رواية احببت عنادك... بقلمي/هاجر هشام الفصل الثاني وخمسون 52 - بقلم Hagar Hešhàm

عند اسر رجع البيت
اسر وهو ينادي : جوجو انتي فين
مفيش رد
دخل الاوضه ملقهاش وراح المطبخ مش موجوده
اسر بقلق: هااااجر
مفيش رد اتصل اسر ع لؤي
اسر بقلق: لؤي هي هاجر عندك
لؤي باستغراب : عندي فين هي مش عندك ي ابني
اسر بقلق : لا هاجر مش في البيت انا رجعت ملقتهاش
لؤي : يمكن راحت تجيب حاجه رن عليها كدا شوفها
قفل اسر مع لؤي ورن ع هاجر وسمع صوت الفون في الاوضه قلق أكتر واتصل ب لؤي
اسر بخوف: فون هاجر في البيت وهي مش متعوده تنزل من غيروا ،بقولك صح اسال هدير هي كانت هنا يمكن هاجر قالتلها هتنزل تجيب حاجه
لؤي : طيب خليك معايا ثانيه
راح لؤي ل هدير
لؤي : هدير هي هاجر مقالتلكيش انها هتنزل تشتري حاجه
هدير باستغراب : لا مقالتش انا سايباها وهي قالتلي ان اسر قرب يجي
لؤي بقلق: لا ي اسر مقالتش
اسر بقلق: طب انا هنزل اشوف البواب والكاميرات
لؤي بقلق: وانا جايلك حالا
اسر نزل للبواب
اسر : عم عبده
عبده: ايوا ي بيه
اسر بقلق: مشوفتش هاجر وهي نازله
عبده : لا ي بيه مدام هاجر منزلتش خالص النهارده بس فيه واحده طلعتلها
اسر بقلق: واحده مين
عبده: معرفش ي بيه هي كانت لابسه تيشيرت اسود وبنطلون اسود وكاب اسود ونظاره ف ملامحها مكنتش باينه
اسر بغضب: وانت ازاي تسيبها تطلع من غير ما تعرف
عبده بخوف : والله ي بيه انا كنت لسه هسالها بس مدام هنادي طلبت مني اجبلها حاجات ف روحت ولما رجعت كانت مشيت
اسر بغضب: انت هتتظبط ع الحركه دي
سابو اسر وطلع شاف الكاميرات ولقاا فعلا واحده بتخبط ع باب الشقه وهاجر فتحت وفجاه رشت مخدر ع وشها والفيديو اتقطع
اسر بخوف : باقي الفيديو اتمسح
جيه لؤي في اللحظه دي
لؤي بقلق: عرفت حاجه ي ااسر
اسر بخوف : هاجر اتخطفت
لؤي بخوف : انت بتقول اي اتخطفت ازاي
وراله اسر الفيديو
لؤي بغضب: مين دي
اسر بغضب: وانا اشعرفني هو باين وشها اصلا
لؤي بخوف : طب انا هنزل ادور وانت بردوا كلم الباقي وبلغ يمكن يوصلوا لحاجه
نزل لؤي واسر كلم سيف وبلغه وسيف بلغ الكل وبدات مهمه البحث
💖💖💖💖💖💖💖💖💖💖
بعد يومين اسر كان في مكتبه بيتابع ورن فونه
اسر بلهفه: ها ي سيف عرفت حاجه
سيف : اسر تعالي في المستشفي......... دلوقتي
اسر بخوف : مستشفي ليه هاجر حصلها حاجه
سيف : تعالي بس الاول وانا هفهمك
نزل اسر جري ركب عربيته وساق وخلال عشر دقايق كان في المستشفي
اسر بخوف: في اي ي سيف هاجر جرالها حاجه
سيف بحزن : البقاء لله ي صاحبي
اسر بصدمه ودموع: انت اكيد بتهزر صح قول انك بتهزر قول ان دا مش صح قول ان البيبي هو الي مات وهي عايشه ثم اكمل بزعيق قووول اي حاجه
سيف بحزن ع صديقه: انا اسف ي صاحبي كان نفسي يبقي هزار بس دي الحقيقه احنا لقينا هاجر عامله حادثه والعربيه ولعت بيها والطبيب الشرعي قال انها اتعرضت لتعذيب وكانت متكتفه ف العربيه
اسر بصدمه: واي الي خلاكوا متاكدين انها هاجر
سيف : عملنا تحليل DNA واثبت انها هي
اسر بدموع: هي فين
سيف بحزن: في المشرحه
اسر بصدمه: عايز اشوفها
سيف بحزن:بلاش ي صاحبي
اسر بصرااخ: بقولك عاايز اشوفها
سيف بحزن: حاضر
خد سيف اسر وراحوا المشرحه دخل اسر وهو بيقدم رجل وياخر التانيه مكنش قادر يواجهه كان عند و امل ولو ١% انها تكون مش هي
رفع سيف الغطاء من ع وشها في اللحظه دي انهار اسر وكل حصونه انهارت
اسر بانهيار وهو يحضنها : ليه سيبتيني لييه انتي مش وعدتيني انك هتفضلي معاياا ليه سيبتيني لوحدي
سيف بحزن: خلاص ي اسر مينفعش كدا حرام
مسكوا سيف وطلعوا بره والدكتور غطاا وشها وخرج
الكل عرف الخبر وفيه الي اتصدم والي انهار والي عيط والي حزن
💖💖💖💖💖💖💖💖💖💖💖
عدي ثلاث ايام العزاء واسر حابس نفسوا في الاوضه مش بيخرج ورافض يقابل حد ورافض فكره ان هاجر ماتت سمع خبط ع الباب
اسر بعصبيه: انا قولت مش عايز حد
فريده بحزن: ي حبيبي مينفعش تفضل حابس نفسك كدا في الاوضه انت مكلتش حاجه بقالك ثلاث ايام ورافض اي حد يعزيك كدا مينفعش ي ابني انت كدا بتعذبها
اسر بعصبيه: انا مش عايز اشوف حد خالص ومحدش يعزيني هاجر مامتتش عشان حد يعزيني فيها
فريده بحزن: ازاي بس ي حبيبي مماتتش
اسر بحزن وغضب : ايوا مماتتش هاجر وعدتني انها مش هتسيبني
فريده بحزن: ي حبيبي الموت مفيهوش وعود هي وعدتك لكن الموت خارج اراده الكل ودي سنه الحياه ادعيلها ي حبيبي
اسر بغضب: بقولك مامتتش ومحدش ليه دعوه بياا
💖💖💖💖💖💖💖💖
عند نورهان وسيف
نورهان بعياط: مش قادره اصدق ي سيف مش قادره اصدق. انها ماتت فعلا
سيف بحزن: ادعيلها ي حبيبتي هي دلوقتي ف مكان احسن بكتير
نورهان بعياط: الله يرحمها هاجر دي كانت اكتر من اختي كانت جدعه وطيبه اووي
سيف بحزن: الله يرحمها
💖💖💖💖💖💖💖💖
عند بيت هاجر
سلوي بصرااخ: انا عايزه بنتيي هتولي هاجر هتولي بنتييي
خالد بثبات وهو يكتم دموعه: ادعيلها بالرحمه ي سلوي هي دلوقتي في مكان احسن
سلوي بصرااخ: انت السبب انت الي شجعتها ع الشغل دا ياما نصحتها وقولتلها الشغل دا خطر وهي مكنتش بتسمع كلامي وانت كنت بتمشي وراها لحد مااتحرمت منها ومش هشوفها تاني
خالد بثبات: ملوش لازمه الكلام دا دلوقتي
💖💖💖💖💖💖💖💖💖
عند هدير وكريم
هدير بعياط: هاجر ماتت ي كريم خلاص مش هشوفها تاني
كريم بحنان وحزن: ادعيلها ي حبيبتي
هدير بعياط: ملحقتش اشبع منها ملحقتش اقعد معاها ونضحك ونهزر مع بعض ملحقتش اقولها اني بحبها راحت ومش هترجع تاني
كريم بحزن: ي حبيبتي دي سنه الحياه كلنا هنموت كل واحد ليه معاد وربنا اختارها هتعترضي ع قضاء ربنا ،ادعيلها ي حبيبتي انتي كدا بتاذيها وانتي بتعيطي يعني يرضيكي تأذيها
هدير بسرعه: لا مش عايزه اذيها لا
كريم بحنان: يبقي تدعيلها بالرحمه وكل ما تفتكريها ادعيلها
هدير بدموع: حاضر
💖💖💖💖💖💖💖💖💖
عند روفيدا ومؤمن
مؤمن وهو يهديها: خلاص ي حبيبتي كفايه عياط
روفيدا بعياط: مش قادره مش قادره ابطل عياط مش متخيله انها ماتت وسابتني
مؤمن بحزن: الله يرحمها
روفيدا بعياط:هاجر مكنتش صحبتي بس ولا مرات اخوياا هاجر كانت اختي وكل حاجه لياا كنت لما بقع في مشكله بروحلها هي اول واحده مفيش حد في طيبتها ابدا وجدعنتها وقفت جنبي وساعدتني
مؤمن بحزن: الله يرحمها ويصبر اهلها يارب
💖💖💖💖💖💖💖💖💖
عند حازم ومي
مي بدموع: انا مش عارفه اواسيك ولا اواسي نفسي هاجر كانت غاليه علينا كلنا
حازم بحزن: انا مش قادر اصدق انها ماتت
مي بدموع: ولا انا قادره اصدق
حازم بحزن: وحشتني اووي ووحشني لماضتها ووحشني هزارنا مع بعض وضربنا لبعض
مي بدموع: حقيقي الواحد مش بيحس بقيمه الي قداموا غير لما يروح
حازم بحزن: مكنتش متخيل انها ممكن تموت
مي بدموع: الله يرحمها
حازم بحزن : يارب
💖💖💖💖💖💖💖💖💖
عدي خمس سنين ع موت هاجر واسر رجع لشغله ورافض اي عروسه مامته تجيبها وعايش ع ذكري هاجر ولؤي ومنار اتجوزوا وخلفوا هاجر واياد تؤام )
وحازم ومي اتجوزوا وخلفوا جوري و يوسف ) ومؤمن وروفيدا اتجوزوا وخلفوا اسر و اسيل ) وهدير وكريم اتجوزوا وخلفوا عدي ) وسيف ونورهان خلفوا سلمي )
💖💖💖💖💖💖💖💖💖💖
عند اسر
اسر بعصبيه: دا اسموا استهتار ي اساتذه يعني اي مش قادرين تمسكوا حته عيل زي دا
لؤي : احنا كنا مراقبينوا لكن هو دخل مول وكانت الناس كتير تختفي وسطهم
اسر بعصبيه: دا مش مبرر عذر اقبح من ذنب ،اتفضلوا انتوا الاتنين ومترجعوش غير وانتوا ماسكينوا مفهوم
لؤي ومؤمن: مفهوم
خرج لؤي ومؤمن
مؤمن: اسر بقاا عصبي اوووي
لؤي بحزن: عندك حق هو اتغير من ساعه موت هاجر الله يرحمها
مؤمن بحزن: الله يرحمها
عند اسر دخل سيف
سيف : في اي ي اسر اي كل العصبيه دي
اسر بغضب : اغبيه مش قادرين يمسكوا حته عيل
سيف : طب اهدي هو دا يعني الي معصبك دي حاجه تافهه ي صاحبي
اسر بغضب: انت عارف ي سيف مش بحب الاستهتار ف الشغل احنا مش بنلعب
سيف : انا الي عارفوا انك اتغيرت اوووي ي صاحبي بقيت عصبي جدا وحاد جدا في شغلك
اسر : و دا احسن حاجه
سيف : لا مش احسن ،مش احسن انك تبقي عصبي جدا كدا ،افهم بقاا ي اسر هاجر خلاص ماتت مينفعش الي بتعملوا في نفسك دا عيش حياتك ي صاحبي
اسر بحزن يمزجه الغضب: انا حياتي اتدمرت بعد ما هاجر ماتت كانت هي كل حياتي عايزني ازاي اعيش حياتي وهي مش موجوده عايزني ازاي اتجوز بعديها ولما اروحلها اقولها معلش ي حبيبتي اصل هما قالولي عيش حياتك ابص في عنيها ازاي
سيف : انت بتقول اي ي اسر انت مصدق الي انت بتقولوا دا هاجر عمرها ما هتضايق انك اتجوزت وعيشت حياتك بالعكس هي هتبقي فرحانه عشانك
اسر : وانا مش تبقي فرحان وياريت تقفل الموضوع دا ي سيف انت صاحبي وانا بعزك جدا لو كنت حد تاني كنت قتلته قبل ما يفكر يقول الكلمه
سيف : ماشي ي اسر براحتك
خرج سيف واسر اتنهد بحزن ومسك صورتها الي حاططها ع مكتبه
اسر بحزن: وحشتيني اوووي ي حبيبتي
قطع كلامه دخول العسكري
العسكري : اللواء عايز حضرتك ي ااسر بيه
اسر : طيب انا جاي دلوقتي
خرج العسكري وقام اسر راح مكتب اللواء
اسر بجديه: تمام ي فندم
اللواء : جهز نفسك انت وباقي الفريق والقوات دلوقتي حالا عشان فيه مؤتمر بعد اربع ساعات في............ ولازم تأمن المكان كويس لان المؤتمر دا مهم جدا
اسر : تمام ي فندم
اللواء : اتفضل
خرج اسر وجهز هو والفريق وكان معاه قوه كبيره وراحوا المكان

💖💖💖💖💖💖💖💖💖💖
راح اسر المكان هو والقوات والفريق
اسر بجديه وحزم: سليم و منار انتوا عند الباب الخلفي
سليم ومنار : تمام ي فندم
اسر بجديه: كريم ومؤمن في السطح تامنوا كل حاجه ولو حسيتوا بحركه غريبه تبلغوني فوراا وانتي ي منار عايزك ع اللاب تراقبي الكاميرات والي داخل والي طالع
كريم ومؤمن: تمام ي فندم
اسر بجديه: وانت ي لؤي معايا عند الباب الامامي للدخول
لؤي : تمام ي فندم
اسر بجديه : يلا كل واحد مكانه ومحدش يتحرك من مكانوا تحت اي ظرف وبلغوني كل حاجه اول باول وممنوع استخدام السلاح غير بأمر مني احنا في مكان عام مفهوم
الكل : مفهوم ي فندم
حس اسر بحد مسك في رجلوا بص لقاا بنوته صغيره وطي اسر وقعد ع ركبه عشان يبقي في طولها
البنت ببرائه: عمو
اسر بابتسامه: اي ي حبيبتي
كلهم استغربوا ابتسامه اسر لانو بقالوا خمس سنين مضحكش ولا حتي ابتسم
البنت ببرائه: هو انت ظابط بدد زي الي في الافلام تدا
اسر بابتسامه: اه ظابط بجد
البنت ببرائه: طب ممكن اجرب دا (كانت بتشاور ع السلاح)
اسر بابتسامه: لا ي حبيبتي مينفعش دا خطر عليكي
البنت بعند: لا مش خطر انا بقعد اقول لمامي عايزه اجربوا وهي بتقولي كدا بردوا انا مش بخاف انا ثجاعه (شجاعه)
اسر بابتسامه: مامي عندها حق وانا عارف انك مش بتخافي بس دا مش هينفع ، بس هي فين مامي ي حبيبتي
البنت ببرائه: عند البيسين
اسر بابتسامه: طب وانتي بتعملي اي هنا مينفعش تسيبي مامي وتمشي لوحدك
البنت : بث انا مش بخاف
اسر بابتسامه: مش لازم تكوني بتخافي بس كدا مامي هتقلق عليكي يعني يرضيكي مامي تخاف عليكي
البنت ببرائه : لا انا بحب مامي قااااااد تدا
اسر بابتسامه: ي حبيبتي وبتحبي بابي قد اي
البنت بزعل طفولي : انا بابي مسافر ، ممكن اناديك انت بابي
اسر : ممكن ي حبيبتي
حضنها اسر وهي كمان
شالها اسر ووقف
اسر بجديه ليهم وهما كلهم مصدومين : انا هوديها لمامتها وهرجع كل واحد يروح مكانوا
الكل : تمام ي فندم
مشي اسر وهو يحمل الطفله
البنت ببرائه: انا عايزه ايس كريم
اسر بابتسامه: حاضر
راح اسر جابلها ايس كريم وشوكلاته كتير وغزل بنات
البنت بسعاده: انا بحبك اوووي ي عمو ،قصدي ي بابي
اسر قلبه دق جامد بعد ما سمع كلمه بابي وفرح جدا
اسر بابتسامه: وانا بحبك ي روح قلب بابي ، مقولتليش بقاا اسمك اي
البنت ببرائه وهي تاكل الشوكولاته : اسمي جميله
اسر بابتسامه:اسم ع مسمي انتي اسمك جميله وفعلا جميله
البنت وهي تعطيه قطعه شوكلاته: تاكل حته
اسر بابتسامه: لا بالهنا والشفاا ي حبيبتي
اسر خرج ورقه منديل ومسح بوق جميله مكان الشوكولاته
في اللحظه دي
الام بخوف : جميله حبيبتي خضتيني عليكي
اسر بص لمصدر الصوت واتصدم مقدرش يتحرك
اسر بصدمه: هاجر
هاجر اغم عليها اول ما شافتوا واسر لحقها وقعدها ع الكرسي وفوقها
البنت بعياط: مامي
اسر مصدوم
اسر بصدمه: جميله ي حبيبتي هي دي مامي
جميله بدموع: اه
اسر بصدمه: اسمها اي
:هاجر
اسر بص لقاا هاجر فاقت
اسر بصدمه: يعني انتي هاجر حقيقي مش بحلم
هاجر بتوتر: لا مش بتحلم ي اسر
اسر بزعيق : ازااااااي ازااااي انتي لسه عايشه
هاجر بتوتر : اه لسه عايشه
اسر بصدمه: امال مين الي دفناها ع انها انتي ومين الي خدنا عزاها ع انها انتي ثم اكمل بزعيييق مييييين
هاجر بتوتر وخوف : اهدي ي ااسر الناس بتتفرج علينا
اسر بصدمه: انا مش فاهم حاجه انتي ازاي عايشه ازااي عايشه كل دا
هاجر بتوتر : طب ممكن نروح اي مكان وانا هفهمك
اسر بغضب: تفهميني اي تفهميني انك لسه عايشه كل دا واحنا منعرفش وعايشه حياتك و احنا كلنا اتكسرنا بسببك
هاجر بتوتر : اسر مش هينفع نتكلم هنا
اسر مدهاش فرصه تكمل شال جميله وشدها من ايديها وبيجري وبيجرها وراه وركبوا العربيه وساق باقصي سرعه
جميله بخوف : مامي خليه يمشي براحه انا خايفه
هاجر : متخافيش ي حبيبتي ،ثم وجهت كلامها لاسر بتوتر اسر وطي السرعه شويه البنت خايفه
اسر وقف العربيه
اسر بغضب: بنت مين دي
هاجر باستغراب : بنتي هتكون بنت مين يعني
اسر بغضب: مش قصدي عليكي قصدي مين ابوهاا
هاجر بتوتر : انت
اسر بصدمه: يعني بنتي كمان عايشه
هاجر بتوتر : اه
اسر بغضب : انزلي مش هينفع نتكلم قصاد البنت
نزل اسر بعصبيه شديده
هاجر بحنان : حبيبتي خليكي في العربيه متتحركيش
جميله ببرائه: حاضر ي مامي
نزلت هاجر وهي خايفه من المواجهه بس خلاص لازم تواجهه مينفعش تهرب
اسر بغضب: انا عايز افهم كل حاجه
هاجر بتوتر : حاضر
فلاش باك من خمس سنين
هاجر فتحت باب الشقه
هاجر باستغراب : انتي مين
البنت رشت مخدر ع وشها بعد وقت صحيت هاجر لقت نفسها في مكان غريب
هاجر بتعب: انا فين
سمعت صوت شخص : متقلقيش انتي في مكان أمن جدا
هاجر : انا بعمل اي هنا وانت مين واي المكان دا
شخص : براحه علينا ي حضره الظابط ، انا هشرحلك كل حاجه ، اولا انا حسام الهواري ظابط قوات خاصه ،وانتي هنا ليه ف دا عشان محتاجينك ف مهمه
هاجر بغضب: وهو الي بيحتاج حد في مهمه بيخطفوا ي حضره الظابط
حسام: عندك حق بس احنا كان لازم نعمل كدا عشان نبين انها خطف مش مهمه في قضيه
هاجر : انا مش فاهمه حاجه
حسام : انا هفهمك ، احنا خطفناكي دا عشان وراه هدف ان بعد يومين هنظهر خبر وفاتك
هاجر بصدمه: ليه
حسام: انتي عارفه طبعا الحوداث الي حصلتلك كلها من بدايه محاوله قتلك كذا مره وخطفك اكتر من مره ولما اتخطفتي ف روسياا لحد الحادثه الي فقدتي فيها ابنك او بنتك واصابه اسر ودخوله ف غيبوبه
هاجر : مش هسالك عرفت كل دول ازاي لاني متوقعه الرد وهتقولي انك ظابط بس هسالك ليه بتقول كل دا
حسام : واضح انك ذكيه وحاده جدا زي ما سمعت
انا هقولك ساعه اللعبه الي عملها هيثم عشان يوقع بينك وبين اسر والحادثه زي ما عرفتي ان الي ورا كل دا كان هيثم بس عايز اقولك ان هيثم كان مجرد كبش فداا ليهم لانهم يقدروا يخلصوا منو لكن مش هو الي مخطط لكل دا
هاجر : عارفه باسم هو الي خلاه يعمل كل حاجه لكن الحادثه ومحاوله قتلي في شرم دول هيثم وهو الي قتل باسم
حسام: معلوماتك غلط ي حضره الظابط ، باسم مماتش وانتي فاكره ان هيثم عمل كل دا عشان بيكرهك لا ع فكره هيثم كان مزقوق عليكي من ساعه ما مثل الحب عليكي كانوا عايزينك انتي لكن البنت الي بلغتك انو بيخونك هي الي بوظت خطتهم ف قتلوها والبنت دي كانت تبعناا احنا
هاجر بصدمه: ازاي باسم مماتش وانا جوزي كان متهم ف القضيه دي واشمعنا انا الي بيعملوا كل دا فياا
حسام: باسم عمل الموضوع دا عشان يهرب وهما ساعدوه لانو البوص بتاعهم ،اه نسيت اقولك باسم هو البوص الي انتوا قبضتوا عليه معاه دا كان واحد عادي ،ولما قالك انو حبس هيثم عشان جرحك ومثل عليكي الحب ف دا مش صح دا كان بيقولها عشان يبين ان سر العداوه هي انتي اما اشمعنا انتي ف دا عشان انتي الوحيده الي رغم كل الي حصل كنتي بردوا بترجعي وتدوري وراهم كانوا بيحاولوا يلهوكي كل شويه بحاجه مره خطفك مره حادثه وهكذا
هاجر بغضب: ولما انت عارف كل المعلومات دي مقبضتش عليهم ليه
حسام: لان زي ماانتي قولتي معلومات انا معايا معلومات لكن مش ادله
هاجر : وانا دوري اي وليه عايزني تبقي قصاد الكل ميته
حسام: اولا لان باسم لسه حاطك ف دماغه وبيراقبك ف خطفناكي ولازم تباني قصاد الكل انك موتي لانك هتروحي هناك باسم وشكل مختلف
هاجر : هناك فين
حسام: حضرتك هتسافري روسيا
هاجر بغضب: اسافر فين انا حامل
حسام : انا مقولتش دلوقتي احنا خطفناكي دلوقتي عشان يبقي عدي ع موتك سنه ولما تظهري هناك محدش يشك لكن انتي هتفضلي في امان لحد ما تولدي وتقومي بالسلامه وساعتها هتبدا مهمتك
هاجر : ولو رفضت
حسام : مفيش فرصه الاختيار دا اجباري ولازم يحصل لان لو محصلش ممكن تفقدي ابنك او بنتك دي كمان واحتمال اسر كمان لانهم مش هيسبوكي
هاجر بخوف : وانا اضمن منين اني لما اموت هما مش هيعملوا حاجه ف اسر
حسام: لان هما مش عايزين اسر هما عايزينك انتي ف لما انتي تباني انك ميته دا هيخليهم يبعدو
هاجر : بس باسم كدا مش هيعرفني
حسام: احنا هنعملك عمليه تجميل تغير في ملامحك شويه بحيث محدش ياخد بالو وبعد ما تخلصي المهمه تقدري ترجعي زي ما كنتي
هاجر : وهرجع ازاي اظهر تاني بعد ما موت قصاد الكل
حسام: ساعتها احكيلهم ع المهمه وعرفيهم وضعك وهما هيقدروا
هاجر : وانت هتظهر موتي ازاي
حسام: هما عارفين دلوقتي انك اتخطفتي احنا لقينا واحده قريبه في السن والجسم منك و حامل زيك جبناها من المشرحه هنحطها ف عربيه وهنربطها وهنعمل اثار تعذيب عليها وواحد هيسوق العربيه باقصي سرعه وينزل منها قبل ما تتقلب فا العربيه هتتقلب وهتولع ف ملامح الوش مش هتبان اووي وهما اكيد هيعملوا تحليل دي ان اي احنا هنزوره بحيث يعرفوا ان دي انتي
هاجر بتنهيده: موافقه
حسام: كدا اتفقنا ، اه صح نسيت افكك
راح حسام فكها وهي وقفت
هاجر بجديه: انت عرفت عني اني ذكيه وحاده جدا معرفتش اني مش بسيب حقي
ملحقش حسام يتكلم لان هاجر ضربتوا بوكس
حسام بالم: اااااه
خرج حسام بره وهو ماسك انفه وهي بتنزف
تمارا بضحك:ههههههههههه احسن عشان قولتلك مش هتسيبك كان لازم تعمل فيها سبع يعني اهي علمت عليك
حسام بغضب: خلاص ي زفته بطلي رغي وبعدين هي عندها حق احنا خطفناها وهي حامل ودا كان ممكن يأذي الجنين وغير اننا ربطناها
تمارا: ولما انت عارف كدا عملت كدا ليه
حسام بغضب: انتي غبيه ي بت ما احنا بنقول لازم يحصل كدا
تمارا : تصدق انا فرحانه فيك احسن اهي جت الي هتعلمك الادب
حسام بغضب: مين دي الي تعلمني الادب اقسم بالله انا سكت بس عشان هي حامل
تمارا: لا حنين فعلا
حسام: ملكيش دعوه ويلا روحي شوفي شغلك
💖💖💖💖💖💖💖💖💖💖💖
نرجع لاسر وهاجر مجرد ما خلصت كلامها لقت قلم نازل ع وشها اتصدمت من رده فعله مكنتش متوقعه كدا كانت فاكره هيحضنها، هيعاتبها ،هيتعصب عليها ،
اسر بغضب: القلم دا كان لازم اديهولك من زمان ع كل غلطه بتعمليها وانا بسامح وبعدي
هاجر بوجع: انا معملتش حاجه غلط انا كنت عايزه نعيش في امان من غير مشاكل ولا حوادث مكنتش هسامح نفسي لو كان حصلك حاجه بسببي
اسر بعصبيه:وانا كدا محصليش حاجه لماا اقعد خمس سنين فاكرك ميته وبندم في اليوم الف مره اني سيبتك لوحدك ونزلت الشغل وانا عايش خمس سنين بدور ع الي عمل فيكي كدا وحياتي اتحولت ١٨٠ درجه وانتي عايشه حياتك عادي
هاجر بدموع: مين قالك اني عيشت حياتي عاادي انا كنت بعد الايام الي تخلص فيها المهمه دي عشان اطمن عليك واشوفك وارجع وانا فرحانه اننا هنعيش في امان
اسر باستهزاء: وانتي فاكره لما تيجي وتقوليلي كدا هاخدك بالحضن واقولك حمدلله ع سلامتك ي حبيبتي نورتي بيتك
هاجر : انا مقولتش كدا
اسر بعصبيه: انتي مبتقوليش حاجه اصلا انتي بتبعدي وبس مش مهم الي قدامك دا يحس بأيه المهم انتي تبعدي كل مشكله تحصل كنتي بتبعدي وانا عشان بحبك كنت بقرب كنتي بتبني ميه سور وانا كنت اقرب واهد لحد ما تعبت خلاص تعبت من الهد ، ثم اكمل بس عارفه الغلط مش عليكي الغلط علياا انا عشان كنت بسامح وبعدي عشان بحبك بس خلاص انا زهقت وتعبت منك انتي انسانه انانيه مش بيهمك غير نفسك وبس حتي بنتي حرمتيني منها وخلتيني لما اشوفها معرفهاش عشان فاكر ان بنتي ماتت
هاجر بدموع: بلاش تظلمني ي اسر
اسر بغضب: انتي الي ظلمتي نفسك مش انا روحتي سمعتي كلام ظابط وبعدتي ومش مهم احنا نولع مااحنا المفروض مستنين البرنسيسه لما ترجع وتقولنا انها لسه عايشه ،تعرفي سيف كان عندو حق لما قالي عيش حياتك وانا الي كنت غبي وبرفض بس خلاص انا فعلا هعيش حياتي. وهنساكي ي هاجر ولو ع بنتنا ف هي هتعيش معايا انا مستحيل اسيبها مع ام انانيه مش بيهمها غير نفسها وبس ، وانتي شوفي مهماتك وشغلك المهم الي فضلتيه علياا وع عيلتك
هاجر بدموع وغضب : انت مش هتاخد بنتي مني ي اسر مستحيل
اسر بغضب: لا مش مستحيل انتي حرمتيني منها خمس سنين وانا معرفش ان لياا بنت اصلا
هاجر بعياط: كان غصب عني قولتلك مش بارادتي انت فاكرني قاصده ابعد بس انا بعدت عشان تعبت تعبت مكنتش هقدر اعيش لو كان حصلك حاجه
اسر بغضب: انتي مش هتقدري تعيشي لو حصلي حاجه لكن هقدر عاادي مش كدا ،،، انا فعلا قدرت قدرت اعيش خمس سنين من غيرك وهقدر اعيش من غيرك وانتي بردوا قدرتي ع الاقل انا كنت فاكر انك سبتيني غصب عنك لان دي اراده ربنا لكن انتي سبتيني بمزاجك ، اتفضلي هوصلك عشان ورايا شغل وبنتي انا هاجي اخدها النهارده
هاجر بغضب: مش هيحصل ي اسر حتي لو اضطرتني اخدها. وابعد تاني
اسر بغضب : يبقي مش هتشوفيها طول حياتك ،ع الاقل لما تكون معايا هتقدري تشوفيها زي ماانتي عايزه لكن لو فكرتي انك تاخدي بنتي وتبعدي هقدر اجيبك وساعتها مش هتشوفيها نهائي واظن انتي عارفه اني اقدر اوصلك ف اي مكان تروحيه
هاجر بخوف من تنفيذ تهديده وحرمانها من ابنتها : حاضر
ركب اسر العربيه وهي ركبت وساق وهو كانت واخده جميله في حضنها وخايفه تسيبها
جميله بطفوله: مامي هو انتي بتعيطي ليه
هاجر بحزن: مفيش ي حبيبتي دي حاجه دخلت في عيني
جميله ببرائه وهي وشاور ع اشر : طب هو مين عمو دا
هاجر بحنان : دا بابا ي حبيبتي رجع من السفر
جميله بسعاده: بجد دا بابي
اسر بابتسامه: اه ي حبيبتي
جميله ببرائه: طب وقف العربيه انا عايزه احضنك
اسر بفرحه وشوق : بس كدا انتي تؤمري ي قلبي
وقف اسر العربيه وجميله نطت عليه وحضنته وهو بردوا حضنهاا وهو فرحان جداا وهاجر كانت مبتسمه لكن زعلانه
جميله بسعاده: وحشتني اووووي ي بابي
اسر بحب ابوي ونزلت منه دمعه : وانتي كمان ي حبيبتي وحشتيني اووووووي
جميله ببرائه: متسبنيش انا و مامي تاني لان هي كانت وانت مسافر كانت بتعيط وانا مش بحبها تزعل
اسر بابتسامه وجع: حاضر ي حبيبتي
قعدها اسر ع رجله وساق العربيه
هاجر : انت هتودينا فين
اسر بجمود: ع البيت انا سبت الشقه بقالي خمس سنين بس كنت بخلي مرات البواب كل اسبوع تنضفها هتعيشي هناك ولو عايزه ممكن اروحك بيت باباكي
هاجر : لا محتاجه ارتاح قبل ما اشوفهم
اسر بسخريه : كنت متوقع دا اصلا هتهتمي تشوفيهم ليه ماانتي اتعودتي خلاص ع البعد
هاجر : مش ملاحظ انك عمال تتهمني من ساعه م شوفتني
اسر : انا الي بتهمك هي مش دي الحقيقه
هاجر بغضب: لا مش حقيقه ربنا هو الوحيد الي عالم بالي جوايا و عارف نيتي اي ، لكن انت سيبت كل حاجه حلوه مع بعض وماافتكرتش غير الوحش وبس عشان اطلع انا الانانيه الي بتبعد وانت الملاك الي بتقرب ، انا لو كنت انانيه ز ما بتقول كنت عيشت معاك وقولت مش مهم يعملوا الي يعملوه لكن انا خوفت عليك
اسر بغضب: انا مش عيل صغير تخافي عليه وانا مقولتش اني ملاك بس مش اناني زيك دايما كنت بواجهه انتي لما شوفتي البنت جنبي ع السرير بعدتي ورفضتي اي كلام مني و اول مااتحبست عملتي فيها دور البطله وطلعتيني وانا الي كنت غبي وسامحتك ع كلامك ولما باسم حاول يعتدي عليكي في روسياا انا بردوا سامحتك عشان بحبك لكن انتي بعتيني مع اول مشكله واجهتك وبعتيني تاني عشان مهمه
هاجر بغضب: انت مصمم اني بعتك و وقفتي جنبك بقيت بالنسبالك بعمل دور البطله وخلاص
اسر بغضب: انا مش مصمم انا دا الي انا شايفوا
هاجر بغضب: يبقي انت محتاج تكشف لانك مش شايف كويس
اسر ضربها بالقلم
جميله بزعل طفولي : بابي انت وحش عشان ضربت مامي
هاجر بوجع: لا ي حبيبتي بابي ميقصدش هو بس زعلان مننا عشان مقولنالوش اننا جايين هنا
جميله ببرائه: احنا اسفين ي بابي اننا مقولناش
اسر : ولا يهمك ي حبيبتي
بعد وقت وصلوا
عم عبده: نورت ي بيه والله كان ليك واحشه
اسر : شكرا ي عم عبده
عم عبده: ازيك ي مدام هدير بنت حضرتك دي
هاجر : اه بنتي بس انا مش هدير
عم عبده باستغراب : امال مين ي ست هانم
هاجر : انا هاجر ي عم عبده
عم عبده بخوف : بسم الله الرحمن الرحيم
اسر معلقش وشدها وطلعوا الشقه
هاجر بغضب: انا مش بهيمه عمال تجرها وانت ماشي
اسر بغضب جامح: انتي تخرسي خالص انتي فاهمه
هاجر بغضب: لا مش فاهمه انا مغلطتش عشان اتخرس ، اه ممكن يكون الطريقه غلط لكن هدفي كان صح ومش ندمانه ع الي عملتوا حتي لو رجع بياا الزمن هعمل كدا
اسر بعصبيه: وانا خلاص زهقت وتعبت منك ، انا هاخد بنتي وهسيبك انتي بقاا مع مهماتك وشغلك المهمين ، انتي طالق ي هاجر ارجعي بقاا لحياتك ميكونش فيها واحد يتحكم فيكي ولا يزعقلك ولا انتي تضحي بعيلتك عشان تحميه
خرج اسر ورزع الباب وراه وهي انهارت ع الارض وقعدت تعيط
💖💖💖💖💖💖💖💖💖