رواية احببت عنادك... بقلمي/هاجر هشام الفصل الحادي وخمسون 51 - بقلم Hagar Hešhàm

في المستشفي
هاجر كانت ساكته بس دموعها نازله ع خدها بصمت وجنبها كانت نور حضناها وروفيدا كانت منهاره ومنار بتهدي فيها وفريده كانت سلوي جنبها بتهديها
خالد : سيف خد عروستك وامشي ي بني
سيف : لا طبعا انا مش هسيب اسر
خالد : ي بني قعدتك مش هتعمل حاجه خد عروستك مينفعش تقف بالفستان الفرح
لؤي : بابا عندو حق ي سيف
سيف : حاضر هروح نورهان واجي
خالد : لا متجيش الدكتور قال في غيبوبه يعني ي عالم هيفوق امتي خليك مع عروستك ي سيف
سيف : ماشي
خد سيف نورهان ومشي
جت الممرضه
الممرضه : لو سمحتوا ي جماعه مينفعش كل العدد دا انتوا قدام العنايه وكمان الوقت اتاخر ومعاد الزياره خلص من زمان ووقفتكوا دي مش هتعمل حاجه غير انها هتقلق المرضه
خالد : الممرضه عندها حق ي جماعه مينفعش وقفتنا دي
فريده بعياط: انا مش همشي واسيب ابني
سلوي : وهي الواقفه هتعمل اي ي فريده تعالي ي حبيبتي روحي وهنجيله كلنا بكره الصبح وبعدين لازم تجمدي كدا عشان بنتك
بعد كثير من المحاولات اقتنعت فعلا
راح خالد ل هاجر
خالد بحنان : يلا ي حبيبتي تعالي وهنيجي بكره
هاجر : انا مش رايحه في حته انا هفضل هنا مش هسيبوا ومتحاولش ي بابا لاني مش همشي حضرتك خد ماما وطنط فريده وروفيدا وروحوا لكن انا مش همشي
خالد : انا مش هينفع اسيبك هنا لوحدك
هاجر بثبات: انا مش لوحدي ي بابا معاياا اسر حتي لو في غيبوبه كفايه ان موجود ف حياتي
خالد بقله حيله : ماشي ي حبيبتي
مشيوا كلهم مفضلش غير هاجر حاولت هاجر تدخله لكن منعوها ،، ع بليل خالص مكنش فيه حركه في المستشفي وهاجر استغلت دا ودخلت لاسر شافتوا وهو نايم والاجهزه حواليه انهارت اول ما شافتوا كدا
هاجر بعياط: ليه عملت كدا ليه اتدخلت وعرضت حياتك للخطر انت قولت هتوقفوا بس انا كنت جبت القوات وهنقبض عليه ليه تعمل كدا ، وحشتني اوووي ، مش قادره اقعد كل دا من غير ما اسمع صوتك ،انا باينه قدامهم قويه لكن انا قويه بيك انت ،تعرف انا بابا بيقولي مش هسيبك لوحدك هو ميعرفش ان انت معاياا دايما قوم وقولوا كدا فهموا انك مش هتسيبني ابدا
في اللحظه دي دخل
سيف : هاجر
هاجر بغضب: انت اي الي جابك ،مش كفايه انك السبب في الي حصلوا
سيف بحزن: انا مقدر الي انتي فيه بس كل الي هقولهولك اني مليش ذنب و اسر يبقي صاحبي واخويا و عمري ما اتمناله الاذي
هاجر بغضب: اطلع بره
سيف بحزن: ماشي انا هطلع عشان مقدر حالتك دلوقتي
خرج سيف وهاجر قعدت تعيط لحد ما نامت ع الكرسي وهي ماسكه ايده
💖💖💖💖💖💖💖💖💖
تاني يوم الصبح صحيت هاجر ع صوت الممرضه وهي بتصحيها
الممرضه : حضرتك جيتي هنا ازاي ومين سمحلك تدخلي
هاجر : هو انا محتاجه استاذن عشان ادخل اشوف جوزي
الممرضه : حضرتك دا مريض انتوا مش في البيت دي مستشفي ومينفعش تدخلي العنايه اصلا
هاجر : انتي ازاي تتكلمي معايا بالطريقه دي اصلا
الممرضه : انا اسفه حضرتك بس لازم تخرجي حالا لان الدكتور لو جيه وشافك هيبهدلني انا
هاجر : حاضر
خرجت هاجر وراحت الحمام غسلت وشها ورجعت لقت العيله كلها جت
لؤي : خدي ي هاجر اللبس دا عشان مينفعش تقفي بالفستان دا كدا
هاجر افتكرت اسر لما اتعصب عليها عشان الفستان ولما عرف انها هتقف مع الظباط كدا وافتكرت غيرته عليها وعيطت
لؤي وهو يهديها : خلاص ي حبيبتي اهدي هو ان شاء الله هيقوم وهيبقي بخير
هاجر برجاء : يااارب
خدت هاجر اللبس ودخلت الحمام غيرت وخرجت

سلوي بحنان : يلا ي حبيبتي عشان تاكلي انتي مكلتيش حاجه من امبارح
هاجر : مليش نفس ي ماما
سلوي : ي حبيبتي مش هينفع تقعدي كل دا متاكليش كدا هتتعبي
هاجر : متقلقيش ي ماما انا كويسه وفعلا مليش نفس
💖💖💖💖💖💖💖
عدي شهر واسر مفاقش من الغيبوبه وهاجر مسابتهوش لحظه غير انها بتروح تاخد شاور وتلبس واكلها بقاا قليل جدا وبتدخل تقعد معاه وتتكلم وتعيط
في المستشفي
سلوي : ي حبيبتي بقاا انا تعبت بجد معاكي انتي كدا هتقعي لو مكلتيش مينفعش انتي خسيتي خالص ووشك دبلان
هاجر حست بدوخه بس تغاضت عنها : مليش نفس ي ماما
سلوي بقلق : انتي كويسه
هاجر بضعف والرؤيه مشوشه امامها : اه كو
اغم عليها والكل جري عليها ولؤي شالها دخلها الاوضه وطلبوا الدكتور وكشف عليها
الدكتور بابتسامه: مبروك المدام حامل بس انا علقتلها محاليل لانها ضعيفه جدا ولازم الراحه التامه ثم اكمل وهو يكتب الروشته ودا اسم دكتور نسا خليها تتابع معاه
سلوي بفرحه : شكرا ي دكتور
فريده بدموع: ي حبيبي ي ابني يعني يوم ما مراتك تكون حامل انت تكون مش موجود وفي غيبوبه ،ثم اكملت برجاء يارب قومهولي بالسلامه يارب
خرج الدكتوروهاجر فاقت
هاجر بتعب: هو اي الي حصل
سلوي بفرحه: مبروك ي حبيبتي انتي حامل
هاجر اتصدمت وفرحت وعيطت
سلوي : انتي مش فرحانه ولا اي
هاجر بعياط: بالعكس فرحانه بس كان نفسي اسر يكون معايا
سلوي بحنان : ان شاء الله ي حبيبتي هيكون بخير
هاجر وهي تنهض من ع السرير: انا عايزه ادخلوا
سلوي باعتراض : لا طبعا الدكتور قال لازم ترتاحي لان الحمل لسه مش ثابت وانتي ضعيفه
هاجر وهي تنزع الدعامه: لا انا كويسه عايز ادخلوا اقولوا يمكن يسمعني ويفوق الدكتور قال نقعد نحكي معاه ونقولوا حاجات تفرحه
سلوي بقله حيله : براحتك ي حبيبتي
دخلت هاجر لاسر
هاجر بدموع: قوم بقاا يااسر وحشتني اووي.ووحشني صوتك وحضنك ،ثم اكملت بفرحه بين دموعها : عندي ليك خبر حلو اوي يااسر انا حامل ثم اكملت بعياط قوم يااسر يعني اهون عليك تسبني كل الفتره دي
: لا متهونيش علياا ابدا
هاجر اتصدمت وبصت عليه لقتوا باصللها ومبتسم
هاجر بفرحه عارمه: اسر
اسر بابتسامه: الف مبروك ي حبيبتي
هاجر بفرحه وهي تحضنه: وحشتني اووووووي ، انا مش قادره اصدق انت بجد
اسر بابتسامه: لا هزار
هاجر بفرحه: انا هنادي الدكتور بسرعه
خرجت هاجر وبلغت الكل وكلوا فرح والدكتور جيه وكشف عليه
الدكتور : حمد لله ع سلامتك ي بطل
اسر : الله يسلمك
الدكتور :لا الحمدلله انت بقيت كويس ما شاء الله وكدا هتتنقل غرفه عاديه
هاجر بفرحه: الحمدلله
خرج الدكتور واسر اتنقل غرفه عاديه وكلوا كان حواليه وبيكلموا معاه وهاجر كانت ساكته وهو كان كل شويه يبصلها بشوق وخالد خد بالو
خالد : طيب ي جماعه نسيب اسر يرتاح شويه
خرج الكل وهاجر جت تخرج
خالد : لا خليكي انتي ي هاجر مع جوزك لو احتاج حاجه
اسر بمزاح: والله حضرتك راجل عسل
خالد بضحك: هههههه ماشي ي اخوياا
هاجر اتكسفت وقعدت ع الكرسي جنبوا وباصه في الارض
اسر بمشاكسه: ع فكره انا شكلي حلو بردوا تقدري تبصيلي
هاجر بابتسامه: حمدلله ع سلامتك
اسر بابتسامه: الله يسلمك ، بس انا مش ابن اختك يعني انا جوزك مفيش وحشتني اي حاجه كدا
هاجر بخجل : وحشتني
اسر بمكر : كدا ناشفه من غير اي حاجه
هاجر بخجل : اما انت عايز اي
اسر بمكر: يعني المفروض لسه خارج من غيبوبه هكون عايز اي غير حضن من مراتي
هاجر بخجل : احنا في المستشفي يااسر وممكن اي حد يدخل
اسر : ما يدخل هو احنا بنعمل حاجه غلط انتي مراتي
هاجر بخجل : لا بردوا عيب
اسر بتمثيل الزعل : ماشي وانا الي قولت اني وحشتك طلعتي موحشتكيش اصلا ولا بتحبيني
هاجر بسرعه: اوعي تقول كدا والله ربنا يعلم انا كنت حاسه بأيه. وانت في الغيبوبه ثم اكملت بدموع انا كل يوم بيعدي كأن روحي بتتسحب مني
اسر بحنان وهو يمسح دموعها : انا اسف انا كنت بهزر
حضنها اسر وهي حضنتوا جامد بعد وقت بعد عنها
اسر بحب : اخبار حبيبي اي الي جاي في السكه
هاجر بخجل : كويس
اسر بحماس: متشوق اووي اني اشوفوا
هاجر بابتسامه: مالك بتكلم بصيغه مذكر كدا ليه مش يمكن تبقي بنت
اسر بحب : كل الي يجيبوا ربنا كويس ونفسي كمان تبقي بنت وشبهك
هاجر بحب: ربنا يخليك ليا
في اللحظه دي دخل سيف بعد ما خبط
سيف وهو يحضنها : حمدلله ع السلامه ي صاحبي
اسر بابتسامه: الله يسلمك ي عريس
سيف : عريس اي بقاا
اسر بمزاح: اوعي تكون مرفعتش راسنا
سيف باحراج : الحقيقه انا ونورهان مقعدناش مع بعض من ساعه الفرح
اسر : ليه كدا
سيف : اتجوز ازاي وانت كنت متصاب بسببي ، ازاي افرح وانت في الغيبوبه بسببي ،
اسر : ومين قالك انو بسببك دي كانت قضيه ووارد جدا يحصل كدا في اي قضيه متحملش نفسك الذنب ي سيف انت ملكش دعوه ، يلا خد مراتك وقضوا شهر عسل بدل الي انا بوظتوا دا حرام عليك ي شيخ تسيبها كل دا وانا خلاص بقيت كويس
هاجر باعتذار : انا اسفه ي سيف ع الي قولتهولك انا فعلا كنت مخنوقه ساعتها ومش عارفه طلع مني الكلام دا ازاي
اسر باستغراب : كلام اي
هاجر بحزن: انا الي حملتوا الذنب هو ملهوش دعوه انا الي اتهمتوا ان هو السبب في الي حصلك
سيف : انا مش زعلان ي هاجر انا مقدر حالتك وخوفك ع اسر
اسر : خلاص ي سيف روح يلا لعروستك
مشي سيف
ودخل لؤي بأكل
لؤي : انا جبتلكوا اكل يلا عشان تاكلوا
اسر : لا انا مليش نفس
لؤي : لا انت لازم تاكل عشان الاستاذه تاكل لان من ساعه الي حصلك وهي مبتاكلش واديك شايف خست ازاي والدكتور قال انها ضعيفه جدا ودا خطر ع البيبي
اسر بصلها وفعلا كانت خاسه جدا
اسر وهو ينظر ل هاجر : الكلام دا حقيقي
هاجر وهي تنظر للارض: اه
اسر : طيب هات الاكل ي لؤي
حط لؤي الاكل وخرج
هاجر : ع فكره المفروض انا الي اكلك مش انت
اسر : الكلام دا لما تكوني مهتمه بنفسك وبتاكلي ، تعالي بقاا عشان تاكلي ثم اكمل بمزاح انا عايز ابني مقلبظ كدا لو نزل اقل من حجمه مش هستلم
هاجر بضحك : ههههههههههه مش هتستلم ماشي ي سيدي هاكل عشان تستلم
اكلها اسر وهي بردوا اكلتوا ودخلوا العيله قعدوا معاهم بعد ساعتين
مشيوا كلهم اتبقي لؤي وهاجر
اسر : خد هاجر معاك ي لؤي روحها
هاجر : لا انا هفضل هنا انا مسيبتكش لما كنت في الغيبوبه عشان اسيبك دلوقتي
اسر بغضب: انتي كنتي بتباتي هنا لوحدك
هاجر بتوتر: اه فيها اي
اسر بغضب: فيها كتير لما تباتي في المستشفي وانتي بنت لوحدك فيها كتير
هاجر : انا مكنتش بنام بكون صاحيه مش بنام غير ساعتين لما الكل يجي
اسر بغضب: بردوا كنتي قاعده في المستشفي لوحدك ثم اكمل بغضب وهو يكلم لؤي : انت ازاي تسيبها ي لؤي تقعد في المستشفي
لؤي : والله غلبت معاها كلنا كلمناها وهي راسها ناشفه ومش بتوافق ابدا ومش بتخلي حد يقعد معاها
اسر بغضب: كنت خدتها غصب عنها
هاجر بغضب : ع فكره انا مش عيله صغيره عشان ياخدني غصب عني
اسر بغضب : انتي دماغك دي اي حجر ماشي ي هاجر مش هنتحاسب دلوقتي اتفضلي يلا روحي معاه
هاجر بعند: مش هروح انا قاعده ولو مضيقاك هقعد بره او اقعد في الاستراحه
اسر بنفاذ صبر : ماشي خلاص روح انت ي لؤي
لؤي : ماشي
مشي لؤي وهاجر قعدت ع الكرسي ونامت غصب عنها قام اسر شالها ونيمها جنبوا وخدها في حضنوا ونام
💖💖💖💖💖💖💖
تاني يوم الصبح جيه خالد وسلوي وفريده وروفيدا ولؤي و هدير ودخلوا لقوا اسر وهاجر نايمين وهما حاضنين بعض
سلوي بصوت واطي : الله شكلهم حلو اوووي
فريده بحنان : ربنا يحميكم يارب
خالد بابتسامه: طب يلا نخرج بلاش نزعجهم
خرجوا كلهم بره وبعد نص ساعه صحي اسر وشافها كان شعرها مغطي وشها قام هو عدلوا ورجعوا لورا في اللحظه دي صحيت هاجر واتفزعت وقامت بسرعه وكانت هتقع لكن هو لحقها
اسر : يخربيتك اهدي انتي حامل في اي
هاجر باستغراب يمزجه الخجل: انا جيت جنبك ازاي
اسر بمكر : انا الي شيلتك ونيمتك جنبي
هاجر بصدمه: في حد شافنا كدا
اسر بلا مبالاه: معرفش
سمعوا خبط ع الباب قامت هاجر دخلت الحمام بسرعه واسر ضحك عليها
اسر بضحك: براحه ي مجنونه
دخل لؤي : اي ي عم صحي النوم
اسر بابتسامه: صباح الخير ي ظريف
لؤي : صباح النور ي كبير امال هاجر راحت فين دا احنا لسه سايبنكوا مبقاش نص ساعه
اسر : انت جيت وشوفتنا وهي جنبي
لؤي بغمزه: اه ي معلم ومش لوحدي العيله كلها شافتكوا
هاجر سمعتوا وشهقت بخجل واسر بصلها وهو بيضحك
اسر بضحك: خلاص اخرج ي زفت
لؤي بمشاكسه:ماشي ي كبير
هاجر بخجل : عجبك كدا اهم شافونا
اسر بضحك: طب وفيها اي ي بنتي انتي مراتي والله وحيات البيبي الي في بطنك دا ابني وانا جوزك تخيلي بقاا
هاجر بخجل : دا الي انت فالح فيه تقعد تضحك وتقولي انتي مراتي وانا الي اتكسف قدامهم
اسر بمكر وهو يغمز لها : لا ع فكره انا فالح ف حاجات كتير
هاجر بخجل : بطل قله ادب
اسر بمزاح: عشان خاطرك بس هبطل بس موعدكيش ابطل ع طول
هاجر اتكسفت وراحت تخرج
اسر : انتي رايحه فين
هاجر : هروح اجيب نسكافيه واجبلك فطار
اسر : متجبيش نسكافيه هاتي فطار بس عشان هتفطري معايا
هاجر : انا مليش نفس يدوب هشرب نسكافيه بس
اسر : لا هتفطري
هاجر : ماشي
راحت هاجر جابت فطار وفطروا.و دخلوا العيله قعدوا وبعد وقت خرجوا وسابوهم في اللحظه دي جت
ريم بدلع : حمدلله ع سلامتك ي ااسر كنت خايفه عليك اووي لما عرفت انك اتصابت ودخلت ف غيبوبه بس فرحت لما فوقت وقولت لازم اجي اطمن عليك
هاجر بصتلها بغيظ وغضب واسر خد بالو وكتم ضحكته
اسر بابتسامه: الله يسلمك ي ريم
راحت ريم ناحيته تسلم عليه بس لحقتها هاجر
هاجر بغيظ: معلش اصلوا مش بيسلم
ريم بسخريه: ليه متوضي
هاجر ببرود: لا الدكتور قالوا متسلمش ع حد عشان تعبان
ريم باستفزاز : خلاص هحضنوا
هاجر بغيظ ووعيد: فكري بس تعمليها هتلاقي نفسك حاضنه قبرك
ريم بغيظ وبعض التوتر : خلاص الف سلامه عليك ي اسر سلام
خرجت ريم وهي متغاظه واسر انفجر من الضحك
اسر بضحك: ههههههههههههه طلعتي شرسه ي حبيبتي
هاجر بغضب وهي تقترب منه: وانت بتضحكلها ليه هاا
اسر بابتسامه: امال المفروض اكشر ف وشها
هاجر بسخريه: لا ازاي تكشر ف وش الهانم مينفعش ثم اكملت بغضب : دا انت كان ناقص تحضنها
اسر ببرائه واستفزاز: وفيها اي ي حبيبتي دي جارتي عادي وزي اختي
هاجر بغضب: جاتك خوت هي مين الي اختك
اسر وهو يرفع حاجب : مش ملاحظه انك بتغلطي ثم اكمل بمكر مستغلا قربها شدها وهي وقعت ف حضنوا : سيبك منها المهم القمر الي قدامي دا
هاجر بخجل : اسر
اسر بحب: نعم ي قلب اسر
هاجر بخجل : احنا ف المستشفي ي حبيبي
اسر بمكر: لا بعد كلمه حبيبي مفيش حاجه اسمها مستشفي
هاجر بخجل : ع فكره حتي لو مفيش مستشفي بردوا مينفعش
اسر : ليه بقاا ان شاء الله
هاجر بخجل: الدكتور قالي مينفعش عشان لسه الحمل متثبتش
اسر بغيظ: وهيتثبت انتي حضرتوا
هاجر بابتسامه: مش عارفه بس هو كاتبلي حقن تثبيت
اسر بغيظ: مااشي مضطرين نستحمل عشان الاستاذ او الاستاذه
هاجر بضحك: هههههههههه
اسر بغيظ: اضحكي ي اختي اضحكي كل دا هيطلع عليكي
💖💖💖💖💖💖💖💖💖💖💖
عدي يومين واتحسنت حاله اسر ورجع البيت وهاجر مسابتهوش خالص
تاني يوم الصبح صحيت هاجر خدت شاور ولبست

ووحضرت الفطار ودخلت الاوضه حطته جنب السرير وصحت اسر
اسر بابتسامه: اي الدلع دا انا لو اعرف انك هتعامليني ب دلع دا كنت دخلت ف الغيبوبه من زمان
هاجر بسرعه: بعد الشر عنك ثم اكمل بزعل وبعدين يعني انا مش بعمل كدا ع طول
اسر بحنان : بتعملي ي روحي انا بهزر
هاجر بابتسامه: طب يلا بقاا نفطر
فطروا وهاجر شالت الصينيه ورجعت كان اسر دخل خد شاور. ولبس

هاجر باستغراب: انت لابس ورايح ع فين
اسر : رايح الشغل
هاجر : شغل اي الي هتروحوا انت لسه تعبان
اسر : لا انا بقيت كويس وكفايه كدا انا خدت اجازه كتير
هاجر : ملكش دعوه بالاجازه هما عارفين انك كنت متصاب واللواء مديك اجازه لحد ما تبقي كويس
اسر : وانا بقيت كويس
هاجر : لا مش كويس ولازم ترتاح
اسر : لا كويس
هاجر : ماشي يبقي استناني هلبس وهاجي معاك انا كنت قاعده عشانك
اسر بغضب: تروحي فين انتي ناسيه انك حامل والشهور الاولي لازم ترتاحي عشان الحمل يثبت
هاجر : وانا مش هقعد في البيت لوحدي وبعدين انا كمان كويسه
اسر : هتصل ب روفيدا تيجي تقعد معاكي هي وهدير ولو عايزه البنات كلهم هكلمهوملك طالما مش عايزه تقعدي لوحدك لكن نزول الشغل لا
هاجر : والكلام دا لحد امتي
اسر : لحد ما تولدي وتقومي بالسلامه
هاجر : بتهزر هقعد ٨ شهور ف البيت لا طبعا مستحيل
اسر : طب انتي عايزه اي دلوقتي ،واوعي تقولي تنزلي الشغل لانك مش هتنزلي
هاجر : انا مش هقدر اقعد كل دا في البيت ولو ع الحمل هو الدكتور قال مع الحقن هيثبت بسرعه
اسر بسخريه: لا والله دلوقتي هيثبت بسرعه ولما كنا في المستشفي لسه بيثبت
هاجر بخجل : هو الدكتور قال كدا
اسر بغيظ: انا عايز اعرف فين الدكتور دا الي قال كدا
هاجر : في المستشفي
اسر : لا الدكتور دا تنسيه خالص انا هسال عن دكتوره هي الي هتابعي معاها
هاجر : بس الدكتور دا كويس
اسر : وانا قولت دكتوره مش دكتور
هاجر بغضب: مش ملاحظ انك عمال تتحكم كتير فياا
اسر بغضب:بردوا بتحكم
هاجر بغضب: امال دا تسميه اي لما اقولك اقعد انت لسه تعبان وترفض ولما اقولك هنزل معاك ترفض وتجبرني اقعد ف البيت دا كلوا مش تحكم
اسر بغضب: لا مش تحكم دا خوف عليكي وع الطفل
هاجر بغضب : انا زهقت كل شويه الطفل الطفل والله انزلوا
اسر بغضب جامح وهو يقترب منها : انتي قولتي اي
هاجر بخوف وهي ترجع للوراء : انا مش قصدي
اسر بغضب : ولا حتي قصدك حذاري اسمعها تاني او تفكري مجرد تفكير فيها
هاجر بغضب : يعني انت كل الي هامك الطفل وانا اولع
اسر بغضب : انتي غبيه هخاف عليه وانا مشفتهوش اصلا انا خايف عليكي انتي لو حصل حاجه انتي الي هتتاذي
هاجر حست بوجع في بطنها : اه
اسر بقلق : مالك
هاجر بوجع: مش عارفه حاسه بوجع في بطني
الوجع بدا يزيد
هاجر بصراخ :ااااااه
اسر لبسها بسرعه وشالها ونزل ركب العربيه وراح المستشفي والدكتور كشف عليها
الدكتور : الحمدلله لحقنا الجنين بس لازم الراحه التامه وبلاش انفعال لان دا السبب ف النزيف وكمان الحمل لسه مش ثابت وانا اديتها حقنه تثبيت ونص ساعه وتقدر تروح
اسر بقلق: شكرا ي دكتور
دخل اسر ل هاجر
اسر : الحمدلله ي حبيبتي حمدلله ع سلامتك
هاجر : الله يسلمك
اسر : اهو شوفتي الدكتور بنفسوا قال الراحه التامه وبلاش انفعال
هاجر بابتسامه: حاضر
فجاه هاجر انفجرت من الضحك
اسر باستغراب : انتي بتضحكي ع اي
هاجر بضحك:ههههههههههه اصل لاحظت اننا دخلنا المستشفي اكتر ما دخلنا بيتنا
اسر :ههههههههههه تصدقي عندك حق
بعد نص ساعه خدها اسر وروحوا البيت ونيمها ع السرير
اسر : ارتاحي بقاا وبلاش اجهاد وانا هجيب شغاله تساعدك لحد ما تقومي بالسلامه
هاجر : لا مش بحب الشغالات انا هعمل كل حاجه لوحدي ولو ع الترويق وتنضيف الشقه هبقاا اجيب حد يعملهم  بس بجد هبقي زهقانه لو قعدت كل المده دي في البيت
اسر : بصي لحد بس ما الحمل يثبت وانا هعملك مفاجاه
هاجر بسرعه: لا ونبي خلاص بقيت بخاف من الكلمه دي
اسر : اشمعنا
هاجر : فاكر لما قولتلي عاملك مفاجاه ساعت الفرح
اسر بضحك:ههههههههههه انتي لسه فاكره
هاجر : هي دي حاجه تتنسي
اسر : ههههههههههه لا متقلقيش المرادي مفاجاه حلوه
قام اسر : انا هروح الشغل ساعتين بس وهرجع ع طول مش هتاخر عليكي ،لو عايزه اكلملك روفيدا او هدير يجيوا يقعدوا معاكي
هاجر : انا هكلم هدير تيجي
اسر : ماشي خلي بالك من نفسك
هاجر : اوك
خرج اسر وهاجر كلمت هدير وجتلها
هدير وهي تحضنها : وحشتيني ي جوجو
هاجر وهي تحضنها : وانتي كمان ي قلبي وحشتيني عامله اي
هدير : الحمدلله انتي اخبارك اي وحبيب خالتو عامل اي
هاجر بابتسامه: الحمدلله
هدير بمزاح: خلي في علمك لما يجي بالسلامه هخليه يقولي ي دودا وهنبقي صحاب
هاجر بضحك: ههههههههههه دودا مره واحده دا انتي طلعتي هبله
هدير : مااشي انا هسكت بس عشان حبيبي
هاجر : ماشي ي اختي ، خليكي ثانيه هعمل عصير وارجعلك تاني
هدير : استني بس انا الي هعمل العصير ارتاحي انتي عشان البيبي
هاجر : حتي انتي بردوا
هدير باستغراب : انا اي
هاجر : خايفه ع البيبي
هدير : طبيعي لازم اخاف عليه واحبوا كمان كفايه انو حته منك
هاجر وهي تحضنها : ربنا يخليك ليا ي حبيبتي
هدير : ويخليكي لياا ي قلبي ، ها قوليلي بقاا مين الي قالك كدا بردوا
هاجر بتنهيده: اسر حساه خايف ع البيبي وانا لا دايما لما بيتكلم معايا بيحطو في النص ويقعد يقولي عشان البيبي لدرجه خلاني اتنرفزت وقولتلوا هنزلوا
هدير بشهقه : انتي متخلفه تنزلي اي هو مش دا الي زعلتي واضايقتي لما ابنك مات في الحادثه عايزه تنزلي دا
هاجر : انا مقولتهاش بجد انا كنت متعصبه ف طلعت مني كدا
هدير : ولا حتي تقوليها بهزار دا حرام وبعدين اسر بيحبك قبل ما يكون فيه بيبي اصلا وهو خايف عليكي انتي
هاجر : خلاص بقاا قفلي الموضوع دا
هدير : ماشي
عدي ساعتين وهدير مشيت واسر لسه مرجعش
بعد ساعه سمعت هاجر خبط ع باب الشقه عرفت انو اسر وراحت فتحت لقت
هاجر باستغراب : انتي مين
💖💖💖💖💖💖💖💖