رواية احببت عنادك... بقلمي/هاجر هشام الفصل الثامن وخمسون 58 - بقلم Hagar Hešhàm

عند اسر
دخل كافيه الاول وبعد وقت خرج وراح نفس المكان وفضل واقف مستني
تمارا من وراه: كنت عارفه انك هتيجي وهتحتاجلي لانك مش هتقدر تثبت برائتها
اسر لفلها : فعلا مقدرتش اثبت برائتها ،انا موافق هنفذ بس هي تخرج براءه
تمارا بخبث: كدا تعجبني والفيديو هيوصلك اول ما تطلقها وكمان اسمع بنفسي وانت بتجرحها وتهينها وتطلقها بالثلاثه عشان اضمن انك مش هترجعها تاني
اسر بغضب: احنا متفقناش ع كدا انتي قولتي اطلقها بس مش بالثلاثه وغير اني مش هصور حاجه

تمارا وهي تشغل تسجيل هاجر الي قالتوا وهي في العنايه مع تمارا
تمارا : تمام وانا بعت التسجيل للبوليس و كدا التهمه هتثبت عليها
اسر بعصبيه شديده: انتي ليه بتعملي كل دا هي اذتك في اي عشان تقتلي حسام وتلبسيها هي القضيه وليه قتلتي حسام اصلا
تمارا بغضب: قتلت حسام عشان هو السبب وهي كمان السبب هو حبها هي ومشافنيش انا وانا الي حبيتوا فا قتلتوا عشان اخلص منهم هما الاتنين بس كل دا مطفاش نااري عشان كدا هتطلقها والا هتشوفها وهي لابسه البدله الحمراء وساعتها هتتمني اني ارجع عشان توافق ع شرطي بس ساعتها مش هتلاقيني لاني هكون بتفرج من بعيد وهي بتتعدم وانت واقف مش قادر تعمل حاجه

اسر بغضب: قولتلك موافق لكن الي بتقوليه مش هيحصل مش تطلقها بالتلاته ولا هصور حاجه
تمارا بغضب: وانا كدا استفدت اي ما هي هتخرج وترجع لحياتها الطبيعية تاني وتردها انت وابقاا انا كدا خسرت كل الي عملتوا وخسرت حياتي وشغلي وانا قصاد الكل ميته لا طبعا انا خططت للموت والحادثه بتاعتي واتفقت مع واحد يقتل حسام وكل دا وتقولي مش هتطلقها بالتلاته يبقي انا بقاا هنفذ كلامي وهتلاقيها دلوقتي بتترحل ع النيابه او المحكمه ع طول لان مش هيحتاجوا شهادتها في حاجه لان التهمه لبساها لبساها

اسر قدر يسجل فعلا اعترافها لكن مقلهاش وسايسها

اسر بغضب: وانا مش هسمحلك تدمريها وهقول للكل انك عايشه وانتي السبب في قتل حسام

تمارا بسخريه: محدش هيصدقك حتي لو صدقوا اني عايشه دا مش هيخرج هاجر
اسر بغضب: ايوا مش هيخرجها لكن هيشككوا في دا خصوصا الراجل الي بعتيه عشان يقتلها وهي في القسم

تمارا بغضب : الراجل الي بعتوا ايوا عشان يقتلها فعلا بس انا فهمتك انو هيخوفها بس وكنت جيباه وانا فاكره انو هيقتلها فعلا خصوصا انو هو نفسوا الي قتل حسام لكن طلع جبان مقدرش عليها قدر يقتل حسام ومقدرش يقتلها هي

اسر بغضب: يعني انتي كنتي عايزه تقتليها كمان
تمارا بغضب: ايوا كنت عايزه اقتلها لاني كنت عارفه انك مش هتوافق ع طلبي فقولت اخلص منها احسن ،انا اصلا كنت هقتلهم هما الاتنين مع بعض واخليها جريمه شرف وكنت هخليك تروح هناك وهيبان قصاد الكل انك قتلتهم دفاعا عن الشرف وكنت هتخرج عادي منها لكن كانت سيرتها هتبقي ع كل لسان ودا الي انا كنت عايزاه بس لما حصلت الخناقه الي بين حسام وهاجر مكنش ينفع يحصل كدا لان ازاي اتخانقوا وراحتله الشقه عشان كدا دي كانت الخطه البديله الي كنت متفقه عليها مع الدكتور قبل الحادثه بيوم

اسر اتصدم مكنش متوقع انه وصلت بيها الجراءه انها تعمل كدا ووصل بيها الكره لدرجه دي

اسر مسكها جامد وكان بيخنقها بغضب وغيره وهي كانت بتحاول تبعدوا لكن مش قادره كان بيتخيل الموقف قصادوا وكل مايتخيل كان بيزيد ضغطوا عليها وهي وشها ازرق ونفسها بدا يروح لكن فاق وزقها جامد بعيد وهو مش طايق يبصلها وركب عربيته بغضب ومشي وهي كانت بتاخد نفسها بصعوبه وبتكح جامد
تمارا بخنقه: كح كح ثم اكملت بوعيد والله لندمك علي الي عملتوا دا وهخليك تشوفها وهي بتتشنق

💖💖💖💖💖💖💖💖💖
عند اسر ساق بأقصي سرعه وراح ل هاجر  ودخل المكتب ملقهاش
اسر بغضب: هاجر فين
اللواء بحزن: للاسف اترحلت ع النيابه عشان جلستها بكره في المحكمه
اسر بغضب: وازاي متقوليش حاجه زي كدا وبعدين لسه فاضل يومين عشان تترحل ع النيابه
اللواء: من نص ساعه اتبعت تسجيل فيه اعتراف هاجر وللاسف متبعتش ع هنا اتبعت للوزير ع طول وهو الي امر بترحيلها لنيابه وحدد جلستها بكره وحاولت اتصل بيك لكن تليفونك كان مقفول
اسر بغضب: بس انا قدرت اجيب دليل برائتها
اللواء : طب كويس جدا خليه معاك وبكره نقدموا في المحكمه
اسر بغضب: انا لسه هستني لبكره ،مستحيل اخلي هاجر تبات يوم واحد في الحجز
اللواء: للاسف مفيش في ايدينا حاجه نعملها لازم تستني لبكره
اسر بغضب: انا مش هستني لبكره انا هروحلها دلوقتي
اللواء: مش هتستفاد حاجه لان حتي لو ورتهم الدليل هيقلولك نفس كلامي استني لبكره
اسر بغضب: وانا هستني لبكره فعلا بس وانا جنبها
اللواء بدهشه : انت هتدخل الحجز
اسر : وفيها اي
اللواء : ممكن ميوافقوش
اسر : لا هيوافقوا
اللواء: طيب خلاص انا هكلم الوزير وهخليهم يسمحولك تدخل
اسر: تمام وانا هعدي ع وليد
راح اسر ل وليد
وليد بسرعه : ها عملت اي
اسر بابتسامه: كلوا تمام سجلت كل اعترافها وعرفت مين الي قتل حسام كمان
وليد براحه: مين الي قتلوا
اسر بتنهيده: نفس الي كان عايز يقتل هاجر
وليد بدهشه: يعني القاتل عندنا في الحبس تحت
اسر : ايوا عايزك بقاا تخلي بالك وتحطوا في حبس انفرادي لان اكيد هتحاول تخلص منوا
وليد : متقلقش مش هيغيب عن عيني لحظه ، فين التسجيل صح
اسر وهو يعطيه فلاشه : اهو التسجيل خليه معاك في مكان امن ثم اكمل بتحذير وليد التسجيل دا مهم جدا يعني لو ضاع صدقني مش هرحمك ومش هيمهني اي صداقه بينا ماشي
وليد : متقلقش ي اسر التسجيل دا مهم عندي زي ما هو مهم عندك
اسر : طيب انا همشي دلوقتي هروح ل هاجر
وليد باستغراب: تروح ل هاجر فين هي مش اترحلت للنيابه
اسر : ايوا اترحلت وانا هروحلها
وليد: وافقوا يدخلوك
اسر : اه
وليد: طيب خلي بالك من نفسك وانا هكون في المحكمه بكره مستنيكوا ومعايا التسجيل
اسر : ماشي
وليد: انت هتقول ل هاجر صح ع تمارا
اسر بتنهيده: لازم اقولها هي كدا كدا هتعرف بكره فا اقولها انا احسن متتصدم بكره
وليد : احسن حاجه عشان متتضايقش منك
اسر: طيب سلام
وليد: سلام
كل دا وكان فيه حد سامعهم وبعد بسرعه عن الباب لما عرف ان اسر هيخرج
مشي اسر و دخل علاء ل وليد
علاء : ازيك ي وليد عامل اي
وليد باستغراب: الحمدلله كويس
علاء : مالك ي ابني مستغرب ليه
وليد: مستغرب بقالك كتير مجتش مكتبي خير عايز حاجه
علاء : انا كنت جاي اسلم عليك وادردش معاك شويه
وليد : امممممممم تدردش معايا شويه ويا تري هتدردش في اي بقاا
علاء :يعني في قضيه هاجر وصلت لايه
وليد بجديه: طب وانت مالك بيها
علاء ببرود: مفيش بطمن عادي يعني
وليد ببرود: لا اطمن خلاص بكره هنثبت برائتها
علاء بخبث: بجد ازاي
وليد : وانت مالك دي حاجه متخصكش انت خلاص بره القضيه دي
علاء بتمثيل الزعل: انا كان قصدي اساعد يعني   مش قصدي حاجه اصل بصراحه انا غلطت في الي عملتوا وكنت عايز اساعد عشان تسامحني
وليد ببرود: دي حاجه متخصنيش عايز تعتذر روح لأسر وهاجر لكن انا مليش دعوه
علاء بغضب: ماشي ي وليد عن اذنك
💖💖💖💖💖💖💖💖💖
عند اسر دخل ل هاجر
هاجر جريت عليه حضنتوا : وحشتني اووي
اسر بحب : وانتي كمان وحشتيني جدا ، وخلاص جبت دليل برائتك وبكره هتكوني معايا وفي حضني
هاجر بحب: بجد يعني عرفت مين الي عمل كل دا
اسر بتردد: ايوا عرفت
هاجر : مين
اسر بتردد: تماارا
هاجر بحزن: الله يرحمها بس مين الي عمل كدا
اسر بتنهيده: تمارا عايشه مماتتش
هاجر بفرحه: بجد يعني تمارا مماتتش
اسر باستغراب: انتي فرحانه
هاجر باستغراب: اكيد لازم اكون فرحانه مش صحبتي طلعت عايشه
اسر : انتي لسه مستوعبتيش لحد دلوقتي
هاجر باستغراب : مستوعبتش اي مش فاهمه
اسر : بقولك تمارا مماتتش وهي السبب في كل الي حصل هي الي قتلت حسام وحبستك وهي الي بعتت الراجل عشان يقتلك وهي الي سجلتلك ووصلتك لحد هنا

هاجر سكتت مردتش هترد تقول اي ،تقول انها اتخدعت لتاني مره من اقرب حد ليها اكتر واحده وثقت فيها وحبتها بجد كانت بتعتبرها اختها هي السبب في حبسها وكمان عايزه تقتلها
طال سكوتها واسر قلق
اسر بقلق: هاجر انتي كويسه
مفيش رد
اسر بقلق: هاجر  ردي عليا متقلقنيش عليكي ردي قولي اي حاجه زعقي، اصرخي ، عيطي لكن متسكتيش كدا
بردوا مفيش رد
اسر بقلق: هاجر عشان خاطري ردي علياا

هاجر بوجع: انت الوحيد الي ليك خاطر عندي ،انا كويسه متقلقش  بس مكنتش متوقعه انها تعمل كدا مكنتش متوقعه انها بتكرهني لدرجه دي وانا معملتلهاش حاجه انا كنت بعتبرها اختي ليه تعمل كدا لييه هو انا وحشه عشان كدا هي بتكرهني
اسر وهو يهدئها: ي حبيبتي انتي احلي واطيب واحده شوفتها في حياتي  هي الي مريضه انتي ملكيش ذنب ثم اكمل بوعيد: وصدقيني هندمها ع كل دمعه نزلت منك بسببها وكل وجع حسيتي بيه بسببها والله ما هرحمها
في اللحظه دي دخل العسكري
العسكري: اسر باشا فيه ناس بره بيقولوا انهم زمايل هاجر وحضرتك في الشغل و عايزين يدخلوا واخوها كمان
هاجر مسحت دموعها بسرعه وهدت نفسها وبقت طبيعيه
اسر : عايزه تشوفيهم ولا مش هتقدري
هاجر بثبات: لا خليهم يدخلوا عادي بس هو مسموح عادي اي حد يدخل
اسر بحب: انا ادخلك الي انتي عايزاه المهم اشوف الابتسامه الحلوه بتاعتك
هاجر بابتسامه حب : ربنا يخليك لياا
اسر بحب: ويخليكي لياا
اسر للعسكري: خليهم يدخلوا
دخل حازم وجري ع هاجر حضنها جامد ورفعها من ع الارض وهو حاضنها بشوق ولهفه وهي كمان حضنتوا  واسر كان شويه وهيخرج دخان من ودنه من كتر الغيره والغضب ، طال حضنهم
اسر بغيره: خلاص ي زفت انت استحلتها
حازم بشوق : كانت وحشااني اووي انت متتصورش حالتي كانت عامله ازاي لما عرفت انها عايشه ، ثم اكمل وهو يحدث هاجر وحشتيني اوووي ي جوجو
هاجر بحب : وانت كمان وحشتني اووي ي حازم
اسر بغيظ: وانا كيس جوافه واقف مش كدا
هاجر بضحك: هههههههه متقولش ع نفسك كدا ي حبيبي
مي بلهفه وهي تحضنها : وحشتيني اوووي ي هاجر مش قادره اصدق انك عايشه وواقفه قدامي دلوقتي
هاجر بحب: وانتي كمان وحشتيني اوووي ي مي
الي دخلها سيف ونورهان سلموا عليها ونور حضنتها وهدير وكريم سلموا عليها وهدير حضنتها وهي بتعيط ومريم ومروان سلموا عليهم ومريم حضنتها وساره بردوا حضنتها  ولؤي ومنار حضنوها واسر كان هيولع من لؤي وحازم
خالد بعتاب: كدا بردوا ي هاجر تبقي محبوسه ومحدش يقولي حرام عليكي انا مصدقتش نفسي وانا بقراء الخبر من الجريدة
هاجر بأسف: انا اسفه ي بابا مكنتش عايزه اقلقك
خالد بحنان: ولا يهمك ي حبيبتي وان شاء الله هتخرجي من هنا وانا واثق ان اسر هيقدر يثبت برائتك
هاجر بحب: ودا انا واثقه فيه بالظبط

هاجر بسعاده: بجد فرحانه بالمه دي
كريم بمزاح: يعني يوم ما نتجمع كلنا نتجمع في الحجز
كلهم ضحكوا ع كلام كريم واسر كان مبسوط ان هاجر بتضحك ومبسوطه بلمتهم وهو دا الي كان عايزو ومحدش فيهم حاول يسال ع اي حاجه في القضيه عشان متزعلش رغم انهم مش عارفين حاجه بس عشان ميضايقوهاش
اسر بابتسامه: عندي ليكوا مفاجاه اول ما هاجر تخرج براءه
هاجر بقلق: ونبي بلاش الكلمه دي
اسر بضحك: ههههههههههه عندك حق خلاص بلاش الكلمه دي
كلهم استغربوا
سيف باستغراب: ليه مالها الكلمه
اسر بضحك: اصل كل ما نقولها يحصل مصيبه فا بطلنا نقولها خالص
ضحكوا كلهم
هاجر بابتسامه: طب اي هي بقاا المفاجاه
اسر بابتسامه: تذاكر ل جزر المالديف كلنا مع بعض انا عارف محدش قضي شهر عسل بسبب يعني موضوع مهمه هاجر فا قلت عشان محدش يعني يقتلها اهدي النفوس انا ونطلع كلنا مع بعض
هاجر بمزاح: واضح انك بتهدي النفوس دا انت بتفكرهم
اسر بمكر: بصراحه ي حبيبتي انا اولهم انا ملحقتش اتهني بيكي بعد ما رجعتي ع طول اتحبستي فا لازم انتقم
هاجر اتكسفت وسكتت
نور بضحك: هههههههههه حرام عليك ي اسر البت هتموت من الكسوف
كريم بمزاح: بتكسفي ي بيضه
اسر : بس ي زفت لم نفسك وملكش دعوه بمراتي خليك مع مراتك
كريم بمزاح: ونبي ي ابني انا بتلغبط بينهم
اسر بثقه: انا عمري مااقدر اتلغبط في هاجر ابدا لاني بشوفها بقلبي قبل عيني
سيف بمزاح: ي لهوووي ع كسفتك ي حازم  لا وكمان موتك لان هدير مش هتسيبك
كريم ل هدير : انا بهزر ي حبيبتي اوعي تصدقيهم دول عايزين يوقعوا بينا
هدير : متقلقش ي حبيبي بس معلش يعني انت هتنام ع الكنبه النهارده
سيف بضحك: ههههههههههه اي ي عم المسيطر
كريم بمزاح: لا اصل انت متعرفش انا بحب انام ع الكنبه اصل نوم السراير بيوجع ضهري
سيف بضحك: ههههههههههه اه مانا عارف ي اخوياا
اسر ل هاجر بهمس: حبيبي لسه مكسوف
هاجر بخجل: بس بقا. ي اسر
اسر بهمس: انا اسف ي روحي
كريم بمزاح: بتقولها اي ي اسر هاا هاا
اسر بغيظ: وانت مالك انت خليك في مراتك وملكش دعوه بمراتي بدل مااخدها منك
كريم وهو يحضن هدير : لا محدش يقدر ياخد مني روحي
هدير اتكسفت وبعدت عن حضنوا بسرعه وهي مكسوفه
اسر : ايوا كدا لم نفسك
مريم بضحك: ههههههه الاتنين اتكسفوا حرام عليكوا
نور :بس انا عارفه هاجر مش هتسيب حقها
اسر مزاح: انتي بتسخنيها ولا اي ، ماتشوف مراتك ي سيف بتسخنها علياا
سيف بحب: انا مراتي تعمل الي هي عايزاه براحتها
اسر بغمزه: ايوا ي عم الله يسهلوا خاربها انت ي بختك
سيف بضحك: اهو قرك دا هو الي وصلني ل هنا ،انا كنت بتفسح وبراحتي انا وحبيبتي
اسر ل هاجر بهمس: سامعه بيغيظني ازاي عجبك كدا
هاجر بضحك: ههههههههه ماانت الي بتحسدو
اسر بهمس: بقاا كدا ماشي ع العموم كلها بكره وتخرجي وساعتها مش هسيبك
هاجر بخجل وهمس: اسر عيب كدا
كريم بمزاح: ممكن اعرف قولتلها اي خلاها وشها احمر كدا وبقاا شبه الطماطم
اسر بغيظ: ي ابني هو انت حد مسلطك علياا
سيف بضحك: ههههههههههه شكلك كدا ي كريم عايز تروح متكسر
كريم بمزاح: انا بقول اسكت احسن لان اسر شكلوا هيقتلني
سيف بضحك: ههههههههههه لا هو فعلا هيقتلك
كريم بتمثيل الخوف : طب طمنتني
كريم بمزاح: بصي ي جوجو انا جبتلك عيش وحلاوة
اسر مسكوا من لياقه قميصه بغيره وغضب وكلوا اتفاجاء : انا مش قولتلك الكلمه دي متنطقهاش
هاجر وهي بتبعده: خلاص ي اسر هو قالها تلقائي مكنش يقصد
كريم : انا اسف ي اسر فعلا مكنتش اقصد
اسر بعد عنو وكلهم قعدوا تاني
وهاجر حاولت تلطف الجو
هاجر بمزاح: جايبلي عيش وحلاوة ي كريم ماشي انا هخلي بقاا هدير تنيمك بره ع الكنبه شهرين كدا عشان تتأدب
كريم : بسيماما احنا معندناش حريم تنام لوحدها
هدير بضحك: ههههههههههه وكلمتك مش هتنزل الارض ابدا
هاجر :ايوا كدا خليكي مسيطره زي اختك
اسر بغضب خفيف : نعم ي اختي
هاجر بضحك: بهزر ي حبيبي
هدير بضحك: ههههههههههه واضح السيطره
هاجر بمزاح: اي رايك
هدير بضحك: هههههه لا حقيقي عجبتني

فضلوا مع بعض وقت كبير جدا وبعد كدا مشيوا وفضل اسر وهاجر
هاجر بهدوء: انت مش هتروح شكلك تعبان اووي روح ارتاح
اسر : لا انا هفضل هنا مش هسيبك لحظه
هاجر بحب: ي حبيبي انت شكلك تعبان اووي روح ارتاح وكدا كدا انا هترحل ع المحكمه بكره
اسر بحب و رقه: سبق وقولتلك انتي راحتي و عمري مااقدر ارتاح في مكان انتي مش موجوده فيه
هاجر بحب: انا لو عندي كلام اكبر من كلمه بحبك كنت قولتها بجد كل الكلام الحلو ميوصفش حالتي دلوقتي انا بعشقك
اسر بمكر: انا ماسك نفسي بالعافيه ومش عايز اتهور بجد فا خلي الكلام الحلو دا لما نخرج من هنا لاني مضمنش نفسي بجد وممكن نتمسك اداب
هاجر بضحك:ههههههههههه حاضر مش هتكلم اهو
سكتوا شويه وقطع الصمت
هاجر بثبات: اسر
اسر باستغراب: نعم
هاجر بثبات: هي تمارا عملت كدا ليه يعني ليه عايزه تأذيني
اسر وهو يكتم غضبه وغيرته : عشان حسام هي كانت بتحبوا لكن هو بيحبك انتي
هاجر بدهشه: يعني كل الي هي عملتوا دا عشان هو كان بيحبني انا طب ما هي عارفه اني مش بحبوا يعني مليش ذنب في دا
اسر : هي شايفه غير كدا ،شايفه ان هو حبك انتي وهي لا فا كانت عايزه تنتقم ثم اكمل بمزاح بس مش ملاحظه حاجه
هاجر باستغراب: حاجه اي
اسر بغيره : ان حبايبك كترو يعني باسم كان بيحبك و دلوقتي حسام ياتري مين تاني هيظهر
هاجر بضحك ثم تحول لهدوء و رقه :ههههههههههه  حبيبي بيغير
اسر بغيره: طبعا لازم اغير دا احمدي ربنا ان حسام مات ع ايد تمارا لان كان زمان انا الي محبوس مكانك في قضيه قتلوا
هاجر بقلق: بعد الشر ثم اكمل بمزاح وبعدين هو اي حد يحبني تقتلوا
اسر بتاكيد: بالظبط
هاجر بمزاح وثقه: كدا هتقتل كتير
اسر : لا والله اشمعنا بقاا
هاجر بمكر : اصل انا حبايبي كتير وانا بصراحه بحبهم بردوا
اسر بغضب وغيره : بتحبي مين ي اختي
هاجر بمكر : حبايبي ي اسر ثم اكملت بمكر وهي تعد
عندك مثلا بحب
قطع كلامها
اسر بغيره وغضب وهو يحضنها بتملك : انتي لسه هتكملي والله اقتلك
هاجر بمكر و رقه : ليه ي حبيبي انا كنت هقول بحبك انت الي وعدتك مش هقول كلمه بحبك لحد غيرك
اسر وهو يقربها اكثر لحضنه: انا شكلي فعلا هتهور والله وانتي الي هتتحملي النتيجه
هاجر بضحك: ههههههههههه ثم اكملت برقه وهي تمرر يدها ع خده : معقوله وحشتك
اسر بحب : انتي بتوحشيني حتي وانتي في حضني
💖💖💖💖💖💖💖💖
عند تمارا كانت بتكلم في التليفون
تمارا بغضب: انت بتقول اي ازاي قدر يسجلي كلامي
............
تمارا بغضب: طب انا عايزاك تجيب التسجيل دا باي طريقه
تمارا بغضب: متقلقش هديك الي انت عايزو بس تجيب التسجيل دا
تمارا : ماشي سلام
تمارا بوعيد:بردوا مش هتفرح ببرائتها وهاخد التسجيل منك وهخليك تشوفها وهي بيتحكم عليها بالاعدام
💖💖💖💖💖💖💖💖💖
تاني يوم الصبح صحي اسر وهاجر ع دخول العسكري
العسكري: اسر باشا احنا لازم ناخد مدام هاجر دلوقتي عشان تروح المحكمه
اسر : لا انا هاخدها للمحكمه هي مش هتركب البوكس
العسكري: مينفعش ي فندم كدا انا الي هتأذي
اسر : طب اخرج دلوقتي
العسكري : حاضر ي فندم
هاجر : خلاص ي اسر مش مشكله
اسر : ماشي بس هركب معاكي مش هسيبك لوحدك
هاجر بهدوء: لا طبعا مينفعش انت ظابط وكمان ليك اسمك ومركزك مينفعش تركب معايا
اسر : انتي بتقولي اي ي هاجر انتي بتهزري اسم اي ومركز اي الي بتكلمي عنو انا كل دا في داهيه ميهمنيش غيرك انتي وبعدين ماانتي ظابط بردوا ونفس الرتبه
هاجر : بس انا دلوقتي محبوسه يعني موقوفه عن العمل
اسر : دا لفتره مؤقته وباذن الله انهارده هترجعي لشغلك تاني
هاجر : بس انا مش هرجع الشغل انا هستقيل
اسر بصدمه: هتستقيلي ليه
هاجر بخنقه: انا خلاص تعبت مش هقدر اكمل وكل شويه يطلعلي حد يحاول يفرقنا عن بعض تاني مش هستحمل دا
اسر بحنان: ي حبيبتي طول ما احنا مع بعض محدش هيقدر يفرقنا ، وبعدين انا عمري ماشوفتك كدا ،هاجر احنا عدينا مشاكل اكتر من دي بمراحل معقوله هي دي الي هتخليكي تستقيلي من شغلك الي بتحبيه وكان حلمك من زمان

هاجر بصتلوا باستغراب مش دا اسر الي كان عايزني اقعد من الشغل عشانوا ،مش هو الي طلب مني اني استقيل قصاد انو يردني ونعيش حياه طبيبعيه
هاجر بدهشه: معقوله انت الي بتقولي الكلام دا
اسر بهدوء: قصدك عشان قولتلك قبل كدا استقيلي من الشغل
هاجر : اه
اسر بحنان:  انا اتغيرت ي هاجر كلامك غيرني الكلام الي قولتيهولي بينلي فعلا اني كنت اناني مش بفكر غير في نفسي وبس ،انا بحبك و عمري ما هقدر ابعدك عن حاجه بتحبيها وبردوا مش هخليكي تستقيلي انا عارف ان القرار طالع منك وانتي مخنوقه بس انا متاكد انك هتخرجي من هنا وهتكوني عايزه تشتغلي وصدقيني أول مااثبت برائتك هجبلك حقك من كل واحد جرحك حتي لو كنت انا

هاجر بهدوء وحب : متقولش كدا انت عمرك ما هتجرحني ابدا انا واثقه من دا انت وقفت جنبي ومسبتنيش لحظه انت رفضت شرط تمارا رغم ان كان ممكن توافق عشان تخرجني لكن انت رفضت

اسر باستغراب : انتي عرفتي ازاي شرط تمارا
هاجر : من عينيك انا عرفاك ي اسر لما بتحاول تخبي حاجه لاحظت في عينيك انك بتحاول تهرب اني اسالك السؤال دا تمارا معملتش كل دا لمجرد انها كرهتني عشان حسام حبني هي اكيد كانت عايزاك تبعد عني زي ما حسام بعد عنها وجرحها

اسر بأسف: انا اسف ي حبيبتي اني خبيت عنك بس مكنتش هقدر اقولك مكنتش هقدر اجرحك ابدا

هاجر بابتسامه حب : وانا مش زعلانه منك ابدا
في اللحظه دي دخل العسكري
العسكري : احنا لازم ناخد مدام هاجر دلوقتي
هاجر : ماشي
راح العسكري عشان يحط الكلبشات في ايديها
اسر بغضب: انت بتعمل اي
العسكري بخوف: عشان متهربش ي فندم
هاجر باستغراب: عادي ي اسر خليه يحطها انا كدا كدا مش ههرب
اسر بغضب وغيره: خد الكلبشات دي وغور انا هاخدها
هاجر ابتسمت لانها حست بغيرته من العسكري
هاجر بدهشه: اوعي تقول انك بتغير من العسكري كمان
اسر بغيره: وهو مش العسكري دا راجل بردوا ولا ست
هاجر انفجرت من الضحك : ههههههههههه لا بجد ي اسر انت فظيع معقوله هتغير من عسكري

اسر بغيره: دا انا بغير من لؤي اخوكي مش هغير من عسكري
هاجر بضحك: ههههههههههه لا فعلا عندك حق  طب يلا
اسر بتنهيده: يلا ي اختي
خرج اسر وهاجر رفضت ان اسر يركب البوكس نهائي وهو وافق ع مضض وركب عربيته وكان وراها لحد ما وصلوا المحكمه وكان فيه صحافيين وتصوير وكانوا بيحاولوا يتكلموا مع هاجر لكن اسر خدها ودخلوا ع طول وكان جوه اصحابها وزمايلها حتي اللواء ومديرها في الشغل وباباها واختها ووليد وعلاء ،دخلت هاجر القفص
علاء راح لاسر
علاء بخبث: اتمني تقدر تثبت برائتها دا لو كانت بريئه اصلا
اسر ببرود: دي حاجه متخصكش وهقدر اثبت برائتها او بتعريف تاني انا قدرت فعلا اجيب دليل برائتها
علاء بخبث: اتمني تلاقيه
اسر باستغراب: القي اي
علاء بخبث : الدليل
سابوا اسر وراح ل وليد
اسر بغضب: وليد التسجيل معاك
وليد باستغراب: اه معايا
اسر بغضب: هو فين
وليد وهو يطلع التسجيل من جيبه : اهو
اسر تنفس براحه اول ما شاف التسجيل
اسر بغضب: امال الزفت دا بيتكلم كدا ليه زي اكنو واخد التسجيل
وليد باستغراب: مش. عارف  يمكن كلام وخلاص
اسر : ممكن فعلا
هاجر كانت واقفه بكل ثقه وشموخ ومش خايفه ولا مهزوزه لانها. واثقه من برائتها وواثقه ان اسر هيقدر يثبت برائتها
💖💖💖💖💖💖💖💖💖
امبارح كان عندي فرح مقدرتش انزل بارت وان شاء الله النهارده هنزل واحد تاني تعويض عن بتاع امبارح