رواية احببت عنادك... بقلمي/هاجر هشام الفصل الرابع وثلاثون 34 - بقلم Hagar Hešhàm

عند نورهان
جهزوا كلهم وراحوا المكان
باسم: نور ومروان انتوا من الباب الخلفي وانا وساره من الامامي
راح مروان ونور من الخلفي هما واتنين من القوات باسم وساره من الامامي ومعاهم باقي القوات
دخل باسم وساره بيتسحبوا لحد ما وصلوا قدام الشقه ونور ومروان طلعوا من السلم الي بيودي ع المطبخ ومستعدين لاي حد يخرج
من الناحيه التانيه باسم وساره كسروا الباب
باسم : ولا حركه كل واحد ينزل سلاحوا بسرعه
كلهم نزلوا سلاحهم لكن واحد من العصابه زق باسم وجري من الباب الخلفي وساره ضربت عليه نار لكن مصابتهوش لكن لقي نور ومروان في وشوا وتم القبض عليهم كلهم وباسم وساره ومروان ونور رجعوا الاداره ودخلوا للواء
اللواء: برافوا  عليكوا يا شباب قدرتوا تمسكوهم بدون خدش واحد
نور: شكرا لحضرتك يافندم احنا نقدر دلوقتي نمشي
اللواء: اه تقدروا تتفضلوا لكن بكره بدري تكونوا موجودين
الكل : تمام يافندم
خرجوا كلهم وراحوا ل سيف المستشفي
نور لدكتور: ممكن ادخلوا ونبي يا دكتور
دكتور : اسف والله مينفعش
نور بدموع: هما خمس دقائق بس والله وهخرج ع طول
دكتور بتاثر: ماشي بس هما خمس دقائق بس
نور بلهفه: ايوا والله
دكتور : تمام اتفضلي
دخلت نور لسيف شكلوا كان صعب وهو جسمو مليان اسلاك وجهاز التنفس ع وشو والكدمات
نور اول ما شافتوا انهارت وراحت عند السرير ومسكت ايديو وفضلت حضناها
نور بدموع: انا اسفه والله اني زعلتك قوم عشان خاطري وانا مش هسيبك ابدا وهنفذ كل الي انت عايزوا بس قوم  ثم اكملت بوعيد والله لندمهم ع الي عملوه وهاخد حقك يا... يا حبيبي
ثم اكملت بندم :ياريتني ما كنت ضايقتك ساعتها مكنتش نزلت ولا عملت حادثه انا السبب 😭😭😭😭😭
عند سيف كان بيحلم بيها كانت بتعيط وخايفه كان رايح ناحيتها لكن وقفه صوت شخص لف لمصدر الصوت كان باباه
سيف بفرح: بابا وحشتني اووي
الاب: وانت كمان يا سيف انا جاي عشان اخدك يابني
سيف: لا انا عايز افضل مع نور هي محتجاني
الاب: دا قدر يابني و مفيش هروب منه لازم تيجي معايا
سيف: لا انا هفضل مع نور مش هسيبها ابدا
الاب: مش هينفع يابني تعالي
الاب كان مادد ايدو ل سيف : تعالي
سيف بص ناحيه نور وهي بتعيط : انا اسف يا نور بس دا قدر
مد ايدو لباباه
عند نورهان وهي بتعيط فجاه جهاز القلب صفر 
نورهان بانهيار : لا يا سيف متسبنيش لااااااااااااا
جيه الدكاتره بسرعه ع صوت الجهاز
الدكتور: خرجوها بره بسرعه وهاتي جهاز الصدمات
الممرضه : اتفضلي دلوقتي بره بعد اذنك بسرعه
نور بانهيار: لا انا هفضل معاه مش هسيبوا
الممرضه: مينفعش اتفضلي حضرتك واحنا هنقوم بالواجب بس بسرعه عشان نلحقوا
خرجت نورهان بره وهي منهاره من العياط وهما كانو معاها وكلهم خايفين
💖💖💖💖💖💖💖💖💖💖
عند هاجر واسر
حجزوا الكوافير وخلصوا
هاجر : دلوقتي خلصنا كل حاجه
اسر: اه ممكن بقاا البرنسيسه تقبل مني اعزمها ع العشاء النهارده بعد الشغل
هاجر : اممممممممم ماشي
اسر : تمام يلا بينا
هاجر: يلا
تسريع للاحداث راحوا الشغل وع نهايه اليوم اسر خد هاجر وصلها البيت عشان تجهز وهو بردوا روح عشان يلبس
اسر : هعدي عليكي بعد ساعه تكوني لبستي
هاجر : ماشي
طلعت هاجر خدت شاور ولبست فستان  وحطت ميك اب خفيف
وخرجت كان اسر مستنيها بره و اول ما خرجت هو فضل باصصلها باعجاب وحب واضح وهي اتكسفت
خالد باعجاب: ماشاء الله قمر ي حبيبتي
لؤي باعجاب: قمر يا بنت الايه تعرفي لو مكنتيش اختي كنت اتجوزتك والله
اسر بغيره: انت بتعاكس مراتي قدامي كدا
لؤي بخوف مصطنع : احنا اسفين يا يبشه
هاجر : ههههههههههه جيت ورا
لؤي: لا دا الكبير بردوا منقدرش نكلم
اسر بغيره: طب يلا يااختي قدامي وانتي حلوه كدا
هاجر:ههههههههههه حاضر
نزلوا وركبوا العربيه
هاجر: احنا رايحين فين

دا لبس اسر

اسر: هتعرفي لما نوصل
بعد وقت وصلوا المكان
اسر : خدي حطي دي ع عنيكي
اداها شريطه سوده
هاجر باستغراب : ليه كل دا
اسر : يابنتي اسمعي الكلام ولو لمره واحده من غير مناهده
هاجر : حاضر
حطت الشريطه ع عنيها واسر سندها وهي نزلت من العربيه ومسكها ومشي بيها  وهي كانت مبسوطه جدا وحست برعشه في جسمها مجرد ما لمسها  ومش حاسه بأي حاجه حواليها غير انه شبه حاضنها
فاقت ع صوت اسر وهي بيقولها
اسر: بس اقفي هنا كدا ايوا لفي كدا
لفت
اسر: بس خلاص شيلي الشريطه
شالت الشريطه واتصدمت من المنظر كان روعه حاجه فوق الخيال

هاجر بفرحه: الله المكان روعه جدا
اسر بابتسامه: عجبك
هاجر باعجاب: عجبني بس دا تحفه بجد ميرسي اووي يااسر
هاجر جريت عليه باسته من فرحتها وهو اتصدم
هاجر بخجل : اسفه بس من فرحتي عملتها غصب عني
اسر مردش لانو شالها ولف بيها
اسر بفرحه: دا اسعد يوم في حياتي كلها
هاجر بخجل: يعني مش زعلان
اسر بفرحه: زعلان اي دا انا هموت من الفرحه ياريتني كنت عملت دا من زمان عشان اخد البوسه دي
هاجر بلهفه: بعد الشر عنك
اسر بحنان:خايفه علياا
هاجر : طبعا مش جوزي لازم اخاف
اسر : ماشي ياستي همشيها جوزي وخلاص يلا نتعشا
هاجر : يلا
راح اسر سحب الكرسي عشان تقعد وراح قعد هو كمان قدامها
اسر : تعرفي انا النهارده اسعد يوم في حياتي
هاجر: يارب دايما تفضل سعيد وفرحان
اسر : طول ماانتي جنبي هفضل سعيد وفرحان / انتي روحي انتي النفس الي بتنفسوا من غيرك ممكن اموت
هاجر : بعد الشر عنك متقولش كدا انا هفضل دايما جنبك ومش هسيبك ابدا دا وعد مني
اسر بفرحه: يعني خلاص سامحتيني
هاجر بخجل: اه سامحتك
قام اسر حضنها وباسها كانت المرادي بشوق ولهفه وحب وهي كمان بادلته نفس الشعور وهو فرح جدا ان اخيرا خلاص سامحته
اسر بفرحه: انا بجد مش قادر اصدق اخيراا
هاجر كانت مكسوفه جدا وباصه في الارض
اسر وهو يرفع وجهها لتتقابل الاعين في نظره طويله بينهم  في اللحظه دي اشتغلت مزيكا هاديه
اسر بحب: تسمحيلي بالرقصه دي
هاجر هزت راسها بمعني موافقه
كانو بيرقصوا وهما حاضنين بعض واسر حاضنها جامد وكانوا خايف انها تبعد عنو او تكون مجرد حلم في حياتو وهينتهي مجرد ما يسيبها وهي حضناه بحب وحاسه بالامان وبتتمني الاغنيه متخلصش عشان متبعدش عنو
💖💖💖💖💖💖💖💖💖💖💖
عند لؤي ومنار
لؤي كان خارج من البيت ولمح منار نازله من عربيه واحد غضب جدا وراحلها كانت العربيه مشيت
لؤي بغضب وغيره : ممكن اعرف مين الي انتي نزله من عربيتوا دا
منار باستغراب من عصبيتو: في اي يا لؤي دا سواق المدير الي انا يشتغل عندو هو قالوا يوصلني عشان الوقت اتاخر
لؤي بغضب: لا والله فيه الخير بصراحه طب مكلمتنيش ليه وانا اجيبك
منار: اكلمك انت ع اساس اي ولا تقربلي اي
لؤي بغضب : يعني هو الي يقربلك عشان يوصلك
منار بغضب: قولتلك موصلنيش هو بعت السواق مش هو يعني كأني راكبه تاكسي عادي يعني
لؤي بغضب: ماشي يا منار اتفضلي اطلعي يلا
منار: انا طالعه اصلا مش مستنياك تقول
طلعت منار البيت ولؤي طلع هو كمان ودخل بيتهم
لؤي وهو ينادي: بابا ماما
خرجوا باباه ومامتو من الاوضه
خالد: في اي يابني بتنادي ليه
لؤي: انا عايز اتجوز
خالد بدهشه: كدا خبط لزق مفيش اي مقدمات خالص
لؤي: اه
سلوي بفرحه: ومين العروسه يا حبيبي
لؤي : منار
سلوي بفرحه : بجد انا موافقه طبعا
لؤي: هنخطبها امتي يا بااباا
خالد باستغراب: اي التسرع دا في اي
لؤي: مفيش يا بابا انا بحبها وعايز اتجوزها
خالد باستهزاء: يعني انت نزلت وطلعت اكتشفت انك بتحبها مثلا
لؤي: لا انا بحبها من ساعه ما شوفتها بس كنت مستني لما هاجر تتخطب واديها اتجوزت كمان وفرحها قرب اهو
خالد: ماشي يا لؤي هنروح نخطبهالك بكره
لؤي بسعاده: ماشي يا بابا
💖💖💖💖💖💖💖💖
عند نورهان
عدي ساعتين والدكتور مخرجش طمنهم
نور بانهيار : لسه لحد دلوقتي محدش خرج وطمنا انا قلقانه اووي
باسم: اهدي يانور كل تاخير وفيه خير
نور برجاء: يااارب خير
ساره: ان شاء الله يا حبيبتي خير
بعد وقت خرج الدكتور وكلهم جريوا عليه
باسم: طمنا ونبي يادكتور
الدكتور: الحمدلله قدرنا ننقذوا هو قلبوا وقف بس قدرنا ننعشو والحمدلله فاق من الغيبوبه هنستني بس ٢٤ ساعه نطمن عليه وبعد كدا هيتنقل غرفه عاديه
باسم براحه: شكرا لحضرتك يا دكتور
الدكتور: العفوا دا واجبي عن اذنكوا
باسم: اتفضل يا دكتور
نور بفرح : الحمدلله يارب الحمدلله
ساره: الحمدلله يا حبيبتي
💖💖💖💖💖💖💖💖💖💖
عند هاجر
خلصت الاغنيه وخلصوا عشاء وركبوا العربيه واتحركوا وبعد وقت قصير وصلوا
اسر : اطلعي يلا وبصيلي من البلكونه عشان اتطمن انك طلعتي بس متنسنيش زي المره الي فاتت
هاجر : هههههه لا متقلقش مش هنساك هطلع ع طول اهو يلا تصبح ع خير
اسر: وانتي من اهله
طلعت هاجر سلمت عليهم وعرفت خبر خطوبه لؤي وباركتله ودخلت البلكونه ع طول عشان اسر  وشاورتله وهو ابتسم وركب العربيه ومشي
وع الناحيه الاخري كان فيه حد بيراقبهم
حسين بغل: عاملين فيها حبيبه ماشي يا هاجر مبقاش حسين لو مكسرتكيش وخليتك ترجعيلي راكعه تحت رجلي
💖💖💖💖💖💖💖💖
في صباح يوم جديد عند هاجر
صحيت خدت شاور ولبست وخرجت بره الاوضه
هاجر: صباح الخير
الكل: صباح النور
سلوي: اعملي حسابك النهارده تيجي بدري عشان هنروح نخطب لاخوكي
هاجر: ماشي يلا سلام
نزلت هاجر لقت اسر مستنيها 

هاجر بابتسامة: صباح الخير
اسر: صباح النور يلا
هاجر : يلا
ركبوا العربيه واتحركوا للقسم
هاجر : هتيجي النهارده عندنا
اسر باستغراب: اشمعنا
هاجر: النهارده هنروح نخطب للؤي
اسر : بجد الف مبروك بس مقليش الندل
هاجر: هو اصلا لسه مفاجئنا امبارح
اسر: ههههههههههه عارفوا بتاع مفاجات دايما
هاجر : اه والله فعلا
اسر:خلاص هاجي النهارده
هاجر فرحت جدا انو جاي هي تقريبا اتعودت ع وجوده مش عايزه تمشي بدري وتسيبوا عايزاه دايما موجود قصادها بتحس بالامان في وجوده
وصلوا القسم
عدي اليوم عادي وهاجر واسر رجعوا بدري اسر وصلها و قالها انو هيروح ياخد شاور ويجهز ويجي وهي بردوا طلعت خدت شاور ولبست وحطت ميك اب خفيف

وطلعت لمنار
كانت جهزت هي كمان ولبست

هاجر بصدمه: يالهوووي دا لو لؤي شافك كدا ممكن يقتلك
منار : ليه يعني مالي
هاجر: يا بنتي دا انا كنت لابسه واحد يعتبر محترم عن دا شويه واسر كان هيقتلني امال دا لؤي هيعمل اي
منار بتوتر: مش عارفه بقاا انا اصلا متوتره وخايفه لوحدي
هاجر : متخافيش يا حبيبتي دي قرايه فاتحه عادي يعني
منار بخوف: ربنا يستر وميعملش زي اسر ويخليه كتب كتاب كمان
هاجر : ههههههههههه لا متقلقيش مش هيعمل كدا وبعدين افردي فيها اي يعني ولا انتي مش عايزه لؤي
منار : لا انا مقولتش كدا انا قصدي اني معرفش اخوكي كويس فا فتره الخطوبه دي اقدر اعرفوا لكن لو كتب كتاب كدا هبقي ادبست وانا معرفهوش وممكن تطلع فيه صفات وحشه/ اتمني متزعليش من راي دا عامه مش في اخوكي نفسوا يعني
هاجر بابتسامه: فاهمه ع فكره ومش زعلانه ابدا دا رائيك وكل واحد ليه راي غير التاني عادي يعني / المهم دلوقتي يلا عشان هما بره دلوقتي
منار: طب انا هطلع اعمل اي دلوقتي
هاجر : هتاخدي العصير تقدميه المفروض يعني
منار بتوتر: معلش يا هاجر انا متوتره اوووي فا متلخبطه ومش عارفه اعمل اي فا اعذريني لو بسال اساله غبيه
هاجر : لا مفيش حاجه عادي ولا يهمك
خرجت منار واتجهت للمطبخ وخرجت وهي تحمل صينيه العصير واتجهت للجالسين وهما لؤي وسلوي وخالد وعمر ورقيه واسر وخرجت هاجر وراها واسر شافها واتعصب جدا وبصلها بنظره مرعبه وهاجر خافت بس حاولت تكون طبيعيه قدامهم ولؤي بردوا غضب جدا من منار وهي خافت من نظرتوا واتوترت اكتر
خالد: كدا يبقي اتفقنا ع كل حاجه نقرا الفاتحه بقاا
عمر : مش نعرف راي العروسه الاول
سلوي: اه طبعا يابني اسالها
عمر لمنار : رائيك اي
منار بخجل : الي تشوفوا ياعمر
عمر: يبقي ع خيره الله نقراا الفاتحه
قروا الفاتحه واتفقوا ع كل حاجه واتفقوا فتره الخطوبه ٣ شهور يكون جهز الشقه واتعرفوا ع بعض اكتر
سلوي : خد يا لؤي خطيبتك وانزلوا اتمشوا شويه
منار لعمر: انزل ياعمر
عمر: اه انزلي يا حبيبتي بس متتاخريش
منار: حاضر عن اذنكوا
الكل: اتفضلي
اسر : طب ممكن انا كمان اخد مراتي
خالد بضحك: اه ينفع خدها اهي
هاجر : اي يا بابا انت بتديلوا جزمه اي خدها اهي دي
خالد : لا طبعا يا حبيبتي انا اقدر بردوا انا بهزر
هاجر : ماشي يا حبيبي
اسر بجديه: يلا ي هانم
اسر خرج من الشقه ونزل وهي كانت وراه لحد ما وصلوا عند شقه هاجر فجاه لف مره واحده وهاجر اتخضت
اسر بأمر: حالا تدخلي تغيري الزفت الي انتي لبساه دا فاهمه
هاجر بخوف : حاضر
دخلت هاجر غيرت بسرعه وخرجت لقتوا مستنيها عند العربيه كان مربع ايدو وساند ع العربيه
اسر بنظره مرعبه: انا كام مره قولتلك الفساتين العريانه دي متتلبسش تاني
هاجر بخوف : انا اسفه مش هتكرر تاني
اسر بحزم : هي فعلا مش هتكرر تاني لان انا هقطعهم كلهم
هاجر بخوف: لا لا خلاص والله مش هلبسهم تاني بس خليهم
اسر : وانتي عايزاهم في اي طالما مش هتلبسيهم تاني
هاجر : عاجبني شكلهم حلو
اسر : ماشي هخليهم بس لو اتلبسوا تاني
هاجر : لا مش هيتلبسوا تاني خلاص وعد
اسر بمكر: بس بردوا لازم تتعاقبي
هاجر باستغراب: ازاي
قطع استغرابها اسر قرب منها وباسها جامد وهي حاولت تبعد بس هو كان ماسكها بعدها بعد لما حس انها محتاجه تتنفس
هاجر وهي تاخد انفاسها: انت قليل الادب
اسر بمكر: كل مره هتعملي حاجه غلط هيبقي دا عقابك
هاجر بخجل : لا طبعا عيب
اسر بضحك : انا جوزك يا هبله عيب اي
هاجر بخجل: بردوا عيب
💖💖💖💖💖💖💖💖💖💖
عند لؤي بردوا خلي منار تغير الفستان ونزلوا يتمشوا شويه ع البحر
لؤي : هو انتي ليه عايزه الخطوبه ٣ شهور مش كتير دول
منار : لا مش كتير المفروض يبقي فيه فتره خطوبه عشان نقدر نتعرف ع بعض ونعرف بعض اكتر
لؤي: انتي شايفه كدا يعني ان انا محتاج فتره عشان اعرفك
منار : انا معرفش انت عايز ولا لا بس انا محتاجه وقت
لؤي: ماشي براحتك / هو انت لسه مدايقه مني من ساعه لما زعقتلك
منار بتريقه : لا مش مدايقه خالص بصراحه واحد جاي يزعق فياا وفي الاخر مش هدايق عادي يعني
لؤي: انا اسف يااستي بس انا اتعصبت لما لقيتك نازله من عربيه واحد غريب بليل
منار : بس انا مش بعمل حاجه غلط ولا جايه من كباريه عشان تقولي كدا دا شغل ومتنساش اني ظابط بردوا
لؤي: مش ناسي انك ظابط بس بردوا انتي في الاول و الاخر بنت وغير كل دا انتي خطيبتي دلوقتي وانا مستحيل اقبل ان خطيبتي تيجي في وقت زي دا
منار : بص يا لؤي انا متعوده ع كدا دايما في الشغل برجع في اي وقت حتي ممكن ابات بره وعمر مكنش بيعترض ع دا فا مش هتيجي انت في يوم وليله وتغير كل دا
لؤي: انا مقولتش تتغيري من يوم وليله بس بردوا حكي في اعتبارك انك بنت مش اكتر ولا اقل
منار: ان شاء الله انا عايزه اروح مش يلا بقاا
لؤي: يلا
💖💖💖💖💖💖💖💖💖💖
الحمدلله خلص البارت حقيقي اول مره بارت يقعد معايا اليوم كلوا بس غصب عني انا تعبانه جدا النهارده بس كتبت البارت عشان خاطركوا واسفه اني ممكن اتاخر في البارت الجاي