عند جميله وصلت الاداره ودخلت المكتب وبعد شويه ادهم وصل وسلم ع جميله وجت سلمي بردوا
عدي وقت كبييييير واللواء استدعاهم وراحوا مكتب اللواء
سيف بابتسامه:حمدلله ع السلامه ي شباب
الكل : الله يسلمك ي فندم
سيف : دلوقتي القضيه الجديده دي مستعجله اووي دي حاله خطف طفله ومش اي طفله دي بنت وزير الداخليه وهما بيهددوه وللاسف حياتكوا المهنيه متوقفه ع القضيه دي
جميله : حصل امتي الخطف دا ي فندم
سيف : امبارح والداخليه مرشحاكوا انتوا بالذات
جميله : طيب احنا مش هنحتاج ملف ندرسوا احنا محتاجين نروح المكان الي اتخطفت منو ونعرف التفاصيل بالظبط وكمان عايزين نعرف مين الناس الي بيهددوه
سيف : فيه مساعد وزير الداخليه هو هيقدر يساعدك ويديكي كل المعلومات الي تحتاجوها
جميله : وحضرتك واثق فيه ي فندم اصل منصب زي منصب وزير الداخليه مستحيل نثق في اي حد
سيف : هو وزير الداخليه بنفسوا الي مرشحوا يساعدكوا
جميله: طب هو فين ي فندم
سيف : هو زمانوا ع وصول
جميله: ماشي ي فندم
في اللحظه دي وصل مساعد وزير الداخليه وقعد قصادهم ع الكرسي
جميله : استاذ عزيز مش كدا
عزيز : ايوا
جميله : تمام ممكن تقولنا هي اتخطفت ازاي
عزيز :وهي رايحه المدرسه دايما بيبقي معاها حراسه كتير لان انتي اكيد عارفه منصب وزير الداخليه مش سهل وليه اعداء كتير
جميله: ايوا انا عارفه كمل
عزيز: بس الي عرفتوا ان فيه عربيتين وقفوا قصادهم وقتلوهم وخطفوا البنت
جميله:واي التهديد الي جيه لسياده الوزير
عزيز: التهديد جيه من مافياا ايطالي بيهددوا الوزير لو مسلمش الميكروفيلم هيقتلوا البنت
جميله:ميكروفيلم اي
عزيز: الميكروفيلم دا فيه اسرار البلد وفيه معلومات خطيره جداا ولو وقعت في ايديهم البلد هتدمر
جميله: اممممممم طب مفيش اي خيط نقدر نوصل بيه ليهم او للبنت
عزيز: وانتوا لازمتكوا اي المفروض تعرفوا انتوا دا انا قولتلكوا ع المعلومات وانتوا اتصرفوا
جميله بغضب: احنا بنشوف شغلنا كويس اووي بس المعلومات الي اديتهالنا متساعدناش في اي حاجه وياريت تتكلم باحترام
عزيز بغضب: وانتي مين عشان تقوليلي اتكلم ازاي ومتكلمش ازاي انتي متعرفيش انا مين ،انا مساعد الوزير يعني ممكن في ثانيه اقعدك في بيتكوا
جميله بغضب: انا مبتهددش وانا بعد كدا تعاملي هيبقي مع الوزير مش معاك
عزيز بغضب: وانتي فاكره ان الوزير فاضي يقابل اي حد وخلاص
جميله بغضب: والله دي بنته الي اتخطفت يعني اكيد هيفضي لما يعرف اني اقدر اجيبلوا بنتوا
ادهم : خلاص اهدي ي جميله مينفعش كدا
سيف بحده: جميله احترمي نفسك
جميله بغضب: انا محترمه ي فندم بس هو الي بيغلط
عزيز بغضب: البنت دي لازم تتوقف عن العمل وانا هكلم الوزير هخليه يرفدك من الداخليه كلها
جميله ببرود: معاك رقموا ولا اديهولك
سيف بحده: جميله انتي زودتيها اوووي اتفضلي انتي موقوفه عن العمل ومتحوله لتحقيق
جميله بغضب: ي فندم انا مغلطش
قاطعها سيف بحده: اتفضلي
بصتلوا جميله بغضب ول عزيز وهو بصلها بتحدي وبرود وخرجت براا المكتب
سيف بجديه: ادهم وسلمي مع استاذ عزيز انتوا هتتولوا المهمه دي
ادهم : وجميله ي فندم
سيف بحده: انا قولت انت وسلمي مش عايز كلام تاني
ادهم : حاضر. ي فندم ، اتفضل معانا ي استاذ عزيز
خرج عزيز وادهم وسلمي وراحوا المكتب
💖💖💖💖💖💖💖💖
عند جميله خرجت من الاداره وهي متعصبه وركبت عربيتها واتحركت راحت الشركه ل جاسر وطلعت مكتبه وهو استغرب عصبيتها
جاسر باستغراب : مالك
جميله بضيق : اتوقفت عن العمل
جاسر بدهشه: ليه ،دا انتي النهارده المفروض اول يوم ليكي بعد الاجازه عملتي اي
جميله بضيق : معملتش حاجه هو الي واحد قليل الذوق ومتعجرف
جاسر باستغراب : هو مين دا
جميله بضيق : مساعد وزير الداخليه ،المفروض فيه قضيه النهارده خطف بنت وزير الداخليه وانا كنت بعرف معلومات من الزفت دا بس الاستاذ بيقولي دا المفروض شغلكوا وانتوا الي تعرفوا روحت اتعصبت وهزقتوا فا اتوقفت عن العمل
جاسر بدهشه: مساعد وزير الداخليه ي مفتريه يخربيتك دا اقل حاجه عملها فعلا انو وقفك عن العمل دا كان ممكن يحبسك
جميله بغضب: ليه هي سايبه انا مغلطش هو الي واحد قليل الذوق وانا حاسه ان وراه حاجه وعمل كدا عشان يبعدني عن القضيه
جاسر باستغراب : وهو هيعمل ليه كدا
جميله : ممكن يكون هو تبع المافياا دول وهو الي ساعدهم ع خطف البنت وعمل كدا عشان حس اني شكيت فيه لانو عارف اني عمري ما مسكت قضيه غير وانا مقفلاها وقابضه عليهم
جاسر : طب وانتي هتعملي اي دلوقتي انتي كدا اتوقفتي عن العمل
جميله بغموض : انا فيه حاجه في دماغي هنفذها ومش ههدي غير لما تحصل
جاسر باستغراب : حاجه اي
جميله : متاخدش في بالك المهم انت اتغديت
جاسر : انا مفطرتش اصلا
جميله باستغراب : وليه مفطرتش
جاسر بسخريه: مفيش اصل صحيت لقيت مراتي محضرالي الفطار بس مكنش لياا نفس
جميله ضحكت :ههههههههههه وليه مكنش ليك نفس
جاسر :انتي بتهزري ي زفته يعني انا اصحي النهارده ملاقكيش جنبي ولا حتي صحتيني
جميله:مانا قيلالك ان النهارده عندي شغل لان الاجازه خلصت
جاسر بغمزه:واهو اتوقفتي عن العمل والله انا ربنا بيحبني عشان عايزك جنبي ع طول انا من راي تعالي اشتغلي معايا
جميله:لا طبعا انا مش هسكت وهرجع لشغلي تاني
جاسر باستغراب : هترجعي ازاي وانتي بتقولي اتوقفتي عن العمل
جميله بتصميم: معرفش بس هرجع لشغلي مهما حصل مش هسيبوا بس انا هحتاج شويه حاجات هي كانت متوفرالي وانا ظابط لكن دلوقتي انا اتوقفت
جاسر بحنان: اي حاجه تحتاجيها قولي وهتلاقيها عندك وانا هفضل جنبك لحد ما ترجعي شغلك ومتاكد انك هتقدري تكشفي مساعد وزير الداخليه وتنقذي البنت
جميله بابتسامه: متاكده اني هقدر عشان انت جنبي
جاسر بحب : وهفضل طول عمري جنبك مش هسيبك ابدا
ابتسمت جميله وهو بادلها الابتسامه
جميله بمزاح: احم بما اني اتوقفت عن العمل ومبقاش لياا شغل تحب اساعدك
جاسر بابتسامه: احب طبعا بس خليكي ارتاحي الاول وروقي دمك وبعد كدا اعملي الي انتي عايزاه اطلبلك لمون
جميله : لا مش عايزه انا كويسه
جاسر : هو باباكي عرف انك اتوقفتي عن العمل
جميله: اكيد زمانوا عرف دلوقتي
في اللحظه دي رن هاتف جميله وكان باباها
جميله بضحك: شوفت اهو عرف
جاسر بضحك: ههههههههههه طب ردي
ردت جميله ع باباها ولسه اسر هيتكلم قاطعته جميله
جميله : قبل ما تقول حاجه انا مغلطش هو الي واحد قليل الذوق
اسر باستغراب : هو مين
جميله : الي حضرتك مكلمني عشانوا
اسر باستغراب: عشان اي انا مش فاهم حاجه انا بكلمك اطمن عليكي لاني عرفت الي حصل امبارح في الفيلا عندكوا
جميله : اه انا كويسه ي حبيبي محصلش حاجه
اسر باستغراب : امال انتي كنتي بتتكلمي عن اي ومين الي قليل الذوق
جميله : انا اتوقفت عن العمل النهارده
اسر بدهشه: اتوقفتي ليه
حكتلوا جميله الي حصل
اسر بغضب:هو انتي كدا دايما مش بتعرفي تتحكمي في اعصابك ابدا
جميله : ي بابا مش حكايه اتحكم في اعصابي انا اصلا شاكه فيه وحاسه ان وراه حاجه
اسر بغضب: وبسبب غضبك بوظتي كل حاجه كان ممكن تتعاملي عادي وتكشفيه لكن انتي دلوقتي خرجتي بره الموضوع
جميله: ومين قال لحضرتك اني خرجت انا هكمل وهدور ع البنت
اسر بغضب: وهتعمليها ازاي. وانتي موقوفه عن العمل يعني لو عملتي اي حاجه هتتحبسي
جميله: مش مهم المهم اني اكشف عزيز قدام الكل وانقذ البنت
اسر بغضب: جميله بلاش تهور انتي مش هتقدري تعملي حاجه لوحدك دول مافياا
جميله : متخافش علياا ي بابا انت عارفني تربيتك ي سياده اللواء
اسر : جاسر عرف
جميله وهي تنظر ل جاسر : ايوا عرف انا في المكتب معاه دلوقتي
اسر: طيب ايديهوني اكلموا
جميله : ماشي
اديتوا جميله الفون ورد ع اسر
اسر : جاسر خلي بالك من جميله دي طايشه ومتهوره وممكن تعمل مصيبه وتودي نفسها في داهيه
جاسر بابتسامه: متقلقش ي سياده اللواء جميله في عيني وانا معاها ومش هسيبها
اسر: ماشي ي جاسر وخلي بالك من نفسك انت كمان
جاسر بابتسامه: حاضر
اسر:اديني جميله بقاا
اداها جاسر الفون وردت ع باباها
اسر: جميله اي حاجه هتعمليها قوليلي عليها قبل ماتنفذيها عشان انا عارفك متهوره وممكن تودي نفسك في داهيه
جميله : متقلقش ي حبيبي انا اه ممكن اكون متهوره بس في الصح وانا مش هسكت غير لما اكشفه
اسر : بس خلي بالك بردوا دا مساعد وزير الداخليه يعني لو حس بأي حاجه هتتحبسي وساعتها مش هتقدري تكشفيه ولا حتي تنقذي البنت
جميله:حاضر ي بابا هاخد حذري من كل حاجه
اسر :وخلي ادهم وسلمي يساعدوكي
جميله: لا انا هشتغل لوحدي حضرتك قولت اخد بالي وانا لو قولت كدا سياده اللواء هيعرف
اسر : لا متقلقيش انا هكلم سيف وافهموا وهقولوا ميجبش سيره لحد
جميله: لا ي بابا بلاش لو حد عرف هو كدا هيتأذي خليني اشتغل لوحدي انا مش عايزه ااذي حد
اسر : ماشي ي جميله براحتك بس بردوا خلي بالك من نفسك انا بردوا مش عايزه تتاذي
جميله: حاضر ي بابا
قفلت جميله مع باباها بعد مااتطمن عليها واكد عليها تخلي بالها من نفسها
جميله : انا هبدا من دلوقتي لازم اعرف مين الي خطفوها الاول وافضل وراهم لحد مااوصلها
جاسر : طيب وانا هجبلك اتنين يساعدوكي طالما مش عايزه تأذي ادهم وسلمي
جميله: لا خليهم لو احتاجت هقولك
جاسر : طب اجي معاكي اساعدك انا
جميله: لا بردوا انت مش هتعرف حاجه في شغلنا
جاسر : عارف اني مش هعرف حاجه في شغلكوا بس ابقي معاكي احميكي
جميله : لا انا هعرف احمي نفسي متخافش علياا
جاسر : ماشي بس خليكي ع اتصال بياا دايما وطمنيني عليكي وانا بردوا هتصل اطمن عليكي
جميله بابتسامه: ماشي
ثم اكملت يتذكر : عرفت صح ان باباك وخلي مامتك في البيت عشان رنا بس
جاسر باستغراب : وانتي عرفتي منين انتي بتراقبيها
جميله: تفتكر ممكن اديها الامان بعد الي حصل
جاسر : بس انا قولتلك سيبيها ملناش دعوه
جميله: انا فعلا مليش دعوه بس انا حاطاها تحت عيني عشان لو فكرت تعمل حاجه
جاسر : وبتراقبيها ازاي
جميله باستغراب: يعني اي براقبها ازاي مش فاهمه
جاسر : يعني معلومه زي دي عرفتيها ازاي من جوه البيت
جميله : ايوا من جوه البيت لاني براقبها في كل مكان وانا متاكده انها مش هتخرج من البيت وهتخلي حد هو الي يعمل كل حاجه عشان كدا براقب فونها والخدامه الي هناك تبعي انا ولو خرجت من البيت فيه واحد بيراقبها
جاسر : ليه كل دا هي مجرم دي مرات ابوياا
جميله: هي عشان مرات ابوك عملت كدا
جاسر : جميله انا مش بحب كدا انا قولتلك معايا ومع عيلتي تنسي انك ظابط
جميله: انت ليه بتدافع عنها بعد ما اتاكد فعلا ان هي الي حاولت تقتلك
جاسر : انا مش بدافع عنها ولا حاجه بس مش بحب الطريقه دي ياريت تسحبي المراقبه
جميله : انت لما طلبت تخرجها انا وافقت عشان رنا زي ما قولت ليه بقاا عايزني اسحب المراقبه
جاسر : كدا ومتعمليش حاجه من دماغك تاني انتي ظابط في مهماتك وشغلك وبس لكن مع عيلتي ومعايا لا
جميله وهي تكتم غضبها: ماشي ي جاسر انا لحد اخر وقت عايزه احميك لكن انت الي مش عايز انت حر بس صدقني هتندم انك مخلتنيش اساعدك واحميك
جاسر : انا مش محتاج حمايه ي جميله انا اقدر احمي نفسي كويس
جميله وهي تقف : ماشي ي جاسر براحتك عن اذنك
خرجت جميله برا المكتب
جاسر بضيق جواه: انا عارف انك مضايقه عشان بعمل كدا لكن انا مش عايز ادخلك في مشاكلي ي جميله مش عايزها تقربلك او تأذيكي انا مستعد اخليها تقتلني بس متأذكيش
💖💖💖💖💖💖💖💖
عند جميله ركبت عربيتها
جميله بغضب وهي تضرب ع المقود: غبي كل مره بحاول احميه بيرفض ويبعدني ولو عملت من واراه بيزعل ويقولي انتي خبيتي عني طب اعمل اي اسيبها تقتلك ولا افضل مراقباها من وراك
راحت جميله مطعم طلبت اكل وخدتوا ورجعت الشركه تاني ودخلت مكتبه كان هو واقف عند الشباك ومديها ضهره وحاطط ايده في جيب البنطلون وسرحان حطت جميله الاكل ع المكتب وراحت ناحيته وحضنتوا من الخلف وهو فاق من سرحانه وابتسم لما لقاها حضناه
جميله بابتسامه: سرحان في اي
جاسر بابتسامه حب : سرحان فيكي انتي ي حبيبتي
جميله بابتسامه: سرحان فياا ازاي وانا لسه سيباك مكملتش نص ساعه
جاسر بابتسامه حب وهو يلفلها وضمها لحضنه : انتي بتوحشيني كل ثانيه ،بتوحشيني حتي وانتي في حضني
جميله بابتسامه: طب يلا عشان تتغداء بقاا ،اهو بصلح غلطتي عشان محضرتلكش الفطار
جاسر بابتسامه: ومين قالك اني زعلان عشان محضرتيش الفطار بالعكس انا فرحان عشان دا جابك هنا تاني عشان اشوفك
جميله بابتسامه: طب يلا ي عم الرومانسي
جاسر بضحك وهو يغمزها : هههههه بتتريقي ماشي ع العموم هتشوفي الرومانسي دا هيعمل اي النهارده ي حبيبتي
جميله ضربتوا ع صدره بخفه : لم نفسك ويلا عشان تاكل
جاسر بضحك: هههههه ماشي
طلعت جميله الاكل وقعدوا يتغدوا ،بعد وقت خلصوا اكل ودخل جاسر الحمام الي في المكتب غسل ايدو وخرج وجميله بردوا
جاسر : انا مسافر بكره الصعيد
جميله باستغراب : اشمعنا
جاسر : هو لازم يكون فيه سبب عشان ازور بلدي واهلي
جميله: لا مش قصدي بس انا كنت لسه معاك ومقولتليش انك هتسافر انت القرار جالك فجاه كدا
جاسر : لا مش فجاه انا كان المفروض اسافر من اول ما رجعت من شهر العسل بس بسبب الي حصل مكنتش عايز اسافر لكن دلوقتي هسافر اقعد خمس ايام وهرجع وانتي هتيجي معاياا
جميله: وانت قررت من نفسك اني اجي معاك ،لا انا مش جايه انا عندي مهمه ضروري ومش هقدر اجلها
جاسر : ماشي وانا هقعد خمس ايام وهاجي ع طول
جميله: هو ضروري تسافر يعني
جاسر : ايوا ضروري لازم اكون مع رنا عشان جالها عريس وبسبب الي عرفتوا عن مامتها وهي مضايقه
جميله: ماشي وعبدالرحمن هيسافر بردوا
جاسر : لا عبدالرحمن هيفضل عشان الشركه
جميله: تمام
جاسر : ماشي ومن هنا لحد بكره فكري يمكن تغيري رائيك وتيجي معايا ،انا مش هقدر اسيبك لوحدك خصوصا بعد الي حصل
جميله : بالعكس هتقدر انت قررت من نفسك واتفقت هتسافر امتي وجاي تقولي تعالي معاياا يعني بتحطني قدام الامر الواقع وانا مش هسلم بيه انا عندي مهمه و مينفعش اسافر
جاسر بضيق: جميله بلاش تحمليني فوق طاقتي انا غصب عني اني اسافر واسيبك لكن لازم اسافر رنا محتجاني هي دلوقتي حاسه انها لوحدها بعد الي مامتها عملتوا وكمان بابا مشغول في العمديه ومشاكل الفلاحين والبلد فا لازم اكون جنبها
جميله بتنهيده: ماشي ي جاسر سافر انا معترضتش ولا اتكلمت بس انا مش هقدر اسافر معاك
جاسر : طيب انا كدا هبقي قلقان عليكي مش هقدر اسيبك في الفيلا لوحدك
جميله: لا عادي سافر انت ومتقلقش انا كنت قاعده لوحدي عادي يعني مفيش حاجه وبعدين انا ظابط
جاسر : طب اسمعي كلامي المرادي وخليني احط حراسه عند الفيلا عشان اسافر وانا مطمن
جميله : لا كفايه حراسه انا اقدر احمي نفسي مش محتاجه حد يحميني
جاسر بنفاذ صبر : انتي تعبتيني بجد دماغك ناشفه اووي
جميله بابتسامه خفيفه: سافر ي جاسر واطمن انا هبقاا كويسه انا مش هقعد في الفيلا كتير اصلا هو لما اروح بليل بس يعني متخافش
جاسر بتنهيده: ماشي ي جميله براحتك بس اوعديني تخلي بالك من نفسك
جميله : حاضر اوعدك
جاسر : ماشي
جميله: طيب انا همشي بقاا
جاسر : ماشي
خرجت جميله من المكتب ركبت عربيتها واتحركت راحت المكان الي اتخطفت فيه البنت وهي بتسال وبتدور ع اي طرف خيط تمشي وراه تعرف بيه مكانها او مين الي خطفها لكن للاسف معرفتش وراحت الاداره لكن مطلعتش مستنيه عزيز ينزل واول مانزل مشيت وراه وفضلت وراه من اول ما خرج من الاداره وراح الوزاره وجميله مستنياه تحت لحد ما خلص اليوم ونزل مشيت وراه جميله وروح بيته بعد كدا مشيت جميله وهو كان عارف انها ماشيه وراه و اول ما مشيت رجع ركب عربيته واتحرك لمكان مجهول
💖💖💖💖💖💖💖💖💖💖
عند جميله رجعت الفيلا طلعت اوضتها خدت شاور ولبست
ونزلت كانت شوق عملتلها نسكافيه
جميله بابتسامه: شكرا انا فعلا كنت محتاجه النسكافيه دا جدا
شوق بابتسامه: حاسه بيكي عشان كدا قولت اعملك نسكافيه
جميله بابتسامه: طيب انا هدخل احضر العشاء قبل ماجاسر يجي
شوق بابتسامه: وانا الحق امشي عشان اتاخرت اووي
جميله : طب اتعشي معانا وبعد كدا امشي
شوق : لا بالهنا والشفا انتوا انا يدوب الحق اروح عشان عيالي
جميله بابتسامه: ماشي وخلي البواب يوصلك
شوق بابتسامه: حاضر
خرجت شوق برا الفيلا وشربت جميله النسكافيه ودخلت حضرت العشاء وحطتوا ع تربيزه فوق في الاوضه وعملت جو رومانسي شموع وورد عشان تخفف عنو شويه وتخرجه من المود الي هو فيه ،هي حاسه بيه وحاسه بضيقه وخنقته وانو غصب عنو يسيبها لوحدها ورنا فعلا محتجاه اكتر منها وكمان رنا طيبه وغلبانه مش زي جميله قويه وتقدر تعتمد ع نفسها رنا عشان مخرجتش ولا اتعاملت مع حد شخصيتها بقت ضعيفه وبتخاف طلعت جميله لبست قميص نوم احمر قصير ولبست روب طويل عليه وحطت ميك اب خفيف ساعتها وصل جاسر ودخل الفيلا لقاها هاديه طلع اوضته ودخل واتفاجئ بشكل الاوضه وشافها وهي جايه ناحيته وابتسم بحنان وحب
جاسر بابتسامه: كل دا عشاني
جميله بابتسامه: ايوا حبيت نحتفل مع بعض قبل ما تسافر ،انا حاسه بيك ي جاسر و عارفه انك مضغوط و عارفه انك مش عايزني اراقب مامتك عشان متأذنيش انا بس زي ماانت خايف علياا انا بردوا خايفه عليك و عارفه انها مش هتسكت وهتحاول تأذيك
جاسر وهو يضمها لحضنه بحنان : انتي قولتي عايزه نحتفل مع بعض يبقي خلينا ننسي كل حاجه واي موضوع ونبقي مع بعض وبس مش عايزك تفكري في اي حاجه غير اني جوزك وانتي مراتي وبس
جميله برقه: ماشي تعالي بقاا نتعشاء
جاسر بخبث : بقولك مش عايزك تفكري غير اني جوزك وانتي مراتي تقومي تقوليلي عشاء ،انتي عشااايه وكل حاجه لياا انا مجرد اني اشوفك بشبع
جميله بابتسامه: طب اديك شوفتني اهو
جاسر بخبث وهو يقترب من شفايفها : بس لسه مشبعتش
قاطع كلامها جاسر ببوسه رقيقه وشغف ونسي كل حاجه معاها وداب معاها في حب وعشق بينهم فك الروب ووقع ع الارض وشالها جاسر وهو لسه قريب وراح ناحيه السرير وهو بيضمها لحضنه بحنان وحب وقرب منها ب حب وغرام وحنين وهي دابت معاه مع كل لمسه وهمسه منو
بعد وقت كبيييير
ضمها جاسر اكتر وهو بيهمس : اوعديني تخلي بالك من نفسك لما اسافر
قربت جميله من اذنه وبهمس: انا وعدتك فعلا
جاسر بهمس: وعدتيني فعلا بس لسه خايف عليكي حاسس بحاجه بس مش عارف اي هي ،مش عارف ليه حاسس اني بودعك مش بحتفل
جميله برقه وحنان وهي تهمس: متخافش عليا ي حبيبي هخلي بالي من نفسي كويس اووي وانت بردوا اوعدني تخلي بالك من نفسك انت الي رايح للخطر بايديك وانا مش قادره اساعدك بسبب عندك دا
جاسر بحنان وهو يملس ع شعرها: دا مش عند انتي قولتي انك حاسه بياا و عارفه انا ليه عملت كدا انا مش عايز ادخلك في مشاكلي مش عايزك تتأذي بسببي مش عايز اتحرم منك
جميله برقه وحنان: بس انا مراتك يعني مشاكلك هي مشاكلي احنا الاتنين واحد ي جاسر مفيش حاجه اسمها مش عايز زي ما انت واقف جنبي لازم انا اقف جنبك واساعدك
جاسر بحنان : اقفي جنبي في اي حاجه بس بلاش الموضوع دا
جميله : بس هو مفيش غير الموضوع دا احنا قدرنا نتخطي كل المشاكل الي حصلت في حياتنا من اول سهيله لحد مياده الا الموضوع دا ليه مش عايزني ادخل
جاسر : عشان دي مرات ابوياا يعني لو كانت اتحبست كان ابويا هيتأذي كان اهل البلد هيثوروا عليه وهيرفضوا انو يفضل في العمديه و دا هيعمل سمعه ل رنا
جميله بصتلوا باستغراب: معقوله بتهتم بكلام الناس ي جاسر
جاسر بصلها: مش حكايه اهتم بكلام الناس بس هي دي الحقيقه الي منقدرش نخبيها دا كان هيعمل سمعه لابويا ان مراتو حاولت تقتل ابنو
جميله برقه : طب انت مش قولت مش عايز نتكلم في الموضوع دا
جاسر بابتسامه حنان: عندك حق
💖💖💖💖💖💖💖💖💖💖💖
عند ادهم وسلمي كانوا في الاداره وقاعدين ع المكتب قصاد بعض وقدامهم الملف
سلمي : احنا كدا عرفنا مين المافيا الايطالي
ادهم بشك: لا معرفناش لسه احنا المعلومه واخدينها من مساعد الوزير ولسه متأكدناش منها
سلمي باستغراب: انت شاكك في حاجه
ادهم بعدم راحه: ايوا شاكك فيه كلاموا مش مريحني وحسيت جميله بردوا شكت فيه
سلمي : طيب وهنعمل اي
ادهم : هندور بنفسنا لازم نعرف كل معلومه واحنا متاكدين منها
سلمي : طيب وجميله
ادهم : للاسف مش هنقدر نعمل حاجه هي كدا اتوقفت رسمي دا مساعد وزير الداخليه
سلمي: طيب احنا كدا عايزين نتحرك في اسرع وقت عشان كل ما بنتاخر كل ما هيبقي فيه خطر ع البنت
ادهم : اكيد وبكره هنروح بيت سياده الوزير
سلمي: انا عندي فكره
ادهم باستغراب : فكره اي
سلمي: مش المافيا عايزين الميكروفيلم
ادهم : ايوا
سلمي : طيب احنا نخلي سياده الوزير يوافق انه يديهم الميكروفيلم لحد ما نقدر نوصل للبنت وساعتها نبقي انقذنا البنت وكمان حمينا الميكروفيلم
ادهم : تفتكري بالسهوله دي دول مافياا مش سهل انك تضحكي عليهم بالطريقه دي
سلمي : طب هنعمل اي
ادهم : احنا لازم نراقب مساعد الوزير دا انا شاكك فيه وكمان نشتغل في القضيه عشان مياخدش بالو اننا مركزين معاه
سلمي : تمام
في اللحظه دي وصل عبدالرحمن وشاف سلمي وادهم لوحدهم في المكتب حس بالغيره واتعصب
ادهم قام وقف وهو بيسلم عليه : ازيك ي عبدالرحمن
عبدالرحمن بغيره وهو بيسلم عليه : الحمدلله
استغرب ادهم عصبيته لكن معلقش
عبدالرحمن ل سلمي : يلا بينا
سلمي باستغراب : يلا
خرج عبدالرحمن وسلمي وراه ونزل ركب العربيه وهو بيسوق ومتعصب وسلمي مستغربه عصبيته وهو ساكت طول الطريق لحد ما وصلوا الفيلا ودخلوا ساعتها انفجر عبدالرحمن وخرج من سكوته بغضب وعصبيه
عبدالرحمن بغضب: انتي ازاي تقعدي انتي وادهم في المكتب لوحدكوا
سلمي باستغراب : يعني اي ازاي اقعد في المكتب لوحدنا مش فاهمه هو انا بلعب انا بشتغل انا وهو
عبدالرحمن بغضب: وفين جميله
سلمي استغربت عصبيته : اتوقفت عن العمل
عبدالرحمن بغضب: ومش فاتحه باب المكتب ليه ،ليه قافلين باب المكتب وانتوا قاعدين لوحدكوا الا لو كان فيه حاجه
اتصدمت سلمي من اتهامه ليها بالشكل دا وكانت اول مره تشوف الجانب دا من عبدالرحمن
سلمي يغضب: انت قصدك اي
عبدالرحمن بغضب: انتي فاهمه قصدي كويس
سلمي بغضب: لا مش فاهمه قصدك لان لو قصدك الي في دماغي يبقي انت اتجننت ي عبدالرحمن انا مش هسمحلك ابدا انك تتهمني بالشكل دا ولا انك تطعن في شرفي
عبدالرحمن بغضب: لا شكلك انتي الي اتجننتي انتي ازاي تكلميني بالطريقه دي انتي ناسيه اني جوزك يعين تحترميني وتتكلمي بصوت واطي
سلمي بغضب: لا مش ناسيه انك جوزي بس اظاهر انك نسيت انا مين انا سلمي ي عبدالرحمن مش واحده من الشارع عشان تتهمني بالشكل دا ،انا محترمه ومستحيل اقبل ان حد يتهمني في شرفي
عبدالرحمن بغضب: امال تفسري بأيه اني ادخل وانتوا الاتنين قاعدين في المكتب لوحدكوا والباب مقفول
سلمي بغضب : تفسرو بان دا شغل انا ظابط ودا شغلي وانت مدخلتش لقتني في حضنه عشان تتهمني كدا
قالت جملتها وحاولت تطلع لكن مسكها عبدالرحمن بغضب
عبدالرحمن بغضب : انا مخلصتش كلامي عشان تسيبيني وتمشي
سلمي بغضب : مفيش كلام تاني يتقال انا رايحه ل بابا وورقتي توصلي انا مستحيل اعيش مع واحد شكاك زيك
عبدالرحمن بصلها باستهزاء : انا متاكد انك مش هتروحي لباباكي هتخافي تقوليلوا لانك وقفتي قصادوا عشان تتجوزيني
سلمي بصتلوا بصدمه وهي مش قادره تصظق ان دا عبدالرحمن الي هي حبتوا ووقفت قصاد باباها عشانوا : انت بتعايرني عشان وقفت قصاد بابا عشانك
عبدالرحمن باستهزاء: انا مقولتلكيش تقفي قصاد حد عشاني انتي الي حبيتيني وانتي الي وقفتي قصادوا مش انا
سلمي بصدمه وغضب : انا ازاي كنت مخدوعه فيك بالشكل دا لدرجه دي طلعت زباله وحيوان استغليت حبي ليك وبتعايرني اني وقفت قصاد بابا عشانك
ضربها عبدالرحمن بالقلم وفضل يضربها بغضب وقسوه وغيره وبعد كدا سابها وطلع الاوضه وهي كانت بتعيط وهي مصدومه مش قادره تصدق ان دا عبدالرحمن الي هي حبتوا
قامت وقفت واتحاملت ع وجعها والمها وخرجت بره الفيلا وركبت العربيه بسرعه وساقت وهي بتحاول تتحامل ع وجعها وكانت هتعمل اكثر من حادثه لحد مااقدرت اخيراا توصل بيتها وطلعت خبطت و اول ما اتفتح الباب مقدرتش تتحمل اكتر من كدا واغمي عليها لحقها سيف قبل ما تقع بقلق وهو مصدوم من شكلها وشالها ونزل بسرعه ركب عربيته وساق باقصي سرعه للمستشفي ونورهان لبست هومها بسرعه ونزلت ركبت عربيتها هي كمان وطلعت وراه
وصل سيف المستشفي ودخل وهو شايل سلمي وخدوها منو ودخلوا الطوارئ
وسيف بره واقف وهو قلقان ومتعصب وهو يتوعد للي عمل كدا في بنته وطفلته وجت نورهان بسرعه وهي بتجري ناحيته وهي بتعيط
نورهان بدموع: هي فين بنتي فين
سيف بضيق وهو يحاول التماسك امامها : في الطوارئ
نورهان بدموع وغضب : مين الي عمل فيها كدا
سيف بضيق وغضب : معرفش بس اقسم بالله ما هسيبه لما اعرفه
بعد وقت خرج الدكتور وراح سيف ناحيته بسرعه
سيف بسرعه: طمني ي دكتور
الدكتور : للاسف مضروبه بعنف وانا مضطر ابلغ
سيف بسرعه وهو يكتم غضبه: هي عامله اي اهم حاجه
الدكتور : احنا قدرنا نلم الجروح بس للاسف هي حالتها النفسيه مش كويسه انا اديتها حقنه مهدأ وهي نايمه دلوقتي مش هتفوق غير ع بكره
نورهان بقلق : طيب احنا نقدر ندخلها
الدكتور : ايوا تقدروا بس ياريت محدش يتكلم معاها في اي حاجه
سيف بسرعه: حاضر ي دكتور
دخل سيف ونورهان غرفه سلمي وشافوها وكان وشها مليان جروح وايديها زرقاء شافها سيف وكتم غضبه
سيف وهو يكتم غضبه: عبدالرحمن فين مش معاها ليه
نورهان بدموع: يمكن ميعرفش
سيف بغضب:او يمكن يكون هو الي عمل كدا
نورهان بذهول : لا طبعا مستحيل يعمل كدا دا بيحبها
سيف بغضب: امال مين الي عمل فيها كدا
نورهان بدموع: وطي صوتك ي سيف الدكتور قال بلاش ازعاج ليها
سيف بغضب وهو يوطي صوته : ماشي بس اقسم بالله لو طلع هو ما هسيبه
💖💖💖💖💖💖💖💖💖
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!