رواية احببت عنادك... بقلمي/هاجر هشام الفصل الخامس وخمسون 55 - بقلم Hagar Hešhàm

في صباح يوم جديد
عند اسر بص ل هاجر اللي نايمه ف حضنه بهدوء ابتسم وهو بيتنهد ويبعد شعرها بهدوء ويستمتع بملامحها كان مفتقدها لفتره كبيييره اووي  وماصدق بقت في حضنه.وفتح عيونه عليها .قرب منها وباسها  بحب
كان للحظه من سحرها  .وقربها اللي بيلهيه. عن العالم كله. نسي  ومش فاكر انها بعدت عنه مش فاكر غير انها معاه وف حضنه
صحيت هاجر وابتسمت بحب: صباح الخير
اسر ابتسم بشوق وقربها منه اكتر لحضنه : صباح النور ي حبيبتي
فاقت هاجر واستوعبت كل حاجه حواليها هي مبسوطه انها معاه وفي حضنه لكن هو جرحها لما قالها انه هيتجوز عليها للحظه ندمت انها ضعفت وكانت في حرب بين عقلها وقلبها وهو خد باله انها سرحانه وعرف الي بيدور ف راسها

قرب منها اسر وهمس في اذنها برقه وحب: اوعي تندمي ع الي  حصل بينا انتي مراتي  والي قولتهولك مش صح انا مش هتجوز
بصتلوا هاجر جامد وكانت متلغبطه مش عارفه تفرح ولا تزعل ،تفرح انو مش هيتجوز ، ولا تزعل انو خلاها تتألم وهي فاكره انو هيتجوز ولا ع كلامه الي قالهولها
هاجر بهدوء: وليه كدبت علياا
اسر بهدوء وحب : مش عارف اي الي خلاني اقول كدا بس انا كنت مجروح منك ومكنتش قادر اسامحك وفضلت اكابر واعاند بس في الاخر مقدرتش انا بحبك ي هاجر ومكنش سهل علياا انك تبعدي عني خمس سنين بحالهم وانا فاهم انك موتي ومش هشوفك تاني

هاجر حست فعلا بوجعه وان مش هي لوحدها الي موجوعه منه هو كمان اتجرح منها وعرفت فعلا انها غلطت لما بعدت

هاجر بحب وهي تضع يدها ع خده برقه: انا اسفه ي حبيبي مكنش قصدي اجرحك ابدا انا كنت عايزه نعيش مرتاحين وفي امان مكنتش هتحمل لو كان حصلك حاجه ابدا

اسر بحب : خلاص خلينا ننسي الي فات ونفتح صفحه جديده ننسي كل زعل وجرح ووجع وانتقام ننسي كل دا ونعيش مع بعض انا وانتي وبنتنا

هاجر نزلت منها دمعه سعاده كانت مبسوطه انهم خلاص اتصالحوا وهيعيشوا حياه هاديه

هاجر بحب : موافقه
اسر وهو يحضنها بعشق : بحبك
هاجر مكنتش عايزه تخرج من حضنه ابدا كانت عايزه تفضل كدا ع طول متسيبهوش ابدا
هاجر بهمس: وانا كمان بحبك
اسر بمشاكسه: انا بقول نعيد ليله امبارح اصل بصراحه في حاجات نسيتها ومحتاج استرجعها
هاجر بخجل : لا  خلينا نقوم كدا هيقلقوا علينا احنا من امبارح هنا
اسر بضحكه قويه ثم اكمل بخبث :ههههههههههههههه هما عارفين ان احنا مع بعض
هاجر بخجل: انت قليل الادب
اسر وهو يحضنها بتملك : هو انا  اتعلمت الادب غير ع ايدك ،حرام عليكي جننتيني وتعبتيني معاكي بس احلي جنان وتعب طالما معاكي
هاجر بخجل : طب انا جعانه
اسر بصلها بغيظ وفصلان من اللحظه الرومانسيه
اسر بغيظ: هو انا قولتلك قبل كدا انك فصيله ي حبيبتي
هاجر ببرائه: اه
اسر بغيظ: اديني بقولهالك تاني عشان انتي فعلا فصيله ي حبيبتي
هاجر برقه وهي تمرر يدها ع خده: الله يعني افضل جعانه
اسر داب مع لمسه ايديها وهمس برقه: لا ي روحي مقدرش اسيبك جعانه
هاجر ابتسمت بانتصار : طب يلا قوم خد شاور عشان نرجع وانا عايزه اخد شاور
اسر بابتسامه: ماشي
هاجر بتذكر : اي دا ثانيه انا مش معايا لبس  مفيش غير الفستان دا
اسر بغيظ: متفكرنيش بالفستان دا  عشان انا هولع فيه
هاجر بضحك: ههههههههههه طب هلبس اي
اسر وهو يتجه ناحيه خزانه صغيره : ثانيه
هاجر باستغراب: هو اليخت دا بتاعك
اسر بابتسامه: اه بتاعي
هاجر باستغراب: جبتوا امتي انا اول مره اعرف ان عندك يخت
اسر بابتسامه: فاكره من خمس سنين قولتلك اني عاملك مفاجاه
هاجر بتذكر: اه فاكره وقولتلك بلاش الكلمه دي عشان بخاف منها
اسر بضحك: ههههههههههه وفعلا كل مااقولها يحصل حاجه عشان كدا امبارح مقولتلكيش ع حاجه وخدتك ع طول
هاجر : ههههههههههه طب الحمدلله ، يعني اليخت كان هو المفاجاه
اسر بتاكيد: بالظبط
طلع اسر لبس من الخزانه واعطاه ل هاجر
هاجر بابتسامه: وجايبلي كمان لبس
اسر بابتسامه: طبعا مقدرش انساكي
هاجر قامت من ع السرير وراحت ناحيته باسته من خده برقه وحب
اسر بخبث : لا انا مش ابن اختك عشان تبوسيني من خدي ثم اكمل وهو يشاور ع شفايفه ،انا عايز من هنا
هاجر بخجل : لا 
اسر بخبث : طب خلاص بس عايز واحده تاني
هاجر بخجل : ماشي بس واحده بس
اسر بخبث: ماشي
اقتربت هاجر منو اكثر وباسته من خده لكن اسر لف بسرعه وباسها وهي كانت هتبعد لكن مسكها اسر وضمها اكتر ليه وهي تاهت في حبه وعشقه
💖💖💖💖💖💖💖💖💖💖💖💖💖
عند سيف ونورهان سافروا مراسي وسابوا الاطفال عند مامت نورهان

في مراسي الليل جاء بسحره وجماله والقمر نور السماء فوق البحر وكانت اجمل لوحه ممكن تشوفها عيون .كان الاجمل بالنسبه لسيف لوحه تانيه خالص  كانت حبيبته جايه بتقرب عليه بأجمل  طله وارق  فستان واحلي ابتسامه  زي ما القمر  نور السماء وشق ظلام الليل .نورهان نورت حياه سيف و الضحكه والابتسامه تنور وشه وملامحه

سيف كان منتظر نور ع البحر ومجهزلها اجمل مكان يليق بحبيبته مكان متزين وانوار بسيطه ورقيقه وفرقه تعزف بالكمان ترحيب بأميرته الجميله كان صوت الكمان واوتارها مع نور القمر وعيون سيف بيخلي نورهان خطواتها بترقص من السعاده قربت منه وهو ضم ايديها وباسها  بإشتياااق ولهفه

سيف ابتسم بحنين: نورك وجمالك غطي ع  ضوء القمر .ماقدرش يتحمل  يكون معاكي في مكان واحد
نور ابتسمت وعيونها بتحضن عنيه : القمر مستحيل يكون في مكان انت فيه .بيبقي بيظلم نفسه .انت اجمل من القمر

سيف ضمها برقه وهدوء وبدأ يتمايل بيها مع نغم اوتار الكمان ..تعرفي انا لو كنت اتمنيت فتاه احلامي  ورسمتها بريشه سحريه عمري ما كنت هتخيل جمالك ورقتك .انتي عديتي احلامي  بمراحل حتي القمر مينفعش تتشبهي بيه انتي اجمل .انتي حوريه من الجنه .اوقات بخاف عليكي من عيون الناس يخاف انا نفسي احسدك

نورهان كانت طايره من الفرحه معاه ومش قادره تصدق انو بيحبها لدرجه دي

نورهان بهمس وفرحه وخجل : معقوله ي سيف بتحبني الحب دا كلوا رغم ان بقالنا خمس سنين متجوزين

سيف بعشق وهو يقربها اكثر من حضنه: بحبك وهفضل احبك لحد اخر يوم ف عمري ،انا عمري ما حبيت ولا هحب حد قدك انتي حبيبتي ومراتي وبنتي وطفلتي وكل حاجه لياا

نورهان سندت راسها ع صدره براحه : وانا كمان بحبك وهفضل احبك دايما انت حبيبي وجوزي وابوياا وكل حاجه بالنسبالي

سيف اتنهد بحب وشالها ووصل للاسانسير  بسرعه وهي اتمسكت فيه كانت مكسوفه من نظرات الناس وهو شايلها ووصل جنتهم ودخل بيها وبهدوء نيمها ع سريرها

نورهان حاولت تقوم لكن سيف منعها
نور: اي هغير الفستان
سيف بمكر قرب منها وغمزها : لما انتي تعملي كدا ..انا اعمل اي .سيبيلي نفسك وانا مش هغيرلك الفستان لا انا هريحك من كل الهدوم اللي في العالم

نور : ههههههههههه ..امممممممم كله كله

سيف هز راسه بتاكيد وغمزها: كله  كله وعد انسيكي شكل الهدوم لمده شهر جااي .انا لازم اعيش شهر عسلي ي نور قلبي  بدل الي ضاع علينا وانشغالك مع العيال  انا غلبان. واتحرمت من الحنيه

نور اتعلقت في رقبته : ي حرااام تصدق صعبت عليا

سيف قلع جاكيت بدلته : لا مادمت صعبت عليكي يبقي لازم اوصفلك حالتي بالملي ..

💖💖💖💖💖💖💖💖💖💖
مرت ايام قليله واسر وهاجر داب بينهم اي زعل واي عتاب واي لوم .خلاص كل شئ بقي اجمل وطعمه احلي .اجمل شئ انك تحس ان انت وشريك حياتك كتاب مفتوح .مافيش اسرار ولا الغاز ولا بعد..البعد واننا نخلي جزء من حياتنا مظلم واقرب حد لينا ميعرفش عنه شئ ده بيكون سبب لدمار علاقه وسبب لهدم بيت كمان لقدر الله

اسر كان بيعيش معاها ايام كان المفروض يعشوها بعد جوازهم  لكن بسبب الانتقام وبعد كدا الاحداث الصعبه الي مرت هي الي خلتهم معاشوش الحب بجد محسهوش بجد كل ما كانوا بيقربوا كان يحصل حاجه ويبعدوا .بس مش مهم المهم انهم بقوا مع بعض
💖💖💖💖💖💖💖💖💖💖💖💖
رجعوا اسر وهاجر لحياتهم والكل فرح انهم رجعوا لبعض تاني من غير مشاكل
عند اسر وهاجر
صحيت هاجر ابتسمت اول ما شافت اسر جنبها وكان نايم بهدوء ، مكنتش قادره توصف احساسها بالفرحه والحب كأن روحها رجعتلها تاني  ،
باسته هاجر من خده برقه وهو فتح عنيه هي اتخضت وحاولت تقوم لكن مسكها من ايديها وخدها في حضنه
اسر بخبث : احنا فينا من كدا مش بقبل انا بالبوسه السريعه دي
هاجر بخجل : اسر
اسر بحب و رقه : نعم ي روح اسر ثم اكمل بتحذير اوعي تقولي جعانه
هاجر بضحك: ههههههههههه لا مش هقول جعانه ، هقول قوم خد شاور والبس وانا هحضر الفطار واصحي جميله تكون خلصت وادخل انا كمان اخد شاور عشان الشغل
اسر بخبث : لا انا ورايا معاد تاني
هاجر باستغراب: معاد اي
اسر بحب وهو يغمزها : معاد مع حبيبي
هاجر بخجل : اسر عيب كدا ممكن البنت تدخل في اي وقت
اسر بخبث : لا هي زمانها نايمه لحد دلوقتي
سمعوا صوت طفولي غاضب : لا انا مث نايمه ي سي بابا وشوفتت وانت بتعاكس مامي 
( لا انا مش نايمه ي سي بابا وشوفتك وانت بتعاكس مامي )
اسر وهاجر اتخضوا وبصوا لجميله وهاجر اتكسفت واسر بصلها بغيظ
اسر بغيظ خفيف: انتي هنا من  امتي ي حبيبتي
جميله بغضب طفولي : من ساعه المعاد
اسر بتصحيح : لا ي روحي دا انا بقولها حضري هدومي عشان ورايا معاد
هاجر ضحكت عليه وهو بصلها بغيظ
جميله ببرائه : صحيح الكلام دا ي مامي
هاجر وهي تكتم ضحكتها : اه ي حبيبتي
جميله بطفوله : ماثي انا مصدقاكي ي مامي
اسر بغيظ: نعم ي اختي يعني مصدقه مامي وانا لا
هاجر انفجرت من الضحك
اسر بغيظ ل هاجر : انتي بتضحكي ع اي انتي كمان
هاجر بضحك: ههههههههههههه  شكلك يضحك اووي
اسر بتريقه : لا والله 

هاجر سكتت عن الضحك وبصت ل جميله بجديه: جوجو مينفعش تقولي كدا ل بابي عيب اعتذري يلا من بابي
جميله بأسف وهي باصه في الارض : اسفه ي بابي
اسر بهدوء وهو يحملها : ولا يهمك ي حبيبتي
جميله ببرائه : بابي
اسر بهدوء وابتسامه: نعم ي حبيبتي
جميله بطفوله: انا جعانه
اسر بغيظ وهو ينظر ل هاجر : دا واضح ان بنتك ورثاها منك الكلمه دي
هاجر بضحك: ههههههههههههه انا مليش دعوه  ثم قامت حملت جميله
هاجر بحب : تعالي ي حبيبتي نحضر الفطار ع ما بابي ياخد شاور
جميله بطفوله: هتعمليلي كورن فليكس
هاجر بابتسامه: اه ي حبيبتي
جميله بسعاده : هيييييه
ابتسم اسر بحب وهاجر خدتها وخرجت وهو دخل خد شاور
💖💖💖💖💖💖💖💖💖💖
عند اسر خد شاور ولبس

وهاجر حضرت الفطار وفطروا التلاته وهاجر لما الاطباق
هاجر: اسر ممكن تلبس جميله لحد مااخد شاور والبس انا كمان
اسر : ماشي
دخلت هاجر خدت شاور ولبست

اسر وهو يحمل صغيرته
اسر بحب : يلا ي روحي عشان نلبس
جميله بخضه: لا انا عايزه ماما
اسر باستغراب: ليه ي حبيبتي
جميله ببرائه: عيب
اسر ضحك ع صغيرته وفرح جداا
اسر : بس انا بابا
جميله ببرائه: لا عيب بردوا
اسر بهدوء وابتسامه: خلاص ي حبيبتي استني ماما تخرج وتغيرلك
جميله بطفوله: ماثي

خرجت هاجر
هاجر بعتاب: كدا ي اسر لسه مغيرتلهاش لحد دلوقتي
اسر : هي عايزاكي انتي الي تغيرللها عشان مكسوفه مني
هاجر بضحك: ههههههههههه مكسوفه منك
اسر بابتسامه: مش بقول هي طلعالك
هاجر بضحك: ههههههههههه ماشي خلاص انا هلبسها
هاجر وهي تحملها : يلا ي جوجو نلبس
جميله بطفوله: يلا ي مامي
لبست جميله

ووخرجت
جميله بطفوله: حلو الفستان ي بابي
اسر بحب وهو يبوسها : حلو ي روح بابي ،،يلا بينا
هاجر: يلا
نزلوا ركبوا العربيه واتحركوا لبيت هاجر  وبعد وقت وصلوا وفتح لهم خالد واول ما فتح جميله نطت عليه
جميله بسعاده: جدوووو
خالد وهو يحملها بسعاده: ي روح جدوو وحشتيني اووي
جميله بطفوله: وحثتني ي جدو
خالد بسعاده وحب : وانتي وحشتيني ي روح جدو
هاجر بابتسامه ومزاح: صباح الخير ي بابا اي هي جميله كلت الجو مني ولا اي
خالد بحنان: انتوا الاتنين غاليين عندي كفايه انها حفيدتي وانتي بنتي يعني بحبكوا انتوا الاتنين
هاجر بحب : ربنا يخليك لينا ي حبيبي
اسر بمزاح: لا كدا انا الي هغير
خالد وهاجر ضحكوا
خالد بمزاح: يلا بقاا بره عايز اقعد مع حفيدتي شويه
هاجر  لاسر : انا حاسه اننا بنطرد مش كدا 
اسر بتاكيد: لا ي حبيبتي دا مش احساس دا تأكيد احنا فعلا بنطرد
هاجر بضحك: ههههههههههه طب كويس انك اكدتلي المعلومه يلا بقاا بدل ما نضرب
اسر بضحك: ههههههههههه يلا
خالد بحب جواه: ربنا يخليكوا لبعض وميحرمكوش من بعض ابدا
مشي اسر وهاجر وركبوا العربيه واتحركوا
اسر بهدوء : انتي لسه مصممه انك تفضلي في المكان دا

هاجر فرحت انو بدا يتكلم بهدوء ومتعصبش عليها ولا حاول يجبرها وعرفت فعلا انو اتغير

هاجر بهدوء :كدا احسن ي اسر احنا لو فضلنا طول الوقت قصاد بعض ممكن نتخانق ع اي حاجه وهندخل الحياه الشخصيه في الشغل غير انك مش هتسبني وهتفضل مراقبني ولو اتكلمت مع حد هتزعق وتتعصب وانا مش عايزه دا

اسر : ماشي وانا مش هعارضك في قرارك ثم اكمل بتحذير بس حسام دا متتكلميش معاه نهائي
هاجر : اهو شوفت بتتحكم تاني قولتلك حسام زميلي مش اكتر ولا اقل ولو ع الكلام الي قالوا فانت عملت الواجب وزياده كمان
اسر : دا مش تحكم ،دا واحد قالك بحبك يعني مش زي كريم لما كنتي معتبراه زميل بردوا ،ولو عليا انا كنت عايز اقتلوا مش اضربوا بس

هاجر برقه : ي حبيبي انت عارف كويس انا بحب مين ومفيش في قلبي غيرو

اسر بخبث وهو يملس ع شعرها ونفسه يسمعها منها : مين دا ي حبيبتي الي بتحبيه

هاجر بخبث: يعني مش عارف
اسر باستعباط: تؤ تؤ
هاجر بخبث : حسام طبعا
اسر مسكها من شعرها بغضب : مين يااختي
هاجر بضحك والم :هههههههه  اااه بهزر والله
اسر وهو يترك شعرها ويزفر بغضب: دا هزار
هاجر بابتسامه: اسفه والله كنت بهزر
اسر بخبث وغضب خفيف : هزارك دا هيكلفك كتير ي حبيبتي ، بس لما نروح
هاجر وهي تمسك ايدو  برقه: خلاص اسفه
اسر بخبث : لا لازم ااعاقبك
هاجر افتكرت لما كل ما يتخانقوا يتعصب عليها ويتجاهلها وميتكلمش معاها 
هاجر : تاني ي اسر
اسر بخبث : لا دا عقاب تاني ي روحي
هاجر فهمت قصده واتكسفت وسكتت وهو ابتسم ع كسوفها
وبعد وقت وصل اسر عن مبني االقوات الخاصه
حاولت تخرج من العربيه لكن اسر مسك ايديها
اسر بتحذير : زي مااتفقنا حسام كلام معاه لا ماشي
هاجر بغيظ: ازاي مش هتكلم معاه و احنا بنشتغل مع بعض
اسر : انتي فاهمه قصدي ،انا قصدي كلام شغل وبس لكن تتكلموا في الكافيتريا او كلام خارج الشغل لا  ثم اكمل بتحذير ولو عرفت انك كلمتيه هقتلك
هاجر بغيظ: بردوا بتتحكم وتقول دا مش تحكم ،انا عارفه حدودي كويس مش محتاجه تهديدك لانك عارف اني مش بتهدد
اسر : دا مش تهديد دا تحذير
هاجر بغيظ: مش هتفرق كتير الاتنين واحد
اسر زفر بقوه وهو بيحاول يتحكم في اعصابه عشان ميقتلهاش
اسر وهو يكز ع اسنانه بغضب: ي بنتي هو انتي مبتنفذيش حاجه ابدا من غير كلام لازم تعندي
هاجر بغضب خفيف: دا مش عند ،بس انت الي مصمم تنفذ كلامك وبس قولتلك انا عارفه حدودي كويس واقدر اوقف كل واحد عند حده لكن انت مش واثق فياا

اسر وهو يكتم غضبه: اي الي جاب سيره الثقه دلوقتي انا بتكلم عادي بقولك متتكلميش معاه فين الثقه في كدا ولا فين التحكم في دا ،ثم اكمل بهدوء طيب طالما انتي عارفه حدودك كويس هتعملي اي بقاا بعد الكلام الي قالوا
هاجر : هتعامل زي ما بتعامل عادي مع اي حد لكن هعرفوا ان مينفعش يقول كدا بس
اسر بسخريه: لا والله هو انتي رايحه تكلمي عيل صغير غلط (قال هقولوا مينفعش تقول كدا
هاجر : امال عايزني اقطع كلام معاه يعني
اسر : بالظبط
هاجر وهي تخرج لسانها: لا مش هقطع
وسابتوا وجريت لكن هو لحقها وشدها من ايديها وخبطت في صدره وهو مسكها بتملك
هاجر بتوتر: اسر احنا في الشارع عيب كدا
اسر بخبث: يعني بتتحديني و بتطلعي لسانك وتجري وفكراني مش هلحقك عشان في الشارع
هاجر بتوتر : اسر الناس بتتفرج علينا ابعد بقاا
اسر بخبث : ماشي هبعد بس لينا كلام في البيت
هاجر بسرعه: ماشي
اسر بعد عنها : متمشيش بعد ما تخلصي عشان هعدي عليكي ماشي
هاجر : ماشي
طلعت هاجر واسر مشي وكانت فيه عيون بتراقبهم بغضب
عند هاجر
هاجر : صباح الخير
تمارا وحسام : صباح النور
تمارا : عامله اي ي جوجو
هاجر بابتسامه: الحمدلله ي قلبي
تمارا بغمزه: اي كلوا تمام
هاجر بسعاده: اه كلوا تمام
تمارا بسعاده وهي تحضنها: الحمدلله ي حبيبتي
حسام بغضب: طب مش نشوف شغلنا ولا هنفضل نرغي
هاجر بعدت عن تمارا : حسام كنت عايزاك في موضوع
حسام : موضوع اي
هاجر : ممكن نتكلم لوحدنا
تمارا: طب انا هروح تجيب نسكافيه عن اذنكوا
خرجت تمارا
هاجر بهدوء: بص ي حسام هو بسبب الي عملوا اسر انا معرفتش ارد عليك في الكلام الي قولتوا ، حسام انا بحبك
حسام بفرحه : بجد
هاجر بتأكيد : اه بحبك
دخل اسر في اللحظه دي وسمعها
اسر بغضب: بتحبيه
هاجر اتصدمت من وجود اسر وحاولت تشرحله انها قصدها تقول بحبك زي اخوياا بس هو مسمعش وسحبها من ايديها وهو بيجري ويجرها وراه بغضب وركبها العربيه وركب هو كمان وساق بسرعه وهي حاولت تتكلم وهو مش راضي يرد
وبعد وقت وصلو البيت وشدها اسر وطلعوا ودخلوا الشقه
هاجر بسرعه: اسر متفهمش غلط انا والله كنت لسه هقولوا اني بحبه زي اخوياا والمفروض ميفكرش في حاجه غير كدا لكن انت دخلت فجاه ع الكلمه دي فا فهمت غلط
اسر بغضب: انا مش قولتلك متكلميش معاه خالص غير في الشغل
هاجر : بس انا قولتلك اني لازم اعرفوا عشان ميفكرش في اي حاجه تاني 
اسر بغضب: ان شالله عنو مافكر قولت ولا مقولتش
هاجر : قولت بس انت رجعت تاني ليه
اسر بغضب: هو دا الي هامك رجعت تاني ليه
هاجر : انا معملتش حاجه غلط
اسر بغضب: لا عملتي لما تقعدي معاه في المكتب لوحدكوا يبقي عملتي وبتقوليله بحبك كمان
هاجر بغضب: قولتلك كنت بفهمه
اسر بغضب: تفهميه اي هو مين اصلا عشان تفهميه ولا تكلمي معاه ثم اكمل بتحذير واوعي تقولي زميلي لان طالما وصل انو يقولك بحبك ميبقاش زميل لان مهما اتكلمتي معاه هو خلاص مش هيقتنع ثم اكمل بتحذير اخر واوعي تقولي اسفه لاني زهقت من الكلمه دي بجد
هاجر : مش هقول اسفه لاني مغلطتش في حاجه
اسر بغضب: بردوا بتعندي وفاكره ان كدا صح
هاجر : انا مش فاكره انو صح لان هو صح فعلا
اسر عرف ان الغضب مش هيحل حاجه غير انها هتعند وممكن يتخانقوا تاني فكر يكلمها بهدوء ويعرفها غلطها
اسر بهدوء وهو يحاول كتم ثورته : طيب انتي نيتك انك تقوليلوا بتحبيه زي اخوكي صح
هاجر استغربت هدوءه بس معلقتش : اه
اسر بهدوء: طيب هي في واحده متجوزه تروح تقول لواحد انا بحبك بس زي اخوياا
هاجر عرفت فعلا انها غلطت لما قالت كلمه بحبك اصلا واضايقت من نفسها جدا وعرفت انو عندو حق يزعل دا غير انها حطت نفسها مكانوا واول ما الفكره جت في دماغها ان اسر يقول لواحده بحبك بس زي اختي هي نفسها هتغير وتتعصب  وكمان فرحت ان اسر بدا يتكلم بهدوء ويعرفها غلطها من غير عصبيه وبدأو يتناقشوا
هاجر بأسف: لا مينفعش
اسر اتنهد : طب الحمدلله انك عرفتي انو مينفعش
هاجر : بس بردوا كان لازم اعرفوا
هاجر جريت بعد ما قالت كلمتها لما لقت اسر جري وراها ولحقها ومسكها جامد
اسر : يعني انتي ولا غضب نافع معاكي ولا هدوء نافع اعمل فيكي اي اقتلك طيب عشان ارتاح من دماغك الناشفه دي
هاجر بدلع و رقه: اهون عليك
اسر بحب : لا متهونيش ابدا
هاجر بابتسامه: طب مش هتوصلني تاني زي ما جبتني ولا اي
اسر بخبث: هي ولا اي فعلا
هاجر بابتسامه: اسر احنا لو فضلنا كدا هنترفد والله
اسر بابتسامه: هههههه انا عايز اترفد
هاجر بابتسامه وهي تضع يدها حوالين رقبته بدلع: بس انا مش عايزه اترفد
اسر بخبث: لا انتي بالحركه دي كانك بتكتبي ورقه استقالتك وانا بصراحه هوافق عليها
هاجر بدلع: ههههههههههههههههه
(😂😂😂😂والله ما ليا دعوه هما الي قلاللات الادب)
💖💖💖💖💖💖💖💖💖💖
في مبني القوات الخاصه
رجعت تمارا
تمارا باستغراب: هو اي الي حصل واي الي جاب اسر هنا وطالع غضبان كدا وشادد هاجر وراه
حسام بضيق: جيه في وقت غير مناسب خالص
تمارا باستغراب: اي دا ليه
حسام بضيق : كانت لسه بتقولي بحبك وهو جيه ساعتها
تمارا بتفاجاء : معقوله هاجر قالتلك كدا
حسام بضيق: اه قالتلي بس هو دخل كل ماجي اتكلم معاها او هي تتكلم معايا هو يجي معرفش بيعرف ازاي
تمارا بنفي: لا اكيد قصدها تقول بحبك زي اخوياا لان هاجر بتحب اسر ومستحيل تقولك كدا
حسام بضيق: لا انا متاكد انها قالتلي بحبك بس وبعدين بتحبه ازاي وهما متطلقين اصلا
تمارا : مين قالك انهم متطلقين
حسام باستغراب: مش هي الي قالت
تمارا : ي ابني انت اهبل امال الايام الي غابتوهم دي كانت ليه ما هو عشان رجعوا لبعض ولما سالتها الصبح كلوا تمام كان قصدي ع كدا
حسام بضيق : يعني هاجر رجعت ليه تاني
تمارا : اه رجعت وبعدين انت حبتها ازاي وهي متجوزه و عارف انها بتحب اسر
حسام : هو الحب بإيدينا انا فعلا حبتها من ساعه ما كنت بجمع عنها معلومات وبتابعها حسيت فعلا انها انسانه جميله جدا ،قويه جدا،وجدعه ،وطيبه، عمر ما حد قدر يكسرها ،عمر ما حد قدر يتحكم فيها ، فيها مواصفات اي حد يتمناها
تمارا : دا مش حب دا اسموا اعجاب بشخصيتها بدليل قولت اي حد يتمناها وبعدين هاجر بتحب اسر وهو كمان بيحبها جدا
حسام بغضب: اسر..اسر انا زهقت من الاسم دا .اسر هو العقبه الوحيده الي قصادي لو راح هقدر اخلي هاجر تحبني ونتجوز
تمارا بصدمه: انت بتقول اي عايز تقتل اسر ي حسام انت اتهبلت
حسام بضيق : مين قال اني هقتلوا انا قصدي ابعدوا عنها اخليها تكرهوا
تمارا : معقوله ي حسام انت كدا معقوله توصل انك توقع بين اتنين بيحبوا بعض حرام عليك ي شيخ دا انت اكتر واحد عارف هما اتعذبوا قد اي واتجرحوا قد اي وبعدوا عن بعض قد اي
حسام بضيق : بقولك اي نقطيني بسكاتك متعمليش فيها شيخه وحرام وحلال هو اصلا ميستاهلهاش وزي ما قدرت ابعدهم خمس سنين عن بعض هقدر ابعدهم العمر كلوا
تمارا بدهشه: الخمس السنين الي بعدوهم دا عشان المهمه مش اكتر
حسام باستهزاء: طلعتي غبيه ي تمارا انا المهمه كانت حجه عشان ابعدها عنو لكن انا كنت اقدر ابعت اي حد يعمل المهمه دي واخلصها من غير ما هي نفسها تعرف لكن انا عملت كل دا عشان ابعدهم عشان كنت عارف ان لما ترجع هو هيعمل كدا بس مكنتش متوقع انو يطلقها بس اتبسطت جدا لما عرفت عشان كدا صرحتلها بحبي ليها
تمارا بقرف: دا انت طلعت شيطان وزباله ، بس انا متاكده انك مش هتقدر تعمل حاجه هما دلوقتي حبهم زاد لبعض جدا واتغيروا واي مشكله بينهم هيحلوها بهدوء
حسام باستهزاء: هههههه ضحكتيني والله ي تمارا اي مشكله هيحلوها بهدوء طب اهو ابسط مثال لما قالتلي بحبك سحبها وراه بغضب وهو متنرفز و اكيد دلوقتي واخدها ع المأذون عشان يطلقوا وهتشوفي بكره هتيجي وتقولك كدا
تمارا بغضب: انا متاكده ان دا مش هيحصل ي حسام وهتشوف وحتي لو حصل انا هروح لاسر واحكيله ع كل حاجه
مسكها حسام من فكها بغضب : عارفه لو فكرتي تعملي كدا هقتلك انتي فاهمه
تمارا زقتوا جامد : لا مش فاهمه لاني مبخافش ي حسام ولو مرجعتش عن الي في دماغك هروح اقولوا
حسام بغضب ووعيد: يبقي انتي الي جنيتي ع نفسك ي تمارا
خرج حسام بغضب
💖💖💖💖💖💖💖💖💖💖💖💖
في الاداره مكافحه المخدرات
لؤي باستغراب: هو مش اسر قال جاي النهارده مجاش ليه
مؤمن: مش عارف يمكن هيجي بكره عادي
لؤي بزهق: لسه هستني لبكره
مؤمن باستغراب: اشمعنا هو انتوا عايزوا في حاجه
لؤي بهمس ل مؤمن: عايز احد اجازه
مؤمن بهمس : ليه وكمان بتوطي صوتك ليه
لؤي بهمس: عشان منار متسمعش اصل عاملها مفاجاه وعايز الاجازه عشان نسافر نغير جو كانت عارف من ساعه ماعرفنا ان هاجر ماتت ومحدش كان ليه نفس يعمل اي حاجه وهي صبرت معايا كتير فا عايز اعوضها واهو الحمدلله هاجر طلعت عايشه
مؤمن بهمس: بس اسر ممكن يرفض خصوصا ان مروان في اجازه وسيف ومريم  يعني لو انت ومنار كمان كدا مش هينفع ممكن يقولك لما يرجعوا من اجازتهم
لؤي بغيظ وهمس: طب انا ذنبي اي انا عايز اسافر
مؤمن بهمس: خلاص هانت اسر هيرجع بكره وهتلاقي بعديه مروان ومريم رجعوا
لؤي بتنهيده: خلاص هستحمل وامري لله
💖💖💖💖💖💖💖💖💖
عند اسر وهاجر كانت نايمه في حضنه
هاجر بهدوء: اسر
اسر : لو جعانه مش هرد لكن لو حاجه تاني ماشي
هاجر بضحك: ههههههههههه لا مش جعانه
اسر : امال اي
هاجر بهدوء : انا بحبك اووي
اسر ابتسم بحب : ايوا هو دا الكلام الحلو
هاجر بابتسامه: هههههه تعرف حبي ليك زاد جدا خصوصا النهارده
اسر بابتسامه: اشمعنا
هاجر بحب: لانك اتكلمت معايا بهدوء وعرفتني غلطي ايوا اتعصبت في الاول بس دا كان رد فعل طبيعي انو يحصل لكن بعد كدا اتكلمت بهدوء ، ثم اكملت عايزاك توعدني انك تسمعني الاول قبل ما تتعصب تفهم مني الاول
اسر بحب : اوعدك ي روحي انا اصلا بثق فيكي و عمري ما اشك فيكي وكنت عارف ان اكيد فيه حاجه ورا كلمه بحبك بس انا لما سمعتها اتعصبت ومقدرتش استني لما تكملي
هاجر بحب : عارفه ي حبيبي واسفه اني قولتها واوعدك اني مش هقولها لحد غيرك ابدا
اسر بخبث: طب احنا هنقضيها كلام ولا اي
هاجر : ههههههههههه لا انا هقوم اخد شاور واحضر الغداء وانت قوم هات جميله من عند بابا
اسر بخبث: لا انا بقول نسيب جميله عند جدها النهارده هي وحشاه وانتي كمان وحشاني جدا
هاجر بخجل : اسر 
اسر : والله ما تنزل الارض ابدا
هاجر بضحك : ههههههههههه حنفي
اسر بخبث : بردوا مش هتنزل
💖💖💖💖💖💖💖💖💖💖
اسفه ع التاخير بس امبارح كان اول يوم محاضرات لياا وفعلا كان يوم متعب مقدرتش اكتب وكنت بحاول ع قد ما اقدر بس معرفتش وقولت هيطلع وحش ف صحيت بدري عشان متاخرش اكتر من كدا ولسه مخلصاه دلوقتي و يارب يعجبكوا