رواية احببت عنادك... بقلمي/هاجر هشام الفصل الخامس وثلاثون 35 - بقلم Hagar Hešhàm

في صباح يوم جديد
عند هاجر  صحيت خدت شاور ولبست

ونزلت كان اسر مستنيها

هاجر: هنروح النهارده نعرف نتيجه التحليل
اسر : طب قولي صباح الخير الاول
هاجر بابتسامة: صباح الخير معلش اصل عايزه اعرف النتيجه بسرعه
اسر: صباح النور / انتي ليه محسساني انها نتيجه الثانويه العامه دي نتيجه تحليل يا بنتي عادي
هاجر : والله لو نتيجه الثانويه العامه ما كنت عوزت اعرفها اصلا لكن انت متعرفش التحليل دا مهم قد اي عندي / انت عارف يعني اي يبقي لياا اخت فجاه كدا لا وكمان تؤام احساس غريب فعلا مش قادره اوصفوا
اسر : عارف انتي متحمسه جدا انك تعرفي النتيجه و نفسك تكون اختك فعلا لكن في نفس الوقت خايفه تعرفي الحقيقه وتتصدمي وساعتها هيكون الف سؤال في دماغك عايزه تساليه
هاجر بدهشه: انت عرفت كل دا ازاي
اسر : قولتلك قبل كدا اني فاهمك وحاسس بيكي
هاجر : طب يلا بقاا عشان منتاخرش نلحق نروح لهدير ناخدها ونطلع ع المستشفي
اسر : طيب يلا اركبي
ركبت هاجر واسر واتحركوا بالعربيه وبعد نص ساعه وصلوا عند هدير خدوها وراحوا المستشفي يعرفوا نتيجه التحاليل وكل واحده حاسه بشعور مختلف نفسها تكون اختها فعلا عند هدير بس لو اختي فعلا ساعتها هيبقي اي الحل ليه سابوني ومسالوش عني كل المده دي ليه مش فاكرهم وماما مجابتليش سيرتهم  الف ليه بتسالها لنفسها ومش عارفه الاجابه
فاقوا من تفكيرهم ع صوت اسر
اسر : يلا وصلنا المستشفي
نزلوا الاتنين وهما خايفين من المواجهه دي بس لازم يواجهو ويعرفوا
دخلوا المستشفي وراحوا لدكتور
هاجر بخوف : ها يا دكتور النتيجه اي
الدكتور : النتيجه ايجابي يعني انتوا الاتنين اخوات فعلا
هاجر بفرحه ودموع وهي تحضن هدير : كنت متاكده انك اختي
هدير كانت مصدومه وفرحانه بردوا بس قعدت تعيط
هاجر باستغراب: انتي مش فرحانه انك اختي
هدير بدموع: لا طبعا فرحانه جداا بس ليه اهلي سابوني ليه كنت بتمني اكون اختك فعلا بس كنت خايفه مكنتش عايزه اتوجع كدا /عارفه يعني اي تعيشي بعيد عن اهلك كل المده دي وعايشه مع ناس تانيه مفكراهم اهلك ويطلعوا مش هما
هاجر بتاثر: متزعليش يا هدير والله انا هعرف الحقيقه وليه انتي عيشتي بعيد عننا كدا
هدير : تفتكري هيغير في حاجه 
هاجر : طبعا هيغير ع الاقل هتبقي وسطنا ومعاناا ومش هتبعدي ابدا عننا /وزي ماوعدتك هنعرف الحقيقه كامله
هدير : ان شاء الله
هاجر : خلاص يا دودا بقاا افرحي كدا
هدير : حاضر هفرح
اسر: طيب بالمناسبه الحلوه دي انا عازمكوا ع الفطار دلوقتي
هاجر لهدير: اي خدمه اهو يا عم اسر بنفسوا عازمك ع الفطار عشان متقوليش علياا بخيله
اسر  : ع فكره انا الي عازم مش انتي يعني انا الي مش بخيل
هاجر برقه: وانا وانت اي يااسر مش واحد بردوا
اسر : انتي بتثبتيني يعني ماااشي ياستي ثبتي براحتك طالما فيها الرقه دي
هدير بضحك:ههههههههههه والله انتوا الاتنين مسخره
هاجر بمرح: تشكري ياااوختشي
اسر : طب يلا يا هبله انتي وهي
هاجر وهدير بغضب: متقولش هبله
اسر وهو يتصنع الخوف :ياماا /حاضر ياانسات اتفضلوا يلا مش هقول هبله
هاجر وهدير ضحكوا ع اسر
تسريع الاحداث
راحو فطروا واسر وصل هدير شغلها وراح هو وهاجر الشغل وعدي اليوم واسر وصل هاجر واستني لحد ما تطلع وتشاورله وبعدها مشي
وكان فاضل ع فرحهم يومين
💖💖💖💖💖💖💖💖💖💖
عند سيف نورهان كانت معاه في المستشفي مسابتهوش ابدا لحد مااتنقل غرفه عااديه وفضلت جنبوا لحد ما يفوق
صحي سيف لقي نورهان نايمه ع ايدو وهي قاعده ع الكرسي ابتسم وحط ايدو ع شعرها يشيل الخصل الي ع وشها وشاف شكلها كان مرهق جدا وعينيها منفوخه من كتر العياط
هي صحيت لما حست بحركه ولقتوا صاحي عمال يتأمل فيها وباصصلها ومبتسم
نورهان بفرحه: انت فوقت بجد ولا انا لسه بحلم
سيف بابتسامه: لا فوقت بجد مش بتحلمي
نور حضنتوا جامد وهو حس بتعب بس مبينش مكنش عايزها تخرج من حضنوا ابدا فضلوا حاضنين بعض بعدها هي بعدت
نور بفرحه: حمدلله ع سلامتك ثانيه هجيب الدكتور
سيف مسك ايديها : لا خليكي معاياا
نور بخجل : مانا معاك بس هنادي الدكتور عشان يطمن عليك بس
سيف : ماشي
راحت نور تنادي الدكتور ورجعت
الدكتور فحصوا بالكامل
الدكتور وهو ينظر لنور بنظرات وقحه : لا الحمدلله حضرتك بقيت كويس بس هو هتفضل هنا يومين كدا عشان الكسور دي والكدمات وكمان عشان الانسه تطمن اكتر
سيف بغيره وغضب: طب ياريت تبص قدامك عشان مخلعش عينك الي فرحان بيها دي وملكش دعوه بالانسه
الدكتور بتوتر: انا اسف عن اذنك
سيف بعصبيه: غور
نور : اهدي مينفعش تتعصب انت لسه تعبان
سيف بغضب: انا عايز اخرج من المستشفي دي
نور : تخرج فين لا طبعا انت مش لسه سامع الدكتور بيقولك يومين وتخرج
سيف : لا انا مش هقعد كل دا في المستشفي دي ثم اكمل بغيره ومع الدكتور الزباله دا هو بيقول كدا عشانك مش عشان يطمن علياا
نور باستغراب: عشاني انا ليه هو انا تعبانه
سيف : لا يااختي عشان يقعد يبصلك كل شويه
قطع كلامهم دخول زملاءه باسم ومروان وساره
باسم : حمدلله ع السلامه يا كبير
مروان : حمد لله ع السلامه يا سيف كدا يا عم تخضنا عليك دا احنا كنا هنموت من القلق عليك
ساره : حمد لله ع السلامه يا سيف
سيف: الله يسلمكوا يا شباب ،الله يسلمك يا ساره / هو انا بقالي قد اي هنا واي الي حصل انا مش فاكر غير ان لقيت العربيه مفيهاش فرامل
باسم : لما تفوق كدا يا كبير وتستعيد صحتك هنقولك ع كل حاجه
سيف: ماشي يا باسم
نور : انا هروح اجبلك اكل عشان انت بقالك يومين مكلتش حاجه كنت عايش ع المحاليل بس
سيف : لا مليش نفس
نور: لا مينفعش لازم تاكل
سيف: لا فعلا مش قادر اكل لما اجوع هبقي اقولك
باسم : طب نسيبك احنا بقاا يا كبير عشان ترتاح ونجيلك وقت تاني
سيف بابتسامه: ماشي يا باسم
خرج مروان وباسم وساره وفضل نور وسيف
نور كانت محرجه جدا
نور بخجل : سيف انا اسفه
سيف : اسفه ع اي
نور بخجل: اني ضايقتك واتعصبت عليك وخليتك تنزل وانت متعصب انا السبب في الحادثه دي لو مكنتش نزلت وسوقت العربيه مكنش حصل كدا
سيف : لا طبعا دا قدر ومكتوب وانا كدا كدا كنت هسوق العربيه في اي وقت يعني الحادثه مش بسببك وبلاش تقولي كلمه (لو) دي تاني عشان دي كلمه الشيطان المفروض نرضي بقضاء ربنا وبعدين اديني كويس قدامك وهو ومحصلش حاجه
نور بدموع : انا اسفه
سيف: بطلي تعتذري كتير من غير سبب قولتلك اني مش زعلان بالعكس دا الحادثه دي جت في وقتها بصراحه
نور بذهول: انت بتقول اي
سيف: اه والله عشان عرفتني غلاوتي عندك ازاي وقربتنا من بعض تاني
نور بخجل : انت غالي عندي دايما يا سيف
سيف بابتسامه: طب ممكن يا روح سيف تنامي جنبي
نور بذهول وخجل : لا طبعا عيب مش هينفع
سيف : ههههههههههه كنت متاكد انك هترفضي
نور وهي ترفع حاجب: امال طلبت ليه طالما عارف اني هرفض
سيف : زياده تاكيد
نور: ماشي
سيف : طب هطلب طلب اخير
نور : اتفضل
سيف: خليكي جنبي
نور : طب مانا جنبك
سيف: قصدي ارجعي زي ما كنتي لما كنت نايم وانتي قاعده ع الكرسي وماسكه ايدي
نور بخجل : ماشي بس متتعودش ع كدا
سيف بمكر: هههههه حاضر مش هتعود ع كدا  انا هتعود ع اكتر من كدا
نور  : لم نفسك انت لسه قايم من غيبوبه متخلنيش ارجعك تاني
سيف : اي دا بجد انا كنت في غيبوبه
نور: اه
سيف : طب واهون عليكي ترجعيني تاني
نور : لا بصراحه متهونش
(نسيبهم هما بقاا يحبوا في بعض رأفه بحال السناجل الي هنا 😂😂😂)
💖💖💖💖💖💖💖💖💖💖
تسريع الاحداث
قبل الفرح بيوم عند هاجر كان البيت ملئ بالضيوف يهنئون وكان البيت عباره عن حاله هرج ومرج
وهاجر كانت في الاوضه هي وروفيدا ومنار ومي كانوا بيرقصوا ويهيصوا وكانو لابسين بدل رقص كلهم
منار بدلع: يلاااااا يااوختشي
مي بدلع: ايوا ياابلتشي
هاجر : ههههههههههه يخربيتكوا مسخره فين الصاجات يابت
منار بدلع :اتفضلي ياابلتشي
دي منار

عند اسر ولؤي
اسر : مش قادر يالؤي عايز اشوفها انا حاسس كأني بقالي سنه مشوفتهاش
لؤي: ومن سمعك انا هموت واشوف منار وحشتني اوووي
اسر نط فجاه: انا عندي فكره
لؤي: اي هي بسرعه
اسر : تعالي ورايا
لؤي: حالا
خرج اسر ولؤي من الكافيه وراحوا عند بيت هاجر
اسر : هما اكيد كلهم متجمعين دلوقتي في اوضه هاجر صح
لؤي: اه احنا هنعمل اي
اسر: هنطلع ع المواسير وننط ع البلكونه
لؤي: انت كنت بتشتغل حرامي غسيل قبل كدا ولا اي 😂
اسر: ههههههههههه لا يااخوياا بس اعمل اي اختك هتجنني
لؤي: تعيش وتاخد غيرها يا صاحبي
اسر: يااخوياا اتوكس ونبي ما انت بردوا البت مطنشاك
لؤي : مين دي الي مطنشاني انا يا بابا الي مطنشها
اسر بسخريه: اه ماهو واضح
لؤي: خلاص بطل رغي واخلص بس الرد اتقفشنا
اسر : عادي مراتي ومن حقي اشوفها
لؤي: ولما هي من حقك تشوفها طالع ليه ع المواسير
اسر : ما هي اختك الي بتقولي اكمل وهو يقلد صوتها لا مينفعش تشوفني غير ع الفرح مش عارفه تقاليد اي دي
لؤي: ههههههههههه يا عيني صعبت عليا والله
اسر: طب يلا يازفت انا هطلع وانت ورايا ع طول
طلعوا اسر ولؤي ع المواسير لحد ما وصلوا عند البلكونه ونطو
عند هاجر سمعوا صوت في البلكونه البنات اتخضت
هاجر طلعت سلاحها بسرعه ومنار بردوا
هاجر بصوت واطي : روفيدا خدي مي وادخلوا الحمام بسرعه وانتي يا منار تعالي معايا
دخلت روفيدا ومي الحمام وهما خايفين جدا
وهاجر ومنار بيتسحبوا للبلكونه ومستنين اي حد يدخل ويهجموا عليه
عند اسر نطو للبلكونه هو ولؤي وبصوا جوا الاوضه ملاقوش حد فا استغربوا ودخلوا لقوا مره هاجر ومنار وراهم بالمسدس
لؤي بفزع: يخربيتكوا قطعت الخلف اي دا
منار بغضب : انتوا اي الي جايبكوا هنا
هاجر بغضب : وجيتوا ازاي من البلكونه
اسر وهو يقترب من هاجر : جيت عشان تشوف القمر
هاجر بتوتر وهي ترجع للوراء: اسر ابعد
عند لؤي
لؤي: وحشتيني
منار بخجل : عيب يالؤي
لؤي: عيب اي انتي خطيبتي
منار : ايوا خطيبتك مش مراتك
لؤي: بسيطه نتجوز بكره معاهم ويبقي الفرح فرحين
منار : لا انا لسه معرفكش كويس
لؤي بحنان: اعرفيني و احنا في بيتنا
منار : بردوا لا
عند اسر
اسر بحب : وحشتيني يا جوجو
هاجر بخجل : ميرسي
اسر : ميرسي يعني انا بقولك وحشتيني تقوليلي ميرسي
هاجر : امال اقول اي يعني
اسر : قولي وانت كمان وحشتني اي حاجه كدا مش ميرسي
هاجر : لا
اسر خد بالو انها لابسه بدله رقص

اسر باعجاب: اي الجمال دا
هاجر بخجل : اسر
اسر بحب : نعم يا روح وقلب وعقل اسر
هاجر :  اطلع بره
اسر : يعني انا بقولك عيون وقلب وعقل اسر وانتي تقولي اطلع بره لا حقيقي فصيله جدا
هاجر : اسر لو حد شافك هنا هتبقي مصيبه اطلع بقاا
اسر : ما يشوفوا عادي مراتي
هاجر : بس كدا هتعملي سمعه وحشه يرضيك يعني انهم يقولوا علياا حاجه وحشه
اسر : دا الي يجيب سيرتك بكلمه اقتلوا مش اخرسوا بس
هاجر : كدا هتقتل كتير
اسر : مش مشكله
هاجر : يااسر بقاا خد لؤي معاك يلا وارجع مكان ما جيت يلا
اسر : ماشي ماشي كلها بكره ومش هتعرفي تهربي مني
هاجر : طب اطلع يلا
زقتوا هو ولؤي للبلكونه وقفلتها
ومنار دخلت فتحت لروفيدا ومي
مي بخوف: هو في اي
منار : مفيش يا حبيبتي دا واد رماا طوبه ع البلكونه
مي باستغراب : وهو فيه حد بيرمي طوبه ع الدور الثاني
منار بتوتر: اه عادي
روفيدا بشك: بس انا سمعت صوت اسر هنا
هاجر بتوتر: اه اه مانا كنت بكملوا ع الفون وكنت فاتحه الاسبيكر عشان كنا فاكرين ان فيه حراميه
روفيدا : اه طب كويس ان مفيش حاجه انا كنت مرعوبه
مي : اه الحمدلله
هاجر ومنار تنفسوا بارتياح انهم صدقوا
💖💖💖💖💖💖💖💖💖
عند اسر ولؤي نزلوا من المواسير تاني وكان فيه حد بيراقبهم
حسين باستهزاء: هااا عاملي فيها روميوا ماشي ياسي روميوا انا بقاا هحصرك ع حبيبه القلب بتاعتك
خد فونوا وعمل مكالمه
حسين بشر : نفذ دلوقتي حالا يلا وانا هستناك في العربيه
اغلق الخط
💖💖💖💖💖💖💖💖
عند هاجر كملوا رقص
وبعد وقت سمعوا صوت تاني في البلكونه هاجر ومنار بصوت لبعض وخافوا ليكون اسر ولؤي فا دخلوا روفيدا ومي الحمام تاني وجريوا عشان يفتحوا البلكونه وهما فاكرين انو اسر ولؤي لكن مجرد ماتفتحت البلكونه وهاجر ومنار اغم عليهم لانو رش حاجه في وشهم وشال هاجر ونزل بس من السلالم مش المواسير
حطها في العربيه واتحركت
حسين بشر : لما نشوف حبيب القلب هيعمل اي لما يعرف انك اتخطفتي يا حلوه
💖💖💖💖💖💖💖💖
عند اسر حس ان قلبوا اتقبض مره واحده
اسر طلع الفون عشان يطمن ع هاجر بس مبتردش
لؤي باستغراب: في اي يابني انت بتتصل عليها ليه احنا مش كنا لسه هناك
اسر بخوف: مش عارف بس حاسس ان فيه حاجه غلط
لؤي: انت بتقلقني ليه يابني حرام عليك
اسر طنشو وفضل يرن ع هاجر لحد ما رد
اسر بغضب : انتي مبترديش ليه ع طول بقالي ساعه برن
روفيدا بعياط: الحقني يااسر هاجر اتخطفت
اسر بصدمه: انتي بتقولي اي حصل امتي دا / طب انا جاي حالا
لؤي بخوف : في اي يا اسر قلقتني
اسر وهو يجري للعربيه : هاجر اتخطفت
لؤي : اي طب استني انا جاي معاك
رجعوا بسرعه البيت وطلعوا لقوا مامت هاجر بتعيط والناس حواليها بتهديها جري هو ع طول ع الاوضه ووراه لؤي
لقاا منار مغم عليها جري عليها لؤي
اسر لروفيدا: اي الي حصل
روفيدا بانهيار : ه..هو..احنا ..ك..ن
اسر: اهدي واتكلمي براحه انا مش فاهم حاجه
روفيدا بدموع: احنا كنا بنرقص عادي فجاه حسينا بحركه في البلكونه فا دخلنا انا ومي الحمام وهاجر ومنار مسكوا مسدساتهم وراحوا ناحيه البلكونه واتاخروا شويه المهم منار فتحتلنا وخرجنا وقالوا ان حد رمي طوبه وجري فا محطناش في بالنا بعد شويه تاني سمعنا حركه بردوا في البلكونه فا احنا دخلنا الحمام ومنار وهاجر راحوا للبلكونه بس المرادي من غير مسدساتهم مش عارفه ليه بصراحه بس فضلنا احنا في الحمام خايفين نطلع فا انا اتشجعت وخرجت لقيت منار مرميه ع الارض وهاجر مختفيه
اسر : طب خلاص اهدي خليكي انتي هنا متروحيش لحد ما اجي اخدك وانا هروح اشوف الكاميرات 
💖💖💖💖💖💖💖
اولا اتمني البارت يعجبكوا
ثانيا انا نزلت دا دلوقتي عشان احتمال النهارده منزلش لاني هكون في مشوار واتمني متزعلوش مني