: يابنتي اهدي قولتلك هقولك بعدين في اي
نور : ماشي
💖💖💖💖💖💖💖💖💖💖
تاني يوم الصبح
صحيت هاجر بدري خدت شاور ولبست

و

خرجت بره الاوضه لقت اسر نايم ع الكنبه ابتسمت وخرجت بره الشقه ونزلت تجري شويه
بعد ساعه صحي اسر دخل الاوضه ملقهاش افتكر انها في المطبخ دخل خد شاور وخرج وبردوا مش موجوده دخل المطبخ ملقهاش خاف لتكون اتخطفت تاني فضل ينادي عليها في الشقه زي المجنون مش موجوده فجاه سمع صوت باب الشقه بيتفتح وهي داخله
اسر بغضب: انتي كنتي فين
هاجر باستغراب: كنت بجري شويه في اي
اسر بغضب: انتي قولتيلي قبل ما تخرجي
هاجر : وهو المفروض اخد الاذن وانا نازله
اسر بغضب: اه لازم تاخدي الاذن متسبنيش عمال ادور عليكي زي المجنون كدا
هاجر بغضب : وانا مش عيله صغيره عشان تدور عليها
اسر بغضب: انتي غبيه انتي ناسيه انك اتخطفتي قبل كدا مرتين
هاجر : ايوا والمفروض احبس نفسي ومنزلش واخاف يعني ولا اي
اسر بغضب: لا ازاي تنزلي وتتخطفي عادي والله اعلم يحصلك اي المرادي بس المهم متسمعيش الكلام تعندي وبس هو دا الصح مش كدا
هاجر بغضب: انا مقولتش كدا ع فكره انا قصدي اني مش عشان اتخطفت افضل قاعده في البيت وخايفه ثم انا مش باخد الاذن من حد وانا خارجه
اسر بغضب: انا مش حد يا هانم انا جوزك ولازم قبل ماتتطلعي بره الباب دا اكون عارف ولو خرجتي تاني بره من غير مااعرف يا هاجر انتي حره
هاجر بغضب: انا هخرج براحتي انت مش هتحبسني
اسر بغضب: طب وريني هتخرجي ازاي يا هاجر ولو وصلت اني احبسك هعملها
هاجر بغضب: لا طبعا مش هتحبسني انا مش عيله صغيره عشان تحبسني
اسر : يبقي تسمعي الكلام ومتخرجيش من غير ما اعرف
هاجر : ان شاء الله
دخلت هاجر خدت شاور ولبست

وخرجت بره
قعدت ع التلفزيون وهو كان قاعد ع اللاب قامت دخلت المطبخ عملت فشار وخرجت شغلت فيلم رعب
اسر : اي الي انتي مشغلاه دا
هاجر باستغراب: فيلم مالو في اي
اسر : انتي بتتفرجي ع النوع دا من الافلام
هاجر : اه انا بعشقوا جدا هو انت بتخاف منو ولا اي
اسر : انا هخاف من فيلم لا طبعا بس مستغرب ان فيه بنت بتشوف فيلم رعب
هاجر : ليه يعني فيها اي
اسر : اصل المفروض بنت رقيقه تتفرج ع افلام تركي
هاجر : هههههه لا مليش خلق انا لتركي دا حلقاتوا بتبقي كتير جدا مفيش احلي من فيلم رعب بيبدا وينتهي في نفس اليوم
اسر قفل اللاب وقعد جنبها ع الكنبه
اسر: طب هتضايقي لو اتفرجت معاكي ع الفيلم اصل انا بردوا بحب الرعب
هاجر : لا طبعا مش هضايق اتفرج عادي اعملك فشار
اسر : لا هاكل معاكي بدل ماتقومي كل شويه
هاجر : اوك
شغلوا الفيلم وكان منسجمين جدا مع الفيلم وبياكلوا فشار وفجاه جه لقطه رعب هاجر اتخضت ومسكت في اسر مره واحده وهو فرح انها قريبه منو
اسر بضحك: هههههه امال عامله فيها عبده موته ليه وانتي جبانه كدا
هاجر بتردد: مش جبانه بس اللقطه جت مره واحده اتخضيت
اسر بعدم تصديق: لا والله
هاجر : اه
كملوا الفيلم وكل ما تيجي لقطه رعب هاجر تمسك في اسر وهو مستمتع جدا بدا بعد ساعه خلص الفيلم
اسر: انا حبيت الرعب اكتر مانا بحبوا والله
هاجر باستغراب: اشمعنا
اسر : متاخديش في بالك / المهم حضري الشنط عشان مسافرين بكره
هاجر باستغراب: هنسافر ليه
اسر بسخريه: المفروض فيه حاجه اسمها شهر عسل
هاجر : ايوا بس احنا المفروض هننزل الشغل بعد اربع ايام
اسر: طيب وفيها اي لما نسافر ثلاث ايام شرم
هاجر : لا طالما شرم يبقي اشطاا حتي لو يوم
اسر : ههههههههههه امال لو جزر المالديف هتعملي اي
هاجر بمزاح: لا دا استقيل من الشغل خالص
اسر : ههههههههههه لدرجادي
هاجر : و اكتر من كدا كمان / يلا بقاا اسيبك عشان احضر شنطتي وانت حضر شنطتك
اسر: لا ماانتي هتحضري الشنطتين
هاجر : ليه كنت الخدامه الي جبوهالك حضر لنفسك هو انت اتشليت
اسر : بصي انا مش هقعد اتخانق كتير حضري شنطتي معاكي واخلصي
هاجر بعند: طب مش هحضر حاجه
اسر : طب انتي حره متحضريش حاجه وساعتها مش هنروح في حته
هاجر : انت بتلوي دراعي
اسر: اعتبريها زي ما تعتبريها
هاجر بغيظ: مااشي
دخلت هاجر خدت شاور ولبست قميص نوم قصير فوق الركبه لونوا بينك وراحت تحضر الشنط دخل هو في الوقت دا وشافها وفضل باصصلها وهي خدت بالها وكملت تحضير شنط وهو بلع ريقه بصعوبه وخرج بره الاوضه وقفل الباب وهي ابتسمت بانتصار
هاجر: هههههه احسن عشان تبقي تحرم تربطني تاني
(مش ساهلين احنا بردوا 😂😂😂)
خلصت تحضير شنط ونامت وهو دخل نام جنبها وخدها في حضنوا ونام ع طول
💖💖💖💖💖💖💖💖💖
في القسم عند لؤي ومؤمن
لؤي بتعب: اه انا تعبت اوووي من الشغل
مؤمن بتعب: دا اسر مدينا شغل يكفي سنتين قدام حرام عليه
لؤي: اه وهو هايص في العسل ابن الايه
مؤمن: يابني بطل قر الواد هيولع
لؤي: ههههههههههه ربنا يستر
💖💖💖💖💖💖💖💖💖💖
تاني يوم الصبح صحي اسر بدري قبل هاجر عشان متشوفهوش وهو حضنها وقام خد شاور ولبس وهي صحيت خدت شاور ولبست

اسر : انتي ملبستيش ليه احنا المفروض هنتحرك دلوقتي
هاجر : هو البعيد احول مانا لابسه اهو
اسر بغضب: بعيد عن لسانك الطويل دا انتي مش ماشيه مع سوسن عشان تنزلي كدا
هاجر : انا طول عمري لبسي كدا وبعدين ما لو لبسي
اسر بغضب: عريان يا هانم لبسك عريان وانتي مش هتنزلي كدا
هاجر : اوووف بقاا انا زهقت كل شويه عريان
اسر : انتي الي بتلبسي عريان اعملك اي / اتفضلي بقاا غيري دا
هاجر : اوووف حاضر
دخلت هاجر لبست شال صيفي خفيف
هاجر بتذمر: كويس كدا
اسر : اه
هاجر : طب الحمدلله نقدر دلوقتي نمشي بقا
اسر: اه يلا
نزلوا حطو الشنط في العربيه وركبت هاجر قدام واسر جنبها.واتحركوا بعد ست ساعات وصلوا هناك طلعوا الفندق
اسر بتعب: اه انا تعبت اوووي
هاجر : ليه دا هما ست ساعات طريق عادي
اسر: ما لو انتي الي سايقه مش هتقولي كدا
هاجر : قولتلك هات اسوق مكانك وانت الي مردتش
اسر: اه عشان الشال يطير مع الهواء والناس تقعد تتفرج عليكي
هاجر : ناس مين احنا كنا ماشيين في صحراء
اسر : مش فيه ناس بردوا في الطريق ماشيه بالعربيات زينا ولا دول مش معتبراهم ناس
هاجر : طب انا عايزه انزل
اسر: تنزلي فين احنا لسه واصلين دلوقتي نرتاح شويه وبليل نبقي ننزل
هاجر : لا انا عايزه انزل دلوقتي
اسر: انا مش بكرر كلمتي كتير قولت بليل يعني بليل
هاجر بخبث: ماشي
غير اسر هدومه ونام وهي دخلت خدت شاور ولبست

واتسحبت براحه وخرجت بره الاوضه ونزلت تتمشي ع البحر حطت الهاند فري وقعدت ع صخره وسرحت فاقت ع حد بيهزها من كتفها بصت وراها لقت
هاجر بفرحه: كريم مش معقوله
كريم بفرحه: هاجر عامله اي
هاجر : الحمدلله وانت عامل اي
💖💖💖💖💖💖💖
اسفه ان النهارده البارت صغير بس غصب عني وان شاء الله هعوضكوا بكره انا والله كنت هسيبوا لحد بكره واكملوا بس قولت عشان ميزعلوش انزلوا وبكره انزل بارت اكبر