رواية احببت عنادك... بقلمي/هاجر هشام الفصل الثالث وثلاثون 33 - بقلم Hagar Hešhàm

عند سيف كان سايق باقصي سرعه وفجاه ملقاش فرامل
سيف : ازاي العربيه مفيهاش فرامل
فضل يكسر شمال ويمين بيحاول يبعد عن العربيات وخرج بره الطريق  و العربيه اتقلبت  واتلم حواليه الناس بيحاولوا يخرجوا
 
عند نورهان حست بقبضه في قلبها مره واحده مش عارفه مصدرها
نورهان بضيق: ساره
ساره بخوف: مالك يانورهان في اي
نورهان بخنقه ودموع: مش عارفه بس حاسه بخنقه ومش قادره احد نفسي وقلبي مقبوض مش عارفه في اي
ساره بقلق: طب اهدي يااحبيبتي اهدي
ساره وهي تناولها كوب ماء : خدي اشربي المايه
باسم: اهدي يانورهان مفيش حاجه
في اللحظه دي فون باسم رن وكان سيف
باسم: ايوا يا سيف انت فين
المتصل: ايوا حضرتك صاحب التليفون عمل حادثه و احنا نقلنا المستشفي
باسم بفزع: انت بتقول اي / طب مستشفي اي
المتصل : مستشفي .............
نور بخوف: في اي يا بااسم سيف مالو ومستشفي اي الي بتكلم عنها
باسم بخوف: سيف عمل حادثه وهو دلوقتي في المستشفي
في اللحظه دي نورهان اغم عليها
ساره بفزع: نورهان
باسم بقلق : استني يا ساره انا هشيلها / تعالي ورايا يلا هنروح المستشفي
نزل  باسم حط نورهان ورا وساره ركبت معاها ومروان وباسم قدام
اتحركوا بسرعه وبعد وقت قصير وصلوا المستشفي
باسم وهو شايل نورهان : الطوارئ فين بسرعه
الموظف : اخر الطرقه يافندم
باسم لمروان: انا هوديها الطوارئ وانت اسال ع سيف لحد مااجيلك وانتي يا ساره تعالي معاياا عشان تقعدي معاها وانا ارجع لسيف
ساره : طيب بسرعه بس
راح الطوارئ ونيمها ع السرير كان الدكتور جيه وكشف عليها وباسم راح ل سيف
ساره بقلق: هي عامله اي دلوقتي يا دكتور
الدكتور : للاسف انهيار عصبي حاد وغير انها مكلتش النهارده كويس دا سبب للاغماء انا ركبتلها محاليل مغذيه وان شاء الله تبقي كويسه
ساره : شكرا يا دكتور
الدكتور : العفوا عن اذنك
ساره: اتفضل
خرج الدكتور واتصلت ساره ع باسم عشان تطمن ع سيف

عند باسم راح لمروان
باسم: سالت ع سيف
مروان : اه سالت هو لسه في غرفه العمليات دلوقتي
باسم: طب معرفتش اي سبب الحادثه
مروان : لا لسه معرفتش هما لسه بيحققوا بس بيقولوا ان عربيه سيف كانت غير متزنه
باسم: يعني اي مش فاهم
مروان: يعني كان عمال ينحرف عن الطريق وكأن مش عارف يسيطر ع العربيه
باسم: طب عايزك تتابع الموضوع دا مع الظابط الي هيمسك القضيه
مروان : ماشي انا هروحلوا دلوقتي بس ابقي طمني ع سيف لما يخرج من العمليات
باسم: ماشي
مشي مروان وباسم فونوا رن
باسم: ايوا يا ساره
ساره: طمني يا باسم سيف عامل اي
باسم: مش عارف يا ساره هو لسه في غرفه العمليات ولسه لحد دلوقتي محدش خرج يطمني خالص
ساره: ان شاء الله خير بس ابقي طمني لو فيه اي جديد
باسم: حاضر يا ساره
ساره: سلام
باسم: سلام
💖💖💖💖💖💖💖💖💖
عند هاجر عملوا تحليل DNA والدكتور قالهم هيستلموا بعد يومين
هاجر : تمام بعد يومين نيجي عشان نعرف
هدير : ان شاء الله بس لو طلع ايجابي هنعمل اي انا خايفه اوووي لو طلع فعلا كدا طب هما ليه سابوني
هاجر : احنا لسه مش عارفين السبب اصلا ممكن تكوني توهتي مننا وانتي صغيره
هدير: طب مدوروش علياا ليه لحد دلوقتي
هاجر: يمكن دوروا بس معرفوش يوصلولك
هدير: بس انا مش هفضل اقول يمكن انا هستني النتيجه ولو ايجابي هكون عايزه اعرف السبب ولو سلبي ساعتها تكون اتبسطت جدا اني لقيت تؤام لياا واخت كمان
هاجر : باذن الله هيطلع ايجابي ونبقي اخوات فعلا
هدير : اتمني دا بس اعرف الحقيقه الاول
اسر: طب مش يلا بقاا
هاجر : اه يلا
اسر: يلا ياهدير انا عازمك ع الفطار معانا
هدير: لا انا مليش نفس روحوا انتوا
هاجر: لا طبعا انتي هتيجي معاياا بليز بقااا
هدير : طيب ماشي
اسر : طب يلا بينا
ركبوا الثلاثه العربيه
اسر: في مكان معين عايزين تروحوا ولا اي مكان
هاجر وهدير : اي مطعم ع البحر
الاتنين بصوت لبعض وضحكوا
اسر : هههههه واضح ان فيه حاجات مشتركه
هاجر: طبعا مش اختي
هدير : انتي واثقه كدا ليه اني اختك فعلا
هاجر: مش عارفه بس عندي احساس قوي بكدا
اسر: ان شاء الله تطلعوا اخوات
وصلوا عند مطعم ع البحر ودخلوا
💖💖💖💖💖💖💖💖💖
عند سيف في المستشفي باسم كان واقف مستني اي دكتور يطلع يطمنوا وبعد وقت قصير خرج الدكتور
جري عليه باسم بلهفه
باسم بقلق: طمني يا دكتور
الدكتور بأسف: للاسف حالته خطيره جدا هو حصلوا نزيف بس الحمدلله قدرنا نوقفوا وعملنا كل الي نقدر عليه لكن للاسف هو دخل في غيبوبه والله واعلم هيفوق منها امتي
باسم بخوف: طب انا ممكن ادخل اشوفوا يادكتور
الدكتور: لا للاسف مينفعش حد يدخلوا
باسم: طيب شكرا يا دكتور
راح باسم لنور يطمن عليها
ساره بلهفه: طمني سيف اخباروا اي
باسم بحزن: دخل في غيبوبه
في اللحظه دي فاقت نورهان وهي بتصرخ
نورهان بصريخ: سييييف
جريوا عليها باسم وساره يهدوها
ساره: اهدي ياحبببتي
نور بصريخ: عايزه اشوف سيف هو فين ودوني ليه بسرعه
باسم: مش هينفع يا نور سيف في العنايه المركزه دلوقتي وممنوع الزياره
نور بعياط: مليش دعوه انا عايزه اشوفوا
باسم بحزن: سيف دخل في غيبوبه يا نور
نور بفزع: اي انت بتقول اي  /انت اكيد بتكدب
في اللحظه دي دخل بابا وماما نورهان
الام بخوف: حبيبتي انتي كويسه
نور بانهيار : سيف يا ماما سيف عمل حادثه
الام بقلق: اهدي يا حبيبتي هو هيبقي كويس ان شاء الله
الاب لباسم : في اي يا باسم اي الي حصل
باسم بحزن: مش عارف والله انا واحد اتصل بيا قالي ان سيف عمل حادثه ساعتها نور اغم عليها نقلنالها المستشفي هي كمان وسيف حالتو خطيره ودخل في غيبوبه
الاب بحزن: طب هو فين دلوقتي
باسم: في العنايه المركزه
الاب: طب تعالي نروح وانتي يا ساره خليكي معاهم
ساره: حاضر يافندم
نور بزعيق: لا انا هاجي معاك عايزه اشوف سيف
الاب باعتراض: لا مينفعش انتي لسه تعبانه خليكي وانا هبقي اطمنك
نور : لا انا كويسه انا هاجي معاكوا
الاب بقله حيله: طب تعالي
راحت نور معاهم العنايه والدكتور منعهم من الدخول
نور بدموع: انا عايزه اشوفوا ونبي يا بابا اعمل حاجه
الاب بحزن: اعمل اي بس يا حبيبتي اديكي سمعتي الدكتور قال مينفعش
💖💖💖💖💖💖💖💖💖💖💖
في مكان بعيد
شخص : نفذنا يا بااشاا وزمانوا دلوقتي في تعداد الموتي
شخص اخر: كدا تعجبني خد دول واختفي الفتره دي لحد ما الموضوع يهدي
شخص وهو ياخد النقود : من يد مانعدمها يا بااشاا عن اذنك
شخص اخر : اتفضل
💖💖💖💖💖💖💖💖💖💖
عند مروان في القسم كان بيتابع القضيه مع الظابط
مروان : ها يا علي مفيش اي جديد
علي: الموضوع كان بفعل فاعل لان العربيه لقينا الفرامل سايبه
مروان: طب ومين ليه مصلحه انو يعمل كدا
علي: احنا ظباط يا مروان يعني لينا اعداء كتير
مروان: قصدك اي
علي: قصدي ان ممكن تكونوا ماسكين قضيه حد مهم وهو حب يخلص منو
مروان : طب مخلصش مننا كلنا ليه ما احنا كلنا بنشتغل في القضيه
علي: هو عارف انو لو خلص منك و دا هيعمل شوشره ليه وهيفتح العيون عليه لكن لما يخلص من القائد نفسوا دا هيخليكوا تتهزوا وتبعدوا عن القضيه
مروان بغضب: اه يا ولاد الكلب طب والله ما هسيبكوا وهنستمر في القضيه دي مهما حصل
علي: بلاش تسرع يا مروان احسبها كويس لان طالما قدروا ع سيف اكيد هيوصلولك بلاش عند واوزن الامور كويس
مروان بغضب: اوزن اي دا صاحبي ولو فاكرين انهم لما يحاولوا يقتلوه احنا هنخاف يبقي نجوم السما اقربلهم لان مش احنا الي نخاف لازم هما الي يخافوا لان خلاص نهايتهم قربت وع ايدي
علي: اهدي يا مروان وشوف الموضوع دا مع باقي الفريق مينفعش تاخدوا لوحدك دا قرار مهم
مروان بغضب: ورحمه امي ما هسيبهم حتي لو كل الفريق اعترض هقوم بيها لوحدي
علي: مينفعش يا مروان كدا هتعرض نفسك للخطر شوف الفريق احسن وهتلاقيني معاك يا صاحبي انا مستحيل اسيبك  / المهم دلوقتي صح  سيف اخبارو اي
مروان : تسلم يا صاحبي / سيف لا مش عارف لسه استني هكلم باسم اطمن
كلم مروان باسم
مروان : ايوا يا باسم سيف عامل اي
باسم:..............
مروان بصدمه: انت بتقول اي
باسم: ..........
مروان بحزن: طب انا جاي حالا
قفل معاه
علي : في اي مالوا سيف
مروان بحزن: سيف دخل في غيبوبه/ انا لازم اروح حالا
علي بصدمه: اي / طب استني انا جاي معاك
جريوا الاتنين ركبوا العربيه وساق مروان باقصي سرعه
وبعد وقت قصير وصلوا  ودخلوا يجروا ع قسم العنايه
💖💖💖💖💖💖💖💖💖💖
عند هاجر خلصوا فطار واسر وصل هدير لشغلها وراح هو وهاجر يحجزوا الكوافير
اسر بمكر: ما تيجي نقعد ع البحر بعد ما نحجز
هاجر فهمت قصده: لا احنا هنحجز ونروح الشغل
اسر : متاكده انك عايزه تروحي الشغل
هاجر : اه
اسر وهو يعمل حركه تامر حسني : طب فكري
هاجر وهي تقلده: فكرت
اسر :طب فكري تاني عادي يعني
هاجر : لا فكرت
اسر : براحتك
هاجر: ايوا براحتي
اسر : اه صح قستي الفستان
هاجر : لا بصراحه انا رجعت امبارح مهدوده ونمت ع طول وانهارده يدوب صحيت خدت شاور ولبست وانت جيت ساعتها فا ملحقتش
اسر : طب كويس عشان عايز اشوفوا عليكي وانا موجود
هاجر بمشاكسه: لا طبعا مش هتشوفوا غير ع الفرح
اسر بحزن مصطنع : يعني اهون عليكي افضل كل دا مشوفوش
هاجر: اه تهون وبعدين كل دا اي دا هو فاضل خمس ايام
اسر: يااااه دانا مستني يخلصوا بفارغ الصبر
هاجر : اشمعنا يعني
اسر بمكر: هتعرفي ساعتها
هاجر اتكسفت ووشها بقاا احمر
هاجر بتوتر: بطل قله ادب
اسر بمكر: انتي فهمتي اي يا حبيبتي انا قصدي يعني هعملك مفاجاه في الفرح
هاجر بخجل :مفاجاه اي
اسر : وهو انا لو قلت هتبقي مفاجاه يعني
هاجر بمكر: وانا بردوا عملالك مفاجاه
اسر بفرحه : بجد عملالي مفاجاه
هاجر : اه عشان متقولش علياا بخيله بس
اسر : هو انا اقدر اقول حاجه زي كدا بردوا / المهم مفاجاه اي بقاا الي عملاها
هاجر : وهو انا لو قلت هتبقي مفاجاه
اسر : اه بترديهالي حضرتك مااشي
هاجر ببرائه : وهو انا اقدر
اسر : مش عارف ليه بخاف من نظره البرائه دي بحس ان فيه مصيبه بعديها
هاجر ببرائه: انا بردوا
اسر : ربنا يستر
هاجر: ههههههههههه يارب
💖💖💖💖💖💖💖💖💖💖
عند حسين وهو يتحدث مع شخص
حسين بشر : عرفت هتعمل اي مش عايز غلطه
الشخص: عيب عليك يا حسين بيه انت عارفني مفيش مهمه عملتها وفشلت
حسين بشر :تمام بس قبل الفرح بيوم فاهم
الشخص: مااشي يا بااشاا
قفل معاه
حسين بغل: انا هربيكي يا هاجر وهندم حضره الظابط عليكي واكسرك عشان مش عيله زيك الي تتحداني وتضربني والي معرفتش اعملوا زمان هعملوا دلوقتي
💖💖💖💖💖💖💖💖💖💖
عند سيف
وصل مروان وعلي
باسم : معرفتش اي حاجه يا مروان
مروان بغضب: عرفت الحادثه طلعت بفعل فاعل كانو مسيبين فرامل العربيه
باسم بغضب: هما مين دول
مروان : لحد دلوقتي مش عارفين لكن شاكين في العصابه الي تبع القضيه الي احنا ماسكينها
باسم : اشمعنا هما
مروان : محدش ليه مصلحه في موته غيرهم
باسم: طب ما كانوا قتلونا كلنا
مروان : تفتكر هما بالغباء دا عشان يبان انهم هما الي ورا الموضوع دا لا طبعا هما قالوا يخلصوا من سيف و احنا هنخاف ونبعد عن القضيه
باسم بغضب : واحنا مش هنولهم غرضهم دا احنا لازم تشتغل ع القضيه دي ونمسكهم في اقرب وقت ونجيب حق صاحبنا
مروان : دا الي انا قولتوا بردوا بس احنا محتاجين باقي الفريق ومريم عندهم هحاول اوصلها عشان هنحتاج منها معلومات هتساعدنا في حل القضيه
باسم : تماام اتواصل انت معاها وانا هكلم ساره بس بلاش نور هي منهاره دلوقتي ومش هتقدر تعمل حاجه معانا
مروان : تمام / اه صح نسيت دا علي الي ماسك القضيه بتاعت سيف وصاحبي وممكن يساعدنا في القضيه
باسم : ازيك يا علي معلش مخدتش بالي
علي : ولا يهمك انا مقدر الي انتوا فيه ولو احتاجتوا اي حاجه مني قلولي وانا مش هتاخر ابدا
باسم: شكرا يا علي احنا بس عايزينك تتابع قضيه سيف عايزين نعرف مين الي عملها في اسرع وقت
علي: ماشي انا هستاذن دلوقتي وان شاء الله هاجي تاني
باسم: ان شاء الله اتفضل
مشي علي وباسم راح ل ساره يقولها
باسم : حكلها كل حاجه ونور سمعتوا
نور بغضب: يعني الحادثه بفعل فاعل
باسم بحزن: للاسف اه
نور بغضب: انا هكمل معاكوا القضيه دي ولازم نمسكهم في اسرع وقت
باسم ؛ مينفعش يا نور انتي تعبانه دلوقتي ولازم ترتاحي
نور بتحدي وغضب : انا مش مرتاح غير لما امسكهم كلهم واشوفهم متعلقين ع حبل المشنقه ساعتها بس هرتاح
ساره: خلاص يا باسم خليها معانا
باسم : ماشي يا نور
خرجوا كلهم
اللواء محمد: رايحه فين يا نور
نور بغضب: رايحه اجيب حق سيف يا بابا
اللواء ابتسم لانو اتاكد ان بنتو فعلا بتحبوا
: روحي يا حبيبتي ان شاء الله تجيبي حقوا
نور : ان شاء الله يا بابا عن اذنك
خرجوا ركبوا العربيه كلمهم نور وساره ورا ومروان وباسم قدام واتحركوا الاداره
وبعد نص ساعه وصلوا الاداره ودخلوا مكتب اللواء ع طول
الكل : تمام يافندم
اللواء: اقعدوا يا شباب سيف اخبارو اي
باسم : للاسف يافندم هو في غيبوبه دلوقتي ومش عارفين هيفوق امتي
اللواء : ان شاء الله يقوم بالسلامه
الكل: ان شاء الله يافندم
اللواء: تمام اتفضلوا اوضه الاجتماعات هشرحلكوا اطراف القضيه حسب المعلومات الي مريم قالتهالنا
دخلوا اوضه الاجتماعات وقعدوا واللواء شغل الشاشه قدامهم وهو بيجيب صور اشخاص
اللواء : دا يبقي اسموا طوني عميل روسي بس موجود في مصر حالياا دا تبع المافياا بره
ثم اكمل وهو يقلب الي شخص اخر
اللواء: ودا ياسين رئيس العصابه في مصر
وهو يقلب لشخص اخر
اللواء؛ ودا هيثم ابنو وهو الي بيدير الشبكه وهو الي بيصطاد البنات
نور: طب اماكنهم فين حالياا يافندم يعني نقدر نوصلهم ازاي
اللواء: هيثم لما رقيبناه عرفنا انو بيتردد ع ملهي ليلي في ......... ،
باسم : يعني هو بيصطاد البنات من هناك يافندم
اللواء: مش كلهم ولا ع طول يعني البنت الي تعجبوا يوقعها ع مسمي الحب والجواز ويقضي معاها ليله وبعد كدا يرميها طبعا هي هتحاول تجري عليه وتبوس ايديوا انو يستر عليها  يقوم هو مستغل دا ويشغلها في شبكه الدعاره او بيع الاعضاء
نور بغضب : اي القرف دا
اللواء: للاسف هو دا الي بيحصل فعلا عشان كدا دا اخطر من ابوه جدا ودا اهم واحد يعني لو دا وقع هتلاقي الكل اتكر وراه عاملين زي الخيط كدا لو شديتيه البكره كلها هتتكر
نور : بس يافندم هو مجرد شاب يعني يقدروا يجيبوا غيروا
اللواء: دا بالنسبه المافيا الكبيره يقدروا يجيبوا غيروا لكن ابوه لا طبعا ف دا هيخلي ابوه يبقي عند و عدم اتزان وهيغلط واحنا عايزينوا يغلط عشان نمسكوا هو كمان
نور : قصد حضرتك نقتل ابنو يعني
اللواء بغضب : واحنا من امتي بنقتل يانور انتي جرالك اي
نور : انا اسفه يافندم
قطع كلامهم رنين هاتف اللواء
راح مكتبوا رد وبعد وقت رجع
اللواء بجديه : جاتلنا اخباريه ان فيه تسليم بضاعه دلوقتي في بيت العنوان ......... / والتسليم بعد ساعتين من دلوقتي اجهزوا وخدوا قوه صغيره عشان محدش ياخد باله  بس خلي بالكوا احنا عايزينهم عايشين لان واحد من رجاله ياسين هو الي بيسلم واحنا عايزين نعرف فين شبكه الدعاره الي بيديروها
الكل : تمام يافندم عن اذن حضرتك
اللواء : اتفضلوا يا شباب
💖💖💖💖💖💖💖💖💖
الي علق وقال المفروض الاشخاص المجهوله عايزين يقتلوا اسر  استني وهتعرفي كل حاجه مع الاحداث
اتمني البارت يعجبكوا 😘😘😘
وشكرا بجد ع الناس الي بيشجعوني والله انا مش عارفه انا كتبت لحد دلوقتي ازاي انا من تشجيعكوا هو دا الي خلاني اكمل انا دي اول روايه لياا وكتبتها بدافع التسليه ومكنتش ناويه اكملها بصراحه بس مش عارفه ازاي قدرت اكملها واستمر فيها لحد دلوقتي 😍