رواية احببت عنادك... بقلمي/هاجر هشام الفصل الثاني وتسعون 92 - بقلم Hagar Hešhàm

عند ادهم بعد ما مشيت سلمي نزل هو كمان ركب عربيته وراح الفيلا وهو مستغرب عبدالرحمن وعصبيته وصل الفيلا ولقا اسيل نايمه ع الكنبه ابتسم بحنان وراح ناحيتها وشالها وطلع الاوضه نيمها ع السرير بهدوء ورقه ودخل خد شاور ولبس

وخرج نام جنبها وخدها في حضنه وهي اتمسكت بيه ونامت براحه في حضنه
💖💖💖💖💖💖💖💖💖💖
تاني يوم الصبح صحيت جميله ملقتش جاسر جنبها قامت نزلت وهي فاكره انها هتلاقيه في اوضه الجيم لكن ملقتهوش دورت عليه في الفيلا كلها مش موجود وسالت شوق
شوق باستغراب:معرفش والله ي هانم انا لسه جايه
جميله:طيب شكرا ي شوق
شوق:العفوا ي هانم
،طلعت اوضتها تاني واتصلت بيه
جميله باستغراب : انت فين ي جاسر
جاسر وهو ماسك الفون وبيسوق : انا في الطريق
جميله باستغراب : انت سافرت
جاسر :اه ي حبيبتي سافرت
جميله : طب ومصحتنيش ليه
جاسر بحنان: انا لقيتك شكلك مرهق وتعبان مردتش اصحيكي وقولت اسيبك تنامي براحتك
جميله : كنت صحتني بردوا ي جاسر ع الاقل كنت حضرتلك فطار بدل ما تسوق وانت مش واكل وكمان الطريق طويل
جاسر بحنان:متزعليش مني ي حبيبتي ولو ع الفطار هبقي افطر اي حاجه ما فيه استراحه كتير هتقابلني
جميله بقله حيله:ماشي ي جاسر ،المهم خلي بالك من نفسك
جاسر بابتسامه :حاضر ي حبيبتي وانتي بردوا خلي بالك من نفسك وطمنيني عليكي دايما
جميله ابتسمت:حاضر ،لا اله الا الله
جاسر بحنان:محمد رسول الله
قفلت جميله ودخلت خدت شاور ولبست

ونزلت كانت شوق عملتلها النسكافيه شربتوا جميله ودخلت المطبخ حضرت الفطار وجهزتوا
شوق باستغراب : لمين الفطار دا ي هانم
جميله استغربت سؤالها : وانتي بتسالي ليه
شوق : عادي ي هانم بسال اصل حضرتك بتفطري نسكافيه بس واستاذ جاسر مش موجود عشان يفطر وانا فطرت
جميله بجديه: ياريت متدخليش في الي ملكيش فيه وتشوفي شغلك وبس
شوق بأسف: انا اسفه ي هانم مقصدش
خرجت جميله ركبت عربيتها وهي معاها الفطار واتحركت للمصحه الي فيها صلاح بعد وقت وصلت ودخلت اوضه صلاح
جميله بابتسامه: عارفه انك زعلان عشان اتاخرنا عليك اووي بس انت عرفت ان انا وجاسر اتجوزنا وشهر العسل و كدا دا الي خلانا انشغلنا عنك

صلاح بابتسامه: انا مش زعلان انتوا اه مش بتيجوا بس كنتوا بتسالو وتهتموا بياا وتبعتولي كل حاجه محتاجها

جميله استغربت هي مبعتتش حاجه ولا سالت

جميله باستغراب : مين الي بيبعتولك ويسالوا عليك

صلاح باستغراب : انتوا ،كان فيه واحد بيجي هنا يطمن علياا وقال انو من طرفكوا

جميله ابتسمت جواها:معقوله ي جاسر حتي وانت مشغول ووراك مليون حاجه منشغلتش عن صاحبك

جميله بابتسامه:طب يلا عشان تفطر
قربت من السرير وطلعت الفطار وفطروا الاتنين مع بعض وبعد وقت خلصوا فطار وقعدوا يتكلموا
💖💖💖💖💖💖💖💖💖💖
عند سلمي فاقت لقت نفسها في المستشفي وشافت باباها ومامتها كانوا قاعدين ع الكرسي و اول ما شافوها فاقت قاموا ناحيتها بسرعه ولهفه
نورهان بلهفه: سلمي ي حبيبتي انتي كويسه

انفجرت سلمي من العياط اول ما افتكرت الي حصل وهي مش قادره تصدق ان عبدالرحمن يعمل كدا معقوله اتخدعت فيه ،معقوله طلع كل دا وهم ومكنش بيحبني

حضنها سيف بحنان وهو مش قادر يشوف دموعها الي بتقتله مع كل دمعه بتنزل بتوجعه هو وحس ان عبدالرحمن ليه يد في الموضوع

سيف بحنان وهو بيحاول يتماسك : اهدي ي حبيبتي انا جنبك

اتمسكت سلمي في حضنه اوووي وزاد عياطها اكتر واكتر

سكت سيف وسابها تطلع كل الي جواها بس هي متكلمتش دموعها هي الي بتتكلم كانت بتنزل بغزاره وهي مش قادره توقفها مش قادره تقول ان عبدالرحمن هو الي عمل كدا مش قادره تقولوا ان الي عمل كدا هو نفسوا الي انا وقفت قصادك بسببوا هي عارفه ان باباها مش هيسكت

نورهان بردوا كانت جنبها وهي مش قادره تشوف بنتها منهاره بالشكل دا بس بتحاول تتماسك قصادها لكن مهما كانت الام شخصيتها قويه عمرها ما هتقدر تشوف ولادها منهارين بالشكل دا

هديت سلمي شويه وهي في حضن باباها كان هو الامان بالنسبالها مهما البنت حبت وحست بالامان مع حبيبها بس بردوا حضن الاب ليه معني تاني

سيف كان عايز يتاكد من شكوكه لكن هو عارف انها مستحيل تقول

سيف وهو يراقب تعابير وشها: انا كلمت عبدالرحمن وهو جاي دلوقتي يطمن عليكي

اتنفضت سلمي بمجرد سماع اسموا وفضلت تصرخ بخوف وهي خايفه يجي يضربها تاني

هنا اتاكد سيف ان عبدالرحمن هو الي عمل كدا

سلمي بصراااخ وخوف وهي ماسكه في باباها: لااا ميجيش مش عايزااه يجي ،انا كويسه

دخل الدكتور والممرضين ع صراخ سلمي ومسكوها وهي بتحاول تقاوم
اداها الدكتور حقنه مهدأ فضلت تعافر شويه لحد ما هديت ونامت ونورهان انهارت ع بنتها واتمسكت في سيف وهي بتعيط وسيف اتاكد ان عبدالرحمن هو الي عمل كدا واتوعد ليه
الدكتور بغضب: انا قولت محدش يتكلم معاها او يزعجها

نورهان بدموع وخوف : هي مالها ي دكتور

الدكتور وهو يتنفس بغضب : للاسف حاله انهيار عصبي
اتصدمت نورهان وسيف بصلوا جامد وهو مش قادر يصدق
خرج الدكتور بعد ما قال كلمته
نورهان بغضب ودموع: انت اي الي خلاك تجيب سيرته ولا تتكلم.اصلا ...

سيف وهو ينظر ل سلمي : نورهان خليكي جنب سلمي وانا هعمل مشوار مش هتاخر

نورهان بغضب وسط دموعها: مشوار اي وبنتك في الحاله دي

سيف بغضب جامح : انا المشوار دا عشان الي عمل كدا في بنتي ورحمه ابوياا ما هرحمه وهخليه يبكي بدل الدموع دم ع كل دمعه نزلت منها وكل لحظه خوف عايشاها دلوقتي وشوفتها في عينيها مجرد ما جيبت سيرته

خرج سيف بره الاوضه وهو زي الثور الهايج نزل ركب عربيته وساق بسرعه جنونيه
لحد ما وصل الفيلا
💖💖💖💖💖💖💖💖💖
عند عبدالرحمن كان بيدور عليها وهو قلقان وخايف مش عارف ازاي عمل كدا فيها راح بيت سيف وفضل يخبط لكن ملقاش حد خرج ورجع فيلته لقاا سيف قدام الفيلا وبيرن الجرس بعصبيه شديده
عرف عبدالرحمن ان سلمي قالتلوا وندم انو ضربها هو لحد دلوقتي مش قادر يصدق ازاي قدر يمد ايدو عليها
شافوا سيف وراح ناحيته وضربه بالبوكس ،وفضل يضرب فيه كل ما يفتكر سلمي وخوفها ضربه فيه يزيد وعبدالرحمن مكنش بيدافع عن نفسوا
لانو غلطان وهو مش قادر يرفع عينو في عين سيف

عبدالرحمن وهو بينزف من بوقه والم من كتر الضرب : انا عارف اني غلطان وحضرتك من حقك تعمل اكتر من كدا بس والله العظيم انا ندمان ع الي عملتوا انا من امبارح منمتش وبدور عليها

سيف بغضب وضربه بالبوكس: وانت فاكر بعد الي عملتوا دا انها هترجعلك بسهوله ولا هترجعلك اصلا

عبدالرحمن بالم وندم: ارجوك انا مستعد استحمل اي حاجه في الدنيا الا انك تبعدها عني

سيف بغضب جامح: انت هتطلقها وبعد كدا انا ليا تصرف تاني معاك ،هندمك ع كل دمعه نزلت منها

سكت عبدالرحمن وهو حاسس بالندم فعلا ومش قادر يستوعب انها ممكن تبعد عنو وتسيبوا

عبدالرحمن بندم: انا موافق ع كل الي حضرتك هتعملوا بس خليني اشوفها واطمن عليها

سيف بغضب : مش هتشوفها ابدا ولا حتي من بعيد وهتعمل كل الي انا عايزو و دلوقتي انت مقبوض عليك

عبدالرحمن بحزن: انا موافق تقبض عليا بس وحيات اغلي حاجه عندك خليني اطمن عليها

سيف بغضب: اغلي حاجه عندي هي سلمي الي انت ضربتها و عشان كدا وحياه اغلي حاجه عندي مش هتشوفها

حط سيف الكلبشات في ايد عبدالرحمن وعبدالرحمن مستسلم ليه وركب معاه العربيه وراحوا القسم واتحبس عبدالرحمن
عدي وقت ورجع سيف المستشفي كانت سلمي فاقت وباصه في الفراغ قدامها وساكته مش بتتكلم ونورهان بتحاول تتكلم معاها لكن هي مش بترد راح سيف ناحيتها
سيف بحنان وهو يربت ع ضهرها : حبيبتي انا بابا اتكلمي معايا قولي اي حاجه بلاش تسكتي كدا متقلقنيش عليكي

سلمي بصت لباباها بندم عايزه تقوله انا اسفه اني وقفت قصادك عشانوا اسفه

سيف عرف من نظرتها هي عايزه تقول اي بس هو مكنش عايز يجيب سيرته عشان متنهارش تاني وفضل جنبها وهو ضممها بحنان وهي ارتاحت في حضنه وساكته

دخل الدكتور ساعتها وفحص سلمي وحاول يتكلم معاها لكن مكنتش بترد

سيف باستغراب : هي مبتردش ليه ي دكتور

الدكتور : دا طبيعي في حالتها هي نفسيتها وحشه جدا وغير عندها خوف وحاجز من حاجه احنا مش عارفينها او مصدومه من حاجه ودا مخليها مش عايزه تتكلم

نورهان بصدمه : لدرجه دي ي دكتور كل دا اثر فيها

الدكتور : لا مش الضرب الي مخليها كدا هي مصدومه من حاجه مكنتش متوقعه حاجه فا دا الي مخليها رافضه انها تتكلم ،هي مش عارفه تتكلم تقول اي ،عشان كدا انا بقترح انها تسافر تغير جو احسن

💖💖💖💖💖💖💖💖💖
عند ادهم صحي خد شاور ولبس

ونزل كانت اسيل حضرت الفطار وحطتوا ع السفره وهو راح ناحيتها وباسها برقه وهي ابتسمت بحب
اسيل : انت جيت امتي امبارح انا فضلت مستنياك بس انت اتاخرت اووي
ادهم بابتسامه: اسف ي حبيبتي اني اتاخرت عليكي بس امبارح كان اول يوم بعد الاجازه وكانت قضيه جديده فا اتاخرت و احنا بنحاول نحلها
اسيل بابتسامه: وحلتوها
ادهم ضحك : تفتكري بالسهوله دي هنحلها في يوم احنا مش خارقين لدرجه
اسيل بضحك: هههههه طب وعملتوا اي
ادهم بابتسامه: طب نفطر وهقولك عملت اي
قعد ادهم ع السفره واسيل قعدت جنبوا
اسيل بحماس: اي هي القضيه بقاا
ادهم ابتسم ع حماسها : قضيه خطف بنت الوزير
اسيل بذهول : بنت الوزير
ادهم بتاكيد: اه بسبب انهم عايزين ميكروفيلم مع الوزير تخص البلد وبيهددوه ببنتوا
اسيل بحزن: طب وانتوا عملتوا اي
ادهم بحنان : احنا لسه معملناش حاجه بس متخافيش ي حبيبتي هنقدر نوصلها باذن الله
اسيل بحزن: ان شاء الله يارب
ادهم حب يغير الموضوع لما شافها زعلانه
ادهم بابتسامه: وانتي بقاا عملتي اي
اسيل بابتسامه لما حست بحنانه واهتمامه بيها : انا كان عندي كشوفات بس مكنش فيه عمليات والحمدلله اليوم كان سهل
ادهم بابتسامه: الحمدلله
اسيل بتذكر : عملت اي صح في موضوع عدي
ادهم : اوبااا انا نسيت خالص الموضوع دا معلش ي حبيبتي انا هكلموا النهارده وهقولوا
اسيل بتردد: طب انا ينفع اطلب منك طلب
ادهم بابتسامه: ينفع طبعا
اسيل وهي تراقب تعابير وجهه: انا كنت عايزه اسافر اسكندريه
ادهم : تاني ي اسيل ثم اكمل بحنان ،انا قولتلك ي حبيبتي اول ما اقدر اخد اجازه هنسافر انا وانتي لكن دلوقتي صعب انا لسه قايلك عندي مهمه وكمان المهمه دي متوقفه ع شغلي في الداخليه

اسيل بحزن: انا اسفه ي حبيبي مقصدش بس اصل بابا وماما وحشوني اوووي

ادهم يحنان : متعتذريش ابدا انا عارف انتي بتحبيهم قد اي ومتعلقه بيهم ازاي وانا عندي فكره تانيه

اسيل باستغراب : فكره اي

ادهم بابتسامه: اي رايك تكلميهم وييجوا يقعدوا معانا هنا

اسيل بابتسامه: فكره حلوه لكن اكملت بحزن :بس مش هيردوا عشان شغل بابا بردوا واسر

ادهم بحنان: طيب خلاص ينفع تستني لما اخلص المهمه وهاخدك ونسافر لهم

اسيل بابتسامه: ماشي
ادهم بابتسامه: طب يلا بينا عشان اوصلك بالمره
اسيل بابتسامه: يلا
لمت اسيل الاطباق وخرجوا ركبوا العربيه وراحوا المستشفي ودخلت اسيل وهو اتحرك للاداره
💖💖💖💖💖💖💖💖💖💖
عند جميله خرجت من عند صلاح وجالها ساعتها مكالمه من اللواء سيف استغربت لكن ردت
جميله : ايوا ي فندم
سيف بجديه: جميله تعالي الاداره دلوقتي
جميله باستغراب : ليه ي فندم
سيف بجديه: لما تيجي ي جميله
جميله : حاضر ي فندم
قفل الخط وركبت جميله العربيه وراحت الاداره ودخلت مكتب اللواء سيف
جميله باستغراب : خير ي فندم
سيف بجديه: جميله انا جبتك عشان عايزك انتي الي تمسكي المهمه مع ادهم بدل سلمي
جميله باستغراب : ليه وهي سلمي مالها
سيف بجديه: سلمي هتسافر عندها مهمه برا
جميله باستغراب : مهمه اي
سيف بجديه: مش مهم دلوقتي المهم انك هتمسكي المهمه مع ادهم
جميله : بس انا موقوفه عن العمل يعني مينفعش اشتغل
سيف : دا ع الاساس انك بتكلمي عيل صغير مش فاهم ،انا عارفك ي جميله وعارف انك مش ساكته وبتدوري ورا الموضوع
جميله : ايوا بس كدا حضرتك هتتأذي لاني كدا هيعرفوا اني رجعت لشغلي
سيف : انا كلمت الوزير وانتي هترجعي ع مسئوليتي بس لو مقدرتيش تخلصي القضيه هتتوقفي فعلا
جميله : تمام ي فندم ان شاء الله هقدر اخلصها انا وادهم
سيف : وانا واثق من دا عشان كدا خليتها ع مسئوليتي
جميله بابتسامه: شكرا لحضرتك ي فندم
سيف : تمام تقدري تروحي مكتبك دلوقتي وتستلمي شغلك وسلاحك
جميله وهي تؤدي التحيه العسكريه: تمام ي فندم
خرجت جميله وراحت مكتبها وكان ادهم وصل واتفاجئ بجميله
ادهم بابتسامه: اوعي تقولي رجعتي الشغل
جميله بابتسامه: ايوا فعلا رجعت وهقرفك تاني
ادهم بضحك: ههههههههههه وانا مستعد تقرفيني ي ستي طالما هتفضلي في شغلك
جميله بابتسامه: ماشي ي عم ،المهم اخبارك اي انت واسيل
ادهم بابتسامه: الحمدلله كويسين
جميله بابتسامه: يارب دايما
ادهم بابتسامه: امين يارب
ثم اكمل باستغراب : امال فين سلمي مجتش ليه
جميله : اللواء بيقول هتسافر مهمه برا
ادهم باستغراب : بره فين ومهمه اي دي
جميله : مش عارفه
ادهم : يعني كدا هنشتغل انا وانتي بس
جميله: ايوا و عايزين نخلص المهمه دي بسرعه جدا لان كدا البنت حياتها في خطر لو الوزير رفض يديهم الميكروفيلم
ادهم : انا شاكك في عزيز عشان كدا عايزين نراقبوا ممكن يوصلنا ل حاجه
جميله بتاكيد: وانا فعلا شاكه فيه وراقبتوا بس لسه موصلتش ل حاجه
ادهم : طب دي خطوه كويسه اننا متفقين وشاكين في عزيز عشان كدا انتي كملي مراقبه وانا هجمع معلومات عن المافيا الايطالي عايزين نعرف البنت لسه في مصر ولا سفروها

جميله: طب وانت مبلغتش ليه المطارات والمينا واديتهم صور البنت

ادهم : مينفعش الوزير عايز الموضوع في سريه لان لو حد عرف ان بنتوا اتخطفت دا هيطمع الاعداء كلهم انهم يعملوا كدا وغير ناس كتير هتستغل دا

جميله: طيب مااحنا كدا لازم نعرف الاول هي جوا مصر ولا برا

ادهم : دا خليه علياا هتاكد من دا وانتي راقبي عزيز

جميله: ماشي
💖💖💖💖💖💖💖💖💖
عند جاسر وصل الصعيد واهل البلد رحبوا بيه وباركوله وهو سلم عليهم وراح دوار العمده بعد كدا وسلم ع ابوه وحضنه
جاسر وهو يحضنه: وحشتني اوووي ي بابا
العمده بحنان وهو يحضنه : وانت كمان وحشتني اووي ي جاسر عامل اي
جاسر بابتسامه: الحمدلله المهم انت اخبارك اي
العمده بوقار : انا الحمدلله ي بني
خرجت رنا من الاوضه اول ما سمعت صوته ونزلت وهي فرحانه وجريت عليه حضنتوا وهو حاضنها
رنا بدموع وهي في حضنه: وحشتني اوووي ي جاسر
جاسر بحنان : وانتي كمان وحشتيني ي رورو
بعدت رنا عن حضنه وهي بصالوا بسعاده
رنا بسعاده ومسحت دموعها : الحمدلله بقيت كويسه اول ما شوفتك
جاسر بحنان: انا الي بقيت كويس لما شوفتك كنتي وحشااني ووحشني جنانك
رنا بعبوس : انا مجنونه ي جاسر
جاسر بابتسامه: احلي مجنونه ي حبيبتي
رنا بابتسامه: مش مهم المهم اني شوفتك ،ثم اكملت بحماس ،ها بقاا جبتلي اي معاك من باريس
العمده بضحك: بص البت طب مش يرتاح الاول ويتغداء بعد كدا ابقوا اقعدوا وشوفي جبلك اي ساعتها
جاسر بضحك: ههههههههههه سيبها براحتها ي بابا هو احنا عندنا كام رنا يعني
رنا بابتسامه: حبيبي
العمده باستغراب : امال فين جميله ي جاسر
جاسر : جميله عندها شغل مقدرتش تيجي معايا

الام كانت واقفه ومتابعه الحديث

الام بسخريه: وهو الشغل اهم من انها تيجي معاك

اتجاهلها جاسر ومرداش يرد والعمده بصلها بحده وغضب
العمده بحده: ادخلي حضري الغداء عشان جاسر وبعد كدا متتكلميش نهائي انتي هنا عشان رنا مش اكتر يعني تقعدي من غير ولا كلمه
الام بغيظ: ماشي
دخلت الام المطبخ بغضب

جاسر ل رنا بابتسامه: تعالي بقاا اوريكي جبتلك اي
ابتسمت رنا بحزن وراحت معاه وهو ربت ع ضهرها بحنان
راحوا اوضه رنا وقعدوا واول ما رنا دخلت انفجرت من العياط وجاسر خدها في حضنه بحنان
جاسر بحنان وهو يمسح دموعها : بسسسس اهدي ي حبيبتي
رنا بدموع: انا تعبت اوووي ي جاسر مخنوقه حاسه اني لوحدي انت اتجوزت وبعدت وعبدالرحمن بردوا وبابا مشغول مع مشاكل البلد وانا كأني مش موجوده محدش شايفني ولا حد بيتكلم معايا وناديه لو جت تقعد معايا بتقعد تسالني عنك وكمان مش يرتاح في الكلام معاها

جاسر حس بحزنها وانها اكتر واحده اتأذت من المشاكل دي

جاسر بحنان : اسف اني سبتك بس وعد مني هعوضك عن كل دا ،انا خدت اجازه وهقعد معاكي لحد ما تزهقي مني وتقوليلي امشي مش عايزاك

رنا وهي تمسح دموعها: عمري مااقدر اقولها انا عايزاك معاياا العمر كلوا

جاسر بمزاح: لا كدا جميله هتيجي تقتلنا انا وانتي

رنا ضحكت: خلاص خلي جميله كمان تيجي تعيش معانا

جاسر بضحك: طب والشركه اقفلها يعني وبعدين انتي كمان اهو جايلك عريس يعني هتبعدي عني

رنا بحنان: عمري مااقدر ابعد عنك ي حبيبي وبعدين انا لسه موافقتش

جاسر باستغراب : يعني رافضه

رنا بحيره: مش عارفه انا حساه كويس وكل حاجه بس مش بحبوا

جاسر بحنان: ما دا طبيعي عشان لسه متعرفهوش لكن في فتره الخطوبه هتتكلمي معاه وتعرفيه كويس وتحبيه كمان

رنا : تفتكر بابا هيوافق بفتره خطوبه انت عارف ان احنا في الصعيد ومعندناش حاجه اسمها فتره خطوبه للبنت

جاسر : ملكيش دعوه بالكلام دا انا هقنع بابا وهخليه يوافق المهم انتي رائيك اي

رنا : بس اياد بردوا عايزه كتب كتاب ع طول

جاسر : دا بردوا متوقف عليكي انتي ،انتي الي من حقك تقولي عايزه كتب كتاب ولا لا

رنا : لا مش عايزه ،انا لسه معرفهوش

جاسر بحنان : ماشي وانا هقول ل بابا وهخليه يوافق

رنا بابتسامه: ماشي

في اللحظه دي رنا هاتف جاسر وكانت جميله رد عليها بشوق وهو حاسس انها وحشاه جدا وغايب عنها سنين مش يوم ،راح ناحيه البلكونه وساب رنا بتتفرج ع الحاجات الي جايبهالها

جاسر بشوق : وحشتيني
جميله بابتسامه : وانت كمان وحشتني اووي ،وصلت ولا لسه
جاسر بابتسامه وهو يسند ع سور البلكونه: ايوا وصلت من ساعه تقريبا
جميله : ومرنتش علياا ليه لما وصلت
جاسر بحنان: انا يدوب وصلت والكل كان بيسلم علياا وبيباركولي وكنت قاعد مع رنا حتي انتي رنيتي وانا لسه في اوضتها
جميله بمزاح: ماشي عفونا عنك عشان رنا بس
جاسر بضحك: بقاا كداا يعني عشان خاطر رنا بس طب لما اجيلك بس
جميله بمزاح: مانا بستغل ان انت مش قدامي وبقول كدا
جاسر ضحك بقوه: ههههههههههههه ي جبانه ماشي ،المهم اخبارك اي عملتي اي النهارده
جميله بحماس : رجعت الشغل
جاسر حس بحماسها وفرحتها من صوتها وابتسم : رجعتي ازاي
جميله بابتسامه: سياده اللواء كلم الوزير ووافق يرجعني ع مسؤليته الشخصيه بس لو مقدرتش اخلص القضيه انا وادهم ساعتها هتوقف نهائي
جاسر بابتسامه: لا ان شاء الله هتقدري تخلصي القضيه وتنقذي البنت
جميله بابتسامه: ان شاء الله
جت رنا من ورا جاسر
رنا بحماس: اديني اكلم جميله وحشااني اووي
جاسر وهو بيتكلم في الفون: حاضر ،جميله رنا عايزه تكلمك
جميله بابتسامه: ايديهاني دي وحشااني جدا
اداها جاسر الفون وقعدوا يتكلموا مع بعض ورنا كانت فرحانه وهي بتكلم جميله وفضلوا يرغوا مع بعض وجاسر ابتسم انها خرجت من حزنها وشايف الفرحه في عينيها
جاسر بمزاح: بسسس كل دا رغي انتوا مش بتهزقوا
رنا وهي بتطلع لسانها وحاطه الفون ع ودنها : لا مش بنزهق دي جوجو حبيبتي
جاسر وهو يرفع حاجب ويتحرك ناحيتها  : بقاا كدا طب هاتي التليفون بقاا وشوفي هتكلميها منين
رنا وهي بتجري من قدامه : لا
جميله بضحك ع الفون: ههههههههههه خلاص ي رورو اديلوا الفون وانا هكلمك ع فونك 
رنا وهي تنظر ل جاسر وبتغيظه: ماشي ي جوجو
جاسر وهو يتجه ناحيه رنا : وانا هاخد تليفونك انتي كمان
رنا وهي بتجري : عاااااااا لا الا تليفوني
جري جاسر وراها وهي بتجري وهما بيضحكوا ويهزروا وفجاه دخلت ناديه وجاسر خبط فيها وهو بيجري ورا رنا وهي استغلت دا وباسته وهو اتفاجي ورنا اتصدمت ،زقها جاسر بعيد عنه بسرعه
جاسر بغضب: اي قله الادب بتاعتك دي
ناديه بتوتر : انا اسفه مكنتش اقصد انت الي خبط فياا
بصلها جاسر بغضب وخرج من الاوضه ودخل اوضته
رنا بغضب : ع فكره انتي قاصده تبوسيه هو اه خبط فيكي لكن انتي استغليتي دا وبوستيه
ناديه بغضب: انتي قصدك اي
رنا بصتلها باستحقار وسابتها وخرجت بره الاوضه
وناديه ابتسمت بخبث وهي حاطه ايديها ع شفايفها
ناديه بهيام: اخيراا ي جاسر بوستني حتي لو بالغلط

خرجت ناديه بسرعه ونزلت المطبخ
ناديه بسعاده: باسني ي عمه باسني
الام باستغراب : هو مين دا الي باسك
ناديه بسعاده : هيكون مين يعني جاسر طبعا
الام باستغراب شديد: جاسر باسك انتي
ناديه بفرحه: ايوا والله حتي انا صورت عشان احتفظ بيها
الام بشر : تحتفظي بيها اي ي غبيه دي لازم تبعتيها ل مراتو عشان تعرف انو جاي عشانك انتي مش عشان رنا وعامل دي حجه
ناديه وقد لمعت الفكره في دماغها: عندك حق  ي عمه انا فعلا هبعتهالها بس انا مش معايا رقمها
الام بخبث : خديه من فون رنا من غير ما تاخد بالها
ناديه بشر : طيب ابعتلها ي عمه كانك عايزاها في حاجه وانا هطلع اخد الرقم
الام بخبث : ماشي
طلعت ناديه وهي بتدور ع رنا ولقتها في غرفتها
ناديه : رنا كلمي مامتك عايزاكي
رنا باستغراب : ليه
ناديه بلامبالاه: معرفش هي قالتلي اناديكي
رنا باستغراب : طيب
قامت رنا ونزلت لمامتها ومسكت ناديه فونها بسرعه وهي بتطلع رقم جميله ولقتوا وسجلتوا عندها وسابت الفون مكانوا وخرجت

💖💖💖💖💖💖
عند رنا راحت لمامتها المطبخ
رنا : ايوا ي ماما حضرتك كنتي عايزاني
الام بخبث : ايوا ي حبيبتي عايزاكي تحطي الاكل ع السفره
رنا استغربت بس معلقتش
رنا : ماشي ي ماما
خدت الاطباق وحطتها ع السفره

عند ناديه دخلت اوضه جاسر وهي نفسها تشوفه تاني كان جاسر لسه خارج من الحمام وهو لابس شورت  ومن غير هدوم من فوق واتفاجئ ب ناديه في اوضته
جاسر بغضب: انتي بتعملي اي هنا
ناديه اتوترت لما شافتوا كدا لكن شجعت نفسها وهي بتقنع نفسها انو حبيبها

ناديه بهيام وهي تقترب منو : وحشتني اووي ي جاسر تعرف مش قادره اصدق لحد دلوقتي انك بوستني

جاسر استغرب جرائتها وكلامها واتعصب جدا

جاسر بغضب : اطلعي براا ي ناديه ومتنسيش انك بنت عمي يعني احترمي نفسك

ناديه بحب وهي تقترب : مانا طول عمري محترمه وكنت بحبك لكن انت محبتنيش ،محبتش غير جميله عشان جريئه ،ف اتغيرت عشان تحبني

جاسر بغضب : انتي شكلك اتهبلتي ،الحب مش بالجراءه ولا الاحترام الحب مش بتمثيل اصلا ،مينفعش تغيري من نفسك عشان حد الي يحبك لازم يحبك عشان نفسك وبشخصيتك من غير ما تتغيري وانا مش بحبك ي ناديه انتي زي اختي وانا عمري ما هشوفك غير كدا واتفضلي اطلعي براا

ناديه كانت قريبه منو اتجاهلت كلامه و حطت ايديها ع صدره وعضلاته برقه : انا بحبك اووي ي جاسر ياريت تفهمني وتقدر دا

جاسر اتعصب جدا ومسك ايديها وزقها بعيد عنه وراح فتح الباب ورجعلها مسكها من ايديها وخرجها براا الاوضه

جاسر بغضب وتحذير : اوعي تفكري تعملي كدا تاني انا لحد دلوقتي محترم انك بنت عمي ومش عايز ااذيكي

دخل جاسر اوضته ورزع الباب بغضب وهي كانت واقعه ع الارض

ناديه بغل : ماشي ي جاسر  انا هحرق قلبك عليها زي ما انت حرقت قلبي وجرحتني وطردتني كدا

قامت ناديه ونزلت تحت وهي بتغلي من الغضب وخرجت براا البيت خالص ورنا شافتها وهي متعصبه واستغربت
رنا باستغراب : مالها دي
ثم اكملت
رنا بالامبالاه: طب وانا مالي هي اصلا ع طول كدا
طلعت رنا غرفه جاسر وخبطت قبل ما تدخل وجاسر افتكرها ناديه وفتح وهو متعصب
جاسر بغضب وهو لسه بيفتح الباب : عايزه اي تاني

لقاها رنا هدي
جاسر بهدوء : اي ي رنا
رنا باستغراب : مالك متعصب ليه
جاسر بهدوء: مفيش ،انتي كنتي بتخبطي ليه
رنا : كنت بخبط عشان اقولك الغداء جاهز
جاسر بهدوء : طيب ي حبيبتي روحي انتي وانا نازل وراكي
رنا بابتسامه: ماشي
نزلت رنا وجاسر قفل الاوضه ونزل وراها

💖💖💖💖💖💖💖💖💖💖
عند جميله كانت بتراقب عزيز بس المرادي بحذر شديد وهو مخدش بالو  لحد مااوصل عند مكان مهجور كان مصنع مهجور ومكنش فيه حراسه كتير كانو اربعه بس دخل عزيز وجميله كانت ماشيه بتتسحب وهي بتحاول تشوف مكان تدخل منو ع المصنع ولقت شباك  دخلت منو واستخبت ورا صناديق وهي بتحاول تسمع وشافت عزيز واقف وقصادوا واحد قاعد ع الكرسي وهو بيدخن لكن مش باين ملامحوا

شخص : اي الاخبار
عزيز : كلوا تمام البنت سافرت ايطاليا خلاص وكدا البوليس مش هيقدر ينقذها
شخص : تمام وخلي بالك حد يشك فيك
عزيز : لا متقلقش انا واخد حذري كويس البنت الظابط دي كانت ماشيه ورايا المره الي فاتت لكن قدرت اهرب منها والمرادي ممشيتش ورايا خالص
شخص : طيب والميكروفيلم
عزيز : للاسف مش عارف اوصلوا ولا عارف مكانوا الوزير هو الوحيد الي يعرف
شخص : طب ما نخلص منو
عزيز : مينفعش لان اول واحد انا هيتهموني لاني المساعد بتاعوا
شخص بغضب : يبقي تتصرف وتجيب الميكروفيلم باسرع وقت
عزيز : طيب لو جبتوا البنت هترجعوها ولا هتعملوا اي
شخص : لا طبعا هنخلص عليها عشان بعد كدا ميقفش قصادنا ويتحدانا
عزيز : تمام وانا هحاول اجيب الميكروفيلم باسرع وقت
شخص : ماشي واول ما تجيبوا تسافر ع ايطاليا بسرعه قبل ما تتمسك
عزيز : ماشي
جميله كل دا كانت بتسجل كل حاجه
خرج عزيز ركب عربيته ومشي وجميله سمعت الشخص دا بيتكلم مع الحارس بتاعوا
الحارس : اوامرك ي فندم
شخص : بعد ما يجيب الميكروفيلم تخلصوا عليه بس قبل ما تخلصوا عليه تعرفوا مكان البنت فين
حارس : حاضر ي باشاا بس هو بيقول لحضرتك في ايطاليا مش ممكن يكون قصدوا ع مكان ******
شخص : ممكن فعلا خلاص اول ما يجيب الميكروفيلم تنفذ الي قولتلك عليه وبعد كدا تبعت رجاله يخلصوا ع البنت
حارس : حاضر ي باشااا
اتسحبت جميله وخرجت من الشباك زي ما دخلت ومحدش حس بيها بعدت عن المصنع لحد ما وصلت لعربيتها ركبتها واتحركت بسرعه للاداره ودخلت كان ادهم هناك بيتكلم في الفون وشاور ل جميله تستني يخلص
خلص الفون الي معاه وبصلها باهتمام
ادهم : عملتي اي
جميله قعدت ع الكرسي وهي بتاخد نفسها وبصتلوا بتركيز: البنت مش في مصر
ادهم : دي انا لسه عارفها فعلا لما كنت بتكلم بس عرفتي ازاي

حكتلوا جميله الي حصل وسمعتوا التسجيل
ادهم : هاايل ي جميله احنا كدا معانا معلومات كتير نقدر نقبض بيهم ع عزيز والراجل الي معاه بس لازم ننقذ البنت الاول
جميله : ايوا عشان كدا لازم نسافر انا وانت ننقذ البنت اهم حاجه احنا عرفنا المكان وكدا نقدر نلحقها قبل ما يقتلوها
ادهم : تمام بس محتاجين اسماء وبطايق مختلفه مينفعش نسافر ب الهويه دي
جميله : نسافر بطياره هيلكوبتر ي ادهم او طياره خاصه
ادهم : تمام ونكلم السفاره هناك يساعدونا بحيث يوفرولنا ظباط وقوه
جميله : بالظبط ولازم دا كلوا في اسرع وقت يعني لازم نستعد عشان نسافر بكره
💖💖💖💖💖💖💖💖💖💖