رواية احببت عنادك... بقلمي/هاجر هشام الفصل السادس وخمسون 56 - بقلم Hagar Hešhàm

في صباح يوم جديد صحيت هاجر خدت شاور ولبست



صحي اسر خد شاور ولبس



هاجر بابتسامه و رقه: ينفع حبيبي يعزمني ع الفطار بره
اسر بحب : بس كدا طبعا ينفع ي قلبي
هاجر بحب : ربنا يخليك لياا ي حبيبي
اسر بحب : ويخليكي لياا
نزلوا الاتنين وركبوا العربيه وراحوا مطعم فطروا وبعد كدا اسر وصلها الشغل
اسر بحب: خلي بالك من نفسك واول ما تخلصي كلميني
هاجر بابتسامه: حاضر يلا سلام
اسر بخبث: سلام كدا حاف
هاجر بغلاسه: لا بالجبنه
اسر بخبث: لا بالفراوله
هاجر بخجل : اسر احنا في الشارع ممكن اي حد يشوفنا
اسر بابتسامه: طب وفيها اي هو احنا بنعمل حاجه غلط دي بوسه بريئه يعني
هاجر بعدم تصديق: بريئه بردوا
اسر بمزاح: مش بريئه اووي يعني
هاجر بضحك: ههههههههههه ماشي بس متعملش زي المره الي فاتت
اسر ببرائه : لا متقلقيش مش هعمل
هاجر بعدم تصديق : مش عارفه ليه مش مصدقاك
اسر ببرائه: انا والله دا انا غلبان
هاجر بتريقه: اه مانا عارفه
اسر بابتسامه: طب اي
قربت منو هاجر وباسته بوسه سريعه من خده وخرجت جري وطلعت وهو انفجر من الضحك عليها
اسر بضحك: ههههههههههه مجنونه والله
مشي اسر وكان فيه عين بتراقبهم بغضب
طلعت هاجر
هاجر بابتسامه: صباح الخير
تمارا كانت مستنياها بفارغ الصبر عشان تعرف وكانت خايفه لكلام حسام يطلع صح بس لما لقتها مبتسمه ارتاحت ان محصلش حاجه
تمارا بابتسامه: صباح النور ي روحي
حسام بردوا كان مستني يسمع منها انهم اتطلقوا او اتخانقوا وكان محضرلها هديه بس لما شافها مبتسمه عرف ان محصلش حاجه ففكر في خدعه تانيه
حسام بابتسامه: صباح الخير ي هاجر

هاجر مكنتش عايزه تتكلم معاه تاني غير في الشغل بس وحاولت ع قد ما تقدر تتجنبوا
حسام: هاجر كنت عايزك في موضوع
هاجر بجديه: موضوع اي
حسام :ينفع نتكلم لوحدنا
تمارا : طب انا هسيبكوا
هاجر بجديه: لا استني ي تمارا ثم اكملت وهي تتحدث ل حسام تقدر تتكلم قدامها ي حسام احنا مفيش بينا حاجه عشان نتكلم لوحدنا
حسام بتوتر خفيف: اه طبعا ، انا بصراحه كنت جاي اعتذر منك ع الي حصل مني واني قولتلك الكلمه دي انا عارف انك بتحبيني زي اخوكي وانا خلاص الفكره شيلتها من دماغي ومش هبصلك غير اختي وبس و عمري ما هضايقك تاني

هاجر بابتسامه: ولا يهمك ي حسام انت فعلا زي اخوياا وان شاء الله تلاقي الي تحبك وانت كمان تحبها
حسام بابتسامه: ان شاء الله ممكن بقا تقبلي عزومتي ع الغداء عشان اتاكد انك سامحتيني

هاجر حست بحاجه غلط خصوصا انها ظابط وذكيه تقدر تاخد بالها من الي قدامها وهي حست انو عايز يعمل حاجه

هاجر : اسفه ي حسام مش هقدر وبعدين العزومه مش هي الي هتبينلك اني سامحتك انا قولتلك اني سامحتك ملهاش لازمه العزومه

حسام خاف لتكون شكت فيه فقرر يغير الخطه
حسام: طب خلاص بلاها العزومه ممكن تقبلي مني الهديه دي
هاجر بجديه: بمناسبه اي
حسام: اعتذار مني
هاجر : بس انا قولتلك خلاص سامحتك
حسام : معلش اقبليها مني
هاجر بتنهيده: ماشي
خدتها هاجر وهو ابتسم بخبث وتمارا كانت مستغربه تغير حسام المفاجاء وعرفت انو بيخطط ل حاجه

الهديه كانت خاتم فضه شيك جدا وعجب هاجر جدا لكن خافت من رده فعل اسر وفي نفس الوقت مش عايزه تكسف حسام
حسام طلع الخاتم من العلبه ومسك ايديها عشان يلبسهولها لكن هاجر سحبت ايديها وشدت الخاتم
هاجر : انا هلبسوا
حسام : ماشي
هاجر لبست الخاتم
حسام وهو يضع يده ع كتفها : حلو
هاجر اتفاجاءت بحركته وتمارا كمان وفجاه مسكت دراعوا ولوته جامد ورا ضهره بغضب جامح وهو اتوجع جامد
هاجر بغضب: فكر بس تعملها تاني هخليها توحشك فاهم
حسام بالم : ااااااااه حاضر حاضر مش هعملها تاني
زقتوا هاجر بعيد ورمت الخاتم في وشه
هاجر بغضب: اتفضل الخاتم بتاعك ميلزمنيش والي بينا شغل بس يعني ولا انا اختك ولا اي حاجه فاهم
حسام ولسه دراعوا واجعوا جدا : انا اسف عملتها بهزار مكنش قصدي
هاجر بغضب: ولا حتي تقصد اوعي تفكر تعملها تاني والكلام بينا بحدود
سابتوا هاجر وخرجت بغضب
تمارا بتشفي : احسن تستاهل انا كنت متاكده انك بتخطط ل حاجه بس فرحانه فيك انها قدرت توقفك عند حدك

حسام ضحك جامد وهي استغربت
تمارا باستغراب: انت بتضحك ع اي
حسام بخبث: عشان غبيه تفتكري انا هعمل كل دا عشان اضرب في الاخر انا عارف ان دا هيكون رد فعل هاجر انا كنت عايز اللحظه الي قبل الضرب لاني صورت كل دا صورت وانا بديها الهديه ومسكت ايديها وانا حاطط ايدي ع كتفها صورت كل دا وهبعتوا لاسر

تمارا بتفاجاء: انت شيطان يااه لدرجه دي الحب عاميك ومخليك مش عايز غيرها حتي لو دا ع حساب اي حد انت عارف انت هتعمل اي انت هتبعد اتنين بيحبوا بعض وهتجرحهم ، انت مش بتحبها. ي حسام عشان الي بيحب حد بيتمنالو السعاده حتي لو مع حد غيرو لكن انت عندك حب التملك عايزها وبس انت عايزاها عشان هي رفضتك
حسام : ملكيش دعوه
تمارا بغضب: وانا مش هسكت واقعد اتفرج عليك وانت بتدمرهم كدا انا هقول لاسر وحالا

حسام بغضب:اوعي تفكري تعمليها هموتك ي تمارا
تمارا بغضب: وانا مبخافش ي حسام

خرجت تمارا بغضب ونزلت ركبت عربيتها واتحركت للاداره عند اسر لكن فجاه

عند هاجر بعد ساعه رجعت المكتب
هاجر باستغراب : هي فين تمارا
حسام بلا مبالاه: معرفش
في اللحظه دي رن هاتف هاجر وكانت تمارا
هاجر : ايوا ي تمارا انتي فين وخرجتي ليه
: استاذه هاجر معايا
هاجر باستغراب : اه مين معايا وفين تمارا
: حضرتك صاحبه التليفون عاملت حادثه بالعربيه وهي دلوقتي في المستشفي ........وطالبه تشوفك

هاجر اتصدمت ونزلت خدت تاكسي وراحت المستشفي بسرعه ووصلت هناك وسالت عنها
هاجر للموظف : لو سمحت فيه واحده لسه جايه المستشفي عامله حادثه
موظف : اه ي فندم هي جايه من نص ساعه في العنايه المركزه دلوقتي
هاجر بخوف : طب شكرا
راحت هاجر العنايه المركزه
هاجر لدكتور بخوف : هي حالتها اي ي دكتور
الدكتور بأسف: للاسف حالتها حرجه جدا احنا رافضين اي حد يدخلها بس هي طالبه تشوفك انتي
هاجر بخوف : طيب ممكن ادخلها
الدكتور : اتفضلي بس مش كتير وبلاش تتكلم كتير
هاجر بخوف: حاضر ي دكتور
دخلت هاجر ل تمارا وشافتها كانت وشها متبهدل خالص ومليان جروح وجسمها متجبس
هاجر بدموع: تمارا
تمارا بصتلها بتعب وبصوت متعب جدا: ه ا جر
هاجر بدموع : متتكلميش ي حبيبتي الدكتور قال الكلام مش صح عشانك ارتاحي وان شاء الله تقومي بالسلامه
تمارا بتعب : مفيش. ... و ..قت .انا. خلاص.. هموت
هاجر بسرعه: اوعي تقولي كدا ان شاء الله هتعيشي وتبقي كويسه
تمارا بتعب: اسمعيني ي هاجر عشان مفيش وقت ، خلي بالك من حسام مش هيسيبك
هاجر باستغراب : حسام مش هيسبني ليه مش فاهمه
تمارا بتعب: حسام بيخطط يوقع بينك انتي واسر ولما هددتوا اني هقول لاسر هو هددني انو هيقتلني .ارتاحت شويه ثم اكملت بس انا مهتمتش وقولت لازم احذركوا وانهارده كل الي عملوا صوروا لما اداكي الهديه ولما مسك ايديك ولما حط ايدو ع كتفك كل دا صوروا وانا قولتلوا اني تروح اقول لاسر دلوقتي وفعلا نزلت وكنت رايحه لكن العربيه ملقتش فيها فرامل عرفت ان هو الي عمل كدا عشان يخلص مني ، خلي بالك ي هاجر

هاجر بصدمه: معقوله حسام هو الي عمل كدا حسام حاول يقتلك وعايز يوقع بيني انا واسر كل دا عشان بيحبني

تمارا التعب زاد عليها وحست قلبها بيتعصر : اااااااه

هاجر بخوف : مالك ي حبيبتي
تمارا بتعب ودموع: تعرفي انا مش زعلانه اني هموت ع الاقل هكون مع بابا وماما ،

هاجر بسرعه ودموعها تنهمر ع خدها : لا ي تمارا انتي هتعيشي ثم اكملت بوعيد وغضب هو الي لازم يموت مش انتي ووعد مني ي تمارا هاخد حقك وانتي هتقومي بالسلامه

مفيش رد وصوت جهاز القلب صفررررر
هاجر بصرااخ ودموع وهي تهزها :لاااااااااااا ونبي ي تمارا قومي متموتيش قومي اوعي تستسلمي للموت
دخل الدكتور بسرعه والممرضين ع صوت جهاز القلب
الدكتور بسرعه للممرضه: هاتي جهاز الصدمات بسرعه وخرجي الانسه
الممرضه خرجت هاجر بسرعه واديتوا جهاز الصدمات

هاجر واقفه بره خايفه ع تمارا يحصلها حاجه وبتعيط بعد شويه خرج الدكتور
هاجر بخوف وسرعه: ها لحقتوها صح بقت كويسه
الدكتور بأسف : البقاء لله
هاجر بانهيار : لااااا هي مماتتش. قول انها مماتتش ونبي قول اي حاجه
الدكتور بأسف : انا اسف احنا بلغنا البوليس عشان دي حادثه
هاجر اتصدمت مش قادره تصدق انها ماتت صاحبتها ماتت بسببها هي عند اللحظه دي افتكرت حسام
هاجر بغضب ووعيد : ورحمه تمارا لقتلك ي حسام واخد حق صحبتي
خرجت هاجر بسرعه وغضب من المستشفي وركبت تاكسي وراحت المبني القوات ودخلت المكتب ملقتهوش
هاجر بغضب للعسكري : فين حسام
العسكري باستغراب من غضبها : روح ي فندم
هاجر بغضب: تعرف فين بيته
العسكري : اه ي فندم العنوان.........
خرجت هاجر بغضب بعد ما عرفت العنوان وركبت تاكسي وبعد وقت وصلت وطلعت لقت باب الشقه مفتوح جزء منه واستغربت لكن معلقتش ودخلت بغضب وقعدت تنادي عليه بزعيق ودخلت الاوضه واتصدمت من الي شافتوا ،شافت حسام مقتول وشافت خيال حد بينط من البلكونه ولقت المسدس بتاعها عندو استغربت لكن خدتو ورايحه نايحه البلكونه لكن في اللحظه دي حست بحركه جايه من بره مسكت المسدس وصوبت ناحيه الباب ع استعداد اي حد يدخل وفجاه لقت قدامها ظباط كتير
الظابط وهو يصوب المسدس ناحيتها : سلمي نفسك ي هاجر ونزلي سلاحك انتي متهمه بقتل حسام الهواري

هاجر اتصدمت : انا مقتلتش حد انا دخلت لقيتوا مقتول
الظابط : الانكار مش هيفيدك كل الادله ضدك وقبضين عليكي وانتي ماسكه المسدس

هاجر : طبيعي امسك المسدس لاني شوفت خيال حد بينط من البلكونه
الظابط : وطبيعي انك تبقي في شقتوا اي جايه تعملوا خطه هجوم هنا

هاجر اتعصبت جدا وضربتوا بالبوكس كذا مره : انا مسمحلكش تتكلم معايا كدا
الظباط اتجمعوا حواليها واتنين مسكوها
الظابط الي ضربتوا بغضب: تهمه تانيه الاعتداء ع ظابط اثناء تاديه عملوا ، هاتوها
الظباط قبضوا ع هاجر وجيه فريق عشان يحققوا في قضيه القتل والاسعاف عشان تاخد حسام

في القسم هاجر كانت ايديها متكلبشه في اللحظه دي دخل الظابط الي ضربتوا (اسموا علاء)
علاء : قتلتيه ليه
هاجر : قولتلك مقتلتهوش
علاء بغضب: امال مين الي قتلوا
هاجر : والله دا المفروض شغلك انت الي تعرف مين الي قتلوا مش انا
علاء : تمام وانا شغلي بيقولي انتي الي قتلتيه الادله كلها عليكي
هاجر : اي هي الادله دي بقاا
علاء : العسكري الي سالتيه ع حسام وانتي متعصبه وكنتي عايزه تعرفي عنوانه والدكتور لما سالناه عرفنا انك قولتي انك هتقتليه وغير اننا لقناكي في شقتوا وماسكه المسدس كل دي مش ادله
هاجر : لا مش ادله لان كل دا كلام ومفيش اثبات عليه ولما سالت العسكري ايوا كنت متعصبه لانو السبب في موت صحبتي ولما روحت شقتوا مش عشان اقتلوا بس عشان احبسوا ومسكت المسدس عشان شوفت خيال حد بينط من البلكونه يعني كل الادله دي ولا حاجه
علاء بخبث:بس الي سمعتوا غير كدا خالص
هاجر ببرود: يبقي انت محتاج تكشف عشان سمعك شكلوا ضعف من الضرب
( قصدها لما ضربتوا هو)
علاء اقترب منها ورفع ايدو يضربها بالقلم لكن لقي حد فجاه مسك ايدو بغضب
اسر بغضب: ايدك ترفعها تاني مش هتلحق تنزلها فاهم
هاجر اتفاجات بااسر
علاء بغضب: انت مين وازاي تدخل كدا
اسر بحده: العقيد اسر الشهاوي جوزها
علاء بتوتر : اهلا بحضرتك ي فندم انا اسف مكنتش اعرف انها مرات حضرتك بس هي دلوقتي متهمه
هاجر بغضب: قولتلك مقتلتوش انت مبتسمعش
اسر : استني ي هاجر ، ثم نظر ل علاء ممكن اعرف متهمه في اي بالظبط
علاء : متهمه بقتل الظابط حسام الهواري بطلق ناري ثم اكمل بخبث في شقتوا
اسر ببرود: في شهود ع كدا او ادله
هاجر استغربت برود اسر كانت متوقعه انو هيثور عليها ويتعصب لما يعرف
علاء بردوا استغرب بروده
علاء : ايوا فيه ادله كلام الدكتور والعسكري وغير انها ممسوكه متلبس با السلاح وفي الشقه
هاجر حكت كل حاجه من اول موت تمارا لحد موت حسام
اسر ببرود: تقرير الطبيب الشرعي طلع
علاء : لسه
اسر : امال عرفت ازاي انه طلق ناري من مسدسها هي ثم اكمل بغضب ولا انت استسهلت مفيش دليل واحد عليها مجرد كلام وخلاص غير اني دخلت وانت رايح تضربها ودا لوحدوا حاجه كبيره هتتحاسب عليها
علاء : انا بعت اجيب التقرير وخلال دقايق هيكون هنا وهنعرف اذا كان من مسدسها ولا لا
اسر بغضب: مش هتفرق كتير لان تقرير الطبيب هيوضح انو مات قبل وصولها هي
علاء : خلينا نستني ونشوف
بعد دقائق وصل تقرير الطبيب الشرعي وشافوا علاء
علاء : التقرير اثبت ان الطلقه من سلاحها هي وانو مات بعد وصولها بلحظات يعني مات وهي موجوده وبالسلاح بتاعها كمان

هاجر بغضب: انا مقتلتوش انا روحت ولقيت المسدس بتاعي هناك واستغربت دا بس ملحقتش اعلق لان شوفت حد بينط من البلكونه
علاء : حلو اوي الفيلم الهندي دا يعني المسدس راح لوحدوا هناك عندو في شقتوا اي بيحبوا مثلا
هاجر بغضب : انا مسمحلكش تتكلم معايا بالاسلوب دا انا مش هكدب والي عندي قولتوا
اسر بغضب: اقسم بالله هدفعك تمن كل الي حصل دا بس لما تخرج كل كلمه قولتها هتدفع تمنها
علاء : خد بالك من كلامك ي حضره الظابط انا اقدر احبسك بتهمه التعدي ع ظابط بس انا مقدر حالتك ثم اكمل بخبث مهو بردوا مفيش حد يستحمل يسمع ان مراتو كانت في شقه
علاء ملحقش يكمل كلامه لا اسر هجم عليه وفضل يضرب فيه بغل وغضب وغيره والعساكر دخلوا شدوا اسر بالعافيه
علا ء بغضب والم : اقبضوا عليه
العساكر مقدروش ينفذوا لانهم عارفين يعني اي اسر الشهاوي
علاء بغضب: انتوا مبتسمعوش
اسر باستهزاء: محدش يقدر لانهم عارفين مين هو اسر الشهاوي
علاء بتحدي: تمام بس هما ميعرفوش مين هي هاجر مش كدا ثم اكمل وهو يحدث العساكر : خدوها ع الحبس
اسر بغضب: لو حد فكر بس يلمسها هخليه يحصل حسام
العساكر خافوا وفي اللحظه دي دخل اللواء محمد
اللواء بغضب: اي الي بيحصل هنا دا فيه اي
علاء : تمام ي فندم
اللواء باستغراب: اسر وهاجر انتوا بتعملوا اي هنا
علاء : هاجر متهمه بقتل الظابط حسام ي فندم
اللواء باستغراب: هو انتي الي متهمه في قضيه حسام مش معقول ي هاجر
هاجر بزهق: مقتلتوش والله العظيم م قتلتوا
اللواء ل علاء: فيه ادله ع كلامك
علاء : اه ي فندم اهو تقرير الطبيب الشرعي بيثبت ان الطلقه من مسدسها وكل الادله ضدها
اللواء وهو ينظر في التقرير: فعلا التقرير بيثبت انه من مسدسها وكمان مات وهي موجوده
اسر : ي فندم بس المسدس مكنش معاها اصلا المسدس كان هناك
اللواء : طيب نشوف البصمات الي ع المسدس بتاعت مين
اسر : للاسف مش هينفع لانها مسكت المسدس
اللواء : للاسف كدا مش هقدر افيدك ي اسر التهمه ثابته عليها وكمان القضيه دي الوزير بنفسوا متابعها
اسر : انا مش محتاج من حضرتك غير بس متنزلوش هاجر الحجز لحد مااثبت برائتها
علا بغضب: لا طبعا هي سايبه
اللواء بحزم: ملكش دعوه انت وحسابك معايا بعدين ثم اكمل وهو يحدث اسر : ماشي ي اسر بس ياريت في اسرع وقت لان المفروض هي هتترحل ع النيابه بعد اربع ايام
اسر : ان شاء الله ي فندم هقدر اثبت برائتها قبل الوقت دا
اللواء : ماشي وانا هخليها تقعد في مكتبي رغم ان دا مينفعش بس انت غالي علياا ي اسر انت وهاجر كفايه انك ضحيت بنفسك عشان تحمي بنتي وسيف
اسر بامتنان: شكرا لحضرتك ي فندم
علاء باعتراض : بس ي فندم مينفعش دي متهمه كدا ممكن تهرب
اللواء بغضب: ملكش دعوه انت وكمان القضيه خلاص اتسحبت منك انا هديها ل وليد
علاء باعتراض : بس ي فندم انا الي معايا الادله وكل حاجه تبع القضيه وعارف كل المعلومات
اللواء : كل حاجه هتروح ل وليد هو الي هيقدر يمسك القضيه ويعرف يجيب المعلومات الصح مش انت الي رايح تسمعلي كلام عبيط بتاع دكتور وعسكري ما هي طبيعي تقول كدا لما تعرف انو السبب في موت صحبتها وطبيعي انها تتعصب انت الي غبي وبتسمع الي ع مزاجك وبس وخلاص مش عايز اسمع حاجه في الموضوع دا القضيه هتروح ل وليد
علاء : الي تشوفوا حضرتك ي فندم
اللواء : يلا ي اسر روح انت ومتقلقش هاجر في الحفظ والصون
اسر : معلش ي فندم كنت محتاج بس اقعد مع هاجر لوحدنا عشان اعرف كل حاجه
اللواء : حقك ي ابني خلاص خدها وروح مكتبي وانا هروح ل وليد تعرفوا القضيه وافهموا كل حاجه
اسر : ماشي ي فندم شكرا لحضرتك
خرج اللواء واسر وعلاء بصوا لبعض بغضب واسر خد هاجر وخرجوا راحوا مكتب اللواء
هاجر بدفاع: انا مقتلتوش والله ي اسر ولا جيت جنبوا حتي
اسر بهدوء : عارف ي حبيبتي انك مقتلتوش بس ليه مقولتليش قبل ما تروحيلوا افردي كان هو الي بعد الشر الي قتلك ساعتها مكنش هياخد ساعه سجن لانو كان دفاع عن النفس وكنت ساعتها هخسرك
هاجر بدموع: انا مفكرتش في اي حاجه غير اني كنت عايزه اخد حق صحبتي هو الي قتلها ي اسر وكل دا بسببي انا كانت بدافع عني ونزلت عشان تروح تقولك ع خطته لكن ملحقتش قتلها قبل ماتوصل ياريتها مكنتش راحت كانت قالتلي انا كنت اتصرفت معاه وانا كنت واثقه انك مكنتش هتصدق الصور وهتسمعني لكن هي مكنتش تعرف كدا وماتت ي اسر
اسر وهو يهدئها ويحضنها : اهدي ي حبيبتي انتي ملكيش ذنب دا قدر ومكتوب واهو ربنا خد حقها واتقتل هو كمان بلاش تحملي نفسك فوق طاقتك دا مقدر ومكتوب وعمرك ما كنتي هتقدري تغيريه ،المهم دلوقتي انا عايزك تخلي بالك من نفسك وانا هجيلك كل يوم اطمن اعليكي مش هسيبك ابدا وانا بنفسي الي هجيب برائتك
هاجر بدموع وحب : ربنا يخليك ليا انا مش عارفه من غيرك كنت هعمل اي انا مش هاممني اني هتحبس ولا حتي لو اتحكم عليا بالاعدام مش مهم اهم حاجه عندي انت انا حاطيتك في موقف وحش النهارده ،انا اسفه بجد
اسر بحنان: اوعي تقولي كدا تاني انتي هتخرجي وانا هثبت برائتك مش هقدر اسيبك هنا كتير وبعدين انتي مراتي وحبيبتي ازاي مش هقف جنب القمر دا
هاجر ابتسمت من بين دموعها
اسر بابتسامه: ايوا كدا خلي الشمس تطلع ،ثم اكمل وهو يمسح دموعها ، مش عايز اشوف الدموع دي تاني ابدا ماشي
هاجر بابتسامه: ماشي
اسر خدها في حضنه وهي كمان كانت محتاجه الحضن دا كانت حاسه بالامان
دخل اللواء مكتبه وشافهم وهاجر بعدت عنو ع طول واتكسفت
اللواء بضحك: هههههههه يخرب عقلك ي اسر في مكتبي
اسر بابتسامه: اسفين ي فندم
هاجر اتحرجت جامد
اللواء بابتسامه: ولا يهمك انا عارف انت بتحبها قد اي ومش هاين عليك تسيبها ثانيه هنا وانا والله مكنتش عايزها تفضل بس دي اوامر والقضيه مش سهله ي اسر دي قتل وكمان ظابط
اسر : مانا بردوا كانت قتل وظابط بردوا ليه مركزين مع القضيه دي
اللواء : انت كان باسم مش ظابط لانو كان مقبوض عليه ف مش مهم بالنسبالهم لكن حسام ظابط قوات خاصه عارف يعني اي وغير ان طالع كلام مش كويس ع هاجر لانه مقتول في شقته وهي الي قتلتوا
اسر بغضب: قطع لسان الي يجيب سيره مراتي بحرف اقتلوا
اللواء : اهدي ي اسر انت مش هتخرس الناس كلها الموضوع انتشر جامد ع السوشيال ميديا والصحافه مش ساكته وكلوا بيتكلم في الموضوع دا بس احنا نقدر نخرسهم لما نثبت برائتها ، ثم اكمل وهو يحدث هاجر انتي قولتي ان كان فيه خيال حد بينط من البلكونه مش كدا
هاجر بتاكيد: اه
اللواء : يبقي كدا فعلا حد عايز يخلص منهم هما الاتنين قتل حسام وبلغ البوليس عشان يقبضوا ع هاجر وهو عارف انها هتروح بيته
اسر باستغراب: حد مين
اللواء: دا الي احنا عايزين نعرفوا خصوصا لما سالت علاء وقال ان حد بلغهم واكيد الي بلغ بلغ قبل ما هاجر توصل لان البوليس وصل في الوقت الي هاجر كانت هناك يعني هو عارف انها هتيجي
اسر : فعلا حضرتك عندك حق
اللواء : انا دلوقتي اديتك طرف الخيط تقدر تمشي انت عليه وهتوصل ان شاء الله
اسر : باذن الله هوصل ثم اكمل بقلق : بس هو مكتب حضرتك امان يعني اصل ممكن تمشي وحد يدخلها لان اكيد الي عمل كدا عايز يخلص منها
اللواء : متقلقش مكتبي بالذات امان جدا محدش يقدر يدخل او يخرج غير باذني وكمان المكان مليون ظباط حواليه يعني محدش يقدر يدخل
اسر : وعلاء بردوا ميدخلهاش ابدا
اللواء : لا علاء خلاص هو بره القضيه بس وليد لازم يحقق مع هاجر عشان بردوا دا شغلوا ويمكن يساعدك ومتقلقش وليد انا بثق فيه عشان كدا سلمتوا القضيه دي وعارف ومتاكد انو هيقدر يساعدك
اسر : تمام شكرا لحضرتك ي فندم بجد حضرتك خدمتني خدمه العمر
اللواء بحنان: متقلش كدا ي اسر انت زي ابني وكفايه انك حميت بنتي
اسر : انا معملتش غير واجبي ي فندم ، استاذن انا بقاا دلوقتي
اللواء : اتفضل ي ابني
راح اسر ناحيه هاجر الي دموعها نازله بصمت
اسر بحنان : ممكن اعرف الدموع دي ليه
هاجر بدموع: انا فضحتك والكل بيتكلم عني و اكيد عارفين انك جوزي
اسر بحنان: انا ميهمنيش كلام حد انا عارف حبيبتي وبثق فيها. وانتي لازم تثقي فياا وتعرفي اني هثبت برائتك وهخرس اي حد يتكلم عنك نص كلمه بس شويه وقت وهقدر اجيب دليل برائتك

هاجر بدموع: انت بتعمل معايا كدا ليه انا مستاهلش حبك دا انا فضحتك وغير اني مسمعتش كلامك لما قولتلي ابعد عن حسام وانت كان عندك حق ومش بعمل حاجه غير اني بتعبك وبس
اسر بحنان : انتي تستاهلي اكتر من كدا ومين قالك انك بتتعبيني انا بحبك ي هاجر بحب عنادك بحب قوتك بحب كل حاجه فيكي وانا بقا عايز اشوف هاجر الي حبتها الي عمرها ما استسلمت ابدا الي اكبر العصابات مقدروش عليها ولا قدروا يعملوا معاها حاجه مش عايز اشوفك ضعيفه ابدا مفهوم ولا اشوف دموعك ابدا
هاجر بدموع: هو انا ليه بيحصل معايا كدا ليه الدنيا مش عايزه تسبني في حالي بقاا انا تعبت بجد تعبت كنت فاكره لما ابعد وانهي المهمه وارجع هنعيش حياه هاديه مفيهاش مشاكل بس الدنيا مش سيباني ابدا كل مااخرج من مشكله ادخل في غيرها هو انا وحشه لدرجه دي عشان كدا بيحصل معايا كدا
اسر خدها في حضنه وهي اتمسكت بيه و اول ما حضنها انفجرت في العياط وكأنها كانت محتاجه الحضن دا عشان تخرج كل الي جواها عيطت كتير واتكلمت اكتر وهي بتخرج كل الي جواها واسر معلقش سابها تخرج كل الي جواها واللواء خرج لانو حس ان اسر مش عايزه يشوفها وهي منهاره كدا عدي وقت كبير وهاجر بتعيط وبعد وقت هديت وهي حاسه براحه شويه انها طلعت الي جواها
اسر بحنان : احسن دلوقتي
هاجر بخجل : اه احسن شكرا انك استحملتني ومزعلتش مني
اسر بحنان : لو قولتيها تاني هزعل فعلا انتي اغلي حاجه عندي ي هاجر ولو مستحملتكيش هستحمل مين يعني انتي حبيبتي ومراتي وام بنتي
هاجر بحب : انا بحبكككك اوووي
اسر بحب : وانا بموت فيكي ي حبيبتي
اسر بحنان : انا هسيبك دلوقتي وهاجيلك تاني خلي بالك من نفسك وهبعتلك اكل ثم اكمل بتحذير تاكليه كله ماشي
هاجر بنفي : لا مليش نفس
اسر بمزاح: امال اشمعنا معايا انا نفسك بتتفتح
هاجر ضحكت ع كلمته وهو ابتسم
اسر بابتسامه: هبعت الاكل وتاكليه ماشي
هاجر بابتسامه: ماشي ،ثم اكملت بتذكر صح متقولش حاجه لبابا ولا لماما وجميله بردوا متقولهاش حاجه
اسر : متخافيش مش هقول لحد بس هما ممكن يعرفوا من ع النت
هاجر : لا متقلقش بابا وماما ملهمش في النت ولا التلفزيون بس ممكن بابا يعرف صح لانو بيقرا جرايد
اسر : خلاص متشغليش بالك انتي بحاجه خلي بالك من نفسك وبس
هاجر : حاضر
مشي اسر
وهاجر اول ما خرج كأن روحها خرجت معاه هي مش خايفه انها تتحبس او تتعدم حتي هي نوعا ما مبسوطه ان رينا خد حق صحبتها بس بردوا زعلانه انو مات وهو عندو الذنوب دي بس ميجوزش عليه غير الرحمه دلوقتي
💖💖💖💖💖💖💖💖💖💖
عند اسر اول ما خرج حس انو سايب روحوا جوه مش قادر يسيبها لوحدها عايز يفضل جنبها يطمنها لكن مضطر عشان تفضل جنبوا ع طول ومتبعدش ابدا عشان يقدر يثبت برائتها
وصل اسر الاداره و اول ما دخل
لؤي بلهفه: اسر هو الي سمعتوا دا صح هاجر متهمه في قضيه قتل
اسر : اه
لؤي بغضب: دا كدب هاجر مستحيل تعمل كدا انا متاكد
اسر : هي فعلا معملتش كدا
لؤي باستغراب : امال مقبوض عليها ليه
اسر : للاسف الادله ضدها بس انا هثبت برائتها ومش هسيبها ابدا
لؤي : انا عايز اشوفها
اسر : مش هينفع الزياره ممنوعه ليها لان القضيه كبيره
لؤي : وانت دخلت ازاي
اسر : مسموح جوزها والمحامي بس
لؤي : هتجبلها محامي
اسر : وانا بعمل اي يعني
لؤي: انت ظابط مش محامي
اسر : بس هقدر اثبت برائتها ودا الي انا عايزو انها تطلع برائه ،عايزك متقولش لباباك ولا مامتك ع حاجه وكمان جميله ولو تعرف تاخد جميله بس تقعد مع هاجر واياد لاني هبقي مشغول جدا الفتره دي لحد ما اقدر اثبت برائه هاجر وانا هجيلها عشان بردوا متخافش
لؤي : عيب تقول كدا ي اسر جميله بنتي وهاجر واياد هيفرحوا جدا بوجودهاوهي كمان هتفرح لما تكون معاهم
اسر بامتنان: شكرا ي لؤي
في اللحظه دي جت رساله ع تليفون اسر فتحها كانت من رقم غريب
: لو عايز تثبت برائه مراتك قابلني بعد ساعه في المكان......... لوحدك ولو بلغت البوليس متلومش غير نفسك
اسر قام بسرعه خد تليفونه والمفاتيح وخرج حاول لؤي يوقفه لكن هو خرج بسرعه

بعد ساعه وصل اسر المكان كان عباره عن صحراء فاضيه خالص خرج اسر من العربيه وبص حواليه مفيش حد مسك هاتفه ورن ع الرقم لقاه مقفول
في اللحظه دي لقاا عربيه قربت منو ووقفت قصادو حاول يشوف مين لكن نور العربيه جامد ع عينه مشافش حد بعد كدا لقاه نزل من العربيه وقرب منو في اللحظه دي شافوا واتصدم
💖💖💖💖💖💖💖💖💖💖
اولا اتمني البارت يعجبكوا
ثانيا الناس الي بتسالني كل شويه الروايه هتخلص امتي او هي كام بارت انا محسبتهاش انا بكتب وبس وبردوا معرفش هتخلص امتي واكيد لما تخلص انا هقول ف بلاش كل شويه حد يسالني هي هتخلص امتي